Bodo, Boro Gospel of John JOHAN Gotangni batra /1 Songsarkou sorjinaini sigang batraya dongkayo: be Batraya Isorjongmon, aro bino Isor mon. 2 Jagaijennainifrai bi batraya Isorjong logose mon. 3 Bi batrajongno Isora gasoikoubo sorjidong; bikou nagarnanoi Isora munga mungsekoubo sorjiakoi. 4 Bi batrayaono gotanga dong mon, aro bi gotangano mansi harino srang hobai. 5 Bi sranga komsiao jongdongo, aro komsia bikou jeblaibo komorno hayakoi. 6 Isora Johon mungni sase mansikou tonhordong, 7 aro bini sakki honaikou gasoibo konananoi fotainai badi, bio srangni batra mansiforno kotano foidong mon. 8 Bio gaono srang nonga mon. Bio srangni batra kotanoso foidong mon. 9 Aro nongtargou sranga songsarao mansi harino srangkou nujahono foidong mon. 10 Batraya songsarao dong mon, bijongno Isora songsarkou sorjidong monblabo, songsara bikou sinaiakoi mon. 11 Bio gaoni hadorao foidong, natai gaoni Judai folemi mansifrano bikou najaoakoi. 12 Oblabo kaisea fotainanoi bikou najaodong; aro jaifra bikou fotaidong, bisor safromnobo. bio Isorni bica jano ektiar hodong. 13 Bisoro thoijong nonga, modomjongbo nonga, aro mansini gosojongbo nonga, natai Isorjong sarijabai. 14 Batraya mansi mohoroi sarijabai, aro bio doya aro nonggoujong sofungjananoi jongni gejerao kamibai. Bio Bifani sase lo Bicajla, Bifani somo gonang mohimakou Jongo biniao nubai. 15 Johona bini batrakouno bungdong mon. Aro gapjrioi gapjrioi bebadi sakki hodong mon: "Jaini batra ango bungdong mon, be mansia beno, 'bio angni unao foigon, aro bio angnikuroi dersin, manona ang sarijanaini sigangno bio dongkayo mon.'" 16 Gaoni bungfaonai doyajong bio jongkou onbai, aro jong binifrai bangsinni sayao bangsin doyakou monbai. 17 Isora Mosejong Ayenkou hodong, natai doya aro nonggoua Jisu Kristojong foidong. 18 Bifa Isorkou raobo nuferakoi. Bifajong onsojanai, Bini sase lo Bicajla, jaia gaono Isorka, biso bikou mitihobai. Johon Baptismani sakki honai 19 Judaiari ektiar gonang mansifra sanoiso dourifor aro Lebiariforkou Johonniao tonhornanoi bebadi songhobai, "Nongo sor jako?" 20 Johona srayoi "Ango Kristo nonga" honnanoi siman ladong. 21 Bisoro songfinbai, obla nong sor jako? Nongo Elija nama? Johona bungfinbai, "Nonga, ango Elija nonga?" Bisoro songbaobai, "Obla nongo nabi nama?" Johona bungfinbai, "Nonga ang nabibo nonga." 22 Bisoro honbai, "De, jongno kota, nong sor? Manona sohgno jongkou tonhornai forno Jongo kotahoifinnanggou. Nongo gaokou sorkou honnanoi layo?" 23 Jesaia nabini be batrakou honnanoi Johona bungfinbai, "Ango maru goran fotarbariao sase gapjribaigra rao: Forbuni takoi lamakou gotong kalam!" 24 Obla Farisaiforjong tonhorjanai mansifra 25 Johonkou honbai, "Nong Kristobo nonga, Elijabo nonga, eba nabibo nonga, obla nong mano baptisma hoyo?" 26 Johona bungfinbai, "Ang doijongso baptisma hoyo, natai nongsorni gejeraono gosongnanoi dong, jaikou nongsoro mitia, 27 bio angni unao foigon, ango bini foitakou dangnono somaia. 28 Jordan doimani sanjaha Betaniayao, jerao Johona baptisma hodong, biao befor gasoi jataifra jadong mon. Songsarni fapkou bangra 29 Noka naioi Johona Jisukou gaoniao foinai nunanoi honbai, "Honoi naihort, Isorni menda Bicaya, bino songsami fapkou bangra! 