Hkye hkrang la ai lam

Karai Kasang ē shung ya ai Chyum laika shagu gaw, sharin shaga ya ai, dam sharin chyē ai, mye shading lu ai hte, ding hpring ai lam hta sharin achyin ya na matu, akyu rawng nga ai. 2 Timohti 3:17
Kaning rai nme law, Karai Kasang a mung ga gaw, a hkrung nga ai hte a let nga ai rai nna, nshan lahkawng maga dai ai hpa baw ningtawng nhtu hta mung grau dai ai hte, myit masin hte wenyi hpe mung, nra hkrihkraw hte lasawi hpe mung, dinghkren ginhka chyē nna, kraw lawang na myit mamyit hte maw mawn ai hku hpe jēyang hparan ya lu ai. Hebre 4:12 Nyē n-gup kaw na pru ai mungga mung ... dai gaw ngai hpang de kaman nhtang wa na n rai; ngai ra ai hku shadik ya na ra ai; ngai shangun ai amu hta, awng wa na ra ai. Esaia 55:11
Na a mungga hpe hpaw dan yang, nhtoi htoi wa nna, myit n su ai ni hpe, kung hpan wa shangun mu ai. Shakawn Kungdawn 119:130

Mungkan ga hpe hpan tawn ai lam

Shawng ningpawt ē Karai Kasang gaw sumsing lamu hte ginding aga hpe hpan da wu ai. Ningpawt Ninghpang 1:1
Arai yawng mayawng gaw shi a marang ē tai nga ai; nga manga hta shi n lawm ai tai wa ai gaw, langai mi muk n nga ai. Yawhan 1:3

Shinggyim masha hpe hpan da ai lam

Shing rai Karai Kasang gaw shi a hkrang siimla hte maren shinggyim masha hpe hpan da wu ai; shi a hkrang sumla hte maren, Karai Kasang gaw shi hpe hpan da wu ai: shinggyim lasha hte shinggyim numsha hpe shi hpan da wu ai. Shaloi Karai Kasang gaw shan hpe shaman ya ... wu ai. Ningpawt Ninghpang 1:27-28
Shaloi Yehowa Karai Kasang gaw aga hta na ga yun hte shinggyim hkrang shachyaw wu ai rai nna, shi a ladi hta hkrung ai nsoi nsa kawut bang ya wu ai; dai rai nna shinggyim masha gaw hkrung nga ai myit masin rawng ai masha tai wa ai. Dai hpang Yehowa Karai Kasang gaw, sinpraw maga na din ngu ai shara ē sun langai mi hkai sharam tawn wu ai, dai kaw ē shi shachyaw ai shinggyim masha hpe nga shangun da wu ai. Ningpawt Ninghpang 2:7,8
Shaloi Yehowa Karai Kasang gaw dai masha hpe woi la nna, din sun hpe yu lajang na hte sin nga na matu, tawn da wu ai. Yehowa Karai Kasang mung dai masha hpe, Dai sun hta tu ai hpun yawng mayawng hta na gaja wa nang sha lu na ndai; rai ti mung kaja ai hte n kaja ai hpe chyē ginhka shangun ai hpun hta na chyawm gaw, nang n sha lu na ndai, kaning rai nme law, dai hpun hta na sha ai nhtoi hta, nang teng teng si lu na ndai, ngu nna hkang da wu ai. Ningpawt Ninghpang 2:15-17

