Chin: Thado Help from Above "CHUNGA KONA PANPINA" hi Bible mun tina kona thupi dung juiya Bible chang kilakhoma kigol toh ahi. Pathen Lekhabu (Bible) hilchet phapen chu Bible hi ahijenge ti katah sane. Pathen Thu hi "chunga kona" hunga ahi chule lungsunga thudih jala gilkel le dangchah ho dia phachom tan ahi. Mihem khat'in kisih na neiya chonsetna anungsun teng, Pakai Jesu Christa chu alung sunga cheng dinga atep'a chule Pakai Jesu Christa chu alung pumpia huhhingpa mong ahi tia atahsan tengle Pakai Amatah chu ahenga hung kilanga, atahsan pa lungsunga chu Ama a kipana le lungmonna chu akhum peh ding ahi. Keiman hichu 1937 kuma chu kaneisa ahitan, tuni chanin hiche kiloikhomna kidang chu kalha kang louhel ahitai. Nangin jong TUHIN Ama chu Pakai le Huhhingpa ahi ti tahsanin lang ahenga kipelut'in tia katem nahi, kipelut nailou nahi leh. - Watson Goodman /c1 PATHEN MI-NGAILUT Rome 5:8 Ahin Pathenin eingailut nau photchenna eimusah-un ahi; ajeh iham itile eiho chonset'a ium laitab un Christa eiho khelin athitan ahi. John 13:1 Kalchuh kut masangin Jesun, hiche vannoiya kona apa henga ache ding phat ahung lhungtai, ti ahen, vannoiya um amaa ho chu angailun akhon ni geiyin angailu lhumkeiye. Thuphon 1:5 Athu hettohsah ginchat umtah Jesu Christa a kon chun lungset le lungmonin umpiuvin. Eiho eingailua athisana ichonset chengseuva kona eisut lhama. Jeremiah 31:3 Gamla tab a konin Pakai keima henga ahung kilah-e. Keiman nangma hi guitan louva kalungset nahin, Hiche jeh a chu nangma koma Kakitahna kabanjom jing jeng ahiye. John 3:16 Ajeh chu Pathenin hibanga hi vannoi angailut ahin, koi hijongle ama tahsan chan chu mangthah louva tonsot hin kemlou anei theina dingin, Achapa chang khal chu apetan ahi. /c2 JESU CHRISTA PATHEN HINA Matthew 1:22, 23 "Pakaiyin themgao kama asei thu, 'Veuvin, nu ngah chu hung gaiyin tin chapa khat ahin ding ahi, chule amin Emmanuel asah ding ahi,' ati. (Hichu Pathenin eiumpiuve, tina ahi)' tia asei chu gui lhunna dinga thu hicheng chu sob a ahi," ati. 1 Timothy 3:16 Pathen ngaisahna thuguh chu nelkalna beihel'a len a ahi; 'Ama atahsa a kiphonga, Lhagaova them cbanga ahitai; Vantil le ho mun aumin, Chitin namtin lah a aseiphonga lima ahitai; Vannoiya tahsana uma ahitan, Loupia lah touva uma ahitai. John 14:9, lOa Jesun, "Vo Philip, keima hitih chan nang ho toh kauma jong neihet loulai ham? Keima eimua chun ka-Pa amu ahitai; achutile Pa chu neimusah-un, iti nati ham? Keima Pa a kaum chule Pa jong keiya aum, hiche hi natahsan lou ham?" John 1:1, 14 Atil'a chu Tbu um ahin, Thu chu Pathentoh uma ahi, chule Thu chu Pathen ahi. . . . Chuin Thu chu tahsaphe ahung soh-in ilah-uva ahung chengin, keihon aloupina Pa a kona chapa chang khatseh loupi chu, lungset le thutab dimset'in kamutauve. /c3 JESU CHU PATHEN CHAPA 1 John 4:15 Koi hijongle Jesu chu Patben Chapa ahi, ti janoma seidoh chu Pathen ama a chu uma, ama Pathena uma ahi. Colossae 2:9 Ajeh chu hichea chu Pathen hina jouse chamkimna tahsa banga cheng ahi. Isaiah 9:6 Ijeh-inem itile eiho dingin naosen khat apengin, Chapa khat eikipeuve; Alengkouva vaipohna apun, Chule amin jong "Thumop them kidang tab, thanei tab Pathen, Tonsot mipa, chamna leng chapa," akiti. Matthew 17:5 Aseipettah chun vetau, meihang lhang kbat'in amaho chu ahinlekhutan ahi. Chuin meilhang lah a kon chun o khat'in, "Hiche hi ka-Chapa deitah ahi, achungah kalung alhai ta ngeiye, athu ngaiyun," ati. Luke 1:35 Chuin Vantil chun adonbut'in. ajah a, "Lhagao Theng nachungah hung chun tin chule Chungnungpen thilbol thei nan nahinlekhu ding ahi, chule hichejeh a chu ahung peng ding athenga chu Pathen Chapa kiti ding ahi." /c4 JESU KOI AHI AKIPHONNA John 11:25 Jesun amanu jah a, "Keima hi thokitna le hinna kahi; keima eitahsan a chu thi jong le hing ding ahi." John 13:13 "Nang hon keima 'Houhil le Pakai' neitiuve; hiche natiu chu aphai, ijeh-ineni itile keima hichu kahi." John 9:5 "Vannoiya kaum laisea hi vannoi vah kahi," ati. John 8:58 Jesun ajah uva, "Keiman nang ho tahbeh beh a kaseipeh nahiuve; keima Abraham masang peh a umsa jing kahi," ati. John 10:7 Hijeh chun Jesun ajah uva asei kit leuvin, "Keiman nang ho tahbeh beh a kaseipeh nahiuve, Keima hi kelngoi hong kot kahi." John 6:35 Jesun ajah uva, "Keima hi hinna changlhah kahi; kahenga tiunga chu gilkel lou ding, chule keima eitabsana chu dangchahta louhel ding ahi." John 8:23 Chuin aman aniaho jah a, "Nang ho noiya kon nahiuvin, keima chunga kon kahi; nang ho hiche vannoiya mi nahiuvin, keima hiche vannoiya mi kahipoi." /c5 JESUN MELCHIHNA KIDANG ABOL PHABEP Matthew 14:19-21 Chuin miho chu hampa chunga tou dingin asol'in, changlhah pheng nga le nga ni chu alan van lam aven phatthei aboh-in, chuin changlhah chu nheh bal bal'in aseijuite khut'a apen; aseijuiten mipi chu allop peh-un ahi. Chuin abonchauvin aneuvin ava soh keiyun; aneh moh-u anong chengse chu paipeh som le paipeh ni aloh dimun ahi. Anea chu numei le chapang sim louvin mi sang nga jen ahiuve. Luke 5:4-6 Chuin atouvin konga pang chun mipi chu thu ahiltan ahi. Chuin athusei angah phat'in Simon jah a, "Lithuh lam jonin nga man dingin nalen sep lhan," ati. Chuin Simonin adonbut'in, "Pipu, jan khovah keiyin kabol'un imacha man louhel kahiuve; ahivangin nangma thusah-in len gahsep lhange," ati. Chuin chutia abol phat chun nga atama tam akhu khatauvin alenu chu asedeh jengin ahi. Matthew 21:19 Chuin aman lamkenga theichang phung khat amun, aphunga achen ahile ana tailou imacha aga aumpoi. Chuin aman, "Imatih chanin naga ga kitta hih hen," atin ahile chupettah chun theichang phung chu agoppai jengtai. /c6 JESU CHU PAKAI LE THIL JOUSE SEM 1 Corinth 1:9 Pathen tahsan umtah ahi. Ainan a-Chapa i-Pakaiyu Jesu Christa kithopi dinga nakoulut'u ahitai. Hebrews 1:2 Pathenin. . . tulai ni nunung a hin a-Chapan eiho heng'ah thu aseitai; hiche a-Chapatah chu ima jouse gouloa atun ahitai; chule thilsem