Chin: Tedim Scripture Gup Khiat na Lampi Lai Siafigtho pen Pasian in akam taw hong piak a hi hi 2 Timawte 3:16 Pasian thu in nung to a, vang letna nei a, lang nih a hiam nam sau sangin hiam zaw hi. Hebia 4:12 Kam sung pan a hong pusuak ka thu in . . . ki man na nei lo in, kei kiang hong tung kik lo ding hi. Kei deih na bang hong ki cing sak ding hi. Kei sawl na bangin a zo ding hi. Hesiazah 55:11 Thu thei late tungah thu thei tel na na pia hi. Late 119:130 Leitung pian na A ki pat cil in Pasian in vantung leh leitung a piang sak hi. Pasian in a bawl sa na khempeuh te en a, tua te hoih a sa hi. Piancil 1:1, 31 Thu tawh, na khempeuh a piang sak hi. A ki piang sak na khempeuh lakah, Thu loin, a ki piang sak khat beek a om kei hi. Zawhang 1:3 Mihing pian na Pasian in amah lim tawh ki bangin, mi a piang sak hi. Amah lim tawh ki bangin pasal leh numei bawl a, Pasian in amaute thu pha a pia hi. Piancil 1:27-28 Topa Pasian in lei panin lei vui la in mi bawl a, nuntak na huh a nak vang sungah a muam khit ciangin, a nungta mihing a suak hi. Topa Pasian in ni suahna lamah Eden huan khat bawl a, a bawl sa mi tua laiah a koih hi. Piancil 2:7-8 Topa Pasian in mi la in, Eden huan keem ding leh cing dingin a koih hi. Topa Pasian in tua mi tungah, "Huan sungah om singgah khempeuh na ne thei ding hi; a hi hangin a pha a sia thei theih na singgah pen na ne thei kei ding hi; na neek ni a kipan na si ding hi," ci in thu a pia hi. Piancil 2:15-17 Mawhna hong lut na Gul in Topa Pasian bawlsa ganhing khempeuh lakpan a pil pen a hi hi. Gul in numei kiangah, "Pasian in huan sungah singgah khat peuhpeuh ne thei lo ding hong ci takpi hiam," ci-in a dong hi. Numei in zong huan sung a singgah te ka ne thei ding uh hi; a hi hangin Pasian in huan lai zang aa singkung ne lo tham lo in, na lawng thei kei ding uh hi. Tua bang a hi kei leh na si ding uh hi, hong ci hi. A hi hangin gul in numei kiangah, "Na si kei ding uh hi. Bang hang hiam na ci uh leh tua na neek ni uh a ki panin na mit uh ki hong in, Pasian tawh kibang ding aa, a hoih leh a sia na thei ding lam tak uh Pasian in thei hi," a ci hi. Tua ciangin numei in singgah en a, neek dingin lim tuak sa in, a meel zong hoih in, pilna khanna dingin zong a deih huei singkung a hi lam a muh ciangin, a gah lo in a ne hi. A pasal zong pia a, amah in zong a ne hi. Piancil 3:1-6 Topa Pasian in mi sam a, ne thei lo ding ci a ka hong thu piak singgah ne khin na hi uh hiam, ci-in a dong hi. Mi in zong kei tawh om khawm ding a nong piak numei in tua singgah hong pia a ka ne hi, a ci hi. Topa Pasian in numei kiangah, nang bang hi na hi hiam ci in a dot ciangin, numei in, "Gul in hong kheem a ka ne kha hi," ci-in a dawng hi. Pasian in gul sam in, hi bangin hih na hi manin, inn sa gamsa khempeuh sangin hamsiatna na thuak zaw ding hi. Na awm in taal in, na nuntak tawntungin lei vui bek na ne ding hi. Nang leh numei a hi zongin, nang suan leh khak leh numei suan leh khak a hi zongin, na ki do ding uh hi. Amah in na lutang hong siik zan ding a, nang a khetui na tu ding hi. Pasian in numei tungah, gimna lianpi thuakin, nau na paai ding a, ta na nei ding hi. Na pasal uk na nuaiah na om ding hi. Pasian in Adan kiangah, nang in na zi thu ngai in, ne thei lo ding ci a kong kham singgah na neek manin, nang a dingin lei ki hamsiat hi. Na nuntak tawntungin gimna thuakin