/1 Yiceyiwu thvle bvkhy jolo, bvkhy nya Wusa be thiwa jotyasi, bvkhy nya Wusa ngalo. Bvkhy thrma nya yiceyiwu kwa Wusa be thiwa jotyalo. Joma ngathapo yi le cetama ngasi, cekqma ngathapo kwa yi ma cetama thixw mi ma jo. Svmya nya yi nvkwa josi, svmya thrma nya zhoqa nyimodu ngalo. Nyimodu nya nvzhima kwa rotyami, nvzhima nya nyimodu tv ma jazi. Wusa le fifhulama lazho thiro jolo, yi myr nya Yova ngalo. Ajwsu yi kwabe jwla nama, yi nya kacw yesi, nyimodu bry sqjamoja be lama ngalo. Yi na nyimodu goma ma nga, golrngami nyimodu goma bry sqjamoja nama fifhulama ngalo. Trma nyimodu nya jotyasi, minv kwa tyalama lazho ngathapo tv lyagytyalo. Yi nya minv kwa tyakqsi, minv nya yi le cetama ngami, minv nya yi tv ma sq. Yi na cichya tvma kwa lami, yi cichya tvma nya yi tv ma khoru. Golrngami yi myr tv jwsi, yi tv khorusu ngathapo tv Wusa qanr phyrla nama, yi le yiwa tv jwwa gylo. Thrthi homa tv vwtama nya, xw kwabe ma nga, hwa nily kwabe ma nga, zhoqa nily kwabe ma nga, Wusa kwabe ngalo. Bvkhy nya hwagodr phyrla si, ngwanu kolokwa tyakqo, yi byrlrma myrdo tv mi ngwanu monyio, goma nya baba yi qati byrlrma myrdo ngasi, rrche be trcwma bizhalo. Yova nya yi tv gusi sqjamoja sinyi thrlr khulo, ngwa kanvsi kwa lasu yi nya ngwa thvsi phwnwngo, be hythvle ngwa bvma nya, thr thiro tv bvyvlo, aliobvnya ngwa ma jo thvle yi jotyalo. Golrsi yi bizhama kwabe robu nya rrche thvsi rrche mykqo. Aliobvnya jwka na Moxi kwabe gytama ngalo, rrche be trcwma nya Yesu Jisu kwabe lalo. Athvmi Wusa tv amami ma monyi, golrngami baba omy kwa tyama qati le, yi tv bvmagydolao, bvlo. Yuta lazho bu le Jrrusalr kwabe, tiphabu be leyi lazho bu tv Yova tyakwa fifhulasi, nu nya ama ngala? Be yi tv nanyi thv, Yova thrlr sqjamojalo. Yi nya ma kyky trtr be rqnsi, ngwa na Jisu ma nga, be bvlo. Yiwa le, golr nga nya nu ama ngala? Nu nya yiliya ngala? Be yi tv nanyi nya, yi le, ma nga, bvlo, nu nya mqnqfasu go thiro ngala? Be nanyi nya, yi le, ma nga, be phogylo. Golrnyi yiwa le yi tv, ngwanu tv fifhulasu tv thi khybv phogy nama, nu nya ama ngala? Nu cichya tv gusi, nu ali bvla? bvlo. Yi le, ngwa na mqnqfasu yisaya bvma lebe, sipha jagu nuwa trtr be xya, be lichi kwa lazho thiro khutyama sv ngalo, bvlo. Fifhulama thrthi homa na Phalisq bu kwama ngalo. Golrnya yiwa yi tv nanyisi, golr nga nya nu na Jisu mi ma nga, yiliya mi ma nga, mqnqfasu go thiro mi ma nga nya, nu axw wunyi godr tigyla? bvlo. Yova yiwa tv phogysi, ngwa nya yijya le godr tigylo, nuwa ma sqma thiro na, nuwa kolokwa vezhalo. Yi nya ngwa kanvsi kwa lasu ngasi, ngwa mi thvsima phyrlasinyi, yi chini vica phygy nama mi ngwa ma phw, bvlo. Thrmyajema nya yota yima gobasi Brthabara, Yova godr tigu kwa kqlema ngalo. Kanv thi nyi kwa Yesu yi tv lama Yova mokq nya yi le, nyina, minv kwama fui ruvakqsu Wusa yi aroqa. Ngwa kanvsi kwa lazho thiro lango, yi na ngwa mi thvsima phyr lango, be hythv le ngwa bvma nya, thr thiroma tv bvma ngalo, aliobvnya ngwa ma jo thvle yi jotyalo. Hythv ngwa yi tv ma sq, golrngami Yisqle lazhobu tv yi mogylanama pydu, ngwa yijya le godr tigy be lalo, bvlo. Yova nya sqjamojasi, va nya agu lebe, mukwa kwabe yvlesi yi thvsi kwa ngo lama tv ngwa molo. Hythv ngwa yi tv ma sq, golrngami ngwa tv yijya le tigynama fifhulasu go thiro le ngwa tv, ama thvsi kwa va yvlesi ngo lama tv nu mo nya, go thiro na sixyama va le godr tigysu ngalo, bvlo. Thr thiro nya Wusa yi abi ngama, ngwa momi mokqo, sqmi sqjamojakqo, bvlo. Fai kanv thi nyi kwa Yova nya yi chophv nyiro be vezhalo. Yesu jagu xrkojema tv yi lomo nya, yi le, nyina, Wusa yi aroqa, bvlo. Yi bvma tv chophv go nyiro pajakq nya, Yesu tv chojelo. Yesu tiphosi yiwa cholama tv mokq nya yiwa tv, nuwa axw hwala? bvlo, golrnya yiwa le, Rabio, nu alikwa tyala? bvlo, (Rabi bvma lydola nya, mapha bvma ngalo). Yi le yiwa tv, lv, golrnya nuwa mongo, bvlo, gothv yiwa lasi yi tyagu moleo, go thi nyi nya yiwa yi be thiwa tyalo, gothv nya ala zhi jw chi ngalo. Yova bvma pajakqsi Yesu tv chojema go nyiro kwama thiro nya, simu phithr yi nyiqa vdrru ngalo. Yi nya yi ayi simu tv hythv hwamysi yi tv, ngwanu na misaya tv hwamyleo, bvlo, (misaya bvma lydola nya, jisu, bvma ngalo). Yi le yi ayi simu tv Yesu tyakwa holalo, Yesu yi tv lotasi, nu nya Yova yi abi simu ngalo, nu tv nya kqpha myrgyngo, bvlo, (kqpha bvma lydola nya, hchi, bvma ngalo). Kanv thi nyi kwa Yesu nya Galili kwa je nixwlo, phili tv yi hwamykq nya, ngwa tv cholv, bvgylo. Phili na brseda su ngasi, vdrru be phithr be thi lophr su ngalo. Phili nya nathane tv hwamysi yi tv, Moxi le jwka thoy be, mqnqfasu thoy kwa botama, yosq yi abi, nasalr su Yesu tv ngwanu hwamyleo, bvlo. Nathane le yi tv, nasalr kwabe jima axw thixw dolaba lala? bvlo, phili le yi tv, lonyi lvmu, bvlo. Nathane yi tv lama tv Yesu mokq nya yi tv gusi, nyina, goni ma joma Yisqle lazho cw thiro, bvlo. Nathane le yi tv, nu ali be ngwa tv sqla? bvlo, Yesu yi tv phogysi, phili nu tv ma khu thvle, nu nya khysy zinv khwa tya thv ngwa nu tv mokqo, bvlo. Nathane le yi tv, Rabio, nu nya Wusa yi abi ngalo, nu nya Yisqle wati ngalo, bvlo. Yesu le yi tv, ngwa le nu tv khysy zinv khwa tya thv ngwa nu tv mokqo, bvma kwabe nu jwla? Thrma thvsi wulo xw nu mosengo, bvlo. Golrnya Yesu le, ngwa trtr nuwa tv bvgynyi, mukwa phulama be Wusa yi fidubu nya, lazho abi thvsi kwa dvdv yvyv yetyama tv nuwa mongo, bvlo.

/2 Sa nyi thi nyi kwa, Galili mw khana kha kwa, qamy crma pai thima jolo, Yesu yi mama mi gokwa tyalo. Qamy crma pai kwa, Yesu be yi chophvbu tv mi khutalo. Golrsi chrlrjw dogu le thv, Yesu yi mama le yi tv, yiwa chrlrjw ma joo, bvgylo. Golrnya Yesu le yi tv, qamyqao, nu ngwa be axw kuji jola? Ngwa jw ma chilase, bvlo. Yi ama le rrsu musubu tv, yi nuwa tv ali bvgyla nya golr ye, bvgylo. Yuta lazho zhima lvma kaxw joma lebe, nyisalo kydima yiwu choma gokwa kytalo. Yesu le yiwa tv, yiwu goma kwa yijya ho bilefi, bvlo, golrnya yiwa le yi khy kwachi holo. Yesu le yiwa tv, amy nya rsi, pai jwpha tv tvgyye, bvlo, golrnya yiwa tvgyyelo. Yi nya chrlrjw phyrkqma yijya thrma tv sonyilo, golrngami alikwa be hwatama yi ma sq, yijya rsu, rrsu musubu na sqlo, gothv pai jwpha nya mvlvpha tv khutvlasi. Yi tv, amangami jima chrlrjw hythv pygydolo, dobo le thvsi le akhy ma jima pygydolo, nu na jima chrlrjw tv thr my chi kytalo, bvlo. Yesu le dwjamydu myr yiwu thixw yema nya, Galili mw khana kha kwa ngasi, yi myrdo mogydolasinyi, yi chophvbu mi yi tv jwlo. Thrma kanv Yesu be yi mama be yi nyiqabu be yi chophvbu nya, khaphrnu kwa yvje nya, gokwa yiwa amya nyi ma tya. Gothv Yuta lazho vikho pai nylanyi, Yesu nya Jrrusalr kwa dvjelo. Sixya vi kwa, anyi be aro be drpy wusu be, phupasu nyina tyama tv yi molo. Yi nya vica le phidu thima xyasi, sixya vi kwabe yiwa ajw be aro be anyi tv gadokqlo, phupasu phu mi ruhokqsi, yiwa sala mi ngavakqlo. Drpy wusubu tv mi, thrlr xw thrkwa be tvje, ngwa baba vi tv nya ylv mugu vi tha kqlefi, bvlo. Thoy kwa, nu vi bry nima lrma le ngwa tv gudwlengo, be botama tv yi chophvbu dwjachilalo. Golrnyi Yuta lazhobu le yi tv, nu thrmyaje yema nya, ngwanu tv axw sqledu mogylala? bvlo. Yesu le yiwa tv, sixya vi thrma phyakqsi, sa nyima nvkwa ngwa xyatokqngo, bvgylo. Golrnyi Yuta lazho le, sixya vi thrma nya lizhi cho kho sixya dolelo, nu nya sa nyima nvkwa xyatokqbvla? bvlo. Golrngami yi bvma sixya vi nya, yi godr tv bvma ngalo. Yi tv xw kwabe svyilafi thv, yi chophvbu nya yi thrlr bvkqma tv dwjachilasi, sixya thoy be Yesu bvkqma bvkhy tv yiwa jwlo. Yesu nya Jrrusalr kwa vikho pai ye thi fi kwa, lazho amya nya yi yema dwjamydu myr monyi yi myr tv jwlo. Golrngami Yesu nya zhoqa ajw tv sqnyi, yi cichya yiwa tv lvjrnama valr ma bo. Aliobvnya zhoqa nima nvkwa axw dvma yi sqnyi, zhoqa le yema cr amami yi tv sqjamojagy ma chw.

/3 Phalisqbu kwama lazho, nikhodimu myrtama Yuta lazho tv jwsu thiro jolo. Go thiro nya sakhwa thv Yesu tv lasi, Rabio, nu na Wusa tvbe lama mapha thiro ngama ngwanu sqlo, aliobvnya nu yema dwjamydu myr thrmyajema, Wusa yi be ma tya thvna, amami yema ma bala, bvlo. Yesu le yi tv, ngwa trtr nu tv bv bvgynyi, amangami xya vwtama ma nga nya Wusa kuq yi mo ma da, phogylo. Nikhodimu le yi tv, lazho thiro mo le kanv ali be fai vwbala dase? Yi ama qakhy kwa faithihwa dwlesi vwbala sela? bvlo. Yesu le phogysi, ngwa trtr nu tv bvgynyi, lazho nya yijya be va le vwtama ma nga nya, Wusa kuq kwa yi dwle ma da. Hwa le vwtama nya hwa ngalo, va le vwtama nya va ngalo. Nuwa nya xya vwnakalo, be ngwa nu tv bvgynyi, tha dwjamy. Mivi nya alikwa jr nixw nya jrlo, yi sv nu pajami, alikwa be lama be alikwa jema nu ma sq, va le vwtama zhoqa ngathapo nya golrkalo, bvlo. Nikhodimu le yi tv, thrmyaje nya ali phyrladase? Be phogylo. Yesu le yi tv, nu nya Yisqle lazho mapha ngasi, thrmyaje nu ma jazisela?. Ngwa trtr nu tv bvgynyi, ngwanu sqma ngwanu xathrsi, ngwanu monyima tv ngwanu sqjamojami, ngwanu sqjamojama tv nuwa ma khoru. Ngwa nuwa tv minv kwama bvgy thv nuwa ma jw nya, ngwa le nuwa tv mukwa kwama bvgybh nya, nuwa ali jw kuse?. Mukwa kwa tyasi, mukwa kwabe yvlesu lazho abi ma nga nya, mukwa thvsi kwa amami ma dvjenyi. Yi tv jwsu amangami ma myyesi, thizhithipama svmya mynama. Lichi kwa Moxi le fhu tv rutukqma lebe, lazho abi tv mi rutukqnakango. Amangami yi tv jw nya ma myyesi, thizhithipama svmya mynama, Wusa nya yi qati gykq kwachi, minv zhoqa tv ninwlo. Aliobvnya Wusa le yi abi tv minv kwa fifhulema nya, minv zhoqa tv bvmukhynama ma nga, minv zhoqa yi tvbe svmya famylenama ngalo. Yi tv jwsu tv nya bvmu ma khy, ma jwsu tv na, Wusa qati yi myr tv ma jwnyi, amy le bvmukhykqma ngalo. Bvmu nya thrma ngalo, nyimodu nya minv kwa dwlakqo, golrngami zhoqa nya yiwa yema ngyma nganyi, nvzhima tv nya, nyimodu tv nwmasy ma zhi nwlo. Aliobvnya ngyma Yesu amangami, nyimodu tv nizosi, yi ngyma yema tv gumogyma tv kocrnyi, nyimodu tv ma la. Trma Yesu na, yi yema nya Wusa kwabe ngama mogywanama, nyimodu tv lalo, bvlo. Thrmyaxw kanv Yesu be yi chophvbu nya, Yuta mw kwa dwjelo, gokwa yi yiwa be thi fityasi godr tigylo. Yova mi salimi pha thi yino kwa godr tigy tyalo, aliobvnya gokwa yijya amya josi, yiwa nya yi tv lasi godr timylo. Thrma nya Yova tv brdu kwa ma brkqse thv ngalo. Gothv Yova yi chophvbu nya, zhima lvma kaxw pydu Yuta lazho be ho lvkho tulalo. Yiwa nya Yova tv lasi yi tv, Rabio, nyina, yota yima gobasi kwa nu be tyakqsi, nu le yi bry sqjamojakqsu go thiro nya godr tigy tyalo, ajwsu mi yi tv lalo, bvlo. Yova le phogysi, lazho nya mukwa kwabe gytama ma nga nya, axwmi my ma bala. Ngwa nya Jisu goma ma nga, ngwa na yi mi thvkwa fifhutama ngalo, be ngwa bvma nya nuwa le ngwa bry sqjamojalo. Mvlvma mysu nya mvlvpha ngalo, golrngami mvlvpha yi kwa cho nya vezhasi, yi sv pajama kwabe akhy kachilo, golrnyi ngwa kachima thrma nya bileo. Yi nya wulanakalo, ngwa na rolenakalo. Thvsi kwabe lasu nya ajwma thvsi kwa ngalo, minv kwama nya minv kwama ngasi, yi xathrma mi minv kwama ngalo, mukwa kwa kwabe lasu na, ajwma thvsi kwa ngalo. Yi monyima be pajanyima tv yi sqjamojami, yi sqjamojama tv amami ma khoru. Golrngami yi sqjamojama tv khorusu na, Wusa nya trma ngama yi kacw tonqtama ngalo. Aliobvnya Wusa le fifhutama go thiro nya, Wusa bvkhy thrlo, aliobvnya yi na jonyisi va gylo ma nga. Baba nya abi tv ninwsi, joma ngathapo yi lvphv kwa lvjegytalo. Abi tv jwsu nya thizhithipama svmya jolo, abi tv ma jwsu na, svmya mo ma da, Wusa vyni na yi thvsi kwa cedalo, bvlo.

