Kashmiri Mark MARQUS SINZ INJIL. /1 Khudayi sindis Nichiv Yisu' Masih sinzi khushkhabari hund god. YUHANNA BAPTISMA DINAWOL SINZ MANADI TA KOM. Yitha poth Yasha'yah nabiyi sinzi kitabi andar likhit chhu, zi Wuch, ba chhusan panun khabar dinawol tse bonth sozan, yus chon wat taiyar kari; Biyabanas andar chhe nad dinawol sinz awaz yiwan, zi Khudawanda sinz wat kariv taiyar, ta temsinza wata banoviv seza; Yuhanna ao, ta biyabanas andar os baptisma diwan, ta gunahan hinzi mu'afi hindi khotira taubaki baptismuk waz karan. Ta sori Yahudiyik ta Yarushalemik luk ai nirit tas nish, ta timau hiut pananian gunahan hund ankar karan Yardankis daryavas andar tas nish baptisma. Ta Yuhannahas os wunta walan hund poshak nol, ta daluv kamarband haligandit, ta halau ta jangluk manch os khewan; Ta yi manadi os karan, zi Me pata chhu su shakhs yinawol, yus miani khota chhu zorawar; ba chhus na yath laiq zi namit mutsrava temsindi paizaruk randuk. Me diutmava tohi aba suit baptisma, lekin su diyiva tohi Ruhu'l Qudsa suit baptisma. YISU' SUND YUHANNAHAS NISH BAPTISMA NIUN. Ta timan dohan andar sapun yitha poth, zi Yisu' ao Galilaki Nasarata andara, ta Yuhanna sindi atha hiutun baptisma Yardanas andar. Ta yan su aba andara khot, yakdam wuch tem asman woth, ta Ruh qumir sind poth panas peth wasan: Ta asmana petha ayi awaz, zi Tsa chhuk mion toth Nichuv, tse nish chhus ba khosh. YISU' SINZ AZMAISH. Ta yakdam kod su Ruhan biyabanas andar. Ta su ao tath byabanas andar tsatjihan dohan tam Shaitana sindi suit azmavna; ta jangliken janwaran suit os rozan; ta malaik os temsinz khidmat karan. YISU' SINZ MANADI. Ta Yuhanna sinzi giriftariyi pata kar Yisu'an Galilas andar yith Khudayi sinzi khushkhabari hinz manadi. Ta wunun, zi Waqt sapun pur, ta Khudayi sinz padshahat ayi nazdik; tauba kariv, ta khushkhabari moniv. YISU' SIND GODNIK TSAT BULAWIN. Ta Galil jhilki bath bath pakan wuch tem Shama'un ta Shama'una sund boi Andriyas jhilas andar zal trawan; tikiyazi tim os gadahanz. Ta Yisu'an dop timan; Me pata pata yiyiv, ta ba banawova tohi insanan hind ratnavanwol. Tan trov timau panin zal, ta tas pata pata paik. Ta bonthhana pakit, wuch tem Zabdi sund nichuv Ya'qub ta temsund boi Yuhanna, navi ket zal sheran. Tan diutun timan nad; ta timau trov panun mol Zabdi navi andar mazduran suit, ta pana paik tas pata pata. 'IBADATKHANAS MANZ AIKIS BAD-RUH KADUN. Taupata gai Kafarnahumas andar, ta yakdam gatsit ditsan Sabtaki doha 'ibadatkhanas andar ta'tim. Ta luk gai temsinzi ta'limi suit hairan; tikiyazi su os na timan faqihan hind poth, balki ikhtiyarawol sind poth ta'lim diwan. Tan miul timan ak mahanuv tihindis 'ibadatkhanas andar, yas andar napak ruh os; tem wun krak tulit, zi Ai Yisu' Nasari! asi kya kom chhe tse suit? Tsa chhuka asi halak karni amut? Ba chhusat tsa zanan, zi tsa kus chhuk - Khudayi sund Quddus. Ta Yisu'an kur tas mana' ta dopnas, Tsopa kar, emis andara ner. Ta napak ruh drao pan natrovit, ta badi krak tulit tas andara. Ta sori luk sapin hairan, ta panawain os bahs karan ta wanan, zi Yi kya chhu? Yi chhe nav ta'lim! Yi chhu napak ruhan ti ikhtiyara san hukm diwan, ta tim chhi temsund hukm manan. Tan gayi temsinz shuhrat Galilken sarni tarafan. SHAMA'UNA SINZ HASH BALRAWIN. Tan drao su 'ibadatkhana andara, Ya'qub ta Yuhanna het gao Shama'una ta Adriyasa sindis garas andar. Ta Shama'una sinz hash os tapa suit bimar peymats, ta timau dits yakdam tas temsindi tap khasnach khabar. Ta yith kar tem temsindis athas thap, so tujin, ta tap tsulas, ta so laj temsinz khidmat karni. RANGA RANGAK BIMAR BALRAWIN. Shaman yeli aftab woth, sori bimar ta sori yiman bad-ruh os tsamit tim ain lukau tas nish. Ta sorui shahr os darwazas peth jama' sapunmut. Ta tem diut sethahan, yim ranga rangaken bimaren andar os giriftar, shifa, ta setha deo kadin; ta tem dits na timan badruhan katha karna tikiyazi tim os tas zanan. SORSI GALILAS MANZ YISU' SUND PHERUN. Ta subhoi, gash yina bonth, su woth ta drao, ta aikis wiran jayi gao, ta tati manjin du'a. Ta Shama'un, ta yim tas suit os, tim gai tas pata pata; Yeli tas nish wot, tas dopuk, Sori chhi tse tsandan. Tem dop timan; Yiyiv, as gatsau aind paik qasban manz, yuth ba tati ti kara manadi, tikiyazi ba chhus awai khotira dramut. Ta su os sorsi Galilas manz tihindian 'ibadatkhanan andar gats gats manadi karan, ta bad-ruhan kadan. AK MENDLAD BALRAWUN. Ta aik mendladan yith kar tas minnat, ta tas bonthkani sijda karit dopnas; Tsa ai yatsak, me hekak saf pak karit. Ta tas ao tas peth rahm, ta atha ziuth karit lognas atha, ta dopnas; Ba chhus yatsan, zi tsa sapan pak saf. Tan tsol tas miond, ta su sapun pak saf. Ta tem kur tas takid ta tan kurun rukhsat, Ta tas dopun; Khabardar, kanhsi ma wan kenh, balki gats, ta panun pan hav kahinas, ta panani pak saf sapnana khotira di tim chiz niyaz yim Musahan chhi muqarrar karmit, yuth timan peth gawahi asan. Lekin tem wani nebar nirit setha katha, khass karit karan yi kath mashhur, ta Yisu' hiuk na nain poth shahras andar atsit, balki wiran jayan andar rud shahra nebar; ta luk os prat tarafa tas nish yiwan. AK FALJILAD BALRAWUN. /2 Kenhtsau dohau pata yeli su Kafarnahumas andar tsao, ta buzuk zi su chhu garas andar. Ta tit luk sapin jama', zi darwazas nish ruz na jai; ta su os timan kalam boznawan. Ta lukau on ak faljilad tsoran mahaniven peth tulit tas nish. Yeli lukan hindi galba sababa zonuk na tas nish anit, ta timau mutsrov su talau yeti su os ta mutsrit tsanik so charpai alond, yath peth faljilad shungit os. Yisu'an dop, tihinz pats wuchit, faljiladas; Nichivi, chon gunah sapin mu'af. Lekin kenh faqih yim tati bihit os, pananian dilan andar lag sonchni, zi. Yi kiyazi chhu yitha poth wanan? Yi chhu kufr wanan. Gunah kus chhu mu'af karit hekan, aikis warai, ya'ni Khudayas? Tan zon Yisu'an panani ruha suit, zi tim chhi pananian dilan andar yuth sonchan, timan dopun; Tohi kiyazi chhiva pananian dilan andar yitsa katha sonchan? Sahl kya chhu, faljiladas ya wanun, zi Chon gunah sapin mu'af: ya yi wanun, zi Woth, panin charpai tul ta gats pher? Lekin yemi khotira yuth tohi zoniv, zi Adam sindis Nichivis chhu zaminas peth gunahan hindi mu'af karnuk ikhtiyar, (tem wun tas faljiladas), Ba chhusai tse wanan; Woth, panin charpai tulit gats panun gara. Ta su woth ta yakdam charpai tulit drao su sarni thi nebar; sori sapin hairan, ta Khudayi sund bajar karit lag wanani; zi Asi wuch na zanh yuth. LEWIAS NAD DIUN. Taupata gao su beyi jhilkis bathis peth, ta sori jama'at ayi tas nish, ta su log timan ta'lim dini. Yeli su gatsan os, tem wuch Halfai sund nichuv Lewi guzar chauki peth bihit, ta tas dopun; Me pata pak. Taupata su woth ta tas pata pok. Ta yitha poth sapun zi su biuth temsindis garas andar giza kheni, ta setha guzarwan ta gunahgar luk bith Yisu'as ta temsindian tsatan suit giza kheni; tikiyazi tim os setha, ta tas pata os pakan. Ta Farisian hindiau faqihau yi wuchit zi su os gunahgaran ta guzarwanan suit giza khewan ta tsatan wunuk; Yi chhu guzarwanan ta gunahgaran suit khewan chewan. Yisu'an buzit wun timan; Tandurustan chhu na hakim hajat, balki bimaran; ba chhus na rastbazan, balki gunahgaran nad dini amut. YISU' SINDIAN TSATAN HINDI ROZA NA THAVNA KHOTIRA. Ta Yuhanna sind ta Farisian hind tsat os roza thawan; timau yith wun tas; Kya chhu sabab, zi Yuhanna sind ta Farisian hind tsat chhi roza thawan, magar chon tsat chhi na roza thawan? Yisu'an wun timan; Kya salar chha faqai ruzit hekan, yotan maharaza chhu timan suit? Yotan maharaza chhu timan suit, tim chhi na faqai ruzit hekan. Lekin tim doh yin zi maharaza yiyi timan nishi juda karna; temi waqta thawan tim roza. Kora kapruk maramat chhu na kanh ak pronis poshakas peth lagan; tikiyazi su kora kapruk marmat wali tath poshakas trat, ya'ni nov pronis, ta su thseni ziyada. Ta navis maiyas chhu na kanh ak pranian mashkan manz baran; tikiyazi mashka phatan navi maiyi suit, ta mai ta mashka sapdan doshwai barbad: balki nav mai chhi naven mashkan andar thawan. ADAM SUND NICHUV CHHU SABTUK MALIK. Ta yitha poth sapun zi su os Sabtaki doha zira'atan manz pakan; ta temsind tsat lag wati pakan hel tsatni. Farisiau wun tas; Wuch, yim kiyazi chhi Sabtaki doha so kom karan yosa na rawa chhe? Tem wun timan; Kya tohi purva na zanh ti, zi Daudan kya kur, yeli temis ta temsindian sathian zarurat peau ta bochihat sapin? Su kitha poth gao sardar kahin Abiyatar sindis 'ahdas manz Khudayi sindis garas andar, ta niyazachi tsochi kheyan, yima kahinan warai asa na kanhsi kheni rawa, ta pananian sathian ti ditsan? Ta tem wun timan; Sabt chhu insana sindi khotira baniomut, na insan Sabtaki khotira: Lekin Adam sund Nichuv chhu Sabtuk ti malik. SABTAKI DOHA AIKIS SHAKHSA SUND HUKHMUT ATHA BALRAWUN. /3 Ta su tsao beyi 'ibadatkhanas andar; ta tati os ak mahanuv, yemsund atha os hukhmut. Tim ruid tas zagani, zi yi ai emis Sabtaki doha balravi, ta tas peth lagavao ilzam. Tem wun tas mahanivis, yemsund atha os hukhmut; Manz bag sapan wodni. Ta tem wun timan; Sabtaki doha neki karin chha rawa, ya badi karin? zuv bachawun kina qatl karun? Timau kar tsopa. Tem kar tihinzi sakhtdili hindi sababa gamgin gatsit, gussa san timan sarni kun tsoshwani tarafan nazar ta wunun tas mahanivis, zi Panun atha kar ziuth. Tem kur Farisiau nebar nirit Herodian suit temsindi khotira barkhilaf mashwara, zi tas kitha poth maran. BAJAN BAJAN JAMA'ATSAN YISU' SINZ TA'LIM DIN. Ta Yisu' gao pananian tsatan suit jhilas kun; ta Galila petha pach ak bad jama'at tas pata; ta Yahudiya, ta Yarushalema, ta Idumaya, ta Yardana apari, ta Sur ta Saidahaik aporim yaporim ayi ak bad jama'at yi buzit zi su kits hish bad kom chhu karan, tas nish. Ta tem dop pananian tsatan; zi Biri hindi sababa thawan miani khotira ak lokat nav taiyar yuth na tim me tal ratan; Tikiyazi tem os sethahan shifa diutmut; chunanchi yit luk sakht bimaren andar os giriftar, tim os tas petha pewan, yuth tas atha lagan. Ta bad-ruh yeli tas os wuchan tas bonthkani