Kachin

/1 Hkye hkrang la ai lam

Karai Kasang e shung ya ai Chyum laika shagu gaw, sharin shaga ya ai, daru
sharin chye ai, mye shading lu ai hte, ding hpring ai lam hta sharin achyin ya
na matu, akyu rawng nga ai.  (2 Timohti 3:17)

Kaning rai nme law, Karai Kasang a mung ga gaw, a hkrung nga ai hte a let nga
ai rai nna, nshan lahkawng maga dai ai hpa baw ningtawng nhtu hta mung grau
dai ai hte, myit masin hte wenyi hpe mung, nra hkrihkraw hte lasawi hpe mung,
dinghkren ginhka chye nna, kraw lawang na myit mamyit hte maw mawn ai hku hpe
jeyang hparan ya lu ai. (Hebre 4:12)

Nye n-gup kaw na pru ai mungga mung ... dai gaw ngai hpang de kaman nhtang wa
na n rai; ngai ra ai hku shadik ya na ra ai; ngai shangun ai amu hta, awng wa
na ra ai.  (Esaia 55:11)

Na a mungga hpe hpaw dan yang, nhtoi htoi wa nna, myit n su ai ni hpe, kung
hpan wa shangun mu ai.  (Shakawn Kungdawn 119:130)

/2 Mungkan ga hpe hpan tawn ai lam

Shawng ningpawt e Karai Kasang gaw sumsing lamu hte ginding aga hpe hpan da wu
ai.  (Ningpawt Ninghpang 1:1)

Arai yawng mayawng gaw shi a marang e tai nga ai; nga manga hta shi n lawm ai
tai wa ai gaw, langai mi muk n nga ai. (Yawhan 1:3)

/3 Shinggyim masha hpe hpan da ai lam

Shing rai Karai Kasang gaw shi a hkrang sumla hte maren shinggyim masha hpe
hpan da wu ai; shi a hkrang sumla hte maren, Karai Kasang gaw shi hpe hpan da
wu ai:shinggyim lasha hte shinggyim numsha hpe shi hpan da wu ai. Shaloi Karai
Kasang gaw shan hpe shaman ya ... wu ai.  (Ningpawt Ninghpang 1:27-28)

Shaloi Yehowa Karai Kasang gaw aga hta na ga yun hte shinggyim hkrang shachyaw
wu ai rai nna, shi a ladi hta hkrung ai nsoi nsa kawut bang ya wu ai; dai rai
nna shinggyim masha gaw hkrung nga ai myit masin rawng ai masha tai wa ai. Dai
hpang Yehowa Karai Kasang gaw, sinpraw maga na Edin ngu ai shara e sun langai
mi hkai sharam tawn wu ai, dai kaw e shi shachyaw ai shinggyim masha hpe nga
shangun da wu ai.  (Ningpawt Ninghpang 2:7, 8)

Shaloi Yehowa Karai Kasang gaw dai masha hpe woi la nna, Edin sun hpe yu
lajang na hte sin nga na matu, tawn da wu ai. Yehowa Karai Kasang mung dai
masha hpe, Dai sun hta tu ai hpun yawng mayawng hta na gaja wa nang sha lu na
ndai; rai ti mung kaja ai hte n kaja ai hpe chye ginhka shangun ai hpun hta na
chyawm gaw, nang n sha lu na ndai, kaning rai nme law, dai hpun hta na sha ai
nhtoi hta, nang teng teng si lu na ndai, ngu nna hkang da wu ai.  (Ningpawt
Ninghpang 2:15-17)

/4 Yubak shang wa ai lam

Ya dai lapu gaw, Yehowa Karai Kasang galaw ai nam mali na dusat nhprang mahkra
hta hpaji grau rawng nga ai. Shi gaw dai numsha hpe, Ndai sun hta tu ai hpun
mahkra hta na, nan n sha lu na rai myit dai, nga nna Karai Kasang gaja wa tsun
a ni ? ngu nna san wu ai.

Shaloi dai numsha gaw, Ndai sun hta tu ai hpun ni a asi hta na, an sha lu ga
ai; rai ti mung, ndai sun a kaang e tu ai hpun a asi hpe chyawm gaw. Nan si ai
n hkrum myit ga, dai hta na nan n sha lu na myit dai, dai hpe mung hkum hkra
myit, nga nna Karai Kasang tsun ai, ngu nna lapu hpe htan wu ai.