/4 Yesu nya Yova sy ma zhi chophv hwamysi yiwa tv godr tigy tyama tv, Phalisqbu pajakqma sipha sq le thv. (Yesu yi cichya na godr ma tigy, yi chophvbu le tigylo). Yi nya Yuta mw kwabe dojesi, Galili mw kwa faithihwa dwjeselo. Yesu nya samali kwa kojenakanyi. Yi nya yaku le yi qa yosq tv gykqma va mi go thi lvpha thi kwama, sichya myrtama samali lophr thima kwa chilalo. Gokwa nya yaku yi yicukhu jolo, Yesu nya jagu xr wuhynyi, yicukhu khy kwa nyinalo, gothv ala cho jw ngalo. Samali qamyqa thiro nya yijya cw lalo, Yesu le yi tv, ngwa tv yijya gydolv, bvlo. Aliobvnya yi chophvbu na lophr kwa zadu wu jekqo. Golrnya samali qamyqa le yi tv, nu nya Yuta lazho ngasi, alikqlenyi samali qamyqa ngwa tv yijya hwa dolala? bvlo, aliobvnya Yuta lazho nya samali lazho be ma jalvkho. Yesu le yi tv phogysi, Wusa lvxu be, ngwa tv yijya gydolv, be nu tv bvsu ama ngama nu sq thvna, nu yi tv de nya, yi nu tv yijya yisv gylalo xwngalo, bvlo. Qamyqa le yi tv, zhotio, nu nya yijya cwdu mi ma jo, yicukhu mi nvlo, nu nya yijya yisv alikwa be hwamyla?. Nu nya ngwanu tv yicukhu gysu ngwanu phwpha yaku thvsi wula? Gothv yi cichya be yi qabu be yi jrqa mi thrkwa yijya dokqo, bvlo. Yesu yi tv phogysi, yijya thrma dosu amami silasengo. Golrngami ngwa le gydoma yijya dosu amami thizhi ma sila, ngwa yi tv gydoma yijya na, yi nvkwa thizhithipama svmya kwachi cu tulama yifomy phyrlango, bvlo. Qamyqa le yi tv, zhotio, ngwa yijya ma silanama be, thry chi kwa yijya cwla ma chwnama, yijya thrma ngwa tv gydolv, bvlo. Yesu le yi tv, je, nu qagu tv thrkwa khutvlv, bvlo. Qamyqa le phogysi, ngwa qagu ma jo, bvlo, Yesu le yi tv, ngwa qagu ma jo, be nu bvma nya bvyvlo. Aliobvnya nu qagu ngwaro jonyimi, amy nu joma nya nu qagu ma nga, thrma na nu trtr be bvlo, bvlo. Qamyqa le yi tv, zhotio, nu na mqnqfasu ngama ngwa lodolao. Ngwanu phuphabu nya waci thrma kwa wudwthrkqo, golrngami nuwa bv nya, wudwthr nvma mw na Jrrusalr kwa ngalo, bvlo. Yesu le yi tv, qamyqao, ngwa tv jw, baba tv wudwthrma nya, waci thrma kwa mi ma nga, Jrrusalr kwa mi ma ngama, yi jw chilango. Nuwa nya nuwa ma sqma tv wudwthrlo, ngwanu na ngwanu sqma tv wudwthrlo, aliobvnya svmya fama na, Yuta lazho tvbe dolama ngalo. Baba tv trtr be wudwthrsu na, va be trma le wudwthrma yi jw chilango, amy mi ngalo, aliobvnya baba na, yi tv wudwthrsu yenama thrlr luxw lazho tv hwalo. Wusa nya va thiro ngasi, yi tv wudwthrsu nya, va be trma le wudwthrnakalo, bvlo. Qamyqa le yi tv, Jisu myrtama misaya lanama ngwa sqlo, yi chila thv yi le ngwanu tv ajwlr bvma gylango, bvlo. Yesu le yi tv, nu be xathr tyama ngwa nya yi ngo, bvlo. Yi golr bv tya thv, yi chophvbu chilasi, Yesu nya qamyqa thiro tv xathr tyama tv yiwa dwjamylo, golrngami nu axw hwala? Nga nya, nu axw wunyi yi be xathr tyala? Be amami ma bv. Gothv qamyqa nya yi yiwu khytayesi, lophr kwa dwlesinyi, lophr kwama lazho tv bvgylo. Ngwa yekqma ajwlr ngwa tv bagylama lazho thiro tv lonyi jelv, thr thiro nya Jisu ngalo, ma ngala? bvlo. Gothv yiwa nya lophr kwabe dojesi Yesu tv lalo. Golr yetya thv yi chophvbu le Yesu tv, Rabio, zaza lv, be khulo. Golrngami yi le yiwa tv, nuwa ma sqma zadu ngwa jolo, bvlo. Golrnya chophvbu le, ama le yi tv zadu tv gylala? Be yiwa cho yiwa bv lvkho tyalo. Yesu le yiwa tv, ngwa tv fifhulasu yi nily yema be, yi myr yedolenama nya ngwa zadu ngalo. Fai vabalima nya zaxafi chilango, be nuwa ma bvla? Nyina, ngwa nu tv bvgynyi, nuwa myasy ngasi va mi kwa amy le phusi xa dama tv lonyi. Xwsu be ysu nya thi lebe kachinama, ysu nya wa phu mysi thizhithipama svmya bry yi syxamylo. Thiro xwsi, yi tr yi thiro ylo, bvma ngo jr nya thrma kwabe trma ngalo. Nuwa ma svthwwama kwa yfinama ngwa nuwa tv fifhukqlo, nrbvsu svthwsi yiwa svthwtama kwa nuwa famyma ngalo, bvlo. Qamyqa le, ngwa yema ajwlr yi bvgylalo, be sqjama bvkhy kwabe, go thi lophr kwama samali lazho amya yi tv jwlo. Samali lazho yi tv chila nya, yiwa be tiyenama yi tv denyi, yi nya gokwa nyi nyi tiyelo. Fai nya yi bvkhy kwabe nrbv amyaro jwselo. Yiwa nya qamyqa tv, amy ngwanu jwma nya, nu bvma kwabe na ma nga, ngwanu cichya pajasi, thrma nya cwcw Jisu goma, minv tv cyu sipha ngama, ngwanu sqlo, bvlo. Nyi nyi kanv Yesu nya gokwa be dojesi, Galili kwa dwlelo. Aliobvnya Yesu le, mqnqfasu tv na cichya mw kwa zho phwlama ma joma, yi cichya sqjamojakqo. Galili su nya Jrrusalr kwa pai ye thv, Yesu yema ajw tv mokqnyi, yi Galili kwa la thv yiwa yi tv khorulo, aliobvnya yiwa mi pai kwa jekqo. Yesu nya yi le yijya tv chrlrjw phyrlafigu, Galili mw khana kha kwa faithihwa chilaselo, gokwa sipha thiro tyasi, yi qa nya khaphrnu kwa natyalo. Yesu nya Yuta kwabe dolasi, Galili kwa dwlama yi pajakq nya, yi qa xw be ka nyi yi tv jesi, ngwa qa tv xyadalenama yvjelv, be delo. Yesu le yi tv, sqledu be dwjamydu ma mo nya, nuwa ma jw, bvlo. Sipha le yi tv, siphao, ngwa qa ma xw thvle yvjelv, bvlo. Yesu le yi tv, nu yije, nu qa svtyalo, bvlo, lazho go thiro nya, Yesu le yi tv bvma bvkhy tv jwsi yijelo. Golrnya yi yije tya thv, yi copabu yi tv zhwlasi, yi qa svtyama bvgylalo. Yi ali thi jw kwa dalewu tula? Be yiwa tv nanyi nya, yiwa le, anyi thi nyi thi jw kwa yi godr chuzhama xrleo, bvlo. Golrnyi Yesu le yi tv, nu qa svtyalo, bv thv, yi go thi jw kwa ngama, yi baba sqlelo, golrnya yi cichya be yi thi visu ajw jwlo. Thrma nya Yuta kwabe dolasi Galili kwa dwla kanv, Yesu yema dwjamydu myr nyima thimama ngalo.

/5 Thrmyaje kanv Yuta lazho pai thima jonyi, Yesu nya Jrrusalr kwa dvjelo. Jrrusalr kwa aro wugu jwbasi kwa, vibrru ngo le brthrda, bvma lavikhy ngwama joma yibr thibr jolo. Lavikhy goma kwa nasu phyasu, myaty be chixo be chixw lvxwsu amya yita tyasi, yijya lwlama tv lo nya tyalo. Aliobvnya yi fico chila thv, mukwa fidu thiro yvlasi, yibr kwa dwlesinyi, yijya tv qlalo, yijya qlwla kanv ama yi wudwlewa nya, yi na alixw jo mi dalelo. Gokwa nya sazhi ve kho nakqma lazho thiro tyalo. Yesu le lazho goma yita tyama be yi myqa nakqma sq le nya, yi tv, nu dale nixwla? bvlo. Zho na le yi tv phogysi, zhotio, yijya qlwla thv, ngwa tv yibr kwa hogy dwlesu ma jo, ngwa dwle be jemi, ngwa mi thvsi kwa su hythv dwlelo, bvlo. Yesu le, tu, nu khodo tv tasi xrje, bvlo. Gothv lazho goma zha be dalesi, yi khodo tv tasinyi xrjelo, go thi nyi nya na vyanyi ngalo. Golrnyi Yuta lazho le dalesu goma tv, nyi nyi nya na vyanyi ngalo, nu khodo tv ma da, bvlo. Golrngami yi le, ngwa tv dalefisu go thiro le, nu khodo tv tasi xrje, bvlo, be phogylo. Yiwa le, nu tv nu khodo tv tasi jagu xrje, bvma lazho nya ama ngala? Be yi tv nanyilo. Dalesu na yi ama ngalo ma sq, aliobvnya go thi to kwa lazho yi zu tyanyi, Yesu nya jwjekqo. Go kanv Yesu nya sixya vi kwa yi tv mokqsi, yi tv, nyina, nu na daleo, thrlr gopo fui tha ye, ma nga nya thrma thvsi ma jima nu tv kqlengo, bvlo. Lazho goma dojesi, yi tv xya dalesu nya Yesu ngama, Yuta lazho tv bvgyyelo. Na vyanyi kwa yi thrmyaje yenyi, Yuta lazho nya Yesu tv kanv hwasi, yi tv senama crhwalo. Yesu na yiwa tv, ngwa baba nya amy kwachi myr yetyasi, ngwa mi myr yetyalo, bvlo. Thrma pydu Yuta lazho nya yi tv senama crmyanyi hwalo, aliobvnya yi le na vyanyi tv chyakqma le ma zhi, Wusa tv mi yi cichya baba khusi, yi cichya tv Wusa be trwu yelo. Golrnya Yesu le yiwa tv phogysi, ngwa trtr nuwa tv bvgynyi, baba yema tv abi molo xw ma nga nya, abi cichya axwmi ye ma bala, aliobvnya baba alixw ye nya, abi mi goma lebe yelo. Baba na abi tv ninwsi, yi yema ajwlr yi tv mogylo, fai nuwa tv dwjamyfinama, thrma thvsi wuma myr mi yi tv mogylango. Baba le xwsu tv svyilafisi yiwa tv svmya gyma lebe, abi mi ali thiro tv svmya gy nixw nya gyngo. Aliobvnya baba na ama tv mi bvmu ma khy, golrngami baba tv yiwa phwma lebe abi tv mi ajwsu phwnama, yi nya bvmukhyma jwwa ajwlr abi tv lvjrtalo. Abi tv ma phwsu na, yi tv fifhulasu baba tv ma phwma ngalo. Ngwa trtr nuwa tv bvgynyi, ngwa bvkhy na nasi, ngwa tv fifhulasu tv jwsu nya, thizhithipama svmya josi, yi tv bvmu ma khy, yi na xwma kwabe kojesi svmya kwa chiyeo. Ngwa trtr nuwa tv bagynyi, xwsu nya Wusa yi abi sv pajama yi jw chilango, amy mi ngalo, pajasu nya svtyawango. Aliobvnya baba yi cichya nvkwa svmya joma lebe, abi cichya nvkwa mi svmya jonama, baba le yi tv gytalo. Fai yi nya lazho abi nganyi, Wusa le yi tv bvmukhynama jwwa gytalo. Thrma tv tha dwjamy, aliobvnya lrzu nvkwa dvsu ajw mi yi sv pajasi dolama yi jw chilango. Jima Yesu nya, svmya mynama svyilango, ngyma Yesu na, bvmukhymynama svyilango. Ngwa cichya kwabe ngwa axwmi ye ma bala, ngwa ali paja nya golr bvmukhylo, fai ngwa cichya nily ma hwahwa, ngwa tv fifhulasu baba nily hwama kwabe, ngwa khyma bvmu nya trzoma ngalo. Ngwa nya cichya bry sqjamojabh nya, ngwa sqjamojama nya ma tr. Ngwa bry sqjamojasu nya yi tr yi thiro ngalo, yi le ngwa bry sqjamojama sqjamoja khy nya, trma ngama ngwa sqlo. Nuwa le Yova tv fidu fifhukqsi, yi nya trma bry sqjamojakqo. Golrngami ngwa na zhoqa sqjamojadu tv ma khoru, ngwa thrlr bvma nya nuwa svmya mynama ngalo. Yova na byasiro tyama myalu ngalo, nuwa nya yi nyimodu kwa thi fiqa kachi nixwlo. Golrngami ngwa myma sqjamojadu nya, Yova tvma sy ma zhi wulo, aliobvnya ngwa tv yebilefinama, baba le ngwa tv gytama myr ngwa yetyasi, myr thrma le baba ngwa tv fifhulema ngama, sqjamojalo. Ngwa tv fifhulasu baba mi, ngwa bry sqjamojalo, yi sv tv nuwa athvmi ma pajanyi, yi phyr mi ma monyi. Yi le fifhulasu tv nuwa ma jwnyi, yi bvkhy mi nuwa nvkwa ma dv. Nuwa nya sixya thoy kwa thizhithipama svmya jolo, be dwjanyi, sixya thoy hwanyi menyilo, thoy thrma nya ngwa bry sqjamojama ngalo. Svmya mynama nuwa ngwa tv la ma xo. Ngwa na zhoqa tvbe myrdo ma khoru. Golrngami Wusa nwni nya nuwa nvkwa ma dvma, ngwa sqlo. Ngwa nya ngwa baba myr kwabe lama ngami, nuwa ngwa tv ma khoru, nrbvsu thiro yi cichya myr kwabe labh nya, nuwa na yi tv khorungo. Nuwa nya Wusa tvbe lama myrdo tv ma hwasi, nuwa thiro cho thiro myrdo khoru lvkhoma nya, ali jwbalase?. Ngwa nya baba mi jya kwa nuwa tv koyengo, tha dwja, nuwa tv kosu thiro jolo, goma nya nuwa ngolokqsu Moxi ngalo. Nuwa nya Moxi tv jw thvna, ngwa tv mi jwlo xwngalo, aliobvnya yi na ngwa tv gusi botama ngalo. Golrngami yi botama tv nuwa ma jw nya, ngwa bvkhy tv nuwa ali jwse? bvlo.

