Kom Rem Help from Above /1 PATHEN LUNGSET Takkha eini mi kase nichang laitak, eini sik jarra Christa kha kathi jo; hiva hi Pathenin eini hing tuk hrep alungset me kha amalarna ka-eh. Tun Rakan kut revei kani makhma hin, Jesun hiva ralei hi adalhonna Pa hneng ase sik pha hong kahnai jo ti aman hret joa ka-eh; Aman hiva ralei chunga amami kachang hei ahei tik a alungset hei, khanchu anchaina katlunga anmani amalung kase heiya ka-eh. Khanchu taksen kaom sakhi kape akathi-a inphut ahma inkeipenna akathoi sot a ante aSapa ralei renghei vaikaron Jesu Christa a inphut maritna leh lungmongna nanta chang rasoh. Ajarchu Pathenin vanhnoi ralei hi hingtuk hrep alungset jarra aSapa inkhat rok kha apek jo, tuachang innum ama kataksen rakip thi inhmangmak ning, takkha kumlei koa hringna anei jo. Lungsetna kaneimak mi'n Pathen manhret mak; ajarchu Pathen kha lungset Pathen ka-eh. Einin hringna ninei thei nasik, Pathenin aSapa inkhat rok kha ralei chunga ajong tir hi Pathenin eini alung setna me amalarna ka-eh. /2 RONGPU JESU PATHEN KA-EH Eini bek tong inri tak hi tute'n lenmak ti theimak hei ning! Ama mihringa hong inlar, Rathia vang akadik achangna anhmu, khana marvan ngeva hen anhmua ka-eh. Jat rakip karra Aman tong ahri manthang, vanhnoi in antak sen jo, khana ama marvanna thoi touva kaom jo. 1 Timothy 3:16 Rongpu sankathem talei hri: Nuhngak Intheng inkhatin nai avonna sapa anei sik, khana anmanin arahming Emmanuel antati sik ka-eh, khava tina chu, Pathenin aompui me, tina ka-eh. Sankathem talei hri tong hi akhenga ahong katlung jo ka-eh. Matthew 1:22,23 Anphut bia tong kaom tong kha Pathen leh lei kaom sap; tong kha Pathen ka-eh. ... Tong kha mihring jong kachanga nikarra kaom. Ama akadik leh maritna kasip phet-a alurna kha kanlei hmua ka-eh. Khava alurna kha chu Sapa marit inkhat rok achang kha aPa hnenga inphut anhmu ka-eh. John 1:1,14 Jesun amasonna, Philip, hing tuk pha kasot nankhenga kaom pui jo chei; khannum nanta laman hret mak hi eng mo? Tuachang innum kei kahmu jo mi khan Pa kha ahmu jo ka-eh. Kha achang inchu heisa mo, Pa kha amau hmu ruh, nanla ti? John 14:9 /3 JESU, PATHEN SAPA KA-EH Tuachang innum Jesu kha Pathen Sapa ka-eh kati mi kha Pathenna akaom ka-eh; khana Pathen kha ama ah kaom. 1 John 4:15 Ngeva khan amasonna, Rathla Intheng nachunga kayong sik-a kha Patheti ratha hratna nachunga yong katlung sik jo. Khava jarra antheng naite kha Pathen Sapa anti sik ka-eh. Luke 1:35 Naite inkhat eini sik-a inte jo! Sapa inkhat eini sik-a apek jo me! Khanna Ama nivai karon kachang sik, Arahming Anlak Mintheipa, Akahrat Chunghnung Pathen, Are-rea kaomthak Pa, Mongna Rengsa, anti sik. Isaiah 9:6 Khang khan ama atonglai khan sumtuk kabang lhom inkhatin amakhu shi johei, khana sumtuk karra inkhat-in, Ama hi kaSapa marit ka-eh, achunga kamalung katlai, atong hri rangei ruh, ayong tia ka-eh. Matthew 17:5 Jesun ahnenga ahria, Nangin nahmu joa ka-eh, tun tak-a nanbek pui ama kha ka-eh, ati. John 9:37 Ajarchu Christa ah, amilung setna ah, pui katluk ah Pathen achangna kha kaomma ka-eh. Colossians 2:9 /4 JESUN TU-ENG MO KA-EH TI AMANTHEI ME Jesun amason heiya; Nangni chu hnoi ralei chunga inphut chei ka-eh, takkha kei chu chunga inphut akayong eng ka-eh. Nangni chu hiva ralei chunga inphut chei ka-eh, takkha kei chu hiva ra lei chunga inphut changmak eng.... Akadik tak kahri pek chei ka-eh: Abraham intetmak hma alei kaomsa eng ka-eh, ati. John 8:23, 58 Nuhmei nu khan Jesu hneng ahria: Christa inti Messiah kha akayong sik ken kaman hret: Ama ayong pha leh heirakip aman thei sik me, ati. Jesun amasonna, Ama kha nahnenga tong kahri kei eng hi ka-eh, ati pek. John 4:25, 26 Jesun anhnenga ahria, Hringna buhlom kha kei eng ka-eh. Kei hnenga akahong mi kha ahei tik a avon tammak jo ning; kei ani kataksen mi kha aheitik a atui hremak jo ning. John 6:35 Khava jarra Jesun ahri nok a: Akadik tak kahri pekchei ka-eh: Kei kemong kot eng ka-eh. John 10:7 Jesun amanu hneng ahria: Kei thoi nok na leh hringna eng kha ka-eh; tuachang innum ani kataksen mi kha akathi achang innum akahring sik ka-eh. John 11:25 Nangnin kei Oja, khana Rongpu nanti eng, nan Oja leh nan Rongpu kachang jarra nanta ti kha kadik a ka-eh. John 13:13 /5 JESUN TLO INLAK ATLO THAHREP KHAT Khana Aman mipui hei kha phi chunga khan anin ong nasik tong apekhei. Khava soa aman buhlom ranga leh nga inhni kha aloa, marvan ting aenna vang aderra; khana aman buhlom kha har akhoiya asonle hei hneng mipuihei karra anta sem sik-a apek johei. Khana sonlehei khan mipuihei kha anpek johei. Anmanin ankhopna katlunga ansak eat; khana anmanin anlhei aharhei kha anhrut-ah hrai somle inhni kasip. Akasa hei kha nuhmei naipang jaoloa, mi lising ranga kapohei ka-eh. Matthew 14:19-21 Rakong kha tui inthuk nating tor manlhut det unna, nangleh naloihen nanlen kha vor manlhut ruh, ati. Simon in amasonna, Oja, keinin jan sot-a inhnak tak-a len kanvorra heite surmak ung, khannum nangin nahri jarra, vor rong, ati. Anmanin anien anvorra nga katam tak anlen inlhervat leova hingya ansur joa ka-eh. Luke 5:4b-6 Jesu kangirra khana abek heiya, Ken heimo nangni katlo pek sik chei nanta madu, atihei. Anmanin ahnenga, Apu, kanhmit naman var sik kan madu anti. Jesun alungset heiya, anhmit kha asit pek johei, khava pha anhmit kavar joa, khana Ama anjui joa ka-eh. Matthew 20:32-34 /6 JESU ANI KASYEMPA KHANCHU RONGPU KA-EH Ama vang Pathenin marvan leh ralei chunga heirakip, hmu thei leh hmutheilo rathla ratha hratna hei leh rongpu hei, khana vaikaron leh tong kaneihei asyem ka-eh. Khana Pathenin vanhnoi ralei hi Ama sik-a Ama vang asyem ka-eh. Colossians 1:16 Ama a heirakip insyem, ama vang teiloa Pathenin heite syemmak. John 1:3 Pathenin ... tunkahnung hin chu aSapa vang eini anbek pui jome. Pathenin aSapa ah inphut vanhnoi ralei asyem, khana Ama hei rakip kapu aman changa ka-eh. Hebrews 1:2 Khava jarra Israel mi rakip in, hiva Jesu Cross chunga nanta lei makhei lhon Ama hi Pathenin Rongpu leh Messiah kachanga asyem jo hi nanta manhret nger sik kasok, atia ka-eh. Sonlehei Tontio 2:36 Khava jarra Christa kha akahring leh akathi Rongpu achang nasik, Cross-a akathia hringna aka thoisot jo ka-eh. Romans 14:9 Pathen hi taksen kaom tak ka-eh. Aman aSapa ni Rongpu Jesu Christa leh sap khat kachang sik a nangni abek manlhut jo chei ka-eh. 1 Corinthians 1:9 /7 HEIRAKIP TONG KATAN JESU CHRISTA KA-EH Kha achangin chu nangin nasopui chunga hei samo tong natan? Khan chu nangin nasopui hnoi nase? Eini nikhenga Pathen tong tanna hma-a alakangir eat sikme ka-eh. Romans 14:10 Akathi leh akahring mirakip tong katan sik Christa Jesu leh Pathen hmai kunga ken nang marit nenga kabek che ka-eh: ajar chu ama areng ram leh inthoiya akayong sik achang jarra. 