Karbi ANUSONG PEN KERAP "ANGSONG PEN KERAP" lake Alamthe kacheton a-angdengso heihei Baibel akitap kaprek kaprek pen Kapangrum aKitapso lo. Hastro alamthe binong kachethanthek ji abang lake Baibel amat helo pusi neli kroidun pame lo. Arnam aLam lake "angsong pensi kevang" lapen dhoromi akam aphan kangchir lapen kalang-it aning heihei aphan la me-o. Jongsi badu tame aning cheruira, apap che-ora, alangli ning arlo kedo ji aphan Jisu Khristo aphan pha lote, lapen Hemphu Jisu Khristo alangli phan Pejok aBang lo pu aning aklong pen kroidun lote, Hemphu Alangli mamat cheklang dunsi kakroi abang aning arlo Ningkangsam lapen kachehok do ji. Lason thak thaksi neli jokta 1937 aningkan long dun ik lo, lapen labangso abut penke non anta Hemphu pen dorap-raplong verlang. Nangli jongsi lason klemklelang lapu tangte, NON MAMAT nangli Pejok aBang lapen Hemphu ason kroira Alangli rideng nangli chehodaidet non pusi neli nangli phan choningri dun par lo. Watson Goodman /1 Arnam Akanghon Roman 5:8 Bonta itum aphan Arnam amethang akanghon aporman pilo thangbakma ili papi kedo-un Khristo itum aphan thilo. Johan 13:1 Ansi Kejok aMei ahut lele ako, amethang ahut, atheke, alangli labangso apirthe athak pen damsi Po along kachedampo ahut nang letanglo, la chinisi Jisu pirthe athak amethang atum aphan chinghonsi kejut anta halatum aphan chinghonbomlo. Kapeklang 1:5 Lapen kekroi thirklong ahaki, kethitang atum angbong pen amahang kethekmicheng abang lapen pirthe arecho atum ahemphu, la Jisu Khristo pen, kangjinso lapen ning kangsam nanglitum along pedonang. Ephan ekanghon lapen avi pen epap hei hei pen ekapejoktang abang. Johan 3:16 Thangbakma Sopo aphan kekroi atum angbong pen baduta ke-virvedetji bonta kejut une achethe kedoji aphan Arnam amethang aSopo po epumpet pilo. Arnam lapu anta pirthe aphan inghonlo. Johan 15:13 Ajirpo atum aphan amethang apran kachepi apar baduta akanghon kethemuchot ave. /2 Jisu Khristo Arnam Binong Jisu alangli phan pulo; ne nangtum along lapuan ahut dobomsi nang ne phan chininelangma, Philip? Ne phan, ketheklong abangke Po aphan theklongtanglo. Netum aphan Po ne peklangtu pusi nangke kopusonsi pulangma? Neke Po pen chelangpetlo lapen Po ne pen chelangpetlo pu nang kroikrelangma? Johan 14:9, lOa Lapen edhorom akapatu alam karsiko pusi kadokave atum puhurlo. Alangli ok pen klanglo, alangli phan karjong dhoromi pusi lakhalo, alangli phan sining atekala atum thekdunlo. Alangli lam ajat kaprek, kaprek atum angbong prosardetlo, alangli phan pirthe adang angbong kroilo, alangli phan adak atur angbong angsong ponlo. 1 aTimothi 3:16 Lapen lasonsi Hemphu pen ajok ha montri kepu alam chekoksi la kadokave planglo, atheke, Chiniiktha, ha nimso aso petheji lapen asopo pirthe pahacheji, lapen halatum alangli men Emmanuel irji. Labangso amen atheke, itum along Arnam. Mathalos 1:22, 23 Kechengsi Lam do lapen Lam Arnam along do lapen Lam Arnamlo.... Lapen Lain ok plangsi kangjinso pen ahok pen kepleng nelitum angbong dorap raplo lapen nelitum alangli dak atur theklonglo .... Johan 1:1,14 /3 Jisu Khristo Arnam Asopo 1 aJohan 4:15 Jisuke Arnam aSopo pura kethan abang aling pen Arnam chelangpetver lapen alangli Arnam pen chelangpetver. Colossae 2:9 Thangbakma Arnam aot binong akepleng an, bang arpum asonthak thak Khristo arlo dolo. Mathalos 8:29 Lapen, chiniiktha, halatum hangjosi pulo. nelitum along nangli kam kopima, Arnam aSopo? Ahut chokche ako nelitum kapesungojisi nangli ladak vangloma? Luke 1:35 Lapen tekala thaksi alangli phan pulo, Karjong Kangthir nangli phuthak vangpo lapen Kangtujnei aBang ajakong nangli phan binpo lapen la apotsi nangli so aphan kangthir lapen Arnam aSopo pusi pudetji. Mathalos 17:5 Alangi kaningjeun, chiniiktha, katheang anghun ephar halatum binthiplo lapen, chiniiktha, inghun pen ase pulo, labangso abang neli kachinghon aSopo; neli alangli phan ning dok-olo; alangi lam arjuphrongnon. Mathalos 3:17 Lapen, chini-iktha, sining pen ase pulo, lake ne Sopo, ha Kachinghon aBang! La aphan ne ning dok-olo. /4 Alangli Komat Ma Pu Jisu Khristo Than Lo Johan 8:23 Lapen alangli halatum aphan pulo, nanglitumke arum pen, nelike angsong pen. Nanglitumke la pirthe aso; nelike la pirthe aso, kali. Johan 11:25 Jisu alangli phan pulo, neli helo, kethur lapen chethe. Neli phan kekroi abang thidet setta rengji. Johan 9:5 Pirthe athak kedoun ne pirthe akatheanglo. Johan 6:35 Jisu halatum aphan pulo, chethe ahim, neli helo. Neli long kevang abang kaiketa ingchirchepinji lapen neli phan kekroi abang kaiketa ingitepinji. Johan 13:13 Nangtum ne phan pondit lapen Hemphu pusi hangbom lapen nangtum pu pemelo thangbakma neke la helo. Johan 8:58 Jisu halatum aphan pulo, chenam chenamsi neli nanglitum aphan nang pulang, Abraham amahang thekthe ako nelike do. Johan 10:7 Lahelo Jisu puthot pulo, chenam, chenamsi neli nanglitum. aphan nang pulang, nelisi meresak atum anghaplo. /5 Jisu Keklem Tang Manghumeme Akam Hei Hei Luke 5:5, 6 Lapen Simon thaksi pulo, Hemphu, netum jo pangthangsi jasemet chepeduksi thangta longledet bonta nang hukum aph'an chikisi ne lan hei hei jengpo. Lapen latum la klemdetsi ok ahur akethepipi benglo. Lapen halatum alan chingsekrangranglo. Mathalos 14:19-21 Lapen bapso athak ke-i-cherchakji armu atum aphan ahukum pisi ha him plang phoh lapen ok jonni ensi sining anat langsi ahirjume hangsi alangli la him an bengsi asangho atum aphan pilo lapen sangho atum armu atum aphan baklo. Lapen kadokave atum chosi ingkranglo lapen halatum abeng achet humetsi ton krehini peplenglo. Lapen arloso lapen osomar atum apar kecho long pinso atum suri phoh anbak dolo. Mathalos 20:30, 34 Lapen, chiniiktha tovar akung bang hini amek kave atum ingnilo. Jisu halabangso atovar damlang pu arjulongsi halatum hangjosi pulo, Hemphu, nelitum aphan ingjinsotha; O David aSopo! ... Ansi Jisu kangjinso pen munduksi halatum amek otlo lapen hala mamat halatum checharlo lapen alangli phi phi dunlo. /6 Jisu Khristo Ke Kapinchong Abang Lapen Hemphu Lo Arnam ... lapen non kejut ami ahut alangli inut aSopo itum aphan peputanglo. Alangli labangso aSopo kadokave amar ahemphu batlo lapen alangli pen ajok sining longle pinchonglo. Ibri 1:2 Roman 14:9 Pima labangso aphansi Khristo thilo lapen rengthulo, atheke kethitang lapen kereng atumta aHemphu kacheplangji