os pewan wasit, ta krak tulit os wanan, zi Tsa chhuk Khudayi sund Nichuv. Ta su os timan takid karan, yuth na me mashhur kariv. YISU' SIND BAH RASUL. Taupata khot su kohas peth, ta yiman su pana os yatsan tim bulowin panas nish; ta tim ai tas nish. Ta tem kar bah muqarrar, yuth tas suit rozan, ta yuth timan sozi zi manadi karan. Ta bad-ruhan hindi kadnuk ikhtiyar thawan: Tim chhi yim, Shama'un, yemsund nav Patras thowun; Ta Zabdi sund nichuv Ya'qub, ta Ya'quba sund boi Yuhanna, yemsund nav Buanargis, ya'ni Bani Radd yhowun; Ta Andriyas, ta Filippus, ta Bar-Tulmai, ta Mati, ta Toma, ta Halfai sund nichuv Ya'qub, ta Taddi, ta Shama'un Qanani, Ta Yahudah Iskariyoti, yem su ratnov ti. FARISIAN HUND KUFR. Su tsao aikis garas manz; Ta yit luk sapin beyi jama' zi tim hek na giza ti khet. Yeli temsindiau oshnawao yi buz, ta tas drai ratni; tikiyazi tim os wanan, zi Su chhu bekhud. Ta faqih yim Yarushalema andara os amit yi os wanan, zi Tas suit chhu Ba'alzabul, ta yi ti, zi Su chhu bad-ruhan hindis sardara sindi madada suit bad-ruhan kadan. Ta tem ain tim panas nish nad dit, ta tamsilan andar loguk wanani; Shaitan kitha poth heki Shaitanas kadit? Ta kuni padshahats andar ai nifaqi peyi, so padshahat heki na qaim ruzit. Ta kuni garas andar ai nifaq peyi, su gara chhu na qaim ruzit hekan. Ta Shaitan ai panasi mukhalif sapdit panas andar nifaq travi, su chhu na qaim ruzit hekan, balki temis chhu khatima sapdan. Lekin kanh mahanuv chhu na kanhsi zorawar mahaniv sindis garas andar atsit temsund asbab luta hekan nit, yotan na su tas goda zorawaras gandi; ada luti temsund gara. Ba chhusava tohi poz wanan, zi Adaman hindian nichiven hind sori gunah ta sorui kufr yi tim chhi woran mu'af yin karna: Lekin yus akha Ruhu'l Qudsa sindis haqqas andar kufr wori, tas yiyi na hargiz mu'af karna, balki hameshakis gunahas chhu sazawar: Tikiyazi tim os wanan, zi Tas andar chhu bad-ruh. YISU' SINZ RUHANI RISHTADARI. Taupata temsinz moj ta temsind boi ai, ta nebarkani wodni ruzit dowuk tas nad. Ta bira os tas apor yapor bihit, ta tem wun timan; Wuch, chon moj ta chon boi chhi tse nebarkani nad diwan. Ta tem diut timan yi jawab; Kosa chhe mein moj, ta kam chhi mein boi? Ta timan peth yim tas apor yapor bihit os nazar karit wunun; Wuchiv, mein moj ta mein boi chhi yim! Tikiyazi yus akha Khudayi sinzi marziyi peth paki, sui chhu mion boi ta beni ta moj. BIOL WAWANWOL SINZ TAMSIL. /4 Ta taupata log su jhilkis bathis peth ta'lim dini. Ta tas nish sameyi ak yits bad jama'at, zi su biuth navi andar jhilas manz, ta sori bira ruz bihit jhilkis bathis peth. Ta su rud timan tamsilan andar setha katha hechnavani, ta panani ta'limi manz wunan timan; Buziv: wuchiv, ak biol wawanwol drao biol wawani. Ta wawani vizi sapun yitha poth, zi kenh peau wati hinzi beri peth ta janwarau yitli kheau su. Ta kenh peau kani zaminas andar, yeti tath setha mets mij na, ta sain mets na asnaki sababa khot dawan; Yeli aftab drao ti dod, ta mul na asnaki sababa hukh. Ta kenh peau kandian andar, ta kaind, badeyi ta ti rutuk tal, ta tath drao na phal. Ta kenh peau rutis zaminas andar, ta su khot ta badit onun phal; ta kuni treh gun, kimi sheth gun, kuni drao hat gun phal. Ta taupata dop tem timan; Yemis bozwin kan asan, su buzin. TAMSILAN MANZ WANANUK MAQSAD, TA GODNICHI TAMSILI HUND MA'NE. Yeli su kunui rud, ta temsindiau sathiau pruts tas timau bahau suit yiman tamsilan hindi khotira. Tem wun timan, zi Tohi chhuva Khudayi sindi padshahatuk sir dina amut, lekin tihindi khotira yim nebar chhi sariai katha chhe tamsilan andar asan; Yuth wuchan osit wuchan ta ma'lum karan na, ta bozan osit bozan ta zanan na; yuth na zi pheran ta mu'afi laban. Taupata wun tem timan; Kya tohi chhiva na yi tamsil zanan? Ada kitha poth hekiv sariai tamsila zonit? Wawanwol chhu kalam wawan. Yi wati hindis kinaras peth peau, yuth kalam chhu wawana yiwan, yi chhu yuth, zi yeli timau buz, ta Shaitan yakdam yith chhu tath kalamas yus tihindian dilan andar os wawana amut tulit niwan. Ta tithai poth yi kanian andar wawana ao, yim chhi tim, yim kalam buzit chhi jald khushi san manan; Ta panas andar chhi na temyuk mul ratan, baiki kenhtsan dohan; temi pata, yeli kalamaki sababa kenh taklif ya zulm chhuk watan, ta yakdam chhi khunt khewan. Ta yi kandian andar ao wawana, tim chhi tim yimau kalam buz, Ta dunyahachi fikri ta diyaran hindi fareba ta beyan beyan chizan hindis tama'has andar dakhil sapnit chhi kalamas tal ratan, ta su chhu bephal rozan. Ta yi rutis zaminas andar ao wawana, yim chhi tim yim kalam chhi bozan ta manan ta phal anan, kanh treh gun, kanh sheth gun, ta kanh hat gun. TSANGICH TAMSIL. Ta tem wun timan; Kya tsong chha yemi khotira anan, zi longanis ya charpai tal thawan? Kya yemi khotira chhi na anan, yuth zuri peth thawan? Tikiyazi kanh chiz chhu na khatit, magar yemi khotira yuth zahir sapni; ta khatit sapni na, lekin yemi khotira yuth bozna yiyi. Yas bozwin kan asan, su buzin. Taupata wun tem timan; Khabardar ruziv, zi kya chhiva bozan; yemi longani suit tohi chhiva menan, temi suit yiyi tuhindi khotira ti menana, ta tohi yiyi ziyada dina. Tikiyazi yas nish chhu, tas yiyi dina; ta yas nish chhu na, tas yiyi ti ti nina yi tas nish chhu. BIL KHASNACH TAMSIL. Ta tem wun; Khudayi sinz padshahat chhe yits, yitha poth ak shakhs zaminas andar biol wawi; Ta ratas shungi ta dohas rozi hoshyar, ta su biol zevi, ta khasi, yitha poth zi su zani na. Zamin chhu pon panai phal anan, goda ghasa, taupata hel, ta pata helan andar barit dana. Yeli phal papiov, ta su chhu tath yakdam drot wayan, tikiyazi lonanuk waqt wot. ASIR PHALICH TAMSIL. Taupata wun tem, zi As kath suit dimau Khudayi sinzi padshahats hishar, ta kath tamsili manz karau bayan? So chhe asir phalis hish; zi yeli zaminas andar wawana chhu yiwan ta zaminikiau sarwi bialiau khota chhu niuk; Lekin yeli wawana ao, ta khasit chhu sarwi tarkariau khota bod sapdan, ta yits hishi baji baji lanji chhu kadan, zi hawahaik parinda chhi temikis shihilis tal rozan. YISU' SINZI TA'LIMI HUND TARIQA. Ta su os sethahan yitsnai tamsilan andar tihinzi 'aqli maujub timan kalam boznawan; Ta tamsili bagair os na timan kenh ti wanan, lekin khalwatas andar os pananian khass tsatan sarni kathan hund ma'ni bayan karan. JHILAS PETH TUFAN BAND KARUN. Temi doha yeli sham sapun, tem wun timan; Yiyiv, apor tarau. Ta so jama'at trovit, yapor su os, niu timau su navi andar; ta tas suit asa beyi lokachi nava ti. Taupata kudun sakht wao, ta lambak lag navi yotan, zi nav os aba suit barna yiwan. Ta su os pana namas peth shand dit shungit; taupata wuznovit wunuk tas; Ai Ustada, kya tse chhai na fikr, zi as chhi halak sapnan? Ta wathit kur tem wawas mana', ta lambakan wunun; Thahr, ta band sapan; ta wao sapun band, ta setha amn sapun. Taupata dopun timan; Tohi kiyazi chhiva khotsan? Wuni ti chhiva na i'tiqad anan? Ta tim khuts setha, ta panawain lag wanani; Yi kus chhu, zi wao ta ab ti chhu hukm manan? AlKIS SHAKHSAS SETHA BAD-RUH KADIN. /5 Ta jhila apor tarit wot tim Girasenionikis 'ilaqas andar. Ta yeli su navi andara drao, tan samukh tas ak mahanuv yas andar napak ruh s, qabrau andara nirit. Su ds qabran andar rozan, ta na os wain tas kanh akha hanklau suit band karit hekan; Tikiyazi waria lati os bediau ta hanklau suit band karna amut, lekin tem phutri hankia ta beden karen tukra tukra, ta kanh os na tas yel karit hekan. Ta su os ratas dohas qabran andar ta kohan peth kraknad karan, ta panun pan os kaniau suit chokalad karan. Tem wuch Yisu' duri ta dauriov, ta sijda kurnas, Ta badi awaz karit dopnas; Ai Yisu', Khuda Ta'ala sindi Nichivi, me kya kom chhe tse suit? Tse chhusai Khudayi sund qasam diwan, me ma trav 'azabas andar. Tikiyazi su os tas wanan, zi Ai napak ruha, yemis mahanivis andara ner. Ta tem pruts tas; Tsa kya chhui nav? Tem dopus; Me chhu nav Lashkar, yemi khotira zi as chhi setha. Ta tem kur tas setha zara para, zi Asi mata kadta yemi 'ilaqa andara. Ta tath jayi os kohas peth suaran hund ak bod khyul ghasa khewan. Taupata kur timau tas zara para ta wunhas, zi Asi sozta human suaran manz, yuth as timan manz atsau. Ta tem diut timan ijazat, ta napak ruh drai, ta timan suaran manz bith, ta tem khyel yus takhminan za sas os, thsan chumba petha woth jhilas manz, ta jhilas manz phatit muid. Ta suaran hind rachanwol tsal, ta shahras ta gaman watnowak khabar. Ta tim drai su ahwal wuchni, ta Yisu'as nish wuchuk su yas bad-ruh os, ya'ni bad-ruhan hinz jama'at, bihit ta palau nol logit ta hoshas andar amut, ta tim khuts. Ta wuchanwaliau wun temis shakhsa sund ahwal, yas andar bad-ruh os, ta suaran hund hal timan. Ta tim lag tas zara para karni, zi Sani 'ilaqa andara ner. Ta yeli su navi andar woth, ta yas andar bad-ruh os, tem kar tas minnat, zi Ba roza tse suit. Lekin tem diut na tas ijazat, balki tas wanun, zi Pananian lukan nish gats panun gara, ta timan di khabar, zi Khudawandan kits bad kom kar chani khotira, ta tse peth kurun rahm. Su gao, ta Dikapulisas manz log yemi kathi khotira wanani, zi Yisu'an kits bad kom kar miani khotira; ta sori os ta'ajjub karan. AIKIS BIMAR ZANANI HUND SHIFA LABUN, TA AIKIS MURDA KORI HUND ZINDA SAPDUN. Yeli Yisu' tur beyi navi ket apor, ta bad jama'at sameyi tas nish, ta su os jhilkis bathis peth. Ta 'ibadatkhanakiau sardarau andara ak shakhs Yair nav ao, ta tas wuchit peau temsindian khoran peth, Ta yi wanit kuran tas setha zara para, zi Mein lokat kur chhe marnas taiyar: tsa yith thav panun atha tas peth, yuth so bali ta zinda rdzi. Ta su gao tas suit; ta setha luk paik tas pata pata, ta tas peth os was was pewan. Taupata ayi ak zanana, yas bahau wariau petha os rat pakan, Yemi sethahan hakiman hind 'ilaj os karmit, ta panin sori diyar os kharch karmit, ta kenh osus na foida sapunmut, balki setha kharab os gomats. Ta Yisu' sinz khabar buzit, jama'ats manz ayi tas patkin, ta temsindis poshakas logun atha; Tikiyazi so os wanan, zi Ba ai sirf temsindis libasas atha laga, ta