30 Be mansia bino, jaini batra ango hondong mon, 'Angni unao sase mansi foigou, natai bio angnikuroi dersin; manona bio ang sarijanaini sigangno dongkayo mon.' 31 Angni unao jaia foigon ango bikou mitia mon, natai Israelari forno mitihono takoi ango doijong baptisma hododng mon." 32 Johona bebadi sakki hobai: "Ango Gotar Jiukou sorgonifrai fareo badi ongkarbonanoi biniao tafoinai nudong. 33 Oblabo ango mitiamon, bio sor, natai jaia angkou doijong baptisma hono tonhordong, bi Isorano angno bebadi kotadong, "Gotar Jiukou ongkarbonanoi nongo jaini sayao tafoinai nugon, bino Gotar Jiujong baptisma hograya." 34 Johona honbai, "Ang bekou nubai, aro ang nongsorno kotayo, bino Isorni Bicajlaya." Jisuni gibi selafor 35 Noka naioi Johona gaoni sanoi selaforjong Jordan baroi gosongnanoi dong mon, 36 aro bio Jisukou tabailangnai nunanoi hondong; "Honoi naihort, Isorni menda Bicaya?" 37 Bi sanoi selaya Johonni be bungnaikou konananoi Jisuni un un tahngdong. 3S Aro Jisua untingoi nainanoi bisorkou hondong: "Nongsoro ma naigirdong?" Selafra bungfinbai, "O Rabbi, (Bini ongtia 'Guru') nongo bobao tayo?" 39 Jisua bungfinbai, "Foi, naifoi. Aro bisoro Jisujong tahngfananoi bini tanai jaigakou nuhoidong, aro bi sanao bijong tafadong. Be somao belaseni mugabroiso jabai mon. 40 Jisujong tahngfanai sanoi selafomi sasea Simon Petomi fongbai Andrias mon. 41 Bio gaoni bida Simonkou logo mongronanoi raitibai, "Jongo Mosihokou, be jabai, Kristokou monbai." 42 Aro bio Simonkou Jisuniao langbai. Jisua Simonni tingoi nainanoi honbai, "Nongni munga Simon, nong Johonni Bicajla, natai nongkou Kepas mungkonai jagon. (Bini ongtia Petor, be jabai, "Ontai".) Filip aro Natanelkou lingnai 43 Noka naioi Jisua Galilao tahngno sanbai, aro bio Filipkou logo monnanoi honbai, "Foi, angjong foido." (44 Filip-a Andrias aro Petor kaminai Betsaida nogorni mansi mon.) 45 Filip-a Natanelkou logo monnanoi bebadi kotabai, "Jaini batra Mosea Ayen bijap-ao lirnanoi galangdong, aro nabifrabo lirdoong, be mansikou Jongo monbai. Bio Nasaretni Josepni bicajla Jisu." 46 Natanela songbai, "Nasaretnifrai mabafor mojang ongkamo hagou na?" Filip-a honbai, "Foi, naifoi." 47 Jisua Natanelkou gaoni tingoi foinai nunanoi bini batra hondong; "Nai, be sase nonggou Israelari: biniao soloinai goia!" 48 Natanela Jisuniao songbai, "Nongo maboroi angkou mitiko?" Jisu bungfinbai, "Filip-a nongkou lingbonaini sigang, jebla nongo dumbru bifang singao dong mon, oblano ango nongkou nukadong mon." 49 Natanela bungfinbai, "O Rabbi, nongo Isorni Bicajla! Nongo Israelni Raja!" 50 Jisua honbai, "Ang nongkou dumbru bifang singao nudong honnanoi bungnaikaiso nongo fotaidong? Nongo binikuroi dersinforkouno nugon!" 51 Aro Jisua bisorkou honbai, "Nongtargouoi ango nongsorkou hono: nongsoro sorgokou geonai aro Isorni arfoforkou Mansini Bicajlaniao tahnglai-foilai kalamnai nugon." Kanna nogorao habani bhos /2 Sannoini unao Galilni Kanna nogorao haba kungse jadong mon. Jisuni bimayabo bi habayao dong mon, 2 aro bi habayao Jisu aro bini selaforkoubo hangkraidong mon. 3 Jebla draka bidoia toa jayo, obla Jisukou bimaya hondong, "Bisorha draka bidoia jopbai." 4 Jisua bimakou honbai, "Bini takoi nongha angkou bungnanggou goia, manona angni soma dabo jayakoi." 5 Jisuni bimaya lengforkou honbai, "Nongsoro bini tonnai badi maodo." 