KA GOSPEL U IOANNIS
1 Ha kaba mynnyngkong u la don U Ktien, bad uta U Ktien u la don bad U Blei, bad uta U Ktien u la long U Blei. 2 Une u la don ha kaba mynnyngkong bad U Blei. 3 Da u la long kiei-kiei baroh, bad khlem ma-u ym shym la long kaei-kaei-ruh kaba la long. 4 Ha u la don ka jingim; bad kata ka jingim ka la long ka jingshai jong ki briw. 5 Bad kata ka jingshai ka shai ha kaba dum; hynrei kata kaba dum ka'm pdiang ia ka. 6 La mih u briw ba la phah da U Blei, uba kyrteng U Ioannis. 7 Une u la mih-noh ia ka ba'n phla, ba u'n iohphla shaphang uta U Jingshai, ba baroh ki'u iohngeit da u.
8 U hi u'm long uta U Jingshai, hynrei u la mihnoh ba u'n ioh-phla shaphang uta U Jingshai. 9 Uta u la long U Jingshai uba shisha, uba'n sa wan ha ka pyrthei, uba pynshai ia ki briw baroh. 10 U la long ha ka pyrthei, bad ka pyrthei ka la long da u, pynban ka pyrthei ka'm shym la ithuh ia u. 11 U ia wan sha kiei-kiei la ki jong, bad kita kiba dei la ki jong ki'm shym la pdiang ia u. 12 Hynrei kat kiba la pdiang ia u, ha kito u la ai bor ba'n long ki khun U Blei, kata ha kita kiba ngeit ha ka kyrteng jong u: 13 kiba la kha, ym na ka snam, l'ymne na ka mon ka doh, l'ymne na ka mon u briw, hynrei na U Blei. 14 Uta U Ktien te u la kynja doh, bad u la shongsah ha pdeng jong ngi, bad ngi la ioh khmih-shain ia ka burom jong u, ka burom kaba da kat ka jong uba la kha-marwei na U Kpa, ba la dap da ka jingaiei bad ka jingshisha. 15 (U Ioannis u phla shaphang jong u, bad u la pyrta u da ong, une long uta, ia uba nga la ong, Uta uba wan nadien jong nga, u la jia-long shuwa jong nga: naba u la ghuwa ia nga.) 16 Bad na ka jingdap jong u, ngi baroh ngi la ioh pdiang, bad ka jingaiei kaba da kat ka jingaiei. 17 Naba ia ka hukum la ai da U Moses; hynrei ka jingaiei bad ka jing-shiaha ki la wan da U Jisu Khrist. 18 Ym don mano-manoruh ba la loh-i ia U Blei mynno-mynno-ruh; uta U Khun ba la kha-marwei, uba long ha ka shadem U Kpa, u hi u la pynpaw ia u.
19 Kane te ka long ka jingphia U Ioannis, mynba Ki Jiw ki la iaphah na Jerusalem ia ki lyngdoh bad Ki Lebi ba'n kylli ia u, Me long uei? 20 Te u la phla, bad u'm shym la len, bad u la phla, Nga nga'm long uta U Khrist. 21 Te ki la iakylli ia u, Kumno te? me long U Elias? U ong te, Nga'm long. Me long uta u nongiathuhlypa? U la iathuh ruh, Em. 22 Haba kumta ki la iaong ha u, Me long uei te? ba ngi'n ioh iathuh ha kita kiba la phah ia ngi. Kumno me ong shaphang ia lade? 23 U la iathuh, Nga long ka ktien jong uba pyrta ha ka ri-khlaw To phi'n pynbeit ia ka lynti U Trai, kumba ong U Isaiah a nongiathuhlypa. 24 Kita te ia kiba la phah kl la long na Ki Pharisi. 25 Te ki la iakylli ia u, bad ki la iaong ha u, Hato balei ba me pyn-baptis, haba me me'm long uta U Khrist l'ymne U Elias, l'ymne uta u nongiathuhlypa? 26 U Ioannis u la iathuh ha ki, u da ong, Nga nga pynbaptis da ka um: hynrei don uba ieng ha pdeng jong phi, ia uba phi phi'm ithuh; 27 uta uba wan nadien jong nga; uba la jia long shuwa jong nga; uba nga nga'm long uba bit ba nga'n ioh loit-noh wad ia ka jingteh ka juti jong u. 28 Ia kine kiei-kiei-ruh la leh ha Bethania, sha shilliang Ka Jordan, ha kaba U Ioannis u pynbaptis.