aphan. Alangli pen ajok kadokave planglo lapen alangli penpete thangnatta plangplelo. Johan 1:3 Thangbakma sining hei hei athak lapen pirthe athak, ili thek un lapen thek un-e, sining atekala anghoi tame, arat tame, ajakong kethe tame, hemphu atum tame, alangli la kadokave pinchonglo; alangli pen ajok lapen alangli phanta kadokave amar an pinchongdetlo. Colossae 1:16 Lahelo, nanglitum pen ajok theng parpan athak kapethi aJisu, Arnam hala abang aphan Hemphu lapen Khristota peplangtanglo. Lake Israel atum an pachinilornang. Akam 2:36 1 aCorinth 1:9 Arnam kekroi thirklong abang; alangli methang aSopo atheke eHemphu Jisu Khristo pen jirpo kajalangdunji aphan alangli nanglitum aphan nang phalo. /7 Jisu Khristo Ke Kadokave Aphan Kangsai Abang Lo Bonta nangli, nangli korte aphan kopi apotsi ingsailoma? Kalite an sose nanglita kopiapotsi nang korte aphan hijimma? Thangbakma ili kadokave atum an Arnam kabisar anghoi angno arjapphrongji. Roman 14:10 Mathalos 25:32 Lapen halatum kadokave adet atum an alangi ingno pangrumpetji lapen kevi abang meresak atum bi atum angbong pen kapeprek asonthak thaksi alangli halatum inut pen anut kaprek peprekji. Johan 5:22 Thangbakma Po badu aphan ingsaise bonta kadokave atum Po aphan aman kepi asonthotsi Sopo aphanta aman kepiji aphan alangli kangsai akam doan Sopo arideng pitekanglo. Roman 2:16 La konamthu ma? Neli kaprosar abirta keme kethan asonthot lasonthak thaksi Arnamke Khristo Jisu pen ajok monit atum kapatu alam hei hei aphan kangsai a-arni, lahelo. 2 aTimothi 4:1 Arnam angno lapen kereng lapen kethi atum aphan kangsaijidok dok abang Khristo Jisu angno lapen alangli kacheklang lapen arat pen neli nangli phan hukum pilo. /8 Khristo alongsi Kachejok Dochot Lapen katheang angbong kangthir atum asar ami amar apharman kachepahemphuji nanglitum aphan ajakong kepitang abang, atheke, Po aphan nanglitum roji. Alangli kangting ajakong angbong pen epejoktanglo lapen akachinghon aSopo arat angbong ebitanglo. Labangso aSopo pen ajok ili joklo, atheke, epap hei hei alyrib. Colossae 1:12-14 Johan 8:24 Lahelo neli nanglitum aphan pulo, nanglitum nanglitum apap hei hei angbong thiji. Thangbakma neli helo, alanglilo pu nanglitum la kroikrete nanglitum nanglitum apap hei hei angbong thiji. Ibri 5:9 Lapen amethangsi chokdetsi alangli phan kekroi atum an aphan kejut un-e akejok athe cheplanglo. Ibri 7:25 Lahelo, alangli kaike aphanta alangli pen ajok Arnam adung kevang atum pejok thek thangbakma alangli halatum aphan kechoningrijisi kaiketa rengver. Akam 4:12 Lapen amen kaprek pen kejok abidi ave, thangbakma sining arum labangso amen aparta etum amen kaprek pen kejok nangji, lason amen esonnatta monit aphan pipepinlang. /9 Khristo alongsi Kachejok Dochot Johan 10:9 Nelisi inghaplo. Neli natle baduta lutlote jokji lapen alangli arlo lapen angtanta chehalatji lapen chopan longji. Johan 14:6 Jisu alangli phan pulo, ne helo tovar lapen, ahok lapen chethe. Ne penpete baduta Po adung vangve. Thangbakma Monit aSopo la kangbotang aphan kerira kapejokejisi vanglo. Luke 19:10 1 aCorinth 1:30 Bonta nanglitum Arnam amar plangsi Khristo Jisu along chelangpetsi dolo. Arnam labangso aKhristo ilitum agian atheke edharmikota lapen ekangthir lapen ekapejok peplangtanglo. Khristo Jisu anam pen ili kahingno an peri ekapejokjisi lapen amethang aphan amar binong ben ason, kam keme anat aning kamatha-e arat kapangthirjisi alangli methang mamat chipidetlo. Tit 2:14 Lapen latum alun kimi lunsi pulo, Ha kethui alo kelongji lapen ha sap throksi kephlokji nangli ot do, thangbakma halatum nangli thutanglo lapen nangli vi pen nangli Arnam aphan akurtin angbong pen asetin angbong pen, ajattin angbong pen lapen adettin angbong pen monit namsi. Kape.5:9 /10 Khristo Avi pen Kapejok Lahelo, nonke alangli vi pen ajok itum aphan dhoromi pu lakhalote, la aparta athikpet alam dolang, atheke, ha ning kethi pen alangli epejokji. Roman 5:9 Labangso aBang pen kachelangpetsi ili alangli vi pen ajok labangso akejok, atheke, ekelet hei hei akadiya longlo. La kadokave alangli kangjinso parpik pen planglo. Ephesus 1:7 1 aJohan 1:7 Bonta katheang angbong alangli kedo asonthotle ilitum jongsi, katheang angbong phuribomlo tangte, ilitum lahin lahin pen akachingvai do lapen alangli Sopo, Jisu avi ilitum apap doan pekaklo. 1 aPitor 1:18, 19 Thangbakma nanglitum chinilo nanglitum aphusar atum pen kelongtang akam keklem anlom jong jong angbong pen rup ba ser la kevirnangji amar lapu kali bonta apran keme lapen angthek kave, Meresak aSo ador keso avi, atheke, Khristo amethang avi pen nanglitum aphan chelangdetlo. La apar koan athikmusi kaike dover aKarjong pen ajok Arnam aphan adai kavedetsi amethang kachethok, labangso aKhristo avike kerengver Arnam aphan ili kangduk thekjisi ekapethi-i akam hei hei pekaksi ilitum angthin pangthirji. Ibri 9:14 /11 Khristo aphan Kekroi pen Kejok-kelong Bonta Jisu helo, Khristolo, atheke, Arnam aSopo, nanglitum la kekroi thekji aphan lapen kekroi pen ajok alangli men pensi chethe kelongji aphan la hei hei toktanglo. Johan 20:31 Johan 6:28, 29 Ansi halatum alangli phan pulo, Arnam akam hei hei keklemjisi nelitum pisi klemnangjima? Jisu thaksi halatum aphan pulo, Arnam akam lahelo, atheke, alangli nang ketoitang abang aphan nanglitum kroinangji. Thangbakma kekroi pen ajok nanglitum labangso akangjinso pensi joktanglo. Lapen lake nanglitum methang amar binong kali, Arnam adanlo. Baduta kachepindak longledetjisi lake kam keklem anam, kali. Ephesus 2:8,9 Roman 5:1 Lahelo kekroi pen ajok ilitum aphan dhoromi pusi kalakha apot eHemphu Jisu Khristo pen ajok Arnam along ening ingsamlo. Thangbakma Khristo Jisu pen kachelangpetsi sunot lapen sunotne thangta kali, bonta muthe kanghon pen ajok kam keklem akekroi ale do. Galatia 5:6 1 aJohan 5:4 Thangbakma Arnam kapeplang atum an pirthe aphan hailo. Lapen pirthe kaperemtang akehai ilitum aphan akekroi, helo. /12 Arnam Akangjinso 1 aPitor 1:3 EHemphu Jisu Khristo a-Arnam lapen aPo ahirjume kelong-i atheng pacheplangnang. Alangi kangjinso parpik ason ilitum kereng aning kethe kapelongji lapen ilitum kevirve. Mathalos 18:11-14 Thangbakma ne nangtum nang pulang, sining athak kedo halatum aphan kerai atekala atum sining athak kedo ne Po amahang kaiketa thekver. Nangtum kopisi mathaloma? Inut