Bo_ ma tho ei lae xu yi wu. thi cu. ma

Sae mya Baekhei

1:1 Yii ce wi wu. kwa be jo_ma-. ngwa nu: pa ja koe_ ma-. ngwa nu: lo. nyi si-. ngwa nu: mya sei le mo., nyi_ ma-. ngwa nu: lae pha, le xew. nyi koe ma sae; mya Baekhei tae bae_ nya-. 2 Sae; mya thew ma nya mo. gei la.,o= Ba, ba_ be thi wa_ tya_ ma be-. ngwa nu tae mo. gei la_ ma thi tsi thi pa ma sae; mya thew ma ngwa nu mo., koe si-. soe ja mo ja si nyi nu wa tae_ mi bae ma. gei_ lo= 3 Ngwa nu ja lae kho_ ma nya-. cue cue b b_ be Yiabi Yesu Jisu_ be ja lae kho_ ma nga si-. nu wa_ be ngwa nu j., lae kho na, ma-. ngwa nu: mo., nyi_ ma_ be pa ja nyi_ ma nu wa tae_ mi bae ma. gei_ lo= 4 Ngwa nu thew mya xue: bo gei fu la_ ma nya-. nu wa ka, chi du bi.. le tzi na, ma nga lo=

Nyi mo du

5 Wusa nya nyi mo du nga si-. yi nae.; kwa nae tsi, ma a ti. rza_ mi ma: jo= Thew ma nya yi tae be ngwa nu: pa ja koe si-. nu wa tae bae gei_ ma do: nga lo= 6 Ro nya yi_ be ja lae kho_ lo-. bae si-. nae tsi, ma kwa xew:_ thae na:-. ro kei. si tew,_ ma ma: ye ma nga lo= 7 Go lew nga_ mi yi nya nyi mo du kwa tya_ ma_ le be-. ro_ mi nyi mo du kwa xew:_ thae na:-. ro thi ro cho: thi ro ja., lae kho le si-. Yiabi Yesu Jisu yi xue: le ro tzui a jue tae si xya., le tzi_ lo=

8 Ro ci chya a xue: tzui ma: jo-. bae_ thae na:-. ro ci chya tae kei. si-. ro ni, ma nae.; kwa_ mi tew_ ma ma: dae,= 9 Ro nya ci chya tzui roen_ thae na:-. ro tzui ga: gei si-. ro ma: ji xya ma a jue tae si xya., le tzi na, ma-. Wusa nya va lew bo_ ma be tew zo_ ma nga lo= 10 Ro nya tzui ma: ye nyi-. bae_ tae na:-. ro le yi tae kei. su phyew la tzi si-. yi bae khei_ mi ro nae.; kwa ma: dae,=

Wusa yi thue wa

2:1 Ngwa rza new rza buo-. ngwa nu wa tae thew mya xue: bo gei fu la_ ma nya_ nu wa tzui ma: ye na, ma nga lo= Go lew si a ma tzui ye koe biw nya-. ba, ba tya kwa ro bew ei gei., yi: ja su thi ro jo_ lo= Yi nya ji xya su Yesu Jisu nga lo= 2 Tzai yi nya ro tzui bew ei vei., na: le_ ma ti.. du nga lo= Ro bew ei_ le ma: tsi-. mue ko, due due su tzui bew ei, mi nga lo=

3 Go lew si ro nya yi thue; wa tae phue: cho_ thae na:-. thew ma kwa be ro yi tae soe_ ma ro soe_ lo= 4 Ngwa yi tae soe_ lo-. bae si-. yi thue; wa tae ma: phue: cho su na:-. kei. su nga si-. tew_ m_ mi yi nae.; kwa ma: dae,= 5 Go lew nga_ mi a ma yi baekhei phue: co_ ny-. Wusa nue., ni, yi nae.; kwa cue cue zo: de.. leo= thew ma kwa be ro ny yi nae.; kwa tya_ ma ro soe_ lo= 6 Ngwa nya yi nae.; kwa ty_ lo-. bae su nya-. yi ci chya_ mi yi xew: koe ma_ le be xew: ji: jo_ lo=

