eesaagefaanu hayyaru kurun

47 eesaagefaanu emeehunnaai vaahakadhakkavamun gendhavanikoh etha' baegge bodu baigande' ethanah aeve. emeehunnah magudhakkan huree eesaagefaanuge khaassa baara ashaabeenge therein ekaku kamugai vee yudhaas eve. eynaa eesaagefaanaai salaam kurumuge gothun ekaleygefaanuge kolugai bosdhinumah ekaleygefaanaai kairivieve. 48 evaguthu eesaagefaanu eynaaah vidhaalhuvieve. "yudhaas. insaanaage dharikalunnah kaley salaamegge gothugai thiya bosdhenee eynaaah khiyaanaiytheri vumah tha?"

49 eesaagefaanuge ashaabeennah vaan miulhenee keekkan engumun emeehun eesaagefaanah dhennevieve. "maaiysaahibaa. alhugandumenge kandithakun emeehunnaa hamalaadhen tha?" 50 ehen bunumaaeku ashaabeenge therein ekaku uththama imaamuge noakarunge therein meehakah kandin dhin hamalaagai eynaage kanaaathu kanfaiy kandaalieve.

51 eesaagefaanu vidhaalhuvieve. "hama mihaaru thikantha' huttaalaa." dhen eesaagefaanu emeehaage kanfathugai aiypulhu beessavaa eynaage kanfaiy rangalhu kurevvieve.

52 dhen ekaleygefaanu hayyaru kurumah ai bodu imaamunnashaa, baithul maqdhis balahattaa gaadunge ofisarunnashaa, baneeisraaeeluge verinnah ekaleygefaanu vidhaalhuvieve. "kaleymen aharen hayyarukuran latiburithakaa kanditha' hifaigen thiaee aharen miee nubai kuhveriakah vumun tha? 53 mioiy hurihaa dhuvahu kaleymenge kurimathee baithul maqdhisgai aharen veemu. eyru kaleymen aharen hayyaru nukuree keevve? miee kaleymenge gadi. miee andhirikan verikan kuraa vaguthu."

badhuru eesaagefaanuge rahumaiytheriakah vumah birugaiy

54 dhen emeehun ekaleygefaanu hayyaru kohgen uththama imaamuge geah gendhiyaeve. badhuru thankolhe' dhurugai huregen eesaagefaanuge fahaiypulhun dhiyaeve. 55 dhen ethanugai vee meehun ethaage medhugoathi thereygai alifaangande' roakoh ethaa isheenumun eynaa ves emeehunnaai eku ethaagai isheendhejjeeve. 56 noakaru anhenkujjakah alifaanganduge alin badhuruge moonu fenumun eynaage moonah varah faruvaatherikamaaeku balaifai bungneve. "miee ves eynaa aai eku ulhey meehe'."

57 namaves badhuru ekamaa dhekolhuhedhieve. eynaa bungneve. "ey anhenaa, ahanne' eynaae' nudhannan."

58 thankolhe' fahun ehenmeehakah badhuru fenifai bungneve. "kaley ves thiyaee emeehunge meehe'." badhuru javaabugai bungneve. "ey firihenaa. aharen miee emeehunge meehe' noon."

59 meege eggadiehhaa iru fahun ehenmeehaku badhuru fenigen bungneve. "hama yaqeenun ves mimeehaa miee eynaa aai eku ulhunu meehe'. meenaaakee ves miee galeeleege meehe'."

60 badhuru emeehaaah bungneve. "ey firihenaa. kaley thiyakiyanee keekey kame' mashakah neynge." badhuru mihen bune hama nimunu thanaa fathihuge haa govieve. 61 maaiysaahibaa enburi badhuraai dhimaaah ballavaa hatharukalhi hamakurevvieve. dhen badhuru ekaleygefaanu vidhaalhuvi basfulhuge mathin handhaan vieve. "mireyge fathihuge haa nugovanees kaley thinfaharu mathin aharen miee dhanna meehe' ves noon kamugai bunaaneey." 62 dhen eynaa ethanun nukume beyrah gos hithaama aai eku karunaalhaa ruyeve.

eesaagefaanah meehun malaamaaiykuri

63 eesaagefaanu belehettumah havaaluvegen thibi meehun ekaleygefaanah malaamaaiy koh aniyaakuran feshieve. 64 emeehun ekaleygefaanu kanubandhefai bungneve. "nikan bunebala, dhenme kaley gaigai ejehee kaaku?" 65 adhi minoonas etha' nubai echchakaai malaamaathuge bastha' emeehun ekaleygefaanah govieve.