Dai rai nna lapu gaw. Nan gaja wa n si na myit dai; kaning rai nme law, dai
hta na sha ai nhtoi hta e nan a myi hpaw nna, kaja ai hte n kaja ai hpe chye
ginhka na ra ai majaw, Karai Kasang hte maren nan tai na ma rin dai gaw, Karai
Kasang chye nga ai, ngu nna dai numsha hpe, tsun wu ai.

Hpun dai gaw sha na matu mai kaja nga ai mung, myi a matu yu chyoi nga ai
mung, hpaji lu la na matu sharawng awng ai hpun rai nga ai mung, dai numsha
gaw mu wu jang, dai hpun hta na asi di sha wu ai; madu wa hpe mung shi agaw
jaw wu ai rai nna, shi mung sha wu ai.  (Ningpawt Ninghpang 3:1-6)

Shaloi Yehowa Karai Kasang gaw, dai numsha hpe, Ndai nang galaw ai gaw, hpa
rai nga a ta? ngu nna san wu ai; dai numsha gaw, Ngai hpe lapu e lau nna ngai
sha kau se ai, ngu nna htan wu ai.

Dai rai nna Yehowa Karai Kasang gaw dai lapu hpe, Nang ndai galaw ndai majaw,
yam nga mahkra hte nam mali na dusat nhprang mahkra hta, nang dagam dala hkrum
na ndai; na a kan hte nang hkawm lu na rai nna, nang hkrung nga ai nhtoi
mahkra hte hta, ga nhpu sha lu na ndai; nang hte numsha hpe mung, na a amyu
matu hte shi a amyu matu hpe mung, ngai majan shangun da na ma de ai; shi gaw
na a baw abrep na ra ai, nang mung, shi a lahtin achye na ra ai, ngu wu ai.

Numsha hpe mung, Na a tsin-yam hte shinggyim machyi ai gaw ngai grau shalaw ya
na de ai; shinggyim machyi ai hte nang kashu kasha shangai lu na ndai; na a
madu wa hta nang myit manoi nga na ra ai rai nna, shi mung na a ntsa e up nga
na ra ai, ngu wu ai.

Adam hpe mung, Na madu jan a ga nang madat nna, ngai, Hkum sha, ngu nna jet da
ai hpun hta na nang sha nit dai majaw, aga gaw na a jaw e dingnye hkrum nga
ai, nang hkrung nga ai nhtoi mahkra hte hta, ru tsang ai hte, ga hta na nang
sha nga lu na ndai; aju hte atsing mung na a matu shi shatut na ra ai; ga na
nsi naisi namlaw namlap nang sha nga lu na ndai: ga de na nang hpe shapraw la
de ai majaw, ga de nang nhtang wa ai du hkra, na a myi man a salu salat hte na
a shat nang sha nga lu na ndai, kaning rai nme law, nang ga yun rai nga ndai
rai nna, ga yun bai tai na rin dai, ngu wu ai.  (Ningpawt Ninghpang 3:13-19)

Shaloi, mungkan ga ting hpe hkalem kau ai, Nat hte Satan ngu ai, moi na lapu
rai nga ai baren numraw kaba gaw . . . shi a ali ama ni mung shi hte rau
jahkrat kau ai hkrum ma ai.  (Shingran Laika 12:9)

Dai rai nna, masha langai mi a jaw e yubak gaw mungkan ga e shang wa nna,
yubak a majaw si hkrung si htan shang nang wa ai hte maren, yawng mayawng
yubak kap nga ma ai majaw, masha niang kaw e si hkrung si htan du bang wa sai.
(Roma 5:12)

/5 Karai Kasang a man e yubak mara kap ai lam

Anhte yawng sagu zawn lam dam mat sa ga ai, langai hte langai tinang lam hkan
mat ga ai. (Esaia 53:6)

Zai byeng-ya rawng ai wa nga ai, n nga ai, Karai Kasang hpe tarn ai wa nga ai
kun ? mada yu na nga, Yehowa lamu de nna, masha kasha ni hpe gum yu nga ai.
Yawng dam mat wa ma sai.  Shanhte rau brun mat wa ma sai.  Kadai mung kaja ai
amu n galaw ma ai. Gaja wa, langai mi muk n nga ai.  (Shakawn Kungdawn 14:2-3)

Laika hta mung, Ding hpring ai wa n nga ai, langai mi pyi n nga ai . . .  Ngwi
pyaw ai lam hpe shanhte n chye ma ai. Karai Kasang hpe hkrit kamyin ai lam,
shanhte a myi man e n rawng ma lu ai . . . Kaning rai nine law yawng yubak
galaw ma ai hte, Karai Kasang a arawng sadang hpe dumhprut kau nna, jahpu n ya
ai sha, shi a chyeju hte. Yesu Hkristu a htingrai htingra ya ai a gawp e, ding
hpring ai gaw du lu na ma ai.  (Roma 3:10, 17-18, 23-24)

