/2 Ngwa qanrqabuo, ngwa nuwa tv thrmyaxw bogy fhulama nya, nuwa fui ma yenama ngalo, golrsi ama fui yekqbh nya, baba tya kwa ro bry gyyijasu thiro jolo, yinyi jixyasu Yesu Jisu ngalo. Fai yi nya ro fui bry vynalematidu ngalo, ro bry le ma zhi, mwkodw dwsu fui bry mi ngalo. Golrsi ro nya yi thwwa tv phwcho thvna, thrma kwabe ro yi tv sqma ro sqlo. Ngwa yi tv sqlo, bvsi, yi thwwa tv ma phwchosu na, kysu ngasi, trma mi yi nvkwa ma dv. Golrngami ama yi bvkhy phwcho nya, Wusa nwni yi nvkwa cwcw zodeleo, thrma kwabe ro nya yi nvkwa tyama ro sqlo. Ngwa nya yi nvkwa tyalo, bvsu nya, yi cichya mi yi xrkqma lebe xrji jolo. Yi qanyiqabuo, ngwa nuwa tv bogy fhulama nya, thwwa yixwthi chr ma nga, nuwa yiwu thvle joma thwwa yilw ngalo, thwwa yilw thrma nya nuwa wa pajama bvkhy ngalo. Fai nya ngwa nuwa tv bogy fhulama nya, thwwa yixwthima ngalo, thrma nya yi nvkwa mi nuwa nvkwa mi trma ngalo, aliobvnya nvzhima nya kokqsi, trma nyimodu nya amy le rolao. Nyimodu kwa tyalo, bvsi, yi yiyinyi tv nizosu nya, amy kwa chi nvzhima nvkwa tyaselo. Yi yiyinyi tv ninwsu nya nyimodu kwa tyama ngasi, yi nvkwa lr kqdu ma jo. Golrngami yi yiyinyi tv nizosu na nvzhima kwa tyasi, nvzhima kwa xrsinyi, ali kwa jelo mi ma sq, aliobvnya nvzhima le yi misi tv tylefio. Qanrqabuo, yi myr pydu nuwa fui ngavamynyi, ngwa nuwa tv thoy lvxu bogy fhulango. Ababuo, yiceyiwu thvle jo tyasu gothiro tv nuwa sqnyi, ngwa nuwa tv thoy lvxu bogy fhulango, qagulvbuo, nuwa nya ngyma gothiro tv hwalenyi, ngwa nuwa tv thoy lvxu bogy fhulango, qanrqabuo, nuwa nya baba tv sqma kwabe, ngwa nuwatv thoy lvxu bogykqo. Ababuo, yiceyiwu thvle jo tyasu gothiro tv nuwa sqnyi, ngwa nuwa tv thoy lvxu bogykqo, qagulvbuo, nuwa svjosi, Wusa bvkhy nuwa nvkwa dvsinyi, ngyma gothiro tv mi nuwa hwalenyi, ngwa nuwa tv thoy lvxu bogykqo. Minv be minv kwa dvma tv tha ninw, amami minv tv ninwbh nya, yi nvkwa baba nwni ma dv. Aliobvnya minv kwa joma, hwagodr vvnijwma, myasy myavvma be, thr thi qaimakhykhadu ajw nya, baba tv be ma nga, minv kwabe ngalo. Fai minv be minv kwama vvnijwma nya koje tyalo, Wusa nily Yesu na thizhithipajo tyango. Qanrqabuo, amy na loyefi ngalo, Jisu tv topha gothiro lango, be nuwa pajakqma lebe, amy mi Jisu tv tosu amya tulao, thrma kwabe amy loyefi ngama ro sqlo. Yiwa nya ro tv be dojeo, golrngami yiwa ro kwama ma nga, aliobvnya yiwa ro kwama nga thvna, athvmi ro be thiwa tyalo xw ngalo, yiwa dojema nya, yiwa ajw ro kwama ma ngama mogydolanama ngalo. Fai sixyasu gothiro le nuwa tv mezhyme gymamylesi, ajw lr tv nuwa sqlo. Ngwa nuwa tv thoy lvxu bogy fhulama nya, trma tv nuwa ma sqma kwabe ma nga, trma tv nuwa sqsi, kyma nga thapo nya trma kwabe lama ma ngama nuwa sqnyi, bogy fhulama ngalo. Kysu nya ama ngala? Yesu nya Jisu ngalo, be ma rqnsu goma ma ngala? Baba be abi tv ma rqnsu yi nya Jisu tv topha ngalo. Abi tv ma rqnsu amangami baba mi ma jo, abi tv rqnsu na baba mi jolo. Yiwu thvle pajama goma thvmi nuwa nvkwa dvfi, yiwu thvle pajama thvmi nuwa nvkwa dvfi thvna, nuwa mi abi nvkwa be baba nvkwa tyango. Yi le ro tv gyjamoma jamokhy nya, thizhithipama svmya ngalo. Ngwa nuwa tv thrmyaxw bogy fhulama nya, nuwa