JOHONNI

Gaham Khôthanai

1

Jishuni manshi janai

1 Jajennaiao bathraya doṅ môn, arô bathraya Ishôrjôṅ lôgôshe môn, arô bathraya Ishôr môn. 2 Biô jajennaiao Ishôrjôṅ lôgôshe môn. 3 Bijôṅ gashôinô jayashôi, arô bijôṅ noṅabla janaiphôrni muṅshebô jayakhôi. 4 Biao gôthaṅ doṅ môn, arô gôthaṅa manshipbôrni shraṅ môn. 5 Arô shraṅa khômshiao jôṅdôṅô, bobekhani khômshia bikhôu layakhôishôi. 6 Shashe manshi jakhaṅashôi, biô Ishôrniphrai thônhôrjadôṅ môn, bini muṅa Johon. 7 Biô shakhini thakhôi, shraṅni muṅôi shakhi hônô phôidôṅ môn, boibô bijôṅ phôthainai badi. 8 Biô shraṅ noṅa môn, bobekhani biô shraṅni muṅôi shakhi hônô phôidôṅ môn. 9 Shaphrômnôbô shraṅ hôgra noṅgôu shraṅa shoṅsharao phôihaṅ haṅ môn. 10 Biô shoṅsharao doṅ môn, arô shoṅshara bijôṅ jayashôi, bobekhani shoṅshara bikhôu mithiakhôishôi. 11 Biô gaoniphôrao phôiashôi, bobekhani gaoniphra bikhôu najaoakhôishôi. 12 Bobekhani bikhôu najaogra mani, bini muṅôi phôthaigraphôrnô' biô Ishôrni bishaphôr janô bôlô hôashôi. 13 Bishôrô thôijôṅ noṅa, bedorni gôshôjôṅbô noṅa, manshini gôshôjôṅbô noṅa bobekhani Ishôrjôṅ sharijabai. 14 Arô bathraya bedort jayashôi arô jôṅni gejerao thaphôiashôi, arô shashe lo sharijanaini Biphaniphrai mônnai shomainai badi jôṅô doyajôṅ arô noṅgôujôṅ buṅjashe bini shomainaikhôu nubai. 15 Johona bini thakhôi shakhi hôashôi arô gabjrinanôi hônashôi: "Binino thakhôi aṅ hônbai: Aṅni unao phôigôna aṅni shigari jabai, manôna biô aṅni shigaṅao doṅ môn." 16 Manôna jôṅô boibobini buṅphobnainiphrai doyani shayaobô doya mônbai. 17 Manôna ayena Moshejôṅ hôjadôṅ môn, doya arô noṅgôua Jishu Khristhojôṅ jabai. 18 Raobô Ishôrkhôu mablababô nuakhôi. Biphani phendayao thanai shashe lo sharijanai Bisha hôuayanô bikhôu mithihôbai.

Johon bapthishma hôgrani shiman lanai

19 Judaiariphra, nôṅô shôr hônnanôi, biniao shôṅnô thakhôi Jeiushalemniphrai dôuriphôr arô Lebiariphôrkhôu thôn horbla, Johonni shakhi hônaia benô: 20 Obla biô shiman lananôi phôlayakhôishôj, bobekhani biô shiman layashôi: "Aṅô Khristho noṅa." 21 Bishôrô biniao shôṅashôi: "Obla ma? Nôṅô Elia?" Biô hônashôi: "Aṅ noṅa." "Nôṅô bi nabi?" Biô buṅphinashôi: "Noṅa." 22 Obla bishôiô bikhôu hônashôi: "Nôṅô shôr? Jôṅô jôṅkhôu thônhorgraphôikhôu buṅphinnai badi. Nôṅô gaoni thakhôi ma hônnanôi buṅô?" 23 Biô hônashôi: "Aṅô phôtharao shashe gabjribaigrani rao, Jeshai nabia buṅa' môn badi: Nônshôrô Phôrbuni lamakhôu pheṅdô!" 24 Bishôrô Pharishaiphôrni phrai thônhorjadôṅ môn. 25 Arô bishôrô biniao shôṅnanôi bikhôu hônashôi: "Nôṅô Khristho noṅa, Eliabô noṅa, bi nabibô noṅôbla, obla nôṅ manô bapthishma hôyô?" 26 Johona bishôrkhôu bmiphinnanôi hônashôi: "Aṅô dôijôṅ bapthishma hôyô, nôṅshôrni gejerao nôṅshôr mithiyôi shashe goshoṅnanôi doṅ, aṅni unao phôigônanô, 27 aṅô bini phôithani khanaikhôu kheonô shomaithao thaonoṅa." 28 Bephôrô Jordan barôi' Bethaniayao jayashôi, Johona biao bapthishma hônai môn. 29 Nokha nainanôi biô Jishukhôu gaoniao phôinai nunanôi hônashôi: "Honôi naihort Ishôrni bôrma menda bishaya, biô shoṅsharni phabkhôu banlaṅô!" 30 Aṅ bininô thakhôi buṅdôṅ môn: "Aṅni unao phôigôn manshia aṅni shigaṅ jabai, manôna biô aṅni shigaṅao doṅ môn. 31 Aṅô gaonô bikhôu mithiakhôi môn, bobekhani, biô Ishraelniao nujanai badi, bini thakhôi aṅ dôijôṅ bapthishma hôyôi' hôyôi' phôibai." 32 Arô Johona shakhi hônanôi hônashôi: "Aṅô Jiukhôu phareo badi nokhraṅniphrai onkharnanôi bini shayao thaphôinai nubai, 33 Anô gaonô bikhôu mithiakhôi môn, bobekhani ankhôu dôijôṅ bapthishma hônô thônhorgraya aṅkhôu hôna' môn: Nôṅô Jiukhôu shôrbani shayao oṅkharbônai arô thaphôinai nubla, binô Gôthar Jiujôṅ bapthishma hôgraya. 34 Arô aṅô nubai arô shakhi hôbai: Benô Ishôrni Bisha hôua." 35 Nokha nainanôi Johon arô bini shôlôṅgraphôrni shanôia arbao goshoṅbai thadôṅ môn, arô Jishukhôu thabainai nuhurbla, biô hônashôi: 36 "Honôi naihort Ishôrni bôrma menda bishaya!"

Shigaṅni shôlôṅgraphôr

37 Arô bi shanôi shôlôṅgraphra bikhôu buṅnai khônananôi Jishuni un un thaṅphayashôi. 38 Jishua gidiṅnanôi bishôrkhôu un un phôinai nunanôi bishôrkhôu hônashôi: "Nônshôrô ma naigirdôṅ? Obla bishôrô bikhôu hônashôi: "Rabbi,— dikhaṅjabla biô guru hônjayô,— nôṅô bôuha thayô?" 39 Biô bishôrkhôu hônashôi: "Phôinaiphôi!" Obla bishôrô thaṅnanôi bini thagra jaigakhôu nuhôiashôi, arô bishôrô bi shanao biniao thayashôi. Muga khaosheni shô' môn. 40 Johonniphrai khônanai arô bini un un thaṅphanai shanôini shashea Shimon Phethorni phoṅbai Andreash môn. 41 Biô gaoni bida Shimonkhôu môngrônanôi bikhôu hônashôi: "Jôṅô Mashikhôu mônbai," — biô dikhaṅjabai Khristho.— 42 Biô bikhôu Jishuniao laṅashôi. Jishua bikhôu nainanôi hônashôi: "Nôṅô Johonni bishajla Shimon, nôṅô Khephash hôniagôn," — biô dikhaṅjayô Phethor.— 43 Nokha nainanôi Jishua Galilao thaṅnô gôshô jayashôi, arô biô Philibkhôu mônnanôi bikhôu hônashôi: "Aṅni un un phôidô!" 44 Philiba Bethshaidani, Andreash arô Phethorni nôgôrni môn. 45 Philiba Nathanaelkhôu mônnanôi bikhôu hônashôi: "Bini thakhôi Moshejôṅ ayenao arô nabiphôrjôṅbô lirjanaikhôunô, Nasharethni Jishu, Joshebni bisha hôuakhôu jôṅô mônbai." 46 Nathanaela bikhôu hônashôi: "Nasbarethniphrai maba môjaṅ janô hagôukhôma?" Philiba bikhôu hônashôi: "Phôi naiphôi!" 47 Jishua Nathanaelkhôu gaoniao phôinai nunanôi bini thakhôi hônashôi: "Honôi naihort, biô noṅgôu shashe Ishraetari, biniao shôlinai gôia!" 48 Nathanaela bikhôu hônashôi: "Nôṅ mabôrôi aṅkhôu mithikhô?" Jishua buṅphinnanôi bikhôu hônashôi: "Philiba nôṅkhôu liṅa shayao, aṅ nôṅkhôu dumru 49 biphaṅni shinao thanai nudôṅ môn." Nathanaela bikhôu buṅphinashôi: "Ô guru, nôṅnô Ishôrni Bisha hôua, nôṅnô Ishraelni raja." 50 Jishua buṅphinnanôi bikhôu hônashôi: "Aṅ nôṅkhôu dumru biphaṅni shinao nudôṅ hônnanôi, aṅ nôṅkhôu buṅnai khai, nôṅô phôthaiô. Nôṅô biphôrni khurôi dershin phôrkhôu nugôn." 51 Arô biô bikhôu hônashôi: "Noṅthargôu, noṅthargôu aṅ nôṅshôrfchôu hônô: Nônshôrô nokhrankhôu geonai arô Ishôrni arphophôrkhôu Manshini bisha hôuani shayao gakhônai arô oṅkharnai nugôn."

2

Jishuni maojennai haṅkhô

1 Shanthamniao Galilni Khana nôgôrao haba khuṅshe jayashôi, arô Jishuni bimaya biao doṅ môn. 2 Jishuabô bini shôlôṅgraphrabô bi habayao haṅkhraijadôṅ môn. 3 Drakha bidôia thôa jabla, Jishuni bimaya bikhôu hônashôi: "Bishôrha drakha bidôi gôia." 4 Bobekhani Jishua bikhôu hônashôi: "Ô ai, nôṅjôṅ aṅjôṅ ma? Aṅni mugaya dabônô jathoakhôi." 5 Bini bimaya dao dao khalaigraphôrkhôu hônashôi: "Bi nôṅshôrkhôu hônnaikhôunô khalamdô!" 6 Biao Judaiariphôrni phôtharnaini huda badi goṅdo onthaini dôini muthikhiphôr phojonai doṅ môn, biphôrô goṅpha goṅphayao mohonnôi mohontham janai môn. 7 Jishua bishôrkhôu hônashôi: "Nônshôrô dôini muthikhiphôrkhôu dôijôṅ shôphundô!" Arô bishôrô biphôrkhôu ruguṅ shim shôphuṅashôi. 8 Obla Jishua bishôrkhôu hônashôi: "Dano khaonanôi habani gahainô' hôi!" Arô bishôrô hôiashôi, 9 Bobekhani habani gahaia bi drakha bidôi janai dôikhôu shakhibla, — arô bobeniphrai jakhô, biô bikhôu mithiakhôi môn, bobekhani dôi khaonai dao dao khalaigraphra mithigôu môn, — obla habani gahaia hôua gôdankhôu liṅhornanôi bikhôu hônashôi: 10 "Manshi shaphrômbô môjaṅ drakha bidôikhôu bulaigrôyô," arô manshiphra phebla, gajrishinkhôu bulaiô. Nôṅô da shim môjaṅ drakha bidôikhôu dônbaodôṅ." 11 Jishua haṅkhôphôrni be maojennaikhôu Galilni Khanayao maonanôi gaoni shomainaikhôu dinthiashôi, arô bini shôlôṅgraphra bikhôu phôthaiashôi.

Khapharnahumao

12 Bini unao biô, bini bima, bini phoṅbaiphôr arô bini shôlôṅgraphra Khapharnahumao oṅkharlaṅashôi, arô bishôrô biao shannôi shô' thayashôi.

Gôthar nokhôu phôtharnai

13 Judaiariphôrni Phaskhaya khathishôi môn, arô Jishua Jerushalemao gakhôashôi. 14 Arô biô môshôu, bôrma menda arô phareo phangraphôr arô phaisha shôlaigraphôrkhôu gôthar noao jobai thanai mônashôi, 15 arô duduṅ bishaphôrjôṅ goṅshe bugra khalainanôi biô gashôikhôu, bôrma mendaphôrkhôubô môshôuphôrkhôubô gôthar noniphrai huônjôbashôi, arô biô phaisha shôlaigraphôrni phaishaphôrkhôu shardlananôi araṅgaphôrkhôu narkhlaiashôi, arô biô phareo phangraphôrkhôu hônashôi: 16 "Bephôrkhôu beniphrai laṅ, aṅni Aphani nokhôu phangra no dakhalai!" 17 Obla bini shôlôṅgraphra gôshôkhaṅashôi, lirnai doṅ hônnanôi: "Nôṅni noni thakhôi gôshô guduṅ janaia ankhôu jakhrebgôn." 18 Obla Judaiariphra buṅjennanôi bikhôu hônashôi: "Nôṅ bephÔrkhôu maonai khai, nôṅô jôṅnô' ma haṅkhô dinthiô?" 19 Jishua buṅphinnanôi bishôrkhôu hônashôi: "Be khulumgra nokhôu shiphai, arô aṅô shanthamjôṅ bikhôu dikhaṅphingôn." 20 Ôbla Judaiariphra hônashôi: "Khaobrôi bôshôrdojôṅ be khulumgra noa lujadôṅ môn, arô nôṅô bikhôu shanthamjôṅ dikhaṅnô?" 21 Bobekhani biô gaoni môdômni khulumgra noni thakhôi buṅa' môn. 22 Biô gôthôiphôrniphrai shikhaṅphinbla, bini shôlôṅgraphra, biô bikhôu buṅa' môn hônnanôi, gôshôkhaṅashôi, arô bishôrô gôthar lirnai arô Jishuni hônnai bathrakhôu phôthaiashôi.

Gôbanni phôthainai

23 Unao biô Jerushalemao Phaskha phorobao doṅbla, gôbaṅ bini maonai haṅkhôphôr nunanôi bini muṅkhôu phôthaiashôi. 24 Bobekhani Jishua gaoni thakhôi bishôrkhôu phôthaiakhôishôi, manôna biô gaonô boikhôubô mithinai môn, 25 arô manshini thakhôi shôrba shakhi hônô binô' naṅakhôi môn, manôna manshiniao thanaikhôu biô gaonô mithinai môn.

3

Nikhodemjôṅ raijlainai

1 Pharishaiphôrni gejerao shashe manshi doṅ môn, bini muṅa Nikhodem, biô Judaiariphôrni shashe gôra môn. 2 Biô hôrao Jishuniao thaṅnanôi bikhôu hônashôi: "Ô guru, jôṅô mithigôu, nôṅô Ishôrniphrai phôinai shashe phôrôṅgra hônnanôi. Manôna Ishôra bijôṅ lôgôao thayabla, raobô nôṅ maonai haṅkhôphôrkhôu maonôhaya." 3 Jishua buṅphinnanôi bikhôu hônashôi: "Noṅthargôu, noṅthargôu aṅ nôṅkhôu hônô: Sharijaphinabla raobô Ishôrni raijôkhôu nunôhaya." 4 Nikhodema bikhôu hônashôi: "Manshia bôrainanôi mabôrôi sharijaphinnô hagôu? Biô khonshebao gaoni bimani phishakhoao habnanôi sharijaphinnô hagôu knôtna?" 5 Jishua buṅphinashôi: "Noṅthargôu, noṅthargôu aṅ nôṅkhôu hônô: Dôi arô Jiujôṅ sharijaphinabla raobô Ishôrni raijôao habnô haya. 6 Bedorjôṅ sharijanaia bedort, arô Jiujôṅ sharijanaia jiuanô. 7 Nôṅshôrnô' sharijaphinnô nangôu hônnanôi, an nôṅkhôu buṅnai khai, shôṅṅô danaṅ! 8 Bara gaoni gôshô janaini thiṅôi barô, arô nôṅô bini shôdôbkhôu khônayô, bobekhani biô bobeniphrai phôiô arô bôuha thaṅô hônnanôi, nôṅô mithia. Jiujôṅ sharijanai shaphrômbô bebadmô." 9 Nikhodema buṅphinnanôi bikhôu hônashôi: "Bephôrô mabôrôi janô hagôu?" 10 Jishua buṅphinnanôi bikhôu hônashôi: "Nôṅnô Ishraelni phôrôṅgra jananôibô beli phôrkhôu mithia? 11 Noṅthargôu, noṅthargôu aṅ nôṅkhôu hônô: Jôṅ mithinaikhôu jôṅô buṅô, arô jôṅ nunaikhôu jôṅô shakhi hôyô, bobekhani nônshôrô jôṅni shakhi hônaikhôu laya. 12 Aṅô nôṅshôrnô' haniphôrkhôu khôthabla, arô nônshôrô phôthaiabla, obla aṅ nôṅshôrnô' nokhraṅniphôrkhôu khôthabla, nônshôrô mabôrôi phôthainô? 13 Nokhranniphrat oṅkharbônai (nokhranao thanai) Manshini bisha hôuakhôu nagarnanôi raobô nokhranao gakhôakhôi. 14 Arô Moshea phôtharao jibôukbôu dikhaṅa' môn badi, Manshini bisha hôuaya bibadinô dikhanjanô naṅgôn, 15 bikhôu phôthaigra shaphrômbô jôbnô gôiôi gôthaṅkhôu mônnai badi. 16 Manôna Ishôra shoṅsharkhôu eshegrap' onbai, biô gaoni shashe lo sharijanai Bisha hôuakhôu ôrôinô hôbai, bikhôu phôthaigra shaphrômbô hophaiôi badi, bobekhani jôbnô gôiôi gôthankhôu mônnai badi. 17 Manôna Ishôra shoṅsharkhôu bishar khalamnô thakhôi Bisha hôuakhôu shoṅsharao thônhorakhôi, bo bekhani shoṅshara bijôṅ bôkhaṅjanai badi shô' Bikhôu phôthaigraya bishar khalamjaya. 18 Biô Ishôrni shashe lo sharijanai Bisha hôuani muṅkhôu phôthaiôi khai, bikhôu phôthaiôia bishar khalamkhajabai, 19 Arô bishara benô: Shraṅa shoṅsharao phôibai, arô manshiphra shraṅni khurôi khômshikhôu onshinbai. Manôna bishôrni habaphra gajri môn. 20 Manôna gajrikhôu khalaigra shaphrômbô shraṅkhôu ṅnugôiô arô shranao thaṅa, bini habaphra shôṅkharijayôi badi. 21 Bobekhani noṅgôukhôu khalaigraya shranao thaṅô, bini habaphra nujanai badi, biphôrô Ishôrniao maojabai hônnanôi."

Jishuni thakhôi Johon bapthishma hôgrani shakhi hônai

22 Biphôrni unao Jishu arô bini shôlôṅgraphra Judai hadorao thaṅashôi, arô biô biao bishôrjôṅ lôgôshe thananôi bapthishma hônai môn. 23 Bobekhani Johonabô Shalimni khathini Ainonao bapthishma hônai môn, manôna biao gôbaṅ dôi doṅ môn, arô manshiphra biniao thaṅnanôi bapthishma hôjanai môn. 24 Manôna Johona hajorao jôbjathoakhôi môn. 25 Obla Johonni shôlôṅgraphôrjôṅ shashe Judaiarijôṅ phôtharnaini thakhôi narjlainai jayashôi. 26 Arô bishôrô Johonniao thaṅnanôi bikhôu hônashôi: "Ô guru, nai, Jordan barôi' nôṅjôṅ lôgôshe thanai, nôṅjôṅ shakhi hôjanaia bapthishma hôyô, arô boibô biniao thaṅô." 27 Johona buṅphinnanôi hônashôi: "Nokhraṅniphrai binô' hôjayabla, manshia muṅa muṅshebô lano haya, 28 Aṅ Khristho noṅa, bobekhani aṅ bini shigaṅao thônhorjabai hônnanôi, aṅ bebadi hônnaini thakhôi nôṅshôr gaoshôrnô aṅni shakhiphôr. 29 Hinjao gôdan gônaṅanô hôua gôdan. Bobekhani hôua gôdanni phishigia goshoṅnanôi arô binikhôu khônashoṅnanôi hôua gôdanni raoni thakhôi bimainô roṅjayô, bini khainô aṅni roṅjanaianô japhuṅbai. 30 Biha derlaṅnô naṅgôu, bobekhani aṅha duilaṅnô naṅgôu. Shaniphrai phôinaia boinibô shayao. Haniphrai janaia haniphrai arô haniphôrkhôu buṅô. 31 Nokhraṅniphrai phôinaia boinibô shayao. 32 Bi nunai arô khônanaikbôunô biô shakhi hôyô, oblabô raobô bini shakhi hônaikhôu laya. 33 Bini shakhi hônaikhôu lagraya, Ishôra noṅgôu hônnanôi, haṅkhô bukbabai. 34 Manôna Ishôrjôṅ thônhorjanaia Ishôrni bathraphôrkhôu buṅô, manôna Ishôra Jiukhôu shunanôi hôa. 35 Biphaya Bisha hôuakhôu onô arô gashôikhôubô bini akhaiao hôjôbbai. 36 Bisha hôuakhôu phôthaigraha jôbnô gôiôi gôthaṅ doṅ, bobekhani Bisha hôuakhôu maniyôia gôthaṅkhôu nunô mônnai noṅa, bobekhani Ishôrni bôrabnaia bini shayao thayô."