Ya chyawm gaw, Yesu Hkristu hta e rai nga ai makam masham hte seng ai ga ndat
gaw, kam sham ai ni hpe jaw ya lu mu ga, Chyum laika gaw yawng mayawng hte hpe
yubak a npu e rawng da nu ai. (Galau 3:22)

/6 Karai Kasang a tsaw ra ai myit

Kaning rai nme law, Karai Kasang a Kasha hpe kam sham ai ni niang hte gaw,
hten bya n hkrum ai sha, htani htana asak lu la mu ga nga, Karai Kasang gaw
shi a Kasha shingtai hpe jaw kau ai kaw du hkra, mungkan ga hpe tsaw ra wu ai.
(Yawhan 3:16)

Karai Kasang gaw shi a Kasha shingtai hpe mungkan ga de shangun dat wu ai rai
nna, anhte gaw shi a marang e a hkrung nga ma li ga, nga ai rai nna, dai gaw
anhte hta e, Karai Kasang a tsaw ra ai myit dan pru ai lam rai nga ai. Anhte
gaw, Karai Kasang hpe tsaw ra nga ga ai n rai, shi hkum nan anhte hpe tsaw ra
nga ai hte, anhte a yubak a matu mara gawng malai hkungga tai u ga, shi a
Kasha hpe shangun dat ai lam gaw, tsaw ra ai lam madung rai nga ai.  (1 Yawhan
4:9-10)

/7 Hkristu Yesu mungkan ga de du sa ai lam

Yubak kap ai ni hpe hkye hkrang la na matu mara, Hkristu Yesu gaw mungkan ga
de du ra ai, nga ai ga gaw, kangka re ai hte gaja wa hkam la ging ai ga rai
nga ai.  (1 Timohti 1:15)

Hkristu Yesu . . . shinggyim masha hte bung hkra tai wa sai.  (Hpilipi 2:5, 7)

Shi gaw mungkan ga e nga nga ai hte, mungkan ga mung shi a marang e nan tai wa
sai: rai ti mung mungkan ga gaw shi hpe n chye wu ai.  (Yawhan 1:10)

/8 Madu Yesu a shangai wa ai lam

Ya, Yesu Hkristu a shangai wa ai lam ning rai nga ai . . . Yu u, dai hkawn sek
gaw na-um nasin rai wa na rai nna, shadang sha shangai na ra ai, shi a amying,
Emanuela shamying ya na ma ru ai, nga ai: de a ga lachyum, Karai Kasang anhte
hte rau rai nga ai, nga ai re ai. (Mahte 1:18, 23)

Shi gaw shadang sha shangai na ru ai rai nna, nang shi a amying hpe, Yesu, ngu
nna shamying lu na rai nga ai: kaning rai nme law, shi a amyu hpe tinang a
yubak mara kaw na hkye hkrang la na shi rai nga ai, ngu wu ai. (Mahte 1:21)

/9 Mungkan ga e asak hkrung ai lam

Dai gaw Nazaret wa Yesu a lam rai nga ai; Karai Kasang gaw chyoi pra ai Wenyi
hte mung, n-gun atsam hte mung, shi hpe chya ya wu ai, Karai Kasang shi hte
rau rai nga ai majaw, mai kaja ai amu shi galaw nna, nat gumlau e zingri
zingrat hkrum ai ni yawng mayawng hpe shamai ya let, kawan katsan hkawm nga
ai. (Kasa 10:38)

Dai hpang Yesu gaw, mare kahtawng shagu hkan e kawan hkawm nna, shanhte a tara
jawng ni hta e sharin shaga ya ai hte sumsing lamu mungdan a kabu gara shi ga
hpe hkaw dan let, ana ahkya amyu myu hte, machyi makaw amyu myu hpe shamai
shatsai ya mu ai. (Mahte 9:35)

Shaloi masha wunawng wuwa kaba shi kaw sa du ma ai hte, lagaw hten ai, lata
hten ai, myi kyaw ai, n chye shaga ai hte ana amyu myu kap ai masha law law wa
hpe, shanhte lahku sa ma ai rai nna, shi a lagaw nhpang e shayu tawn da mu ai:
shi shanhte hpe shamai shatsai di mu ai. (Mahte 15:30)

