Ring na Chong
1 Arapatak chong ha alui om, chong ha Pathian le alui om suam, chong ha Pathian alui ni. 2 Chong ha arapatak Pathian le alui omchun. 3 A ma jiang anphut phur rakip a ranak alui sin, ankhat om iluisinna ha Pathian ama niluia ite khat om lui kan sin mak. 4 Pathian jiang ringna chong alui om, hale hava ringna ha miring ngai ranga var alui ni. 5 Avar ha ning ajing munna a var, a jing ha ning avar ha luitormak. 6 Pathian in a hong tir mi ankhat a ming ha Johon anti, mingai tak chunga avar chong ngir Sakhi, chuan tho ranga Johon ha alui hong jui. 7 Achong ri a mirakip in an jetna ranga le takngai na ranga ihongke ani. 8 A mako avar ha luini mak, tak-ha avar chong ngir pek ranga iluihong ani. 9 Ramuolla ahong mirakip asat varnarang amahi adik avar ha ani. 10 Chonghan ramuolla alui om, Pathian in ama jiang anphut ramuol alui sin, tak-ha ramuol ha ning amaha luijet mak. 11 Ama a mingai jiang iluihong, tak-ha a mingaining lei lui mau. 12 Mi a lek inko a maha tak an luingai jarra, Pathian naingai an chang theina ranga a man ranak alui pek. 13 Anmani ngaiha ko miring ngai omchan nukjuia taksa le thisennai ni mau, Pathian lungdoa naichang Pathian jak ha an pa anijui. 14 Chong ha miring ahong changa kan karra a om, ama adik le man ritna, a ship, lianpuinaha kan lui mu. Hava lianpuina hako a lungsiat a pasalnai jak ha ani, hava ha apa jiang tenna anphut amu ani. 15 Johon in ama Pathian chung changa a khek a aluiti, “Kei kanuk ahong ama hako kei nek a a lian” tia iri ha a mahi ani, ajarko, “Kei ka hong mak ma aman maton ilui hongrol ani” tia ari Pathian ha hivahi ani. 16 A ma, manritna chung changa a khella manrit naham keini rakip in kan tum jui kan mu jui. 17 Mousi jiang anphut chongjen narang chong apek, tak-ha Jisu Khrista jiang anphut lungsiat manrit nale adik ha alui hong suak ani. 18 Tu khat innom Pathian la mu mau, Pa anga a om, a nai ankhat jak ha Pathian in manjetna ana mannei jui.
Johon Baptis chong choi
19 Jerusalem ma a om Jiwngai, “Nang tumo?” Tia chong dingkel na ranga thiampungai le Levingai anhongtir pha, Johon in ari ha hi ani; 20 Johon in a thianga alui ri suak, “Kei Khrista ha ni making.” 21 “Hanko nang tumo nani? Elija mo nani?” Elija mo nani?” Tia anding kel, han Johon in avasanga, “Nimaking”, han anmanin vei khat anding kelret, “Nang Pathian chongphuang ha nanimo?” A man a sang, “Nimaking” a ti. 22 Anmanin ama jiang anti, ‘Keini ana juangtirngai jiang sangna ranga, nang na binga imo ni kanti? Tumo nani keini jiang na man jetro’. 23 Johon in alui sang, Isaia in aluiti, “Pathian chong ri nuk juia Pathian lam ha mandikru! Tia ramtong na a om mikhat in rasa a shanga ikhek ha kei kani.” 24 Anhongtir mingai ha Pharisingain an luini. 25 Anmanin Johon jiang an dingkel, ‘Nang Khrista ham, Elija ham, Pathian chongri ham nanimak inko, ijarra mo mingai baptais na man tho?’ 26 Han Johon in anmani jiang alui sang “Keiko tuija baptais ka tho, anin nom nang nin nan jet lui nan karra a ngir an khat a om. 27 A ma nuk a ahong rangke; kei ko ama kekok ruiha kasui tor rang om ka rahui nimak” a ti. 28 Hivahin Johon ning baptais amanthona Jordon tuidung va ralla, Bethani hin alui suak omchan ani.
Pathian belram
29 Khuo ahon var suale, Jisu ni ning Johon a kolla a hongha amu a alui ti, “Enru, ramuol siatna achoi Pathian alungnem belramteha hin a om,” 30 kein kalui ri, “Kei kanuk ahongmi ankhat ha kei modona alui omsa ani, ajarko alui omsake ka luiti ha ama ani.” 31 Kein ama tumo ini rang luijet making, tak-ha Israel mingai ning ama anjet na ranga baptais amantho na ranga kei kahong ani” 32 Johon ning chong ngir shakhi a pek, “Kein thavang ha khunu anga chung vanna anphut a hong chum kamu. 33 Hiangkhan kein lui jet making, tak-ha baptais ka man tho ranga a na hong tir puma han ana ti, nang in thavang ha mi ankhat chunga alui hong chumma a om ni mu rang ke; Ama ning Thavang Thianga baptais namantho nati.” 34 Hava “Kein ama chunga ka mujui, hale kein kamanjet rang ke, amahi Pathian nai ani.” 35 Khuo ahong var suale Johon atirlon anni le vei khat anlui ngirra, 36 Jisu a hongha a mu karra, “Enru Pathian alungnem belram so!” Ati. 37 Anukjui anni ngain anri ha an ngai a Jisu anuk anlui jui. 38 Jisun a hong kanheia, a mu han anmani jiang ading kel, “Nang nin imo nantok”? Han anmanin anluisang, ‘Rabbi nang hon mo na om?’ 39 A man alui sang, “Hong innang hong enru, hiva jarra anmanin an chea a omna mun ha an mujui, havani tenna ama le om suam na anlui nei,” ajarko nitaktiang aluini, pung manli tang aluini. 40 Johon a chong ri an ngaia, Jisu a nuk jui ankhat hako Simon, Pitar a naipangpa Andrew ani. 41 A man a rapa tak a u Simon a mu a, ama jiang alui ri, “Keini Mesaia kan mujui, Mesaia tiko Khrista tina ani.” 42 A man Simon ha Jisu jiang alui hong tuanga Jisu ning a en na ati, “Nang ko Johon a pasalnai Simon nani,” na ming “Kephas” tinanti. Tiko Pitar tinanti, hivahi lung tinam ani.
Jisu ning Philip le Nathanael a kui
43 Khua a hong var Suale Jisu ning Galili tiang che ranga alui ngaidon. A man Philip ha a kan mupuia a ti, “Kei kanuk na juiro.” 44 Philip ha Pitar le Andrew omna Bethsaida khopuia alui om mi anni. 45 Philip in Nathanael a mua, ama jiang a luiti, “A ma chunga Mousi dan rabu Pathian chong phuang ngain anluisun miha keinin kanmu jui; a mahi Nazaret Jisu, Josep a nai ha ani.” 46 Nathanael in ama jiang a ti, “Nazaret asat ankhat suak tor nati mo? Philip in ama jiang a ti, “Hong innang hong enro.” 47 Jisu ning Nathanael a kolla ihong ha alui mua ama chung changa chong alui ri, “Enru, adik tak Israel ngaimi khatso, a chunga adik lui ite khat om mak.” 48 Nathanael ning ama jiang a ti, “Ija mo ninajet kei hi?” Jisu ning alui sang, “Philip in ana biakmak ma han thei chang kung thuaia na om lai kein kana luimu.” 49 Nathanael ning ama jiang alui sang, “Rabbi, nangko Pathian nai, Israelngai Rengpa ha nani!” 50 Jisun a ti, “Theichang kung thuaia na omlai kana mu kati jarra tak na ngai mo?” Nang in hiva nek a lian chuan ngai nala mu rang ke. 51 A man anmani jiang a ti, “Kein nang ni jiang adik tak ka nari ani, vanram akan longa Pathian thaneithiang ngain Mi Pasalnai chunga ajuangchum, hale ankal anchum ha nang nin nanmu rang ke.
Kana mui ruai
1 Nithum chang na, Galili ramma kana khuo a mui ruai ut ankhat alui om, Jisu a nu le hava han alui kan chel. 2 Hale Jisu atirlon ngaihaml hava mui ruai han anlui kuia an kan chel. 3 Juha Darkhatui anmanin an neimak phat han, Jisu a nu han Jisu jiang alui ti, ‘Anmani Ju neilai ma u.’ 4 Jisu ning alui sang, “Numei kei ka tho rangha na manjet maro, kei a phat la hong tung mak.” 5 Jisu a nu han suakngai jiang a ti, “A man nangni jiang ari rakip ha thoru.” 6 Hava mun na han lungbel somni somthum akengtor bel ka ruk alui om. Jiwngai kan jot na nuk juia kan rasuk thiang na ranga an nek rang ani man kan thiang na ranga an nei manrang ani. 7 Jisu ning suakngai jiang alui ti, “Hava bel ngaihi tui mangsipru;” han anmanin tui asip khan anhap jui. 8 Hava phat han, Jisun anmani jiang a ti, “Atun tuiha thir in lang chakthopu jiang choiru.” 9 Anmanin an choi chakthopu ngain ning tuiha ansit phat han, ju alui hong chang jui, anmani ning hon na anphut an lui hong choi tiha lui jet mau. Tak-ha suak ngainko tuia an phut athirha an lui jet. 10 Hiva jarra a man muipa akuia alui ti, “Mirakip in ama sat Ju atui tak-ha an kan pek, hale mingain lung khop anlui inhan alekko atomdet anlui kan pek jui; tak-ha nang in a tun tunga asat tak Juha nalatet.” 11 Hava chuanlian angakpa amasat itho hi Galili ram ma kana khuo a alui tho ani. Hava mun na ama lianpui na aphuanga thimruoingain ama takngai na anlui nei. 12 Hiva suale Jisu a nu le, hale thimruoingain kapernahumma anlui che. Hava mun na nikhuo a sot anlui om.
Johon chongsat rina
13 Jiwngai Kanna kheng buban ranga a pha ahong nai jarra Jisu Jerusalem ma alui che. 14 A man biak inna serat, belram, innkhunu ajuar ngaile Peisa chuai kaingain tebol la an lui ong ha a mujui. 15 A man ruivok mol a sin na, biakinna anphut Serat, belramngai ha anot chai, hale Peisakai mingai ha’m an tebol ngaiha amalet pe jui. 16 Khunu ajuar ngai jiang aman a ti, “Hinna an phut hiva phur ngaihi choinang suaktaru! Ka pa inn hi phur le pai juarna inn manchang maru.” 17 A ma thiamruaingai ning an lui ngaidon chong thiangin aluikanjiaksa anga, “Kein na inn hi ka lungsiat, O puma, ka lunga akange”. 18 Jiwngain ama jiang an lui ti, “Nang in hiva chuan tho torna ranak ninei jarra keini jiang ho anga chuanlian jetna ranga nina man mu?” 19 Jisu ning alui sang, “Hiva Pathian inn hi manmangru, hale kein nithum sunga sinkhirtor kati.” 20 “Hiva biakinn hi an sinna kumhi kum sommanli lei karuk anlut, nangin ni thum sunga nasinkhir tor rang mo?” 21 Tak-ha Jisun a taksa ha biakinn a man changa alui ri ani. 22 A ma thina tenna anphut a thui khirsua phat han, thiamruoingain hiva iluiri hi an lui ngaidon; hale anmanin chong adik hale a man a luiri chong ha tak an luingai.
Jisun mirakip i man jet
23 Kanna ut kheng buban a om lai Jisu Jerusalem ma a om sunga a man angakpa chuan a tam a luitho ha anmanin an mu jarra mitamin ama takngai na an lui nei. 24 Tak-ha Jisu a tak tak in anmani jiang tak luiman ngaidon mak, ajarko aman mirakip a jet. 25 Jisun mirakip lung sunga imo a om tihi ajetver ani jarra tu khat in num ama jiang mingai omchan manjet rang om mak.
Jisu le Nikodimas
1 Jiwngai lam kai pu, Pharisi ngai karra a ming Nikodimas anti mi ankhat alui om. 2 A ma jankhat Jisu jiang alui honga a ti, ‘Rabbi, nang Pathian jiang an phut alui hong oja khat nani tihi kein in kan jet, ajarko Pathian in kanruaipui luiako tu khat innom natho chuan angakpa ngaihi tho tor mau.’ 3 Jisun alui sang, “Adik tak kirike; tu anin nom a tharra nai a chang mak aninko Pathian rengramma lut tor noniu.” 4 Han Nikodimas ning alui dingkel, “Mi ankhat in atar nuk a ija mo a tharra naite ichang rang? A man veini tunga anu von sunga lut naite anga hong kanjirtor nati mo?” 5 Jisun a sanga, “Kein nang jiang adik tak ka na ri ke ani, tui le thavang an phut akanjirmak miha tuachang in num Pathian rengram lut tor noniu. 6 Taksa an phut an nei ha tak sa ani, thavang an phut an nei ha thavanga ani, 7 Nang a tharra nai nichang rang tia ki na ri hin ngak maro. 8 Semthining a rang jotna han arang, nang in hava rasa na jet, tak-ha nangin hontiang mo ahong phut hontiangmo a che jet mache, ha ang han thavang phut nai ichang mirakip anitheirang ani.” 9 Nikodimas ning alui sang, “Hiva ngaihi ija mo ihongnitor rang?” 10 Jisun a ti, “Nang Israelngai oja alian khat nania hivahi jet tor mache mo? 11 Kein a thiang ki na ri ani, keinin kan jet ha kan na manjet keinin kanmuha kan na ripe ani, tak-ha nang nin kei ka chong ri ankhat om luijot ma cheu. 12 Kei hiva ramuol chung changa kirihi nang nin tak nan ngai mak aninko, vanram chong ka ri phat han ijamo nang nin tak nan ngaitorrang? 13 Chung van tenna anphut a hong chum Mi Pasalnai ama niluia tu khat innom chung vanna ache la om ma cheu.” 14 Mousi ning ramtong mun na rul an khat aluidomma alui makhai anga, Mi Pasalnai ham an ma khai rang ke. 15 Ajarko tu ang mi ning ama takngai rakip in kumsot a ringna nei nati. 16 Ajarko Pathian in hiva ramuol hi a lungsiat jarra a pasalnai ankhatjakha ana pek jui. Tu aninnum ama takngai rakip in amangti om noning, tak-ha kum sot ring na nei nati. 17 Ajarko Pathian in ramuol la chong tanranga a nai a hong tir nimak; tak-ha ramuol hi santhei na ranga ihongtir ani. 18 Tu anin nom Mi Pasalnai takngai rakip ko chongtan na om mak, hale tu a chang innom takngai lui rakip ko chongtansa ani jui. 19 Chongtan chuan ha ani; tiko var ha ramuol a hong tung, tak-ha mingain adik lui chuan an tho jarra, a var ha nek om a jing ha andeijui. 20 Chuan dik lui a tho rakip in var ha anmatir, hale a chuan dik lui itho ha nadonati tia a var han hongjotmau. 21 Tak-ha adik chuan a tho tu angin Pathian jiang chuan kithoke ti ha phuang a dona ranga a var han an hong ani.
Jisu le Johon
22 Hiva suale Jisu a thiamruoingai le Judia ramtiang an lui che. Hava mun han ama phabongkhat aluiompuia, tui alui man lut alui man tho. 23 Johon ning salim a sirra a en na tui atam jarra hava mun han mi an hong ngaiha tuiamanlutjui. 24 Hava phat han ko Johon hi ren inn na lasiak ma u. 25 Johon a thiamruoi aviar le Jiw an khat le chong kandingkelna, man thiang na chung chang a kan biakna ankanneijui. 26 Hiva jarra anmani Johon jiang an lui honga an lui ti, ‘Rabbi, Jordan va ralla nan luiomsuam ama jarra chongir nipeksa mi ha a tun tui amanlut a a om, hale mirakip in ama jiang an che jui;’ 27 Johon nin a sang, “Chungvanna an phut Pathian in ihongpek ni lui a mi ha ning i om tho tor noning.” 28 Kein nang ni jiang ka lui ti, “Kei Khrista ha ni making, tak-ha a man a masat inahongtir ani tihi nang ni nan tak tak in kachongir shakhi nan ni.” 29 Muinuha muipata ani, muipa asap ha a sirra angirphahan, muipa rasa ha a jet han a ning asat; hinga hin kei ningsat na ha lung khopna ani lungdo a man tung. 30 A mako i hong kan son rang, hale keiko ka hong sinmemen rang a suak.
Chung vantenna i hong
31 Chung vanna an phut i hong ama ha ning i rakip karra a lian tak ha ani; ramuol la an phut ani mi ha ramuol ta ani, hava jarra ramuol ranga chong ha a man a ri. Chung vanna an phut i hong a maha irakip karra asangtak ani. 32 A man imusa, i jet sa chong ha a ri, tak-ha tukhatnom a chong lui pe ma u. 33 Tu a chang innom ama chong alui mi han Pathian hi adik ani tia a man dikjui. 34 Pathian in ihongtir mi han, Pathian chong a ri, ajarko Pathian in ama chunga arathaha lungdo tunga alui pek. 35 Apan a pasalnai ha a lungsiat, an khat om a kut chunga i rakip ranak neinaranga a pek jui. 36 Tu a chang innom a pasalnai takngai mi han kum sot ring na nei nati; tu a chang innom a pasalnai takngai lui mihan ring na mu noning, tak-ha Pathian lung nat ha a chunga om nati.