eesaagefaanu dheenuge dhannabeykalunge jamaaathah haaziru kurevunu

66 hendhunu iruerumun eesaagefaanu meesthakunge majileehuge kurimachchah gendhevuneve. ethaagai baneeisraaeeluge verinnaai bodu imaamunnaai dheenuge dhannabeykalun vieve. 67 emeehun bungneve. "kaley thiyaee mathiveri maaiyraskalaange khaassa kuravvaa fonuvvi almaseehaa kamugai vaanama aharumen kurimathee bunebala."

eesaagefaanu javaabugai vidhaalhuvieve. "aharen bungnas kaleymen qaboole' nukuraane. 68 aharen kaleymen kuren ahaifinama kaleymen javaabe' nudheyne. 69 namaves mihaarun feshigen insaanaage dharikalun enme mathiverikalaange dhevvaa enme mathiveri maqaamugai isheendhe vadaigen vaane."

70 dhen eenmen suvaalu kurieve. "dhen ehenviyyaa kaley thiyaee maaiyraskalaange dharikaluntha?"

eesaagefaanu javaabu dhevvieve. "aharen miee maaiyraskalaange dharikalun. kaleymen thiyabunee thedhe'."

71 dhen emeehun bungneve. "aharumennah dhen miah vure ithuru hekkegge beynume' ebaoiy tha? eynaage amilla angain ehen bunaa adu aharumennah ivije ennu."

23

eesaagefaanu pilaathusge arihah gendhevun

1 dhen miahfahu mi jamaaathugai vee enmen eesaagefaanu govaigen ethanun roomuge veriyaa pilaathusge arihah dhiyaeve. 2 dheenee majileehuge meehun eesaagefaanaai beheygothun thuhumathutha' pilaathusge kurifulhumachchah hushaelhieve. ebaimeehun bungneve. "mimeehaaakee mulhi misarahhaddhuge thereygai meesthakun sarukaaraai dhekolhu kuruvumah masakkaiy kuramun gendhaa meehe'. meenaa meesthakunnah bunamun gendhiyaee ebaimeehun kaisaru rasgefaanah vaaru faisaa nudhekkumah. adhi eynaaakee mathiveri maaiyraskalaange khaassa kuravvaa fonuvvi almaseehaa kamuga aai baneeisraaeeluge rasgefaanu kamugai ves meenaa dhauvaa kurey."

3 pilaathus eesaagefaanah vidhaalhuvieve. "kaleakee baneeisraaeeluge rasgefaanu tha?"

eesaagefaanu meege javaabugai vidhaalhuvieve. "thiyabeyfulhaa thiyavidhaalhuvee efadhain."

4 dhen pilaathus bodu imaamunnashaai adhi ethaagai vee hurihaa meesthakunnah vidhaalhuvieve. "aharennah fenna gothugai meenaa sarukaaruge gavaaidhaai khilaaf vaa kahala evves kame' kohfakaa nuvey."

5 namaves mibaimeehun thakuraaru koh bunamun gendhiyaeve. "meenaa mulhi judheaa karaige thereygai meesthakun sarukaaraai dhekolhu kuruvan masakkaiy kuri. eynaa mikan kuranee meesthakunnah eynaa kiyavaidhemun gendhaa kiyavaidhinumun. eynaa mikantha' feshee galeeleegai namaves mihaaru meenaa jeroosalamaa hamaah athuvejje."

6 mihen bunevunu adu ivi pilaathus suvaalu kurevvieve. "meenaaakee galeelee karaige meehe' tha?" 7 pilaathusah eesaagefaanu akee galeeleege rahvesse' kan engumun eynaa eesaagefaanu galeelee karaige veriakah eyru hunnevi herodhu ge gaathah fonuvvieve. herodhu ves evaguthu hunnevee jeroosalamugaeve.

