/1 Himahleh, Pathian in a hon itna a langsakta, mi khialte i hih laia Khrist i sika a sihna ah. Paikan Ankuanglui kipat main, Jesun, hiai khovel nusiaa Pa kianga a pai hun hongtungta chih a theia; hiai khovela amah-ate na itkhinin a tawp phain a it hi. Mihing in a lawm adia a hinna a piak vala itna thupijaw kumah in a nei kei. Banghanghiam chih leh, Pathian in khovel a it mahmah a, huchiin a Tapa tang neihsun a pia hi, huchia kuapeuh amah gingta tuh a man that louh a, khantawna hinna a neih jawkna dingin. Nidanga ka kianga TOUPA hongkilang in hichiin a chi: Ahi, it tawp louin ka hon ita. Jesu Khrist, theihpihpa muanhuai, misite laka piang masapen leh leitunga kumpipate vaihawmpa... Eite hon it a, i khelhna-a kipana a sisan-a hon sawppa. Himahleh, Pathian in hehpihna hauin a hon itna thupitak jiakin, tatleknate jiaka si i hih hilhial laiin leng, Khrist toh a hon hihhinga, hehpihnaa hotdam na hita uh.

/2 I gen uh, i Pathian biakna thuguk tuh selvuallouhin a thupi ahi: Pathian tuh saa muh theiha latsakin hongoma, Khaa siamtansak, angelte muh, namte laka tangkoupih, khovela mite gin, thupinaa pitouh ahi.