/10 Htingrai htingrat na matu si hkam sai lam

Ya Pungkum ngu ai shara de du jang, shanhte gaw shi hpe mung, damya yan hpe
mung, shi a hkra maga de langai mi, pai maga de langai mi di nna, wudang hta
jen da mu ai. Shaloi Yesu gaw, Wa e, shanhte a mara dat kau ya mu: shanhte
galaw ai lam hpe shanhte n chye nga ma ai, nga ai. Shanhte gaw shi a hpun
palawng ni hpe mung, hpaida da nna karan la ma ai. (Luka 23:33-34)

Shi gaw masha ni e shatan nhkan ai hte, n kaw n law di ai hkrum nga ai: yawn
hkyen hkrum ai hte nji nmu chye ai wa, shi rai nga ai . . . Gaja wa, shi hpe
hpa n nawn ga ai. Gaja wa, shi gaw anhte a ana ahkya gun kau ya nna, anhte a
yawn hkyen ai hpe, hpai kau nu ai . . . Shi gaw anhte a tara tawt lai ai a jaw
e hkala nba hkrum nna, anhte shut hpyit ai a majaw ahpye alam hkrum sha nga ai
. . . Shi a nma majaw, anhte mai tsai lu ga ai. Anhte yawng sagu zawn lam dam
mat sa ga ai, langai hte langai tinang lam hkan mat ga ai. Yehowa chyawm gaw
anhte mahkra a yubak mara hpe, shi a ntsa e mara da nu ai.

Shi gaw nye amyu masha ni tara tawt lai ai majaw, hkrung nga ai ni a ga hta na
htawm kau ai hkrum nna . . .  Shi gaw adip arip hpa n galaw ai hte, shi a
n-gup hta hkalem hkalau ai hpa mung n rawng nga ai . . . Shi gaw, masha law
law a yubak hpe gun hpai nna, tara tawt lai ai ni a matu mara htinglu htinglai
ya ai.  (Esaia 53:3-6, 8-9, 12)

Kaning rai nme law, ngai hkam la sai lam ngai nanhte hpe shawng na lak e ap ya
ma sa de ai . . . Hkristu gaw anhte a yubak a matu mara si hkam sai. (1
Korinhtu 15:3)

Dai re ai majaw . . . Ngai gaw sagu ni shang ai chyinghka hku rai nga nngai.
Ngai gaw sagu rem wa kaja rai nngai . . . sagu ni a matu tinang a asak nawng
ya kau lu ai. Ndai ulawng hte n seng ai sagu kaga mung ngai naw lu nngai . . .
sagu rem wa langai sha, rai na ra ai. (Yawhan 10:7, 11, 16)

/11 Yesu si ai kaw na bai hkrung rawt ai hte lamu de woi shalun la ai hkrum ai
lam Hkristu gaw nni nkri hkam nna masum ya du ai nhtoi e si ai ni kaw na
hkrung rawt wa na ra ai lam mung, . . . ka da nga ai. (Luka 24:46-47)

Karai Kasang chyawm gaw, masum ya nhtoi hta dai wa hpe sharawt dat wu ai rai
nna . . . anhte gaw shi hte rau lu sha lu ga ai. (Kasa 10:40-41)

Shi gaw nni nkri hkrum ai hpang ...  shanhte kaw shi hkum sa pru dan dan di mu
ai. Ndai tsun nga yang . . .  sumwi gaw shanhte a man na shi hpe magap la mat
wa ai. (Kasa 1:3, 9)

Shi gaw hkum shan hta dan pru wa sai, Wenyi hta e ding hpring ai hkrum nu ai;
Lamu kasa ni gaw shi hpe mu lu ma nu ai, Maigan ni kaw shi a lam hkaw dan ma
nu ai; Mungkan ga gaw shi hpe kam sham ma sai, Hpung shingkang hta shalun ai
shi hkrum nu ai.  (1 Timohti 3:16)

Ya chyawm gaw, Hkristu si mat ai ni kaw na bai hkrung rawt wa sai rai nna, yup
pyaw mat ai ni hta shawng si ai asi tai wa sai. Kaning rai nme law ... bai
hkrung rawt wa na lam tai wa sai. Yawng mayawng gaw . . .  Hkristu hta e bai
hkrung wa na ma ra ai. (1 Korinhtu 15:20-23)

/12 Karai Kasang a hkye hkrang la ai lam

Ngai hkye hkrang la ai kaw du lu hkra, kaning rai na rai ta ? . . .  Madu Yesu
hpe kam sham u, shaloi nang hte na nta masha ni niang, hkye hkrang la ai kaw
du na ma rin dai. (Kasa 16:30-31)

