Chin: Haka /1 NAKAH KHAMH NA SI AWK A HERH Kannih nih, sualnak kan ngei lo, kan ti ahcun kanmah le kanmah kan i hlen a si i kan chungah biatak a um lo. 1 Johan 1:8 Sualnak man cu thihnak a si. Rom 6:23 Kan dihiak in Pathian hmai ah biaceih awk ah kan chuak cio kolai. Zeicahtiah Ca Thiang nih, Ka nun bangin, mi vialte nih ka hmai ah an khuk an i bil lai i mi vialte nih keimah cu Pathian a si an ka ti lai, tiah Bawipa nih a ti, a ti bang khan a si lai. Cucaah kan dihiak hin Pathian hmai ah kan kong kan i chim cio a herh lai. Rom 14:10-12 Fapa a zum mi paoh cu zungzal nunnak an ngei, Fapa nawl a ngai lo mi paoh cu nunnak an ngei bal lai lo i Pathian thinhunnak cu an cungah a um zungzal ko lai. Johan 3:36 Sihmanhselaw Pathian thinhunnak cu vancung in a rung lang i minung sualnak le thatlonak dihlak cungah khan a rung tlung. Rom 1:18 /2 NAKAH NANGMAH LILA NAA KHAMH KHO LO Minung hi Pathian he an i remnak cu Jesuh Kri an zumhnak thawng lawnglawng in a si i Nawlbia nih tuah u, a ti mi tuahnak thawngin a si bal lo. Minung le Pathian i remnak cu Nawlbia thawngin a si ahcun Kri cu pakpalawng ah a thi ti nak a si hnga. Galati 2:16,21 Pathian nih cun zeitluk in dah a kan dawt kha hi ti hin a langh ter: kannih cu misual kan si ko rih lio ah hin Kri cu kan caah a thi. Rom 5:8 Jesuh nih cun: Lam cu keimah hi ka si; keimah min sin in ti dah lo cun ahohmanh Pa sin an phan kho lo, tiah a ti hna. Johan 14:6 Amah thawng lawnglawng in khamhnak hi hmuh khawh a si. Zeicahtiah vawlei cung dihlak ah hin kannih khamhnak caah Pathian nih min a pek mi midang ahohmanh an um lo. Lamkaitu 4:12 Nannih cu vel an ngeih hna caah an khamh hna i khamhnak nan hmuh cu amah nan i bochan caah a si. Khamhnak nan hmuh mi cu nanmah tuah mi a si lo, Pathian laksawng a si. Efesa 2:8-9 /3 NAKAH NANGMAH KHAMHNAK CAAH PATHIAN NIH MAN APEK Pathian nih vawlei hi a dawt hringhran caah a Fapa ngeihchunte kha a pek, cucaah amah a zum mi paoh cu an thi lai lo, zungzal nunnak an ngei lai. Zeicah ti ahcun Pathian nih a Fapa cu vawlei cungah hin vawlei Biaceihtu si awk ah a run thlah tung lo, vawlei Khamhtu si awk tu ah khan pei a run thlah cu. Johan 3:16-17 Dawtnak ka ti mi cu, Pathian kan rak dawt hi a si lo, amah nih a kan dawt i kan sualnak ngaihthiamnak ding caah a Fapa kan sinah a run thlah hi a si. 1 Johan 4:10 Kan Khamhtu Pathian dawtnak le zangfahnak cu vawlei cungah a hung langh tikah, thil tha kan tuah mi ruangah si hin lo in amah nih a kan zangfah ca lawnglawng ah kannih cu a kan khamh i cu a kan khamhnak cu hrinthannak ti thawng le Thiang Thlarau nih mi thar ter khawhnak a ngeih mi thawnnak thawngin a si. Titas 3:4-5 Kri hrimhrim zong kha nanmah caah a thi i sualnak ruangah khan voi khat ah za lakin a thi; nannih cu Pathian sin i kalpi awk caah khan mi tha cu mi thalo mi hna ruangah a thi. 1 Piter 3:18 Pathian laksawng cu zungzal nunnak a si i cu nunnak cu kan Bawipa Jesuh Kri he aa pehtlai mi nunnak a si. Rom 6:23 /4 NAKAH BAWIPA JESUH NIH A KHAMH KHAWH I A KENG KHAWH Jesuh nih: Biatak kan chimh hna: ka bia a thei i a ka thlahtu kha a zum mi paoh cu zungzal nunnak a ngei. Amah cu biaceihnak a ing lai lo, sihmanhselaw thihnak in nunnak ah a lan cang, tiah a ti. Johan 5:24 Kri thihnak nih kannih cu a kan luat ter, cucu kan sualnak kha ngaihthiam kan si tinak a si. Efesa 1:7 Jesuh cu zungzal in a nung mi a si caah zungzal in tlangbawi a si. Cucaah cun amah thawngin Pathian a fuh mi hna paoh cu a khamh khawh zungzal ko hna; zeicahtiah zungzal in a nun caah Pathian kha a nawl piak khawh zungzal hna. Hebru 7:24-25 Mi zeihmanh hi Kri he an i pehtlaih tikah cun mi thar a si; a nunning hlun kha a lo cang, nunning thar kha aa thawk cang. 2 Korin 5:17 Amah nih tlu lo in an urn ter khotu hna le a hmaika ah soi awk zeihmanh urn lo le lunglawm te in an chuahpi khotu hna cu a si. Judas 24 5/ CUCAAH Na sualnak chungin Pathian sin i merh Pathian nih khuazeika i a um mi minung hmanh, nan nuncan tha lo kha mer tak cang hna u, tiah a ti hna. Lamkaltu 17:30 Nan sualnak cu an hnawhpiak hna nak hnga, i ngaihchih u law Pathian lei ah khan i mer tuah u. Lamkaltu 3:19 Kri chungah hngatchan Bawipa Jesuh kha zum law khamh nan si lai. Lamkaltu 16:31 Jesuh nih: Zum lo in um ti hlah, zum cang ko - keimah hmu lo in a ka zum mi hna caah cun lunglawmh awk a va si dah, tiah a ti. Johan 20:27-29 Fapa a zum mi paoh cu zungzal nunnak an ngei. Johan 3:36 Mi hmai ah Kri kha hmuhsak hna Nan ka in: Jesuh cu Bawipa a si, tiah nan ti i amah cu Pathian nih mithi hna sinin a thawh ter tiah nan lung in nan zumh ahcun khamh nan si lai. Rom 10:9