Yubak shang wa ai lam

Ya dai lapu gaw, Yehowa Karai Kasang galaw ai nam mali na dusat nhprang mahkra hta hpaji grau rawng nga ai. Shi gaw dai numsha hpe, Ndai sun hta tu ai hpun mahkra hta na, nan n sha lu na rai myit dai, nga nna Karai Kasang gaja wa tsun a ni? ngu nna san wu ai.
Shaloi dai numsha gaw, Ndai sun hta tu ai hpun ni a asi hta na, an sha lu ga ai; rai ti mung, ndai sun a kaang ē tu ai hpun a asi hpe chyawm gaw, Nan si ai n hkrum myit ga, dai hta na nan n sha lu na myit dai, dai hpe mung hkum hkra myit, nga nna Karai Kasang tsun ai, ngu nna lapu hpe htan wu ai.
Dai rai nna lapu gaw, Nan gaja wa n si na myit dai; kaning rai nme law, dai hta na sha ai nhtoi hta ē nan a myi hpaw nna, kaja ai hte n kaja ai hpe chye ginhka na ra ai majaw, Karai Kasang hte maren nan tai na ma rin dai gaw, Karai Kasang chyē nga ai, ngu nna dai numsha hpe, tsun wu ai.
Hpun dai gaw sha na matu mai kaja nga ai mung, myi a matu yu chyoi nga ai mung, hpaji lu la na matu sharawng awng ai hpun rai nga ai mung, dai numsha gaw mu wu jang, dai hpun hta na asi di sha wu ai; madu wa hpe mung shi agaw jaw wu ai rai nna, shi mung sha wu ai. Ningpawt Ninghpang 3:1-6
Shaloi Yehowa Karai Kasang gaw, dai numsha hpe, Ndai nang galaw ai gaw, hpa rai nga a ta? ngu nna san wu ai; dai numsha gaw, Ngai hpe lapu ē lau nna ngai sha kau se ai, ngu nna htan wu ai.
Dai rai nna Yehowa Karai Kasang gaw dai lapu hpe, Nang ndai galaw ndai majaw, yam nga mahkra hte nam mali na dusat nhprang mahkra hta, nang dagam dala hkrum na ndai; na a kan hte nang hkawm lu na rai nna, nang hkrung nga ai nhtoi mahkra hte hta, ga nhpu sha lu na ndai; nang hte numsha hpe mung, na a amyu matu hte shi a amyu matu hpe mung, ngai majan shangun da na ma de ai; shi gaw na a baw abrep na ra ai, nang mung, shi a lahtin achye na ra ai, ngu wu ai.
Numsha hpe mung, Na a tsin-yam hte shinggyim machyi ai gaw ngai grau shalaw ya na de ai; shinggyim machyi ai hte nang kashu kasha shangai lu na ndai; na a madu wa hta nang myit manoi nga na ra ai rai nna, shi mung na a ntsa ē up nga na ra ai, ngu wu ai.
Adam hpe mung, Na madu jan a ga nang madat nna, ngai, Hkum sha, ngu nna jet da ai hpun hta na nang sha nit dai majaw, aga gaw na a jaw ē dingnyē hkrum nga ai, nang hkrung nga ai nhtoi mahkra htē hta, ru tsang ai hte, ga hta na nang sha nga lu na ndai; aju hte atsing mung na a matu shi shatut na ra ai; ga na nsi naisi namlaw namlap nang sha nga lu na ndai: ga de na nang hpe shapraw la de ai majaw, ga de nang nhtang wa ai du hkra, na a myi man a salu salat hte na a shat nang sha nga lu na ndai, kaning rai nme law, nang ga yun rai nga ndai rai nna, ga yun bai tai na rin dai, ngu wu ai. Ningpawt Ninghpang 3:13-19
Shaloi, mungkan ga ting hpe hkalem kau ai, Nat hte Satan ngu ai, moi na lapu rai nga ai baren numraw kaba gaw ... shi a ali ama ni mung shi hte rau jahkrat kau ai hkrum ma ai. Shingran Laika 12:9
Dai rai nna, masha langai mi a jaw ē yubak gaw mungkan ga ē shang wa nna, yubak a majaw si hkrung si htan shang nang wa ai hte maren, yawng mayawng yubak kap nga ma ai majaw, masha nlang kaw ē si hkrung si htan du bang wa sai. Roma 5:12

Karai Kasang a man ē yubak mara kap ai lam

Anhtē yawng sagu zawn lam dam mat sa ga ai, langai hte langai tinang lam hkan mat ga ai. Esaia 53:6
Zai byeng-ya rawng ai wa nga ai, n nga ai, Karai Kasang hpe tam ai wa nga ai kun? mada yu na nga, Yehowa lamu de nna, masha kasha ni hpe gum yu nga ai. Yawng dam mat wa ma sai.
Shanhtē rau brun mat wa ma sai. Kadai mung kaja ai a'mu n galaw ma ai. Gaja wa, langai mi muk n nga ai. Shakawn Kungdawn 14:2-3
Laika hta mung, Ding hpring ai wa n nga ai, langai mi pyi n nga ai ... Ngwi pyaw ai lam hpe shanhtē n chyē ma ai. Karai Kasang hpe hkrit kamyin ai lam, shanhtē a myi man ē n rawng ma lu ai ... Kaning rai nme law yawng yubak galaw ma ai hte, Karai Kasang a arawng sadang hpe dum-hprut kau nna, jahpu n ya ai sha, shi a chyēju hte. Yēsu Hkristu a htingrai htingra ya ai a gawp ē, ding hpring ai gaw du lu na ma ai. Roma 3:10,17-18,23-24
Ya chyawm gaw, Yēsu Hkristu hta e rai nga ai makam masham hte seng ai ga ndat gaw, kam sham ai ni hpe jaw ya lu mu ga, Chyum laika gaw yawng mayawng hte hpe yubak a npu e rawng da nu ai. Gaiati 3:22