an na ne ding a, ling kung a tuam tuam te zong nang a dingin a po ding uh hi. Lo pan a a piang an te bek na ne ding hi. Na paikhiatna leiah na ciah matengin, na maiah khua ul suakin, an na ne ding hi. Bang hang hiam na ci leh, nang in lei vui na hi a, lei ah na ciah kik ding hi, ci-in thu a pia hi. Piancil 3:9,11-19 Leitung khempeuh a kheem dawi mangpa, Satan a ki ci tang lai gulpi, a ma nung zuite tawh, leitungah a ki khia suk hi. Mangmuna 12:9 Mi khat hangin khialna in leitungah tung a, mawhna hangin sihna a piang mah bangin, mi khempeuh te in zong a mawh zo uh a hih ciangin, mi khempeuh tungah sihna hong tung hi. Zawma 3:12 Mite Pasian muhna ah mawh hi Eite khempeuh in tuu bangin lam ih pial khin a, ei ma ut thu tek in ih pai hi. Hesiazah 53:6 A pil gamtat, Pasian a zong a om uh hiam cih a theihna dingin Topa in vantung panin mihing' tate en suk hi. A maute a vekpi un puk khin uh a, a ki bangin ki sia kim uh hi, a hoih gamtat khat beek om lo hi. Late 14:2-3 Lai Siangtho sungah a ki gelh bangin: "Mi dik khat beek a om kei hi; khat nangawn a om kei hi. Nopna lampi, amau in a thei kei uh hi. Pasian kihtak na thu a mau mittang mai uhah a om kei hi. Mi khempeuh a mawh uh a, Pasian mai pha ngahna ding uh ki sia hi." Zavima 3:10, 17-18, 23 Na kihhuai na hangin Pasian leh nang hong ki khen sak a, na mawhna te in na maiah amah hong liah hi. Hesiazah 59:2 Pasian in mi hong it Pasian in, a Tapa a um mi khempeuhte in kisia lo a, nuntak tawntungna a ngahnah dingin a Tapa khat bek a piak dongin, leitung mite a it hi. Zawhang 3:16 Zeisu in: "Pasian taktak khat bek a hi, nangmah Ie na hong sawl pa Zeisu Khazih, amaute in a theihna in nuntak tawntungna a hi hi," ci-in thu a ngen hi. Zawhang 17:3 Eite in Tapa hangin ih nuntaknah dingin Pasian in ama Tapa khat bek leitungah hong sawlna-ah, Pasian itna, eite sungah a kilangh hi. Eite in Pasian itna hang hi lo hi; Pasian in eite hong it a, eite mawhna hong tatna dingin ama Tapa hong sawlna-ah itna hong langh hi. 1 Zawhang 4:9-10 Pasian Tapa leitungah hong paina A hun a cin' ciangin Pasian in a Tapa hong sawl hi. Galati 4:4 Zeisu Khazih in mawh neite gum dingin leitungah hong pai suk hi, a cih na thu in, thu man thu tak hi a, a vekpi in saanh ding a ki lawm hi. 1 Timawte 1:15 Amah in leitungah a om zo hi. Amah tawh leitung ki piang sak hi. Leitungin a mah a thei kei hi. Zawhang 1:10 Topa Zeisu suahna Zeisu Khazih a suahna thu in hih bangin a hi hi. Anu Mazih in, Zawtah tawh kingai a, a ki teen' ma in, Khasiang- tho in a gai sak hi. Tua thu khempeuh in, Topa in a kamsang te tungah a thu gen khol bangin a tun' na dingin a gen in ah: "En un, nungak khat gai ding a, tapa a nei ding hi. Tua a tapa a min Emanuaila a ki ci ding hi." (Emanuaila a khiatna in eite taw Pasian hong om khawm hi, a ci nop na hi.) Mate 1:18, 22-23 Tua tapa in ama mi pawlte, a mawhnate sungpan a gum khia ding a hih ciangin a min Zeisu Gumpa na phuak ding hi. Mate 1:21 Topa Zeisu leitungah Pasian in Nazazet khua mi Zeisu, Khasiangtho leh vangletna tawh a zut khit ciangin, tua Zeisu pai kawi kawi a, thupha bawl in, dawi mangpa in a bawl siatte khempeuh a dam sak hi. Bang hang hiam na ci uh leh Pasian in amah tawh a om khawm hi. Sawltak 10:38 Zeisu in kikhopna inn sungah thu hilh in, gam sung khuapi, khua neu khempeuhah vak kawi kawi in, vantung gam lungdamna thu