2 Timothy 4:1 Mihring Sapa kha kalur taka marvan tirle hei seng leh inthoiya ajong pha, alen inongna chunga ama inong sik, khana ahmai kunga jat rakip amantup sik hei; kemong kakhem inkhatin kemong leh ke tak-hei athen kapoa. Matthew 25:31,32 Hiva Tongkatha ken kahrile dung juiya, khava kani ning khan Pathenin Jesu Chrisla-a mihring hei malung shunga ton maruk anta mandon rakip kha hing hin tong atan sik ka-eh. Romans 2:16 Khana Tongkatha kha mihei hnenga kahri sik-a leh akathi leh akahring hei tong katen sik-a Jesu Pathenin akadei achang kha keini asakhi katio sik-a tong apek ung ka-eh.... Pa khan tute tong tanmak. Tong tan nasik rakip aman Sapa chunga ratha neina apek so jo. Sonlehei Tontlo 10:42, John 5:22 /8 CHRISTA ROK IN AKATLEN SOT Kei kot eng kha ka-eh. Tuachanginnum keiya kahlut mi kha hukman hring kachang sik; khana kahlut kasok sik-a kha kaher dongna hmun anhmu sik ka-eh. John 10:9 Jesun ama amasonna: Kei lham kha eng ka-eh, kei akadik kha eng ka-eh, kei hring-na kha eng ka-eh; keiya teiloa tute Pa hneng se mak. John 14:6 Khana aman tunnum aheitik'am, ama inphut Pathen hnenga kahong hei sik ah hukman hringna atlo tor, ajarchu ama ahei tik-a akahring thak achang jarra, anmani sik-a Pathen hneng angek pek thak hei ka-eh. Hebrews 7:25 Ama heirakip-a puikatluk-a syem achang so pha, ama kataksen rakip sik ah ahei tik-a hukman hringna kung ama kachang jo. Hebrews 5:9 Khava sik jarra nangni nansetna ah kathi sik chei tia kahri pek chei ka-eh. Kei hi kei ka-eh, tia nantak senmak enga achang inchu, nangni nansetna heiya khan akathi sik chei ka-eh, ati. John 8:24 Hukman hringna hi Amarok-a anhmu sik ka-eh; ajarchu eini inhuk inhring thei nasik hi Pathenin vanhnoi ralei chunga tute milak rahminga apek ommak, ati. Sonlehei Tontlo 4:12 /9 CHRISTA ROK IN AKATLEN SOT Takkha nangni chu Pathen in Christa Jesua inchunna shunga athoi manlhut jo chei, khana Pathen in Christa kha eini singna aman chang jo; Ama jarra Pathen leh inthoiya eini kadik-a ada jo mea, eini Pathen mi kachang jo me, khana eini nining nihnomma amaso jo me ka-eh. 1 Corinthians 1:30 Einin ton katha nitlo nasik leh amata nichang nasik, thatmak na rakipa inphut nin tlensot sik-a ama abinga anpe sot jo ka-eh. Titus 2:14 Var khopuiya Pathenin amihei sik-a ada chen kachen sik ah rahoi kasok-a nankasyem Pathen kha katlai senga inpakna peruh. Ajarchu Aman eini kho-inthim ratha hratna inphut ahuk sot jome, khana Asapa marit reng ram shunga kahringa athoi manhlut jome kaeh. Aman eini nihning ninomma amaso jomea, khana niset nahei arangei mandam jo ka-eh. Colossians 1:12-14 Anmanin lha ther inkhat: Lairik inze kalo sik-a leh Mohor innam kasu khoiya namahlang sik-a nang narahoi ka-eh. Ajarchu nang antha chea, khana nathi navang khan phung rakip, tong rakip, jat rakip, mihring rakip karra inphut mihei kha nangin Pathen sik ah narochok johei. Tongphong 5:9 /10 CHRISTA THISENIN AMANTHENG Tunchu Ama athi jo jarra eini Pathen leh inthoiya kadik-a ada sap jome ka-eh; khava kakhe cheta Pathen hnuk natna inphut eini aman ahuk sot jome ka-eh. Romans 5:9 Hei jarramo nitin chu Christa athi khan niset arangei mandam jo, khana ning leh hnomma amaso jome. Pathenin amaritna me hing tuk hrep kalenna apek jome! Ephesians 1:7 Ajarchu nanpu nanpa heiya inphut bring kho kahnemmak omchen nanta chenna inphut ning leh hnomma maso nasik apek chei kha nangnin nanta manhret kaeh; khava kha anhmang thei sana leh dangka kapo kha changmak; masetna kase leh hnorna kase kemongte inkhat kapo, Christa inpeksotna man katamtak vang ning leh hnomma amaso jo chei ka-eh. 1 Peter 1:18,19 Hi nankhenga inruh; ajarchu hiva hi kathisen, mi katamtak set rangei mandam nasik-a kalong sot intepna thisen kha ka-eh. Matthew 26:28 Takkha ama varra aom kapoa, eini varra akaom nichang inchu, eini inkhat leh inkhat anioi khom me ka-eh. 1 John 1:7 /11 CHRISTAA TAKSENIN HUKMANHRINGNA Heijar ramo nitin chu, taksen jarra Pathen maritna khan ahuk manhring jo chei kae-Hiva hi nanton tlo jarra changmak, takkha Pathen kutchoi pek ka-eh. Hiva hi nanbing tak inilona kara achangmak jarra inlen sak nasik heite ommak. Ephesians 2:8, 9 Khanchu eini Rongpu Jesu Christa jarra Pathen leh inchunna ninei jo, khanchu taksen jarra Pathen leh inthoiya akadik-a ada Jome. Romans 5:1 Ajarchu Christa Jesu leh nin chunna shunga vun tan leh tanmak heite roi ommak jo. Lungset na vanga ton intio taksen kha kaeh. Galatians 5:6 Ajarchu Pathen sa hei seng in vanhnoi hi anta tor thei ka-eh. Einin taksen leh inthoiya vanhnoi hi nitor jo ka-eh. 1 John 5:4 Khava pha anmanin ahnenga anderra, Keinin Pathen ton kantio nasik, heimo kanta tlo thei sik? anti. Jesun amason heiya, Pathen in nangni amantio hnom chei ton kha hi ka-eh: aman ayong tirpa kha taksen ruh, ati. John 6:28,29 Nangnin Jesu hi Pathen SaPa Christa (Messiah) ka-eh ti nantak sen thei nasik, khana khava nantak senna vang khan arahminga hringna nannei thei nasik hiva hei hi anzet ka-eh. John 20:31 /12 PATHEN MARITNA Ralei chunga inphut-a marvan anshang kapo hrep ahin, ama katit hei chunga alungsetna hi anshang ka-eh.... Tak kha ama kayana kanei mihei chunga Rongpu lungsetna leh athatna kha akhang rakip-a, kumleikoa sikjo ka-eh. Lha 103:11, 17 Ni Rongpu Jesu Christa Paleh Pathen kha einin manpak rih, Ama lungset maritna kasip, inthopuina rakip jong sokna Pathen kha ka-eh. 2 Corinthians 1:3 Khava jarra maritna hmun, Pathen len inong nating kangam tak aleh ratha kahrok tak-a yon rih. Khava hmunna khan einin nimadu leh nirangei na chunga apha pha anin thopui nasik marit naleh lumlona nin hniu sik ka-eh. Hebrews 4:16 Rongpu maritna leh lungsetna bangtik kanei niak kha lunnum kaom thak, jingkar kapoa ather kachang thak, nitinna kanisok kapoa kaom thak. Lamentations 3:22,23 Khava kha einin ton katha nitio jarra changmak, takkha Rathia vang khan hring kho therra intet therna apek mea arasi mantheng me ka-eh; khava jarra lungset marit a ahuk manhring me ka-eh. Titus 3:5 /13 PATHENIN AHNENGA HLFIT NASIFC HMUN APEK ME Khava jarra hinga hin Pathenin keini-a inphut nanhnenga ader chei kantahri ka-eh: an-repui nanchangna inphut Pathenin athon nanchang nasik-a syem chei rasoh, tia keinin Christa kaghlang kathenga kanta ngek chei ka-eh. 2 Corinthians 5:20 Rathia leh Hmoinu khan, Hongroh, anti. Tuachang innum hiva kathei hennum. Hong roh, tihei