jouse jong hi ama khut'a asemsah ahi. Solchahte 2:36 "Hijeh chiin Israel insung mi jousen kichentah-in heuhen, hiche Jesu nanghon thingpel a nakhetbeh-u chu Pathenin Pakai le Chrislaa atun ahitai," ati. Colossae 1:16 Ajeh chu amaa chu thil jouse kisema ahi, van chunga, leiset chunga, thil muthei le mumo, laltouna hihen, loinehna gam hijong le piputna hihen, thahat thuneina hijong le, thil jouse amaa chule ama dinga kisema ahi. Rome 14:9 Ajeh chu athile ahing Pakai ahikop theina dinga hi, Christa thia chua hingdoh kit ahi. John 1:3 Hiche Lhagao thuseidoh ho sim a, chule ja a, chule asunga kisun thuho chengse nit'a chu anun nonu ahi; phat anai jeh hin. /c7 JESU CHU MIJOUSE THUTAN Solchahte 10:42 Chuin ahingle athi thutana Pathenin atun, ama hi ahi, ti thu miho hillea hetsah dingin tbu eipeuvin. Rome 2:16 Hicheng chu ka-Thupha seiphongle dungjuiya, Pathenin Jesu Christa amanchah-a mihemte guhthim thu atan nileh chuti ding ahi. 2 Timothy 4:1 Keiman Pathen mitmua le ahing le athi ho thu tan dinga Christa Jesu mitmua ama hung kilahna le agam chu pan a guntab a kahilchah nahi. Matthew 25:32 Chule namtin vai jouse ama anga chu kikhom ding; chule achingpan keltah a kona kelngoi achoni khen banga aman khat'a kona khat achom khena. John 5:22 "Pa chun mi koima thu atanpoi, thutan ding jouse Chapa apehdoh ahitai." Rome 14:10 Ahin ibola nangin nasopi naoimoham? Chujongle nangin nasopi ibola musit nahim? Ajeh chu Pathen laltouna anga ihonchauva idin dingu ahinalaiye. /c8 CHRISTA A LHATDAMNA Hebrews 5:9 Chuin ama chamkimsah soh keiyin aumin, athua nung ho jouse dingin tonsot sochatna bulpi asohtan ahi. Hebrews 7:25 Hijeh chun amavanga Pathen kom nai lutte ho chu, taopeh dinga ama hing jing jeng ahijeh a chu amaho cbu huhhing chamkimsoh thei ahi. Solchahte 4:12 "Chule koima dangali huhhingna aumpoi; ijeh-inem itile vannoiya inihem lah-a huhhinga iumna dinguva kipea min dang amin dang in aumpoi," ati. John 14:6 Jesiin ajah a, "Kei hi lampi le thutah chule hinna chu kahi; keiya che lou chu koima Pa kom alhungpoi." John 8:24 "Hichejeh a chu najah uva, 'Nachonset chenga nathi dingu,' kati ahi; kei hi ama chu kahi, natahsan louseuva nachonset chenga nathi dingu ahi," ati. John 10:9 Keima hi kot chu kahi; mi keiya lut chu huhhinga um ding ahi, chule lut le pot lea chule ham nea lhatle na amu ding ahi. /c9 CHRISTA A LHATDAMNA Colossae 1:12-14 Vah-a cheng mithengte chan chankhompia loma eiho eisema Pa chu thangvah jingun; ama chun muthim thahat thuneinaa kona eihuhdoh-u ahi, chule aChapa ngailut gam mi eisou ahi; amaa chu eihon kilhatdohna ineiyuva chonset ngaidamna ineiyu ahi. Thuphon 5:9 Amaho chun la thah khat asauvin: "Lekhabu chu ala ding le Asinkhana lhamlha dinga lorn nangmabou nahi; Ajeh chu nangma kithat tasa nahi. Phungtin le chitin namtina mi, Paotin paotanga mi, gam vaipl nam jousea mi Pathena dinga nangman nathisana nachohdoh ahitai." Titus 2:14 Chonphat louna jousea kona aman apeh a eibo eilhatdoh theina dingu le ama a hi dinga thilpha bol'a tompan mi vai khat ama dinga akisuh theng theina dinga, ama chu eiho dinga ama kipedoh ahitai. 1 Corinth 1:30 Nangho vang chu Ama vanga Christaa um nahiuve. Pathenin ama chu eiho dinga chihna, chonphatna, kithensona kilhatdohna a asem ahi. /c10 CHRISTA THISANA LHATDOHNA 1 John 1:7 Ama vah a aum banga eiho jong vah a chu iva leu vang le kiloikhom ihiu ahi, chule a-Cbapa Jesu thisana chonsetna jousea kona eisil ngimjiu abi. 1 Peter 1:18, 19 Napute napateu hinpehson chonna homkeova kona chu mangthei thil sana le dangka a kilhatdoh nahipouve; boh beh louhel le nolna beihel kelngoinou, Christa thisan lutah a chu, kilhatdoh joa nahibouvui. Hebrews 9:14 Christa tonsot kemlou Lhagaova nolna beihel'a, ama Pathena kipedoh jenga thisan chun Pathen hing lhachalea pang dinga, thina natoh a kona ase apha nahetnau chu gamchenga asuh theng cheh ding ahi. Rome 5:9 Chuti ahi jell chun eiho tun, Christa thisan vanga chonphaa kisim ihitah jeh-u chun, achungchona ama vanga Pathen lunghannaa kona huhhinga umtei ding ihiuve. Ephesus 1:7 Hiche alungdei vanga chu eiho, athisana kilhatdoh ihiuve, lungsetnaa ihao dungjuiya isuhkhelna jouseu ngaidam ichanu ahitai. /c11 CHRISTA TAHSAN VANGA HUHHINGNA Ephesus 2:8, 9 Lungset mana tahsan vanga huhhinga unia nahitauve; hichu nanghoa kon ahipoi, Pathen thilpebjoh ahibouvc; koimacha kison thei louna dinga, hichu thilbol vanga hilou ahi. Galatia 5:6 Ajeh chu Christa Jesuah cheptan hi aphatsahna aumpoi, cheptanlou jong hi inia ahidehpoi; ahin tahsan ngailutnaa tonga chu phachoma ahibouve. Rome 5:1 Chuti ahin tahsan vanga eiho chonphaa kisim ihitah jeh un iPakaiyu Jesu Christa vanga Pathentoh kichamdela um ihitauve. John 20:31 Jesu chu Pathen Chapa Christa ahi chu natahsan'uva natalisan vanguva ama min a hinna nanei thei dinguva bichengse hi kisuna ahibouve. 1 John 5:4 Ajeh chu koi bile Pathena kona penga chun vaiinoi hi ajo ahitai. Chule vannoi jouva chu itahsanu hi ahi. John 6:28, 29 Hichun amahon ajah a, "Pathen lunglam na katoh theina dinguva ipi kabol dingu ham?" atiuve. Jesun adonbut'in ajah uvah, "Ahinsol hi tahsan leu chun hichu Pathen natoh ahi," ati. /c12 PATHEN MI KHOTO Labu 108:4 Ajeh chu nalungset longlou van sangin asang jon, Nakitahna jong meilhang lah geiyin akitungdoh peh-e. Titus 3:5 Eihon eiho chama ibol'u chonphat thilbol vanga hilouvin, aman amilungset dungjuiya penthahna a asil'a, Lhagao Thenga athah sema. Ka La 3:22, 23 Pakai lungset longlou chu atang deh poi, Amihepina jong beitih neilouva um jing ahi. Jingkah sim jingkah seh le athah jing jengin, Hijeh chun nakitahna hi aloupi lheh jenge. Labu 103:17 Pakai lungset longlou le adihna vang chu, Ama gingte din tonsot kumkhoa achate atuteu ding gei ahi. Micah 7:18 'l1 Nang banga agoulo amite ahingdoh amoh chengse dia Themmona ngaidama suh khelna subeisoh thei Pathen koipen um ding ham? Pathen chu alung hang