/6 Thrmyaje kanv Yesu nya, thibiliya myrtama Galili yi lubr gobasi kwa jelo. Nasu phyasu godr kwa yi yema sqledu tv yiwa monyi, zhozudama nya yi tv chojelo. Yesu nya waci kwa dvjesi, gokwa yi chophvbu be nyinalo. Gothv na Yuta lazho vikho pai nylalo. Yesu lonyikq nya, zhozudama tv lama tv monyi, phili tv, thrmya ro zawanama, zadu ro alikwa wunvla, bvlo. Yi thrlr bvma nya phili tv, qanyinama ngalo, aliobvnya ali yenama yi cichya sqlo. Phili yi tv phogysi, papa phu nyivya phv phwwu mi, thiro le thiro atiqawanama yiwa bry ma lo, bvlo. Yi chophv kwama thiro, simu phithr yi nyiqa vdrru le Yesu tv. Qu papa ngwakhu be ngwanyima joma abi thiro thatyalo, golrngami lazho thrmyama kwa thrma axw cyase? bvlo. Yesu le, lazho tv nyinafi, bvlo, go thi to kwa mo amya jonyi yiwa nyinalo, zho paqa wmyr nya ala ngwatuchi jolo. Yesu le papa goma rusi xamokq nya, fidubu tv gysi, fidubu le nyina tyasu tv pygyzalo, goma lebe ngwa mi yiwa ali nw nya golr pygyzalo. Yiwa zabole nya, Yesu le yi chophvbu tv, axwmi ma phiyenama, zazelema yi hyyi mi go xakq, bvlo. Golrnya qu papa ngwakhuma zasu zazelema yi hyyi mi yiwa goxakq nya, zhinyi nokhu kybilelo. Gothv Yesu yema dwjamydu myr tv lazho yi zu mokq nya, thrma na cwcw minv kwa lanama mqnqfasu go thiro ngalo, bvlo. Golrsi yiwa yi tv ma dama zha wati rrfinama, rula be yema tv Yesu lodola nya, faithihwa yi thiro tw waci kwa jwjeo. Mykhy chila thv, yi chophvbu yi lubr kwa yvjesi. Li thima kwa dwlesinyi, yi lubr gobasi, khaphrnu kwa jelo, gothv me yesi nvzhilemi, Yesu nya yiwa tv ma chilase. Golrsi mivi dama jrnyi, yi lubr kwa yi lv me tulalo. Yiwa nya lota qanyi zhingwa thq, nga nya sazhi thq chi li kujekq nya, Yesu nya yi lubr thvsi kwa xrlasi, li pha thi kwa nylama tv monyi yiwa jolo. Yesu na yiwa tv, ngwa ngalo, tha jo, bvlo. Gothv yiwa le niphuphu be yi tv li nvkwa zhwdwle nya, li na zha be yiwa jema mw kwa chiyelo. Kanv thi nyi kwa yi lubr gobasi zhozu nya li qa thima le josi, gokwa nrbv li ma joma be, Yesu nya yi chophvbu be li kwa ma dwle le, yi chophvbu le jekqma tv molo. Golrngami sipha le xamokqsi, papa pygy zagu pha thi kwa, thibiliya kwabe lama nrbv li jolo. Golrsi Yesu be yi chophvbu gokwa ma tyama tv zhozu mokq nya, yiwa na li kwa dwlesinyi, khaphrnu kwa lasi Yesu tv hwalalo. Yiwa le yi lubr gobasi kwa yi tv hwamy nya, yi tv, Rabio, nu thaa thvle chilala? bvlo. Yesu yiwa tv phogysi, ngwa trtr nuwa tv bvgynyi, nuwa ngwa tv hwalama nya, dwjamydu myr mokqnyi na ma nga, qu papa zasi, zabolenyi ngalo. Byaledama zadu tv tha svthw, thizhithipa svmya kwachi dakhuma, lazho abi le nuwa tv gylanvma zadu tv svthw, aliobvnya baba Wusa le yi tv tonqkqo, bvlo. Golrnya yiwa le yi tv, Wusa myr yenama ngwanu axw yenakala? bvlo. Yesu le phogysi, Wusa myr nya yi le fifhutasu tv nuwa jwma, thrma ngalo, bvlo. Golrnyi yiwa le yi tv, golrnga nya ngwanu mosi nu tv jwnama, nu axw sqledu yela? Nu axw myr yela?. Thoy kwa, yi le yiwa tv mukwa kwabe zadu gyzalo, be botama lebe, ngwanu phwphabu nya lichi kwama na zakqo, bvlo. Golrnya Yesu le yiwa tv, ngwa trtr nuwa tv bvgynyi, nuwa tv mukwa kwabe zadu gysu nya Moxi ma nga, nuwa tv mukwa kwabe zadu cw gysu na ngwa baba ngalo. Aliobvnya Wusa papa na mukwa kwabe yvlesi, minv zhoqa tv svmya gysu go thiro ngalo, bvlo. Golrnya yiwa le yi tv, siphao, papa thrma ngwanu tv thizhi gyzalv, bvlo. Yesu le yiwa tv, svmya papa nya ngwa ngo, ngwa tv lasu nya athvmi ma vemqla, ngwa tv jwsu nya athvmi ma sila. Golrngami nuwa ngwa tv momi ma jw, be ngwa nuwa tv bvgykqo. Baba le ngwa tv gylama ajw nya ngwa tv lango, ngwa tv lama thiro tv nya, ali ngami ngwa ma lokq. Aliobvnya ngwa mukwa kwabe yvlema nya, ngwa cichya nily yenama ma nga, ngwa tv fifhulasu nily yenama ngalo. Ngwa tv fifhulasu baba yi nily nya, yi le ngwa tv gytama ajw, ngwa thiro mi ma phiye ye, loyema vyanyi kwa yiwa tv svyilafinama ngalo. Aliobvnya abi tv mosi yi tv jwsu ngathapo nya, thizhithipama svmya mynama, thrma na ngwa baba nily ngalo, golrsi loyema vyanyi kwa ngwa yi tv svyilafingo, bvlo. Yi le, mukwa kwabe yvlama papa nya ngwa ngo, bvma pydu Yuta lazho nya yi tv wathrlo. Golrsi yiwa le, Yesu thrma nya, yi baba mama tv ngwanu sqma yosq yi abi ma ngala? Amy yi alikqlenyi, ngwa na mukwa kwabe yvlama ngalo, bvla? bvlo. Yesu le yiwa tv, nuwa cho nuwa cilingono tha xathr. Ngwa tv fifhulasu baba le ma chw hola nya, amangami ngwa tv la ma bala, golrsi loyema vyanyi kwa ngwa yi tv svyilafingo. Mqnqfasu thoy kwa, yiwa ajw nya Wusa le matama kqlengo, be botalo, golrnyi baba tv pajasi somysu ngathapo nya, ngwa tv lalo. Wusa tvbe lasu go thiro ma nga nya, baba tv monyisu ma jo, yi na baba tv monyio. Ngwa trtr nuwa tv bvgynyi, ngwa tv jwsu nya thizhithipama svmya jolo. Svmya papa goma na ngwa ngo. Nuwa phwphabu nya lichi kwama na zasi xwo. Thrma na zhoqa zakq nya ma xwnama mukwa kwabe yvlema papa ngalo. Mukwa kwabe yvlema papa yi sv nya ngwa ngo, amami papa thrma za nya, yi na thizhithipa svtyango, fai minv lazho svmya bry, ngwa gynama papa nya ngwa hwa ngalo, bvlo. Golrnyi Yuta lazho nya, yiwa cho yiwa ho lvkhosi, lazho thrma nya ali be ro tv yi hwa gyzabvla? bvlo. Golrnyi Yesu le yiwa tv, ngwa trtr nuwa tv bvgynyi, nuwa nya lazho abi yi hwa ma za, yi xw ma do nya, nuwa nvkwa svmya ma dv. Ngwa hwa zasi ngwa xw dosu nya, thizhithipama svmya jolo, fai loyema vyanyi kwa, ngwa yi tv svyilafingo. Aliobvnya ngwa hwa nya zadu cw ngalo, ngwa xwmi dodu cw ngalo. Ngwa hwa zasi ngwa xw dosu yi nya, ngwa nvkwa tyasi, ngwa mi yi nvkwa tyalo. Svtyama baba le ngwa tv fifhulasi, baba kwabe ngwa mi svtyama lebe, ngwa tv zasu mi ngwa kwabe svtyango. Thrma na mukwa kwabe yvlema papa ngalo, phwphabuma na zakqmi xwma lebe ma ka, papa thrma zasu na thizhithipa svtyango, bvlo. Thrma je nya Yesu khaphrnu kwama tya thv, zivi kwa bvkqma ngalo. Golrnyi yi chophv amyaro thrma tv paja nya, thrma na jazi xama bvkhy ngalo, ama nana kuse? bvlo. Yesu yi nima kwa, yi chophvbu thrma tv cilingono bvtyama sqnyi, yi le yiwa tv, thrma le nuwa tv lrkqfila?. Golr nga thv nya, lazho abi yi hythv tyagu kwa dvjema tv nuwa mobhnya ali kqlengo wa?. Svmya mygysu nya va ngalo, hwa na jigu ma jo, ngwa nuwa tv bvgyma bvkhy na, va be svmya ngalo. Golrngami nuwa ma jwsu thibr jolo, bvlo, aliobvnya yiwa ma jwsu ama ngama be, yi tv wuzakqnama ali thiro ngama, Yesu yiwu thvle sqlo. Fai yi le, thrma pydu ngwa le, ngwa baba kwabe gylama ma nga nya, amami ngwa tv la ma bala, be nuwa tv bvgykqo, bvlo. Thrma pydu yi chophvbu amya rophojesi yi tv fai ma cho xr. Gothv Yesu le zhinyiro tv, nuwa mi haje nixwla? bvlo. Simu phithr phogysi, siphao, ngwanu ama tv jese? Thizhithipama svmya bvkhy nu tv jolo. Nu nya Jisu goma ngasi, svtyasu Wusa yi abi ngama, ngwanu jwmi jwkqo, sqmi sqleo, bvlo. Yesu le yiwa tv phogysi, nuwa zhinyiroma nya ngwa le sitama ma ngala? golrngami nuwa kolokwama thiro nana ni ngalo, bvlo. Thrma nya simu yi qa khalio pha yuda tv bvma ngalo, aliobvnya yi na zhinyiro kwama thiro ngasi, Yesu tv wuzakqnama mi yi ngalo.

/7 Thrmyaje kanv Yesu nya Galili kwa cojelo, aliobvnya Yuta lazho yi tv senama crhwanyi, Yuta mw kwa yi coje ni ma xw. Gothv Yuta lazho vibr pai chila be kalo. Golrnyi yi nyiqabu le yi tv, nu chophvbu mi nu yema myr tv monama, thrkwa be dojesi Yuta mw kwa dwje. Aliobvnya cichya myrdo phyrjefini xwsu nya, khoxrxr kwa axwmi ma ye, nu thrmyaxw yema nya nu cichya le minv lazho tv mogymu, bvlo. Aliobvnya yi nyiqabu mi yi tv ma jw. Gothv Yesu le yiwa tv, ngwa fi ma chilase, nuwa fi na athvmi jagytalo. Minv nya nuwa tv nizo ma ku, ngwa tv na nizolo, aliobvnya ngwa le, yiwa yema myr nya ngyma ngama tv gusi sqjamojalo. Nuwa nya pai thrma kwa dvje, ngwa nya yi fi ma bilasenyi pai thrma kwa ma dvjese, bvlo. Yesu le yiwa tv thrmyaje bvgykq nya, yi na Galili kwa tiyeselo. Golrngami yi nyiqabu pai kwa dvje kanv, yi mi xyaxya kwa ma nga nga, khoxrxr be pai kwa dvjelo. Gothv Yuta lazho nya pai kwa yi tv hwasi, yi alikwa tyala? bvlo. Paxyabu kolokwa yi tv cilingono akhy ca tyalo, thibr nya, yi na zho ji ngalo, bvlo, nrbv thibr na, ma nga, yi nya paxyabu tv howujelo, bvlo. Golrngami Yuta lazho tv joma kwabe, xyaxya kwa amami yi tv ma ca. Pai trxw kwachi nya Yesu na sixya vi kwa dvjesi malo. Golrnyi Yuta lazho dwjamysi, lazho thrma nya thoy athvmi ma sonyima ali be thoy sqla? bvlo. Golrnya Yesu yiwa tv phogysi, ngwa mami nya, ngwa cichya tvma ma nga, ngwa tv fifhulasu tvma ngalo. Amangami Wusa nily ye nixwsu nya, mami thrma Wusa tvbe lama nga, nga nya ngwa cichya kwabe xathrma nga, yi sqlengo. Yi cichya kwabe xathrsu nya, cichya myrdo hwalo, yi tv fifhulasu myrdo tv hwasu go thiro nya trma ngasi, ma jixyama axwmi yi tv ma dv. Moxi le nuwa tv jwka gytalo ma ngala? Yi le nuwa kwama thiro mi jwka tv ma phwcho, nuwa axw wunyi ngwa tv senama crhwala? bvlo. Lazho yi zu phogysi, nu tv ni thima dvlo, ama nu tv senama crhwala, bvlo. Yesu le yiwa tv phogysi, ngwa myr thixw ye nya, nuwa ajw myr goma pydu dwjamylo. Moxi le nuwa tv yma kaxw gytalo, kaxw goma nya Moxi tvbe lama na ma nga, phwphabu tvbe lama ngalo, golrsi nuwa nya na vyanyi kwa lazho tv yma kaxw yegylo. Moxi jwka tv ma chyakqnama, na vyanyi kwa lazho thiro tv yma kaxw yegyda nya, na vyanyi kwa ngwa le, lazho thiro tv thi godr lrdafima pydu nuwa ngwa tv nima vyla?. Thvsi kwa modalo xw kwabe tha jakhy, jixyama le jakhy, bvlo. Golrnyi Jrrusalr su thibr le, yiwa senama crhwama nya thr thiro ma ngala?. Athr, yi na xyaxya kwa xathrmi, yiwa yi tv axwmi ma bv, thr thiro nya Jisu go thiro ngama, ala siphabu cwcw sqla?. Golrngami thr thiro alikwa be lama ro sqlo, Jisu chila thvna, yi alikwa be lama amami ma sq, bvlo. Yesu nya sixya vi nvkwa sv dama le khusi, mami casinyi, ngwa ama ngama be, ngwa alikwa be lama nuwa sqlo, ngwa nya cichya kwabe lama ma nga, ngwa tv fifhulasu na trma ngasi, yi tv nuwa ma sq. Ngwa na yi tv sqlo, aliobvnya ngwa na yi tvbe lama ngasi, yi le ngwa tv fifhulao, bvlo. Golrnya yiwa yi tv runama crhwalo, golrngami yi fi ma chilasenyi, amami yi tv runama ma lvlw. Paxyabu kolokwa amyaro yi tv jwsi, Jisu la thv thr thiro yema dwjamydu myr mya ma zhi yelasengo wa? bvlo. Lazho yi zu nya yi tv gusi, golr ciphacha ca tyama tv Phalisqbu pajakq nya, tipha wudw rrsubu be Phalisqbu na yi tv runama sipha fidubu fifhukqlo. Gothv Yesu le, ngwa fai thi paqa le nuwa be tyasi, ngwa tv fifhulasu tv ngwa jengo. Nuwa nya ngwa tv hwami hwa ma my, ngwa tyakwa mi nuwa la ma bala, bvlo. Golrnyi Yuta lazhobu yiwa cho yiwa xathr lvkhosi, lazho thrma nya ro yi tv hwa ma mynachi alikwa jebvla? Yi nya byzho haphyr jesu thi homa tv jesi, byzho tv mabvla?. Yi le, nuwa ngwa tv hwami hwa ma my, ngwa tyakwa mi nuwa la ma bala, bvma nya axw tv bvla? bvlo. Pai yema vyanyi dama loye thi nyi kwa nya, Yesu vezhasi khusinyi, amangami si nya ngwa tv hwa dolv. Ngwa tv jwsu nya Wusa thoy kwa bvma lebe, yi nvkwa be yijya yi svnv yi amya yi dolango, bvlo. Yi thrlr bvma na, yi tv jwsu mynama va tv bvlo, aliobvnya Yesu tv myrdo ma gysenyi, sixyama va ma gylase. Golrnyi paxyabu kolokwama thibr bvkhy thrma paja nya, thrma na cwcw mqnqfasu go thiroma ngalo, bvlo. Thibr nya, thrma na Jisu go thiro ngalo, bvlo, nrbv thibr na, Jisu nya Galili kwabe dolala?. Wusa thoy kwa, Jisu nya daww zhiqalvqa ngasi, daww tyakqma brlrvr kha kwabe dolango, bvlo ma ngala? bvlo. Golrnyi Yesu pydu zhozu kolokwa yi kwa kwalelo. Yiwa thibr nya yi tv runixwlo, yi le amami ma lvlw. Sipha fidubu nya, tipha wudw rrsu be Phalisqbu tyakwa chiye nya yiwa tv, nuwa alikqlenyi yi tv ma rutvlala? bvlo. Sipha fidubu le phogysi, zhoqa amami thr thiro lebe ma xathrnyi, bvlo. Golrnyi Phalisqbu le yiwa tv phogysi, nuwa tv mi yi le howujekqma ngala?. Siphabu kolokwa, nga nya Phalisqbu kolokwa yi tv jwsu jola?. Jwka tv ma sqma lazho yi zu thrma na, jrtama ngalo, bvlo. Yiwa kwama thiro, sakhwa thv Yesu tv lanyima nikhodimu le yiwa tv. Lazho thiro yi bvma hythv pajasi, yi yema tv sqle kanv ma nga nya, ro jwka le yi tv bvmukhyla, bvlo. Yiwa yi tv phogysi, nu mi Galili su ngala? Galili kwabe mqnqfasu thiro mi ma dola, be thoy kwa hwanyisi sqta, bvlo. Go kanv yiwa nya ama vi kwa ama yijelo.