rasoh. Tuachang innum tui kahre rakip, hringna tui kha khut choi pek inkhat kapoa inlhang sik ah, andu rakip hongruh. Tongphong 22:17 Einin hei khat nitio jarra changmak, takkha amarit me jarra alungdo tak-a ami kachang sik a abek mea ahuk manhring jo me ka-eh. 2 Timothy 1:9 Revei inchaining alurpen ning kani khan Jesu kangir sot-a rasa inhnak tak-a ahria, : Tui kahre tuachang innum kahnenga hong sunna hong in rasoh. John 7:37 Achang ravang Jesun kha aman hrst pha, ahnuk kanaa. asonie hei hneng ahria: Naipang hei kha kahnenga man hong hei ruh, khammak hei ruh, ajarchu Pathen Rengram kha anmani kapo heita ka-eh. Mark 10:14 Phur kahrik karona kachamhei, kahnenga hong ruh; ken chain manhngat chei rong. Matt. 11:28 /14 MI RAKIP PATHEN SAHEI CHANG MAK HEI Pathen Rathia tathoi heiseng kha Pathen sa hei ka-eh. Hei jarramo nitin chu, Pathen tapek chei Rathia khan sok manchang mak jochei, khanchu litna mannei mak jochei; Khava kanek-a Rathia khan nangni Pathen Sahei aman chang jochei ka-eh. Khana khava Rathia ralha hrat vang khan einin Pathen hneng Kan Pa Apa, aman ti tor me ka-eh. Romans 8:14,15 Khava jarra Rongpu khan ahria: Nangnin anmani nanta dahlon nger sik hei ka-eh, an mania inphut inthen ruh. Anthengmak inti leh heite tlosapmak ruh, Khana ken nangni kalo sik chei. Kei nanpa kachang sik eng, Khana nangni kasapa hei leh kasanu hei akachang sik chei ka-eh, Akalen akahrat chung hnung Rongpu khan ati. 2 Corinthians 6:17,18 Hei rakip ah inkhe beitam ommak nasik ah tlo ruh. Ajarchu hiva ralei chung vanhnoi thatmakna mihei karra hin, marvan chunga arsi varpa hei var kapoa nangni akavar nger sik chei ka-eh. Philippians 2:15 Achang innum mi thahrep in ama aniei rahlanga antaksen; khava jarra anmani Pathen sa anchang nasik aman anmani tong neina ratha apek hei. John 1:12 /15 JU IN CHUNG CHANGA PATHENIN HEIMO ATI Ajarchu ama Rongpu hmit hmua akalen inkhat akachang sik ka-eh. Aman vomhrui juleh kahu inhnak inmak ning. Ama anu shunga ayong intet so limma inphut Rathia Intheng akasip sik ka-eh. Luke 1:15 Mihring omchen ngai tatio kha chu inchen senga ka-eh. Khachu hing hin abinga inlarra yong leh kik, anthengmak, in-ortet-tot.; Syemthu lim inmuk, doi kachoi, mi'n repui bei, anshe hei, inthang set, hnuknat. inpham, loi Ihop Ihop-a inthen sot; enkada, ju-inrui, inlensak, hing hiva omchen hei hi anta tlo ka-eh. Hma inkeiya kapoa tun karakok nok chei ka-eh: Hing hiva omchen katio hen Pathen Rengram kha anta chenmak sik ka-eh. Galatians 5:19-21 Insing thei ruh! Nanbinga reveiya invei inkhop sik rok leh ju inrui sik khana tunlai hringkho sika nanmalung peman Ihutmak ruh, akinchu khava kani kha manhretman loa chang-kap kapoa nanchunga jong katlung khak sik. Luke 21:34 Khovar mihei kapoa einin omchen kalha tlo rih; hurinthok ju inrui, omchen katha mak, omngai kachang mak, innak inse, thang set, tlo mak jorih. Romans 13:13 /16 MALUNG INTHENG ROK IN TLUK MAK Aman ahnenga, Nangin namalung rakip, naratha rakip, khana namandonna rakip vang Rongpu naPathen kha nalungset sik kaeh. Hiva hi akaronpen leh hma inkeipen tongpek kha kah, ati. Matthew 22:37,38 Jesu khohme a sik ahen tluk sot pha, mi inkhat hong katlanna ahma hong katlu-a, ahnenga, Akatha Oja, kumsot hringna kachen thei nasik ken heimo katio nger sik akasok? tia aderra ka-eh. Jesun ahnenga, Heisa mo akatha nati eng? Pathen teiloa akatha tute ommak. Mi lhamak roh; yongmak roh; inrumak roh; male! sei tlomak roh; mi honmak roh; nanu napa kaya roh, ti tong-pek hei kha nangin naman hret-a ka-eh, ati. Mipa khan amasonna, Oja, hiva tong pek seng hi kasinna inphut kahei jui ka-eh, ati. Jesun ama aenna, amalungset joa, a-hnenga ahria: Nangin inkhat rok nalavat kaom. Se roh nanei rakip vayor inna, sara khodeng kathei hei vasem pek hei roh, khana nangin marvanna karoi nanei sik ka-eh; khava soa hong inna kakahnung hong jui roh, ati. Mipa khan hiva tong hi athei pha, ahmai so kamok joa, mailing inrima kase sot jo, ajar chu ama mi kahao tak ka-eh. Mark 10:17-22 /17 INHON INTHLA MAK RUH Nangni nanbi binga inhon inthia mak ruh: Pathen tute tahon thei chang mak. Mi inkhat in hmuchi atavor tak kha ankhom sik ka-eh. Galatians 6:7 Naipang hei; tuten hon mathlak mak chei rasoh! Christa kha akadik achang kapoa, tuachang innum ton dik katio kha mi kadik ka-eh. Tuachang innum setna katio injom thak mi kha Seitan ta ka-eh; ajarchu Seitan khan anphut bia inphut setna alei tlo ka-eh. 1 John 3:7, 8a Yong leh kik omchen katio min Pathen rengram kha chen mak ning ti nangnin inchenna nanman hret-a ka-eh. Nan bi-binga nangni inhon inthlamak ruh, yong leh kik, syemthu lim kabe, mi-kahur, pase leh pase kaye, min-ru, phamrai kase, ju-inrui, mikatei torn, dan kasukhoi, hiva hei inkhat rok innum Pathen reng ram kha nanta chenmak sik ka-eh. 1 Corinthians 6:9,10 Tong kadikmak vang tuten hon mathlamak chei rasoh: ajarchu Pathen tong kayuimak hei chunga ahnuk natna ayong katlung sik kha khava jar pentak kha ka-eh. Ephesians 5:6 Mi inkhat in ama hei khat eng ka-eh tia aman don lai tak khan, ama heite emak jo, ama abibinga anhon inthia jo ka-eh. Galatians 6:3 /18 SETNAN THINA AHEI RON MANHLUT Mi inkhat vang ralei pumpui chunga setna hong kahlut, khana setna khan thina ahong manhluta ka-eh. Mi hring rakip akaset so anchang jarra, mi rakip chunga thina katlung joa ka-eh. Takkha taksa ralei mihring ngai malung tamadu vaironna khan thina aron sot ka-eh; khana Rathia tamadu malung vai ronna khan hring naleh malung mongna aron sot ka-eh. Taksa ralei mihring malung tamadu vairon na thoiya kaom mi kha Pathen leh anre ka-eh .... Romans 5:12; 8:6,7a Khava jarra akathamak amadu arangei kha pui ahong tluk pha setna amaso ka-eh; khana setna kha pui ahong tluk pha, thina amaso ka-eh. James 1:15 Takkha tit-kasehei, lhamrinthei kachangmak hei, mikahon inthiahei, mikatha hei leh omchen kadikmak-a kaom, doi kachoihei, syemthu milim inmuk hei, khana malei kaseihei seng omna sik-a kat kakang hmei dir anchen ka-eh. Khava kha voihni thina kha ka-eh. Tongphong 21:8 Takkha nanai pa hichu alei kathi kha tunchu aka hring jo ka-eh, khana alen hmang jo kha, tunchu ni hmu nok jo ka-eh, khava jarra rehoi revei nitloa anpak sik me ka-eh, ati. Luke 15:32 /19 CHRISTAN THINA ATOR Khana Anthengna Rathia dung juiya thina inphut athoi khan Pathen Sapa achang ratha kahrat tak leh inthoiya amalarra ka-eh. Romans 1:4 Aman hi ahri soa rasa inhnak tak a aonna, Lazarus hei sok roh, atia ka-eh. Mi kathipa kha thikazena vang akhut ake inze-a khana ahmai kathi pon ankhu kha hei kasok joa ka-eh. Jesun