Manipuri 1st John /1 Ahanbadagi leiramba, eikhoina taraba, eikhoigi imitna uraba, eikhoina ujaduna ikhutna soklaba hingbagi waheigi marida. (Amasung hingba adu phongdokle, aduga eikhoina ure, amasung mapaga leiminnaramba aduga eikhoida phongdoklaba hingba, haibadi lomba naidaba adugi sakshi oijaduna, nakhoida tamthok-i). Eikhoina uraba amasung taraba adu nakhoinasu eikhoiga saruk phangminnanaba, eikhoina nakhoidasu tamthok-i; aduga eikhoi saruk phangminnaba asi mapaga machanipa Jisu Khristaga loinabani. Amasung eikhoigi haraoba mapung phahannanaba eikhoina waram asi ibani. Amahiksung eikhoina ibungodagi taraduna nakhoida khanghanba pao adu asini; hai badi, Iswardi manganni, aduga ibungo mangonda amamba khak leite. Eikhoina ibungoga saruk phangminnabani hairaga, amambada chatlabadi, eikhoi minambani amasung achumba adu toudabani. Adubu ibungo mahakna manganda leibagumna eikhoina manganda chatlabadi, eikhoina amaga amaga saruk phangminnabani, amasung ibungo mahakki macha nipa Jisugi ina pap pumnamaktagi eikhoibu sengdokpi. Eikhoina eikhoigi pap leite hairabadi, eikhoina isa ithantabu minamjabani, aduga achumba adu eikhoida leite. Eikhoina eikhoigi pap haidokcharabadi, eikhoigi pap kokpinanaba amasung dharma chendaba pumnamaktagi eikhoibu sengbinanaba, ibungo mahakti thajaba yaba amasung achumbani. Eikhoina pap toude hairabadi, eikhoina ibungo mahakpu chinthihalli, amasung ibungo mahakki wa eikhoida leite. /2 Eigi nungsiba angangsa, nakhoina pap toudananaba, eina waramsing asi nakhoida iribani; Amasung kanagumbana pap tourabadi, ipagi mangda eikhoigi wa nombiba dharma chenba Jisu Khrista lei. Aduga ibungo masamak eikhoigi papkidamak senggatpinaba oibi; Eikhoigi damaktada natte, adubu taibangpal apumbagi damaksuni. Amasung eikhona ibungogi yathang makhei nglakabadi, asina eikhoina ibungobu khang-i haiba eikhona khang-i. Eina ibungobu khang-i haiba amasung ibungogi yathang makhei ngaktaba mahak adu chinthibani, amasung mangonda achumba leite. Touigumbasung ibungogi wa ngakpa kanagumba mi aduda thanggei sengna Iswarbu nungsiba changkholle: Asina eikhoina ibungoda leiri haiba eikhoina khang-i. Ibungoda itattattana leiri haiba mahak aduna ibungona chatlambagumna mahakmaknasu chatpa tare. Achanbasa, anouba yathang nakhoida eina iba natte, adubu ahoubadagi nakhoina phangkhraba ariba yathang aduni ariba yathang adudi nakhoina taraba wa aduni. Amukka, eina nakhoida anouba yathang iri; Masi ibungodasu nakhoidasu achumbani; maramdi amamba adu lanthokli, aduga houjik achumba mangal adu ngalli. Mahak manganda leiri haiba amasung machin manaobu tukkachaba mahak aduna houjik phaobasu amambad leiri. Machin manaobu nun gsiba mahak aduna manganda itatttana leiribani aduga mangonda khudi thipham leite. Touigumbasang machin manaobu tukkachaba mahak aduna amambada leiribani, aduga mahakna amamba aduda chattuna, mahak kadaida chatlibano khangde, maramdi amamba aduna mahakki mamit tanghalle. Nungsiba angangsa, eina nakhoida iri, maramdi nakhoigi pap makhei ibungogi minggi maramna kokpirabani. Ipakhoi, eina nakhoida ijari maramdi ahoubadagi leiriba ibungobu nakhoina