Jisu le Samarija Numeinu
1 Jisun Johon nek a tam lam mitam tui amanlut a athiamruoingai a tam a sin jui tihi Pharisingain an jet jui, ti chong Jisun alui jet. 2 Adik tak a, Jisu a tak tak in tu khat om baptais manthomak, atirlon ngain an tho ani. 3 Hava phat han, Jisun Judia ram a mak a Galili tiang alui kanlejui. 4 -5 A man aluikanle tiang Samarija ram sunga khopui ankhat sychar anti han a tung jui. Hava mun ha Jakob in a pasalnai Josep jiang iluipek ram a her kolla ani. 6 Hava mun han Jakob tuikhur an khat alui om, Jisun lam ma alonhan aluipongjui. Hava tuikhur sirra han a ong jui, hava pha sunchimlai tak alui ni. 7 Samarija numei khat tui thallang alui hong, Jisun a ti, “Inranga tui napekro.” 8 Thiamruoingai khuo sunga nek ranga phurchok an lui che. 9 Samarija numei han alui sang, ‘Nang Jiw khat na ni chak a kei Samarija kei jiang ijarra mo tui in ranga ninalam?’ Ajarko Jiwngain Samarija mingaihile kansit chak le inna kan chun jot mak. 10 Han Jisun aluisang, “Nang in Pathian kutchoi pek ha na jet, hale tui in ranga ana lui lam a maha na lui jet aninko, nang in ama jiang ni lui lamrang ani. Hale a man ringnatui inalui pek rang ani.” 11 Numeihan a ti, “Puma nang in luak na rang i om nei mak che, hale tuikhur hi om athup; hava ring na tui ha hon mo ni lui rang? 12 Kan pa kan pu Jakob in hiva tuikhurhi a na luipekjui; ama le a naingai, hale innsial ngainom hin na an phut tui an lui in, ama nek a nangmo niliandet?” 13 han Jisun a sang, “Tu achang innom hiva tui a in rakip in antui vei khat ralret nanti, 14 tak-ha tu a chang innom kei jiang an phut kipekrang tui a in miha a tui veikhat antui ralret lai noning; kei ki na pek rang tuihako, ki pek mi a tak chunga a torti buia i hong suak tuiril put anga hong chang nati. 15 Numei ha ning a ti, Puma, katui veikhat aral mak na ranga, hava tui ha napekro.” 16 Jisun numeinu jiang a ti, “Cheinlang napasal hong tuangro, hiva mun hin.” 17 Numei ha ning a sanga, “Kei kapasal Kalompa nei making,” Jisun a ti ret, “Nang in Pasal na lompa nei making natihi adik narijui; 18 Nang in lompa ranga na nei, atun niompui miha na lompa adik tak ha nimak; nang nari ha adik khet ani. 19 Han numeinuhan a ti, “Oja nang Pathian chong phuang khat na ni tihi ka jet.” 20 Kan pu kan pa ngain hiva tangbunga hin Pathian an lui lam, tak-ha Jiw nang nin, ‘Pathian lam na rang a mun ha ko Jerusalem ani’. 21 Jisun numeinu jiang aleiti, “E numei, tak nangairo. Mingain hiva mun na, Jerusalem ma aninnum na pa lamak rang a pha i la hong rang ke.” 22 Nang ni Samarija min nan jet chilluiha chubei nanbuk, keini Jiwngai tu mo chubei kanbuk ha kan jet, ajarko Jiwngai jiang an phut ringnahi i hong ani. 23 Tak-ha a pha a hong tung jui, a tun nom alani, adik chubeibuk ngain Pathian ha adik tak le thavanga lam na rang pha ani jui, hinga chubeibuk rang hi Puma ning a dei ani. 24 Pathian hi thavang ani, hale ama chubeibuk mingain adik le thavang chubei anbukrang asuak. 25 Numeinu han Jisu jiang a ti, “Khrista anti Mesaia ha ahong rang ka jet; ama ahongphale i rakip na man jetnati.” 26 Jisun alui sang, “A ma ha nang jiang chong a ri ha ani.” 27 Hava lai tak han a tirlonngai ha an lui hong tung jui, hale anmanin ama numei an khat le an kan biakha an mu han an lui ngak, aninnum, tu khat innom numeinu ha, “Imo na dei?” Luitimau, hale Jisu jiang, “Ita mo ama nikan biakpui?” Tiom dingkel ma u. 28 Hava phat han, numei ha ning atuiphul a mak a rak tak a tan na a chea mingai jiang alui ti, 29 “Kein kiluitho rakip a renga anajetpet miso hong in lang hong enro! amaso Khrista alui ni rang mo?” 30 Anmanin khopuia an phut an hong suak Jisu jiang anlui che. 31 Hava lai tak han thimruoingain Jisu jiang an hong ti, “Oja, bu hong nek taro.” 32 Tak-ha a man alui ti, “Nang nin nan jet lui bunekrang kei ka nei,” 33 Hiva jarra Thiamruoi ngain ankhat le an khat an kan biak, “Tu ang mi ankhat in bu nek rang nan hong choipemo?” 34 Jisun anmani jiang a ti, “Kei bu ha ko anahongtirpu lungdo athopu, ama chuan asat ithotor ngai hake anni.” 35 Nang nin, chang atnarang thamanli ala om, nanti, kein nariperong; Nanlu dom in lang khua thir in lang luiso enru; “chang aminsuajui, atpha a tung jui.” 36 Chang atpu han chuan sin loman amu, hale kum sot ring na rang chang ha aman chun; Hale alingpu le atrangpuha ningsat na ranga ani. 37 Ajarko “Mi ankhat in a linga, midang ankhat in a atke ani,” tihi adik ani. 38 Mi dang khat in chuan an luisin ha, nang nin chuan nansin mak na luimun han chang atranga kein nang ni kinatirke; Anmani karra nang ni ning a nem na nan mu jui ani. 39 Numeinu han, a luiti, “A man ka lui tho chuan rakip inaleiripe jarra Samarija khopui mitam tak in Jisu ha tak an ngai jui.” 40 Hiva jarra Samarija mingai ha Jisu jiang an lui hong, ama le om suam ranga an luiti phan Jisun anmani le nini alui om pui. 41 Mitam lamin Jisu chongrijarra tak an luingai. 42 Anmanin numeinu jiang anti, “Keini tak in a chong ri kan jet jui, a mahi ramuol la san ring neipu adik tak ani kan jet tak kan ngai ani.
Jisun chuan a tho nai khat imandam
43 Hava mun han Jisun nini a om suale Galili tiang alui che jui. 44 Ajarko Jisu a tak tak in a ti, “Pathian chongphuang an khat hi ama ram sung min chitlejak luinei ma u.” 45 A man Galili a tung phat han, mingain an luidon, ajarko anmani tak innom kanna ut ranga Jerusalem ma an lui chea Jisu chuan rakip ha an lui mu. 46 Hiva jarra Jisun tui ha Ju iluiman chang na khuo Galili ram anti kana han aluikirjui. Hava ramma chuanput mi ankhat Kapernahumma a om a nat nai an khat alui om. 47 Hava mi han Judia ram ma inphut Galili Jisu jiang achea, anai thi ranga atho a om ha mandam na ranga kapernahumma hong na rang alui dingkel. 48 Jisun ama jiang a luiti, “Chuanlian an khat om angakpa chuan ngai nan mu mak aninko tukhat innom takngai na neino niche u.” 49 Chuan thopu han a ti, “Oja, ka nai athi mak ma hongro che ri.” 50 Jisun alui ti, “Chero, na nai aringrang ke!” mipahan Jisu chong ri a tak a ngai a a che jui. 51 A inn lam tiang akanlea achehan lam ma asuak ngain an kan tongpuia an luiri, “Nanai ha ring rang ani jui.” 52 Jisun ama jiang a ti, “Nanai ring rang ani jui.” Aripha tak han a pan ngaidon na alui nei. Hiva jarra ama le a inn sung mirakip in tak an lui ngaijui. 53 Pasal ning a hong ngaidonjui hava phat ha Jisun alui ti phat tak-ha alui ni. 54 Hivahi Judia ram ma inphut Galili ram ma ahongsuale Jisun Chuanlian veini chang na alui tho ani.
Tui khur sirra a nat imandam
1 Hiva suale Jiwngai khengbuban an khat a lui om, Jisu Jerusalem ma alui che. 2 Jerusalem ma han belram kotkunga tuikhur chumna lam ranga a kan long a om; hava ha Hebru chonga “Bethazatha” anti. 3 Hava tuikhur chumna lam ngai han, a mitdel, akekiak, a tak sa sual, a nat mitam an lui jalla tui kan nok ha an ngak an lui om. 4 Ajarko Puma chungvan na thaneithiang ankhat in hapkhat hapkhat tuikhur han a hong chumma tuiha sing a mansat; tui ha sing asat lai tak tuang mi ning man a chumma asit aninko, anat naha hava han an phut damna huina an lui nei. 5 Hava mun han kumsom thum lei kariat tunga a taksa anat mikhat alui om. 6 Jisun hiva miha a mu phat han, hava miha phasot tak a nat a jet ama jiang alui ti, “Nang nadam jotmo?” 7 Anat mi han a sanga, “Oja, Tui hi sing sat phat han tui sunga lut na rang karra a na ruai rang tu khat om nei making; kei valutrong tia ka hong karra midang khat inman aleikaia ana lutde ani.” 8 Han Jisun ama jiang a ti, “Thui innang, na jalna napher lui in lang chetaro.” 9 Hava lai tak hava anatpa ha a dam ajalna pher a luia ache jui. Hava nikhuo ha sernikhuo alui ni. 10 Hiva jarra Jiwngain mihajiang an lui ti, “Atun hiva sernikhuo hin nang in na jalna pher naluia adik lui dan chuan nitho ani.” 11 A man a sanga, Kei anamandam mi han kei jiang a ti, “Najalna pher lui innang chetaro!” 12 Anmanin an lui dingkel ret, “Nangin na jalna pher lui innang chetaro anati miha tumo ani?” 13 Tak-ha a nat amandam miha ning Jisu ha tumo ani tia luijetma, ajarko hava mun na han mi antam jarra Jisu ha alui suak jui. 14 Hava suale Jisun ama ha biakinna a mua ama jiang a ti, “Enro, na dam jui; natak chunga akhella asatlui ommak na rang siatna tho lai maro.” 15 Hava phat han mipa han Jiwngai jiang alui chea Jisun imandam ha ahong manjet. 16 Jisun hiva mi alui mandamhi sernikhuo aluini jarra Jiwngain ama tak chunga lung kan nokna an phut jui. 17 Hiva jarra Jisun anmani jiang alui ti, “Ka pa ning anitin nachuan asin jarra kei ning om kasinrang asuak.” 18 Hiva jarra hiva ruia, Jiwngai ama a khella an lui thatjot; Ajarko a man sernikhuo hin dan isetjak niluia, a man Pathian ha apa imanchang, Pathian le ama ikan angpui mo ani.
Jisun a pa ranak jarra chuan tho torna a nei
19 Hiva jarra Jisun anmani jiang alui sang, “Kein adik tak ka ri ani, nai ha ning a binga i om thotormak. A man apa chuan tho ngaiha amujak ha ithotor ani. Apan a tho chuan ha a pasalnai han nom atho ani.” 20 Ajarko pa ning a pasalnai a lungsiat an khat om atho chuan rakip ama jiang aman mu; a man hiva nek ithorang chuanliandet ina man muranghi nang nin ngak nanti. 21 Ajarko apahan athi ngai ha aman ringkhirra amanthui, hava ang han nai han nom aman ringkhirjot, anmani jiang ringna a pek. 22 Pahan tu jiang om chong tanmak, chongtan na rang i rakip a man naichunga ranak a pek jui ani. 23 Hiva jarra mirakip in apa anjak anga anai ham an chit anjak rang, tu achang innom a pasalnai chit le jaklui miha, ajuangtirpu apa ham chitlejak nei lui anni jui. 24 Kein adik tak ki na ri ani, “Tuachang innom ka chong ri ajet anahongtirpu tak a ngai miha ning kumsot ringna nei nati, ama ko thina an phut ringna a nei jui, hale chongtan na han kan chel lai noning. 25 Kein nang ni jiang adik tak a ki na ri ani,” a thi mingain Pathian nai rasa an jet phat han, a thi ngai ringna rang pha ha a hong tung jui, a tun nom alani. 26 A pa abinga ringna kung achang anghan, a pasalnai in num abinga ring na kung achang na rang aman a sin jui. 27 An khat om nai ha Mi Pasalnai ani jarra chongtan na ranak achunga a man alui pek. 28 Hivahi ngak maru, ajarko a thi rakip in than khurra an phut ama rasa an jet phat han; 29 Anthan khurra an phut an hong suak na rang pha ilahongtung rang ke; chuansat atho ngaiha ringkhir ranga thui khir nanti, hale adik lui atho ngaiha chong tannaranga hong thui khir nanti.
Jisu chunga chong ngir.
30 Kein kabing jak i om thotor making; Pathian ana manjet nuk juia chong ka tan, hava jarra kei ka chong tanko adik ani, ajarko kein kideiha tho rang tia kansiat making ngaidon making. Tak-ha kei ana hong tirpu ama adei jak ha kathoke ani. 31 Kein ka binga kachongngir shakhi kakanpek aninko, ka shakhi chongngirha adik lui ani tia ka lui. 32 Tak-ha midang an khat in kei ka ruia chong ngir a pek khat a om, a man kei ranga chong ngir a pek ha adik tia kein ka jet. 33 Nang nin nan chong choi Johon jiang nantir, hale Johonin adik chong ngir alui pek ani. 34 Hivahi mi ankhat chong ngir ranga ngirrong kitina nimak, nang ni na sanring na ranga ka ri ani. 35 Johon thaimei mei var ankhat anga, ka suak kavar, nang nin ama varha pha bongkhat jak na man huipui. 36 Tak-ha Johon chong ngir itho nek a alian det kachunga chong ngir ankhat kein ka nei; Kapan ki tho rang chuan a na pek ha kein ka tho, ka Pan ijuangtir ham chong ngirna a pek. 37 An khat om, kei ana hong tirpu ka pa nom ka ruia chong a ri, nang nin ama rasa lui jet ma cheu. 38 Hiva jarra a chong ha nan lung sunga om mak, ajarko ama ahongtirpuha nang nin takngai mak che u. 39 Nang nin chong thiang rabu sunga kum sot ringna kan mu rang tia nan jet nan hong, hale hava ngai han ka chunga chong an ri. 40 Atun tunga ringna muna ranga kei jiang hongjot mak che u. 41 “Miringain an na manpak hi kein dei making. 42 Tak-ha kein nang ni kanajet, nan lung sunga Pathian lungsiat na om mak tihi kein kanajet. 43 Ka pa chong a nei ranak le kan ruaia kei ka hong jui, tak-ha nang in kei naleilui mak che u. Mi ankhat abinga inei ranak le kan ruaia ahong inko, nang nin ama nanlei lui rang ke. 44 Nang nin ankhat le ankhat kandomsang rang nan dei, tak-ha Pathian ankhat jak jiang an phut ahong ha domsang rang ko dei mak che u; hiva jarra nang nin ija mo tak nanngaitor rang? 45 Kein nangni ha ka pa jiang nanlalna ha a pek rangketia ngaidon maru. Mousi ning nang ni lalna ha ana pek ani. 46 Adik tak nang nin Mousi ha tak nanngai aninko, kei tak nan na ngai rang ani; ajarko a man keichung chang a chong an lui jiak. 47 Tak-ha nang nin ama alui jiak ha tak nanleingaimak jarra, ija mo kei chong tak ha nan ngaitor rang?”
Jisun mi lising ranga avai
1 Hava suale Jisun Galili anti pat Tiberea tiang akanna alui che. 2 Mitam tak in ama nuk an lui jui, ajarko Jisun mi anatngai a man dam ma chuan a dang a tho ngai ham anmanin an lui mu. 3 Jisu tangbunga alui kalla atirlon ngaile an lui ong suam. 4 Jiwngai kheng bu ban ranga a phat aluinaijui. 5 Hava chong ha Philip jiang man kan sin na ilui tike; Adik tak ko, a man atho rang ha alui jet. 6 Jisun philip jiang alui ti a man a tho rang rakip ha ko aluingaidonjui. 7 han Philip in alui sang, “Ruphai Dinnar reania tal anchok aninnum mi rakip hi aviar aviar an chak aninnum khopno niu. 8 Thiamruoingai karra a dang khat Simon, Pitar a naipangpa Andrew ning alui ti,” 9 “Nekthei, chak thei tal ranga le nga anni a nei reathar nai pang ankhat hin a om. Tak-ha mitam hi jat ranga hiva jak hin na ija mo ihunrang?” 10 Jisun a ti, “Mi ngaiha man ongru.” Hava mun ha thingthui tam om na aluini hiva jarra an renga lising ranga angduk an lui ong. 11 Jisun tallom ha a luia Pathian amanpak hale a ong mingai jiang han an lui sem pe. Nga ham a kan ang rip an luia anmanin an dei nuk juia an lui chang. 12 Anmanin an renga ankhopsua phat han, Jisun a tirlonngai jiang a ti, “Anchak bang a nek anoingai mang ma rase, khom chunru” a ti. 13 Hiva jarra anmanin a renga anrutsuan, tal a pek ranga le nga anni ha mirakip in anchaksua aliambang anek anoiha luk somleini sip khan anluirut ani. 14 Mingain atho chuanlian a ngak pa ha an mu karra an luiti, “Suai luia amahi ramuol la chong phuangrang ihongha ani.” 15 Jisu ha a jot jot mak reng manchang ranga, anmanin churranga, an hong ha Jisun a jet tangbung chunga a binga akantiarra ache jui.