8 eesaagefaanu fenumun herodhu varah bodah ufaakurevvieve. eee eynaa eesaagefaanaai behey khabarutha' varah bodah ahaafai vumaaieku ekaleygefaanuge faraathun muujizaathe' dhushumuge unmeedhugaeve. 9 herodhu eesaagefaanu kuren varah gina suvaalutha' kurevvieve. namaves ein evves suvaalakah eesaagefaanu javaabe' nudhevvaeve. 10 bodu imaamunnaai dheenuge dhannabeykalun ethaagai vieve. adhi rulhiverikamaaieku mibaimeehun eesaagefaanaai behey gothun thuhumathutha' herodhuah hushaalhamun gendhiaeve. 11 dhen herodhu aai eynaage sifain eesaagefaanah nubai echchethi govaa malaamaaiy kuran feshieve. mibaimeehun ekaleygefaanah jessun kurumuge gothun raskalaku fadhain ekaleygefaanu hedhun elhuvvumah fahu anburaa pilaathusge arihah fonuvvieve. 12 midhuvahuge kureegai herodhu aai pilaathus akee dhe dhuxminun kamugai viyas midhuvahah fahu edhemeehunnee dherahumaiytherin kamugai vieve.

eesaagefaanah maruge hhukum

13-14 pilaathus ethaa evve thibi bodu imaamunnashaai baneeisraaeeluge verinnashaai aanmunnah govaa emeehunnah vidhaalhuvieve. "meesthakun sarukaaraai dhekolhu kuruvumah masakkaiy kurumuge thuhumathugai thiyabaimeehun aharenge kairiah genai mimeehaaaai medhu aharen varah rangalhah hoadhaa balaifin. namaves aharennah fenna gothugai kaleymen thiya kuraa hurihaa thuhumathuthakun enme thuhumathe' ves thedhu echchakah nuvey. 15 herodhuah ves fenunee hama mifadha hekithake'. eynaa mimeehaa anburaa aharenge kairiyah fonuvee ehen vegen. eynaaah maruge hhukum haqqu vegene' nuvey. 16 veemaa eynaage gaigai hanmushi elhumah fahu minivan kurumah aharen hhukumkuraanan."

17 eedhul paskaage munaasabathugai roomuge sarukaarun baneeisraaeeluge meehun hiiy hama jessumuge gothun kuhvereenge therein meehaku minivan kohdheeve.

18 evvefai vee hurihaa meesthakun e'adun halhey' lavan feshieve. "eynaaah maruge hhukum kurey. eynaage badhalugai aharumennahtakaa barabbaas minivan kohdhee." 19 mi barabbaas akee sarukaaraai dhekolhah baghaavatheggai baiverive adhi meehaku maraaleethee jalah levifaivaa meehekeve.

20 pilaathus eesaagefaanu minivan kureveythoa anekkaa ves evvefai vee meesthakunnaai bahuskoh vaahaka dhekkevieve. 21 namaves emeesthakun halheyllavamun gendhiyaeve. "eynaa saleebah aruvaa. eynaa saleebah aruvaa."

22 pilaathus ebaimeehunnah thinvana faharah vidhaalhuvieve. "meenaa saleebah aruvaanvee keevvegen? meenaage kushakee kobaa? eynaaah maruge hhukum kuranjehey evves sababe' aharennakah nufeney. aharen eynaage gaigaa hanmushi elhumah hhukum kurumah fahu eynaa minivan kuraanee."

23 namaves meesthakun huttume' nethi halhey' lavamun gendhiyaee eesaagefaanah maruge hhukum kurumasheve. ebaimeehunge adutha' irakah vure ire' baaruvamun dhiyaeve. 24 enmefahun pilaathus ebaimeehun kendineylhi lavamun dhiya halheykuge sababun ebaimeehun edhunu gothaai ebbasve 25 eesaagefaanuge badhalugai ebaimeehun edhunu meehaa minivankoh dhineve. mimeehaaakee sarukaaraai dhekolhah baghaavaiy koh adhi meehaku maraalumuge kushugai jalah levifaivaa meehekeve. adhi eesaagefaanuge machchah emeehun edhunu fadhain kankurumah pilaathus ebbasvieve.