7 Yi rza nyi rza buo-. ngwa nu., wa tae bo gei fu l_ ma nya-. thue; wa yi xue; thi cew, ma: nga= Nu wa yi wu. thae_ le jo_ ma thue; wa yi lue.. nga lo= thue; wa yi lue.. thew ma nya nu wa pa ja_ ma baekhei nga lo=

8 Tzai nya ngwa nu wa tae bo gei fu la_ ma ny-. thue; wa yi xue; thi ma nga lo= thew ma nya yi nae.; kwa_ mi nu wa nae.; kwa_ mi tew_ ma nga lo= A lio bae nya nae tsi, ma nya ko. koe si-. tew_ ma nyi mo du nyaei mei_ le ro la.,o= 9 Nyi mo du kwa tya_ lo-. bae si-. yi yi; yi nyi tae ni, zo su ny-. a mei kwa chi nae tsi, ma nae.; kwa tya_ se: lo= 10 Yi yi; yi nyi tae ni, nue., su nya nyi mo du kwa ty_ ma nga si-. yi nae.; kwa lew. koe du ma: jo= 11 Go lew nga_ mi yi yi; yi nyi tae ni, zo su na: nae tsi, ma kwa tya si-. nae tsi, ma kwa xew: si nyi-. a li kwa je_ lo_ mi ma: soe= A lio bae nya nae tsi, ma le yi mei sei tae tei.. le tzio=

Mi nae tae ma: ni nue na ma khei. gei_ ma

12 Rza new rza buo-. yi myew.. pei du nu wa tzui nga. va mei_ nyi-. ngwa nu., wa tae tho ei lae xu bo gei fu la_ ngo= 13 A: ba buo-. yi ce.. yi wu. thae_ le jo tya su go thi ro tae nu wa soe_ nyi-. ngwa nu wa tae. tho ei lae xu bo gei fu la_ ngo= rza: gu lae. buo-. nu wa nya ngei_ ma go thi ro tae hwa. le nyi-. ngwa nu wa tae tho ei lae xu bo gei fu la_ ngo= Rza new rza buo-. nu wa nya ba, ba tae soe_ ma kwa be-. ngwa nu., wa tae tho ei lae xu bo gei koeo= 14 A: ba buo-. yi ce yi wu. thae_ le jo tya su go thi ro tae nu wa soe_ nyi-. ngwa nu wa tae tho ei lae xu bo gei koeo= Rza: gu lae. buo-. nu wa sae; jo si-. Wusa baekhei nu wa nae.; kwa dae si nyi-. ngei_ ma go thi ro tae_ mi nu wa hwa. le nyi-. ngwa nu wa tae tho ei lae xu bo gei koeo=

15 Mi nae_ be mi nae kwa dae_ ma tae tha: ni, nue= A ma_ mi mi nae tae ni, nue biw nya-. yi nae.; kwa ba, ba nue ni, ma: dae,= 16 A lio bae nya mi nae kwa jo_ ma-. hwa: go dew vae. ni, jue_ ma-. mya sei: mya vae._ ma. be-. thew thi rzei ma khei: kha du a jue nya-. ba, ba tae be ma: nga-. mi nae kwa be nga lo= 17 Fai mi nae_ be mi nae kwa ma vae. ni, jue_ ma nya ko. je tya_ lo= Wusa ni, lei Yesu na: thi tsi thi pa jo ty_ ngo=

