John Ketok Abirta Keme

1

1 Kechengsi alamsi do, lapen alam Arnam pen do raplo, lapen alam amethang Arnam lo. 2 Alangli kecheng pen Arnam do rap lo. 3 Alangli jok pen kadokave planglo, lapen la jat jat kacheplang hala hei hei eson bakta Alangli penpete cheplangplelo. 4 Kereng ache the Alangli helo, hala kereng achethe helo monit akatheanglo. 5 Katheang kangting adim pakhelan dangsi dolo: bonta kangtingke katheang aphan hyhedetlo. 6 Arnam pen nang ketoy inut amonit Johan pu amen do. 7 Alangli pen a jok la kadokaveta bisasji aphansi, hala katheang ahaki kepujisi Alangli haki aphansi vanglo. 8 Alangli amethang hala katheang kali; bonta katheang ahaki kethanjisi kevang chot. 9 Kadokave amonitta katheang kepi asonthotsi katheang pirthe athak vanglo. 10 Alangli pirthe athaksi do lapen pirthe Alangli jok pensi planglo, bonta pirthe-ke Alangli phan chininedetlo. 11 Alangli amethang adet chevanglo; bonta amethang asangho atumke Alangli phan chakche-detlo (ba maninedetlo). 12 Tebonta Alangli phan ke-chak atum an-ke, lapen Alangli men bisas dunsi hala kadokave atum anta Amam asopo keplangji akhemata Alangli pilo. 13 Latum avi pen ba aok aning pen ba monit aning kehang penle amahang kethek lapu kali; bonta Amam pensi longlo. 14 Halabangso alam monit planglo, lapen kanghon ahok pen plengsi etum angbong nang do dunlo; lasi Amam Aso Po e-pumpet la adak atur aot hala ajakong etum theklonglo. 15 Alangli lamjir Johan lapu haki ningjesi pulo ne phi nang kedun abang ne par pateno tanglo thangbakma ne phrang penta Alangli dolo, la lamjir ne nang kethan bom abang la Alangli helo 16 Thangbakma netum kadokaveta Alangli hala keplengtang abang pen kanghon aphu-thak akanghon longlo. 17 Thangbakma Moses ajok pensi aron pilo, bonta kanghon lapen athikke Jusu Khristo ajok pensi planglo. 18 Badutame Arnam thek longle pin lang Epo angno kacherbakver kedo Aso Po epumpet Alanglisi nang peklanglo. 19 Johan ahaki lapu helo, nangli komatma lapu karjuji aphansi la Judia atum-ke Jirusalem pen a-Prist lapen Levi atum Alangli dung toylo. 20 Alangli chekobirbe-detsi chekobirdetlo (atheke) ne Khristo kali pu chekobirdetlo. 21 Lasi latum ke alangli phan arjulo, tangte kopi nangli Elijah ma alangli thaklo ne kali; nangli hala montri abang ma alangli thaklo kali. 22 Lahelo latum-ke alangli phan pulo, ne ketoy atum aphan kethan damji aphan ne nang arjulo, nangli komatma nangli methang alamjir kopi pu unjima? 23 Alangli pulo Isaiah amontri-le kepu asonthot pulo, Arnam atovar pekeng pinon, habit angbong inut kehang ase lahelo, halabangso ase ne helo. 24 Halatum Pharisi atum pensi nang ketoylo. 25 Lasi latumke Alangli phan arjulo jongsi Khristo kali Elia-ta kali, hala montri kali, tangte kopisi baptize loma? 26 Johan halatum aphan thaksi pulo neke lang pensi nang baptize chot lang, bonta. 27 Nangtum kachinine pin abang hala akengop ari kephriji meme aot-ta ne kali, ne phi nang kedun lason abang nangtum angbong enut do. 28 Johan lang baptize adim Jordan aroy parai Bethany rongsi la kadokave-ta planglo. 29 Puthot arni Alangli dung Jisu kevang theksi alangli pulo, pirthe apap kepon abang Arnam aso langtha. 30 Hala alam ne nangtum aphan nang thanlo, la ne phi inut amonit nang kedun abang ne parte pateno tanglo, thangbakma ne phrang penta Alangli dolo. 31 Lapen Alangli phan ne chininedetlo, bonta Israel atum angno Alangli kachipeklang aphansi ne lang pen baptize-si vanglo. 32 Lapen Johan-ke ahaki thansi pulo, sining pen karjong vothang ason nang sunsi Alangli phu thak nang kanghu thek longlo. 33 Ne Alangli phan chinine-detlo, bonta lang pen pebaptize damnon pu ne ketoy abang halabangsosi ne phan kepulo, nangli lang baptize ahut, aphuthakkarjong nang kanghu theklongpo, karjong kangthir pen baptizeji abang Alangli helo, 34 Lapen ne la theklongsi, Alangli helo Arnam asopo chenam pusi labangso ahaki thanlo. 35 Puthot arni ako Johan amethang asangho bang hini pen pen arjap rap chomsi, 36 Jisu kaphuri un Alangli nath langsi pulo, Arnam aso langtha! 37 Hala bang hini asangho Alangli lapu kepu arjulongsi Jisu aphi phi dunlo. 38 Lasi Jisu amehang chetevarsi halatum aphi keng keng nang kedun theksi, halatum aphan pulo nangtum kopisi nang kerima? Latum Alangli phan pulo, Rabbi (atheke hemphu) Nangli konathsi kedoma? Alangli latum aphan pulo vangnon ansi theklongji. 39 Lasi latum damsi Alangli kedo adim thek damlo, lapen halatum halabangso arni Alangli long dodunlo. 40 La ahut baji kep bak apor dolo. La bang hini Johan alam arjusi Alangli phi kengkeng dunlo, halatum bang hini angbong inut Simon Pitor akor Andriw. 41 Alangli aphranke a-ik Simon aphan phosi pulo ne Messiah (atheke Khristo) pholoklo. 42 Ansi alangli Jisu van detlo, lasi Jisu-ke alangli nat langsi pulo nangli Johan asopo Simon, nang men Cephas plangpo (atheke arlong). 43 Puthot arni Galili anath kedamji aninghangsi Jisu Philip aphan chelangsi pulo Ne phi nang dun non. 44 Pitor lapen Andriw kedo la Bethsaida arong, Philipta halabangso arong amonit. 45 Ansi Philipta Nathanael chetongsi pulo Mosesle hala abang alamjir aron ahastro lapen montri atumta toklo, ne Alangli phan pholo, Alangli Joseph asopo Naseret-a-Jisu. 46 La mamat Nathanaelke Alangli phan pulo, Naseret pen kopine mesen amar nang klang thekjima? Philip-ke Alangli phan pulo, vangra langtha. 47 Ansi Jisu amethang adung Nathanael aphan kevang theksi, Alangli lamjir pulo, langnon, la abang Israel amonit ahoklo Alangli thangnath aning keso athai ave! 48 Anke Nathanael Alangli phan pulo Nangli kopusi ne kachinima? Jisu thaksi alangli phan pulo, Philip nang phan kehanghe ako pen nangli ingle arong arum kedo unsi nang phan nang theklo. 49 Nathanael thaksi pulo Rabbi nangli Arnam asopo, Nangli Israel atum arecho. 60 Lasi Jisu thaksi alangli phan pulo nang phan ingle arong arumsi aang theklo, ne labangso alam nang kepu ajok pensi bisas loma? La aparta kethedung thedung akamta thek longji-lang. 61 Alangli ako pulo Ne nangtum aphan athikpet nang pu lang nangtum la sining anghap kachingpu lapen Monit Asopo aphuthak Arnam atekla atum nang kehir lapen karluthu thek longpo.

2

1 Ansi ni thom arni, Galili Kana anokor, elong piso pangrilo; lapen Jisu apeita haladaksi-do. 2 Halabangso apiso kapangri ahut Jisu lapen Alangli ri asangho atum aphanta nang phalo. 3 Ansi drakha alang ong-edetsi, Jisu apeita Alangli phan pulo, latum drakha alang iktanglo. 4 Jisuke Alangli phan pulo, arloso, nangli long Ne kopi akam doma? Ne ahut non kalilang. 5 Ansi Alangli peike ban atum aphan pulo, Alangli nangtum aphan nang kepu alingle la klem non. 6 Halabangso adim Judia atum kachepangthir-i atengsi, mon ni mon thom alang kejangji arlong ahing therok do. 7 Jisu latum aphan pulo, hing an lang pepleng non, Lasi latum hala heihei achethok an peplenglo. 8 Ansi Alangli halatum aphan pulo, nonke enra, bhuj ahemphu alongle pon-non. Lasi halatum ponlo. 9 Bhuj ahemphu drakha alang kapinchong hala bang la anke chomatsi, lake kopi pensi kapinchong loma lake alangli chinine detlo; bonta la ban atumke lang kethai apot chinilo; 10 Anke bhuj ahemphuke piso chepangriji aphan hangsi pulo, la kadokave atumke aphrangsi anhelo akeme kepi; lapen bang kejun aphike la apar akelamsi pilo; bonta nangke nonputa akedoksi bibom lang. 11 Jisu la matha thek the det asin non lahelo kapang cheng, Galili Kana anokor klemsi, amethang adak atur peklanglo; lapen Alangli sangho atumta Alangli phan kroy pemelo. 12 La ansi Alangli methang apei, amumar atum, lapen asangho atum pen pen Kaphornahum-si damlo, bonta haladak ami keding dodedet lo. 13 Anke Judia atum Kejok amei kedoji arni tebokhetsi, Jisu Jirusalem-si dam juilo. 14 Haladak chynong, meresak, vothung kejor lapen tangka kelar atum kardom ahem kedo theklongsi, rosit ajir pen sabok isi selamsi, 15 Chynong mer pen pensi, hala kedo an amar kardom ahem pen phlung lo. 16 Tangka kelar atum atangka thokpi etsi, inghoyta tharle koylo; lapen vothung kejor atumaphan pulo, ladak pen la heihei ponra dam-non; Ne Po ahem bepari ahem nang pinchongi'i-non. 17 Ansi nang hem aphan Ne la Ne mon-e-si halabangsosi Ne phan chodetpo, labangso alam la kalikhi kedo asangho atum aning cheporilo. 18 Lasi Judia atumke Alangli phan thaksi-pulo, Nangli la heihei akam keklem, la apot netum kopi asin peklangloma? 19 Jisu thaksi halatum aphan pulo, nangtum la kardom ahem peru non, Ne la nithom arni ako kimthu-petangji. 20 Lasi Judia atumke pulo, la Kardom ahem ningkan philikep-ra therok ansi kim petanglo; Nangli la ni thom-petsi kimthu petang unjima? 21 Bonta Alangli ke amethang apransi, kardom ahem alamjir kepulo. 22 La anke mo Alangh kithi atum angbong pen kethurthu ahutsi, Alangli sangho atumke labangso alam matha damsi, dhorom baibel, lapen Jisu kepu alam-ta kroy pemelo. 23 Ansi kejok amei ahut, Alangli Jirusalem kedo ahut, penang amonit, Alangli kapeklang matha thekthedet asin theksi, Alangli mensi, kroy bisas pemelo. 24 Bonta Jisuke halatum aphan amethang kamatha aning arlo alam chethan-the detlo; thangbakma Alanglike la kadokaveta chinilo; 25 Lapen monit alamjirke thang nathta kethanji Alangli adorkar ave; thangbakma monit aning arlo kopisi doma? lake Alangli methangsi chinilo.