jing jeng poi; Ajeh chu Pakai hi Lungset longlouva anei hi kipah jo ahibouve. Labu 103:11 Ajeh chu leiset'a kona van asan banga Ama gingte dia Pakai lungset jong nasatah ahiye. /c13 PATHENIN AHENGA DIN EIKOU VUI Thuphon 22:17 Lhagao le mouvin. "Hungin," ti hen; chule adang chah chan hung hen; ago chanin manbeiyin hintwi chu kilah hen. John 7:37 Chuin kut kichai nin, hichu nipi ni ahin, Jesu adingin hatah-in asamin, "Koi hijongle adangchah a chu kahenga hung hen, hung don hen." Isaiah 55:1 Kha-e, adang chah chanin twiphung hinjon clieh-uvin. Sum neilou chu hungu hen kichoh uhen nejong neu hen! Hunguvin lengpitwi le bongnoi kichohuvin, Sum beiyin chule aman beiyin. Matthew 11:28 "Tonggimte le pohgihte, kahenga hungun; keiman nang ho cholngah sah unge." 2 Corinth 5:20 Hiche jeh-a chu Pathenin keiho lengpalaiya eipansah uva keiho a kona chanina athuin ahin, keiho Christadinga palai kahiuve; Christa dinga kathumnau hiche ahi, Pathen toh kichamun. Isaiah 1:18 Pakaiyin hitin aseiye, "Hunguvin kihou toh uhite; Nachonset'u thisan bang jongleh Buhbang banga bang ding nahiuve; Sandup je ju jongleh, Kelngoimul jolsel tobang hiding ahi. /c14 MIJOUSE PATHEN CHATE AHIPOI 1 John 3:10 Hichea chun Pathen chate le diabol chate akilangdoh jin ahi; koi hile chonphat pan lou chule koi hile asopi ngailu lou chu Pathena kou ahipoi. 2 Corinth 6:17, 18 Chuti ahi jeh chun Pakai chun ati, "Nangho amaho lah-a Ron chun hung potdoh-un, Chule achomin umun; Chule thilboh tongkha hihhelun; Chule keiman nangho kalah lut ding nahiuve. Chule keima napau hing ting, Chule nangho Kachapate le Kachanute nahi dingu ahi," tia hatchung nung Pakai chun asei ahi. Rome 8:14, 15 Ajeh chu Pathen Lhagao kaihoiya umho chengse chu Pathen chate ahiuve. Ajeh iham itile kichat kitna dinga sohchanna lhagao changa hilouvin, chapa hina lhagao changjoh nahibovui; hiche lhagao vanga chu, Abba! Hepa! tia ikoujiu ahi. Philippi 2:15 Chutia chu nolna neile suhsetbei Pathen chate nahidoh theiyuva, khang lamvaile vahkoiho lab a nolna beihela naumuva, vannoiya alah uva meivah banga kilang nahina dingun. /c15 JUKHAM THUDOLLA PATHEN THUSEI Thuchih Bu 20:1 Ju kiti hi mi dai chavaiya pang ahin, Khamna thei kiti jong hi kinah kibaona tah ahibouve. Hijeh chun koi koi hijongleh Khamna theiya lop'a chu miching ahipoi. Isaiah 5:11 Ohe ada ahiuve khamna thei don dinga Jingpi tah a thouji mi ho, Jutwijin achup hei kahseuva Jankhang khang geiya jantoute! Galatia 5:19-21 Chule tahsaphe lam thilbol chengse vang chu akilange; hichu jonthanhoi, thenlou, huh, milim hou, doichoi, kidou, kinah kinel, kimitthip, lunghan, loitum sem, kilangkhin, kibungkhen, kithangset, jukham, eitol golnop bol chule chutobang adang dang jong chu ahi; hichenga chu masanga kahilchah banguva chu amasanga kahilchah masah nahiuve, chutobanga chonho chun Pathen gam alo lou dingu ahi. Rome 13:13, 14 Suna bangin hoitah-in umuhite; juneh motchon le jukhama um louvin, huhle jonthanhoi nei louvin, kinahna le kithangset beihelin umuhite. Pakai Jesu Christa chu kivonjoh bovun, naphe phatna dingu tahsa lam ngaichat suhbulhit ding imacha go hih-un. /c16 LUNGTHEN MAIYA LHINGLOU Mark 10:17-22 Chuin lampi dunga che dinga apotdoh pettall-in mi khat ahung lhaijel'in a-angah adilsun, "Houhil pha, iti leng tonsot hin kenilou Radian thei ding ham?" tin adongin ahi. Chuin Jesun ajah a, "Ibol'a apha neiti ham? Pathen khatseh tailou koimacha apha aumpoi. Thupeh cheng, 'Tol tha hih-in, jon bol hih-in, Gucha hihin, thu jouvin mi heh hih-in, duhan mi bol hih-in, nanu napa jabol'in, 'ti chu nahenai," ati. Ahin amapan adonbut'in ajah a, "Houhil, hichengse chu kachapan laiya pat'a kahin nitpeh ahitai," ati. Chuin Jesun ama chu aven ahile angailun ajah a, "Khat nabat nalaiye; chen lang nanei chengse gajoh-in lang mivaicha genthei ho petan, chutile vana gou nanei ding ahi; chule hungin lang kanung hinjuiyin," ati. Chucheng asei ajah phat chun amai athimkut jeng tan, chuin gou haotah ahijeh-in lung mong mo tah-in achemang tan ahi. Matthew 22:37, 38 Chuin aman adonbut'in, "Nangman nalung pumpin, nalhagao pumpin, chule nalungthim pumpin Pakai na-Pathen chu ngailun. Hichu thupeh pipen le amasapen ahi." /c17 LHEPLHAH-IN UM HIH-UN Jacob 1:22 Ahin nang ho nangma le nangma kilhem lha a thu chu angai mai jeng hilouvin, thu chu abol'a job hiuvin. I John 3:7, 8a Kanaote ho, koima dohan lhah hid hel'un; koi hile chonphat pan chu chonpha ahi, ama chonpha ahi banga chu. Chonset pan chu diabol'a ahi; ajeh chu diabol chu atil abul'a pat hung chonsepeh jing ahi. Ephesus 5:6 Mohthu homkeuvin koima kilhep lhabsah hih un; hitiho jeh chun thua nunglou chateho chungah Pathen lunghan achujin ahi. Galatia 6:3 Mi khattou ikhat hia kingaitoa imachala hilou chu ama kilhemlhaa ahi. Matthew 24:5 "Ijeh-inem itile mi tamtah keima minin hungun tin 'Keima Christa kahi,' tiuvin tin mi tamtah alhep lhah dingu ahi." 1 Corinth 6:9, 10 Ole michonse hon Pathen gam alo lou dingu ahi, ti hi nahet lou heluham? Nangho lheplhah-in um hih-un; mi-jong, thilha hou, mijigem, mihuh, palepa kikoi, gucha, neipap kilose, jukham, mihanse, minambol; hiteho chun Pathen gam alo lou hei dingu ahi. /c18 CHONSET CHU THINA Jacob 1:15 Chule alung ngaichat phalou chu naovop jia chonset ahinji ahi; chule chooset chu apilhin tengle thina sohjia ahi. Rome 8:6 Tahsa lam lunggel chu thina ahin, Lhagao lam lunggel chu hinna le lungmonna ahi. Ezekiel 18:20 Hinkhoa chonsepa chubou thi ding ahi. Chapa chu apa themmo jala genthei lou ding ahi, chapa themmo jala jong mipa genthei louhel ding ahi; midihpa dinna chu ama chungabou umding ahi, chule mi giloupa gitlouna jong ama chunga bou um ding ahiye. Thuchih Bu 11:19 Adih kolchah a ngailua chuil Hinna anei tei ding ahin, Koi hileh agilou lam lama kiheipa vang chu Itijongleh thilo tei tei ding ahi. Rome 5:12 Hiti chu ahin, mi khat jeh a vannoiya chonset lut, chule chonset jeh a thina lut ahi; chutima chu mi jouse chonset jeh a thina chu mi jouse chunga lhungsoh ahitai. Luke 15:32 'Hiche nanaopa vang hi athisa hing kit ahin; amangsa kimu kit ahi; hijeh a chu noni satah le kipah tali a ium dingu ahi,' ati. /c19 CHRISTA'N THINA AJOUTAI Thuphon 1:18 Chule ahing jinga chu kahi; keima athisa kahi; ahinia ven, aimatih chan a dingin kahinge; chule thina le thikhol khul kotheh kaneiye. 