Dai re ai majaw, dai Madu kaw na ngwi pyaw ai aten ladaw du ru ga hte nanhte a
yubak raw dat na matu myit malai lu nna kayin wa ma rit.  (Kasa 3:19-20)

Myit malai lu nna, nanhte a yubak raw dat kau ya u ga . . . chyoi pra ai Wenyi
ngu ai kumhpa gaw, nanhte lu la na ma rin dai. (Kasa 2:38)

Anhte a yubak hpe anhte madun nem ga yang gaw ... shi kangka nga ai hte ding
hpring ai wa rai nga ai.  (1 Yawhan 1:9)

Shing rai, Yesu gaw Madu rai nga ai, nga nna na a n-gup ga hte tsun gara nna .
. . Kaning rai nme law, masha gaw ding hpring ai lu la hkra myit masin hte kam
sham nna, hkye hkrang la ai lu la hkra, n-gup hte tsun gara nga ai. (Roma
10:9-10)

Kaning rai nme law, makam masham a marang e, chyeju hte sha, nanhte hkye
hkrang la ai hkrum ma nit dai; dai gaw nanhte kaw na n rai, Karai Kasang a
kumhpaw kumhpa sha rai nga ai. (Ehpesu 2:8)

Shing rai dai Madu a amying nsang hpe shaga ai masha kadai mung, hkye hkrang
la ai kaw du lu na ra ai.  (Roma 10:13)

Ngai hpang de du sa ai wa hpe mung, gaja wa ngai n kanawng kau na nngai.
(Yawhan 6:37)

Htani htana asak ngu ai chyawm gaw, langai sha rai nga ai hte teng man re ai
nang Karai Kasang hpe mung, nang shangun dat ai wa Yesu Hkristu hpe mung,
shanhte chye chyang lu ai hpe, ngu ai, rai nga ai. (Yawhan 17:3)

/13 Yesu a sai hte htingrai htingrat lu ai lam

Ya chyawm gaw, shawng e tsan gang nga ai ni nanhte gaw, Hkristu a asai hte
Hkristu Yesu hta e ni wa ma nit dai. (Ehpesu 2:13)

Shi gaw dai nhtoi hta rawng nga ai hte maren, anhte mung dai nhtoi hta hkawm
nga yang gaw ... shi a Kasha Yesu a asai gaw, anhte hta na yubak niang hte hpe
jasan jaseng kau ya mi ai.  (1 Yawhan 1:7)

Kaning rai nme law, shi hta e hkum dinghkum rawng nga u ga, Kawa gaw sharawng
awng nga ai rai nna, shi a wudang na hkaw ai asai hte mahku mara shatai let,
shi a lata e yawng hte hpe shi hkum hte htinglu htinglai ya nga ai. (Kolose
1:19-20)

Kaning rai nme law, ji wa ni kaw nna hkan dagraw nga ai nanhte a n se ai arawn
alai hta na, hten mat chye ai aja gumhpraw hte nanhte hpe galai hkrang la lu
na n rai, ana n kap ai, ra n rawang ai Hkristu ngu ai sagu kasha a hpu la ai
asai hte sha, galai hkrang la lu na myit dai.  (1 Petru 1:18-19)

Shi a n taw n tsang ai chyeju a majaw mung, tsaw ra htum ai Kasha a asai hta
nan, htingrai htingrat na lam hte yubak hpe raw dat kau na akyu, anhte lu la
sa gaw ai.  (Ehpesu 1:7)

Kaning rai nme law, hkum shan a asak gaw asai hta rawng nga ai: nanhte a myit
masin matu htingrai htingrat ya na . . . asai gaw htingrai htingrat ya lu ai.
(Jaw Jau Laika 17:11)

Hkristu hta e marai langai ngai rai nga ai teng yang gaw, shi gaw ning nan
hpan da ai wa rai nga ai; dingsa hte gaw lai mat wa sai, yu mu, dai hte gaw
ningnan tai wa sai.  (2 Korinhtu 5:17)

/14 Chyoi pra ai Wenyi a lam

Ngai mung Wa kaw hpyi nna, Wa mung nanhte hte prat tup rau nga na matu, teng
man ai hte seng ai Wenyi ngu ai Shalan Shabran ai wa kaga, nanhte kaw shangun
dat ya na ra ai ...  shi gaw nanhte hte rau rai nga ai, nanhte hta mung rawng
nga na ra ai.  (Yawhan 14:16-17)