Jisu Tui chunga a lon
16 Nitak a hong tung phat han, thiamruoingai ha pat tiang an hong suak. 17 Rokuanga han an chuanga Kapernam pat an khat tiang an lui kanlejui. Jan a hong chim phat han, Jisu ko anmani jiang luihongmak. 18 Semthi a tam a hong ranga tui alui kan nok. 19 Thiamruoi ngain mail an thum manli ang han anhongphahan anmanin Jisu tui chunga alui hong lon na anrokuang tiang ahong ha an mu karra anmani an lui chitjui. 20 Jisun anmani jiang a ti, “Chitmaru, kei ke ka ni.” 21 Anmanin rokuang chunga ningsat tak an man chuanga, a rak tak an tung jot na mun na han antungjui.
Mingain Jisu an tok
22 Jankhuo a hong varphahan, pat a dang khat tiang a om mingain rokuang ankhat jak a om ha an lui mu. Thiamruoi ngain Jisu kan chel luia anmakha mingain an jet. 23 Tak a chang innom Tiberia an phut rokuang a hong ngaiha Puman manpak na alui pek suale mitamngain tal anchakna mun han an lui hong tung. 24 Mitamngain Jisu le a thiamruoingai ha om lai mau tihi anjetphahan, anmanin rokuang sunga an lut, Jisu muna ranga Kapernam tiang an che jui.
Ring na Bulom
25 Mingai ning Jisu ha pat ankhat tiang han anmuphahan an lui ti, “Oja, hiva mun hin itiklai na luihong?” 26 Jisun a sang, “Kein adik tak ki na ri ani; Chuanlian angakpa nan mu jarra nan hong nimak, bulom nan chak, nankhop jarra nang nin nan hong ani. 27 Amangrang bu jarra chuan sinmaru; hava rahut kumsot ringna rang bu jarra chuan ranak sinru, ajarko hava bu ha Mi Pasalnai ha ning ana pek rang ke, ajarko Pathian ning ama chunga chong ngirna ana pek jui.” 28 Hava han anmanin an lui ti, “Keinin Pathian chuan kan sin na ranga imo kan tho rang?” 29 Jisun a sang, Pathian in nang ni ina man tho jot chuan ha hi ani, “A man ahongtir miha takngairu.” 30 Anmanin anti, “Keini kannamu phat han nang tak kan na ngai na rang chuan imo ni tho rang?” 31 Chong thiang in ari; “A man an nek rang bulom chung van na an phut a hong pek anga kanpukanpa ngai om ramtongnava manna an lui pek ani.” 32 Han Jisun a ti, “Kein adik tak ki na ri ani; Mousi ning analei pek bulom ha chungvan na anphut nimak; Chungvanna an phut adik tak bulom ha ka Pan anphut anahongpek ani. 33 Pathian ina pek bulom ha ko chung van na anphut a hong ama ha ani, a man ramuolla ringna a na pek.” 34 Anmanin ama jiang an luiti, “Oja, hava bulom ha amunle pha rakip keini jiang napekro.” 35 Jisun anmani jiang aluiti, “Kei ringna bulom ha kei kani, kei jiang a hong miha itik anin nom voncham tiha om lai noning; kei tak ana ngai miha i tik aninnum a tui rallainoning. 36 Tunko kein nang ni kana manjet ani; ‘Nanmujui, tak-ha, tak nangai mache u;’ 37 ka Pan ina pek rakip kei jiang hongnanti, kei jiang a hong miha kein luinotchai noning. 38 Ajarko kei anahongtirpa lungdo kathonaranga chungvan na an phut kei ka hong ani, kei lungdo thona ranga ka hong chang mak. 39 Anajuang tirpupa ina man thojot ha hi ani; Aman kei jiang ina pek irakip manmang luia a torna nikhuo han arenga manring kata kimanthuirang ani. 40 Ajarko Mi Pasalnai amua tak angai rakip in kumsot ringna anneinarang, hale a torna nikhuo han kikeituirang anmani ngaihi ka pa lungdo ha ani. 41 Jisun a ti, “Chungvanna anphut ahong bulom ha kei kani;” Jisu han hava chong a ri jarra Jiwngai lunghuiluina an nei jui. 42 Anmanin anti, “Josep a nai Jisu ha ama hi nimak mo? Keinin a nu le a pa kan jet; ha aninko, a man ijamo chungvan na anphut ka hong ati?” 43 han Jisun a sang, “Nan binga nang ni nan kan biak sitsit ha bangru.” 44 Ka pa, ana hong tirpuning kei anahong ruaimak aninko, tukhat in num kei jiang hongtor mau. Hale ahong miha atorna nikhua han kikei thuirang ani. 45 Chong phuang ngain hingahin an lui jiak, “Pathian in mirakip iman jet luininati, tu achang innom ka pa jiang anphut chong a jet, ankhat om akan chu miha kei jiang a hong ani.” 46 Tu angin ka pa ha amu jui tiha nimak; Pathian tenna an phut a hong ama niluia tukhat in num ka pa ha lamu ma u. 47 Kein adik tak ki na ri ani, “Atak ngai miha ning kumsot ringna anei jui ani.” 48 Keitak hi ringna bulom ha kani. 49 Nanpu nan pa ngain ramtong na ram hang mun na manna ha an lui nek, tak-ha anmani an luithi. 50 “Tak-ha chungvan na anphut a hong bulom hiko tu a chang innom a nek rakip thinoniu. 51 Kei chung vanna anphut ahong ringna bulom ha kani. Tu a chang innom hiva bulom a nek miha kumsot ring nati. Hale kein ama jiang ki pek ranga bulom ha ka taksa ani, hivahi ramuolngai ring na rang ka pek ani.” 52 Hava phat han Jiwngai tiko anmani masia sunga lung kan nokna an luiphutjui; “Ija mo hiva mihin nek ranga ana pek tor rang?” Tia an lui dingkel. 53 Jisun anmani jiang a luiti, “Adik tak kein ki na ri ani, nang nin Mi Pasalnai a tak sa nanchakmak, a thisen nan inmak inko, nanbi binga ringna neinonicheu. 54 Tu a chang innom ka taksa achak hale ka thisen ain mihan kumsot ringna an nei jui, hale a torna nikhua han anmani ring pumma kiman thuirang ani. 55 Ajarko ka taksa thiang hi butak ha ani. Kathisen hi a thiang tak ani. 56 Tu achang innom ka taksa thiang a chak, hale ka thisen a in mi ha kei jiang a om hale kei ning om ama jiang ka om. 57 A ring chak ka Pan kei inahongtir, hale kein ama jarra ka ring. Hava ang han tu achang innom kei anachak miha kei jarra ring nati. 58 Hiva jarra hiva bulomhi chungvan na anphut ahong ani. Nanpu nanpangain anleichak an thi, hava bulom anga nimak. Hiva bulom a chak miha athitibui a ring nati.” 59 Hiva chong hi Kapernam biakinna Jisun manjetna anga iluiti ani.
Kum sot ringna chong
60 A thiamruoi atam lam ning hiva aringaihi an jet phat han an luiti, “Hiva anamanchuhi a tam a tat, tumo hiva ajettor rang?” 61 Tak-ha Jisun a thiamruoingain hava chong an ri a a jet anmani jiang aluiti, “Hiva hin na nang ni khodengthei na nan neimo?” 62 Ha aninko, mi pasalnai ha alui om na tiang akan le khir nanmu karra, nang nin imo nanti rang? 63 Ringna kana pek ha thavang ani, taksa ko iom a nemna om mak, kein nangni jiangkarisa chong ha thavang le ringna ani. 64 Nan karra takngai lui a lek nan om, ajarko, takngai lui miha tutumo nan ni, hale ama ha tu ning mo mikut chunga ipekrang tiha Jisun amasat a jet jui. 65 Hale a man a ti, “Hiva jarra hin kein kinalui ripesa ani, ka Pa ning ilui jotsa animak inko tukhat in nom kei jiang hongtor noni che u.” 66 Hiva jarra han a nuk jui mitam lamin jui jot lai mau, an nuk an kanlejui. 67 Hava phat han Jisun a thiamruoi somleini ngai jiang a ti, “Nang ni om nannamak jotmo?” 68 Simon. Pitar nin a sang, “Puma tu jiang mo kan che rang?” Nang jiang ko kumsot ringna chong ha a om. 69 Hale a tun nang Pathian jiang an phut a thiang ha nani tihi keinin tak kanngaijui, hale kannajet.” 70 Jisun alui sang, “Kein nang ni somleini hi kinathang suaksa nimak mo? Aninnom, nan karra mi ankhat ko seitan ani.” 71 Simon anai Juda Iskariot a man inapeklut rang ke tia arina chong ani.
Jisu a u a naingai
1 Hiva suale Jisu Galili ram ma aluilon, ajarko Jiwngai that na ranga an hong jarra Judia ramtiang luiche jot mak. 2 Hava lai han Jiwngai kanna ut Kheng buban pha om na rang alui hong nai. 3 Hale Jisu a u anaingain ama jiang an lui ri, “Nachuantho ngaiha na thimruoingain an mu na ranga hiva mun hi mak in lang Judia ramtiang chetaro. 4 Ajarko a kando rang an dei inko, tu khat innom ruk chuan tho mau. Nang in hiva chuan ngaihi na tho ani jarra ramuolmi rakip in na jet raseu!” Anluiti. 5 Ajarko a u a naingai tak innom tak leingai mau. 6 Jisun anmani jiang alui ti, “Kei ranga a pha lahongma, nang ni ranga ko a phat thep ati jui. 7 Ramuol hin nang ni ha namatirtor noning, tak-ha hiva chuan hi satmak tia kein kati jarra an na matir ani.” 8 Nang ni khan na ut munna cheru, kei rang ko a pha la nimak, hava jarra kei hong noning a luiti. 9 Aman hivahi a ri suale a mako Galili mun na a che jui.
Kholai khangna mun na Jisu
10 Au a naingai kholai khangna an che suahan, Jisun nom hava pha han phuang a luichemak, tak-ha mi manjet luia ruk a alui che. 11 Jiwngai kholai khangna mun han an en na, “ama hon mo a om?” An lui dingkel. 12 Mitamngai karra han Jisu ruia mi alek in an luiti, “A mako a satmi ke” hale a dang khat ngain an luiti, “Nimak” a man mitamngai hi adik lui lam tiang aruai jui. 13 Tak-ha Jiwngai an chit jarra tu khat in num phuang a Jisu a ruia chong ritor laimau. 14 Kholai khang ha tangkhai majai a hongni han, Jisu biak inna aluichea a manjet a phut jui. 15 Jiwngai an luiti, “Hiva mihi ning iom kan chu luia ijamo hi ang hin iching, ivarhi?” 16 Han Jisun avasang, “Kein kina manchuhi kei kata nimak, tak-ha ina hong tirpu an phut kihongke ani. 17 Tu a chang innom Pathian lungdo tho rang mihan kimanchuhi Pathian an phut ahong ani nimak hale ka binga kijek jekmaking tiha nan jet rang ke. 18 A ma a bing a ajek a maha ning a binga lianpui na ranga ahong ani, tak-ha ama ahong tirpu lianpui rang a hong a maha chong ajui. Hale adik lui chuan iom neimak. 19 Mousi dan ha nang nin nan pek nimak mo? Tak-ha tu khat innom dan ha juimak che u, ijarra mo kei nathat na ranga nan kan siam?” 20 Mitamngain an lui sang, “Tu ning mo nang nathat rang anti?” Nang nin asatlui Thavang khonam nachoike; an lui ti. 21 Jisun alui sang, “Kein chuan lian tak kathoa nang nin nan ngaidon na nan om. 22 Ajarko Mousi ning nan naingai vun nantanrang chong ana pek jui. Hava Mousi an phut nimak, nanpu nan pa ngain anluiphut ani. Nang nin sernikhuo hin naipangai vun nan tan. 23 Sernikhuo ning hin na nai pang an khat vun tanhi Mousi dan ha akuimak aninko kein sernikhuo hin mi khat kimandam jarra nang nin ka tak chunga nan lung mo inat? 24 Maisua en innang chongtan maru, tak-ha adik tak han chong tanru.”
A ma Mesaia ha mo?
25 Jerusalem ma mi alek in an luiti, “Anmanin that ranga an tok mi ha hiva hi nimak mo? 26 Enru; mitam karra phuanga aman chong alui ri, tu khat innom iom lui ri ma u; lam kai ngain ama hi Khrista ani tihi aching athei lamkai pu ngain adik an hong jetrangmo? 27 Khrista a hong phale hon na an phut ihong, tu khat innom jet noni cheu. Tak-ha hiva mihiko keininko hon na anphutmo ti a kan jet. 28 Jisun biakinna rasa a shanga ilui man chu; “Nang nin kei hi a thianga hon na an phut ihongmo tihi nan jet mo? Kei ka binga ka ranak ka hong chang mak, nang nin nan jet lui adik ama an phut ani jarra ani, 29 keiko ka jet ajarko a man inahongtir ani.” 30 Hava phat han, anmanin churna rang an lui tok, tak-ha tu khat innom churngam mau. Ajarko ama pha la hong tung mak. 31 Tak-ha mipui karra atam lamin ama tak an ngai jarra an luiti, “Khrista a hong phale, hiva mihi ning itho chuannek chuanlian tho tor nati mo?”
Jisu chur ranga an tir
32 Pharisingain mitam karra Jisu tak chunga chong an ri hi an jet jarra anmani le thiampungain Jisu chur ranga anluitir. 33 Jisun alui ti, “Pha bongkhat jak kein nang ni kana ompuirang a nijui. Hava suale ana hong tirpu ama omna mun han kan le rang kani. 34 Nang nin kei natok nanti; tak-ha na mu noni cheu, ajarko ka omna mun han nang ni hongtorno nicheu.” 35 Jiwngai anmani karra anluikanti, “Honmo achea keinin ama kan mu tor makrang? Jiwngai om na Grik khopuia a chea ihong manjet rang mo?” 36 A man atia, “Nang nin kei nanatok rang ke, tak-ha namu noni cheu, hale ka omna mun han nang ni hongtor noni cheu; iti chong hi imo itina ani?”
Ring na rang Tuidung
37 A torna nikhuo han, kholaikhang, Janbukheng ban nikhuopui nihan, Jisun a ngirra rasa shanga a hong ti, “Tu achang innom a tui aral aninko, kei jiang hong sennang hong in rase. 38 Chong thiang in ari anga, tu achang innom kei tak ana ngai miha ama lung sunga an phut ring na tuidungha lonnati.” 39 Jisun hiva irihi ama tak angai mingain nuk a thavang imunarangha iluiti ani; ajarko ama lianpui na iluimumak jarra, thavang ha hava laitak lui hong pe mak.
Mingai karra, Akankhuisen
40 Mipui karra mitam tak in hiva chongngai hi an jet phat han, mi alek in an luiti, “Hiva mihi adik tak chong luiriha ani.” 41 Herkhat in anti, “A mahi Khrista ani.” Tak-ha mi alek in anti, “Nimak, ajarko Khrista ha ning Galili anphut Khrista ihonglui rang mo? 42 Chong thiang in iri ha ko Khrista ha David phunga anphut aluini, hale David iluiomna Bethlehem khopuia nai a hong chang tia adik chongin itisa nimak mo?” 43 Hiva jarra han, mitam karra rupni ankansemna an om jui. 44 Mi alek in Jisu an lui churjot, tak-ha tu khat innom a chunga an kut sittor ma u.
Jiw lam kai ngain tak an ngailuina
45 Thiampulian ngai ha ning thiampulianngai le Pharisingai jiang an honga anmanin an lui dingkel, “Ijarra mo ama nan hong tuang mak?” 46 Alutir angak pungain anluisang, “A ma chong ri anga tu khat innom chong larichil ma u.” 47 Pharisingain anluisang, “Nang ni ham adik lui lamtiangmo inaruaijui?” 48 Aluitirpu ngaile Pharisingai an khat in ama tak an ngai jui mo? 49 Hiva mitamngai hi ning Mousi dan ha jet ma u; hiva jarra anmani Pathian Lungthak na anmu jui? 50 Nikodimas ha Pharisingai karra mi ankhat ani; a man Jisu kanmupui ranga jan khat aluiche, a man a luiti. 51 Na dan nuk juia mi ankhat chuan ahong thomakma, achong ri kan jet mak ma keinin dikmak tia nontak pektor masing. 52 Anmanin anluisang, “Asatjui nang om Galili mo nini? Chong thiang ha telro, Galili an phut chong phuang mi tu khat om suak ma u tihi na jet rang a suak.” 53 Anmani ning an inn ina an che jui.