eesaagefaanu saleebah eruvun

26 roomuge sifain eesaagefaanah maruge adhabu dhinumahtakaa rah beyrah gendhiyaeve. ebaimeehun dhiya magumathee xamoonu ey kiunu zaireen rashuge meehakaai dhimaavieve. meenaa emagun dhathuru koh dhiyaee jeroosalamah dhiumahtakaeve. bae' sifainge meehun eynaa gadha kamun genes eesaagefaanuge fahaiypulhun saleebu hifaigen dhiumah majubooru kurieve. 27 eesaagefaanuge fahaiypulhun etha' haas bayaku dhiyaeve. mi meehunge thereygai romun hithaama kuramun dhiya bae' anhenun ves himenuneve. 28 eesaagefaanu mianhenunnaai dhimaalah enburi vadaigen vidhaalhuvieve. "jeroosalamuge anhen dharinney. aharennahtakai roi hithaama nukurey. eyge badhalugai kaleymenge amilla nafusaai adhi kaleymenge dharinge machchah hithaama kurey. 29 thiyabaimeehun ekaku anekakah mifadhain bunaane dhuvahe' annaane. 'dhuvahakuves dhariaku nulibey anhenunnaai dhariakah kiru nudhey anhenunnah barakaaiytherikan huttey.' 30 edhuvahu maaiyraskalaange baavailevvi foiythakugai liyuvvaifaivaa fadhain: meesthakun farubadhathakah bunaaneey. 'eyfarubadhathakaaey. aharumenge machchah vetteyshey.' adhi hilathakah bunaaneey. 'ey hilathakaaey. aharumen foruvaashey.' 31 kushenneiy meehakaa dheytherey mifadhain kankurevey iru kuhveri vefaivaa meehunnaai dheytherey kantha' kureveynee kihinakun tha?"

32 maruge adhabu dhinumahtakai eesaagefaanuge ithurun kuhveringe dhemeehaku ves genevuneve. 33 ebaimeehun eesaagefaanaai midhekuhveringe meehun "boluge naashigandey" namakah kiyunu hus bimakah gendhiyaeve. adhi ethaangai mibaimeehun eesaagefaanu saleebah eruvieve. adhi midhekuhveringe meehun ves ekaku eesaagefaanuge kanaaaiypulhu faraathugai adhi anekaku ekaleygefaanuge vaaiypulhu faraathugai vaa gothah saleebah eruvieve. 34 evaguthu eesaagefaanu maaiyraskalaange kibafulhah dhennevieve. "bappaa! ebai meehunge faafa fussavaa dhevvaa. ebaimeehun ekuraa kanthaththake' ebaimeehunnakah nuvisney." eesaagefaanu saleebah eruvumuge kantha' kuri sifainge meehun ekaleygefaanuge hedhunkolhu libeyne meehaku belumah guruathu lieve.

35 meesthakun mimanzarutha' belumah evve thibi vaguthu baneeisraaeeluge bodun eesaagefaanah malaamaaiy kuramun gendhiyaeve. "meenaa ehen meehun salaamaiy kohdhin. eynaaakee mathiveri maaiyraskalaange khaassa kuravvaa fonuvvi almaseehaa kamugai vaanama, eynaa eynaage amilla nafusu salaamaiy kohfaaneennu."

36 sifainge meehun ves eesaagefaanuge arihah gos ekaleygefaanah malaamaaiy kurieve. adhi ekaleygefaanu hiiypavaathoa balan raahuiy dheefai 37 ekaleygefaanah bungneve. "kaleakee baneeisraaeeluge rasgefaanah vaa nama kaleyge amilla nafusu nikan salaamaiy kohbala!"

38 ekaleygefaanuge boafulhaa dhimaalu matheegai thuhumathuge liyume' haru kohfai hutteve. eygai liyevifai vieve: 'miee baneeisraaeeluge rasgefaaney.'

39 eesaagefaanaai eku saleebah eruvunu dhekuhvereenge therein ekaku ekaleygefaanah echchethi govamun gendhiya eve. eynaa ekaleygefaanah bungneve. "kaleakee mathiveri maaiyraskalaange khaassa kuravvaa fonuvvi almaseehaaennu? ehen veeiru kaleyge amilla nafusu mithanun salaamaiy koh adhi aharumen ves salaamaiy kohdheynveenu?"

40 namaves ane' kuhveriyaa eynaaaa dhekolhuve bungneve. "maaiyraskalaange kibafulhah konme ves varegge biruvethikame' bahattaa. aharumen thin meehunnah mivanee maruge hhukum kohfa. 41 aharennaai kaley kuri nubai kanthaththakuge sababun aharemen migothah maruvun haqqu vegen vey. namaves mimeehaaakee evves nubai kame' kohfaivaa meehe' noon."

42 dhen eynaa eesaagefaanah dhennevieve. "eesaagefaanu! kaleygefaanuge raskanfulhuge dhuvahugai alhuganduge mathin handhaamafulhu kuravvaathi."

