Bo ta_ ma ei ngo xew ngo tho ei

Yova do la_ ma
1:1 Wusa yiabi Yesu Jisu ei ngo xew ngo yi wu. tu_ ma= 2 Moe noe tza su bu le bo ta_ ma-. nyi na-. nu mi: tae si kwa ngwa tzi du tzi fu koe_ lo= Yi nya nu mi jya kwa nu ja gu ja: gei_ ngo= 3 Li chi kwa la tso thi ro khu tya_ ma sae; nya-. si.. pha ja gu nu wa ja gei= Yi cew, tew tew be xya-. bae_ ma_ be thi le,:-. 4 Yova nya li chi kwa go dew ti gei si-. tzui ga gei mei na ma due ja pho, yi; la si-. go dew ti,_ ma ma. mi ca ma. gei_ lo=

5 Yuta thi mue lew_ be Jewrusalew su a jue nya-. yi tya kwa do je si-. yi wa tzui roen si nyi-. yota yi: ma kwa-. yi kwa be go dew ti, mei_ lo=

6 Yova nya lo: tho mue.. bue tsei gwa ta si-. yi ju: tzi kwa hwa: ji ja hoe, hoe ta sa nyi-, ca pu_ be li chi bya: yi., za_ lo= 7 Yi nya ma. mi ca ma. gei si-. ngwa sei. ma: tsi wa: nyi su nya-. ngwa ka. nae si kwa la_ lo= Ngwa na: go dew ku si yi chi ni vi ca phei gei na ma_ mi ma: phue= 8 Ngwa nya nu wa tae yi jya le ti, gei koeo= yi na: nu wa tae sixyamava le ti. gei la_ ngo-. bae lo=

Yesu tae go dew ti, gei_ ma
9 Vya nyi go ma kwa Yesu ny-. Galili mue Nasalew kwa be la si-. Yota yi: ma kwa-. Yova kwa be go dew ti, mei_ lo= 10 Yi jya kwa be do la mei: tae-. mu kwa phu la si-. Wusavanya a. gu:_ le be yi thae si kwa ngo: la_ ma yi mo_ lo= 11 Mu kwa kwa be sae; do la si-. nu nya ngwa ni, nue_ ma abi nga lo= Nu tae ngwa a khei ni, phu_ lo-. bae_ lo=

12 Go lew nya va le tsa; be yi tae li chi kwa ga va koe_ lo= 13 Yi nya li chi kwa li tsi nyi tya thae-. sadae le yi tae xue: nyi_ lo= yi nya yi. la: yi ko._ be thi wa_ tya si-. mu kwa tzi du bu_ mi yi tae rew ja la_ lo=

La tso li. ro tae khu.,_ ma
14 Yova tae bew du kwa bew koe ka nae-. Yesu nya Galili mue kwa due la si-. Wusa kuoe ei ngo xew ngo ca ma. gei si nyi-. 15 Vya nyi bi la.,o-. Wusa kuoe nei: la.,o-. nu wa due ja pho, yi; la si ei ngo xew ngo tae jue.,-. bae_ lo=

16 Galili yi., lu bew khei: ca ca..: kwa je thae-. simu_ be simu yi nyi rza Aedewru nya-. yi lu bew kwa ngwa. do: tya_ ma tae yi mo_ lo= A lio bae nya yi wa na: ngwa. do: su nga lo= 17 Yesu nya yi wa tae-. ngwa tae cho lae-. ngwa. ru mei_ ma_ le be-. ngwa nu wa tae la tso mei su phyew la tzi_ ngo-. bae_ lo= 18 Go lew nya yi wa tsa; be ngwa. pew. lo ta ye si yi tae cho je_ lo=

19 Tzai thi thew., rza je koe ny-. Zibewdi yia bi Yaku_ be yi nyi rza Yova tae yi mo_ lo= yi wa_ mi li nae.; kwa ngwa. pew. pew.. tya_ lo= 20 Yi le tsa; be yi wa tae khu., koe nya-. yi wa na: yi wa ba ba Zibewdi tae-. li nae.; kwa wa ku. ta su_ be thi wa_ ti, ye tzi si-. Yesu tae cho je_ lo=