6 Bi jaigayao Judaiari dhorom huda badi fotarnai gongdb ontaini mutikifor fojonai dong mon. Beforo gongfayao joufa litreso doi janai mon. 7 Jisua lengforkou honbai, "Be mutikiforkou doijong sofungdo." Tonnai badi bisoro gongfromkoubo rugungsim doi sobai, 8 aro Jisua bisorkou hondong, "Dania binifrai ise lunanoi habani maogra-danggrafomi gahaino hoido." Tonnai badi lengfra maobai. 9 Be doinifrai draka bidoi kalamslainaikou gahaia sakibai. Be draka bidoia bobenifrai jadong, bekou gahaia mitia, natai doi sonai lengfra bekou mitigou. 10 Obla gahaia houa godankou linghomanoi honbai, "Safrombo gorasin draka bidoikou rangroyo, aro gobang longnaini unao guroisinkou rano; natai dabo nongo gorasintar draka bidoikou donbaodong!" 11 Jisua Galilni Kanna nogorao, be somo gonang kamanikou maojennanoi gaoni mohimakou nujahodong; aro bini selafra bikou fotaidong. 12 Bini unao Jisu, bini bima, fongbaifor aro bini selafra Kaparnahumao tahngdong, natai bisoro biao sannoiso lo tadong. Jisu Mondirao tahngnai 13 Judaiariforni Faska Forop-a katisoi mon, binikai Jisua Jerusalemao tahngdong. 14 Aro Jisua Mondir singao mansiforkou mosou, menda aro fareofor fannai aro rang solaigraforkou gaosomi aranggafomi mokangao jobai tanai monhoidong. 15 Bekou nunanoi Jisua monse sabuk banainanoi Mondirnifrai mendafor aro mosouforkou huonjopdong; aro paisa solaigraforni aranggaforkou narklainanoi bisorni paisaforkou gardlananoi hodong. 16 Aro fareo fangraforkou Jisua hondong, "Binifrai befor gasoikou bairayao lang! Angni Afani nokou hataisali daklam!" 17 Bini selafra Sastorao limai be batrakou gosokangbai, "O Isor, nongni noni takoi angni onkangnaia, kamblaonai badijabai." 18 Judaiari ektiar gonang mansifra Jisuniao songbai, "Nongtargouoi beforkou maono. nongha ma ektiar dong? Befor badi maono nongo Isornifrai ektiar mondongbla somo gonang haba maonanoi jongno forman ho." 19 Jisua bungfinbai, "Be Mondirkou nongsoro sifai, ang bikou santamjong luhfingon." 20 Judaiari ektiar gonang mansifra songbai, "Be Mondirkou broiji-do bosorjongso luhkangdong. Bikou nongo santamjongno luhfinno!" 21 Natai Mondir no honnaia Jisua gaoni modomkouso hondong mon. 22 Binikaino Jisua jebla toinanoi tangkangfmo, obla bini selafra Jisua gaoni modomkouso hondongmon honnanoi gosokangdong; aro bisoro Sastorao lirnaikou aro Jisuni bungnaikou fotaidong. Mansiforni fotainaikou Jisua mitinai 23 Faska Foropni somao jebla Jisua Jerusalemao dong mon, obla bini somo gonang kamanifor maonaikou nunanoi gobang mansifrano fotaidong. 24 Natai Jisua bisorkou fotaiakoi, manona bisorni gosokou Jisua mitikagou. 25 Bisorni batra raobo bino kotano nanglaia, manona bisorni gosokou Jisua gaono mitikayo mon. Jisu aro Nikodem /3 Farisaiforni gejerao Nikodem mungni Judaiariforni sase gahai mansi dong mon. 2 Bio horse kali Jisuniao tahngnanoi honhoidong, "O Rabbi, jongo mitigou, nongo Isorjong tonhorjanai sase foronggra, manona Isora logose tayabla nong jeroi somo gonang habafor maodong, bebadi raobo maono haya." 3 Jisua bungfinbai, "Nongtargouoi ango nongkou hono: godanoi sarijayagou mani raobo Isomi Raijokou nunai nonga." 4 Nikodema honbai, "Mansia borainanoi maboroi sarijafinno hagou? Nongtargouoi raobo bimani bicakoao hapfinnanoi sarijafinno haya!" 5 Jisua honbai, "Ango nongno nongtargoukou hono: Doi aro Jiujong sarijafinabla raobo Isorni Raijoao hapno haya. 6 Modomjong sarijanaia modom, Jiujong sarijanaia Jiuano. 