Labz ensán but
1 Bongéjá, cha azal, Labz at. Labz gón Hodáyá at o Labz Hodáay jend at. 2 Cha azalá, Labz gón Hodáyá at. 3 Sajjahén chiz cha Labzá hast butant o ach á jórh butagénán, bé áiá chizé jórh nabut. 4 Hasti o zend cha áiá pédák but o hasti mardománi nur o rozhn at. 5 Rozhn, mán tahárókiá drapshit o tahárókiá kadi rozhn zánt nakotag o báládast nabutag. 6 Yahyá námén mardé wadi but ke Hodáay shón dátagén at. 7 Á átk ke sháhed bebit o pa á rozhná gwáhi bedant, tánke sajjahén mardom cha áiay gwáhiá immán byárant. 8 Á wat hamá rozhn naat, bale átk tán pa á rozhná gwáhi bedant. 9 Hamá rástén rozhn, ke sajjahén mardomán nuránia kant, nun mán jaháná áyagi at. 10 Á mán jaháná at o cha hamáiá Hodáyá jahán jórhéntagat, bale jaháná pajjáh nayáwort. 11 Á wati mahlukay darnyámá átk o mahluká namannet. 12 Bale hamá mardomán ke báwar kot o mannet, áiá é hakk o ehtiár dátant ke Hodáay chokk|Hodáay Chokk: bebant. 13 Á na cha hóná wadi butant, na cha jesmáni wáhagán o na cha ensáni lothán, cha Hodáyá wadi butant. 14 Labz ensán but o may darnyámá jágahi kot. Má áiay shán o shawkat dist, shán o shawkaté ke Petay|Pet: yakkén Chokká karzet o cha rahmat|Rahmat: o rástiá porr at. 15 Yahyáay pa gwáhi gwánk jat o gwasht: “É hamá kas ent ke áiay bárawá man gwasht: Cha man randá kayt, bale cha man master o démáter ent. Chiá ke cha man pésará butag.” 16 Má sajjahénán cha áiay pormehrén rahmatay sawgátá har wahd barkat geptag. 17 É rást ent ke Tawrát|Tawrát (Mussáay ketáb): pa má cha Mussáyá bakshag butag, bale rahmat o rásti, cha Issá Masihá|Masih: pa má átk o sar but. 18 Hechkasá Hodá nadistag, bale hamá yakdánagén Chokká pajjáréntag, ke gón Petá yakk ent o cha sajjahénán gón Hodáyá nazzikter ent.
Pákshódókén Yahyáay gwáhi
19 -20 Wahdé Orshalimay|Orshalim (Bayt ol-Mokaddas): Yahudián wati lahtén dini péshwá|Dini péshwá: o Láwi|Láwi: thakkay mardom Yahyáay kerrá rawán dátant ke jost begerant: “Taw kay ay?” áiá watá cha passaw dayagá dur nadásht, tachk o pa rásti gwáhi dát o gwashti: “Man Masih|Masih: naán.” 21 Áyán jost kot: “Taw Eliás ay?” Gwashti: “Na.” Gwashtesh: “Gorhá taw á wádah dátagén nabi ay?” Gwashti: “Na.” 22 Jostesh kot: “Gorhá taw kay ay? Má báyad ent pa áyán ke márá rawán dátagesh passawé bedayén. Wati bárawá ché gwashay?” 23 Áiá cha nabi Eshayáay kawlá gwasht: “Man hamá tawár án ke mán gyábáná gwánka jant o gwashit, Hodáay ráhá rást o tachk kanét.” 24 Cha é rawán dátagén kásedán lahtén Parisi|Parisi: atant. 25 Jostesh kot: “Agan taw na Masih|Masih: o na Eliás ay o na hamá nabi, gorhá pa ché pákshódia dayay?” 26 Yahyáyá áyáni passawá gwasht: “Man gón ápá pákshódia dayán, bale kaséá shomay darnyámá jáh jatag ke shomá áiá nazánét. 27 Á cha man randá kayt o man áiay kawshbandáni bójagay láhek ham naán.” 28 É kár Ordonay kawray á dastá, mán Bayt-Anyáyá pésh átk, hamá jágahá ke Yahyáyá mardom pákshódia dátant.
Hodáay Gwarándh
29 É dega róchá, wahdé Yahyáyá Issá dist ke dém pa áiá pédák ent, gwashti: “Bechárét! Esh ent Hodáay hamá Gwarándh ke jahánay gonáhán dura kant. 30 Esh ent hamá kas ke áiay bárawá man gwashtag: ‘Cha man o randa kayt o cha man master o démáter ent, chiá ke cha man pésará butag.’ 31 Man pajjáh nayáwort, bale gón ápá mardománi pákshódi dayagá átkán tán é dhawlá á pa Bani Esráilián|Bani Esráil: zánag o paddar bebit.” 32 Yahyáyá wati gwáhi é paymá démá bort: “Man Hodáay Ruh|Pákén Ruh (Ruh ol-Kodos): dist ke kapótéay dróshomá cha ásmáná ér átk o áiay sará nesht. 33 Man á nazánt, bale hamá kasá ke maná rawán dáti tán gón ápá pákshódi bedayán, gwashtagati: ‘Wahdé ke taw dist Ruh pa kaséay sará ér byayt o benendit, bezán á hamá kas ent ke gón Hodáay Pákén Ruhá|Pákén Ruh (Ruh ol-Kodos): pákshódia dant.’ 34 Man é chiz distag o gwáhia dayán ke á Hodáay Chokk|Hodáay Chokk: ent.”
Issáay awali morid
35 É dega róchá, Yahyá gón wati do moridá óshtátagat. 36 Wahdé Yahyáyá Issá dist ke cha ódá gwazagá ent gwashti: “Esh ent Hodáay Gwarándh.” 37 Á doén moridán é habar eshkot o Issáay randá rawán butant. 38 Issáyá chakk tarrént o har doéni distant ke áiay randá áyagá ant. Josti kot: “Shomá ché lóthét?” Gwashtesh: “Rabbi! (Bezán: O ostád!) Tai jágah kojá ent?” 39 Gwashti: “Byáyét o bechárét!” Gorhá á doén shotant o distesh ke kojá neshtag o róchay mantagén bahrá hamáiay kerrá mantant. Bégáh at o digaray wahd. 40 Yahyáay habaráni eshkonagá rand, yakké cha áyán ke Issáay randá shotant, Shamun Petrosay brát, Andriás at. 41 Áiá awalá wati brát Shamun wadi kot o gwashti: “Má Masih|Masih: dar gétk.” 42 Randá, áiá Shamun Issáay kerrá bort. Issáyá Shamun cháret o gwashti: “Taw Shamun, Yuhannáay chokk ay. Bale nun tai nám Kaypá bit.” Kaypáay máná Petros, bezán talár ent.
Pilipos o Natnáil
43 É dega róchá, wahdé Issá Jalilay|Jalil: rawagá sar gept, Piliposi dar gétk o gwashti: “Gón man byá!” 44 Pilipos ham, Petros o Andriásay dhawlá, cha Bayt-Saydáay mardomán at. 45 Pilipos ham shot o Natnáili shóház kot o gwashti: “Má hamá kas distag o dar gétkag ke Mussáyá mán Tawrátá|Tawrát (Mussáay ketáb): áiay mestág|Mestág: dátag o á dega nabián ham áiay bárawá gwashtag. Á Issá Náseri, Issopay chokk ent.” 46 Natnáilá gón áiá gwasht: “Cha Náserahá ham sharrén chizé dar kapta kant?” Piliposá gwasht: “Byá o bechár!” 47 Wahdé Issáyá Natnáil dist ke dém pa áiá pédák ent, gwashti: “É hamá tachkén Bani Esráili|Bani Esráil: ent ke áiay delá hech paymén mandr o repk nést.” 48 Natnáilá jost kot: “Taw maná cha kojá zánay?” Issáyá áiay passawá gwasht: “Piliposay tawár kanagá pésar, man tará hamá wahdá dist ke enjiray drachkay chérá atay.” 49 Natnáilá gwasht: “O ostád! Taw Hodáay Chokk|Hodáay Chokk: ay, taw Esráilay bádsháh ay.” 50 Issáyá passaw dát: “Paméshá immánet áwort ke man gwasht: ‘Tará enjiray drachkay chérá distagon’. Cha é chizá masteréna genday.” 51 Gorhá gón áiá gwashti: “Yakin bezánét ke nun shomá ásmáná pacha gendét o Hodáay préshtag dém pa Ensánay Chokká, ke man án, jahl o borza káyant o rawant.”
Kánáay métagay sur o árós
1 Saymi róchá, mán Jalilá|Jalil:, Káná námén métagéá, sur o árós at o Issáay mát ham hamódá at. 2 Issá o áiay moridesh ham lóthetagatant. 3 Wahdé ke sharáb halletant, Issáay mátá gón áiá gwasht: “Áyán dega sharáb nést.” 4 Gwashti: “O bánok! Maná o tará gón eshiá che kár? Mani wahd angat narasetag.” 5 Mátá gón kárenda o hezmatkárán gwasht: “Harché shomárá gwashit, hamá kárá bekanét.” 6 Ódá ápay shash sengén kunzzag atant, ke har yakkéá sad tás o literay jágah hastat o mán Yahudiáni pákizagiay rasmán kármarza butant. 7 Issáyá gón hezmatkárán gwasht: “Kunzzagán cha ápá porr kanét.” Gorhá kunzzagesh cha ápá sarréch kotant. 8 Gorhá Issáyá gwasht: “Pa diwánay kamáshá kammoké bebarét.” Áyán anchosh kot. 9 Diwánay kamáshá nazánt é áp ke sharáb butagatant cha kojá árag butagant, áiá chashet o nósh kotant, bale hezmatkárán ke áp áwortagat zántesh. Nun diwánay kamáshá, sálónk tawár jat o 10 gwashti: “Harkas mehmánán sharterén sharábá pésará dant, wahdé á malár o sargrána bant, randá adná o arzánteréná kárant. Bale taw sharterén nóki áwortag!” 11 É mójezah o ajabbatén nesháni ke mán Jalilá|Jalil:, Kánáay métagá but, Issáay awali mójezah at. Áiá gón hamé mójezah o ajekkáiá wati mazani o shawkat paddar kot o moridán áiay sará immán áwort. 12 Randá Issá gón wati mát, brát o moridán Kaparnáhumay shahrá shot o lahtén róchán hamódá mant.
Issá mazanén parasteshgáhá rawt
13 Yahudiáni Pesah|Pesah: , bezán Sargwazay aid|Pesah: , nazzik at. Paméshá, Issá Orshalimá|Orshalim (Bayt ol-Mokaddas): shot. 14 Mazanén parasteshgáhay tahá disti ke mardom gók, pas o kapótay dayger o sawdágeriá goláésh ant o zarr badal kanókén sarráp ham neshtagant. 15 Gorhá gón sád o chilleká, yak shallák o hayzaráné jorhi kot o, á sajjahén bápári gón áyáni pas o gók o dalwat cha parasteshgáhá dar kotant o sarrápáni zarr o sekkah ham dur rétkant o mizz o barónk chappig kotant. 16 Gorhá gón kapót bahá kanókán gwashti: “Eshán cha edá dar kanét. Mani ásmáni Petay|Pet: lógá bázáré makanét.” 17 Nun morid yát o tránagá kaptant ke Hodáay Pákén Ketába gwashit: “Á lajj o mayár ke maná pa Hodáay lógá hastent, maná jánsócha kant o báhénit.” 18 Gorhá Yahudián gwasht: “Taw gón chónén neshánié paddara kanay ke tará é káráni ejázat hastent?” 19 Issáyá gwasht: “É mazanén parasteshgáhá bepróshét o karójét, man say róchá padá addhia kanán.” 20 Yahudián gwasht: “É mazanén parasteshgáh|Mazanén parasteshgáh:, chel o shash sálá jórh kanag butag, taw chón áiá say róchá addha kanay?” 21 Bale á parasteshgáh ke Issá áiay bárawá gapp janagá at, áiay jenday jesm o ján at. 22 Cha marká jah janagá o rand, Issáay morid tránagá kaptant ke áiá wat é habar gwashtagat, paméshá Hodáay Pákén Ketáb o Issáay habaráni sará immánesh áwort. 23 Á róchán, Issá pa Sargwazay aidá|Pesah: Orshalimá|Orshalim (Bayt ol-Mokaddas): at. Hamá bázén mardomán ke Issáay ajabbatén nesháni distagatant, pa áiá báwaresh kot. 24 Bale Issáyá watá áyáni báwaray dastá nadát, chiá ke áiá sajjahén mardom sharriay sará zántant. 25 Pa ensánay zánag o pajjáragá, áiá hechkaséay gwáhiay zalurat naat, chiá ke á, mardománi delay har hálá sahig at.
Issá o Nikudimus
1 Nikudimus námén yak Parisié|Parisi:, ke cha Yahudiáni sarók o diwánay básk o membarán at, 2 yak shapé Issáay kerrá átk o gón áiá gwashti: “O ostád! Má zánén ke taw may rahshón ay o cha Hodáay némagá átkagay, chiá, tánke Hodá gón kaséá gón mabit, á é dhawlén ajabbatén nesháni pésh dáshta nakant ke taw pésh dáragá ay.” 3 Issáyá áiay passawá gwasht: “Yakin bezán, tán kasé cha nók pédák mabit, Hodáay bádsháhiá|Hodáay bádsháhi: dista nakant.” 4 Nikudimusá gwasht: “Chón buta kant ke piréné dwárag cha mátá wadi bebit? Bárén buta kant ke padá mátay lápá berawt o pédák bebit?” 5 Issáyá passaw dát: “Yakin tará gwashán, tán kasé cha áp o Ruhá|Pákén Ruh (Ruh ol-Kodos): pédák mabit, Hodáay bádsháhiá pád ér kota nakant. 6 Á chiz ke cha jesmá pédáka bit, jesm ent o á chiz ke cha Ruhá bit, ruh ent. 7 Hayrán mabay ke tará gwashán shomá sajjahén báyad ent cha nók pédák bebét. 8 “Gwát har jáh ke belóthit, kasshit. Taw áiay tawárá eshkonay, bale nazánay cha kojá kayt o kojá rawt. Á kas ke cha Ruhá|Pákén Ruh (Ruh ol-Kodos): pédáka bit ham anchosh ent.” 9 Nikudimusá gwasht: “É chón buta kant?” 10 Issáyá gwasht: “Taw wat Esráiliáni yak mazanén ostádé ay, é chizá nazánay? 11 Yakin bezán, má hamá chizáni habará kanén ke áyáni bárawá zánén o hamá chiz ke distagant, áyáni gwáhiá dayén. Bale shomá may sháhediá namannét. 12 Wahdé ke zeminni chizáni bárawá habara kanán báwara nakanét, agan ásmáni chizáni bárawá habar bekanán gorhá che paymá báwara kanét? 13 Hechkas ásmáná borzád nashotag, abéd ach á kas ke cha ásmáná ér átk, bezán man ke Ensánay Chokk|Ensánay Chokk: án. 14 Hamá dhawlá ke Mussáyá, gyábánay tahá á már dáray sará dratk, Ensánay Chokk ham báyad ent chest kanag bebit, 15 tán harkas ke pa áiá immána kárit, namiránén zendmánay|Namiránén zend: wáhonda bit.” 16 Chiá ke, Hodáyá jahánay mardom haminchok dóst atant ke wati yakk o yakdánagén Chokki ham nadr kot tán harkas ke áiay sará báwar bekant gár o zyán mabit o tán abad zendag bemánit. 17 Hodáyá wati Chokk mardománi ér janag o mayárig kanagá mán jaháná rawán nadát. Rawáni dát tán áyán neját bedant o berakkénit. 18 Harkas ke áiay sará báwar bekant mayáriga nabit, bale harkas ke báwar makant, hamé annun mayárig ent, chiá ke Hodáay yakdánagén Chokkay námay sará báwari nakotag. 19 Hokm esh ent ke: Rozhn o nur jaháná átk, bale mardomán pa wati badén kárán, rozhnáiay badalá, taháróki gechén kot. 20 Chiá, á mardom ke badén káráni keshká zurit cha rozhnáiá bézára bit o watá cha rozhná dura kant, tánke áiay badén kerd páshk o paddar mabant. 21 Bale á ke rástiá zurit o gechéna kant dém pa rozhnáiá kayt, tánke pakká bebit ke áiay kár Hodái butagant.
Issá o Yahyá
22 Randá, Issá gón wati moridán Yahudiahay|Yahudiah: hand o damagá shot o gón áyán ódá mant o pákshódia dáti. 23 Yahyá ham Sálemay nazziká, mán Aynuná, mardománi pákshódiá goláésh at. Á chágerdá áp báz at o mardom pa pákshódiá átkant. 24 Chiá ke Yahyá angat jélá bandi nabutagat. 25 Pákizagiay sará, Yahyáay moridán o yak Yahudéay nyámá kassh o chillé but. 26 Gorhá, á Yahyáay kerrá átkant o gwashtesh: “O ostád! Hamá mard ke Ordonay chágerdá gón taw gón at o taw áiay bárawá gwáhi dát, edá pákshódi dayagá ent o sajjahén mardom áiay kerrá rawagá ant.” 27 Yahyáyá áyáni passawá gwasht: “Cha Hodáay bakshátagéná abéd, mardom dega chizé kattheta nakant. 28 Shomá wat sháhed ét gwashton ke ‘Man Masih|Masih: naán, bale cha áiá pésar rawán dayag butagán.’ 29 Bánóray hodábond, sálónk ent. Sálónkay dóst ke óshtátag o áiay tawárá eshkont, gal o shádána bit. Hamé dhawlá, mani shádehi annun pa kamál rasetag o sarréch butag. 30 Á báyad ent démá berawt o man pad bekenzzán.”
Á ke cha ásmáná kayt
31 Á kas ke cha borzáda kayt, cha sajjahénán master ent o á ke cha é hákién donyáyá ent zeminni mardomé o donyái chizáni bárawá habara kant. Bale á ke cha ásmáná kayt cha sajjahénán master ent. 32 Har chizé ke distag o eshkotagi gwáhia dant, bale hechkas áiay gwáhiá namannit. 33 Harkasá áiay gwáhi mannetag, Hodáay rástiay gwáhii dátag. 34 Á kas ke cha Hodáay némagá rawán dayag butag, Hodáay habarána|Hodáay habar: kant, chiá ke Hodá wati Ruhá|Pákén Ruh (Ruh ol-Kodos): pa áiá békesása bakshit. 35 Petá|Pet: Chokk dóst ent o sajjahén chizi hamáiay dastá dátagant. 36 Á kas ke pa Chokká immán byárit namiránén jahánay wáhonda bit, bale á kas ke Chokkay habarán mamannit, zendmáná nagendit o Hodáay nárazáiay|Hodáay nárazái: tahá gereptára bit.