khang-i; Pakhangsa, eina nakhoida iri, maramdi nakhoina phattaba ama adubu ngamle; Angangsa, eina nakhoida ire, maramdi nakhoina napabu khang-i. Ipakhoi, eina nakhoida ijare, maramdi ahoubadagi leiriba ibungobu nakhoina khang-i; Pakhangsa, eina nakhoida ire, maramdi nakhoidi kalli, amasung Iswargi wa nakhoida itattattana leiri, aduga nakhoina phattaba ama adubu ngamle. Taibangpanbabu amasung taibangpangi manungda leiriba potsing adubu nungsiganu; Kangumba mina taibangpanbabu nungsirabadi, mapabu nungsibadu mangonda leite. Maramdi taibangpanda leiriba pumnamak, hakchangna pamba, mitna pamba, amasung punsigi napal ipadagi natte, adubu taibangpandagini. Aduga taibangpanbsu madugi apambasu mangba nai; adubu Iswargi ningba touba mi aduna lomba naidana itattattana lei. Angangsa, akonba pungni; aduga anti-Khrista lak-i haiba nakhoina tarabagumna houjiksu ayamba anti-Khristtasing thoklakle; asidagi akonba pungni haiba eikhoina khang-i. Makhoidi eikhoidagi chathokkhre, adubu makhoidi eikhoigi oiramde; maramdi makhoina eikhoigi oiramlabadi, eikhoiga tattana leiminnaramgadabani; touigumbasung makhoi pumnamak eikhoigi oiramde haiba phongdoknanaba chatthokkhre. Aduga nakhoidi asengba ama adudagi thao heibiba phangle, amasung nakhoi pumnamakna madu khang-i. Nakhoina achumba adu khangdaba maramna eina iba natte, adubu nakhoina madu khangbagi maramna, amasung chinthiba kari amata achumbadagi oidabagi maramna ibani. Jisubu Khristani haiba yadaba mahak adu nattana chinthiba adu kanano? Mapabasu macha nipa adubusu yadaba anti-khrist adu asini. Macha nipa adubu yadaba mi khudi ngna mapabusu phangde; macha nipa adubu yaba mahak aduna mapabusu phang-i. Nakhoina ahoubadagi takhraba adu nakhoida itattattana leisanu; Ahoubadagi nakhoina takhraba adu nakhoida itattattana leirabadi, nakhoinasu macha nipa aduda amasung mapada itattattana leigani. Amasung ibungona eikhoida waleppiraba walep adu asini, haibadi, lomba naidaba hingba aduni. Nakhoibu serannana chingthokningbasinggi maramda eina wasing asi nakhoida ire. Aduga nakhoina ibungodagi thao heibiba adu nakhoida itattattana lei, amasung kanagumbana nakhoibu tambiba nakhoigi kannaba leite; adubu waram pumnamakki marida ibungogi thao heibiba aduna nakhoibu tambiba achumba oiba, chinthiba leitaba adugumna, amasung maduna nakhoibu tambikhiba gumna, ibungoda nakhoina itattattana leiyu. Amasung houjik, nungsiba angangsa, ibungobu phongdokpirabadi, eikhoina thouna phaduna, ibungona langlakpada ibungogi mangda ikaidananaba nakhoina ibungoda itattattana leiyu. Ibungo mahak achumbani haiba nakhoina khanglabadi, achumba touriba mi khudingbusu ibungo mahakna pokpire haiba nakhoina khang-i. /3 Yeng-u, eikhoibu Iswargi machasingkoubinaba, Ipana eikhoigi ithakta kaya nungsiba pinabibano! aduga eikhoi madumak oiri; Maram asigidamak taibangpanbana eikhoibu khangde, maramdi taibangpanbana ibungobu khanglamde. Achanbasa, houjik eikhoidi Iswargi machasingi, amasung eikhoi kari oigadage houjik phongdoktari; Ibungobu phongdokpirabadi, eikhoi ibungo manga-ni haiba eikhoina khang-i; maramdi ibungona oiribamakkumna eikhoina ibungobu