amonit jon pharo ameresak atum dolote lapen halatum angbong pen ejon manghu damlote alangli ha jon 99 atum ha inglong athak cheora ha kamanghu dam abang aphan ri dampo, kalima? Lapen alangli la longlote chenamsi, ne nangtum aphan nang pulang, alangli jon 99 kamanghuhe atum aphan apar ha ejon aphan chehokmuchotji. Lasonthotsi la kebi atum angbong pen inutnat kevirdetjisi, lake sining athak kedo nangtum aPo aning kehang kali. Tit 3:5 Alangli emethang mamat dharmikota pen keklemtang akam pen ajok lapu kali, bonta alangli methang-akangjinso asonthak thak, kaperengthuthek, kecham-i alang lapen karjong kangthir pen kapemi pen ajok epejoktanglo. /13 Arnam Alangli dung Kedam jisi Itum aphan Pha lo Mathalos 11:28 Kadokave kachepeduk lapen anghor kardik atum an ne dungle vangtha lapen ne nangtum nang pesangji. Luke 14:17 Lapen an kecho ahut nang lesi alangli aban aphan kephatang atum along toisi pepulo, vangtha pima la nonke siktanglo. Kapeklang 22:17 Lapen Karjong lapen nonhetsi keplangtang apiso, la bang hini atum vangtha pusipulang. Lapen karjulong abang vangtha pepu nang. Lapen kangit abang pevangnang, aning kehang abang phutin chethe alang akejoile pejunnang. 2 aCorinth 5:20 Tangte nelitum Khristo atakala atumlo thangbakma Arnam ahukum pen nelitum choningrilo. Khristo pen apotsi nelitum choningrilo, Arnam pen jalang duntha. Johan 7:37 Mei kachekak ami, atheke, mei ami akethe, Jisu arjaptherlo lapen hangsersi pulo, mane abang jongsi, ingitlo; tangte, alangli neli dungle vangra pejunnang. /14 Kadokave aMonit atum Arnam aSomar plang rep lo lapu kali La pensi mat mat atum Arnam aso lapen mat matsi Diabol aso la klangdaklo. Atheke dharmikota keklemkle atum an lapen akorte kachinghonhe atum an Arnam amonit kalidet. 1 aJohan 3:10 Thangbakma Arnam aKarjong kejapon atum an, latum, helo, Arnam asopo atumlo. Pima ako kapherethuji aphan nanglitum ban akarjong longledetlo, bonta kur kepon akarjong longlo, lapen la pen ajok itum hangverlo, O Arnam, netum aPo. Roman 8:14,15 Arnam adai kave asomar kacheplangjile pasimumera lam chedandera kadokave kleiunon, Labangso aove angbong pirthe angsong achiklolongso atum ben ason klangsi. Philippi 2:15 Lahelo, halatum angbong pen barra chepepreknon pusi Hemphu pulo, lapen kangthirthe amar thangta otri. Lapen ne nangtum chakji, lapen ne mamat nangtum apo cheplangji, lapen nangtum ne sopomar lapen sopimar atum cheplangji pusi Kadokave Keklem Thek aHemphu pulo. 2 aCor. 6:17,18 Bonta alangli phan kechak atum, atheke, alangli men aphan kekroibom atum an aphan alangli Arnam asomar atum keplangji ajakong pitekanglo. Johan 1:12 /15 Arakhi kedo amar Kejun aphan Arnam Kepu aLam Luke 21:34 Bonta hor kejun-o lapen hor kangri lapen pirthe akamatha pen ajok nangtum aning buikluikledetra halabangso ami pham asonthak thak nangtum aphan dan thekthedetjile cherehurnon. Galatia 5:19-21 Toh! ok akam hei hei klangdaklo, labangso akam lahelo, beisa, kangthirthe akam, katherak akam; sekarkli kethok kejir, maja kanghoi, akhet hei hei, kachebohong, kelang un-e, ning kasedeng, amethang ale keri, akhei hei hei, abe hei hei, kelang une; hor kangri, kecho pejoi hei hei lapen lasonthak thak akam an. Neli labangso aphrangke keputang asonthotsi neli aphrang pen ako nanglitum aphan thanthupo, lason akam hei hei keklem atumke Arnam arat chepahemphu longledetJi. Roman 13:13, 14 Anerlo kedam asonthotle ilitum aot keme penle kengkam chejornangho atheke akejoijepi akecho kejun lapen hor kangri pen kali, beisa akam lapen katherak akam pen kali, kechebohong lapen kelang un-e pen kali. Bonta nanglitum Hemphu Jisu Khristo chepindengnon lapen ok aphan, atheke ok aning kehang kapeplengji aphan chesikri. /16 Chiki-dor-keplang chot chokche lang Mathalos 22:37, 38 Lapen alangli alangli phan pulo, nang nang ning ajakong an penle lapen nang pran ajakong an penle lapen nang kamatha ajakong an penle nang Arnam aphan chinghonnangji. La helo aphrang lapen kethenei ahukumlo. Arnam aSopo aphan kekroi abang aning arlo labangso ahaki, do. Arnam aphan kekroikre abang alangli kachobei abang peplangtanglo thangbakma alangli Arnam amethang aSopo aphan kechoduntang ahaki kroikrelo. Lapen ahaki lahelo, atheke, Arnam kejut un-e achethe epitanglo lapen labangso achethe alangli Sopo along do. Sopo kedo abang aling achetheta do; Sopo kave abangaling achetheta ave. 1 aJn. 5:10-12 Mathalos 7:21-23 Ne phan Hemphu, Hemphu kepu abang phutin sining arat lut dam longji, lapu kali, bonta sining athak kedo ne Po aning kehang keklem abang lut longji. Halabangso ami akeongpi atum ne phan puji, Hemphu, Hemphu! nang men pen netum montrilo lapen nang men pen kamatha thekthe akam akeongpi klemlo, lapu kalima? Ansi ne halatum aphan thandakji ne nangtum kaiketa chininepinlang; ne dung pen damnon, kahingno keklem atum. /17 Pachobeilong Ri Ephesus 5:6 Badu amonit alam kejol pen nanglitum aphan pamanghu longri. Thangbakma mo kalakhatang alam apot, Arnam kekroikre atum aphan aning thiji. Jakob 1:22 Lam kethan ason keklem atum cheplangra chepachereirera karjulongchot atum cheplangri. Papi atum Arnam arat chepahemphuphedetji, lake nanglitum chininema? Nanglitum kachobei alam kroiri. Beisa akam keklem ba se karkli ba, bang apiso ba apenan pen beisa akam keklem ba, aderi kedo ba, pinso pen pinso akam kahingnodak keklem ba, kanghu ba, mek plengple ba, hor kangri ba, kahonthe, bang amar kethi pon, la kadokave atumke Arnam arat chepahemphuphedetji. 