anhnenga ahria, sot ruh, khana manse ruh, ati. John 11:43, 44 Pa khan kei alungset eng, ajarchu ken kahringna kha kapek sot hnom, tichu khava kha ken kachen nok sik ka-eh. Keiya inphut kahringna hi tuten lomak. Ken kalung do tak a kapek sot ka-eh. Ken khava kha pek tor naleh loma Ie torna ratha kaneiya ka-eh. Hiva tlo torna sik ahin kaPa khan kei tong apek joeng ka-eh, ati. John 10:17,18 Khavasoa ama kase-a akalong kha avasit a, khana andom hei kha kangir heiya, Jesun ahria, Rether, thoi roh! katiche ka-eh, ati. Akathi pa kha in onga katong inphut jo. Luke 7:14,15a Kei akahring thak inkhat kha eng ka-eh! Kei leikathi eng; takkha enroh, are-rea sik-a kahring jo eng. Ken thina ram chunga leh thina chunga tong neina ratha kanei. Tongphong 1:18 /20 PATHEN TONGPEK HEI Kei teilo pathenlak kamuk mak ruh. Marvan chunga achang mak leh raleichunga achanga, tuishunga achang mak leh raleichung thoiya achanga khanna kaom syemthu milim inkhat rok-am nang sik-a insyem mak roh. Syemthu milim inkhat bek hmai kunga inkunna kamuk mak roh, ajarchu Kei naPathen leh na Rongpu eng ka-eh. ... NaRongpu Pathen rahming mok-a hrimak roh, ajarchu tu achang innum khanga katio hei kha Rongpu hakserna chanloa ommak hei ning. Na Rongpu Pathen tongpek nit ina serning kani mantheng roh. Niruk sunga naton seng kha tlo roh; kachanga nisari tluk ning chu Rongpu Pathen chain inhngat ning kani ka-eh. Nanu napa kaya roh, khava kha naRongpu Pathen tongpek ka-eh. Mi that mak roh. Mi nuhmeipuise chunga jong mak roh. Inru mak roh. Na-inn sir na-inn venna mihei chunga akadik mak sakhi pemak roh. Na-inn sir na-inn venna mi nuhmei, mi sa chunga thangset neimak roh, achang mak leh anneianser, anhlei chunga, ansoknse chunga nathang manse mak roh. Deuteronomy 5:7-21 /21 PATHENNA iNPHUT NANGIN INTHUP TOR MAK TIN Aman mihring hei kethon rakip a-enna ka-eh. Inthim-a inthim pakjo, khava jarra Pathenna inphut set karon kathup tor sik ti mak roh, thup tor mak tinche. Job 34:21,22 Ken kahmu tor mak nasik hmunna tutennum inthup tor mak. Kei marvan chungam khanna raleichungam akaom eng manhret mak che mo? Jeremiah 23:24 Marvan chung ting kasen num, nang kaom che, vanhnoi ralei thina hmun nah khan kan ungin num, khana khan num nang kaom che.... Takkha nang sik a chu jan om mak, anthim kham nang sik a chu sun kapoa akavar ka-eh. Anthim leh akavar kha nang sik a chu an ang tling ka-eh. Lha 139:8,12 Pathen hnenga anthup tor sik heite ommak. Akhut syem rakip ahmai kunga aniar sopet a kaom ka-eh: khana eini nibing eat-a niomchen nintin tana kha nikhenga Pathen hneng nila pek nger hisik ka-eh. Hebrews 4:13 Hei hei achang innum anthup kha vanga ahen choi sot sik ka-eh, khana hei hei achang innum makhukhum-a akaom kha anhmu sot nger ra khovarra ahen choi sot ka-eh. Luke 8:17 /22 PATHEN KADON MAK HEI KUMSHOT TANTI Mihring Sapa khan marvan tirlehei ayong tir sik, khana amanin a Rengram shunga mikasu inpai heileh dankase omchenna kaoin seng achom mantup sikhei. Khana anmanin hmei khur shunga anihon manhlut sik johei, khava hmunna khan tap leh hakarotna kachang sik johei. Matthew 13:41,42 Mikatha mak seng leh Pathen kahot seng lhut nasik kot khachu thina hi ka-eh. Lha 9:17 Takkha tunna kaom marvan leh ralei hichu hmei vang suk manhmang sik-a Pathen tong khan athenna kaom ka-eh. Anmani hei kha mi kathamak hei tong tan nasik kani ninga sik leh sukman hmang sik a adaa athen johei kaeh. 2 Peter 3:7 Nakhut achang makle nake achang innum setna amaso sik chen chu, tan sot inna nanga inphut Ihon sot roh. Khut inhnileh ke inhni pumma kumlei koa hmei khurra Ihon maillhut nachang kanek-a, khut katiek leh ke-inkhoiya kum sot hringna nahllit nang sik katha jok. Matthew 18:8 Anmani Rongpu lurna kalen tak hmai kunga inphut kei sot-a kaom sikheiya kha kum leikoa khodeng theina tanti anta pek sik hei ka-eh. 2 Thessalonians 1:9 /23 TONGTANNA KAHONG SIK Ajarchu aman ami kadei sot inkhat vang vanhnoi ralei hi tong dik vang antong amantan nasik kani inkhat atepsa jo ka-eh. Aman mihring thina inphut akei mathoina vang hin mirakip hneng amanchenna amalar jo ka-eh, ati. Sonlehei Tontio 17:31 Mi rakip voikhat ala kathi nger sik ka-eh, khava so leh Pathen in antong atan sik ka-eh. Hebrews 9:27 Lairik rabu shunga alen zet kapoa an omchen leitio dung kajuiya akathi kha tong anta tan ka-eh. Tongphong 20:12b Khava jarra Pathen inhret mi hei kha mathlemma anomna inphut Rongpun ahuk sotze amanhret, khanchu hurna tinga antaksa ansuk innim hei leh Pathen tongneina kahnoise mikathamak hei kha tong tan ninga sik-a adaze Rongpun amanhret-a ka-eh. 2 Peter 2:9 Ajarchu taksa ralei hringkho shunga mirakip in akatha leh akase atlo dung jui ya atarahlang sik rahoi kasok kha aralhang nasik, nikhenga Christa tong-tan inongna ang shunga alan lar eat hisik me ka-eh. 2 Corinthians 5:10 Khava jarrah eini mi rakip in, ama ama omchen antintana kha Pathen hneng apek sik ka-eh. Romans 14:12 /24 JESU CHRISTA MARITNA Khava jarra khan mi bring ton tlo leh amaduna chunga anngam chang loa, Pathen lungset marit rok jarra anngam ka-eh. Romans 9:16 ... Pathenin aniensak ahot, takkha ansin sak alungset, inti. ... 1 Peter 5:5b Akhut choipek man kase jarra bin einin Pathen kha manpak rih. 2 Corinthians 9:15 Takkha Pathen khut choi pek mankase kha Adam setna kapo kha changmak; ajarchu khut choi pek kha setna kha leh inangmak. Mi inkhat set jarra mi katam tak aka thi hi akadik ka-eh. Takkha mi inkhat tichu Jesu Christa maritna vang khan mi katam tak khut choi pek man kase apek jarra Pathen maritna kha akakhe cheta akalen ka-eh. Romans 5:15 Ajarchu ni Rongpu Jesu Christa maritna me kha einin niman hret: Nangni mi kahao inkhat nanchang nasik-a, ama khang tuk hrep-a akahao alei chang ravang, nangni sik jarra sara yong kachang jo. 2 Corinthians 8:9 Ankhenga chunga Pathen in anmaham amanthat pek heiya, sonie hei khan Rongpu Jesu thoisot tong ratha kanei tak-a sakhi antloa ka-eh. Sonlehei Tontio 4:33 /25 MALUNGTHLENG Mihring hen Pathen aniei manhretmak na pha kha, heitea tei pekmak jo, takkha tun chu hmun rakip-a mi rakip in anthatmak na lhamma inphut anin Ie nasik tong apek jo ka-eh. Sonlehei Tontio 17:30 Nanmalung thieng ruh, ajarchu marvan Reng ram kha kahnai jo, tia ahri lea ka-eh. Matthew 3:2 Peterin anhnenga ahria: Nansetna inphut nanmalung thieng unna Jesu Christa rahminga baptize chang eat ruh, kha achang inchu nansetna hei inngei dam sik, khana Pathen khut choi pek Rathla Intheng kha nangnin nanchen sik Jo... Khava jarra nansetna hei aboi nasik insir unna, Pathen hneng henie