Jisu tae to, pha a ma nga ma

18 Rza new rza buo-. a mei na: lo, ye tzi. nga lo= Jisu tae to, pha go thi ro la_ ngo-. be nu wa pa ja koe ma_ le be-. a mei_ mi Jisu tae to, su a mya, tu la.,o = thew ma kwa be a mei lo, ye tzi. nga ma ro soe_ lo= 19 Yi wa nya ro tae be do jeo= Go lew nga_ mi yi wa ro kwa ma ma: nga= A lio bae nya yi wa ro kwa ma nga thae na:-. A thae_ mi ro_ be thi wa_ tya_ lo xue: nga lo= yi wa do je_ ma ny-. yi wa a jue: ro kwa ma ma: nga ma mo. gei do la na, ma nga lo=

20 Tzai Sixyasu go thi ro le nu wa tae me.. tsei me gei_ ma mei le si-. a jue lew.; tae nu wa soe_ lo= 21 Ngwa nu., wa tae tho ei lae xu bo gei fu la_ ma nya-. tew,_ ma tae nu wa ma: soe ma kwa be ma: nga= Tew_ ma tae nu wa soe si-. kei._ ma nga tha po nya tew_ ma kwa be la_ ma ma: nga ma nu wa soe_ nyi-. bo gei fu la_ ma nga lo= 22 Kei. su nya a ma nga la? Yesu nya Jisu nga lo-. be ma: roen su go ma ma: nga la? Ba, ba_ be Abi tae ma: roen su yi nya Jisu tae to, pha nga lo= 23 Abi tae m: roen su a ma ng_ mi ba, ba_ mi ma: jo Abi tae roen su na: ba, ba_ mi jo_ lo=

24 Yi wu. thae_ le pa ja_ ma go ma a thae_ mi nu wa nae.; kwa dae, tzi= Yi wu. thae_ le pa ja_ ma a thae_ mi nu wa nae.; kwa dae, tzi_ thae n:-. nu wa_ mi Abi nae.; kwa_ be ba, ba nae.; kwa tya_ ngo= 25 Yi le ro tae gei ja mo_ ma ja mo khei nya-. thi tsi thi pa ma sae; mya nga lo= 26 Ngwa nu., wa tae thew mya xue: bo gei fu la_ ma nya-. nu wa tae ho: wu. je_ tya su tae gu.. si bae ta ma nga lo= 27 Nu wa na: yi kwa be me.. tsei me mei_ ma nya-. a thae_ mi nu wa ni, ma kwa dae, si-. a ma_ mi nu wa tae ma. gei ma: chi= Si.. pha tsei me gei_ ma le-. a xue kwa_ mi ma. gei la_ ma_ le be-. tzai me tsei me gei_ ma thew ma nya-. tew, cue, ma nga si-. khei._ ma ma: nga si nyi-. nu wa tae ma. gei_ ma_ le be-. nu wa nya si.. pha nae.; kwa tya nae_ lo=

28 A mei rza new rza buo-. yi mo. gei la_ thae ro ni, wu: si-. yi la_ thae yi mi: jya kwa ro ma: xa. to le na, ma-. nu wa nya yi nae.; kwa tya= 29 Yi nya ji xya_ ma nga ma nu wa soe_ thae na:-. ji xya_ ma Yesu a jue_ mi yi le vue ta ma nga ma nu wa soe_ lo=

Wusa rza new a jue tzui ma: ye ma

3:1 Ro tae nya Wusa rza new kuu wa na, m-. ba, ba le bo tae a li lu xue nue ni, gei l_ ma tae due ja nyi= Ro nya cue cue yi rza new nga lo= Thew ma pei du mi nae tso rza ro tae ma: soe= A lio bae nya yi tae_ mi ma: soe nyi=

2 Ni, nue_ ma buo-. a mei ro nya Wusa rza bu nga lo= Go le si sa gwa ro a xue phtew l_ ma-. lo ma: do la se= Go lew nga_ mi yi mo. gei la_ thae-. ro nya yi phyew: ei le_ ngo-. be ro soe_ lo= A lio bae nya yi ali nga ma-. ro yi tae mo_ ngo= 3 Go lew si a ma nga_ mi yi tae mo. ngo lo. du thew ma jo su nya-. yi si xya_ ma_ le be ci chya tae si: xya le tzi_ lo=