tv howuje tyasutv gusibvtama ngalo. Nuwa na yi kwabe mezhyme myma nya, athvmi nuwa nima kwa dvsi, amami nuwa tvma gy ma chw, sipha mezhyme gyma le, axw kwa mima gylama lebe, fai mezhyme gyma thrma nya, trcwma ngasi kyma ma ngasinyi, nuwa tvma gyma lebe, nuwa nya sipha nvkwa tya nvlo. Amy qanrqabuo, yi mogy lathv ro niwusi, yi lathv yi mijya kwa ro ma xatolenama, nuwa nya yi nvkwa tya. Yi nya jixyama ngama nuwa sq thvna, jixyama Yesu ajw mi yi le vwtama ngama nuwa sqlo.

/3 Ro tv nya Wusa qanr khuwanama, baba le ro tv ali luxw nwni gylama tv dwjanyi, ro nya cwcw yi qanr ngalo, thrma pydu minv zhoqa ro tv ma sq, aliobvnya yi tv mi ma sqnyi. Ninwmabuo, amy ro nya Wusa qabu ngalo, golrsi sagwa ro axw phyrlama, lo ma dolase, golrngami yi mogy lathv, ro nya yi phyrylengo, be ro sqlo, aliobvnya yi ali ngama, ro yi tv mongo. Golrsi amangami yi tv mongo lodu thrma josu nya, yi sixyama lebe cichya tv sixyalefilo. Fui Yesu ajw nya jwka tv chyama ngalo, aliobvnya fui nya jwka tv chyama ngalo. Golrsi yi mogykqma nya, fui ruvakqnama ngasi, yi nvkwa nya axw fui ma joma nuwa sqlo. Yi nvkwa tyasu amangami fui ma ye, fui Yesu amangami yi tv ma monyi, sq mi ma sqnyi. Qanrqabuo, amami nuwa tv tha howujefi, jixyama Yesu nya, yi jixyama lebe jixyalo. Fui Yesu nya, niwati tvma ngalo, aliobvnya niwati na yiwu thvle fui yelo, niwati myr tv byalefinama thrma wunyi Wusa yi abi mogylakqo. Wusa le vwtama amangami fui ma ye, aliobvnya Wusa yixw yi nvkwa dvlo, fai yi na Wusa le vwtama nganyi fui ye ma bala. Thrma kwabe Wusa qanr be, niwati qanr lo dolalo, jixyama ma Yesu be, yi yiyinyi tv ma ninwsu amangami Wusa tvma ma nga. Aliobvnya ro thiro cho thiro ninw lvkhonakalo, bvma thrma nya yiceyiwu kwabe nuwa pajama do ngalo. Thrma nya kqyi lebe ma ka, yi na ngyma gothiro tvma ngasi, yinyiqa tv sekqo, axw wunyi yi tv selo bv nya, yi yema myr nya ngyma ngasi, yinyiqa yema nya jixyama pydungo. Yi qanyiqabuo, minv zhoqa le nuwa tv nizo nya thv dwjamy. Ro nya yi qanyiqa tv ninwnyi, xw kwabe dolasi svmya kwa dwlema ro sqlo, yi yiyinyi tv ma ninwsu nya xwma kwa tyaselo. Yi yiyinyi tv nizosu amangami, zhoqa sesu ngalo, zhoqa sesu ali thiro mi, yi nvkwa thizhithipama svmya ma dvma nuwa sqlo. Yi le yi svmya ro bry gykqma thrma kwabe, Wusa nwni axw ngama ro sqlo, ro mi yi qanyiqa bry svmya gyji jolo. Golrngami minv kwama phwyvwdu josu amangami, yi yiyinyi xajw mqjwma tv mosi, yi tv xr qani tv cwkq nya, Wusa nwni ali be yi nvkwa dvse?. Qanrqabuo, ro nya mqnqkhy be lachr kwabe le tha ninw, yema be trma kwa ninw nvlo. Thrma kwabe ro na trma kwama ngama ro sqsi, ro nima tv Wusa mijya kwa thylefingo. Aliobvnya ro veni le ro tv fui bv zhq nya, Wusa na ro nima thvsi wuma ngasi, axw mi yi sqlo. Ninwmabuo, ro nima le ro tv fui ma bv zhq thvna, ro nya Wusa mijya kwa niwudu jolo. Yi thwwa tv ro phwchosi, yi mijya kwa niphuma ro yenyi, ro axwdemi yi tv be mylo. Yi abi Yesu Jisu myr tv ro jwsi, yi le gylama thwwa lebe, thiro cho thiro ninw lvkhonama, thrma nya yi thwwa ngalo. Wusa thwwa tv phwchosu nya Wusa nvkwa tyasi, Wusa mi yi nvkwa tyalo, golrnyi Wusa ro nvkwa tyama nya, yi le ro tv gylama va kwabe ro sqlo.