4

Shamariani hinjao

1 Phôrbua mithibla, Pharishaiphra khônabai môn, Jishua Johonni khurôi baṅshin shôlôṅgraphôr khalamô arô bap thishma hôyô hônnanôi, 2 — oblabô Jishua gaonô bapthishma hôakhôi, bobekhani bini shôlôṅgraphra shô', 3 — obla biô Judaikhôu galaṅnanôi arbao Galilao thaṅashôi. 4 Biô Shamariani gejerjôṅ thaṅnô naṅashôi. 5 Bini khainô biô Jakhob gaoni bishajla Joshebnô' ôrôinô hônai hu jiṅao thanai Shamariani Shukhar hônjanai mônshe nôgôrao thaṅashôi. 6 Jakhobni dôikhora biao doṅ môn. Jishua thabaiôi' thabaiôi' meṅnai khai dôikhor jiṅao joashôi. 7 Mugadoni shô' môn. Shamariani shashe hinjao dôi khaonô biao thaṅashôi. Jishua bikhôu hônashôi: "Nôṅ aṅnô' lôṅnô hôdô!" 8 Manôna bini shôlôṅgraphra janaiphôrkhôu bainô nôgôrao thandôṅ môn, 9 Obla Shamariani hinjaoa bikhôu hônashôi: "Nôṅô Judaiari jananôi mabôrôi aṅ shashe Shamariani hinjaoniao lôṅnô biô?" — Manôna Judaiariphra Shamariariphôrjôṅ lôgô lajlaia.— 10 Jishua buṅphinnanôi bikhôu hônashôi: "Nôṅô Ishôrni ôrôinô hônaikhôu arô, nôṅ aṅnô' lôṅnô hô hônnanôi, nôṅkhôu buṅgrakhôu mithigôu môn bla, nôṅô biniao bigôu môn, arô biô nôṅnô' gôthaṅ dôikhôu hôgôu môn." 11 Hinjaoa bikhôu hônashôi! "Ô bigba, nôṅha khaogra gôia, atô dôikhora gôthôu. Obla nôṅ bi gôthaṅ dôikhôu bobeniphrai mônkhô? 12 Dôikhorkhôu jôṅnô' hônai jôṅni apha Jakhobni khurôi nôṅô dershin khôma? Arô biô gaonô, bini bishaphôr arô bini môshôu môshaphra biniphrai iôṅnai môn." 13 Jishua buṅphiṅmuiôi bikhôu hônashôi: 14 "Be dôikhôu lôṅgra shaphrômhabô gaṅphingôn, bobekhani aṅ binô' hôgôn dôikhôu lôṅgra shaphrômhabô jôbthara jashe gaṅtharnai noṅa, bobekhani aṅ binô' hôgôn dôia biniao jôbnô gôiôi gôthaṅni thakhôi bôhôigra dôimu jagôn." 15 Hinjaoa bikhôu hônashôi: "Ô bigba, be dôikhôu aṅnô' hô, aṅhabô gaṅôi badi, aṅ beao khao nôbô phôinaṅôi badi!" 16 Biô bikhôu hônashôi: "Thaṅ, nôṅni bishaikhôu liṅnanôi beao phôi!" 17 Hinjaoa buṅphinnanôi hônashôi: "Aṅha bishai gôia." Jishua bikhôu hônashôi: "Aṅha bishai gôia hônnanôi, nôṅô môjaṅôi buṅbai. 18 Manôna nôṅha shaba bishaiphôr jabai môn, arô dano nôṅha thanaiabô nôṅni bishai noṅa. Bikhôu nôṅô noṅgôuôi' buṅbai." 19 Hinjaoa bikhôu hônashôi: "Ô bigba, aṅ nuyô, nôṅô shashe nabi hônnanôi. 20 Jôṅni aphaphra be hajôao khulumnai môn, bobekhani nônshôrô hônô, manshiphôr khulumnô naṅgôu jaigaya Jerushalemao doṅ hônnanôi." 21 Jishua bikhôu hônashôi: "Ô ai, aṅkhôu phôthai, jagôn mugayao nônshôrô be hajôaobô Jerushalemaobô Biphakhôu khulumnai noṅa. 22 Nôṅshôr mithiyôikhôu nônshôrô khulumô. Jôṅ mithinaikhôu jôṅô khulumô, manôna bôkhaṅnaia Judaiariphôrniphrainô. 23 Bobekhani mugaya janôshôi arô dano doṅ, obla noṅgôu khulumgraphra Biphakhôu jiu arô noṅgôujôṅ khulumgôn. Manôna Biphayabô gaokhôu bebadi khulumgraphôrkhôu naigirô. 24 Ishôra Jiu, arô khulumgraphra jiu arô noṅgôujôṅ khulumnô naṅgôu." 25 Hinjaoa bikhôu hônashôi: "Aṅô mithigôu, Khristho hônjanai Mashia phôigôn hônnanôi. Biô phôibla, biô jôṅnô' gashôikhôu khôthagôn." 26 Jishua bikhôu hônashôi: "Nôṅjôṅ raijlainaia aṅô binô." 27 Oblanô bini shôlôṅgraphra shohôiashôi, arô biô shashe hinjaojôṅ raijlainai khai, bishôrô shômô naṅashôi. Oblabô raobô hônakhôishôi: "Nôṅô ma naigirdôṅ?" 28 Noṅabla: "Nôṅô manô bijôṅ raijlaidôṅ?" Obla hinjaoa gaoni dôihukhôu galaṅnanôi nôgôrao thaṅnanôi manshiphôrkhôu hônashôi: 29 "Phôi, aṅ khalamnai manikhôu aṅnô' khôthanai manshikhôu naiphôi! Biô Khristho khôma?" 30 Obla bishôrô nôgôrniphrai oṅkharnanôi biniao thaṅashôi. 31 Biaonô shôlôṅgraphra biniao khaolainanôi hônashôi: "Ô guru, jadô!" 32 Bobekhani biô bishôrkhôu hônashôi: "Nôṅshôr mithiyôi janai muṅaphôr aṅha doṅ." 33 Bini khainô shôlôṅgraphra gaojôṅ gao hônjlaiashôi: "Shôrba binô' janaiphôrkhôu hôphôibai khôma?" 34 Jishua bishôrkhôu hônashôi: "Aṅni janaia benô: Aṅkhôu thônhorgrani gôshô badi maonai arô bini habakhôu maojôbnaianô. 35 Nônshôrô hôna khôma: Danbrôi doṅbaoô, obla hanai bôthôra jayô? Nai, aṅ nôṅshôrkhôu hônô: Nôṅshôrni mogonphôrkhôu dikhaṅnanôi dnbliphôrkhôu naihort, biphôrô hanaṅgôuni thakhôi phurkhabai! 36 Hagraya mônnaṅgôukhôu mônô arô jôbnô gôiôi gôthaṅni thakhôi phithai phuthumô, phôgraya hagrajôṅ roṅjaphanai badi. 37 Manôna beaonô bathraya noṅgôu: Shashea phôyô, arô gubuna hayô. 38 Nôṅshôr maoôikhôu hanô aṅ nôṅshôrkhôu thônhorbai. Gubunphra maokhrubdôṅ, arô nônshôrô bishôrni maokhrubnaiao habbai." 39 Aṅ khalamnai manikhôu biô aṅnô' khôthabai hônnanôi, hinjaoa shakhi hônai khai, bi nôgôrni gôbaṅ Shamariariphra bikhôu phôthaiashôi. 40 Bini khainô Shamariariphra biniao thaṅbla, biô bishôrniao thathôṅ hônnanôi, bishôrô biniao khaolaiashôi. 41 Arô biô biao shannôi thayashôi, arô bini khurôi baṅshin bini bathra khai phôthaiashôi, arô bishôrô hinjaokhôu hônashôi: 42 "Jôṅô dano nôṅni buṅnai khai lo phôtbaia. Manôna jôṅô gao gaonô khônabai arô mithibai, benô noṅthargôu shoṅsharni bôkhaṅgra hônnanôi."

Galilao Jishuni mônnôini hankhô maonai

43-44 Shannôini unao biô biniphrai Galilao thaṅashôi. Manôna Jishua gaonô shakhi hôashôi, nabia gaoni biphani hadorao man môna hônnanôi. 45 Bini khainô Jishua Galilao thaṅbla, biô Jerushalemao phorobao khalamnai manikhôu bishôrô nunai khai, Galilariphra bikhôu najaoashôi. Manôna bishôr gaoshôrbô phorobao thaṅdôṅ môn. 46 Obla biô arbao Galilni Khanayao thaṅashôi, biao biô dôikhôu drakha bidôi khalaia' môn. Arô shashe rajani manshi Khapharnahumao doṅ môn, bini bishajlaya jobra môn. 47 Biô Jishukhôu Judainiphrai Galilao phôinai khônabla, biô biniao thaṅnanôi khaolaiashôi, biô oṅkharnanôi gaoni bishajlakhôu shôkhanai badi, manôna biô thôihaṅ haṅ môn. 48 Obla Jishua bikhôu hônashôi: "Nôṅshôr haṅkhôphôr arô shômô naṅthao thao habaphôr nuabla, nônshôrô phôthaitharnai noṅa." 49 Rajani manshia bikhôu hônashôi: "Ô Phôrbu, aṅni hôuashagothoa thôia shayaonô oṅkhardô!" Jishua bikhôu hônashôi: "Thaṅ', nôṅni nôṅashajlaya gôthaṅôinô doṅ!" 50 Manshia Jishu bikhôu hônnai bathrakhôu phôthainanôi thaṅashôi. 51 Biô thaṅphunaiaonô bini leṅphra bikhôu lôgô mônnanôi, bini hôuasha gothoa gôthaṅôinô doṅ hônnanôi, binô' khôthayashôi. 52 Obla biô, bobe mugayao biha hamjena' hônnanôi, bishôrniao shôṅashôi. Bishôrô bikhôu hônashôi: "Mia mugashniniao lômjanaia bikhôu nagarbai." 53 Obla biphaya mithiashôi, Jishua bi mugayaonô bikhôu hôna' môn: "Nôṅni nôṅashajlaya gôthaṅôinô doṅ." Arô biô gaonô arô bini nokhor mania phôthaiashôi. Jishua Judainiphrai 54 Galilao thaṅnanôi be mônnôini haṅkhôkhôu maobaoashôi.

5

Betheshdayao shashe jobrakhôu shôkhanai

1 Bephôrni unao Judalariphôrni phorob khuṅshe jadôṅ môn, arô Jishua Jerushalemao gakhôashôi. 2 Jerushalemao mendani dorkhoṅ jiṅao Ebraini raojôṅ Betheshda hônjanai mônba khamshaliphôr gônaṅ khoishe phukhri dono. 3 Biphôrao jobraphôr, khanaphôr, leṅgraphôr arô ranlaṅnaiphôrni daphaya undushônanôi thanai môn. 4 (Bishôrô dôini shômaojanaikhôu lama nainai môn. Manôna Phôibuni shashe arpho bobeba bobeba bôthôrao phukhriao oṅkharbônanôi dôikhôu shômaonai môn. Obla dôia shômaojanaini unao oṅkhargrônaia, maba biarjôn shajablabô, gôkhrôṅ janai môn). 5 Khaotham bôshôrdaṅ gaoni biarjôn shajanai shashe manshi biao doṅ môn. 6 Jishua bikhôu undushônai nubla, arô biha gôbaoshôi jakhabai hônnanôi mithibla, biô bikhôu hônashôi: "Nôṅha gôkhrôṅ janô gôshô doṅ?" 7 Jobraya bikhôu buṅphinashôi: "Ô bigba, dôia shômaojabla, phukhriao aṅkhôu oṅkharhônô thakhôi aṅha manshi gôia. Bobekhani aṅ oṅkharphunaiao gubun shashe aṅni shigaṅ oṅkhargrôyô." 8 Jishua bikhôu hônashôi: "Shikhaṅ, nôṅni bôishaṅkhôu dikhaṅnanôi thabai!" 9 Arô manshia thabnô gôkhrôṅ jayashôi arô gaoni bôishaṅkhôu dikhaṅnanôi thabaiashôi. Bobekhani bi shanao jirainai shan môn. 10 Bini khainô Judaiariphra shôkhajanaikhôu hônashôi: "Dinôi jirainai shan, arô nôṅô bôishaṅkhôu ayen badi dikhaṅnô naṅa." 11 Biô bishôrkhôu buṅphinashôi: "Aṅkhôu gôkhrôṅ khalaigraya aṅkhôu hôndôṅ: Nôṅni bôishaṅkhôu dikhaṅnanôi thabai!" 12 Bishôrô biniao shôṅashôi: "Dikhaṅnanôi thabai hônnanôi nôṅkhôu hônnai manshia shôr?" 13 Bobekhani shôkhajanaia, biô shôr hônnanôi, mithiakhôi môn. Manôna bi jaigayao daphashe thanai khai, Jishua erkhelaṅdôṅ môn. 14 Bephôrni unao Jishua bikhôu gôthar noao mônnanôi bikhôu hônashôi: "Nai, nôṅô gôkhrôṅ jabai, phap' dakhalamphin, maba gajrishin nôṅha jayôi badi!" 15 Obla manshia thaṅnanôi Judaiariphôniô' khôthayashôi, bikhôu gôkhrôṅ khalainaia Jishuanô hônnanôi. 16 Biô biphôrkhôu jirainai shanao khalainai khai, bini thakhôi Judaiariphra Jishukhôu hôshôashôi.

Gaoni maonalnl thakhôi Jishuni ralkhonai arô gaoni thakhôi Ishôrni shakhi hônai

17 Bobekhani biô bishôrkhôu buṅphinashôi: "Aṅni Aphaya da shim maoô, aṅbô maoô." 18 Bini khainô Judaiariphra bikhôu shitharnô hasthaishinashôi, manôna biô jirainai shankhôu lolo shiphaiakhôi, bobekhani biô gaokhôu Ishôr badi khalamôi' khaiamôi' Ishôrkhôu gaoni Bipha hônnai môn. 19 Obla Jishua buṅphinnanôi bishôrkhôu hônashôi: "Noṅthargôu, noṅthargôu aṅ nôṅshôrkhôu hônô: Bisha hôuaya gaoni bôlôjôṅ muṅa muṅshebô khalamnô haya, biô Biphakhôu khalamnai nunô mônnaikhôu lo khalamô. Manôna bi khalamnai maniphôrkhôunô Bisha hôuayabô bebadinô khalamô. 20 Manôna Biphaya Bisha hôuakjhôu onô arô gao khalamnai maniphôrkhôu binô' dintjhiô, arô biô biphôrni khurôi dershin habaphôrkhôu binô' dinthigôn, nônshôrô shômô naṅnai badi. 21 Manôna Biphaya gôthôiphôrkhôu shikhaṅphinhônanôi phôthaṅô badi, bebadinô Bisha hôuayabô gao gôshô janaiphôrkhôu phôthaṅô. 22 Manôna Biphaya raokhôubô bishar khalaia, bobekhani biô Bisha hôuanô' bishar manikhôu hôbai, 23 bishôrô Biphanô' man hôyô badi, boibô Bisha hôuanô' man hônai badi. Bisha hôuanô' man hôyôia bikhôu thônhornai Biphanô' man hôa. Noṅthargôu, noṅthargôu aṅ nôṅshôrkhôu hônô: 24 Aṅni bathrakhôu khônashoṅnanôi aṅkhôu thônhornaikhôu phôthaigraha jôbnô gôiôi gôthaṅ doṅo, arô biô bisharao thaṅa, bobekhani biô thôinainiphrai gôthaṅaô barshlaibai. 25 Noṅthargôu, noṅthargôu aṅ nôṅshôrkhôu hônô: Jagôn arô dano jakhanai mugayao gôthôiphra Ishôrni Bisha hôuani raokhôu khônagôn, arô khônanaiphra thaṅkhaṅgôn. 26 Manôna'Biphaya gaoniao gôthaṅ gônaṅ badi, bibadinô biô Bisha hôuanô' gaoniao gôthaṅ gônaṅ janô hôbai. 27 Arô biô Manshini bisha hôua khai, biô bishar khalamnô thakhôi binô' bôlô hôbai. 28 Nônshôrô bini thakhôi shômô danaṅ, manôna jagôn mugayao gôthôi hakhorphôrao thanai maniphra bini raokhôu khônagôn, 29 arô môjaṅkhôu maographra gôthaṅni shikhaṅphinnaiao, gajrikhôu maographra bisharni shikhaṅphinnaiao oṅkhargôn. 30 Aṅô gaoni bôlôjôṅ muṅa muṅshebô khalamnô haya. Aṅô khônanai badi bishar khalamô, arô aṅni bishara dhôrômia, manôna aṅô gaoni gôshô janaikhôu naigira, bobekhani aṅkhôu thônhorgrani gôshô janaikhôu shô! 31 Aṅ gaoni thakhôi shakhi hôyô bla, aṅni shakhi hônaia noṅgôu noṅa. 32 Gubun shashe aṅni thakhôi shakhi hôyô, arô aṅô mithigôu, aṅni thakhôi bini shakhi hônaia noṅgôu hônnanôi. 33 Nônshôrô Johonniao thônhora' môn, arô biô noṅgôuni thakhôi shakhi hôdôṅ. 34 Aṅô manshiniphrai shakhi hônaikhôu laya, bobekhani aṅô bephôrkhôu hônô, nônshôrô bôkhaṅjanai badi. 35 Biô jôṅnai arô môdannai dempho môn, arô nônshôrô dabôrshe bini shranao roṅjanô gôshô jadôṅ môn. 36 Bobekhani Johonni shakhini khurôi aṅha dershin doṅ. Manôna aṅ biphôrkhôu maojôbnai badi, Aphaya aṅnô' hônai habaphra, aṅ maonai habaphranô aṅni thakhôi shakhi hôyô, Aphaya aṅkhôu thônhorbai hônnanôi. 37 Arô aṅkhôu thônhornai Aphaya aṅni thakhôi shakhi hôbai. Nônshôrô mablababô bini raokhôu khônayakhôibô bini mohorkhôu nuakhôibô, 38 arô bini bathraya gao gaoniao thaphlainai nôṅshôrha gôia, manôna bi thônhornaikhôu nônshôrô phôthaia. 39 Nônshôrô gôthar lirnaiphôrao phirt phirt naigirô, manôna biphôrao nôṅshôrha jôbnô gôiôi gôthaṅ doṅ hônnanôi, nônshôrô shanô. Arô biphôr shô' aṅni thakhôi shakhi hôyô. 40 Oblabô nônshôrô gôthaṅkhôu mônnô thakhôi aṅniao phôinô gôshô jaya. 41 Manshiphôrniphrai mankhôu laya aṅ, bobekhani aṅ nôṅshôrkhôu mithigôu, 42 gao gaoniao Ishôrni onnaia nôṅshôrha gôia hônnanôi. 43 Aṅô aṅni Aphani muṅôi phôibai, arô nônshôrô aṅkhôu najaoa. Gubun shashe gaoni muṅôi phôibla, nôṅshôrô bikhôu najaogôn. 44 Nônshôrô mabôrôi phôthainô hagôu? Nônshôrô gao gaoniphrai mankhôu lajlaiô, bobekhani nôṅshôrô shashe lo Ishômiphrai phôinai man hasthaia. 45 Nônshôrô dashan, aṅ nôṅshôrkhôu Aphaniao ergôn hônnanôi. 46 Nôṅshôrkhôu ergraya Mosheanô, biniao nônshôrô borsha khalaibai. Manôna nônshôrô Moshekhôu phôthaibla, nônshôrô aṅkhôubô phôthaigôu môn. Manôna biô aṅni muṅôi lirdôṅ. 47 Bobekhani nônshôrô bini lirnaiphôrkhôu phôthaiabla, obla nônshôrô mabôrôi aṅni bathraphôrkhôu phôthainô?"

6

Hajarba hôuaphôrkhôtt jahônai

1 Bephôrni unao Jishua Galilni Thiberiashni shagôr barôi' thaṅashôi. 2 Arô bôlô gôiôiphôrni shayao bini maonai haṅkhôphôr nunai khai gedert daphashe bini un un thaṅphayashôi. 3 Bobekhani Jishua hajôao gakhôlaṅnanôi biao gaoni shôlôṅgraphôrjôṅ jophayashôi. 4 Arô Judaiariphôrni Phaskha phoroba khathishôi môn. 5 Jishua mogonphôrkhôu dikhaṅbla, biô gedert daphashekhôu gaoniao phôinai nunanôi Philibkhôu hônashôi: "Jôṅô bobeniphrai shithaophôr bainô, bishôrô janô mônnai badi?" 6 Bobekhani biô bikhôu anjart nainô thakhôi bikhôu hôna' môn. Manôna ma khalamnô, biô gaonô mithigôu môn. Philiba bikhôu buṅphinashôi: 7 "Shaphrômbô epha epha mônnô thakhôi denar jôunôini shithaoa bishôrnô' thôa." 8 Bini shôlôṅgraphôrni shashe Shimon Phethorni phoṅbai Andreasha bikhôu hônashôi: 9 "Beao jobni shithao gurba arô na manôi gônaṅ shashe hôuasha gotho doṅ. Bobekhani biphôrô eshebaṅni thakhôi ma janô?" 10 Jishua hônashôi: "Manshiphôrkhôu unduglemnhô!" Bi jaigayao bimainô gaṅshô doṅ môn. Obla bishôrô unduglemashôi, hôuaphra shanthumnaiao hajarba shô' môn. 11 Obla Jishua shithaophôrkhôu layashôi, arô hambai hônnanôi unduglemnaiphôrnô' rannanôi hôashôi, bebadinô naphôrniphraibô, bishôr gôshô jajashe. 12 Arô bishôrha udôi buṅjôbbla, biô gaoni shôlôṅgraphôrkhôu hônashôi: "Aglainai gundra gundriphôrkhôu phuthum, ishebô adri jayôi badi!" 13 Obla bishôrô phuthumashôi, arô bishôrô bi jobni gurba shithaophôrniphrai jakhanai manshiphôrniphrai aglainai gundra gundriphôrjôṅ khaoshe khadanôi shôphuṅashôi. 14 Obla manshiphra bini maonai haṅkhôkhôu nunanôi hônashôi: "Benô noṅthargôu shoṅsharao phôigôn nabianô." 15 Jishua mirhibla, bishôrô thaṅnanôi bikhôu raja phojonô thakhôi bra bra homnô hasthaidôṅ, obla biô arbao hashiṅôi hajôao thaṅashôi.

Shagôr sna sna thabainai

16 Bobekhani mônabili jabla, bini shôlôṅgraphra shagôrao 17 oṅkharlaṅashôi, arô bishôrô naoao gakhônanôi Khapharaahumni thiṅôi shagôrkhôu barnô homashôi. 18 Bobekhani khômshi jakhabai môn, arô Jishua bishôrniao shohôithoakhôi môn, arô shagôra gôbrap' bar barnaijôṅ gurlap' guthap' jadôṅ môn. 19 Sheoashe noṅabla sheoanôi jaolaṅbla, bishôrô Jishiikhôu shagôr sha sha thabainai arô naoni khathiao phôinai nuashôi, arô bishôrô giashôi. 20 Bobekhani biô bishôrkhôu hônashôi: "Aṅ shô', nôṅshôrô dagi!" 21 Obla bishôrô thaṅgôn naoao najaonô gôshô jayashôi, arô naoa thabnô bishôr thaṅgôn hadorao shohôiashôi.