4 Tzui Yesu a jue nya jue: ka tae chya_ ma nga lo= A lio bae nya tzui nya jue: ka tae chya_ ma nga lo= 5 Go lew si yi mo. gei koe ma nya-. tzui ru va koe na, ma nga si-. yi nae.; kwa nya a xue: tzui ma: jo ma nu wa soe_ lo= 6 Yi nae.; kwa tya su a m nga_ mi tzui ma: ye= Tzui Yesu a ma nga_ mi yi tae ma: mo nyi-. soe_ mi ma: soe nyi=

7 Rza new rza buo-. a ma_ mi nu wa tae tha: ho: wu. je tzi= Ji xya_ ma Yesu nya-. yi ji xy_ ma_ le be ji xya_ lo= 8 Tzui Yesu nya-. ni: wa ti tae ma nga lo= A lio bae nya ni: wa ti na: yi wu. thae_ le tzui ye_ lo= Ni: wa ti myew: tae bya le tzi na, ma thew ma wu. nyi Wusa Yiabi mo. gei la koeo= 9 Wusa le vue ta ma a ma nga_ mi tzui ma: ye= A lio bae nya Wusa yi xue. yi nae., kwa dae_ lo= Tzai yi na: Wusa le vue ta ma nga nyi tzui ye ma: ba la= 10 Thew ma kwa be Wusa rza new_ be-. ni: wa ti rza new lo. do la_ lo= Ji xya_ ma ma: Yesu_ be-. yi yi; yi nyi tae ma: ni, nue su a ma nga_ mi Wusa tae ma ma: nga=

11 A lio bae nya ro thi ro cho: thi ro ni, nue lae kho na ka_ lo-. bae_ ma thew ma nya yi ce yi wu. kwa be nu wa pa ja_ ma do: nga lo= 12 Thew ma nya koeyi;_ le be ma: ka= Yi na: ngei_ ma go th ro tae ma nga si-. yi nyi rza tae se; koeo= A xue wu. nyi yi tae se;_ lo bae nya-. yi ye_ ma myew: nya nga_ ma nga si-. yi nyi rza: ye_ ma nya ji xya_ ma pei du ngo=

Ni. nue lae kho_ ma

13 Yi; rza nyi rza buo-. mi nae tso rza le nu wa tae ni, zo_ nya tha: due ja mei= 14 Ro nya yi; rza nyi rza tae ni, nue_ nyi-. xue., kwa be do la si sae; mya kwa due: le_ ma ro soe_ lo= Yi yi; yi nyi tae ma: ni, nue su nya xue., ma kwa tya se: lo= 15 Yi yi; yi nyi tae ni, zo su a ma nga_ mi-. tso rza se; su nga lo= Tso rza se; su a li thi ro_ mi-. yi nae.; kwa thi tsi thi pa ma sae; mya ma: dae, ma nu wa soe_ lo=

16 Yi le yi sae; mya ro bew ei gei koe ma thew ma kwa be-. Wusa nue., ni, a xue: nga ma ro soe_ lo= Ro_ mi yi; rza nyi rza bew ei sae; mya gei ji: jo_ lo= 17 Go lew nga_ mi mi nae kwa ma phue: ei vue du jo su a ma nga_ mi-. yi yi; nyi xa. jue mue; jue_ ma tae mo., si-. yi tae xew. rza ni, tae cue. koe nya-. Wusa nue ni, a li be yi nae.; kwa dae_ se? 18 Rza new rza buo-. ro nya moe noe khei_ be la chew kwa be_ le tha: ni, nue= Ye_ ma be tew_ ma kwa ni, nue nae_ lo= 19 Thew ma kwa be ro na: tew_ ma kwa ma nga ma ro soe si-. ro ni ma tae Wusa mi: jya kwa thei le tzi_ ngo= 20 A lio bae nya ro ve: ni le ro tae tzui bae tsoe nya-. Wusa na: ro ni, ma thae si wu:_ ma nga si-. a xue_ mi yi soe_ lo=