ruh. Sonlehei Tontio 2:38; 3:19 Khaleh in ang hrep-a, malung thieng nasik inngei mak som ko leh ko kaneka mi kase inkhat in amalung athleng jarra marvan chunga inpak na akakhe cheta akaom sik ka-eh, ti hi ken kahri pek chei ka-eh. Luke 15:7 Heijarra mo nitin chu, Pathen tahmang malung inrimna khan, hukman hringna sik tinga lham kakei, malung thieng nasik-a akalhoi kha achang jarra insir nasik ommak. Takkha ralei chung malung inrimna khachu thina amaso ka-eh. 2 Corinthians 7:10 /26 SET RANGEI MANDAMNA Mi katha mak in ahlam hro, mi kadik mak in ataksa tamandon maso rasoh; khanna aman Rongpu Pathen hneng hong inle rasoh, khava khan Pathenin lungset-a aron sik, ajarchu aman pui katluka arangei mandam sik. Isaiah 55:7 Ajarchu nangnin nanchunga mi sukthena hei kha nan rangei mandam inchu, marvanna, nanPa'num arangei mandam sik chei ka-eh. Matthew 6:14 ... Jesu jarra setna hei rangei mandam nasik chung changa tong kanta hri hi inchen tak a manhret eat ruh.... Pathenin Israel mihei anmalung anthlenga, ansetna hei rangei mandam nasik a, lhain inkot inkhat apek nasik, Pathenin ama kha lhamkakei leh Huk in hringpa kachang sik a achang tinga kaom sik a akei mathoi jo ka-eh. Sonlehei Tontio 13:38b; 5:31 Jesun anmani taksen kha ahmu pha, Sapa, nasetna hei inngei dam joche, ati. Mark 2:5 Rangei roh! kei kot kunga kangir enga kot karaki; karasa katheiya kot inlhang mi inkhat aom inchu, kei ainna kahlut sik enga kha ama leh kasak sap sik, aman kei leh asak sap sik ka-eh. Tongphong 3:20 /27 RALEICHUNGTA LEH INHLOP Ajarchu mi rakip hukman bring anchang thei nasik, Pathen in alungset maritna kha amalar joa ka-eh. Hiva ralei chunga Pathen titna, akadik, binga insur torna hring khoa hring nasik, khana Pathen katitmak hei leh ralei chung lungdo maso nasik, lungset maritna hin eini amanse me ka-eh. Titus 2:11,12 Raleichung leh ralei chungta kachang neinak rakip madumak ruh. Nangnin raleichung hi nanta madu achang inchu, nangnin Pa lungset nasik nanshunga neimak jochei. Ajarchu ralei ta kachang seng taksa tarangei, hmit tama du, raleichunga mihring malung inlensakna hihei seng hi Pa inphuta akajong changmak. 1 John 2:15; 16 Kho inthim ta kachang hei hnemna kase ton katio hei kha leh heite tlosap mak ruh. Khava kanek-a chu, anton tlohei kha khovarra malar sot pek jok hei ruh. Ephesians 5:ll Ea taksen thei kachangmak mi hei! Vanhnoi ralei thon kachang hi Pathen kadoi ka-eh ti manhret mak chei mo? Tuachang innum vanhnoi ralei thon chang sik indu mi khan Pathen indoi pui chang nasik antio ka-eh. James 4:4 /28 INTET-THER Tuachang innum Christa leh anchun mi khachu akathar inkhat kachang jo; amaro kha kathleng so jo, ather kha hong katlung jo. 2 Corinthians 5:17 Ihru khachu maruk sik, thasik, khana sukman setna sik rok a akahong ka-eh. Kei chu anmanin hringna annci thei nasik, khava hringna kha pui katluk a hringna achang nasik a akayong eng ka-eh. John 10:10 Christa kha mi kadik achang nangnin nanman hret; khava jarra akadik katio rakip kha tuachang innum Pathen sa hei ka-eh ti manhret ruh.... Pathen sa kachang jo mi inkhat khan setna tlo manjom mak jo ti einin niman hret, ajarchu akathamak inkhat khan ama asuk manset tormak nasik Pathen Sapa khan akahuk ah ka-eh. 1 John 2:29; 5:18 Jesun amasonna, Kadik tak a kahri pek che ka-eh; tuachang innum ante thermak mi khan Pathen Reng ram kha hmu tormak ning, ati. John 3:3 ... takkha nangni chu Pathen Rathia a intheng jochei; Pathenna inpe sot jo chei; Rongpu Jesu Christa rahminga Pathen leh inthoiya akadik kachen kachang jo chei. 1 Corinthians 6:llb /29 SETNAA THI-CHRISTAA HRINGSOT Hmalai khan nangni setna leh tong juimak jarra rathia ting akathi chei ka-eh. ... Khana Christa leh inchun somna shunga marvan ramma Christa leh vai ronsom nasik ah Aman amathoi sa jome ka-eh. Ephesians 2:1 at 6 Eini setna akathi mea, khana akadik-a nihring nasik Christa ama tak in masetna hei kha ataksa chunga cross ah aron ka-eh. Asung bi ron vang khan nangni amandam jochei ka-eh. 1 Peter 2:24 Nangni Christa leh inthoiya hringna sik-a keimathoi kachang jochei, khava jarra Pathen chang tiriga Christa alen inongna marvan chunga akaom neinak hei chunga nanmalung manlhut ruh. Hiva ralei chung neinak hei chunga changloa, marvan chunga neinak hei chunga nanmalung daruh. Ajarchu nangni kathi jochei, khana Pathenna Christa leh inthoiya nanhring kho kha anthup jo ka-eh. Colossians 3:1-3 Kha changmak! Eini setna kathi jome, chu achang inchu, setna hei khong mo eini ala kahring thak thei sik-me? ... Khava kha leh inang hrep a nangni set a kathi jochei, takkha Jesu Christa leh inthoiya Pathenna hringna khan akahring nan chang hi nanbinga mandon ruh. Romans 6:2 leh 11 /30 KUMLEIKOA HRINGNA Mose'n ram thoiya sum-engmari sung tlon inkhat vang alei makhei mansang kapoa mihring Sapa kham makhei mansanga akaom sik ka-eh. Ajarchu tuachang innum akatak sen rakip in kumsot hringna anei nasik ka-eh. John 3:14,15 Khana hiva hi kumsot hringna kha ka-eh: tichu nang rok akadik tak Pathen nachang leh nayong tir Jesu Christa kha mihei taman hret sik hi ka-eh. John 17:3 Tuachang innum Sapa kataksen mi khan kumsot hnringna anei jo; tuachang innum Sapa kataksen mak mi khan hringna hmuhermak ning, takkha Pathen hnuknatna achunga akaom thak sik ka-eh. John 3:36 Ajarchu setna tahio sot khachu thina ka-eh; takkha Pathen khut choi pek mankase khachu ni Rongpu Jesu Christa leh inthoiya inchunna shunga kum sot hringna kha ka-eh. Romans 6:23 Akadik tak kahri pekchei ka-eh: tuachang innum katong hri katheiya^ aniyong katirpa kataksen mi khan kumsot hringna anei jo. Aman thina arakan sot a hringna anei jo ka-eh, atong intanmak jo ning. John5;24 /31 HUKMANHRING HI INCHENNA KA-EH Hinna hin Pathen Rathia leh eini rathia anchun heiya eini Pathen sa nichang kha aman hri sot me ka-eh. Romans 8:16 Tuachang innum Sapa kachen rakip in hiva hringna hi anei jo; takkha Sapa kachen mak mi khan hringna kha neimak. Pathen Sapa rahming katak sen nangnin kumsot hringna nannei jo ti nanman hret nasik hi ken kahei mazet ka-eh. 1 John 5:12,13 Tuachang innum katong pek hei inlhanga akayui mi kha kei inlungset ka-eh. Kei anin lungset mi kha kaPan amalungset sik ka-eh: kennum ama kamaluneset sik khan chu amahneng kei kabinga inlar sik eng ka-eh, ati. John 14:21. Ajarchu mi rakip in akadik heimo ka-eh tikha antio sik, khava khan mongna kaom sik khanna kutsuk-kesuk nasik aheitik-a oniak ning. Isaiah 32:17 Nangni Asa hei nanchang malar nasik, Pathen in Asapa Rathia kha ni mulling shunga ayong tirra, khava Rathia khan, Apa, Kapa, tia abek. Galatians 4:6 Pathen in apek jome a Rathia vang hin, eini Pathenna niom khana Pathen einia aom kha niman hret ka-eh. 1 John 4:13 /32 SHUNGA KAOM CHRISTAN INPAKNA APEK Tunchu kei nahnenga kahong sik jo eng, khana anmanin kanpakna kha anmalung shunga akhenga pui katluk a annei thei nasik, ralei chunga hihei hi kahri ka-eh. John 17:13 Takkha ken nangni kanhmu pui nok sik chei, khana nanmalung shunga inpakna kasip sik, khang khava inpakna kha tuten num nangnia inphut losot tormak ning. John 16:22b Hei jarramo nitin chu, Pathen Reng ram kha sak leh in lang tinga changmak, takkha Rathia Intheng tapek dikna, intok-inchamna, inpakna hei hi ka-eh. Romans 14:17 Khava jarra kei hringmak jo eng, kashunga akaom Christa kha akahring ka-eh. Galatians 2:20 Kei nanchunga kanpak a, khana nangni naninpakna pui atluk thei nasik a hiva hi kahri pek dek chei ka-eh. John 15:11 Nangin kei hringna ting kayon lham kha naman hmu sik; naang kunga kanpakna kasip phet, khana nantang puina engin ahei tik a amanhoieng. Lha 16:11 Nangnin Ama nanhmu mak ra- vang nanlungset-a ka-eh; khan chu tun nanhmumak ravang Ama nantaksenna ka-eh; khava jarra hri thei loa inhnak tak-a inpak cheiya ka-eh. 1 Peter 1:8 /33 RONGPU TONG YUI SIK ARANGEI Thina sik setna sok achanga, Pathen leh akadik-a dasap nasik sok achanga, athoiya nanva Ihuta, pa tong kayui sik leh asok nanchang sik kha nangnin inchenna naman hret-a ka-eh. Romans 6:16 Khana nangni khodeng kathei chei kha hoina apek sik chei, keinim hoina apek sik ung ka-eh. Hiva hi Rongpu Jesu kha marvan na inphut amarvan ngeva kalenhei leh inthoiya ayong in lar pha leh, Pathen inhret mak hei leh, ni Rongpu Jesu Christa Tongkatha kayuimak hei kha aman hmei male vang tanti apek sik hei ka-eh. Anmani Rongpu lurna kalen tak hmai kunga inphut kei sot-a kaom sikheiya kha kum leikoa khodeng theina tanti anta pek sik hei ka-eh. 2 Thessalonians 1:7-9 Ajarchu Dan tong kathei hnam rok mi kha Pathen hmai kunga akadik changmak; takkha Dan tongpek katio mi kha Pathen hmai kunga akadik-a akaom ka-eh. Romans 2:13 Tuachang innum songkot a kahlut a khopui akatlung, hringna thing kung kara kasa sik rahoi kasok, khana apon shi kasop intheng mi kha amaham katha. Tongphong 22:14 /34 MIHEI HMAI KUNGA CHRISTA NIHNOM SIK KA-EH Khana Pa Pathen kha manlur nasik, Jesu Christa kha Rongpu ka-eh tia mi rakip in inphung tak-a anta on sik ka-eh. Philippians 2:11 Tuachang innum mihei hmaikunga kei in lhang kha, kennum marvanna kaom kaPa hmaikunga karalhang sik ka-eh. Takkha tuachang innum mihei hmai kunga kei sik-a kahnomrnak kha, kennum marvanna kaPa hmaikunga ama kahnom pekmak sik ka-eh. Matthew 10:32,33 Tichu namalung ahnomma, nabei in, Jesu kha Rongpu ka-eh, ti na hri sot inchu, khanna Ama thina inphut Pathenin akei mathoi jo ti nan malung shunga taksenna na nei inchu, nang hukman hring kachang sik che. Ajarchu einin nihnomna kha nibeiya nihri sot jo khan hukman hring kachang jo me ti nimalunga nitak sen jarra, Pathen leh kadik a ada sap jome ka-eh. Romans 10:9,10 Ajarchu Asapa kahnom mak mi khan aPa kham ahnom pekmak ka-eh; Asapa inlhang mi khan aPa kham aralhang ka-eh. 1 John 2:23 Mi inkhat kei leh katong anya puiya achang inchu, mi hring Sapa khan apa lurna leh a ngeva hei lurna leh inthoiya ama kalur taka ayong pha leh ama pakha anya pui sik ka-eh. Luke 9:26 /35 SEITAN ANIKADOI KALENPEN KA-EH Nangin anmani anhmit naman varpek heiya kho inthimma inphut khovar ting nahei male sik hei ka-eh, khana seitan ratha hratna inphut Pathen ratha hratna ting nahei Ie sik hei ka-eh, khana anmanin kei antaksen eng jarra ansetna rangei mandam anchen sik khana Pathen takadei mihei karra anmanin hmun anta chen sik ka-eh, ati. Sonlehei Tontio 26:18 Khava pha Rathia khan Jesu kha ram thoiya Diabol taen mansin sik-a athoi sot jo. ... Khava pha Jesun ahnenga, Seitan, sesot roh; ajarchu hing hin inzet, Nangin Rongpu naPathen rok kha nakamuk-a asepa narazen sik kaeh, ati. Khava pha Diabol khan adahlon jo; khana marvan Ngeva hei kayong heiya Jesu sepa anhon tho pui jo. Matthew 4:1,10,11 In rin thak a, insing thei ruh! Ajarchu nantan repui Diabol kha sabakkai inhrung kapoa kalonna, tumo khat made sik a aen lea ka-eh. 1 Peter 5:8 Atorna penna nangni Rongpu ratha hratna vang leh ama ah inchunna shunga akangar kha chang ruh. Seitan lungthim kathamak kadoiya nanngir tor nasik, Pathen tapek chei revon rakip kha invon ruh. Ephesians 6:10,11 /36 SEITAN CHUNGA RETORNA Aman naipang hei ati kha, mihring taksa leh thisen karon hei hi ati achang jarra, Jesu ama tak kham anmani kapo inkhat hong kacbanga, mihring ngai ahong chen. Khana thina chunga tong kaneipa Diabol kha asuk manhmang thei nasik, Ama khanga ahong kathi ka-eh. Hebrews 2:14 Tuachang innum setna katio injom thak mi kha Seitan ta ka-eh; ajarchu Seitan khan anphut bia mphut setna alei tlo ka-eh. Seitan ton tlo hei kha akasu inhmang sik a Pathen Sapa kha ajong inlar ka-eh. 1 John 3:8 Khava jarra Christa lungsetna inphut tunmo eini akei then tor sik me? Khava hei seng chunga hin, anin lung setpa jarra pui katluk a akator kha kachang jome! Romans 8:35,37 Khava jarra nangni Pathen hneng hlut ruh. Seitan kha tingruh, khana Seitan kha nangnia inphut katlan sik jo. Nangnin Pathen hnai ruh, khanchu aman ahnai sik chei. James 4:7,8a Khava pha akathamak inkhat kha hong inlar sik, khana Rongpu Jesu ayong pha leh abeiya inphut akahu vang Akathamak kha atha sik khana alurna ayon lar vang asuk manhmang sik jo ka-eh. 2 Thessalonians 2:8 /37 LUNGSET, SONIE HEI ENMANSINNA KA-EH Ken mihring long hei leh marvan tirle hei tong kayom thei innum, lungsetna kanei mak inchu, katong kha dar mahring leh sumkhut ben mahring kapo hrep kha ka-eh. 1 Corinthians 13:1 Takkha Rathia kara khachu: lungset, inpak, intok-incham, dehrat, lumlo, thatna, taksen thei kachang, mi'n lungset, binga ansurtor. Galatians 5:22, 23a Mi inkhat in, Ken Pathen kalungset, ti sonna, au-anai aen kada achang inchu, ama amalei kasei; ajarchu aman aunai hmen lungset loa, ahmita ahmumak Pathen kha hei khong mtf alungset sik? 1 John 4:20 Nangni inkhat leh inkhat nanin lungset a achang inchu, mirakip in nangni kasonie nanchang kha anta manhret sik chei ka-eh. John 13:35 Voi hni tlukna Jesun ahnenga, John sapa Simon, kei nalungset eng mo? ati nok a ka-eh. Aman amasonna. Ok, Rongpu, ken kamalungset che nangin naman hret a ka-eh, ati. Jesun ahnenga, Kakemong hei hrung katha roh, ati. John 21:16 Einin nisopui hei ni lungset niman hret; khan chu thina kha nida Ihon joa hringna ah hong kahlut jo me ti nimanhret. 