Karai Kasang a tsaw ra ai myit

Kaning rai nme law, Karai Kasang a Kasha hpe kam sham ai ni nlang hte gaw, hten bya n hkrum ai sha, htani htana asak lu la mu ga nga, Karai Kasang gaw shi a Kasha shingtai hpe jaw kau ai kaw du hkra, mungkan ga hpe tsaw ra wu ai. Yawhan 3:16
Karai Kasang gaw shi a Kasha shingtai hpe mungkan ga de shangun dat wu ai rai nna, anhtē gaw shi a marang ē a hkrung nga ma li ga, nga ai rai nna, dai gaw anhtē hta ē, Karai Kasang a tsaw ra ai myit dan pru ai lam rai nga ai. Anhtē gaw, Karai Kasang hpe tsaw ra nga ga ai n rai, shi hkum nan anhtē hpe tsaw ra nga ai hte, anhtē a yubak a matu mara gawng malai hkungga tai u ga, shi a Kasha hpe shangun dat ai lam gaw, tsaw ra ai lam madung rai nga ai. 1 Yawhan 4:9-10

Hkristu Yēsu mungkan ga de du sa ai lam

Yubak kap ai ni hpe hkye hkrang la na matu mara, Hkristu Yēsu gaw mungkan ga de du ra ai, nga ai ga gaw, kangka rē ai hte gaja wa hkam la ging ai ga rai nga ai. 1 Timohti 1:15
Hkristu Yēsu ... shinggyim masha hte bung hkra tai wa sai. Hpilipi 2:5,7
Shi gaw mungkan ga ē nga nga ai hte, mungkan ga mung shi a marang ē nan tai wa sai: rai ti mung mungkan ga gaw shi hpe n chyē wu ai. Yawhan 1:10

Madu Yēsu a shangai wa ai lam

Ya, Yēsu Hkristu a shangai wa ai lam ning rai nga ai ... Yu u, dai hkawn sek gaw na-um nasin rai wa na rai nna, shadang sha shangai na ra ai, shi a amying, Emanuela shamying ya na ma ru ai, nga ai: de a ga lachyum, Karai Kasang anhtē hte rau rai nga ai, nga ai rē ai. Mahte 1:183 23
Shi gaw shadang sha shangai na ru ai rai nna, nang shi a amying hpe, Yēsu, ngu nna shamying lu na rai nga ai: kaning rai nme law, shi a amyu hpe tinang a yubak mara kaw na hkye hkrang la na shi rai nga ai, ngu wu ai. Mahte 1:21

Mungkan ga e asak hkrung ai lam

Dai gaw Nazaret wa Yēsu a lam rai nga ai; Karai Kasang gaw chyoi pra ai Wenyi hte mung, n-gun atsam hte mung, shi hpe chya ya wu ai, Karai Kasang shi hte rau rai nga ai majaw, mai kaja ai amu shi galaw nna, nat gumlau ē zingri zingrat hkrum ai ni yawng mayawng hpe shamai ya let, kawan katsan hkawm nga ai. Kasa 10:38
Dai hpang Yēsu gaw, mare ka-htawng shagu hkan ē kawan hkawm nna, shanhtē a tara jawng ni hta ē sharin shaga ya ai hte sumsing lamu mungdan a kabu gara shi ga hpe hkaw dan let, ana ahkya amyu myu hte, machyi makaw amyu myu hpe shamai shatsai ya mu ai. Mahte 9:35
Shaloi masha wunawng wuwa kaba shi kaw sa du ma ai hte, lagaw hten ai, lata hten ai, myi kyaw ai, n chyē shaga ai hte ana amyu myu kap ai masha law law wa hpe, shanhtē lahku sa ma ai rai nna, shi a lagaw nhpang ē shayu tawn da mu ai: shi shanhtē hpe shamai shatsai di mu ai. Mahte 15:30