Nye Wa e nye a amying hte shangun dat na ra ai, Shalan Shabran ai wa ngu ai,
Chyoi pra ai Wenyi gaw nanhte hpe lam magup sharin ya nna, ngai nanhte hpe
tsun dan ai ga yawng mayawng, nanhte hpe shadum shahprang ya na ra ai. (Yawhan
14:26)

Hkye hkrang la hkrum ai nhtoi du hkra, nanhte hpe dazik shakap ai Karai Kasang
a Chyoi pra ai Wenyi hpe, myit hkum shayawn myit.  (Ehpesu 4:30)

Da ndai ngai tsun nngai gaw, Wenyi hte hkawm nga mu; shaloi hkum shan a marin
ai lam hpe nanhte shadik na myit dai n rai. (Galati 5:16)

Karai Kasang a Wenyi e woi lakawn la ai hkrum mahkrum ni gaw, Karai Kasang a
kashu kasha ni rai nga ma ai.  (Roma 8:14)

Wenyi hte hpring tsup nga mu.  (Ehpesu 5:18)

Wenyi a asi chyawm gaw tsaw ra ai kabu gara ai, ngwi pyaw ai, myit galu kaba
ai, matsan dum ai, mai kaja ai, kangka ai, myit nem ai hte tinang myit hpe
hkang lu na rai nga ai, dai lam hte hpe hkum lu na tara mi n nga ai. (Galati
5:22-23)

/15 Shachyoi shapra ai lam

Kaning rai nme law, nanhte gaw hpye ai amu hpe koi gam nna, Karai Kasang hpe n
chye n chyang ai maigan masha ni a ngang kayut ai hte n hkawm ai sha . . .
nanhte a shachyoi shahpra na lam rai nga ai.  (1 Htesaloni 4:3, 5)

Na a teng man ai lam hta, shanhte hpe shachyoi shapra ya mu; na a mung ga gaw,
teng man ai lam rai nga lit dai. (Yawhan 17:17)

Shing rai shachyoi shapra ya ai wa hte, shachyoi shapra hkrum ai ni gaw,
langai sha hta rum nga ma ai; dai re ai majaw shanhte hpe hpu nau ngu na shi n
kaya ai sha. (Hebre 2:11)

Dai hte maren nanhte mung, yubak hte si hka mat ai ni rai nga ma nit dai rai
nna, Hkristu Yesu hta e Karai Kasang a man e a hkrung nga ai ni rai nga ga ai,
ngu nna myit la mu.  (Roma 6:11)

Ngwi pyaw ai a npawt Karai Kasang nan nanhte hpe hkum dinghkum shachyoi shapra
myit ga . . . nanhte hpe shaga la ai wa gaw kangka nga ai rai nna, ndai lam
hpe mung galaw na ru ai. (1 Htesaloni 5:23-24)

/16 Akyu hpyi ai lam

Shing rai, Wa gaw Kasha a marang e hpung shingkang lu la hkra, nye a amying
gang nna, nanhte hpyi mahpyi, ngai madat ya na nngai . . . hpyi ai hte maren
ngai madat ya na nngai.  (Yawhan 14:13-14)

Nanhte ngai hta noi nga nna, nye ga mung nanhte hta noi nga ai rai yang gaw
nanhte hpa hpyi mayu yang hpyi mu, hpyi ai hte maren nanhte e madat ya na ra
ai.  (Yawhan 15:7)

Nye a myit hta shut hpyit ai kap yang gaw, dai Madu madat ya na n rai.
(Shakawn Kungdawn 66:18)

Nanhte hpyi mahpyi hte ra mara lu la na ra ai, ngu nna kam sham nga mu. Shing
rai jang, nanhte lu la na myit dai. (Marku 11:24)

Ahkying ladaw shagu hte hta e, akyu hpyi nna hpyi nem ai amyu myu hte, dai
Wenyi hta hpyi nga nna, a maja nga let chyoi pra ai ni niang hte a matu mara
n-gun n yaw ai sha, tut tut akyu a hpyi nga mu.  (Ehpesu 6:18)

N sim n sa akyu hpyi nga mu; lam shagu hta shakawn kungdawn nga mu.  (1
Htesaloni 5:17)

/17 Daw jau lam hte zingri zingrat hkrum ai lam

Bai, Yesu gaw shi a sape ni hpe, Ngai hpang de sa wa mayu ai wa kadai rai ti
mung, tinang a hkum hpe nyet kau lu na rai nna, shi a wudang hpai let, ngai
kaw hkan nang ru ga. (Mahte 16:24)