/8 Yesu nya achya waci kwa jelo. Kanv nv Yesu sixya vi kwa faithihwa dule nya, paxyabu ajw yi tv lalo, golrnya yi nyinasi yiwa tv magylo. Thoy bophabu be Phalisqbu nya, vyacho yetyama kwa rutama qamyqa thiro hotvlasi, yi tv kolokwa vetyafisinyi. Maphao, qamyqa thrma na yi thrlr vyacho yetyama kwa rutama ngalo. Jwka kwa na, Moxi le thrlr xw tv hchilelose, be ngwanu tv thwwa gytalo, nu nya ali bvla, bvlo. Yiwa thrlr bvma nya, yi tv degu hwamynama xwnyima ngalo, Yesu na yiwa tv ma pajama lebe kukumuyesi, yi lvnyi le michya kwa bolo. Golrngami yiwa yi tv ma nana nanyi danyi, Yesu vetulasi yiwa tv, nuwa kolokwa fui ma josu hythv yi tv hchilofi, bvlo. Yi fai kukumuyesi, lvnyi le michya kwa boselo. Thrma yiwa paja thv, cichya veni le thanyi, zhiwuma kwabe zhiroma kwachi thiro kanv thiro dojelo, golrnya Yesu thiro le zelesi, qamyqa mi gokwa vetyaselo. Yesu tula thv, qamyqa ma nga nya thiro mi ma monyi, yi le, qamyqao, nu tv desu go thi ho nya alikwa tyala? Nu tv amami fui bvzhqsu ma jola? bvlo. Yi le, siphao, thiro mi ma jo, bvlo, golrnya Yesu le, ngwa mi nu tv ma bvzhq, jegha, thrlr gopo fui tha ye, bvlo. Go kanv Yesu nya paxyabu tv fai xathrsi, minv nyimodu nya ngwa ngo, ngwa tv chosu nya nvzhima kwa ma xrsi, svmya nyimodu jongo, bvlo. Golrnyi Phalisqbu le yi tv, nu nya nu cichya bry sqjamojalo, nu sqjamojama nya ma tr, bvlo. Yesu le yiwa tv phogysi, ngwa nya ngwa cichya bry sqjamoja ngami, ngwa sqjamojama na trlo, aliobvnya ngwa alikwa be lama be, ngwa alikwa jema ngwa sqlo, golrngami ngwa alikwa be lama be, ngwa alikwa jema nuwa ma sq. Nuwa nya hwagodr tv chosi jakhylo, ngwa na ama tv mi ma jakhy. Ngwa jakhybhmi ngwa jakhyma nya trlo, aliobvnya, ngwa na thiro tw le ma nga, ngwa tv fifhulasu baba ngwa be tyalo. Nuwa jwka kwa mi, lazho nyiro sqjamoja khy nya trlo, be botalo. Cichya bry sqjamojasu nya ngwa ngalo, ngwa tv fifhulama baba mi ngwa bry sqjamojalo. Golrnyi yiwa le yi tv, nu baba alikwa tyala? bvlo, Yesu phogysi, ngwa tv mi, ngwa baba tv mi nuwa ma sq, nuwa ngwa tv sq thvna, ngwa baba tv mi nuwa sqlo xwngalo, bvlo. Bvkhy thrma nya, sixya vi kwa yi ma thv, phukygu thi to kwa bvma ngalo, golrngami yi fi ma chilasenyi, yi tv amami ma ru. Golrnyi Yesu le yiwa tv faithihwa, ngwa na jengo, nuwa ngwa tv hwami, nuwa fui kwa nuwa xwngo, ngwa jema kwa nuwa la ma bala, bvlo. Gothv Yuta lazho le, ngwa jema kwa nuwa la ma bala, be yi bvma thrma nya, yi cichya tv yi se be yenyi bvma ngala? bvlo. Golrnya Yesu yiwa tv, nuwa nya nvkhwa kwabe lama ngasi, ngwa na thvsi kwabe lama ngalo, nuwa nya minv thrma kwama ngalo, ngwa na minv thrma kwama ma nga. Golrnyi ngwa nuwa tv, nuwa fui kwa nuwa xwngo, bvngo, aliobvnya, ngwa ngo, nuwa ma jw nya, nuwa fui kwa nuwa xwngo, bvlo. Gothv yiwa le yi tv, nu nya ama ngala? bvlo, Yesu le yiwa tv, yi wu thvle ngwa nuwa tv bvgyma goma ngalo. Ngwa nya nuwa tv guma bvdu be bvmukhydu amya xw jolo, golrngami ngwa tv fifhulasu na trma ngasi, ngwa yi tvbe pajama nya, minv lazho tv ngwa bvmagylo, bvlo. Golrngami yi nya baba tv gusi bvma tv yiwa ma jazi. Golrnyi Yesu le, lazho abi tv nuwa rutukq thvsi le, ngwa ngo, be, ngwa cichya ngwa axwmi ma yema be, baba ngwa tv ali magyla nya golr xathrma nuwa sqlengo. Ngwa tv fifhulasu nya ngwa be tyalo, baba le ngwa tv thiro tw ma lota, aliobvnya yi niphuma ngwa athvmi yelo, bvlo. Thrmyaxw yi bv thv, lazho amya yi tv jwlo. Golrnyi Yesu le, yi tv jwma Yuta lazho go thi ho tv, ngwa bvkhy nvkwa nuwa tya nya, nuwa na cwcw ngwa chophv ngalo. Trma tv nuwa sqlesi, trma le nuwa tv fhugylango, bvlo. Yiwa yi tv phogysi, ngwanu nya abalava zhiqalvqa ngasi, athvmi ama copa ma yenyise, nu nya ali kanyi, nuwa tv fhugylango, bvla? bvlo. Yesu le yiwa tv phogysi, ngwa trtr nuwa tv bvgynyi, fui Yesu amangami fui copa ngalo. Copa nya vi nvkwa thizhilr ma tya, abi na thizhilr tyalo. Golrnyi abi le nuwa tv fhugyla nya, nuwa na cwcw cowu phyrlango. Nuwa nya abalava zhiqalvqa ngama ngwa sqlo, golrngami nuwa nvkwa ngwa bvkhy dvgu ma jonyi, nuwa ngwa tv senama crhwalo. Ngwa baba be thiwa tya thv ngwa monyima ngwa bvlo, nuwa mi nuwa baba tvbe pajama nuwa yelo, bvlo. Yiwa yi tv phogysi, ngwanu baba na abalava ngalo, bvlo, Yesu le yiwa tv, nuwa nya abalava zhiqalvqa nga thvna, abalava yekqma myr nuwa mi yelo xwngalo. Golrngami amy nya Wusa tvbe pajasi, nuwa tv trma bvgylasu ngwa tv nuwa senama crhwalo, abalava na thrlr ma yenyi. Nuwa na nuwa baba yema myr yetyalo, bvlo, yiwa le yi tv, ngwanu nya ma si ma xyama kwa vwtama ma nga, ngwanu baba na Wusa thiro le ngalo, bvlo. Yesu le yiwa tv, Wusa nuwa baba nga thvna, nuwa ngwa tv ninwlo xwngalo, aliobvnya ngwa na Wusa tvbe dolama ngalo, ngwa cichya ngwa lama ma nga, yi le ngwa tv fifhulalo. Nuwa alikqlenyi ngwa bvma tv ma jazila? Ngwa bvkhy tv nuwa nanama xonyi ngalo. Nuwa nya nuwa baba niwati tvma ngasi, nuwa baba vvnijwma nuwa yenixwlo, yi na yiceyiwu thvle zhoqa sesu ngasi, yi tv trcwma ma dvnyi, yi nya trcwma kwa ma vezha, yi kyngo xathr thv, yi cichya kwabe xathr dolalo, aliobvnya yi na kysu ngasi, kyma yi baba ngalo. Golrsi ngwa nya trcwma nuwa tv bvgynyi, nuwa ngwa tv ma jw. Nuwa kwama ali thiro le ngwa fui gumogybvla? Ngwa trma xathr nya nuwa alikqlenyi ngwa tv ma jwla?. Wusa tvbe dolasu nya, Wusa bvkhy nalolo, nuwa nya Wusa tvbe dolasu ma nganyi ma nalo, bvlo. Yuta lazho le yi tv phogysi, nu na samali lazho ngasi, nu tv ni thima dvlo, be ngwanu bvma nya bvyvlo ma ngala? bvlo. Yesu le phogysi, ngwa tv ni ma dv, ngwa baba tv ngwa phwlo, nuwa na ngwa tv ma phw. Ngwa na cichya myrdo ma hwa, ngwa bry myrdo hwa gylasu be bvmukhysu thiro jolo. Ngwa trtr nuwa tv bvgynyi, amami ngwa bvkhy phwcho nya, yi na xwma tv thizhithipa ma mo, bvlo. Yuta lazho le yi tv, amy na nu tv ni thima dvma ngwanu sqleo, abalava be mqnqfasubu nya xwo, nu na amami ngwa bvkhy phwcho nya, thizhithipa xw sv ma sonyi, bvlo. Nu nya xwma ngwanu phwpha abalava thvsi wula? Mqnqfasubu mi xwo, nu nya nu cichya tv ali luxw lazho cya ngo wa? bvlo. Yesu phogysi, ngwa cichya tv ngwa myrdo gybh nya, myrdo goma na axw ma nga, ngwa tv myrdo gysu nya ngwa baba ngalo, nuwa nya yi tv gusi yi nya nuwa si ngalo, be bvlo. Golrngami nuwa nya yi tv ma sq, ngwa na yi tv sqlo, ngwa yi tv ma sq, bvbh nya, ngwa na nuwa lebe zhoky phyrlango, ngwa na yi tv sqsi, yi bvkhy tv phwcholo. Nuwa phwpha abalava nya, ngwa vyanyi mowanama tv kachisi, yi mokq nya niphulo, bvlo. Golrnyi Yuta lazho le yi tv, nu nya ngwazhi kho mi ma josesi, abalava tv nu monyila? bvlo. Yesu le yiwa tv, ngwa trtr nuwa tv bvgynyi, abalava ma jo thvle ngwa ngo, bvlo. Golrnyi yiwa yi tv lo be hchigolo, golrngami Yesu nya pyasi, yiwa kolokwa be kojesinyi, sixya vi kwabe dojeo.

/9 Yesu koje tya thv, vw thvle myatyma lazho thiro tv yi molo. Golrnya yi chophvbu le yi tv nanyisi, Rabio, lazho thr thiro nya vw thvle myatyma, ama fui yema kwabe ngala? Yi fui kwabe ngala? Nga nya yi baba mamabu fui kwabe ngala? bvlo. Yesu le phogysi, lazho thr thiroma le fui yema mi ma nga, yi baba mamabu le fui yema mi ma nga, yi godr kwa Wusa myr mogydolanama ngalo. Nyi jo thvle ngwa tv fifhulasu myr ngwa yenakalo, amami myr ye ma balama sakhwa lango. Ngwa minv kwa tya thv, minv nyimodu ngwa ngo, bvlo. Yi golr bvkq nya, michya kwa mqy tihosi, mqy goma le nrvr phala yesinyi, myatysu myasy kwa megylo. Golrsi yi tv, silo yibr kwa zhiye, bvgylo, (silo bvma nya, fifhutama, bvma ngalo), yi jesi zhikq nya, nyimolasi yi lao. Golrnyi yi ny cho thi cho be, yi nya hythv zadesu ngama monyisu nya, thrma nya nyinasi zadezasu go thiro ma ngala? bvlo. Thibr nya, yi ngalo, bvlo, nrbv thibr nya, ma nga, yi phyryma thiro ngalo, bvlo, yi nya, ngwa ngo, bvlo. Golrnyi yiwa le yi tv, nu myasy ali be nyimolala? bvlo. Yi le phogysi, yesu, khutama lazho thiro le nrvr phalayesi, ngwa myasy kwa megylasinyi, ngwa tv, silo yibr kwa zhiye, bvgylasi, ngwa zhikq nya nyimolao, bvlo. Golrnya yiwa le yi tv, yi alikwa tyala? bvlo, yi le, ngwa ma sq, bvlo. Yiwa le hythv myatyma go thiro tv, Phalisqbu tyakwa hojelo. Yesu le nrvr phala yesi, yi myasy tv phugyma go thi nyi nya na vyanyi ngalo. Golrnyi Phalisqbu mi, yi ali be nyimolama tv nanyiselo, yi nya yiwa tv, yi le ngwa myasy kwa nrvr phala megylasi, ngwa zhikq nya nyimolao, bvlo. Golrnyi Phalisqbu thibr nya, lazho thrma na Wusa tvbe lama ma nga, aliobvnya yi nana vyanyi tv ma phw, bvlo, nrbv thibr na, fui joma lazho nya thr khychima dwjamydu myr ali yebalase? bvlo, golrnyi yiwa cho yiwa kwa lvkholo. Golrnya yiwa le myaty tv, yi nu myasy phugylama kwabe, nu yi tv gusi ali bvla? be faithihwa nanyilo, yi le, yi na mqnqfasu ngalo, bvlo. Yi na hythv myatysu ngasi nyimolama tv, nyimolasu yi baba mama tv khusi, ma nanyi nya, Yuta lazho ma jw. Golrnya yiwa tv nanyisinyi, vw thvle myatyma thr thiro nya nuwa abi ngala? amy nya yi ali be nyimolala? bvlo. Yi baba mama phogysi, thrma nya ngwanu abi ngama ngwanu sqlo, fai yi nya vw thvle myatyma mi ngwanu sqlo. Golrngami amy yi ali be nyimolama ngwanu ma sq, ama le yi tv myasy phugyma mi ngwanu ma sq, yi tv nanyimu, yi nya wudelesu nganyi, yi cichya bry yi xathrlango, bvlo. Yi baba mamabu thrlr bvma nya, Yuta lazho tv jonyi ngalo, aliobvnya amangami yi na Jisu ngalo, be rqn thv, yi tv zivi kwabe gadokqnvlo, be Yuta lazho hythvle gwaje zhqkqnyi. Yi baba mamabu le, yi nya wudeleo, yi tv nanyimu, bvma ngalo. Golrnya hythv myatysu tv, yiwa le nyi hwa thihwa khutvlasi, yi tv, Wusa tv myrdo gy, lazho thr thiro nya fui josu ngama ngwanu sqlo, bvlo. Gothv yi le phogysi, yi nya fui josu nga ma nga ma sq, hythv ngwa nya myatysi, amy ngwa nyimolama thixw na ngwa sqlo, bvlo. Golrnyi yiwa le yi tv, yi nu tv ali yegylala? Yi nu myasy ali be phugylala? bvlo. Yi le yiwa tv, ngwa nuwa tv bvgykqmi, nuwa ma nana, nuwa axw wunyi faithihwa nana nixwsela? Nuwa mi yi chophv ye nixwla? bvlo. Golrnyi yiwa le yi tv jrthasi, nu nya yi siqa ngalo, ngwanu na Moxi siqa ngalo. Wusa nya Moxi tv xathrkqma ngwanu sqlo, golrngami lazho thrma yi alikwa be lama ngwanu ma sq, bvlo. Lazho goma le yiwa tv phogysi, yi le ngwa myasy phugylami, yi alikwa be lama nuwa ma sqma thr thixw nya, dwjamydu ngalo. Fui josu tv Wusa ma nanama ro sqlo, amangami Wusa tv wudwthrsu yesi, yi nily chosu tv na yi nanalo. Mw ty mi ty thapo, amami vw thvle myatysu tv myasy phugyma athvmi ma pajanyi. Lazho thrma nya Wusa tvbe lama ma nga thvna, yi axwmi ye ma bala, bvlo. Yiwa yi tv phogysi, nu na fui nvkwa vwtama ngasi, nu ngwanu tv magylala? Bvsi yi tv gadokqlo. Yiwa yi tv gadokqma Yesu pajasi, yi tv hwamy nya Yesu le, nu nya Wusa yi abi tv jwla, bvlo. Yi phogysi, siphao, ngwa yi tv jwnama yi nya ama ngala? bvlo. Yesu le yi tv, nu yi tv momi monyio, nu be xathrtyama mi yi ngalo, bvlo. Golrnya yi le, siphao, ngwa jwlo, bvsi yi tv wudwthrlo. Yesu le, ngwa minv kwa lama nya nyi ma moma nya nyimolasi, nyimoma nya myatylenama bvmukhy be lama ngalo, bvlo. Yi be tyama Phalisqbu thibr thrmyaxw paja nya, ngwanu mi myatyla? Be bvlo. Yesu le yiwa tv, nuwa myatysu nga thvna, nuwa fui ma jolo xwngalo, golrngami amy nuwa le, ngwanu nyimolo, bvma kwabe nuwa fui na daselo, bvlo.

/10 Ngwa trtr nuwa tv bvgynyi, kakhy kwabe dwlema ma nga nga, yi tr yi thi cr kwabe aro br kwa dvjesu nya, khupha be phyazasu ngalo. Kakhy kwabe dwlesu na aro losu ngalo. Kakhy vunyasu nya yi tv kakhy phugysi, aro mi yi sv tv nalolo, yi nya yi cichya aro tv myr khusi hodojelo. Yi cichya aro ajw tv hodoje thv, yi na yiwa mi thvsi kwa jesi, aro nya yi tv chojelo, aliobvnya yi sv tv yiwa sqlo. Zhoyv thvna yiwa ma choje, yi tvbe chejengo, aliobvnya zhoyv sv tv yiwa ma sq, bvlo. Yesu le tvngo thrma yiwa tv bvgymi, yi yiwa tv bvgyma axw ngama yiwa ma jazi. Golrnyi Yesu le yiwa tv faithihwa, ngwa trtr nuwa tv bvgynyi, ngwa nya aro kakhy ngalo. Ngwa ma la thvle lasu ngathapo nya khupha be phyazasu ngalo, golrngami aro nya yiwa tv ma nalo. Ngwa nya kakhy ngalo, amangami ngwa kwabe dwla nya, yi svmya famysi, yi dwdwdo doyesinyi, xwga zagu hwamyngo. Khupha na, khunama be senama be byalefinama ma nga nya yi ma la, ngwa na yiwa tv svmya myfinama be, wazi bilylema svmya jofinama lalo. Ngwa na jima aro losu ngalo, jima aro losu nya, aro bry yi svmya gylo. Wakutasu na, aro losu ma ngasi, aro nya yi cichya tvma ma nganyi, wetho lama tv mokq nya, aro tv lotayesi chejelo, wetho nya aro tv zizi rulasi, yiwa tv gaphyrkqlo. Yi nya wakutama ngasi, aro tv ma ningonyi chejelo. Ngwa nya jima aro losu ngalo, ngwa aro tv ngwa sqlo, ngwa aro mi ngwa tv sqlo. Baba ngwa tv sqma lebe, ngwa mi baba tv sqlo, golrsi ngwa nya aro bry ngwa svmya gylo. Thr thibr kwama ma ngama nrbv aro mi ngwa joselo, yiwa tv mi ngwa honakalo, ngwa sv tv yiwa nalosi, yiwa nya thi zu le josinyi, aro losu mi thiro le jongo. Ngwa svmya faithihwa tvyilanama, ngwa svmya gykqnyi, baba nya ngwa tv ninwlo. Ngwa svmya tv rutvje balasu ma jo, ngwa cichya le gyma ngalo, gynama jwwa ngwa tv jolo, tvyilanama jwwa mi ngwa tv jolo, thwwa thrma nya ngwa baba tvbe myma ngalo, bvlo. Bvkhy thrma kwabe, Yuta lazho nya faithihwa kwa lvkho tulalo. Yiwa amya thibr nya, yi tv ni thima dvsi wulo, axw wunyi yi tv nanala? bvlo. Nrbv thibr nya, bvkhy thrma na ni wusu bvkhy ma nga, ni nya myaty tv myasy phugy balala? bvlo. Gothv Jrrusalr kwa tice pai yemafi ngasi, mwzhu ngalo. Yesu nya sixya vi kwama solomo lavikhy kwa xrcotyalo. Golrnyi Yuta lazho nya yi colo kwa zilasi, yi tv, nu ngwanu tv amy chi dwjamya tya fibvla? Nu Jisu nga nya, ngwanu tv trtr bvgylv, bvlo. Yesu le yiwa tv phogysi, ngwa nuwa tv bvgykqmi nuwa ma jw, ngwa baba myr kwabe yema myr le ngwa bry sqjamojalo. Golrngami ngwa bvma lebe, nuwa nya ngwa aro kwama ma nganyi nuwa ma jw. Ngwa aro nya ngwa sv nalolo, fai ngwa yiwa tv sqsi, yiwa nya ngwa tv cholalo. Ngwa yiwa tv thizhithipama svmya gysi, yiwa athvmi ma myyesinyi, amami ngwa lvphv kwabe yiwa tv ma vutvje. Ngwa tv aro gylasu ngwa baba nya, ajwma thvsi wuma ngasi, amami ngwa baba lvphv kwabe yiwa tv vutvje ma bala. Ngwa be baba nya thima le ngalo, bvlo. Gothv Yuta lazho nya fai yi tv lo be hchigolo. Yesu yiwa tv phogysi, ngwa baba tvbe jima myr amya ngwa nuwa tv mogykqo, myr ali thixwma pydu nuwa ngwa tv hchilobvla? bvlo. Yuta lazho le yi tv phogysi, jima myr kwabe ngwanu nu tv hchilolo ma nga, yi le nu nya ma cemajrsi, nu nya lazho ngami, cichya nya Wusa ngalo, bvma kwabe ngalo, bvlo. Yesu le yiwa tv phogysi, nuwa nya sibu ngalo, be ngwa bvlo, nuwa jwka thoy kwa botalo ma ngala?. Sixya thoy na yi gokqle ma da, Wusa bvkhy chila thi homa tv yi le, sibu, khu nya. Baba le sixyama cetasi, minv kwa fifhulasu le, ngwa na si yi abi ngalo, bvma kwabe, nuwa na bv ma cemajrlo, be bvla?. Ngwa baba myr ngwa ma ye nya ngwa tv tha jw. Ngwa yi myr ye thvna, nuwa ngwa tv ma jwmi baba ngwa nv tyama be ngwa mi baba nv tyama, nuwa sqlesi jwnama, myr thrmyama tv jw, bvlo. Yiwa nya fai yi tv runama crhwalo, golrngami yi nya yiwa lvphv kwabe lijeo. Yi nya yota yima gobasi, Yova yiwu godr tigygu kwa fai jesi gokwa tyayelo. Golrnya lazho amya yi tv lasi, Yova na dwjamydu myr axw ma yenyimi, yi le lazho thr thiro tv gusi bvma ajw nya trma ngalo, bvlo. Gokwa lazho amya Yesu tv jwlo.