ujagani. Aduga ibugogi maphamda khourang-na ningba asi leiba mi khuding-na, ibungona sengbagumna, masa mathantabu sengdokchei. Pap chenba mi khudingna wayel yathang indabasu toui, amasung papti wayel yathang indabani. Aduga nakhoina khang-i, haibadi, pap makhei pubinanaba ibungobu phongdokpire, amasung ibungoda pap khak leite. Ibungoda itattattana leiba mi khudingmak pap chende; pap chenba mi khudingna ibungobu usu ude, khangsu khangde. Nungsiba angangsa, mi kana amatana nakhoibu serannana chingdasanu; Achumba touriba mahak adu, ibungona dharma chenbagumna, dharma chenbani. Pap chenba mahak adu Diyaboldagini; maramdi diyaboldi ahoubadagi pap chelli; Diyabolgi thabak manghannanabagidamak Iswargi macha nipa adubu phongdokpire. Iswardagi poklaba mi khudingmak pap chende, maramdi ibungo mahakki maru mangonda itattattana lei, amasung mahakna pap chenduna leiba ngamde, maramdi mahakti Iswardagi poklabani. Asida Iswargi machasing amasung diyabolgi machasing phongdokpani; Achumba toudaba mi adu amasung machin manaobu nungsidaba mi adu Iswardagi natte. Maramdi ahoubadagi nakhoina takhiba pao adu asini, haibadi, eikhoi amaga amaga nungsinagadabani. Kayinna phattaba ama adudagi oiramduna, manaobu hat khibagumna natte; Amasung mahakna mabu karigi damak hatkhibano? Maramdi mahakki thabak phatte, aduga mahakki manaogidi dharmachenbani. Ichin inaosa, taibangpanbana nakhoibu tukkacharabadi, ngakkanu. Eikhoina sibadagi hingba tanna lanthokle haiba eikhoina khang-i, maramdi eikhoina ichin inaosingbu nungsi. Nungsidaba mahak aduna sibada itattattana leibani; Machin manaobu tukkachaba mi khudingdi mihatpani, aduga mihatpa kana amatada lomba naidaba hingba leite haiba nakhoina khang-i. Asina eikhoina nungsiba khang-i, haibadi, ibungona eikhoigi damak mathawai thabire; aduga eikhoina ichin inaosinggi damak eikhoigi thawai thabipham thok-i. Touigumbasung taibangpangi lal leiba amasung mahakki machin manaogi kanagadaba uraga mahakki chanbiba mangonda pibidraba kanagumba mi aduda Iswargi nungsiba karamna leibano?. Nungsiba angangsa, eikhoina waheina amasung leina nungsiganusi, adubu thabakna amasung achumbana nungsisi. Asina eikhoina achumbadagini haiba eikhoina khanggani aduga eikhoigi pukningna eikhoibu lalhallabada. Eikhoina eikhoigi pukningbu ibungogi mangda themjingani; maramdi Iswarna eikhoigi pukningdagi henna chao-i, amasung pumnamak ikhang khang-i. Achanbasa, eikhoigi pukningna eikhoibu lalhandrabadi, Iswargiromda eikhoigi thouna phaba lei. Amasung eikhoina nijaba makhei ibungo mangondagi phangjei, maramdi eikhoina ibungo mahakki yathang khibik ngakchduna ibungo mahakki mityengda apamba adu eikhoina toujei. Amasung asi ibungo mahakki yathangni, haibadi, ibungo mahakki macha nipa Jisu Khristagi mingda eikhoina thajagadabani, amasung ibungona eikhoida yathang pikhibagumna, eikhoina amaga amaga nungsinagadabani. Aduga ibungo mahakki yathang ngakpa mahak aduna ibungo mangonda itattattana lei; amasung ibungo mahakna mangonda itattattana lei; amasung asina, haibadi ibungo mahakna eikhoida pibiraba thawai adugi mapnna, ibungo mahakna eikhoida itattattana lei