3

1 Pharisi atum angbong Nikodimus, pu amen Judia atum rat ahemphu enut abanglo. 2 Halabangso abang ajo Alangli dung vangsi, Alangli, phan pulo, Hemphu, Nangli la Arnam pen kevang enut kethan abang, lake neli chinilo; thangbakma Nangli la heihei, matha thekthe-det asin kapeklangke Arnam Nangli long avete lason asin baduta peklang une. 3 Jisu thaksi alangli phan pulo, Ne nang phan athikpet nang pulang, akimile amahang thek-thuthete, baduta Arnam arat thek-dun longle. 4 Nikodimuske Alangli phan pulo, monit sartangrupi kopusi amahang kethek-thuvoy thek-jilangma? la apei apok chiluthura amahang thekthu unjilangma? 5 Jisu thaksi pulo Ne nang phan athikpet nang, pulang, lang lapen karjong penle amahang thekthete, Arnam arat lutdun longle. 6 Ok penle amahang kethek lake oklo lapen, karjong penle amahang kethek, lake karjonglo. 7 Akimisi nangtum amahang thek-thuvoy nangji, labangso alam Ne nang kepu, la kamatha manghu nangne. 8 Tomonta aning kehang anathu alingsi, halaputhusi jappon, lapen nang la arki ansi arju long chot, bonta la konat pensi kevang konatsi, kedam la chinine; karjong pen amahang kethek amonit abang phutinta lapu helo. 9 Nikodimus thaksi Alangli phan pulo, lapusonke kolopusi kacheplang thek-jima? 10 Jisu thaksi Alangli phan pulo, nangli Israel atum aphan kethan abang tangdetta, lapuson alam chinine langma? 11 Me nangtum aphan athik-pet nang pulang, Ne kachini ansi, la nang kethan, lapen kethek long ansi la nang kethan. Bonta nangtumke Ne nang kethan alam en-edetlo, 12 Ne nangtum aphan longle athak alamjirsi, nang keputangdetle nangtum jongsi, bisassedet tangte sining athak alamjirle nang pute kopusi kabisas-jilangma? 13 Sining kedo abang, atheke la Monit Asopo, sining pen nang hirlo Alangli parke baduta sining athak arlu-le lang. 14 Habit angbong Mosesle pherui ketardong ason. 15 Bisas tang atum kadokaveta Monit Asopo, pen kejut une achethe kelong nangji aphan si, Alanglita lapuson si tardongpo. 16 Thangbakma Arnam pirthe athak amonit aphan laan akanghon do, la Alangli Sopo aphan badule bisaslote, lake virvedetsi, kejut un-e achethe kelongji aphansi, Alangli hala Po epumpet Asopota pidetlo. 17 Thangbakma pirthe aso aphan kabisarji aphan kali, bonta pirthe aso Alangli jok pen kapejokji aphansi, Arnam Asopo, pirthe athak nang toylo. 18 Alangli phan kabisas abangke bisar-sedetpo, bisassedet abangta bisar tang koylo; thangbakma hala Arnam Asopo, Po, epumpet amen bisas-sedetlo. 19 Lapen halabangso abisar lahelo, la pirthe athak katheang vanglo, bonta monit katheang aparta kangting-si inghon munaklo; Thangbakma halatumakamhingnodak do. Thangbakma badutame kahingno akam klem-lo tangte, lake katheang aphan-si, hijimlo; lapen akam adai pethek-the-ji aphansi, labangsoke katheang adung vang-vedetlo. 21 Bonta badutame ahok akamle keklem abangke, la akam Arnam aphan keklem asonlo, hala abangke kapeklangdak-ji aphansi, lake katheang adungsi vanglo. 22 La ansi, Jisu amethang asangho atum pen pen Judia anathu damsi, haladaksi, halatum along dosi, baptize pilo. 23 Lapen Salim adung Enon arong lang akedo-o-pisi, Johanke haladaksi baptism pibomlo; Lapen rat atumke vang bom vang bomsi, baptize en bomlo. 24 Thangbakma la ahut anta Johan aphan phatek bengbe lang. 25 Lasi kapangthir-tang alam enut Judia amonit pen pen Johan asangho, atum pen lam chetorko lo. 26 Lapen halatumke Johan adung damsi, alangli phan pulo, hemphu, la Jordan parai nangli lokot kedo abang, nangli alamjir kethan bom abang, lang non, Alangti-si, baptize kepilo, lapen kedo an amonitta Alangli longsi, damlo. 27 Johan thaksi pulo, sining pen monit aphan kipi tang an la aparke la thang natta long une. 28 Ne Khristo kali bonta Alangli phrang ne ketoy abang ne labangso alam nang kepu, nangtum methang Ne phan la ahaki planglo. 29 Piso kelong abang lahelo hala helo piso chepangri abang; bonta piso chepangri abang ajirpo, karjap un la alam arjusi piso chepangri abang ase karju pen aning arong apar aning arong cheplang; 30 Lahelo neta halasonsi ning arong plenglo. Alangli thebom thebomsi nangji, bonta ne-ke bipon bom bipon bom-si nangji. 31 Badutame angsong penle kevang abang, Alangli kadokave aparsi, aphuthaklo, badutame pirthe athak penle keplang abang lake pirthe chot, lapen pirthe athak alamsi ningje, badutame sining penle kevang Alangli kadokave apar aphuthaklo. 32 Alangli kethek long an, lapen karju long ansi la ansi thanlo; bonta Alangli kethan alam baduta enji pu abang avelo. 33 Alangli kethan alam kekroy abang aling, Arnam la ahok pusi, labangso la sap, mari tanglo. 34 Thangbakma Arnam le ketoy abang alingtame, Alanglike Arnam alam ansi, puchot; thangbakma Alangli paching-barchitra karjong pipe. 35 Apoke Asopo chinghonsi, Alangli rideng kadokaveta hodai petlo. 36 Asopo alamle kabisas abang lake kejut une achethe do; Asopo alamle bisas-se abangke, kejut une achethe, thek dun longle detpo, thangbakma Arnam aning kithisi, la aphuthak dolo.

4

1 La Hemphu anke chinisi, Jisuke Johan apar ongmuchot baptize pi si sang-ho peplanglo pu Pharisi atum arju longsi, 2 Bonta Jisuke amethang baptize pipe-detsi, Alangli sangho atumsi pepilo. 3 Anke Alangli Judia otekangsi, ako Galili anat damlo. 4 Lasi Samaria adet anat dam nang koksi. 5 Jakob, amethang asopo, Joseph-le longle along kepi, labangso adung Samaria, Sychar pu amen elong anogorsi dam-juilo. 6 Hala daksi Jakob alangtukta do. Lasi nerlo chitim bak ahut. Jisu dam bom dam bom laksi, hala langtuk akung kangni unsi. 7 Samaria arloso enut lang kesok-jisi vanglo. 8 Jisu labangpi aphan pulo lang junji, Ne pitha. Thangbakma Alangli sangho atumke kecho kejun ahormu kenam damjisi nogor anat damkoylo. 9 Lasi hala Samaria arloso Alangli phan pulo, Nanglike Judia amonit-le, neli Samaria arloso arideng-le kopusi lang Junji pura neli kachohang ma? Thangbakma Samaria amonit pen Judia amonit atum thang nathta checho-rap un-e. 10 Jisu thaksi labangpi aphan pulo, Arnam akepi kopu, lapen nang phan lang kejunji kechohang abangta komatma, lapule chini asonte, nangta Alangli pen chohang tanglo, lapen Alanglita nang phan kereng ache the alang nang kepiji apotlo. 11 Halabangso arloso Alangli phan pulo, hemphu, kesok-ijita Nangli thangnat ajoton ta avedet langtukta karnuk par; tangte halabangso achethe kereng alang konat pensi kelongjima? 12 Labangso alangtuk ne kipi abang, lapen amethangta aso asu achynong abi, kadokave pen pen labangso alangtuk pensi kejunlo, hala netum aphrang apo Jakob, aparta Nanglisi themuma? 13 Jisu thaksi labangpi aphan pulolabangso alangke kejun an abangphu tinta ako ing-it-thuji-lang; 14 Bonta Ne kipiji alang, lake kejun abang alingta, lake kyta ing-it-thu-the pinpo; thangbakma Ne kipiji alang, halabangso alang ke arlo dosi, kejut un-e achethe anta kangbop vui alang amek kangbop plangpo. 15 Hala bangpi Alangli phan pulo, O hemphu, ne kang-it-e-pin aphan lapen kesokta kevang nangne pinji aphan-le halabangso alang ne pitha. 16 Lasi Jisu labangpi aphan pulo, damra, nangpenan ladak chehang damtha. 17 Hala arloso thaksi, Alangli phan pulo, ne penan ave. Jisu labangpi aphan pulo, nangli penan ave, labangso alam ahoksi pulo, thangbakma nang penan bang phono do tanglo; 18 Lapen non kedo abangta lata nang penan kali, labangso alam ahoksi pulo. 19 Lasi hala bangpi Alangli phan pulo, hemphu ne chinilo Nangli enut amontrilo. 20 Nelitum hako asar, arni atumke labangso a-inglong helo kethok dam adimlo: bonta Nanglitumke pulo, kethok dam nangji adim halabangso adim binong Jirusalem anogor sido. 21 Jisu labangpi aphan pulo, pei, Ne phanle bisas non, lamajok-tame nangtum labangso a-inglong kalite, Jirusalem anogor Epo aphan thok dam nangne, lapuson ahut vang tanglo. 22 Nangtumke chininedetsi, la ardomlo, Neke chini lorsi, la ardomlo thangbakma Judia atum angbong pen helo kejok-i-long. 23 Bonta asotpet kekroydun asangho atumke karjong pen ahok pensi, Ne Po aphan ardompo, lason ahut vanglo nonta dolo, thangbakma Ne Poke, lapuson kekroy dun asangho atum aphansi keri. 24 Arnamke Karjong, lapen Alangli phan kardom atumta karjong, lapen ahoksi, Alangli phan ardom nangji. 25 Halabangso arloso Alangli phan pulo. Messiah, (la Khristo pu abang) kevangji, pu lake ne chinilo; hala abang vanglote, kadokave alam thanpo. 26 Jisu labangpi aphan pulo, nangli pen pen kachingki vek abang Ne helo, hala abanglo. 27 Lapusi Alangli sangho atumke vangsi, Alangli arlosomar pen kachingki bom theksi, manghuhak lo; tebonta Nangli kopisi kehangma ba kopi apotsi, labangpi pen kachingkima? lapuke baduta arju dunde. 28 Ansi halabangso arloso tibuk chebi tekang koksi, nogor arlo anat dam si, monit atum aphan pudamlo, ne keklem tang an akam, 29 Hala kadokave ne kethan thek pet abang enut amonit vangra nang lang duntha Alangli Khristo loma? 30 Lasi halatum nogor pen barsi, Alangli dung-si, vanglo. 31 Lapusi Alangli sangho atumke Alangli phan choningrisi pulo, Hemphu Nangli an nang chonon. 32 Bonta Alanglike asangho atum aphan pulo, nangtum kachini-ne-pin a-ansi, Ne lason a-an, kechoji dolo. 33 Lasi asangho atum lahin lahin chingkilo, Alangli kechoji aphan komane vanpi loma? 34 Jisu halatum aphan pulo, Ne phan ketoy abang aning kehang kamani, lapen Alangli kam kapeplengpi, helo Ne an-lo. 35 Lapen non chiklo jon phili-lote sok kerot ahutlo, labangso alam nangtum pupema? Lang non Ne nangtum aphan pulang, nangtum amek chingpura, rit anat langtha, nonta rotme phudanglo. 36 Lapen kerot abang aling, hala abangta anam long, lapen kejut un-e achethe asoksi pangrum, lasi sok kenong abang, sok kerot abang, la bang hinita aning arong chipi-raplo. 37 Thangbakma enutke nonglo, anut kaprek abangke rotlo, labangso alam la chekok ahoklo, 38 Nangtum keklem damde ajosi, la nangtum aphan nang perottoylo, anut kaprek atumsi hala ajo klemlo, lapen nangtumta halatum keklem tang ajosi, lut longlo. 39 Ansi ne keklem tang an, hala kadokave Alangli ne pulo, lason alam thansi, halabangso arloso alam apotsi, halabangso anogor Samaria amonit penang bak, Alangli phan kroy dunlo. 40 La anke hala Samaria amonit atumke Alangli dung vangsi, halatum along kedo dunjisi, Alangli phan choningrilo; lapen Alangli haladak ni-ni, dolo. 41 Alangli lam apotsi, penang amonit atum kroysi, hala arloso aphan pulo, 42 Nonke nang lam ajoksi, kekroy dun, lapu kali; thangbakma netum methang arjulonglo, lapen theklo, Alangli kerai abang ahoklo. 43 Halabangso ni-ni aphi Alangli haladak pen Galili anat damlo. 44 Thangbakma montri atum amethang adet aman ave pusi, Jisu methang thanlo. 45 La anke Alangli Galili anat vangsi, atumta Alangli phan chaklo; thangbakma Jirusalem amei ahut Alangli ason ason keklem tang an, hala kadokave halatum thek longlo; thangbakma hala tumta hala amei dun longlo. 46 Galili Kana anogor-le, Alangli lang pen drakha alang kaselam, haladaksi Alangli ako damlo. La anke Kaphornahum, anogorle asopo, kesodet abang, lapusi enut mei ahemphu, Judia pen Galili anat Jisu kevang abirta arjulong-si, 47 Alangli dung vangsi, Jisu damra, alangli sopo, keso kapemejisi, lason choning rilo; thangbakma hala thiji dok doklo. 48 Lasi Jisu alangli phan pulo, asin lapen matha abidi thekthe det asonle theklong seta, nangtum kekroyji lapuke kali. 49 Hala mei ahemphu Alangli phan pulo, hemphu, neli sopo, thithe ako-vang non. 50 Jisu alangli phan pulo, dam non; nang sopo joklo. Jisu kepu alam kroy pemesi, halabangso amonit dam-juilo. 51 Ansi dam bom dam bomsi, alangli ban atum-ke alangli phan chetong loksi, alangli sopo joklo, lapuson abirta thanlo. 52 Anke alangli halatum aphan arjulo, la konamtu ahut pensi kemema? Lasi halatum alangli phan pulo, tumi arni tili chot ahutsi, alangli asekahari pen o-lo. 53 Halabangso ahutsi, Jisu la aphan kepu, nang sopo joklo, apoke la chinisi, hem kedo an kadokave pen kroylo. 54 Jisu Judia pen Galili anat dam-si, ako la baty hini aphong matha abidi thekthe-det asin peklanglo.