Htingrai htingrat na matu si hkam sai lam

Ya Pungkum ngu ai shara de du jang, shanhtē gaw shi hpe mung, damya yan hpe mung, shi a hkra maga de langai mi, pai maga de langai mi di nna, wudang hta jen da mu ai. Shaloi Yēsu gaw, Wa ē, shanhtē a mara dat kau ya mu: shanhtē galaw ai lam hpe shanhtē n chyē nga ma ai, nga ai. Shanhtē gaw shi a hpun palawng ni hpe mung, hpaida da nna karan la ma ai. Luka 23:33-34
Shi gaw masha ni ē shatan nhkan ai hte, n kaw n law di ai hkrum nga ai: yawn hkyen hkrum ai hte nji nmu chyē ai wa, shi rai nga ai ... Gaja wa, shi hpe hpa n nawn ga ai. Gaja wa, shi gaw anhtē a ana ahkya gun kau ya nna, anhtē a yawn hkyen ai hpe, hpai kau nu ai ... Shi gaw anhtē a tar a tawt lai ai a jaw ē hkala nba hkrum nna, anhtē shut hpyit ai a majaw ahpye alam hkrum sha nga ai ... Shi a nma majaw, anhtē mai tsai lu ga ai. Anhtē yawng sagu zawn lam dam mat sa ga ai, langai hte langai tinang lam hkan mat ga ai. Yehowa chyawm gaw anhtē mahkra a yubak mara hpe, shi a ntsa ē mara da nu ai.
Shi gaw nye amyu masha ni tara tawt lai ai majaw, hkrung nga ai ni a ga hta na htawm kau ai hkrum nna ... Shi gaw adip arip hpa n galaw ai hte, shi a n-gup hta hkalem hkalau ai hpa mung n rawng nga ai ... Shi gaw, masha law law a yubak hpe gun hpai nna, tara tawt lai ai ni a matu mara htinglu htinglai ya ai. Esaia 53:3-6,8-9,12
Kaning rai nme law, ngai hkam la sai lam ngai nanhtē hpe shawng na lak ē ap ya ma sa de ai ... Hkristu gaw anhtē a yubak a matu mara si hkam sai. 1 Korinhtu 15:3
Dai re ai majaw ... Ngai gaw sagu ni shang ai chyinghka hku rai nga nngai. Ngai gaw sagu rem wa kaja rai nngai ... sagu ni a matu tinang a asak nawng ya kau lu ai. Ndai ulawng hte n seng ai sagu kaga mung ngai naw lu nngai ... sagu rem wa langai sha, rai na ra ai. Yawhan 10:7,11,16

Yēsu si ai kaw na bai hkrung rawt ai hte lamu de woi shalun la ai hkrum

ai lam Hkristu gaw nni nkri hkam nna masum ya du ai nhtoi ē si ai ni kaw na hkrung rawt wa na ra ai lam mung, ... ka da nga ai. Luka 24:46-47
Karai Kasang chyawm gaw, masum ya nhtoi hta dai wa hpe sharawt dat wu ai rai nna ... anhtē gaw shi hte rau lu sha lu ga ai. Kasa 10:40-41
Shi gaw nni nkri hkrum ai hpang... shanhtē kaw shi hkum sa pru dan dan di mu ai. Ndai tsun nga yang ... sumwi gaw shanhte a man na shi hpe magap la mat wa ai. Kasa 1:3,9
Shi gaw hkum shan hta dan pru wa sai, Wenyi hta ē ding hpring ai hkrum nu ai; Lamu kasa ni gaw shi hpe mu lu ma nu ai, Maigan ni kaw shi a lam hkaw dan ma nu ai; Mungkan ga gaw shi hpe kam sham ma sai, Hpung shingkang hta shalun ai shi hkrum nu ai. 1 Timohti 3:16
Ya chyawm gaw, Hkristu si mat ai ni kaw na bai hkrung rawt wa sai rai nna, yup pyaw mat ai ni hta shawng si ai asi tai wa sai. Kaning rai rune law ... bai hkrung rawt wa na lam tai wa sai. Yawng mayawng gaw ... Hkristu hta ē bai hkrung wa na ma ra ai. 1 Korinhtu 15:20-22