1 aCorinth 6:9,10 1 aJohan 3:7, 8a Kachinghon aosomar atum, badu amonit setta nanglitum aphan pamanghu longri. Halabangso abang dhoromi asonthot dharmikota keklem abang lasonthak thak dhoromi. Pap keklem abangke Diabol amonit, thangbakma kecheng pen Diabol pap klemver. Thangbakma thangta kali, lason abang ne arleng kethe pule chemathalote, alangli methang aphan chobeilo. Galatia 6:3 /18 Pap Athe Kethi Roman 5:12 Lahelo inut abang pen ajok pap pirthe athak nang klanglo lapen pap pen ajok kethi vanglo, lapen lasonsi kadokave amonit atum kethinangji aot dolo thangbakma kadokave atumta pap klemlo. Ansi angringke thesi pap pep; lang lapen pap thedetsi kethi peplang. Jakob 1:15 Thangbakma ok aning kamatha athe, kethi; bonta karjong aning kamatha athe, chethe lapen ning kangsam. Roman 8:6 Kapeklang 21:8 Bonta aok keklemhur lapen kekroikre lapen kahijim lapen pran keen lapen beisa keklem lapen maja kanghoi akam keklem lapen kumlin aphan kardom lapen kadokave kachobei atum la kadokave atum apharman ha me lapen kondok pen kekarang atalo, helo. La, helo, hini akethi. Luke 15:32 Bonta ening arong kachepiji lapen kachehokji lake kenangsotlo pima la nang mu thilotlo lapen rengthulo lapen alangli ingbodetlo lapen longthutanglo. Halabangso ahut nanglitum kopi athe longloma? Nonke nanglitum halabangso athe an apot nang therakhurlo, anhelo. Thangbakma halabangso akam athe kethi. Roman 6:21 /19 Khristo Kethi aphan Haitang lo Lapen alangli pateboksi akeng ot damlo lapen kacherchong atum sanglo lapen alangli pulo, O bong, nang mek prangtha pusi ne nang pulo. Lapen kethitang abang thursi ingnisi kaningje pangchenglo. Luke 7:14,15a Johan 11:43, 44 Lapen la pudetsi ase akethe pen "Ingtan vangnon, Lazarus," pusi alangli hanglo. Kethitang abang akeng ari pe pen keperhet ingtan vanglo lapen amahangta rumal pen perhet. Jisus halatum aphan pulo, la phrira lophlotnon. Po neli phan kanghon athe lahelo, atheke neli pran puthot kelongji aphan nelike neli pran chepilang. Baduta neli pen la ponpedet bonta neli methangsi la chepilang. Neli la kachepiji lapen la kedengthuji ajakong do. Neli labangso ahukum neli Po pen longlo. Johan 10:17,18 Kapeklang 1:18 Lapen aphrangsi neli thilo lapen chininon, neli kejut un-e akai apar akai anta rengver lapen neli ridengsi kethi asabi lapen Hades asabi dolo. 1 aCorinth 15:25, 26 Thangbakma amethang akengpak arumsi kadokave ahotur atum bibetikke alangli rat pangri nangji. Kadokave aphisi kejut ahotur, atheke, ketbi virdetji. /20 Arnam Ahukum Heihei Mathalos 22:36-40 Pondit, aron akethenei ahukum kolo abangma? Lapen alangli alangli phan pulo, nang nang ning ajakong an penle lapen nang pran ajakong an penle lapen nang kamatha ajakong an penle nang Arnam aphan chinghonnangji. La helo aphrang lapen kethenei ahukumlo. Adun abang laputhak thak, nang methang asonthot nang tebok abang aphan chinghonnangji. Lasonni ahukum athak aron lapen montri atum aHastrota cheveklo. Mark 10:17b-21 .... Pondit keme! kejut une achethe kachepahemphujisi neli kopi klem nangjima? Jisu alangli phan pulo, neli phan kopi apotsi keme pulo? Inutpet, atheke, Arnam apar baduta mesen kali. Nangli hukum an chinipetlo, pran enri, beisa klemri, chonghuri, chobei ahaki piri, pachereiri, nang pi nang po anong pethenon. Ansi alangli alangli phan pulo, Pondit, neli oso chedap pen la kadokave kroipetlang. Bonta Jisu alangli phan langdingsi alangli inghonlo lapen alangli phan pulo, nangli eson alam nangjilang. Damra nangli mar doan jorpetra keduk kelak atum aphan pinon lapen sining athak nangli khi doji lapen vangra neli phi phi dunnon. /21 Nangli Arnam Pen Chepatu Un-e 1 aCorinth 3:20 Lapen puthot, Hemphu chinilo, giani atum akamatha hei hei thangta kali. 1 aCorinth 4:5 Lahelo athikpet akai aphrangle thangnat alam setta bisarri, atheke Hemphu vangvetikle. Lasi alangli kangtingkuk kapatu amar peklangpetji lapen monit aning arlo kamatha alam-aii pachiniji. Lapen halabangso ahut abang phutin Arnam pen kelong nangji akero longji. Ibri 4:12, 13 Thangbakma Arnam alam renglo lapen kam klemthek lapen kadokave angso hini kedo anokjir apar remu lapen apran lapen akarjong asek lapen atarlok kapeprek, laanta kechutthek lapen aning kamatha lapen atheta chinithek. Lapen alangli ingno pen kapinchongtang amar thangnatta kapatu ave, bonta ilin alangli phan hisab chepinangji, labangso abang angno kadokave amar setta reng angse lapen akup kave asonlo. Luke 8:17 Thangbakma keklangkledetji lason kapatu amar thangnatta ave lapen bang atum chininedetji lapen katheang angbong kevangvedetji lason kapatu amarta ave. /22 Dhoromime atum aphan Kejut-un-e Areng-Keso Mathaids 25:46 Lapen latum kejut un-e ahasti angbong lut damji bonta dhoromi atum kejut un-e achethe angbong lut damji. Mathalos l3i41, 42 Monit aSopo amethang atekala atum aphan toiji lapen halatum alangli rat angbong pen kadodave pap kapeplang-i atheng ason an lapen kahingno keklem atum an pangrumpetji lapen pherang arlo halatum varchuiji. Hadak halatum chiru chernapsi aso cherdengji. Mathalos 18:8 Bonta jongsi, nang methang ari ba akeng nang pap peklemlote la thanpetra nang pen varchornon. Nang ri hongni ba keng hongni pen kedover ame keklo dam apar nang ri longjong ba keng longjong setta ha chethe kelut dun, lasi nang phan memu. 2 aPitor 3:7 Bonta dhorom kave amonit atum kabisar lapen kevir arni aphan labangso alam isipet labangso non kedo asining hei hei lapen apirthe me aphan birtilo lapen honpemelo. Kapeklang 20:15 Lapen matte abang amen jongsi, chethe abohi klangklete alangli phan me atalo arlo varchuilo. /23 Kabisar Tebok tang lo Akam 17:31 Thankbakma alangli inut pinso amonit battanglo lapen kethitang atum angbong pen halabangso abang aphan kapethur pen ajok kadokave amonit atum aphan kekroi meme aot aporman pitanglo. Lasi hala abangpo pen ajok pirthe athikpetsi kapangsaiji aphan alangli ami pethiktanglo. 2 aPitor 2:9 Tangte, Hemphu dhoromi atum asat kelang ahut pejokthek lapenke papi atum. 1 aJohan 4:17 Labangso pensi ilitum along kanghon choktanglo atheke, kangkangsai ami ilitum akaphere avedetji thangbakma alangli sonthot ilitumta lasonthak thak pirthe athak dolo. Ibri 9:27 Lapen monit eboi thinangji lapen aphisi bisar doji lason kapethik anlom do. 2 aCorinth 5:10 Thangbakma amethang methang abang arpum pen keklemtang akam anam, mesen tame ba hingnodak tame, la kelongji aphan Khristo kabisar-anghoi angno ili kadokave atum an an eot edur athikpet klangdaknangji. Lahelo ilitum abang phutin Arnam aphan amethang ahisab pinangji. Roman 14:12 /24 Jisu Khristo aKangjinso Roman 9:16 Tangte, lake monit aning kehang ba kabor-i atam kali, bonta Arnam akangjinso alam. Roman 5:15 Bonta kangjinso adan halabangso akelet asonthak thak, lapu kali. Thangbakma inut amonit akelet apap apot, jongsi akeong atum thikoilo tangte, Arnam akangjinso lapen inut abang Jisu Khristo akangjinso pen ajok kevang adan akeong atum aphan piparpiklo. 1 aPitor 5:5b ... Arnam ron chedan bonta aning kachepebihek atum aphan kangjinso peklang. 2 aCorinth 8:9 Pima nanglitum eHemphu Jisu Khristo akangjinso chinilo. Nanglitum alangli duk pensi keplango kethekjisi, alangli plango setta nanglitum aphan ajok alangli duk det abang cheplanglo. 