ba bala. Tan sapun temis rat band; ta tas sapun mahsus, zi me lob shifa bimari nishi. Yakdam zon Yisu'an zi me andara drao shifahuk quwwat, ta jama'ats kun phirit dopun; Kem log menis poshakas atha? Temsindiau tsatau dop tas; Tsa chhuk wuchan, zi yit luk chhi tse peth was was pewan, ta dapan chhuk; Kem log me atha? Tem kar tsoshwani tarafan nazar, yuth tas wuchi yem yi kom os karmats. So zanana yi zonit, zi me peth kya asar sapun, khotsan khotsan ayi, ta bonthkani pet wununas sorui hal poz poz. Tem wun tas; Kuir, chon i'tiqadan ditui tse shifa; salamati san gats, ta panani bimari nishi bal. Su os yi wanan, ta 'ibadatkhanakis sardara sindi gara petha ai kenh zan ta wunhas, zi Chon kur moyi; wain kiyazi chhuk ustadas taklif diwan? Yosa kath tim os wanan, Yisu'an kur na tath peth tawajjuh, 'ibadatkhanakis sardaras wunun; Khots ma; faqt thav i'tiqad. Tem diut na Patrasas ta Ya'qubas ta Ya'qubanis bois Yuhannahas warai beyi kanhsi ti panas suit pakna. Ta tim ai 'ibadatkhanakis sardara sindis garas andar, ta tem wuch zi setha krak chhi tulan, ta hik chhi wadan. Ta andar atsit dopnak; Tohi kiyazi chhiva krak tulan ta wadan? Kur chhe na mumats, balki shungit chhe. Tim lag tas peth asni. Lekin tem kad sori nebar, ta kori hund mol moj ta panin sathi het, yeti kur os pemats, andar tsao. Ta kori hund atha ratit dopnas, Talita qumi; yemyuk tarjuma yi chhu, zi Ai kuir, ba chhusai tse wanan, woth. Tan wathit laj so kur pakni ta pherni; tikiyazi so os baha warish. Ta ath peth sapid luk setha hairan. Taupata diut tem timan takid karit hukm, zi yuth na kanh zani: ta farmovnak, zi Temis din kenh khena khotira. YISO' SUND PANANIS WATANAS MANZ NA MANANA YUN. Tati nirit ao su pananis watanas andar, ta temsind tsat paik tas pata pata. Yeli Sabtuk doh wot, su log 'ibadatkhanas andar ta'lim dini; ta setha luk sapin buzit hairan, ta wanani lag, zi Emis kati ayi yitsa katha? ta yi kosa hikmat chhe yosa emis chhe bakhshana amats, ta kits hishi karamats chhe emsindi atha zahir sapnan! Kya yi chhu na sui chhan, yus Maryami hund nichuv, ta Ya'quba ta Yosesa ta Yahudaha ta Shama'una sund boi chhu? Ta emsinza beni chhe na sanian garan manz? Ta timau kheau temsindi suit khunt. Yisu'an wun timan, zi Nabi chhu na pananis watanas ta pananian rishtadaran ta panani gara warai beyi kuni jayi be'izzat sapdan. Ta tem hiuk na kanh mu'jiza hovit, yemi warai, zi kenhtsan bimaran peth atha thavit diutun timan shifa. Ta tem kur tihinzi bei'tiqadi peth ta'ajjub. RASUL MANADI HINDI KHOTIRA SOZIN. Ta su phiur tsoshwani tarafaken gaman andar ta'lim diwan. Ta tem ain tim bah panas nish nad dit, ta zaaz karit loguk sozni, ta timan diutun bad-ruhan peth ikhtiyar; Ta hukm diutnak, zi wati hindi khotira lori warai ina niyiv kenh; na tsot, na juli, na pananis kamarbandis andar ponsa; Magar paizar logiv, ta za pheron ma lagiv nol. Ta tem wun timan; Yeti tohi kuni garas andar atsiv, ta tait ruziv, yotau na tati sapniv rawana.Ta yemi jayi hind luk tohi qabul karnava na, ta tuhund bozan na, nerna waqta daniv pananian khoran hinz gard tati, yuth timan peth gawahi asi. Ta timau kar gatsit manadi, zi Tauba kariv; Ta setha bad-ruh kadik, ta sethahan bimaran til malit diuthak shifa. YUHANNA BAPTISMA - DINAWOL SUND QATL SAPDUN.. Ta Herodes padshahan buz yi, tikiyazi temsund nav os mashhur sapunmut, ta tem wun, zi Yuhanna baptisma dinawol chhu sapunmut murdau andara zinda, awai chhi yim mu'jize zahir sapnan. Lekin kenh os wanan, zi Eliyyah chhu, ta kenh yi, zi Nabiau andara chhu aikis nabias hiu. Magar Herodesan wun buzit, zi Yuhanna yemsund kala me tsatnov, sui chhu zinda sapunmut. Tikiyazi Herodesan os pana luk suzit Yuhanna ratnovmut, ta pananis boi Filippusa sinzi ashni Herodiyasa sinzi khotira osuk su qaidkhanas andar ludmut, tikiyazi Herodesan os tas suit nethar kurmut. Ta Yuhannahan os tas wunmut, zi Pananis boi sinz ashin chhai na tse rawa. Awai khotira os Herodiyas tas suit dushmani thawan, ta yatsan os zi temis mari, lekin hiukun na morit; Tikiyazi Herodes os Yuhannahas rastbaz ta muqaddas zonit khotsan, ta temsinz pasdari karan. Ta temsinza katha buzit os setha hairan sapdan; lekin khushi san os bozan. Ta akhir kar, yeli Herodesan kur panani wohor wadika doha pananian buzurgan ta faujiken sardaran, ta Galilaken raisan ziafat, Ta temsi Herodiyasa sinz kur tsayi andar, ta natsit kurun Herodes ta temsind pats khosh; ta padshahan wun tas kori, zi Yi tsa yatsak me mang, ba dimai tse; Ta tem kurus qasam, zi Yi tsa me mangak, panani aji padshahats tam dimai tse. Ta so drayi nebar ta panani maji wunun, zi Ba kya mangas? Temi wunus; Yuhanna baptisma dinawol sund kala. Tan tsayi so dawan andar padshahas nish, ta tas kurun yi 'arz; Ba chhas yatsan zi tsa ananawak wuin Yuhanna baptisma dinawol sund kala aikis majmu'as manz miani khotira. Ta padshah sapun setha gamgin, lekin pananian qasaman ta patsen hindi sababa hiukun na tas nakar karit. Ta tan suz padshahan ak sipah ta hukm diutnas, zi temsund kala ani. Su gao ta temsund kala tsotun qaidkhanas andar. Ta aikis majmu'as manz thavit onun ta kori diutun, ta kori diut panani maji. Ta temsindiau tsatau buz ta ayi, ta temsinz lash tulit thawak qabri andar. PANTS SAS MAHANIV KHEAWIN. Ta rasulau Yisu'as nish jama' sapnit, yi kenhtsa timau kur, ta yi kenhtsa timau hechnovmut os, sorui kuruk tas bayan. Tem wun timan; Tohi yiyiv wiran jayi andar, ta arama hawawa kariv: yemi khotira zi setha luk os yiwan ta gatsan, ta timan os na giza khenach ti fursat melan. Taupata gai tim navi ket aikis wiran jayi andar tanha poth. Ta lukau wuch tim gatsan, ta sethahau praznov tim, ta sethahan shahran hind luk sameyi, ta pakan pakan gai tot, ta timan bonth wot tot. Yisu'an wuch navi andara nirit ak bad jama'at, ta tas ao timan peth rahm, tikiyazi tim os timan tiran hind poth, yiman na pohul asi; ta su log timan setha katha hechnavni. Yeli aftab woth, temsind tsat ayi tas nish ta wunhas; Yi jai chhe wiran, ta tser gao setha. Timan kar rukhsat, yuth tim tsoshwani tarafaken bastian ta gaman andar gatsit, panani khotira hen kenh khena khotira mal. Lekin tem wun timan jawab dit; Tohi diyiv yiman khena khotira. Timau dop tas; Kya as gatsit anawa doan hatan dinaran tsochi mal, ta yim kheavok? Tem wun timan; Tohi nish kats tsochi chheva? Gatsiv ta wuchiv. Timau wun tas daryaft karit; Pants, ta za gada. Tem diut timan hukm, zi Son behnoviuk dramnas peth sabi. Taupata bith tim hat hat ta pantsahan pantsahan hinza saba banovit. Taupata hetsa tem tima pants tsochi ta za gada, ta asmankun nazar karit manjin barakat, ta tsochi phutrit ditsan tsatan, yuth tim timan bonthkani thawan; ta tima za gada ti bograven timan andar. Ta timau sarwi kheyi ta ser sapin. Ta timau tuji tukran hinza bah paji barit, ta gadau andara ti kenh. Ta yimau tsochi kheyi, tim os pants sas mahaniv. YISU' SUND JHILKIS ABAS PETH PAKUN. Ta tan kar tem panin tsat majbur, zi navi ket bihit gatsan Baitsaida apor tas bonth, yotan su kari lukan rukhsat. Ta timan rukhsat karit, kohas peth gao du'a mangni. Yeli sham sapun, ta nav os jhilas manz bag, ta su os kunui-zun bathis peth. Yeli tem wuch zi tim chhi lamna suit setha diqq sapinmit, tikiyazi wao osuk mukhalif, ta rots hinzi patmi pahara pok su jhilas peth tihinzi navi kin, ta timan bonth nirit os yatsan gatsun. Lekin yeli timau su wuch jhilas peth pakan, khayal kuruk zi bhut chhu, ta krak tujik, Tikiyazi sori khuts tas wuchit. Lekin yakdam loguk kalam karni ta wanani; Khatir jama' ruziv: ba chhus; khutsiv ma. Taupata ao su timan nish, ta navi peth khot, ta wao thahriov: ta tim sapin pananian dilan andar setha hairan; Tikiyazi timau os na tsochan hindi mu'jize khotira zonmut, lekin tihind dil os sakht sapanmit. GANNESARATKEN LOKAN MANZ YISU' SIND MU'JIZE. Yeli tim gai apor ta Gannesaratken 'ilaqan manz wot, ta nav thawak ghatas peth. Yeli navi petha khait, tan praznov lukau su. Ta tath 'ilaqakis tsoshwani tarafan daureyi, ta prat tarafa lag luk bimaran charpaiyan ket tas nish anani, yeti yeti buzuk zi su chhu, tot tot phir tim het. Ta yeti su kuni gamas ya shahras ya basti andar gao, timau thaiv bimar bazaran andar, ta tas karak minnat, yuth tim sirf lagan temsindis poshakakis damanas atha; ta yitiau temsindis damanas atha log, son baleyi. PAZ PAKIZAGI CHHE ANDARUNI TA ROHANI. /7 Taupata sameyi Farisi ta kenh faqih; tim os Yarushalema andara amit. Ta timau wuch zi temsind kenh tsat chhi napak, ya'ni atha chhalna warai, tsot khewan. Tikiyazi Farisi ta son Yahudi chhi buzurgan hinzi riwayats sababa, yotan na panin donwai atha wara chhalan, totan chhi na khewan. Ta bazara yith, yotan na gusl karan, totan chhi na khewan; ta beyi chhe setha katha, yim qaim thavna khotira chhe timau buzurgan nishi zima hena khotira hechmatsa, maslan piyala ta lota ta tramiv bana chhalin. Taupata Farisiau ta faqihau pruts tas; Kya sabab chhu, zi chon tsat chhi na buzurgan hinzi riwayats maujub pakan, baiki atha chhalna warai chhi tsot khewan? Tem wun timan, zi Yasha'yah nabian kar tohi riyakaran hindis haqqas andar jan nubuwwat; yitha poth likhit chhu; Yim luk chhi me wuthau suit 'izzat karan, lekin yihind dil chhi me nishi dur. Ta yim chhi befoida mein parastish karan, tikiyazi tim chhi lukan hindian hukman hinz ta'lim diwan. Tohi chhiva Khudayi sind hukm tark karit insanan hinz riwayats manan. Ta tem wun timan; Panani riwayats mannana khotira kiuth hiu chhiva Khudayi sind hukm radd karan! Tikiyazi Musahan chhu farmovmut, zi Pananis molis ta panani maji kar 'izzat; ta yus akha pananis molis ya panani maji bad wani, su yiyi zuva nishi marna. Lekin tohi chhiva wanan; Harga ai kanh pananis molis ya panani maji wani, zi Yemi chizuk foida tse diun osum, su sapun qurban, ya'ni su sapun Khudayas nazr, Ta tohi chhiva na tas beyi pananis molis ya maji kenh madad karna diwan. Yitha poth chhiva tohi Khudayi sund kalam panani riwayats suit, yosa tohi chheva jari karmats, radd karan; ta yitsai chhiva setha kami karan. Ta tem