Karai Kasang a hkye hkrang la ai lam

Ngai hkye hkrang la ai kaw du lu hkra, kaning rai na rai ta? ... Madu Yēsu hpe kam sham u, shaloi nang hte na nta masha ni nlang, hkye hkrang la ai kaw du na ma rin dai. Kasa 16:30-31
Dai rē ai majaw, dai Madu kaw na ngwi pyaw ai aten ladaw du ru ga hte nanhtē a yubak raw dat na matu myit malai lu nna kayin wa ma rit. Kasa 3:19-20
Myit malai lu nna, nanhtē a yubak raw dat kau ya u ga ... chyoi pra ai Wenyi ngu ai kumhpa gaw, nanhtē lu la na ma rin dai: Kasa 2:38
Anhtē a yubak hpe anhtē madun nem ga yang gaw ... shi kangka nga ai hte ding hpring ai wa rai nga ai. 1 Yawhan 1:9
Shing rai, Yēsu gaw Madu rai nga ai, nga nna na a n-gup ga hte tsun gara nna ... Kaning rai nme law, masha gaw ding hpring ai lu la hkra myit masin hte kam sham nna, hkye hkrang la ai lu la hkra, n-gup hte tsun gara nga ai. Roma 10:9-10
Kaning rai nme law, makam masham a marang ē, chyēju hte sha, nanhtē hkye hkrang la ai hkrum ma nit dai; dai gaw nanhtē kaw na n rai, Karai Kasang a kumhpaw kumhpa sha rai nga ai. Ehpesu 2:8
Shing rai dai Madu a amying nsang hpe shaga ai masha kadai mung, hkye hkrang la ai kaw du lu na ra ai. Roma 10:13
Ngai hpang de du sa ai wa hpe mung, gaja wa ngai n kanawng kau na nngai. Yawhan 6:37
Htani htana asak ngu ai chyawm gaw, langai sha rai nga ai hte teng man rē ai nang Karai Kasang hpe mung, nang shangun dat ai wa Yēsu Hkristu hpe mung, shanhtē chyē chyang lu ai hpe, ngu ai, rai nga ai. Yawhan 17:3

Yēsu a sai hte htingrai htingrat lu ai lam

Ya chyawm gaw, shawng ē tsan gang nga ai ni nanhtē gaw, Hkristu a asai hte Hkristu Yēsu hta ē ni wa ma nit dai. Ehpesu 2:13
Shi gaw dai nhtoi hta rawng nga ai hte maren, anhtē mung dai nhtoi hta hkawm nga yang gaw ... shi a Kasha Yēsu a asai gaw, anhtē hta na yubak nlang htē hpe jasan jaseng kau ya mi ai. 1 Yawhan 1:7
Kaning rai nme law, shi hta ē hkum dinghkum rawng nga u ga, Kawa gaw sharawng awng nga ai rai nna, shi a wudang na hkaw ai asai hte mahku mara shatai let, shi a lata ē yawng htē hpe shi hkum hte htinglu htinglai ya nga ai. Kolose 1:19-20
Kaning rai nme law, ji wa ni kaw nna hkan dagraw nga ai nanhtē a n se ai arawn alai hta na, hten mat chyē ai aja gumhpraw hte nanhtē hpe galai hkrang la lu na n rai, ana n kap ai, ra n rawang ai Hkristu ngu ai sagu kasha a hpu la ai asai hte sha, galai hkrang la lu na myit dai. 1 Petru 1:18-19
Shi a n taw n tsang ai chyēju a majaw mung, tsaw ra htum ai Kasha a asai hta nan, htingrai htingrat na lam hte yubak hpe raw dat kau na akyu, anhtē lu la sa gaw ai. Ehpesu 1:7
Kaning rai nme law, hkum shan a asak gaw asai hta rawng nga ai: nanhtē a myit masin matu htingrai htingrat ya na ... asai gaw htingrai htingrat ya lu ai. Jaw Jau Laika 17:11
Hkristu hta ē marai langai ngai rai nga ai teng yang gaw, shi gaw ning nan hpan da ai wa rai nga ai; dingsa htē gaw lai mat wa sai, yu mu, dai htē gaw ningnan tai wa sai. 2 Korinhtu 5 :17