21 Ni, nue_ ma buo-. ro ni, ma le ro tae tzui ma: bae tsoe tha na:-. ro nya Wusa mi: jya kwa ni, wu: du jo_ lo= 22 Yi thue; wa tae ro phue: cho si-. yi mi: jya kwa ni, phu_ ma ro ye_ nyi-. ro a xue: de:_ mi yi tae be mei_ lo= 23 Yiabi Yesu Jisu myew.. tae ro jue., si-. yi le gei la_ ma thue; wa_ le be-. thi ro cho: thi ro ni, nue lae kho na, ma-. thew ma nya yi thue; wa nga lo= 24 Wusa thue; wa tae phue: cho su nya Wusa nae.; kwa tya si-. Wusa_ mi yi nae.; kwa tya_ lo; go lew nyi Wusa ro nae.; kwa tya_ ma nya-. yi le ro tae gei la_ ma Va kwa be ro soe_ lo=

Va tae rza, nyi nae_ ma

4:1 Ni nue_ ma buo-. va nga thg=a po tae tha: jue.,= va goma Wusa tae be la_ ma va nga ma: nga-. rza, nyi= A lio bae nya mi nae kwa ma: tew ma moe noe tza su a mya, do la.,o= 2 Yesu Jisu nya hwa go dew kwa la koeo-. be roen_ ma va nga tha po nya Wusa tae be la_ ma nga lo= Thew ma kwa be Wusa Va tae nu w soe_ lo= 3 Yesu Jisu nya hwa go dew kwa la.,o-. be ma: roen ma va a jue nya Wusa tae be la_ ma ma: nga= thew ma na: Jisu tae to, pha yi va go thi ma nga lo= Thew thi ro la na ma nu wa pa ja nyio= A mei_ mi yi nya mi nae kwa tya_ lo= 4 Rza new rza buo-. nu wa nya Wusa tae ma nga si-. yi wa tae hwa. leo= A lio bae nya nu wa nae., kwa tya su go thi ro nya-. mi nae kwa tya su go thi ro thae si wu:_ lo= 5 Yi wa nya mi nae kwa m nga si-. mi nae kwa ma xa thew_ nyi-. mi nae_ mi yi wa tae na lo_ lo= 6 Ro nya Wusa tae ma nga si-. Wusa tae soe su nya ro tae na lo_ lo= Wusa tae ma ma: nga ma nya ro tae ma: na lo..= Thew ma kwa be ro nya-. tew_ ma va_ be kei._ ma va tae soe le_ lo=

Nue ni. ma: jo ma: da ma

7 Ni, nue_ ma buo-. ro nya thi ro cho: thi ro ni, nue lae kho nae_ lo= A lio bae nya nue ni, na: Wusa tae be la_ ma nga lo= tzai nya ni, nue su a ma nga_ mi Wusa le vue ta ma nga si-. Wusa tae soe_ lo= 8 Ma: ni, niue su nya Wusa tae ma: soe-. a lio bae nya Wusa na: nue ni, nga lo= 9 Ro nya yi kwa be sae. tya na ma-. Wusa le yi rza ti. tae mi nae kwa tzi fu la.,o= Thew ma kwa be Wusa ro tae ni, nue_ ma mo. gei la_ lo= 10 Ro nya Wusa tae ni, nue_ lo ma: nga= Yi le ro tae ni nue si-. ro tzui pei du vei., na: le_ ma ti du ye na, ma-. Yiabi tae tzi fu la.,o= nue ni, nya thew kwa nga lo= 11 Ni nue_ ma buo-. Wusa ro tae thew khei chi ni, nue_ nya-. ro_ mi thi ro cho thi ro ni nue lae kho ji: jo_ lo= 12 A thae_ mi Wusa tae mo., nyi su ma: jo= Ro thi ro cho thi ro ni nue lae kho_ thae na:-. Wusa nya ro nae.; kwa tya si-. yi nue., ni, nya ro nae.; kwa zo de leo=