29 Ha kaba lashai U Ioannis a ioh-i la U Jisu ba u wan ha u, bad u ong, Ha khmih, U Khun-lang-prot jong U Blei, uba kit-noh ia ka pop ka jong ka pyrthei! 30 Dei une ba nga la ong shaphang jong u, U briw u wan nadien jong nga, uba la jia long shuwa jong nga: naba u la shuwa ia nga: 31 nga te nga'm pat shym la ithuh ia u: hynrei khnang ba yn pynpaw ia u ha Israel, namar-kata kein nga la wan pynbaptis da ka um. 32 U Ioannis u la phla ruh, u da ong, Nga la ioh-i ia U Mynsiem ba u hiar kum ka paro na bneng, bad u la sah halor jong u: 33 nga te nga'm pat shym la ithuh ia u: hynrei uta uba la phah ia nga ba'n pynbaptis da ka um, uta u la lah ong ha nga, Uta halor uba me'n ioh-i la U Mynsiem ba u hiar bad ba u sah balor jong u, dei ata kein uba pynbaptis da U Mynsiem Bakhuid: 34 te nga la ioh-i, bad nga la phla ba une u long U Khun U Blei.
35 Ha kaba lashai pat U Ioannis a dang ieng, bad ar-ngut na ki synran jong u; 36 te haba u la khmihshain ha U Jisu katba u laid, u ong, Ha khmih, U Khun-langbrot jong U Blei! 37 Kita ar-ngut ki synran te ki la ioh-sngew ia u ba u kren, bad ki la iabud ia U Jisu. 38 U Jisu te haba u la phai, bad ba u la ioh-i ia ki ba ki iabud, u ong ha ki, Phi iawad aiu? Ki te ki la iathuh ha u, Ko Babbi (ka ba'n ong, haba la batai, Ko Nonghikai), hangno me shong? 39 U ong ha ki, To ale, te phi'n sa ioh-i. Te ki la leit, bad ki la ioh-i hangno ba u shong, bad ki la iasah lem bad u ha kata ka sngi: te ka la long hamar kaba shiphew baje. 40 U Andriw u para U Simon Petros, u la long uwei na kita ar-ngut kiba la ioh-sngew na U Ioannis, bad kiba la iabud ia u. 41 Une u shem nyngkong ia u para jong u hi U Simon, bad u ong ha u, Ngi la shem ia U Messiah, (kaba long haba la batai, U Khrist.) 42 U la wallam ruh ia a ha U Jisu. U Jisu te haba u la khmih-shain ia u, u la ong, Me long U Simon u khun U Jona: yn khot ia me U Kephas, (kaba, haba la batai, U Maw.)
43 Ha kaba lashai U Jisu u la mon ba'n leit-noh sha Galilaia, bad u shem ia U Philip, bad u ong ha u, To bud ia nga. 44 Te U Philip u la long na Bethsaida, na ka shnong U Andriw bad U Petros. 45 U Philip u shem ia U Nathanail, bad u ong ha u; Ngi la shem ia uta uba U Moses ha ka hukum, bad ki nongiathuhlypa ki la thoh shaphang jong u, la U Jisu kein, u khun U Joseph, uba na Nasaret. 46 U Nathanail te u la ong ha u, Ka lah kaei-kaei-ruh kaba bha ba'n long na Nasaret? U Philip u iathuh ha u, To ale, to khmih ruh. 47 U Jisu u la ioh-i ia U Nathanail ba u wan ha u, te u ong shaphang jong u, Ha khmih, u kynja-Israel, uba da shisha, ha u b'ym don kaba arsap. 48 U Nathanail u kylli ia u, Nangno me ithuh ia nga? U Jisu u la iathuh bad u la ong ha u, Shuwa ba u'm pat khot U Philip ia me, mynba me la don hapoh uto u dieng-dumbur, nga la ioh-i ia me. 49 U Nathanail u la iathuh bad u ong ha u, Ko Rabbi, me me long U Khun U Blei; me me long U S'iem jong U Israel. 50 U Jisu u la iathuh bad a la ong ha u, Naba nga la ong ha me, Nga la ioh-i ia me hapoh uto u diengdumbur, me ngeit? me'n ioh-i kein ia kiei-kiei-ruh kiba kham-khraw ia kine. 51 U ong ruh ha u, Shisha, shisha, nga ong ha phi, Phi'n ia ioh-i ia ka bneng ba la plie, bad ia ki angel U Blei ba ki iakiw, bad ki iahiar ha U Khun u briw.