Issá o Sámeri janén
1 Issáyá zánt ke Parisián|Parisi: eshkotag áiá cha Yahyáyá géshterén moridé wadi kotag o áyán pákshódia dant. 2 -3 Gorhá cha Yahudiahá dém pa Jalilá|Jalil: per tarret. Albat, Issáyá wat mardom pákshódia nadátant, é kár moridána kot. 4 Bale zalurat at ke cha Sámerahá|Sámerah: begwazit. 5 Ódá, yak shahréá raset, ke námi Suhár at o hamá dhagáray nazziká at ke Ákubá pa wati Issopén chokk bakshátagat. 6 Ákubay chát hamódá at. Issáyá cha sapará dam bortagat o hamé chátay kerrá nesht. Némróchay wahd at. 7 Sámeri janéné pa ápay kasshagá átk, Issáyá gón áiá gwasht: “Kammé áp maná beday.” 8 Chiá ke áiay morid, pa warákay gerag o áragá shahrá shotagatant. 9 Sámeri|Sámerah: janéná gwasht: “Taw ke yak Yahudé ay, chón cha man ápa lóthay?” (Janéná paméshá chosh gwasht, ke Yahud gón Sámerián raw o áya nakanant.) 10 Issáyá áiay passawá gwasht: “Agan taw bezántén Hodáay bakshesh chi ent o é kay ent ke cha taw ápa lóthit, gorhá allamá taw gón áiá dastbandi kotagat ke tará zendáp bedant.” 11 Janéná gwasht: “O wájah! Tará pa ápay kasshagá dhól nést o é chát sakk johl ent, cha kojá zendápa káray? 12 Bárén, taw cha may pirok Ákubá master ay, ke é cháti pa má bakshátag o áiay jend, chokk, ramag o górromá cha é chátá áp wártag?” 13 Issáyá passaw tarrént: “Harkas ke é ápá bwárt padá tonniga bit, 14 bale harkas ke mani bakshátagén ápá bwárt, hechbar tonniga nabit. Chiá, ápé ke mana dayán agan kasé bwárt, cha áiay darunná zendápay chammagé bojit o jáha jant ke abadi ent.” 15 Janéná gwasht: “O wájah! Hamá ápá maná beday tán dega baré tonnig mabán o pa ápay kasshagá edá mayáyán.” 16 Issáyá gwasht: “Beraw wati lógwájahá tawár kan o padá hamedá byá.” 17 Janéná áiay passawá gwasht: “Maná mard nést.” Issáyá gwasht: “Rásta gwashay ke tará mard nést, 18 chiá ke tará panch mard butag o á mard ke annun gón taw zendagia kant, tai mard naent. Taw rást gwasht.” 19 Janéná darráént: “O wájah! Pa mani zánagá, taw yak nabié ay. 20 May pet o pirokán hamé kóhay sará parastesh kotag, bale shomá Yahuda gwashét, báyad ent Hodáyá mán Orshalimá|Orshalim (Bayt ol-Mokaddas): parastesh bekanant.” 21 Issáyá gwasht: “O janén! Báwar kan, yak wahdé kayt ke Hodáyén Petá|Pet: na é kóhay sará parastesh kanant o na ke Orshalimá. 22 Shomá Sámeri hamáiá parastesha kanét ke áiá nazánét. Bale má hamáiá parastesha kanén ke áiá zánén. Chiá ke neját o rastgári cha Yahudiáni némagá kayt. 23 Yak wahdé kayt o á wahd annun bongéj butag ke rást o barhakkén parastesh kanók Petá gón Ruh o pa rásti parastesha kanant. Chiá ke Pet hamé dhawlén parastesh kanókáni lóthók ent. 24 Hodá Ruh ent o harkas ke áiá parastesha kant gón Ruh o pa rásti parastesh bekant.” 25 Janéná gwasht: “Mana zánán ke Masiha|Masih: kayt o har wahdé ke á kayt, sajjahén chizán márá gwashit.” 26 Issáyá gwasht: “Man ke gón taw habar kanagá án, hamá án.” 27 Hamé wahdá Issáay morid padá átkant. Wahdé distesh ke Issá gón janénéá habar kanagá ent, hayrán butant. Bale kasá jost nakot ke: “Chiá gón áiá habar kanagá ay?” yá: “Cha áiá ché lóthay?” 28 Nun janéná wati kunzzag zeminná ér kot, shahrá shot o gón mardománi gwasht: 29 “Byáyét mardéá begendét, man tán é wahdá harché kotag áiá maná gwashtant. Bárén á Masih|Masih: naent?” 30 Gorhá mardom cha shahrá dar kapt o Issáay némagá ráh geptant. 31 É darnyámá moridán gón Issáyá dastbandi kot o gwashtesh: “O ostád! Chizé bwar.” 32 Bale áiá gwasht: “Maná waráké hast ke shomá áiay bárawá nazánét.” 33 Nun morid watmánwatá habará atant ke: “Bárén kaséá pa áiá waráké áwortag?” 34 Issáyá gón áyán gwasht: “Mani warák hamesh ent ke wati rah dayókay wáhagá berjáh kanán o áiay kárán sarjam bekanán. 35 Shomá nagwashét ke pa rón o móshay mósomá angat chár máh pasht kaptag? Sharr delgósh kanét, shomárá gwashán, keshárán bechárét o begendét ke annun pa róná rasetag o tayár ant. 36 Rón kanók wati mozzá gipt o bar o samará pa namiránén zendmáná|Namiránén zend: moccha kant, tán keshók o rón kanók hór gal o shádán bebant. 37 Edá é habar rást ent ke ‘yakké keshit o degaré róna kant.’ 38 Man shomárá rawán dát tán hamá bar o samaráni wáhond bebét ke shomá pa áyán hech zahmaté ham nakasshetag. Degarán zahmat kasshetag o shomá cha áyáni kárá nap o sutta gerét.” 39 Á shahray bázén Sámeri|Sámeri: mardomán paméshá Issáay sará immán áwort ke á janéná gwashtagat: “Har chizé ke tán é wahdi man kotag áiá maná gwashtant.” 40 Gorhá Sámeri Issáay kerrá átkant o dastbandiesh kot áyáni kerrá bemánit. Issá tán do róchá gón hamáyán nesht o 41 bázénéá áiay habaráni sará immán áwort. 42 Nun gón á janéná gwashtesh: “Má éwak o tahná tai habaráni sará báwarmand|Báwarmand: naén, áiay jenday habar ham eshkotagant o deljam én ke á pa rásti jahánay rakkénók ent.”
Bádsháhay kárdáray chokkay drahbakshi
43 Do róchá rand, Issá cha ódá dar kapt o Jalilay|Jalil: némagá shot. 44 Issáyá wat gwashtagat ke: “Hech nabiá wati shahrá ezzat nést.” 45 Bale wahdé Jalilá|Jalil: raset, mardomán pa delsetki wasshátk kot, chiá ke aiday róchán á Orshalimá|Orshalim (Bayt ol-Mokaddas): atant o ódá áiay kotagén káresh distagatant. 46 Issá padá Jalilay|Jalil: Kánáyá shot, hamódá ke ápi sharáb kotagatant. Cha bádsháhay kárdárán yakké hastat ke áiay chokk, Kaparnáhumay shahrá nádráh at. 47 Wahdé á sahig but ke Issá cha Yahudiahá Jalilá átkag, áiay kerrá shot o dastbandi koti ke Kaparnáhumá byayt o áiay nádráhén bachaká ke markig ent berakkénit. 48 Issáyá gón áiá gwasht: “Shomá tán mójezah o ajabbatén nesháni magendét hech paymá immána nayárét.” 49 Á mardá gwasht: “O wájah! Tán bachak angat namortag, byá.” 50 Issáyá gwasht: “Beraw tai chokk dráha bit.” Á mardá Issáay habar mannet o wati lógá shot. 51 Angat lógá narasetagat ke áiay nawkarán ráhay nyámá á dist o hálesh dát: “Tai chokk dráh butag.” 52 Áiá jost gept: “Che wahd o damáná gehter butag?” Áyán gwasht: “Zi némróchá kammé rand, tapá yalah dátag.” 53 Petá zánt ke é wahd, hamá wahd at ke Issáyá gwashtagat: “Tai chokk dráha bit.” Gorhá wat gón lógay sajjahén mardomán Issáay sará immánesh áwort. 54 Cha Yahudiahá Jalilá|Jalil: ke átk, é Issáay domi ajekkái o ajabbatén nesháni at.
Nájórhén mardéay drahbakshi
1 Kammé randterá, Issá pa Yahudiáni yak aidéá, Orshalimá|Orshalim (Bayt ol-Mokaddas): shot. 2 Orshalimá, yak darwázagéay nazziká, ke áiá pasay darwázaga gwashant, taláwagé, bezán hawzé, hastent ke cha panch gombodá jórh butag o Ebráni zobáná áiá Bayt-Hasdá gwashant. 3 Ódá bázén lang o mondh o kórén nádráh waptagatant. 5 É mardománi nyámá, yak mardé hastat ke si o shash sál at ke nájórh at. 6 Wahdé Issáyá á mard waptagén hálatá dist o zánti ke cha dérigén wahdé nádráh ent, gwashti: “Taw lóthay wassh o dráh bebay?” 7 Nádráhá gwasht: “O wájah! Wahdé ke áp rombbit o rawána bit, kasé nést ke maná talawagá dawr bedant. Tán man watá besorénán, degaré zutter koppa kant.” 8 Issáyá gwasht: “Pád á, wati gandalán bezur o beraw.” 9 Á mard dráh but, wati nepád o gandali zortant o ráh kapt. Á róch, Sabbatay|Sabbatay róch: róch at. 10 Paméshá Yahudi gón á dráh butagén mardá gwashagá laggetant: “Maróchi Sabbatay róch ent, tará wati gandaláni zurag o rawagay hakk nést.” 11 Passawi dát: “Á mardá ke maná dráh kot gwashti: ‘Pád á, wati gandalán bezur o beraw.’ ” 12 Cha áiá jostesh kot: “Kayá tará gwashtag ‘wati gandalán bezur o beraw?’ ” 13 Bale dráh butagén mardá nazánt á kay ent. Chiá ke ódá mardom sakk báz atant o Issá ham andém butagat. 14 Randá, Issáyá á mard mazanén parasteshgáhá dist o gwashti: “Nun ke dráh butagay, dega gonáh makan. Chosh mabit ke ganterén baláhéá dochár bekapay.” 15 Á mard shot o gón Yahudiáni gwasht: “Á ke maná rakkénti, Issá at.” 16 Yahudián Issá ázár rasént, chiá ke áiá é dhawlén kár, shambehay róchá kotant. 17 Bale Issáyá gón áyán gwasht: “Mani Pet|Pet: angat kár kanagá ent, man ham kára kanán.” 18 Cha é gappán, Yahud pa áiay koshagá tézáster butant. Chiá ke Sabbatay|Sabbatay róch: hokmay próshagá abéd, áiá Hodá ham wati jenday Pet zánt. É dhawlá, watá gón Hodáyá bréberi léket.
Hodáay Chokkay ehtiár
19 Gorhá Issáyá gwasht: “Báwar kanét ke Chokk cha wati némagá hech káré kota nakant, Petay|Pet: kárána gendit o áyáni randgiriá kant. Har káré ke Peta kant, Chokk ham hamá kant. 20 Chiá ke Petá Chokk dóst ent o harché ke wata kant, Chokká ham sója dant. Dega masterén kár ham áiá pésha dárit tán shomá hayrat bekanét. 21 Anchosh ke Pet mordagán zendaga kant o áyán zendmána bakshit, Chokk ham harkasá ke belóthit zendaga kant. 22 Pet hechkaséay sará shawr o hokmé naborrit, áiá wati drostigén ehtiár Chokkay dastá eshtagant, 23 tán sajjahén mardom hamá dhawlá ke Petá ezzata dayant Chokká ham ezzat bedayant. Kasé ke pa Chokká béezzati bekant pa Petá ham ke áiay rah dayók ent béezzatia kant. 24 “Yakin bezánét, harkas mani gappán beshkont o pa mani rah dayóká immán byárit, namiránén zendmánay|Namiránén zend: wáhonda bit o hechbar mayáriga nabit, bezán á cha marká rakketag o namirán butag. 25 Deljam bebét, wahdé kayt o anchosh ent ke á wahd annun bongéj butag, mordag Hodáay Chokkay|Hodáay Chokk: tawárá eshkonant o harkas ke beshkont padá zendaga bit. 26 Chiá hamá dhawlá ke Pet|Pet: zendmánay sarchammag ent, wati Chokká ham é wák o twán dátagi ke zendmánay sarchammag bebit. 27 Áiá ehtiári dátag tánke wat shawr o hokm beborrit, chiá ke Ensánay Chokk|Ensánay Chokk: ent. 28 Cha eshi hayrán o habakkah mabét, wahdé kayt ke sajjahén mordag áiay tawárá eshkonant o 29 cha wati kabr o górrán dara bant, nékkár pa namiránén zendmáná rawant o badkár pa mayárig bayag o sarzaneshtay jágahá.
Issáay bárawá gwáhi
30 “Man watsar káré kota nakanán, wati eshkotagénáni sará shawr o hokma kanán o mani shawr barhakk ent. Chiá ke wati delay wáhagáni sarjam kanagay padá naán, wati rah dayókay káráni sarjam kanagay randá án. 31 Agan man wati bárawá wat gwáhi bedayán, mani gwáhiá ehtebár o arzeshté nabit. 32 Bale degaré hastent ke mani bárawá gwáhia dant o mana zánán ke áiay gwáhi mani bárawá báz porehtebár ent. 33 Shomá wati kásed Yahyáay kerrá rawán dátant o áiá ham pa mani rástiá gwáhi dát. 34 Mardománi gwáhiá, mana nalóthán, pa shomay rakkénagá é habarána gwashán. 35 Yahyá cherágéay dhawlá rók o drapshán at, shomárá ham tán gwandhén wahdé á nuray chérá shádmáni dósta but. 36 “Bale maná cha Yahyáyá masterén sháhedé hastent, á hamé kár ant ke manesha kanán o Petá|Pet: pa man eshtagant. É kár gwáhia dayant ke maná Petá rawán dátag. 37 Hamá Petá ke maná rawán dátag wat mani gwáh o sháhed ent. Shomá hechbar na á distag o na áiay tawár eshkotag. 38 Áiay habarán shomay delán jáhé nést, chiá ke shomá áiay rawán dátagéná namannét. 39 Pákén Ketábána wánét, hayála kanét ke áyáni tahá namiránén zend|Namiránén zend: hastent, bale Pákén Ketáb pa man gwáhia dayant. 40 Shomá nalóthét mani kerrá byáyét tán man shomárá abadmánén zend bedayán. 41 “Man cha mardomán mazania nalóthán. 42 Man shomárá jáha kárán o zánán ke shomárá Hodá pa del dósta nabit. 43 Man pa wati Petay|Pet: námá átkagán o shomá maná namannét, bale agan kasé watsar byayt, áiá mannét o gwarambáza kanét. 44 Shomá yakdegaray mazani o ezzatay randá ét o á ezzat ke cha Hodáay némagá kayt, áiá shóházá naét. Gorhá chón immán áworta kanét? 45 “Gomán makanét ke man Petay|Pet: démá shomárá mayáriga kanán. Degaré, bezán hamá Mussá ke pa áiá ométwár ét, á shomárá mayáriga kant. 46 Agan shomárá pa Mussáyá báwar butén, pa manó ham immána áwort. Chiá ke áiá mani bárawá nebeshtag. 47 Bale wahdé ke shomárá áiay nebeshtagénáni sará immán nést, mani habarán chón báwara kanét?”
Panch hazár mardomán warák dayag
1 Randá, Issá Jalilay|Jalil: mazangwarmay á dastá shot, ke Teberiahay gwarm ham gwashaga bit. 2 Bázén mardom, ke cha Issáyá nádráháni drahbakshiay ajabbatén neshániesh distagatant, áiay randá gón kaptant. 3 Gorhá Issá kóhéay sará shot o gón wati moridán hamódá nesht. 4 Yahudiáni Sargwazay aid|Pesah: , bezán Pesah, nazzik at. 5 Wahdé Issáyá wati chapp o chágerd cháret, disti ke bázén mardomé dém pa áiá pédák ant. Gón Piliposá gwashti: “Nán cha kojá bezurén tán é mardom warák bwarant?” 6 Issáyá é habar pa áiay emtehán o chakkásagá gwasht, wat zánti ché bekant. 7 Piliposá gwasht: “Dosad nograhén korshay nán ham basa nabit, tóré harkas kammok ham bwárt.” 8 Andriás námén yak moridéá, ke Shamun Petrosay brát at, gwasht: 9 “Yak bachaké edá ent ke panch jawén nagan o do máhigi gón, bale pa rombé mardomá ché bant?” 10 Issáyá gwasht: “Mardomán nádénét.” Ódá bázén káh o sabzagé rostagat. Mardom neshtant. Ach áyán kamm o gésh panch hazár mardén atant. 11 Issáyá nán zortant, Hodáay shogri gept o neshtagén mardománi sará bahri kotant. Máhig ham anchosh, harkasá haminchok ke lóthet dátanti. 12 Wahdé ke sajjahén sér butant, gón moridáni gwasht: “Náni thokkorán o mantagén máhigán mocch o yakjáh kanét ke zawál mabant.” 13 Gorhá nánesh mocch o yakjáh kotant, ke cha á panch jawén nánay thokkorán dwázdah sapt porr but. 14 Mardomán ke Issáay é mójezah o ajabbatén nesháni dist, gwashtesh: “Pa del é hamá wádah dátagén nabi ent ke báyad ent yak róché jaháná byayt.” 15 Bale wahdé Issáyá zánt mardoma lóthant pa zór áiá bebarant o bádsháh bekanant, gorhá cha mardomán dur but o éwaká kóhá shot.