am luk beyi panas nish nad dit, ta timan wunan, zi Tohi sori buziv mion ta zoniv. Kanh chiz nebara insanas andar wotit chhu na napak karit hekan, lekin tim chiz yim insana sindi andara chhi neran, timai chhi insanas napak karan. Kanhsi ai bozwin kan asan, buzin. Yeli su biri andara g'ara gao, taupata pruts temsindiau tsatau tas temi tamsili hund ma'ni. Tem dop timan; Kya tohi ti chhiva yithi nadan? Kya tohi chhiva na zanan zi kanh chiz yus nebara chhu insanas andar watan, su chhu na tas napak karit hekan; Yemi khotira zi su chhu na temsindis dilas andar, baiki yed andar chhu gatsan, ta zaruriyi andar chhu pewan? Yi wanit karin sori khenik chiz pak. Taupata wunun; Yi insana sindi andara chhu neran, ti chhil insanas napak karan. Tikiyazi andara, ya'ni insana sindi dila andara, bad khayal, haram-kari, Tsura, khun, zinakari, tama', badi, mukr, shahwatparasti, bad nazara, badgoi, shekhi, bewuqufi chhi neran; Yim sori bad chiz chhi andara nirit insanas napak karan. AlKIS SORUFI'NIKI ZANANI HINZ KUR BALRAWIN. Taupata woth tati, ta Sur ta Saidahaken sarhaddan andar gao. Ta aikis garas andar tsao, ta yatsan os, yuth na kanh zani; lekin khatit hiuk na ruzit. Balki yakdam ayi ak zanana, yemsinzi lokachi kori andar napak ruh os, temsinz khabar buzit, ta temsindian khoran peth peyi. Yi zanana os Yunani, ta Surufini qaumach. Temi kur tas zara para, zi Miani kori andara kadtan bad-ruh dur. Tem wun tas, Goda di farzandan ser sapnana, tikiyazi farzandan hinz tsot nit honian bonthkani trawin chhe na jan. Temi wunus jawab dit; Awa, Khudawanda, huin ti chhi meza tala farzandan hindiau tsochi tukrau andara khewan. Tem wun tas; Yemi kalamaki sababa gats; bad-ruh chhu chani kori andara dramut; Ta temi wuch, gara gatsit, zi kur chhe palangas peth bihit, ta bad-ruh chhus dramut. AK ZUR TA PHOPH INSAN BALRAWUN. Taupata gao su Surkiau sarhaddau andara nirit Saidahachi wati Dikapuliskin sarhaddan andar yith wot Galilakis jhilas peth. Ta lukau on ak zur, yus phoph ti os, tas nish, ta minnat karhas, zi panun atha thav tas peth. Tem niu biri andara lobkun, ta panani ungaji thsanian temsindian kanan andar, ta thok trowan, ta temsinzi zevi mathsin; Ta asmankun nazar karit kudun ak ah, ta tas wunun; Iffattah, ya'ni Mutsrana yi. Ta temsind kan ai mutsrana, ta temsinzi zevi hund gand ao mutsrana, ta su log saf poth katha karni. Ta tem diut timan hukm, zi Kanhsi gatsi na wanun; lekin yuth su rud timan mana' karan, tiuth ziyada kur timau su mashhur. Ta tim gai setha hairan, ta wunuk; Yi kenh em kur, son kurun rut; su chhu zaren boznuk ta kalen katha karnuk taqat diwan. TSOR SAS MAHANIV KHEAWIN. /8 Timan dohan andar yeli beyi bad bira jama' sapin, ta timan nish os na kenh khena khotira, ta tem diut pananian tsatan panas nish nad ta dopnak; Me chhu yath biri peth rahm yiwan, tikiyazi yim chhi barabar treyau doha petha me suit, ta yiman nish chhu na kenh khena khotira: Ba ai yim bochihat gara rukhsat karak, ta wati thakit pean; ta kenh chhi yimau andara duri petha amit. Temsindiau tsatau diut tas jawab; zi Yath biyabanas andar kati ani kanh yitsa tsochi, zi yiman kari ser? Tem pruts timan, zi Tohi nish kats tsochi chheva? Timau wunus, Sat. Taupata dint tem lukan hukm, zi zaminas peth behan: ta tem hetsa tim sat tsochi, ta shukr karit phutren, ta pananian tsatan gao diwan, yuth timan bonthkani thawan; ta timau thavi lukan bonthkani. Ta timan nish asa kenh lokachi gada ti; tem dits tath peth barakat ta wunanak, zi Yima, ti thaviuk bonthkani. Chunanchi timau kheau ta ser sapin; ta hurematsau tukran hinza tujek bah paji. Ta luk os othsatan tsor sas; taupata kar tem tim rukhsat. Ta su gao yakdam pananian tsatan suit navi ket bihit Dalmanutaken 'ilaqan andar. NISHAN MANGANWALEN JAWAB DIUN. Taupata drai Farisi, ta tas suit lag bahs karni, ta azmaishi khotira lag tas kanh asmani nishan mangni. Tem kod dila andara ah ta dopun; Yemi zamanaik luk kiyazi chhi nishan mangan? Ba chhusava tohi poz wanan, zi yemi zamanaken lukan yiyi na kanh nishan dina. Ta timan trovit biuth su beyi navi andar, ta apor gao. APAZ TA'LIM, YOSA KHAMI'RAS SUIT CHHE MASHABIT THAWAN. Ta timan gayi tsot nin mashit; ta navi andar os na aki tsochi ziyada timan nish kenh. Ta tem diut timan yi hukm, zi Khabardar, Parisian hinzi khamiri ta Herodesian hinzi khamiri nishi ruziv hoshyar. Tim lag panawain katha karni ta wanani, zi Asi nish chhe na tsot. Lekin Yisu'an yi ma'lum karit wunun timan; Tohi kiyazi chhiva katha karan, zi Asi nish chhe na tsot? Kya wuniktam chhiva na tohi zanan ta samjan? Kya tuhind dil chha saklit sapinmit? Ach chheva, ta tohi chhiva na wuchan? Kan chhiva, ta bozan chhiva na? Ta kya tohi chhiva na yad? Yemi waqta me tima pants tsochi pantsan sasan hindi khotira bogravem, ta tohi kats paji tujiva tukran hinza barit? Timau dopus; Bah. Ta yemi waqta sat tsochi tson sasan hindi khotira phutrem, ta tohi kats paji tujiva tukran hinza barit? Timau dopus; Sat. Tem wun timan, Kya tohi chhiva na wuni ti zanan? BAITSAIDAHAS ANDAR AK ON GASHDAR KARUN. Taupata ai tim Baitsaida. Ta lukau on ak on tas nish, ta tas kuruk zara para, zi Tas lagihe atha. Tem kar tas anis thap, ta gama andara niun nebar kadit; ta temsinzan achan thsanin thok, ta panin atha thavin tas peth, ta tas prutsun; Kya tsa chhuka kenh wuchit hekan? Tem kar nazar ta dopnas; Ba chhusak niahaniv wuchan; tikiyazi tim chhi me titha poth pakan bozna yiwan yitha poth kuil. Taupata thaiv tem beyi temsinzan achan peth panin atha, ta tem wuch wara poth, ta bahov, ta sori chiz log saf saf wuchni. Taupata yi wanit kurun su panun gara rukhsat, zi yath gamas manz gatzi na. PATRAS SUND MANNUN ZI YISU' CHHU MASIH. Taupata Yisu' ta temsind tsat gai Qaisariya Filippiken gaman andar; ta wati pruts tem pananian tsatan yi, zi Luk kya chhi me wanan zi ba chhus? Timau diuthas yi jawab, zi Yuhanna baptisma dinawol; ta kenh Eliyyah; ta kenh, nabiau andara kanh. Tem pruts timan; Lekin tohi kya chhiva me wanan zi ba chhus? Patrasan wunus jawab dit; Tsa chhuk Masih. Taupata kur tem timan takid, zi Miani khotira ma waniv yi kanhsi. Taupata log su timan ta'lim dini, zi Zarur chhu zi Adam sund Nichuv tuli setha dukh ta buzurg ta sardar kahin ta faqih karan tas radd, ta su yiyi qatl karna, ta treyau dohau pata sapni beyi zinda. Ta tem wain timan yi kath saf. Patrasan niu su alag, ta malamat logus karni. Lekin su log phirit pananian tsatan kun nazar karit Patrasas malamat karni, ta wunun; Ai Shaitana, me nishi sapan dur, tikiyazi tsa chhuk na Khudayi sinzan kathan hinz, balki insanan hinzan kathan hinz fikr karan. Taupata diutun lukan pananian tsatan suit nad, ta dopnak; Yus akha me pata yun yatsi, ta panani khudi nishi karin nakar, ta panun koth tulin, ta me pata pakin. Tikiyazi yus akha panun zuv bachawun yatsi, su rawau tath, ta yus akha miani ta Injili hindi khotira panun zuv rawari, su bachawi tath. Ta insan ai sorsi dunyahas hasil kari, ta pananis zuvas watnavi nuqsan, ta tas kya wati foida? Ta insan kya diyi panani zuva badla? Tikiyazi yus akha yath zinakar ta khatakar qaumas manz me nish ta mianian katha nish sharmi, Adam sund Nichuv ti, yeli pananis Mol sindis jalalas manz pak malaikan suit yiyi, sharmi tas nish. /9 Ta tem dop timan; Ba chhusava tohi poz wanan, zi Yim yeti wodni chhi, yimau andara chhi kenh yith, zi yotan na Khudayi sinz padshahat wuchan qudrats san yiwan, totau thsahan na mautak maza. YISU' SINZ SURAT BADALNA YIN. Sheyau dohau pata niu Yisu'an Patras ta Ya'qub ta Yuhanna panas suit, ta tim nin alag aikis thadis kohas peth tanha; ta timan bonthkani badaleyi temsinz surat: Ta temsund poshak sapud yuth nurani ta setha safed, zi dunyahas andar heki na kanh dob tiuth safed karit. Ta Eliyyah ao timan Musahas suit drenth; ta tim os Yisu'as suit katha karan. Patrasan wun Yisu'as; Rabbi, son rozun chhu yeti rut: as banawau tre khaima yeti; ak chani khotira, ak Musa sindi khotira, ak Eliyyahsa sindi khotira. Tikiyazi su os na zanan, zi kya jawab diyi; yemi khotira zi tim os setha khutsmit. Taupata kur aik obra lambakan timan peth, sayi, ta temi obra andara ayi awaz, zi Yi chhu mion toth Nichuv; emsund buziv. Ta yeli timau yakdam tsoshwani tarafan nazar kar, ta Yisu'as warai wuchuk na beyi kanh ti panas suit. ELIYYAH SINDI YINA KHOTIRA. Yeli tim koha petha wasan os, ta tem diut timan hukm, zi Yotan na Adam sund Nichuv murdau andara zinda sapni, yi kenh tohi wuchmut chhuva, totan ma waniv kanhsi. Timau thav so kath yad; ta tim os panawain bahs karan, zi murdau andara zinda gatsun kya gao? Taupata pruts timau tas; zi Faqih kiyazi chhi wanan, zi Eliyyaha sund yun chhu goda zarur? Tem wun timan, zi Eliyyah yiyi goda, ta sdrui kenh kari goda durust; lekin kya chhu wajh zi Adam sindis Nichiv sindis haqqas andar chhu likhit, zi su tuli setha taklif, ta haqir yiyi karna? Lekin ba chhusava tohi wanan, zi Eliyyah chhu amut, ta yi kenh temsindis haqqas andar lekhna chhu amut, timau yi yots tas suit kuruk. AlKIS KATIS ANDARA BAD-RUH KADUN. Ta yeli su pananian tsatan nish ao, ta wuchin zi timan amd aind chhe bad bira bihit, ta faqih chhi timan suit bahs karan. Ta yan su wuch lukau tim sapin setha hairan, ta temis kun durit karhas salam. Tem pruts timan; Tohi kya bahs chhiva timan suit karan? Ta biri andara wun aik jawab dit tas, zi Ai Ustada, me chhu panun nichuv, yas andar kul ruh chhu, tse nish onmut: Yeti su tas chhu ratan, zaminas peth chhus dorit diwan; ta pus chhus yiwan khasit, ta dand chhu takan, ta hokhan chhu: ta me waniov chanian tsatan zi tim kadan emis andara, lekin timau hiuk na kadit. Ta tem wun timan jawab dit; Ai bei'tiqad qauma, ba kotam roza tohi suit? Kotam kara tuhund bardasht? Su aniun me nish. Ta su onuk tas nish; ta yeli tem su wuch, ta yakdam kar ruhan nath; ta su peau zaminas peth, ta pus khotus ta dulagin log dini. Tem pruts temsindis molis; Yi kemi waqta petha sapun emis? Tem dopus, Lokchara petha: Ta setha lati diutun naras andar ta abas andar dorit, yuth