Gôthaṅni shithao

22 Nokha nainanôi shagôr barôi' goshoṅnai daphaya nudôṅ môn, goṅshe naokhôu nagarnanôi biao gubun nao gôia môn, arô Jishua gaoni shôlôṅgraphôrjôṅ be naoao gakhôphayakhôi môn, bobekhani bini shôlôṅgraphra lo thaṅdôṅ môn hônnanôi. 23 Bobekhani gubun gubun naophôr Thiberiashniphrai, Phôrbua hambai hônnaini unao bishôr shithaokhôu janai jaigani khathiao shohôiashôi. 24 Bini khainô daphaya nubla, Jishua arô bini shôlôṅgraphra biao gôia môn hônnanôi, bishôr gaoshôrnô' naophôrao gakhônanôi Khapharnahumao Jishukhôu naigirnô thaṅashôi. 25 Arô bikhôu shagôr barôi' mônnanôi bishôrô bikhôu hônashôi: "Ô guru, nôṅô mabla beao phôikhô?" 26 Jishua buṅphinnanôi bishôrkhôu hônashôi: "Noṅthargôu, noṅthargôu aṅ nôṅshôrkhôu hônô: Nôṅshôr haṅkhôphôr nunô mônnai khai, nônshôrô aṅkhôu naigira, bobekhani nôṅshôr shithaophômiphrai jananôi udôi buṅnai khai shô'. 27 Adri janai Janami thakhôi damao, bobekhani jôbnô gôiôi gôthaṅ shim thanai janaini thakhôi shô'! Manshini bisha hôuaya nôṅshôrnô' bikhôunô hôgôn, manôna Apha Ishôra biniao haṅkhô bubai." 28 Obla bishôrô bikhôu hônashôi: "Ishôrni habaphôrkhôu maonô thakhôi jôṅô ma khalamnô?" 29 Jishua buṅphinnanôi bishôrkhôu hônashôi: "Ishôrni habaya benô, nônshôrô bi thônhornaikhôunô phôthaiô hônnanôi." 30 Bini khainô bishôrô bikhôu hônashôi: "Obla nôṅô ma haṅkhô maoô, jôṅô nunanôi nôṅkhôu phôthainai badi? Nôṅô ma maoô?' 31 Jôṅni aphaphra phôtharao mannakhôu janai môn, lirjaya' môn badi: Biô janô thakhôi bishôrnô' nokhraṅniphrai shithao hônai môn." 32 Obla Jishua bishôrkhôu hônashôi: "Noṅthargôu, noṅthargôu aṅ nôṅshôrkhôu hônô: Moshea nôṅshôrnô' nokhraṅniphrai shithao hôakhôi, bobekhani aṅni Aphaya nôṅshôrnô' nokhraṅniphrai noṅgôu shithaokhôu hôyô. 33 Manôna Ishôrni shithaoanô nokhranniphrai oṅkharbônanôi shoṅsharnô' gôthankhôu hôyô." 34 Obla bishôrô bikhôu hônashôi: "Ô Phôrbu, lagarbô jôṅnô' be shithaokhôu hôdô!" 35 Jishua bishôrkhôu hônashôi: "Aṅnô gôthaṅni shithaoa. Aṅniao phôinaiha ukhôitharnai noṅa, arô aṅkhôu phôthaigraha mablababô gaṅtharnai noṅa. 36 Bobekhani aṅ nôṅshôrkhôu hônbai: Nônshôrô aṅkhôu nunanôibô phôthaia. 37 Aphaya aṅnô' hônai mania aṅniao phôigôn, arô aṅniao phôinaikhôu aṅô garontharnai noṅa. 38 Manôna aṅô gaoni gôshô badi khalamnô thakhôi noṅa, bobekhani aṅkhôu thônhorgrani gôshô badi khalamnô thakhôi nokhraṅniphrai oṅkharbôbai. 39 Arô aṅkhôu thônhorgrani gôshôa benô: Biô aṅnô' hônai manini muṅbô aṅô khômayôi badi, bobekhani aṅô jôbnai shanao bikhôu dikhaṅgôn. 40 Manôna aṅni Aphani gôshôa benô: Bisha hôuakhôu nugra arô phôthaigra shaphrômbô jôbnô gôiôi gôthankhôu mônthôṅ hônnanôi, arô aṅô jôbnai shanao bikhôu dikhaṅgôn." 41 Aṅnô nokhraṅniphrai oṅkharbônai shithaoa hônnanôi, biô buṅnai khai, Judaiariphra bini shayao khudriashôi. 42 Arô bishôrô hônashôi: "Benô Joshebni bishajla Jishu noṅa khôma? Jôṅô bini bima biphakhôu mithigôu. Biô dano mabôrôi buṅô: Aṅô nokhraṅniphrai oṅkharbôbai?" 43 Jishua buṅphinnanôi bishôrkhôu hônashôi: "Gao gaoniao dakhudri! 44 Aṅkhôu thôṅhornai Aphaya bikhôu bôabla, raobô aṅniao phôinô haya. Arô aṅ jôbnai shanao bikhôu dikhaṅgôn. 45 Nabiphôrniao lirnai doṅ: "Arô bishôrô boibô Ishôrjôṅ phôrôṅjanai jagôn." Biphaniphrai khônanai arô shôlôṅnai shaphrômbô aṅniao phôiô. 46 Shôrba Aphakhôu nubai, be noṅa, Ishôrniphrai janaia lo Aphakhôu nubai. 47 Noṅthargôu, noṅthargôu aṅ nôṅshôrkhôu hônô: Phôthaigraha jôbnô gôiôi gôthaṅ doṅ. 48-49 Aṅnô gôthaṅni shithaoa. Nôṅshôrni nômpha50 phraphôlharaomarina jananôithôinaimôn. Benô nokhraṅniphrai oṅkharbônai shithaoa, shôrba biniphrai jananôi thôiôi badi. 51 Aṅnô nokhraṅniphrai oṅkharbônai gôthaṅôi thanai shithaoa. Shôrba be shithaoniphrai jabla, biô jôbthara jasne gôthaṅôinô thagôn. Arô aṅ shoṅsharni gôthaṅni thakhôi hôgôn shithaoa aṅni bedort." 52 Bini khainô Judaiariphra gaojôṅ gao naṅjlainanôi hônashôi: "Biô mabôrôi jôṅnô' gaoni bedorkhôu janô hônô hagôu?" 53 Obla Jishua bishôrkhôu hônashôi: "Noṅthargôu, noṅthargôu aṅ nôṅshôrkhôu hônô, nônshôrô Manshini bisha hôuani bedorkhôu jayabla arô bini thôikhôu lôṅabla, gao gaoniao nôṅshôrha gôthaṅa gôia hônnanôi. 54 Aṅni bedorkhôu jagra arô aṅni thôikhôu lôṅgraha jôbnô gôiôi gôthaṅa doṅ, arô aṅô jôbnai shanao bikhôu dikhaṅgôn. 55 Manôna aṅni bedora noṅgôu janai, arô aṅni thôia noṅgôu lôṅnai. 56 Aṅni bedorkhôu jagra arô aṅni thôikhôu lôṅgraya aṅniao thayô, aṅbô biniao. 57 Gôthaṅôi thanai Aphaya aṅkhôu thônhora' môn badi, aṅbô Aphajôṅ gôthaṅôinô doṅo badi, bibadinô aṅkhôu jagrayabô aṅjôṅ gôthaṅôinô thagôn. 58 Benô nokhraṅniphrai oṅkharbônai shithaoa, biphaphra jananôi thôilaṅa' môn badi noṅa. Be shithaokhôu jagraya jôbthara jashe gôthaṅôinô thagôn." 59 Bephôrkhôu biô khulumgra noao, Khapharnahumao phôrôṅnanôi buṅdôṅ môn.

Manshiphôrni shôukthunai. Phethorni shiman lanai

60 Obla bini shôlôṅgraphôrni gôbaṅa khônananôi hônashôi: "Be bathraya gôra. Shôr bikhôu khônashoṅnô hagôu?" 61 Bobekhani Jishua gaoniao mithibla, bini shôlôṅgraphra be bathrani thakhôi khudridôṅ hônnanôi, obla biô bishôrkhôu hônashôi: "Beô nôṅshôrkhôu shôukthuhôyô na ma? 62 Obla nônshôrô Manshini bisha hôuakhôu gaoni shigaṅni thanaiao gakhÔnai nubla lai? 63 Jiuanô phôthaṅgra, bedora muṅbô udala. Aṅ nôṅshôrnô' hônnai bathraphra jiu arô gôthaṅ. 64 Bobekhani nôṅshôrni shôrba shôrba phôthaia." Manôna phôthaiôiphra shôr shôr, arô bikhôu gothaigônanô shôr hônnanôi, Jishua jajennainiphrai mithidôṅ môn. 65 Arô biô hônashôi: "Bini khainô aṅ nôṅshôrkhôu buṅbai, Biphajôṅ binô1 hôjayabla, raobô aṅniao phôinô haya hônnanôi. 66 Oblaniphrai bini shôlôṅgraphôrni gôbaṅa unphinashôi arô bijôṅ thabaibaophayakhôishôi. 67 Bini khainô Jishua khaoshe shanôikhôu hônashôi: "Nôṅshôrbô thaṅgarnô gôshô jayô?" 68 Shimon Phethora bikhôu buṅphinashôi: "Ô Phôrbu, jôṅô shôrniao thaṅnô? Nôṅha jôbnô gôiôi gôthaṅni bathraphôr doṅ. 69 Arô jôṅô phôthainô arô nṅthinô mônbai, nôṅnô Ishôrni gôtharanô hônnanôi" 70 Jishua bishôrkhôu buṅphinashôi: "Aṅ nôṅshôr khaoshe shanôikhôu shaikhoakhôi khôma? Oblabô nôṅshôrni shashea môdai." Biô Shimon Iskhariothni bishajla Judashni thakhôi buṅashôi. 71 Manôna biô khaoshe shanôini shashe jablabô, biô bikhôu gothainôshôi môn.

7

Môsha galgabni phorobao Jishuni thannai

1 Bephôrni unao Jishua Galilao thabaigdiṅashôi. Manôna Judaianiphra bikhôu shitharnô hasthainai khai, biô Judaiao thabaigdiṅnô gôshô jayakhôishôi. 2 Bobekhani Judaiariphôrni Môsha galgabni phoroba khathishôi môn. 3 Bini khainô bini phoṅbaiphra bikhôu hônashôi: "Beniphrai oṅkharnanôi Judaiao thaṅ', nôṅni shôlôṅgraphrabô nôṅ maonai habaphôrkhôu nunô mônnai badi. 4 Manôna raobô muṅbô shrôthôi' maoa arô gaonô didayôi' thanô hasthaiô. 5 Nôṅô bephôrkhôu khalambla, shoṅsharnô' gaokhôu dinthi!" Manôna bini phoṅbaiphrabô bikhôu phôthaiakhôi môn. 6 Obla Jishua bishôrkhôu hônashôi: "Aṅni bôthôra dabô jathoakhôi, bobekhani nôṅshôrni bôthôra lagarbô tham thim. 7 Shoṅshara nôṅshôrkhôu mugôinô haya, bobekhani biô aṅkhôu mttgôiô, manôna anô bini shayao shakhi hôyô, bini habaphra gajri hônnanôi. 8 Nônshôrô phorobao gakhôlaṅ, aṅnô dabô be phorobao gakhôlaṅa, manôna aṅni bôthôra dabô japhuṅthoakhôi." 9 Bishôrnô' bephôrkhôu buṅnanôi biô Galilao thayashôi. 10 Bobekhani bini phoṅbaiphra phorobao gakhôlaṅbla, obla biô gaobô didayôi' noṅa, bobekhani shrôthôi' gakhôlaṅashôi. 11 Obla Judaiariphra bikhôu phorobao naigimanôi hônashôi: "Biô bôuha?" 12 Arô bini thakhôi daphaphôrni gejerao bimainô bedeṅ buduṅ raijlainai jadôṅ môn. Shôrba shôrba hônashôi: "Biô gaham." Gubunphra hônashôi: "Noṅa, bobekhani biô daphakhôu andaihôyô." 13 Bobekhani Judaiariphôrkhôu ginai khai raobô bini thakhôi thalayôinô buṅakhôishôi.

Jishuni phôrônnai

14 Phorobni gejer naṅkhanaiao Jishua gôthar noao gakhôlaṅnanôi phôrôṅashôi. 15 Obla Judaiariphra shômô naṅnanôi hônashôi: "Biô shôlôṅalaba mabôrôi gôthar Hrnaiphôrkhôu rôṅgôu?" 16 Jishua buṅphinnanôi bishôrkhôu hônashôi: "Aṅni phôrôṅnaia aṅni noṅa, bobekhani aṅkhôu thônhorgrani shô'. 17 Shôrba Ishôrni gôshô badi khalamnô gôshô jabla, biô phôrôṅnaini thakhôi mithigôn, biô Ishôrniphrai, noṅabla aṅô gaoni bôlôjôṅ bṅṅô hônnanôi. 18 Gaoni bôlôjôṅ buṅgraya gaoni mankhôu hasthaiô. Bobekhani gaokhôu thônhorgrani mankhôu hasthaigraya noṅgôu, arô biniao inai gôia. 19 Moshea nôṅshôrnô' ayenkhôu hôakhôi khôma? Arô nôṅshôrni raobô ayen badi maoa. Nônshôrô manô aṅkhôu shitharnô hasthaiô?" 20 Daphaya buṅphinashôi: "Nôṅô môdai gônaṅ! Shôr nôṅkhôu shitharnô hasthaidôṅ?" 21 Jishua buṅphinnanôi bishôrkhôu hônashôi: "Aṅô mônshe haba maobai, arô nônshôrô boibô bini thakhôi shômô naṅô. 22 Moshea nôṅshôrnô' bigur hanaikhôu hôbai, — biô Mosheniphrai, jabai be noṅa, bobekhani biphaphôrniphrai shô'— arô nônshôrô jirainai shanao manshikhôu bigur hayô. 23 Mosheni ayena shiphaijayôi badi, manshia jirainai shanao bigor hanaikhôu najaobla, aṅ jirainai shanao manshi manikhôu gôkhrôṅ khalamnai khai, nônshôrô aṅkhôu bôrabô? 24 Sha shajraṅ nainanôi bishar dakhalam, bobekhani dhôrômia bishar khalam!" 25 Obla Jerushalemariphôrni shôrba shôrba hônashôi: "Bishôr shitharnô hasthainai manshia benô noṅa khôma? 26 Arô nai, biô thalayôinô buṅô, arô bishôrô bikhôu muṅbô buṅa. Gôraphra noṅgôuôi' mithinô mônbai khôma, benô Khristho hônnanôi? 27 Bobekhani biô bobeniphrai phôibai hônnanôi, jôṅô mithigôu. Bobekhani Khristhoa phôibla, biô bobeniphrai hônnanôi, raobô mithinai noṅa." 28 Obla Jishua gôthar noao phôrôṅôi' phôrôṅôi' gabjrinanôi hônashôi: "Nônshôrô aṅkhôu mithigôu, arô aṅô bobeniphrai, nônshôrô bikhôubô mithigôu. Arô aṅô gaoni gôshô badi phôiakhôi, bobekhani aṅkhôu thônhorgraya noṅgôu, nônshôrô bikhôu mithia. 29 Aṅnô bikhôu mithigôu, manôna aṅô biniphrai, arô biô aṅkhôu thônhorbai." 30 Bini khainô bishôrô bikhôu homnô hasthaiashôi, oblabô raobô bini shayao akhai hôakhôishôi, manôna bini mugaya oblabô jathoakhôi môn. 31 Bobekhani daphani gôbaṅa bikhôu phôthainanôi hônashôi: "Khristhoa phôibla, biô be maonaini khurôi baṅshin haṅkhôphôr maogôn khôma?"

Pharishaiphôrni Jishukhôu homnô hasthainai

32 Pharishaiphra daphakhôu bini shayao bephôrkhôu bedeṅ buduṅ rainai khônayashôi, arô dôuri gederphôr arô Pharishaiphra bikhôu homnô thakhôi thandôiphôrkhôu thônhorashôi. 33 Obla Jishua hônashôi: "Aṅô dabôrshe nôṅshôrjôṅ lôgôshe thabaogôn, biniphrai aṅô aṅkhôu thônhorgraniao thaṅgôn. 34 Nônshôrô aṅkhôu naigirgôn, bobekhani mônnai noṅa. 35 Arô aṅ thanaiao nônshôrô thaṅnô haya." Obla Judaiariphra gaojôṅ gao hônjlaishôi: "Biô bôuha thaṅnô naigirdôṅ, jôṅô bikhôu mônôi badi? Biô lether phether janai Grikphôrni gejerao thaṅnanôi Grikphôrkhôu phôrôṅnô hasthaiô khôma? 36 Nônshôrô aṅkhôu naigirgôn, bobekhani mônnai noṅa, arô aṅ thanaiao nônshôrô thaṅnô haya hônnanôi, bi hôrmai bathraya ma?" 37 Phorobni jôbnai gedert shanao Jishua goshoṅnanôi gabjrinanôi hônashôi! 38 "Shôrhaba gaṅdôṅbla, biô aṅniao phôinanôi lôṅthôṅ! Aṅkhôu phôthaigraya, gôthar lirnaia buna' môn badi, bini shiṅaoniphrai gôthaṅ dôini dôimaphra bôhôigôn." 39 Bikhôu phôthaigraphôr najaonôshôi Jiuni thakhôi biô bikhôu buṅashôi! Manôna Jiua oblabô hôjathoakhôi môn, manôna Jishua oblabô shomaihôjayakhôi môn. 40 Obla daphani shôrba shôrba bi bathraphôrkhôu khônananôi hônashôi: "Noṅgôu benô binabianô." 41 Gubunphrahônashôi: "Benô Khristhoa." Bobekhani shôrba shôrba hônashôi: "Khristhoa obla Galilniphrai phôigôn khôma?" 42 Khristhoa Davidni jôlôiniphrai arô David thanai gami Bethlehemniphrai phôigôn hônnanôi, gôthar lirnaia buṅakhôi khôma?" 43 Bini khainô daphani gejerao bini thakhôi gaojlainai jayashôi. 44 Bishôrni shôrba shôrba bikhôu homnô gôshô jadôṅ môn, bobekhani raobô bini shayao akhaiphôr hôakhôishôi. 45 Obla thandôiphra dôuri gederphôr arô Pharishaiphôrniao thaṅashôi, arô bishôrô bishôrkhôu hônashôi: "Nônshôrô bikhôu manô labôakhôi?" 46 Thandôiphra buṅphinashôi: "Be manshi buṅnai badi raobô mablababô buṅpherakhôi." 47 Obla Pharishaipra bishôrkhôu buṅphinashôi: 48 "Nôṅshôrbô andaibai khôma? Gôraphôrni noṅabla Pharishaiphôrni shôrba bikhôu phôthaibai khôma? 49 Bobekhani ayenkhôu mithiyôi bi daphaya shao hôjagra!" 50 Bishôrni shashe, biniao thaṅgrônai Nikhddema bishôrkhôu hônashôi: 51 "Biniao khônashoṅgrôabla, arô biô ma maoô hônnanôi, mithiabla, jôṅni ayena manshikhôu bishar khalamô khôma? 52 Bishôrô bikhôu buṅphinnanôi hônashôi: "Nôṅbô Galilari khôma? Phirt phirt naigirnanôi naidô, Galilniphrai nabi jakhaṅa hônnanôi!" 53 Arô bishôrô shaphrômbô gao gaoni noao thaṅashôi.

8

Jinahariao homjanai hinjao

1-2 Bobekhani Jishua Jôithun hajôao thaṅashôi. Arô phuṅjani biô gôthar noao thaṅbaoashôi, arô hadorni manshiphôr mania biniao thaṅashôi, arô jonanôi biô bishôrkhôu phôrôṅashôi. 3 Gôthar lirnai gôrôṅphôr arô Pharishaiphra jinahariao homjanai shashe hinjaokhôu biniao lannanôi bikhôu gejerao phoshoṅashôi. 4 Bishôrô bikhôu hônashôi: "Ô phôrôṅgra, be hinjaoa jinahari khalamphunaiao homjabai. 5 Moshea ayenao bebadiphôrkhôu onthaijôṅ khubôitharnô jôṅkhôu thôndôṅ. Obla nôṅô ma hônô?" 6 Bikhôu anjart nainô thakhôi bishôrô bikhôu hônashôi, bishôrô bikhôu ernô mônnai badi. Bobekhani Jishua goṅnanôi ashijôṅ hayao lirnô homashôi. 7 Bishôrô biniao shôṅbai thabla, biô naigdaonanôi bishôrkhôu hônashôi: "Nôṅshôrni gejerni phap' gôitharôia bikhôu onthaijôṅ khubôigrôthôṅ!" 8 Arô goṅbaonanôi biô hayao lirnô homashôi. 9 Bobekhani bikhôu khônananôi bishôrô bôrainiphrai jôbnai shim shapha shapha oṅkharlaṅashôi, arô Jishu arô gejerao thanai hinjaoa hashiṅôi galaṅjayashôi. 10 Obla Jishua naigdaonanôi bi hinjaokhôu hônashôi: "Ô ai, bishôrô bôuha, raobô nôṅkhôu dushiakhôishôi?" 11 Biô hônashôi: "Ô Phôrbu, raobô dushiakhôi." Jishua hônashôi: "Aṅbô nôṅkhôu dushia, thaṅdô, daniphrai phap' dakhalamphin!"

Jishua shoṅsharni shraṅ

12 Jishua arbao buṅnanôi bishôrkhôu hônashôi: "Aṅnô shoṅsharni shraṅa. Aṅni un un phôigraya khômshiao thabainai noṅa, bobekhani biô gôthaṅni shraṅkhôu môngôn." 13 Obla Pharishaiphra bikhôu hônashôi: "Nôṅô gaoni thakhôi gaonô shakhi hôyô. Nôṅni shakhi hônaia noṅgôu noṅa." 14 Jishua buṅphinnanôi bishôrkhôu hônashôi: "Aṅô gaoni thakhôi gaonô shakhi hôblabô, aṅni shakhi hônaia noṅgôu, manôna aṅ bobeniphrai phôidôṅ arô bobeao thaṅô hônnanôi, aṅô mithigôu, bobekhani aṅ bobeniphrai phôibai noṅabla bobeao thaṅô hônnanôi, nônshôrô mithia. 15 Nônshôrô bedorni badi bishar khalamô, bobekhani aṅô raokhôubô bishar khalama. 16 Arô aṅô bishar khalamblabô, aṅni bishara noṅgôu, manôna aṅô hashiṅôi noṅa, bobekhani aṅbô aṅkhôu thônhorgrayabô lôgôshe. 17 Nôṅshôrni ayenaobô lirnai doṅ, shanôi manshiphôrni shakhi hônaia noṅgôu hônnanôi. 18 Aṅô gaoni thakhôi gaonô shakhi hôyô, aṅkhôu thônhornai Aphayabô aṅni thakhôi shakhi hôyô." 19 Obla bishôrô bikhôu hônashôi: "Nôṅni Nômphaya bôuha?" Jishua buṅphinashôi: "Nôrishôrô aṅkhôubô aṅni AphakhÔubô mithia. Nônshôrô aṅkhôu mithigôu môn. bla, nônshôrô aṅni Aphakhôubô mithigôu môn." 20 Biô gôthar noao phôrôṅôi' phôrônôi' phaisha dôngra khothani khathiao bi bathraphôrkhôu hônashôi. Arô raobô bikhôu homakhôishôi, manôna bini mugaya oblabô jathoakhôi môn.