Issá ápay sarborá gáma jant
16 Róchay érnendá morid dém pa gwarmá shotant. 17 Bójigá neshtant o gwarmay á dastá, dém pa Kaparnáhumá ráh geptant. Tahár butagat o Issá angat áyáni kerrá nayátkagat. 18 Trondén gwáté ham kasshagá at o chawl o mawján sar zort. 19 Wahdé panch tán shash kilumeteray kesásá démá shotant, distesh ke Issá ápay sará gám janán, dém pa bójigá pédák ent. Áyán torset. 20 Bale Issáyá gwasht: “Matorsét, é man án|Man án, Man hamá án:.” 21 Lóthetesh áiá mán bójigá byárant o anchosh ke á swár but bójig pa menzelá raset. 22 É dega róchá, hamá mardom ke gwarmay á démá mantagatant, zántesh cha hamá bójigá abéd ke morid swár butagatant, dega bójigé ódá néstat, Issá ham áiay tahá naat o morid ham bé áiá shotagatant. 23 Randá, dega lahtén bójig cha Teberiahá, hamá jágahá rasetant ke ódá mardomán cha Issáay shogr geragá rand, nán wártagat. 24 Wahdé mardomán dist ke na Issá o na áiay morid ódá ant, pa Issáay shóházá, bójigán swár butant o dém pa Kaparnáhumá shotant.
Zendmánén nán
25 Wahdé Issáesh gwarmay á dastá dist, gwashtesh: “Ostád! Taw kadi edá átkay?” 26 Issáyá áyáni passawá gwasht: “Báwar kanét, shomá pa eshi mani randá nakaptagét ke ajekkái o ajabbatén nesháni distagant, paméshá átkagét ke nánó wárt o sérláp butét. 27 Bale pa é zawál bayókén waráká johd makanét, pa hamá dáyemi waráká kóshest bekanét ke namiránén zendmána|Namiránén zend: baksháit, hamá warák ke Ensánay Chokk|Ensánay Chokk: shomárá dant. Chiá ke Hodáyén Petá|Pet: áiay sará wati mannagay mohr jatag.” 28 Gorhá jostesh kot: “May kár o zemmahwári chi ent? Hamá kárán ke Hodá cha má lóthit, áyán chón purah o sarjam bekanén?” 29 Issáyá passaw dát: “Á kár ke Hodá cha shomá lóthit esh ent: Pa hamá kasá immán byárét ke Hodáyá ráh dátag.” 30 Áyán gwasht: “Chónén ajekkái o ajabbatén nesháni pésha kanay ke pa taw immán byárén? Ché kanay? 31 May pet o pirokán gyábáná mann|Mann: wárt, anchosh ke Pákén Ketába gwashit: ‘Áiá cha ásmáná, nán rawán dát tán bwarant’.” 32 Gorhá Issáyá gón áyán gwasht: “Báwar kanét, á nán ke cha ásmáná ér átkagat Mussáyá shomárá nadátagat, é, mani Pet|Pet: ent, ke asligén náná pa shomá bakshit. 33 Chiá ke Hodáay nán hamá ent ke cha ásmáná ér átkag o jaháná zendmána dant.” 34 Nun gón áiá gwashtesh: “O wájah! É náná har wahd márá beday.” 35 Issáyá gwasht: “Hasti o zendmánay nán man án|Man án, Man hamá án:. Harkas mani kerrá kayt hechbar shodiga nabit. Harkas mani sará báwar bekant kadi tonniga nabit. 36 Bale hamá dhawlá ke gwashton, shomá gón mani gendagá ham immána nayárét. 37 Á sajjahénán ke Pet maná bakshit dém pa mana káyant, harkas ke mani kerrá kayt, man áiá cha wat dura nakanán. 38 Man cha ásmáná pa wati wáhagáni sarjam kanagá ér nayátkagán, átkagán tán wati rah dayókay wáhagán sarjam bekanán. 39 Mani rah dayókay wáhag esh ent, hamá ke maná dátaganti, yakké ham cha mani dastá marawt o áherzamán, áyán padá zendag bekanán. 40 Chiá ke mani Petay wáhag hamesh ent, harkas ke Chokká gendit o pa áiá immána kárit, namiránén donyáay wáhonda bit o man áherzamán áiá zendaga kanán.” 41 Gorhá Yahud pe gelag o norhondag dar átkant, chiá ke áiá gwashtagat: “Man hamá nán án ke cha ásmáná ér átkag.” 42 Áyán gwasht: “É mard hamé Issopay chokk naent ke má áiay pet o mátá zánén? Gorhá chóna gwashit ke ‘man cha ásmáná ér átkagán’?” 43 Issáyá áyáni passawá gwasht: “Inchok manorondhét o shekáyat makanét. 44 Hechkas mani kerrá átka nakant tán wahdé hamá Pet|Pet: ke maná rawán dátagi, áiá mani némagá machekkit o mayárit o man áiá áherzamán zendaga kanán. 45 Nabiáni Ketábán nebisag butag: ‘Sajjahén cha Hodáyá dars o sabaka gerant.’ Harkas ke Petay habarán beshkont o cha áiá sabak begipt, mani kerrá kayt. 46 Chosh ent ke hechkasá Pet nadistag. Éwaká hamáiá Pet distag ke cha Hodáay némagá átkag. 47 Báwar kanét, á ke immána kárit, namiránén zenday|Namiránén zend: wáhonda bit. 48 Man zendmán o hastiay nán o nagan án. 49 Shomay pet o pirénán gyábáná mann|Mann: wárt o mortant. 50 Bale man hamá nánay bárawá habar kanagá án ke cha ásmáná ér átkag. Agan yakké áiá bwárt, hechbara namerit. 51 Man hamá zendagi bakshókén nagan án ke cha ásmáná ér átkag, harkas ke é náná bwárt, tán abad zendaga mánit. É náná ke mana dayán, mani jenday jesm o ján ent ke áiá pa jahánay mardománi zendmáná nadra kanán.” 52 Nun, Yahudán pa jérhah o dapják watmánwatá gwasht: “É mard chón wati jesm o jáná dant, tán má áiá bwarén?” 53 Issáyá gwasht: “Yakin bezánét, agan Ensánay Chokkay|Ensánay Chokk: jesm o jáná, bezán mani jesm o jáná mawarét o mani hóná manóshét, shomá pa namiránén zendmáná|Namiránén zend: narasét. 54 Harkas mani jesm o jáná bwárt o mani hóná benóshit, namiránén zendmánay hodábonda bit o áherzamáná man áiá zendaga kanán. 55 Chiá ke mani jesm o ján, asligén warák o mani hón, asligén zendáp ent. 56 Harkas mani jesm o jáná bwárt o mani hóná benóshit, á mani jabiná mánit o man áiay. 57 Hamé paymá ke namiránén Petá|Pet: maná rawán dát o man cha áiay némagá zendag án, harkas mani jesm o jáná bwárt, cha mani némagá zendaga mánit. 58 É nán ke cha ásmáná ér átkag, á nagan naent ke shomay pet o pirénán wárt o mortant, chiá ke harkas é náná bwárt, tán abad zendaga mánit.” 59 Issáyá é chiz hamá wahdé dars o sabak dátant, ke Kaparnáhumay parasteshgáhá|Parasteshgáh: at.
Petrosay mannag o gwáhi
60 Bázén moridéá é habaráni eshkonagá rand, gwasht: “É sabak sakk grán ant, kay eshán manneta kant?” 61 Wahdé Issáyá máret ke áiay morid, cha é habará nálant o shekáyata kanant, gwashti: “Bárén, é habará shomárá larzént o shakk mán delán perrént? 62 Gorhá agan Ensánay Chokká|Ensánay Chokk: begendét ke pa wati awali jágahá borzáda rawt, ché kanét? 63 É Ruh ent ke zendmána bakshit, jesmá sutt o páyedagé nést. É habar ke man gón shomá gwashtant Ruh o zend ant. 64 Bale cha shomá lahténán báwar nést.” Chiá, Issáyá á mardom ke báwaresh néstat cha béhá pajjáha áwortant o zánti kay ent hamá ke randá áiá dróhit o dozhmenáni dastá dant. 65 Gorhá gwashti: “Paméshá man gwasht ke hechkas mani kerrá átka nakant, tán wahdé ke mani Pet|Pet: é barkat o rahmatay sawgát o tohpahá pa áiá mabakshit.” 66 Randá, bázén moridéá Issá yalah dát o áiay hamráhdáriesh nakot. 67 Gorhá Issáyá cha wati nazzikterén dwázdahén moridán jost kot: “Bárén, shomá ham maná yalaha kanét?” 68 Shamun Petrosá passaw dát: “O wájah! Kai kerrá berawén? Namiránén zendmánay|Namiránén zend: gál o habar tai kerrá ant o 69 márá báwar ent o zánén ke taw Hodáay hamá Pákén ay.” 70 Issáyá gwasht: “Bárén, man shomá dwázdahén gechén nakotant? Anchosh ham zánán ke cha shomá yakké eblisé.” 71 Áiay maksad Shamunay chokk, Yahudá Eskaryuti at. Chiá ke á cha dwázdahén moridán yakké at o lótheti Issáyá chizé róchá rand, bedróhit o dozhmenáni dastá bedant.
Issá gón brátán
1 Randá, Issáyá mán Jalilá|Jalil: tarr o táb kot. Yahud áiay koshagay randá atant, paméshá áiá nalóthet mán Yahudiahá bemánit 2 Anchosh ke Yahudiáni kápáráni aid|Kápáráni aid: nazzik but, 3 Issáay brátán gón áiá gwasht: “É jáhá bell o Yahudiahá beraw, tán hamá kárán ke taw kanay, tai morid begendant. 4 Kasé ke námdária lóthit, pa chérokái kára nakant. Taw ke é kárána kanay, bell ke sajjahén donyá|Donyá: tará begendit.” 5 Chiá ke brátán ham pa áiá báwar néstat. 6 Issáyá gón áyán gwasht: “Angat á wahd pa man narasetag, bale pa shomá har wahd sharr ent. 7 Donyá|Donyá: cha shomá bézára nabit, bale cha man bézár ent, chiá ke man áiay bárawá gwáhia dayán ke áiay kár badén ant. 8 Shomá pa é aidá berawét, man annun é aidá nayáyán, chiá ke mani wahd angat narasetag.” 9 Issáyá é habar gón áyán gwasht o Jalilá mant.
Issá Orshalimá rawt
10 Issáay brát ke pa aidá Orshalimá shotant, randá áiay jend ham hamódá shot, bale mardománi chamdidá na, pa chérokái. 11 Aiday róchán, Yahud áiay shóházá atant o jost o porsesha kot ke: “Á kojá ent?” 12 Áiay bárawá mardománi darnyámá pa chérokái bázén gósh o góyé hastat, lahtén gwashagá atant: “Á sharrén mardé.” Dega lahtén gwashagá atant: “Mardomána répénit o gomráha kant.” 13 Bale cha Yahudiáni torsá, hechkasá pa sarzáheri chizé nagwasht. 14 Aiday niámi róchán, Issá mazanén parasteshgáhá shot o dars o sabak dayagá goláésh but. 15 Yahudián gón hayraté gwasht: “É mardá nawántag, inchok zántkári cha kojá áwortagi?” 16 Issáyá áyáni passawá darráént: “Á chizán ke man sabaka dayán mani naant, cha mani rah dayókay némagá ant. 17 Harkas ke belóthit Hodáay wáhagán sarjam bekant, zánt ke mani sabak Hodáayg ant yá man cha wat habara kanán. 18 Harkas ke watsar habara kant, pa wati mazaniay pésh dáragá habara kant. Bale á kas ke wati rah dayókay shán o shawkatay lóthóka bit, tachkén mardomé o áiá nárásti nést. 19 Magan Mussáyá shariat shomárá nadát, hamá shariat ke cha shomá hechkas áiay sará kár nakanagá ét? Pa ché lóthét maná bekoshét?” 20 Mardomán gwasht: “Tará jenn per ent, kay tará koshit?” 21 Issáyá áyáni passawá gwasht: “Man tahná yak káré kotag o shomá sajjahén chó habakka o hayrán mantagét. 22 Mussáyá chokkáni sonnat|Sonnat kanag: kanag shomárá dát, har chont ke é kár cha Mussáyá bongéj nabutagat o cha kawmay pet o pirénán at o shomá Sabbatay|Sabbatay róch: róchá, bezán shambehá, wati mardén chokkán sonnata kanét. 23 Nun agan pa Mussáay shariatay napróshagá shomá shambehay róchá mardén chokkán sonnata kanét, chiá mani sará zahr geptagét, ke shambehay róchá yak mardomé pa sarjami drahbakshi kotag? 24 Pa záherá machárét o shawr makanét, wati hokm o shawrán pa ensáp bekanét.”
Bárén Issá hamá Masih ent?
25 Gorhá Orshalimay|Orshalim (Bayt ol-Mokaddas): lahtén mardom gwashagá atant: “Bárén, é hamá naent ke áiay koshagay randá ant? 26 Bechárét, tachkátachk o sarzáherá habar kanagá ent o áiá hecha nagwashant, bárén rájay sarók deljam butagant ke é hamá wádah dátagén Masih|Masih: ent? 27 Má zánén ke é mard cha kojám hand o damagán ent, bale wahdé Masih jáha jant, hechkas nazánt ke á cha kojá kayt.” 28 Paméshá ham, wahdé Issáyá mazanén parasteshgáhay tahá sabaka dát, gón borzén tawáré gwashti: “Shomá maná pajjáha kárét o zánét ke cha kojá án, bale man pa wati delkasshá nayátkagán, mani rah dayók hamá rástén Hodá ent o shomá áiá nazánét. 29 Man áiá zánán, chiá ke cha áiay némagá átkagán o áiá maná ráh dátag.” 30 Hamé wahdá, áyán lóthet ke Issáyá dastgir bekanant, bale hechkasá áiay némagá dast nashahárt, chiá ke angat áiay wahd narasetagat. 31 Bale bázénéá pa áiá immán áwort o gwashtesh: “Bárén, wahdé ke Masih jáha jant, cha é mardá géshter ajekkái o ajabbatén neshánia kárit?”
Issáay bandi kanagay kóshest
32 Á gapp o habar ke mardomán chérokái Issáay bárawá gwashtant, Parisián|Parisi: eshkotant. Gorhá mazanén dini péshwá o Parisián pa Issáay dastgir kanagá, parasteshgáhay sepáhig rawán dátant. 33 Á wahdi Issáyá gwasht: “Man pa yak kammokén wahdé shomay darnyámá án o randá wati rah dayókay kerrá rawán. 34 Shomá mani padá gardét, bale maná wadi kota nakanét o á jáhá ke mana rawán, shomá átka nakanét.” 35 Gorhá Yahudián gón yakdegará gwasht: “Kojá rawagi ent ke má ódá áiá dar gétka nakanén. Bárén, hamá Yahudiáni kerrá rawt, ke Yunániáni nyámá sheng o sháng ant o Yunánián ham sabaka dant? 36 É habar ke á gwashit: ‘Shomá mani padá gardét, bale maná wadi kota nakanét’ o ‘á jáhá ke mana rawán shomá átka nakanét,’ bárén áiay é habaray maksad chi ent?”
Zendáp
37 Aiday áheri o masterén róchá, Issá óshtát o pa borztawári gwashti: “Agan kasé tonnig ent, mani kerrá byayt o áp benóshit. 38 Hamá dhawlá ke Hodáay Pákén Ketába gwashit, harkas ke pa man immán byárit, shahjuwáni rawánén zendáp cha áiay darunná rombit o tachána bit.” 39 É habar áiá Ruh ol-Kodosay, bezán Hodáay Pákén Ruhay|Pákén Ruh (Ruh ol-Kodos): bárawá gwashtant, ke báyad ent pa áiay báwarmandán|Báwarmand: dayag bebit. Bale Issá angat pa shán o shawkat narasetagat, paméshá taningah Pákén Ruh bakshag nabutagat.
Mardománi nátepáki
40 Gón é habaráni eshkonagá, lahtén mardom gwashagá atant: “Pa del, é mard hamá wádah dátagén nabi ent.” 41 Dega lahtén gwashagá atant: “É Masih|Masih: ent.” Bázénéá ham gwasht: “Bárén, Masih cha Jalilá|Jalil: jáha jant? 42 Záná, Pákén Ketába nagwashit ke Masih báyad ent cha Dáwuday|Dáwud: nasl o padréchá bebit o cha áiay shahr, Bayt-Lahemá, byayt?” 43 Hamé dábá mardománi nyámá nátepáki kapt. 44 Lahténá lóthet áiá dastgir kanant, bale hechkasá áiay némagá dast nashahárt.
Yahudi sarókáni nábáwari
45 Randá, parasteshgáhay sepáhig per tarretant o mazanén dini péshwá o Parisiáni|Parisi: kerrá átkant. Áyán cha sepáhigán jost kot: “Shomá pa ché Issá gón wat nayáwortag?” 46 Sepáhigán gwasht: “Tán é wahdi hechkasá é marday dhawlá gapp najatag.” 47 Parisián gwasht: “Shomá ham gomráh butagét? 48 Bárén, cha kawmay sarók o Parisián ham yakké áiay morid butag? 49 Bale anchosh ent, mardománi á romb ke cha shariatá|Shariat násarpad ant, lánat butagén ant.” 50 Nikudimusá, ke wat cha hamáyán yakké at o péshá Issáay kerrá átkagat, gwasht: 51 “Bárén, shariat márá ejázata dant ke kaséay habaráni eshkonag o káráni zánagá pésar, áiá mayárig bekanén?” 52 Áiay passawá gwashtesh: “Taw ham cha Jalilay|Jalil: mardomán ay? Wat patth o pól kan o bechár, hechbar nabié cha Jalilá jáha najant.” 53 Randá, á sajjahén wati lógán shotant.
Zenákárén janénéay bakshag
1 Issá ham Zaytunay kóhá shot. 2 É dega sabáhá, padá mazanén parasteshgáhá átk. Mardom ham áiay chapp o chágerdá mocch butant. Issá nesht o áyáni sabak dayagá goláésh but. 3 Hamé wahdá shariatay zánógar|Shariatay zánógar: o Parisián|Parisi:, janéné mardománi nyámá áwort ke zenáay wahdá gerag butagat. 4 Gón Issáyá gwashtesh: “O ostád! É janén zenáay sará gerag butag. 5 Mussáay shariatay|Shariat rahbandá báyad ent sengsár bebit. Bale taw ché gwashay?” 6 Áyán lóthet Issá chizé begwashit tán áiá dámá dawr bedayant o mayárig bekanant, bale Issá nesht o gón mórdánagá zeminnay sará chizé nebisagá lagget. 7 Kawmay péshwáyán gón kast o kénagé lóthet ke á passaw bedant. Gorhá Issáyá wati sar borz kot o gwashti: “Agan áiá sengsár kanaga lóthét, awali sengá báyad ent hamá bejant ke áiá wat hech gonáh nakotag.” 8 Padá nesht o dwárag zeminnay sará chizé nebisagá goláésh but. 9 Gón é habaráni eshkonagá, kawmay péshwá, awalá pirén o randá sajjahén, dar kapt o shotant. Éwaká Issá o hamá janén pasht kaptant. 10 Nun, gorhá Issá óshtát o gón janéná gwashti: “O bánok, mardom kojá shotant? Pa tai mayárig kanagá yakké ham namant?” 11 Janéná gwasht: “Na wájah.” Issáyá gwasht: “Man ham tará mayáriga nakanán, beraw, bale dega gonáh makan.”
