Chin: Hakha

Kannih nih, sualnak ngei lo, kan ti ahcun kanmah le kanmah kan i hlen a si i
kan chungah biatak a um lo.
Sualnak man cu thihnak a si.
Kan dihlak in Pathian hmai ah biaceih awk ah kan chuak cio kolai. Zeicahtiah
Ca Thiang nih, Ka nun bangin, mi vialte nih ka hmai ah an khuk an i bil lai i
mi vialte nih keimah cu Pathian a si an ka ti lai, tiah Bawipa nih a ti, a ti
bang khan a si lai. Cucaah kan dihlak hin Pathian hmai ah kan kong kan i chim
cio a herh lai.
Fapa a zum mi paoh cu zungzal nunnak an ngei, Fapa nawl a ngai lo mi paoh cu
nunnak an ngei bal lai lo i Pathian thinhunnak cu an cungah a um zungzal ko
lai.
Sihmanhselaw Pathian thinhunnak cu vancung in a rung lang i minung sualnak le
thatlonak dihlak cungah khan a rung tlung.
Minung hi Pathian he an i remnak cu Jesuh Kri an zumhnak thawng lawnglawng in
a si i Nawlbia nih tuah u, a ti mi tuahnak thawngin a si bal lo. Minung le
Pathian i remnak cu Nawlbia thawngin a si ahcun Kri cu pakpalawng ah a thi ti
nak a si hnga.
Pathian nih cun zeitluk in dah a kan dawt kha hi ti hin a langh ter: kannih cu
misual kan si ko rih lio ah hin Kri cu kan caah a thi.
Jesuh nih cun: Lam cu keimah hi ka si; keimah min sin in ti dah lo cun
ahohmanh Pa sin an phan kho lo, tiah a ti hna.
Amah thawng lawnglawng in khamhnak hi hmuh khawh a si. Zeicahtiah vawlei cung
dihlak ah hin kannih khamhnak caah Pathian nih min a pek mi midang ahohmanh an
um lo.
Nannih cu vel an ngeih hna caah an khamh hna i khamhnak nan hmuh cu amah nan i
bochan caah a si. Khamhnak nan hmuh mi cu nanmah tuah mi a si lo, Pathian
laksawng a si.
Pathian nih vawlei hi a dawt hringhran caah a Fapa ngeihchunte kha a pek,
cucaah amah a zum mi paoh cu an thi lai lo, zungzal nunnak an ngei lai. Zeicah
ti ahcun Pathian nih a Fapa cu vawlei cungah hin vawlei Biaceihtu si awk ah a
run thlah tung lo, vawlei Khamhtu si awk tu ah khan pei a run thlah cu.
Dawtnak ka ti mi cu, Pathian kan rak dawt hi a si lo, amah nih a kan dawt i
kan sualnak ngaihthiamnak ding caah a Fapa kan sinah a run thlah hi a si.
Kan Khamhtu Pathian dawtnak le zangfahnak cu vawlei cungah a hung langh tikah,
thil tha kan tuah mi ruangah si hin lo in amah nih a kan zangfah ca
lawnglawng ah kannih cu a kan khamh i cu a kan khamhnak cu hrinthannak ti
thawng le Thiang Thlarau nih mi thar ter khawhnak a ngeih mi thawnnak thawngin
a si.
Kri hrimhrim zong kha nanmah caah a thi i sualnak ruangah khan voi khat ah za
lakin a thi; nannih cu Pathian sin i kalpi awk caah khan mi tha cu mi thalo mi
hna ruangah a thi.
Pathian laksawng cu zungzal nunnak a si i cu nunnak cu kan Bawipa Jesuh Kri he
aa pehtlai mi nunnak a si.
Jesuh nih: Biatak kan chimh hna: ka bia a thei i a ka thlahtu kha a zum mi
paoh cu zungzal nunnak a ngei. Amah cu biaceihnak a ing lai lo, sihmanhselaw
thihnak in nunnak ah a lan cang, tiah a ti.
Kri thihnak nih kannih cu a kan luat ter, cucu kan sualnak kha ngaihthiam kan
si tinak a si.
Jesuh cu zungzal in a nung mi a si caah zungzal in tlangbawi a si. Cucaah cun
amah thawngin Pathian a fuh mi hna paoh cu a khamh khawh zungzal ko hna;
zeicahtiah zungzal in a nun caah Pathian kha a nawl piak khawh zungzal hna.
Mi zeihmanh hi Kri he an i pehtlaih tikah cun mi thar a si; a nunning hlun kha
a lo cang, nunning thar kha aa thawk cang.
Amah nih tlu lo in an um ter khotu hna le a hmaika ah soi awk zeihmanh um lo
le lunglawm te in an chuahpi khotu hna cu a si.
Pathian nih khuazeika i a um mi minung hmanh, nan nuncan tha lo kha mer tak
cang hna u, tiah a ti hna.
Nan sualnak cu an hnawhpiak hna nak hnga, i ngaihchih u law Pathian lei ah
khan i mer tuah u.
Bawipa Jesuh kha zum law khamh nan si lai.
Jesuh nih: Zum lo in um ti hlah, zum cang ko, keimah hmu lo in a ka zum mi hna
caah cun lunglawmh awk a va si dah, tiah a ti.
Fapa a zum mi paoh cu zungzal nunnak an ngei.
Nan ka in: Jesuh cu Bawipa a si, tiah nan ti i amah cu Pathian nih mithi hna
sinin a thawh ter tiah nan lung in nan zumh ahcun khamh nan si lai.