2 aCorinth 9:15 Etumke kethan thekthe, Arnam adan lason apot alangli phan peronang. Akam 4:33 Lapen ketoitang atum jakong akethepi pensi Hemphu Jisu kethi atum angbong pen kethur alam ahaki pibomlo. Lapen halatum kadokave aphuthaksi kangjinso parpik dolo. /25 Ningkacherui Akam 17:30 Anke Arnamke hala akun kave abut chechaklo setta nonke kadokave adim keko amonit atum an aning kapacheruijisi alangli halatum apban thanbomlang. Luke 13:3 Ne nangtum aphan nang pulang, lapu kali, bonta nangtum aning cheruirete nangtum lasonthotsi virkoiji. Akam 3:19 Lasi nanglitum apap hei nei kapekakji lapen non aparta ahut mesen Hemphu pen kevangji aphan nang ning cheruira chetevarnon. Akam 2:38 Lapen Pitor halatum aphan pulo, aning cheruihurnon, lapen nanglitum abang phutin, apap hei hei kadiya kelongji aphan Jisu Khristo amen pen baptisom ennon. Lasi nanglitum boksis ason Karjong Kangthir longpo. 2 aCorinth 7:10 Thangbakma Arnam aning kehang ason aningduk, lake kapejok thek lapen aning keoinangne, lason aning kacherui peplang, bonta pirthe aningduk, lake kethi peplang. Mathalos 3:2 Nangtum ning cheruinon thangbakma sining arat vangtanglo. /26 Pap heihei aphan Kadiya Mathaios 6:14 Thangbakma nangtum jongsi, bang akelet hei hei diyalote, sining athak kedo nangtum aPo nangtum aphanta nang diyapo. Luke 24:47 Lapen pap hei hei kadiya longji aphan alangli men pen ajok ning kacherui, labangso alani Jerusalem, pen pangchengsi adet adet atum an aphan prosarji. Kapeklang 3:20 Langiknon! neli inghap angno arjapthersi pechengbomlo. Neli se karjulong lapen inghap kangpu abang aling, neli labangso abang along lutdampo lapen neli alangli pen lapen alangli neli pen choraprappo. Johan 8:11 Ansi Jisu la aphan pulo, nelita nangli do pedodelo; damra puthot pap klemrinon. Akam 5:31 Arnam are anta halabangso abang, ilitum keja lapen kapejok abang, kapeplangjisi pethetanglo. Pi apotma? Israel akhei aning kapacherui lapen apap hei hei kadiyaji aphan. Lapen halatum akekroi theklongsi jisu thiklak abang aphan pulo, nang pap hei hei diyatanglo, po. Mark 2:5 /27 Pirthe arong Pen Kacheterek Thangbakma Arnam akangjinso cheklangsi kadokave amonit atum aphan akejok vanlo. Lake ili dhoromine alam lapen pirth akahingno aning kehang an kachekrongkredetra labangso akai angbong ening keme lapen dhoromi, lapen Arnam asonthak thak aot adur pen kerengjisi ili phan ekethan. Tit 2:11, 12 Pirthe athak amar alam kali, angsong amar alam mathapemenon. Colossae 3:2 1 aJohan 2:15, 16 Pirthe kalite la athak kedo amar aphanle chinghonrinon. Mane abang jongsi, pirthe chinghonlo tangte, Po aphan akanghon alangli ning arlo ave. Thangbakma pirthe athak amar an, atheke, ok aning kehang lapen mek aning kehang lapen chethe abek keso kachepethe jongjong, la kadokave Po pen kalidet, pirthe pen vanglo. Jakob 4:4 O, nang beisa apiso ben ason atum, pirthe pen jirpo kajalang, lake Arnam ahotur, labangso alam nanglitum chininelangma? Tangte pirthe pen jirpo kajalangji aning kehang abang aling Arnam ahotur cheplang. Ephesus 5:11 La kangtingkuk akejoi akam hei hei klemdunri. An chotta kalilang, halabangso peklangdaknon. /28 Mahangthek Thumi Johan 10:10 Kanghura kapethira kapevirji aphansi kanghuke kevangchot. Halatum chethe kelong thekji aphan lapen la kapedorphlupji aphansi nelike vanglo. 1 aJohan 2:29 Alangli dhoromi, nanglitum labangso alani chinilo tangte, dharmikota keklem atum an alangli somarlo, labangso alamta, chiniiknon. 2 aCorinth 5:17 Lahelo mane abangle Khristo pen chelangpetlote alangi kapinchong kimilo; alamban an damtang lo: langnon! hala hei heike alam kimi plangtanglo. 1 aJohan 5:18 Ilitum chinilo Arnam aso an pap klemkle bonta Arnam aSo alangli phan railo lapen ha kahingno abangke alangli phan ot un-e. Johan 3:3 Jisu thaksi alangli phan pulo, neli chenam, chenamsi nangli phan nang pulang, angsong pen amahang thekthete baduta Arnam arat theklong une. 1 aPitor 1:23 Thangbakma virdetnangji, lapu kali, virvedetji achili, atheke kerengver, kedover a-Arnam alam pen ajok nanglitum amahang thekthulo. /29 Pap anat Kethi Khristo along Kethurthu Ephesus 2:1, 6 Nanglitumta nanglitum akelet hei hei lapen apap hei hei pen ajok kethi atumlo . .. Lapen Khristo Jisu pen ajok ephan alangli kachingki me-o pensi amethang akangjinsoparpik akhi. Colossae 3:1 Toh! nanglitum aphan jongsi, Khristo pen pethurtanglo tangte, angsong amar rinon. Hadak Khristo Arnam ar-esi ingnilo. 1 aPitor 2:24 Ilitum pap hei hei anat kethidetra dharmikota aphan kereng thekjisi alangli epap hei hei amethang abang arpum arlo thengpi athak chaklo. Alangli rengsodet pen nanglitum medetlo. Galatia 5:24 Lapen la Khristo, atheke Jisu, asangho atum an angring hei hei lapen aok aning kehang an pen pen aokta theng parpan athak pethitanglo. Roman 6:2, 11 Lapu kali! Pap anat kethitang la ilitum non pen apara kopusonsi pap klembomjilangma? . . . Lasonthak thaksi nanglitumta amethang methangsi pap aphan thitanglo bonta Arnam aphan Khristo Jisu pen chelangpetsi rengverlo pura lakhanon. /30 Kejut un-e Achethe Pima amethang aok aphan kerik abang aling ok pen kevir longji lapen Karjong aphan kerik abang aling Karjong pen kejut un-e achethe longji. Galatia 6:8 Lapen kajajangtang ajosi Moses hala phirui kerung asonthot, lasonthak thaksi Monit aSopo aphan kekroi abang phutin, kejut une achethe kedoji aphan bang atum Monit aSopo rungnangji. Johan 3:14,15 Chenam, chenamsi neli nanglitum aphan nang pulang, neli lam karju lapen neli phan ne ketoi abang aphan kekroi abang kejut une achethe do lapen kangsai anghoi angno arjapje bonta alangli kethi angbong pen damsi chethe angbong lut damtanglo. Lapen inutpet Arnam binong la nang phan lapenke nang ketoitang abang Jisu Khristo aphanta kachinimuchot muchotjilang, lasi kejut une achethelo. Johan 5:24; 17:3 Johan 3:36 Sopo aphan kekroi abangke kejut une achethe do; bonta Sopo alam karjuje abangke chethe theklongledetji bonta Arnam aning kethi alangli phuthak dobom. Roman 6:23 Thangbakma pap anam kethi bonta Arnam kepi, kangjinso adan eHemphu Jisu Khristo pen kachelangpetsi kejut une achethe. /31 Kachejok kelong ji aphan Kechak alam 1 aJohan 2:3 Lapen ilitum jongsi, alangli hukum hei hei kroibomlote, la pen ajok ilitum alangli chinilo pu ilitum charlilo. Galatia 4:6 Lapen nanglitum sopo atum apotsi Arnamke aSopo aKarjong aphan ilitum aning arlo nang toitanglo. Lake, O Arnam netum aPo pusi hanglo. Ne hukum hei hei kedo lapen kekroipet abang ne phan kachinghon abang helo. Ne phan kachinghon abang aphan ne Po chinghonpo lapen neke la aphan chinghonpo lapen la aphan chepeklangpo. Johan 14:21 Roman 8:16 Itum Arnam asomarlo; Karjong amethangsi itum akarjong pen pen labangso ahaki chodunlo. 