43 eesaagefaanu javaabugai eynaaah vidhaalhuvieve. "aharen kaleah yaqeen kamaaieku bunan. kaley aharennaai eku hama miadhu suvarugeygai vaane."

eesaagefaanuge maru

44 mendhurun gaaiygandakah baara jahaa ehaakan haa iru kulliakah iruge alikan kendi mulhi rah andhiri vejjeeve. mendhuru fahu thine' jahan dhen miandhiri kan mifadhain dhemi hutteve. 45 dhen evaguthu baithul maqdhisge ethereygai vaa khaassa farudhaa dhefalhiah irigen dhiyaeve. evaguthu eesaagefaanu gadha adufulhun govai levvieve. 46 "bappaa! aharenge furaana bappaaai havaalu kuran." mihen vidhaalhuvi hindhu ekaleygefaanuge furaanafulhu ekaleygefaanuge hashikolhaai vakivejjeeve.

47 mikanthaththakaai havaalu vegen huri roomuge sifainge ofisaru bungneve. "mi meehaaakee evves kushenneiy rangalhu meehe' kan hama yaqeen." mifeni dhiya hurihaa kanthaththakegge sababun eynaa maaiyraskalaange kibafulhahu biruvethivieve.

48 mithanah evve thibi meesthakunnah kanthaththa' hingaadhiya goiy feni ekamaa ladhu gane varah bodah hithah asaru koh romun gislamun enburi ebaimeehunge geygeah hingajjeeve. 49 namaves eesaagefaanuge hurihaa rahumaiythereennaai adhi ekaleygefaanuge arihugai galeeleein ai anhenun ves dhurugai mikanthaththa' hingaadhiya goiy balan thibbeve.

eesaagefaanukafun kurumah thayyaarukurun

50-51 judheaa karaige arimaatheaa rashun ai yoosufu ey namakah kiunu meehaku ethaagai vieve. miyoosufu akee thedhuveri saalihu meehekeve. eynaaakee ves maaiyraskalaange raskanfulhu faalhu vaane dhuvahuge inthizaarugai huri meehekeve. eynaaakee baneeisraaeeluge majileehuge membaraku kamugai vee namaves eesaagefaanaai dheytherey baneeisraaeeluge majileehun mininmi ninmumaai kantha' kuri gothaai eynaa ebbahe' nuveeve. 52 miyoosufu pilaathusge arihah gos eesaagefaanu fasdhaan levvumahtakaa ekaleygefaanuge hashikolhah edhuneve. 53 dhen eynaa ekaleygefaanuge hashikolhu saleebun thirikoh enme agubodu fotheege fothigandakun ehashikolhu nivaakoh kafunkurumahtakaa gendhiyaeve. farubadhaagai hadhaifaivaa hohalhae' ethaangai vieve. ethaagai evves meehaku valhu levifakaa adhi nuveeve. yoosufu eesaagefaanuge hashikolhu ehohalhaige thereygai veduvieve. 54 miadhakee sabathuge dhuvahah thayyaaru kuraa dhuvaheve. adhi mihaaru sabathuge dhuvahah iru ossen vanee varah kairi vefaeve.

55 eesaagefaanuge arihugai galeeleein ai anhenun ves yoosufuge fahathun dhiyaeve. adhi eesaagefaanuge hashikolhu ehohalhaige thereygai veduvunu goiy mianhenun ves dhutteve. 56 dhen mibaimeehun enburi geah gos eesaagefaanuge hashikolhah kafun kurumahtakaa elhumah beynunvaaney meeruvas dhuvaa thakethi thayyaaru kurieve. namaves baneeisraaeeluge dheenuge hhukumugai vaa fadhain sabathuge dhuvahugai mibaimeehun ves evves masakkathe' nukoh thibbeve.