1 Ha kaba lal ka sngi te la don ka jingkhawai-shong-kurim ha Kana Galilaia: bad ka kmie U Jisu ka la don hangta. 2 La khot ruh ia U Jisu, bad ia ki synran jong u de, sha kata ka jingkhawai-shong-kurim. 3 Te haba la lut ka wain, ka kmie U Jisu ka ong ha u, Ki'm don wain shuh. 4 U Jisu u ong ha ka, Nga don kam aiu bad pha, ko ka briw? ka por jong nga ka'm put poi. 5 Ka kmie Jong u ka ong ha ki shakri, Ia kaei-kaei-ruh kaba u'n ong ha phi, phi'n leh kein. 6 Te la don hangta hynriw ki khra-um kiba da ki maw ba la buh khnang ia ka hiam jingpynkhuid jong Ki Jiw, kiba ngiam uwei-uwei kat ar ne lai mon. 7 U Jisu u ong ha ki, To pyndap ia kita ki khra da ka um, Te ki la pyndap shoin ia ki. 8 Ynda kumta u ong ha ki, To tong mynta, to rah ruh ha u nongsynshar ka jingkhawai. Te ki la wallam. 9 Te ynda uta u nongsynshar ka jingkhawai u la mad ia kata ka am ba-la-pynlong wain, bad u'm tip nangno ka la long; (hynrei kita ki shakri kiba la tong ia kata ka um ki la tip;) uta u nongsynshar ka jingkhawai u la khot la u nongleit-kurim, bad u ong ha u, 10 U briw baroh u ju buh ha khmat ia ka wain kaba bha nyngkong; bad ynda ki la iadih-bha, sa ia kaba kham-sniw: me pat me la tyngkal ia ka wain kaba bha haduh mynta. 11 Ia kane kaba nyngkong na ki kam-bah jong u, U Jisu u la leh ha Kana Galilaia, bad u la pynpaw ia la ka burom; te ki synran jong u ki la ngeit ha u.
12 Hadien kane u la leit-hiar aha Kapernam, ma-u bad ka kmie jong u, bad ki para jong u, bad ki synran jong u de: hynrei hangta ki'm shym la iashong bun sngi.
13 Te ka niam-ka-jinglait jong Ki Jiw ka la jan, bad U Jisu n la leit-kiw sha Jerusalem. 14 Bad u la shem ha ka templ ia kiba iadie ia ki masi bad ia ki langbrot, bad ia ki paro de, bad ia ki nongiapein-sbai ba ki da shong. 15 Te haba u la thaw ia u jingsympat na ki kynja jingieh, u la beh-noh shabar ia ki baroh na ka templ bad langbrot bad masi; bad u la theh-pashait-noh ia a sbai ki nongiapein, bad u la pynkyllon ia ki miej jong ki; 16 bad n la ong ha kita kiba iadie ia ki paro, To shim-noh ia kine kiei-kiei nangne; wat pynlong ing-kha-i ia ka ing U Kpa jong nga. 17 Te ki synran jong u ki ia iakynmaw, ba don kaba la thoh, "Ka jingsngew-shitrhem ia ka ing jong me ka bam-duh ia nga."
18 Namar-kata Ki Jiw ki la iathuh bad ki la ong ha u, Ka dak aiu me pyni ha ngi, haba me leh ia kine kiei-kiei-ruh? 19 U Jisu u la iathuh bad u la ong ha ki, Phi'i pynjot ia kane ka templ, te lai sngi nga'n pynieng-pat ia ka. 20 Ynda kumta kita Ki Jiw ki la iaong, Sawphew hynriw snem shu dang tei ia kane ka templ, ma-me te lai sngi me'n pynieng-pat ia ka? 21 U hynrei u kren shaphang ka templ ka met jong u. 22 Namar-kata ynda la pynmih-pat ia u na ki nongiap, ki synran jong u ki la iakynmaw ba u la lah ong ia kane ha ki; te ki la ngeit ia ka jingthoh, bad ia kata ka ktien ia kaba la lah ong U Jisu.