hilh a, d na lu na khempeuh a dam sak hi. Mate 9:33 Mi tampi, a kiangah va tung uh a, khe zawte, mit tawte, mi pau thei lote, mi cingtak lote a kipan a dang ci natna a vei khempeuh hong pai pih in, Zeisu kiangah a nga uh hi. Zeisu in ci nate a dam sak hi. Mate 15:30 Topa Zeisu in amah sih ding leh thawh kik ding gen khol "Mihing Tapa in mite khut tungah a ki pia ding hi. Tua mite in amah a that ding uh a, amah in thahna a thuak, ni thum khit ciangin a tho kik ding hi," ci-in a nung zuite a hilh hi. Maku 9:31 Zeisu in: "Keimah in migi tuu cing pa ka hi hi. Migi tuu cing in a tuu te tang ding a nuntakna a paai thei hi. Keimah in, ka nuntakna ka lak kik dingin ka paai a hi ciangin, ka Pa in kei hong it hi. Ka nuntakna kuama'n hong sut kei hi. Keimah ut thu in ka paai hi. Ka nuntakna paai khia a, la kik thei na ding thu ka nei hi. Tua thu ka Pa in kei hong pia hi," ci-in Zeisu in a gen hi. Zawhang 10:11, 17-18 Topa Zeisu eite mawhnate hangin singlamteh tungah thi zo hi Lutang Guh ki ci na munah a tun' uh ciangin Singlamteh tungah a khai uh hi. Zeisu in: "Pa aw, a mau in bang a hi uh, ci thei lo a hi uh ciangin, amau mawhna na mai sak in," a ci hi. Luka 23:33-34 Sim mawhna thuakin, mite nialna, dahna, gimna a thuak hi... Amah in eite gimna leh dahna pua a, a hi hangin, eite in Pasian thu hilhna, Pasian satna a thuak hi, ci-in ih ci hi. Amah in eite mawhna te hangin liam na thuak in, eite kihhuaina hangin liam na a thuak hi... Amah liamna te hangin damna ih ngah zo hi. Eite khempeuh in tuu bangin lam ih pial khin a, eima ut thu tek in ih pai hi. Topa in ama tungah eite mawhna te a suanh hi... Thu man lopi in thu khen na thuak inki hawl khia hi. A nung ta mihing telak panin ki hawl khia in, ka mi namte mawhna hangin dan piak na a thuak hi. Amah in mawh na hih lo hi. A kam pan zong thu zuau gen lo hi. Ahih hangin mi gilo te tawh, ki phum khawm dingin thu kikhen hi. Ahih hangin a sih khit ciangin a hau hi... Amah in a sih nangin ki pia a, mi gilo te taw a ki sim khawm hi. Ahih hangin amah in mi tampite mawhna pua in, mawh nei mite a ding in pa lai a suak hi. Hesiazah 53:3-6, 8-9, 12 Khazih in Lai Siangtho sungah a ki gelh mah bangin eite mawhna tangding sihna a thuak hi. 1 Kawlentu 15:3 Topa Zeisu sihna pan a tho kikzo hi Khat vei Zeisu in: "Khazih in sihna thuak a, ni thum khit ciangin tho kik ding a, ama min tawh kisik kikna thu leh mawh ki maisak na thu mi pawl khempeuh kiangah ki gen ding hi," ci-in ki gelh hi. Luka 24:46-47 Ni thum khit ciangin Pasian in a tho kik sak a, mi khempeuh mai hi lo, Pasian a teel khol sa a tetti, kote bek maiah hong ki latna dingin thu a pia hi. Sawltak 10:40-41 Tu in Khazih in ihmute lakah, a gah masa bel suak a, sihna pan a tho kik zo hi. Tua a hih tak ciangin mi khat hangah sihna thu apiang mah bangin misi thawh kikna thu in zong mi khat hangah a piang hi. Adan sungah mi khempeuh a sih mah bangin, Khazih sungah mi khempeuh a nungta uh hi. 1 Kawlentu 13:20-22 Topa Zeisu vantungah kah to kik Zeisu in, gimna a thuak khit ciangin, amau kiangah ni sawm li tawntung langhin, hih na tampi tawh a nungta tak tak a hi-in lak a, Pasian gam thu a hilh hi... Sawltakte in a et laitak un, Zeisu a tung lam ki la to a, meeii khat in, amau in a mu lohna ding-un a liah hi. Sawltak 1:3, 9 Pumpi-ah a ki langh hi. A thu man thu takna, Khasiangtho tawh a ki