1 Corinth 15:25, 26 Aman agalte jouse akengto noiya akoi masangsea Aman gamvai apoh ding ahi. Gal nukhahpen thina ahi, hi jong chu asuhmang ding ahi. 2 Timothy 1:10 Ahin tua vang eihuhhinga Christa Jesu hung kilab a kona kilangdoh ahitai, aman thina asu beiyin Kipana Thupha a hinna le thilouna chu vah a ahinpoh ahi. John 10:17, 18 "Keiman kahinna chu kakilah kit dinga kalba ding ahin; hichejeh a cbu Pan keima eingailut ahi. Kliattouvin eilahpeh ding thu ahipoi; keiman kachama kalha ding ahibouve. Lha jong lha theiya chule kilah kit theina thu kaneiye. Hiche thupeh hi ka-Pa a kona kamu ahi," ati. John 11:43, 44 Hichu aseiyin hasap tah-in asamin, "Vo Lazarus, hungdohin," ati. Hichun athipa chu akhut akeng lhanpon a kitom pumin amai ultheh pon a kitom pumin ahungdoh tan ahi. Jesun ajah uva, "Lhamun lang chesahun," ati. /c20 PATHEN THUPEH HO Danbu Ni Na 5:7-21 "Nangman keima angsunga pathen dang nanei louhel ding alii. "Nangman chunga vana hihen lang, noi leiset chunga hijongle, chule leiset noilam twi lah a hijongle thilsem lim tobang khat'a milim kilhajol doi nasemthu louhei ding ahi; hitobang thilsem kisemthuho hi Pathen bola nabola akom' uva nabonkhup'a chule najenle louhel ding ahi. . . "Nangman Pakai na-Pathen min chu mohseh seh a napat louhel ding ahi; ajch chu ama min mohseh seh a phapoh jingpa chu Pakaiyin themmona beiya akoi louhel ding ahiye. "Cholngah nikho chu nit'in lang, Pakai na-Pathenin nathupeh bang bangin athengin umsah jing jengin. Nigup sunga nangman na natoh a, natoh ding chan natohsoh hei ding; ni sagi lhin ni vang hi Pakai na-Pathen dinga cholngah nikho ahin, hiche nikhoa hi nangman natoh kitipou pou khat'a khat cha jong natoh louhel ding ahi. . . "Pakai na-Pathenin nathupeh bang bangin, napa le nanu jabolin. . . "Tol natha louhel ding ahi. Chule mi najonpi louhel ding ahi. Guhchat jong nabol louhel ding ahi. Naheng nakom dounaa jouthua hettohsah a napan louhel ding ahiye. "Naheng nakompa jinu jong nadeichat louhel ding; naheng nakompa in jeng jong nadeichat louhel ding ahi, alou hihen lang asoh pasal hihen, asoh numei hileh, abongchal hihen lang asangan hijongleh, ipi thil hijongleh naheng nakoinpaa kitipou pou chu nadeichat peh louhel ding ahi,' ati." /c21 PATHENA KONIN KOIMA AKISEL THEIPOI Thuchih Bu 15:3 Pakaiyin muntin hi amit te nin amusoh keiyin, Thilse le thilpha kibol jong amelchih jinge. Labu 139:8, 12 Vana kaldoh jong leng, nangma naumin; Noimigama lupna kisem jong leng, naume! . . . Nang din muthim jeng jong ajing pon, Jan jong sun bep ahin, muthim jong nang din khovah bep ahi. Luke 8:17 Ijeh-inem itile kiphong lou dinga imacha ki-ima aumpoi, chule hetdoh lou ding le kilangdoh lou ding kiselguh imacha aumpoi. Job 34:21, 22 "Ajeh chu Pathenin mihem kho-lhah amelchih-in, Akalsonna lam lam ave-lhi keove. Thilse bol miho kiselna thei ding, Khojin muthim lah jong abeitai." /c22 CHONSE HO TONSOTNA GOTNA CHANGD1U Labu 9:17 Pathen sumil namtin vaipi abonchan, Migilou jouse noimigama chesoh keidiu ahi. Matthew 13:41, 42 Mihem Chapan Avantil te sol'in tin chule amahon gamsunga konin kisuhmona chengse le akhang giloute jouse chomkhomun tin, lhum sunga aselut dingu ahi; hikoma chu ka le hagel um ding ahi. 2 Peter 3:7 Hiche thu ma ma a chu tulai vannoi leiset hi Pathen ngaisah louho thu kitan le akisuhmang niu geiya dinga kikheh meiya dinga kikhol khoma ahi, ti hi. Matthew 18:8 Chule nakhut ahim, nakeng ahim khatjo sangin nakipal lhuh sail a ahile tan bongin lang paimangin; khut ni keng ni neiya tonsot kemlou meikonga nakilelut sangin, ti bukim lou le kengbaiya hinna a lut le chun nang dingin aphajoi. Thuphon 20:15 Chule hinna lekhabu sunga amin kiholdoh louse chu mei dil'a chun aleh lut tauvin ahi. Matthew 25:46 "Chule amaho chu tonsot kemlou talen man dinga cheuva michonpha ho cbu kem lou tonsot hinna a che ding ahiuve," ati. /c23 AHUNGLHUNGDING THUPITANNA Solchahte 17:31 Aman nikho khat atep ahin, hiche ni chule ami tun chun chondihnaa vannoi hi athu atan ding ahi; ama chu athia kona akaithouva mi jouse abet kichensah ahitai," ati. Rome 14:12 Chuti ahi jeh a chu ibonchauva Pathen henga eima chonchan cheh ikisei dingu ahi. 1 John 4:17 Hichea hi thupi tan ni le eiho ihakat theina dingu va ngailutna chu eiho chunga kisuchamkim ahitai; ajeh chu ama um banga eiho hiche vannoiya hi iumu ahi. 2 Corinth 5:10 Mitinin tahsaa athilbol apha bile, ase hile, athilbol dungjui cheh a atohman asan cheh theina dinga, eiho ibonchauva Christa thupi tanna anga chu ikilah cheh dingu ahi. 2 Peter 2:9 Pakai chun Pathen ngaisah ho chu lhepna a kona huhdoh je ahen chonphalou ho thupi kitan ni kahsea dinga talen matsah a koije ahei. Hebrews 9:27 Chule mihemte dinga khatvei thia chujou le thutanna hung um ding chu gotsa ahin. /c24 JESU CHRIST MI LUNGSET 2 Corinth 9:15 Athilpeh sei thei lou jehhin, Pathen thangvah-in umhen. 1 Peter 5:5b ... Ajeh chu Pathenin mihoitho ho adoudal'in mi kineosah ho lungsetna achanjin ahi. Rome 9:16 Chuti ahi jeh chun hiche hi alunga tuhpa vang jong hilouva, adelpa vang jong hilouva, alungsetpa Pathen vanga konjoh ahibouve. Solchahte 4:33 Chuin solchahho chun thahat chungnung tah-in Pakai Jesu thokit thu ahettohsah jiuvin: abonchauva chungah lungsetna nasatah aumtan ahi. Rome 5:15 Ahivangin manbeiya thilpeh chu suhkhelatoh kibang ahipoi; ajeh chu mi khat suhkhel jeh a midang jouse athia ahile, achungchon cheh-a Pathen lungsetle mi khat, Jesu Christa, lungset vanga thilpeh chu mi tamtali chunga letset a chua ahitai. 