Subung Maharini Basaigiri

Isvra songsarao mvntrvrnbv mungakou jervi dadvng, bebadinv mansikoubv dadvng. Antai biv mansikou gaoni mohor-mvkangkou badinv dadvng, ar fitimikou sason kalamnv bvlv hvdvng.
Gvgah janaia mansikou Isvrni jenga sikanghvbai. Gaoni fara-forusifvrni sayao mugvihvbai. Onnai, niai ar santikou baogarhvbai; nindinai, nasoinai ar hvsvnaia songsarkou sason kalambai.
Be songsarao Isvra fvidvng mvn. Biv mansi mohorvi fvidvng mvn. Be mansia Betlehem mungkojanai nvgvrao jvnvm lafvidvng mvn, nini jvnvma da hajarnvi bvsvr janvsvi. Manvna be gvglvinai songsarao biv Isvrni onjima gviyi onnaini koborkou labvdvng mvn, biv BATRAbv bungjadvng mvn.

Jisuni Jvnvm

Be batraya Jisuanv mvn. Biv jvnvm jananvi naodrayao futujadvng. Mansifra nam lirjanv esebang jo jafvidvng. Jisuni bima-bifa Joseph ar Miriama mvsou goliaosv tanangdvng. Mariama gaoni bicajla gibia jvnvm jasigvn hvnnanvi borsa kalamdvng, ar be horaonv Jisua jvnvm ladvng. Bini bicajlaya mansifvrkou fapnifrai basaigvn hvnnanvi Mariama raitijakadvng mvn. Nongtaryi jaigayaonv be ese mohan gotonaya jabai! Svmv nangtao taovi menda laokarfvrnv arfofra be koborkou hvdvng.
Betlehem katiao menda laokarfra horao gaosvrni mendafvrkou nebai tadvng mvn. Be somaonv sase arfoa bisvrjvng tapnv nuja fvidvng ar Fvrbuni mohimaya bisvrni sarigiding jvngfopdvng, bikou nunanvi bisvrv gikrong-dvng; antai arfoa bisvrkou hvndvng, "Dagi, angv nvng-svrnv geder rongjanaini gaham koborsv labvdvng, be rongjanaia gasvi mansimanini lagvi jagvn. Dinvi nvngsvrni Basaigiria Dabidni nvgvrao jvnvm jabai biv Kristo Fvrbu. Nvngsvrni lagvi fvrmana benv: sase gotokou hisrijvng fanfopnanvi naodrayao futunai nuhvigvn." Be somao nua nuslaba svrgvni daoha nanggrafvrni hanjaya bi arfofvrjvng lvgv lafvinanvi Isvrkou baknainanvi be badi rvjapdvng: "Svrgoao Isvra Mohima gvnang jatvng, ar firtimiaobv bikou hamjanai mansifvrha santi jatvng."
Jebla arfofra bisvrnifrai tahngfinv, obla laokarfra gaojvng gao hvnjlaidvng, "Tu, jvngv Betlehemao tahngni, ar Fvrbua jekou jvngnv raitibai, bekou naihvini!"
Bisvrv haku-daku tahngnanvi Mariam, Joseph ar naodrayao futunanvi dvnnai gotokou naigirnanvi mvnhvibai. Laokarfra jebla gotokou nuhviv, obla gotoni batra arfoni kvtanai manikounv bisvrnv raitidvng. Laokarfvrni raitinai batrakou kvnanai safrvmbv svmv nangdvng, Antai Mariama be gasvi kvtanai batrafvrkou gvsvao ladvng, ar gvtouvi sanbai tadvng. Arv laokarfra arfoni gaosornv raitinai badi gasvikoubv nunv ar kvnanv mvnnaikai Isvrkou baknaivi baknaivi tahngfindvng.

Jisua Basaigiri

Jebla Jisua gaoni habakou maojenv, obla bini bvisva tamji bvsvr jabai mvn. Isvra jvngni raja ar bigba hvnnanvi biv fvrvngdvng mvn, ar Jisua niai ar onnai, Isvrni be sasonkou fosongfinnv fvidvng. Be somao Israelfra fordesi Rome-ni sasonni singao dong mvn. Gaoni maharini dvidengirifvr dourifvr ar hadanggirifra gaosvrkou dhvni ar blvgra kalamnv niaikou inaiao, nonggoukou svlvinaiao svlaislaidvng mvn.
Jisua Nasaret-ao tahngfindvng, bi nvgvraonv biv derdvng mvn. Beao biv gaoni huda badi Sabbatni dinao gvtar Sastvr forainv takvi kulumgra noao gasongbai, ar binv' Jesaia nabini bijapkou hvbai. Biv Sastvrni bitonkou jebla bekeov, obla biv be lirnaikou mvnbai:
"Fvrbuni Jiua angniao dong, haoriafvrnv gaham koborkou kvtanv biv angkou obiosek kalamdvng. Bondiao tanaifvrni sokojanai ar kanafvrkou nuhvnaini batra kvtanv biv angkou tvnhorbai. Jaifra nasoijadvng, bisvrkou gohvnv ar Fvrbua gaoni raiotfvrkou basaigvn soma sofvibai, bekou mitihvnv biv angkou tvnhorbai."

Kristoniao Isvrni Onnai

Bisvrkou svr dosi kalamgvn? Jaia tvibai ar tvinainifrai tangkang finbai, biv be Kristo, Jisu Kristoanv nonga kvma? Da biv Isvrni agda ting dong, binv jvngni takvi Isvrniao kaolaigvn. Obla jvngkou svr Kristoni onnainifrai gvjan kalamnv hagou? Svinangnaia eba gvbrap janaia eba hvsvjanaia eba ukvinaia eba hi-jum gviyi janaia eba nidana eba tvinaia hagvn kvma?
Vhv, be nonga, befvr gasviabv, jaia jvngkou onv, bini hefajapjvng jvngv derhatarbai! Nongtargouvi angv fvtaiv, bini onnainifrai munga mungseabv jvngkou gvjan kalamnv hatarnai nonga; tvinai eba tangnaiabv ar arfofvr eba nokrangni sasongirifvr, eba bvlvfrabv hatarnai nonga; dani bvtvr nongabla unni bvtvrfrabv hataranai nonga; songsarao jvngni gvjouao tanai nongabla gvtouao tanaiabv Kristoni doyanifrai bvkanv hatarnai nonga. Jvngni Fvrbu Kristo Jisijvng Isvrnfrai jvngniao sfvinai doyanifrai jvngkou svrjinaifvrni mungseabv gvjan kalmanv hatarnai nonga.
Isvra mansi maharikou esegrap onbai, bikou jaia fvtaigvn, biv nvstv janai nonga, antai jvpnai gviyi gvtangkou mvngvn. Manvna Isvra gaoni Bicajlakou songsarao mansikou bisar kalamnv tvnhorakvi, natai gaoni Bicajlajvng mansifra fapnifrai basaijatvng hvnnanvisv tvnhordvng.