1 aJohan 3:18, 19 Kachinghon a-osomar atum, alam kalite ade angtur pen kali bonta kam pen ahok pen ili inghonlonang. Lasonsi ilitum ahok abelo lake chiniji lapen alam aling ening edo pedolote alangli ingno ening chepangsamji. 1 aJohan 4:13 Ilitum alangli pen chelangpet lapen alangli etum pen chelangpet, labangso alam ili chinilo thangbakma alangli aKarjong ajahak epitanglo. 1 aJohan 4:13 /32 Khristo Ining arlo dosi Chehok long lo Johan 17:13 Bonta nonke ne nang long dampo lapen ne ning arong halatum aning arlo aning arong apar arong keplangji aphan ne pirthe athak kedounsi la hei hei ningjelang. Roman 14:17 Thangbakma Arnam arat, kecho kejun, lapu kali, bonta Karjong Kangthir pen chelangpetsi dharmikota, ning kangsam lapen ning aronglo. Neli phan Khristo along theng parpan athak ne sakdetlo lapen non pen apara nelike rengre bonta neli arlo Khristo renglo. Lapen non mamat neli ok renglo bonta labangso akerengke neli kekroi pen, atheke, neli phan kanghon lapen neli phan amethang mamat kachehodai abang, atheke, Arnam aSopo aphan akekroi pen ne renglo. Galatia 2:20 Ne ning arong nangtum aning arlo kedoji aphan lapen nangtum aning arong keplengchenji aphan ne nangtum aphan la hei hei nang putanglo. Johan 15:11 Nanglitum Jisu Khristo thek longle setta alangli pban inghonlo. Nonta alangli phan thek longle setta nanglitum alangli phan kroilo lapen kepu thekthe lapen adak atur kelongtang lason aning arong pen nanglitum chehokolo. 1 aPitor 1:8 /33 Hemphu Kepu aling Kroithek nang ji Thangbakma Arnam angno aron karjulong atum aphan kali, bonta aron kekroi atum aphansi dhoromi pusi lakhaji. Rom. 2:13 Nanglitum bang aban cheplanglote lapen halabangso abang ahukum kroilote bang aphan kekroi aling nanglituro, chenamsi, halabangso abang abanlo. Nanglitum pap aban cheplangsi kethinangji aot do tame ba kekroi aban cheplangsi dharmikota kelongji aot do tame setta labangso alam ahok. Lake nanglitum chininedetloma? Roman 6:16 2 aThessalonica 1:7-9 Lapen Hemphu Jisu sining pen kacheklang ahut nelitum along kesung kepho, la nanglitum aphanta kapesangji, lasonni alam dhoromi pusi Arnam mathalo. Jisu ajakong atekala atum pen pen, kekar-ang ame pen vangji lapen Arnam aphan kachinine atum lapen eHemphu Jisu abirta keme kekroikrebom atum alar huiji. Latum adondo phoji, atheke, Hemphu angno pen lapen alangli kevang ahut ajakong adak atur angno pen kejut un-e akevir. Kapeklang 22:14 Chethe athengpi kachepahemphuji ajakong lapen anghap pen rongsopi kelutji ajakong kelongji aphan amethang methang ape keding kechok atum rengme. /34 Khristo aphan kekroi Chekobir nang ji Lapen Arnam, atheke, Po adak atur kapethejisi JISU KHRISTO, helo, HEMPHU lo pusi adetin chekobirji. Philippi 2:11 Mathalos 10:32, 33 Tangte monit angno ne phan Hemphu pura kehang abang phutin, neta sining athak kedo ne Po angno la aphan ne pusi hangji. Bonta badutame monit angno ne phan Hemphu pupera hanghedet tangte, neta sining athak kedo ne Po angno halabangso abang aphanta ne pupesi hanghedetji. Roman 10:9, 10 Thangbakma Jisu, helo, Hemphu, pu nangli lapule nangli ingho pen chekobirlote lapen Arnam kethitang atum angbong pen alangli phan pethurlo lapule nangli ning arlo kroilote, nangli jokphlotji. Thangbakma monit atum aning pen kroisi dharmikota longji lapen angho pen chekobirsi jokji. 1 aJohan 2:23 Sopo aphan Hemphu pupera kehanghe abang phutin along Po ave. Sopo aphan Hemphu pura kehang abang along Pota dolo. Thangbakma ne lapen ne lam pen apot therakduk abang, labangso abang pen apot Monit aSopota adak atur pen lapen aPo lapen tekala kangthir atum adak atur pen kevangji ahut therakdukji. Luke 9:26 /35 Soitan Ilitum aHutur kethenei 1 aPitor 5:8 Karsik akamatha lapen ano kangarle donon. Nanglitum ahotur, Diabol, kangrong ahingho asonthak thak mat mat cho thekjima risi phuribom. 2 aThessalonica 2:9 Halabangso abang kevang ahut Soitan akam keklem asonthak thak, kamanghu ajakong ason an. Mathalos 4:1, 10, 11 Ansi Diabol Jisu asat kapelangji aphan Karjongke Jisu aphan kajajangtang ajo pondetlo. . .. Ansi Jisu alangli phan pulo, damnon, Soitan; thangbakma la toktanglo, atheke, Hemphu, nang Arnam, aphanle nang ardomra muthe alangli phan ingdukchotnangji. Ansi Diabol alangli phan otekanglo lapen, chini-iktha, sining atekala atum vangsi alangli phan ru thaibomlo. Ephesus 6:11 Diabol akachobei an aphan kehaithekjile nanglitum Arnam ajakhor an chepindengnon. Halatum kangtingkuk pen katheang anathu lapen Soitan ajakong aber pen Arnam ajakong anathu kacheruijisi nang halatum amek ingpuji. Lasi halatum apap hei hei diya longji lapen ne phan kekroi pen ajok kapangthirtang amonit atum angbong halatumta apharman longji. Akam 26:18 /36 Soitan aphan Kehai 2 aThessalonica 2:8 Halabangso ahut aron kekroikre khangjang, labangso abang klangji lapen Hemphu Jisu angho achethe alangli phan pevirji lapen Jisu akeklangdong pen alangli phan thangta kali peplangji. Jakob 4:7, 8a Tangte, Arnam aber donon; bonta Diabol khangnon lapen alangli nanglitum pen katpo Arnam along damnon lapen alangli nanglitum adung vangpo. Ibri 2:14 Lahelo tangte, asomar atum ok lapen vi kachethak atumlo, lapen amethang akethi pen ajok alangli kethi ajakong kedo abang atheke, Diabol kapevirji. Roman 8:35, 37 Khristo akanghon pen ekapeprekji matsi thekjima? Aduk ma akesung ma adachenek ma akhim. Ma areng angse ma akaphereduk na anokjir ma? ... Bonsetta ekachinghon abang pen ajok itum la kadokave alam kehai aparta hailo. 1 aJohan 3:8 Pap keklem abangke Diabol amonit, thangbakma kecheng pen Diabol pap klemver. Lahelo, Soitan akam kapevirjisi Arnam aSopo cheklanglo. /37 Kanghon lake Sangho keplang angthek lo Johan 13:35 La pen ajok atheke, nangtum labin lahin aphan kachinghon pen ajok, nangtum ne sangho atumlo pu kadokave atum chinipetpo. 