emis halak kari: lekin tsa ai kenh hekak karit, asi peth rahm karit karta madad. Yisu'an wunus; Kya! Tsa ai hekak karit! Yus akha i'tiqad chhu thawan, temsindi khotira chhu sorui kenh sapdan. Tan wun temis kat sind mol krak tulit; Ba chhus i'tiqad thawan, tsa kar miani bei'tiqadi hund 'ilaj. Yeli Yisu'an wuch, zi luk chhi doran doran jama' sapnan, ta tath napak ruhas dontit wunun; Ai kali ta zari ruha, ba chhusai tse hukm karan, emis andara ner, ta dobara atszi na zanh. Su drao krak tulit ta setha dulagin dit nebar: ta su sapun murda hiu, yithui zi sethahau dop, zi su mud. Taupata kar Yisu'an temsindis athas thap ta tulun thod, ta su woth thod. Yeli su gara ao, temsindiau tsatau pruts tas tanha poth, zi Asi kiyazi hiuk na tas andara kadit? Tem wun timan, zi Yuth hiu qism chhu na du'a warai kuni poth nirit hekan. YISU' SINZI QATL SAPDANACH PESHINGOI. Taupata sapin tim tati rawana, ta Galilas andar wot, ta su os na yatsan zi kanh zani; Tikiyazi su os tsatan ta'lim diwan, ta wanan, zi Adam sund Nichuv yiyi lukan hindian athan andar hawala karna, ta tim karan tas qatl, ta qatl sapnit wothi treyau dohau pata zinda. Lekin tim os na yi kath zanan, ta tas pritsna os khotsan. HALIMI HINZ NASIHAT. Taupata ai Kafarnahumas andar; ta yeli su garas andar os, tem pruts timan, zi Tohi kya osiva wati bahs karan? Timau kar tsopa; tikiyazi timau os wati ak aikis suit bahs kurmut, zi Bod kus chhu. Taupata biuth su, ta timan bahan diutun nad, ta timan wunun, zi Kanh ai yatsi godniuk sapnun, su sapnin sarni pat, ta sarni hund naukar. Ta ak lokut shur kurun timan manz bag wodni; taupata hiutun kochi, ta timan wunan; Yus akha yithau lokatiau shuriau andara aikis shuris miani nava qabul kari, su chhu me qabul karan; ta yus akha me chhu qabul karan, su chhu na me, balki tas yem ba chhus suzmut chhu qabul karan. BARADARANA MAHABBATACH TA'LIM. Yuhannahan wunus, Ai ustada, asi wuch ak shakhs yus chani nava suit os bad-ruhan kadan, ta as lag tas mana' karni, tikiyazi su os na son pairawi karan. Lekin Yisu'an wunuk; Tas ma kariv mana'; tikiyazi kanh akha chhu na yus miani nava suit mu'jize heki karit, ta me bad radd wanit. Yemi khotira yus akha asi khilaf chhu na, su chhu sani tarafa. Yus akha tohi treshi piyala chaviva yemi khotira zi tohi chhiva Masih sind, ba chhusava poz wanan, zi su rawari na panun ajr zanh. Yus akha yimau lokatiau andara yim me peth chhi iman anan, kanh ai khunt kheavek, temsindi khotira chhu behtar, zi temsinzi gardani yiyin ak bad grata tsakaj gandna ta daryavas andar yiyin su phatwana. Harga ai chon atha tse khunt kheavi, ta su trawun tsatit; tunda osit zindagi andar atsun chhu chani khotira temi khota jan zi za atha osit gatsak jahannamas andar, ta tath naras andar yus na zanh thseta chhu gatsan. Yeti na chhi kem maran ta na nar thseta gatsan. Ta chon khor ai tse khunt kheavi, su trawun tsatit; long sapnit zindagi andar atsun chhu chani khotira jan yemi khota zi za khor asnai ta jahannamas andar gatsak, Yeti na chhi kem maran, ta na chhu nar zanh thseta gatsan. Chon ach ai tse khunt kheavi, so thsunun kadit; tikiyazi kon osit atsun padshahats andar chhu chani khotira jan yemi khota zi za ach osit yik jahannamas andar nina, yeti naras andar trawana yik. Yeti na kem chhi maran, ta na nar thseta gatsan. Tikiyazi prat akha yiyi nara suit nun karna. Nun chhu rut chiz; lekin nun ai bemaza gatsi, ta su kemi suit yiyi mazadar karna? Panawain baniv nun, ta ak aikis suit ruziv milit. TALAQAKI KHOTIRA YISU' SINZ TA'LI'M. /10 Taupata woth su tati, ta Yahudiyaken sarhaddan andar ta Yardana apor ao; ta bira laj tas nish beyi jama' sapnani, ta su log timan panani dastura muwafiq ta'lim dini. Ta Farisi ai tas nish, ta a maishi poth prutshas; Kya yi chha rawa, zi mard travi panani ashni? Tem wun timan jawab dit, zi Musahan kya hukm chhuva tohi diutmut? Timau dopus; Musahan chhu ijazat diutmut, zi talaqnama likhit travin. Lekin Yisu'an wun timan, zi tem liukh tuhinzi sakhtdili hindi khotira yi hukm. Lekin khilqats hindi goda petha, tem kar timan mard ta zanana poida. Awai khotira travi mard pananis molis maji, ta panani ashni suit rozi. Ta su ta temsinz zanana donwai sapnan akoi jism; pas tim chhi na za, balki akoi jism chhi. Awai khotira yus Khudayan chhu jodmut, tas ma tsatin insan. Ta garas manz pruts beyi tsatau tas yemi khotira. Ta tem dop timan; Yus akha panani ashni travi, ta beyis suit kari nethar, su chhu tas godnichi barkhilaf zina. karan. Ta zanana ai pananis runis travi ta doyimis suit kari nethar, so chhe zina karan. LOKATEN SHUREN SUIT YISU' SUND MAHABBAT. Taupata lag luk shuren tas nish anani, yuth su timan atha lagi, lekin tsat lag timan dantni. Yisu' sapun yi wuchit nakhosh, ta timan wunun; Shuren diyiv me nish yina; timan ma kariv mana'; tikiyazi Khudayi sinz padshahat chhe yithni hinz hish. Ba chhusava tohi poz wanan, zi yus akha Khudayi sinz padshahat shuir sind poth qabul kari na, su heki na tath andar zanh atsit. Taupata het tem tim panani kochi andar, ta timan peth atha thavit ditsan timan barakat. YISU' SIND PAZ TSAT BANANIK TARIQA. Ta yeli su nebar nirit wati os pakan, ak shakhs ao tas nish dauran, ta tas bonthkani kuth nomrovit prutsun tas; Ai nek ustada, ba kya kara yuth hameshachi zindagiyi hund waris sapna? Yisu'an dopus; Tsa kiyazi chhuk me nek wanan? Kanh chhu na nek, lekin ak, ya'ni Khuda. Tsa chhuk hukm zanan; Khun ma kar, Zina ma kar, Tsur ma kar, Apaz gawahi ma di, Fareb dit ma kar nuqsan, Pananis molis maji kar 'izzat. Tem wun temis; Ai ustada, me chhe lokchara peth a yiman peth 'amal karmats. Yisu'an kar tas peth nazar, ta mahabbata ao barna, ta tas wunan; Aki kathi hinz chhai tse manz kami: gats, yi kenh tse chhui kan ta gariban di, tse men asmanas peth khazana: ta yith pak me pata pata. Emi kathi suit sapun su udas, ta gamgin gatsit gao: tikiyazi su os bod maldar. DAULATUK KHATRA, TA MASIH SINDI KHOTIRA TEMIKI TRAVNUK AJR. Taupata kar Yisu'an tsoshwani tarafan nazar ta pananian tsatan wunun, zi Daulatmandan hund Khudayi sinzi padshahats andar atsun chhu setha mushkil! Tsat sapin temsinziau kathau suit hairan. Yisu'an wunuk beyi jawab dit; Bachchau, yim luk diyaran peth chhi i'tiqad thawan, tihindi khotira Khudayi sinzi padshahats andar atsun chhu setha mushkil! Wunta sund sitsni-wolkin nerun chhu temi khota sahl, zi diyarawol atsi Khudayi sinzi padshahats andar. Tim sapin setha hairan, ta wanani lagis; Ada kus heki najat labit? Yisu'an kar timan kun nazar ta wunun; Yi chhu na Tnumkin insanan nish, lekin Khudayas nish chhu mumkin: tikiyazi Khudayas nish chhu prat kenh sapdan. Patras logus wanani; Wuch, asi trov sorui kenh, ta tse pata pata chhi pakan. Yisu'an wunuk; Ba chhusava lohi poz wanan, zi Yuth chhu na kanh, yem gara, ya boi, va beni, ya moj, ya mol, ya shuir, ya zamin, miani ta Injili hindi khotira trowmut chhu, Ta wain labi na hat guna yath zamanas andar; gara, ta boi, ta beni, ta maji, ta shuir, ta zamin, lekin taklif tulit; ta yivunis jahanas andar labi haiyati abadi. Lekin setha yim godnik chhi, tim sapnan patim, ta patim sapnan godnik. YISU' SINZ MARNACH TA ZINDA SAPDANACH PESHINGOI. Ta tim os Yarushalemachi wati manz pakan, ta Yisu' os timan bodnth bonth pakan: tim lag hairan sapnani; ta yim pata pata os pakan khuts. Taupata diut tem beyi timan bahan nad, ta loguk tima katha wanani, yim tas peth waqi' sapinwuni asa, Zi Wuchiv, as chhi Yarushalem gatsan; ta Adam sund Nichuv yiyi sardar kahinan ta faqihan hawala karna; ta tim din tas qatluk hukm, ta tas karan gair-qauman athi hawala; Ta tim karan tas thattha, ta thoka thsananas, ta kamchi dinas, ta qati karnas; ta treyau dohau pata wothi su zinda sapnit. DUNYAHAKI 'IZZATUK AK 'ARZ. Ta Zabdi sind nichiv Ya'qub ta Yuhanna ai tas nish ta wunhas; Ai Ustada, as chhi yatsan zi yi kenh as tse 'arz karau tsa karak sani khotira.tem wun timan; Tohi kya chhiva yatsan, zi ba kara tuhindi khotira? Timau dopus; Sani khotira kar yi, zi chonis jalalas andar asi manza behau ak tse dachin, ta ak tse khowirkin. Yisu'an dopuk; Tohi chhiva na zanan zi kya chhiva mangan. Yus piyala ba chema, tohi hekiva su piyala chat? Ta yus baptisma ba nima, tohi hekiva nit? Timau dopus; As hekau. Yisu'an dopuk; Yus piyala ba chema, tohi cheiv: ta yus baptisma ba nima, tohi ti niyiv; Lekin panas dachin ya khowirkin kanh behnawun chhe na mein kom: lekin yihindi khotira taiyar chhe karna amats, tihindi khotira chhe. Ta yeli timau dahau tsatau yi buz, ta Ya'qub ta Yuhannahas peth lag khafa sapdani. Lekin Yisu'an ain tim panas nish nad dit, ta wunanak; Tohi chhiva zanan zi yim gair-qauman hind sardar chhi, tim chhi timan peth hukumat karan; ta tihind amir chhi timan peth ikhtiyar hawan. Lekin tohi andar chhu na yi: balki yus akha tohi andar bod sapnun yatsi, su banin tuhund naukar; Ta yus akha tohi andar sardar sapnun yatsi, su banin sarni hund gulam. Tikiyazi Insana sund Nichuv ti chhu na amut zi khidmat watis, balki khidmat kari, ta panun zuv diyi fidya sethahan hindi khotira. YARI'HOHAS MANZ AK ON GASHDAR KARUN. Ta tim ai Yarihohas andar, ta yeli su ta temsind tsat ta ak bad bira Yariho andara os neran, Timai sund nichuv Bar-Timai, ak on faqir os wati hindis bathis peth bihit. Ta yi buzit zi Yisu' Nasari chhu, krak tulit log wanani; Ai Dauda sindi Nichivi, ai Yisu', me peth kar rahm. Ta sethahau dont tas, zi tsopa kari: lekin tem tujh temi khota krak, zi Ai Dauda sindi Nichivi, me peth kar rahm. Yisu'an wun wodni ruzit; Tas diyiv nad. Taupata diut tas timau yi wanit nad, zi Khotir jama' roz: woth, su chhui tse nad diwan. Su woth, panin palau ditin dorit, ta Yisu'as nish ao. Yisu'an wunus; Tsa kya chhuk yatsan zi ba kara chani khotira? Ain wunus; Ai Rabbuni, yi, zi ba sapna gashdar. Yisu'an dopus; Gats, chon i'tiqadan kuruk tsa jan. Tan ao tas gash, ta wati manz log tas pata pata pakni. YISO' SUND HOVIT POTH YARtSHALEMAS MANZ ATSUN. /11 Yeli tim Yarushalemas nakha Zaitunakis kohas peth Baitfagehas ta Bait'aniyyahas