23 Te katba u dang don ha Jerusalem, ha kata ka jingkhawai-niam-ka-jinglait, shibun ki la ngeit ha ka kyrteng jong u, ynda ki la ioh-i ia ki dak phylla jong u ia kiba u la leh. 24 Hynrei U Jisu u'm shym la shaniah ia lade ha ki, naba u hi u ithuh ia ki baroh; 25 bad u'm da don kam ba uno-uno-ruh u'n phla shaphang u briw: naba u hi u la tip kaei kaba la don ha u briw.
1 Te la don u briw uba na Ki Pharisi, uba kyrteng U Nikodimos, u nongsynshar jong Ki Jiw; 2 une u la wan ha U Jisu mynmiet, bad u la ong ha u, Ko Nonghikai, ngi tip ba me long u nonghikai uba la wan na U Blei; namar ym don uba lah ba'n leh ia kine ki kam-bah ia kiba me leh, l'ymda U Blei u long ryngkat bad u. 3 U Jisu u la iathuh bad u la ong ha u, Shisha, shisha, nga ong ha me, L'ymda kha pat ia u briw, u'm lah ban ioh-i ia ka hima U Blei. 4 U Nikodimos u ong ha u, Kumno lah ban kha ia u briw haba u la tymmen? u lah ba'n bsut pat sha ka kpoh ka kmie jong u, bad ba'n kha ia u? 5 U Jisu u la iathuh, Shisha, shisha, nga ong ha me, L'ymda kha ia u briw na ka um bad na U Mynsiem, u'm lah ba'n leit hapoh ka hima U Blei; 6 ia kaba la kha na ka jong ka doh, ka long doh; bad ia kaba la kba na ka jong U Mynsiem, ka long mynsiem: 7 wat sngew-kyndit te ba nga la ong ha me, Ba ka dei ban kha pat ia phi: 8 ka l'er ka beh kat sha kaba ka mon; bad me ioh-sngew ia ka jing-sawa jong ka, hynrei me'm tip nangno ka wan, l'ymne shano ka leit: kumta long u briw baroh uba la kha na U Mynsiem. 9 U Nikodimos u la iathuh bad u la ong ha u, Kumno kine kiei-kiei-ruh ki lah ba'n long? 10 U Jisu u la iathuh bad u la ong ha u, Me long u nonghikai jong U Israel, bad me'm tip ia kine kiei-kiei-ruh. 11 Shisha, shisha, nga ong ha me, Ba ia kata kaba ngi latip ngi iakren, bad ia kaba ngi la ioh-i, ngi iaphla, hynrei phi'm pdiang satia ia ka jingphla jong ngi. 12 Lada nga la iathuh ha phi ia kiei-kiei-ruh kiba ha ka khyndew, bad phi'm ngeit, kumno phi'n ngeit, lada nga iathuh ha phi ia kiei-kiei-ruh kiba ha bneng? 13 Te ym don uba la leit-kiw sha bneng, hynrei tang uta uba la wan-hiar na bneng, U Khun u briw kein, uba don ha bneng. 14 Kumba U Moses ruh u la kyntiw ia ata u bsein ha ka ri-khlaw, kumta ruh ka dei ba yn kyntiw ia U Khun u briw: 15 ba uei-uei-ruh uba ngeit ha u, u'n ym jot shuh, hynrei u'n loh ka jingim b'ymjukut.
16 Naba U Blei u la ieit katta-katta ia ka pyrthei katba u la aiti-noh ia la U Khun ba la kha-marwei, ba uei-uei-ruh uba ngeit ha u, u'n ym jot shuh, hynrei u'n iob ka jingim b'ymjukut. 17 Naba U Blei u'm shym la phah ia la U Khun ha ka pyrthei, ba u'n pynrem ia ka pyrthei, hynrei ba yn pynim ia ka pyrthei da u. 18 Uta uba ngeit ha u yn ym pynrem, hynrei uta ub'ym ngeit u la rem lypa; naba u'm shym la ngeit ha ka kyrteng U Khun U Blei ba la kha-marwei. 19 Kane te ka long kata ka jingpynrem, ba ka jingshai ka la wan ha ka pyrthei, had ki briw ki la laieit kham-tam ia ka jingdum ban ia kata ka jingshai; naba kl la long b'ymman ki jingleh jong ki. 20 Naba u briw baroh uba iaileh ia kaba sniw, u shun ia kata ka jingshai, bad u'm wan ha kata ka jingshai, ioh ba yn sneng pyrshah ia ki jingleh Jong u. 21 Hynrei uta uba iaileh ia kaba shisha, u wan ha kata ka jingshai ba yn ioh pynpaw ia ki jingleh jong u, ba ba U Blei la leh ia ki.