5

1 La aphi Judia atum kejok amei ahut nanglesi, Jisu Jirusalemsi vanglo. 2 Jirusalem mersak anghap adung Hebrew alam Bethsaida kepu elong apukhuri do; la akung arei pharla hum phono do. 3 Hala heihei, amek kave, akeng katekok, kachungkreng, kadokave, ajat ajat akeso pangji amonit akeongpi tiruisi do bom. 5 Haladak, ningkan thomkep-ra nerkep keso pangji kepho enut amonit do. 6 Jisu la tirok kedo theklongsi, lapen ami dingklui akeso pangjilo, pu chinisi, la aphan pulo, nangli kachepemeji pu nang ning hang langma? 7 Keso pangji abang Alangli phan thaksi, pulo, hemphu, mola lang apotani thur-lote, la ahut ne phan pukhuri ne kapesunji, abang ne phan baduta avelo; la ne kedam bom kedam bom, unsi, ne par aphrang anut kaprek sun dam pate nolo. 8 Jisu la aphan pulo, thur non, nang, pelim, cherung ponra, dam non. 9 La anke hala bangso amonit medetsi, amethang apelim cherung ponsi, dam juilo. 10 Bonta halabangso arni kesang arnilo; lahelo, Judia atumke keso kemetang aphan pulo, pini kesang arni: pelim cherung ponra dam kertang. 11 Bonta la halatum aphan thaksi pulo, la ne phan kapeme det abang, hala abang ne phan pulo, lapu, nang pelim cherung ponra dam non. 12 Halatumke la aphan arjulo, cherung-ra dam-non, pu nang kepu amonit komatma? 13 Bonta Alangli komatma keso kemetang abangke chinine det lo; thangbakma hala adim monit do-osi, Jisu achar chetereklo. 14 La aphi kardom ahem Jisu la aphan theksi, pulo, lang-non nang metanglo, keduk parpik kephophe-ji la aphan an parke pap klemri non. 15 Lasi hala bangso amonit damsi, Judia atum aphan pulo, ne phan kamedet abangke Alangli Jisu. 16 Alangli la kesang arnile lapuson akam keklem det, la apot Judia atumke Jisu aphan chenek lo. 17 Bonta Jisu lapusi thaklo Ne Poke, nonputa kam klembom, Neta klem bomlo. 18 La Jisu kesang arni kamani-nedet, la apot chot kali, la aparta, Arnam aphanle Alangli Ne po kepu, amethangsi Arnam pen chepang barlo pu hala apotsi, Judia atumke Alangli phan kapithiji la abidi rilo. 19 Lahelo Jisu thaksi, halatum aphan pulo, Ne nangtum aphan athik-pet nang pupo, Asopoke. Apo, keklem kethek dun aling, la aparke Alangli methang thang nat akamta klem thek-the; thangbakma hala abang keklem alingsi, Sopota, ateng isi pet lasi klem. 20 Thangbakma Apoke Asopo, aphan ching-jinso, lapen amethang kaklem an, hala kadokavesi Alangli chethan; nangtum kamatha abidi jutdet la apot, labangso aparta akethe muchot akethe muchot akam Alangli nang peklang-jilang. 21 Thangbakma Apole kithi atum aphan kapereng thu, Asopota aning kehang aling hala pusonsi, lason son, pereng thuji lang. 22 Apo aphan kadokave atum aman kipi, lapuson thotsi, aman kapepiji, la aphansi Apoke, amethang badu aphanta abisar en-edetsi kabisar nangji anta, Asopo arideng hodai kok lo. 23 Badutame Asopo aphanle aman pipe-det-lote, la abangke, Alangli phan ketoy abang, Apo aphanta aman pipedetlo. 24 Ne nangtum aphan athik pet nang pupo badutame arjura Ne ketoy abang aphan bisas-lote, hala abangke kejut un-ne achethe do; lapen la abangke bisar ahut dunjokpo lapen kithi pen kereng achethe ana thu parai kap tang lo. 25 Ne nangtum aphan athik pet nang pulang, kithi atum angbong Arnam Asopo ase karju long-ji ahut, lapen badutame, karjulong abang aling halatumsi rengpo, lason ahut vanglo, nonta klang lo. 26 Thangbakma Apole amethang mamat achethe kedo, lasonthot-si, Asopota, amethang mamat achethe pedolo. 27 Lapen monit Asopo keplang dun ajoksi, kapabisarji aphanta Alangli akhemata pilo. 28 Nangtum la manghu nangnelo; thangbakma theri kedo kadokave atum Alangli se karjuji ahut, kam kerne keklem atum kereng achethe anathu. 29 Lapen kam kahing-no keklem atum kabisarji aphansi thurpo, lason ahut vangpo. 30 Ne methangke thang natta klem un-e; karju long ansi. la an mamatsi kabisar lo; lapen Ne kabisarji a ot, thangbakma Ne methang aning kehang mathathe-detsi, Ne phan ketoy abang aning kehang-si mathalo. 31 Nesi, methang alam-si, chethan chot tangte, Ne kethan alam ahok kali. 32 Bonta Ne lamjir kethanji abang anut kaprek dolo; lapen Alangli, Ne lamjir kethan an, hala alam ahok pusi chinilo. 33 Nangtum Johan along monit toylo, alangli ahok anathusi, haki planglo. 34 Bonta Ne ke-en alam, lake monit pen kali, tebonta nangtum kejok-iji, la aphansi, ne la alam nang kepulo. 35 Hala Johan kekar-ang kedo ketur ang asakilo; lapen nangtum malomso ahut alangli katheang, aning arong kachipiji aning kehang do. 36 Bonta Ne kethan alamke, hala Johan alam aparte themu; thangbakma Ne Po keklem nangji akam Ne phan kapeplengtoy Ne klem hala heihei akam ne lamjir, Ne Po Ne phan ketoy alamsi thanlo. 37 Lapen Ne Pole Ne phan ketoy Alanglita Ne lamjirsi thanlo. Alangli se nangtum baduta kyta arju longle lang, Alangli arje-ta thek-the lang. 38 Lapen Alangli lam nangtum aning arlo thapthedet; thangbakma Alangli ketoy abang hala abang nangtumke bisas-sedetlo. 39 Nangtum dhorom hastro alam ritha, thangbakma hala hastro nangtum kejut-une achethe do pura matha non; lapen hala hastro Ne lamjirsi, thanlo. 40 Tebonta nangtum chethe kelongji aphan Ne dung kevangji aning hang-hedetlo. 41 Neke monit pen aman en-e. 42 Bonta Ne nangtum aphan chinilo, la nangtum aning arlo, Arnam aphan kanghon avelo. 43 Neke Ne Po amen pensi kevang tebonta nangtum Ne phan deng-dedet; akaprek jongsi, amethang amen penle vangte, nangtum lake dengji. 44 Nangtum muthe Arnam enutpet pen la aman, la aphanle nang ning dokdedet muthe lahin lahin pen aman kelongji chotle kopusi kabisas thekjima? 45 Ne Po along nangtum Ne kaobatji, lason matha nangae; nangtum aning kachethe abang hala Mosessi nangtum aphan kaobat abanglo. 46 Nangtum jongsi Moses aphanle bisas do asonte, Ne phanta bisas tanglo; thangbakma alangli Ne lamjir toklo. 47 Bonta alangli kalikhi apot jongsi, bisas-sedet tangte, Ne lam chotle kolopusi, kabisas-jima?