2 Corinth 8:9 Ajeh chu Ama vaichat vanga nangho nahaodoh theina dinguva, ahaonasaa nangho jala vaicha jenga, hiche Pakai Jesu Christa lungset chu nanghon nabeuve. /c25 KISIHNA Ezekiel 18:31 Nanghon keima douna thil suh khel nanei cheng sen chu abonchan nanghoa konin paidoh son heluvin lang, lungthah semuvin lhagao thah kengun! Ipi dinga namoh thi dingu ham, Vo Israel insung? 2 Corinth 7:10 Ajeh chu Pathen lam dola lunghem chun huhhinga umna asoji ahi; hichun kisihna asojipoi; vannoi leiset lam dola lunghem chun thina asojin ahi. Matthew 3:2 "Nalung heiyun van gam anaitai," tin Judea gam gamthip'ah thu alhangsam len ahi. Luke 13:3 Ahipoi, kaseipeh nahiuve; nang ho jong lung nahei louvu le chutobangma chu namanthah dingu ahi. Solchahte 3:19 Hijeh chun, nachonsetnau chulmanga aum theina dingin nalung heiyun, hung kilehei kit'un, chutile Pakai anga konin haldohna kiledohna phat chu hung lhung theiyin tin. Solchahte 17:30 Ihet lou laiyu chu Pathenin einavetthimu ahin; tu vang in gam jousea mi jousen alung aheina dinga thu apen ahitai. /c26 CHONSET NGAIDAMNA Ezekiel 18:21 "Ahin mi gilou khattou abolsa achonset chengsea kona chu ahung kilehei kit'a keima chondan ho jouse anit'a, dan lhingset adih chu abola ahileh, amapa chu hing tei tei ding ahi; hichepa chu thi louhel ding ahiye." Mark 2:5 Jesun atahsanjeu chu amun langthipa jah a chun, "Chapa nachonset na ho ki ngaidam ahitai," ati. Solchahte 5:31 Ama chu Pathenin Israelte lungheina dingle chonset suhbeina dinga, Pakaile Huhhinga hi dinga akhut jet'a achoisang ahitai. Isaiah 55:7 Mi gilou chun achonna lampi dalha hen lang. Midih louvin alunggel jouse gelda hen; Pakaiyin ahepi theina dingin Pakai henga hung kile kit hen, I-Pathenu henga chun; Ajeh chu Pakaiyin bulhingset'a angaidam ding ahiye. Thuplion 3:20 Ven, keima kotkhah bul'ah kadingin kot kakiu jinge; mi khattouvin ka-ogin ajah a kot ahona ahile, keima kasung lhah a ama chu an kaneh khompi ding ahi; chule aman jong keima an eineh khompi ding ahi. /c27 LEISET NGAICHAT TO KIKHEN 1 John 2:15, 16 Nang hon vannoi leiset le vannoi leiset lam dol thil chengse ngailu hih hel'un. Koi hile vannoi leiset ngailua chu alung sunga Pa ngailutna cheng lou ahi. Ajeh chu vannoiya urn ho jouse tahsa lam ngaichat, mit deichat, hinlai kimoh vahchoi, hicheng hi Pa a kona ahipoi, vannoiya kona ahibouve. Isaiah 1:16 Kisil ngimuvin lang kisuthenguvin, Kamit niun thil gilou nabol jouseu tol manguvin lang, Thilse bolkit datauvin. Thilpha bolje kithem chuh-uvin lang. Colossae 3:2 Leiset thu geldauvin, chung lam thu jengbou gelun. Titus 2:11, 12 Ajeh chu Pathen milungset hung kilah a mi jouse huhhingna chu ahinlhut ahitai; hitia chu eilio Pathen ngaisah louna le vannoi leiset lung ngaichat jouse pumpaiya, lung lima chondih a chule Pathen ngaisahna neiya tu khanga hi ikhosah dingu ahi. Ephesus 5:11 Ahin muthim natohho ga neilou chu kikoppi hih un; amaho chu sosalun phohsal jovin. /c28 PEN THAH 1 John 2:29 Ama chonphatah ahi, hichu nahet jinguva ahile koi hile chonphatna lama chonpa chu, ama a kona pengdoh ahi, ti jong chu naheuve. 1 Peter 1:23 Ajeh chu nang ho kem mang thei chia kon hilouva, kem mang theilou chia kona Pathen thuhing le tonsot um jing pengthah nahiu ahitai. 1 John 5:18 Eihon hiche hi iheuve; koi hile Pathena kona penga chu achonsejipoi; ahin Pathena kona penga chu ama akihongdoh jin chule agilou chun atongkhajipoi. 1 Corinth 6:11 Nangho abang hiti chu nahiuvin, ahivangin Pakai Jesu Christa minle Pathen Lhagaova kisil ngim nahitauvin, akisuthenga them changa nahitauve. John 3:3 Jesun adonbiit'in ajah a, "Tahbeh a kaseipeh nahi. koi hijongle chunga kona thahpen kit lou chu koiman Pathen gam amu theipoi," ati. 2 Corinth 5:17 Hijeh chun koi hile Christaa um chu akisemthah ahi; alui chengse chu amanggama ahitai; veuvin, athah ahitai. /c29 CHONSET'A THI CHRISTAA THODOH Ephesus 2:1, 6 Chule nangho nathem naule nachonset nauva nathi pettah uva, Pathenin nahinsah-u ahitai. . . Chule Christa Jesu vanga eihepiu hi khonunga phat hung lhung dinga chu amilungset hao chungnungje phongdoh dinga. Colossae 3:1 Hijeh chun nangho Christa toh kaithou thaa um nahiule, Pathen jet lama tou jinga Christa umna chung lam thu jengbou chu ha holun. 1 Peter 2:24 Aman eiho chonset jouse atahsa chunga apon thingleh geiyin apodohtan ahi; hichu eiho chonset lama ithiuva chonphat lama ihinna dingu ahi; ama kijepna maliaa chu nang ho kiboldama nahitauve. Galatia 5:24 Christa Jesua hiho chengse chun tahsaphe chu alungtuple, angaichat puma thingpela akhetbeh thau ahitai. Rome 6:2, 11 Chonset lama athisa eiho, chonset'a iti ihin jing nahlai dinguham? . . . Hiche bang bang chun nangho jong chonsetna lamah athisan kigelunlang, Pathen lamah Christa Jesu'ah ahingin kigelun. /30 TONSOT HINKEMLOU John 17:3 Pathen tah khatseh nangma le nasol Jesu Christa tah chu ahetdoh dingu, hiche hi tontot hinna ahi. John 5:24 Tahbeh beh a kaseipeh nahiuve, kathusei ngaiya chule eisolpa tahsan chun tonsot hinna anei ahitai, chule thupi tanna geita louva, thinaa kona hinna galkaiya ahitai. John 3:36 "Chapa tahsana chun tonsot bin kemlou anei ahitai; Chapa thu ngai lou vang chun hinna mu lou ding, Pathen lunghan achunga umjo ding bou ahi," ati. John 3:14, 15 Chule gamthip'a Mose'n gul adop sang bang banga chu, koi hile atahsan chanin ama a tonsot hin kemlou anei theina dinga Mihem Chapa hi kidom sang ding ahi. Rome 6:23 Ijeh ham itile chonset man thina ahi, Pathen thil mohpeh vang hi Pakai Christa Jesu vanga tonsot hinna ahi. 2 Corinth 5:1 Hiche pon-in tobang kaleiset inu hi kiphelha jongle, khut'a sahlou tonsot in Pathena kona kisa indet chu vanah kaneiye, ti kaheuve. /31 HUHHING NA DINGA LHAMUNNA Galatia 4:6 Chule nangho chate nahiu jeh a chu Pathenin Amaa kona aChapa Lhagao chu ilung sunguva ahinsola Ama chun, Abba, Pa, tia akou ahi. John 14:21 "Kathupehho neiya chule nit chu