24

eesaagefaanu alun dhiri dhuniyeah vadaigennevun

1 aadheeththa dhuvahuge varah fathihu mianhenun eesaagefaanuge hashikolhu veduvifaivaa hohalhaige kairiah dhiya eve. eesaagefaanu kafun kurumahtakaa mibaimeehun thayyaaru kuri meeruvas dhuvaa thakethi mibaimeehunnaai eku genaeve. 2 mimeehun ehohalha huri hisaabah dhiyairu ethaage angamathee huras kurevifaivaa bodu maa singaa hila vanee effaraathakah furolhaa levifaeve. 3 ebaimeehun ethereah vadhe beli iru mathiveri maaiysaahibu eesaagefaanuge hashikolhe' ethanaku nuveeve. 4 mibaimeehun mivee keekkan neyngi hairaanvefai thibbaa kulliakah ethaagai vaa dhebeykalaku emeehunge kaireegai vieve. mibeykalunge hedhunkolhu vidhaa babulhamun dhiyaeve. 5 mithan dheke gaiy birun mianhenun isjehi mathi balaalan ves nukerifai thibbeve. namaves midhebeykalun ebaimeehunnah vidhaalhuvieve. "meehun maruveemai geneveythaakah thiyabaimeehun dhiri huri meehaku hoadhan thiya aee kee' kuran!? 6 ekaleygefaane' mithanaku neiy. ekaleygefaanu vanee maruvumah fahu alun dhiruvvavaafa. galeeleegai ekaleygefaanu thiyabaimeehunnah vidhaalhuvi basfulhu handhaane' neiy tha? 7 ekaleygefaanu vidhaalhuvi: 'insaanaage dharikalun faafaveringe aiy machchah dhoo kohleveyney. ebaimeehun ekaleygefaanu saleebah aruvaaney. adhi thin vanaahvaa dhuvahu ekaleygefaanu alun dhiri dhuniyeah vadaigannavaaney.'" 8 evaguthu mibaimeehun eesaagefaanu galeeleegai vidhaalhuvi basfulhuge mathin handhaan vejjeeve.

9 dhen mimeehun eesaagefaanuge hashikolhu veduvifaivaa farubadhaigai hadhaifaivaa hohalhain enburi jeroosalamah gos mikanthaththa' dhimaavi hurihaa gothegge vaahaka egaara ashaabeennashaai ethaa thibi ehen meehunnah kiyaadheefieve. 10 mianhenunnakee mariyam magdhaleynaa aai yoannaa aai ashaabeee' kamugaivaa yaamizuge manma mariyamaai emeehunnaai ekeegai dhiya ehen anhenunneve. mikantha' thakuge vaahaka eesaagefaanuge mandhoobunnah kiyaidhinee mimeehunneve. 11 namaves eesaagefaanuge mandhoobunnah mi anhenun mikiyaidhin vaahakatha' qaboole' nukurevuneve. eee mivaahakathakakee thaakunthaaku nujehey kahala vaahakathake' hen heevaatheeeve. 12 ehen namaves badhuru thedhuve ethanun feshigen eesaagefaanuge hashikolhu veduvifai vee hohalha aai hamaah dhuvefai dhiyaeve. ethanah gos ehohalhaige thereah gudhuve beli iru eynaaah fenunu hai ves echchakee eesaagefaanuge gaikolhugai olhaa levifai vee agubodu fotheege fothigandeve. mivee kanthakaai medhu varah bodah hairaan vegen hure eynaa ethanun hingajjeeve.

emaausah dhiya magumatheegai vee dheashaabeen

13 hama edhuvahu eesaagefaanuge ashaabeenge therein dhemeehaku jeroosalamaai gaaiygandakah haiy meylu dhurugai vaa rashe' kamugaivaa emaausah dhiumah dhathuru feshieve. 14 edhemeehun mi vedhiya kanthaththakaai beheygothun vaahaka dhakkamun gendhiyaeve. 15 midhemeehun mivaahakatha' dhakkamun gendhiyairu khudhu eesaagefaanu emeehunnaai eku hingavai vadaigannavamun dhiyaeve. 16 namaves emeehunnah ekaleygefaanakee kaakukan neyngeyne fadhain emeehunge loatha' vanee bandhu kurevifaeve.

17 ekaleygefaanu emeehun kuren suvaalu kurevvieve. "kaleymen dhemeehun dhathurukoh dhamun thiya dhakkanee kon vaahakae'?"

emeehun vaguthun hingun huttaalaafai dherave is dhashah jahaigen thibbeve. 18 dhen edhemeehunge therein kiopaas ey namakah kiyaa meehaa bungneve. "midhiya dhuvas thakugai jeroosalamugai hingaanimidhiya kanthaththake' fahe kaleakah neyngeytha? kaley thiyaee dhathureggai mirashah ai beerahtessakee tha?"