langh hi. Vantung mite in a mu uh hi. Mi pawl tuam te lakah a thu ki hilh hi. Leitungah a thu um a ngah hi. Vang lian tawh, a tung lamah, ki laktohna a ngah hi. 1 Timawte 3:16 Pasian hong gupkhiatna lampi Gupkhiatna ka ngah na dingin bang ka hih pen ding hiam? .. . Topa Zeisu na up leh, gupna na ngah ding hi. Sawltak 16:30-31 Note mawhna a sawp siangnah ding na ki siik kik un la, na lung sim uh na ki kheel un. Sawltak 3:19-20 No na mawhnate uh ki sik kik un la, na vekpi un, mawh ki maisak na dingin Zeisu Khazih a min tawh ki baptaiz un. Tua bang na hi uh leh, Khasiangtho na ngah ding uh hi. Sawltak 2:38 Ih mawhna pulakin thuum lehang, ih mawhnate maisak in ih gilo nate khempeuh sawp siangnah dingin amah in, thu man thu tak tawh a hi zongin, dikna thu tawh a hi zongin a dim hi. 1 Zawhang 1:9 Zeisu in Topa a hi, ci-in na kam in mang a, Pasian in amah, sihna pan a tho sak kik zo hi, ci-in na lungsim sungah na um leh, gupna na ngah ding hi. Dik ki sakna ngah na dingin lung sungah ki um a, gupna ngah na dingin kam in a ki mang hi. Zawma 10:9-10 Note in thu upna hangah hehpihna tawh gupna na ngah zo uh hi. Note ut thu a ngah na hi kei uh hi; Pasian hong hehpihna a hi hi. Ephet 2:8 Topa a min tawh thu a ngen mi khempeuh in gupna a ngah ding uh hi. Zawma 10:13 Zeisu in, "Ka kiangah hong pai mite ka bawl khia kei ding hi," a ci hi. Zawhang 6:37 Khazih in sihna tawh hong gum zo Ni dang lai-inah gamlapi-ah a om note in, tu in Khazih sih hangin Khazih Zeisu tawh a nai na tung zo uh hi. Ephet 2:13 Tapa Zeisu a si in eite mawh na khempeuh hong sawp siang hi. 1 Zawhang 1:7 A ki cingna khempeuh a Tapa sungah a kip saknah ding a hi zongin, Singlamteh tungah a buak si hangin gal lem na piang sakin, na khempeuh in Topa hangah Pasian tawh a kilem thei na ding a hi zong in, a deih hi. Kalawte 1:19-20 Na pute na pale ngeina uh a hi a mawkna gamtatna pan, kham leh ngun a kipan, a ki sia thei sum tawh note hong tankhia a hi kei, Khazih a man pha bel si tawh hong tan khia hi. 1 Pitazu 1:18-19 Eite tungah hehpihna a ki ring sak bangmah in tua Zeisu si hangin mawh na maisak na a hi, tatkhiatna thupha ama kiangah eite ih ngah hi. Ephet 1:7 Sa' nuntak na in si sungah om a ... tua si in ih nuntak na dingin, Pasian tawh pumkhat suahna a piangsak hi. Leviticus 17:11 Khazih sungah a om mi in mi thak a suak hi. A lui nate ki kheel a, a thak a piang zo hi. 2 Kawlentu 5:17 Kha Siang Tho Zeisu in: "Keimah in Pa kiangah thu ngen ding a, note tawh a om khawm tawntung dingin, Khasiangtho a hi, hong Huhpa dang a hong pia ding hi. Tua Khasiangtho, leitung mite in mu lo, thei lo uh a hi ciangin a sang zo kei uh hi. Tua Khasiangtho in note tawh om khawm a, note sungah a om ding a hi ciangin, amah na thei ding uh hi." Zawhang 14:16-17 Ka min tawh Pa in hong sawl ding, Huhpa a kici, Khasiangtho in na khempeuh hong hilh ding hi. Zawhang 14:26 A ki tan' ni a tung dong in, note hong ciamteh na Pasian Khasiangtho na dah sak kei un. Ephet 4:30 Khasiangtho hangin na gamta un. Na si leh na sa uh deihna zui lo in na omding uh hi. Galati 5:16 Pasian Khasiangtho a thu hilhna a mang mi khempeuh te in Pasian tate a hi uh hi. Zaiama 8:14 Khasiangtho tawh dim in om un. Ephet 5:18 Khasiangtho a gah in, ki-it na, lung damna, kilemna, lungduaina, mi hehpi- hna, gitna, diktatna, lungnemna, pumpi deihna kham na te a hi uh