Issá jahánay rozhn ent
12 Issáyá padá gón mardomán gwasht: “Man jahánay rozhn o nur án. Kasé ke mani randgiriá kant, tahárókiá gesar o sargardána nabit, zenday rozhnáiay wáhonda bit.” 13 Parisián|Parisi: gón áiá gwasht: “Taw wati bárawá wat sháhedia dayay, gorhá tai sháhediá arzesht o ehtebáré nést.” 14 Issáyá áyáni passawá gwasht: “Man pa wati jendá tóré wat sháhedi bedayán, mani sháhediá ehtebár hast, chiá ke mana zánán cha kojá átkagán o kojá rawán, bale shomá nazánét man cha kojá átkagán o kojá rawán. 15 Shomá gón ensáni chammé chárét o shawr o hokma borrét. Bale man hechkaséay bárawá shawra naborrán. 16 Agan shawré ham beborrán, mani hokm o shawr barhakkén shawré bit, chiá ke é káray tahá tahná naán, hamá Petá|Pet: ke maná rawán dátag, á ham gón man hamráh ent. 17 Shomay shariatá|Shariat ham nebisag butag ke do mardomay sháhediá ehtebár hast. 18 Yakké mani jend ent ke pa wat sháhedia dayán, domi hamá Pet ent ke maná rawáni dátag.” 19 Áyán gwasht: “Tai pet kojá ent?” Issáyá passaw dát: “Shomá na maná zánét o na mani Petá, agan shomá maná bezántén, mani Pet ham zántagat.” 20 Issáyá é habar hamá wahdé kotant ke mazanén parasteshgáhá, hayráti zarráni péti o sandukay nazziká, dars o sabak dayagá at. Hechkasá pa áiay geragá dast nashahárt, chiá ke angat áiay wahd narasetagat.
Á jáhá ke mana rawán, shomá átka nakanét
21 Padá Issáyá gón áyán gwasht: “Mana rawán o shomá maná shóháza kanét, bale wati gonáháni tahá merét o á jáhá ke mana rawán, shomá átka nakanét.” 22 Yahudi gón yakdomiá gwashagá atant: “Wahdé ke gwashit: ‘Á jáhá ke mana rawán shomá átka nakanét,’ bárén cha eshiá áiay mull o morád chi ent? Balkén lóthit watá bekoshit?” 23 Issáyá gón áyán gwasht: “Shomá cha é jahli jaháná ét o man cha borzádi jaháná, shomá cha é donyáyá|Donyá: ét o man cha é donyáyá|Donyá: naán. 24 Paméshá shomárá gwashán ke wati gonáháni tahá merét. Agan immán mayárét Man Hamá Án ke gwashán, wati gonáháni tahá merét.” 25 Áyán jost kot: “Taw kay ay?” Issáyá passaw dát: “Man hamá án ke cha awalá ham shomárá gwashton. 26 Maná shomay bárawá bázén chizé pa gwashag o shawr borragá hastent, bale mani rah dayók hamá rástén ent o man har chizé ke cha áiá eshkotag pa jaháná darshána kanán.” 27 Áyán nazánt ke Issá Petay|Pet: bárawá habar kanagá ent. 28 Paméshá gwashti: “Wahdé ke shomá Ensánay Chokk|Ensánay Chokk: cha zeminná chest kot, gorhá zánét ke Man Hamá Án o watsar káré nakanán, hamá dhawlá ke Petá sój dátag, habara kanán. 29 Mani rah dayók gón man ent, áiá maná tahná o éwak naeshtag, chiá ke man modám hamá kárána kanán ke áiá shádána kanant.” 30 Cha é habaráni eshkonagá, bázénéá immán áwort.
Golámi o ázáti
31 Randá, Issáyá gón immán áwortagén butagén Yahudián gwasht: “Agan mani habaráni sará bóshtét, pa del mani morid ét. 32 Á wahdi rástiá zánét o rásti shomárá ázáta kant.” 33 Áyán gwasht: “Má Ebráhémay awlád én o hechbar kaséay golám nabutagén. Gorhá taw chóna gwashay ke ‘shomá ázáta bét’?” 34 Issáyá gwasht: “Báwar kanét, á kas ke gonáha kant, gonáhay bandig o golám ent o 35 golám dáyemá wájahay lógá namánit, bale chokka mánit. 36 Gorhá, agan Chokk shomárá ázát bekant pa rásti o pakká ázáta bét. 37 Zánán ke shomá Ebráhémay awlád ét, bale paméshá ke mani sabakán shomay deláni tahá jágah nést, mani koshagay randá ét. 38 Man á chizáni bárawá gappa kanán ke wati Petay|Pet: bárgáhá distagant o shomá ham á chizáni sará kára kanét ke cha wati petá sabak geptagant.” 39 Áyán darráént: “May pet Ebráhém ent.” Issáyá gón áyán gwasht: “Agan shomá Ebráhémay chokk bebuténét, hamáiay ráhó zort. 40 Shomá zánét, man hamá rásti ke cha Hodáyá eshkotag gón shomá gwasht. Bale angat mani koshagay randá ét. Ebráhémá choshén kár nakotagat. 41 Shomá wati petay kárán berjáha dárét.” Áyán gwasht: “Má bépet o kiurr naén, márá yak peté hast, á ham Hodáay jend ent.” 42 Issáyá gwasht: “Agan Hodá shomay pet bebutén, man ham shomárá dóst butagatán, chiá ke man cha hamáiay némagá átkagán o shomay darnyámá án. Man watsar nayátkagán, áiá maná dém dátag. 43 Pa ché mani habarán sarkecha nawarét? Paméshá ke shomárá é habaráni eshkonagay wák o tágat nést. 44 Shomá wati pet, bezán eblisay chokk ét o hamáiay morád o wáhagáni sará kár kanaga lóthét. Á cha bon o béhá hónigé o cha rástiá zebahr, pa ché ke áiá hech rásti nést. Wahdé dróga bandit, wati bon o béhá rawt, chiá ke drógband o sajjahén drógáni pet ent. 45 Bale paméshá ke rástiá gón shomá gwashán, pa man immána nayárét. 46 Cha shomá kojám yak, mani sará gonáhé per basta kant? Gorhá, agan man rásténa gwashán, pa ché báwara nakanét? 47 Á kas ke Hodái ent, Hodáay habará|Hodáay habar: gósha dárit. Shomá Hodáay habará gósha nadárét, chiá ke Hodái naét.”
Issá o Ebráhém
48 Yahudián áiay passawá darráént: “Má nagwasht ke taw cha Sámerián|Sámeri: ay o tará jenn per ent?” 49 Issáyá gwasht: “Maná jenn per nést, wati Petá|Pet: báz ezzata dayán, bale shomá maná béezzata kanét. 50 Man pa wat mazania nalóthán, á degaré ke maná mazania dant o wat shawra kant. 51 Allam bezánét ke agan kasé mani habará begipt hechbara namerit.” 52 Yahudián gón áiá gwasht: “Nun márá báwar ent ke tará jenn per ent. Ebráhém o sajjahén nabi mortant, bale taw gwashay: ‘Harkas mani habará bezurit hechbara namerit’. 53 Záná, taw cha may pet, Ebráhémá master ay? Á mort o sajjahén nabi ham mortant. Taw kay ay?” 54 Issáyá passaw dát: “Agan man watá wat satá bedayán, é satáyá arzeshté nést, é mani Pet ent ke maná mazani o shawkata bakshit, hamá ke shomá áiá wati Hodá zánét. 55 Angat áiá nazánét o pajjáha nayárét, bale man áiá zánán. Agan begwashán ke áiá pajjáha nayárán, shomay dhawlá drógbanda bán, bale man áiá pajjáha kárán o har chizé ke á gwashit mana kanán. 56 Shomay pet Ebráhém, pa hamé ométá gal o shádán at ke mani róchá begendit. Áiá dist o delshát but.” 57 Yahudián gwasht: “Tará angat panjáh sál ham nabit, gorhá chón taw Ebráhém distag?” 58 Issáyá gwasht: “Báwar kanét, Man Hamá Án ke cha Ebráhémá pésar butagán o hastán.” 59 Áyán pa Issáay janagá seng o dhók chet, bale á cha mardománi chammán dur o andém but, mazanén parasteshgáhi esht o shot.
Issá mádarzádén kóréá drahbakshia kant
1 Cha ráhéá gwazán, Issáyá yak mádarzádén kóré dist. 2 Moridán cha áiá jost kot: “O ostád! É mard pa kai gonáhán nábiná wadi butag? Wat gonahkár ent yá áiay pet o mát?” 3 Issáyá passaw dát: “Na áiay jend, na ke pet o mát, paméshá é dhawlá but ke Hodáay kár o zóráki gón áiá paddar o záher bebit. 4 Tánke róch ent, báyad wati rah dayókay kárán sarjam bekanén, shap ke bit dega kas káré kota nakant. 5 Man, tán wahdé ke mán jaháná án, jahánay rozhnái án.” 6 Wahdé é gwashti, lebzi zeminná dawr dát o cha áiá geli addh kot, kóray chammán per mosht o 7 gwashti: “Beraw, wati chammán Siluháay hawzá beshód.” (Siluháay máná dém dátagén ent.) Gorhá á shot, chammi shoshtant, biná but o átk. 8 Randá, hamsáheg o é dega mardom ke á cha pendhógeriay róchán pajjáh áwortagat, gwashagá atant: “Bárén, é hamá naent ke neshtagat o gadái kanagá at?” 9 Lahténá gwasht: “Hamá ent.” Dega lahténá gwasht: “Áiay hamrang o hamdróshom ent.” Á wat gwashagá at: “Man hamá mardom án.” 10 Jostá atant: “Gorhá tai chamm chón biná butant?” 11 Gwashti: “Hamá mard ke námi Issá ent, áiá gel tarr kot, mani chammán per mosht o maná gwashti ke Siluháay hawzá berawán o chammán beshódán. Man chamm shoshtant o biná bután.” 12 Gwashtesh: “Á mard kojá ent?” Gwashti: “Mana nazánán.”
Mádarzádén kór o Parisiáni jost o pors
13 Hamá mard ke pésará kór at Parisiáni|Parisi: kerrá bortesh. 14 Shambehay róch at ke Issáyá gel jórhéntagat o áiay chamm biná kotagatant. 15 Nun Parisi ham cha áiá jostá atant: “Taw chón biná butay?” Mardá gwasht: “Áiá mani chamm gel per moshtant, man shoshtant o nun gendagá án.” 16 Lahtén Parisián gwasht: “É mard cha Hodáay némagá nayátkag, chiá ke Sabbatay|Sabbatay róch: rahbanday sará kára nakant.” Dega lahténán gwasht: “Gonahkárén mardomé chón é dhawlén ajabbatén nesháni pésh dáshta kant?” Á watmánwatá kassh o chilléá kaptant. 17 Padá cha hamá mardá jostesh kot ke pésará kór at: “É tai chamm atant ke áiá biná kotant, nun taw áiay bárawá ché gwashay?” Gwashti: “Nabié.” 18 Yahudián báwar nakot á mard kór butag o annun biná ent, paméshá áiay pet o mátesh áwortant. 19 Cha áyán jostesh gept: “Bárén, é mard shomay chokk ent, hamá ke shomá gwashét pédayeshi kór ent? Gorhá nun chóna gendit?” 20 Pet o mátá áyáni passawá gwasht: “Má zánén ke may chokk ent o kór pédák butag. 21 Bale nazánén nun chóna gendit o kayá biná kotag. Cha áiay jendá jost begerét, á rostag o tawámén mardé, wati habará wata kant.” 22 Áiay pet o mátá cha Yahudián torset, paméshá é dhawlá passawesh dát. Chiá ke Yahudián cha péshá shawr kotagat, harkas bemannit ke Issá, Masih|Masih: ent, áiá cha kanisah o parasteshgáhán dara kanant. 23 Paméshá á marday pet o mátá gwasht ke: “Cha áiá jost begerét, á wat rostag o tawámén mardé.” 24 Domi randá, á mard ke pésará kór butagat padá áwort o gwashtesh: “Pa Hodáay námá sawgand bwar ke rásta gwashay, má zánén ke é mard, Issá, gonahkár ent.” 25 Áiá gwasht: “É mard gonahkár ent yá na, mana nazánán, tahná yak chizé zánán, ke man kór butagán o nun biná án.” 26 Áyán jost kot: “Gón taw ché koti? Chón tai chammi biná kotant?” 27 Passawi dát: “Man annun gón shomá gwasht, shomá gósh nadásht, pa ché lóthét dwárag beshkonét? Záná, shomá ham lóthét áiay morid bebét?” 28 Gorhá á biná butagén mardesh zá o zakat kot o gwashtesh: “Taw wat áiay morid ay, má Mussáay morid én. 29 Má zánén ke Hodáyá gón Mussáyá habar kotag, bale é marday bárawá nazánén ke cha kojá átkag.” 30 Nun á mardá áyáni passawá gwasht: “É ajabbatén habaré, áiá mani chamm biná kotagant o shomá nazánét cha kojá átkag! 31 Máshomá sajjahéna zánén ke Hodá gonahkáráni dwáyá gósha nadárit, hamáyáni dwáyá gósha dárit ke Hodáay wáhagáni sará kára kanant. 32 Cha jahánay jorheshtá beger tán maróchi, eshkonag nabutag ke yakké mádarzádén kóréá biná bekant. 33 Agan é mard cha Hodáay némagá mayátkén, hech choshén kári kota nakot.” 34 Áiay passawá gwashtesh: “Taw ke wat gonáhay chokk ay, márá sabaka dayay?” Gorhá á mardesh dar kot.
Kórdelán
35 Wahdé Issáyá eshkot ke biná butagén mardesh galléntag, á mardi dar gétk o gwashti: “Bárén, tará Ensánay Chokkay|Ensánay Chokk: sará báwar ent?” 36 Mardá darráént: “O wájah! Maná begwash á kay ent ke áiay sará báwar bekanán?” 37 Issáyá gwasht: “Taw á distag. Hamá ent ke gón taw habar kanagá ent.” 38 Áiá gwasht: “O Masih! Immánon áwort” o áiay pádán kapt. 39 Gorhá Issáyá gwasht: “Man pa hokm borrag o dádrasiá é donyáyá|Donyá: átkagán, tánke kór biná bebant o biná kór.” 40 Cha Parisián|Parisi: lahtén ke áiay chapp o chágerdá atant é gapp eshkotant o gwashtesh: “Tai maksad esh ent ke má kór én?” 41 Issáyá gwasht: “Agan kór bebuténét shomárá mayáré per naat, bale paméshá angat mayárig ét ke gwashét: ‘Má biná én.’
Nékén shopánk
1 “Yakin bezánét, agan kasé cha pasáni gwásh o wárhay dapá marawt o cha dega ráhé bepotrit, bezán á dozzé. 2 Bale á kas ke cha gwáshay dapá rawt, pasáni shopánk ent. 3 Bonpán dapigá pa áiá pacha kant o pas áiay tawárá eshkonant. Á wati pasán pa nám gwánk o tawára jant o áyán dhanná bárt. 4 Wahdé ke wati pasán dhanná bárt, wat pésara bit o pas áiay randá kapant, chiá ke áiay tawárá pajjáha kárant. 5 Bigánagáni randá nakapant, cha áyána tachant, chiá ke bigánagáni tawárá pajjáha nayárant o nazánant.” 6 Issáyá, é mesál o nemuna pa áyán pésh kot, bale mardomán áiay maksad sarkech nawárt. 7 Gorhá Issáyá padá gwasht: “Báwar kanét, man pasáni gwáshay dap o darwázag án. 8 Á sajjahén ke pésh cha man átkagant dozz o rahjan atant o pasán áyáni tawár gósh nadásht. 9 Man darwázag án, harkas ke cha mani ráhá begwazit rakkit, tóká rawt yá dhanná, pa charágáhé sara bit. 10 Dozza kayt tán dozzi bekant, bekoshit o tabáh bekant, man átkagán tán mardom zendmán wadi bekanant o pa sarjami o kamál áiay wáhond bebant. 11 “Man nékén shopánk án, nékén shopánk wati sáhá pa pasán nadra kant. 12 Bale kasé ke pa mozz kára kant, pasáni wáhond naent. Wahdé ke gork dém pa pasána kayt, áyán yalaha kant o tachit. Á wahdi, gork pasáni sará hamlah o orosha bárt o áyán tak o parka kant. 13 Á tachit, chiá ke pa mozz kára kant, pasáni hayáldáriá nakant. 14 “Man nékén shopánk án, man wati pasán jáha kárán, á ham maná jáha kárant, 15 hamá dhawlá ke Pet|Pet: maná zánt o man Petá zánán o man wati sáhá pa pasán nadra kanán. 16 Maná dega pas ham hast, ke cha é ramagá naant, báyad ent áyán ham byárán. Á mani tawárá eshkonant o yak ramag o yak shopánka bant. 17 Mani Petá maná dósta bit, chiá ke man wati sáhá nadra kanán tán dwárag wati ján o zenday wáhond bebán. 18 Hechkas mani sáhá cha man gepta nakant, man gón wati hobb o wáhagá áiá nadra kanán. Man pa wati sáhay dayagá ázát án o dwárag pa áiay wáhond bayagá watehtiár. É hokm, maná Petá dátag.” 19 É habaráni bárawá, padá ham Yahudiáni darnyámá nátepáki kapt. 20 Bázéné gwashagá at: “Áiá jenn per ent, pa ché áiay habarán gósha dárét.” 21 Á dega gwashagá atant: “Á kasá ke jenn per, é dhawlén gapp jata nakant. Bárén jenn kórán biná kota kant?”