Ni: tae ga;_ ma_ be na., xya_ ma
21 Go lew si yi wa nya Khaphewnu kwa due je_ lo= Na: vya nyi kwa yi tsa; be zi; vi nae.; due le si-. ma. mi ma. gei_ lo= 22 Yi ma. gei_ ma tae yi wa due: ja mei_ lo= A lio bae nya yi wa tae ma. gei_ ma nya-. jue: wa jo jo_ le: ma. gei ma nga si-. tho ei bo pha bu_ le be ma: ka,= 23 Go thae yi wa zi vi nae.; kwa ma: xya ni: zei tsa_ ma la tso thi ro tya_ lo= 24 yi khu tu la si-. Nasalew su Yesuo-. nu_ be ngwa nu a xue ku. ji: jo_ la? Nu ngwa nu: tae chu che, le tzi na, ma la_ la? Nu a ma nga ma ngwa na: soe_ lo= Wusa yi sixyasu go thi ro nga lo-. bae_ lo= 25 Yesu nya yi tae tha: si-. tha: wo-. yi tae be do lae-. bae_ lo= 26 Go lew nya ma: xya ni: yi tae chue, si-. sae; da: ma le khu si nyi yi tae be do la_ lo= 27 Yi wa a jue due: ja mei le si-. yi wa cho yi wa na nyi lae kho si nyi-. the ma a xue: nga la? The ma nya a xue ma. mi xue; nga la? A lio bae nya yi le jue wa rew si-. ma: xya ni: tae_ mi thue wa gei si nyi-. yi wa yi tae na lo_ lo-. bae_ lo= 28 Go lew si yi myew do: nya-. Galili thi mue lew.; kwa tsa; be ca phyew je_ lo=

29 Zi; vi kwa be yi wa do la mei: thae-. yi wa nya Yaku Yova be thi cho_-. Simu_ be Aedewru vi nae.; kwa due le_ lo= 30 Simu rza mei yi ma, ma na:-. chu tsa na., si do: tsa_ nyi-. tsa; be yi wa le yi tae bae gei_ lo= 31 Go lew nya Yesu la si-. yi lae phae tae ru si nyi go., tu gei_ lo= Go lew nya chu tsa na_ ma go ma tsa; be da le si-. yi le yi wa tae rew ja_ lo=

32 Mei; khei mi: mi due le_ thi tzi kwa-. yi wa le na su phya su a jue_ be ni: zei tsa su tae yi tya kwa ho: la_ lo= 33 Thi lo phew ma la tso nya ka khei kwa zi; tsa_ lo= 34 Na xue na je na., su tae yi a mya, xya da le_ lo= Ni: tae_ mi yi a mya, ga; do koe_ lo= Ni: nya yi tae soe_ ma kwa be-. yi. yi wa tae ma: xa thew tzi=

Yesu nae; nae wa khu_ ma
35 Ka nae nae; mi: thae ma: ji la se thae le-. yi tu si-. kho xew xew_ ma thi to. kwa do je si nyi-. go kwa wa khu_ lo= 36 Simu_ be yi cho phae bu nya yi ka nae si ga; je_ lo= 37 Yi wa yi tae hwa mei nya-. a jue su nu tae hwa tya_ lo-. bae gei_ lo= 38 Yi yi wa tae-. thi.. tsa, ma new. bae kha kwa_ mi-. ngwa go kwa ma. mi ca ma. gei na ma ro je lae= A lio bae nya thew ma pei du ngwa do la_ lo-. bae_ lo= 39 Yi nya Galili thi mue lew.;-. yi wa zi vi kwa due le si ma. mi ca ma. gei si nyi-. ni: tae_ mi ga; do koe_ lo=

Ta. ma; fu di su tae xya, da le_ ma
40 Ta. ma; fu di su thi ro yi tae la si-. yi mi: jya kwa chi tzi gei si nyi-. yi tae thew lew de:_ lo= Nu ni, xue_ nya ngwa tae xya., le tzi ba la_ lo-. bae_ lo= 41 Go lew nya Yesu yi tae xew rza tu la si-. lae phae chew si yi tae xew, gei si nyi-. ngwa ni, xue_ lo-. nu xya., le nja-. bae_ lo= 42 Ta ma fu di_ ma nya-. tsa; be yi tae ha, je si xya., leo= 43 Go lew nya Yesu le yi tae je tzi_ thae-. li: li_ le yi tae thue; wa gei si-. 44 Rza mo-. nu a ma tae_ mi a xue tha: bae gei= Yi_ le yi wa be ei soe ja mo ja du ye na ma-. nu je si-. nu go dew nya ti pha tae mo. gei si nyi-. nu xya le ma pei du-. Moxi bae ta ye_ ma ti du ti gei-. bae_ lo= 45 Go lew nga_ mi yi nya do je si-. do: thew ma thi mue thi mue kwa ca phyew je nyi-. Yesu na: lo phew kwa tzai soe soe mo mo due je ma: ba la si-. li chi kwa tya na koe leo= Yi wa nya a li kwa be nga_ mi yi tya kwa la_ lo=

Chi xue lae; xue su tae xya, da le_ ma
2:1