/4 Ninwmabuo, va ngathapo tv tha jw, va goma Wusa tv be lama va nga ma ngaqanyi, aliobvnya minv kwa ma trma mqnqfasu amya dolao. Yesu Jisu nya hwagodr kwa lakqo, be rqnma va ngathapo nya Wusa tv be lama ngalo, thrma kwabe Wusa va tv nuwa sqlo. Yesu Jisu nya hwagodr kwa lao, be ma rqnma va ajw nya Wusa tv be lama ma nga, thrma na Jisu tv topha yi va gothima ngalo, thr thiro lanama nuwa pajanyio, amy mi yi nya minv kwa tyalo. Qanrqabuo, nuwa nya Wusa tvma ngasi, yiwa tv hwaleo, aliobvnya nuwa nvkwa tyasu gothiro nya, minv kwa tyasu gothiro thvsi wulo. Yiwa nya minv kwama ngasi, minv kwama xathrnyi, minv mi yiwa tv nalolo. Ro nya Wusa tvma ngasi, Wusa tv sqsu nya ro tv nalolo, Wusa tvma ma ngama nya ro tv ma nalo, thrma kwabe ro nya, trma va be kyma va tv sqlelo. Ninwmabuo, ro nya thiro cho thiro ninw lvkhonvlo, aliobvnya nwni na Wusa tv be lama ngalo, fai nya ninwsu amangami Wusa le vwtama ngasi, Wusa tv sqlo. Ma ninwsu nya, Wusa tv ma sq, aliobvnya Wusa na nwni ngalo. Ro nya yi kwabe sv tyanama, Wusa le yi qati tv minv kwa fifhulao, thrma kwabe Wusa ro tv ninwma mogylalo. Ro nya Wusa tv ninwlo ma nga, yi le ro tv ninwsi, ro fui pydu vynalematidu yenama, yi abi tv fifhulao, nwni nya thr kwa ngalo. Ninwmabuo, Wusa ro tv thr khychi ninw nya, ro mi thiro cho thiro ninw lvkhoji jolo. Athvmi Wusa tv monyisu ma jo, ro thiro cho thiro ninw lvkho thvna, Wusa nya ro nvkwa tyasi, yi nwni nya ro nvkwa zodeleo. Wusa yi va ro tv gylama kwabe, ro nya yi nvkwa tyasi, yi mi ro nvkwa tyama ro sqlo. Baba le abi tv minv zhoqa cyu sipha yefinama fifhulama tv, ngwanu monyisi sqjamojalo. Yesu nya Wusa yi abi ngo, be rqnsu amangami, Wusa nya yi nvkwa tyasi, yi mi Wusa nvkwa tyalo. Golrsi Wusa ro tv mo nwni joma ro sqsi, jw mi jwkqo, Wusa nya nwni ngalo, nwni nvkwa tyasu nya Wusa nvkwa tyasi, Wusa mi yi nvkwa tyalo. Thrma kwabe bv mukhyma vyanyi kwa ro niwudu jonama, nwni nya ro nima nvkwa zodeleo, aliobvnya yi ali nga nya, minv thrma kwa ro mi yi golrngo. Nwni nvkwa nya joni ma jo, zodelema nwni le joni tv gadokqlo, aliobvnya joni nya xajwma jonyi, josu nya nwni kwa ma zodelese. Yi hythv ro tv ninwnyi, ro mi yi tv ninwlo. Amami, ngwa nya Wusa tv ninwlo, bvsi, yi yiyinyi tv nizo thvna, yi nya zhoky ngalo, aliobvnya monyima yi qanyiqa tv ma ninwsu nya, ma monyima Wusa tv ali ninw bala?. Fai nya Wusa tv ninwsu nya, yi yiyinyi tv mi ninwnama, thwwa thrma ro yi tv be mykqo.