/11 Gothv mali be yi afi matha tyama brthani kha kwa, lasaru myrtama thiro nya natyalo. Mali nya, sipha tv xonrzhy le megysi, yi chiphv kwa yi wukuma le xwgysu go thiro ngasi, natyama lasaru nya yi nyiqa ngalo. Golrnyi Yesu tyakwa yi afibu le su tv fifhulasi, nyina, siphao, nu ninwma lazho natyalo, bvlo. Golrngami Yesu paja thv, yi le, na thrma nya xw na chinalo ma nga, nama thrma nya xwnama ma nga, golrngami Wusa myrdo bry ngasi, thrma kwabe Wusa yi abi tv myrdo gynama ngalo, bvlo. Yesu nya matha be yi nyima be lasaru tv ninwlo. Yi natyama tv Yesu pajakqmi, yi tyagu kwa nyi nyi tyaselo. Go kanv nya yi le chophvbu tv, Yuta mw kwaro faithihwa jelv, bvlo. Yi chophvbu le yi tv, Rabio, amysi Yuta lazho nu tv hchilelo be yetyasi, nu gokwa faithihwa jela? bvlo. Yesu le phogysi, thi nyi kwa zhinyi jw jolo ma ngala? Amangami molo thv jagu xr nya yi chi ma thikq, aliobvnya minv thrma kwama nyimodu tv yi molo. Golrngami ama sakhwa thv jagu xrbh nya, yi nvkwa nyimodu ma jonyi chi thikqlo, bvlo. Thrmyaje bvkq nya Yesu le yi chophvbu tv, ro kwa cho lasaru yimytyalo, ngwa na yi tv yinyigynama jengo, bvlo. Golrnyi chophvbu le yi tv, siphao, yi yimytya thvna dalengo, bvlo. Yesu nya yi xwma tv bvmi, yiwa na wuhynasi yimyma tv bvlo, dwjalo. Gothv Yesu yiwa tv trtr bvgysi, lasaru na xwo. Nuwa jwnama, ngwa gokwa ma tyanyi nuwa bry ngwa niphulo, golrngami ro yi tv jelv, bvlo. Gothv didima bvma thoma le yi be thi cho chophv yesubu tv, ro mi yi be thi cho xwnama jelv, bvlo. Yesu chiye thv, lasaru na lrzu kwa twkqma li nyi joma yi sqlelo. Brthani nya Jrrusalr pha thi kwa ngasi, ala lota qa zhingwa thq chikozhalo. Matha be mali yiwa nyiqa xwma pydu, Yuta lazho amya nya yiwa tv nima kugynama lalo. Yesu lama tv matha pajakqmy thv, yi dojesi zhwyelo, mali na vi kwa nyina tyaselo. Golrnya matha le Yesu tv, siphao, nu tha tya thvna ngwa nyiqa ma xwlo xwngalo. Amy ngami Wusa tv nu axw demi Wusa nu tv gylama ngwa sqlo, bvlo. Yesu le yi tv, nu nyiqa svyilasengo, bvlo. Matha le yi tv, svyilama kwa, loyema vyanyi kwa yi svyilama na ngwa sqlo, bvlo. Yesu le yi tv, ngwa na svyilama be svmya ngalo, ngwa tv jwsu nya, xwkq ngami svlango. Svtyasi ngwa tv jwsu amami thizhi ma xw, thrma tv nu jwla, bvlo. Matha le yi tv, siphao, ngalo, nu na minv kwa lanama Wusa abi Jisu go thiro ngama ngwa jwlo, bvlo. Thrma bvkq nya, yi yijesi, khoxrxr yi nyima mali tv khuyesi, mapha chilasi nu tv khulo, bvlo. Thrma tv mali pajakqmy thv yi nizha tusi Yesu tyakwa jelo. Yesu nya kha nvkwa ma dwlese, matha yi tv zhwlagu kwa tyaselo. Gothv yi be vi kwa tyasi yi tv nima kugytyasu Yuta lazhobu nya, mali nizha tusi dojema tv mokq thv, yi na lrzu kwa ngunama jelo, bvsi yi tv chojelo. Mali nya Yesu tyakwa chiyesi yi tv mokq nya, yi chiti kwa molesi, siphao, nu tha tya thvna ngwa nyiqa ma xwlo xwngalo, bvlo. Golrsi mali nguma be yi tv cholasu Yuta lazho nguma tv Yesu mokq nya, yi ningu nixanyi. Nuwa yi tv alikwa kytala? bvlo, yiwa le, siphao, lonyi lv, bvlo. Yesu nya ngulo. Golrnyi Yuta lazho le, yi nya yi tv akhy chi ninwma tv nyina, bvlo. Golrngami yiwa thibr nya, myaty tv myasy phugysu thr thiro nya, lazho thrma tv mi ma xwnama yi ye ma kula? bvlo. Golrnya Yesu fai nima xanyi be lrzu kwa lalo, lrzu goma nya hkhu ngasi, yi khy kwa nya hchi thi phyaxrtalo. Yesu le, hchi tv rufhukq, bvlo, xwsu yi afi matha le, siphao, amy na yi xw mochrnrngo, aliobvnya yi xwma li nyi jolo, bvlo. Yesu le yi tv, nu jw nya Wusa myrdo tv nu mongo, be ngwa nu tv bvgytalo, ma ngala?, bvlo. Gothv yiwa le xwsu dagu kwabe hchi jwfhukw nya, Yesu mukwa kwa losi, babao, nu ngwa tv nanakqnyi nu tv xamo. Nu athvmi ngwa tv nana ngwa sqlo, golrngami colo kwa vezhama lazho yi zu wunyi, nu le ngwa tv fifhulama tv yiwa jwnama ngwa thrlr bvlo, bvlo. Yi golr bvkq nya, sv dama le khusi, lasaruo, dolv, bvlo. Xwsu nya chiphv lvphv kwa mycha thr zhasi dolalo, yi phyrmya kwa mi lvxwcha le litalo, Yesu le yiwa tv, phykqsi yi tv jefi, bvlo. Gothv mali tv trnyi lasu Yuta lazho amya nya, Yesu yema tv mokq thv yi tv jwlo. Golrngami yiwa thibr nya, Phalisqbu tv jesi, Yesu yekqma yiwa tv bvmagylo. Gothv tipha wudw rrsubu be Phalisqbu nya, bvmu zidu dama khu zilasi, ro ali yengo wa? Lazho thrma na dwjamydu myr amya yelo. Yi tv thrlr fhulefhuta thvna, ajwsu yi tv jwngo, golrnya roma lazho lasi, ro tyagu ngami, ro mw ngami vutvjengo, bvlo. Golrngami yiwa kwama khqyapha thiro nya, go thi kho kwa tipha dama rrsu nganyi, yiwa tv, nuwa axwmi ma sq. Ro thixwma lazho ajwlr ma myyefinama, lazho thiro paxyabu bry xwma nya, ro bry jigu joma nuwa ma dwjala? bvlo. Yi thrlr bvma nya, yi cichya kwabe bvma ma nga, go thi kho kwa yi na tipha dama rrsu nganyi, Yuta thixwma lazho bry Yesu xwnama yi mqnqfama ngalo. Yuta lazho thixwma bry le ma zhi, thi mw thi mw kwa haphyrkqma Wusa qanrbu mi thi zu le zilafinama ngalo. Yiwa nya go thi nyi kwabe Yesu tv sekqnama gwajr lvkholo. Golrnyi Yesu nya Yuta lazho kolo xyaxya kwa fai ma coje, yi na gokwa be dojesi, lichi pha thi kwa, yiphali myrtama lophr kwa dwlesinyi, yi chophvbu be gokwa tyayelo. Gothv nya Yuta lazho vikho pai yema vyanyi nylalo, vikho pai ma ye thvle amy aro nya, yiwa godr tv xyalefinama mwqa khaqa kwabe dojesi, Jrrusalr kwa dvjelo. Golrnyi yiwa nya Yesu tv hwasi, sixya vi kwa vezha thv, thiro cho thiro, nuwa ali dwjala? Pai yema kwa yi ma la na, bvlo. Tipha wudw rrsubu be Phalisqbu nya, yi tv rumynama, yi alikwa tyama ama sq nya, bvgylanakalo, be thwwa gylo.

/12 Yesu nya vikho pai ma ye cho nyi thvle, hythv xwkqma, xwma kwabe yi le svyilafima lasaru tyama brthani kwa chilalo. Golrnya yiwa gokwa yi tv mykhy zaxya gyzasi, matha rrjalo, lasaru na yi be thiwa zaza be nyina tyasu kwama thiro ngalo. Mali nya akhy phwma na tq xonrzhy cw zhinyi lorusi, Yesu chiphv kwa megysinyi, yiwu kuma le xwgylo, golrsi vi kwa nya xonrzhy svlebidalo. Gothv yi tv wuzakqnama, yi chophv khalio pha yuda simu yi qa le. Xonrzhy thrma axw wunyi phu savya phv be wusi zho xa tv ma degyla? bvlo. Yi thrlr bvma nya, zho xa tv jakonyi ma nga, yi na phuphi khutvtasi, gokwa kytama tv yi khufolenyi ngalo. Gothv Yesu le, yi tv tha khyly, ngwa tv twma vyanyi bry xonrzhy thrma yi xatama ngalo. Aliobvnya zho xa na athvmi nuwa be thiwa tyama jolo, ngwa na athvmi nuwa be thiwa tyalo ma nga, bvlo. Yesu gokwa tyama tv Yuta lazho yi zu sqle nya, yiwa mi lalo, Yesu tv monama le ma zhi, yi le xw kwabe svyilafima, lasaru tv monama mi ngalo. Golrngami tipha wudw rrsubu nya, lasaru tv mi sekqnama gwajr lvkholo. Aliobvnya lasaru pydu, Yuta lazho amya nya hajesi, Yesu tv jwlo. Kanv thi nyi pai yema kwa lama zhozu dama nya, Jrrusalr kwa Yesu lama paja thv. Jixu lvkorusi, yi tv zhw be dojesinyi, hosana, sipha myr kwabe lama Yisqle wati nya yjoxr jolo, be khulo. Yesu nya tholamuqa thi chi hwamynyi zitalo, thrma nya thoy kwa. Ziyu amio, tha jo, nyina, nu wati nya tholamuqa thi chi zysi lalo, be botama lebe ngalo. Yiwu thv yi chophvbu nya thrmyaje tv ma jazi, golrngami Yesu myrdo mykq kanv nya, botama thrmyaje na yi tv gutama ngasi, yi tv thrmyaxw yegyma tv mi yiwa dwjachilalo. Golrnyi lasaru tv lrzu kwabe khudolasi, xw kwabe yi tv svyilafi thv, Yesu be tyama lazho yi zu nya yi tv mo sqjamojalo. Zhozu le Yesu tv zhwjema nya, dwjamydu myr yema yiwa pajama pydu ngalo. Golrnyi Phalisqbu nya yiwa cho yiwa xathr lvkhosi, ro ali yemi ma phyrlao, nyina, mwkodw dwsu yi tv chojeo, bvlo. Pai yema kwa wudwthr be dvjesu kolokwa, vili lazho thibr jolo. Golrnyi thrthi homa nya, Galili mw kwama brseda su phili tv lasi, zhotio, ngwanu nya Yesu tv mo nixwlo, bvlo. Phili lasi vdrru tv bvgylo, golrsi vdrru be phili nya thi cho Yesu tv bvgylo. Golrnya Yesu le yiwa tv, lazho abi myrdo mynama yi jw chilao. Ngwa trtr nuwa tv bvgynyi, xwa xw thi sy nya minv nv zhedwlesi ma xw nya, yi thi sy le dalo, golrngami yi xw thvna, yi sy amya drlo. Cichya svmya tv ninwsu nya, yi svmya phiyengo, minv thrma kwa cichya svmya tv nizosu na, thizhithipama kwachi svmya xatamyngo. Amangami ngwa tv rrja nixw nya, ngwa tv cholafi, ngwa alikwa tya nya, ngwa tv rrjasu mi gokwa tyamyngo, amangami ngwa tv rrja nya ngwa baba yi tv phwngo. Amy ngwa ymya jaxalo, ngwa ali bvnvla? Babao, thrthi jw kwabe ngwa tv cyudolv, bvnvla? Golrngami thrthi jw pydu ngwa lama ngalo. Babao, nu myr tv domugy, bvlo, gothv mukwa kwabe sv thima dolasi, ngwa myr tv domukqo, fai domusengo, bvlo. Golrnya pha thi kwa vezhasi sv goma pajama zhozu nya, mugumylo, bvlo, nrbv thibr na, mukwa fidu thiro yi tv xathr fhulalo, bvlo. Yesu le, sv thrma na ngwa bry lama ma nga, nuwa bry ngalo. Amy nya minv thrma tv bvmukhy jw ngalo, amy nya minv thrma yi sipha tv gadokqngo. Golrsi ngwa tv minv kwabe rutukq nya, ngwa le ngwa tv mo ajwsu tv cw holango, phogylo. Yesu thrlr bvma nya, yi ali be xwnama bvmogyma ngalo. Zhozu le yi tv phogysi, Jisu na thizhithipa tyama, jwka thoy kwabe ngwanu pajanyio, nu nya ali kanyi lazho abi tv rutukqnakalo, be bvla? Lazho abi thrma ama ngala? bvlo. Golrnya Yesu le yiwa tv, nyimodu nya nuwa be thi paqa tyaselo, nvzhima nuwa tv ma gamynama, nyimodu nuwa be tya thvle jagu xr, nvzhima kwa xrsu nya, ali tv si jema yi ma sq. Nuwa nya nyimodu yi qanr phyrlanama, nyimodu jo thvle, nyimodu tv jw, bvlo, Yesu thrmyaje bvkq nya, jesi yiwa tvbe pya nya jelo. Yesu nya yiwa phyr thvkwa, dwjamydu myr thrmya yegymi yiwa nya yi tv ma jw. Thrma nya mqnqfasu yisaya bvkhy tv bilafinama ngalo, yi le, siphao, ngwanu camado tv ama jwla? Sipha yi lvww ama tv mogynyila? bvlo. Thrma pydu yiwa jw ma bala, aliobvnya yisaya fai thrlr bvlo. Yiwa myasy nyi ma monama be, yiwa nima ma jazinama be, ma phoyilanama be, ngwa yiwa tv na ma xyagynama, yi le yiwa tv myasy tylefisi, yiwa nima fhulefilo, bvlo. Yisaya nya yi myrdo mokqnyi yi tv gusi thrmyaje bvkqo. Gothv siphabu kwama ngami yi tv amya jwlo, yi le, Phalisqbu wunyi, zivi kwabe gadokqma tv kocrnyi, yiwa ma rqn. Aliobvnya yiwa na Wusa gylama myrdo tv sy ma zhi, zhoqa kolokwama myrdo tv nwlo. Golrnya Yesu khusi thrlr bvlo, ngwa tv jwsu nya, ngwa tv jwma ma nga, ngwa tv fifhulasu tv jwma ngalo. Ngwa tv mosu mi, ngwa tv fifhulasu tv moma ngalo. Ngwa tv jwsu ali thiro ngami, nvzhima kwa ma tyamynama ngwa nya minv kwa lama nyimodu ngalo. Amangami ngwa bvkhy pajasi ma jw nya, ngwa yi tv bvmu ma khy, aliobvnya ngwa na minv tv bvmukhy be lama ma nga, minv tv svmyafagy be lama ngalo. Ngwa tv lokqsi, ngwa bvkhy tv ma khorusu tv nya bvmukhysu thiro jolo, loyema vyanyi kwa, ngwa bvma bvkhy goma le yi tv bvmukhyngo. Aliobvnya ngwa na cichya kwabe bvlo ma nga, ngwa tv fifhulasu baba nya, ngwa axw bvnvma be, ngwa axw xathrnvma, ngwa tv thwwa gylao. Yi thwwa nya thizhithipama svmya ngama ngwa sqlo, golrnyi ngwa xathrma nya, baba ngwa tv bvgylama lebe xathrlo.