Numei chuk lui an khat an chur
1 Hava suale mirakip inna anlui che, tak-ha Jisu ko Olib tangbunga a luiche jui. 2 Jingtiang masa Jisu veikhat biakinna a hong kanleret, mirakip a kolla achun khomma a man a onga anmani ha manchu aphut jui. 3 Dan oja ngaile Pharisingai ning numei khat mi le a chuk lui omchan satlui chuan atholaitak an churra an hong kairuaia amai kung a anmanngir. 4 Han anmanin Jisu jiang anti, “Oja, hiva numei hi Pasal dang khatle siatna an tho laitak kan hong chur ani. 5 A ma chong pek nukjui ja ko hiva numei hi lunga dengthat na rang Mousi ning chong i napek ani a tun nangin imo na ngaidon? 6 Anmanin ama maral peklut na ranga hivahi ensin na an neia an luiti ani, tak-ha Jisun akunna a kut simma leipak aluisun. 7 Anmanin an ngir chunga chong an dingkel ani jarra Jisun akunna anmani jiang aluiti, “Nan karra siatna ite khat nei lui miha ning ama jiang man Lunga deng rase;” 8 Hava suale ama akunna, leipak akutchalla aluisun. 9 Anmanin hava an jet phat han, Ulian tenna an phut mi ankhat, ankhat anluichea, an renga an tanpetjui. Jisu amai kunga anmanngir numei jak ha a ngirra an luimak jui. 10 Jisun a hong ahongtanga ati, “E, numei, anmani honne an che jui? Nontak napek rang tu khat om om lai ma u mo?” 11 Numei nun alui sang, “Oja tu khat om omlaimau,” Jisun alui ti, “Asatjui, han ko kein om na mansiat making; chetaro a tun tenna an phut vei khat siatna tholaimaro.”
Jisu ha ramuol var ani
12 Jisun veikhat anmani jiang a ti, “Kei ramuol la avar ha ka ni; tu a chang innom kei kanuk anajui ama han ring na a var ha nei nati, hale a jing na mun na om noning.” 13 Pharisingain ama jiang an lui ti, “Nang in nabi binga chong shakhi na tho na chong shakhi ha dik mak.” 14 Jisun alui sang, “Kein ka binga chong shakhi ki tho an in nom, adik tak ka ri ke, ajarko kei kahongna an phut kein ka jet. Nang nin jet mak che u, hon na an phut ka hong, honne kiche, tihi. 15 Nangnihko miring tak sa omchan nuk jui a chong nan tan; Keinko tu khat chunga chong tanmaking. 16 Tak-ha kein chong kitan inko, ka chongtan ha adik tak inirangke, ajarko ka binga chong kitannimak; anahongtirpu kapale chong kantanrangke. 17 Nan dannako hingahin nan lui jiak, tiko, chong shakhi mi anni ha ning adik tia an jot inko adik ani. 18 Kein ka binga chong shakhi ki pek hale kei ana hong tirpu ka Pan nom ka chunga chong shakhi ana pek.” 19 Han anmanihan an hong ti, “Napa hon mo a om?” Jisun alui sang, “Nang nin kei ham, ka pa ham jet ma che u; Nang nin kei ha nannajet aninko, ka pa ham nan lui jet rang ani.” 20 Jisun ning hava chonglim alui ri biakinn sunga peisakok. Sekhui manchunna a mun han iri ani; Jisu ha a pha latung takmak tu khat innom ama churlaimau.
Nang ni kei che na mun na chetor noni che u
21 Jisun veikhat anmani jiang a luitiret, “Kei cheretrang ka ni, nang nin kei natok nanti, tak-ha nang ni nan siatna jarra thinanti; kei ka chena mun han nang ni chetor hongtor noni che u.” 22 Hava han Jiwngai an hong ti, “A man ‘Kei che na mun na nang ni chetor noni che u’ itihi imo itina ani, a binga kan that rang mo itina ani?” 23 Jisun anmani jiang a luiti, “Nang ni ko ramuol la an phut mingai ha nanni, tak-ha keiko chunga an phut a hong ha kani. Nang ni ko hiva ramuol la an phut nan ni, tak-ha kei ko hiva ramuol la an phut ni making. 24 Hava rang jarra nang ni nansiatnahin nan thi rang ke, tia kein kinaripe ani, “Kei hi kei ka ni tihi tak nanngaimak aninko, nan siatna jarra thinanti.” 25 Anmanin an lui dingkelret, “Nang tumo nani?” Jisun alui sang; “A ma sat nang ni jiang ka ri hava tak hake. 26 Nan tak chunga chongtan ranga le ri ranga a tam innom a na hong tirpu ama ha adik ani, hale kein ama jiang an phut ki jet kijetha ramuol siatnaram hin kimanjet ani.” 27 Jisun a pa chong ri ha anmanin imo ani tihi luijet theimau. 28 Hiva jarra Jisun anmani jiang alui ti, “Nang nin minai pasalnaiha nandomsang phat han, ‘Kei hi kei ke’ tihi nan na jet rang ke, kabingjak lungdoa kein tho making, ka pa ha ning ina manchu jak ha keinkari, nang ni rang ani jui.” 29 Kei ana hong tirpahale kan om suam, a man kei ha namakma ajarko lungdo ha kein kathochak. 30 Jisun a ti chong angai mirakip in takngai na an lui nei.
Suakngai Masuana
31 Jisun takngai mingaijianghan a ti, ka chong ringai hi nan jui inko: Kathiamruoi takbal nan ni. 32 Nang ni adik ha nan jet rang ke, hale adik ha ning na san nati. 33 “keini Abraham vonchoi rui hake kan ni,” tia an sang, “Hale keini tu khat jak suak ham lachang masing, tu ning mo an na manchang rang ke tia an ri?” 34 Jisun anmani jiang a ti, “Kein nang ni jiang adik tak kinarike ani. Tu ang siatnei miha ko siatna suak ke ani. 35 Suak ha ko insungmi nitheng noning, tak-ha Naihako insungmi nithengnati. 36 Mi Pasalnai ha ning nangni ha ana masu aninko nang ni ha tak balla ana ma sua jui ke. 37 Nang ni ha Abraham vonchoi ngai nan ni tiha kanajet, tak-ha nang nin kei lam nathat na rang nan tho; ajarko nang nin kina manchu hi luima che u. 38 Kei a na hongtirpu ka pa ruia kari ani, tak-ha nang niko nan pangai an ri lam ha nan tho. 39 keini kanpako Abrahamke tia an hong sang. Jisun anmani jiang a ti, nang ni Abraham a naingai nanninko ama ning itho anga nan lui tho rang ke. 40 Kein Pathian tenna kahongjet adik ha na manjetna ranga ka tho ani, tak-ha kei lam nathat na rang nan tho; Abraham ko hi anga lui tho mak. 41 Nang nin nan pa atho anga nan tho han anmanin an hong sang; Pathian jak ke kan pa kein in kan nei, ha jarra ama anaingai ha kan ni. 42 Jisun anmani jiang a ti, Pathian ha kan pa alui ninko nan lung inasiat rang ke; ajarko, kei Pathian tenna ka honga hin ka om. Kei ka ranak ka hong nimak, a man a na hong tirke. 43 Kachongrihi ita mo nan jet torlui? Ajarko ka chong ri nang nin jet thei ma che u. 44 Nang ni nan pa ko Seitan hake ani, hiva jarra ama lungdo ha nang nin nan jui; a phut lai tenna a mako mi thatke ani, hale adik natianghan om mak. A ma jiang adik na ha om mak, a man a tho na rakip leisei jak a ri, ajarko leiseipa ani jarra, leiseiri rakip rang om an pa ani. 45 Tak-ha kein adik tak a kari ani, hiva jarra nang nin tak na ngai ma che u. 46 Keihi siatnei ka ni tia nang ni nan karra an khat in nan na titormo? Kein adik ha kari, ita mo nang nin tak nan na ngai lui? 47 Pathian tenna a hong ha ning Pathian chong ha angai, nang niko Pathian tenna nimak che u; hiva jarra Nang nin ngaimakcheu.
Jisu le Abraham
48 Amanin Jisu jiang an hong ti, nang ko Samaritan mike Seitan choi nani tia Kannari lui mo ani? 49 Jisun a hong sang, kei seitan nei making, ka pa chit jak ka nei ani, tak-ha nang niko chitlejak na nei mak che u. 50 Kei ranga chitlejak ka dei nimak tak-ha, atokrangle le chongtan an khat a om. 51 Kein adik ha kari ani, ka chong ri angai rakip in thino ni u. 52 Amanin an hong ti, nang ko na lung sunga a om tihi kan jet jui; Abraham le Pathian tashantheingai om an thi jui, tak-ha Nang na mi man chu a jui ngai ko thino ni u nati. 53 Abraham Kanpako a thi jui, ama nek kalianko timakche tak-ha ama nek nalianmo? Hale, tashantheingai om anithijui nang ko tumo kani tia na ngaidon? 54 Jisun a hong sang, kei ka thei jak ranga chitlejak ka kan nei inko, havaha iom nimak; kein chitlejak na nei ha ko Ka pa ke ani, amahake nang nin kan Pathian nanti ha. 55 Nang nin ama ha luijetmachu Keinko Kajet, kein ama ha jet making katinko; nang ni anga leiseiha ka ni jui. Tak-ha kein ama ha ka jet a chong om ka jui. 56 Nan pa Abraham ko kei ka hong rang pha ha a mu jot aning aluisat, hale a mu jarra a ning a satjui. 57 Anmanin an hong ti, kumsom rangajom latunglui nang in Abraham mo na mu? 58 Jisun anmani jiang a hong ti, kein nang jiang adik kari ani, Abraham an nei mak ma ka lui om jui. 59 Han anmanin lung anrut dengrang anti pha, Jisun a kan thup biakinn a mak a ache jui.
An Nei Tenna Mitdel Pasal Jisun A man Dam
1 Jisun hingan ahonglonlai an nei lai tenna mitdel pasal khat a mu jui. 2 A thiamruoingain an dingkel “Oja tu Siadna jarra mo mitdella nai ihong chang hi? A ma siatna jarra mo animakle nulepa siatna jarra mo?” 3 Jisun a hong sang, “A ma siatna jarra nimak, a nu le a pa siatna han nom nimak ama tenna Pathian ranak ha mu thei na ranga ani. 4 Kei ana hong tirpu chuan kan sin rang ha avarlai hin Kansin rang ani, jan ahongnin inko tu khat in nom chuan sin tor ma u. 5 Kei ramuol la Ka om lai, ramuol la var ha kani.” 6 Hava suale, Jisun leipak vutdiha achil thuan na amitdel ha leipak pokhan anotpejui. 7 A ma jiang a ti, “Cheinlang Silom tuikhurra namai hong phiaro.” Mipaning a chea amaihi a hong phiasua phat han a mit a mua a hong kir jui. 8 An inn ri an intang mingai ning man lai khani atholai an lui mu mingai ning ngom an hong ti; A onga khani tho ha hivami himo nimak? 9 Aviar in anti amahike; tak-ha a dangngain a ti, nimak an kan puoke han a man a hong ti, kei ke kani. 10 Han anmanin an dingkel ija mo a tunko nimujui? 11 A man a hong sang, Jisu anti mi ha ning leipak pok aviar alui a ka mit anot, hale che in lang Silom tuikhurra namaihi hong phiaro ana ti; han ka chea Kamai ka hong phia sualenle kamu jui. 12 A ma hon mo a om? Tia an hong dingkel, jet making tia a sang.
Damna Ruia Pharisi Ngain Antok
13 Mit delpaha anmanin Pharisi ngai jiang an hong tuang. 14 Jisu ning leipak pok mitdelpa aluimandamha sernikhuo a luini. 15 Pharisingain mitdelpa jiang ija mo na mit na mu tia an dingkel. A man a ti; “A man leipak pok alui a ka mit anot; kamai ka hong phia sualen le ka mu jui.” 16 Pharisi aviar in an hong ti, hiva tho pa, mi ha ko Pathian tenna nitornoning; ajarko a man sernikhuo dan ha jui ma, aninom aviar in an hong ti, ijamo siatmikhat in angakpa chuan itho? han anmani masia rupni an suak jui. 17 Han Pharisingain mipa jiang anhongtiret, namitdel hi aman dam ke nati, asatjui, han ko ama ruia nang ko imo na ngaidon? A man a sang ama ko Pathian tashanthei khat ke. 18 Jiw Ulianrup ngain ama hi amit aluidella amu jui, tihi a nu, a pa, an kui maje tak luingai tormau. 19 Anmanin a nu a pa jiang an dingkel mitdella nan nei nai ha hivahi mo? Han ko a tunko ijamo a hong mu? 20 Anu a pa ngain an hong sang, mitdella kan nei kan pasalnai ha amahike. 21 Tak-ha, ijamo a man a tun imu, hale tu in mo a mitdel hi amandam atakjiang ding kelru, ulian ani jui a tak in nasang nati. 22 A pa, a nu ngai ning hiva antinako Jiw ulianrupngai ha an chit jarra ani, ajarko Jisu hi Mesaia ke tia tak angai miha Sainagok tenna notcheirei tia kan jot na alui om. 23 Hiva jarra ani a nu, a pa ngain a tak jiang dingkelru ulian ani jui an lui ti ani. 24 Veini chang na han, mitdelpa ankuia an hong ti, Pathian mai kung a chongsam na nei inlang adik karirangke tiro; nang anamandam miha siatneike tihi keinin kan jet. 25 A man a hong sang a mahi siatneimo? Neimak mo jet making. Kei ka jet khat ko, ka mit aluidel tak-ha a tun ko ka mu jui. 26 Anmanin an dingkel, a man nang jiang imo a tho, ijamo namitdel iman dam? 27 A man a hong ti, kein nang ni jiang kari ver jui, nang ninko na ngai ma che u irangamo ama ruia nanjetjot ret? Nang ni om ama thiamruoimo nan chang jotjuimo? 28 Anmanin ama ha khuo ankhonga an hong ti, “Nangke ama thiamruoiha, tak-ha na ni keini ko Mousi thiamruoi kan ni.” 29 Pathian ning Mousi le an kan biak ti ko kan jet. Tak-ha nang nati mi ha ko hotenna mo i hong tihi kein in jet maksing. 30 Mipan a hong sang, miha ning Kamitko a man dam jui, tak-ha ama hi hon na ihongmo ti ko jet making nanti hiko ka ngak e. 31 Pathian ning siatnei ngai ko jet mak, tak-ha ama chitlejak a nei, a lungdo a tho ngaiha ko a jet pe. 32 Ramuol phut lai tenna a mit della an nei miha amukhir tihi tu khat in nom luijetmau. 33 A ma ning Pathian tenna a hong animak inko hiva chuan hi tho tor noning. 34 Anmanin an sang, nang ko siat nale kanruoia an na hong neia na hong lian ani, han keini lam hi na man churangmo niti? han ama ha Sainagok tenna an not cheijui.
Thavang a mit Del
35 A suak chuan rakip ha Jisun a jet miha akanmupuia a ti, Minai pasal hi tak mo na ngai? 36 Mipan a hong ti, Oja mi ha na ri pero tu mo ani miha, han ama ha kein takngai kati. 37 Jisun ama jiang a ti “Nang in ama ha na mu jui, a tun nang le nankanbiak ama ha ani.” 38 Mipan a hong ti, “Puma tak ka ngai ti a Jisu madonna a khup abilingjui.” 39 Jisun a ti, “Ramuol la kihonghi chong tanranga ani,” a mit delngain an mu rang a mu ngain an mit idel rang, 40 hava sierra a om Pharisi aviar in chong ha an jet an hong ti, keini om kan mit mo adeljui? 41 Jisu ninga sang, “Nanmit aluidel inko siatluinei noni che u tak-ha, nang nin kan mu nanti jarra siatna nan nei jui.”
Belram Sel Ruia Tetan na
1 Jisun a ti, “Kein nang ni jiang a thianga ka na ri ani, tu ang belram kot lutluia a dang pal varal tianga a hong lut ha ko, a ruk le arep ranga a hong ani. 2 Belram kot a lut miha ko belram selpuha ani. 3 Kot ngakpu ha ning kot longpe nati, belramngai ha anminga akuia a rasa an jet; han a man a ruoia vanga a tuang. 4 A ma ning avaruoi suak phat han, an madon alon na, belram ngain an jui, ajarko, a rasa an jet. 5 Amanining midang khat ha juinoniu, ajarko amelle a rasa jet ma u; ama tenna phut an tan rang ani.” 6 Jisun hiva tetan na hi anmani jiang ari, tak-ha anmanin imo atina lui jet ma u.