1 a Johan 4:20 Badu amonit setta neli Arnam inghonlo pura pulote lapen akorte chehijimlote, alangli kachobei abang. Thangbakma ketheklong akorte aphan kachinghonhe abangke kethek longlepinlang Arnam aphan inghon un-e. 1 aCorinth 13:1 Lapenke la aparta neli nanglitum aphan me parpik atovar nang peklangpo. Neli jongsi, monit lapen sining atekala alamta ningjelo bonta neli kanghon avete, neli arki kedo abitoi kalite kangreng amirdong asonthak thak cheplangtanglo. 1 aJohan 3:14 Ilitu kethi angkang pen chethe angkang cheterektanglo pu, ilitum chini lo, thangbakma ilitum ekorte atum chinghonseroilo. Kachinghonhe atum an kethi angkang dolang. Galatia 5:22, 23a Bonta Karjong athe, lahelo, kanghon, ning arong, ning kangsam, ning keding, kachingkime, ot keme, kekroi thirklong atheng, asotdut athen, ning kacheber .... /38 Jisu Khristo Thurthuvek lo Roman 4:25 Ilitum akelet hei hei apot kethijisi labangso aJisu aphan hodailo lapen itum aphan dhoromi pusi kalakhaji aphan alangli phan pethurlo. Johan 20:26-28 Ni nerkep aphisi alangli sangho atum lapen halatum pen Thomasta hem arlo dolo. Anghap ingkhirpet setta Jisu vanglo lapen halatum angbong arjapthersi pulo, nangtum along ning kangsam pedonang. Ansi alangli Thomas aphan pulo, nang ri achimun dakle bira ne ri langnon lapen nang ri chephejengra ne rep arlo chephunon lapen kroikrebomri bonta kekroi abang cheplangtha. Thomas thaksi alangli phan pulo, ne Hemphu lapen ne Arnam. Akam 10:39-41 Lapen Judia adet lapen Jerusalem alangli keklem akam an ahaki nelitumlo. Halatum alangli theng parpan athakta saksi pethilo. Arnam nithom ami alangli phan pethurlo lapen monit atum aphan alangli pacheklangdaklo; kadokave arat atum aphan, kali, bonta Arnam aphrang pen kebattang ahaki atum aphan, atheke nelitum. Alangli kethitang atum angbong pen thurdet aphi nelitum alangli long cholo junlo. /39 Kethurthu ji Ilitum Ningthe Lo Hala pen apara alangli Jerusalem damnangji lapen sarmar atum lapen prist akethe atum lapen aron thekser atum arideng pen akesung ongdung chechaknangji lapen alangli phan pethinangji lapen nithom ami alangli phan pethurnangji pusi Jisu Khristo asangho atum aphan la kadokave alam kapeklangjisi pangchenglo. Mathalos 16:21 Jisu Khristo pep kajalangjisi baptisom keen la ilitum alangli kethi pen kajalangjisi baptisom enlo, lake nanglitum chininedetloma? Lahelo Po adak atur pen ajok Khristo kethitang atum angbong pen kapethur asonthot, lasonthak thakta ili chethe kimi pensi kengkam kachejorji aphan kethi anathu baptisom keen pen ajok ilitum alangli pen pipdundetlo. Thangbakma alangli kethi asonthak thak akethi pen ajok ilitum jongsi, alangli pen chelangpettanglo tangte, alangli kethur pen ajokta ilitum alangli pen chelangpetvekji. Roman 6:3-5 Johan 5:28, 29 ... La aphan manghuri thangbakma then kedo atum an alangli se arjuji lapen akeme keklemtang atum chethe akethur aphan akam kahingno keklemtang atum kangsai akethur aphan nang barji, lason ahut hirji. /40 Kangthir Hemphu Aphan Luke 1:74, 75 Atheke, ehotur atum arideng pen epejoksi itum phereredetsi, kangthir-et lapen dharmikota pen erengtik an alangli ingno alangli phan kangduk longji. 2 aCorinth 7:1 Tangte, kachinghon atum, la kechak hei hei dosi ili ok lapen karjong aphan kapangthirthe amar along pen chepangthirra Arnam aphan pherera kangthiret kacheplangjile matha nangho. 1 aPitor 1:2 Arnam Po aphrang pen kachini asonsi alangli nanglitum Karjong pen ajok kangthiretjisi lapen hukum kekroijisi lapen Jisu Khristo avi pen karsidetjisi alangli nanglitum aphan ingvailo. Nanglitum along kangjinso lapen ning kangsam peonglethotnang. 2 aTimothi 2:21 Tangte, mane abangle la hei hei pen chepangthirlote alangli helo, man aphan kapanongtang, hemphu ke-en thek lapen kadokave akam keme aphan kapethik ajohton. 1 aPitor 1:15 Bonta kekroi atum asonthak thak nanglitum aphan kepha abang kangthir asonthak thak nanglitumta methang methang akam keklem anta kangthir aron penle dotha. /41 Kangthir Hemphu Aphan Ibri 12:14 Kadokave amonit atum along ning kangsam pen kedo, lapen kangthirta hungnon. La avete baduta Hemphu thek longle. Ibri 13:12 Lahelo Jisuta amethang avi pen ajok rat atum kapangthirjisi nokor anghap angtan akesung pholo. Malhalos 3:11 Ahoklo, ning kacherui angthek aphan ne nangtum aphan lang baptaizbomlang bonta ne phi kevangji abang ne par ajakong themu. Alangli kengop kephlokjisi ne ot ave. Labangso abang nangtum aphan Karjong Kangthir lapen me penta nang baptaizji. 1 aJohan 1:9 Ilitum emethang methang apap hei hei chekronglote epap hei hei kadiyaji lapen ilitum akahingno akam an kapekakjisi alangli kekroi thirklong lapen dhoromi. Ephesus 1:4 Alangli kapethik asonsi la klemlo, atheke, alangli ingno ili kanghon pensi kangthir lapen edai kavedetjisi Arnam pirthe kapinchongche ako Khristo pen ajok ephan ingvailo. /42 Karjong pen Kapatip aMonit Heihei Luke 11:13 Lahelo nangtum hingno setta nangtum asomar atum aphan dan keme kepiji chinilo tangte, la apar sining athak kedo aPo alangli long kehang atum aphan Karjong Kangthir piji. Akam 7:55 Bonta alangli Karjong Kangthir pen plengsetsi sining anat langdingsi Arnam adak atur lapen Arnam ar-esi karjapther aJisu nang theklonglo. Roman 8:9 Bonta jongsi, Arnam aKarjong, chenamsi, nanglitum aning arlo dolote nanglitum ok pen chelangpetlo kali, bonta karjong pen chelangpetlo. Bonta jongsi inut abang Khristo aKarjong ave tangte, alangli Khristo abang kali. Akam 4:31 Lapen halatum kardomdet aphi halatum kachepangrumpet adim klemhurlo lapen kadokaveta Karjong Kangthir pen plengsetlo lapen phereredetsi Arnam alam pubomlo. Akam 13:52 Lapen sangho atum aning arongpiklo lapen Karjong Kangthir pen plengsetlo. Akam l:8a Bonta mo Karjong Kangthir nangtum aphuthak kevang ahutsi nangtum jakong longji.... /43 Khritian atum aphan Manghumeme Kechaktang alam heihei Mathalos 6:33 Bonta aphrang pen nangtum alangli rat lapen adharmikota aphanle ribomnon lapen la kodokave nangtum aphan nang pidetji. Mathalos 28:20b Lapen chiniiktha, labangso akai jutjetikke ne kadokave ami anta nangtum along dover. 