eingailua ahi; chule keima eingailua chu ka-Pan angailut ding; chule keiman ama chu kangailut a ahenga kakiphon ding ahi," ati. Isaiah 32:17 Adih aum jeh a chu chamna hung uma, Adih alen jeh a Atonsot geiya dia thipbeh cha Tahsanna um ding ahi. Rome 8:16 Lhagao chun amatah-in eiho lhagaotoh kithoa Pathen chate ihiu eihetsah-u ahi. 1 John 4:13 Hichea hin eihon eiho ama a um ihiu chule ama eihoa um ahi chu iheuve; aman ama Lhagao eipehtah jeh-u chun. 1 John 3:18, 19 Kanaote ho, khaiye, eihon thu jeng le kamsung keo jenga hilouvin natoh le thutah-in ngailuu hite. Hichea chu eiho thutah a kon ihiuve, ti chu ihet dingu ahi, chujongle ama mitmua ilungu kinem jinga um ding ahi. /32 CHRISTAA KIPANA Rome 14:17 Ajeh chu Pathen gam chu anneh twidon thua ahipoi; chonphatna, lungmonna, Lhagao Thenga kipanajohbou chu Pathen gam thupi ahi. Labu 16:11 Nangman hinna lampi neihil'in, Nang umna jousea kipana alhingset jin ahi; Nukhut jetlama Tonsot tonsot'a lung lhaina jeng nachoiye. John 17:13 Tuvangin nahenga hung ding kahitai; chule kakipana amahoa auma anei kimna dinguva vannoiya hiche thu hi kasei ahi. Isaiah 12:3 Nanghon kipah puni puma huhhinga twikhuh a kona twi nakithaluva. John 15:11 Kakipana nanghoa auni jingna ding le nakipanau akimna dinga, hicheng thu hi najah uva kasei ahi. Galatia 2:20 Keima Christa toh thingpela kikhetbeh thaa kahitai; keima ahinga kahi tapoi, Christa chu keiya hinga ahibouve; tua tahsaphea kahin hi keima eingailua keima dinga kipedoh Pathen Chapa tahsan vanga chu hinga kahibouve. /33 PAKAI THUPEH JUI ANGAIYE Rome 6:16 Koi heng koi heng hijongle athua nung dinga asoh-a nalutna chu, thina dinga chonsetna lam hijongle clionphatna dinga thua nunna hijongle, athua naumpa soh chu nahi, hichu nahet louvuham? 2 Thessalonica 1:7-9 Pakai Jesu thahat loupina Vantil chengsetoh meikonga vana kona ahung kilah-a, Pathen helouhole i-Pakaiyu Jesu Christa thupha joplou chengse chunga phu alah tengle, naphuu alah-a nabol hesohho chengseu chu, abol hesoh-a hesoh thoh a nangho chu keiho chengse toh ol eipeh dingu chu; hiche ni chule aina amithengtea loupi dingle, atahsanho chengsea (Keiho thu hettohsah natahsanu ahitan) kidang tah a choiatna um dinga ahung tengle. Danbu Ni Na ll:26-28a "Ven, tuni hin keiman nang ho masanga phattheina jong gaosapna jong kakoipeh cheh uve; tunia keiman nang ho kathupeh, Pakai na-Pathenu thupeh chengse chu nanit'uva athua nanun'uva ahileh phatthei channa hitin, amavang tuni nikhoa keiman nang ho kathupeh Pakai na-Pathenu thupeh chengse hi ngailouva." /34 CHRISTA CHU KAMA PHONDOH ANGAIYE Matthew 10:32, 33 Hijeh chun koi hile miho ang a kei eiseidoh chan chu keiman jong van a ka-Pa ang a kaseidoh ding ahi. Amavang koi hile miho ang a keima eiseileppa vang chu keiman jong van a ka-Pa ang a kaseilep ding ahi. Rome 10;9, 10 Ajeh chu nangman nakama Jesu chu Pakai tia naphondoh-a chule Pathenin ama chu athi laha-konin akaithouve, ti nalunga natahsan le, asohcha ding nahi. Ajeh chu chonphatna dinga lunga tahsan ahin, sochatna dinga kama phondoh ahi. 2 Timothy 2:12 Athoh chu ithoh piu le avaipoh jong ipohpi dingu ahi; eihon ama seilep leu hen, aman jong eiseilep dingu ahi. Luke 9:26 Ijeh-inem itile koi hijongle keima le kathua jacha chu, Mihem Chapan ama loupina le Pa loupina chule Vantil theng te ho loupina a ahung tengle amapa chu ajachatpi ding ahi. 1 John 2:23 Chapa jada a chun Pa chu anei loulai ahi; Chapa janoma vang chun Pa jong chu anei ahitai. /35 SATANMELMA LENPEN Matthew 4:1, 10, 11 Hichun Jesu diabol lhep patep'a um dingin gamthip a Lhagao puitouvin aumtan ahi. . . . Chutah-in Jesun ajah a, "Chemangin, Satan; ijeh-inem itile hitin akisune, 'Pakai na-Pathen chu chibai boh-in lang ama jeng bou houvin,' akiti," ati. Chuphat'in diabol'in ama adalhatai; chuin veuvin, Vantil ho ahungun ama chu ahung jenleutauvin ahi. Solchahte 26:18 'Amit'u hadohsah dingle muthim lah-a kona khovah-a, chule satan thuneina noiya aumuva kona Pathen henga akihei theina dingule, achonsetnau akisuhbeiya, keima eitahsau vanga kisuthengho lah-a gou alo theina dinguva ahenguva kasol ding nahi,' eiti. 1 Peter 5:8 Limgeh chan umun, kihongphauvin; nakidoupiu diabol chu keipi bahkai kituma banga koi kaval lhum theidem, tia hol lea vah lea ahi. 2 Thessalonica 2:9 Hichepa hung chu satan natoh dungjuiya thilbolthei thahatle melchihna cbule jouthil kidang bol chengse toh hung kitho ding ahi. /36 SATAN GAL JO 2 Thessalonica 2:8 Chule hiche teng chule dan susea chu hung kiphongdoh ding ahi; ahinla Pakai Jesun akam hua ama chu athaa chule ama hung kilah a chu asuhmang ding ahi. Jacob 4:7, 8a Chuti ahijeh chun nang ho Pathen thun nungun; ahin diabol vang chu lethuh jiuvin, chutile nakoniuva konin jam mangtante. Pathen kom naiyun, chutile ama nang ho kom hung nai ding ahi. Hebrews 2:14 Chuti ahijeh chun chapangte ho chu thisan le tahsa chang khom ahijeh-u chun, thinaa thina thu neipa, hichu diabol ahi, asuhpoi theina ding le. Rome 8:35, 37 Christa ngailutnaa kona koihain eikhen dinga? Hesoh gaotheile, lungdonna, bolsetna, gilkel, pon beiya um, settona, chemjam, hicheng chun eikhen thei dingham? . . . Ahinla eingailupau vangin hicheng thua hin eiho galjou sanga galjou ihiuve. 