Dai hta kaga, shi gat nu ai, matsan mayan ni hpe gam jaw nu ai. Shi a ding
hpring ai gaw htani htana a nga nga ai, nga nna ka da nga ai hte maren, lam
shagu hta e nanhte tut tut marai hkum sumhpa rawng let, mai kaja ai magam
bungli amyu myu hta law htam wa myit ga, Karai Kasang gaw nanhte hta e chyeju
hkum sumhpa law htam shangun lu ai.  (2 Korinhtu 9:8-9)

Dai re ai majaw ngai tsaw ngai ra ai hpu nau ni e, nanhte gun hpai ai amu gaw
dai Madu hta e kaman lila n rai nga ai . . . shakut sharang nga nga mu law. (1
Korinhtu 15:58)

Kaning rai nme law, Hkristu hta e kam sham lu na chyeju sha n rai, shi a matu
mara nni nkri hkrum na chyeju hpe mung . . . ngai hkrum ai gasat gala ai lam
hte langai sha rai nga ai.  (Hpilipi 1:29-30)

Dai rai nna, ding hpring ai lam a majaw nanhte nni nkri hkrum myit yang gaw,
nanhte a lu nga myit dai...  de a majaw sha pyi hkum ung-ang nga myit. (1
Petru 3:14)

Hkristu a amying nsang a majaw, nanhte asawng asang hkrum nga myit yang gaw,
nanhte a lu myit dai; kaning rai nme law, hpung shingkang a Wenyi hte Karai
Kasang a Wenyi gaw, nanhte a ntsa e a wam nga ai.  (1 Petru 4:14)

/18 Hkrang bung sumla naw ai hpe Karai Kasang jep kau ai lam

Ngai gaw, Egutu mung hte mayam tai nga ai nta na nang hpe shapraw la ai, na a
Karai Kasang Yehowa rai nga nngai. Ngai hta kaga Karai Kasang shaje hpe hkum
naw hkum ku et . . .  ngai hpe n dawng n yawt ai ni a amyu lakung hpe gaw kawa
ni a yubak kasha ni hta prat masum prat mali du hkra jaw nga nngai.  (Pru mat
wa ai Laika 20:2-5)

Amyu baw ni a hpara ni, sumla hkrai rai nga ma ai. Yehowa chyawm gaw, sumsing
lamu hpe hpan da nu ai.  (Shakawn Kungdawn 96:5)

Dai rai nna, sumla ni hpe nawng ai hkungga sha na lam gaw, sumla gaw ga
ningtsa e hpa n re ai sha rai nga ai hte, langai sha rai nga ai Karai Kasang
hta kaga shaje n nga ai, anhte dum chye ga ai. (1 Korinhtu 8:4)

Rai ti mung, anhte a matu mara, Wa ngu ai, Karai Kasang langai sha rai nga ai
rai nna, shi kaw nna yawng mayawng pru wa ai hte ... shi a marang e yawng
mayawng rai nga ai hte, shi a majaw anhte rai nga ga ai.  (1 Korinhtu 8:6)

Dai rai nna Yesu gaw, Satan e, pru mat wa u, dai Madu, na a Karai Kasang hpe
nang naw ku lu na rai nna, shi hpe hkrai daw lu na rai nna ... shi hpe ngu wu
ai. (Mahte 4:10)

Dai re ai majaw, hpye ai amu, awu asin re ai amu, ngang kayut ai, n hkru n
hkra re ai marin marit ai hte . . . dai hte a majaw Karai Kasang a pawt
sindawng ai gaw du ra ai.  (Kolose 3:5-6)

/19 Karai Kasang a hkye hkrang la ai lam hpe nyet kau ai a hkrit hpa lam

Ndai hte wa galu kaba ai hkye hkrang la ai chyeju hpe n gawn n sawn di ga
yang, anhte kaning rai lawt lu na ga ta? (Hebre 2:3)

Kasha wa hpe kam sham ai wa gaw, htani htana asak lu la wu ai. Kasha wa a ga
hpe n madat ai wa chyawm gaw, asak hkrung lam mu na wu ai n rai Karai Kasang a
sindawng kahtet ai gaw dai wa a ntsa e a nga nga ai, ngu nna htan mu ai.
(Yawhan 3:36)

Dai majaw, Yawhan a lata hte baptisma hkam la na, pru sa ai shawa masha ni hpe
shi tsun mu ai gaw, Pu htum amyu ni e, du magang ra ai yubak ari hta na
hprawng wa lu myit ga, nanhte hpe kadai shadum da myit ta? (Luka 3:7)