1 aPitor 4:12, 13 Kachinghon atum, non nanglitum aphan me karang ason asat kelang aphan kopine thek longlepinlang alam planglo pupera nanglitum manghuphrongri. Bonta Khristo adak atur keklangji ahut nanglitum aning arong apar aning arongji aphan nanglitum alangli duk kephorap rap ateng asonthot lasonthak thak ateng penle chehokophronon. Kapeklang 21:4 Lapen alangli halatum amek pen amekkri an venpo lapen kethi kaiketa avedetji lapenke aning keduk lapen kachiru kachemap lapen aok aduk kaiketa avedetji. Thangbakma aphrang amar avedetlo. Mark 9:23 Bonta Jisu alangli phan pulo, jongsi unte! kekroi abangke kadokave klem un. /44 Sat kelang Kepho atum aphan Kechaktang alam heihei Thangbakma alangli methangsi sat kelang akesung kepho apot alangli sat kelang atum aphan rapdunthek. Ibri 2:18 Roman 16:20 Lapen ning kangsam a-Arnam malomsopetsi nanglitum akengpak arumsi Soitan aphan pedongthipji. EHemphu Jisu akangjinso nanglitum along pedonang. 1 aCorinth 10:13 Monit atum an angbong kedo asat kelang aparta thangnatta asat kelang nanglitum angno klangkledetlo. Lapen Arnamke kekroi thirklong abanglo; nanglitum une lason asat nanglitum aphan kelangledetjisi alangli khangpo bonta sat kelang ahut nanglitum unji aphansi alangli kapejokji atovar nang peklangpo. Asat kelang kachechak thek abang rengme thangbakma asat lang theksi alangli chethe avaikang longji. Lake alangli phan kachinghon atum aphan piji pusi Hemphu chaktanglo. Jakob 1:12 Lapen itum chinilo, Arnam aphan kanghon atum, atheke, alangli ning kamatha athe ason kepha atum an akeme kapedoji aphan Arnam kadokave alam setta halatum along kam klemrapverlo. Roman 8:28 /45 Kehaidun atum aphan Kechaktang alam heihei Lasonsi kehaibom abang ape kelok chepindengji lapen chethe abohi pen neli alangli men pepreipredetji, lapen neli Po angno lapenke alangli tekala atum angno neli alangli men donangji pusi thanji. Kapeklang 3:5 Kapeklang 3:21 Neli methangsi kehaitang lapen neli neli Po pen alangli inghoi kangni asonthot lasonthak thak neli kehaibom abang neli pen neli inghoi pangniji. Kapeklang 3:12 Lapen kehaibom abangke, neli alangli neli Arnam akardom ahem thepi kangthir anujok peplangji lapen alangli kaike hadak pen barbedetji. Lapen alangli phuthak neli Arnam amen lapen neli Arnam arongsopi amen lapen neli men kimi neli tokji. Arnam arongsopike neli Arnam along pen lapen sining athak pen nang kehir, la Jerusalem kimi helo. Kehaibom abang la, hei hei chepahemphuji lapen neli alangli Arnam cheplangji lapen alangli neli sopo cheplangji. Kapeklang 21:7 Kapeklang 2:7 Ano kedo abang Karjong mondoli atum aphan kepu alam parjunang. Kehaibom abang aphan neli boksis piji, atheke, Arnam akerengme adet kedo chethe athengpi athe lake alangli cholongji. /46 Kacheti Aphan Arnam Ikethan Alam 1 aCorinth 7:10, 11 Bonta penanso atum aphan neli hukum pilo setta neli methang kali Hemphusi hukum pilo, pisoke apenan chetmangne. Bonta alangli penan chetitanglote alangli penan pedodenang ba apenan binong pen pajalangthunang. Lapen penanta apiso cheti nangne. Luke 16:18 Amethang apiso chetira akaprek kapangri abang phutin beisa klemlo, lapen la kachetitang arloso kapangri abangta beisa klemlo. Roman 7:2, 3 Pima apenan kedo a-arloso apenan rengtik an alangli pen aron pen ajok kokhetlo. Bonta apenan thilote alangli penan aron pen jokphlotlo. Lahelo apenan kerengun alangli penan kaprek dolote alangli phan beisapi pudetji. Bonta apenan, jongsi, thilote alangli aron pen jokphlotlo lapen akaprek apenan do tame setta alangli beisapi kali. Mathalos 5:32 Bonta neke nangtum aphan nang pulang, beisa pen apot apar apiso kacheti abang phutin labangpi beisa peklemlo lapen badutame la ketitang arloso piso pangrilote alanglita beisa klemdetlo. /47 Khristo Vangthu Ji Johan 14:3 Lapen jongsi ne damra nangtum aphanle adim siklote ne puthot vangji lapen ne kedo adim nangtumta hadak kedoji aphan ne nangtum ne long ponji. Neli vangdapji. Badu amonitsetta nangli vaikang kelongledetjile nangli kedo amar an otthipnon. Kapeklang 3:11 Nanglitumta chepeningdingtha; nanglitum aning chepethirtha, thangbakma Hemphu vangji dokdoklo. Jakob 5:8 Mark 8:38 Thangbakma abang aling jongsi, la kroikreong lapen papi aove angbong ne lapen ne lam hei hei pen apot therakduklo tangta, Monit aSopota aPo adak atur pen lapen alangli kangthir atekala atum pen kevang ahut halabangso abang pen apot therakdukji. Mathalos 24:30 Lapen aphisi Monit aSopo angthek sining athak klangji. Lapen aphisi pirthe athak kedo akur an aning chetengji lapen ajakong lapen adak atur thepik pen sining anghun athak Monit aSopo kevang, lake halatum theklongji. Thangbakma sining kabirlak nihang anat klangsi nichi anatta keklangphit asonthot, lasonthak thaksi Monit aSopo kevang plangji. Mathalos 24:27 /48 Khristo Vangthu Ji 1 aJohan 3:2 Kachinghon atum, nonke ili Arnam asomar atum lapen ilitum kopi pi plangjima, lake klangklelang. Ilitum chinilo, alangli cheklanglote ilitum alangli sonthak thak plangji thangbakma ilitum alangli binong theklongpemeji. Kapeklang 16:15 Chiniiknon, kanghu asonthak thak neli vangpo. Areng angse akengkam kachejorjedetra katherakredetjisi amethang ape kebi lapen ano kangar kedobom abang rengme. Akam 1:11 Galilee atum, nanglitum kopiapotsi nang arjapra sining anat langphrongloma? Nanglitum along pen sining athak, kepontang, halabangso aJisu nanglitum alangli sining anat kedam kethek long asonthotsi alangli ako vangthuji. Luke 12:40 Nangtumta, chesiketle donon. Pima alangli vangvedetjibon pura nangtum kamatha ahut, halabangso ahut Monit aSopo vangji. Mathalos 16:27 Thangbakma Monit aSopo amethang aPo adak atur lapen amethang atekala atum pen pen vangjidok doklo lapen halabangso ahut alangli abang phutin aphan akam asonthak thaksi anam piji. /49 Arnam Alam Luke 21:33 Sining lapen pirthe avedetji bonta ne lam hei hei kaiketa doverji. Mathalos 22:29 Bonta Jisu thaksi halatum aphan pulo, nanglitum Hastro alamta Arnam ajakongta chininedetsi manghuphronglo. 2 aTimothi 3:16 Arnam amonit kechokpet lapen kadokave akam keme aphan abidi kedojisi. 2 aPitor 1:21 Thangbakma monit aning kehang pen badu amontri alam setta vangvedetlo bonta Karjong Kangthir monit atum aning perungsi halatum Arnam pen longsi ningjelo. Johan 6:63 Karjongsi chethe kepi, okke thangnat ale pedode. Ne nangtum nang keputang alam hei hei, lake karjong lapen chethe. Ibri 4:12 Thangbakma Arnam alam renglo lapen kam klemthek lapen kadokave angso hini kedo anokjir apar remu lapen apran lapen akarjong, asek lapen atarlok kapeprek, laanta kechutthek lapen aning kamatha lapen atheta chinithek.