/5 Yesu nya Jisu ngalo, be jwsu amangami, Wusa tv be vwtama ngasi, vwsu tv ninwsu amangami, yi le vwtama tv mi ninwlo. Ro nya Wusa tv ninwsi yi thwwa tv cho thvna, thrma kwabe Wusa qanr tv ro ninwma ro sqlo. Aliobv nya Wusa thwwa tv ro phwchoma thrma nya, yi tv ninwma ngasi, yi thwwa mi choxama ma nga. Aliobvnya Wusa le vwtama amangami minv tv hwalelo, minv tv hwalema hwaledu thrma nya ro jwni ngalo. Minv tv hwale tyasu ama ngala? Yesu nya Wusa yi abi ngo, be jwsu ma ngala?. Thrma nya yijya be xw kwabe lama Yesu Jisu ngalo, yijya kwabe le ma zhi, yijya be xw kwabe ngalo, va na trcwma nganyi, sqjamojasu nya va ngalo. Mukwa kwa sqjamojasu nya saro jolo, baba be bvkhy be sixyama va, thr saro nya thima le ngalo. Fai nya minv kwa sqjamojasu saxw jolo, va be yijya be xw ngalo, thr saxw nya thima nvkwa wa lvkholo. Zhoqa sqjamojama tv ro khoru nya, Wusa sqjamojama wazi wulo, aliobv nya Wusa sqjamojama nya, yi le yi abi bry sqjamojama thrma ngalo. Wusa yi abi tv jwsu nya, yi nima nvkwa sqjamojama jolo, Wusa tv ma jwsu nya, Wusa le yi abi bry sqjamojama tv ma jwnyi, Wusa tv kysu phyrlafio. Golrsi sqjamojama nya thrlr ngalo, Wusa le ro tv thizhithipama svmya gykqo, svmya thrma nya yi abi nvkwa dvlo. Wusa yi abi josu nya svmya jolo, Wusa yi abi ma josu na svmya ma jo. Wusa yi abi myr tv jwsu nuwa nya, thizhithipama svmya jolo, be sqnama be nuwa nya Wusa yi abi yi myr tv jwnama, ngwa nuwa tv thrmyaxw bogy fhulango. Yi nily tv chosi ro axwdemi, yi ro tv pajango, be yi mijya kwa niwudu ro jolo. Golrsi ro axwdemi yi ro tv pajama ro sq thvna, ro yi tv demamykqo, be ro sqlo. Amangami yi yiyinyi xwna chi ma kama fui ye tyama mo thv, yi bry deja nvlo, golrnya Wusa le, xwna chi ma kama fui Yesu bry svmya gylango, xwna chi kama fui thixw jolo, thr thixwma bry dejanakalo ngwa ma bv. Ma jixyama ajw nya fui ngalo, yi le xwna chi ma kama fui thixw jolo. Wusa tv be vwtasu amangami fui ma ye, ro sqlo, Wusa le vwtasu nya cichya tv xatagylo, golrsi ngyma gothiro yi tv ma lw. Ro nya Wusa tvma ngasi, thi minv lr nya ngyma kwa yi tv tyama ngalo, ro sqlo. Fai nya Wusa yi abi chilasi, trma gothiro tv ro sqlenama, yi le ro tv jazini gylao, ro sqlo, golrsi ro nya trma gothiro nvkwa tyalo, thrma nya yi abi Yesu Jisu nvkwa tyama tv bvlo, thrma nya trma si ngasi, thizhithipama svmya ngalo. Qanrqabuo, nibyr tv be kozhanama nuwa cichya tv xatagy, thrlr phyrlafi.