7 Ang nongkou hono, nongsoro sarijafintar nanggou, be batrayao somo danang. 8 Bara jeroi goso, oroino barlango; nongo bini sodopkou konayo, natai bio bobenifrai foidong, aro bobao tahngdongo, bekou nongo mitia. Jiujong sarijanai Safrombo bebadino jayo." 9 Nikodema honbai, "Be maboroi jano hagou?" 10 Jisua bungfinbai, "Nong gaono Israelforni sase gedert foronggra jananoibo beforkou mitia?" Da ang nongno raitinaiano nongtargou: jong mitinaikouno jongo bungo; aro jong nunaikouno jongo sakki hoyo; natai jongni sakki honaikou nongsoro najaoa. 12 Songsarni batra ang nongsorno raitinaikou nongsoro fotaia; obla sorgoni batra ang nongsomo raitibla nongsoro maboroi fotaino? 13 Aro jaia sorgonifrai ongkarbodong, be Mansini Bicajlani ongayoi raobo sorgoao tahngakoi." 14-15 Mansini Bicajlakou fotaigra Safrombo jopno goiyi gotangkou monnai badi maru goran fotarao Mosea jeroi fitlaini jiboukou tongfangao dikangdong mon, bebadino bibo dikangjano nangtargou. 16 Manona Isora songsarkou esegrap onbai, bio gaoni sase lo Bicajlakou oroino horbai, bikou jaia fotaigon, bio adri janai nonga, natai jopno goiyi gotangkou mongon. 17 Manona Isora gaoni Bicajlakou songsarao mansikou bisar kalamno tonhorakoi, natai gaoni BicajlaJong mansifra fapnifrai basaijatong honnanoiso tonhordong. 18 Jaia Isorni Bicajlakou fotaigon, bikou Isora bisar kalamnai nonga; natai jaia bikou fotaia, bio bisar kalamjakabai, manona bio Isorni sase lo Bicajlakou fotaiakoi. 19 Be bisara beno: songsarao sranga foibai, natai mansia lagarbo inaikou lo maoo. 20 Jaia inaikiou maoo, bio srangkou mugoio, manona bebadi mansia gaoni inai maonaiforkou gubana nugon honnanoi srangao foia. 21 Natai nonggoukou maograya, gao Isorni goso badi maonaikou nujahono srangao foio. Jisu aro Johon 22 Beforni unao Jisu aro bini selafra Judah hadorao tahngdong, aro biao ise san logose tananoi mansiforkou baptisma hodong. 23 Salim honnai jaigani katini Ainonao Johonabo baptisma hodong mon, manona be jaigayao gobang doi dong mon. Aro mansifra tahngnanoi bijong baptisma hojadong mon. (24 Be somao Johona hajotao jopjatoakoi mon.) 25 Be somao Moseni huda badi fotamaini batra lananoi Johonni selafra sase Judaiarijong badi hojlaidong mon. 26 Aro bisoro Johonniao tahngnanoi tionhoidong: "O Rabbi, jai mansia Jordan Doimani Sanjaha hongjong logose dong mon, jaini batra nongo sakki hodong mon, nai, da be mansia baptisma hodong, aro boibo mansifra biniao tahngdong!" 27 Johona bungfinbai, "Isora hoabla raobo munga mungsebo maono haya. 28 Angni be bungnai batrani takoi nongsor gaosorno sakkifor, 'Ang Mosiho nonga, natai ango bini sigang tonhorjanaiso.' 29 Hinjao godana jaini, bino houa godan; jeroi houa godanni logoa houa godanni raokou konananoi rongjayo, bebadino dinoi anghabo be rongjanaia jafungbai. 30 Bio dersinlang nanggou, natai ango duisinglang nanggou. 31 Jai gojounifrai foidong, bio boinikuroi dersin. Jaia songsarnifrai, bio songsarni, aro bio songsarnikouno bungo; natai jaia sorgonifrai, bio boinibo sayao. 32 Bio gao nunai aro konanaikouno sakki hoyo, oblabo bini sakki honaikou raobo najaoa. 