1 John 3:8 Chonset pan chu diabol'a ahi; ajeh chu diabol chu atil abul'a pat hung chonsepeh jing ahi. Diabol natoh ho jouse sumang dinga Pathen Chapa hung kilah ahi. /37 NGAILUT HI SEIJUI 1 John 4:20 Khattouvin, "Keiman Pathen ka-ngailui," tihen asopi ho ta le, ama chu mijou ahi; ajeh chu aman amusa jing asopi bon angailut loule amukhah louhel Pathen chu angailut thei lou ding ahi. Galatia 5:22, 23a Lhagao ga vang chu ngailut, kipa, cham, lungmon, thohhat, mihepi, phat, tahsan umtah hi, lungneng, ama chang kitim, hicheng hi ahi. John 13:35 "Nang ho nang ho lah a nakingailut to cheh uva nahiu le nang ho chu keima seijui nahiu hichea chu mi jousen ahet ding ahi," ati. John 21:16 Aman ajah a, "Kakelngoi nou ho vah-in," ati. Anivei nan ajah a, " John chapa Simon, nangman neingailut'em?" ati kit tai. Aman ajah a, "Henge, Pakai ka-ngailut nangman nahenai," ati. Aman ajah a, "Kakelngoi ho chingin," ati. 1 Corinth 13:1 Keiman mihemho paole vantilho paovin thu sei jeng jongleng, ngailutna kanei loule, sum-eng kivogingle khutbeh kibengto bangbou kahi ding ahi. 1 John 5:3 Ajeh chu atrupeh nit hi Pathen ngailutna ahi; chule athupeh chengse jong chu pohgihsa ahipoi. /38 JESU CHRISTA THODOH KIT Solchahte 10:39-41 Chule Judahho khotinle Jerusalema abol athilbol jouse hetoh keiho kahiuve; ama chu thinga akhaiyun athattauve. Ama chu Pathenin anithum nin akaithouvin akiphondoh sahtai; mi jouse heng hilouvin amasanga Pathenin alhendoh athodoh nunga amatoh nekhom a donkhom ahetoh keiho heng ahibouve. John 20:26-28 Chuin ni get jou man seijuite insunga aum pettah-un hia chu Thomsa jong ahiuvin, kot kikhah soh keiya ahin, Jesu ahung kit'in alah uva ahung dingin, "Nachunguva lungmon um hen," ati. Chutah-in Thomas jah a, "Nakhutjungin hinkhoiyin, kakhut te ni hi ven; nakhut hin lhangin lang kanah thamin; chule gingchalel louvin tahsanin," ati. Thomas chun adonbut'in ajah a, "Ka-Pakai le ka-Pathen," ati. Mark 16:9 Chuin hapta ni masapen ni jingpia athodoh jou chun Magdalene Mariam, asunga kona thi lha sagi anodoh amanu henga chun akilah masapenin ahi. Rome 4:25 Hiche Jesu chu eiho suhkhel jeh a kipedoh ahitai; chule eiho chonpha a ikisimna dinguva kaithouva uma ahitai. /39 THOKITNA IKINEP NAU LOUPIPEN Matthew 16:21 Chuche jou chun Jesu Christan Jerusalema achea upa ho le thempu pipui ho chule danthu sun hoa kona thil tamtah athoh a chule akitha a, chule ni thum nia kaithouva aum tei ding danje chu aseijuite ahil pantan ahi. John 5:25, 28, 29 Tahbeh beh a kaseipeh nahiuve, 'Phat ahung lhunge, tu hi ahi, mithihon Pathen Chapa o ajah dingu; chule aja ho chengse chu hing ding ahiuve. . . . Hiche hi datmo hih-un; ijeh-inem itile phat ahung lhunge, hichea chu lhan khuh a um ho jousen o ajah dingu, chule hungdoh ding ahiuve; thilpha bolte ho chengse hinna a thoudoh kit ding, chule thilphalou bolte bo chengse themmo changa thoudoh ding ahiuve. Rome 6:3-5 Eiho Christa Jesua baptize chang chengse hi thinaa baptize changa ihiu hi nahet louvuham? Hiche jeh a chu Pa loupina vanga Christa athi lah a kona akaithou banga chu eiho jong hinkho thah lam chu ijot theina dinguva, baptize chana hi athinaa amatoh kivuithaa ihitauvin ahi. Ajeh chu ama thi lim banga ithiuva amatoh kijommat ihiule, athokit lim banga jong ithokit dingu ahi. /40 PAKAIYA THENNA 2 Timothy 2:21 Hichenga kona kithensodoh chu ama chu sahlut dol tah ahi, akisutheng ahin, Pakai natonga lomtah ahin, chule thilpha bolna lam jousea dinga kigosa ahi. Luke 1:74, 75 Igalteu khut'a kona huhdohna eisempeh uva, Ihinlai sungseuva ama angsunga olmona nei louhel'a, Thengtah le dih tah a Ama ihou theina dingu ahi. 2 Timothy 2:15 Nangma kipatep them chang banga Pathena kipelina dingin gunchun pon panin, jachatna beihel natong mi hin, thutah thu chu jangkei chan mang chan. 1 Peter 1:15 Nakoupau athen bangin nang ho jong nun le khan jousea thengun. 2 Corinth 7:1 Hijeh chun, sopi ngaite, thutep hicheng chu ineiyu ahi jeh chun hungun, lhagao le tahsa kisuhbohna jousea konin kisuthengu hitin, Pathen gingin thennaa chamkimin umuhite. 1 Peter 1:2 Thua nung ding le Jesu Christa thisan thekhuma urn dinga Pa Pathen lung got inasah dungjuiya Lhagao suh theng kilhengdoh ho heng'ah, lungsetna le lungmon na nachunguva pung hen. /41 PAKAIYA THENNA Hebrews 13:12 Hichejeh a chu Jesun jong ama thisana mihemte suh thengna dinga khopi kotpi polama thina athoh ahitai. Ephesus 1:4 Ajeh chu aman vannoi bul phudoh masanga pat ama anga ngailutna le thenga chule nolna beihela ium theina dinguva eibo einalhendoh sau ahin. 1 John 1:9 Eihon chonsetna iphon vangule ama chu eiho chonsetna chengse ngaidam ding le chonphat louna jouse sil theng dinga tahsan umtah chule chonphatah ahi. Isaiah 35:8 Chule lamlen khat hung kilhungin tin, Hiche chu 'Lampi Theng' kiti ding ahi; Miboh atheng lou jousen hiche lampi chu ajot louhel ding, Mi-ngolten jong asunga chu adihlou abol louhel diu abi. Matthew 3:11 "Lungheina dinga keiman twiya baptize kachansah bou ahi; amavang kanunga hungpa keima sanga chungnungjo ahi; keima akengchot choi dinga jong kilom kahipoi. Amatah chun nang ho Lhagao Theng le meiya baptize nachansah dingu ahi." /42 LHAGAOVA DIMSET MIHO Rome 8:9 Pathen Lhagao nasunguva achen vangle, tahsa lama chon hilouva Lhagao lama chon nahiu ahi. Christa Lhagao neilou vang chu Christaa ahipoi. Ezekiel 36:27 Chutengle nasunguva kalhagao kakhumpeh a, keima chondan thu ho chu kajuisah diu, kachonna dan ho chu kitup tah a kanitsah ding nahiuve. Solchahte 11:24 Ijeh-inem itile aina chu mipha ahin, chumale Lhagao Thengle tahsan dimset mi ahi; chuin miho atama tam Pakaiyah alutbetauve. Luke 11:13 "Hijeh chun nang ho bon migiloutah hiuva nachateu thilpha pehje nahet'ule, hiche sanga chun gam chenga van a Pa chun ahenga thumte chu Lhagao Theng apeh lou ding ham?" ati. Solchahte 4:31 Hiti chun ataovun ahile akikhop nau chu ahung kilingin, abonchauvin Lhagao Thengin adimun hakattah-in Pathen thu asei tauve. Solchahte 1:8a "Amavang Lhagao Theng nachunguva ahung lhun tengle nanghon thahat nanei dingu ahi..." /43 CHRISTIANTE EITEP PEHU KIDANGTAH Isaiah 66:2 Thil hichengpi hi keiman kakhut'a kasem cheh ahin, Hijeh a chu aboncha hi keiya ahi, tin Pakaiyin aseiye. Ahinia keiman kavet khoh ding mi chu Lhagaova lung nema lungkhel pa Keima thusei ajah tengleh Kitihot hotpa chubou ahiye. Thuphon 21:4 "Chule amit chenguva amit lhi chengseu atheh ngim ding; chule chule thina umta louhel ding; chule lhasetna le ka-na chule nat thohgim umta lou ahi; thil masa ho chengse chu kitol mangsoh ahitai," ati. 1 Peter 4:12, 13 Ngaite ho, nang