Phôthaiôiphra phabao thôigôn

21 Biô arbao bishôrkhôu hônashôi: "Aṅô thaṅnôshôi, arô nônshôrô aṅkhôu naigirgôn, bobekhani nônshôrô gao gaoni phabao thôigôn. Aṅthaṅgônao, nônshôrô thaṅnô haya." 22 Obla Judaiariphra hônashôi: "Biô gaokhôu shithargôn khôma, manôna biô hônô: Aṅ thaṅgônao, nônshôrô thaṅnô haya?" 23 Arô biô bishôrkhôu hônashôi: "Nônshôrô shinaoniphrai, bobekhani aṅô shayaoniphrai. Nônshôrô be shoṅsharni, aṅô be shoṅsharni noṅa. 24 Bini khainô aṅô nôṅshôrkhôu hônbai, nônshôrô gao gaoni phapphôrao thôigôn hônnanôi. Manôna nônshôrô, aṅô binô hônnanôi, phôthaiabla, nônshôrô gao gaoni phapphôrao thôigôn." Obla bishôrô bikhôu hônashôi: "Nôṅô shôr?" 25 Jishua bishôrkhôu hônashôi: "Jajennainiphrai aṅ nôṅshôrkhôu hônnaianô kha." 26 Nôṅshôrni thakhôi buṅnô arô bishar khalainô aṅha bimainô doṅ. Bobekhani aṅkhôu thônhorgraya noṅgôu, arô aṅ biniao khônanaiphôrkhôunô shoṅsharnô' buṅô." 27 Bishôrô mithiakhôi, biô Biphani thakhôi bishôrkhôu buṅa' môn hônnanôi. 28 Obla Jishua hônashôi. "Nônshôrô Manshini bisha hôuakhôu dikhaṅbla, nônshôrô, aṅô binô hônnanôi, mithigôn, arô aṅô gaoni bôlôjôṅ muṅbô khalama, bobekhani Aphaya aṅkhôu phôrôṅa' môn badi, aṅ bephôrkhôu hônô. 29 Arô aṅkhôu thônhorgraya aṅjôṅ lôgôshe. Biô aṅkhôu hashiṅôi galaṅakhôi, manônaaṅ binô' hamjanaiphôrkhôu lagarbô khalamô. 30 Biô bephôrkhôu buṅphunaiao gôbaṅ bikhôu phôthaiashôi.

Phôthainaia Jishuniphôrkhôu gohôjanai khalamgôn

31 Obla Jishua gaokhôu phôthainai Judaiariphôrkhôu hônashôi: "Nônshôrô aṅni bathrayao thaphlaibla, nônshôrô noṅthargôu aṅni shôlôṅgraphôr, 32 arô nônshôrô noṅgôukhôu mithigôn, arô noṅgôua nôṅshôrkhôu gohôjanai khalamgôn." 33 Bishôrô bikhôu buṅphinashôi: "Jôṅô Abrahamni jôlôi, arô jôṅô mablababô raoniaobô leṅ bôiakhôi. Nôṅô mabôrôi hônô: Nônshôrô gohôjanai jagôn?" 34 Jishua bishôrkhôu buṅphinashôi: "Noṅthargôu, noṅthargôu aṅ nôṅshôrkhôu hônô: Phap' khalaigra shaphrômbô phabni leṅ. 35 Bobekhani leṅa jôbthara jasne noao thaya, bisha hôuaya jôbthara jashe thayô. 36 Bini khainô Bisha hôuaya nôṅshôrkhôu gohô janaikhalamô bla, nônshôrô goma ma gohôjanai jagôn. 37 Aṅ mithigôu, nônshôrô Abrahamni jôlôi hônnanôi. Bobekhani aṅni bathraya nôṅshôrniao jaiga mônôi khai, nônshôrô aṅkhôu shitharnô hasthaiô. 38 An Aphaniao nunaiphôrkhôu anô hônô, nôṅshôrbô nôṅshôrni nômphaniao khônanaiphôrkhôu khalamô!" 39 Bishôrô buṅphinnanôi bikhôu hônashôi: "Abrahama jôṅni apha." Jishua bishôrkhôu hônashôi: "Nônshôrô Abrahamni bishaphôr jabla, nônshôrô Abrahamni habaphôrkhôu maogôu môn. 40 Bobekhani nônshôrô dano aṅkhôu, aṅ Ishôrniao khônanai noṅgôukhôu nôṅshôrnô' khôthanai manshikhôu shitharnô hasthaiô. Abrahama bebadikhôu khalamakhôi. Nônshôrô nôṅshôrni nômphani habaphôrkhôu maoô." 41 Bishôrô bikhôu hônashôi: "Jôṅô bishai hagra khanaijôṅ sharijayakhôi, jôṅha shashe lo apha, biô Ishôr." 42 Jishua bishôrkhôu hônashôi: "Ishôra nôṅshôrni nômpha jabla, nônshôrô aṅkhôu ongôu môn. Manôna aṅô Ishôrniphrai oṅkharnanôi phôibai. Manôna aṅ gaoni bôlôjôṅ phôiakhôi, bobekhani biô aṅkhôu thônhorbai. 43 Nônshôrô manô aṅni buṅnaikhôu mithia? Nônshôrô aṅni bathrakhôu khônashoṅnô hayôi khai shô'. 44 Nônshôrô nôṅshôrni nômpha Môdainiphrai, arô nônshôrô nôṅshôrni nômphani lubôinaiphôrkhôu khalamnô gôshô jayô. Biô jajennainiphrai manshi shithargra môn, arô biô noṅgôuao thaya, manôna noṅgôua biniao gôia. Biô noṅkhaikhôu buṅô bla, biô gaoniphôrniphrai buṅô, manôna biô noṅkhai raigra arô noṅkhaini bipha. 45 Bobekhani aṅnô noṅgôukhôu buṅnai khai, nônshôrô aṅkhôu phôthaia. 46 Nôṅshôrni gejerao shôr aṅkhôu phaphi hônnanôi raithithenô hagôu? Aṅô noṅgôukhôu buṅô bla, nônshôrô manô aṅkhôu phôthaia? 47 Ishôrniphrai janaia Ishôrni bathraphôrkhôu khônashoṅô. Nônshôrô Ishôrniphrai jayôi khai, nônshôrô khônashoṅa."

Judaiariphôrni Jishukhôu gushuthi phennat Jishua gaoni thakhôi shakhi hônai

48 Judaiariphra buṅphinnanôi bikhôu hônashôi: "Nôṅô Shamariari arô môdai gônaṅ hônnanôi, jôṅô môjaṅôi buṅa khôma?" 49 Jishua buṅphinashôi: "Anô môdai gônaṅ noṅa, bobekhani aṅô aṅni Aphanô' man hôyô, arô nônshôrô aṅkhôu man gôiôi khalamô. 50 Aṅô gaoni shomainaikhôu hasthaia. Shashea bikhôu hasthaiô arô bishar khalamô. 51 Noṅthargôu noṅthargôu aṅ nôṅshôrkhôu hônô: Shôrba aṅni bathrakhôu. maniô bla, biô jôbthara jashe thôinaikhôu nutharnai noṅa." 52 Judaiariphra bikhôu hônashôi: "Nôṅô môdai gônaṅ hônnanôi, jôṅô dano mithibai. Abraham arô nabiphra thôilaṅbai, arô nôṅô hônô: Shôrba aṅni bathrakhôu maniô bla, biô jôbthara jashe thôinaikhôu shakhinai noṅa. 53 Nôṅô jôṅni apha Abrahamni khurôi dershin khôma? Biô thôibai, arô nabiphrabô thôibai. Nôṅô gaokhôu shôr khalamô?" 54 Jishua buṅphinashôi: "Aṅô gaokhôu shomaihôyô bla, aṅni shomainaia muṅbô noṅa. Biô jôṅni Ishôr hônnanôi, nôṅshôr buṅnai aṅni Aphaya aṅkhôu shomaihôyô, 55 arô nônshôrô bikhôu mithia, bobekhani aṅô bikhôu mithigôu, arô aṅ bikhôu mithia hônnanôi, aṅ buṅô bla, aṅ nôṅshôr bacUnô noṅkhai raigra jagôu môn. Bobekhani aṅô bikhôu mithigôu arô bini bathrakhôu maniô. 56 Nôṅshôrni nômpha Abrahama aṅni shankhôu nainô thakhôi bajlodôṅ môn, arô nunanôi biô roṅjadôṅ môn." 57 Obla Judaiariphra bikhôu hônashôi: "Nôṅô dabônô khaoba bôshôr jayakhôi, arô nôṅô Abrahamkhôu nubai khôma?" 58 Jishua bishôrkhôu hônashôi: "Noṅthargôu noṅthargôu aṅ nôṅshôrkhôu hônô: Abrahama ujia shayaonô, aṅô doṅ môn." 59 Obla bishôrô bikhôu khubôinô thakhôi onthaiphôr dikhaṅashôi. Bobekhani Jishua khakhmananôi gôthar noniphrai oṅkharlaṅashôi.

9

Sharijanalniphrai khanakhôu shôkhanai

1 Biô biniphrai thaṅbla, biô shashe khana manshikhôu nuashôi, biô sharijanainiphrai khana môn. 2 Bini shôlôṅgraphra biniao shôṅnanôi hônashôi: "Ô guru, biô khanayôi' sharija jashe, shôr phap' khalaia', benô noṅabla bini bima biphaya?" 3 Jishua buṅphinashôi: "Bebô bini bima biphabô phap1 khalamakhôi, bobekhani Ishôrni habaphra biniao nujanai badi shô'. 4 Jôṅô shan thashandi aṅkhôu thônhorgrani habaphôrkhôu maonô naṅgôu. Hora jagôn, obla raobô maonô haya. 5 Aṅô shoṅsharao thashandi, aṅnô shoṅsharni shraṅa." 6 Bephôrkhôu buṅnanôi biô hayao mujunanôi jumudôijôṅ habru khalamashôi, arô bini mogonphôrni shayao habrujôṅ Urnanôi biô bikhôu hônashôi: "Thaṅnanôithônhorjanai dikhaṅjanai— Shiloamni phukhriao shugarhôi!" 7 Obla biô thaṅnanôi shugarashôi, arô biô nuyôi' nuyôi' thaṅphinashôi. 8 Obla gamini manshiphôr arô bikhôu agla bibai thanai nugraphra hônashôi: "Benô 9 jonanôi bibaiakhôi môn khôma?" Shôrba shôrba hônashôi: "Benô." Gubunphra hônashôi: "Noṅa, bobekhani bekhôu bikhôu badi nuyô." 10 Biô hônashôi: "Aṅô binô." Bishôrô bikhôu hônashôi: "Obla nôṅni mogonphra mabôrôi geokhô?" 11 Biô buṅphinashôi: "Jishu hon janai manshia habru khalamṅanôi aṅni mogonphôrkhôu phunnanôi aṅkhôu hôndôṅ: "Thaṅnanôi Shiloamao shugarhôi!" Obla aṅô thaṅnanôi shugarbla, aṅô nunô mônashôi." 12 Bishôrô bikhôu hônashôi: "Biô bôuha?" 13 Biô hônashôi: "Aṅ mithia." Bishôrô agla khana janaikhôu Pharishaiphôrniao laṅashôi. 14 Bobekhani Jishu habru khalamnai arô bini mogonphôrkhôu kheonai shana jirainai shan môn. 15 Obla biô mabôrôi nukhô hônnanôi, Pharishaiphrabô arbao biniao shôṅashôi. Biô bishôrkhôu hônashôi: "Biô aṅni mogonphôrni shayao habrujôṅ lira' môn, arô aṅô shugarnanôi nuyô." 16 Obla Pharishaiphôrni shôrba shôrba hônashôi: "Bi manshia Ishôrniphrai noṅa, manôna biô jirainai shankhôu mania." Bobekhani gubunphra hônashôi: "Phaphi manshia mabôrôi bebadi haṅkhôrhôrkhôu maonô hagôu?" Arô bishôrni gejerao gaojlainai jayashôi. 17 Obla bishôrô khanakhôu hônbaoashôi: "Biô nôṅni mogonphôrkhôu kheonai khai, nôṅô bini thakhôi ma hônô?" Biô hônashôi: "Biô shashe nabi." 18 Biô khana môn arô nunô mônbai hônnanôi, Judaiariphra nunô mônnaini bima biphakhôu liṅhornanôi bishôrniao shôṅagôu mani bini thakhôi phôthaiakhôishôi. 19 Arô bishôrô bishôrniao shôṅnanôi hônashôi: "Benô nôṅshôrni nôṅshajla, nônshôrô hônô, biô khanayôi' sharijaya' môn na ma? Obla biô dano mabôrôi nuyô?" 20 Bini bima biphaya buṅphinnanôi hônashôi: "Jôṅô mithigôu, biô jôṅni bishajla, arô biô khanayôi' sharijaya' môn hônnanôi. 21 Bobekhani biô dano mabôrôi nuyô, bikhôu jôṅ mithia, noṅabla shôr bini mogonphôrkhôu kheokhô, bikhôu jôṅ mithia. Biniaonô shôṅ, biô derbai, biô gaonô gaoni thakhôi buṅgôn." 22 Bini bima biphaya Judaiariphôrkhôu ginai khai bephôrkhôu hônashôi. Manôna Judaiariphra phoshorikhadôṅ môn, shôrba bikhôu Khristho hônnanôi shiman labla, biô khulumgra noniphrai huonjagôn hônnanôi. 23 Bini khainô bini bima biphaya hônashôi: "Biô derbai, nônshôrô biniaonô shôṅ!" 24 Obla bishôrô agla khana janaikhôu khonnôiniao liṅhornanôi bikhôu hônashôi: "Ishôrnô' bakhnainaikhôu hô! Jôṅô mithigôu, bi manshia phaphi hônnanôi." 25 Obla biô buṅphinashôi: "Biô phaphi na ma, bikhôu aṅ mithia. Mônshe lo aṅ mithigôu, aṅ khana môn, aṅ dano nuyô hônnanôi." 26 Obla bishôrô bikhôu hônashôi; "Biô nôṅni thakhôi ma khalaikhô? Biô mabôrôi nôṅni mogonphôrkhôu kheokhô?" 27 Biô bishôrkhôu buṅphinashôi: "Aṅ nôṅshôrkhôu hônkhabai, arô nônshôrô khônashoṅakhôi. Nônshôrô manô arbao khônashoṅnô gôshô jayô? Nôṅshôrbô bini shôlôṅgraphôr janô gôshô jayô khôma?" 28 Arô bishôrô bikhôu bôrabnanôi hônashôi: "Nôṅshô' bini shôlôṅgra, bobekhani jôṅô Mosheni shôlôṅgraphôr. 29 Jôṅô mithigôu, Ishôra Moshekhôu buṅnai môn hônnanôi, bobekhani biô bobeniphrai, bikhôu jôṅ mithia." 30 Manshia buṅphinnanôi bishôrkhôu hônashôi: "Beaonô shômô naṅthao thao, biô bobeniphrai, nônshôrô bikhôu mithia, oblabô biô aṅni mogonphôrkhôu kheobai. 31 Jôṅô mithigôu, Ishôra phaphiphôrnikhôu khônashoṅa, bobekhani shôrba Ishôrkhôu khulumgra jabla arô bini gôshô badi maoô bla, biô binikhôunô khônashoṅô. 32 Hani jajennainiphrai raobô khônanô mônpherakhôi, shôrba khanayôi' sharijanaini mogonphôrkhôu kheobai hônnanôi. 33 Biô Ishôrniphrai noṅabla, biô muṅbô khalainô hanai noṅa môn." 34 Bishôrô buṅphirmanôi bikhôu hônashôi: "Nôṅô phapphôrao lo sharijabai, arô nôṅô jôṅkhôu phôrôṅnô?' Arô bishôrô bikhôu huonhorashôi. 35 Bishôrô bikhôu huonhorbai hônnanôi, Jishua khônayashôi, arô bikhôu mônnanôi biô hônashôi: 36 "Nôṅô Manshini bisha hôuakhôu phôthaiô?" Biô buṅphinnanôi hônashôi: "Ô bigba, biô shôr, aṅ bikhôu phôthainô hanai badi?" 37 Jishua bikhôu hônashôi: "Nôṅô bikhôu nunô mônkhabai, nôṅjôṅ raijlainaianô binô." 38 Biô hônashôi: "Ô Phôrbu, aṅ phôthaiô." Arô biô bikhôu khulumashôi. 39 Arô Jishua hônashôi: "Bisharni thakhôi aṅô be shoṅsharao phôibai, khanaphra nunai badi, arô nugraphra khana janai badi." 40 Bijôṅ thaphanai Pharishaiphôrni shôrba shôrba bephôrkhôu khôṅananôi bikhôu hônashôi: "Jôṅbô khana khôma?" 41 Jishua bishôrkhôu hônashôi: "Nônshôrô khana jabla, nôṅshôrha phap'janai noṅa môn. Bobekhani nônshôrô da hônô: Jôṅô nuyô. Bini khainô nôṅshôrni phaba thayô."

10

Gôthaṅao thannai dor

1 Noṅthargôu, noṅthargôu aṅ nôṅshôrkhôu hônô: "Mendaphôrni gograyao dorjôṅ habalabanô bobebajôṅ gakhôgraya shikhao arô shegra. 2 Bobekhani dorjôṅ habgraya mendaphôrni laokhar. 3 Dor negraya bini thakhôi kheṅgôn, arô rnendaphra bini raokhôu khônashoṅô, arô biô gaoni mendaphôrkhôu muṅkhonanôi liṅonlaṅô. 4 Arô gaoni maniphôrkhôu huonbla, biô biphôrni shigaiiao thabaiô, arô rnendaphra bini un ua thanphayô, manôna biphôrô bini raokhôu mithigôu. 5 Bobekhani biphôrô malaini un un thatiphanai noṅa, bobekhani biphôrô biniphrai khargôn, manôna biphôrô malaiphôrni raokhôu mithia." 6 Be phannaikbôu Jishua bishôrnô' khôthayashôi. Bobekhani bishôrô, biô bishôrnô' khôthanaiphôrkhôu mithiakhôishôi. 7 Bini khainô Jishua hônbaoôshôi: "Noṅthargôu, noṅthargôu aṅ nôṅshôrkhôu hônô: Aṅnô mendaphôrni dora. 8 Aṅni shigaṅao phôinai maniphra shikhaophôr arô shegraphôr. Bobekhani rnendaphra bishôrnikhôu khônashoṅakhôiashôi. 9 Aṅnô dora. Shôrba aṅjôṅ habbla, biô bôkhaṅjagôn, biô habgônbô oṅkhargônbô arô adar môngôn. 10 Khaonô, shitharnô arô adri khalamnô thakhôi noṅabla shikhaoa phôia. Aṅô phôibai, bishôrô gôthaṅ arô ushiglainaikhôu mônnai badi.

Gaham laokhar

11 Aṅnô gaham laokhara. Gaham laokhara mendaphôrni thakhôi gaoni jiukhôu hôyô. 12 Laokhar noṅôi phaikhar, mendaphôrni bigba noṅôia shikhokhôu phôinai nuhorbla, biô mendaphôrkhôu nagarlaṅnanôi kharô, arô shikhoa biphôrkhôu homnanôi laṅô arô lether phether khalamô, 13 manôna biô phaikhar arô mendaphôrni thakhôi gôshô hôa. 14-15 Aṅnô gaham laokhara, arô Aphaya aṅkhôu mithigôu, aṅbô Aphakhôu mithigôu badi, aṅô aṅniphôrkhôu mithigôu, arô aṅniphra aṅkhôu mithigôu, arô aṅô aṅni jiukhôu mendaphôrni thakhôi hôyô. 16 Arô aṅha gubun mendaphôr doṅbaoô, biphôrô be gograyaoni noṅa, biphôrkhôubô aṅnô liṅbônô naṅgôu, arô biphôrô aṅni raokhôu khônashoṅgôn, arô phalôshe lo arô shashe lo laokhar jagôn. 17 Bini khainô Aphaya aṅkhôu ono, manôna aṅô aṅni jiukhôu hôyô, aṅô bikhôu laphinnai badi. 18 Raobô bikhôu aṅniphrai lana, bobekhani aṅnô gaoni gôshô badi bikhôu hôyô. Bikhôu hônô aṅha bôlô doṅ, bikhôu laphinnôbô aṅha bôlô doṅ. Be thônnaikhôu aṅô aṅni Aphaniphrai mônbai."

Judaiariphôrni gaojlainai

19 Be bathraphôrni thakhôi Judaiariphôrni gejerao gaojlainai jabaoashôi. 20 Bishôrni gôbaṅa hônashôi: "Biô môdai gônaṅ arô bôrô. Nônshôrô manô binikhôu khônashoṅô?" 21 Gubunphra hônashôi: "Be bathraphra môdaijôṅ orjanaini noṅa. Môdaia khanaphôrni mogonphôrkhôu kheonô hagôu khôma?"