22 Hadien kine kiei-kiei-ruh U Jisu u la leit bad ki synran jong u sha ka ri-bri Ka Judia; hangta u la sah lem bad ki, bad u la pynbaptis. 23 Te U Ioannis ruh u dang pynbaptis ha Ainon, hajan Ka Salim, naba la don hangta bun ki um: te ki la iawan, bad la pynbaptis ta ki; 24 naba ym pat thepbyndi ia U Ioannis.
25 Ynda kumta la mih ka jingiasaid na ki synran U Ioannis bad U Jiw, shaphang ka niam jingpynkhuid. 26 Te ki la ialeit ha U Ioannis, bad ki la iaong ha u, Ko Rabbi, uta uba la don lem bad me sha shil liang Ka Jordan, ia uba la phla babha ma-me, ha khmih, uta u pynbaptis, bad baroh ki ialeit ha u. 27 U Ioannis u la iathuh bad u la ong, U briw u'm lah ba'n ioh-diang ei-ei-ruh-em l'ymda la ai ha u na bneng. 28 Phi hi ruh phi iaphla ia nga, ba nga la ong, Nga nga'm long uta U Khrist, hynrei ba nga long uta ia uba la phah ha shuwa jong u. 29 U nongleit-kurim u long uta uba ioh ia ka nongleit-kurim: hynrei u lok jong u nongleit-kurim, uba ieng bad uba ioh-sngew ia u, u kmen shibun namar ka ktien uta u nongleit-kurim: namarkata, kane ka jingkmen ka jong nga ka la biang. 30 Ka dei ia u ba'n man-khraw, hynrei ia nga ba'n man-rit. 31 Uta uba wan na jrong, u long halor baroh: uta uba long na ka jong ka khyndew, u long na ka jong ka khyndew, bad ia ka jong ka khyndew u kren: uta uba wan na bneng u long halor baroh: 32 te ia kaba u la ioh-i bad ba u la ioh-sngew, ia kata u phla: hynrei ym don ba pdiang ia ka jingphla jong u. 33 Uta uba la pdiang ia ka jingphla jong u, u la pynskhem ba U Blei u long uba shisha. 34 Naba uta ia uba U Blei u la phah, u kren la ki ktien jong U Blei: naba U Blei u'm ai ia U Mynsiem da ka jingthew. 35 U Kpa a ieit ia U Khun, bad u la ai ia kiei-kiei baroh ha ka kti jong u. 36 Uta uba ngeit ha U Khun, u don ka jingim b'ymjukut; uta te u b'ymkohnguh ia U Khun, u'n ym ioh-i la ka jingim: hynrei ka jingbitar jong U Blei ka iaisab halor jong u.