19 ekaleygefaanu suvaalu kurevvieve. "konkanthaththake' tha?"

emeehun bungneve. "naazarathuge eesaagefaanaai beheygothun vee kanthaththa'. ekaleygefaanakee rasoolubeykale'. maaiyraskalaange aai meesthakunge kurimatheegai ekaleygefaanuge basfulhaai amalufulhutha' mathiverivegenvi. 20 bodu imaamunnaai aharumenge verin ekaleygefaanah maruge hhukum koh ekaleygefaanu roomuge sifainnaai havaalukuri. adhi emeehun ekaleygefaanu saleebah eruvi. 21 ekamaku aharumen unmeedhu kohgen thibee ekaleygefaanakee baneeisraaeelu minivan kurumah vadaigen beykale' kamah. mihurihaa kame' hingaadhiyathaa miadhah miee thinvana dhuvas. 22 miadhu aharumenge therein bae' anhenun hurihaa kamakah vure ajaibu vaahakaakaaigen athuvejje. emeehun miadhuge varah hedhunaa ekaleygefaanuge hashikolhu beyvvifai vee hohalhaah dhiya. 23 namaves emeehunnakah ethanun ekaleygefaanuge hashikolhe' nufenunu. emeehun enburi ais bunee ethanun emeehunnah fenunee dhe malaaikaiy beykalun kamuga. adhi ebeykalun emeehun kairee bunee eesaagefaanu vanee maruvefakaa noon kamugai ekaleygefaanu dhiri hunnevi kamuga. 24 dhen aharumenge ekuveringe therein ehen bayaku ves e hohalhaah dhiya. emeehunnah ves kanthaththa' fenunee hama eanhenun bunifadhain. emeehunnakah ves ekaleygefaanuge hashikolhe' nufenunu."

25 eesaagefaanu emeehunnah vidhaalhuvieve. "kaleymennakee varah moya bae'. rasoolubeykalun dhekkevi vaahakafulhutha' ves qaboolukuran kaleymennah varahgina vaguthu nagaa. 26 mathiveri maaiyraskalaange khaassa kuravvaa fonuvvi almaseehaa ekaleygefaanuge mathiverikamaai keerithikamaai eku vadaigennevumuge kurin mifadhain aniyaa libeyne kamuge vaahaka liyevigenne' nuvey tha?" 27 dhen moosaagefaanun feshigen hurihaa rasoolu beykalunne' ebeykalunge foiythakugai eesaagefaanaai beheygothun liuvvaafaivaa hurihaa echche' eesaagefaanu emeehunnah thafseelu koh kiyaadhevvieve.

28 emeehun dhathurukoh dhaan dhiya rashaai kairi vumun eesaagefaanu emeehunnaa vakive ekaleygefaanuge magugai kuriah vadaigannavan ulhuvvieve. 29 namaves emeehun ekaleygefaanu madukuruvumah gadhaalhaa masakkaiy kurieve. emeehun bungneve. "mihaaru mio' iruossenee. dhuvaaluge alikan kendenee. aharumennaai eku mithaa mirey madukurey." dhen ekaleygefaanu emeehunnaai eku vadaigennevieve.

30 eesaagefaanu emeehunnaai eku keyn ballavan isheendhe vadaigen rotte' nangavaa maaiyraskalaange kibafulhah xukuru dhannavaa eroshi dhefalhi kohlevvieve. adhi eroshi baibai kohlavvaa emeehunnah dhevvan fettevieve. 31 dhen emeehunge loahulhuvi emeehunnah ekaleygefaanakee kaakukan enguneve. namaves hama evaguthu eesaagefaanu emeehunge kurimathin ghaibu vejjeeve. 32 emeehun ekaku anekakah bungneve. "ekaleygefaanu miai magumathee aharumennaai vaahaka dhakkavaa foiythakugai ekaleygefaanaai beyhegothun liyevigen vee basfulhutha' aharumennah thafseelu kohdhevvi iru alhe aharumenge hithugai fun ihusaas thake' ihusaas kurevumakun nudhey tha?"

33 emeehun hama evaguthu jeroosalamah enburi aumah dhathuru feshieve. midhemeehun enburi airu egaara ashaabeennaai emeehunnaai ekugai vaa enmen eththaaku thibbaa dhimaavieve. 34 mi egaara ashaabeen emeehunnah bungneve. "eee thedhe'! maaiysaahibaa enburi dhiri dhuniyeah vadaigenfi. badhuru ekaleygefaanu dhekefi." 35 dhen midhemeehun ves emeehun dhiya magumathee kanthaththa' veegoiy mi ashaabeennah kiyaidhineve. adhi emeehunnah eee eesaagefaanu kan engunee ekaleygefaanu roshi nangavaa emeehunnah ebassavan feshi vaguthu kamah ves bungneve.

eesaagefaanu ekaleygefaanuge ashaabeennaai eku

36 mihurihaa ashaabeen mikamaaimedhu vaahaka dhakkamun gendhanikoh mimeehunnah fenunee khudhu eesaagefaanu ethaangai vanikosheve. ekaleygefaanu ebaimeehunnah vidhaalhuvieve. "maaiyraskalaange thiyabaimeehunge machchah salaam lavvaashi."