/13 Vikho pai ma ye hythvle, Yesu nya minv kwabe dojesi, baba tv jenama yi jw chilama sqnyi, minv kwa tyama yi lazho tv yi ninwsi, loye kwachi yi le yiwa tv ninwlo. Zazakq nya niwati le simu yi qa khalio pha yuda nima kwa, Yesu tv wuzakqnama cu yi hythvle hotagynyi. Yesu nya, baba le joma ngathapo yi lvphv kwa lvjrtama be, yi nya Wusa tvbe dolasi, Wusa tv yi yijenama sqnyi. Mykhy zaza kwabe tusi, yi bwzhy lwkqsinyi, mycha thi lvrusi yi jufi kwa hqlo. Yi nya lu kwa yijya hosi, yi chophvbu chiphv zhigysinyi, yi tv hqtama mycha goma le xwgywutulo. Simu phithr tv yi chila thv, phithr le, siphao, nu ngwa chiphv zhigybvla? bvlo. Yesu le yi tv phogysi, ngwa axw yema amy nu ma sq, golrngami kanv nya nu sqlengo, bvlo. Phithr le yi tv, ali ngami ngwa chiphv nya nu tv thi zhi ma zhifi, bvlo, Yesu le yi tv phogysi, nu tv ngwa ma zhigy nya, ngwa be nu nya axw kuji ma jo, bvlo. Simu phithr le yi tv, siphao, ngwa chiphv le ma zhi, ngwa lvphv mi ngwa wudw mi zhigylv, bvlo. Yesu le yi tv, godr zhitasu nya, chiphv kwa le ma nga nya yi tr yi kwa zhi ma chw, yi nya xya be xyaleo, nuwa nya xyalo, golrngami ajwlr na ma nga, bvlo. Aliobvnya yi tv wuzakqnama thiro tv yi sqnyi, yi le, nuwa ajw xyalelo ma nga, bvma ngalo. Golrnya Yesu yiwa chiphv zhikqsi, yi bwzhy rugwasinyi nakq nya, yi yiwa tv, ngwa nuwa tv axw yegyma nuwa sqla?. Nuwa nya ngwa tv, mapha be sipha, khulo, nuwa bvma na bvyvlo, aliobvnya ngwa na golr ngalo. Ngwa nya nuwa mapha be sipha ngasi, nuwa chiphv zhigy nya, nuwa mi thiro cho thiro chiphv zhigy lvkhonvlo. Aliobvnya ngwa nuwa tv yegyma lebe nuwa mi yenama, ngwa nuwa tv tvbyr ye motagylo. Ngwa trtr nuwa tv bvgynyi, copa nya yi sipha thvsi wulo ma nga, fidu mi yi tv fisu thvsi wulo ma nga. Thrmyaje nuwa sq thvna, nuwa ye nya yjoxr jolo. Ngwa nuwa ajwlr tv bvma na ma nga, ngwa le sitasu tv ngwa sqlo, golrngami sixya thoy kwa, ngwa be zazasu yi chimydu le ngwa tv pelalo, be botama bilanama ngalo. Goma kqle thv, ngwa ngo, nuwa jwnama, amy ma phyrla thvle ngwa nuwa tv bvgylo. Ngwa trtr nuwa tv bvgynyi, ngwa le ama tv fifhukq nya ama tv khorusu na, ngwa tv khoruma ngalo, ngwa tv khorusu nya, ngwa tv fifhulasu tv khoruma ngalo, bvlo. Yesu thrma bvkq nya, yi nija xanyi be sqjamojasi, ngwa trtr nuwa tv bvgynyi, nuwa kwama thiro le ngwa tv wuzakqngo, bvlo. Chophvbu nya yi ama tv bvlo ma sqnyi, thiro cho thiro lo lvkholo. Gothv Yesu ninwma chophv thiro nya, Yesu okhy kwa kotyalo. Golrnyi simu phithr le yi tv myngolwsi, yi ama tv bvma ngwa nu tv bvgylv, bvlo. Yi nya yi golr Yesu okhy kwa kozhasi, siphao, ama ngala? bvlo. Golrnyi Yesu phogysi, ngwa le papa atiqa tisi ama tv gy za nya goma ngalo, bvlo, golrnya yi le papa atiqa tikq nya, simu yi qa khalio pha yuda tv gylo. Papa atiqa goma yuda rusi zakq nya, sadv yi tv dwlelo, gothv Yesu le yi tv, nu axw yebv nya ami ye, bvlo. Yi axw wunyi yi tv thrlr bvma tv, sala kwa tyasu thiro mi ma sq. Aliobvnya yuda na phuphi khutvtasu nganyi, Yesu le yi tv, pai yema kwa rryvma guju wuyenama, nga nya zho xa tv thixw gynvlo, be bv na, dwjasu thibr jolo. Papa goma yi rumy le kanv yi zha be dojelo, gothv nya sakhwa ngalo. Golrnyi yi dojekq nya, Yesu le, amy lazho abi myrdo dolao, Wusa nya yi kwabe myrdo myngo. Wusa nya lazho abi kwabe myrdo mybh nya, Wusa le yi tv mi myrdo gyngo, nizha yi tv myrdo gyngo. Qanrqabuo, ngwa nuwa be thi paqa le tyango, nuwa mi ngwa tv hwango, ngwa jema kwa nuwa la ma bala, be Yuta lazho tv ngwa bvkqma lebe, amy ngwa nuwa tv mi bvngo. Nuwa thima cho thima ninw lvkhonama, thwwa yixw thi khy ngwa nuwa tv gyngo, ngwa nuwa tv ninwma lebe, nuwa mi thiro cho thiro ninw lvkhonama thwwa gylo. Nuwa thiro cho thiro ninw lvkhoma nima jo nya, thrma kwabe nuwa na ngwa chophv ngama zhoqa ajw sqlengo, bvlo. Simu phithr le yi tv, siphao, nu alikwa jengo wa? bvlo, Yesu le phogysi, ngwa jema kwa nya, amy nu ngwa tv cho ma bala, golrngami kanv nya nu cholango, bvlo. Phithr le yi tv, siphao, alikqlenyi amy nu tv ngwa cho ma balala? Nu bry ngwa svmya gykq nixwlo, bvlo. Yesu le phogysi, ngwa bry nu svmya gykqbvla? Ngwa trtr nu tv bvgynyi, ahpha ma bwse thvle, nu ngwa tv ma rqnma sahwa kqlengo.

/14 Nuwa nima tha jaxa, Wusa tv jw, ngwa tv mi jw. Ngwa baba vi kwa nya tyagu amya jolo, ma jo thvna ngwa nuwa tv hythvle bvgylo xwngalo, ngwa nuwa bry tyagu xyagy be jelo. Ngwa jesi nuwa bry tyagu xyadole nya, ngwa faithihwa lasi, ngwa alikwa tya nya nuwa tv mi gokwa tyamynama, ngwa cichya tyama kwa nuwa tv khorungo. Ngwa alikwa jema nuwa sqlo, jagu mi nuwa sqlo, bvlo. Thoma le yi tv, siphao, nu alikwa jema ngwanu ma sq, jagu ngwanu ali sqse? bvlo. Yesu le yi tv, ngwa na jagu be trcwma be svmya ngalo, ngwa kwabe ma nga nya baba tv lasu thiro mi ma jo. Nuwa ngwa tv sq thvna, ngwa baba tv mi nuwa sqlo xwngalo, thrlr gopo nuwa yi tv sqmi sqlo, momi monyio, bvlo. Phili le yi tv, siphao, baba ngwanu tv mogylv, golrnya ngwanu nikhwa xwngo, bvlo. Yesu le yi tv, philio, ngwa nya nu be thr my chi tyakqmi nu ngwa tv ma sqsela? Ngwa tv monyisu nya baba tv monyima ngalo, nu ali be baba ngwanu tv mogylv, bvla? bvlo. Ngwa nya baba nvkwa tyama be, baba nya ngwa nvkwa tyama, nu ma jwla? Ngwa nuwa tv bvgyma bvkhy nya ngwa cichya ngwa bvma ma nga, ngwa nvkwa tyama baba le yi myr yi yema ngalo. Ngwa na baba nvkwa tyama be, baba nya ngwa nvkwa tyama tv jw, ma nga nya myr go myama pydu ngwa tv jw. Ngwa trtr nuwa tv bvgynyi, ngwa tv jwsu nya, ngwa yema myr yi mi yengo, thrma thvsi wuma myr mi yi yengo, aliobvnya ngwa baba tv ngwa jengo. Baba nya abi nvkwa myrdo mynama, ngwa myr kwabe nuwa axw demi goma ngwa yengo. Ngwa myr kwabe nuwa axw demi, goma ngwa yengo. Nuwa ngwa tv ninw nya, ngwa thwwa phwcho. Golrsi baba tv ngwa de nya, yi le niku gysu yi tr yi thiro nuwa tv gylango, yi nya nuwa be thizhithipa tyalo. Yi na trma va ngalo, minv nya yi tv khoru ma bala, aliobvnya minv na yi tv momi ma mo, sqmi ma sq, nuwa na yi tv sqlo, aliobvnya yi na nuwa be tyasi, nuwa nv tyalango. Ngwa nuwa tv qachw ma dotiyefi, ngwa nuwa tv lango. Fai thi paqa nya minv ngwa tv fai ma moo, golrngami nuwa na ngwa tv mongo, ngwa svtyanyi, nuwa mi svtyawango. Go thi nyi kwa nya, ngwa baba nvkwa ngwa tyama be, ngwa nvkwa nuwa tyama be, nuwa nvkwa ngwa tyama nuwa sqlengo. Ngwa thwwa josi phwchosu nya, ngwa tv ninwsu ngalo, ngwa tv ninwsu tv nya, ngwa baba le yi tv ninwngo, ngwa mi yi tv ninwsi, ngwa cichya yi tv mogyngo, bvlo. Khalio pha ma ngama yuda le yi tv, siphao, alikqlenyi nu ngwanu tv mogysi, minv tv ma mogyla? bvlo. Yesu le yi tv phogysi, amangami ngwa tv ninwsu nya, ngwa bvkhy phwchongo, ngwa baba mi yi tv ninwsi, ngwanu yi tv lasinyi, yi tv ngwanu tyagu yelango. Ngwa tv ma ninwsu nya ngwa bvkhy ma phwcho, nuwa pajama bvkhy nya ngwa cichya tvma ma nga, ngwa tv fifhulasu baba tvma ngalo. Thrmyajema nya, nuwa be tya thvle ngwa nuwa tv bvgykqo. Golrngami baba le ngwa myr kwabe fifhulenama, nima kugysu sixyama va le nuwa tv ajwlr magylasi, ngwa nuwa tv bvgyma ajwlr, nuwa tv dwjachilafingo. Ngwa nuwa tv silima gytayengo, ngwa silima ngwa nuwa tv gyngo, ngwa nuwa tv gyma nya minv gyma lebe ma ka, nuwa nima tha jaxa, jomi tha jo. Ngwa nuwa tv, ngwa na jesi, ngwa nuwa tv lango, bvma nuwa pajakqo, nuwa ngwa tv ninw thvna, baba tv ngwa jengo, bvma kwabe nuwa kachilo xwngalo, aliobvnya ngwa baba na ngwa thvsi wulo. Kqle thv nuwa jwlanama, amy ma kqle thvle ngwa nuwa tv bvtagylo. Thrlr gopo ngwa nuwa tv amya ma xathro, aliobvnya minv thrma yi sipha lango, yi nya ngwa tv axw kuji mi ma jo. Golrngami ngwa nya baba tv ninwma be, baba le ngwa tv thwwa gytama lebe ngwa yema tv minv sqlenama ngalo, tu, thrkwa be ro jelv.

/15 Ngwa na chrlr ca cw ngalo, ngwa baba nya xyaligysu ngalo. Ngwa tv nozhasi yi sy ma drma lvka ali thima tv yi rutvjengo, yi sy drma ali thima tv nya, yi sy myanyi drlanama, yi xyaligylo. Ngwa nuwa tv bvgyma bvkhy kwabe, amy le nuwa sixyaleo. Nuwa ngwa nvkwa tya, ngwa mi nuwa nvkwa tya, yi ca kwa ma nozhama lvka nya, yi cichya yi sy drla ma kuma lebe, nuwa mi ngwa nvkwa ma tya nya yi sy drla ma ku. Ngwa nya yi ca ngalo, nuwa na yi lvka ngalo, ngwa nv tyasi, ngwa nya yi nvkwa tyama thr thiro nya yi sy amya drlo, aliobvnya ngwa be kozha nya, nuwa axwmi ye ma bala. Amangami ngwa nvkwa ma tya thvna, si lvka thv lebe yi tv lokqsi juyelo, golrsi su le goma tv gosi, ato kwa lohokq nya chukqlo. Nuwa ngwa nvkwa tyasi, ngwa bvkhy nuwa nvkwa dv nya, nuwa nwma axw demi nuwa tv gylango. Nuwa yi sy amya drma kwabe ngwa baba myrdo myngo, golrsi nuwa mi ngwa chophv phyrlango. Baba ngwa tv ninwma lebe, ngwa mi nuwa tv ninwlo, ngwa nwni nvkwa nuwa cho xr. Ngwa baba thwwa tv ngwa phwchosi yi nwni kwa tyama lebe, ngwa thwwa tv nuwa phwcho nya, ngwa nwni nvkwa nuwa tyamyngo. Ngwa kachini nuwa nvkwa dvsi, nuwa kachini bilafinama, thrmyajema ngwa nuwa tv bvgylo. Ngwa nuwa tv ninwma lebe, nuwa thiro cho thiro ninw lvkhonama thrma nya ngwa thwwa ngalo. Lazho thiro nya yi kwa cho bry svmya gykqma, thrma thvsi wuma nwni amami ma jo. Ngwa nuwa tv thwwa gyma nuwa ye nya, nuwa na ngwa kwa chobu ngalo. Thrlr gopo ngwa nuwa tv copa ma khu, aliobvnya copa na yi sipha axw xwyema yi ma sq, golrngami ngwa nya nuwa tv kwa cho khulo, aliobvnya baba tvbe ngwa pajama ajw, ngwa nuwa tv sqlefilo. Nuwa le ngwa tv sitama na ma nga, ngwa le nuwa tv sitama ngalo, golrsi nuwa nya ngwa myr kwabe baba tv axw demi, yi nuwa tv gylanama, fai, nuwa jesi yi sy drsinyi, nuwa dema yi sy dakhunama ngwa nuwa tv sice fhukqngo. Nuwa thiro cho thiro ninw lvkho, ngwa nuwa tv thwwa gylo. Minv le nuwa tv nizobh nya, nuwa tv ma nizo thvle, ngwa tv nizoma nuwa sqlo. Nuwa nya minv kwama nga thvna, minv nya yi cichya tvma tv yi ninwngo, nuwa na minv kwama ma nganyi, fai ngwa nuwa tv minv kwabe sitanyi, minv nya nuwa tv nizolo. Copa nya yi sipha thvsi wulo ma nga, be ngwa nuwa tv bvgyma tv cita, yiwa ngwa tv kahwa nya, nuwa tv mi kahwango, yiwa ngwa bvkhy phwcho nya, nuwa bvkhy mi phwchongo. Golrngami ngwa tv fifhulasu tv yiwa ma sqnyi, ngwa myr pydu yiwa le nuwa tv thrmyaxw yegylango. Ngwa ma lasi yiwa tv ma bvgy thvna, yiwa fui ma jolo xwngalo, amy na yiwa fui bry pidu ma joo. Ngwa tv nizosu nya, ngwa baba tv mi nizolo. Amami ma yenyima myr ngwa yiwa kolokwa ma ye thvna, yiwa fui ma jolo xw ngalo, amy na yiwa ngwa tv mi, ngwa baba tv mi, momi monyio, nimi nizonyio. Golrngami thrma nya, yiwa jwka thoy kwa botama, yi cr ma jo kwa yiwa ngwa tv nizolo, bvma bvkhy bilafinama ngalo. Golrngami baba tvbe dolama be, baba tvbe ngwa nuwa tyakwa fifhulanama, nima kugysu trma va chila thvna, ngwa bry sqjamojango. Nuwa mi yiwu thvle ngwa be thiwa tyanyi, sqjamojango.