1 Namar-kata, ynda U Trai u la tip ba Ki Pharisi ki la ioh-sngew ba U Jisu u pynlong bad ba u pynbaptis kham-bun ki synran ban ia U Ioannis, 2 (la U Jisu hi shisha u'm shym la pynbaptis, hynrei ki synran jong u;) 3 u la iehnoh ia Ka Judia, bad u la leit pat sha Galilaia. 4 Te ka la dei ia u ba'n leit lyngba ia Ka Samaria. 5 U la poi, namar-kata, sha ka shnong ha Samaria bakhot Sikhar, hajan kata ka khyndew ia kaba U Jakob u la ai ha U Joseph u khun jong u. 6 Te hangta ka la don ka pukri U Jakob. U Jisu, namar-kata, ba u la thait na kata ka jingleit, u la shong kumta halor kata ka pukri: te ka la long hamar kaba hynriw baje. 7 Kawei ka briw na Samaria ka la wan ba'n tong um: U Jisu u ong ha ka, To ai ha nga ba'n dih. 8 (Naba kl synran jong u ki la lah leit-noh sha kata ka shnong, ba ki'n io i-thied jingbam.) 9 Ynda kumta kata ka briw kaba long ka nong-Samaria ka ong ha u, Kumno ma-me U Jiw, me pan ba'n dih na nga, kaba long ka nong-Samaria? naba ki Jiw ki'm ju ialok bad ki nong-Samaria. 10 U Jisu u la iathuh bad u la ong ha ka, Ba pha'n da la ithuh ia ka jingai-ei ka jong U Blei, bad uei u long uta uba ong ha pha, To ai ha nga ba'n dih; pha hi pha'n da la pan na u kein, u te u'n da la ai ha pha ia ka um kaba im. 11 Kata ka briw te ka ong ha u, Ko Kynrad, me'm don jingtong ei-ei, kane ka pukri ruh ka long kaba jilliw: namar-kata, nangno me ioh kata ka um kaba im? 12 Hato me khamkhraw ma-me ban ia u kpa jong ngi U Jakob, uba la ai ha ngi ia kane ka pukri, bad u la dih hi ruh na ka, bad ki khun jong u, bad ki jingri jong u? 13 U Jisu u la iathuh bad u la ong ha ka, U briw baroh uba dih na kane ka um u'n sliang pat; 14 hynrei uno-uno-ruh uba'n dih na kata ka um, ia kaba nga nga'n ai ha u, u'n ym sliang lano-lano-ruh; hynrei kata ka um, ia kaba nga'n ai ha u, ka'n long ha u ka pukri ka um kaba kyrsoi sha ka jingim b'ymjukut. 15 Kata ka briw ka ong ha u, Ko Kynrad, to ai ha nga ia kane ka um, ba nga'n ym sliang, l'ymne wan hangne ba'n tong. 16 U Jisu u ong ha ka, To khie-leit, khot ia u tnga jong pha, bad to wan hangne. 17 Kate ka briw ka la iathuh bad ka la ong, Nga'm don tnga. U Jisu u ong ha ka, Pha la ong kaba dei, Nga'm don tnga: 18 naba san-ngut ki tnga pha la ioh bad uta uba pha don mynta ruh, u'm long u tnga jong pha: ia kane pha la kren kaba shisha. 10 Kata ka briw ka ong ha u, Ko Kynrad, nga sngewthuh ba me long u nongiathuhlypa: 20 ki kpa jong ngi ki la iamane-Blei halor une hi u lum; phi te phi ong, ba ha Jerusalem ka long kata ka jaka, ha kaba dei ba'n mane-Blei. 21 U Jisu u iathuh ha ka, Ko ka briw, to ngeit ia nga, ba ka por ka jia, haba phi'n ym iamane ia U Kpa, halor une u lum, l'ymne ha Jerusalem: 22 phi iamane-Blei kat kum ia kaba phi'm tip, ngi iamane-Blei kat kum ia kaba ngi tip: naba ka jingpynim ka long na Ki Jiw; 23 hynrei ka por ka jia, bad ka long mynta kein, haba ki nongiamane-Blei kiba shisha, ki'n iamane ia U Kpa ha ka mynsiem, bad ha kaba shisha; naba U Kpa ruh u wad ia kiba kum kita ba'n iamane ia u: 24 U Blei u long U Mynsiem: te ka dei ia kiba mane ia u, ba'n mane ha ka mynsiem bad ha kaba shisha. 25 Kata ka briw ka ong ha u, Nga tip ba U Messiah u wan, (ia uba ki khot U Khrist:) ynda la wan uta, u'n batai-shai ha ngi ia kiei-kiei baroh. 26 U Jisu u iathuh ha ka, Nga long uta, uba kren bad pha.
27 Hamar kane ki synran jong u ki la wan ruh; te ki la iasngew- kyndit ba u la iakren bad ka kynthei: pynban ym don ba kylli, Kaei me wad? lane, Balei me iakren bad ka? 28 Ynda kumta kata ka briw ka la iehnoh ia la u khiw-um, bad ka la leit-noh sha kata ka shnong, bad ka ong ha ki rangbah, 29 To ale, to khmih ia a briw uba la iathuh ha nga ia kiei-kiei baroh kat kiba nga la leh: une u long ne em uta U Khrist? 30 Namar-kata, ki la iamih-noh na kata ka shnong, bad ki la iawan ha u.