Jisu asat belramsel A ni
7 Jisun vei khat avatiret, “Kein adik tak kinari ani; belram ranga kot ha ka ni.” 8 Ka madonna aleihong ngaiha ko a ruk rep anni jarra, belramngain an rasa lui jet ma u. 9 Kei kot hakani kei jiang a hong rakip ring na mu nanti; hong lut nati suak nati hale khop nati. 10 Aruk ha ning mithat ranga manmang ranga ihongke ani; kein ka hong hiko, nang ni ring na ranga le lungdo tung na ranga ani. 11 ‘Kei belram asat selle anmani rang athitor ha ka ni.’ 12 Belramsel alopa ha ning asat belramsel animak jarra, ram ui ning a hong pha belramngai ha a mak a tan, han ram ui ha ning belramngai ha anot ankansenverjui. 13 An niak ani jarra belramngai ha taktelmak. 14 ‘Kei asat belramsel ha ka ni’ 15 Ka pa ning a na jet kein nom ka jet, ha ang han belramngain nom an na jet, hiva jarra anmani ranga ka ringkhuo ka pek tor. 16 Hijak ni luia a dang belram om an la om, ti ko kei Kabelramngai hiva sunga kan chel lui; Karasa na jet nan ta anmani ha va tuang kata, belramrup khat jak chang nan tau ashelpu om khat jak nirang anni. 17 “Kapan kei alung ana siat, ajarko, ka ringkhuo ha ama ranga ka pek; han kein veikhat kamukhier rang ani. 18 Tu khat innom kei Karingkhuo luitor noni u, ka pa ning cham a na pek nuk juia ka ringkhuo ha ka pek jot le ka pek ka lui khir jot le kaluikhir, hiva ranak hi kei ka nei.” 19 Hiva chongruia anmani masiaha rupni an suak jui. 20 Mitam lam ning an hong ti,” iruija mo nanlangai? A ma ko Seitan a choia avet jui ke. 21 “Aviar in anhongtiret, Seitan choi mi ning hi ang chong ritormau hale a mitdel om mandamtor ma u.”
Jisu anjotluina
22 Phabi a hongni pha Jerusalem ma biakinn lut na ut ha an lui tho. 23 Jisun Solomon biakinn tualla aluilon. 24 Mingain ama ha an hong dep hale an dingkel, “A thianga na ri pero nang Mesaia mo na ni? I duk sot mo keini jiang nila kanthup rang?” 25 Jisun a sang, “Kein a thianga nang ni jiang. Karijui, tak-ha nang nin tak na ngai mak che u; Kein ki tho rakip hi ka pa ranak ani tihi jet thei ani. 26 Nang nin tak na ngai mak che u, ajarko nangi kabelram karra kan chel mak che u. 27 Karasa belramngain an jet; Kein nom ka jet, hale kanuk ha annajui. 28 Anmani ha kumsot ringna ka pek; thichil lai noni u; Kei jiang tenna tu khat jak innom na sut tor noni u. 29 Irakip kara ka pa ning a na pek anmani ha khel la satke ani; han tu khat jak innom ka pa kut chung tenna sut tor noni u. 30 Kei le ka pa le khat jak kan ni,” 31 han mingai ha ning ama ha deng na ranga lung anrutjui. 32 Jisun anmani jiang a ti, ka pa tenna chuan a tam kathoha nan mu jui, hava chuanrui jarra homo nan jot lui kei ha lunga na deng rang nanti. 33 Anmanin an hong sang, chuan sat ruia kein in nang ha lunga nadengjot maksing, tak-ha, Pathian ha esella nirijarra hale, nang in miring na ni bak a Pathian nichangjot. 34 Jisun a sang, “Nang ni dan Sunga a kan jiak Pathian nin a ti, nang ni pathian nan ni.” 35 keinin kan jet chong thiang rabun a ti ha adik ke ani, Pathian chong ha mingai jiang a hong pek, anmani ha pathian antike. 36 Kei ko Pathian nai ka ni kati jarra mo ani? A pa ning a lungsiat ramuol la ihongtir ama ha Pathian na esel nan ta amaruia mo nan ri. 37 Kein ka pa chuan ha ka tho mak inko kei tak na ngai maru. 38 Tak-ha, kein ka tho inko tak nannangai mak in nom ka pa ning kei jiang a om. Kein ama jiang ka om tihi jet a tak nan hong ngai na rang chuan ha takngairu. 39 Anmanin Jisu chur na rang an lui tok, tak-ha anmani kutveng tenna aterjui. 40 Johon ning tuiamanlutna Jordon va ralla Jisun a che ava omjui. 41 Han mitam lammin Jisu jiang an honga an hong ti, “Johon inko jet na chuan hi iom tho mak, tak-ha mihiningko Johon ning alui ri nuk juia a tho.” 42 Hava mun han Jisu ha mitam lammin tak an ngai jui.
Lazarus Thina
1 Bethani khopuia Lazarus anatpaha alui om han, a u Meri le Martha om an lui om. 2 Meri ning puma a ke han, Sariak rimhui anot pea; asamhan anot hulpe han a naipangpa Lazarus alui nat. 3 Hiva jarra a u nu ngai ning Jisu jiang chong an pek “Puma na sap lungsiat ha a natjui.” 4 Jisun hava ha a jet phat han, a ti, “Hiva a nat hi thina rang a nat nimak, tak-ha hiva jarra Mi Pasalnai manpak nale lianpui na mu na ranga ke ani.” 5 Jisun Meri, Martha le Lazarus a lunga siat. 6 Jisun Lazarus a nat ti chong a jet tenna phut a om na mun na nini suale a tung jui. 7 Hava suale a man a thiamruoingai jiang a ti, “keini Judia tiang kirkhir tarei,” 8 Thiamruoi ngain Puma jiang anti “Oja Jiwngai ning a tun tak lunga nadengrang anti ha, Sontiang nala cheret rang mo?” 9 Jisun a sang, “Nikhat sunga nidan somlei anni nimak mo? Hiva jarra tu ang mi ning sunna a lon inko kutsuikesui om noning, ajarko a man ramuol la var ha a mu. 10 Tak-ha tu ang mi ning jan na a lon inko kutsuikesui nei nati ajarko, avar ha a man jiang om mak.” 11 Jisun hava arisualenle “Lazarus ajaljui, a tun kei chekata va kei thui rang ka ni; a ti.” 12 Thiamruoingain anti, ‘Puma, ama a jal aninko, a nat damrang ani.’ 13 Tak-ha Jisun ko Lazarus a thi jui a ti na ani; anmani ngaidon na ko ajalla a pong akansak ke anti. 14 Hiva jarra Jisun a thianga anmani jiang Lazarus a thi jui tia a manjet. 15 Tak-ha nang nin tak nanngai na rang. Kein ama jiang lui om making ti a nang ni jiang ka ning asat, keini ama jiang che rei. 16 Deuma anti Thoma ha ning a sap Thiamruoingai jiang a ti, puma le keini thisuam ranga che rei.
Jisu Thui Khir Nale Ring na A ni
17 Han Jisun a hong tungpha, Lazarus ha thanna an phumna nimanli ani jui tiha a jet jui. 18 Bethani ha Jerusalem tenna phut mail kilometar anni anthum a kan lak ani. 19 Jiw mitamtak in Meri le Martha an nai pangpa thijarra lung hui luitak mathem ranga an hong ani. 20 Martha ning Jisu a hong ti chong a jet pha, a chea avakan mupui; tak-ha Meri ko inn sunga a om. 21 Matha ning Jisu jiang a ti, ‘Puma nang na lui om inko kanaipangpa hi thinoning, 22 ha aninom nang in Pathian jiang ama ranga na lam rakip ana pek rang ke tihi ka jet. 23 Jisun ama jiang a ti, na nai pangpai ringkhir rang ani tia a manjet.’ 24 Marthan a ti, atorna nikhuo han ama hi a hong thui khir rang tihi ka jet. 25 Jisun annajiang a ti, “Kei thui khir nale ring na ha ka ni, tu ang mi ning kei hi tak ana ngai inko athi innom aring khir rang ke ani, 26 han tu aninom kei tak anangaiha ring khier nati veikhat thilai noning tihi tak nangaimo?” 27 Amanu ning a sang, ‘Puma, Pathian nai Pasal ramuol la ahong Mesaia na ni, tihi kein tak ka na ngai.’
Jisu a chap
28 Marthan hi a ti suale anaipangnu Meri jiang a che rukchian a kan biakpui, “Oja ha hin a om ma Nang anatok tia a hong manjet.” 29 Meri ning ha a jet pha, a thui ret a rak tak a kanmupui ranga a che jui. 30 Tak-ha Jisu ko khuo sunga la hong tung ma, Marthale an kan mu na han ala om ani. 31 Jiw mingai ning Meri inna lung hui lui tak an om han, Meri in a ngirra a rak tak a che an mu pha a nuk an lui jui; ajarko anmanin Mari ha thanna a che avachap rang mo tia an ngaidon. 32 Meri ning Jisu om na mun a mu pha han, a mai akuna, ‘Puma, nang hin na lui om inko ka naipangpa lui thi noning a ti.’ 33 Jisu ama achaple Jiwngai chaplim a mu han, a lung a tam atokjui. 34 Jisun a ti, “A ma hon mo nanphum? Han anmani ning anti Puma hongnang enro.” 35 Jisu a chap. 36 “Jiwngai anti, enru a man i duk a lung isiat amo?” 37 Tak-ha anmani mi aviarin anti, “Amitdel ham alui mandam nimak mo? A man thina tenna Lazarus ha manring tornoningmo?”
Lazarus a man ring
38 Han Jisun alungtok a than tiang a che jui, thankhurha lunga anluising. 39 Jisun lung khek ranga chong a pek jui, A thipa a char nu Martha ning a ti, puma kanphumna nimanli ani jui arimsiatrang ani jui. 40 Jisun Numeinu jiang a ti, “Nang na takngai na a om inko Pathian lianpui na nimurangke ka na ti nimak mo?” 41 Anmanin lung ha an lui suak jui, han Jisun chung tiang a en na a ti, “A pa ka na manpak kanalamna rakip na na jot pe.” 42 Kana lam na rakip nang in nanajetpe tile hiva mitamngain Nang in kei na na hong tir tihi tak an ngai na rang ka na lam ani. 43 Hiva a ti suale, rasaring tak a hong ti, “Lazarus hongsuakro.” 44 A thipa ha a kut a ke anchun chunga a hong suak jui, hale a mahi puan na an lui khit “Jisun anmani jiang a ti, ama hi sutnang man che taru.”
Jisu An Jot Luina
45 Meri inna a hong mitamngai ning om Jisun i tho chuan ha an mua tak an ngaijui. 46 Mi aviar inko Pharisi ngai jiang ankirra, Jisun itho chuan rakip ha an ripejui. 47 Thiampulian le Pharisingain kan chun na an nei a anti. Ija mo kalo tarang hiva mi chunga angakpa rakip itho hi ko? 48 keinin ama hi hingan a thei jak kanmasua inko, mingain ama hi tak ngain nan ta, han Rom mingain hong nanta kan biakinn le kanjat tenna nasutrang anni. 49 Hava kumma thiampulian kajapha ning a ti, nang nin iom jetmakcheu. 50 Jat khat in imangver nek inko miring khat ithi lam asat tihi nang nin ngaidon tor mak che u mo? 51 A man hiva arihi a bing rang nimak, hava kumma a man thiampulian khat a chang jarra, Jiwngai rang Jisun a thi rang ha a man tashanthei anga a ri. 52 Anmani rang jak ni luia Pathian mingai a kan thechaia omngai ha taksa khat jak chang na rang om ani. 53 Hava nikhuo ten han Jiwngai ning Jisu that na ranga an kan siamjui. 54 Han Jisun Judia ram sunga kandorem lai mak, tak-ha, a man ramtong lianna a om Epraim khuo han a thiamruoingai le alui om. 55 Jiwngai kan na ut ha a hong nai phat han, mirakip taksa man thiang na ranga, ankhuo tenna phut Jerusalem ma an hong jui. 56 Han anmanin Jisu ha an lui tok, biakinn sunga an ngirra khat le khat an lui kan dingkel, nang nin imo nan ngaidon? A ma kan na ut hin hongnoning mo? 57 Thiampulian le Pharisingain mirakip chong an lui pek ha ko, Jisu a om na an jet le chonga na hong peranghan ama churnarang ani.
Lazarus Thina
1 Bethani khopuia Lazarus anatpaha alui om han, a u Meri le Martha om an lui om. 2 Meri ning puma a ke han, Sariak rimhui anot pea; asamhan anot hulpe han a naipangpa Lazarus alui nat. 3 Hiva jarra a u nu ngai ning Jisu jiang chong an pek “Puma na sap lungsiat ha a natjui.” 4 Jisun hava ha a jet phat han, a ti, “Hiva a nat hi thina rang a nat nimak, tak-ha hiva jarra Mi Pasalnai manpak nale lianpui na mu na ranga ke ani.” 5 Jisun Meri, Martha le Lazarus a lunga siat. 6 Jisun Lazarus a nat ti chong a jet tenna phut a om na mun na nini suale a tung jui. 7 Hava suale a man a thiamruoingai jiang a ti, “keini Judia tiang kirkhir tarei,” 8 Thiamruoi ngain Puma jiang anti “Oja Jiwngai ning a tun tak lunga nadengrang anti ha, Sontiang nala cheret rang mo?” 9 Jisun a sang, “Nikhat sunga nidan somlei anni nimak mo? Hiva jarra tu ang mi ning sunna a lon inko kutsuikesui om noning, ajarko a man ramuol la var ha a mu. 10 Tak-ha tu ang mi ning jan na a lon inko kutsuikesui nei nati ajarko, avar ha a man jiang om mak.” 11 Jisun hava arisualenle “Lazarus ajaljui, a tun kei chekata va kei thui rang ka ni; a ti.” 12 Thiamruoingain anti, ‘Puma, ama a jal aninko, a nat damrang ani.’ 13 Tak-ha Jisun ko Lazarus a thi jui a ti na ani; anmani ngaidon na ko ajalla a pong akansak ke anti. 14 Hiva jarra Jisun a thianga anmani jiang Lazarus a thi jui tia a manjet. 15 Tak-ha nang nin tak nanngai na rang. Kein ama jiang lui om making ti a nang ni jiang ka ning asat, keini ama jiang che rei. 16 Deuma anti Thoma ha ning a sap Thiamruoingai jiang a ti, puma le keini thisuam ranga che rei.
Jisu Thui Khir Nale Ring na A ni
17 Han Jisun a hong tungpha, Lazarus ha thanna an phumna nimanli ani jui tiha a jet jui. 18 Bethani ha Jerusalem tenna phut mail kilometar anni anthum a kan lak ani. 19 Jiw mitamtak in Meri le Martha an nai pangpa thijarra lung hui luitak mathem ranga an hong ani. 20 Martha ning Jisu a hong ti chong a jet pha, a chea avakan mupui; tak-ha Meri ko inn sunga a om. 21 Matha ning Jisu jiang a ti, ‘Puma nang na lui om inko kanaipangpa hi thinoning, 22 ha aninom nang in Pathian jiang ama ranga na lam rakip ana pek rang ke tihi ka jet. 23 Jisun ama jiang a ti, na nai pangpai ringkhir rang ani tia a manjet.’ 24 Marthan a ti, atorna nikhuo han ama hi a hong thui khir rang tihi ka jet. 25 Jisun annajiang a ti, “Kei thui khir nale ring na ha ka ni, tu ang mi ning kei hi tak ana ngai inko athi innom aring khir rang ke ani, 26 han tu aninom kei tak anangaiha ring khier nati veikhat thilai noning tihi tak nangaimo?” 27 Amanu ning a sang, ‘Puma, Pathian nai Pasal ramuol la ahong Mesaia na ni, tihi kein tak ka na ngai.’
Jisu a chap
28 Marthan hi a ti suale anaipangnu Meri jiang a che rukchian a kan biakpui, “Oja ha hin a om ma Nang anatok tia a hong manjet.” 29 Meri ning ha a jet pha, a thui ret a rak tak a kanmupui ranga a che jui. 30 Tak-ha Jisu ko khuo sunga la hong tung ma, Marthale an kan mu na han ala om ani. 31 Jiw mingai ning Meri inna lung hui lui tak an om han, Meri in a ngirra a rak tak a che an mu pha a nuk an lui jui; ajarko anmanin Mari ha thanna a che avachap rang mo tia an ngaidon. 32 Meri ning Jisu om na mun a mu pha han, a mai akuna, ‘Puma, nang hin na lui om inko ka naipangpa lui thi noning a ti.’ 33 Jisu ama achaple Jiwngai chaplim a mu han, a lung a tam atokjui. 34 Jisun a ti, “A ma hon mo nanphum? Han anmani ning anti Puma hongnang enro.” 35 Jisu a chap. 36 “Jiwngai anti, enru a man i duk a lung isiat amo?” 37 Tak-ha anmani mi aviarin anti, “Amitdel ham alui mandam nimak mo? A man thina tenna Lazarus ha manring tornoningmo?”