37 namaves mimeehun mithan dheke sissaigengos eee kahdoiyve' kamugai heekoh varah bodah biru gatheve. 38 mihenve eesaagefaanu ebaimeehunnah vidhaalhuvieve. "thiyabaimeehun thiyahaa bodah thiya birugannanee keevve? aharen dhiri huri than dheke ekan qaboolu kuran thiyahaa bodah undhagoovee keevve? 39 aharenge athaai faithilaah balaa bala. miee khudhu aharen. thiyabaimeehun aharenge gaigai aiylabala. eyrun thiyabaimeehunnah aharennakee roohe' noon kan yaqeen vaane. roohegge hashigandugai mahaai kahte' nuvaane. namaves aharenge hashigandugai mahaai kashi vaa kan eyrun kaleymennah yaqeen vaane."

40 dhen ekaleygefaanu ekaleygefaanuge aiypulhaai faithilafulhu ebaimeehunnah dhekkevieve. 41 ebaimeehun mikamaai varah bodah ajaibu ve ufaavee namaves mikan qaboolu kuran dhathi vikan engivadaigen eesaagefaanu ebaimeehunnah vidhaalhuvieve. "ahannah kaa echche' dheefaanantha?" 42 ashaabeen ekaleygefaanah fihunu maskolhe' dhinumun 43 ekaleygefaanu ebaimeehunge kurimatheegai mimaskolhu farikkulhuvvevieve.

44 dhen ekaleygefaanu ebaimeehunnah vidhaalhuvieve. "thauraathaai zabooruaai ehenihen rasoolu beykalun liyuvvaafaivaa foiyfothugai aharennaai medhu bayaan vegenvaa hurihaa kame' ebayaan vegen vee fadhain hingaa nimidhaane kamah aharen thiyabaimeehunnaaieku vee dhuvasthakugai thiyabaimeehunnah buneen."

45 dhen ekaleygefaanu emeehunnah maaiyraskalaange baavailevvi foiythakugai liyevi bayaanvegenvaa basfulhuthakuge maana visni engumuge kulhadhaanakan dhevvieve. 46 ekaleygefaanu ebaimeehunnah vidhaalhuvieve. "liyevi bayaanvegen vey: mathiveri maaiyraskalaange khaassa kuravvaa fonuvvaane almaseehaa ah aniyaa libivadaigen avahaara vumah fahu thin vanaah vaa dhuvahu alun dhiri dhuniyeah vadaigannavaane. 47 adhi mi govaalevvun dhuniyeyge hurihaa qaumakah govaaleveyne. mi govaalevvumakee mathiveri maaiyraskalaange khaassa kuravvaafaivaa almaseehaage nanfulhugai meesthakun maaiyraskalaange kibafulhah enburumun emeesthakunge faafatha' fussavaane kamuge govaalevvun. mi govailevvun dhuniyeyge qaumuthakah fethureynee jeroosalamun. 48 kaleymenge kurimatheegai mikanthaththa' ve hingajje. veeiru kaleymen mikanthaththakah hekivey. 49 thiyabaimeehun maaiyraskalaange mathiveri baarufulhu dhevvaifumah dhaandhen mirashugai madu kurey. aharenge bappa vaudhuve vodigen vee hadhiyaafulhu khudhu aharen kaleymenge kairiah fonuvvaanan."

eesaagefaanu udah ufullevun

50 dhen eesaagefaanu ekaleygefaanuge ashaabeennaagen erashun vadaigen baithuaniaa rashaai araa hamavi hindhu ekaleygefaanuge aiypulhu machchah ufullavaa emeehunnah barakaaiy levvieve. 51 adhi hama evaguthu maaiyraskalaange ekaleygefaanu udah ufullevieve. 52 ashaabeen eesaagefaanuge machchah hamdhaai sanaa kiyamun ufaaveri kamaai eku enburi jeroosalamah dhiya eve. 53 adhi baithul maqdhisgai maaiyraskalaange kibafulhah xukuru kurun mathee ebaimeehunge hurihaa vaguthe' heydha kurieve.