6

1 Ansi Jisu Galili atalo, atheke Tiberias atalo, paraisi damjuilo. 2 Lapen Alangli la matha thekthedet akam keso atum aphan keklemlo, halatum theksi, mokha isi armu. Alangli phi phi dunlo. 3 Lasi Jisu inglong athak arlusi, halabangso adimsi, asangho atum pen pen ingni damlo. 4 La ahut Judia atum kejok amei ahut tebok-hetlo. 5 Lasi Jisu amek chingthur lang-si, akeongpi armu, theksi Philip aphan arjulo, latum kechoji aphan ili konatsi, him kenampi dam long poma? 6 Labangso alam Alangli asat kelangji apotsi. Alangli kepulo; thangbakma Alangli kopi klemji lake Alangli methangsi chinilo. 7 Philip Alangli phan thaksi pulo, latruni abang phutin jongsi, asap sapbak kachetang-jite, la aduli pharo hini bak ahim ansi dorji. 8 Simon Pitor amu Andriw pu amen, Alangli sangho atum enut abang alanglike pulo, 9 Jodhan ahim plang phono, okso jon-ni kedo abang, lason enut aoso ladak do; bonta la-an amonit aphan la anpet kopisi ningjoymepoma? 10 Jisu pulo, inonit atum pangni toynon. Halabangso adim penang abap do. Lasi kalakha armu suri phono amonit pangnilo. 11 Lasi Jisu hala him ensi, Arnam aphan rosi, kangni phrong atum aphan pachebaklo; lapen kehang an atum aphan okta pilo. 12 Ansi halatum ingkrangsi, Alangli sangho atum pulo, la kaluksonseji aphan, la abeng achet-ta kecho ahin pangrumra binon. 13 Lasi halatumke pangrumsi, hala plang phono jodhan ahim pen kecho tang ahin kedo achet ahim ton krehini pleng set lang. 14 Alangli kapeklang hala mathathekthedet asin theksi, hala monit atumke chingkilo, chenam Alangli helo pirthe athak kevangji kepu hala montrilo. 15 Lahelo Alangli phan rat atumke recho kebat-jisi rat atum vangsi, Alangli phan kenep ponjisi, aning kehang do, Jisu la chinisi. enut pet ako inglong athak dam juilo. 16 Ansi arni ingsamsi, asangho atumke higor akung damsi, telong arlusi, Kophornahum anogor anat kapsi, kevangji thiklo. 17 La ahut ingtingkuklo, Jisuke halatum along vangve lang. 18 Lapen tomonpi dosi, hagor apotani thurlo. Lasi halatumke vekbom. 19 Vekbomsi myli kethom phili bak akahelo lesi, Jisu hagor alang athak karjap kevang telong adung an kevang theksi, halatumke pherelo. 20 Bonta Alangli halatum aphan pulo, Ne lema phere nangne. Lasi halatum Alangli phan telong kethap ponjisi aning hanglo; 21 Lapen la kapele nangji le kebar kedam telong pen la mamat halabangso adim lerok lo. 22 Puthot arni parai kedo armu atumsi thek-longlo, la telong ehong aparke hala adim akaprek atelong avelo, lapen Jisu asangho atum pen pen hala telong arlu-ledetsi, muthe asangho atum detsi damlo; 23 Bonta Tiberiaspen akaprek kaprek atelong vangsi, Hemphule choro-ra, armu atum aphan him, kapecho halabangso adim adung lo. 24 Thangbakma Jisu hala adim avedet; asangho atumta ave, lapu theksi, hala armu atumke telong arlusi, Jisu aphan risi, Kaphornahumsi vanglo. 25 Lasi halatumke hagor parai Alangli phan thek damsi, pulo, Hemphu Nangli ladak konamtusi kevang ma? 26 Jisu halatum aphan thaksi pulo, Ne nangtum aphan athikpet nang pulang matha abidi-Jutdet asin kethek apot kali, him kecho kangkrang apotsi Ne phan kerilo. 27 Kekondet a-an, aphanke chepeduk nangne; bonta kejut une achethekekon-ke pin kedo a-an, la aphanle chepeduk non. Halabangso a-an monit Asoposi nangtum aphan pipo; thangbakma Apo, atheke Arnamsi Alangli phan sap mari tanglo. 28 Lasi halatum Alangli phan arjulo, Arnam kangvytang akam keklemji Ne kopi klem nangjima? 29 Jisu thaksi latum aphan pulo, Arnam nang ketoy abang Alangli phan kabisas helo, Arnam kangvytang akamlo. 30 Lasi halatum Alangli phan pulo, Nangli, kopi asin peklang loma kopi akam klem loma? netum theklongra Nangli phan kabisasji; 31 Netum aphuthak Sar arni atumke habit angbongpi mana cholong; kalikhi kedo asonthotsi, halatum kechoji aphan Alangli sining pen an pilo. 32 Lasi Jisu thaksi halatum aphan pulo, Ne nangtum aphan ah ok nang puji, nangtum aphan sining pen a-an kepi abang Moses kali, bonta sluing pen ahok a-an Ne Posi nangtum aphan kepilo. 33 Thangbakma sining pen keklo a-anke, pirthe aphan achethe pi halake Arnam pen a-anle. 34 Lasi halatum Alangli phan pulo, hemphu halason a-an ne phan kyke pinon. 35 Jisu halatum aphan pulo, chethe kereng a-an kepi abang Ne helo; badutame Ne dungle vanglote, lake jonghe setta ingchirchedet-detji; lapen badutame Ne phan bisaslo-te, lake kyketa ingit-e-detpo. 36 Bonta Ne nangtum aphan pulo, nangtumke Ne phan thek-tangdet-ta bisassedet. 37 Ne po Ne kepitang-det hei hei anke, hala kadokaveta Ne dungsi vangpo; la-pen Ne dung kevang abang an, Ne jonghe setta pachirui thuthe. 38 Thangbakma Ne ning kehang kapeplengji aphan kali, Nephan ketoy abang aning kehang kapeplengjisi, sining pen nang kehir kevang athelo. 39 Ne phan ketoy abang aning kehang lahelo, la Alangli Ne phan kadokave kedo an pilo, la eson bakta pangbobe, kejut arni la peklang-ji. 40 Thangbakma Ne Po aning kehangke lapu, la badutame asopo aphan thekra Alangli phan bisaslote, la abangke kejut une achethe long; lapen kejut ami Ne la pe-klangji. 41 Sining pen kapehir a-an, Ne helo. Alangli labangso alam kepu apotsi, Judia atumke Alangli lam chebohong-seisi pulo, Joseph, 42 asopo, Jisu la apei, apo, ne chini, Alangli hala abang kalima? tangte kopusi sining pensi kevang pura, labangso alam non kopusi kepuma? 43 Jisu thaksi halatum aphan pulo, nangtum hejan chebohong seiri. 44 Ne phan ketoy abang Ne Pole nang sansete, baduta Ne dung an vang une; lapen kejat ami Ne la aphan peklangji. 45 Halatum kadokaveta Arnam pensi aporman longpo pusi montri atum akitap ketok do. Ne Po pen karju longra aporman kelong abang phutin-ta Ne long vang. 46 Komanesi Ne Po aphan thek longlo, lapu kali, muthe Arnam pen keplang abang, Alanglisi, Ne Po thek long chot. 47 Ne nangtum aphan ahok nang pupo, kabisas abang alingtame. hala abangke kejut nne achethe do. 48 Che the kereng kepi a-an Ne helo. 49 Nangtum aphuthak asar arni atumta habit mana chosi thilo. 50 Monit chora kethi une pinji aphan, sining pen kape-hir a-an lahelo. 51 Sining pen kapehir chethe kereng a-an Ne helo. Jongsi komane la a-an cholote, lake kyke rengpo; lapen labangso a-an pirthe achethe aphansi. Ne piji lahelo Ne oklo. 52 Lasi Judia atum hejan lam pokaisi pulo, netum kechoji aphan labangso amonit amethang a-okle etum aphan kolopusi kepi thek poma? 53 Jisu halatum aphan pulo, Ne nangtum aphan athik pet nang pulang, Monit asopo aokle chochete, lapen Alangli vile jun longlete, nangtum methang achethe avelo. 54 Ne okle kecho abang lapen Ne vi kejun abang an, hala abang kejut une achethe do; lapen kejut arni Ne la aphan peklangji. 55 Thangbakma Ne ok helo ahok a-anlo, lapen Ne vi helo ahok kejun nangji. 56 Badule Ne ok chota lapen Ne vi kejun, hala abang Ne longsi do, Neta la alongsi dorap rap. 57 Kereng ver abang Ne Pole Ne phan ketoy asonsi, la Ne Po, ajoksi reng, lasonsi Ne phan kecho abang aling, hala abangsi Ne jok pen rengpo. 58 Sining pen kapihir a-an lapu. hako Sar ami, atum cholo, thilot lapuson kali, labangso a-an kecho abang aling, hala abangke. kyke rengji. 59 Kaphornahum kethan ahut, Alangli labangso alam kardom ahemsi pulo. 60 Lasi Alangli sangho atum angbong penang atum labangso alam arju longsi. pulo, labangso alam thedung; la komatsiarju thek-jima? 61 Alangli sangho atum lason chebohong-kir, Jisu amethang la chini-si, ha-atum aphan pulo, labangso alamsi nangtum kamatha sung-i-loma? 62 Lapu tangte monit Asopo, hako kedo adimle kacherlu thu-thek-lote, kopi pujima? 63 Karjongsi, chethe kepi abang, okke thangnat akerapta ave; Ne nangtum aphan kepu tang an alam, halabangso alam, karjong lapen chethe lo. 64 Bonta nangtum angbong komane-ne atumke abisas thirthedet atumta do. Thangbakma komaneka bisas-sedet, lapen komaneke Alangli phan hotur arideng hodaiji, lake Jisu aphrang pen chini tanglo. 65 Alangli ako pulo, Ne nangtum aphan lasi nang kepulo, Ne Po pon-le ajakong kelong avete, baduta Ne dung vangthek-the. 66 Lapen aparake penang asangho atum cheruithusi, Alangli long apar nang chehalat-iedetlo. 67 Anke Jisu asangho bang krehini aphanta arjulo, nangtumta kedamji nang ning hangma? 68 Simon Pitor thaksi, Alangli phan pulo, Hemphu, netum komat alongsi dam poma? kejut une achethe alam Nangli longsi do. 69 Lapen Nangli la Arnam kangthir abang lapusi netum bisas-si chinilo. 70 Jisu halatum aphan thaksi pulo, Ne nangtum bang karehini aphan pethiksi, nang batbe langma? Bonta nangtum angbongta diabol enut dolang. 71 Iskariot Simon asopo, Judas alamjirsi, Alangli labangso alam kepulo; thangbakma bang krehini angbong Alangli phan hotur arideng kahodaiji, abang lahelo.

7

1 La aphi Judia atumke Alangli phan kapithi-jisi abidi risi, Jisu Judia kaphuriji aning hanghesi, Galili-si phurilo. 2 Halabangso ahut, Judia atum hemso, ba tambu kedo amei (atheke Israel asomar atuni Ijipt adet pen, kebar pon ahut tovar angdeng kedopon ahemso ba atambu amei) ahut nangle rok-si, 3 Alangli korte atumke Alangli phan pulo, Nangli la heihei akam keklem, Nangli sangho atumta kapethek dun longji aphan, ladak otekang ra. Judia adetle damnon. 4 Thangbakma methangle kapeklang dak-ji tangte, baduta kam klem patute; jongsi lapule klem-ji tangte, Nang methang-le pirthe athak peklang dak non. 5 Thangbakma Alangli korte atumke Alangli phan bisas-sedet. 6 Lasi Jisu halatum aphan pulo, Ne non ahut nang lelelang bonta nangtumke kyke-ta ahut do. 7 Pirthe asoke nangtum aphan nang hijim une; Ne phansi Ne kahijim; thangbakma halatum akam hingno pusi, Ne halatum alamjir hakhi pilo. 8 Nangtumke labangso amei-le dam non, Neke non labangso amei, kedo-damde; 9 Thangbakma Ne ahut non chok-chelang, halatum aphan lapu alam pudun-si. Alanglike Galili-si dokok lo. 10 Bonta Alangli korte atumke halabangso amei damsi, aphike Alangli ta cheklang-kledet-si, muthe dun ingha juilo. 11 Lasi mei angbong Judia atumke Alangli phan risi, arjulo, hala abang konathsi doma? 12 Lapen rat atum angbong Alangli lam penang chepu hurlo; komane komane-ke pulo, Alangli monit akeme, akaprek atumke pulo, kali rat armu atum aphansi kacho-bei pon. 13 Bonta Judia atum aphan kapheresi baduta Alangli lamjir alam kethan dak abang kavedet. 14 Bonta la niei kedo achitim ahut an, la anke Jisu kardom ahem, damsi, kethanjisi chenglo. 15 Lasi Judia atumke matha abidi jutdet-si, pulo, Alangli kachirli-le detle, konat pensi, la an lekhapora kethek ma? 16 Lasi Jisu halatum aphan pulo, la alam kethan Ne methang pen kali, Ne phan ne ketoy abang penlo. 17 Jongsi komanele Alangli ning kehang kekroyji aning do, tangte la kethan alam Arnam pentame, ba Ne methang pensi pu setta hala abang labangso thekpo. 18 Badutame amethang penle pulote, lake amethang aman aphansi keri, bonta badutame ketoy abang aphansi man rilote, hala abangke ahok, lapen la thangta chobeibei. 19 Moses nangtum aphan aban aron nang pipelangma nangtum baduta halabangso aban aron kroykre-detle, Ne phan kapithijile abidi kopisi kerithu langma? 20 Rat armu atumke thaksi pulo, Nang hi-i nang pho tanglo, Nang phanle komatsi kapithiji abidi keriloma? 21 Jisu thaksi, halatum aphan pulo, Ne eson akam klem tanglo, lasi nangtum kadokaveta kamatha nang bidi-jutdet. 22 Moses nangtum aphan sunot kepi aron pilo. (halake Moses pensi keplang lapu kali, hako aove atum penlo;) lasi kesang arnita nangtum monit aphan sunot kepilo. 23 Lahelo Moses aban aron keo-eji aphansi, nangtum la kesang arni monit aphan sunot kepi tangte, Ne la kesang arni enut amonit kedo an kapemedet, hala aphansi, nangtum Ne phan nang ning kithiloma? 24 Athak langphrui bisarse-ra, angthik petle bisar non. 25 Lasi Jirusalem kedo koinane komaneke pulo, halatum la aphan kapithi-ji pule abidi keri, hala abang Alangli kali langma? 26 Bonta langnon, Alanglike peklang daksi thanlo, tebonta halatumke Alangli phan thangnatta pupedet. Alangli helo Khristo lo, pu bisar ahemphu atumta ahoksi chini tangloma? 27 Bonta Alangli konat pensi planglo, la ne chinilo; bonta Khristo vanglote, Alangli konat pensi plangji, lake baduta chininedetji. 28 Lasi Jisu kardom ahem ase kethepi pen thansi pulo, nangtumke Ne phan chini lapen konat pensi, plang-loma lata chini; Ne methang aning kehangle kevanojta kali, bonta Ne phan ketoy abang Alanglike ahok; Alangli phan nangtum chinine. 29 Neke Alangli phan chinilo thangbakma Neke Alangli pensi keplang, lapen Alangli-si Ne ketoy. 30 Lasi latumke Alangli phan kenep-jisi abidi rilo; tebonta baduta Alangli bang ot damde-det; thangbakma Alangli ahut chokche lang. 31 Bonta rat armu penang atumke Alangli phan bisas-si pulo, mo Khristo vanglote, labangso amonit kapeklang asin aparta halasi apar matha abidi jutdet asin peklang-jilangma? 32 Rat atum Alangli lamjir lason alam kachedan kir kepu, Pharisi atum arjusi, Prist akethe lapen Pharisi atumke Alangli phan kape nepjisi, tekala atum toylo. 33 Lasi Jisu-ke pulo, Ne la malomso ahutsi, nangtum along doji, Ne phan ketoy abang adung damji. 34 Nangtum-ke Ne phan riji, bonta longle-detpo; lapen Ne kedoji adim, nangtum-ke haladak dam une-detji. 35 Lasi Judia atumke lahin lahin chepulo, ili la Alangli phan keri kelongledetji, Alangli-ke konatsi kedampoma? Greek atum angbong keprattang atum arat adung damsi, Greek atum aphansi, kethan dam jima? 36 Alangli la kepu, Ne phan riji, bonta longle detpo; lapen Ne kedo adim, dam une-detji, kepu la kopi alam ma? 37 Ansi mei chekak arni, atheke kethe arni, Jisu arjap thersi, ase kethepi pen pulo, komane jongsi ing-it duk tangte, la abang Ne dung-le vangra nang jun non. 38 Badutame Ne phanle bisaslote, dhorom hastro kepu ason thotsi, la arlo pen kereng achethe alang livoysi, langroy atum ason ingtan barsi li pon bompo. 39 Alangli phan kabisas atumke la karjong longji, labangso athesi, Alangli labangso alam kepulo; thangbakma la ahut anta Jisu adak; atur kelongledet lang apotsi, Karjong kangthir pipe-det-lang. 40 Labangso alam arjusi, rat atumke komane komane-ke pulo, Alangli hala ajiok Montrilo. Komanene-ke pulo, Alangli Khristo. 41 Bonta komane atumke pulo, Khristo Galili pen klang-jima? 42 Khristo David akhei, lapen David kedo Bethlehem arong pensi, klangji kepu dhorom hastro pupelangma? 43 Lapusi rat atum, Alangli lamjir rat atum angbong pu prekjamlo. 44 Lapen penang atumke Alangli phan kenep-jisi aning hanglo; te bonta baduta Alangli bangke ari ot-edetlo. 45 Lasi tekala atumke Prist akethe lapen Pharisi atum adung vangsi halatumke, latum aphan arjulo, kopi athesi hala kevanvedetma? 46 Tekala atum thaksi pulo, hala puson abang, amonit ason thangta alam pupedet. 47 Lasi Pharisi atumke thaksi pulo, nangtumsi kamanghu detlo mene? 48 Bisar ahemphu atum lapen Pharisi atum angbong komanene atum la aphan bisas loma? 49 Bonta aban aron kachininesi, la rat atum ahirjuno kelong. 50 Halatum angbong inut abang aphrangsl Alangli dung kedam abang, hala Nikodimus, halatum aphan pulo. 51 Aphrang monit atum kepu alam arju longle-te, lapen halabangso akam chini dundete, etum aban aron la adai tinjima? 52 Lasi halatumke thaksi, Alangli phan pulo, nanglita Galili amonit ma? bisar pemera langtha; Galili penke montri nang klang kle. 53 Ansi halatum abangphu tinta amethang methang ahem-si chedam petlo.