Lazarus a man ring
38 Han Jisun alungtok a than tiang a che jui, thankhurha lunga anluising. 39 Jisun lung khek ranga chong a pek jui, A thipa a char nu Martha ning a ti, puma kanphumna nimanli ani jui arimsiatrang ani jui. 40 Jisun Numeinu jiang a ti, “Nang na takngai na a om inko Pathian lianpui na nimurangke ka na ti nimak mo?” 41 Anmanin lung ha an lui suak jui, han Jisun chung tiang a en na a ti, “A pa ka na manpak kanalamna rakip na na jot pe.” 42 Kana lam na rakip nang in nanajetpe tile hiva mitamngain Nang in kei na na hong tir tihi tak an ngai na rang ka na lam ani. 43 Hiva a ti suale, rasaring tak a hong ti, “Lazarus hongsuakro.” 44 A thipa ha a kut a ke anchun chunga a hong suak jui, hale a mahi puan na an lui khit “Jisun anmani jiang a ti, ama hi sutnang man che taru.”
Jisu An Jot Luina
45 Meri inna a hong mitamngai ning om Jisun i tho chuan ha an mua tak an ngaijui. 46 Mi aviar inko Pharisi ngai jiang ankirra, Jisun itho chuan rakip ha an ripejui. 47 Thiampulian le Pharisingain kan chun na an nei a anti. Ija mo kalo tarang hiva mi chunga angakpa rakip itho hi ko? 48 keinin ama hi hingan a thei jak kanmasua inko, mingain ama hi tak ngain nan ta, han Rom mingain hong nanta kan biakinn le kanjat tenna nasutrang anni. 49 Hava kumma thiampulian kajapha ning a ti, nang nin iom jetmakcheu. 50 Jat khat in imangver nek inko miring khat ithi lam asat tihi nang nin ngaidon tor mak che u mo? 51 A man hiva arihi a bing rang nimak, hava kumma a man thiampulian khat a chang jarra, Jiwngai rang Jisun a thi rang ha a man tashanthei anga a ri. 52 Anmani rang jak ni luia Pathian mingai a kan thechaia omngai ha taksa khat jak chang na rang om ani. 53 Hava nikhuo ten han Jiwngai ning Jisu that na ranga an kan siamjui. 54 Han Jisun Judia ram sunga kandorem lai mak, tak-ha, a man ramtong lianna a om Epraim khuo han a thiamruoingai le alui om. 55 Jiwngai kan na ut ha a hong nai phat han, mirakip taksa man thiang na ranga, ankhuo tenna phut Jerusalem ma an hong jui. 56 Han anmanin Jisu ha an lui tok, biakinn sunga an ngirra khat le khat an lui kan dingkel, nang nin imo nan ngaidon? A ma kan na ut hin hongnoning mo? 57 Thiampulian le Pharisingain mirakip chong an lui pek ha ko, Jisu a om na an jet le chonga na hong peranghan ama churnarang ani.
Jisun A thiamruoi Ngai Ke Arasuk
1 Kanna ut nikhuo animak ma Jisun ning a pa jiang a chena rang phathi a nai juiti a jet jui, a man ramuol chunga mirakip alungsiat hi ramuol torna khan na ani. 2 Jisun a thiamruoingai le nitak bu an nek phat han, Simon a pasalnai Iskariot Judaning Jisu juar ranga alung sunga khonam ning chuan, a tho jui. 3 Jisun a pa lungdo rakip tung na ranga, Pathian tenna ka hong veikhat Pathian jiang kalakirrang tihi a jet. 4 Tebol tenna anva thuipha, Puman a puanshi atet a diar a luia akong akhitjui. 5 Han a man khengkuang khat sunga tuihan thiamruoingai ke arasuk a, akongkhit puan a luia an ke anot hulpejui. 6 Hingahin, puma ning Simon Pitar jiang a hong phak han, a man Jisu jiang a ti, “Puma kake hi na rasuk perangmo nati? 7 Kei kitho hi atun nang in jet mache tak-ha nuk a nalajet rang ke a ti. 8 Pitar in puma, nang in kake naluirasuk pengai mak che Jisun a sang, kein na ke kanarasukpe mak inko kathiamruoi a sot nang in chang tor noni che. 9 Simon Pitar in a hong sang, “Puma, ha aninko kake jak ni luia ka kut le kalu hi jom na rasuk pero!” 10 Jisun a ti, “Tu a chang innom tui abialsa miha a ke ni luia a dang rasuk rang om mak, nan renga nan thiangver, tak-ha ankhat jak hake a thiang lui.” 11 Jisun ama ning keihi najuarrang ani; tihi a jet jarra “Nang ni nan renga nan thiangver a thiang lui an khat a om a ti ani.”) 12 Jisun an ke a rasuk ver suale, diar puan ha a om na tebol la a hong tetkhir jui, “Kein nang ni jiang kithohi nan jet tormo”? Tia aman a hong sang. 13 “Nang nin keihi Puma hale oja, ti a nannakui, nang nin adik a nanti ani, ajarko, kei nan Puma le nan oja ha ka ni. 14 Kei nan puma le nan oja ka ni jarra nan ke Kanarasuk pe jui, hava jarra nang nin nom ankhat le ankhat ke ha nan kan rasuk pe rang a suak. 15 Hiva jarra kei ki tho ang hin, nang ni nom nan tho na rang jet na khat kana man mu ani. 16 Kei ning adik tak ki na ri ani; Suak ha ning a neipu nek a lian nimak, hale chong choipuhan a hong tirpu ama nek om a lian nimak. 17 Nang nin hiva adik nai nan jet a chuan ha nan tho aninko iduk a ningsat na nang ni jiang om nati! 18 Kein nang ni rakip jarra kari nimak, kein Kithang suaksa ngai rang jak kana ri tak-ha chong thiang rabu ning iri nuk juia ani rang ke ani kei kanuk anajui mi ha ning kei a na enda lam anchangrangke. 19 Chuan hi a hong suak le nang nin kei hi amake tihi nannajet na rang, chuan asuakmakma kein nang ni jiang ka na manjet ani. 20 Adik tak kein ka na ri ani, kein tuangmi khat katirha aluijot a don miha, kei inajot ani, hale kei a na jot lui ama ha kei a na hong tirpuha ajot lui ani.”
A ma Anjuarna Rang A kan Ri
21 Jisun hiva ngai hi a ri suale, a tam a lung aponga phuangna shakhi apek a ati, “Kein a thianga nang ni jiang kanari mi: nang ni karra an khat in kei hi najuarrang ani jui.” 22 Tu mo itina tiha a thiamruoingai ning jet ma u jarra, anmanin ankhat le an khat anlui kan enjui, 23 a thiamruoi karra Jisun a lungsiat miha ama asirtak alui ong. 24 Simon, Pitar ning a hong kan nik a ama jiang avadingkel, “Puma tuha mo nitina? 25 Thiamruoi ngain Jisu an hong dep, an dingkel jui, Puma ama ha tumo ani?” 26 Jisun a sang, “Kei ning bulom her khat manchop kata ki pek rang mi ha ani; han ama ning bulom her khat a luia amanchop Suale Simon a pasalnai Juda Iskariot jiang a pek jui.” 27 Bulom Talha Juda ning aluisua lenle, Seitan ning ama lung sunga alut jui, han Jisun ama jiang a ti, na tho rang chuan ha a rak tak vathoro. 28 Jisun iriha tebol la om ngain imo itipena tiha khat tening luijetmau. 29 Juda Iskariot hi ruphai ani jarra, thiamruoi aviar ning, ut ranga nei man rang animakle a riang avai ngai pek ranga phur neinak vachokro atipeke tia an lui ngaidon. 30 Juda ning tal bulom ha aluisua len le, a rak tak tual a suak jui hava phatha jan alui ni.
Chong pek Thar
31 Juda ning a suak suale, “Jisun a ti Mi Pasalnai le Pathian lianpui na ha a tun amaten mu rang anni jui. 32 Han Pathian lianpui na ha amaten ava kando inko, hale Pathian miring pasalnai ma hok lianpuina a hong kando inko, han a man arak a vakando rang ani. 33 Ka naingai kein nang ni le, asot omlai noning, nang nin Kei hi natok nan ta, kein Jiwngai jiang kari anga ‘kei ka chena mun han nang nin hongtor noni che u ha ang han a tun kein nom nang jiang ka na ri.’ 34 Atun kein chongpekthar khat ka na pek, an khat le an khat kalungsiatru kein nang ni ka na lungsiat ang han. 35 Nang nin an khat le khat nan lung a kan siat inko, mirakip in kathiamruoike tia na jet rang anni.”
Pitar ning Ijot Lui rang ha Jisun a ri
36 “Puma hon mo che rang?” tia Pitar in ading kel. “Jisun a sang, kichenahi na jui tornoniche; tak-ha nuk na juiro.” 37 Pitar ning a ti, “Puma ita mo a tun kinajui tor mak rang?” Kei nang nathi na han ka thi tor. 38 Jisun a hong sang, “Nang keirang tak balla nathitormo? Kein a thiang na ri kati, Ar khongpa ning akhuang mak ma nang in kei hi veithum tak na jot noni che.”
Jisu a Pa tenna lam pui ha ani
1 “Nang ni nan lung manponga lung kannok a om maru,” ajarko, Pathian ha takngairu hale kei om tak nangairu, 2 Ka pa inn na om na rang mun atam a om, kein che kata nang ni ranga ki sin kivar rang ani, hava a om mak inko kein nang ni jiang ka na riluirang ani. 3 Han kei chekata nang ni rang omna mun ka sin suale, kei ka omna mun na nang ni omna ranga, Kein vei khat kana hong tuang rangke. 4 “Kei ka chena mun ha nang nin nan jet.” 5 Thoma ning ama jiang a ti, Puma, keini nache na rang mun ha jetmasing, hava mun lut na rang ha ija mo kan jet rang? 6 Jisun a hong sang, “Kei lam ha ka ni adik hale ring na ham ka ni, keini luia tu khat innom ka pa kol la che noni u.” 7 Nang nin keihi nan na lui jet inko, nang nin ka pa ham nan lui jet aninko; a tun tenna nan jet nan mu jui ani. 8 Philip ning ama jiang a ti, “Puma kan pa na man muro, han ko ka lungdo itungranke.” 9 Jisun a hong sang hiduksot kein nang ni le kaomjui, hale, a tun tenna nilajet lui mo Philip? 10 Kein ka pa jiang ka om ka pa ning kei jiang a om tihi tak ngaimachemo? Kein nang ni jiang kinarihi, “Jisun a ti, kei ranga ka ri nimak. Tak-ha kei jianga a om ka pa chuan ha kithoke ani.” 11 Kein ka pa jiang ka om, hale ka Pan kei jiang a om ti chong hi takngairu, animakle kei ka chuan jarra takngairu. 12 “Kein nang ni jiang adik ki na ri ani, tu an khat ning keihi tak ana ngai miha kei ki tho rakip ha a man tho nati, hale, hiva nek alian chuan ha a man tho nati, ajarko kei kapakolla ka che. 13 Kaminga nang nin imo khat nan lam inko kein thokati, A pasalnai tenna A pa lianpui na ha nan muthei na rang, nang nin nan nalam rakip ha kei ning ki tho rang ke. 14 Kei ka minga imo khat nan na lam inko, hava kein ki tho rang ke.”
Thavang Thiang Chongsanna
15 Nang nin kei nan na lungsiat inko ka chongngai hi nan lui nanngai rang ke. 16 Kein ka pa jiang lamkata hale a man nang ni a na san rang le a na om pui theng pet rangkhat na pek nati. 17 Hava adik thavang ha nang ni ana om puichak, ramuol inko mutorma, jet om jet mak, nang ninko puma ama ha nan jet; ajarko, puma ama ha nang ni le nankanruoichak hale nan sunga a om jarra nan jet ani. 18 Kei ka che karra, nang ni ha nan thei jak na mak noning. 19 A pha bongkhat ko ramuol in keihi namulai noning, tak-ha, nang ninko na mu nanti, kei ka ring jarra nang ni om ring nanti. 20 Hava nikhuo a hong tung phale, kei ka pa jiang ka om, nang nin kei jiang nan om tiha jet nanti. 21 “Tu ang min ka chong pek a jet a jui mi ha kei ana lungsiat ani, kei ana lungsiat ama ha ka Pan nom lungsiat nati; kei innom ka lungsiat na ha ama jiang do rang ka ni.” 22 Iskariot Juda niluia Juda ning a ti, “Puma ija mo ramuol jak niluia keini jiang na thei jak a nikando rang?” 23 Jisun ama jiang a sang, “Tu ang kei ana lungsiat ha kei ka man chuha a jet a ajui ani. Ka pa innom ama lungsiat nati han, Kapa le kein ama jiang chekanta a kol la om rang kan ni.” 24 Tu ang mi keihi lung anasiatlui ama ha kachongngaihi juimak. Nang nin chong nan jet a nan jui rakip hi kei jiang tenna nimak, tak-ha kei anahongtier ka pa tenna ani, 25 Hiva hi “Kein nang ni le ka om lai kinari ani.” 26 Nang ni ranga ka pa ning, santheina an khat hong tir nati, a man kein kaluiri rakip na manchu nati. 27 Kein nang ni jiang kalunghip ha ka na pek, ramuol in ka na pek ang chat nimak. Nang ni ning pong le ning dong nanei maru han chit maru. 28 Kei nang ni na mak kata che rang kanitihi nan jet jui ani nom, nang jiang kilahong keirret rang ke, nang in nan na lungsiat inko, ka pa jianga kiche rang hi nan ning man satru, ama ko kei nek a alian ani. 29 Hiva ngaihi a hong suak karra tak nanngai na rang, tun a suak mak ma kein nang ni jiang kinaripe ani. 30 Kein nang ni jiang a sot ri lai noning, ramuol vaihompa honga kei jiang ranak na pek laima. 31 kein Pathian ramuol ka lung asiat jarra ama chong pek thoro ati rakip kein ka tho, “Hongru kei nin hiva mun tenna phut che tarei.”
Jisu Darkha Kung ha A ni
1 “Kei darkha kung ha Kani, han ka pa ning rahuan tho pa ani. 2 Ara om lui kung rakip ha a tan hale ara om rakip ha a khella ara det na ranga achenpe. 3 Kein nang ni jiang kinaluiri jarra nanthiangsuajui. 4 Nang nin ka kolla omchak ru, darkha rui ha akunga ajam mak inko ratormak hi ang hin nang ninom ka kolla nan om chakmak inko nanra om noning.” 5 “Darkha kung ha kei ka ni hale a chang ha nang ni nan ni, kei jiang a om miha, Kein nom ama jiang ka om; ha aratam a om ajarko kei kan chel luia nang nin i om tho tor mak che u.” 6 Tuangkhat in kei jiang a om chaklui, a maha, a thei jak avuaia acharjui, han anmani ning ankhomma meikhur anthunna an hal kangjui. 7 Nang nin kei jiang nan omchak a ka chongngai hi nan ompui chak inko, nang nin imo nandeiha nalamru ha nang ni jiang i hong ni rang ke. 8 Nang nin a ra tam tak ha nan ni jarra ka pa mahok lianpui na ha ava kando ang han, nang nin kathiamruoi ni rang nan ni. 9 Ka pa ning kei a na lungsiat anga kein nom ka lung a na siat, nang nin ka lungsiat na han om chakru. 10 Kachongpekhi nang nin nan jui inko, Ka lungsiat na ha nan chunga om rang ani. Kei om ka pa chongngai hi ka luia a lungsiat na ha ka chunga a om. 11 Kaningsatna nang ni jiang om na rang le lungdo a tung na rang, kein nang ni jiang ka na ri. 12 Kachongpekko hi ani; Kein nang ni ka na lungsiat anga, nang ni nom khat le khat kan lungsiatru. 13 Tu ang khat in a sap ngai ranga a lungsiat athi torhi, hiva khel la a lian i om om mak. 14 Kachongpek rakip nang nin nan jui a chang inko, nang ni ka sap hake nan ni. 15 Kein nang niha suak natinoning, ajarko, suak an khat in apuma ning, i tho ha jet mak; ajarko kei ka pa tenna ka jet rakip ha nang ni jiang ka na ri. 16 Nang ni kei nan na thang nimak tak-ha kein nang ni ha ka na thang ani, han nang nin. Ara om thei na rang, che unlang nang ni kei ka minga, puma jiang nan lam nan lam ha a man nang ni ha na pe nati, 17 ‘Nang ni khat le khat kan lungsiatru’ tihi kei chong pek ani.