hi. Galati 5:22-23 Siangtho nuntakna Pasian deih na in siangtho na a hi hi. 1 Tetalawni 4:3 Zeisu in: "Thu man thu tak tawh, amaute na siangtho sak in, Nangma thu in thu man thu tak a hi hi", ci-in thu a ngen hi. Zawhang 17:17 Mawhna hih in ih om lai ding hiam? . .. Tua bang om lo ding hi. Mawhna sungpan a si eite in, tua mawh na sungah, bang ci in ih hing lai ding hiam? Mawhna lampan misi na hi uh a, Khazih Zeisu hangah Pasian lam pan mihing na hi uh na ciam teh un. Zawma 6:1-2, 11 Tu in mawhna khut sungpan na suakta uh a, Pasian sila na suah khit uh ciangin, siangtho na dingun, phat tuamna na ngah uh a, a tawpna ah nuntak tawntung na na ngah ding uh hi. Zawma 6:22 Nopsakna a pia Pasian mah in, note khempeuh hong siangtho sak ta hen. Note na lungsim, na kha leh na pumpi uh Topa Zeisu Khazih hong pai kik ciangin, mawh sak na tawh a ki pelh na dingun hong keem ta hen. Note hong sam pa in, thu man tawh dim a hi ciangin, tua bang in a hong bawl ding hi. 1 Tetalawni 3:23-24 Thu nget na Zeisu in: "Note in keimah min suangin thu na nget khempeuh. Pa in, Ta tungah amah phatna a ki latna dingin a hih ding hi. Kei min suangin, na nget peuhmah, kong hih ding hi." Zawhang 14:13-14 Keimah sungah na om uh a, ka thu in note sungah a om leh, na nget peuh peuh uh na ngah ding uh hi. Zawhang 15:7 Thu ngen a, na nget khempeuh uh ka ngah ding, ci na up uh leh na ngah ding uh hi. Maku 11:24 Khasiangtho tawh a tawntung in thu na ngen un. Ephet 6:18 Thu ngen niloh un. Na khempeuh ah, a hong hehpihna phat un. Bang hang hiam na ci uh leh, note in tua na bawl dingun Zeisu Khazih hangah Pasian deihna a om hi. 1 Tetalawni 5:17-18 Sepna leh thuakna Zeisu in: "Mi khat peuh in kei hong zui nop leh, a pumpi nial a, amah singlam- teh pua in hong zui ta hen." Mate 16:24 Note in na khempeuh ah na zat khop ding uh sum a pawl pawl na nei niloh uh a, gamtatna a pha a pawl pawl tawh na dim mah mah na dingun, thu pha a pawl pawl a ki cin' na ding Pasian in a hih thei hi. 2 Kawlemu 9:8 Na hahkat na uh in, Pasian tungah mawkna hi lo na thei uh a hi ciangin, lung kipin, ki cingin, kiam lo in, hoi lo in hahkat in seem un. 1 Kawlentu 15:58 Khazih upna bekah hi lo in, amah hangin-ah gimna thuak na ding zong thu na ngah uh hi. Philipih 1:29 Thu man thutak hangin, gimna na thuak uh leh, thu pha na ngah ding uh hi. Na lau kei un; na lung mang kei un. 1 Pitasu 3:14 Khazih min hangin kosiatna na thuak uh leh, thupha na ngah ding uh hi. Bang hang hiam na ci uh leh, vangletna tawh kipawl Kha a hi, Pasian Khasiang- tho in note sungah a om hi. 1 Pitazu 4:14 Pasian in milim biak ding khaam hi Keimah in na Topa Pasian ka hi hi... Keimah lo a dang pasian bia kei in. Milim a hi zongin, vantung a hi zongin, lei nuai a hi zongin, lei nuai a om tui sung a hi zongin, a om nate tawh kibang lim na bawl kei ding a, bia lo in, a na zong na seem kei ding hi. Bang hang hiam ci leh, keimah na Topa Pasian in a aam Pasian ka hi hi. Pusuahna 20:2-5 Mihing pasian te khempeuh in milim a hi hi; a hi hangin Topa Pasian in vantung te bawl hi. Late 96:5 Milim biakna in a mawkna hi a, Pasian khat bek longal, Pasian dang a om kei ih thei hi. 1 Kawlemu 8:4 Pasian khat bek sung pan na khempeuh piang a, amah bek a ding eite ih om, tua Pasian khat bek ih nei hi. Topa khat bek hangin eite a ki pan na khempeuh a piang, Zeisu Khazih khat bek ih nei