ho patep dinga nalah uva meiya konga chu thil kidang nachunguva hung chua bangin kidang sa hih-un; nang ho Christa hesoh genthei thoh khompia nahiu bangtah chun kipah jouvin; chutia chu aloupina hung kilah teng le lung thanop toh goma nakipa theina dingun. Labu 37:3 Pakai jenga ki-ngaiyin thilpha bol'in, Chutileh gamsunga chengin natin lung monga naum ding ahi. /44 LHEP'A UMHO ATEPNA Rome 16:20 Chule chamna lungmonna Pathenin satan chu nakengto noiyuva achil ngemvah ding ahinai. Rome 8:28 Ahin Pathen ngailuho chengse, Ama lunggot lam doltah a kikouho ding vang chun, ijakaiya aphatna dingu atong khom e, ti chu iheuve. Isaiah 43:2 Nangin twipi lah najot tengleh keiman nalhon ping ting, Vadung ho napal teng jongleh nachup lou ding ahi; Nangman meikong lah napal teng leh Nakahvam den lou ding; Meikong deujejun nangma Naleogep den louhel ding ahiye. Hebrews 2:18 Ajeh chu aman lhepna atoa hesoh genthei athoh jeh chun lhepna toh ho phatna bol'a hu thei ahi. 1 Corinth 10:13 Mihem dou thei kaval lhepna nachuguva achukhapoi; Pathen tahsan umtah ahin, natha-in adou jou kalvalin lhepna nachunguva chuhsah ponte; hijeh chun nathoh jouna dingun, lhepna chutoh kilhona nakihuhdohna dingu lampi jong nasempeh dingu ahi. Labu 34:19 Midih thoh gentheina tampi ahin, Ahinla Pakaiyin hichengsea kon jong hin ahuhdoh soh-e. /c45 AJOU HO DINGA ATEPNA Thuphon 3:5 Ajouva chu ama jong chutia chu ponbanga kijem ding ahi; chule keiman ahing lekhabua kona ama min chu kathai mang louhel ding ahi; ahin ka-Pathen angsung le Avantil chengse angsunga ama min chu kaseidoh ding ahi. Thuphon 3:21 "Keiman kajoa ka-Pa koma laltouna a katou hanga hi ajouva chu kakoma kalaltouna a katousah ding ahi," ati. Thuphon 21:7 Ajou chanin hicheng hi alo ding ahi; keima a-Pathen hing ting, ama kachapa hi ding ahi. Thuphon 3:12 Ajouva chu ka-Pathen houin khoma kasem ding, chule chua kona chu potdohta louhel ding ahi; chule achunga ka-Pathen min, chule ka-Pathen khopi Jerusalem khopi thah, van a kona kaPathen koma kona hung kumlha ding, hiche min chutoh keima min thah kasut ding ahi. Thuphon 2:7 "Nakhang nei chanin Houbung ho jah jah a Lhagao thusei hi ngai hen. Ajouva chu keiman Pathen ol lim daiya um hinthing ga kanehsah ding ahi," ati. /c46 KIDA CHUNG CHANGA PATHEN THUMOP Matthew 5:32 "Ahivangin keiman najah uva kasei ahi, Ajon jeh tailouva thu dang jeh-a aji daa chun ajinu cliu ajunsah ahi; chule koi hile akidasa numei chu akichenpia jong chu ajonga ahi." Luke 16:18 "Aji da a achom dang kichenpi chan chu ajonga ahi; chule ainneipun ada numei kichenpia jong chu ajonga ahi." Rome 7:2, 3 Numei jineiya chu ainneipu ahinlai chansca danthun ainneiputoh akanbeh jing ahin, ajipa athi teng vangle ainneipu danthua kona chu ongdohjia ahi. Chuti ahi jeh chun ainneipu hinpet'in midang ji hitahen hile, chutengle amanu chu ajonga kiti ding ahi. Ainneipu thi teng vangle, danthua kona onga ahitan, pasal dang ji hijongle ajonga hita lou ahi. 1 Corinth 7:10, 11 Ji neisaho vang hiche thu hi kapeh ahi, keima kahipon Pakaiyin apeh ahi, numeiyin ajipa da hihhen. Adatah jongle jinei louvin umhen, ahiloule ajipa toh kihoucham kit jenghen, chule pasalin jong ajinu da hihhen. /c47 CHRISTA HUNGKIT DING Matthew 24:27 "Ijeh-inem itile kolphe niso lama ahung phetdoh le nilhum lam geiyin asalvah-in; Mihem Chapa hung kit jong chutobang ding ahi." Thuphon 3:11 Hung vahjet ding kahi; nalal lukhuh chu koiman nalahpeh louna dingin nanei sun chu tuh det jingin. John 14:3 "Chule nang ho ding mun sema kachea ahile, keima umna a chu nang ho jong naum theina dinguvin keima hung kit ing ting kalienga dinga kahung pui ding nahiuve." Mark 8:38 "Ijeh-inem itile koi hijong le tulai khang thah jonna le chonset pan lah a keima le kathua jah-cha chu Mihem Chapan jong a-Pa loupina a a-Vantil thengte toh ahung ni le amapa chu ajachatpi ding ahi," ati. Matthew 24:30 "Chutah le vanlaijola Mihem Chapa melchihna hung kilang ding; chule chutengtah le vannoi leiset phungtinin aom achup chup dingu ahi, chule vanlaijol'a Mihem chapa thuneitah le loupi chung nung tah a mei chunga ahung amu dingu ahi." /c48 CHRISTA HUNGKIT DING Matthew 16:27 Ijeh-inem itile Mihem Chapa a-Pa loupina a Avantilte toh hung ding ahi; chule chutengle aman mi athilbol dungjui cheh a asansah ding ahi. Luke 12:40 "Nang ho phasademin umun; ijeh-inem itile nagel lou pettahu le Mihem Chapa chu hung ding ahi," ati. Thuphon 16:15 "Veuvin, keima gucha bangin kahunge. Koi hile kihong jinga sagoli a auma ajachat kiphon louna dinga aponsil kivetphat jinga chu anun nom ahi," ati. 1 John 3:2 Ngaite ho, tun eiho Pathen chate ihiuve; chule ipi ihung hi dingu tun akiphongdoh hih laiye. Ama ahung kilah teng le eiho ama bang bang ihi dingu ahi, ti chu eihon iheuve; ajeh chu ama aum bang banga chu imu dingu ahi. Solchahte 1:11 Miteni chun, "Galilee gam miho, ibola nadinuva van lam navet jinguham? Hiche Jesu nangho koma kona vana kilatou hi, vana akaltou namu bang banguva hi hung ding ahi," ati lhone. /c49 PATHEN THU CHU 2 Peter 1:21 Ajeh chu thusoh ding chu mihem lung chama konin asoh khapoi; miho chu Lhagao Thengin asotlea Pathena kona amu chanu aseijiu ahibouve. Labu 119:105 Nathu hi kakeng din thaomeiyin apangin, Kalampia khovah-in apange. Matthew 22:29 Jesun adonbut'in, "Pathen lekhabua thu le Pathen thahatna nahetjoh sangu aum loujeh a nakhel jiu ahi." Luke 21:33 "Van le lei mang ding ahin; keima thu vang mang lou ding ahi." Labu 119:11 Kalungthima nathu kakhol jingin, Nang douna kachonset louna din kakoiye. 2 Timothy 3:16 Pathenin ahaikhum Pathen lekhabua thu kisun chengse chu kihilna a kipho na a kipuijangna a, chonphat kisinsahna dinga phatah ahi. Danbu Ni Na 4:2 "Keiman nang ho kapehsa thupeh hi gop jong nagopbe thei louhel diu, lahdoh jong nabol thei louhel dingu ahi; hitobanga hi keiman nang ho kathupeh Pakai na-Pathenu thupeh chengse chu nanit thei diu bou ahiye."