8

1 Bonta Jisu Olib anglong athak-si damlo, lapen adapprang ingting kuk pensi, Alangli ako kardom ahemsi vanglo. 2 Lasi kadokave arat Alangli dung vangsi, Alangli ingni-tot-lunsi, halatum aphan kethan-jisi pang chenglo. 3 Ansi Lo ketok, lapen Pharisi atumke beisa akam keklem kepho dunlok, inut arloso vansi, angbong nang bisi Alangli phan pulo. 4 hemphu, labangso arloso, beisa akam keklem unsi kephodunsi, kenep long lo. 5 Lason arloso aphan Moseske arlong pen varboptame pusi Moseske aban aron netum aphan hukum pilo; lahelo Nanglike labangpi alamjir kopisi pupoma? 6 Alangli phan kebok-ji athesi halatumke Alangli phan asat langsi, labangso alam kepulo. Bonta Jisu aphu tong diksi, achimun pen longle-si likhi bomlo. 7 Bonta halatum Alangli phan arju bom arjubomsi, Alangli aphu ching thursi, halatum aphan pulo, nangtum angbong apap kave pin abang-le labangpi aphan aphrangsi arlong pen var non. 8 Ansi ako longle tongdiksi, longle achimun pen likhi bomlo. 9 Halatumke labangso alam arju longsi, akethe pen kejut an enut enut ingtan barsi damlo; lasi muthe Jisu lapen angbong kedo hala arloso an dochot lo. 10 Ansi Jisu aphu ching thursi, hala arloso aphan arjulo, osopi, halatum konat-loma nang phan baduta adai nang en-edet loma? 11 Labangpi pulo, Hemphu baduta en-edetlo. Lasi Jisu pulo, Neta adai nang en-e; dam non, non pen apara apar pap klem-rinon. 12 Lahelo Jisu ako halatum aphan pulo, Ne helo pirthe katheang, la baduta me Ne phi keng kengle nang dunlote, la abangke kangting ajo phuriredetsi, chethe katheang longpo. 13 Lasi Pharisi atumke pulo, Nangli nang methang alamjirsi, methang mamat hakhi pilo; Nangli hakhi ahok kali. 14 Jisu thaksi halatum aphan pulo, jongsi Ne methang alamjir-si, Ne methang hakhi pi, tebonta Ne hakhike ahok; thangbakma Ne konat pensi kevangma, lapen konathusi kedam nangji, Ne la chini; bonta Ne konat pensi kevangma lapen Ne konatsi damthujima nangtum chininedet. 15 Nangtumke ok asonsi bisarlo; Neke badu aphanta bisarse det 16 Bonta jongsi, abisar endun, tebonta Ne kabisarke angthik; thangbakma Neke inut pet kali; Neta do, lapen Ne phan ketoy abang Ne Pota do. 17 Lapen bang hini ahakhi alamsi ahok do, lapu kepu nangtum aban aron ketokta do. 18 Ne methang alamjirsi methang mamat hakhi chepi, lapen Ne phan ketoy abang Ne Po. Ne lamjirsi hakhi pi. 19 Lasi halatum Alangli phan arjulo, Nangli Po, konatsi doma? Jisu thaksi pulo, nangtum Ne phanta chini ne, Ne Po, aphanta chinine det; Ne phanle chini asonte, Ne Po aphanta chinidet-ji apotlo. 20 Alangli kardom aham arlo kethan un. tangka kebi apuru angdengsi labangso alam pulo; tebonta baduta Alangli bangke ot-edet; thangbakma Alangli la ahut kali lang 21 Ansi Alangli ako halatnm aphan pnlo Ne dampo; setta nangtumke Ne phan riji, bonta nang methang methang apaple thiji Ne kedamji adim halabangso adim nangtumke dam un-e. 22 Lasi Judia atumke pulo, Alangli methang chepi thi lotjima? thangbakma Ne kedamji adim, nangtumke halabangso adim dam un-e pulo. 23 Alangli halatum aphan pulo, nangtumke aber pensi keplang, Neke athak pensi keplang; nangtumke pirthe aso; Neke pirthe aso kali. 24 Lahelo Ne nangtum aphan nang kepu, nangtum methang methang apaple thiji; thangbakma Ne helo halaabang pu la nangtum bisassedet, tangte methang methang apaple thiji. 25 Lasi halatum Alangli phan arjulo, Nangli komat ma? Jisu halatum aphan pulo, lahelo aphrang pen nangtum aphan nang kepu bom. 26 Nangtum alamjir kepuji lapen kabisar nangji Ne penang alam do. Bonta Ne phan ketoy abang lake ahoklo; lapen Alangli pen karju long an, lasi pirthe aso aphan than lo. 27 Alangli labangso, Alangli Po, alam jirsi kepu lapuke halatum munthi thekthedet. 28 Lasi Jisu pulo mo la monit Asopo angsong tardongpo, la abang Ne helo nangtum chiniji. La Ne methang aning kehangke thangta klemkle, bonta Ne Po kethan asonsi la alam pupo. 29 Lapen Ne phan ketoy abang Ne longsi do. Alangli Ne inutpetke lole det. 30 Thangbakma Ne Alangli ning kedok akamsi kyke klem Alangli labangso alam kepu pen apara, penang Alangli phan bisas lo. 31 Lasi la Judia atum Alangli phan kekroy, atumke Jisu halatum aphan pulo, Ne lamthe jongsi nangtum do, tangte nangtum Ne sangho ahoklo. 32 Lapen nangtum ahoklo pura chini non, lapen halabangso ahok pen nangtum jok-i-longji. 33 Halatumke Alangli phan thaksi pulo, netumke Abraham akhei lapen kyta badu aban akamta klemkle pin lang, tangte nangtum ansi, jok-i-longji, lason alam kopusi Nangli kepuma? 34 Jisu thaksi pulo, Ne nangtum aphan athikpet nang pulang, la badutame pap atengle klemlote, lake pap abanlo. 35 Lapen banke kyke hem dode, bonta asopoke kyketa dobom. 36 Lahelo Asopo, jongsi nangtum aphan pejoklote, tangte nangtumta jok longji sakhit. 37 Nangtum la, Abraham akheilo, lake Ne chini, bonta nangtumke Ne phan kapithijisi abidi retlo. 38 Kopima Ne lamthe nangtum aning arlo adim longle det. Ne Po along kethek long an, lasi nang kepu; nangtumta nang po, pen kethek, karju ansi, la klemlo. 39 Halatumke thaksi Alangli phan pulo, Abrahamke netum apolo. Jisu halatum aphan pulo, nangtum Abraham asopo asonte, Abraham akam asonsi keklemji apot lo. 40 Bonta Arnam pen ahok alam arju detta, nangtum. aphan kethan abang la Ne phansi kapithiji abidi non ret lo. 41 Abrahamke lason akam klemkle. Nangtumke nang po methang akam klem lo. Halatumke Alangli phan pulo, netumke sorongro atheke ne po kave aso kali: netum apo inut do, Alang]i Arnam. 42 Jisu halatum aphan pulo, Arnamle nangtum apo asonte, nangtum Ne phanta inghon tanglohe; thangbakma Ne Arnam pensi kevang nang kebarlo; kopima Ne methang aning kehangle kevang kali, Alanglisi Ne phan ketoy. 43 Nangtum kopi apotsi Ne lam kamunthi thek the detma? Ne lam nangtum arju ingtungtedet. 44 Nangtum apo, soytan pen helo nangtum keplang lapen nangtum hala nang po, aning kamatha kape preng jisi nang ning kehang. Lake hako kecheng ahut pen pran karmut, lapen ahok ave; thangbakma la ahok ave det. Halake mo chobei alam pulote, la methang pensi pu; thangbakma halake kachobei, lapen kapacherei apolo. 45 Bonta Ne ahok alamsi nang pupo, la apotsi nangtum Ne phan kabisas-sedet. 46 Nangtum angbong komatsi Ne phan papi pura aporman Ne pithekjima lapen jongsi, Ne ahok alam pulo tangte kopisi Ne phan kabisas-se-detma? 47 La badule Arnam pen tame halake Arnam alam arju nangtumke Arnam asangho ta kali, lahelo kar juje det. 48 Judia atumke thaksi Alangli phan pulo, Nanglike Samaria, lapen hi-i nang kepho tang, netum lapuson nang pupememe-langma? 49 Jisu thaksi pulo, Ne-ke hi-i kepho tang abang kali, bonta Neke methang Apo aphan anong pi, lapen nangtumke Ne phan anong pipedet lo. 50 Bonta Ne methang aphan anong-ke rire-det; keri lapen kabisar abangta lason inut do. 51 Ne nangtum aphan athik nang pulang, komane jongsi Ne lam the mani-lote, lake jonghe setta kithi thek dun longle. 52 Lasi Judia atumke Alangli phan pulo, Nangli la hi i kephotang, lake non chini pemelo. Abraham, lapen montri atum thi koy lo; bonta Nangli-ke pulo, komane jongsi, la Ne lamle manilote, la abangke jonghe setta thi nangne detpo. 53 Netum hako asar la Abrahamta thitanglo, Alangli aparta Nangli-si themu langma? lapen montri atumta thikoylo; Nangli komat abang pusi chekrongma? 54 Jisa thaksi pulo, Ne jongsi Ne methang mamatle chethan anong pi tangte, Ne hala anong thangta kali: bonta la nangtum Arnam kachipu, hala abang helo Ne Po halasi Ne phan anong kapethe. 55 Nangtumke Alangli phan chinine; Neke Alangli phan chinilo; Ne jongsi Alangli phan chinine pulote. tangte nangtum asonsi chobei abang plangpo. Bonta Alangli phan chini lapen Alangli lamta manisi kroy. 56 Nangtum aphrang hako aove atum Abrahamta, non Ne kai arni, kelang ingtung-ulo, lapen la theksi chehoklo 57 Lasi Judia atumke Alangli phan pulo, Nangli arta ningkan phono. kep anta avelang; Nangli Abraham thek dun longloma? 58 Jisu halatum aphan pulo, Ne nangtum aphan athik nang pulang, Abraham, amahang thek the ako penta Ne do. 59 Lasi halatumke Alangli phan kapithi jisi arlong humlo. Bonta tlisu chepatusi, kardom ahem pen barsi dam juilo.