Jishua gaokhôu Khristho hônô

22 Obla gôthar nokhôu phôtharnaini phoroba Jerushalemao jayashôi. 23 Gôjaṅ bôthôr môn. Arô Jishua gôthar noao, Shalomonni khamshaliao thabaiglaṅdôṅ môn. 24 Obla Judaiariphra Jishukhôu beṅkhonnanôi bikhôu hônashôi: "Nôṅô beshe gôbao jôṅni jiukhôu gôdao shôrao khalamô? Nôṅô Khristho bla, jôṅnô' thalayôinô khôtha!" 25 Jishua bishôrkhôu buṅphinashôi: "Aṅ nôṅshôrkhôu buṅbai, bobekhani nônshôrô phôthaia. Aṅ aṅni Aphani muṅôi maonai habaphra aṅni thakhôi shakhi hôyô. 26 Bobekhani nônshôrô phôthaia, manôna nônshôrô aṅni mendaphôrni noṅa. 27 Aṅni rnendaphra aṅni raokhôu khônashoṅô, arô aṅô biphôrkhôu mithigôu, arô biphôrô aṅni un un thaṅphayô, 28 arô aṅô biphôrnô' jôbnô gôiôi gôthankhôu hôyô, arô biphôrô jôbthara jashe hophainai noṅa, arô raobô biphôrkhôu aṅni akhainiphrai shenanôi laṅnai noṅa. 29 Biphôrkhôu aṅnô' hônai Aphaya boinibô khurôi dershin, arô raobô Aphani akhainiphrai shenanôilaṅnô haya. Anô arô Aphaya jôṅô mônshe." 30-31 Judaiariphra bikhôu khubôitharnô thakhôi onthaiphôr dikhaṅbaoashôi. 32 Jishua bishôrkhôu buṅphinashôi: "Aṅ nôṅshôrnô' Aphaniphrai gôbaṅ môjaṅ habaphôrkhôu dinthibai. Biphôrni bobe habani thakhôi nônshôrô aṅkhôu onthaijôṅ khubôitharnô?" 33 Judaiariphra bikhôu buṅphinashôi: "Jôṅô nôṅkhôu môjaṅ habani thakhôi onthaijôṅ khubôitharnô hasthaia, bobekhani bashinaini thakhôi, arô nôṅô manshi jananôibô gaokhôu Ishôr khalamnai khai shô'." 34 Jishua bishôrkhôu buṅphinashôi: "Nôṅshôrni ayenao lirjayakhôi khôma: Aṅô hônbai: Nônshôrô Ishôrphôr. 35 Biô Ishôrni bathra mônnai manshiphôrkhôu Ishôrphôr hônbla, — arô gôthar lirnaia dangarjanô haya,— 36 aṅô Ishôrni bisha hôua hônnanôi, buṅnai khai, nônshôrô Aphajôṅ phôtharjanai arô shoṅsharao thônhorjanaikhôu Ishôrkhôu bashigra hônô? 37 Aṅô aṅni Aphani habaphôrkhôu maoabla, nônshôrô aṅkhôu daphôthai! 38 Bobekhani aṅô maoô bla, aṅkhôu phôthaiablabô habaphôrni thakhôi phôthai, Aphaya aṅniao, aṅbô Aphaniao hônnanôi, nônshôrô mithinô arô rôṅnô hanai badi." 39 Bini khainô bishôrô bikhôu homnô hasthaibaoashôi, bobekhani biô bishôrni akhainiphrai oṅkharlaṅashôi.

Jordan barôi'

40 Biô Jordan barôi' Johon shigaṅao bapthishma hônai jaigayao oṅkharlaṅbaonanôi biao thayashôi. 41 Arô gôbaṅ biniao thaṅnanôi hônashôi: "Johona muṅbô haṅkhô maoakhôi, bobekhani bini thakhôi Johon hônnai mania noṅgôu môn." 42 Arô gôbaṅ biao bikhôu phôthaiashôi.

11

Lasharkhôu phôthaṅnai

1 Shashe jobra doṅ môn, biô Mariam arô bini bibo Marthani gami Bethaniani Lashar môn. Phôrbukhôu môdômgra phunnaijôṅ phunnai arô gaoni khanaijôṅ bini athiṅphôrkhôu hugarnai bi Mariamni bida phoṅbaia jobra jadôṅ môn. 3 Obla bini bibo binanaophra Jishuniao thônhornanôi hônashôi: "Ô Phôrbu, nai, nôṅjôṅ onjagraya jobra jadôṅ." 4 Jishua khônananôi hônashôi: "Bi jobra janaia thôinaini thakhôi noṅa, bobekhani Ishôrkhôu shomaihônaini thakhôi shô', Ishôrni bisha hôuaya bijôṅ shomaihôjanai badi." 5 Arô Jishua Martha arô bini binanao arô Lasharkhôu onnai môn. 6 Biô jobta jadôṅ hônnanôi, Jishua khônabla, biô gaoni thanai jaigayaonô shannôi thabaoashôi. 7 Bini unao biô gaoni shôlôṅgraphôrkhôu hônashôi: "Thu jôṅ Judaiao thaṅbaodôni!" 8 Shôlôṅgraphra bikhôu hônashôi: "Ô guru, Judaiariphra dabôrsheni shigaṅao nôṅkhôu onthaijôṅ khubôitharnô hasthaibai, arô nôṅô biao thaṅbaonô?" 9 Jishua buṅphinashôi: "Shansheni mugaphôr khaoshe muganôi noṅa khôma? Shôrba shanao thabaibla, biô shôudora, manôna biô be shoṅsharni shraṅkhôu nuyô. 10 Bobekhani shôrba horao thabaibla, biô shôudorô, manôna biniao shraṅ gôia." 11 Bephôrkhôu hônnaini unao biô bishôrkhôu hônashôi: "Jôṅni phishigi Lashara undulaṅbai, bobekhani aṅô bikhôu phôjakhaṅṅô thaṅnôshôi." 12 Obla shôlôṅgraphra bikhôu hônashôi: "Ô Phôrbu, biô undulaṅdôṅ bla, biô gagôn." 13 Jishua bini thôinaini thakhôi buṅdôṅ môn. Bobekhani bishôrô shanashôi, biô undulaṅnaini jirainaini thakhôi buṅdôṅ hônnanôi. 14 Obla Jishua bishôrkhôu thalayôinô hônashôi: 15 "Lashara thôibai, arô aṅô biao gôiôi khai, aṅ nôṅshôrni thakhôi roṅjayô, nônshôrô phôthainai badi. Bobekhani thu jôṅ biniao thaṅdôni!" 16 Obla jaoja hônjanai Thomasha gaoni lôgô shôlôṅgraphôrkhôu hônashôi: "Thu jôṅbô thaṅdôni, jôṅô bijôṅ thôiphanô hanai badi!" 17 Jishua shohôibla, biô mithinô mônashôi, Lashara gôthôi hakhorao shanbrôi phuthujakhabai hônnanôi. 18 Bethaniaya Jerushalemni khathi, sheoanôi shô' gôjan môn. 19 Judaiariphôrni gôbaṅa bishôrkhôu bida phoṅbaini thakhôi baujainô thakhôi Martha arô Mariamniao thandôṅ môn. 20 Jishua phôigôu hônnanôi, Marthaya khônabla, biô bikhôu lôgô lano thaṅashôi. Bobekhani Mariauia noao jonanôi thayashôi. 21 Obla Marthaya Jishukhôu hônashôi: "Ô Phôrbu, nôṅô beao doṅ môn bla, aṅni bida phoṅbaia thôinai noṅa môn. 22 Bobekhani dabô aṅ mithigôu, nôṅ Ishôrniao binai manikhôu Ishôra nôṅnô' hôgôn hônnanôi." 23 Jishua bikhôu hônashôi: "Nôṅni bida phoṅbaia shikhaṅphingôn." 24 Marthaya bikhôu hônashôi: "Aṅ mithigôu, biô shikhaṅphinnaiao, jôbnai shanao shikhaṅphingôn hônnanôi." 25 Jishua bikhôu hônashôi: "Aṅnô shikhaṅphinnai arô gôthaṅa. Aṅkhôu phôthaigraya thôiblabô gôthaṅôi thagôn, 26 arô gôthaṅôi thagra arô aṅkhôu phôthaigra shaphrômbô jôbthara jashe thôitharnai noṅa. Nôṅô bikhôu phôthaiô?" 27 Biô bikhôu hônashôi: "Ôu, Phôrbu, aṅô phôthaiô, nôṅô Khristho, Ishôrni bisha hôua, shoṅsharao phôigônanô hônnanôi." 28 Arô bikhôu buṅnanôi biô thaṅnanôi gaoni binanao Mariamkhôu shrôthôi' liṅnanôi hônashôi: "Phôrôṅgraya shophôibai, arô biô nôṅkhôu liṅhordôṅô!" 29 Biô bikhôu khônamarnô shikhaṅnanôi biniao thaṅashôi. 30 Jishua gamiao shohôithoakhôi môn, bobekhani biô Martha bikhôu lôgô lanai jaigayao oblabô doṅ môn. 31 Bijôṅ noao lôgôshe thanai arô bikhôu banjainai Judaiariphra Mariamkhôu gôkhrôi shikhaṅnanôi oṅkharlaṅnai nubla, bishôrô bini un un thaṅphayashôi, bishôrô noṅashôi, biô gôthôi hakhorao biao gabnô thakhôi thaṅdôṅ hônnanôi. 32 Mariama Jishu thanaiao shohôibla, biô bikhôu nunanôi bini athiṅphôr jiṅao gugrubnanôi bikhôu hônashôi: "Ô Phôrbu, nôṅô beao doṅ môn bla, aṅni bida phoṅbaia thôinai noṅa môn." 33 Jishua bikhôu gabnai arô bijôṅ lôgôshe phôinai Judaiariphôrkhôu gabnai nubla, biô jiuao nernanôi gaokhôu phôjôṅkhaṅnanôi hônashôi: "Nônshôrô bikhôu bôuha dônkhô?" 34 Bishôrô bikhôu hônashôi: "Ô Phôrbu, phôi, naiphôi!" 35 Jishua gabashôi. 36 Obla Judaiariphra hônashôi: "Nai, biô bikhôu beshegrap' onnai môn!" 37 Bobekhani bishôrni shôrba shôrba hônashôi: "Khanani mogonphôrkhôu kheograya khalainô hayakhôi môn khôma, bibô thôinô naṅlia môn hônnanôi?" 38 Obla Jishua gaoniao nerbaonanôi gôthôi hakhorao thaṅashôi. Biô dondor môn, arô bini shigaṅao onthai thaishe phuthujanai doṅ môn. 39 Jishua hônashôi: "Nônshôrô onthaikhôu bôkhargardô!" Gôthôini bibo binanao Marthaya bikhôu hônashôi: "Ô Phôrbu, biô mônamkhabai. Manôna biô shanbrôishôi." 40 Jishua bikhôu hônashôi: "Aṅ nôṅkhôu hônakhôi khôma, nôṅô phôthaibla, nôṅô Ishôrni shomainaikhôu nugôn hônnanôi?" 41 Obla bishôrô onthaikhôu bôkharashôi. Arô Jishua mogonphôrkhôu shayao dikhaṅnanôi hônashôi: "Ô Apha, nôṅ aṅnikhôu khônashoṅnai khai, aṅ nôṅkhôu hambai hônô. 42 Aṅ mithidôṅ môn, nôṅô lagarbô aṅnikhôu khônashoṅô hônnanôi. Bobekhani aṅô goshoṅgdiṅnai daphani thakhôi bikhôu hônbai, nôṅnô aṅkhôu thônhorbai hônnanôi, bishôrô phôthainai badi." 43 Arô bikhôu buṅnanôi biô gedert raojôṅ gabjriashôi: "Ô Lashar, beao oṅkharbô!" 44 Obla gôthôia oṅkharashôi, bini athiṅphôr aiô aikhaiphra phobnaini hiphôrjôṅ phanphobjadôṅ môn, arô bini môkhaṅa phalijôṅ khaphobjadôṅ môn. Jishua bishôrkhôu hônashôi: "Bikhôu kheonanôi thaṅnô hôdô!" 45 Obla Mariamniao thaṅnai arô Jishuni khalamnaikhôu nunai Judaiariphôrni gôbaṅa bikhôu phôthaiashôi. 46 Bobekhani bishôrni shôrba shôrba Pharishaiphôrniao thaṅnanôi Jishuni maonaikhôu bishôrnô' khôthayashôi.

Jishukhôu shitharnô thakhôi dôuri gederni shanjlainai

47 Obla dôuri gederphôr arô Pharishaiphra pharia loriaphôrni jo janaikhôu liṅthumnanôi hônashôi: "Jôṅô ma khalamnô? 48 Manôna be manshia gôbaṅ haṅkhôphôrkhôu maoô, jôṅô bikhôu bebadinô maonô hôyô bla, boibô bikhôu phôthaigôn, arô Rotnariphra phôinanôi jôṅni hadort arô jôṅni hadorni manshiphôrkhôu shenanôi laṅgôn." 49 Bobekhani bishôrni shashe, Khaiaphash bi bôshôrni dôuri gedera bishôrkhôu hônashôi: 50 "Nônshôrô muṅbô mithia, arô nônshôrô shana, hadorni manshiphôrni thakhôi shashe manshini thôinaia hadorni manshiphôrni adri janaini khurôi nôṅshôrha hamshin hônnanôi?" 51 Biô bikhôu gaoni bôlôjôṅ hônakhôi, bobekhani bi bôshôrni dôuri gedert jananôi biô nabi badi hônashôi, Jishua hadorni manshiphôrni thakhôi thôinôshôi môn, 52 arô hadorni manshiphôrni thakhôi lo noṅa, bobekhani Ishôrni lether phether janai bishaphôrkhôu dabsheaonô phuthumnô thakhôi shô' hônnanôi. 53 Bini khainô bishôrô bikhôu shitharnô thakhôi bi shanniphrai shanjlaiashôi. 54 Bini khainô Jishua Judaiariphôrni gejerao didayôi' thabaigdiṅbaoakhôishôi, bobekhani biô biniphrai phôtharni khathini dabsheao, Ephraim hônjanai nôgôrao thaṅnanôi gaoni shôlôṅgraphôr jôṅ biao thahôiashôi. 55 Bobekhani Judaiariphôrni Phaskhaya khathishôi môn, arô gôbaṅ gao gaokhôu phôtharnô thakhôi Phaskhani shiganao gamiphôrniphrai Jerushalemao gakhôlaṅashôi. 56 Obla bishôrô Jishukhôu naigirbaoashôi, arô gôthar noao goshoṅnanôi bishôrô gaojôṅ gao hônjlaiashôi: "Nôṅshôrô mabôrôi shanô, biô phorobao phôia khôma?." 57 Bobekhani dôuri gederphôr arô Pharishaiphra be thônnaikhôu hôbai môn, biô bôuha doṅ hônnanôi, shôrba mithigôu bla, biô bikhôu dinthinô naṅgôu, bishôrô bikhôu homnô hanai badi.

12

Marianmi Jishukhôu phunnai

1 Jishua Phaskhani shandoni shiganao Bethaniôyao thaṅashôi, biao Jishujôṅ gôthôiphôrniphrai shikhaṅphinhôjanai Lashara doṅ môn. 2 Obla bishôrô biao bini thakhôi mônabilini bosh khalamashôi, arô Marthaya dao dao khalaiashôi, bobekhani Lashara bijôṅ unduglemphagraphôrni shashe môn. 3 Obla Mariama phôanôi dam gosha noṅgôu Nardush môdômgra phunnaikhôu laṅnanôi Jishuni athiṅphôrkhôu phunnanôi gaoni khanaijôṅ bini athiṅphôrkhôu hugarashôi. Arô noa môdômgra phunnaini môdômnaijôṅ buṅphobashôi. 4 Iskharioth Judash, bini shôlôṅgraphôrni shashe, bikhôu gothainôshôia hônashôi: 5 "Be môdômgra phunnaia manô denar jôuthamjôṅ phanjananôi haoriaphôrnô' hôjayakhôi?" 6 Bobekhani biô haoriaphôrni thakhôi jiṅgashinai khai bikhôu buṅakhôi, bobekhani biô shikhao môn, arô thakha shiphia biha thanai khai, biô biao dônjanaiphôrkhôu' lakhmanai khai shô'. 7 Obla Jishua hônashôi: "Hinjaokhôu thanô hô, biô bikhôu aṅni phobjanaini shan shim aothainô hanai badi! 8 Manôna haoriaphra lagarbô nôṅshôrjôṅ lôgôshe doṅ, bobekhani aṅô lagarbô nôṅshôrha gôia."

Jishukhôu shitharnô thakhôi shanjlainai

9 Obla Judaiariphôrni gedert daphaya, biô biao doṅ hônnanôi mithinô mônashôi, arô bishôrô Jishuni thakhôi lo phôiakhôi, bobekhani gôthôiphôrniphrai bijôṅ shikhaṅphinhôjanai Lasharkhôubô nainô thakhôi shô'. 10 Bobekhani dôuri gederphra Lasharkhôubô shitharnô thakhôi shanjlaiashôi, 11 manôna Judaiariphôrni gôbaṅa bini thakhôi thaṅôi' thaṅôi' Jishukhôu phôthaiashôi.

Jishuni Jerushalemao habnai

12 Nokha nainanôi phorobao thanai gedert daphaya Jishukhôu Jerushalemao phôigôu hônnanôi khônaola, 13 bishôrô khijur gaṅkhoṅphôrkhôu lananôi bijôṅ lôgô lano oṅkharlaṅnanôi gabjriashôi: "Hoshanna, Phôrbuni muṅôi phôinai! Ishraelni rajayanô bor hôjathôṅ!" 14 Arô Jishua gembu gorai bishakhôu mônnanôi bini shayao gakhôashôi, lirjaya' môn badi: 15 "Dagi, ô Shionni bishajô, nai, nôṅni rajaya gembu gorai bishani shayao gakhônanôi phôigôu!" 16 Bini shôlôṅgraphra bephôrkhôu mithigrôakhôi môn, bobekhani Jishua shomaihôjabla, bephôrô bini thakhôi lirjanai doṅ môn, arô bishôrô bini thakhôi bephôrkhôu khalamdôṅ môn hônnanôi, bishôrô gôshôkhaṅashôi. 17 Obla Iyasharkhôu gôthôi hakhorniphrai liṅonnaiao arô bikhôu gôthôiphôrniphrai shikhaṅphinhônaiao bijôṅ thaphanai daphaya shakhi hôashôi. 18 Bini khainô biô be haṅkhôkhôu maodôṅ hônnanôi, bishôrô khônanô mônnai khai, daphayabô lôgô lahôiashôi. 19 Obla Pharishaiphra gaojôṅ gao hônjiaiashôi: "Nônshôrô nuyô, nônshôrô muṅbô maonô haya hônnanôi. Nai, shoṅshar mania bini un un thaṅô."

Jishu arô Grikphôr. Gaoni thôinai arô shomainaini thakhôi

20 Phorobao Ishôrkhôu khulumnô gakhôgraphôrni shôrba shôrba Grikphôr môn. 21 Bishôrô Galilni Bethshaidani Philibniao thaṅnanôi biniao khaolainanôi hônashôi: "Ô apha, jôṅô Jishukhôu nainô gôshô jayô." 22 Philiba thaṅnanôi Andreashnô' khôthayashôi. Andreash arô Philiba thaṅnanôi Jishunô' khôthayashôi. 23 Obla Jishua buṅphinnanôi bishôrkhôu hônashôi: "Manshini bisha hôuani shomaihôjanaini mugaya jakhabai. 24 Noṅthargôu, noṅthargôu aṅ nôṅshôrkhôu hônô: "Gomni begora hayao gôglôinanôi thôiabla, biô hashinôi thayô. 25 Bobekhani thôibla, biô gôbaṅ phithai thaiô. Gaoni jiukhôu ongraya bikhôu khômagôn, arô gaoni jiukhôu be shoṅsharao mugôigraya bikhôu jôbnô gôiôi gôthaṅni thakhôi aothaigôn. 26 Shôrba aṅkhôu dao dao khalaiô bla, biô aṅni un un phôithôṅ, arô aṅ thagônaonô aṅni dao dao khalaigrayabô thagôn. Shôrba aṅkhôu dao dao khalaiô bla, Aphaya binô' man hôgôn. 27 Aṅni jiua dano ushao badao jabai, arô aṅ ma kônnô? 28 Ô Apha, aṅkhôu be muganiphrai bôkhaṅ i Oblabô aṅ bini thakhôi be mugayao phôibai. Ô Apha, nôṅni muṅkhôu shomaihô!" Obla nokhraṅniphrai phoṅshe rao jayashôi: "Aṅ shomaihôbaibô shomaihôbaogônbô."

Hadorni manshiphôrnô' jôbnai khôthanai

29 Obla goshoṅnai arô khônashoṅnai daphaya hônashôi: "Khôrômbai." Gubunphra hônashôi: "Shashe arpho bijôṅ raijlaibai." 30 Jishua buṅphinnanôi hônashôi: "Be raoa aṅni thakhôi jayakhôi bobekhani nôṅshôrni thakhôi shô'. 31 Dano be shoṅsharni bishara. Dano be shoṅsharni gôraya garonjagôn. 32 Arô aṅô haniphrai dikhaṅjabla, aṅ boikhôubô aṅniao bôgôn." 33 Biô bobe thôinaijôṅ thôinôshôi môn dinthinô thakhôi, biô bikhôu hônashôi. 34 Obla daphaya bikhôu buṅphinashôi: "Jôṅô ayenniphrai khônabai, Khristhoa jôbthara jashe thagôn hônnanôi, arô nôṅô mabôrôi buṅô, Manshini bisha hôuaya dikhaṅjanô naṅgôn hônnanôi?" Be Manshini bisha hôuaya shôr?" 35 Obla Jishua bishôrkhôu hônashôi: "Shraṅa dabôrshe nôṅshôrni gejerao doṅbaoô. 36 Nôṅshôrha shraṅ thashandi thabaidô, khômshia nôṅshôrkhôu homphnaṅôi badi! Arô khômshiao thabaigraya bôuha thaṅô, biô bikhôu mithia. Nôṅshôrha shraṅ thashandi shraṅkhôu phôthaidô, nônshôrô shraṅni bishaphôr janai badiI" Bephôrkhôu buṅnanôi Jishua thaṅnanôi bishôrniphrai khakhmayashôi. 37 Bobekhani biô bishôrni shiganao eshebaṅ haṅkhôphôr maoblabô, bishôrô 38 bikhôu phôthaiakhôi, Jeshai nabini bebadi hônnai bathraya japhuṅnai badi: 39 "Ô Phôrbu, jôṅniao khônanô mônnaikhôu shôr phôthaikhô, arô Phôrbuni akhanthia shôrniao nujakhô?" 40 Bini khainô bishôrô phôthainô hayakhôi, manôna Jeshaia hônbaodôṅ môn: "Biô bishôrni mogonphôrkhôu khana khalambai, arô biô bishôrni gôshôkhôu phôrabai, bishôrô mogonphôrjôṅ nuyôi badi arô gôshôjôṅ mithinanôi gôshô phidiriphinôi badi, aṅ bishôrkhôu shôkhagôn hônnanôi." 41 Jeshaia bini shomainaikhôu nunanôi bini thakhôi buṅnal khai, bephôrkhôu hôndôṅ môn. 42 Oblabô gôraphôrnibô gôbaṅa bikhôu phôthaiashôi, bobekhani Pharishaiphôrni thakhôi bishôrô shiman layakhôishôi, bishôrô khulumgra noniphrai huonjayôi badi. 43 Manôna bishôrô Ishôrni bakhnainaini khurôibô manshiphôrni bakhnainaikhôuhamjashinnai môn. 44 Bobekhani Jishua gabjrinanôi hônashôi: "Aṅkhôu phôthaigraya aṅkhôu phôthaia, bobekhani aṅkhôu thônhorgrakhôunô. 45-46 Arô aṅkhôu nugraya aṅkhôu thônhorgrakhôunô nuyô. Aṅô shraṅ badi shoṅsharao phôibai, aṅkhôu phôthaigra shaphrômbô khômshiao thayôi badi. 47 Arô shôrba aṅni bathraphôrkhôu khônashoṅnanôi maniabla, aṅô bikhôu bishar khalaia. Manôna aṅô shoṅsharkhôu bishar khalainô phôiakhôi bobekhani shoṅsharkhôu bôkhaṅnô thakhôi shô'. 48 Aṅkhôu ergargra arô aṅni bathraphôrkhôu layôiha gaokhôu bishar khalaigra doṅ. Aṅ buṅnai bathraya bikhôu jôbnai shanao bishar khalaigôn. 49 Manôna aṅ gaoni bôlôjôṅ buṅakhôi, bobekhani aṅkhôu thônhornai Aphaya gaonô aṅkhôu thônbai, aṅ ma buṅgôn arô ma hôngôn hônnanôi. 50 Arô aṅô mithigôu, bini thônnaia jôbnô gôiôi gôthaṅ hônnanôi. Bini khainô Aphaya aṅkhôu bṅria' môn badi, aṅ aṅni buṅnaikhôu bibadinô buṅô.