1 John 3:14 /38 JESU CHRISTA HRINGNOKNA Jerusalemma leh Judea ram shunga aton tlo rakip an hret chen kha keini ung ka-eh. Anmanin ama kha Cross chunga ankir mankop a antha joa ka-eh. Takkha nilhuin ning Pathen in ama thina inphut nmathoiva, khana ama inlarra ka-eh. Ama mirakip in lei hmumak hei, takkha asakhi kachang sik a Pathen takadei sotsa ung keini rok in kanhmna ka-eh. Ama Pathenin amathoi sot soa kanta saksap puiya kanta insap pui ka-eh. Sonlehei Tontio 10:39-41 Jesu thina inphut athoi so pha, hapta kani hma inkei pen ning jingkar hma pen Mary Magdalene achunga tai (seitan) sari ahnong sot nu hneng inlarra ka-eh. Mark 16:9 Hapta khat so a sonie hei kha Thomas jaona inn shunga intup nok joheiya ka-eh. Kotkhar hei ankir, takkha Jesu ankarra hong kangirra anhnenga ahria, Malung mongnan ompui chei rasoh, atihei. Khava soa aman Thomas hneng, Hin kakhut hong kahmei inna hong enroh; khanchu nakhut hong kaban inna kamanak hong sit roll. nangin nataksen mak kha taksen jo roh! ati. Thomas in amasonna, Ka Rongpu leh Ka Pathen! ati. John 20:26-28 /39 JESU HRINGNOKNA HI EINI HEI INHORNA KALENPEN KA-EH Hiva hi inandon lha mak ruh: ajarchu akathi rakip in thian khurra inphut a ama rasa anthei pha, anthlan khurra inphut anhong sok nasik pha kha ala yong katlung sik ka-eh; ton katha katio hei kha akahring sik a kathoi sikhei, khana thatmak katio hei kha antong tanna sik a akathoi sik hei ka-eh. John 5:28,29 Pa lurna ratha hrat khan Christa kha thina inphut akei mathoi kapoa, eini bring kho thar inkhata nihring nasik, baptize nichang hi athina Ama leh akathi sap mea, eini ama leh anvum sap jo me ka-eh, Hei jarramo nitin chu, Ama athi kapoa einim athina shunga khan Ama leh inthoiya hmun khat a nilei thin chu, Ama hringna akei mathoi kapoa, einim ama leh inthoiya hmun khat-a hringna akei mathoi sik me ka-eh. Romans 6:4,5 Takkha Christa kha nan shunga aom inchu, ... Pathen leh inthoiya kadik a adasap jochei jarra Rathia kha nangni sik-a hringna kachang jo. Thina inphut Jesu hringna kakei inthoi Pathen Rathla kha nanshunga aom inchu, nantaksa akathi sik kham tun nan shunga Rathia kha aom jarra Christa thina inphut kakei inthoi Pathen khan hringna apek sik chei ka-eh. Romans 8:10,11 /40 RONGPU SIK-A TAKSA INTHENGA OMSIK Khanchu ani kadoi heiya inphut ahuk sot sik mea tong atep. Eini ni hring lai seng ahmai kunga antheng leh akadik nichang nasik ahnom pek me. Luke 1:74, 75 Kathun marit hei, hihei seng hi ein; hnenga atong tep kha ka-eh. Khava jarra Pathen katit tak-a akahring, pui katluk tak-a intheng nasik jong rih; taksa leh rathia intheng makna inphut nibing eat-a intheng sot rih. 2 Corinthians 7:1 Nan malung thieng mala. la tuiya ken baptize katio chei; takkha kei kanek-a kalen ratha kanei tak inkhat kakahnunga kahone ake-kok kachoi sik bekam kei rahoi changmak; aman nangni Rathla Intheng leh hmei vang baptize atlo sik chei ka-eh. Matthew 3:11 Pa Pathenin alung do tak-a nangni aRathIa vang mi intheng inkhat kachang sik-a leh Jesu tong kayui sik ah athisen vang asuk mantheng cheiya akadei sot jochei ka-eh. 1 Peter 1:2a Tuachang innum mi inkhat in hiva thatmak hei rakip a inphut a hin abi-binga ansuk inthenga achang inchu, ama kha marit taka hmang sik kachang sik, ajarchu ama Rongpu tahmang sik-a anpe sot ton katha rakip sik-a antluk ka-eh. 2 Timothy 2:21 /41 RONGPU SIK-A TAKSA INTHENGA OMSIK Khava jarra Jesu thisen vang mihei setna mantheng nasik, khopui s6ng kot vang ting akathi ka-eh. Hebrews 13:12 Eini ahmai kunga thena kase antheng nichang nasik, vanhnoi ralei syemmak hma inphut Pathenin ata kachang sik mea,Christa ah alei kadei jome ka-eh. Antheng leh akadik tak kachang bring kho kadik tak-a abi-binga aniar, Pathen kapo hrep a ansyem hring kho ther nunchen kha nangnin nanlan von sik ka-eh. Ephesians 1:4; 4:24 Takkha einin nisetna hei Pathen hneng nihri sot-a achang inchu, akadikmak nilei tlona rakip a inphut aman aman theng sik me, khana nisetna hei kha arangei mandam sik me, ajarchu ama akadik katlo taksen thei tak kha ka-eh. 1 John 1:9 Hingahin neinakseng hi anhmang sosik jo jarra heikhong hringkhoamo akaom sik jochui? Nan hringkho apum-a pui katluk-a Pathen hneng nantapek sot sik ka-eh. 2 Peter 3:11 Mirakip leh intok incham nasik leh hring kho inthenga om nasik tak intlo ruh, ajarchu khava loa chu tuten Rongpu kha hmutormak ning. Hebrews 12:14 /42 RATHLA INTHLENGA SIP-PHIT MI Nangni aka thamak chei in hmen, nansahei neinak katha pekze nanmanhret inchu, marvanna kaom nan-Pa rarap khan chu akakhe cheta akader hei hneng Rathla Intheng kha ayong pek sik ka-eh, ati. Luke 11:13 Khana anmanin ander so pha, anin tupna hmun kha innok-a ka-eh. Khava pha anmani seng Rathla Intheng kasip phet heiya kangam tak a Pathen tong anhri inphut joa ka-eh. Sonlehei Tontlo 4:31 Nanshunga Karathla kada pek sik chei, khanna katongpek leh dan katapek seng nangnin nan jui ken kahmu sik. Ezekiel 36:27 Achang ravang Pathen Rathia kha nanshunga kadik tak-a akaom achang inchu, Rathia taman thei chei dung juiya akahring jochei ka-eh; taksa ralei mihring ngai taman thei chei dung juiya akahring changmak jochei. Tuachang innum Christa Rathia kaneimak mi kha Christa mi changmak. Romans 8:9 Takkha Rathia Intheng kha nanchunga ayong pha leh nangnin ratha hratna nannei sik. Sonlehei Tontlo l:8a Antioch a kaom sonic hei kha Rathia Intheng leh inpakna kasip phet joheiya ka-eh. Sonlehei Tontio 13:52 /43 CHRISTIAN HEI HNENGA ANLAK TONGTEP PEK Rongpu kha mulling kangui hei hneng inhnaiya kaom; arnan inhorna kanei hermak mihei kha ahukhei. Lha 34:18 Jesun ahnenga ahria: kadik, nangin nator inchu; taksen kanei mi sik a heirakip ka-eh thei so pet, atia ka-eh. Mark 9:23 Kasopui marit hei, enmansinna de intaktak nan chunga ajong tlung pha, ngai phung hermak kanchunga jong katlung jo tia inperm ak ruh. Khava kanek-a inpak jok ruh, ajarchu alurna kha anphong pha tak leh, naninpakna kha pui atluk thei nasik Christa deman rimna kha nangnin nanta chen pui ka-eh. 1 Peter 4:12,13 Aman anhmit rathli ahni man hi pek sik hei ka-eh. Thina omnokmak jo ning, khanchu malung inrimna, natna leh tana omnokmak jo n'ng. Neinak maro rakip inhmumak jo. Tongphong 21:4 Rongpu kha taksen roh khana akatha tlo roh; naomna ranima khan kamonga kahring sik che. Lha 37:3 Ahma inkeiya Pathen Rengram leh Adikna kha jongruh, khana khava heiseng kha nangni inpeksa sik chei. Matthew 6:33 Khana enruh, pha anchai katlunga aheitika ken kanthoi pui thak sik chei, ati. Matthew 28:20 /44 MATHLEMNA KATLA HEI