Dang lu ai wa gaw ndai hte a sali wunii hkam la lu na ra ai rai nna, ngai gaw
shi a Karai Kasang tai na hte ...  sumla naw ku ai ni hte masu magaw ga tsun
ai ni yawng hte gaw, wan hte kan grung ai nawng hta ari hkrum lu na ma ra ai,
dai gaw lahkawng lang na si lam rai nga ai, nga nna ngai hpe tsun ai.
(Shingran Laika 21:7-8)

/20 Satan a nhkru ai kaw na mawai la ai lam

Ngwi pyaw ai a npawt Karai Kasang gaw gade n na yang nanhte a lagaw npu e
Satan hpe kabye arin na ra ai.  Anhte a Madu Yesu a chyeju gaw nanhte hte rau
a nga nga u ga law.  (Roma 16:20)

Yubak galaw ai wa gaw, Nat kaw na rai nga ai, kaning rai nme law, Nat gaw
shawng npawt kaw nna, yubak galaw nga ai. Dai rai nna, Nat a amu bungli hpe
sharun jahten kau u ga, Karai Kasang a Kasha gaw paw pru wa sai. (1 Yawhan
3:8)

Anhte a Wa Karai Kasang hte Madu Yesu Hkristu kaw na chyeju hte ngwi pyaw ai
gaw, nanhte hta e a nga nga malit ga law. Dai Madu gaw, anhte a Kawa Karai
Kasang a myit ra ai hte maren, ya e rai nga ai n hkru ai mungkan ga na anhte
hpe mawai la u ga, anhte a yubak a matu mara shi hkum hpe nan ap kau ya wu ai.
Dai Kawa Karai Kasang kaw, htani htana prat dingsa e hpung shingkang a nga nga
u ga law. Amen. (Galati 1:3-5)

Nat e maw ai hkalem hkalau ai lam hte hpe nanhte manga kau lu myit ga, Karai
Kasang jaw da ai hpyen hking nlang hte hpe bu hpun dagraw nga mu.  (Ehpesu
6:11)

Anhte a Madu Yesu Hkristu a jaw e anhte hpe padang jaw ai Karai Kasang chyawm
gaw, a nga u ga law.  (1 Korinhtu 15:57)

/21 Yesu Hkristu bai du yu wa na lam

Shing rai ngai wa nna, nanhte a matu nga shara lajang da nhtawm, ngai nga nga
ai shara e nanhte mung nga lu hkra, ngai bai sa nna, nanhte hpe ngai hpang de
woi la na ma de ai.  (Yawhan 14:3)

Nanhte a man na sumsing lamu de shalun la ai wa, dai Yesu gaw, nanhte mu nga
yang sumsing lamu de wa ai zawn, dai hku bai du na ra ai, ngu nna tsun mu ai.
(Kasa 1:11)

Dai Madu nan jahtau garu ai hte, lamu kasa agyi a nsen hte, Karai Kasang a
pahtau dum ai hte sumsing lamu de na yu wa nna, Hkristu hta e si mat ai ni gaw
shawng numshawn e rawt wa lu na ma ra ai: dai hpang, dai Madu hpe Kaang
ganghkau e hkrum na matu, hkrung nga ai hte naw hti ngam nga ai ni anhte gaw,
shanhte hte rau sumwi ntsa de shalun la ai hkrum na ra ga ai rai nna, anhte
gaw dai Madu hte rau tut nawng e a nga nga na ra ga ai. (1 Htesaloni 4:16-17)

Tsaw ra ai ni e, Karai Kasang a kashu kasha ni, anhte ya e rai nga ga ai rai
nna, anhte hpa mi tai na, garai n dan pru nga ai, rai ti mung, shi dan pru nga
yang, anhte shi hte bung na ga ai . . . shi hkum hpe nan anhte mu lu na gaw
ai. (1 Yawhan 3:2)

Dai rai nna, nanhte a Madu gaw gara shani e du wa na hpe nanhte n chye myit
dai majaw, a maja nga mu.  Dai rai nna nanhte mung chyip chyip rai nga mu:
kaning rai nme law, nanhte n dum n mi re ai ahkying hta e, dai Masha Kasha du
wa na ra ai.  (Mahte 24:42, 44)

Yu u, ngai alawan du na ring ngai, langai hte langai hpe tinang a amu hte
maren bai htang jaw na, ging dan ai shabrai ngai lang da we ai.  (Shingran
Laika 22:12)

Ndai lam hte hpe sakse hkam ya ai wa gaw, rai sa, ngai alawan du na ring ngai,
nga ai. (Shingran Laika 22:20)