Chyoi pra ai Wenyi a lam

Ngai mung Wa kaw hpyi nna, Wa mung nanhtē hte prat tup rau nga na matu, teng man ai hte seng ai Wenyi ngu ai Shalan Shabran ai wa kaga, nanhtē kaw shangun dat ya na ra ai... shi gaw nanhtē hte rau rai nga ai, nanhtē hta mung rawng nga na ra ai. Yawhan 14:16-17
Nyē Wa ē nyē a amying hte shangun dat na ra ai, Shalan Shabran ai wa ngu ai, Chyoi pra ai Wenyi gaw nanhtē hpe lam magup sharin ya nna, ngai nanhtē hpe tsun dan ai ga yawng mayawng, nanhtē hpe shadum sha-hprang ya na ra ai. Yawhan 14:26
Hkye hkrang la hkrum ai nhtoi du hkra, nanhtē hpe dazik shakap ai Karai Kasang a Chyoi pra ai Wenyi hpe, myit hkum shayawn myit. Ehpesu 4:30
Da ndai ngai tsun nngai gaw, Wenyi hte hkawm nga mu; shaloi hkum shan a marin ai lam hpe nanhtē shadik na myit dai n rai. Gaiati 5:16
Karai Kasang a Wenyi ē woi lakawn la ai hkrum mahkrum ni gaw, Karai Kasang a kashu kasha ni rai nga ma ai. Roma 8:14
Wenyi hte hpring tsup nga mu. Ehpesu 5:18
Wenyi a asi chyawm gaw tsaw ra ai kabu gara ai, ngwi pyaw ai, myit galu kaba ai, matsan dum ai, mai kaja ai, kangka ai, myit nem ai hte tinang myit hpe hkang lu na rai nga ai, dai lam htē hpe hkum lu na tara mi n nga ai. Gaiati 5:22-23

Shachyoi shapra ai lam

Kaning rai nme law, nanhtē gaw hpye ai amu hpe koi gam nna, Karai Kasang hpe n chyē n chyang ai maigan masha ni a ngang kayut ai hte n hkawm ai sha ... nanhtē a shachyoi shahpra na lam rai nga ai. 1 Htesaloni 4:3,5
Na a teng man ai lam hta, shanhtē hpe shachyoi shapra ya mu; na a mung ga gaw, teng man ai lam rai nga lit dai. Yawhan 17:17
Shing rai shachyoi shapra ya ai wa hte, shachyoi shapra hkrum ai ni gaw, langai sha hta rum nga ma ai; dai rē ai majaw shanhtē hpe hpu nau ngu na shi n kaya ai sha. Hebre 2:11
Dai hte maren nanhtē mung, yubak hte si hka mat ai ni rai nga ma nit dai rai nna, Hkristu Yēsu hta ē Karai Kasang a man ē a hkrung nga ai ni rai nga ga ai, ngu nna myit la mu. Roma 6:11
Ngwi pyaw ai a npawt Karai Kasang nan nanhtē hpe hkum dinghkum shachyoi shapra myit ga ... nanhtē hpe shaga la ai wa gaw kangka nga ai rai nna, ndai lam hpe mung galaw na ru ai. 1 Htesaloni 5:23-24

Akyu hpyi ai lam

Shing rai, Wa gaw Kasha a marang ē hpung shingkang lu la hkra, nyē a amying gang nna, nanhtē hpyi mahpyi, ngai madat ya na nngai ... hpyi ai hte maren ngai madat ya na nngai. Yawhan 14:13-14
Nanhtē ngai hta noi nga nna, nyē ga mung nanhtē hta noi nga ai rai yang gaw nanhtē hpa hpyi mayu yang hpyi mu, hpyi ai hte maren nanhtē e madat ya na ra ai. Yawhan 15:7
Nyē a myit hta shut hpyit ai kap yang gaw, dai Madu madat ya na n rai. Shakawn Kungdawn 66:18
Nanhtē hpyi mahpyi hte ra mara lu la na ra ai, ngu nna kam sham nga mu. Shing rai jang, nanhtē lu la na myit dai. Marku 11:24
Ahkying ladaw shagu htē hta ē, akyu hpyi nna hpyi nem ai amyu myu hte, dai Wenyi hta hpyi nga nna, a maja nga let chyoi pra ai ni nlang hte a matu mara n-gun n yaw ai sha, tut tut akyu a hpyi nga mu. Ehpesu 6:18
N sim n sa akyu hpyi nga mu; lam shagu hta shakawn kungdawn nga mu. 1 Htesaloni 5:17