andar wot, tem suiz pananiau tsatau andara za zan. Ta dopnak, zi Panas bonthkankis gamas andar gatsiv, ta tath andar atsanai tohi melva ak khar bachcha gandit, yas peth na wuiniktam kanh insan chhu sawar sapunmut; su aniun mutsrit. Ta kanh ai tohi waniva, zi Tohi kiyazi chhiva yi karan? ta wanzes, zi Khudawandas chhu bakar; tan sozi su tas wapas yot. Taupata gai tim, ta bachcha lobuk darwazas nakha du-watis peth gandit, ta tas lag mutsrani. Lekin yim luk tati wodni os, timau manza wun kenhtsau timan: Yi kya chhiva karan, zi khar bachcha chhiva mutsran? Timau wunuk tithai poth, yitha poth Yisu'an osuk wunmut: taupata diuthak gatsna. Ta timau un su khar bachcha Yisu'as nish, ta panin palau trovik tas peth; ta su sapun tas peth sawar. Ta sethahau lukau wothrov panin palau wati, beyau tsachi pananiau lagnaiyau andara kulen hinza lanji ta wothravek. Ta yim tas bonth bonth pakan ta pata pata yiwan os, krak tultui os wanan, zi Hosha'na; mubarak chhu tas yus Khudawanda sindis navas peth chhu yiwan: Mubarak chhu sonis molis Dauda sinzi padshahats peth yosa yiwan chhe: 'alami balahas peth Hosha'na. YISU' SINZ HAIKAL PAK SAF KARIN, TA AKH BEPHAL ANJIRI KUL HUKHRAWUN. Ta Yarushalemas andar atsit tsao haikalas andar; ta tsoshwani tarafan son chiz mulahaza karit gao timan bahan suit Bait'aniyyah, tikiyazi shamuk waqt os gomut. Doyimi doha, yeli tim Bait' aniyyah andara drai, tas laj bochi. Ta duri petha wuchun ak anjiri kul, yath pan os, ta gao, zi shayad ath asi kenh: lekin yeli tath nakha wot, pana bagair lobun na kenh; tikiyazi anjiran hund ds na waqt. Tem wun tath; Ayanda ma i kheyin kanh chon mewa. Ta temsindiau tsatau buz. Taupata ai tim Yarushalem: ta Yisu' log haikalas andar atsit timan yim haikalas andar kharid o farokht os karan nebar kadni, ta sarrafan hind takhta ta kotar kananwalen hinza chauki thsanian phirit; Ta tem diut na kanhsi haikali manz kanh bana heth pakna; Ta panani ta'limi manz wunanak; Kya yi chhu na likhit, zi Mion gara yiyi sarni qauman hindi khotira du'auk gara wanana? lekin tohi chhevon yi tsuran hinz goph banovmats. Ta sardar kahinau ta faqihau buz yi, ta mauqa' lag tsandni, zi halak kitha poth karon; tikiyazi tas os khotsan, yemi khotira zi son luk os temsinzi ta'limi suit hairan sapdan. Ta dohai os su ta temsind tsat shaman shahra andara nebar gatsan. Ta subhan yeli tim temi wati paik, ta su anjiri kul wuchuk mula petha hukhmut. Patrasas ayi so kath yad ta tas wunun; Ai Rabbi, wuch, yi anjiri kul, yath peth tse la'nat karit, hukhmut chhu. Yisu'an wun timan jawab dit; Khudayas peth thaviv pats. Ba chhusava tohi poz wanan, zi yus akha yath kohas wani; woth, ta samundaras andar pe, ta pananis dilas andar kari na shakk, balki pats kari, zi yi kenh wani ti bani, ta temsindi khotira sapni ti. Awai khotira chhusava ba tohi wanan, zi vi kenh tohi du'as andar chhiva mangan, pats kariv zi tohi miul, ta tuhindi khotira sapdi. Ta yeli tohi du'a mangna khotira chhiva thod wothan, tohi ai kanhsi peth kenh shikayat asiva, tas kariv mu'af; yuth tuhund Mol ti yus asmanas peth chhu tuhind qusur mu'af kari. Lekin tohi nai mu'af kariv, tuhund Mol ti, yus asmanas peth chhu, tuhind qusur ti kari na mu'af. PANANI IKHTIYARA KHOTIRA YISU' SUND SARDARAN JAWAB DIUN. Taupata ai tim beyi Yarushalemas andar: ta yeli su haikalas andar os pheran sardar kahin ta faqih ta buzurg ai tas nish, Ta tas dopuk; Tsa kenu ikhtiyara suit chhuk vima kami karan? ya kem ditui tse yi ikhtiyar, zi yima kami karak? Yisu'an wunuk, zi Ba chhusava tohi ak kath pritsan; tohi diyiv jawab, ta ba wanova tohi, zi yima kami kemi ikhtiyara suit chhus karan. Yuhanna sund baptisma osa asmanaki tarafa, kina insana sindi tarafa? Me diyiv jawab. Tim lag panawain salah karni, zi As ai wanau asmanaki tarafa, ta su wani; Teh kiyazi ainva na tas peth pats? Lekin as ai wands; Insana sindi tarafa - ta lukan os khotsan, yemi khotira zi son luk os Yuhannahas waqa'i nabi zanan. Timau wun Yisu'as jawab dit; As chhi na zanan. Yisu'an wunuk; Ba ti chhusava na tohi wanan zi yiman kamen kerni ikhtiyara suit chhus karan. DACHHIBAGAKEN THEKEDARAN HINZ TAMSIL. /12 Taupata loguk su tamsilan andar katha karni ta wanani; Aik shakhsan kur dachhi bag, ta tath gandan tsoshwani tarafan palyar, ta hauz khunun, ta burj lodun, ta su kurun bagwanan thekas peth hawala, ta pana gao beyas mulkas. Ta mewan hindis mausimas peth suzun ak naukar bagwanan nish, yuth bagwanan nishi bagaken mewan hund hissa ani. Lekin timau rot su ta loihas, ta thsorui suzuk. Tem suz beyi beak naukar timan nish; lekin timau kur temsund kala zakhmi ta be'izzat kuruk. Taupata suz tem beyi beak timan nish, ta timau kur su qatl: taupata suzin bevi setha; timau loi kenhtsan timau andara, ta kenh karik qatl. Wain ds ak baqi, yus temsund toth nichuv os: patau-lakan suzun su timan nish, yi wanit, zi Tim karan menis nichiv sund lihaz. Lekin timau bagwanau wun panawain; Yuhoi chhu waris; yiyiv, yi karon qatl, ta miras sapni son. Taupata rot timau su, ta kuruk qatl, ta bagas nebar diutuk dorit. Wain kya kari malik? Su yiyi, ta timan bagwanan kari halak, ta bag diyi beyan. Kya tohi purva na yi nawishta, zi Yosa kain daslau radd kar, soi baneyi konach kain: Yi sapun Khudawanda sindi tarafa, ta sani nazari andar chha 'ajib? Ath peth lag tini tas ratnach koshish karni; lekin lukan khuts; tikiyazi timau zon, zi tem wain yi tamsil asi peth: ta tas trovit gai. ZAIJ DINA KHOTIRA YISU' SIND FAISALA. Taupata suiz timau kenh Farisi ta Herodi tas nish, yuth tas kathan andar band karan. Ta yith wun timau tas; Ai Ustada, as chhi zanan, zi tsa chhuk paziyor, ta kanhsi hund chhuk na parwa karan; tikiyazi tsa chhuk na kanhsi hinz tarafdari karan, balki pazi suit chhuk Khudayi sinzi wati hinz ta'lim diwan. Qaisaras zaij din chha rawa kina na? as dimawa, kina na? tem wun tihund makr zonit timan; Tohi kiyazi chhiva me azmawan? Me nish aniv ak dinar, yuth ba wucha. Timau onus. Tem wun timan; Yi shakl ta nav kemsund chhu? Timau dopus, Qaisara sund. Yisu'an wunuk; Yi Qaisara sund chhu ti Qaisaras, ta yi Khudayi sund chhu ti kariv Khudayas ada. Tim lag tas peth ta'ajjub karni. SADUQIAN QIYAMATS HINDI KHOTIRA JAWAB. Taupata Saduqi, yim wanan chhi zi qiyamat chhe na, tas nish yith kuruk tas yi suwal, zi. Ai ustada, sani khotira chhu Musahan yi liukhmut, zi harga kanshi hund boi beaulad mari, ta temsinz ashin; rozi, temsund boi karin temsinzi ashni suit, yuth pananis boi sindi khotira kari nasi poida. Sat boi os; godnik kar ashin, ta beaulad mud; Doyim kar so, ta beaulad mud; ta yithai poth treyim ti; Yotau zi satwai muid beaulad. Sarni pata moyi zanana ti, Qiyamats manz kemsinz ashin asi so? tikiyazi satwani hinz ashin os banemats. Yisu.'an wunuk; Kya tohi ma chhiva yemi sababa suit gumrah sapinmit, zi na chhiva kitab i muqaddas zanan, na Khudayi sinz qudrat? Tikiyazi yeli luk murdau andara zinda sapdan, teli sapdi na timan nethar, ta na karan, balki asmanas peth asan malaikan hi. Lekin yemi babat zi murda sapnan zinda, kya tohi purva na Musa sinzi kitabi manz kaind thari hinz zikr, zi Khudayan dop tas, zi Ba chhus Ibrahima sund Khuda, ta Izhaqa sund Khuda, ta Ya'quba sund Khuda? Su chhu na murdan hund Khuda, balki zindan hund Khuda chhu: pas tohi chhiva bada gumrah sapinmit. SARWI KHOTA BOD HUKM. Ta faqihau andara aik zan yem temsund bahs timan suit buz, zonun zi tem diut timan rut jawab. Su ao tas nish ta prutsnas, zi Sarni hukman andar kus chhu godniuk? Yisu'an diutus jawab, zi Godniuk chhu yi; Ai Israil boz: Khudawand son Khuda chhu akoi: Ta tsa kar Khudawand pananis Khndayas panani sari dila suit, panani sari zuva, panani sari 'aqli, panani sari taqata suit mahabbat. Doyim chhu yi, zi Tsa kar pananis hamsayas panun hiu mahabbat. Yimau khota bod chhu na kanh hukm. Faqihan wunus, Ai ustada, kya jan! tse wunut poz, zi su chhu kunui, ta temis bagair chhu na beyi kanh! Ta tas gatsi sari dila, sari 'aqli, ta sari taqata suit mahabbat karun, ta pananis hamsayas panas hiu mahabbat karun chhu sarwi dazwaniau qurbaniau ta nazrau khota bod. Yeli Yisu'an wuch, zi tem diut danai suit jawab, tas dopun; Tsa chhuk na Khudayi sinzi padshahats nishi dur. Taupata kur na kanhsi tas suwal karnuk jur'at. MASIH DAUDA SINDI NICHIV SINDI KHOTIRA. Taupata wun Yisu'an haikalas andar ta'lim dina waqta yi, zi Faqih kitha poth chhi wanan, zi Masih chhu Dauda sund nichuv? Daudan chhu pana Ruhu'l Qudsaki hidayata suit wunmut, zi Khudawandan wun menis Khudawandas; Me dachinkin beh, yotan na ba chon dushman chanian khoran hinz chuik banawak. Daud chhu pana tas Khudawand wanan, ada kitha poth baniov su temsund nichuv? Ta 'amm hik os temsund khushi san bozan. FAQIHAN MALAMAT KARIN. Taupata wun tem panani ta'limi andar, zi Faqihan nish ruziv khabardar, yim zith zith jama thsanit chhi pheran ta bazaran manz chhi salam yatsan. Ta 'ibadatkhanan manz godnichan kursian, ta ziafatan manz herikani bihun chhi yatsan; Ta tim chhi mondan hind gara tsaki behnawan, ta havna khotira chhi namaz zithrawan; yiman asi ziyada saza. AIKIS MONDI HUND NAZR. Taupata os su haikalkis khazanas bonthkani bihit wuchan, zi luk kitha poth chhi haikalkis khazanas andar ponsa trawan: ta waria daulatmand ds setha trawan. Yiman manz aki garib mondi zanani yith trov za dumbri, ya'ni od ponsa. Tem diut pananian tsatan panas nish nad ta dopnuk; Ba chhusava tohl poz wanan, zi yim haikalkis khazanas andar chhi trawan, yemi garib mondi zanani trov timau sarwi hindi khota ziyada; Tikiyazi sarwi trov panani malaki sethahau andara; lekin yemi trov panani nadari hinzi halats andar yi kenh emis os, ya'ni panin son rozi. HAIKALI HINZ WAS PENACH PESHINGOI. /13 Yeli su ds haikali andara neran, temsindiau tsatan andara wun aik tas; Ai Ustada, wuch, yima kitsa kitsa kani ta kitsa kitsa 'imarats chhe! Yisu'an dop tas; Tsa chhuka yiman bajan 'imaratsan peth wuchan? Yeti rozi na kuni kani peth kain baqi, yosa na travna yiyi. MASI'H SINDI YINUK NISHAN. QAUMAN MANZ TAKLIF. Yeli su Zaitunkis kohas peth haikalas bonthkani bihit os, ta Patras ta Ya'qub ta Yuhanna ta Andriyasan pruts tas tanha poth; Asi wan, zi Yima katha kar sapnan? ta yeli yima sariai katha pura sapdanas asan, temi waqtan kya nishan asi? Yisu'an kur timan wanun shuru'; Khabardar yuth na kanh tohi gumrah kariva. Setha yin miani nava, ta wanan zi Su chhus bai; ta setha karan lukan gumrah. Ta yeli tohi jang, ta jangan hinza khabara buziv, tambalun gatsi na: yiman hund sapnun chhu zarur; lekin temi waqta sapni na khatima. Tikiyazi qaum yiyi qaumas peth, ta padshahat yiyi padshahats peth wathit; jayan jayan peth yin bunil, ta drag wothi: yim asan musibatan hind god. TSATAN HUND SATAVNA YUN, TA DUNYAHAS MANZ INJILI HINZ MANADI. Lekin tohi ruziv khabardar; tikiyazi luk karnava tohi 'adalatsan hawala, ta 'ibadatkhanan andar yiyiva laina, ta hakiman ta padshahan bonthkani yiyiv miani sababa hazir karna, yuth tihindi khotira osiv gawah. Lekin zarur chhu zi goda gatsi sarni qauman manz Injili hinz manadi karna. Lekin yeli tohi nit hawala karnava, ta bonthai ma kariv andesha, zi as kya wanau; balki yi kenhtsa tohi temi gari wanana yiviva, ti wanzi; tikiyazi wananwol chhiva na tohi, balki Ruhu'l Quds. Ta boi bois, ta mol nichivis kari qatl karna khotira hawala, ta nichiv wothan maji molis barkhilaf, ta timan marnawan. Ta miani navaki sababa thawan sori luk tohi suit dushmani: lekin yus akha akhirastam bardasht kari, sui labi najat. YARISHALEMAS PETH AFATS. Lekin yeli su wiran karanwol makruh chiz tath jayi andar wodni wuchiv, yeti na temyuk wodni sapnun rawa chhu (paranwol zonin), temi waqta yim Yahudiyahas manz asan, tim tsalan kohan peth; Yus pashas peth asi, su wasi na pananis garas andar kenh kadna khotira, na atsi andar: Ta yus lagnaiyi andar asi, su gatsi na panin palau nina khotira pot phirit. Lekin timan peth chhu afsos yim timan dohan dujan asan, ta yim dod chawanawan asan! Ta du'a mangiv, yuth na yi wandas manz asi. Tikiyazi tim doh asan tithi taklifan hind, zi khilqats hindi goda petha yi Khudayan poida kur, na sapun wuniktam, na sapni zanh. Ta Khudawand nai timan dohan kam karihe, kanh ak ti bachihe na; lekin timan barguzidan hindi khotira, yim tem tsormit chhi, tim doh karin kam. APAZ MASIH TA APAZ USTAD. Ta temi waqta ai kanh tohi wanava, zi Wuchiv, Masih chhu yeti, ya Wuchiv, huti, yaqin ma kariv. Tikiyazi apaz Masih ta apaz nabi wothan, ta nishan ta 'ajib kami hawan, yuth mumkin ai sapni barguzidan ti karan gumrah. Lekin tohi ruziv khabardar: wuchiv, me chhumava tohi sorui kenh godni wunmut. ADAM SINDIS NICHIV SUND ZAHIR SAPNUN. Lekin timan dohan andar, temi musibata pata, aftab gatsi got, ta zun diyi na panun gash, Ta asmana petha pen tarak wasit, ta yim quwwat asmanas peth chhi, tim yin alrawana. Ta temi waqta wuchan Adam sindis Nichivis bada qudrata ta jalala san obran andar yiwan. Temi waqta sozi su malaikan, ta pananian barguzidan kari zaminaki anda petha asmanakis andas tam tsoshwani kunjau petha jama'. MASIH SINDI YINACH TAIYARI. Wain hechiv anjiri kuli nishi ak tamsil: yuthoi temich land chhe narm sapnan, ta panawathar chhi neran, tohi chhiva zanan zi retakol chhu nazdik; Yithai poth yeli tohi wuchiv zi yima katha laji sapnani, zoniv zi nazdik chhu, balki darwazas peth chhu. Ba chhusava tohi poz wanan, zi yotan na yima sari katha sapnan, yi nasl sapni na khatm. Asman ta zamin badu: lekin miani katha badlan na. Lekin temi dohach ya temi gari hindi khotira chhe na kanhsi khabar, na asmanaken malaikan, na Nichivis, siwai Molis. Khabardar, hoshyar ta du'a mangan ruziv; tikiyazi tohi chhiva na zanan zi su waqt kar yiyi. Yi chhu temis insana sind poth hal, yus beyis mulkas andar chhu gomut, ta tem diut gara trawana waqta pananian naukaran ikhtiyar, ya'ni prat kanshi ditsan panin kom bogrit, ta didwanas diutun hukm, zi hoshyar rozi. Emi khotira ruziv hoshyar: tikiyazi tohi chhiva na zanan zi garuk malik kar yiyi; shaman, ya aji rots, ya kokar bangi, ya subhan; Yuth na bekhabar poth yith tohi shungit wuchiva. Ta yi kenh ba tohi chhusava wanan, ti chhus sarni wanan, zi Hoshyar ruziv. YISU' SINDI QATL SAPDANA KHOTIRA SARDARAN HUND SALAH. /14 Doyau dohau pata os Fasah ta 'Id i Fatir: ta sardar kahin ta faqih os mauqa' tsandan, zi su kitha poth karon qatl fareb dit; Tikiyazi tim os wanan, 'Iz doha na, yuth na lukan andar balwa wothi. YISU' SINDIS KALAS PETH 'ITR TRAWIN. Yeu su Bait'aniyyahas andar, Shama'un mendlada sindis garas andar khena khotira os bihit, aki zanani ain jatamasi qimati khalis 'itr sang i marmarkis 'itrdanas andar; ta 'itrdan phutrun, ta 'itr trowan temsindis kalas peth. Lekin kenh lag panawain dilan andar khafa gatsit wanani; Yi 'itr kiyazi ayi zai' karna? Tikiyazi yi 'itr yiyihe tren hatan dinaran ti ziyada kanana, ta gariban yiyihe dina. Ta tim lag tas malamat karni. Yisu'an wunuk; Yi trowun; emis kiyazi chhiva diqq karan? Emi kar me suit neki. Tikiyazi garib ta gurba chhi dohai tohi suit; yeli tohi yatsiv, timan suit hekiv neki karit; lekin ba roza na dohai tohi suit. Lekin yi kenh emi hiuk temi kur; temi mol dafn karna khotira mion badan 'itri suit bonthai. Ba chhusava tohi poz wanan, zi Sorsi dunyahas manz, yeti kuni Injili hinz manadi yiyi karna, yi ti yi emi kur, emsinzi yadgari khotira yiyi wanana. YAHUDAH ISKARIYOTI SINZ BEIMANI. Taupata Yahudah Iskariyoti yus timau bahau andara os, sardar kahinan nish gao, yuth tas tihindis athas andar ratnavi. Tim gai yi buzit khosh, ta tas kuruk ropiyi dinuk iqrar. Ta su log mauqa' tsandni, zi kitha poth yiyi ratna ta hawala karna. AKHIRl FASAHACH TAIYARI. 'Id i Fatiraki godniki doha, ya'ni yemi doha Fasahaki khotira zabh os karan, temsindiau tsatau wun tas; Tsa kati chhuk yatsan zi as gatsit karau chani khotira Fasah khenach taiyan? Tem suiz pananiau tsatau andara za zan, ta timan dopun; Shahras manz gatsiv; ak shakhs samkhiva tohi aba not het: tas pata pakiv; Ta yot su atsi, temi garkis malikas wanzi; Ustad chhui wanan, zi Mion mihman-khana, yeti ba pananian tsatan suit Fasah khema, kati chhu? Ta su haviva pana tohi ak bod balakhana sambolit ta farsh karit: tati karzi sani khotira taiyari. Ta tsat gai, ta shahras manz yith, yitha poth tem osuk dopmut tithai poth lobuk, ta Fasah kuruk taiyar. YAHUDAH SINZI BEIMANI HINZ PESHINGOI. Yeli sham sapun, ta su ao timan bahan suit. Ta yeli tim bihit os khewan, ta Yisu'an wunuk; Ba chhusava tohi poz wanan, zi tohi manz ak yus me suit khewan chhu, me ratnavi. Tim lag gamgin gatsni, ta ak ak karit lag tas wanani; Kya ba chhusa? Tem wunuk, zi Su chhu bahau andara ak, yus me suit chhu banas andar atha trawan. Tikiyazi Adam sund Nichuv, yuth temsindis haqqas andar chhu likhit, chhu gatsan; lekin tas insanas peth chhu afsos, yemsindi wasila Adam sund Nichuv chhu ratnawana yiwan! Agar su insan poida sapadihe na, temsindi khotira os jan. 'ASHA E RABBANI HUND MUQARRAR SAPDUN. Ta tim os tsot khewanai zi tem tuj tsot, ta barakat mangit phutran, ta timan ditsan, ta dopnak, zi Niviv, yi chhu mion badan. Ta piyala ratit kurun shukr, ta timan diutun; ta timau sarwi cheau temi andara. Ta tem wun timan, zi Yi chhu miani 'ahduk su rat, yus sethahan hindi khotira chhu harna yiwan. Ba chhusava tohi poz wanan, zi dacha ras chema na zanh, tath dohas tarn yotan na Khudayi sinzi padshahats andar nov chema. Ta git gewit drai tim nebar Zaitunkis kohas peth. TSATAN HINZI BEWAFAI HINZ PESHINGOI. Ta Yisu'an dopuk; Tohi sori kheyiv khunt, tikiyazi likhit chhu, zi Ba maran pohul, ta tir sapdan pareshan. Lekin panani zinda sapdana pata gatsa ba tohi bonth Galuas andar. Patrasan wunus; Son ai khunt khen, lekin ba khema na. Yisu'an dopus; Ba chhusai tse poz wanan, zi tsa az yemi rots, kokur doyi lati bang dina bonth, treyi lati karak mion inkar. Lekin setha zor dit wunus tem; Agar tse suit marun ti peyi me, toti kara na ba zanh chon inkar. Yithai poth wunus beyi sarwi ti. GATSAMANE HINDIS BAGAS MANZ YISU' SINZ JANKANI. Taupata ai tim aikas jayi yath Gatsamane nav os, ta tem wun pananian tsatan; Yetit ruziv bihit, yotan ba du'a manga. Ta Patras ta Ya'qub ta Yuhanna niun panas suit, ta setha hairan ta beqarar log gatsni. Ta timan dopun; Mion zuv chhu setha gamgin, yuth zi marnach naubat chhe wotsmats: tohi thahriv yeti, ta hoshyar ruziv. Ta su pok bonth pahan, ta zaminas peth pet log du'a mangni, zi harga sapdi, ta yi gar gatsin me nishi dur; Ta dopun; Ai Abba, ai Mali tsa hekak sorui kenh karit; yi piyala kar me nishi dur: lekin yi ba yatsan chhus ti na, balki yi tsa yatsan chhuk ti sapdin. Taupata ao su, ta tim wuchin shungit, ta Patrasas dopun; Ai Shama'una, tsa chhuka shungan? Kya tsa hiukuk na aikis gari hoshyar ruzit? Hoshyar sapdiv, ta du'a mangiv, yuth na zi azmaishi andar peyiv: ruh chhu bilkul razamand, lekin jism chhu kamzor. Su gao beyi ta soi kath wanit manjin du'a. Ta beyi yith wuchin tim shungit, tikiyazi tihinza ach asa nindri suit gobematsa; ta tim os na zanan, zi temis kya jawab dimau. Taupata tremi lati yith dopnak; Wain shungiv ta aram kariv: bas, waqt chhu wotmut; wuchiv, Adam sund Nichuv chhu gunahgaran hindian athan andar hawala karna yiwan. Wathiv, pakau: wuchiv, mion ratnawanwol chhu nazdik wotmut. YISU' SUND RATNA YUN. Su os yi wanan, zi tan ao Yahudah, yus timau bahau andara os, ta tas suit os ak jama'at shamshera ta lath het sardar kahinan ta faqihan ta buzurgan lundi tarafa. Ta temsind ratnawanwol os timan yi nishan diutmut, zi Yas ba bosa dima, sui chhu: ratit gatsi khabardari san niun. Su yith gao yakdam tas nish, ta dopnas; Ai Rabbi, ta bosa karnas. Timau trov tas peth atha ta rutuk. Timau andara yim tati wodni os, aik kad shamsher, ta sardar kahina sindis naukaras peth chalowan, ta temsund kan tsotun. Yisu'an dopuk; Kya tohi chhiva shamsheri ta lath het me tsura sind poth ratni dramit? Ba osus prat doha tohi nish haikalas andar ta'lim diwan, ta tohi rutwos na ba: lekin yi sapun yemi khotira zi nawishta sapnan pur. Ta son tsat tsalis trovit. Lekin