Yahud Issáyá namannant
22 Wahdé ke Orshalimá|Orshalim (Bayt ol-Mokaddas):, mazanén parasteshgáhay shosht o shód o pákiay aid|Mazanén parasteshgáhay shosht o shód o pákiay aid: átk, zemestán at. 23 Issáyá mazanén parasteshgáhay tahá, Solaymánay|Solaymán: péshjáhá kadama jat. 24 Yahudi áiay chapp o chágerdá mocch but o gwashagá atant: “Tán kadén márá é dhawlá shakkay tahá dáray? Agan taw Masih|Masih: ay, rást o pakká begwash.” 25 Issáyá gwasht: “Man shomárá gwashtag, bale shomá báwara nakanét. Á kárán ke man cha Petay|Pet: némagá kanán wat pa man gwáhia dayant. 26 Bale shomá ke mani pas naét, báwara nakanét. 27 Mani pas mani tawárá eshkonant, man áyán jáha kárán o mani randá káyant. 28 Man áyán namiránén zendmána|Namiránén zend: bakshán o á hechbara namerant. Kas áyán cha man gepta nakant. 29 Hamá Pet, ke áiá é pa man bakshátagant, cha drostigénán master ent o hechkas áyán cha mani Petay dastá pach gepta nakant. 30 Man o mani Pet yakk én.” 31 Padá Yahudián dhók chet tán áiá sengsár bekanant. 32 Issáyá gón áyán gwasht: “Man cha Petay|Pet: némagá bázén nékén kár kotag, pa kojám kárá maná sengsára kanét?” 33 Yahudián darráént: “Pa nékén káréá tará sengsára nakanén, pa tai koprán é kárá kanén. Taw yak bani ádamé ay bale Hodái dáwá kanay.” 34 Issáyá gwasht: “Magan shomay shariatá|Shariat nayátkag ke Hodáyá gwashtag: ‘Shomá cha hamá shawr borrókén hodáyán ét’? 35 Agan Hodáyá, á mardom ke Hodáay habar|Hodáay habar: pa áyán rasetag, ‘hodá’ gwashtagant o má zánén ke Hodáay habar kadi próshaga nabit, 36 gorhá, maná ke Petá gechén kotag o pa é jaháná rawán dátag, chón kopray bohtámá janét? Á ham tahná pa é sawabá ke man gwashtag: ‘Hodáay chokk|Hodáay Chokk: án.’ 37 Agan man wati Petay kárán makanán, pa man immán mayárét. 38 Bale agan áyáni sará kára kanán, tóré agan pa man immán mayárét, pa mani kárán immán byárét. Á wahdi, sarkecha warét ke Pet mani jesm o jáná ent o man áiay.” 39 Gorhá lóthetesh padá áiá dastgir bekanant, bale Issá cha áyáni dastrasá dur but. 40 Randá cha Ordonay kawrá gwast o hamá jágahá shot o mant ke pésará Yahyáyá ódá pákshódi dátagat. 41 Bázén mardomé áiay kerrá átkant o gwashtesh: “Yahyáyá hech ajekkái o ajabbatén nesháni pésh nadásht, bale é marday bárawá har chizé ke gwashti rást ent.” 42 Bázén mardoméá ódá pa Issáyá immán áwort.
Ilázaray mark
1 Martá o Maryam do gohár atant. Áyáni kallagá, mán Bayt-Anyáyá, Ilázar námén mardé nájórh at. 2 Maryam hamá at ke Issáay pádi gón atr shoshtant o gón wati mudán hoshk kotant, annun áiay brát Ilázar nájórh at. 3 Áiay gohárán pa Issáyá kolaw kot ke: “Tai dóst nádráh ent.” 4 Wahdé ke Issáyá é habar eshkot gwashti: “É nádráhi áiá dém pa marka nabárt, pa Hodáay shán o shawkatá yak neshánié bit, tánke Hodáay Chokk|Hodáay Chokk: ham cha é ráhá pa mazani o shawkat berasit.” 5 Issáyá Martá, áiay gohár o Ilázar dósta butant. 6 Wahdé cha Ilázaray nájórhiá sahig but, dega do róch hamá jáhá ke dáshtagati mahtal but. 7 Gorhá gón moridáni gwasht: “Byáyét padá dém pa Yahudiahá berawén.” 8 Moridán gwasht: “O ostád! É habará dér nagwastag ke Yahudián lóthet tará sengsár bekanant. Padá hamódá rawaga lóthay?” 9 Issáyá passaw dát: “Bárén róchay rozhnái dwázdah sáhat naent? Kasé ke róchá ráha rawt nalakoshit o thagala nawárt, chiá ke jahánay rozhnáiá gendit. 10 Bale agan kasé shapá ráh berawt lakoshit, chiá ke áiá hech rozhnáié démá nést.” 11 É habarán o rand, Issáyá gwasht: “May dóstén Ilázar waptag, bale mana rawán o áiá páda kanán.” 12 Moridán gwasht: “Wájah! Agan wáb ent, allamá dráha bit.” 13 Issáyá áiay markay bárawá habara kot, bale áyán hayála kot ke Ilázar anchosh waptag o wáb ent. 14 Á wahdi Issáyá á sarkech dátant ke: “Ilázar mortag. 15 Nun pa shomaygi shádmán án ke ódá nabutagán. Pa ché ke nun báwar kota kanét. Byáyét, áiay gwará rawén.” 16 Tumá ke áesh “Járhó” náméntagat, gón á dega moridáni gwasht: “Byáyét, má ham berawén o gón áiá hór bemerén.”
Issá zendmán o áherat ent
17 Wahdé ke Issá ódá átk o raset, sahig but chár róch ent ke Ilázar kabr kanag butag. 18 Bayt-Anyá tán Orshalimá|Orshalim (Bayt ol-Mokaddas):, say kilumeteray kesás at. 19 Bázén Yahudé porsay háterá, Martá o Maryamay kerrá átkagatant. 20 Wahdé Martá sahig but ke Issá pédák ent, áiay péshwáziá shot, bale Maryam mant. 21 Martáyá gón Issáyá gwasht: “O wájah! Agan taw edá bebuténay, mani brát namortagat. 22 Bale angat zánán, har chiz ke taw cha Hodáyá belóthay pa taw baksháit.” 23 Issáyá gwasht: “Tai brát padá zendaga bit.” 24 Martáyá gwasht: “Mana zánán ke áherzamáná zendaga bit.” 25 Issáyá gwasht: “Man zendmán o áherat án. Agan kasé pa man immán byárit tóré bemerit, padá ham zendaga bit. 26 Harkas ke zendag ent o pa man báwara kant, hechbara namerit. Bárén é habará báwara kanay?” 27 Martáyá gwasht: “Haw wájah! Maná báwar ent ke taw Masih|Masih: ay, Hodáay hamá Chokk ay ke báyad ent é jaháná byayt.”
Issáay gréwag
28 Cha é gappáni gwashagá o rand, Martá shot wati gohár Maryami tawár kot o pa halwati gwasht: “Ostád átkag o tará lóthit.” 29 Wahdé Maryamá é eshkot, hamá damáná chest but o Issáay kerrá shot. 30 Issá angat á métagá narasetagat o hamódá at ke Martá áiay gendagá shotagat. 31 Hamá Yahudi ke Maryamay lógá atant o áiá delbaddhi dayagá atant, wahdé distesh ke á pa eshtápi pád átkag o cha lógá dar áyagá ent, áiay randá kaptant, gón watesh gwasht: “Balkén pa gréwagá kabray sará rawt.” 32 Bale Maryam hamódá shot o sar but ke Issá ódá at o á disti. Nun Issáay pádán kapt o gwashti: “O wájah! Agan taw edá bebuténay, mani brát namortagat.” 33 Wahdé Issáyá Maryam gón á Yahudián ke áiay hamráh atant gréwán dist, cha delá áhé kassheti o sakk padard but. 34 Gwashti: “Shomá Ilázar kojá kabr kotag?” Gwashtesh: “Wájah, byá o bechár!” 35 Cha Issáay chammán ars ér retkant. 36 Yahudi gwashagá atant: “Bechárét chinchok dósti butag.” 37 Cha áyán lahténá gwasht: “Bárén é mard ke kóray chammi biná kotant, Ilázari cha marká rakként nakot?”
Ilázaray zendag bayag
38 Randá, Issá anchosh ke cha delá áh kasshagá at, kabray sará átk. Kabr, yak gárré at ke dhóké áiay dapá ér at. 39 Issáyá gwasht: “Dhóká dur kanét!” Ilázaray gohár, Martáyá, gwasht: “O wájah! Áiay marká chár róch gwastag o bóa kant.” 40 Issáyá passaw dát: “Bárén man nagwasht agan tará immán bebit, Hodáay shán o shawkatá genday.” 41 Gorhá dhókesh cha kabray dapá dur kot, Issáyá ásmánay némagá cháret o gwashti: “O Pet|Pet:! Tai shográ gerán ke mani habaret eshkot. 42 Man zánt ke taw modám mani habará gósha dáray, bale é habaron pa á mardomán gwasht ke edá óshtátagant, tán báwar bekanant ke taw maná rawán dátag.” 43 Cha é habarán o rand, Issáyá gón borzén tawáré gwánk jat: “Ilázar! Dar kap!” 44 Á mordag, ke áiay dast o pád kaponá atant o démi gón dastmáléá póshéntagat, dhanná dar átk. Issáyá gwasht: “Áiá pach kanét, belléti ke rawt.”
Issáay koshagay pandal
45 Maryamay gwará átkagén bázén Yahudián, wahdé Issáay é kár dist, immánesh áwort. 46 Bale lahtén, Parisiáni|Parisi: kerrá shotant o Issáay kotagén káray hálesh bort o sar kot. 47 Parisi o mazanén dini péshwáyán wati sarókáni diwánay|Yahudiáni sarókáni diwán: básk o membar lóthetant o gwashtesh: “Má ché kanagá én? É mard bázén ajekkái o ajabbatén nesháni pésh dáragá ent. 48 Agan áiá hamé dhawlá yalah bedayén, drostigén áiay sará báwara kanant, á wahdi Rumia|Rumay bádsháhi: káyant o may kawm o mazanén parasteshgáhá gerant.” 49 Cha áyán, Kiápá námén mardéá, ke á sálá masterén dini péshwá|Masterén dini péshwá: at, gwasht: “Shomá cha bon o béhá chizé nazánét. 50 Shomá nazánét ke sarjamén kawmay tabáhi o zawál bayagay badalá, yak mardoméay koshag pa shomá gehter ent?” 51 É gapp, áiá watsar nagwasht, chiá ke á sálá, Kiápá masterén dini péshwá at, áiá péshgói kot ke Issá báyad ent pa kawmá bemerit, 52 na tahná pa á kawmá, Hodáay drostigén tak o parkén chokkán ham yakjáh o yakráh bekant. 53 Cha á róchá o rand, áiay koshagay band o bastesh bongéj kot. 54 Cha ed o rand, dega baré Issáyá watá Yahudiáni darnyámá záher nakot. Gyábánay nazziká, Epráim námén shahréá, gón wati moridán shot o nesht. 55 Yahudiáni Sargwazay aid|Pesah: , Pesah, nazzik at o bázén mardomé cha molkay drostigén hand o damagán, Orshalimá|Orshalim (Bayt ol-Mokaddas): átkagatant tán pésh cha aidá watá pák bekanant. 56 Á Issáay jost o porsá atant o mazanén parasteshgáhá gón yakdegará gwashagá atant: “Bárén, é aidá á nayayt? Shomá ché gwashét?” 57 Bale mazanén dini péshwáyán o Parisián|Parisi: hokm kotagat, harkasé ke bezánt Issá kojá ent, hál bedant tán áiá dastgir bekanant.
Maryam Issáay pádán charpa kant
1 Cha Sargwazay aidá|Pesah: shash róch pésar, Issá Bayt-Anyáyá shot ke Ilázaray lóg hamódá at, hamá Ilázar ke cha mordagáni zendag kotagat. 2 Áyán, pa Issáyá shámé tayár kotagat, Martáyá hezmata kot o Ilázar gón mehmánán Issáay kashá soprah o parzónagay kerrá neshtagat. 3 Á wahdi, Maryamá ném táséay kesásá, kimmatién atré, cha gehterén sombolay rógená áwort, Issáay pádán per mosht o pád gón wati mud o malgórán hoshk kotant. Atray wasshén bó, á lógay har kondhá tálán but. 4 Hamé wahdá Yahudá Eskaryutiá, ke cha Issáay moridán at o pa hamé zuti, Issái dróhagi o dozhmenáni dastá dayagi at, gwasht: 5 “Chiá é atr pa sésad nograhén korshá bahá nabut tán á zarr bazzagén mardomán dayag bebuténant?” 6 Áiá é habar pa bazzagén mardománi gamwáriay háterá nagwasht, bale paméshá ke á wat Issáay rombay kelitdár at o dozzé at. Áiá har wahd cha zarturagá chizé pa wata zort. 7 Issáyá gwasht: “Maryamay kárá kár madárét, áiá é rógen pa mani markay róchá ér kotagant. 8 Bazzagén mardom har wahd shomay gwará hastant, bale man dáyemá gón shomá naán.” 9 Cha Yahudián bázénéá, wahdé eshkot ke Issá ódá ent, na tahná pa Issáay gendagá, pa Ilázaray gendagá ham ke zendag butagat, átkant. 10 Paméshá mazanén dini sarókán Ilázaray koshagay shawr ham borret. 11 Chiá ke pa áiay sawabá, cha Yahudián bázéné ach áyán per tarretagat o Issáay sará báwarmand|Báwarmand: butagatant.
Issá Orshalimá rawt
12 É dega róchá, mazanén rombé ke pa aidá átkagatant, wahdé zántesh Issá Orshalimay|Orshalim (Bayt ol-Mokaddas): ráhá ent, 13 gón maccháni sarsabzén pissh o takán, pa Issáay péshwáziá dar átkant. Áyán kukkár kot: “Hushiáná!” Bezán Hodáay shográ gerén ke may rakkénók pédák ent, Esráilay bádsháhá mobárak bát ke pa Hodáay námá kayt. 14 Issáyá korragén haré dar gétk o áiá swár but, anchosh ke Hodáay Pákén Ketába gwashit: 15 “O Sahyunay dottag! Dega mators. Nun tai bádsháh korragén haréay poshtá neshtag o pédák ent.” 16 Awalá é chizáni maksad pa moridán pakká naat, bale randá ke Issá pa wati mazani o shawkatá raset, morid yát o tránagá kaptant ke é chiz áiay bárawá nebisag butagat o mardomán ham gón áiá anchosh kot. 17 Wahdé ke Issáyá Ilázar tawár jat o cha kabrá zendag dar áwort, bázéné hamódá atant. Áyán pa wati distagén o eshkotagénáni sará sháhedi dát. 18 Á mazanén romb, pa é háterá Issáay péshwáziá átkagat, ke eshkotagatesh Issáyá é ajekkái o ajabbatén nesháni záher kotag. 19 Parisián|Parisi: gón yakdegará gwasht: “Bechárét, máshomá hech nakanagá én, sajjahén donyá|Donyá: áiay ráhá ent.”
Gón Issáyá Yunániáni gendok
20 Gón é mardomán ke aiday róchán pa parasteshá Orshalimá átkagatant, lahtén Yunáni ham gón at. 21 Á Piliposay kerrá átkant. Pilipos cha Jalilá|Jalil:, Bayt-Saydáay mardomé at. Gón áiá gwashtesh: “Wájah! Má lóthén Issáyá begendén.” 22 Pilipos shot o é habari gón Andriásá gwasht. Á doén shotant o Issáesh hál dát. 23 Issáyá áyáni passawá gwasht: “Á wahd átkag ke Ensánay Chokk|Ensánay Chokk: pa wati shán o shawkatá berasit. 24 Allam bezánét, agan gandomay dánag hákay chérá marawt o mamerit, hechbar cha yak dánagéá géshtera nabit, bale agan kall bebit bázén dánagé kárit. 25 Harkasá ke wati zend dóst ent, áiá báhénit o harkas ke é jaháná cha wati zendá sara gwazit, á wati jáná rakkénit o pa namiránén zendmáná|Namiránén zend: sara bit. 26 Agan kasé lóthit mani hezmatá bekant, báyad ent mani randá byayt. Har jáh ke man án, mani hezmatkár hamódá gón man ent o agan kasé mani hezmatá kant, mani Pet|Pet: áiá washnáma kant.
Wati markay bárawá Issáay habar
27 “Annun mani del bétáhir o jalájósh ent, ché begwashán? Bárén begwashán: ‘O mani Pet|Pet:! Maná cha é sáhatá berakkén?’ Na, habar esh ent ke mani áyagay morád o maksad hamé wahd o damán butag. 28 O Pet! Wati námá mazani o shawkat beday.” Hamé wahdá, yak borzén tawáré cha ásmáná rost ke gwashti: “É porshawkatén mazani dátag o padá ham dayán.” 29 Rombé mardom ke ódá óshtátagatant, gón é tawáray eshkonagá gwashagá laggetant: “Granday tawár at,” á degarána gwasht: “Préshtagéá|Préshtag: gón áiá gapp kot.” 30 Issáyá gwasht: “É tawár, pa man na, pa shomay háterá átk. 31 Annun é jahánay shawr o hokm borragay wahd ent o jahánay náláhekén sardár, Shaytán, dhanná dar géjaga bit. 32 Wahdé ke cha zeminná chest kanaga bán, drostigén mardomán wati némagá kasshán.” 33 Issáyá é habar pa á dhawlén markéá gwasht ke áiay entezár o wadárá at. 34 Mardomán darráént: “Shariata|Shariat gwashit ke Masih|Masih: tán abad gón má mánit. Gorhá taw chóna gwashay ke ‘Ensánay Chokk|Ensánay Chokk: chest kanaga bit?’ Ensánay é Chokk kay ent?” 35 Issáyá gwasht: “Tahná yak gwandhén wahdé rozhnái gón shomá ent. Tán wahdé ke é rozhnái gón shomá ent, gám janán démá bejonzét. Chosh mabit ke taháróki shomárá bepálóshit. Kasé ke tahárókiá ráha rawt, nazánt kojá rawt. 36 Tán wahdé ke shomárá rozhnái gón ent, pa rozhná immán byárét, tánke rozhnáiay chokk bebét.” Issáyá é gwasht o cha áyáni darnyámá shot o chér o andém but.