/16 Ngwa nuwa tv thrmyaje bvgyma nya, nuwa tv ma lrkqfinama ngalo. Yiwa le nuwa tv zivi kwabe gadokqlango, nuwa tv sesu amami, yi na Wusa tv rrjatyama ngalo, be dwjama yi jw chilango. Yiwa nya baba be ngwa tv ma sqma kwabe, nuwa tv thrmyaje yegylango. Golrngami ngwa nuwa tv thrmyaje bvgyma nya, yiwa jw chila thv, ngwa le nuwa tv yiwa jagu bvgyma tv nuwa dwjachilanama ngalo, thrmyajema ngwa nuwa tv yiwu thvle ma bvgyma nya, ngwa nuwa be tyanyi ngalo. Golrngami amy ngwa nya ngwa tv fifhulasu tv jengo, yi le nuwa amami, nu alikwa jela? Be ngwa tv ma nanyi. Ngwa nuwa tv thrmyaje bvgyma kwabe, nuwa nima kwa nixa mya xama bileo. Golrngami ngwa nuwa tv tr ngo bvgylo, ngwa jema nya nuwa bry jilo, aliobvnya ngwa ma je nya, nima kugysu nuwa tv ma la, golrngami ngwa je nya nuwa tyakwa ngwa yi tv fifhulango. Yi chila thv nya, yi le fui be jixyama be bvmukhyma tv gusi, minv tvma hwa chilafingo. Fui tv guma nya, yiwa ngwa tv ma jwma pydu ngalo. Jixyama tv guma nya, ngwa baba tv ngwa jesi, nuwa ngwa tv fai ma moma pydu ngalo. Bvmukhyma tv guma nya, minv thrma yi sipha tv bvmukhykqma pydu ngalo. Ngwa nuwa tv bvgydu amya jose, golrngami amy nya nuwa mv ma khu. Golrngami trcwma va chila thv nya, trcwma ajw kwa yi nuwa tv hojengo, aliobvnya yi na cichya kwabe ma xathr, yi pajama ngathapo yi xathrsi, phyrlanama yi nuwa tv bvmogylango. Yi nya ngwa tv myrdo gyngo, aliobvnya yi le ngwa tvma rusi, nuwa tv bvmogylango. Baba joma ngathapo nya ngwa tvma ngalo, golrnyi ngwa le, ngwa tvma yi rusi nuwa tv bvmogylango, be bvma ngalo. Thi paqa nya nuwa ngwa tv ma mokqlengo, fai thi paqa nya nuwa ngwa tv mongo, aliobvnya baba tv ngwa jengo, bvlo. Golrnyi yi chophv thibr nya, thiro cho thiro thrlr bv lvkholo, thi paqa nya nuwa ngwa tv ma mo, fai thi paqa nya nuwa ngwa tv mongo, fai nya baba tv ngwa jema pydu ngalo, be yi ro tv bvgylama thrma nya axw ngala? bvlo. Golrnyi yiwa le, yi le, thi paqa bvma thrma nya axw tv bvla? Yi axw bvlo ro ma sq, bvlo. Yiwa yi tv nanyi nixwma tv Yesu lodola nya, ngwa le, thi paqa nya nuwa ngwa tv ma mokqlengo, fai thi paqa nya nuwa ngwa tv mongo, be bvma thrma kwabe, nuwa cho nuwa nanyi lvkhola?. Ngwa trtr be nuwa tv bvgynyi, nuwa na achyajrsi ngungo, golrngami minv na kachingo, nuwa na nima xango, golrngami nuwa nima xama nya kachidu phyrlango. Qamyqa qanr vw jw chila nya, vw nazisi nixa mya xama jolo, golrngami qanr vwkq nya, minv kwa zhoqa thiro vwlama kwabe kachinyi, xajwma tv yi fai ci ma my. Golrnyi amy nuwa mi nixa mya xama jolo, golrngami nuwa tv na ngwa fai mosi, nuwa nima nya kachingo, nuwa kachini tv nya amami nuwa tvbe ma rutvje. Go thi nyi kwa, nuwa ngwa tv axwmi ma nanyila, ngwa trtr be nuwa tv bvgynyi, ngwa myr kwabe baba tv nuwa axw de nya, yi nuwa tv gylango. Amy kwachi nuwa nya, ngwa myr kwabe axwmi ma denyi, nuwa kachini bilanama de, golrnya nuwa myngo. Thrmyajema nya tvngo kwabe ngwa nuwa tv bvgykqo, ngwa nuwa tv tvngo kwabe fai ma bvbv, baba tv gusi, nuwa tv trtr bvgyma yi jw chilango. Go thi nyi kwa nya nuwa ngwa myr kwabe dengo, ngwa nya nuwa bry baba tv dejango, be ngwa nuwa tv ma bvo. Aliobvnya nuwa ngwa tv ninwsi, fai ngwa nya baba tvbe dolama tv nuwa jwnyi, baba yi cichya le nuwa tv ninwlo. Ngwa nya baba tvbe dolasi minv kwa lao, fai nya minv tv ngwa hakqsi baba tv jengo, bvlo. Yi chophvbu le, nyina, amy na nu tvngo kwabe ma xathr, trtr be xathrlo. Nu nya ajwlr sq guma be, nu tv amami me nanyi ma chwma ngwanu sqleo, thrma kwabe nu na Wusa tvbe dolama ngwanu jwlo, bvlo. Yesu le yiwa tv phogysi, amy nuwa jwla?. Nyina, nuwa nya mi trmi haphyrjesi, ngwa thiro thvle lotayema yi jw chilango, amy le chilao, golrngami ngwa na thiro tw le ma nga, aliobvnya baba ngwa be thiwa tyalo. Nuwa tv ngwa nvkwa silima myfinama, ngwa nuwa tv thrmyaje bvgylo, minv kwa nya nuwa xajwma myngo, golrngami nuwa niphuphu be tya, ngwa nya minv tv hwaleo, bvlo.

/17 Yesu le thrmyaje bvkq nya, yi myasy mukwa tv molosi thrlr bvlo, babao, yi jw chilao, nu le abi tv gytasu ajw tv thizhithipama svmya gynama. Nu nya hwa joma ajw thvsi kwa yi tv jwwa gykqma lebe, abi le nu tv myrdo gynama, nu mi abi tv myrdo gylv. Golrsi trma si thiro le joma be nu le fifhutama Yesu Jisu tv yiwa sqma thrma nya, thizhithipama svmya ngalo. Nu ngwa tv yefi be gytama myr yedoleo, ngwa nya minv kwa nu tv myrdo gykqo. Babao, minv ma jo thvle, ngwa nu be thi le joma myrdo le, nu cichya be thi le amy ngwa tv myrdo gylv. Nu le minv kwabe ngwa tv gytama lazho tv, ngwa le nu myr mogykqo, yiwa nya nu tvma ngasi, nu le ngwa tv gytama ngasinyi, nu bvkhy tv yiwa phwchokqo. Nu ngwa tv gytama ajw nya nu tvbe ngama amy yiwa sqleo. Aliobvnya nu le ngwa tv gytama bvkhy nya ngwa yiwa tv gykqo, yiwa mi khorusi, cwcw ngwa nya nu tvbe dolasu ngama yiwa sqsinyi, nu le ngwa tv fifhulama tv mi yiwa jwlo. Ngwa nya yiwa bry delo, minv bry na ngwa ma de, nu le ngwa tv gytasu bry le delo, aliobvnya yiwa na nu tvma ngalo. Ngwa tvma ajw nya nu tvma ngalo, nu tvma mi ngwa tvma ngalo, golrsi yiwa nvkwa ngwa myrdo mylo. Thrlr gopo ngwa nya minv kwa ma tya, ngwa nya nu tv lango, golrngami yiwa na minv kwa tyalo, sixyama babao, ro thima le ngama lebe, nu ngwa tv gytama mi thima le phyrlanama, nu ngwa tv gylama myr kwabe yiwa tv nyija. Nu le ngwa tv gylasubu be thiwa minv kwa tya thv ngwa nya nu myr kwabe yiwa tv nyijalo, ngwa yiwa tv tajasi, sixya thoy bilanama, myyema qa ma nga nya, yiwa thiro mi ma phiye. Amy na ngwa nu tv lalo, golrsi minv kwa ngwa thrmyaje bvma nya, ngwa kachini yiwa nvkwa bilafinama ngalo. Nu bvkhy ngwa yiwa tv gytalo, ngwa nya minv kwama ma ngama lebe, yiwa mi minv kwama ma nganyi, minv nya yiwa tv nizolo. Nu yiwa tv minv kwabe rudokqnama ngwa ma de, ngyma kwabe nu yiwa tv nyijanama delo. Ngwa nya minv kwama ma ngama lebe, yiwa mi minv kwama ma nga. Trcwma le yiwa tv sixyama ceta, nu bvkhy na trcwma ngalo. Nu ngwa tv minv kwa fifhulama lebe, ngwa mi yiwa tv minv kwa fifhukqo. Trcwma le yiwa tv sixyama cetafinama, yiwa bry ngwa cichya tv ngwa sixyama ceta. Thrthi homa bry le ngwa delo ma nga, yiwa bvkhy kwabe ngwa tv jwsu bry mi delo. Nu ngwa tv fifhulama tv minv jwlanama, yiwa ajw nya thima le phyrlasi, baba nu ngwa nvkwa tyasi, ngwa mi nu nvkwa tyama lebe, yiwa mi ro nvkwa tyanama ngwa delo. Golrsi ro thima le ngama lebe, yiwa mi thima le phyrlanama, nu ngwa tv gytama myrdo nya, ngwa yiwa tv gytalo. Nu ngwa tv fifhulama be, nu ngwa tv ninwma lebe, yiwa tv mi ninwma tv minv sqlenama, ngwa nya yiwa nvkwa tyasi, nu nya ngwa nvkwa tyasinyi, yiwa mi thi godr le zodelenama, ngwa myrdo yiwa tv gylo. Babao, nu ngwa tv gylasubu mi, nu ngwa tv gytama myrdo tv lomonama, ngwa tyama kwa yiwa ngwa be tyawanama tv ngwa nixwlo, aliobvnya mw ma tymi ma ty thvle nu ngwa tv ninwlo. Jixyama babao, minv nya nu tv ma sq, ngwa na nu tv sqlo, thrthi homa mi, nu ngwa tv fifhulama tv sqlo. Nu ngwa tv nwma nwni yiwa nvkwa dvnama be, ngwa mi yiwa nvkwa tyanama, nu myr nya ngwa yiwa tv sqlefio, fai mi sqlefingo, bvlo.

/18 Bvkhy thrmyama Yesu bvkq nya, yi chophvbu be thi cho khqdiru loka gobasi kwa, br thima joma thi to kwa kojesi, yi be yi chophvbu nya br kwa dwlelo. Yi tv wuzasu yuda mi go thi to tv sqlo, aliobvnya Yesu na yi chophvbu be gokwa amya hwazi lvkholo. Gothv yuda nya tipha wudw rrsubu be Phalisqbu kwabe, mvqa thi ho be sipha fidu mylenyi, myalu be atohq be sedu tvtasi gokwa lalo. Yesu nya yi cichya tv ali kqlenama ajwlr sqnyi, dojesi yiwa tv, nuwa ama tv hwala? bvlo. Yiwa le yi tv, nasalr su yesu, be phogylo, Yesu le yiwa tv, ngwa ngo, bvlo, yi tv wuzasu yuda mi yiwa be vezhalo. Golrnyi Yesu yiwa tv, ngwa ngo, be bvkqmy thv, yiwa memesi jesi michya kwa dolelo. Golrnya yi faithihwa yiwa tv, nuwa ama tv hwala? Be nanyi nya, yiwa le, nasalr su yesu, bvlo. Yesu le, ngwa ngo, be ngwa nuwa tv bvgykqo, nuwa ngwa tv hwama nga nya, thrthi homa tv jefi, be phogylo. Thrma nya yi le, nu ngwa tv gytama thiro mi ma phiye, bvma bvkhy tv bilefinama ngalo. Gothv simu phithr nya atha thi chidrtanyi, cwsi tipha dama copa tv thi phyrchwkq nya, yi najaba chw zhqkqlo, copa goma yi myr nya malaci ngalo. Gothv Yesu le phithr tv, atha nya yi pyagu kwa sykq, baba le ngwa tv gylama luky ngwa donvlo ma ngala? bvlo. Golrnya mvqa go thi ho be mv thi tujwpha be, Yuta lazho fidubu le Yesu tv rusi, yi tv zhosinyi. Anvsi tyakwa hythv hojelo, aliobvnya yi na, go thi kho kwa tipha dama rrsu khqyapha yi baba pv ngalo. Khqyapha nya, paxyabu bry lazho thiro xwjama jilo, be Yuta lazho tv gwajr gysu ngalo. Simu phithr be chophv fai thiro nya Yesu kanv chojelo, chophv go thiro tv nya, tipha dama le sqma ngasi, Yesu be thi cho tipha dama lajode kwa dwlelo. Phithr na nrxrma kakhy kwa vezhalo, golrnyi tipha dama le sqma chophv go thiro nya dojesi, kakhy vunyasu qamyqa tv thi khybv gysinyi, phithr tv hodwlelo. Kakhy vunyasu qamylvqa le phithr tv, nu mi lazho thr thiro chophv kwama thiro ngala? bvlo, yi le, ngwa ma nga, bvlo. Gothv copabu be sipha fidubu nya, jyama pydu fysq le ato fisi gokwa vezhasinyi ato kotyalo, phithr mi yiwa be vezhasi ato kotyalo. Golrnyi tipha dama le, Yesu chophvbu be yi magyma mami tv gusi Yesu tv nanyilo. Yesu le yi tv phogysi, minv tv ngwa xyaxya kwa xathrkqo, Yuta lazho ajw zigu zivi be sixya vi kwa ngwa athvmi ma mi magylo, khoxrxr kwa ngwa axwmi ma bv. Nuwa axw wunyi ngwa tv nanyila? Ngwa axw bvkqma pajasu tv nanyi, nyina, ngwa axw bvkqma yiwa sqlo, bvlo. Yi thrlr bvkq nya yi pha thi kwa vezhama sipha fidu thiro le Yesu tv lvzhadysi, tipha dama tv nu thrlr phogyla? bvlo. Yesu yi tv phogysi, ngwa ngyma xathrkqbh nya, ngyma goma tv sqjamojalv, jima nga thvna, nu axw wu ngwa tv dyla? bvlo. Golrnya anvsi le yi tv golr zhodafisi, tipha dama khqyapha tyakwa hojefilo. Simu phithr na vezhasi, ato kotyalo, golrnya yiwa le yi tv, nu mi yi chophv kwama thiro ngala? bvlo, yi nya ma rqnsi, ngwa ma nga, bvlo. Tipha dama yi copa, phithr le napo chw zhqkqsu go thiro yixw yi hwa le, br kwa yi be tya thv ngwa nu tv mokqo ma ngala? bvlo. Phithr nya faithihwa ma rqn, gothv zha be ahpha bwlao. Golrnyi yiwa le Yesu tv khqyapha tyagu kwabe, sipha dama bvmukhygu vi kwa hodwlelo, gothv nya nvnv ngalo, golrsi yiwa nya, ma xyama ma nqle le vikho pai zawanama sipha dama bvmukhygu vi kwa ma dwle. Golrnyi phila nya yiwa tyakwa dolasi, lazho thrma tv nuwa axw fui dekhy bvlala? bvlo. Yiwa le yi tv phogysi, lazho thrma nya ngyma Yesu ma nga thvna, ngwanu le yi tv nya nu lvphv kwa ma lvjrgylo xwngalo, bvlo. Golrnyi phila le yiwa tv, nuwa cichya yi tv hojesi, nuwa jwka tv chosinyi, yi tv bvmukhyye, bvlo, Yuta lazhobu le yi tv, ngwanu nya axw lazho tv mi senama jwwa ma jo, bvlo. Thrma nya Yesu yi ali be xwnvma bvkqma bvkhy tv bilafinama ngalo. Golr nya phila faithihwa bvmukhygu vi nvkwa dwlesi, Yesu tv khutvlasinyi, nu nya Yuta lazho wati ngala? bvlo. Yesu phogysi, thrma nya nu cichya kwabe bvma ngala? Nga nya su le ngwa tv casi nu tv bvgylama ngala? bvlo. Phila le phogysi, ngwa nya Yuta lazho ngala? Nu tv nya nu thixwma lazho be, tipha wudw rrsu le ngwa tv lvjrgylalo, nu axw yenyila? bvlo. Yesu le phogysi, ngwa kuq nya minv thrma kwama ma nga, ngwa kuq nya minv thrma kwa nga thvna, ngwa tv Yuta lazho lvphv kwa ma lvjrkqnama, ngwa fidubu nya svfhulo xwngalo, golrngami ngwa kuq nya minv thrma kwama ma nga, bvlo. Gothv phila le yi tv, golr nga thvna nu nya wati ngala? bvlo, Yesu le phogysi, ngwa nya wati ngama nu bvma ngalo, thrlr phyrlanama pydu ngwa tv vwtasi, ngwa nya trcwma bry sqjamojanama minv kwa dwlao, trcwma kwama lazho ngathapo nya ngwa sv tv nalolo, bvlo. Phila le yi tv, trcwma nya axw ngala? bvlo, golrsi yi thrma bvkq nya, Yuta lazho tyakwa faithihwa dojesi yiwa tv, ngwa yi tv axw chyagu mi hwa ma my. Golrngami vikho pai kwa, ngwa le nuwa tv lazho thiro fhugynama nuwa kaxw jolo, golrnyi ngwa nuwa tv Yuta lazho wati fhugyma tv nuwa nixwla? bvlo. Golrnyi yiwa faithihwa khusi, lazho thr thiro ma nga, baraba tv nwlo, bvlo, baraba na phyazasu ngalo.