ak jawan yas zovij tsadar badanas peth walit os su pokus pata; su rot lukau, Lekin tem trov tsadar ta nethanonoi tsul. YAHUDIAN HINZI SADR 'ADALATS MANZ YISU' SINZI MUQADDAMATS PESHI. Taupata niuk Yisu' sardar kahinas nish: ta sori sardar kahin ta buzurg, ta faqih sapin tas nish jama'. Ta Patras log dur hana petha tas pata pata pakni, ta sardar kahin sindis dalanastam gao: ta naukaran suit bihit log nara suit pan wushnavni. Ta sardar kahin ta sori sadr 'adalats hind zit lag Yisu' sindi qatl karna khotira tas barkhilaf gawahi tsandni, lekin labak na. Tikiyazi sethahau ditsa tas peth apaza gawahiyi, lekin tihinza gawahiyi asa na barabar. Taupata kenhtsau wathit dits tas peth apaz gawahi, zi Asi chhu emis yi wanan buzmut, zi Yi pak haikal yus athau suit chhu ladna amut luran, ta tren dohan andar ladan doyim, yus athau suit asi na ladna amut. Lekin ath peth ti sapin na tihinz gawahi barabar. Taupata pruts sardar kahinan manz bag thod wathit Yisu'as, zi Kya tsa chhuk na kanh jawab diwan? Yim kya gawahi chhi tse barkhilaf diwan? Lekin su rud tsopa karit, ta kenh jawab diutnak na. Sardar kahinan prutsas beyi ta dopnas; Kya tsa chhuka Masih, tas Mubaraka sund Nichuv? Yisu'an wunus; Awa, ba chhus: ta tohi wuchun Adam sund Nichuv Qadir i Mutlaqas dachin kin bihit, ta asmanaken obran suit yiwan. Ta sardar kahinan wun panin palau tsatit; Asi kya chhu gawahan hund hajat? Tohi buziva yi kufr: tuhinz kya chhe rae? Timau sarwi diut fatwa, zi Su chhu qatlas laiq. Taupata lagis kenh thoka thsanani, ta buth waini, ta mushta marni, ta wanani, Nubuwwatchi katha bozta! ta piyadau loihas thapera, ta pananis qabzas manz niuk. PATRAS SUND YISU' SUND PAIRAU SAPDANUK INKAR KARUN. Yeli Patras bona angnas andar os, ta sardar kahina sinzau laundiau andara ayi ak tot, Ta Patras wuchun pan wushnawan ta nazar karnas ta dopnas; Tsa ti osuk tas Nasari Yisu'as suit. Tem kur inkar, ta wunun, zi Ba na chhus zanan, ta na chhum fikri taran, zi tsa kya chhak wanan; taupata gao su nebar deodi manz; ta kokran dits bang. Ta so laund laj tas kun nazar karit timan yim tatit wodni os beyi wanani; Yi chhu timau andara. Lekin tem kur beyi inkar. Ta kenhtsa waqta pata timau yim tatit wodni os Patrasas wunnk beyi; Paz poth chhuk timau andara, tikiyazi tsa chhuk Galili ti. Lekin su log la'nat karni ta qasam kheni, zi Ba chhusan na su insan zanan, yemsinz tohi chhiva zikr karan. Tan dits doymi lati kokran bang. Ta Patrasas peyi so kath yad yosa Yisu'an tas os wainmats, zi Kokur doyi lati bang dina bonth karak tsa treyi lati mion inkar. Ta ath peth gaur karit log su wadni. PUNTIYUS PILATUSA SINZI KACHAHRI MANZ YISU' SINZI MUQADDAMATS PESHI. /15 Ta yan subh sapun, sardar kahinau kur buzurgan ta faqihan ta sarni sadr 'adalatwalen het salah, Yisu' gandnovok ta nit koruk Pilatusas hawala. Ta Pilatusan pruts tas; Kya tsa chhuka Yahudian hund padshah? Tem wun tas jawab dit; Tsa chhuk pana wanan. Ta sardar kahin lag tas peth setha ilzam lagni. Pilatusan kur tas beyi suwal ta yi dopnas; Tsa chhuk na kenh jawab diwan? wuch, yim kaitahan kathan hind ilzam chhi tse peth lagan? Yisu'an diutas na beyi kenh jawab, yuth zi Pilatusan kur ta'ajjub. Ta su os 'Iz peth aikis qaidis, yenisindi khotira luk os 'arz karan tihindi khotira trawan. Ta Bar-Abba nav ak insan os timan bagian suit qaidas manz piomut, yimau fasadas andar khun os kurmut. Ta jama'at laj hiur khasit tas 'arz karni, zi Yi chon dastur chhu, ti kar sani khotira. Pilatusan diut timan yi jawab; Kya tohi chhiva yatsan zi ba trawan tuhindi khotira Yahudian hund padshah? Tikiyazi tas os ma'lum, zi sardar kahinau chhu yi hasada suit me hawala kurmut. Lekin sardar kahinau tuj bira, yuth Pilatus tihindi khotira Bar-Abbasas travi. Pilatusan wun dobara timan; Yas Yahudian hund padshah chhiva wanan, tas kya kara ba? Timau tuj krak, zi Su ladiun kothis peth. Ta Pilatusan wun timan; Kiyazi, em kya badi chhe karmats? Tirnau tuj temi khota krak, zi Su ladiun kothis. Pilatusan, lukan khosh karnaki iradaki sababa, tihindi khotira trowun Bar-Abba, ta Yisu'as ditin kamchi ta hawala kurnak, yuth kothis yiyi ladna. ROMI SIPAHAN HIND THATTHA YISU'AS PETH. Ta sipahau niu su tath angnas andar, yath Praitoriyun chlu wanan; ta sori paltan ainik nad dit. Ta timau log tas wozul choga nol, ta kandian hund taj banovit thowhas kalas peth; Ta tas lag salam karni, zi Ai Yahudian hindi padshaha adab! Ta tim os temsindis kalas peth narkon layan, ta thoka thsanan, ta kuth nomer nomer os tas sijda karan. Ta yeli tas thattha karit mokle, tas woluk wozul choga ta panin palau thsanhas; taupata niuk su nebar kothis ladni. YISU' SUND KOTHIS DINA YUN, TA LA'N TA'N TULUN. Ta Shama'un nav ak Kureni insan, yus Sikandar ta Rufusa sund mol os, dihata andara yith pok tapor; timau rot su begari, zi temsund koth tuli. Ta timau on su Gulguta jayi peth, yemyuk tarjuma Khasari hinz jai chhe. Ta murr milavit mai ditshas chena khotira, magar tem rotuk na. Ta timau khol su kothis, ta temsindian palauan peth trawek chiri, zi kas kya meli, tim bogrovik. Ta pahar os doh khutmut yeli timau su khol kothis peth. Ta temsund ilzam likhit loguk tas peth, zi YAHODI'AN HUND PADSHAH. Ta timau khol tas suit za rahzan kothis, ak tas dachin, ta beak khowirkin. Tan sapun su nawishta pur yemyuk mazmun yi chhu, zi Su ao badkaran andar ganzrana. Ta yim temi wati os pakan kalan zir zir karit os tas la'n ta'n karan, ta wanan, zi Wah! haikalaki luranwali, ta tren dohan manz banawanwali, Kathi petha wasit bachau panun pan. Yithai poth sardar kahinau ti, faqihan suit milit, panawain os thattha karit wanan; Em bachov beyi, panun pan chhu na bachovit hekan. Israilian hund padshah Masih, wain wastan kathi petha bon, yuth as wuchit anau pats. Ta yim tas suit os kothis khalna amit, tim lag tas la'n ta'n karni. YISU' SUND MARUN. Yeli do pahar sapun, ta sorsi mulkas sapin anigata, ta treymis paharas tam ruz. Ta treymi pahara wun Yisu'an badi awaz karit, zi Ilohi, Ilohi, lama shabaqtani? yemyuk tarjuma yi chhu, Ai miani Khudayi, ai miani Khudayi, tse kiyazi trovthas ba? Yim nazdik wodni os, timau manza kenthsau yi buzit wunuk; Wuchiv, su chhu Eliyyahas nad diwan. Ta ak gao timau andara dawan, ta isfanj korun sirkis andar tar, ta narkonis peth thavit thsahanovuk ta dophas; Thahariv, wuchau, Eliyyah chha emis walni yiwan ya na. Taupata kar Yisu'an badi awaz, ta zuv diutun. Ta haikaluk parda phot heri petha bon tam, ta za tukra gos. Ta yus subadar tas bonthkani wodni os, tem wuch su yitha poth zuv diwan, ta wunun, Yi mahanuv os paz poth Khudayi sund Nichuv. Ta kenh zanana asa duri ruzit wuchan: timah manz os Maryam Magdalini, ta loktis Ya'quba ta Yosesa sinz moj Maryam, ta Salome; Yeli su Galilas manz os, yima asa temsinz pairawi ta khidmat karan, ta beyi ti asa setha zanana yima temis suit Yarushalemas manz asa amatsa. YISU' SUND DAFN SAPDUN. Yeli sham sapun, ta yemi khotira zi Taiyari hund doh os, yus Sabta bonth ak doh chhu asan; Arimatiyahuk rozanwol Yusuf ao, yus ak 'izzatdar mushir ta pana ti os Khudayi sinzi padshahats praran, ta jur'ata san gao Pilatusas nish ta Yisu' sinz lash manjnas. Ta Pilatusan kur ta'ajjub zi su mud yuth jald; ta subadaras diutun nad ta prutsnas, zi Tas gaoa setha waqt mudmatis? Yeli subadaras nish hal korun ma'lum, ta lash divnovan Yusufas. Tem hets ak zovij tsadar mal, ta lash wolit wajin tath tsadri andar, ta aikis qabri andar thavan, yosa palas manz os khanana amats, ta tath qabri hindis galis peth thavan ak kain dulvit. Ta Maryam Magdalini ta Yoses sinz moj Maryam os wuchan, zi su kaiti ao thavna. YISU' SUND ZINDA SAPDUN. /16 Yeli Sabtuk doh gao, Maryam Magdalini ta Ya'quba sinzi maji Maryami ta Salomeyi het khoshbudar chiz mal, yuth yith tas mathan. Haftaki godniki doha setha suli, aftab khasan vizi, ayi tima qabri peth. Ta panawain asa wanan, zi Sani khotira kus dulvi qabri gali petha kain? Yeli timau nazar kar, ta wuchak zi kain chhe dulavmats, tikiyazi so os setha gob. Ta qabri andar atsit wuch timau ak jawan safed jama nol logit dachinkin bihit ta setha khotsa. Tem dop timan, Ma khutsiv; tohi chhiwon Yisu' Nasari, yus maslub os sapunmut, tsandan: su chhu zinda sapunmut; yeti chhu na; wuchiv, yi chhe so jayi yeti timau su os thovmut. Lekin tohi gatsit diyiv temsindian tsatan ta Patrasas khabar, zi su gatsi tohi bonth Galilas andar; tohi wuchun su tati, yitha poth tem chhuva tohi wunmut. Tim a tsaji qabri andara nirit; tikiyazi larza ta haibat akh galib sapnit: ta timau wun na kanhsi kenh, tikiyazi tima asa khotsan. YISU' SUND ZINDA SAPNIT TSATAN BOZNA YUN. Haftaki godniki doha, yeli su subhai zinda sapun, goda wuch Maryam Magdalini, yas manza tem sat bad-ruh os kadmit. So gayi ta temsindian sathian ditsan khabar, yim matam os karan ta wadan. Ta timau yi buzit, zi su chhu zinda ta temi chhu wuchmut, yaqin kuruk na. Temi pata ao su doymi shakli manz timan andara doan zanian bozna, yeli tim dihatas kun wokhil os gatsan. Timau ti dits gatsit beyan lukan khabar, lekin yimau kar na timan peth ti pats. Taupata ao su timan kahan ti bozna, yeli khana kheni bihit os, ta tihinzi bei'tiqadi ta sakhtdih peth karan timan malamat: tikiyazi yimau su zinda sapdana pata wuchmut os, timau kur na timan peth yaqin. Ta tem dop timan, zi Tohi kariv sorsi dunyahas manz gatsit sarnai khalqan bonthkani Injili hinz manadi. Yus pats ani ta baptisma heyi, su labi najat: ta yus na pats ani, su yiyi mujrim thaharavna. Ta iman ananwalen manz asan yim mu'jize; tim kadan miani nava suit bad-ruhan; Nov nov zaban bolan; sarfan tulan; ta kenh halak karanwol chiz ai chen, timan wati na kanh zarar; tim thavan bimaran peth atha, ta tim balan. YISU' SUND ASMANAS PETH GATSUN. Garaz, Khudawand Yisu' ao timan suit kalam karna pata asman khalna, ta Khudayas dachinkin biuth. Taupata drai tim, ta prat kuni jayi karak manadi, ta Khudawand rud timan suit kom karan, ta kalamas, timan mu'jizan hindi wasila suit yim suit suit osik asan sabit ruduk karan. Amin.