Daw jau lam hte zingri zingrat hkrum ai lam

Bai, Yēsu gaw shi a sape ni hpe, Ngai hpang de sa wa mayu ai wa kadai rai ti mung, tinang a hkum hpe nyet kau lu na rai nna, shi a wudang hpai let, ngai kaw hkan nang ru ga. Mahte 16:24
Dai hta kaga, shi gat nu ai, matsan mayan ni hpe gam jaw nu ai. Shi a ding hpring ai gaw htani htana a nga nga ai, nga nna ka da nga ai hte maren, lam shagu hta ē nanhtē tut tut marai hkum sumhpa rawng let, mai kaja ai magam bungli amyu myu hta law htam wa myit ga, Karai Kasang gaw nanhtē hta ē chyēju hkum sumhpa law htam shangun lu ai. 2 Korinhtu 9: 8-9
Dai rē ai majaw ngai tsaw ngai ra ai hpu nau ni ē, nanhtē gun hpai ai amu gaw dai Madu hta ē kaman lila n rai nga ai ... shakut sharang nga nga mu law. 1 Korinhtu 15:58
Kaning rai nme law, Hkristu hta ē kam sham lu na chyēju sha n rai, shi a matu mara nni nkri hkrum na chyēju hpe mung ... ngai hkrum ai gasat gala ai lam hte langai sha rai nga ai. Hpilipi 1:29-30
Dai rai nna, ding hpring ai lam a majaw nanhtē nni nkri hkrum myit yang gaw, nanhtē a lu nga myit dai... de a majaw sha pyi hkum ung-ang nga myit. 1 Petru 3:14
Hkristu a amying nsang a majaw, nanhtē asawng asang hkrum nga myit yang gaw, nanhtē a lu myit dai; kaning rai nme law, hpung shingkang a Wenyi hte Karai Kasang a Wenyi gaw, nanhtē a ntsa ē a wam nga ai. 1 Petru 4:14

Hkrang bung sumla naw ai hpe Karai Kasang jep kau ai lam

Ngai gaw, Egutu mung hte mayam tai nga ai nta na nang hpe shapraw la ai, na a Karai Kasang Yehowa rai nga nngai. Ngai hta kaga Karai Kasang shaje hpe hkum naw hkum ku ēt ... ngai hpe n dawng n yawt ai ni a amyu lakung hpe gaw kawa ni a yubak kasha ni hta prat masum prat mali du hkra jaw nga nngai. Pru mat wa ai Laika 20:2-5
Amyu baw ni a hpara ni, sumla hkrai rai nga ma ai. Yehowa chyawm gaw, sumsing lamu hpe hpan da nu ai. Shakawn Kungdawn 96:5
Dai rai nna, sumla ni hpe nawng ai hkungga sha na lam gaw, sumla gaw ga ningtsa ē hpa n rē ai sha rai nga ai hte, langai sha rai nga ai Karai Kasang hta kaga shaje n nga ai, anhtē dum chyē ga ai. 1 Korinhtu 8:4
Rai ti mung, anhtē a matu mara, Wa ngu ai, Karai Kasang langai sha rai nga ai rai nna, shi kaw nna yawng mayawng pru wa ai hte ... shi a marang ē yawng mayawng rai nga ai hte, shi a majaw anhtē rai nga ga ai. 1 Korinhtu 8:6
Dai rai nna Yēsu gaw, Satan ē, pru mat wa u, dai Madu, na a Karai Kasang hpe nang naw ku lu na rai nna, shi hpe hkrai daw lu na rai nna ... shi hpe ngu wu ai. Mahte 4:10 Dai rē ai majaw, hpye ai amu, awu asin rē ai amu, ngang kayut ai, n hkru n hkra rē ai marin marit ai hte ... dai htē a majaw Karai Kasang a pawt sindawng ai gaw du ra ai. Kolose 3 : 5-6

Karai Kasang a hkye hkrang la ai lam hpe nyet kau ai a hkrit hpa lam

Ndai htē wa galu kaba ai hkye hkrang la ai chyēju hpe n gawn n sawn di ga yang, anhtē kaning rai lawt lu na ga ta? Hebre 2:3
Kasha wa hpe kam sham ai wa gaw, htani htana asak lu la wu ai. Kasha wa a ga hpe n madat ai wa chyawm gaw, asak hkrung lam mu na wu ai n rai Karai Kasang a sindawng kahtet ai gaw dai wa a ntsa ē a nga nga ai, ngu nna htan mu ai. Yawhan 3:36
Dai majaw, Yawhan a lata hte baptisma hkam la na, pru sa ai shawa masha ni hpe shi tsun mu ai gaw, Pu htum amyu ni ē, du magang ra ai yubak ari hta na hprawng wa lu myit ga, nanhtē hpe kadai shadum da myit ta? Luka 3:7
Dang lu ai wa gaw ndai htē a sali wunli hkam la lu na ra ai rai nna, ngai gaw shi a Karai Kasang tai na hte ... sumla naw ku ai ni hte masu magaw ga tsun ai ni yawng htē gaw, wan hte kan grung ai nawng hta ari hkrum lu na ma ra ai, dai gaw lahkawng lang na si lam rai nga ai, nga nna ngai hpe tsun ai. Shingran Laika 21:7-8