31 Hamar-pdeng kata te, ki synran ki la iakyrpad ia u, ki da ong, Ko Rabbi, to bam. 32 Hynrei u la ong ha ki, Nga nga don ka jingbam ba'n bam, ia kaba phi phi'm tip. 33 Namar-kata, ki syn- ran ki la iaong paralok-hi, Don mano-mano ba la wallam ei-ei ha u ba'n bam? 34 U Jisu u ong ha ki, Ka jingbam jong nga long, ba nga ioh-leh ia ka mon ka jong uta uba la phah ia nga, bad ba nga'n ioh-pyndep ia ka kam jong u: 35 phi phi'm ong, ba sa saw bnai, ka'n long ka aiom-ot? ha khmih nga ong ha phi, To khmied ia la ki khmat, to jngoh ia ki lyngkha; naba ki la byllieh lypa ia ka aiom-ot: 36 uta uba ot te u iohdiang ia ka bainong, bad u lum soh ia ka jingim b'ymjukut: ba uta uba bet ruh u'n ioh iakmen lem bad uta uba ot; 37 naba ha kane kata ka ktien ka long kaba shisha, Ba u long uwei uta uba bet, uwei-pat ruh uta uba ot. 38 Nga nga la phah-noh ia phi ba'n ot ia kata kaba phi phi'm shym la treiminot: kiwei-pat ki la iatrei-minot, phi pynban phi la ioh bsut sha ka jingtrei-minot jong ki.
39 Ta shibun na ki nong-Samaria na kata ka shnong ki la ngeit ha u namar ka jingong jong kata ka briw, kaba ong skhem, U la iathuh ha nga ia kiei-kiei baroh kat kiba nga la leh. 40 Namar-kata, mynba kita ki nong-Samaria ki la iawan ha u, ki la iakyrpad ia u ba'n iaisah bad ki: te u la sah hangta ar-sngi. 41 Te kham bun shuh ahuh ki la ngeit namar ka ktien jong u hi; 42 ha kata ka briw te ki la iaong, Mynta ngi ngeit, ym namar kata ka jingong jong pha shuh; naba ngi la ioh-sngew mangi hi ia u, bad ngi iatip ba une u long shisha U Khrist U Nongpynim jong ka pyrthei.
43 Te hadien kita ki ar-sngi u la mih-noh nangta sha Galilaia. 44 Namar U Jisu u la phla hi, ba u nongiathuh-lypa u'm ioh ia ka burom ha ka ri jong u hi. 45 Te ynda u la poi sha Galilaia, kita ki nong-Galilaia ki la pdiang sngew-bha ia u, haba ki la ioh-i ia klei-kiei baroh ia kiba u la leh ha Jerusalem ha kata ka jingkhawai-niam: namar ki ruh ki la leit sha kata ka jingkhawai-niam.
46 Kumta U Jisu u la leitpat sha Kana Galilaia, ha kaba u la lah pynlong wain ia ka um. La don te uwei u rangbah s'iem, uba u khun jong u u la pang ha Kapernam. 47 Une, haba u la ioh-sngew ba U Jisu u la wan na Judia sha Galilaia, u la leit ha u, bad u la kyrpad ia u ba u'n wan-hiar bad ba u'n pynkhiah ia u khun jong u: naba uba'n sa iap. 48 Ynda kumta U Jisu u la ong ha u, L'ymda phi'n ioh-i ia ki dak bad ia ki kam phylla, phi'n ym ngeit satia. 49 Uta u rangbah s'iem a ong ha u, Ko Kynrad, to iawan-hiar katba i'm put iap-noh i khun jong nga. 50 U Jisu u la iathuh ha u, To khie-leit-noh; u khun jong me u la im. Uta u briw u la ngeit ia kata ka ktien kaba U Jisu u la ong ha u, bad u la leit-noh. 51 Hangta te haba u dang leit-hiar, ki shakri jong u ki la iawan-tan ia u, bad ki la ong, U khun jong me u la im. 52 Ynda kumta u la kylli na ki la ka por, ha kaba u la sngew kham-koit. Te ki la iathuh ha u, Mynhynnin, ha kaba hynniew baje, ka khie-shoh ka la iehnoh-dak ia u. 53 Kumta uta u kpa u la tip ba ka la long ha kata ka por hi, ha kaba U Jisu u la ong ha u, "U khun jong me u la im": te u hi u la ngeit, bad ka ing jong u baroh kawei. 54 Ia kane pat ka kambah kaba ar U Jisu u la leh, hadien ba u la wan na Judia sha Galilaia.