Ramuol in Anmatir
18 “Ramuol ning nang ni ha an na matir inko, nang ni an na matir nimak kei hi an na matirke tihi ngaidon ru. 19 Nang ni vannoi ramuol ta nan chang inko, ramuol in anta a na man chang jarra, na lungsiat nati, tak-ha Kein nang ni ha ramuol tenna phut ki na hong khal ani jarra, ramuol in nang niha an na ma tir ani. 20 Suak ning apuma nek a alian det nimak kiti hi nang nin ngaidon ru, mi ning keihi a na nok aninko nang ni om an na nok ani, hale ka chong ri an jui aninko nang ni om annajui ani. 21 Kei kami nan chang jarra, anmanin i rakip hi tho nanti ajarko, kei a na hong tir pu ha anmanin jet ma u. 22 Kei kaluihongmak a chang inko anmani siatna maral om noning, tak-ha a tunko an siatna ha ngaidam naite om noning. 23 Tu anga kei a na matir ama ha ka pa ham a matir ani. 24 Midang khat in ilatho chuan ha ka lui tho mak a chang inko, anmani siatna lui om noning, tak-ha a tun ko anmanin kei le ka pa om an na mu jui, an na matir om annama tir jui. 25 Kei hi anmani ning arui a jar buia na ma tir nanti tihi dan rabua i kan jiak sake ani.” 26 A pa tena a nasan rang ha adik thavang a hong karra puma ama ning kei ranga shakhi chong ngir na nei nati. 27 Nang ni om chong ngir nanti, ajarko a phut na khan na kei le nang ni kan hong kan ruai suam.
1 Nang nin nan kiakmak na rang “Kein nang ni jiang ka na ri ani, 2 anmanin nang ni ha, Sainagok kan chun na munna nanot cheinanti, han nang nin mi that miha a chuan tho ha Pathian chuanthoke ti a nan ngaidon na pha ila om rang ke.” 3 Anmanin kei om ka pa om an na jet mak jarra hiva chuan hi an tho ani. 4 Tak-ha Kein Nang ni jiang ka na ri, a na ri rang a pha a hong le nan na ngaidon na ranga ka na ri ani.
Thavang Thiang Chuan Tho
Aphut na lai han Kein hivachonghi naluiripe making kei nang ni le kan om chak jarra ani. 5 Tak-ha, atun kei anahongtirpu ka pa jiang che rang kani, tu innom kei jiang hon mo che rang tia nala dingkel ma che u. 6 Kein nang ni jiang ki na ri jarra a tun nan lung hi huiluinaning a sip jui. 7 Tak-ha, kein nang ni jiang adik tak ka na ri ani, kei ka che rang hi nang ni ranga asat ani; ajarko kei kachemak a chang inko anasanrangpa nang ni jiang hongnoning; tak-ha kei ka chea chang inko ama ha kein nang ni rang ki na hong tirpe rang ke. 8 Han ama a hong karra, ramuol chunga mi ning ngaisiatnale adik, dik lui jet chung changa Pathian chong jenna om nati. 9 Siat an nei jarra, nang nin kei tak na ngai ma che u. 10 Adikna jarra kei Ka pa jiang che rang ka ni anmanin veikhat namuret lai noni u. 11 Chongtanna chung changako, ramuol la vaihompa ning chong a tan jui ani. 12 “Kein kinari rang chongtam a la om, tak-ha, nang nin a tun jet noni che u.” 13 Tak-ha, Puma ning adik thavang le kanruoia a hong karra a man keini lam Na kei nati, a man a thei jak a chong ri noning, tak-ha i suak i suak rang chong a jet rakip ha na manjet nati. 14 A man mahok lianpui na ha kei jiang na pek nati, ajarko kei ka ri rang ha nang ni jiang a na manjet. 15 Ka pa ning inei rakip ha keita ani, hava jarra Kein thavang ka na pek rang rakip ha nang ni anaripe.
Ning Dongnale Ningsat Na
16 “A pha bongkhat suale ko, nang nin kei namulai noni che u, hapkhat suale na mukhir nanti, 17 a thiamruoingai karra aviar in an hong kan ri, hap khat suale ko kei hi, nang nin namulai noni che u, veikhat hapkhat suale na mu khir nanti, ajarko kei ka pa jiang che rang ka ni a ti, hivahi imo itina ani tia an kan dingkel. 18 Hiva jarra hap khat suale ati Puma itihi imo ani? keinin jetmasing!” 19 anmanin an jet jot ha jisu nin a jet pe jarra anmani jiang a ti pha bongkhat suale namulai noni u, hale pha bongkhat suale na mu nanti katihi nang ni nan thei nan theijamo nan kan dingkel? 20 Kein nang ni jiang a thianga ki na ri ani, nang ni chajangsiar nanta chapnanti, tak-ha ramuol inko an ningsat nati. Nang nin pong khodengthei nanti tak-ha nan pong na ha ningsat na tiang hong kir khir nati. 21 Numei ning nai ankanjir tiang ko an pong ajarko ama a phat ha a tung jarra; tak-ha nai an khat ramuol la nai a hong chang a ti jarra a ning a satjui: pong khodengthei ha ite ngaidon khirlaima. 22 Ha ang han nang ni om a tun hin nan ning a donga nan pong, tak-ha kei hi nang ni le veikhat kan mu kheir kan ti, han nan lung a nan ningsat nati hale nan ningsat nahi tu innon naluikhir peno ni u. 23 “Hava nikhuo a ahong tung karra, nang nin ite na dingkel lai noni che u. Kein adik tak ki na ri ani. Kei ka minga imo khat ka pa jiang nan lam inko nang ni jiang na pek nati.” 24 Atun tunga nang nin kei ka minga ite nalalam ma che u, hava jarra nan ningsat na ha lungdo a tung na rang lamru mu nanti. 25 Hiva chongaihi tetan na anga nang ni jiang kanarijui, veikhat nang nin ka pa chung changa chong a thianga tetan na ni luia ka na lari pe rang ke. 26 Hava nikhuo a hong tung karra nang nin kei ka ming na lam nanti. 27 Ajarko, Pathian ka pa khet ha, nang ni ana lungsiat, nang nin ama ha nan lungsiat, a man nang ni ha a lung ana siat, ijarra mo kantinko, kei ka pa tenna kihongke tihi nang nin tak nanngai. 28 Kei ka pa tenna ka hong suak a ramuol chunga ka hong jui, hale a tun ko. Kei ramuol mak kata ka pa kol la che rang ka ni. 29 Jisu a thiamruoingain a hong ri, “Enru a tun ko tetan na kan chel luia a thianga narijui. 30 Atunko Puman i rakip najetver tu khat innom nang jiang chong dingkel rang om lai noning, nang Pathian tenna na hong tihi kan jet.” 31 Jisu ning anmani jiang a hong sang,” a tunko tak mo nan ngaijui? 32 “Enru a tun nang ni nan thei nan changa kansen nan ta, kei kabing jak nan na mak na rang pha a hong tung rang ani, ha ani nom kei ko kabingjak ni making ajarko, ka pa ning kei ana om pui. 33 Nang nin ka pa tenna lunghip lungdai nan mu na rang, kei nang ni jiang kanarijui; ramuol la pong khodeng nan thei tak-ha nan ning sattaru! kein ramuol hin ral ka tor jui.”
Jisun A thiam Ruioingai Alam pe
1 Jisun hi a ti suale, chungvantiang a en na a ti: “A pa apha a hong tung jui Mi Pasalnai ning mahok lianpui na rang pero, han pasalnai ha ning mahok lianpui na ha ani jui. 2 Ajarko, nang nin ama jiang mirakip chongtan na ranga ranak na pek ha ama tenna phut mirakip in a tor tibui ring na ranga ani. 3 Kumsot ringna Puma Pathian jet le adik jet na, hale nang in na hong tir Jisu Khrista ha ani. 4 Nang in thoro niti chuan ha kathosuajui: han nang mahok lianpui na ha ramuol la a kando jui. 5 A pa, ramuol na sin mak ma nang jiang mahok lianpui na nileinei, ha ang han, a tun nom namai kunga lianpui na ha na petaro,” 6 “Ramuol tenna phut na pek hi mingai jet na ranga kein ka tho jui, anmani ha nangtake anni anmanin na chong ha an jui. 7 Atun anmanin an jet jui, i rakip Pathian nang tenna ihong ani. 8 Nang in ninapek chong rakip ha kein anmani jiang ka pek, anmani ha andojui. Nang in najuang tirra nang tenna phut ihonghi adik tihi anmanin an jet jui.” 9 “Kein anmani ranga kilam ani ramuol ranga kilam nimak tak-ha, nang in na pek na mingai rang ke ani. 10 Nang in ninei rakip ha kei ta ke, kein ki nei rakip om nangtake han amanin tenna kei mahok lianpui na ha do nanti. 11 Kei a tun na kol la hong rang ka ni; hiva ramuol hin a sot om lai noning, tak-ha anmani ko ramuol hin an la om rang ke, a thiang Pathian na ranak rat na han an manihi na san pekro, nang le kei khat jak kan ni ang hin, anmanijom an ni thei na rang, anmani ha nasel narungpero. 12 Kein anmani ka ompui lai han, Naranak rat na na minga anmani kisel kingak ani. Chong thiang ning iriha tung na ranga ani, ama rang tu khat om ma u, Mi Pasalnai ni luia. 13 Atun Puma na kolla ka hong rang ani jui han anmani ningsat na ha an lung renga a tung thei na rang kein hiva chong hi ramuol la ka ri ani. 14 Kein na chongngai hi karia, anmanin ramuol hi anmatirjui, anmani ramuol ta nilainoniu ajarko, kei om ramuol ta kinilui ang han. 15 Anmani hi ramuol tenna na lui pero tia kinalam nimak, tak-ha, asat mak tenna nasel narungpero ti a kinalam ani. 16 Kei ramuol ta kichanglui ang han anmanijom ramuol ta chang maru. 17 Anmani ha adik na tianga na man thiangpero, nachongko adik ke ani. 18 “Ramuol la kei hi nina hong tir anga, anmani om ramuol la ka tir jui. 19 Anmani ha nang in adik na man thiang na rang, kei jom ka binga anmani rang kakanpekjui.” 20 Kein anmani rang jak kinalam nimak, tak-ha, anchongri an jet kei tak annangaimi rang om kinalam ani. 21 Anmani an renga pum khat jak anchangthei na rang ka na lam Puma kei hi ramuol na na hong tir tihi an jet tak annangai na rang, O A pa! Puma nangkei na na om pui ang han, anmanijom kei jiang an om chak na rang ka na lam ani. 22 Nangle kei pumkhat kan chang ang han, an manijom pumkhat an chang na ranga; ninapek mahok lianpui na ha anmani jiang ka pek ani. 23 Kein anmani jiang ka om, nang in kei jiang naomma, anmani lungdo a tunga pumkhat jak changa, ramuol chunga ninahong tirhi an jet thei na rang, kei ninalungsiat ang han anmanijom lungsiatro. 24 “O Apa! ramuol na sin mak ma na lungsiat achang jarra mahok lianpui na nanapekjui, hava ang han anmani an mu na rang, kei ka om na han an manijom an om rang hi ka dei. 25 O, nunchan adik a pa! ramuol min nang na jet ma u hanna anmanin nang in na na juangtir ani tihi an jet jui. 26 Nang in kei nanalungsiat ani, lungsiat na ha anmani sunga aomthei na rang hale kei ning anmani jiang nang jet na rang ka tho pe jui ani, han anmani non an na jet chak na ranga ki tho ani.”
Jisu Achur
1 Jisun hiva rakip a lam suale hava mun ha a thiamruoingai le an mak a kidron varaltiang han Jisu le a thiamruoingain an che jui. 2 Jisu juar rangpa Juda Iskariot ning om hava mun ha a jet ajarko a thiamruoingai le an lui che chachak ani. 3 Hiva jarra Juda ning thiampulianngai le Pharisingai biakinn a ngakngai Rom sipairup khat an tirra hava rahuan na an che han, anmanin thai mei le meiser le ral chem le pho kan ruaia an hong ani. 4 Jisu ning achunga asuak rakip hi a jet; han an madonna a chea a ading kel, “Tumo ani nang nin nantok ha? a ti.” 5 Anmanin an sang, ‘Nazaret Jisu,’ anti, a man a ri “Keike ka ni,” a ti. Jisu juarpa Juda ham anmani le han anngirsuam. 6 Hiva jarra Jisun kei ke ka ni a ti suale anmanin an nuk ankirra Simlei chunga an kan lum verjui. 7 Veikhat Jisun anmani jiang ading kel ret, “Nang nin nantokha tuha mo ani?” “Nazaret Jisu ti a an sang.” 8 “Kein nang ni jiang kanarijui kei ka ni tia Jisun a sang,” nang nin kei nannatok aninko mingai hi chebak dirase u. 9 A man hivahi a ti, ajarko, “A pa nang in ninapek hi tute khat om mang noning tihi na chong ri tung na ranga ke ani.” 10 Simon ning achemsei khat a nei ha, a kei sua, thiampulian suakpa a kuar a chang tiang atukthakpejui, hava suakpa a ming ha Malchus ani. 11 Jisun Pitar jiang, ‘Na chemsei ha akok a thunkhirro a ti! Ka pa ning ina pek koklai hi kei in noning tia mo na ngaidon?’
Jisu Anna Maikunga Angir
12 Rom sipairup lamkeipa le Jiw ralmingain Jisu ha an churra anluikhit. 13 Han anmani Jisu ha ama sat Anna jiang an tuang, ama hava kumsunga thiampulian a chang kajapha atarpu ani. 14 Hiva kajapha hi ko Jiwngai jiang mirakip ranga mikhat in athilam asat tipa ha ani.
Pitar Ning Jisu Ijot Lui
15 Simon Pitar le a thiamruoi dang khat in Jisu nuk anjuihan thiamruoi khatpa ha ko thiampulian le asat an kan jet jarra, thiampulianpa tualmai tenna Jisu le an kan ruaijui. 16 Pitar in tual varal kot han a ngirra, thiamruoi dang khat thiampulian kanjetpa, a suak kot angak numei jiang a ti, Pitar ha hongman lutro. 17 Kot angaknu han Pitar jiang ading kel, ‘Nangom Jisu thiamruoi karra akhat nimak che mo?’ Pitar a sang, “keini making a ti.” 18 Adairei jarra suakngai le a ngak rakip in an ngirra mei anluioa an om han Pitar nom anmani mei o na karra alui kan chel.
Thiampulian Ning Jisu Chong Ading Kel
19 Thiampulian han Jisu jiang a thiamruoingai le a mi man chuna ruia chong ading kel. 20 Jisun a sang kei mirakip jiang phuang a chong kari Jiwngai kan chuna Sainagok kimanchuha, i te ruk a kari om mak. 21 Hiva jarra kei jiang chong na dingkel maru, ka chong ri a jet ngai jiang dingkelru kei imo ka ri tiha anmanin an jet. 22 Jisun hi aripha, hava mun na a ngak an khat in ama hi abenna a ti. “Nang in thiampulian khat jianghi ang hin naritor,” a ti. 23 Jisun a sang kei hiva ka ri hi adik lui aninko adik luinahan, chong ngirro, tak-ha aluidik a chang inko i ruia mo nang in kei ninaben? 24 Hiva jarra ama ning kajapha thiampulian jiang an khit puma ha an tir jui.
Pitar ning Jishuha Veikhat Ijot Lui
25 Pitar ning hinga mei a o va ala om jarra mi aviar in ama jiang an hong ti, ‘Nang hiva mipa hi om thiamruoi karra khat nimak che mo?’ tia an dingkel, tak-ha Pitar ning alui ti “keini making tia alui sang.” 26 Thiampulian suakpa, Pitar ning a kuar atukthak pepahan, nang rahuan sunga han ama le nankanruoia ka na mu nimak mo? tia ading kel. 27 Pitar ning a ti “keini making,” hava lai tak han arkhong pa ning akhuangjui.
Pilat Ma don na Jisu an hong Tuang
28 Hava han jin tiang man alui ni, anmani ning Jisu ha kajapha in tenna phut ram vaihompa Pilat chang kualla ankei ruia an hong tuang jui. Jiw ngai ko kan na ut ani jarra an man kan thianga luilut ma u. 29 Pilat in anmani le kanmupui ranga a hong suak, hiva mipahi? Imo nanlo jot hin nanhongtuang? 30 Anmanin an sang, hiva mipahi chuan satlui a lui thomakinko keinin na kol la hong tuangno nising, anti. 31 Pilat in anmani jiang a ti, “Han ko nang ni nan dan nuk juia tu ang in lang ama chunga chong ha tanru.” Jiwngai an sang, keini tute that na rang ranak neimaksing. 32 Hivahi Jisu ning ija mo kithi rang tia chong iluiri ha tung na ranga hiva chuan hi a hong suak ani. 33 Pilat ning reng ong na han alutret a Jisu akuia “Nang Jiwngai reng ha mo na ni?” tia ading kel. 34 Jisun a sang, “Hiva nina dingkelhi nathei jak na lunga isuak mo animakle kei ruia midangngai ning an na ri mo?” a ti. 35 Pilat ning asangret, “Kei om Jiw ka ni tia mo na ngaidon? Najat mingai le thiampulianngai ning kei ka kut an na hong pek ani, nang imo naluithojui?” a ti. 36 “Hiva ramuol hi kei ka rengram chang mak; hiva ramuol hi ka rengram a chang inko Jiwngai in kanuk na jui nan ta ral katorrang ani, hiva ramuol hi kei rengram nimak a ti.” 37 Han Pilat in ading kelret, han ko “Nang rengko na ni mo?” Jisun a sang, “Reng na ti ha kei kani, hiva ranga kei nai ka hong changke ani, hale adik chong ngirna rang jarra hiva ramuol la kihong ani, adik mingai ning kei ka chong ha an jet.” 38 “Han ko Adik ha ko imo ani?” tia Pilat in ading kel.