9

1 Ansi Alangli dam bom dam bomsi, amahang kethek pen amek kave amonit inut theklong lo. 2 Lasi Alangli ri asangho atumke Alangli phan arju lo, Hemphu labangso amonib amahang kethek pen amek kavedet, la pap klem loma, ba la apei apo atumsi pap klem loma? 3 Jisu thaksi pulo, la abangsi pap klem lo, ba apei, aposi, pap; klemlo, lapu kali: bonta labangso pen Arnam akam kapeklang-dak-jisi keplang lo. 4 Arni kedo unsi, Ne phan ketoy abang akam Ne klempi nansrji. Baduta kam keklem thekthe pinji, lason ajo vanglo, 5 Pirthe kedo an ahut, la an ahut Ne pirthe akathe ang. 6 Labangso alam pusi, Alangli longle ingthoksi, ingthe pen longle inghan salamsi, hala inghan pen amek kaselok amek, bangsi la aphan. 7 Pulo damnon; Siloam. (a the a ortho toytanglo) pukhurile chinglu damnon. 8 Lasi la damsi chinglu damlo, lapen chechar pemesi vanglo, lasi la tebok terei atumke, lapen hako la kechohang chorek kethek long halatumke pulo, ingni lunra kechohang bom abang la abang kali langma? 9 Komane komaneke pulo, lahelo chenam; anut kaprek atumke pulo kali, bonta lason helo. Hala methangsi pulo, hala abang ne helo. 10 Lasi halatumke la aphan arjulo, tangte nang mek kopusi kachecharma? 11 La Jisu pu abang, hala abangsi, inghan salamsi, ne mek kebangsi, ne phan kepu Siloam le damra chinglu non pu, lasi ne damsi chinglu lo, chechar pemelo. 12 La anke halatum la aphan arjulo, halabangso abang konatsi doma? hala pulo, ne puthekthe. 13 Ansi halatumke hala hako amek kaselok abang Pharisi atum adung-si pon detlo. 14 Jisule inghan salamra amek kapethek long arni halabangso arni kesang arni. 15 La lapu helo ako Pharisi atumke la aphan arjulo, nang kopusi kachecharma la halatum aphan pulo, Alangli ne mek inghan pilo, lapen ne chechamsi checharlo. 16 Lasi Pharisi atum abahakke pulo, halabangso amonitke Arnam pen kali; thangbakma hala kesang arni maninedet. Bonta akaprek atumke pulo, papi amonitle kopusi, lason matha abidi jut det akam klem thek jima? Lapu pusi, halatum angbong pu prekjam lo. 17 Lasi halatumke ako hala amek kave aphan arjulo. Alangli nang mek kapachechar abang, Alangli lamjirke nang kopisi pujima? La pulo, Alangli Montri. 18 Hala amek kaselok ahok, lapen kaohecharlo, la alamjir labangso alamjir Judia atum hala amek kethek-thulong abang apei, apo, hangra vanvetikke bisas-sedetlo. 19 Anke halatum latum aphan arjulo, nangtum mola amahang kethek pen amek kaselok kepu abang, nangtum asopo la heloma tangte hala nonke kopusi kachecharma? 20 La apei apoke thaksi pulo, lahelo netum asopolo, lapen amahang kethek penta amek kaselok, la ne chini peme. 21 Bonta la nonke kopusi kachecharma, lake ne chinine; lapen komat-si la amek kapachecharma lata chinine; la aphanle arju non; la arta, do-olo; hala methang alamjir methangsi pachethanlo nang. 22 Judia atum aphan kapheresi la apei apo, lason alam pulo; thangbakma komane jongsi, Alangli phan Khristo pura chekobirlote, tangte la aphan maro ahem pen ingtan phlungji, lapu pusi, Judia atum aphrang pen chebidi koilo. 23 La apotsi la apei apoke pulo, la arta do-olo; la aphanle arju non. 24 Lasi halatum hala hako amek kave amonit baty hini aphong hang si pulo, Arnam aphanle cho ardom non; halabangso amonitke papi pu ne chini. 25 Lasi hala thaksi pulo, Alanglike papima kalima la ne chinine; ne mek kavedet kedo apot, nonke chechar pemelo, la ansi neke chini chot lo. 26 Anke halatum la aphan arjulo, Alangli nang phan kopi inghoyloma nang mek kopusi kachecharma? la thaksi pulo, mo nangtum aphan nang than tanglo, bonta nangtumke arjuje det; 27 Tangte kopi apotsi ako karju thuma nangtumta Alangli sangho keplangjisi nang ning kehangma? 28 Anke halatum la aphan pinremsi pulo, nangsi hala asangho, netumke Moses asangho. 29 Arnam methang Moses aphan lam kepu, lake ne chinilo; bonta la abang konat amonitma, lata neke chinine. 30 Halabangso amonit pulo, Alangli ne mek kapeme, tebonta Alangli komat amonit la nangtum chinine puke, la alam kamatha bidi jut det. 31 Arnamta papi atum alamke arjuje; bonta komane jongsi Amam keot, kachiki abang plangte. lapen Alangli ning kehang kroylote tangte haia puson abang alamsi arju, lake neta chini. 32 Komanesi la amahang kethek pen amek kaselok kapetheklo, puke pirthe plang cheng pen non anta lason alam arju longle pin lang. 33 Alangli Arnam pen kalidet asonte thang nat akamta klem un-edetpo. 34 Halatumke thaksi la aphan pulo, nang pap pleng chensi nang mahang kethek abang netum aphan nekethan langma? lasi halatumke la aphan phlung juilo. 35 Halatum la apahn phlung juilo, pu Jisu labangso alam arju longsi, la aphan thek longsi arjulo, nang Arnam Asopo, aphan bisas loma? 36 Hala thaksi pulo, Hemphu, ne Alangli phan bisas ji, Alangli komat loma? 37 Jisu la aphan pulo, nang Alangli phan thek longlo: la nang pen le kachingki bom, la abang helo Alangli ke. 38 Anke O hemphu ne bisaslo, lapu pusi, la Alangli phan ardom khrup lo. 39 Lasi Jisu pulo, kacharchedet atumsi theklong lapen kachechar peme atamsi amek kaselok, la kabisarji aphansi Ne pirthe athak kevang athelo. 40 Lapuson alam arju longsi adung kedokur Pharisi atumke Alangli phan pulo, netumke ne mek kaselokma? 41 Jisu halatum aphan pulo, kaselok asonte nangtum apap kavedetji apot, bonta nonke nangtum pulo netum thek long; la athesi nangtum apap kedolo.

10

1 Ne nangtum aphan athik nang pulang, la badutame anghap anathule lutle detra, akrong kaprek anathule arlura meresak aroy lutdam lote, lake kanghu lapen dokai abanglo. 2 Bonta badutame anghap anathule lutdamlote, Alanglike meresak kivi abanglo. 3 Inghap kehon abangta Alangli phanke inghap ingpu pi lapen meresak atumta alangli lam kroy, Alanglita amethang ameresak amen amen, hangponsi ingtan pon. 4 Ansi amethang met hang kadokave ingtan barsi, anke Alangli halatum aphrang aphrangsi dam; lapen meresak atumke Alangli phi phisi dun thangbakma Alangli se munthi thek. 5 Bonta bang anut kaprek aphike jonghe setta dunde, kalite haladak pen katji; thangbakma anut kaprek atum aseke munthi thek the. 6 Labangso alam Jisu halatum aphan pulo, bonta Alangli kepu, alam atheke halatum bujije detlo. 7 Lahelo Jisu ako halatum aphan pulo, Ne nangtum aphan athik pet nang pulang, meresak aroy anghap Ne helo. 8 La badutame Ne aphrangle kevang, halatumke chonghu, lapen dokai, bonta meresak atumke halatum alam arjuje detlo. 9 Ne helo inghap, badutame Ne natle vangra lutlote, la abangsi jokpo, lapen arlo angtanta chehalatsi, chopan longpo. 10 Kanghuke muthe kanghu, kapithi, lapen kapivirjisi kevang chot; bonta Neke halatum la renglongji, lapen la chan muchotji, la aphansi kevang. 11 Ne helo meresak kevi kalana op abang kalana op ajoksi meresak aphan methang apranta kachipiji. 12 Bonta badutame kevi abang kalidet tangte, atheke apakta ameresak amethang kalidet, lason anam kechochotke, mahar kevang theklote, meresak ahur cheo kangsi kat jui, lasi mahar vangsi, hala nepsi, peprat phun pinchong, 13 Thangbakma hala anamsi chochotsi, meresak aphanke thangta mathathe; 14 Ne helo meresak kevi kalana op, abang; Ne Pole kachini; lapen Neta Ne po, aphan chini. 15 Lapuson thotsi Ne methang kadokave aphan chini, lapen Ne methang kadokave atumta Ne phan chini; lapen meresak aphansi Ne pranta pi. 16 Lapen la aroy arlo kave, Ne meresak atum apar dolang; Ne halatum aphan van nangji lang; lapen halatum Ne lamta arjupo. 17 Lasi ahur isipet plangsi, kevi abangta inutpet cheplangpo. Ne methang apran ako kache-en-thuji aphan la che-o pipo, lahelo Ne Po Ne phan kanghon-i. 18 Badutame Ne phan la thi ponpe lapu kali, Ne methangsi la aphan odun bub; la aphan kepekjita Ne akhemata do, lapen la aphan ako ke-enthujita Ne khemata do labangso ahukumke Ne Po pensi longlo. 19 Alangli lapuson alam apotsi Judia atumke ako pu prekjamlo. 20 Halatum angbong penang atumke pulo, la hi-i kephosi la kapang-cham labangso alamle komatsi arju hurjima? 21 Akaprek atumke pulo, lapuson hi-i kepho abang alam kali, hi-i-ke amek kaselok amek pethek thu-unjima? 22 Ansi Jirusalem akardom ahem kimi kelutji amei ahut choklo. 23 Halabangso ahut ningkreng apor lapen Jisu kardom ahem Solomon, apongrepsi halat bomlo. 24 Lasi Judia atumke Alangli phan kompetsi arjulo, Nangli koan ahutsi netum aphan ahok ne longle bomjilang ma? Jongsi Khristo chenam lo, tangte, la netum aphan ne chethan dak non. 25 Jisu thaksi pulo, Ne nangtum aphan nang than tanglo, bonta nangtum bisassedet; Ne Po amen la an akam keklemlo, hala hei hei akam Ne lamjir ahakhi pilo. 26 Tebonta nangtum bisassedet; thangbakma nangtumke Ne meresak abang kali. 27 Ne meresak atumke Ne lamta arju, Neta halatum aphan chini lapen halatumta Ne phi Ne phi nang dun. 28 Lapen Ne halatum apha n kej ut une achethe pi; lasi halatumke jonghe setta vir unedetpo, lapen baduta Ne rideng pen halatum aphan thipon pe. 29 Ne Po Ne kepi abang an, Alanglisi kadokave apar the-neilo; hala Ne Po arideng pen bang apakta thipo une. 30 Ne lapen hala Ne Po inutpetlo. 31 Anke Judia atum Alangli phan kapithijisi ako arlong hum thulo. 32 Jisu halatum aphan thaksi pulo, Ne Po pen laan akam kerne nangtum angno nang kapeklang; hala an kolo abang akam apotsi Ne phan arlong pen kevar-i-ma? 33 Judia atumke Alangli phan thaksi pulo, kam keme keklem apot kali bonta Nangli Mo nit tangdet le, Nang methang Arnam lo pura, Arnam aphan kapin rem; la athesi, Nang phan arlong pen nang kevarji. 34 Jisu thaksi halatum aphan pulo, Ne pulo, nangtum Arnam atum, labangso alam nangtum aban aron ketok tang donja ave? 35 Badu atum tame Arnam alam kevang halatumsi, Alangli Arnam kepu, (lapen hastro alam the kachekok kedetji kali). 36 Tangte Ne Arnam asopo, lason alam kepu, Ne Po ne kebatsi pirthe athak nang ketoy abang, nangtum Arnam aphan pinrem tanglo, pu nangtum kopusi kepuma? 37 Jongsi Ne Po akam le klemkledet tangte Ne phan bisas nangne; 38 Bonta jongsi klemlote tangte Ne Po Ne longsi do, lapen Neta Ne Po along do lapule bujira kachiniji aphansi, Ne phan bisas-sedetta kam keklem anle bisas non. 39 La ansi halatum Alangli phan kenepjisi ako abidi rilo; bonta Alangli halatum arideng pen barsi dam juilo. 40 Ansi Jordan parai, la Johan Baptize kepi cheng adim, ako Alangli hala adim damsi dodamlo. 41 Lapen penang Alangli dung damlo, lapen halatumke pulo, Johanke matha abidi jutdet asin thang natta peklangkle; bonta la abang alamjir Johan kepu anke la kadokaveta ahok lo. 42 Lapen halabangso adim penang Alangli phan kroy dunlo.