/19 Gothv phila le Yesu tv rusi hylo. Mvqabu nya chu le jwwu chu hsi, yi wudw kwa khogysinyi, yi tv bwzhy nichw wagysi. Yuta lazho watio, hwahwa, bvsinyi, yi tv lvzhadylo. Golrnya phila faithihwa dojesi yiwa tv, nyina, ngwa yi tv axw fui mi hwa ma myma nuwa tv sqlefinama, nuwa tyakwa ngwa yi tv holalo, bvlo. Golrnya Yesu na chu jwwu chu khotasi, bwzhy nichw watasinyi dolalo, phila nya yiwa tv, lazho thrma tv lonyi, bvlo. Golrnya tipha wudw rrsubu be sipha fidubu yi tv mokq nya, khutulasi, yi tv thvtykq, thvtykq, bvlo, phila le yiwa tv, nuwa cichya yi tv rusi thvtykq, aliobvnya ngwa na yi tv axw fui mi hwa ma my, bvlo. Yuta lazhobu le yi tv phogysi, ngwanu jwka thi cr jolo, jwka go thi cr kwabe yi xwnvma ngalo, aliobvnya yi na yi cichya tv Wusa abi cyalo, bvlo. Bvkhy thrma phila pajakq nya wazi jolo. Golrsi yi faithihwa bvmukhygu vi nvkwa dwlesi, Yesu tv, nu nya alikwa be lala? bvlo, Yesu na yi tv thi khy mi ma phogy. Golrnyi phila le yi tv, nu ngwa tv ma xathrlala? Ngwa na nu tv thvtykqnama jwwa jolo, nu tv fhukqnama jwwa mi jolo, nu ma sqla? bvlo. Yesu le yi tv phogysi, thvsi kwabe nu tv gytama jwwa ma nga nya, nu ngwa tv axw jwwa ma jolo xwngalo, golrnyi ngwa tv rusi, nu tv lvjrgysu fui na wazi wulo, bvlo. Thrlr bvma kwabe, phila yi tv fhukqnama crhwalo, golrngami Yuta lazhobu khutulasi, lazho thrma tv nu fhukq thvna, nu na sisa tv jasu ma nga, amami cichya tv wati phyrlafisu nya, sisa tv phosu ngalo, bvlo. Bvkhy thrma phila paja thv, Yesu tv hodolasi, hkhode bvma thi to kwama bvmukhy thi kwa nyinalo, vibrru ngo na go thi to tv gabatha khulo. Gothv nya vikho pai jagyma vyanyi ngasi, ala cho jw chi jolo, golrnya phila le Yuta lazhobu tv, nuwa wati tv lonyi, bvlo. Golrnya yiwa le, yi tv hotvje, yi tv hotvje, yi tv thvtykq, be khulo, phila le yiwa tv, nuwa wati tv ngwa le thvtykqnvla? bvlo, tipha wudw rrsubu phogysi, sisa ma nga nya ngwanu wati nrbv ma jo, bvlo. Gothv Yesu tv thvtykqnama, phila le yiwa tv lvjrgylo, golrnya Yesu tv yiwa le hotvjeo. Yesu nya yi cichya lvbotydu prtasi dojesinyi, wugamw, bvma thi to kwa chiyelo, mw goma tv vibrru ngo le golagotha, bvlo. Gokwa yiwa le yi tv thvtykqsi, yi tr yi nyiro be thiwa thvtykqlo, yiwa tv nya thi chr thiro ngasi, Yesu nya nyikuca kwa ngalo. Phila le myrphya thi phyabosi lvbotydu kwa notalo, myrphya thvsi kwa, nasalr su yesu, Yuta lazho wati, be botalo. Golrnyi myrphya goma tv Yuta lazho amya rowlo, aliobvnya Yesu tv thvtygu nya lophr kwa nylo, myrphya goma kwa, vibrru ngo be vili ngo be roma ngo le botalo. Golrnyi Yuta lazho kwama tipha wudw rrsubu le phila tv, Yuta lazho wati, be tha bo, yi le, ngwa na Yuta lazho wati ngalo, bvlo, be bo, bvlo. Phila phogysi, ngwa ali bota nya golr botao, bvlo. Mvqabu nya Yesu tv thvtykq kanv, yi bwzhy rusi, li lv be brsinyi, mvqa thiro tv thi lv gylo, bwzhy thi khoma mi yiwa rulo, bwzhy go thi khoma na, phrkhy kwabe yi my kwachi wo cr ma jo jochwtama ngalo. Golrnyi yiwa thiro cho thiro thrlr bv lvkholo, bwzhy thrma na ro tha cw hakqnvlo, ama bry ngama sqlenama saxrxrlv, bvlo, thrma nya sixya thoy kwa, ngwa bwzhy tv nya yiwa cho yiwa br lvkholo, ngwa gwadu tv mi yiwa saxrxrlo, be bvma bilafinama ngalo, golrsi mvqabu le thrmyaje yelo. Yi mama be yi mama nyima, khalopha qamy mali be magadali su mali nya, Yesu lvbotydu phathi kwa vetyalo. Golrnyi Yesu le, yi mama be yi ninwma chophv phathi kwa vezhama mokq nya, yi le yi mama tv, qamyqao, nyina, nu abi, bvlo. Fai yi le chophv go thiro tv, nyina, nu mama, bvlo, go thi jw kwabe chophv go thiro le, yi mama tv yi cichya vi kwa hojelo. Go kanv Yesu nya, ajwlr amy le yedolema sqnyi, sixya thoy kwa dvma bilafinama, ngwa yijya silo, bvlo. Gokwa yicr pha bidvma lu thima kytalo, golrnya yiwa le yiromw thi khuanyi chifi mo kwa zhotasi, yicr ti bilesfisinyi yi mqnq kwa tv mogylo. Golrsi yicr goma Yesu domykq nya, yi le, yedoleo, bvsi, yi wudw fulumu kqlesinyi, yi va gyfhukqo. Golrnya Yuta lazho jagyma vyanyi nganyi, na vyanyi kwa xwmo tv lvbotydu kwa ma ngozhafinama, yiwa chiphv ikhokqsi ruyvkqfinama, phila tv delo, aliobvnya na vyanyi go thi nyima na, vyanyi dama ngalo. Golrnyi mvqabu lasi, yi be thiwa thvtytasu, yiwu thiroma be nrbv thiroma chiphv tv ikhokqlo. Golrngami Yesu tv chila nya, yi amy lw xwzhama tv yiwa mokq nya, yi chiphv ma ikhokq. Golrngami mvqa thiro nya bangq le yi jobya kwa kakq nya, zha be xw be yijya dolalo. Thrma tv mosu go thiro le sqjamojasi, yi sqjamojama nya trma ngalo, nuwa mi jwlanama, yi bvma nya trma ngama yi sqlo. Aliobvnya thrmyaje kqlema nya, sixya thoy kwa, yi woto thi fi mi ma khole, bvma tv bilafinama ngalo. Fai nya sixya thoy nrbv thi fi kwa, yiwa le kakqma thiro tv yiwa lomongo, be bvlo. Thrmyaje kanv, Yuta lazho tv joma kwabe khoxrxr kwa Yesu chophv yetyama, alimathiya su yosq nya, Yesu xwmo rutvjenama phila tv delo, phila yi tv datonyi, yi lasi yi xwmo rutvjelo. Hythv, sakhwa thv Yesu tv lasu nikhodimu mi, muya be alo vrtama sazhi thr chi tv tasilalo. Gothv yiwa le Yesu xwmo rusi, Yuta lazho twma kaxw lebe, xonrma nvzhihy be wezimy le thrlo. Yesu tv thvtygu kwa nya br thi lv jolo, br nvkwa nya, hythv ama tv mi ma kynyima lrzu yixw thima jolo. Golrnya Yuta lazho jagyma vyanyi ngama kwabe, lrzu mi pha thi khwa nganyi, yiwa le Yesu tv gokwa kytalo.

/20 Xwnyima yiwu thi nyi nvnv nyi ma mose thvle, magadali su mali nya lrzu kwa lasi, lrzu kwa xrtama hchi rukqdama tv molo. Gothv yi nya simu phithr be Yesu ninwma chophv go thiro tv tqlasi, yiwa tv, sipha tv lrzu kwabe yiwa tvjesi, alikwa kyta yema ngwanu ma sq, bvlo. Golrnyi phithr be chophv go thiro nya dojesi lrzu kwa chiyelo. Yiwa nyiro thi cho be tqje thv chophv go thiro nya, phithr tv tqhwalesi, yi hythv lrzu kwa chiyelo. Yi godr kusi nvkwa lonyi nya, wezimy gokwa dama tv yi molo, golrngami nvkwa yi ma dwle. Simu phithr nya yi kanvsi kwa tq chilasi lrzu nvkwa dwlelo, golrnya wezimy gokwa dama be. Yi wudw kwa ligykqma mycha mi wezimy be thiwa ma dasi, yi tryi thi to kwa likytama tv yi molo. Gothv lrzu kwa yiwu chilama chophv go thiro mi dwle nya, yi mosi jwlo. Golrngami Yesu na xw kwabe svyilanakalo, be sixya thoy kwa botama tv yiwa ma jazise. Gothv chophvbu nya yiwa cichya vi kwa yijelo. Golrngami mali nya, lrzu nrxrma kwa vezhasi ngutyalo, yi golr ngutya thv, yi godr kusi lrzu nvkwa lonyi nya. Yesu xwmo kytagu kwa, bwzhy phugwatama mukwa fidu nyiro, thiro nya wudw thi py kwa, thiro nya chiphv thi py kwa nyina tyama tv yi molo. Golrnya yiwa le, qamyqao, nu axw wunyi ngula? bvlo, yi le yiwa tv, ngwa sipha tv yiwa tv jesi, alikwa kyta yema ngwa ma sqnyi ngulo, bvlo. Yi thrlr bvkqsi tiphokq nya, Yesu vezhama tv molo, golrngami Yesu ngama na yi ma sq. Yesu le, qamyqao, nu axw wunyi ngula? Nu ama tv hwala? bvlo, mali nya, yi na brvu nya su ngama dwjanyi, zhotio, nu yi tv thrkwa be tvjebh nya, alikwa kytama ngwa tv bvgylv, ngwa nya yi tv rutvjengo, bvlo. Yesu le yi tv, malio, bvlo, golrnya yi tiphosi yi tv, raboni, bvlo, (thrthi khy nya, mapha, bvma ngalo). Yesu le yi tv, ngwa tv tha xr, aliobvnya ngwa na ngwa baba tv ma dvjese, golrngami ngwa yingwanyibu tvjesi, ngwa baba be nuwa baba, ngwa Wusa be nuwa Wusa tv ngwa dvjengo, be yiwa tv bvgyye, bvlo. Magadali su mali lasi chophvbu tv, sipha tv ngwa mokqo, bvgylo, fai nya Yesu le yi tv bvgykqma thrmyaje yiwa tv bvmagylo. Go thi nyi xwnyima yiwu thi nyi mykhyfi kwa, Yuta lazho tv joma pydu, chophvbu nya kakhy cwtasi tya thv, Yesu nya yiwa kolokwa velasi, yiwa tv, nuwa silima myfi, bvlo. Yi thrlr bvkq nya, yi lvphv be yi jobya yiwa tv mogylo, chophvbu nya sipha tv mokqnyi kachilo. Golrnya Yesu le fai yiwa tv, nuwa silima myfi, baba le ngwa tv fifhulama lebe, ngwa mi nuwa tv fifhukqlo, bvlo. Thrma yi bvkq nya, yi yiwa tv sv va hogysi, sixyama va nuwa myfi. Nuwa le ama tv fui gagy nya, ama fui gagymylo, nuwa le ama fui feta nya, ama fui fezhama ngalo, bvlo. Golrngami Yesu la thv, zhinyiro kwa, didima bvma thoma nya yiwa be thiwa ma tya. Golrnyi chophvbu go thi ho le yi tv, ngwanu nya sipha tv mokqo, bvlo, yi na yiwa tv, yi lvphv kwa hofi thv kqma nadu ngwa ma mo nya, hofi thv kqma nadu kwa ngwa lvnyi ma gunyi nya, fai yi jobya kwa ngwa lvphv ma synyi nya, ngwa ma jw, bvlo. Go kanv ve nyi kwa yi chophvbu faithihwa vi nvkwa tya thv, thoma mi yiwa be thiwa tyalo, kakhy mi cwtama kwa, Yesu nya yiwa kolokwa velasi, nuwa silima myfi, bvlo. Golrsi yi le thoma tv, nu lvnyi thrkwa chrlasi, ngwa lvphv tv lonyi lv, fai nu lvphv chrlasi, ngwa jobya kwa synyisi jw, jwni ma jo tha ye, bvlo. Thoma phogysi, ngwa sipha be ngwa wusao, bvlo. Golrnya Yesu le yi tv, nu nya ngwa tv moma kwabe jwma ngalo, ma monyi mi jwsu na yjoxr jolo, bvlo. Golrnya, Yesu le chophvbu phyr thvkwa, thoy thrthi pqn kwa ma botama nrbv sqledu amya yelo. Golrngami Yesu nya Jisu go thiro ngasi, Wusa yi abi ngama, nuwa jwnama be, jwsi yi myr kwabe nuwa svmya mynama, thrmyaje botama ngalo.

/21 Thrmyaje kanv Yesu nya thibiliya yi lubr kwa chophvbu tv mogyselo, golrsi yi mogyma nya thrlr ngalo. Simu phithr be, didima bvma thoma be, Galili mw kwama khana su nathane be zibrdi yi abibu be, chophv fai nyiro be thiwa tyalo. Simu phithr le yiwa tv, ngwa na ngwadojengo, bvlo, yiwa le, ngwanu mi nu be thi cho jengo, bvlo, yiwa nya zha be dojesi li kwa dwlelo, go thi vya yiwa axwmi do ma my. Mithv ji la thv, Yesu nya yijya khy kwa vezhalo, Yesu ngama chophvbu na ma sq. Gothv nya Yesu le yiwa tv, qanrbuo, nuwa zadu jola? bvlo, yiwa le, ma jo, be yi tv phogylo. Golrnya Yesu le yiwa tv, li lv jathi chr kwa ngwapr lohokq, golrnya nuwa myngo, bvlo, yiwa lohokq nya ngwa amya myadvnyi, ngwapr tv yiwa cwdvla ma khu. Golrnya Yesu ninwma chophv go thiro le phithr tv, sipha ngalo, bvlo, simu phithr nya sipha ngama paja thv, yijya lvmu nganyi, yi bwzhy gwahqkqsi, yi lubr nv tqdwlelo. Nrbv chophvbu na, li qa kwabe ngwapha bidvma ngwapr goma go fhulalo, aliobvnya yijya khy kwabe yqa ma ko, ala nyivya chya chilekolo. Yiwa yijya khy kwa dvla thv, gokwa nya fysq ato be ato kwa ngwa be papa cezhama tv molo. Yesu le yiwa tv, amy nuwa rumyma ngwa thibr tv gylv, bvlo. Simu phithr na li nvkwa dwjesi, ngwa dama thi vya ngwazhi sama pha bidvma, ngwapr tv yijya khy kwa godvlalo, go myachidv mi ngwapr ma hale. Yesu le yiwa tv, zaza lv, bvlo, sipha ngama yiwa sqnyi, nu ama ngala? Be chophvbu amami yi tv nanyi ma py. Golrnya Yesu lasi, papa rusinyi yiwa tv gylo, ngwa mi yi golr gylo. Thrma nya Yesu xw kwabe svyila kanv, chophvbu tv yi cichya mogyma sahwa thi hwama ngalo. Yiwa zazakq nya, Yesu le simu phithr tv, Yova yi abi simuo, thrmyama thvsi nu ngwa tv ninwla? bvlo, yi le, ngalo, siphao, ngwa nu tv ninwma nu sqlo, bvlo, Yesu le yi tv, ngwa aroqabu tv cagy, bvlo. Kanv thihwa Yesu le, Yova yi abi simu nu ngwa tv ninwla? bvlo, yi le, ngalo, siphao, ngwa nu tv ninwma nu sqlo, bvlo, Yesu le yi tv, ngwa arobu tv loja, bvlo. Sahwa thihwa Yesu le, Yova yi abi simu nu ngwa tv ninwla? bvlo, yi nya, nu ngwa tv ninwla? Be yi tv sahwa bvma kwabe, phithr nya nima xalo, golrnyi yi le Yesu tv, siphao, axwmi nu sqlo, ngwa nu tv ninwma nu sqlo, bvlo, Yesu le yi tv, ngwa arobu tv cagy. Ngwa trtr nu tv bvgynyi, nu zhiro thv nu cichya godr kwa jahqhqsi, alikwa je nixw nya gokwa jelo, nu mole thvna, nu lvphv nu chrlasi, su le nu tv jahqhqgysinyi, nu je ni ma xwma kwa nu tv prjengo, bvlo. Yesu thrlr bvma nya, phithr ali be xwsi, Wusa myrdo dolanama bvmogyma ngalo, golrsi yi thrlr bvkq nya, phithr tv, ngwa tv cholv, bvlo. Phithr tiphokq nya Yesu ninwma chophv go thiro cholama tv molo, chophv go thiro nya, mykhy zaza thv Yesu okhy kwa kozhasi, siphao, nu tv wuzasu ama ngala? Be nanyisu ngalo. Phithr yi tv mokq nya, Yesu tv, siphao, lazho thr thiro axw yenakala? bvlo. Yesu le yi tv, ngwa chila kwachi ngwa yi tv tyafini xwbh nya, goma nu axw kuji jola? Ngwa tv cholv, bvlo. Golrnyi chophv go thiro nya ma xwla, be bvma bvkhy nya yi qanyiqabu kolokwa caphyrjelo, golrngami Yesu le yi na ma xwla, be ma bv, yi le, ngwa chila kwa chi ngwa yi tv tyafini xwbh nya, goma nu be axw kuji jola? bvlo. Thrmyaje bry sqjamojasi, thrmyaje bokqma chophv nya, thr thiroma ngalo, golrsi yi sqjamojama nya trma ngama ngwanu sqlo. Golrsi Yesu yekqma nrbv mi amya joselo, go myama thixw le thixw ajwlr bokqbh nya, botama thoy na minv kwa mi ky ma dina, be ngwa dwjalo, thrlr phyrlafi.

free web site hit counter