33 Natai bini sakki honaikou jaia najaoo, bio Isoradi nonggou, bekou siman layo. 34 Jaia Isorjong tonhorjadong, bio Isorni batrakou bungo, manona Isora bikou gaoni Jiujong sofungo." 35 Bifaya gaoni Bicajlakou ono, aro gasoi ektiarkou bino' hobai. 36 Jaia Bicajlakou fotaio, bio jopno goiyi gotangkou mono; jaia Bicajlani bosonkou laya, bio gotangkou montarnai nonga, natai Isorni sajaia bisomi sayao taflaigon. Jisu aro Samaria hinjao /4 Johonnikuroi Jisua bangsin selafor mondong, aro baptisma hodong honnanoi Farisaifra konadong. (2 Nongtargouoi Jisua gao sasebo baptisma hoakoi; selafraso baptisma hodong.) 3 Binikaino Jisua bekou konananoi Judahnifrai Galilao tahngfindong; 4 Galilao bio Samaria hadort gejer gejer tahngno gonang jadong mon. 5 Jisua Samariayao, Jakoba gaoni bicajla Josepno honai hu katini Sukar nogorao tahngdong. 6 Jakobni doikora biao dong mon. Jisua tabaioi tabaioi mengnaikai be doikorni serao jiraihoidong. Be somao sanjufu tir mon. 7 Jebla sase Samaria hinjaoa doi laino tahngdong, obla Jisua be hinjaokou hondong, "Angno doi longno ho." (8 Bini selafra jahnai mungafor baino nogorao tahngdong mon.) 9 Hinjaoa bungfinbai, "Nong Judaiari jananoi ang sase Samaria hinjaoniao maboroi doi longno biko?" (Judaiarifra Samariaforjong jahdet tadet goia.) 10 Jisua bungfinbai, "Isora ma hoyo, aro nongniao doi binaia sor, bekou nongo mitinai monbla, nongo biniao doi bigou mon, aro bio nongno gotang doikou hogou mon." "Hinjaoa honbai, "Nongha doi kaonobo munga goia, aro doikorabo gotou, obla be gotang doikou nong bobenifrai mongon? 12 Nongo Jongni Bifa Jakobnikuroi dersin koma? Bino jongno be doikorkou holangdong. Bini bicajlafor aro bini mosou- mosafra binifraino longnai mon. 13 Jisua bungfinbai, "Be doikorni doikou jaia longgon, biha gangfingon. 14 Natai ang hogon doikou longgraha gangtamai nonga. Be doia biniao gotangni doimu jagon, aro bino jopno goiyi gotangkou hogon." 15 Hinjaoa honbai, "O manao gedert, angno be doikou hodo! Angha gangtaryi badi, eba be doikorao doi langno foinangyi badi!" 16 Obla Jisua honbai, "Tahng, nongni bicaikou biao lingbo." 17 Hinjaoa bungfinbai, "Angha bicai goia." Jisua honbai, "Nongha, bicai goia honnanoi nongo da angno nonggoukouno honbai. 18 Natai nongha saba bicaifor jabai, aro da nong jai houajong dongo, bibo nongni bicai nonga. 19 Hinjaoa honbai, "O manao gedert, ang mitibai, nongo sase nabi. 20 Jongni Samaria folerni ajou- ajoifra be hajoao Isorkou kulumnai mon; natai nongsoro Judaiarifra hono, Jerusalemaoso mansifra Isorkou kulum nanggou." 21 Jisua honbai, "O binanao, angkou fotai, oroi badi som sofoigou; mansifra bi hajoao nongabla Jerusalemaobo Bifakou kulumnai nonga. 22 Aro o Samariafor, nongsoro sorkou kulumo, bekou mititarguboia; natai jong Judaiarifra sorkou kulumo bekou mitigou, manona basaijanaia Judaiarifomifraino foigon. 23 Natai bi soma sofoigou, aro dano sofoikabai, jebla nonggou kulumgrafra Isorni Jiuni bolojong aro nongtargouoi Bifakou kulumgon; manona Bifaya bebadi kulumnaikouno naigiro. 24 Isora Jiu, aro bikou kulumgrafra Jiujong aro nonggoujong kulumno nanggou. 25 Hinjaoa bikou bungfinbai, "Ango mitigou, Mosihoa, be jabai, Kristoa foigou, aro bio jebla foio, Obla gasoikoubo jongno kotagon." 