11

1 Ansi Meri lapen labangpi ate Martha, kedo la Bethany arong, halabangso arong Lazarus pu amen, inut amonit kesodet ketirok do. 2 La Merile Hemphu aphan jangthu nempru, kachepenra amethang achu pensi, Alangli keng venilo, labangpi amu la keso kepho Larasus lo. 3 Lahelo ate atum bang hinita Alangli phan pudunlo, pulo, hemphu, lang non, Nangli la kanghon munei abang sodetsi tiroksi do. 4 Jisu labangso alam arju longsi pulo, labangso akeso kithi apot kali, bonta Arnam Asopo la ajok pen kapemaniji aphan, lapen Arnam adak atur kapeklangji aphansi keplanglo. 5 Jisuke Martha lapen la amu, Lazarus aphanta inghonlo. 6 La anke Alangli hala kesodet kepu abirta alam ar]u longsi, labangso adimsi, haladak ako nini dokoklo. 7 Labangso aphi Alangli sangho atum aphan pulo, ilitum ako Judiale chedam thulo nang. 8 Asangho atumke Alangli phan pulo, Hemphu non malomso pet lang Judia atum Nangli phan arlong Nangli kevarbopji pule abidi keret; 9 Ako haladak damji langma? Jisu thaksi pulo, ami isi, ghonta, krehini kali langma? komane jongsi anerlo phurilote tangte lake patekungke; thangbakma labangsoke pirthe katheangsi theklong bom. 10 Bon ta komane jongsi ajole phurilote la abangke patekungji; thangbakma hala katheang avedet. 11 Labangso alam putang det aphi Alangli halatum aphan pulo, Ne jirpo, Lazarus, ameksi kejang chot, bonta amek kejang pen kangthurjisi Ne dampo. 12 Jisu labangso alam hala kithi abang alamjirsi kepulo, bonta amek kesang alamjirsi pulo, pusi bujisi. 13 Asangho atumke pulo, hemphu jongsi amekle kejang chotlote me parlo. 14 Anke Jisu la mamat parju daksi halatum aphan pulo, Lazarus thitanglo. 15 Bonta nangtum kabisas nangji apotsi, Ne haladak kedodedet, lapusi Ne nangtum aphan aning kapethelo; tebonta ilitum haladak adungle damsi nang vang non. 16 Thomas la Didymus kepu, Alangli long asangho atum pulo, daho, ilitum Alangli long kithi dunjile damlo nang. 17 Lasi Jisu vangsi, la theri kebitang ni phili dolo, lapusi chinilo. 18 Bethany Jirusalem adung, myil hini bak akahelo; 19 Lasi Martha lapen Meri amu alamjir aning kapangsamjisi, Judia atum penang halatum along adung vanglo. 20 La anke Martha Jisu ke vanglo kepu abirta arju longsi, la mamat labangpi vangsi, Alangli phan nang cheklanglo, bonta Merike ahemsi chedo koklo. 21 Lapen Martha Jisu aphan pulo, O hemphu Nanglile ladak dokok asonte ne mu thithedetji apotlo 22 Bonta non tame Arnam along Nangli kehang alingsi, Arnamta lasi Nangli phan piji lake Neli chinilo. 23 Jisu labangpi aphan pulo, nang mu ako thur thupo, 24 Martha Alangli phan pulo, hala kejut arni kethur thuji ahut thurpo, lake Nelita chinilo. 25 Jisu labangpi aphan pulo, Ne helo kethurthuta achetheta, la badutame Ne phanle bisaslote, halake thilot setta rengji; 26 Lapen badutame thithe akole Ne phan bisaslote lake kyketa thithelo. Nangli lason alam bisasloma? 27 Labangpi pulo, chenam Hemphu, pirthe athak kevang nangji abang Nangli helo Arnam Asopo, hala kebat tang abang, lapu neli bisaslo. 28 Lapuaon alam pusi, labangpi damsi, amethang amu Meri hangjoisi pulo, Hemphu vanglo, lapen nang phanta nang kehang. 29 Lapuson alam arju long chek pen labangpi thur seraksi, Alangli dung vanglo. 30 Jisu la mamat rong, angbong anathu lut ponpedetsi, hala Martha Alangli pen pen kachetong adim, halabangso adimsi dolo. 31 Lasi la Judia atumke Meri pen pen hem dosi labangpi aphan aning pangsamlo, halatumke labangpi thur serak ingtan kedam thek longsi labangpi theri adung kachiru damjisi kedamlo pu mathasi, halatumke bar dun phlotsi, labangpi aphi aphi vanglo. 32 Ansi la Jisu kedo adim, Meri halabangso adim lesi, Alangli keng domkhrupsi, pulo, hemphu, Nanglile ladak dokok asonte, ne mu ke thithedetji apotlo. 33 Jisu la kachirulo thek longsi, lapen labangpi, along nang kedun, Judia atum ta kachirulo thek longsi, aning chepangt:ang, aok, che-hijir-batsi, pulo, la konatsi bidam loma? 34 Halatumke pulo, O Hemphu vangra nang lang non. Lasi Jisuta chirulo. 35 Lasi Judia atumke pulo, langnon, Alanglita koan kachinghon do! 36 Bonta komane komaneke pulo, amek kaselok abangta amek pethek un. 37 Tang detle, Alangli la monit kithi-tangta achethe khang un-e-detji-langtna? 38 Lasi Jisu ako aning arlo chepangtangsi, theri along damlo, hala theri elong alongku; lapen la amahang arlong isi do. 39 Jisu pulo, arlong a than terek non. Lasi kithi abang ate Martha Alangli phan pulo, O hemphu nonke nemthu tanglo; thangbakma pini pen ni phili dotang lo. 40 Jisu labangpi aphan pulo, jongsi bisas dolote, tangte Arnam adak atur, thek longji, labangso alam Ne nangtum aphan nang pupe langma? Lasi halatumke arlong a than terek pilo. 41 La anke Jisu amek angsong anat chirungsi, pulo, Po Neli nang kachoningri Nangli arjulo, la apotsi Nangli phan chorolo; 42 Lapen Nangli Ne choningri kyke arju bomlo, la Neli chinilo; bonta Nanglisi Ne phan toylo, la komchen karjap phrong atum arat la bisasji bon la aphansi halatum aphansi, Nangli kepulo. 43 Lapu pusi, Alangli jasemet hangsi, pulo, O Lazarus, ingtan nang bar-ra vangnon. 44 Lasi hala kithi tang abang ari akeng pe pen keper apot, lapen amahang gamosa pen keper mamatsi ingtan vanglo. Jisu halatum aphan pulo, la aphan phrira lonon. 45 Lasi Meri adung vangsi, la Judia atumke Alangli la an akam keklem theklongsi, halatum penang Alangli phan bisas lo. 46 Bonta halatumke komanene Apharisi atum adung damsi, Jisu keklem tang an, hala kadokave halatum aphan than damlo. 47 Lahelo Prist akethe lapen Pharisi atum mei akethepi chingrumsi pulo, etum kopi klem nang poma? labangso amonitke ason ason ebidi-jut det asin peklang lo; 48 La aphan jongsi ili obup tangte, kadokave amonitta hala aphan bisaspo; lapen Roman amonitta vangsj, la etum adim lapen ajatta thi pondet po. 49 Bonta halatum angbong Kaiapha pu amen inut amonit halabangso aningkansi Prist akethe akam kelongsi halatum aphan pulo. 50 Nangtumke thangnatta buji thekthe det, lapen mathata thekthedet la labangso kedo-an arat ajat kevir-veji aphan, kadokave rat aphan inut amonit thilot setta nangtum aphan me neilo. 51 Alangli methang penle kepu kali, bonta Jisu halabangso ajat aphan amethang apran chipiji. 52 Lapen muthe halabangso ajat det chot kali, bonta athai athai asanchom sanchom, atum Arnam arat Asomar atum la chingrumra dochom jibon, la aphansi apran kachipiji, halabangso aningkan Prist akam plangsi, la aning montro pen pulo. 53 Lahelo halabangso arni pen Alangli phan kapithi jisi halatum chisik ponlo. 54 Lahelo Jisu Judia atum angbong thek phrongke lapenke damde-detsi, lapen aparake habit adung adet Ephraim, kepu amen elong anogor damsi, asangho atum pen pen haladaksi dokoklo. 55 La ahut Judia atum Kejok amei ahut choksi, hala amei aphrangke amethang atum kachepang thirjisi, penang amonit arong tin pen Jirusalemsi vanglo. 56 Lasi halatumke Jisu aphan risi kardom ahem karjap ther unsi latum hejan ching vailo, nangtum aning kopisi kamatha ma? 57 Alangli la mei ahut nang dunde detjima? bonta Prist akethe lapen Pharisi atumke pulo, Alangli phan kenepji ahukum lapusi pulo, AJangli konat sidoma? la komane chinilote, hala abang peklang peme nangji.

12

1 La Lasarus Jisule kithi atum angbong pen kangthur, hala Lasarus kedo adimsi, Jisu kejok amei nithrok aphrang hala Bethany vang lo. 2 Halabangso adim halatumke Alangli phan ajo an, pisi, Marthake horpilo, lapen Lasarusta Alangli tum along kangni dun abang inutlo. 3 La anke Merike ador kesopi, akemenei, Jotamangsi, kanem pru ajangthu pova hini vansi, Jisu akeng patipsi, amethang achu pen Alangli keng venlo; lasi jangthu kanempru angnim, hem arlo bithe bitha nem phluplo. 4 La anke Alangli sangho atum angbong hala Alangli phan hotur arideng kahodaiji abang, hala Iskoriot Judas pulo, la jangthu aduli pharo hini jordet-te. 5 Keduk kelak atum aphan dan kepi longji apotlo? hala keduk kelak aphan kamathalo lapu kali: 6 Bonta hala chonghu; lapen hala arideng tangka ajarong dokoksi, la arlo kepi an, lasi chokhoros bom, la apotsi hala alam kepulo. 7 Lasi Jisu pulo, Ne phan theri kebiji arni aphanle labangpi la pibi lonang; 8 Thangbakma keduk kelak atumke nangtum along kyke do; bonta Neke nangtum along kyke nang do dun de. 9 Ansi Jisu halabangso adimsi dopo, chinisi, Judia atumke armu akeongpi, muthe Alangli phanle keri chot lapu kali, bonta Alangli hala kithi atum angbong pen, kerengthu hala Lasarus aphanta kelangjisi haladak vanglo. 10 Bonta Prist akethe atumke Lasarus, aphan kapithijisi chingvailo. 11 Thangbakma halabangso ajoksi, penang Judia atum dambom, dambomsi, Jisu aphan bisaslo. 12 Puthot arni mei kevang hala armu akeongpike Jirusalemsi Jisu kevang pu arju longsi. 13 Khojur, arvo, ensi, Alangli phrang, kangthum keeadamjisi, hangjosi, pulo, hynon, hynon, badutame Arnam amen penle kevang abang, athake Israel atum Arecho meong. 14 Anke kalikhi kedo asonthotsi, Zion asopi, phere nangne; langnon, nang Recho, gadha aso athak ardonsi vanglo; 15 Lapusonsi Jisu gadha amim phlong longsi, la athak ardonlo. 16 Hala kadokave alamjir asangho atumke aphrang chinine detlo; bonta hala Jisu adak atur plangsi, la anke lason alam Alangli lamjir katok kedo apot, lapen halatumke la Alangli phan lason akam keklem, hala kadokaveta halatum aning cheporilo. 17 La anke Alangli hala Lasarus, theri pen kehang kapevang, kithi atum angbong pen kangthur, la adung rat aso atum alangli long dosi, halatum aphan hakhi pibom. 18 Lahelo hala rat armu atum Alangli phan kangthum kedam athelo; thangbakma Alangli hala matha abidi jut det akam keklem, la apotsi, halatumke arjulo. 19 Lasi Pharisi atumke lahin lahin chipulo, pulo, langnon nangtum kachipiduk apot thangnatta cheplangple; langnon, pirthe adang, Alangli phi phisi dun petlo. 20 Kardomjile inglong athak kevang atum, halatum angbong abahakke Greek amonitta do. 21 Halatumke Galili adet Bethsaida kedo, Philip along vangsi pulo, akehai, nelitum Jisu aphan lang ingtung ong. 22 La anke Philip vangsi Andriw aphan pulo, Andriw Philip pen pen vangsi, Jisu nang than lo. 23 Jisu thaksi halatum aphan pulo, Monit asopo adak atur kedoji ahut vanglo. 24 Ne nangtum aphan athik nangpulang, sokta emu, anle longle klora thithedet-lote, hala emupet thak thaksi do; bonta jongsi thulote, tangte penang athe amu chekok. 25 Badutame amethang apranle chinghon chotlote, lake chepangboji; lapen badutame la pirthe amethang apran chinghonhedetra dote, halake kejut une achethe aphansi la chebilo. 26 Komane jongsi Ne phan kangdukji pu abanglote, hala abang Ne phi phi, le nang dun non; lasi Ne kedo adim alingsi, Ne phan keduk abang ta hala adimsi dodunji; komane jongsi, Ne phan ingduklote targte Ne Po ta, la aphan inghon parji. 27 Nonke Ne pran aduk doparlo, lapen Ne kopisi pupoma? O Po, non ahut pen ne pejoktha, lapusi kepu apot loma? bonta athesi Ne non ahut kevang athelo. 28 O Po Nangli men adak atur pedo non, lasi Ne adak atur pilo, ako adak atur pijilang, lason pusi, angsong pen ase vanglo. 29 Lasi karjap phrong karju dun long atum aratke pulo, siningsi kang reng pulo, akaprek atumke pulo, sining atekalasi Alangli phan kepulo, lapusi hala tumke pulo 30 Jisu thaksi pulo, Ne aphan le kedo kali, nangtum aphansi ase kedolo. 31 Nonke ladak pirthe bisar-po; non mamat la pirthe ahemphu nang varpo. 32 Lapen Ne pirthe pen rungra tardonglote, kadokaveta Ne dungsi vangji. 33 Alangli koloson akithi-jima, la kapabu]i-ji aphansi labangso alam kepu athelo. 34 Las rat armu atumke Alangli phan thaksi pulo, Nelitum aban ahastro pen arju longlo, Khristoke kyke doji; tangte Monit asopo, tardong, nangji kepu alam Nangli kopusi kepuma? la Monit asopoke komat abangma? 35 Lasi Jisu halatum aphan pulo, nangtum angbong malomso ahutsi, katheang do chotpo. Kangtingsi la nangtum aphan nang ropo la aphansi nangtum along katheang kedo unle chehalat-tame. Badutame kangting le phurilote, hala abangke konatsi dam nangjima, hala chini ne. 36 Nangtum la katheang aso, keplangji, la aphansi nangtum katheang kedo unle, katheang aphan bisas non labangso alam ningjesi Jisu dam juisi, halatum pen amethang chepatulo. 37 Isaiah Amontri la kethan tekang alam, pulo, Hemphu ne kethan abirta komatsi bisas hurjima? lapen Arnam ajakong koan akethema lata komat angnosi peklang dak loma? 38 Halabangso alam kapachekokji aphansi, Alangli halatum angno la kamatha abidi-jut-det akam keklemlo, puke halatum Alangli phan bisas sedet. 39 Labangso alam Isaiah ako pulo lapu, halatumke amek kapethek longle detji, lapen aningta kapalujijedet-ji, lapen kapachiruiredet-ji, lapen Ne halatum aphan kapemedet klemkle, 40 La aphansi, Alangli halatum amek paseloksi, aningta pangtanglo. 41 La apotsi halatum bisas thek-the-detlo. Isaiah ke Alangli phan anong kethe theksi, Alangli, lamjir than pachethangsi, lahei hei alam pulo. 42 Tebonta bisar ahemphu atum angbongke penang Alangli phan bisaslo; bonta aphi halatum amaro ahem pen phlung det-jibon mathasi, la kapheresi, Pharisi atum aphan chotsi halatum chek bir-bedetlo; 43 Thangbakma halatumke Arnam akero kelong aparte monit akerosi memu lapusi matha thurong lo. 44 Jisu ase kethe pen pulo, la badutame Ne phanle bisaslote lake Ne phan kali, Ne phan ketoy abang aphansi kabisas lo. 45 Lapen badutame Ne phan thek-longJote hala abangke Ne phan ketoy abang aphansi kethek longlo. 46 Lapen badutame Ne phan bisas lote hala abangke kangting along dode, la aphansi, Ne pirthe athak, katheangsi vanglo. 47 La badutame Ne lam arjura jongsi manilote, tangte Ne la aphan bisarse; thangbakma Neke pirthe athak kabisarjile kevang kali, bonta pirthe athak kapejokjisi kevang lo. 48 La badutame Ne phan chakchedet, lapen Ne lamta enedet tangte, la kabisarji abang do; atheke Ne kepu alamthe kejut arni la abisar enji. 49 Thangbakma Ne methang penle kepu kali; bonta kopisi kepu nangjima, kopisi kethan nangjima, lake Ne phan ketoy abang Ne Posi Ne phan ahukum kepilo. 50 Lapen Alangli hukumke kejut une achethe, lake Ne chinilo; lahelo Ne kepuji an Ne Posi kepu asonthotsi lasi Ne kepulo.