13

Shôlôṅgraphôrni athiṅphôrkhôu shunai

1 Phaskha phorobni shiganao be shonsharniphrai Biphaniao thaṅnô thakhôi bini mugaya jakhabai hônnanôi, Jishua mithibla, biô hayao gaoniphôrkhôu onbônanôi jôbnai shim bishôrkhôu onashôi. 2 Arô mônabilini bosh janaiao, Môdaia Shimonni bishajla Iskhariothni Judashni gôshôao shônanôi hôkhabla, 3 biô bikhôu gothaithôṅ hônnanôi, Biphaya gashôikhôubô bini akhaiphôrao gothaibai, arô biô Ishôrniphrai oṅkharbônanôi Ishôrniao thanphinnôshôi hônnanôi, 4 Jishua mithibla, biô boshniphrai shikhaṅashôi arô shayaoni biphôrkhôu dônnanôi gaṅshe phalikhôu lananôi janji khashoashôi. 5 Biniphrai biô gonsfae dabôrao dôi lokhobnanôi shôlôngraphôrni athiṅphôrkhôu shunô arô bi janji khashonai phalijôṅ hugarnô homashôi. 6 Obla biô Shimon Phethorniao shohôiashôi. Biô bikhôu hônashôi: "Ô Phôrbu, nôṅô aṅni athiṅphôrkhôu shunôshôi?" 7 Jishua buṅphinnanôi bikhôu hônashôi: "Aṅ khalamnaikhôu nôṅ dano mithia, bobekhani bephôrni unao nôṅ bephôrkhôu mithigôn." 8 Phethora bikhôu hônashôi: "Nôṅô jôbthara jashe aṅni athiṅphôrkhôu shunô môntharnai noṅa." Jishua bikhôu buṅphinashôi: "Aṅô nôṅkhôu shuabla, nôṅha aṅjôṅ lôgôshe bokhra gôia." 9 Shimon Phethora bikhôu hônashôi: "Ô Phôrbu, aṅni athiṅphôrkhôu lo noṅa bobekhani akhaiphôrkhôubô khorokhôubô." 10 Jishua bikhôu hônashôi: "Athiṅphôrkhôu nagarnanôi dugôigraya shujanô naṅa, bobekhani biô gôjôṅjôb. Arô nônshôrô gôjôṅ bobekhani boibô noṅa." 11 Manôna biô gaokhôu gothaigônkhôu mithidôṅ môn. Bini khainô biô hônashôi: "Nônshôrô boibô gôjôṅ noṅa." 12 Obla biô bishôrni athiṅphôrkhôu shunanôi gaoni hiphôrkhôu gannanôi unduglemphinnanôi bishôrkhôu hônashôi: "Nônshôrô mithibai, aṅ nôṅshôrni thakhôi ma khalamkhô? 13 Nônshôrô aṅkhôu phôrôṅgra arô Phôrbu hônnanôi buṅô, arô nônshôrô môjaṅôi buṅô. 14 Manôna aṅ binô. Bini khainô aṅ Phôrbu arô phôrôṅgraya nôṅshôrni athiṅphôrkhôu shubaibla, nônshôrô gaojôṅ gao athiṅphôrkhôu shujlainô naṅgôu. 15 Manôna aṅ nôṅshôrnô' mônshe aina hôbai, aṅ nôṅshôrni thakhôi khalama' môn badi, nôṅshôrbô bebadinô khalamnai badi. 16 Noṅthargôu, noṅthargôu aṅ nôṅshôrkhôu hônô, leṅa gaoni bigbani khurôi dershin noṅa, thônhorjanaiabô gaokhôu thônhorgrani khurôi dershin noṅa. 17 Nônshôrô bephôrkhôu mithibla, nônshôrô bephôrkhôu khalamô bla, nônshôrô bor hôjagra. 18 Aṅ nôṅshôr boinibô thakhôi buṅa. Aṅ shaikhonaiphôrkhôunô aṅ mithigôu. Bobekhani gôthar lirnaia japhuṅnô naṅgôu: "Aṅni shithaokhôu jagraya gaoni aphadaodôikhôu aṅni shayao dikhaṅbai." 19 Daniphrai jaya shayao aṅ nôṅshôrkhôu hônkhayô, jabla, nônshôrô phôthainai badi, aṅnô binô hônnanôi. 20 Noṅthargôu, noṅthargôu aṅ nôṅshôrkhôu hônô: Aṅ thônhornaikhôu najaograya aṅkhôunô najaoô, arô aṅkhôu najaograya aṅkhôu thônhorgrakhôunô najaoô."

Gothaigrani thakhôi khôthagrônai

21 Bephôrkhôu buṅnanôi Jishua jiuao ushao badao jananôi shakhi hônanôi hônashôi: "Noṅthargôu, noṅthargôu aṅ nôṅshôrkhôu hônô: Nôṅshôrni shashea aṅkhôu gothaigôn." 22 Biô shôrni thakhôi buṅkhô hônnanôi, shôlôṅgraphra bini thakhôi gôdaoshôrao jananôi gaojôṅ gao naijlaiashôi. 23 Bini shôlôṅgraphôrni shashea Jishuni bikhayao shônarnanôi unduglemdôṅ môn, Jishua bikhôu onnai môn. 24 Obla Shimon Phethora bikhôu thikhoṅ hornanôi bikhôu hônashôi: "Biô shôrni thakhôi buṅdôṅ hônnanôi, shôṅshai!" 25 Biô bebadinô Jishuni bikhayao shônarnanôi bikhôu hônashôi: "Ô Phôrbu, biô shôr?" 26 Obla Jishua buṅphinashôi: "Aṅ shithao pherlebshekhôu shômnanôi hôgôna binô." Obla biô shithao pherlebshekhôu shômnanôi lananôi Shimonni bishajla Iskhariothni Judashnô' hôashôi. 27 Arô shithao pherlebshekhôu mônnaini unao Shôithana biniao habashôi. Obla Jishua bikhôu hônashôi: "Nôṅ khalamgônkhôu gôkhrôi khalamdô!" 28 Bobekhani unduglemgraphôrni raobô mithiakhôishôi, biô môni thakhôi bikhôu buṅdôṅ môn hônnanôi. 29 Manôna shôrba shôrba shanashôi, thakha shiphia Judashniao thanai khai, Jishua bikhôu hôndôṅ: "Boshao jôṅnô' naṅgôuphôrkhôu baidô," noṅabla biô haoriphôrnô' maba hônai badi. 30 Biô shithao pherlebshekhôu labla, biô thabnô oṅkharlaṅashôi. Obla hor môn.

Gaoni thakhôi arô onjlainaini thakhôi

31 Biô oṅkharlaṅbla, Jishua hônashôi: "Dano Manshini bisha hôuaya shomaihôjabai, arô Ishôra biniao shomaihôjabai. 32 Ishôra biniao shomaihôjabai bla, Ishôrabô bikhôu. gaoniao shomaihôgôn, arô biô thabnô bikhôu shomaihôgôn. 33 Ô bishaphôr, dabôrshe an nôṅshôrjôṅ lôgôao doṅbaoô. Nônshôrô aṅkhôu naigirgôn, arô aṅ Judaiariphôrkhôu hôna' môn badi, aṅ thaṅgônao, nônshôrô thaṅnô haya, aṅ nôṅshôrkhôubô dano buṅô. 34 Aṅ mônshe gôdan thônnaikhôu nôṅshôrnô' hôyô, nônshôrô gaojôṅ gao onjlaidô, aṅ nôṅshôrkhôu ona' môn badi, nôṅshôrbô gaojôṅ gao onjlaidô hônnanôi. 35 Nôṅshôrha gaojôṅ gao onjlainai doṅbla, bijôṅnô boibô mithigôn, nônshôrô aṅni shôlôṅgraphôr hônnanôi." 36 Shimon Phethora bikhôu hônashôi: "Ô Phôrbu, nôṅô bôuha thaṅnô?" Jishua buṅphinashôi: "Aṅ thaṅgônao nôṅô dano aṅni un un thaṅphanô haya, bobekhani unao nôṅô aṅni un un thaṅgôn." 37 Phethora bikhôu hônashôi: "Ô Phôrbu, aṅ manô dano nôṅni un un thaṅphanô haya? Aṅ aṅni jiukhôu nôṅni thakhôi hôgôn."

Phethorni phôlanaikhôu khôthagrônai

38 Jishua buṅphinashôi: "Nôṅô nôṅni jiukhôu aṅni thakhôi hôgôn khôma? Noṅthargôu, noṅthargôu aṅ nôṅkhôu hônô: "Nôṅô aṅkhôu khontham phôlayagôu mani, daojlaya gishirnai noṅa."

14

Gaonlphôrni thakhôi jaiga tham thim khalamnai

1 "Nôṅshôrni gôshôa ushao badao dajathôṅ! Ishôrkhôu phôthai, aṅkhôubô phôthai! 2 Aṅni Aphani noao gôbaṅ thagra jaigaphôr doṅ. Gôiabla, aṅ nôṅshôrnô' khôthagôu môn. 3 Manôna aṅ nôṅshôrni thakhôi jaiga tham thim khalamnô thaṅô. Arô aṅô thaṅnanôi nôṅshôrni thakhôi jaiga tham thim khalambla, aṅô phôiphinnanôi nôṅshôrkhôu aṅniao laṅphagôn, aṅ thanaiaonô nôṅshôrbô thanai badi. 4 Arô aṅ thaṅgônao, nônshôrô lamakhôu mithigôu."

Noṅgôu lama

5 Thomasha bikhôu hônashôi: "Ô Phôrbu, nôṅ bôuha thaṅô, jôṅ mithia. Obla jôṅô mabôrôi lamakhôu mithinô?" 6 Jishua bikhôu hônashôi: "Aṅnô lama arô noṅgôu arô gôthaṅa. 7 Aṅjôṅ noṅabla raobô Biphaniao shohôia. Nônshôrô aṅkhôu mithigôu mônbla, nônshôrô aṅni Aphakhôubô mithigôu môn. Daniphrai nônshôrô bikhôu mithigôu arô nubai."

Jishua Biphajôṅ mônshe

8 Philiba bikhôu hônashôi: "Ô Phôrbu, Biphakhôu jôṅnô' dinthi, binô jôṅha thôgôu." 9 Jishua bikhôu hônashôi: "Ô Philip', eshe gôbao aṅ nôṅshôrjôṅ lôgôao doṅ, arô nôṅ aṅkhôu mithia? Aṅkhôu nugraya Biphakhôubô nubai. 10 Nôṅô mabôrôi hônô: Biphakhôu jôṅnô' dinthi? Nôṅô phôthaia, aṅô Aphaniao, arô Aphaya aṅniao doṅ hônnanôi? Aṅ nôṅshôrnô' burinai bathraphôrkhôu aṅô gaoni bôlôjôṅ buṅa. Bobekhani Aphaya aṅniao thananôi gaoni habaphôrkhôu maoô. 11 Nônshôrô aṅkhôu phôthai, aṅô Aphaniao, arô Aphaya aṅniao doṅ hônnanôi. Noṅabla bi habaphôrni thakhôi nônshôrô phôthai! 12 Noṅthargôu, noṅthargôu aṅ nôṅshôrkhôu hônô: Aṅkhôu phôthaigraya, aṅ maonai habaphôrkhôu bibô maogôn, arô biô biphôrni khurôi dershinphôrkhôu maogôn, manôna aṅô Aphaniao thaṅnôshôi. 13 Arô nôṅshôr aṅni muṅôi binai manikhôu aṅô khalamgôn, Biphaya Bisha hôuaniao shoniaihôjanai badi. 15 Nônshôrô aṅniao aṅni muṅôi maba bibla, aṅ khalamgôn. Nônshôrô aṅkhôu onô bla, nônshôrô aṅni thônnaiphôrkhôu manigôn. 16-17 Arô aṅô Aphaniao bigôn, arô biô nôṅshôrnô' gubun banshogra be jabai noṅgôuni Jiukhôu hôgôn, biô jôbthara jashe nôṅshôrjôṅ lôgôao thanai badi, shoṅshara bikhôu najaonô haya, manôna biô bikhôu nua mithiabô: Bobekhani nônshôrô bikhôu mithigôu, manôna biô nôṅshôrjôṅ thayô arô nôṅshôrniao thagôn. 18 Aṅô nôṅshôrkhôu maoriaphôr badi nagarlaṅnai noṅa, aṅô nôṅshôrniao phôigôn. 19 Arbao dandisheni unao. shoṅshara aṅkhôu nubaonai noṅa, bobekhani nônshôrô aṅkhôu nugôn, manôna aṅ gôthaṅôinô doṅ, nôṅshôrbô gôthaṅôinô thagôn. 20 Bi shanao nônshôrô mithigôn, aṅ aṅni Aphaniao, nônshôrô aṅniao arô aṅbô nôṅshôrniao doṅ hônnanôi. 21 Aṅni thônnaiphôrkhôu mônnanôi biphôrkhôu manigraya aṅkhôu onô, arô aṅkhôu ongraya aṅni Aphajôṅ on jagôn, arô aṅô'bikhôu ongôn arô gaokhôu bini shiganao nujahôgôn." 22 Judasha — Iskhariothni noṅa— bikhôu hônashôi: "Ô Phôrbu, mabôrôi jakhô, nôṅô jôṅni shiganao gaokhôu nujahôgôn arô shoṅsharni shiganao noṅa hônnanôi?" 23 Jishua buṅphinnanôi bikhôu hônashôi: "Shôrba aṅkhôu onô bla, biô aṅni bathrakhôu manigôn, arô aṅni Aphaya bikhôu ongôn, arô jôṅô biniao thaṅnanôi biniao thaphlaigôn. 24 Aṅkhôu onôia aṅni bathraphôrkhôu mania. Arô nôṅshôr khônanai bathraya aṅni noṅa bobekhani aṅkhôu thônhornai Aphani shô'. 25 Aṅ nôṅshôrniao thanaiaonô aṅô nôṅshôrnô' bephôrkhôu khôthabai. 26 Bobekhani Aphaya aṅni muṅôi banshogra, Gôthar Jiukhôu; thônhorgôn, biô gashôikhôubô nôṅshôrnô' phôrôṅgôn, arô aṅ nôṅshôrnô' hônnai maniphôrkhôu nôṅshôrkhôu gôshôkhaṅhôgôn. 27 Gôjônnaikhôu aṅ nôṅshôrnô' galaṅô, aṅni gôjônnaikhôu aṅ nôṅshôrnô' hôyô. Shoṅshara hôyô badi aṅ nôṅshôrnô' hôa. Nôṅshôrni gôshôa ushôo badao dajathôṅ, gikhobô dajathôṅ! 28 Nônshôrô khônabai, an nôṅshôrkhôu buṅbai: Aṅô thaṅnanôi nôṅshôrniao phôiphingôn. Nônshôrô aṅkhôu onô bla, aṅô Aphaniao thaṅnôshôi khai, nônshôrô roṅjagôu môn, manôna Aphaya aṅni khurôi dershin. 29 Arô da jaya shayaonô aṅ nôṅshôrkhôu buṅbai, jabla, nônshôrô phôthainai badi. 30 Aṅô nôṅshôrjôṅ bimainô raijlaibaonai noṅa, manôna shoṅsharni gôraya phôigôu, arô biha aṅniao muṅbô gôia. 31 Bobekhani aṅô Aphakhôu onô, arô Aphaya aṅkhôu thôna' môn badi, aṅ bebadinô khalamô hônnanôi, shoṅshara mithinai badi, nônshôrô shikhaṅ, jôṅô beniphrai thaṅdôni!"

15

Drakha bôndôṅ arô dalaiphôr

1 "Aṅnô noṅgôu drakha bôndôṅ, arô aṅni Aphaya maogra. 2 Biô aṅniao phithai thaiôi dalaiphrômkhôubô bôkharô, arô biô phithai thaigra dalaiphrômkhôubô phôshabô, biô phithai thaishinnai badi. 3 Nônshôrô aṅ nôṅshôrnô' hônnai bathrajôṅ phôshabkhajabai. 4 Nônshôrô aṅniao tha, obla aṅbô nôṅshôrniao thagôn. Dalaia drakha bôndôṅao thayabla gaonô phithai thainô haya badi, nôṅshôrbô aṅniao thayabla bebadinô haya. 5 Aṅnô drakha bôndôṅ, nônshôrô dalaiphôr. Shôrba aṅniao arô aṅ biniao thabla, biô gôbaṅ phithai thaiô, manôna aṅ noṅabla, nônshôrô muṅbô khalamnô haya. 6 Shôrba aṅniao thayabla, biô dalai badi garonjananôi ranlaṅô, arô bishôrô biphôrkhôu phuthumnanôi orao garô, arô biô khamô. 7 Nônshôrô aṅniao thayô bla, arô aṅni bathraphra nôṅshôrniao thayô bla, nôṅshôr gôshô janai manikhôu bi', arô nôṅshôrha jagôn. 8 Nôṅshôr gôbaṅ phithai thainaijôṅnô aṅni Aphaya shomaihôjabai, arô nônshôrô aṅni shôlôṅgraphôr jagôn.

Onjlainaini thakhôi

9 Aphaya aṅkhôu ona' môn badi, aṅbô nôṅshôrkhôu onbai. Nônshôrô aṅni onnaiao thaphlaidô! 10 Nônshôrô aṅni thônnaiphôrkhôu maniô bla, aṅô aṅni Aphani thônnaiphôrkhôu maniyôi' maniyôi' bini onnaiao thaphlaiô badi, nônshôrô u aṅni onnaiao thaphlaigôn. 11 Bephôrkhôu aṅ nôṅshôrnô' hônbai, aṅni roṅjanaia nôṅshôrniao thanai badi, arô nôṅshôrni roṅjanaia japhuṅnai badi. 12 Benô aṅni thônnai, aṅ nôṅshôrkhôu ona' môn badi, nônshôrô gaojôṅ gao onjlaidô hônnanôi. 13 Gaoni phishigiphôrni thakhôi gaoni jiukhôu hônaini khurôi dershin onnai raohabô gôia. 14 Nônshôrô aṅ nôṅshôrkhôu thônnai badi khalambla, nônshôrô aṅni phishigiphôr. 15 Aṅ nôṅshôrkhôu leṅphôr muṅkhobaolia, manôna leṅa gaoni bigbani maonaikhôu mithia. Bobekhani aṅ nôṅshôrkhôu phishigiphôr muṅkhobai, manôna aṅ aṅni Aphaniphrai khônanai manikhôu aṅô nôṅshôrnô' mithihôbai. 16 Nôṅshôrnô aṅkhôu shaikhoakhôi, bobekhani aṅnô nôṅshôrkhôu shaikhobai, arô aṅô nôṅshôrkhôu phoshoṅbai, nônshôrô thaṅnanôi phithai thainai badi, arô nôṅshôrni phithaia thanai badi, nôṅshôr aṅni muṅôi Biphanaio binai manikhôu biô nôṅshôrnô' hônai badi. 17 Aṅ nôṅshôrnô' bephôrkhôu thônô, nônshôrô gaojôṅ gao onjlaidô hônnanôi.

Shoṅsharni mugôinai, borsha khalamnai arô Gôthar Jiuni thakhôi

18 Shoṅshara nôṅshôrkhôu mugôiô bla, nônshôrô mithi, biô nôṅshôrni shigaṅ aṅkhôunô mugôibai hônnanôi. 19 Nônshôrô shoṅsharni jabla, shoṅshara gaonikhôu ongôu môn. Bobekhani nônshôrô shoṅsharni noṅa, bobekhani aṅô nôṅshôrkhôu shonsharniphrai shaikhobai, bini khainô shoṅshara nôṅshôrkhôu mugôiô. 20 Aṅ nôṅshôrnô' hônnai bathrakhôu gôshôkhaṅ: Leṅa gaoni bigbani khurôi dershin noṅa. Bishôrô aṅkhôu hôshôbai bla, bishôrô nôṅshôrkhôubô hôshôgôn. Bishôrô aṅni bathrakhôu manibla, bishôrô nôṅshôrnikhôubô manigôn. 21 Bobekhani bishôrô aṅkhôu thônhorgrakhôu mithiyôi khai, bishôrô bephôr manikhôu aṅni muṅni thakhôi nôṅshôrni shayao khalamgôn. 22 Aṅô phôinanôi bishôrkhôu bṅria môn bla, bishôrha phap1 janai noṅa môn, bobekhani dano bishôrni phabni thakhôi bishôrha onla gôia. 2324 Aṅkhôu mugôigraya aṅni Aphakhôubô mugôiô. Gubun raobô maoôi habaphôrkhôu aṅ bishôrni gejerao maoa môn bla, bishôrha phap' janai noṅa môn. Bobekhani bishôrô dano bephôrkhôu nubaibô, aṅkhôubô aṅni Aphakhôubô mugôibaibô. 25 Bobekhani bebadinô jayashôi, bishôrô aṅkhôu ôrôinô mugôibai hônnanôi, bishôrni ayenao lirnai bathraya japhuṅnai badi. 26 Aṅ Aphaniphrai nôṅshôrniao thônhorgôn banshogra, Aphaniphrai oṅkharbônai noṅgôuni Jiua phôibla, biô aṅni thakhôi shakhi hôgôn. 27 Bobekhani nônshôrô jajennainiphrai aṅjôṅ lôgôshe thanai khai, nôṅshôrbô shakhi hôgôn.

16

1 Bephôrkhôu aṅ nôṅshôrnô' khôthabai, nônshôrô shôukthuyôi badi. 2 Bishôrô nôṅshôrkhôu khulumgra noniphrai huongôn. ôu, jagôn mugayao nôṅshôrkhôu shithargra shaphrômbô, biô Ishôrkhôu dao dao khalambai hônnanôi, shangôn. 3 Arô bishôrô Biphakhôu aṅkhôubô mithiyôi khai, bishôrô bephôrkhôu khalamgôn. 4 Bobekhani bephôrkhôu aṅ nôṅshôrnô' khôthabai, biphôrni mugaya jabla, aṅ nôṅshôrnô' bephôrkhôu khôthabai hônnanôi, nônshôrô gôshôkhaṅnai badi. Aṅ nôṅshôrjôṅ lôgôao thanai khai, jajennainiphrai aṅô nôṅshôrnô' bephôrkhôu khôthayakhôi.