13 Wusa yi Va ro tae gei la_ ma kwa be-. ro nya yi nae.; kwa tya si-. yi_ mi ro nae., kwa tya_ ma ro soe_ lo= 14 Ba ba le Abi tae mi nae tso rza cyu si pha ye tzi na ma tzi fu la_ ma tae-. ngwa nu mo., nyi si soe ja mo ja_ lo= 15 Yesu nya Wusa Yiabi ngo-. be roen su a ma nga_ mi-. Wusa nya yi nae.; kwa tya si-. yi_ mi Wusa nae.; kwa tya_ lo= 16 Go lew si Wusa ro tae mo. nue ni, jo_ ma ro soe si-. jue_ mi jue., koeo= Wusa nya nue ni nga lo= Nue ni, nae.; kwa tya su nya Wusa nae.; kwa tya si-. Wusa_ mi yi nae.; kwa tya_ lo= 17 Thew ma kwa be bae mu khei_ ma vya nyi kwa ro ni, wu: du jo na m-. nue ni nya ro ni ma nae,; kwa zo de leo= A lio bae nya yi a li nga nya-. mi nae thew ma kwa ro_ mi yi go lew ngo= 18 Nue., ni, nae.; kwa nya jo.. ni, m: jo= Zo de le_ ma nue ni le jo.. ni, tae ga; do koe_ lo= A lio bae nya jo.,. ni nya xaq. jue_ ma jo_ nyi-. jo.. su nya nue ni, kwa ma: zo de le se= 19 Yi hei thae ro tae ni, nue_ nyi-. ro_ mi yi tae ni, nue_ lo=

20 A ma_ mi-. ngwa nya Wusa tae ni nue_ lo-. bae si-. yi yi; yi nyi tae ni, zo_ thae na:-. yi nya tso kei. nga lo= A lio bae nya mo nyi_ ma yi; rza nyi rza tae ma: ni, nue su nya-. ma: mo nyi ma Wusa tae a li ni, nue ba_ la? 21 Tzai nya Wusa tae ni nue su nya-. yi yi; yi nyi tae_ mi ni nue na, ma-. thue; wa thew ma ro yi tae be mei koeo=

Jue., su nya Wusa le vue ta_ ma

5:1 Yesu nya Jisu nga lo-. be jue., su a ma nga_ mi-. Wusa tae be vue ta ma nga si-. vue su tae ni, nue su a ma nga_ mi-. yi le vue ta ma tae_ mi ni nue_ lo= 2 Ro nya Wusa tae ni nue si yi thue; wa tae cho_ thae n-. thew ma kwa be Wusa rza new tae ro ni nue_ ma ro soe_ lo= 3 A lio bae nya Wusa thue; wa tae ro phue: cho_ ma thew ma nya-. yi tae ni, nue_ ma nga si-. yi thue; wa_ mi cho., xa ma ma: nga= 4 A lio bae nya Wusa le vue ta ma a ma nga_ mi mi nae tae hwa. le_ lo= mi nae tae hwa. le_ ma hwa. le du thew ma nya ro jue., ni, nga lo= 5 Mi nae tae hwa. le tya su a ma nga la? Yesu nya Wusa Yiabi ngo-. be jue., su ma: nga la? 6 Thew ma nya yi., jya_ be xue: kwa be la_ ma Yesu Jisu nga lo= Yi jya kwa be_ le: ma: tsi—. yi jya_ be xue: kwa be nga lo= Va na: tew, cue_ ma nga nyi-. soe ja mo ja su nya Va nga lo=