Yahudiáni nábáwari
37 Gón Issáay é bázén ajekkái o ajabbatén neshánián, angat ham immánesh nayáwort, 38 tánke Eshayá nabiay habar purah bebit o topák bekapit, ke áiá gwashtagat: “O Hodá! May kolaw kayá báwar kotag o bárén Hodáay wák o kodrat pa kaséá záher butag?” 39 Gorhá áyán báwar kot nakot, chiá ke Eshayáyá padá ham gwashtagat: 40 “Áyáni chamm nábiná o del sakk mohr kotagant tán gón chammán magendant, gón delán sarkech mawarant o dém pa man ber magardant, tánke áyán dráhi bebakshán.” 41 Eshayáyá é gwasht, chiá ke Issáay mazani o shawkati dist o áiay bárawá habari dát. 42 Angat ham Yahudiáni bázén sarókán immán áwort. Bale cha hamé torsá ke Parisi|Parisi: áyán cha kanisah o parasteshgáhán dar magéjant, námesh nagept. 43 Chiá ke áyán, ensánay dátagén ezzat o satá cha Hodáay dátagén ezzat o satáyá géshter dósta but. 44 Gorhá Issáyá gón borzén tawáré gwasht: “Harkas mani sará báwar bekant, na tahná mani sará, mani rah dayókay sará ham báwara kant. 45 Harkasé maná gendit, mani rah dayóká ham gendit. 46 Man é jahánay átkagén rozhnái án, tán harkas ke mani sará báwar bekant, tahárókiay tahá mamánit. 47 Bale agan kasé mani habarán beshkont o mani hokmay randgiriá makant, angat ham man áiay bárawá shawré naborrán. Chiá ke man pa jahánay mayárig kanagá na, pa jahánay rakkénagá átkagán. 48 Shawr borróké hast, tán harkas ke maná cha wat besendit o mani habarán mamannit, áiá mayárig bekant. Mani gwashtagén gapp o habar, swál o jwábay róchá áiá mayáriga kanant. 49 Chiá ke man watsar gapp o habar nakotag, hamá Petá|Pet: ke maná rawán dátag, hokmi kotag ke ché begwashán o chón habar bekanán. 50 Zánán ke áiay hokm o parmán, namiránén zend|Namiránén zend: ent. Á chiz ke mana gwashán, hamá chiz ant ke Petá maná gwashtagant.”
Moridáni pádshódi
1 Sargwazay aidá|Pesah: yak o do róch pasht kaptagat, Issáyá zánt ke áiay á sáhat o damán átkag o báyad ent é jaháná yalah bedant o Petay|Pet: kerrá berawt. Áiá wati morid, mán é jaháná mehr bakshátagatant o tán wati omray áheri damáná tán delay johlánkián mehr bakshátant. 2 Shámay wahd o damán at o Shaytáná cha péshá Shamunay chokk, Yahudá Eskaryutiay del áshopéntagat ke Issáyá bedróhit o dozhmenáni dastá bedant. 3 Issáyá zánt ke Petá|Pet: drostigén chiz áiay dastá dátagant o cha Hodáay némagá átkag o hamáiay kerrá rawagá ent. 4 Nun cha parzónagay sará pád átk, kabáhi kerré esht o lánkigé sréná basti. 5 Randá yak karah o áptábahé gón trashtá zort, moridáni pádi shoshtant o gón hamá lánkigá hoshk kotant. 6 Wahdé ke Shamun Petrosay bárig raset, áiá gwasht: “O wájah! Taw lóthay mani pádán beshóday?” 7 Issáyá passaw tarrént: “Annun taw nazánay man ché kanán, randá sarkecha waray.” 8 Petrosá gwasht: “Man hechbara nahellán taw mani pádán beshóday.” Issáyá gwasht: “Agan tará mashódán, cha man tará hech wandh o bahré narasit.” 9 Shamun Petrosá gwasht: “O wájah! Agan chosh ent, tahná mani pádán na, mani sar o dastán ham beshód.” 10 Issáyá gwasht: “Á kas ke pákshódi butag, áiá bagayr cha pádán, dega hech shosht o shóday hájat nést. Á sar tán pád, sapá o sallah ent. Shomá pák ét, bale sajjahén na.” 11 Chiá ke Issáyá zánt kojám yakk áiá dróhit, paméshá gwashti: “Cha shomay rombá sajjahén pák naant.” 12 Randá ke drostigénáni pádi shoshtant, wati kabáhi gwará kot, parzónagay kerrá nesht o gwashti: “Bárén, shomá zánét ke man pa shomá ché kot? 13 Shomá maná ostád o wájaha zánét o gwájárét o rást ham gwashét, man hamá án|Man án, Man hamá án:. 14 Agan man shomay ostád o wájah án o shomay pádon shoshtagant, shomá ham báyad ent yakdegaray pádán beshódét. 15 Man shomárá mesálé pésh kot, tán hamá dhawlá ke man gón shomá kot, shomá ham bekanét. 16 Yakin bezánét, ke hech bandah cha wati hodábondá o hech kásed cha wati rah dayóká master naent. 17 Wahdé ke shomá eshiá zánét, gal pa shomá, bale anchosh ke áiay sará kár bekanét. 18 É chizán ke gwashán pa shomá drostigénán naant. Á ke man gechén kotagant, áyána zánán o pajjáha kárán. Bale Pákén Ketábay é péshgói báyad ent pa sar berasit o topák bekapit, á kas ke gón man hamkásag at, mani badwáh ent o mani démá óshtátag. 19 Annun pésh cha é kárá shomárá gwashán. Wahdé ke topák kapt o chosh but, bezánét ke Man Hamá Án. 20 Báwar kanét, harkas mani rawán dátagéná wasshátk begwashit o sharap bedant, maná sharap dátagi o harkas maná sharap bedant mani rah dayóki sharap dátag.”
Dastgir bayagay péshgói
21 Wahdé ke Issáyá é gwasht, cha ruh o darunná sakk padard but o gón pakkái gwashti: “Báwar kanét, cha shomá yakké maná dróhit o dozhmenáni dastá dant.” 22 Moridán nazánt kai bárawá é habará gwashagá ent o gón shakk o shohba yakdegaresh cháret. 23 Cha moridán yakké ke Issáyá báz dóst at, áiay kerrá neshtagat. 24 Gorhá Shamun Petrosá hamá morid eshárat kot ke wájahá jost bekant bárén kai bárawá gapp kanagá ent? 25 Gorhá á morid nazzikter kenzzet o cha Issáyá josti kot: “Wájah! Á kay ent?” 26 Issáyá passaw dát: “Á hamá ent ke man chondhé nán kásagá pera janán o áiá dayán.” Gorhá náni per jat o pa Shamun Eskaryutiay chokk, Yahudáyá dát. 27 Anchosh ke Yahudáyá lonka dastá gept, Shaytán áiay póstá potert. Nun Issáyá gón áiá gwasht: “Zut kan, har káré ke tará kanagi ent.” 28 Bale parzónagay kerray neshtagén mardomán, hechkasá nazánt cha é habará áiay maksad chi ent. 29 Lahténá gomán kot pa é háterá ke Yahudá zarturagay ogdahdár ent, Issá áiá gwashit tán berawt o harché ke pa aidá pakár ent begipt, yá meskinán chizé bedant. 30 Anchosh ke Yahudáyá lonka zort, dhanná dar kapt. Shap at.
Nókén hokm
31 Yahudá ke dar kapt, Issáyá gwasht: “Ensánay Chokk|Ensánay Chokk: pa mazani o shawkat sar but. Hodá ham mán áiá pa shawkat raset. 32 Agan Hodáyá cha áiay némagá shawkat rasetag, Hodá ham áiá mazania dant o é mazani o shawkat ham pa hamé zuti bongéja bit. 33 O mani chokkán! Annun man gwandhén wahdé gón shomá án. Randá mani padá gardét. Hamá dhawlá ke pa Yahudiánon gwasht, gón shomá ham gwashán: Á jáh ke mana rawán, shomá átka nakanét. 34 Shomárá nókén hokmé dayán: Yakdegará dóst bedárét. Anchosh ke man shomárá dóst dáshtag, shomá ham yakdegará dóst bedárét. 35 Agan gón yakdegará mehr bekanét, gorhá drostigéna zánant ke mani morid ét.”
Petrosay namannagay péshgói
36 Shamun Petrosá gwasht: “O wájah! Kojá raway?” Issáyá passaw dát: “Anchén jágahé rawán ke taw annun mani randá átka nakanay. Bale randterá káyay.” 37 Petrosá gwasht: “Wájah! Annun pa ché tai randá átka nakanán? Man wati sáhá pa taw nadra kanán.” 38 Issáyá gwasht: “Bárén, taw pa man wati sáhay nadr kanagá tayár ay? Báwar kan, cha krósbángá pésar, say randá maná namannay o enkára kanay.
Issá dém pa Hodáyá éwakén ráh ent
1 “Shomay del negrán o bétáhir mabit, pa Hodáyá báwar kanét, pa man ham immán byárét. 2 Mani Petay|Pet: jágahá bázén lógé hast. Agan é dhawl mabutén shomárá gwashton, mana rawán tán pa shomá jágahé tayár kanán. 3 Bale nun agan man pa shomay jágahay tayár kanagá rawán, padá káyán o shomárá gón wata barán, tán shomá ham hamódá gón man yakjáh bebét. 4 Shomá zánét ke man kojá rawán o ráhá ham balad ét.” 5 Tumáyá gwasht: “O wájah! Má nazánén taw kojá raway, gorhá ráhá chón bezánén?” 6 Issáyá gwasht: “Man ráh án, rásti o zendagi bakshók ham man án|Man án, Man hamá án:, hechkas bé man Petay|Pet: kerrá átka nakant. 7 Agan shomá maná bezántén, mani Petó ham zánt. Bale cha ed o rand, shomá áiá zánét o á distagó.” 8 Piliposá gón áiá gwasht: “O wájah! Petá márá pésh bedár, pa má hamé bas ent.” 9 Issáyá gwasht: “O Pilipos! É bázén wahdá man gón shomá hamráh án o taw angat maná nazánay? Harkasá ke maná distag, mani Peti ham distag. Gorhá chóna gwashay: ‘Petá márá pésh bedár’? 10 Bárén, báwara nakanay ke man Petay arwáh o jabiná án o Pet manigá? É habarán ke gón shomá gwashán mani naant, hamá Petayg ant ke mani jesm o jáná ent. Hamá ent ke é kárána kant. 11 Mani é habará bemannét ke man Petay jabiná án o Pet manigá. Agan báwar nakanét, hamá káráni háterá immán byárét ke shomá cha man distagant. 12 Yakin bezánét, harkas ke pa man immán byárit, harché ke mana kanán, á ham kota kant. Masterén kár ham kant, chiá ke man Petay kerrá rawán o 13 harché ke pa mani námá belóthét, á wáhagá sarjama kanán, tánke Pet mán wati Chokká shán o shawkat pédák bekant. 14 Agan chizé pa mani námá belóthét, pa shomá sarjam tayára kanán.
Hodáay Pákén Ruh, bezán Ruh ol-Kodosay ráh dayagay wádah
15 “Agan man shomárá dóst án, mani hokmá ham pa ján o dela mannét o 16 man cha Petá|Pet: lóthán, á shomárá dega posht o panáhé dant tán modám shomay darnyámá bemánit. 17 Bezán é rástiay hamá Ruh|Pákén Ruh (Ruh ol-Kodos): ent ke jahán áiá manneta nakant, chiá ke áiá nagendit o pajjáha nayárit. Bale shomá áiá pajjáha kárét, pa é sawabá ke á shomay kerrá mánit o shomay darunná ent. 18 Shomárá yatim o chórawa nakanán, shomay kerrá pera tarrán. 19 Kammén wahdéá rand, jahán padá maná nagendit, bale shomá maná gendét. Paméshá ke man zendag án, shomá ham zendaga mánét. 20 Á róchi zánét ke man Petay arwáh o jabiná án o shomá manigá o man shomaygá. 21 Á kasá ke mani hokm gón ant o á hokmáni sará kára kant, hamáiá man dóst án. Á ke maná dósta dárit, á mani Petá ham dósta bit. Maná ham á dósta bit o watá pa áiá záhera kanán.” 22 Yahudá Eskaryutiá na, á dega Yahudáyá jost kot: “O wájah! Pa ché watá pa má záhera kanay bale pa jaháná na?” 23 Issáyá passaw tarrént: “Á kas ke maná dósta dárit, hamá habaráni sará kára kant ke man gwashtagant o mani Petá|Pet: ham á dósta bit, má áiay kerrá rawén o áiay gwará mánén. 24 Á kas ke maná dósta nadárit, mani habaráni sará kára nakant. É habarán ke shomá cha mana eshkonét mani naant, hamá Petayg ant ke maná ráhi dátag. 25 É habaron wahdé gwashtant ke angat shomay darnyámá án. 26 Bale shomay posht o panáh, á Pákén Ruh|Pákén Ruh (Ruh ol-Kodos): ke Pet pa mani námá rawána kant, drostigén chizán shomárá sója dant. Á habar ke man gón shomá gwashtagant, shomárá áyáni yát o tránagá perrénit. 27 “Man shomárá deljami o ásudagia dayán, wati árámesh o ásudagiá pa shomá bakshán. Jaháná é wák nést tán hamá ásudagiá shomárá bedant ke mana dayán. Shomá negrán o deltaparkah mabét. 28 Shomá eshkot, man gwasht ke rawán, bale padá shomay kerrá pera tarrán. Agan man shomárá dóst bebuténán, cha é habará shádána butét ke man Petay|Pet: kerrá rawán, chiá ke Pet cha man master ent. 29 Paméshá, pésh cha é káray sarjam bayagá gwashton, wahdé ke chosha bit o topáka kapit, immán byárét. 30 Nun gón shomá báz habara nakanán, chiá ke é jahánay náráhén hokmrán, bezán Shaytána kayt. Áiá mani sará hech wák o zóré nést. 31 Bale man hamá kárána kanán ke Petá maná hokm kotag, tán jahán bezánt ke maná Pet dóst ent. Pád áyét, cha edá rawén.
Anguray asligén drachk
1 “Man anguray asligén drachk án o mani Pet|Pet: bágpán. 2 Mani har thálá ke bara nayárit, goddhit o har thálé ke gránbara bit, áiá pák o sallaha kant tán géshterén nibag byárit. 3 Shomá gón mani habarán pák butagét. 4 Shomá mani jesm o jáná bemánét o man shomaygá. Hamá dhawlá ke thálé, agan gón drachká hór mabit, bara nadant, shomá ham, agan gón man hór mabét, bar dáta nakanét. 5 Man drachk án o shomá thál. Harkas gón man bemánit o man gón áiá, bázén nibagé kárit, chiá ke shomá jetá cha man hech káré kota nakanét. 6 Agan kasé gón man mamánit, yak tháléay dhawlá dawr dayaga bit o hoshka tarrit. Mardom hoshkén thálán moccha kanant o sóchant. 7 Agan mani jesm o jáná bemánét o mani habar shomay delá benendant, harché ke belóthét, shomay hájat sarjama bant. 8 Mani Petá gón hamé kárá shán o shawkata rasit ke shomá bázén bar o nibag byárét o mani morid bebét. 9 “Hamá dhawlá ke man Petá|Pet: dóst butagán, shomá ham maná dóst butagét. Mani mehráni sáhegá bemánét. 10 Agan mani hokmáni sará kár bekanét, mani mehráni tahá mánét, anchosh ke man wati Petay hokmáni sará kár kotag o áiay mehráni tahá émen neshtagán. 11 É habaron gón shomá paméshá gwashtant, tánke mani shádmániay wáhond bebét o shomay shádmáni sarjam bebit. 12 Mani hokm esh ent ke: Shomá yakdegará dóst bedárét, hamá dhawlá ke man shomárá dóst dáshtag. 13 Cha eshiá masterén mehr nést ke mardom wati sáhá pa dóstá nadr bekant. 14 Agan shomá mani hokmáni sará kár bekanét, mani dóst ét. 15 Dega shomárá golám o bandaha nagwashán, chiá ke goláma nazánt wájah ché kant. Man shomárá wati dóst zánt, pa é háterá ke harché cha Petá eshkoton, gón shomá gwasht o bayán kot. 16 Shomá maná gechén nakotag, man shomárá gechén kotag o rawán dátag ke berawét o nibag byárét, abadmánén nibag. Á wahdi, harché pa mani námá cha Petá belóthét, shomárá dant. 17 Mani hokm pa shomá hamesh ent: Yakdegará dóst bedárét.
Jahánay bézári
18 “Agan donyá|Donyá: cha shomá bézár ent, bezánét ke pésh cha shomá cha man bézár butag. 19 Agan shomá é donyái|Donyá: bebuténét, donyáyá|Donyá: ham shomárá watigáni dhawlá dósta but. Bale paméshá ke shomá donyái|Donyá: naét o man shomárá cha é donyáyá|Donyá: gechén kotag o dar chetag, nun donyá|Donyá: cha shomá bézár ent. 20 Cha é habará ke man gón shomá gwashtagat: ‘Golám cha wájahá mastera nabit,’ béhayál mabét. Agan áyán maná ázár raséntag, shomárá ham ázára dayant. Agan mani habaresh zortag, shomay habará ham zurant. 21 Mani námay sawabá ent ke gón shomá é dhawlá kanant, chiá ke mani rah dayóká nazánant. 22 Agan man mayátkénán o gón áyán é gapp majaténant, á bémayár atant. Bale annun áyán, pa wati gonáhán hech ozré nést. 23 Harkas ke cha man bézár ent, cha mani Petá|Pet: ham bézár ent. 24 Agan áyáni darnyámá á kár ke cha degaráni was o twáná dar ant man makoténant, á bémayár atant. Bale nun, áyán é kár distagant o angat cha man o mani Petá bézár ant. 25 Áyáni shariatay|Shariat é habar ke gwashit, ‘bé dalir o sawab cha man bézár butagant,’ é dhawlá rást o paddar but. 26 Bale wahdé shomay á posht o panáha kayt, bezán rástiay Pákén Ruh|Pákén Ruh (Ruh ol-Kodos): ke áiay sarchammag Pet ent, hamáiá ke man cha Petay némagá rawána kanán, á mani bárawá gwáhia dant. 27 Shomá ham mani gwáh o sháheda bét, chiá ke cha hamá bongéjá gón man butagét.