HNENGA TONGTEP PEK Khana Ama khet'um mathiemna aratoa khana khodeng theiade manrim achang jarra, tun hin mathlemna kaom hei kha aman anthopui torhei ka-eh. Hebrews 2:18 Ni-lung mongna kung kachang Pathenin iorang tak-a seitan kha nanke thoiya amanchon rachi sik chei. Romans 16:20a Mi katha khan khodeng theina katam tak anei, takkha khodeng theina rakipa inphut Rongpun ama ahuk a ka-eh. Lha 34:19 Nan chunga mathiemna akahong rakip kha mihring tade tor sik kakhea hongmak. Ajarchu Pathen kha atong tepna chunga khan taksen kaomtak ka-eh. Aman nantade tormak sik, akakhea mathlem nasik hnommak nmg; takkha mathiemna nan ompha, detor nasik ratha apek sik chei; khan chu apesot thei nasik lhamum aman amantluk pek sik chei ka-eh. 1 Corinthians 10:13 Khana hiva pha bong khat azingte inrim khodeng thei kanta de hin pha ka.sot tak-a lurna sik athoi sik ung ka-eh, kanin rimna kha mahamthatna khan hingya akhe sik ka-eh. 2 Corinthians 4:17 Ajarchu, Pathen taman tluk dung juiya abek hei, ama inlung set mihei that nasik, heirakip inchun eat-a ton atlo ka-eh, ti einin niman hret. Romans 8:28 /45 AKATOR HEI HNENGA TONGTEP PEK Ken kapa bek inn shunga ama kha chopui inkhat kaman chang sik, khana ahei tik-a aman kha ada Ihonmak sik ka-eh. Ken ama chunga kaPathen rahming leh kaPathenna inphut marvanna kayong Jerusalem thar kaPathen khopui rahming kha achunga kamazet sik ka-eh. Karahming thar rum achunga kamazet sik ka-eh. Tongphong 3:12 Torna kanei hei kha hiva pon kachek kapo anin shi sik, khana hringa lairik rabu shunga inphut anrahming manhmang pek mak hei ning. Khana KaPa hmai kunga leh angevahei hmai kunga, Anmani kei tahei ka-eh, tia inlar tak-a kahri sik. Torna kanei mi kha, ken torna kaneiya, tun kaPa len inongna hnenga kanong jo kapoa, ken kalen in ongna hnenga an ong nasik kapek sik ka-eh. Tongphong 3:5,21 Tuachang innum torna kanei mi kha hiva hi keiya inphut achen sik ka-eh: Kei a Pathen kachang sik eng, khana ama kasapa kachang sik. Tongphong 21:7 Khava jarra nangin kor nanei inchu, Rathlan bekrup hei hnenga ata hri kha rangei roh! Torna kanei ama hnenga khan Pathen rahon shunga akahmong hringna thing kung kara kha asak nasik kapek sik ka-eh. Tongphong 2:7 /46 SANGHRAM INTHEN CHUNGA PATHEN TONGPEK Nuhmeihen puise anta nei sik a ken tong pek inkhat kanei, hiva hi kei tapek changmak, Rongpu tapek ka-eh. Puise kanei nuhmei khan apuise inthen puimak rasoh. Amanun apuise anthen pui inchu, ama abinga omrasoh: kha achangmak inchu ama apuise leh inbe thei nok rasoh: khana puise inkhat in anuhmei damak rasoh. 1 Corinthians 7:10,11 Manenna inkhat-a, puise kanei nuhmei inkhat, apuise hring lai seng amanu kha dan khan apuisea akhit ka-eh; takkha apuise kha athi jon chu, dan in amanu kha apuisea inphut amaso jo ka-eh. Khava jarra apuise hring laiseng amanu kha pase Ihop inkhat leh avaom inchu, amanu kha mikayong anti sik ka-eh; takkha apuise kha athiyon chu ... masojo ka-eh. Romans 7:2,3 Tuachang innum anuhmei kada a nuhmei Ihop kaom pui mi kha akayong ka-eh; khana mita da nuhmei inkhat kaom pui mi kham akayong ka-eh. Luke 16:18 Yong jarra changloa, mi inkhatin anuhmei anthen pui (ada) jinchu, khana amanu khan puise thar anei jinchu, amanu kha aman aman yong jo ka-eh; khana mitan thenpui (danu) kaom pui mi kha tuachang innum akayong ka-eh. Matthew 5:32b /47 CHRISTA VOIHNI TLUKNA YONGNA SIK Khana kasea nangni sik hmun kava mantluk so leh yong inie nok sik enga kha, kahnenga sik a kahong thoi sik chei, khava jarra kei omna hmunna khan nangnim akaom sik chei ka-eh. John 14:3 Kei jong inrang sik eng. Nang in natorna mana kha tuten amaruk sot tormak nasik, nachen kha inda katharoh. Tongphong 3:11 Khava jarra tuachang innum tunlai setna leh thatmakna khang shunga hin kei sik leh katong sik jarra anzak mi inkhat sik akhan, mihring Sapa kham apa lurna leh inthoiya angeva intheng hei leh anyong pha anzak sik ka-eh, ati. Mark 8:38 Khava pha mihring Sapa jong nasik hmer chikna sik kha inhmu sik jo; khava pha ralei chung jat rakipin an-op ankaben na katap sik hei, khana mihring Sapa kha marvan sumtuk chunga arathanei naleh alurna kalentak leh inthoiya anmanin anhinu sik jo. Matthew 24:30 Nangnin num khang khan ade hrat ruh. Rongpu yong nasik kani kahnai jo, inhor tak a dehrat ruh. James 5:8 Ajarchu niso tinga kho ahonphe khan atlai tiak katlung araang kapoa mihring Sapa kayong sik kha khang, kati sik ka-eh. Matthew 24:27 /48 CHRISTA VOIHNI TLUKNA YONGNA SIK Anmani inhnin anhnenga, Ea, Galilee mihei, heisamo akangir cheiya marvan ting nanta en? Hiva Jesu, nangnia inphut marvanna anthoi tou nanta hmu kapo-poa hin ama ayong inie nok sik ka-eh, anti. Sonlehei Tontio 1:11 Khava pha mi hring Sapa kha ratha kanei tak-a leh kalur tak-a sumtuk chunga kayong sik a-kha ayong inlar sik ka-eh. Luke 21:27 Kathon marit hei, eini Pathen sa kachang jo me, takkha heimo ala hong kachang sik me ti einin inchenna laman hret mak hi me. Takkha einin hi niman hret; tichu Christa ajon lar pha, ama inchen tak-a nihmu sik, khana einin ama nipo sik ka-eh. Christa kha antheng achang kilpoa, tuachang innum Christa ah inhorna kanei mi kha abinga insu intheng rasoh. 1 John 3:2,3 Rangei ruh! Kei inru kapoa kayong sik eng ka-eh! Mipui karra ponsi derkeiloa kaoma inzak aratomak nasik, kahlini tak leh kasing thei tak-a apon ader kaen in tup mi kha amaham katha! Tongphong 16:15 Ajarchu mihring Sapa kha Apa lurnaleh inthoiya amarvan tirlehei leh akayong sik ka-eh, khava pha leh mi rakip an tontio dung juieat-kara apek sik ka-eh. Matthew 16:27 /49 PATHEN TONG DERNA LEH RANGEIMANDAM Marvan leh ralei chu inhmang sik, takkha kei tong chu inhmangmak ning, ati. Luke 21:33 Ajarchu sansot sik tong kha mihring lungdo a inphut hong sok phungmak, takkha Rathia Inthengin mihei chunga ton atloa Pathenna inphut akayong tong kha anta sansot ka-eh. 2 Peter 1:21 Ajarchu Tong Intheng rakip hi Pathen kaphuk masa khum ka-eh, Pathen ton katio mi kha fon katha rakip tlo nasik pui katluk a rahoi kasok chang nasik intlukna, akadik inthei nasik, akafhe manse nasik, akadikmak mandik nasik. 2 Timothy 3:16,17a Nangnin hing hin derruh: Marvanna kaom kanPa Pathen: Narahming kaya omrasoh; Narengram yong tlung rasoh; Marvanna nalungdo antio kapoa, raleichunga intio rasoh. Tuning kani kankatluk sakleh-in aperoh. Keinin kan chunga akathe hei kanta rangei mandam kapoa kanta fhe arangei mandam roh. Mathlem na athoimak roh, takkha akathamak inkhat a-inphut ahuk sot roh: ajarchu Rengram, Rathahrat, khana Lurna aheitika nata ka-eh. Amen. Matthew 6:9-13