hi. 1 Kawlentu 8:6 Zeisu in: "Dawi mangpa aw, ki heem khia in. Na Topa Pasian na bia ding hi, ci-in Lai Siangtho sungah kigelh hi," a ci hi. Mate 4:10 Numei tawh mawhna, kihuai gamtatna, nu le pa ki lung gulh luatna, deih gawhna milim biak na a hi huai ham na te, leitungah a om nate si sak un. Tua khialna hangin, Pasian hehna in a nialte a tate tungah a tung hi. Kalawte 3:5-6 Pasian hong gup khiatna san' lo ding a lau huai na A lian mah mah gupna thu don lo in om lehang, mawhna dan tawh bang ci ki pelh ding ih hi hiam? Hebia 2:3 A zo mi in hih nate luah in, kei in amah Pasian ka hi ding a, amah in ka ta a hi ding hi. Lau in a um lo mi, a kihuai mi, mi that thei mi, nu Ie pa mawh na a bawl mi, mi bum thei mi, milim bia mi, thu zuau gen mi khempeuh a hi uh leh, nihna sihna a hi, kat Ie mei in a kang lipi sungah a kituak in a thuak ding uh hi. Mangmuna 21:7-8 Tapa thu a um khempeuh in, nuntak tawntungna a nei hi. A hi hangin, Tapa a deih lo peuh in, nuntak na a ngah kei ding hi; Pasian hehna in tua pa tungah a om hi. Zawhang 3:36 A hong tung ding hehna pan na tai khiat na ding un, kua in hong hilh khol hiam? Luka 3:7 Hoih loh na ieh Satan pan hot khiatna Noptuam na hong pia Pasian in, a sawt lo in note khe nuai uh ah, dawi mangpa a bawl sia ding hi. Zawma 16:20 ... Khua mialna vangpan eite hong hon khiat khit ciangin, a it a Tapa gam sungah hong turn sak Pa Pasian hehpihna ka phat uh hi. Kalawte 1:12-13 Dawi mangpa a bawlna nate a sia sak ding in Pasian Tapa hong ki langh zo hi. 1 Zawhang 3:8 Zeisu in eite ih Pa a hi, Pasian a deihna tawh kituak in, a gilo a hi, hih leitung pan, eite hong gum khia ding in ah, eite khial na a dingin, a ma pumpi ki pia hi. Tua Pasian in vangletna ngah tawntung ta hen. Galati 1:3-5 Dawi mangpa kheemna na nanh zawh na dingun, Pasian galhiam khempeuh silh un. Ephet 6:11 Topa Zeisu Khazih hangah eite zawhna hong pia Pasian hehpihna ka phat hi. 2 Kawlentu 15:57 Khazih hong pai kik ding No kiangah ka hong pai kik ding a, ka omna mun ah na om nading un, ka hong la ding hi. Zawhang 14:3 Note kiangpan vantungah ki la to Zeisu in, vantungah a pai na mu uh bangin, khat vei hong kum suk ding hi. Sawltak 1:11 Topa mah in, kiko na tawh, vantung mi mangpa kiko na tawh, Pasian a pengkul tumna tawh, vantung panin kum sukin, Khazih sungah a si sa mite in a tho ma sa ding uh hi. Tua khit ciangin, nungta a a om lai eite in, van kim laiah, Topa a dawn ding tua mite tawh meii tungah puakna ih ngah mah bangin, Topa tawh ih om khawm tawntung ding hi. 1 Tetalawni 4:16-17 Amah hong ki lat ciangin, eite in amah tawh ki bang ding hi. Bang hang hiam na ci uh leh, a mah pum a om bangin ih mu ding hi. 1 Zawhang 3:2 Ngak un. Bang hang hiam na ci uh leh, na Topa uh hong pai ding ni na thei kei uh hi. Tua ahih ciangin, note in zong kiging khol un. Bang hang hiam na ci uh leh, na ngaisut lo laitak un, Mihing Tapa hong tung ding hi. Mate 24:42, 44 En in, kei a manlangin ka hong pai ding hi. Mi khempeuh a gamtatna te tawh ki tuakin pia dingin, thaman ka hong pua hi. Mangmuna 22:12 Amen; Topa Zeisu aw, hong pai ta in. Mangmuna 22:20 Hih laibu neu sungah, a ki tuak ding thulu a kiguan, Pasian' Kammal a hi, Laisiangtho pan a ki la kammal te a om hi. Pasian in mite tung a hong ki lak na a hi Laisiangtho bu na neih na ding leh, na sim na ding nakpi tak in kong deih sak hi.