Gôthar Jiuni thakhôi

5 Dano aṅkhôu thônhorgraniao aṅ thaṅnôshôi, arô nôṅshôrni raobô aṅniao shôṅa: 6 Nôṅô bôuha thaṅnô? Bobekhani aṅ bephôrkhôu nôṅshôrnô' khôthana khai, bikha khamnaia nôṅshôrni gôshôkhôu shôphuṅbai. 7 Oblabô aṅô noṅgôukhôu, nôṅshôrnô' hônô: Aṅ thaṅnaia nôṅshôrni thakhôi gaham. Manôna an thaṅabla, banshograya nôṅshôrniao phôitharnai noṅa. Bobekhani aṅ thaṅbla, aṅ bikhôu nôṅshôrniao thônhorgôn. 8 Arô biô phôibla, biô shoṅsharkhôu phap, dhôrôm arô bisharni thakhôi raithithegôn. 9 Phabni thakhôi, io manôna bishôrô aṅkhôu phôthaia. 10 Dhôrômni thakhôi, manôna aṅ Aphaniao thaṅnôshôi, arô nônshôrô aṅkhôu nubaonai u noṅa. 11 Bisharni thakhôi, manôna be shoṅsharni gôraya bishar khalamjabai. 12 Nôṅshôrnô' khôthanô aṅha bimainô doṅbaoô, bobekhani nônshôrô dabô shôinô haya. 13 Bobekhani binongôuni Jiua phôibla, biô gashôinô noṅgôuao nôṅshôrkhôu dôidenlaṅgôn. Manôna biô gaoni bôlôjôṅ khôthanai noṅa, bobekhani bi khônanai manikhôu biô buṅgôn, arô biô jagônphôrkhôu nôṅshôrnô' khôthagôn. 14 Biô aṅkhôu shomaihôgôn, manôna biô aṅnikhôu lananôi nôṅshôrnô' khôthagôn. 15 Aphaha doṅnai maniphra aṅni. Bini khainô aṅ buṅbai, biô aṅnikhôu lananôi 16 nôṅshôrnô' khôthagôn hônnanôi. 16 Dandisheni unao nônshôrô aṅkhôu nubaonai noṅa, arô dandishebaoni unao nônshôrô aṅkhôu nugôn." 17 Bini khainô bini shôlôṅgraphôrni khaipha gaojôṅ gao hônjlaiashôi: "Biô jôṅkhôu ma hônkhô: Dandisheni unao nônshôrô aṅkhôu nunai noṅa, arô dandishebaoni unao nônshôrô aṅkhôu nugôn? Arô aṅ Aphaniao thaṅnôshôi hônnanôi?" 18 Bini khainô bishôrô hônashôi: "Dandishe hônnanôi biô ma buṅkhô? Biô ma hônô, jôṅ mithia." 19 Jishua mithiashôi, bishôrô biniao shôṅnô gôshô jadôṅ môn hônnanôi, arô biô bishôrkhôu hônashôi: "Dandisheni unao nônshôrô aṅkhôu nunai noṅa, arô dandishebaoni unao nônshôrô aṅkhôu nugôn hônnanôi, bini thakhôi nôṅshôrô gaojôṅ gao shanjlaidôṅ na ma? 20 Noṅthargôu, noṅthargôu aṅ nôṅshôrkhôu hônô: Nônshôrô gabgôn arô gabkhraogôn, bobekhani shoṅshara roṅjagôn. Nôṅshôrha bikha khamgôn, bobekhani nôṅshôrni bikha khamnaia roṅ janai jashlaigôn. 21 Hinjaoa shariô bla, bini mugaya janai khai, biha bikha khamô. Bobekhani biô gothokhôu sharikhaṅô bla, shoṅsharao shashe manshi sharijanaini roṅjanaijôṅnô biô gaoni nashoijanaikhôu gôshôkhaṅbaoa. 22 Nôṅshôrhabô dano bikha khamdôṅ. Bobekhani" aṅ nôṅshôrkhôu nubaogôn, arô nôṅshôrni gôshôa roṅjagôn, arô raobô nôṅshôrni roṅjanaikhôu nôṅshôrniphrai laṅnai noṅa. 23 Bi shanao nônshôrô aṅniao muṅbô shôṅnai noṅa. Noṅthargôu, noṅthargôu, aṅ nôṅshôrkhôu hônô: Nônshôrô Aphaniao maba bibla, biô aṅni muṅôi nôṅshôrnô' hôgôn. 24 Da shim nônshôrô aṅni muṅôi muṅbô biakhôi. Nônshôrô bi', obla nônshôrô môngôn, nôṅshôrni roṅjanaia japhuṅnai badi. 25 Bephôrkhôu aṅ phannaiphôrjôṅ nôṅshôrnô' khôthabai. Jagôn mugayao aṅ phannaiphôrjôṅ nôṅshôrnô' khôthabaonai noṅa, bobekhani aṅ Aphanikhôu nôṅshôrnô' thalayôinô mithihôgôn. 26 Bi shanao nônshôrô aṅni muṅôi bigôn, arô aṅô buṅa, aṅnô Aphaniao nôṅshôrni thakhôi bigôn hônnanôi. 27 Manôna nôṅshôr aṅkhôu onnai khai, arô aṅô Ishôrniphrai oṅkharbôbai hônnanôi, nôṅshôr phôthainai khai, Aphaya gaonô nôṅshôrkhôu onô. 28 Aṅô Aphaniphrai oṅkharbôbai arô shoṅsharao phôibai. Aṅ shoṅsharkhôu galaribaonanôi Aphaniao thaṅnôshôi." 29 Bini shôlôṅgraphra hônashôi: "Nai, nôṅô dano thalayôinô hônô arô muṅbô phannaikhôu buṅa. 30 Dano jôṅô mithibai, nôṅô gashôikhôubô mithigôu, arô shôrba nôṅniao shôṅnô nôṅnô' naṅa hônnanôi. Bijôṅnô jôṅô phôthaiô, nôṅô Ishôrniphrai oṅkharbôba hônnanôi." 31 Jishua bishôrkhôu buṅphinashôi: "Dano nôṅshôrô phôthaibai? 32 Nai, mugaya janôshôi arô jakhabai, shaphrômbô lether phether jananôi gao gaoniphôrao thaṅgôn arô aṅkhôu hashiṅôi galaṅgôn. Oblabô aṅnô hashiṅôi noṅa, manôna Aphaya aṅjôṅ lôgôshe doṅ. 33 Bephôrkhôu aṅ nôṅshôrnô' khôthabai, nôṅshôrha aṅniao gôjônnai thanai badi. Shoṅsharao nôṅshôrha nashoijanai doṅ. Bobekhani nônshôrô gôhô khalam! Aṅnô shoṅsharkhôu phejenbai."

17

Dôuri gedert badi Jishuni binai

1 Bephôrkhôu buṅnanôi Jishua gaoni mogonphôrkhôu nokhraṅni thinôi dikhaṅnanôi hônashôi: "Ô Apha, mugaya jakhabai. 2 Nôṅni nôṅshajlakhôu shomaihô, Bisha hôuaya nôṅkhôu shomaihônai badi, manôna nôṅô binô' bedort manini shayao bôlô hôbai, nôṅ binô' hônai maninô' biô jôbnô gôiôi gôthankhôu hônai badi. 3 Benô jôbnô gôiôi gôthaṅ, bishôrô. nôṅ shashe lo noṅgôu Ishôr arô nôṅjôṅ thônhorjanai Jishu Khristhokhôu mithithôṅ hônnanôi. 4 Nôṅ aṅnô' maonô hônai habakhôu maojôbnanôi aṅô nôṅkhôu hayao shomaihôbai. 5 Arô dano, ô Apha, shoṅshar jaya shayaonô aṅha nôṅniao thanai shomainaijôṅ nôṅniao aṅkhôu shomaihô! 6 Nôṅ shonsharniphrai aṅnô' hônai manshiphôrnô' aṅ nôṅni muṅkhôu nujahôbai. Bishôrô nôṅninô môn, arô nôṅô bishôrkhôu aṅnô' hôbai, arô bishôrô nôṅni bathrakhôu manibai. 7 Dano bishôrô mithibai, nôṅ aṅnô' hônai mania nôṅniphrainô hônnanôi. 8 Manôna nôṅ aṅnô' hônai bathraphôrkhôu aṅ bishôrnô' hôbai, arô bishôrô lananôi mithibai, aṅ noṅgôuôi' nôṅniphrai oṅkharbôbai hônnanôi, arô bishôrô phôthaibai, nôṅô aṅkhôu thônhorbai hônnanôi. 9 Aṅnô bishôrni thakhôi biô. Shoṅsharni thakhôi aṅ bia, bobekhani nôṅ aṅnô' hônaiphôrni thakhôi shô', 10 manôna bishôrô nôṅninô, arô aṅni mania nôṅninô, arô nôṅnia aṅninô, arô aṅô bishôrniao shomaihôjabai. 11 Aṅnô shoṅsharao thabaoa, bobekhani bishôrô shoṅsharao, arô aṅô nôṅniao thaṅnôshôi. Ô Gôthar Apha, nôṅ aṅnô' hônai nôṅni muṅôi bishôrkhôu nephlaidô, bishôrô jôṅ badinô mônshe janai badi! 12 Aṅ bishôrjôṅ thashiao, nôṅ aṅnô' hônai nôṅni muṅôi aṅô bishôrkhôu naiphlainanôi nebôbai, arô hophainaini bishajlaya noṅabla bishôrni raobô hophaiakhôi, gôthar lirnaia japhuṅnai badi. 13 Dano aṅ nôṅniao thaṅnôshôi, arô bephôrkhôu aṅ shoṅsharao buṅô, bishôrô aṅni roṅjanaikhôu gao gaoniao japhuṅnai mônnai badi. 14 Aṅô bishôrnô' nôṅni bathrakhôu hôbai, arô aṅbô shoṅsharni noṅa badi bishôr shoṅsharni noṅôi khai, shoṅshara bishôrkhôu mugôibai. 15 Aṅ bia, nôṅ bishôrkhôu shonsharniphrai laṅdô, bobekhani nôṅ bishôrkhôu Gajriniphrai nephlaidô hônnanôi. 16 Aṅô shoṅsharni noṅa badi, bishôrbô shoṅsharni noṅa. 17 Bishôrkhôu noṅgôuao phôthar! Nôṅni bathraya noṅgôu. 18 Nôṅô aṅkhôu shoṅsharao thônhora' môn badi, aṅbô bishôrkhôu shoṅsharao thônhorbai. 19 Arô bishôrni thakhôi aṅ gaokhôu phôtharô, bishôr gaoshôrbô noṅgôuao phôtharjanai badi. 20 Bishôrni thakhôi lo aṅ bia, bobekhani bishôrni bathrajôṅ aṅkhôu phôthaigraphôrni thakhôibô, bishôr boibô mônshe janai badi, 21 nôṅ Apha aṅniao, aṅbô nôṅniao badi, bishôrbô jôṅniao mônshe janai badi, shoṅshara phôthainai badi, nôṅô aṅkhôu thônhorbai hônnanôi. 22 Nôṅ aṅnô' hônai shomainaikhôu aṅbô bishôrnô' hôbai, jôṅô mônshe badi, bishôrbô mônshe janai badi. 23 Aṅô bishôrniao nôṅbô aṅniao, bishôrô gurgonanôi mônshe janai badi, shoṅshara mithinai badi, nôṅ aṅkhôu thônhorbai arô aṅkhôu onbai badi, nôṅô bishôrkhôu onbai hônnanôi. 24 Ô Apha, aṅ gôshô jayô, nôṅ aṅnô' hônaiphrabô aṅ thanaiao aṅjôṅ lôgôao thathôṅ hônnanôi, bishôrô nôṅ aṅnô' hônai aṅni shomainaikhôu nunai badi, manôna shoṅsharkhôu daya shayaonô nôṅô aṅkhôu onbai. 25 Ô dhôrômia Apha, shoṅshara nôṅkhôu mithiakhôi, bobekhani aṅô nôṅkhôu mithibai, bishôrbô mithibai, nôṅô aṅkhôu thônhorbai hônnanôi. 26 Arô aṅ bishôrnô' nôṅni muṅkhôu mithihôbai arô rnithihôgôn, nôṅ aṅkhôu onnai onnaia bishôrniao aṅbô bishôrniao thanai badi."

18

Jishukhôu homnai

1 Bephôrkhôu buṅnanôi Jishua gaoni shôlôṅgraphôrjôṅ Khedronni dôikhoṅ barôi' oṅkharlaṅphayashôi, biao goṅshe bagan doṅ môn, 2 biô gaonô gaoni shôlôṅgraphrabô biao habashôi. 3 Bikhôu gothaigra Judashabô bi jaigakhôu mithigôu môn, manôna Jishua gole gole gaoni shôlôṅgraphôrjôṅ biao jo janai môn. Obla Judasha daoha naṅgraphôrni hanja arô dôuri gederphôr arô Pharishaiphôrniphrai thandôiphôrkhôu lananôi bonjarphôr, jeaoriphôr arô akjuphôrôi' biao thaṅashôi. 4 Jishua gaoni shayao jagôn maniphôrkhôu mithibla, biô oṅkharnanôi bishôrkhôu hônashôi: "Nônshôrô shôrkhôu naigirdôṅ?" 5 Bishôrô bikhôu buṅphinashôi: "Nasharethni Jishukhôu." 6 Biô bishôrkhôu hônashôi: "Aṅô binô." Bikhôu gothaigra Judashabô bishôrjôṅ goshoṅphadôṅ môn. Aṅô binô hônnanôi, Jishua bishôrkhôu buṅbla, bishôrô inshlothnanôi hayao goglôiashôi. 7 Obla biô bishôrniao shôṅbaoashôi: "Nônshôrô shôrkhôu naigirdôṅ?" Bishôrô hônashôi: "Nasharethni Jishukhôu." 8 Jishua buṅphinashôi: "Aṅ binô hônnanôi, aṅ nôṅshôrkhôu hônbai. Bini khainô nônshôrô aṅkhôu naigirbla, bishôrkhôu thaṅnô hôdô!" 9 Bi hônnai bathraya japhuṅnai badi: "Nôṅ aṅnô' hônaiphôrni raokhôubô aṅ khômayakhôi." 10 Obla Shimon Phethorha goṅshethuṅgri thanai khai, biô bikhôu bokhonanôi dôuri gederni leṅkhôu shurnanôi bini agda khômakhôu dankhagarashôi. Bi lerini muṅa Malkhush môn. 11 Jishua Phethorkhôu hônashôi: "Nôṅni thuṅgrikhôu bikhobao shô'! Aṅni Aphaya aṅnô' hônai khurinikhôu aṅ lôṅnô naṅa khôma?"

Annash arô Khaiaphashni shiganao. Phethorni phôlanai

12 Obla daoha naṅgraphôrni hanja arô shanthri gahai arô Judaiariphôrni thandôiphra Jishukhôu homnanôi khayashôi arô bikhôu Annashniao laṅgrôashôi. 13 Manôna biô bi bôshôrni dôuri gedert Khaiaphashni bihao môn. 14 Khaiaphasha Judaiariphôrnô' lai hôa' môn, hadorni manshiphôrni thakhôi shashe manshini thôinaia gaham hônnanôi. 15 Shimon Phethor arô gubun shashe shôlôṅgra Jishuni un un thaṅashôi. Bi shôlôṅgraya dôuri gederjôn mithijanai môn, arô biô Jishujôṅ dôuri gederni shithlayao happhayashôi, 16 bobekhani Phethora dorni baherao goshoṅbai thayashôi. Obla dôuri gederjôn mithijanai bi gubun shôlôṅgraya oṅkharlaṅnanôi dor negra leṅjôjôṅ raijlainanôi Phethorkhôu habhôsshôi. 17 Dor negra leṅjôa Phethorkhôu hônashôi: "Nôṅbô bi manshini shôlôṅgraphôrni shashe noṅa khôma?" Biô hônashôi: "Ôhô, aṅ noṅa." 18 Leṅphôr arô thandôiphra gushu janai khai haṅgarao ort shunanôi goshoṅnanôi shaibai thadôṅ môn. Phethorabô bishôrjôṅ goshoṅphananôi shaibai thadôṅ môn. 19 Obla dôuri gedera Jishuniao bini shôlôṅgraphôrni arô bini phôrôṅnaini thakhôi shôṅashôi. 20 Jishua bikhôu buṅphinashôi: "Aṅô shoṅsharao thalayôinô buṅbai. Aṅô lagarbô khulumgra noao arô gôthar noao, boibô Judaiariphôr jothumnaiao phôrôṅnai môn, arô shrôthôi' aṅ muṅbô buṅakhôi. 21 Nôṅ manô aṅniao shôṅô i' Aṅnikhôu khônagraphôrniao shôṅ, aṅ bishôrnô' ma buṅkhô hônnanôi. Nai, aṅ buṅnaiphôrkhôu bishôrô mithigôu." 22 Bobekhani biô bephôrkhôu buṅphunaiao biao goshoṅnai thandôiphôrni shashea Jishukhôu shôbananôi hônashôi: "Nôṅ dôuri gederkhôu bebadinô buṅphinô?" 23 Jishua bikhôu buṅphinashôi: "Aṅô gajriôi' buṅbla, gajrini thakhôi shakhi hô, bobekhani môjaṅôi' buṅbla, nôṅ manô aṅkhôu buyô?" 24 Obla Annasha bikhôu dôuri gedert Khaiaphashniao khajaôinô thônhorashôi. 25 Oblabô Shimon Phethora goshoṅnanôi shaibai thadôṅ môn. Obla bishôrô bikhôu hônashôi: "Nôṅbô bini shôlôṅgraphôrni shashe khôma?" 26 Biô phôlananôi hônashôi: "Ôhô, aṅ noṅa." Bôuri gederni leṅphôrni shashe, Phethorjôṅ khômakhôu dankhagarjanaini khurma oshea hônashôi: "Aṅnô baganao bijôṅ lôgôshe nôṅkhôu nuakhôi khôma?" 27 Obla Phethora phôlabaoashôi, arô daojlaya thabnô gishirashôi.

Philathni shiganao

28 Obla bishôrô Jishukhôu Khaiaphashniphrai hadort beṅgrani gôgôm noao laṅashôi. Phuṅjani môn. Arô bishôr gaoshôrnô gôgôm noao habakhôishôi, bishôrô khalai jayôi badi, bobekhani Phaskhani menda bishakhôu janô hanai badi. 29 Bini khainô Philatha bishôrniao oṅkharonnanôi bishôrkhôu hônashôi: "Nônshôrô be manshini shayao ma ernaikhôu labôdôṅ?" 30 Bishôrô buṅphinnanôi bikhôu hônashôi: "Biô gajrikhôu khalaigra jayabla, jôṅô bikhôu nôṅnô' gothainai noṅa môn." 31 Obla Philatha bishôrkhôu hônashôi: "Nôṅshôrnô bikhôu laṅnanôi nôṅshôrni ayen badi bikhôu bishar khalam!" Judaiariphra bikhôu hônashôi: "Jôṅô ayen badi raokhôubô shitharnô haya." 32 Jishua bobe thôinaijôṅ thôigôn dinthinanôi bini hônnai bathraya japhuṅnai badi, bebadinô jayashôi. 33 Obla Philatha gôgôm noao happhinashôi arô Jishukhôu liṅnanôi biô bikhôu hônashôi: "Nôṅnô Judaiariphôrni raja?" 34 Jishua buṅphinashôi: "Nôṅô gaonô bikhôu hônô, noṅabla gubunphra nôṅnô' aṅni thakhôi khôthabai?" 35 Philatha buṅphinashôi: "Aṅô Judaiari khôma? Nôṅni hadorni manshiphôr arô dôuri gederphra aṅnô' nôṅkhôu gothaibai. Nôṅô ma khalaikhô?" 36 Jishua buṅphinashôi: "Aṅni raijôa be shoṅsharni noṅa. Aṅni raijôa be shoṅsharni jabla, aṅni thandôiphra daoha naṅgôu môn, aṅô Judaiariphôrnô' gothaijayôi badi. Bobekhani da aṅni raijôa beaoni noṅa." 37 Bini khainô Philatha bikhôu hônashôi: "Obla nôṅ raja maranô?" Jishua buṅphinashôi: "Nôṅnô hônkhayô, aṅô raja hônnanôi. Bini thakhôi aṅô sharijabai, arô bini thakhôi aṅô shoṅsharao phôibai, aṅô noṅgôuni thakhôi shakhi hônai badi. Noṅgôuni shaphrômbô aṅni raokhôu khônashoṅô." 38 Philatha bikhôu hônashôi: "Noṅgôua ma?" Arô bikhôu buṅnanôi biô bikhôu Judaiariphôrniao oṅkharonlaṅbaonanôi bishôrkhôu hônashôi: 39 "Anô biniao muṅbô dai môna. Bobekhani nôṅshôrha mônshe huda doṅ, aṅ Phaskhani phorobao nôṅshôrnô' shashekhôu hogarô hônnanôi. Bini khainô nônshôrô gôshô jayô, aṅô nôṅshôrnô' Judaiariphôrni rajakhôuhogarnô?" 40 Obla bishôrô gabjrikhraobaonanôi hônashôi: "Bikhôu noṅa, bobekhani Barabbashkhôu shô'!" Bi Barabbasha shegra môn.