Satan a nhkru ai kaw na mawai la ai lam

Ngwi pyaw ai a npawt Karai Kasang gaw gade n na yang nanhtē a lagaw npu ē Satan hpe kabye arin na ra ai. Anhtē a Madu Yēsu a chyēju gaw nanhtē hte rau a nga nga u ga law. Roma 16:20
Yubak galaw ai wa gaw, Nat kaw na rai nga ai, kaning rai nme law, Nat gaw shawng npawt kaw nna, yubak galaw nga ai. Dai rai nna, Nat a amu bungli hpe sharun jahten kau u ga, Karai Kasang a Kasha gaw paw pru wa sai. 1 Yawhan 3:8
Anhtē a Wa Karai Kasang hte Madu Yēsu Hkristu kaw na chyēju hte ngwi pyaw ai gaw, nanhtē hta ē a nga nga malit ga law. Dai Madu gaw, anhtē a Kawa Karai Kasang a myit ra ai hte maren, ya ē rai nga ai n hkru ai mungkan ga na anhtē hpe mawai la u ga, anhtē a yubak a matu mara shi hkum hpe nan ap kau ya wu ai. Dai Kawa Karai Kasang kaw, htani htana prat dingsa ē hpung shingkang a nga nga u ga law. Amen. Gaiati 1:3-5
Nat ē maw ai hkalem hkalau ai lam htē hpe nanhtē manga kau lu myit ga, Karai Kasang jaw da ai hpyen hking nlang htē hpe bu hpun dagraw nga mu. Ehpesu 6:11
Anhtē a Madu Yēsu Hkristu a jaw ē anhtē hpe padang jaw ai Karai Kasang chyawm gaw, a nga u ga law. 1 Korinhtu 15:57

Yēsu Hkristu bai du yu wa na lam

Shing rai ngai wa nna, nanhtē a matu nga shara la jang da nhtawm, ngai nga nga ai shara ē nanhtē mung nga lu hkra, ngai bai sa nna, nanhtē hpe ngai hpang de woi la na ma de ai. Yawhan 14:3
Nanhtē a man na sumsing lamu de shalun la ai wa, dai Yēsu gaw, nanhtē mu nga yang sumsing lamu de wa ai zawn, dai hku bai du na ra ai, ngu nna tsun mu ai. Kasa 1:11
Dai Madu nan jahtau garu ai hte, lamu kasa agyi a nsen hte, Karai Kasang a pahtau dum ai hte sumsing lamu de na yu wa nna, Hkristu hta ē si mat ai ni gaw shawng numshawn ē rawt wa lu na ma ra ai: dai hpang, dai Madu hpe Kaang ganghkau ē hkrum na matu, hkrung nga ai hte naw hti ngam nga ai ni anhtē gaw, shanhtē hte rau sumwi ntsa de shalun la ai hkrum na ra ga ai rai nna, anhtē gaw dai Madu hte rau tut nawng ē a nga nga na ra ga ai. 1 Htesaloni 4:16-17
Tsaw ra ai ni ē, Karai Kasang a kashu kasha ni, anhtē ya ē rai nga ga ai rai nna, anhtē hpa mi tai na, garai n dan pru nga ai, rai ti mung, shi dan pru nga yang, anhtē shi hte bung na ga ai ... shi hkum hpe nan anhtē mu lu na gaw ai. 1 Yawhan 3:2
Dai rai nna, nanhtē a Madu gaw gara shani e du wa na hpe nanhte n chye myit dai majaw, a maja nga mu. Dai rai nna nanhte mung chyip chyip rai nga mu: kaning rai nme law, nanhtē n dum n mi rē ai ahkying hta ē, dai Masha Kasha du wa na ra ai. Mahte 24:42,44
Yu u, ngai alawan du na ring ngai, langai hte langai hpe tinang a amu hte maren bai htang jaw na, ging dan ai shabrai ngai lang da we ai. Shingran Laika 22:12
Ndai lam hte hpe sakse hkam ya ai wa gaw, rai sa, ngai alawan du na ring ngai, nga ai. Shingran Laika 22:20