haiba eikhoina khang-i /4 Achanbasa, thawai khudingbu thajaganu, adubu thawaising adu Iswardagira chang yeng-u; maramdi ayamba Iswargi wa takthoksinnabasing taibangpan-gi manungda chathokkhre. Asina Iswargi thawai adubu nakhoina khang-i: Jisu Khristana hakchang oina lakle haiba yaba thawai khuding Iswardagini. Aduga Jisubu yadaba thawai khuding Iswardagi natte; Amasung asi anti-Khristagi thawaini, mahak lak-i haiba magi maramda nakhoina tare, aduga houjikmak mahak taibangpanda leiri. Nakhoidi Iswargini, nungsiba angangsa, aduga nakhoina makhoibu ngamle; maramdi nakhoida leiriba ibungo mahak aduna taibangpanda leiriba mahak adudagi henna chao-i. Mahkoina taibangpanbagini, maram aduna makhoina taibangpanbagi ngang-i, aduga taibangpanbana makhoigi wa tai. Eikhoidi Iswargini, Iswarbu khangba mahak aduna eikhoigi wa tai; Iswargi nattaba mahak aduna eikhoigi wa tade; Asidagi eikhoina achumbagi thawaibu amasung aranbagi thawaibu khangi. Achanbasa, eikhoina amaga amaga nungsinasi; maramdi nungsiba Iswardagini, aduga nungsiba mi khuding Iswardagi pokpani, amasung Iswarbu khangi. Nungsidaba mahak aduna Iswarbu khangde; maramdi Iswardi nungsibani. Asina Iswargi nungsiba adu eikhoigi maramda phongdokpire, haibadi, Iswarna macha nipa amata ngaiba adubu, eikhoina ibungo adugi mapanna hingnanaba, taibangpanda thabirakle. Asida nungsiba lei, haibadi, eikhoina Iswarbu nungsire haiba natte, adubu Iswarna eikhoibu nungsibiraduna ibungo mahakki macha nipa adubu eikhoigi papkidamak senggatpinaba oina thabire. Achanbasa, Iswarna eikhoibu asup nungsibirabadi, eikhoinasu amaga amaga nungsinapham thok-i. Iswarbu kana amatana khak ude; eikhoina amaga amaga nungsinarabadi, Iswarna eikhoida itattattana lei; aduga ibungo mahakpu nungsiba eikhoida chaangkholle. Asina eikhoina ibungo mangonda amasung ibungo mahakna eikhoida itattattana lei haiba eikhoina khangi, maramdi ibungo mahakna eikhoida ibungo mahakki thawaidagi khaibire. Amasung mapana macha nipa adubu taibangpanbagi kanbiba mapu oina thabire haiba eikhoina ure, amasung sakshi piri. Jisu Khristabu Iswargi macha nipani haina kanagumbana haidokcharabadi, Iswarna mangonda amasung mahakna Iswarda itattattana lei. Aduga eikhoigi maramda Iswargi nungsiba leiba adu eikhoina khangi, amasung thajare; Iswardi nungsibani, amasung nungsibada itattattana leiriba mahak aduna Iswarda itattattana lei, aduga Iswarna mangonda itattattana lei. Asida nungsiba adu eikhoiga changkhonminnare, aduna eikhoina wayen-gi numitta thouna phanabani, maramdi ibungona oiribagumna eikhoinasu taibangpan asida oiri. Nungsibada akiba leite, touigumbasung changkhonba nungsibana akiba langthok-i; maramdi akibadi wakongga tinnabani; aduga akiba mahak aduna nungsibada changkhonde. Eikhoina nungsi, maramdi ibungo mahakna eikhoibu hanna nungsibire. Kanagumba mina, eina Iswarbu nungsi, hairaga machin manaobu tukkacharabadi, mahakti chinthiba mini; maramdi mahakna uraba machin manaobu nungsidaba mahak aduna udriba Iswarbu nungsiba ngamde. Amasung Iswarbu nungsiba mahak aduna machin manaobusu nungsigadabani haiba yathang asi eikhoina ibungodagi phangi. /5 