1 “É chizon gón shomá gwashtant ke shomay báwar sost mabit. 2 Bezánét ke shomárá cha parasteshgáh o kanisahán dara géjant. Yak wahdé kayt, á kas ke shomárá koshit, gomána kant gón wati é kárá pa Hodáyá hezmata kant. 3 É kárán gón shomá kanant, chiá ke na Petá|Pet: zánant o na maná. 4 É habaron shomárá pa é háterá gwashtant, wahdé ke topák kapt o chosh but, mani gwashtagén habaráni hayál o tránagá bekapét. É chizon cha awalá pa shomá nagwashtant, chiá ke man wat gón shomá gón atán. Hodáay Pákén Ruh, bezán Ruh ol-Kodosay kár 5 “Annun wati rah dayókay kerrá rawán bale hechkas cha shomá josta nakant ke: ‘kojá raway?’ 6 Shomay del cha gamá porr but, chiá ke man é habar gón shomá gwashtant. 7 Bale man rásténá gwashán ke mani rawag pa shomá sharter ent. Chiá ke agan marawán, shomay posht o panáh shomay darnyámá nayayt, bale mana rawán o áiá pa shomá rawána kanán. 8 Wahdé ke á kayt, jaháná gonáh o rásti o adl o hokmay bárawá sahig o mayáriga kant. 9 Gonáhá pésha dárit, chiá ke pa man immánesh nayáwort; 10 rástiá záhera kant, chiá ke man Petay|Pet: kerrá rawán o shomá dega maná nagendét; 11 adl o hokmá pajjárénit, chiá ke é jahánay náláhekén sardár, Shaytán, mayárig kanag butag. 12 Bázén chizé hastant ke báyad ent gón shomá begwashán, bale shomárá é wahdi áyáni eshkonagay wák o twán nést. 13 Á ke rástiay Ruh|Pákén Ruh (Ruh ol-Kodos): ent, kayt. Á shomárá pa sarjamén rástiá rahdarbaria kant. Chiá ke watsar chizé nagwashit, tahná cha hamá chizán ke eshkont, habara kant o shomárá cha dém áyókén chizán sarpada kant. 14 Á mani shán o shawkatá záhera kant, chiá ke har hál o habaré ke cha mana gipt, shomárá sahiga kant. 15 Harché ke mani Petá hastent, manig ant. Paméshá gwashton ke cha mana zurit o shomárá sahiga kant.
Gam o shádeh
16 “Cha gwandhén wahdé rand, maná nagendét, bale padá, kammoké randterá maná gendét.” 17 Gorhá cha moridán lahténá gón yakdegará gwasht: “Pa ché á gwashit: ‘Cha gwandhén wahdé rand maná nagendét, bale padá, kammoké randterá maná gendét,’ yá é habar ke á gwashit: ‘Petay|Pet: kerrá rawán,’ áiay maksad chi ent?” 18 Á watmánwatá gwashagá atant: “É ‘gwandhén wahd’ ke áiay bárawá habara kant, chi ent? Má nazánén ché gwashit?” 19 Issáyá zánt ke á lóthant é bárawá cha áiá chizé jost begerant. Gorhá gwashti: “Shomá é bárawá ke man habar kot gón yakdegará jost o porsá ét. Man shomárá gwasht ke ‘cha yak gwandhén wahdé rand dega maná nagendét, bale kammoké rand, padá maná gendét.’ Bárén shomay gapp o trán hamé bárawá at? 20 Báwar kanét o bezánét ke shomá arsa réchét o mán yak andóh o watómáné kapét, bale jahán shádeha kant. Shomá gamnák o porsiga bét, bale shomay é gam pa shádmáni badala bit. 21 Yak janéné wati chellagiay wahdá darda kasshit, bale anchosh ke nonnok pédáka bit, wati dardána shamóshit, paméshá ke nókén ensáné wadi butag. 22 Shomá ham annun, hamé dhawlá gamnák ét, bale shomárá padá gendán. Á wahdi, shádmána bét o shomay wasshián hechkas pach gepta nakant. 23 Á róchá dega chizé cha man josta nakanét. Báwar kanét, har chizé ke pa mani námá cha Petá|Pet: belóthét, shomárá dant. 24 Tán é wahdi shomá chizé pa mani námá nalóthetag, belóthét tán shomay dastá bekapit o shomay shádmáni sarjam o sarréch bebit.
Jahánay sará girái o báládasti
25 “Tán é wahdi, man gón shomá pa ráz o ramz habar kotag, bale wahdé kayt ke pa ráz o ramz habar makanán, tachk o paddar Petay|Pet: bárawá gón shomá habar bekanán. 26 Wahdé á rócha kayt, shomá mani námá gerét o cha Hodáyá lóthét o mana nagwashán ke pa shomaygi cha Petá lóthán. 27 Shomá wat Petá dóst ét, chiá ke man shomárá dóst butagán o mannetagó ke man cha Hodáay némagá átkagán. 28 Man cha Petay kerrá átkag o é jaháná sar butagán, annun ham é jaháná rambénán o Petay némagá rawán.” 29 Moridán gón áiá gwasht: “Nun róshen o pakká bé ráz o ramz habar kanagá ay. 30 Nun deljam én ke taw sajjahén chizána zánay. Dega zalurat naent kas chizé cha taw sar o sój bekant. Paméshá márá báwar ent, taw cha Hodáay némagá átkagay.” 31 Issáyá passaw dát: “Nun shomárá báwar ent. 32 Bechárét, yak wahd o sáhaté kayt o cha hamé annun bongéj butag, shomá drostigén tak o parka bét o harkas wati ráhá rawt. Maná tahná o éwak yalaha dayét, bale gón é drostigénán, man tahná naán, chiá ke mani Pet gón man ent. 33 É chizon pa shomá gwashtant tán gón mani hamtepákiá shomárá ásudagi berasit. Mán jaháná shomárá dard o ranja rasit, bale delér bebét ke man é jahánay sará sóbén bután.”
Pa moridán dwáhayr
1 Cha é habarán o rand, Issáyá dém pa ásmáná cháret o gwashti: “O Pet|Pet:! Á wahd o sáhat rasetag, wati Chokká shán o shawkat beday tánke Chokk tará ezzat o shán bedant. 2 Taw drostigén mardománi ehtiár áiay dastá dátag, tán hamá mardom ke taw pa áiá bakshátagant, áyán namiránén zendmán|Namiránén zend: bedant. 3 O yakk o barhakkén Hodá! Namiránén zend o zendmán hamesh ent ke á tará bezánant o tai shón dátagén Issá Masihá|Masih: pajjáh byárant. 4 Á kár ke taw mani dhobbah o ogdahá eshtagat, man sarjam kot o mán jaháná tai mazani o shawkat záher o paddar kot. 5 O Pet! Annun maná wati péshgáhá shán o shawkat beday, hamá shawkaté ke maná pésh cha é jahánay jórhénagá tai kerrá hastat. 6 “Man tai nám, pa áyán ke taw cha é jaháná gechén kotag o pa man bakshátagatant, pajjárént. Á taig atant o taw maná bakshátant. Áyán tai habaráni sará kár kotag. 7 Annun áyán zánt, á chiz ke taw maná dátagant, pa rásti cha tai némagá ant. 8 Chiá, á habar ke taw maná dátag man pa áyán sar kotant o áyán ham mannet. Nun áyán pa del zánt ke man cha tai némagá átkagán o báwara kanant ke taw maná rawán dátag. 9 “Man pa áyán dwá kanán, na pa sajjahén jaháná. Man pa á mardomán dwá kanán ke taw maná bakshátagant, pa ché ke taig ant. 10 Á ke manig ant, á sajjahén taig ant, á ke taig ant, manig ant o mani shán o shawkat cha áyán záher o paddar but. 11 Man dega é jaháná namánán, bale á angat jaháná hastant o man tai kerrá káyán. O pákén Pet|Pet:! Gón hamá námay zór o twáná ke taw maná dátag, áyáni negahpániá bekan tánke yakk bebant, hamá warhé ke má yakk én. 12 Tán wahdé ke man gón áyán butagán, gón hamá námay zór o twáná ke taw maná dátag, áyáni negahpánion kotag. Hech yakké cha áyán tabáh o halák nabut, bagayr cha á yakkén, ke wat halákatay láhek at, tán á chiz ke Pákén Ketába gwashit, purah bebit o topák bekapit. 13 “Annun tai gwará káyán. Pésh cha é jahánay yalah dayagá, é habarána gwashán tánke cha mani shádmániá sarréch bebant. 14 Man tai habar pa áyán rasént. Paméshá ke á é donyái|Donyá: naant, donyá|Donyá: cha áyán bézár ent, anchosh ke man cha é donyáyá|Donyá: naán. 15 Tai dargáhá dwá nakanán ke áyán cha donyáyá|Donyá: bebaray, dwá kanán ke áyán cha sherr o Shaytáná berakkénay. 16 Hamá dhawlá ke man é donyáié|Donyá: naán, á ham naant. 17 Áyán gón wati rástiá pák bedár, tai habar rásti ent. 18 Hamá dhawlá ke taw maná mán jaháná rawán dát, man ham á mán jaháná rawán kotant. 19 Annun pa hamáyáni háterá watá gón páki jetá o neshána kanán, tánke á ham gón rástiá sapá o neshán bebant. 20 “Tahná pa eshán dwá nakanán, pa á mardomán ham ke cha esháni kolaw o gwáhiá mani sará immána kárant, 21 tánke á drostigén yakk bebant. O Pet|Pet:! Hamá dhawlá ke taw mani arwáh o jabiná ay o man taigá, á ham gón má bebant o jahán immán byárit ke taw maná rawán dátag. 22 Á mazani o shawkat ke taw maná dátagat man pa áyán dát o rasént tánke á yakk bebant, hamá dhawlá ke má yakk én, 23 man áyáni jesm o jáná bemánán o taw manigá, tánke á cha yakki o yakkuiá sarréch bebant. Á wahdi, jahána zánt ke taw maná rawán dátag o anchosh ke manet dóst butagán, tará á ham dóst butagant. 24 “O Pet|Pet:! Mani wáhag esh ent, á ke taw maná bakshátagant hamódá ke man án, gón man hamódá yakjáh bebant, tán hamá shawkatá begendant ke taw maná bakshátag, chiá ke cha jahánay jórhénagá pésar ham, taw maná dóst dáshtag. 25 O mani ádelén Pet! Har chont ke jaháná tará nazánt o pajjár nakot, man tará zánt o pajjáh áwort. Nun é ham zánant ke taw maná rawán dátag. 26 Man tai nám pa áyán pajjárént o padá ham pajjárénán, tán hamá mehr ke tará pa man hastent, áyáni del o jáná ham bebit o man áyáni del o jáná bebán.”
Issáay dastgir kanag
1 Cha é habarán o rand, Issá gón wati moridán Kedrunay shépay á dastá shot. Ódá yak bágé hastat, Issá o áiay morid hamódá shotant. 2 Yahudáyá, ke áiay dróhénók at, á jágah zánt, chiá ke Issá o áiay morid géshter hamódá shotant. 3 Gorhá, Yahudáyá hokumatay pawji gón parasteshgáhay sepáhigán, ke cha mazanén dini péshwá o Parisiáni|Parisi: némagá rawán dayag butagatant, zortant o gón cherág o kandill o seláh hamráh kot o hamá bágá bortant. 4 Issáyá zánt ke áiay sará chónén kár kapagi ent, démá shot o josti kot: “Kayá shóháza kanét?” 5 Gwashtesh: “Issá Náseriay padá gardén.” Passawi dát: “Man Án!” Yahudá, Issáay dróhénók ham hamódá at. 6 Wahdé ke Issáyá gwasht: “Man án,” á poshtá kenzzán kenzzán zeminná kaptant. 7 Padá gwashti: “Kai randá gardét?” Áyán gwasht: “Issá Náseriay.” 8 Áiá darráént: “Man shomárá gwasht: Man án. Agan mani randá gardét, eshán bellét ke rawant.” 9 Issáyá é gwasht tán áiay pésarigén habar pa sar berasit o topák bekapit: “Hech yakké ach áyán ke taw maná dátagatant tabáh o halák nabut.” 10 Á wahdi, Shamun Petrosá zahmé ke gón at kasshet o yak zarbaté pa masterén dini péshwáay nawkará jat o áiay rásti góshi sest. Nawkaray nám Malkus at. 11 Issáyá gón Petrosá|Pet: gwasht: “Wati zahmá jotká kan! Bárén á jámá nósh makanán ke Petá maná dátag?”
Issá masterén dini péshwáay dém pa démá
12 Gorhá á hokumati sepáhig o sarbázán gón wati sarmaster o Yahudi sepáhigán hamráh, Issá dastgir kot o mohr o mohkam bast. 13 Awalá Issáesh Hannáay kerrá bort, ke á Kiápáay janay pet at. Kiápá á sálá, masterén dini péshwá|Masterén dini péshwá: at. 14 É hamá Kiápá at ke gón Yahudiáni gwashtagat: “Sarjamén kawmay tabáhiay badalá, yak mardoméay koshag gehter ent.”
Petrosay namannag
15 Shamun Petros o yak dega moridé Issáay padá rawán but o shotant. Paméshá ke á dega moridá gón masterén dini péshwáyá pajjáróki hastat, gón Issáyá hamráh, masterén dini péshwáay péshjáhá potert. 16 Bale Petros dhanná darwázagay nazziká óshtát. Gorhá á morid ke gón masterén dini péshwáyá pajjárók at, dhanná dar but o yak chizé darwázagpánén móleday góshá gwasht o Petrosi tóká bort. 17 Á móledá Petrosay némagá dém tarrént o gwashti: “Záná, taw ach é marday moridán naay?” Áiá gwasht: “Na, naán!” 18 Hezmatkár o sepáhigán ásé rók kotagat, chiá ke hawá sárt at. Ásay kerrá óshtátagatant o dast tápagá atant. Petros ham áyáni kerrá óshtátagat o watá garmi kot.
Cha Issáyá jost o pors
19 Masterén dini péshwáyá cha Issáyá, áiay morid o tálim o sabakáni bárawá lahtén jost o pors kot. 20 Issáyá passaw dát: “Man sajjahénáni démá róshen o pakká gapp o habar kotag. Modám mán kanisahán o mazanén parasteshgáhá|Parasteshgáh: hamódá ke drostigén Yahud ódá moccha bant, dars o sabak dátag o hechbar pa panáh o chérokái chizé nagwashtag. 21 Gorhá pa ché cha man josta geray? Cha hamáyán jost beger ke mani gapp o habaresh eshkotagant. Á zánant man ché gwashtag.” 22 Issáyá ke é gwashtant, yak sepáhigé ódá óshtátagat, Issái shahmáté jat o gwashti: “Masterén dini péshwáyá é dhawlá passawa dayay?” 23 Issáyá darráént: “Agan man radén habaré kotag, maná mayárig bekan, agan ráston gwashtag, pa ché janay?” 24 Gorhá Hannáyá Issá dast bastaká, masterén dini péshwá|Masterén dini péshwá:, Kiápáay kerrá dém dát.
Petros angat Issáyá namannit
25 Shamun Petros hamódá óshtátagat o dast tápagá at. Lahténá gwasht: “Záná, taw cha áiay moridán naay?” Áiá namannet o gwashti: “Na, naán.” 26 Cha masterén dini péshwáay hezmatkárán yakké, hamá marday syád at ke Petrosá áiay gósh borretagat. Áiá gón Petrosá gwasht: “Man wat tará gón áiá á bágá nadist?” 27 Petrosá padá ham namannet. Hamé wahdá anágat krósá báng dát.
Issá Pilátusay dém pa démá
28 Sabáhá paggáh, Issáesh cha Kiápáay kerrá wáliay jágáhá bort. Yahud, á kóthá nashotant tánke nápák mabant o Sargwazay aiday|Pesah: waráká wárt kot bekanant. 29 Gorhá Pilátus|Pilátus: átk o cha áyán josti kot: “É marday sará shomay bohtám chi ent?” 30 Áyán passaw tarrént: “Agan mayárig mabutén má tai kerrá nayáwort.” 31 Pilátusá gwasht: “Áiá bebarét o gón wati dini rahbandán pa áiá hokm o shawré beborrét.” Yahudián gwasht: “Shomay hokm o rahbandáni sará, márá hechkaséay kóshay ehtiár nést.” 32 Áherá, hamá dhawlá ke Issáyá wati markay bárawá gwashtagat, hamá dáb but. 33 Randá Pilátus|Pilátus:, wati kóth o kalátá shot Issái hamódá lótháént o gwashti: “Haw! Bárén taw Yahudiáni bádsháh ay?” 34 Issáyá gwasht: “É tai jenday gapp o habar ent yá tará é dhawlá gwashtagesh?” 35 Pilátusá gwasht: “Záná, man Yahudé án? Tai wati kawm o mazanén dini péshwáyán tará mani kerrá áwortag. Chiet kotag?” 36 Issáyá passaw dát: “Mani bádsháhi, donyái|Donyá: bádsháhié naent. Agan mani bádsháhi donyái|Donyá: bádsháhié bebutén, mani hezmatkárán janga kot tánke Yahudiáni dastá makapán. Bale mani bádsháhi donyái|Donyá: naent.” 37 Pilátusá|Pilátus: gwasht: “Acha, taw bádsháhé ay?!” Issáyá gwasht: “Taw wat gwashagá ay ke man bádsháh án. Man pa hamé háterá wadi butag o donyáyá|Donyá: átkagán tán pa rástiá gwáhi bedayán. Harkasá ke rásti dósta bit, mani habarán gósha dárit.” 38 Pilátusá darráént: “Rásti chi ent?” Eshiay gwashagá o rand, Pilátus padá Yahudiáni kerrá shot o gwashti: “Man pa é mardá hech mayáré nagendán. 39 Bale gón shomay rasmá, man Sargwazay aiday|Pesah: róchá, yak bandigé pa shomá ázáta kanán. Bárén, lóthét ke Yahudiáni bádsháhá ázát bekanán?” 40 Á drostigénán kukkár kot: “Na, áiá nalóthén! Bárábásá ázát kan!” Bárábás, yak yágié at.