Jisu That na Rang Chong Tanna
Han Pilat ning tual a suak Jiwngai jiang a ri, “A ma a siatna adik mak na ite kein mu making. 39 Tak-ha Nang ni kan na ut racham kein ren inna a om mi khat hi kimasuahi a ngai ani, hiva jarra Jiwngai renghi kein nang ni rang kamasua rang mo nan dei?” 40 Anmanin rasa ring tak an hong khek ama ha “Nimak Barabaske Barabas masua ranghi kan dei an ti (Barabas ko a ruk mi that ani)!”
1 Pilat in Jisu a tuanga avejui. 2 Sepai ralmingai ning linglukhu an khat anphanna a lu chunga an mankhujui anmanin puansen dup khat anmansia. 3 Han anmani jiang an hong tuanga “Jiwngai reng naringsei sotrase!” anta an benjui. 4 Mipui maikunga Pilat ning veikhat a hong keisua ret a, ‘Enru’ Kein ama jiang a siatna ite mu making na man mu ranga kein nang ni jiang kiva tuang ani. 5 Hiva jarra Jisu linglukhu an man khua Puansen dup an mansia tual a hong suak jui, Pilat in anmani jiang, “Mipahi hin a om jui,” a ti. 6 Thiampulian le angakmi ulianrupngain Jisu an mu pha, an khek a khros a hemru! Khros a hemru anti ani, havaphahan Pilat ning anmani jiang, Kein hiva ama chunga a siatna non tak ete mu making a ti. 7 Jiwngai an hong sang, keinin dan khat kan nei hava jarra a mahi athirang a suak, ajarko a man a bing jak Pathian ka ni a kan ti ani. 8 Anmanin hiva an ri hi a jet pha, a man a tam a chitjui. 9 A ong na han a lut khirra, Jisu jiang, “Nang ho tenna mo ni hong?” tia ading kel, tak-ha Jisun sanglaimak. 10 Pilat ning ama jiang a ti, “Nang in kei hi nasang noni che mo?” Nang masu a nale khros a khai makhop ranga ranak ka nei tihi ngaidonro. 11 Jisun a sang, ‘Nang in kei jiang ranak na nei na ha ko Pathian nin ranak ana pek mak aninko nang ranak kei jiang lui nei noni che, hava jarra na kut chunga a na pek miha a siatna a lian det ani a ti.’ 12 Pilat ning ha a jet pha, Jisu ha ama suajotjui, tak-ha Jiwngai an hong khekret, Nang in ama namasua aninko nang Rom vaihompa chuan ha thomakche, ajarko tu a chang innom reng an khat ka ni a ti inko, reng khat ha i kan talpuike ani. 13 Pilat in hiva chong hi a jet pha, a man Jisu ha, a kei sua chongtan na mun ong na ha a man ong jui, hava lung ha Hebru ngain “Gabbath,” tia an kan jet. 14 Hava ni han kan na ut an thomakma sunchim a luini, Pilat in mingai jiang a ti! “Nan rengpa hin a om jui” ani. 15 Anmanin an hong khek khirra “Thatru, Thatru, ama khros makhairu!” anti Pilat in anmani jiang ading kel ret, “Nang ni nan rengpa khros kamakhai rang mo nan dei?” a ti, thiampulian karra an khat in a hong sang, “Reng lianpa jak ha kan rengke a ti.” 16 Hava pha Pilat in Jisu ha Khros a khai ranga an kut chunga a pek jui. Han Jisu ha anmanin an tuang jui. 17 Tual tiang asuak a a chap a khros adom ma lurok mun, anti, ‘Hebru chongako,’ “Golgotha”, anti han antuongjui. 18 Hava mun han anmanin ama le khros chunga an khai suam mi anningai om veitiang khat le changtiang khat Jisu ning alai a anluikhai ani. 19 Pilat ning rabu che her khat a jiak khros chungahan a tar, ha ko Nazaret Jisu, Jiwngai rengpa tia chonga a manjet. 20 Hivahi Jiw mitam tak in an pa an teljui ani, ajarko, Jisu Khros a ankhai na ha mun ha khopui le kanlak remma, hava chong antarha Hebru chonga, Latin, Grik chonga an jet ani. 21 Jiwngai thiampulian khat in Pilat jiang a ti, Jiwngai reng tia jiak maro manjet maro tak-ha, “kei Jiw ngaireng ke ka ni” a man a kan ti ha lam jiak pero a ti, 22 Pilat in a sang, “kein ka na manjet kijiak saha, kijiak jui ke.” 23 Han Sepai ngain Jisu ha Khros an khai anhem suale, apuansi an luia, her manli an man suak jui, akuntai ham an luia han kuntai ha ko asuilung ite lui om mak. 24 Hiva jarra Sipai ralmingai han an khat le an khat an kan biak “kein in hi ko ek therlaimarei,” rashi kan en narei tu ning mo kan tum rang hiva chong hi kakuntai hin anmani rashi kan en nananti tihi, “Chong thiang in alui ri ha tung na ranga ani. 25 Jisu khros le anaija ama jiang a ngir mingai ha, a nu le anaipangnu ti ko kleopa lom nu le Megdalene Meri ngai anni. 26 Jisun a nu le a thiamruoi lungsiat ngai han a ngir a mu pha, a man a nu jiang a ti, “E numei enro hi na pasalnai ke ani.” 27 A thiamruoingai jiang vei khat a ti, “Enroha nanuke ani.” Hava suale han ko thiamruoingain a nu ha a in tiang an tuang jui.
Jisu A thi
28 Atunko chuan i rakip a tor jui ti a Jisun a jet jui. Chong thiang in iriha lungdo a tung na rang “A man katui aral a ti.” 29 Hava mun na kek asipmar khat alui om: anmanin Phisop anti molha anmanchop puma anerha an vaman chop. 30 Hava Juha a inna a ti, a tor jui, a ti han a lu akunna a thi jui.
Jisu Chei a Ansun
31 Jiw ulianrupngai ning pilat jiang a, thinga khros a an khaijui, a ke anvekhiak khros tenna masum nareng hin anmanin cham an lam, ajarko hava nikhuo Irai alui ni han anmanin, sernikhuo han khros chunga man om rang hi luidei ma u. 32 Han Sipai ralmingai ning an hong a, Jisu le Khros ankhaisuam a phut na ha a ke an ve kheakjui. 33 Jisu kol la an hong pha han Jisu ko alui thi jui, han a ke ve khiakpe lai ma u. 34 Ral mi an khat Jisu diap han chei avasunna, halai tak han thisen le tui a hong suak jui. 35 Hava an mu pha anti, keini nom a man aluiriha adik ti a kan jet, nang ni ning om ama irihi nan jet thei na rang ki na ri hi adik ani. 36 Hiva i suak chuan hi “Chong thiang in alui ri, nuk jui a a ruk khat teom mang noning tihi tung na ranga ani. 37 Adang chong thiang khat in a ti “Cheia ansun pa han anmani ha ennati.”
Jisu An phum
38 Hiva suale, Arimathia khopuia Josep in Jisu tak sa lui ranga. Pilat jiang avalam Josep hi Jiwngai a chit jarra ruk chienna Jisu nuk jui mi khat alui ni. Pilat in Jisu ruak ha luiro a ti pe. 39 Masat Puma jiang a hong Nikodimas han Josep le kan ruaia kilometar somranga han an valon, Myrh le arimhui an hong choi. 40 Anmani anni Jisu ha a rim hui le puanrui anemhan an chun na ankhitjui ajarko Jiwngai kanphumna nunchanhi hingahin an thomo an lui ti. 41 Jisu ruak siakna rang mun ha rahuan an khat alui om rahuan sungha than khur, tute la kan phum chilluina mun khat alui om. 42 Hava ni han jiang ang hin Jiwngai sernikhuo ani jarra han than ha a nai a chang jarra, anmanin hava mun han anrejui.
Than Rong
1 Sernikhuo jintiang a jing phat han, Meri Magdalen ning than ha lung an kei sua arongha a mu jui. 2 Han numeihan a tanna Simon Pitar le a dang thiamruoi, Jisu ning alungsiatngai jiang avari, “puma ha than ten phut an lui jui. A ma hon mo an lui siak rang tihi kein in jetmasing.” 3 Pitar le a dang thiamruoingai ning thanna an lui che. 4 Mi anni han an tan jui, tak-ha thiamruoi an khat ha Pitar ha a khel la than na maan a tung jui. 5 A man akunna a en pha ruinemma ankhitna Puan anemha a mu, tak-ha arengako lui mu ma u. 6 Hava ha Simon Pitar ham a hong tunga than khur sunga a lut jui ani puannem anchun na ha a mu jui. 7 Han Jisu a lu an chun na puan diar le puannal jak a mak ha a mu jui. 8 Thanna man aluitung thiamruoi an khat ham a lut a; tak a ngai jui. 9 Chong thiang in a ri tiko a mahi thina tenna thuikhir nati, anti hi anmanin la jet tor ma u ani. 10 Hava suale thimruoingain inna an kir jui.
Jisu Magdalen Meri Jiang Akando
11 Meri han than sirra a ngirra a chap chunga than sunga alui lut jui. 12 Jisu ruak anluisiakna a sirra han thaneithiang anni puan ngui mang ansia an ongha a mu jui. 13 Anmani ning “E numei ita mo nichap tia an dingkel!” 14 A man an kan hei a Jisu a ngirra om ha a mu jui tak-ha a man Jisuke tiha luijetma. 15 “E numei ita mo nichap? tia Jisun numeinu jiang ading kel, tu ha mo nang in nitok.” 16 Jisun Meri jiang a ti, ama jiang a enna a ti, “Rabboni Hebru chonga oja tina ani.” 17 Jisu ning numeinu jiang a ti, “Nasit maro, ajarko, kei ka pa jiang lache making, tak-ha ka u ka nai jiang nang che in lang ripero, ka Pathian, anmani rang om an Pathian jiang kakir rang ke.” 18 Magdalen Meri ning thiamruoingai jiang a chea Jisu ning ama jiang iman jet chong ha avari pe jui.
Jisu Thiamruoi Ngai Jiang Akando
19 Sernikhuo nitak anipha, thimruoingain an renga an kanchun na an lui om han in khar om an lui kalrep ajarko, anmanin Jiwngai an lui chit han Jisun a hong ngirra a ti. “Lunghip lungdai ha nan chunga om rase.” 20 A man hi a ti suale, a kut le adiap ha a man mu jui, han thimruoingain Puma anmuphahan an ning asat ha rina lui om mak. 21 Hava suale Jisu ning anmani jiang a ti, “Nan chunga lunghip lungdai om rase.” Ka pa ning kei a na tir anga kei in nom nang ni ha ka na tir jui a ti. 22 A maning anmani ha phuk asa thuan na a ti, a thiang thavang ha muru. 23 Nang nin mingai siatna nan ngaidam inko, nang ni om na ngaidam nanti hale nang nin nan ngaidam mak inko nang ni om na ngaidam noni u.
Jisu Thoma Jiang Akando
24 Thiamruoi somlei anni karra Deduma anti Thomaha Jisu ahonghan anmani karra lui kan chelmak. 25 Thiamruoi adangngain Thoma jiang anti, “keini Puma kan mu jui, Thomaning anmani jiang a ti, kei ana jotpia akut ake adiap ansunna abi ha ka kut tak in kasitmaje kein takngainoning.” 26 Hapta khat suale thiamruoingain in sunga an kan chun na han Thoma om hana alui kan chel in khar kot ankhar verhan Jisun anmani jiang alai tak a ngirra a ti, “Nan chunga lunghip lungdai na om rase.” 27 Han a man Thoma jiang a ti, “Na kut han hongsunro hale ka kut hi enro, Na kut hong thuang in lang ka diap hong ritro, Natak ngailuiha masua in lang takngai taro.” 28 Thoma ning a sang, “Kapuma ka Pathian!” 29 Jisun ama jiang a ti, “Kei nanamu jarra mo taknangai? mu chil luia takngai mihan iduk a ravan satmo anni.” 30 Jisun a thiamruoingai karra angakpa chuan i tho rakipngai ha hiva rabu sunga kenglaima. 31 Jisu hi Mesaia ani tia tak nan ngai na rang hiva chong lam hi alui kan jiak sa ani, Pathian pasalnai ha tak nanngai na han ring na mu nanti.
Thiamruai Sari Ngai jiang Akando
1 Tiberia anti pat han Jisun a thei jak veikhat a thiamruoingai jiang a man kan mu ret. 2 Simon Pitar; Diduma antithoma Nathanael Galili ram ma kana mi Zebedi naingai a thiamruoi a dang anni le Jisu le an lui, an kanchun na an lui om. 3 Simon, Pitar in a dangngai jiang a ti, “Kei ngatok che kati,” “Keini om Nang ha kan na jui rang ke, anti han rokuang anchuanga an che jui, tak-ha jansot hinitekhat om luichur ma u. 4 Khua ahong var han Jisun tuilaija ahonglon tak-ha, thiamruoi ngainko Jisuke tia lui jet ma u. 5 Tak-ha ama ning anmani jiang ading kel, “Naipangngai nang ni ite churmakche u mo?” ite churmasing tia an sang” 6 “Nalenha hiva nan rokuang chang tiang hin vorro. Han nga churnanti,” anmanin len anhongvorhan lenha hong kei suak torlai ma u, ajarko anmanin nga a tam anchurjui. 7 Jisu ning a lungsiat thiamruoi khat in Pitar jiang a ti, “A mahi puma ke a ti!” Pitar ning hi puma ke ti a jet pha a puan adiar ashi a keijui. Apuan a khek tuilaia akanchom ani jarra, 8 Thiamruoi a dang ngain len sunga nga asip reia tanglai tiang an keiphiatjui. Anmani ha tanglai tenna kan lakma khutupkhat duk ani. 9 Anmani tanglai tiang an kei sua pha, mei an tho anga bule anroha a mu jui. 10 Jisun anmani jiang a ti, “Nan chur ngaha hin aviar hong choi diru.” 11 Simon, Pitar in a chea lenha tuipanga a keisuak nga alian tak riakhat le somranga leithum in ankhita ani hiduk nga an khit in om len ha ko luichetmak. 12 Jisun thiamruoingai jiang nang ni hong una luihongchak taru a ti, thiamruoi tutekhat nom, ‘Nang tumo nani?’ tia dingkel tendingkel ma u, ajarko ama Puma ke tia an jet. 13 Jisun a chea bulom le nga a luia anmani jiang a pek jui. 14 Hiva jarra Jisu ning a thui tenna i man kan muhi veithum tung na ani.
Jisu le Pitar
15 Anmanin an chak suale, Jisun Simon Pitar jiang a ri, “Johon a nai Simon hiva ngai nek nang in kei na na lungsiat det mo?” A man a sang O, Puma kei kanlungsiathi nang in na jet ati, “Kabelram ngaihi asat narungpero.” 16 Veini chang na Jisu ading kelret, “Johon a nai Simon nang kei na na lungsiatmo?” A man a sang, O, Puma kei ka na lungsiat tihi nang in na jet a ti kabelram ngaihi asat narungpero. 17 Veithum chang na Jisun ama jiang ariret, Johon a nai Simon, kei nanalungsiat mo? Veithum khan nanalungsiatmo tia Jisun ading kel jarra Pitar ning a ning alui dong. Pitar ning ama jiang a ti, Puma kein nang ka na lungsiat tihi nang in najetver, Jisun ama jiang a ti ret, kabelram ngaihi asat hong enpero. 18 Kein nang jiang adik kari ani, nang in nai pang nachanglai naratlai nache jot na mun han nang in nache, tak-ha na hong tarleko na kut thuang na ta, miring khat in nakhit nan ta, nachejot luina mun han na tuang nanti. 19 Jisun hiva itinahi Pitar ning ija mo ithi rang hale Pathian lianpui na ha ido rang? han Jisun ama jiang a ti “Najuiro.”
Jisu le Adang Thiam Ruoi
20 Pitar in a nuk a hong kanheia a en karra a nuk tiang Jisun a lungsiat thiamruoi khat ha Jisu bu an nek lai Jisu koltak om pa a mua a hong ti, Puma nang anajuar rang ha tu mo ani? 21 Pitar in ama a mu pha Jisu jiang a hong dingkel, Puma hiva mihiko imo ichang rang? 22 Jisu ning a sang, kei ka hong kirmaje ama om rang hi ka lungdo aninko, “Nang ranga ko imo ani?” Najuiro. 23 Hiva jarra Jisu nuk jui karra thiamruoi ha thi lai noning tia chong asemjui tak-ha Jisunko ama thinoning a ti nimak, ‘kei ka hong kuimaje ama om rang hi kei ka lungdo aninko nang ranga imo ani atinake.’ 24 A ma hike thiamruoi karra chongluiriha, hale hiva rabu hin non aluijiak ama ari rakip ha adik tia kan jet.
A torna Chong
25 Jisun a tho chuan tam tak adangom a la om tak-ha an khat khat kan jiak inko ramuol pumpui hin nom kengnoning tia ka ngaidon.