26 Jisua bungfinbai, "Jaia nongjong raijlaidong, ang bino." 27 Be mugayao Jisuni selafra foifinnanoi sase hinjaojong. Jisukou raijiainai nufoinanoi somo nangdong. Natai raobo honakoisoi, "Nongo ma naigirdong?" eba "Nongo be hinjaojong ma raijlaidong?" 28 Obla be hinjaoa doihukou galangnanoi nogorao tahngdong, aro mansiforkou hondong, 29 "Foi, bi mansikou naifoi, jaiji angni maonaimanikou angno kotafungdong! Bino Mosiho koma?" 30 Mansifra nogornifrai ongkarnanoi Jisuniao, tahngno hombai. 31 Bi somao selafra Jisukou kaolaidong, "O Rabbi, jahdo!" 32 Natai Jisua bugfinbai, "Nongsor mitiyi jahnai munga angha dong." 33 Obla selafra gaojong gao songjlaidong: "Ma, sorba biniao jahnai mungafor labonanoi hofoibai nama?" 34 Jisua bisorkou honbai, "Jaia angkou tonhordong, bini bosonkou maninai aro bini kamanikou maofungnaiano angni jahnai. 35 Nongsoro bunga koma, 'Hanai botor sofoino nokafor danbroi dongbaoo.' Natai ang nongsorkou hono, dubliao naihort; abatfra monbai aro hano hamkabai. 36 Hagraya gaoni mannanggoukou mono; aro jopno goiyi gotangni takoi abatkou butumo; fogra aro hagraya logoseoi rongjayo. 37 Be batraya nongtargou: 'Sasea foyo, aro gubuna hayo.' 38 Jerao nongsoro abat maoakoi, biao ango nongsorkou hano tonhoro; gubuna maokrupdong, aro bisorni maonai abatkou nongsoro hano mondong." 39 "Ang maonaikou bi mansia kotafungdong" honnanoi hinjaoni sakki honaikou Samaria nogorni mansifra konananoi gobangano Jisukou fotaidong. 40 Binikaino Samariafra jebla biniao foidong, obla bikou gaosorjong tafano kaolaidong; aro Jisua bisorjong logose sannoi tadong. 41 Hinjaoni sakki honaiao jesebang mansifra fotaidong mon, binikuroi bangsin mansifra Jisuni bungnaiao fotaidong; 42 aro bisoro hinjaokou hondong, "Jong nongni sakki honaini takoi lo fotaidong, be nonga, dano jongo gao gaono konabai, aro mitibai, nongtargouoino bio songsami Basaigiriano. Sase hadanggorani bicajlakou sokanai 43 Biao Sannoi tananoi Jisua Samarianifrai Galilao tahngdong; 44 manona bio bebadi hondong mon, "Gaoni hadorao nabia man mona." 45 Galilni mansifra Faska Foropni takoi Jerusalemao tahngdong mon, aro foropni somao Jisuni maonai manikou nunanoi Galiini mansifra Jisukou najaodong. 46 Binifrai Jisua Galilni Kanna nogorao tahngfindong; bi jaigayaono bio doikou draka bidoi kalamdong mon. Aro Galiini kapamahumao sase hadanggora dong mon, bini bicajlaya jobra mon. 47 Jebla bi hadanggoraya Jisukou Judah hadomifrai Galilao sofoibai honnanoi konayo, obla bio Kapamahumao gaoniao foinanoi gaoni bicajlakou mojang kalamno takoi Jisukou kaolaidong. Be somao bini bicajlaya toinai badi jakabai mon. 48 Jisua honbai, "Somo gonang hangko aro gomotao habafor maonai nuabla, nongsomi saseabo fotaitamai nonga." 49 Hadanggoraya bungfindong, "O guru, angni bicajlaya toiyi sayaono nongo foido!" 50 Jisua honbai, "Tahng, nongni nongcajlaya tanggon." Hadanggoraya Jisuni bungnaikou fotainanoi tahngfinbai. 51 Noao tahngfinnai somao lamayao bini lengfra logo homnanoi bino kotabai, "Nongcajlaya hambai!" 52 Hadanggoraya lengforniao songbai, bobe muganifrai gotoa hamjenko? Lengfra bungfinbai, "Moia belaseni mugaseao bini lomjanaia kardong." 53 Obla bifaya gosokangdong, Jisua be mugayaono bikou hondong mon, "Nongni nongcajlaya hamsigon." Aro bio gaono aro bini nokomi boibo Jisukou fotaidong. 54 Beno Judah hadornifrai Galilao foinanoi Jisuni noitini Somo gonang haba maonai. /5