7 Mu kwa kwa soe ja mo ja su nya sa ro jo_ lo-. ba, ba_ be baekhei_ be sixyamava= Thew sa ro nya thi ma..; le a lo= 8 Tzai nya mi nae kwa soe ja mo ja su sa.. xue: jo_ lo= Va_ be yi., jya_ be xue: nga lo= Thew sa xue: nya thi ma..; nae.; kwa wa: lae kho_ lo= 9 Tso rza soe ja mo ja_ ma tae ro kho ru_ nya-. Wusa soe ja mo ja_ ma wa zi wu:_ lo= A lio bae nya Wusa soe ja mo ja_ ma nya-. yi le Yiabi bew ei soe ja mo ja_ ma thew ma nga lo= 10 Wusa Yiabi tae jue., su nya-. yi ni, ma nae.; kwa soe ja mo ja_ ma jo_ lo= Wusa tae ma: jue., su nya-. Wusa le Yiabi bew ei soe ja mo ja_ ma tae ma: jue nyi-. Wusa tae kei. su phyew ei tzio= 11 Go lew si soe ja mo ja_ ma nya thew lew nga lo= Wusa le ro tae thi tsi thi pa ma sae mya gei koeo= Sae mya thew ma nya Yiabi nae.; kwa dae_ lo= 12 Wusa Yiabi jo su nya sae; mya jo_ lo= Wusa Yiabi ma: jo su na: sae; mya ma: jo=

De: su mei_ ma

13 Wusa Yiabi myew.. tae jue.. su nu wa nya-. thi tsi thi pa ma sae mya jo_ lo-. be soe na, ma_ be nu wa nya Wusa Yiabi yi myew.. tae jue na ma-. ngwa nu., wa tae thew mya xue: bo gei fu la_ ngao= 14 Yi ni, lei: tae cho si ro a xue de:_ mi-. yi ro tae pa ja_ ngao-. be yi mi: jya kwa ni, wu: du ro jo_ lo= 15 Go lew si ro a xue: de:_ mi yi ro tae pa ja_ ma ro soe_ thae na-. ro yi tae de:_ ma mei koeo-. be ro soe_ lo=

16 A ma nga_ mi yi yi; yi nyi xue., na chi ma: ka, ma tzui ye tya_ ma mo_ thae-. yi bew ei de: ja nae_ lo= Go lew nya Wusa le-. xue., na chi ma: ka, ma tzui ye su bew ei sae: mya gei la_ ngao= Xue., na chi ka_ ma tzui thi xue jo_ lo= Thew thi xue: ma bew ei de: ja na ka lo ngwa ma: bae= 17 Ma: ji xya ma a jue nya tzui nga lo= Yi_ le: xue., na.. chi ma: ko, ma tzui thi xue jo_ lo=

Wusa le vue ta su nya tzui ma: ye ma

18 Wusa tae be vue ta su a ma nga_ mi tzui ma: ye-. ro soe_ lo= Wusa le vue ta su nya ci chya tae xa ta gei_ lo= Go lew si ngei_ ma go thi ro yi tae ma: lue,= 19 Ro nya Wusa tae ma nga si-. thi mi nae lew.; nya ngei_ ma kwa yi; ta tya_ ma nga lo-. ro soe_ lo= 20 Tzai nya Wusa Yiabi chi la si-. tew_ ma go thi ro tae ro soe le na ma-. yi le ro tae ja zi ni, gei la.,o-. ro soe_ lo= go lew si ro nya tew_ ma go thi ro nae.; kwa tya_ lo= thew ma nya Yiabi Yesu Jisu nae.: kwa tya_ ma tae bae_ lo= Thew ma nya tew_ ma _si_ a si-. ii dl ii f ma sae mya a lo= 21 Rza new rza buo-. ni: byew tae be ko, tsa na, ma nu wa chi chya tae xa ta gei_ thew lew phyew la tzi=