Jisubu Khrista-ni haiba thajaba mi khuding Iswardagi poklabani, aduga pokpiba ibungo mahakpu nungsiba mi khudingna ibungo mangondagi poklaba mahakpusu nungsi. Asina, eikhoina Iswarbu nungsiduna ibungo mahakki yathang makhei inba matamda, Iswargi machasingbu nungsi haiba eikhoina khang-i. Maramdi eikhoina ibungo mahakki yathang makhei ngakpa, asi Iswarbu nungsibani; aduga ibungo mahakki yathang makhei arumba natte. Maramdi Iswardagi poklaba khudingna taibangpanbabu ngammi; aduga taibangpanbabu ngamlaba mangam adu sini, haibadi eikhoigi thajabani. Amasung Jisubu Iswargi machanipani haiba thajaba mahak adu nattana, taibangpanbabu ngamba mahak adu kanano?. Isingga amasung iga loinana lenglakpa ibungo adu asini, haibadi Jisu Khristani; ising adutana nattana, ising aduna amasung i aduna lenglakpani. Aduga sakshi piriba adu thawai aduni, maramdi thawai adudi achumbani. Maramdi sakshi piriba ahum lei, madudi thawai, ising amasung i aduni, aduga ahum asi amata oina yanei. Eikhoina misinggi sakshi lourabadi, Iswargi sakshina henna chao-i; maramdi Iswargi sakshi adu asini, haibadi, ibungo mahakna macha nipa adugi marida sakshi pibire. Iswargi macha nipa adubu thajaba mahak adu masamakta sakshi adu lei; Iswarbu thajabada mahak aduna ibungo mahakpu chinthiba oihalle; maramdi Iswarna ibungo mahakki macha nipa adugi marida pikhraba sakshi aduda mahakna thajade. Amasung sakshi adu asini, madudi, Iswarna eikhoida lomba naidaba hingba pibire, aduga hingba asi ibungo mahakki macha nipa aduda lei. Macha nipa adubu phanglaba mahak aduna hingba adu phangle; Iswargi macha nipa adubu phangdaba mahak aduna hingba adu phangde. Iswargi macha nipa adugi mingda thajaba nakhoida lomba naidaba hingba lei haiba nakhoina khangnanaba, eina waramsing asi nakhoida ire. Amasung ibungo mahakki mangda eikhoigi leiba thouna adu asini, madudi ibungo mahakki ningba matung inna karigumba eikhoina nijarabadi, ibungo mahakna eikhoigi nijaba tabi. Aduga eikhoina kari karigumba nijaba ibungo mahakna tabi haiba eikhoina khanglabadi, eikhoina ibungo mangondagi nijaba makhei adu phangjare haiba eikhoina khang-i. Kanagumbana mahakki machin manaona siba thokhanba nattaba pap touriba urabadi, mahakna nijagadabani, amasung Iswarna mangonda siba thokhanba nattaba pap toubasinggi damak hingba pibigani; Siba thokhanba pap lei; asigi maram da mahakna nijagadabani haiduna eina haiba natte. Dharma chendaba pumnamak papni, aduga siba thokhanba nattaba pap lei. Iswardagi poklaba mi khudingmak pap chende, adubu Iswardagi pokkhraba mahak aduna masabu sennajei, amasung phattaba ama aduna mahakpu sokte haiba eikhoina khang-i. Eikhoidi Iswargini, aduga taibangpanba apumbana phattaba ama adugi makha ponduna lei haiba eikhoina khang-i. Aduga Iswargi macha nipa aduna lengbirakle, amasung eikhoida khangnaba pibire haiba eikhoina khang-i; aduna eikhoina achumba oiba ibungo mahakpu khang-i, amasung ibungo mahakki macha nipa Jisu Khristada leiduna, eikhoina achumba oiba ibungo mangonda leiri; Asi achumba Iswar, amasung lomba naidaba hingba aduni. Nungsiba angangsa, nakhoi nasabu lai-murtisingdagi ngakchou.