Yahudiáni kénag o Pilátusay dodeli
1 Á wahdi, Pilátusá|Pilátus: hokm dát Issáyá shallák bejanant. 2 Pawjián tájé cha shezz o kontthagán jórhént o Issáay sará dát, jamurangén kabáhé ham gwará dátesh. 3 Áiay kerrá átkant o pa tazhn gwashán atant: “Drud o drahbát, o Yahudiáni bádsháh!” Chalápak o shahmátesha ham jat. 4 Pilátus padá Yahudiáni kerrá átk o gwashti: “Bechárét! Áiá shomay kerrá kárán tán bezánét ke man pa áiá hech mayáré nagendán.” 5 Issá ke áiá kontthagén tájé sará o jamurangén kabáhé gwará at, dhanná dar kapt. Pilátusá gwasht: “Bechárét! É mard hamedá ent!” 6 Wahdé ke mazanén dini péshwáyán o áyáni sepáhigán á dist, kukkáresh kot: “Dáray sará bedranjéti! Méhkotthi kanét! Salibi bekasshét!” Pilátusá gwasht: “Shomá wat áiá salib bekasshét. Man hech warhén mayáré pa áiá nagendán.” 7 Yahudián gwasht: “Márá shariaté|Shariat hastent ke gón áiay rahbandán, báyad ent á koshag bebit, chiá ke Hodáay chokkiay|Hodáay Chokk: dáwái kotag.” 8 Wahdé ke Pilátusá|Pilátus: é eshkot, cha péshá géshter torsi delá nesht. 9 Wati kóth o jágáhá shot o cha Issáyá josti kot: “Taw kojigi ay?” Issáyá passaw nadát. 10 Pilátusá gwasht: “Bárén, maná passawa nadayay? Taw nazánay ke tai ázáti o tai dár kasshagay ehtiár mani dastá ent?” 11 Issáyá passaw dát: “Agan Hodáyá tará é ehtiár madátén, mani sará tará hech wák o twáné néstat. Paméshá, hamá ke maná tai dastá dátagi, géshter taksirbár ent.” 12 Ach ed o rand, Pilátusá áiay ázát kanagay johd kot, bale Yahudián kukkára kot: “Agan é mardá ázát bekanay, Kaysaray dóstwáh naay. Harkas watá bádsháh bezánt o belékit, Kaysaray dozhmen ent.” 13 Wahdé ke Pilátusá|Pilátus: é eshkot, Issái dhanná dar gétk o wat yak jáhé ke áiá “Sengparsha” gwashant o pa Ebráni zobáná “Jabbátá” bit, pa hokm kanagá nesht. 14 Sargwazay|Pesah: tayáriay róchay némróchá, Pilátusá gón Yahudián gwasht: “Bechárét, shomay bádsháh hamedá ent!” 15 Bale áyán kukkár kot: “Gári kan! Salibi kassh!” Pilátusá gwasht: “Bárén, shomá lóthét ke shomay bádsháhá bekoshán?” Mazanén dini péshwáyán gwasht: “Cha Kaysará abéd, márá dega bádsháhé nést.” 16 Áherá, Pilátusá Issá pawjiáni dastá dát tán áiá dáray sará bedranjant. Gorhá áyán Issá bort.
Issá o salib
17 Issáyá salibay|Salib: kontth baddhá at o “Kámpól” námén jágahé bortesh, ke pa Ebráni zobáná “Joljotá” gwashaga bit. 18 Hamódá áesh zort o mán salibay kontthá golméh jat. Gón áiá dega do mardomesh ham méhkotth kotant, yakké rástén o á dega chappén némagá. Issá, á doénáni darnyámá at. 19 Pilátusay|Pilátus: hokmá, mayárnámagé nebeshtesh tánke salibay sará dranjag bebit o á nebeshtag é dhawlá at: “Issá Náseri -- Yahudiáni bádsháh.” 20 Cha Yahudián bázénéá é mayárnámag wánt, chiá ke Issáay dár kasshagay jágah cha shahrá dur naat o pa Ebráni, Látin o Yunáni zobánán nebisag butagat. 21 Paméshá, Yahudiáni mazanén dini péshwáyán gón Pilátusá gwasht: “‘Yahudiáni bádsháh’ nebeshtah makan, benebis ke é mardá gwashtag man Yahudiáni bádsháh án.” 22 Pilátusá gwasht: “Harché ke man nebeshtag, nebeshtagon.” 23 Cha salib kasshagá rand, pawjián Issáay pocch zortant, chár bahrá bahr kotant o har yakkéá yak bahré zort. Bale Issáay yak dastgwápén jámagé mant, ke áiá hech cháké néstat, sarjam o yakgwáp at. 24 Gorhá áyán gón wat gwasht: “Byáyét eshiá naderrén, eshiay sará pála janén, bechárén bárén kay katthit?” Gendén, hamá dáb ke Hodáay Pákén Ketába gwashit, hamá dhawlá but o topák kapt: “Mani pocchesh wati darnyámá bahr kotant o jámagay sará pálesh jat.” Pawjián ham hamé kár kot. 25 Salibay|Salib: nazziká, Issáay mát gón wati gohár, Kliupásay jan Maryam o Maryam Majdaliahá óshtátagatant. 26 Wahdé Issáyá wati mát dist ke hamá dóstnákén moriday kerrá óshtátag, gón mátá gwashti: “O bánok! É tai chokk ent.” 27 Randá gón wati moridá gwashti: “É ham tai mát ent.” Á moridá, hamá damáná Maryam wati lógá bort.
Issá sáha dant
28 Nun Issáyá dist ke sajjahén chiz sarjam butagant o pa eshi ke Pákén Ketábay habar topák bekapant o pa sar berasant gwashti: “Tonnig án.” 29 Cha tropshén sharábá porrén kunzzagé ódá ér at. Áyán yak espanjé zort o sharábén kot, hayzaránén dáréay sará bast o Issáay lonthán per mosht. 30 Wahdé ke Issáyá pa sharábá dap jat, gwashti: “Halás but!” Randá sari jahl ér áwort o sáhi dát.
Issáay pahlugá nayzaha janant
31 Á róch, Jomah o Sargwazay aiday tayári geragay róch at. Paméshá Yahudián nalóthet dár-kasshetagénáni jón o jasad, á mazanén Sabbatay|Sabbatay róch: róchá salibay|Salib: sará lónján bebant. Pa hamé háterá, cha Pilátusá|Pilátus: lóthetesh tán á sayénáni thángán bepróshant o cha salibáni sará ér begéjant. 32 Gorhá pawji démá átkant o á doénáni pád ke gón Issáyá lónj atant, próshtant. 33 Issáay kerrá ke átkant, distesh áiá sáh dátag. Paméshá áiay pádesh napróshtant. 34 Bale cha pawjián yakkéá, nayzahé Issáay pahlugá jat ke cha áiay jóná hónáp dar kapt. 35 Á kas ke wat é chizáni sháhed butag, eshiá gwashit o áiay sháhedi rást ent. Á zánt ke rásténá gwashit tán shomá immán byárét. 36 É kár, hamá dhawlá pésh átk tán Pákén Ketábay habar topák bekapit o pa sar berasit ke gwashit: “Áiay hech haddhé próshaga nabit.” 37 Pákén Ketáb, dega yak jágahé ham gwashit: “Á hamá kasá chárant ke nayzahesh jatag.”
Issáay kabr o kapon
38 Randá, Issop Rámahi, ke cha Yahudiáni torsá chérokái Issáay morid at, Pilátusay|Pilátus: kerrá shot o Issáay jónay baragay ejázati lóthet. Pilátusá ejázat dát o áiá jasad bort. 39 Nikudimus, hamá ke awali randá yak shapé Issáay gendoká shotagat, átk o gón wat lahtén hór o hawárén morr o awud o karzarwáhi áwort, ke si kiluay kesás atant. 40 Áyán Issáay jasad bort o gón Yahudiáni kabr o kaponay dód o rahbandán, gón washbóén dáruwán mán godéá pétk. 41 Hamá salibay nazziká yak bágé at. Ódá nókén kabré at ke angat kasé áiay tahá kabr nabutagat. 42 Pa eshi ke Yahudiáni Sargwazay tayáriay róch at o kabr ham hamá nazziká at, Issáay jasadesh hamódá kabr kot.
Háligén kabr
1 Haptagay awali róchá, bezán yakshambehá, sabáhá máhallah ke angat tahár at, Maryam Majdaliah kabray sará átk o disti hamá dhók ke kabray dapá at, cha kabray sará dur kanag butag. 2 Á pa maydán, Shamun Petros o Issáay hamá moriday kerrá átk ke Issáyá báz dóst at. Gwashti: “Wájahesh cha kabrá bortag o nazánén bárén kojáesh ér kotag.” 3 Gorhá Petros o á dega morid ráh geptant o dém pa kabrá shotant. 4 Har doénán maydán kot, bale á dega morid cha Petrosá gwast o cha áiá pésar kabrá raset. 5 Á dotal but o kabray tóki cháret. Kaponi dist ke hamódá at, bale kabray tahá nashot. 6 Randá Shamun Petros raset o kabray tahá shot. Áiá ham dist ke kapon hamódá ent. 7 Á dastmál ke Issáay sará bastagat, kaponay kerrá naat, pétkagat o kammé durter yak kerré ér at. 8 Randá, á morid ke awalá kabray sará rasetagat kabray tahá shot, disti o immáni áwort. 9 Chiá ke áyán, tán á wahdi Pákén Ketábay habar sarkech nawártagat ke á báyad ent cha mordagáni darnyámá jáh bejant. 10 Gorhá á doén morid, wati lógán per tarretant.
Issá pa Maryam Majdaliahá záhera bit
11 Maryam cha kabrá dhann óshtátagat o gréti. Hamá dhawlá ke gréwagá at dotal but o kabray tóki cháret. 12 Hamódá ke Issáay jasad ér butagat, do espét póshén préshtagi|Préshtag: dist, yakké sarunán neshtagat o á dega pádunán. 13 Áyán gwasht: “O janén! Taw pa ché gréwagá ay?” Áiá passaw dát: “Mani wájahesh bortag o nazánán kojá éresh kotag.” 14 Wahdé é gwashti, chakki tarrént o Issái dist hamódá óshtátagat, bale pajjáhi nayáwort. 15 Issáyá gón áiá gwasht: “O bánok! Pa ché gréwagá ay? Kai padá garday?” Maryamá gomán kot ke balkén bágpán ent. Gwashti: “O wájah! Agan taw bortag, maná begwash kojáet eshtag tán man áiá bebarán.” 16 Issáyá passaw dát: “O Maryam!” Maryamá chakk tarrént o Ebráni zobáná gwashti: “Rabbuni!” (Bezán: O mani ostád.) 17 Issáyá gwasht: “Maná dast majan, chiá ke angat Petay|Pet: kerrá borzád nashotagán, bale mani brátáni kerrá beraw o áyán begwash ke annun dém pa wati Petá o shomay Petá, wati Hodáyá o shomay Hodáyá borzáda rawán.” 18 Maryam Majdaliah moridáni kerrá shot o gwashti: “Man Hodáwand|Hodáwand: dist!” Gorhá Issáay kolawi pa áyán bort o sar kot.
Issá pa moridán záhera bit
19 Hamá yakshambehay shapá, wahdé ke morid cha Yahudiáni torsá shagbandén lógéay tahá mocch atant, Issá átk, áyáni darnyámá óshtát o gwashti: “Drud o drahbát pa shomá bát!” 20 Randá wati dast o pahlugi pa áyán pésh dáshtant. Wahdé ke moridán Hodáwand|Hodáwand: dist báz shádán butant. 21 Issáyá padá gwasht: “Drud o drahbát pa shomá bát! Hamá dhawlá ke Petá|Pet: maná ráh dátag, man shomárá rawána kanán.” 22 Cha é habará rand, Issáyá morid dam jatant o gwashti: “Hodáay Pákén Ruhá|Pákén Ruh (Ruh ol-Kodos): begerét o wati delá áiay hankén bekanét! 23 Agan kaséay gonáhán bebakshét, bakshaga bant, áyán ke nabakshét, bakshaga nabant.”
Issá o Tumá
24 Cha dwázdahén moridán yakké, Tumá ke áesh “Járhó” náméntagat, Issáay áyagay wahdá gón áyán hamráh naat. 25 Paméshá wahdé á dega moridán gwashagá atant: “Má Hodáwand|Hodáwand: distag,” áiá gwasht: “Man tán áiay dastán méháni thongá magendán, tánke wati mórdánagá méháni thongá o dastá áiay pahlugá ér makanán, báwara nakanán.” 26 Hasht róchá rand, wahdé ke morid padá yakjáh butant, Tumá ham gón at. Lógay dap band at, bale angat ham Issá gwast o áyáni darnyámá óshtát o gwashti: “Shomárá drud o drahbát sar bát!” 27 Nun gón Tumáyá gwashti: “Wati lankoká edá byár, mani dastán bechár, wati dastá mani pahlugay sará ér kan o dega béimmán mabay, bell ke immándár bebay.” 28 Tumáyá gwasht: “O mani Hodáwand|Hodáwand:, o mani Hodá!” 29 Issáyá gwasht: “Taw pa é sawabá ke maná dist immánet áwort. Gal pa hamáyán ke maná nagendant o immána kárant.”
É Ketábay nebisagay maksad
30 Issáyá wati moridáni démá, dega bázén ajekkái o ajabbatén nesháni pésh dáshtag ke é Ketábá nebisag nabutagant. 31 Bale haminchok nebisag butag tán shomá báwar kanét ke Issá, Masih|Masih: ent o Hodáay Chokk|Hodáay Chokk:, tánke immán byárét o pa áiay námay sará namiránén zendmánay|Namiránén zend: wáhond bebét.
Issá pa hapt moridá záhera bit
1 Chizé wahdá rand, mán Teberiahay gwarmay kerr o gwarán, padá Issáyá watá pa moridán záher kot. Áiay záher bayag é dhawlá at ke 2 Shamun Petros o hamá Tumá ke áesh “Járhó” náméntagat o Natnáil ke cha Jalilay|Jalil: Kánáyá at, gón Zebdiay do chokk o dega do moridá hamódá atant. 3 Shamun Petrosá gón áyán gwasht: “Man pa máhigay geragá rawán.” Áyán gwasht: “Má ham káyén gón.” Gorhá ráh geptant o bójigá neshtant, bale á shapá chizé nageptesh. 4 Sabáh ke but, Issá sáhel o tayábá óshtátagat, bale moridán pajjáh nayáwort. 5 Issáyá gón áyán gwasht: “O chokkán! Shomárá máhigé chizé gón ent?” Áyán passaw dát: “Na.” 6 Gwashti: “Dámá bójigay rásti némagá dawr dayét, ódá máhig gepta kanét.” Áyán anchosh kot o hamekkadar máhigesh gept ke dámesh dém pa bójigá kasshet nakot. 7 Gorhá hamá moridá ke Issáyá báz dóst at, gón Petrosá gwasht: “É wájah Hodá ent!” Shamun Petros jándar at. Wahdé ke é habari eshkot wati pocchi gwará kotant o ápá koppi kot. 8 Á dega morid mán bójigá, hoshkiay némagá átkant o porrén dámesh kasshakán kot, chiá ke cha tayábá sad gám géshter dur naatant. 9 Wahdé ke hoshkiá sar butant, rókén jal o eshkaráni sará, máhig o kammoké nánesh dist. 10 Issáyá gón áyán gwasht: “Cha hamé máhigán ke annun shomá geptagant, kammoké byárét.” 11 Shamun Petros bójigá shot, dámé ke cha yaksad o panjáh o say mazanén máhigá porr at dém pa hoshkiá kasshet, máhigán dám ham nadertagat. 12 Issáyá gwasht: “Byáyét warag bwarét!” Cha moridán yakkéá ham tahm o joriat nakot cha Issáyá jost begipt: “Taw kay ay?” Áyán zánt ke é Hodáwand|Hodáwand: ent. 13 Gorhá Issá démá átk, náni zort o pa áyán dát, hamé dhawlá máhigi ham bahr kotant. 14 Cha wati zendag bayag o jah janagá rand, é saymi bárig at ke Issá pa moridán záher but.
Issá o Petros
15 Ragbandá rand, Issáyá gón Shamun Petrosá gwasht: “O Shamun, Yuhannáay chokk! Bárén tai mehr pa man cha eshán géshter ent?” Petrosá gwasht: “O Hodáwand|Hodáwand:! Taw zánay ke taron dóst ent.” Issáyá gwasht: “Acha, mani gwaragán bechárén.” 16 Domi randá gwashti: “O Shamun, Yuhannáay chokk! Bárén man tará dóst án?” Petrosá gwasht: “O Hodáwand! Taw zánay ke maná dóst ay.” Issáyá gwasht: “Gorhá mani pasáni delgóshá bedár.” 17 Saymi bará gwashti: “O Shamun, Yuhannáay chokk! Bárén man tará dóst án?” Cha eshi ke saymi bará josti kot ke man tará dóst án, Petros molur o delranj but o gwashti: “O mani Hodáwand! Taw wat har chizá zántkárter ay, taw zánay ke taw maná dóst ay.” Issáyá gwasht: “Mani pasán bechárén. 18 Pa rásti tará gwashán, taw wahdé ke warná atay, srén bastagat o har jáh ke lóthetet, shotay. Bale wahdé ke pira bay, dastán drája kanay o degaré tai sréná bandit o tará jáhé bárt ke nalóthay.” 19 Gón é habarán, Issáyá pa hamá marká eshárat kot ke randá Petros gón áiá Hodáay námá shán o shawkata dant. Gorhá gwashti: “Mani randá byá.” 20 Petrosá chapp o chágerd cháret o disti hamá morid ke Issáyá báz dóst ent cha poshtá pédák ent, hamá ke shám waragay wahdá, Issáay kerrá neshtagat o cha áiá josti geptagat: “O Hodáwand|Hodáwand:! Á kay ent ke tará dróhit o dozhmenáni dastá dant?” 21 Wahdé ke Petrosay chamm pa á moridá kapt, cha Issáyá josti kot: “O wájah! Áiay ákebat ché bit?” 22 Issáyá gwasht: “Agan é mani razá bebit ke tán mani áyagay wahdá á bemánit, tai che káré harába bit? Taw mani randá byá.” 23 Cha Issáay é gappá, moridáni darnyámá é dhawlá sarkech warag o dapmándap tálán but ke balkén á morid hechbara namerit. Bale gapp esh ent Issáyá nagwashtagat ke á namerit, áiá tahná gwashtagat: “Agan mani razá é bebit ke tán mani áyagay wahdá á bemánit, tai che káré harába bit?” 24 É hamá morid ent ke é chizi nebeshtagant o pa áyáni rásti o pakká bayagá gwáhia dant. Má zánén ke áiay gwáhi o sháhedi rást ent.
Goddhi dánk o áheri habar
25 Albat, Issáyá dega bázén kár kotagat. Agan á drostigén nebisag bebuténant, mani hayálá sajjahén donyáyá|Donyá: pa á ketábán jágah néstat.