19

1 Oblanô Philatha Jishukhôu laṅnanôi bushôgarhôashôi. 2 Arô daoha naṅgraphra shuni malakhôu hebnônôi bini khoroao ganhôashôi, arô bishôrô binô' gôjashrôm hikhôu ganhôashôi, arô bishôrô biniao thaṅnanôi hônashôi: "Gôjônthôṅ, ô Judaiariphôrni raja!" 3 Arô bishôrô bikhôu shôbayashôi. 4 Philatha oṅkharonlaṅbaonanôi bishôrkhôu hônashôi: "Nai, aṅô nôṅshôrnô' bikhôu labôonnôshôi, nônshôrô mithinai badi, aṅ biniao muṅbô dai môna hônnanôi." 5 Obla Jishua shuni malakhôu arô gôjashrôm hikhôu gannanôi oṅkharonashôi. Arô Philatha bishôrkhôu hônashôi: "Nai, manshia!" 6 Dôuri gederphôr arô thandôiphra bikhôu nubla, bishôrô gabjrikhraonanôi hônashôi: "Khrushao dôkthap', khrushao dôkthap'!" Philatha bishôrkhôu hônashôi: "Nôṅshôrnô bikhôu laṅnanôi khrushao dôkthap'! Manôna aṅ biniao muṅbô dai môna." 7 Judaiariphra bikhôu buṅphinashôi: "Jôṅha mônshe ayen doṅ, arô biô gaokhôu Ishôrni bisha hôua khalamnai khai, biô bi ayen badi thôinô naṅgôu." 8-9 Philatha be bathrakhôu khônabla, biô gishinashôi, arô gôgôm noao habbaonanôi biô Jishukhôu hônashôi: "Nôṅô bobeniphrai?" Bobekhani Jishua bikhôu muṅbô buṅphinakbôishôi. 10 Obla Philatha bikhôu hônashôi: "Nôṅ aṅjôṅ raijlaia? Nôṅô mithia, nôṅkhôu hogarnô aṅha bôlô doṅ, nôṅkhôu khrushao dôkthabnôbô aṅha bôlô doṅ hônnanti?" 11 Jishua buṅphinashôi: "Gôjôuniphrai nôṅnô' hôjaya môn bla, nôṅha aṅni shayao muṅbô bôlô gôia. Bini khainô nôṅnô' aṅkhôu gothaagraha dershin phap' doṅ." 12 Bini thakhôi Philatha bikhôu hogarnô hasthaiashôi. Bobekhani Judaiariphra gabjrikhraonanôi hônashôi: "Nôṅô bikhôu hogarbla, nôṅô Khôishorni phishigi noṅa. Gaokhôu raja khalaigra shaphrômbô Khôishorni shayao barjiuô." 13 Obla Philatha bi bathraphôrkhôu khônananôi Jishukhôu laṅonashôi, arô biô onthai jabnai bobekhani Ebraini raojôṅ Gabbatha hônjanai jaigayao bisharni jograyao joashôi. 14 Phasknani tham thim khalamnaini shan môn, mugadoni shô' môn. Arô biô Judaiariphôrkhôu hônashôi: "Nai, nôṅshôrni rajaya!" 15 Obla bishôrô gabjrikhracashôi: "Laṅ, laṅ, bikhôu khrushao dôkthap'!" Philatha bishôrkhôu hônashôi: "Aṅ nôṅshôrni rajakhôu khrushao dôkthabnô?" Dôuri gederphra buṅphinashôi: "Khôishorkhôu nagarnanôi jôṅha raja gôia." 16 Oblanô biô khrushao dôkthabjanô thakhôi bikhôu bishôrnô' gothaiashôi. Obla bishôrô Jishukhôu laṅashôj.

Jishukhôu khrushao dôkthabnai

17 Arô gaoni khrushkhôu bannanôi biô khoro begeṅni hônjanai jaigayao oṅkharlaṅashôi, 18 biô Ebraini raojôṅ Golgatha hônjayô, biao bishôrô bikhôu arô bijôṅ gubun shanôikhôu pharnôini thiṅôi, bobekhani Jishukhôu gejerao khrushao dôkthabashôi. 19 Philatha shayaoni lirnaikhôubô lirnanôi khrushao shithabhôashôi. Biao lirjanai doṅ môn: "NASHARETHNI JISHU, JUDAIARIPHÔRNI RAJA." 20 Obla Judaiariphôrni gôbaṅa bi shayaoni lirnaikhôu phoraiashôi, manôna Jishu khrushao dôkthabjanai jaigaya nôgôrni khathiao môn. Arô lirnaia Bbraiphôrni, Romariphôrni arô Grikphôrni raojôṅ lirjadôṅ môn. 21 Obla Judaiariphôrni dôuri gederphra Philathkhôu hônashôi: "Judaiariphôrni raja dalirt, bobekhani biô hôndôṅ môn: Aṅô Judaiariphôrni raja, bikhôu lirdô!" 22 Philatha buṅphinashôi: "Aṅ limaikhôunô lirbai aṅ." 23 Daoha naṅgflaphra Jishukhôu khrushao dôkthabbla, bishôrô bini hipljlôrkhôu lananôi bokhrabrôi khalamashôi, daoha naṅgra shaphrômbô bokhrashe mônashôi, arô bishôrô goshlakhoubô layashôi. Bobekhani goshlaya shujanai gôia môn, shaniphrai jôbjashe dajanai môn. 24 Bini khainô bishôrô gaojôṅ gao hônjlaiashôi: "Jôṅô bikhôu dabishi, bobekhani jôṅô bini thakhôi gor geleni, biô shôrni jagôn hônnanôi." Benô jayashôi, gôthar lirnaia japhuṅnai badi: "Bishôrô gao gaoni gejerao aṅni hiphôrkhôu ranjlaibai arô aṅni goshlani thakhôi gor gelebai." Bini khainô daoha naṅgraphra bephôrkhôu khalaiashôi. 25 Bobekhani Jishuni khrushni khathiao bini bima arô bini bimani bibo binanao, Khlophashni bihi Mariam arô Magdalani Mariama goshoṅbai thadôṅ môn. 26 Jishua bimakhôu arô gao onnai shôlôṅgrakhôu khathiao goshoṅnai nubla, biô bimakhôu hônashôi: "Ô ai, nai, nôṅni nôṅshajlaya!" 27 Biniphrai biô shôlôṅgrakhôu hônashôi: "Nai, nôṅni nômaya!" Arô bi muganiphrai shôlôṅgraya bikhôu gaoniao laṅashôi.

Jishuni thôinai

28 Bini unao, gashôibô jajôbkhabai hônnanôi, Jishua mithibla, gôthar lirnaia jajôbnai badi, biô hônashôi: "Aṅha gaṅdôṅô." 29 Biao gôkhôi drakha bidôi buṅjashe goṅshe dô doṅ môn. Obla bishôrô gôkhôi drakha bidôi buṅjashe bidôi shôbkhaṅgrakhôu eshobao thunanôi bini khôugayao hôashôi. 30 Jishua gôkhôi drakha bidôikhôu labla, biô hônashôi: "Jajôbbai." Arô khorokhôu goṅnanôi biô jiu horashôi. 31 Bini khainô tham thim khalamnaini shan janai khai jirainai shanao môdômphra khrushao thayôi badi, — manôna bi shana gedert môn— , Judaiariphra Philathniao khaolaiashôi, bishôrni athiṅphra shiphaijananôi laṅjathôṅ hônnanôi. 32 Obla daoha naṅgraphra thaṅnanôi bijôṅ khrushao dôkthapphajanai shigaṅni gubunnibô athiṅphôrkhôu shiphaiashôi. 33 Bobekhani bishôrô Jishuniao thaṅnanôi, bikhôu thôikhanai nubla, bishôrô bini atiuṅphôrkhôu shiphaiakhôishôi, 34 bobekhani daoha naṅgraphôrni shashea bini ohebao joṅjôṅ shuashôi, arô thabnô thôi arô dôi oṅkharashôi. 35 Arô bikhôu nugraya shakhi hôbai — arô bini shakhi hônaia noṅgôu, arô biô noṅgôukhôu buṅô hônnanôi— nôṅshôrbô phôthainai badi. 36 Manôna bephôrô jayashôi, gôthar lirnaia japhuṅnai badi: "Bini begeṅ gonshebô shiphaijanai noṅa." 37 Arô arbao gôthar lirnaia gubunao hônô: "Bishôrô gaoshôrjôn shuphloṅjanaini thiṅôi naigôn."

Jishukhôu phobnai

38 Arimathaini Josheba Judaiariphôrkhôu ginai khai shrôthôi' Jishuni shôlôṅgra môn, biô bephôrni unao Jishuni môdômkhôu laṅnô thakhôi Philathniao khaolaiashôi. Arô Philatha laṅnô hôashôi'. Bini khainô biô thaṅnanôi bini môdômkhôu laṅashôi. 39 Bobekhani shiganao biniao horao thaṅnai Nikhodemabô thaṅnanôi gondoroshjôṅ ugurujôṅ golaijanai sher khaoba shô' laṅphayashôi. 40 Obla bishôrô Jishuni môdômkhôu laṅnanôi Judaiariphôrni phobnaini huda badi bikhôu phashra hijôṅ môdômgraphôrôi' phanphobashôi. 41 Jishu khrushao dôkthabjanai jaigayao goṅshe bagan doṅ môn, arô bi baganao khorshe gôdan gôthôi hakhor doṅ môn, biao raobô phuthujayakhôi môn. 42 Bini khainô bishôrô Judaiariphôrni tham thim khalamnaini shan janai khai, Jishukhôu biao phuthuashôi, manôna gôthôi hakhora khathi môn.

20

Jishuni shikhaṅphinnai

1 Hapthani shansheniao Magdalani Mariama nokha naishi naishi, khômshi doṅ mônaonô gôthôi hakhorao thaṅnanôi onthaikhôu gôthôi hakhorniphrai narkhanai nuashôi. 2 Obla biô kharnanôi Shimon Phethor arô Jishu onnai gubun shôlôṅgraniao thaṅnanôi bishôrkhôu hônashôi: "Bishôrô Phôrbukhôu gôthôi hakhorniphrai laṅbai, arô bishôrô bikhôu bobeao 3 dônbai hônnanôi, jôṅô mithia." 3 Obla Phethor arô gubun shôlôṅgraya oṅkharlaṅnanôi gôthôi hakhorao thaṅashôi. 4 Bi shanôia lôgôsheôinô kharlaṅashôi, bobekhani gubun shôlôṅgraya Phethorni khurôi gôkhrôishin khargrôlaṅnanôi gôthôi hakhorao shohôigrôashôi, 5 arô naikhoṅkhrenanôi biô phashra hiphôrkhôu dônjanai nuashôi, bobekhani biô habakhôishôi. 6-7 Obla Shimon Phethora bini un un thaṅnanôi shohôiashôi, arô biô gôthôi hakhorao habashôi. Biaonô biô phashra hiphôrkhôu dônjanai arô bini khoroni shayao thanai phalikhôu phashra hiphôrjôṅ lôgôshe dônjayôi, bobekhani gubunôi' dabsheao thonjanai nuashôi. 8 Oblanô gôthôi hakhorao shohôigrônai gubun shôlôṅgrayabô habashôi, arô nunanôi biô phôthaiashôi. 9 Manôna bishôrô oblabô gôthar lirnaikhôu mithithoakhôi môn, biô gôthôiphôrniphrai shikhaṅphinnô naṅgôu hônnanôi. 10 Obla shôlôṅgraphra gao gaoniao thaṅphinashôi.

Magdaiani Mariamjôṅ Jishuni nujanai

11 Bobekhani Mariama gôthôi hakhorni baherao gabôi' gabôi' goshoṅbai thayashôi. 12 Obla biô gapphunaiao gôthôi hakhorao naikhoṅkhrenanôi shanôi arphophôrkhôu guphurt hiphôrôi' Jishuni môdômkhôu phuthunaini khoro shayao shashekhôu arô aphaṅao shashekhôu jonai nuashôi. 13 Bishôrô bikhôu hônashôi: "Ô ai, nôṅ manô gabdôṅ?" Biô bishôrkhôu hônashôi: "Manshiphra aṅni Phôrbukhôu laṅbai, arô bishôrô bikhôu bôuha dônbai hônnanôi, aṅô nutnia." 14 Bephôrkhôu buṅnanôi biô un thiṅôi gidiṅnanôi Jishukhôu goshoṅbai thanai nuashôi, bobekhani biô Jishu hônnanôi, biô mithiakhôishôi. 15 Jishua bikhôu hônashôi: "Ô ai, nôṅ manô gabdôṅ, nôṅô shôrkhôu naigirô?" Biô bikhôu baganni mali noṅnanôi bikhôu hônashôi: "Ô apha, nôṅô bikhôu laṅdôṅbla, nôṅô bikhôu bôuha dôndôṅ hônnanôi, aṅnô'. khôtha, obla aṅô bikhôu laṅgôn." 16 Jishua bikhôu hônashôi: "Ô Mariana." Biô gidiṅnanôi Ebraini raojôṅ bikhôu hônashôi: "Rabbuni" — biô ô guru hônjayô.— 17 Jishua bikhôu hônashôi: "Aṅkhôu dadaṅ, manôna aṅ dabô Aphaniao gakhôakhôi. Bobekhani aṅni phoṅbaiphôrniao thaṅnanôi bishôrkhôu hônhôi: Anô aṅni Aphaniao arô nôṅshôrni Nômphaniao, aṅni Ishômiao arô nôṅshôrni Ishômiao gôkhônôshôi." 18 Magdalani Mariama shôlôṅgraphôrniao thaṅnanôi khôthayashôi: "Aṅô Phôrbukhôu nubai", arô biô binô' biphôrkhôu hônbai hônnanôi.

Thônhorjanaiphôrjôṅ Jishuni nujanai

19 Bi shanao hapthani shansheniao, mônabili jabla, arô shôlôṅgrapnra thanaiao, dorphra Judaiariphôrkhôu ginai khai phaṅthejabla, Jishua phôinanôi gejerao goshoṅnanôi bishôrkhôu hônashôi: "Nôṅshôrha gôjônnai jathôṅ!" 20 Arô bikhôu buṅnanôi biô gaoni akhaiphôrkhôu ohebkhôubô bishôrnô' dinthiashôi. 21 Obla shôlôṅgraphra Phôrbukhôu nunanôi roṅjayashôi. Obla Jishua bishôrkhôu hônbaoashôi: "Nôṅshôrha gôjônnai jathôṅ! Aphaya aṅkhôu thônhora' môn badi, aṅbô nôṅshôrkhôu thônhorô." 22 Arô bikhôu buṅnanôi biô shuphuṅnanôi bishôrkhôu hônashôi: "Nônshôrô Gôthar Jiukhôu najaodô! 23 Nônshôrô shôrba shôrbani phapphôrkhôu nagarbla, bishôrnô' nagarjabai. Nônshôrô shôrba shôrbanikhôu hompthabla, bephôrô hompthajabai."

Thomashni thakhôi

24 Bobekhani Jishua phôibla, khaoshe shanôini shashe, jaoja hônjanai Thomasha bishôrjôṅ lôgôao gôia môn. 25 Bini khainô gubun shôlôṅgraphra bikhôu hônashôi: Jôṅô Phôrbukhôu nubai." Bobekhani biô bishôrkhôu hônashôi: "Aṅ bini akhaiphôrao gajôlphôrni haṅkhôkhôu nuabla arô aṅni ashikhôu gajôlphôrni guduṅao shôabla arô aṅni akhaikhôu bini ohebao shôabla, aṅô phôthaithamai noṅa." 26 Shandaṅni unao bini shôlôṅgraphra arbao no shinao doṅ môn, arô Thomasha bishôrjôṅ lôgôshe môn. Dorphra phaṅthejabla, Jishua phôinanôi bishôrni gejerao goshoṅnanôi hônashôi: Nôṅshôrha gôjônnai jathôṅ!" 27 Biniphrai biô Thomashkhôu hônashôi: "Nôṅni ashikhôu ôjôṅphôlaohort, arô aṅniakhaiphôrkhôu nai, arô nôṅni akhai phôlaohornanôi aṅni ohebao shôdô, arô nôṅô phôthaiôidaja bobekhani phôthaigra ja!" 28 Thomasha buṅphinnanôi bikhôu hônashôi: "Ô aṅni Phôrbu arô aṅni Ishôr!" 29 Jishua bikhôu hônashôi: "Aṅkhôu nunai khai shô' nôṅô phôthaibai. Nualabanô phôthaigraphranô bor hôjagra!"

Johona mani thakhôi lirbai

30 Jishua be bijabao lirjayôi gôbaṅ gubun haṅkhôphôrkhôubô 31 shôlôṅgraphôrni shiganao maodôṅ môn. 31 Bobekhani biphôrô, lirjabai, nônshôrô pbôthainai badi, Jishua Khristho, Ishôrni Bisha hôua hônnanôi, arô nônshôrô phôthainanôi bini muṅôi gôthankhôu mônnai badi.

21

Shashni shôlôngraphôrjôn Jishuni nujanai

1 Bephôrni unao Jishua Tluberiashni shagôr jiṅao, gaoni shôlôṅgraphôrjôṅ gaokhôu arbao nujahôashôi: 2 Bobekhani biô gaokhôu bebadinô nujahôashôi: Shimon Phethor, jaoja hônjanai Thomash, Galini Khanani Nathanael, Shebedaini bishajlaphôr arô bini: shôlôṅgraphôrni gubun shanôi lôgôsheôinô doṅ môn. 3 Shimon Phethora bishôrkhôu hônashôi: "Aṅ na homnô thaṅnôshôi." Bishôrô bikhôu hônashôi: "Jôṅbô nôṅjôṅ thaṅphanôshôi." Bishôrô oṅkharlaṅṅanôi naoao gakhôashôi, arô bi borao bishôrô ishebô mônakhôishôi. 4 Phuṅjani jakhabla, Jishua dôi jiṅao goshoṅashôi. Bobekhani shôlôṅgraphra mithiakhôishôi, biô Jishu hônnanôi. 5 Obla Jishua bishôrkhôu hônashôi: "Ô bishôphôr, nôṅshôrha ishe jadernai doṅ?" Bishôrô bikhôu buṅphinashôi: "Gôia." 6 Biô bishôrkhôu hônashôi: "Jekhôu naoni agda thiṅôi shardô, obla nônshôrô môngôn." Obla bishôrô sharashôi, arô naphôrni gôushe janai khai bishôrô bikhôu bôkhôbaonô hayakhôiashôi. 7 Obla Jishu onnai bi shôlôṅgraya Phethorkhôu hônashôi: "Benô Phôrbuanô." Shimon Phethora' khônabla, biô Phôrbu hônnanôi, biô hikhôu janjiao khananôi dôiao barshômashôi, manôna biô loṅthoṅ phathoṅ môn. 8 Gubun shôlôṅgraphra jekhôu naphôrôi' bôyôi' bôyôi' naojôṅ thaṅashôi, manôna bishôrô haguṅniphrai gôjan noṅa môn mu jôunôi shô' lo. 9 Bishôrô haguṅao gakhôbla, bishôrô haṅgarni ort arô bini shayao nakhôu dônjanai arô shithaokhôu nuashôi. 10 Jishua bishôrkhôu hônashôi: "Nôṅshôr da homnai naphôrniphrai labô!" 11 Shimon Phethora gakhônanôi jekhôu jôushe khaoba matham gedert naphôrjôṅ buṅjasheyôi' haguṅao bôkhôashôi. 12 Arô eshebaṅ jablabô, jea jiakhôishôi. Jishua bishôrkhôu hônashôi: "Nônshôrô phôinanôi japhôi!" Shôlôṅgraphôrni raobô biniao shôṅnô gôhô khalaiakhôishôi: "Nôṅô shôr?" Manôna bishôrô mithiashôi, biô Phôrbu hônnanôi. 13 Jishua thaṅnanôi shithaokhôu lananôi bishôrnô' hôashôi, nakhôubô bebadinô. 14 Jishua gôthôiphôrniphrai shikhaṅphinnaini unao shôlôngraphôrjôn be nujanaia khonthamni jakhabai.

Phethorkhôu phoshoṅphinnai

15 Bishôrô jakhaṅbla, Jishua Shimon Phethorkhôu hônashôi: "Ô Johonni bishajla Shimon, nôṅô aṅkhôu bishôrni khurôi onshinô?" Biô bikhôu hônashôi: "Ôu, Phôrbu, nôṅô mithigôu, anô nôṅkhôu hamjayô hônnanôi." Biô bikhôu hônashôi: "Aṅni menda bishaphôrkhôu gumdô!" 16 Biô bikhôu khonnôiniao hônbaoashôi: "Ô Johonni bishajla Shimon, nôṅô aṅkhôu onô?" Biô hônashôi: "Ôu, Phôrbu, nôṅô mithigôu, aṅô nôṅkhôu hamjayô hônnanôi." Biô bikhôu hônashôi: "Aṅni mendaphôrni thakhôi laokhar jadô!" 17 Biô bikhôu khonthamniao hônashôi: "Ô Johonni bishajla Shimon, nôṅô aṅkhôu hamjayô?" Nôṅô aṅkhôu hamjayô hônnanôi, biô khonthamniao bikhôu hônnai khai, Phethorha bikha khamashôi. Arô'biô bikhôu hônashôi: "Ô Phôrbu, nôṅô gashôikhôubô mithigôu, nôṅô mithigôu, aṅô nôṅkhôu hamjayô hônnanôi." 18 Jishua bikhôu hônashôi: "Aṅni mendaphôrkhôu gumdô!" Noṅthargôu, noṅthargôu aṅ nôṅkhôu hônô: "Nôṅô sheṅgrashin jabla, nôṅô gaokhôu janji khananôi nôṅ gôshô janaiaonô thabainai môn. Bobekhani nôṅô bôraibla, nôṅô nôṅni akhaiphôr phôlaogôn, arô gubun shashe nôṅkhôu janji khananôi nôṅ gôshô jayôiaonô nôṅkhôu laṅgôn." 19 Biô bobe thôinaijôṅ Ishôrkhôu shomaihôgôn hônnanôi, dinthinô thakhôi biô bikhôu hônashôi. Arô bikhôu buṅnanôi biô Phethorkhôu hônashôi: "Aṅni un un phôi!"

Johonni thakhôi

20 Phethora gidiṅnanôi Jishu onnai shôlôṅgrakhôu un un phôinai nuashôi. Biô mônabilini boshao bini bikhayao shônarnanôi hôndôṅ môn: "Ô Phôrbu, nôṅkhôu gothaigraya shôr?" 21 Phethora bikhôunô nubla, biô Jishukhôu hônashôi: "Ô Phôrbu, biha mabôrôi jagôn?" 22 Jishua bikhôu hônashôi: "Aṅ phôiagôu mani, biô thathôṅ hônnanôi, aṅô gôshô jabla, nôṅha ma? Nôṅô aṅni un un phôi!" 23 Bini khainô be bathraya bida phoṅbaiphôrni gejerao arao jayashôi, bi shôlôṅgraya thôinai noṅa hônnanôi. Bobekhani "biô thôinai noṅa hônnanôi," Jishua buṅakhôi, bobekhani "An phôiagôu mani, biô thathôṅ hônnanôi, anô gôshô jabla, nôṅha ma?"

Jôbnai bathra

24 Binô bephôrni thakhôi shakhi hôgra arô bephôrkhôu liigra shôlôṅgraya, arô jôṅô mithigôu, bini shakhi hônaia noṅgôu hônnanôi. 25 Bobekhani Jishu maonai gubun bimainô doṅbaoô, biphôrô mônphrômbô lirjabla, aṅô shanô, lirjagôn bijapphôrni thakhôi shoṅsharaobo jaiga janai noṅa môn hônnanôi.