13

1 Kejok amei aphrang Jisu, la pirthe pen Apo along amethang kedam ahut choklo pu chinisi, pirthe athak kedo amethang asangho atum aphan kachinghon, halatum aphan kejut arni anta inghon bomlo. 2 Apole la Alangli rideng kadokave kahodaipet, lapen amethangta Arnam pensi kevang, lapen Arnam adung dam nangpo, hala kadokave chiaisi, 3 Alangli hotur arideng kahodaiji, Simon asopo, Iskoriot Judas, aning arlo, soytan kahingno abidi pisi aning arlo pelut-det aphike, halatum ajo bhuj kecho ahut. 4 Alangli bhu] kecho pen thursi, kachium ape chibisi, gamosa epak ensi, amethang avam chekoklo. 5 La anke Alangli longhong isi lang pisi asangho atum akeng chamsi avam kachekok-i agamosa pensi ven-ilo. 6 Lasi Simon Pitor adung Alangli vangsi, Pitorke Alangli phan pulo, Hemphu Nangli neli kengta cham ikdet jima? 7 Jisu thaksi alangli phan pulo, Ne keklem ji alingta non nang chini ne: bonta la aphi ansi chinipo. 8 Lasi Pitor Alangli phan pulo, Nangli ne keng kyke chamri, Jisu thaksi pulo, Jongsi nang kengle nang cham longle tangte Ne pen nang thangnat akachephota avelo. 9 Simon Pitor thaksi pulo, Hemphu, ne keng chot kali, ne ri, ne phuta, ne cham non. 10 Jisu alangli phan pulo, lang kachinglu atumta akeng aparke akaprek kecham athe avedet, la kadokaveta kangthir angselo. 11 Lapen nangtum anta kangthir angselo, lapu kali. Thangbakma la badutame Alangli phan hotur arideng kahodaiji abang, la Alangli chinilo; lahelo, Alangli kepulo, la nangtum kadokavele kangthir pet kali lapu kepu. 12 Alangli halatum akeng chamdetsi, amethang ape, che-ensi, ako ingni thusi, halatum aphan pulo, Ne nangtum aphan kopi klem loma, la nangtum chinilo ma? 13 Nangtumke Ne phan Hemphu lapen Arnam pubom; la mesensi pulo; thangbakma Ne hala ahok chenam, 14 Lahelo Arnam, lapen Hemphu kepu, la Ne, Ne jongsi nangtum akeng chamlo tangte nangtumta lahin lahin, akeng kachecham-si kenangji. 15 Thangbakma Ne nangtum aphan nang keklem lasonthotle nangtumta klem nangji, la aphansi nangtum animona nang kapeklanglo. 16 Ne nangtum aphan athik nang pulang, ahemphu apar ban themu kali, lapen ahemari apar saprasi abang themu kali, 17 Lahei hei theklong-ra jongsi nangtum manilote, tangte nangtum meonglo. 18 Nangtum kadokave alamjirsi pulo, lapu kali badutame Ne kebat tang an halatum aphan Ne chinilo; bonta hastro alam the kachekok nangji, la badutame Ne himle cholote, hala abangke Ne phansi akengti, kerunglo. 19 Labangso mo planglote, anke Ne helo hala abang, lapu nangtum abisas doji, bon la aphansi, keplangple ako, Ne non pen nangtum aphan nang kethaalo. 20 Ne nangtum aphan athik nang pupo, Ne la badu aphanle toy setta, hala komane jongsi, chaklote, lake Ne phansi kechaklo; lapen badutame Ne phanle Ne chaklote, hala abangke Ne phan ketoy abang aphansi kechaklo. 21 Labangso alam ningje-si, Jisu karjong manghutusi, hakhi pulo, Ne nangtum aphan athik nang pupo, nangtum enut abang Ne phan hotur arideng ne hodaipo. 22 Alangli komat alamjir-si kepuloma, asangho atumke aning doriksi, ba athik avedetsi, lahin lahin, amahang chelang phrongsi, dokurlo. 23 Lasi la Jisu kachinghon asangho inut abang, hala inghoy adung kacherchung kedo, Jisu aning arum adung kedo abang aphan Simon, 24 Pitor, alangli pelamsosi, arjulo, pulo, Alangli komat abang aphansi labangso alam kepuma arjutha. 25 Lasi alangli hala Jisu aning arum kacher chung adung lapuson damsi, Alangli phan arjulo. O Hemphu hala abang komatma? 26 Jisu thaksi pulo, badutame labangso ahim aplang Ne nimpo, lapen kepidamji, lapen ke-en abang lahelo hala abanglo. Lasi Alangli him aplang ensi, nimponsi, Iskoriot Judas, Simon asopo, aphansi pidamlo. 27 Halabangso aplang longdet pen, soy tan la arlo lut damlo Anke Jisu la aphan pulo, Nangli keklem ]i alingta klem dapprangnon. 28 Bonta Alangli kopi athesi kepuloma, la alam hala bhuj kecho kangni pet atumke baduta chini dundedetlo. 29 Thangbakma abahak atumke mathalo, la Judas along tangka athija kedo kok apotsi, Mei aphan kenangji an, lasi, kenamji, kalite keduk kelak atum kopine kepijisi, Jisu la kipijisi la kepu, pusi pulo. 30 Lasi hala him aplang ensi lamamat ingtan damjuilo. La ahut ajo kangting ahutlo. 31 Hala ingtan dam tangdet aphi, Jisu pulo, nonke Monit asopo, adak atur pithip tanglo, lapen Arnamta Alangli phan adak atur pitanglo; 32 Arnam amethang Alangli phan anong pethepo, lapen prap jingsi, Alangli phan anong pethepo. 33 O osomar atum nangtum along Ne la apar malomsosi do chotpo, nangtum Ne phan riji; bonta Ne Judia atum aphan kepu ason-thotsi, nang pulo, la Ne kedamji hala adim nangtum dun un-e, lapuson thakthaksi, non nangtum aphanta kepulo. 34 Ne nangtum aphan eson ahukum kimi nang pipo la nangtum hijan chinghon seroy non; Nele nangtum aphan nang kanghon lason thotle la nangtum hijan chinghon seroy non. 35 Jongsi nangtum methang methangle aning kachinghon chebi, tangte nangtum la Ne sangho ahok lapusi la ajok kadokaveta chini-ipo. 36 Simon Pitor Alangli phan arjulo, Hemphu, Nangli konatsi damjima? Jisu thasi pulo, Ne kedamji alingta haladak, non nang Ne phi phi, dun un-e: bonta mo aphike nangli Ne phi phile vang non. 37 Pitor Alangli phan pulo, hemphu, nonke kopi apotsi Nangli phi phi, keduji un-e det ji athema? Nangli phan ne pranle pu setta chipi ji. 38 Jisu thaksi pulo, Ne aphan nang pranta chepi poma? Ne nang phan athik nang pulo Nangli Ne phan baty ke thom chekobirbe det-tetikke, vo nangkuke.

14

1 Nangtum aning chepidukri; Arnam ajDhan bisas non, lapen Ne phanta bisas non. 2 Ne Po ahem kedo adim do-opi; avedet asonte nangtum aphan nang than tanglo; thangbakma Ne nangtum aphan adim sikdam-jisi dampo. 3 Lapen Ne nangtum aphan jongsi adim sikdetlote tangte Ne kedodamji adimsi, nangtumta halabangso adimsi kedo dun longji, la aphansi, Ne ako vangsi, nangtum aphan Ne dung nang ponji. 4 Ne kedam nangji adim la atovar nangtum chinilo. 5 Thomas, Alangli phan pulo, hemphu, Nangli konatsi damjima, lake neli chini-ne; tangte kopusi tovar le kethek jilangma? 6 Jisu alangli phan pulo, Ne helo tovar, lapen ahok, chetheta, Ne penle damdete, Ne Po along baduta lele. 7 Nangtum Ne phan chini asonte Ne Po aphanta chini detji apotlo; non pen aparake nagtum Alangli phan thek longlo, chinilo. 8 Philip Alangli phan pulo, hemphu, Epole, ne phan peklang non, la anta ne phan choklo. 9 Jisu pulo, O Philip, Ne nangtum along la an arni. kedota, nang Ne phan chinine langma? badutame Ne phanle thek-lote Ne Po aphanta thek long lo. 10 Tangte Epo, aphan peklangtha kopisi kepu athema? Ne Po along Ne do, lapen Ne long Ne Po do, lapuson nangli bisas-selangma? Ne nangtum aphan nang kepu an alam, hala hei hei, Ne methang pen pupe; bonta Ne Po Ne long dosi, Alangli kam ansi kapepleng. 11 Ne Po along Ne do, lapen Ne long Ne Po do Ne labangso alam nang bisas non. 12 Ne nangtum aphan athik nang pulo, Ne keklem tang an akam, Ne phan kabisas abangta hala puson thot-si klem po; lapen la aparta akethemu, akethemu, akam klempo; thangbakma Neke Ne Po along dampo. 13 Lapen Asopo, la Apo, adak atur pedoji, la aphanle, Ne men pen kehang alingta Ne hala pepleng ji. 14 Nangtum Ne men pen kopine jongsi hang lote tangte, Ne hala peplengji. 15 Nangtum jongsi Ne phan inghon-lote tangte, Ne hukum anta mani non. 16 Lapen Ne-ta Ne Po, along nang ningri piji, lasi nangtum pen kyke kedo rapji abang, Alangli enut kerap abang, atheke Karjong Kangthir, nangtum aphan nang pipo. 17 Pirthe aso atumke Alangli phan chak un-edetlo; thangbakma halatum Alangli phan thek-thedet, lapen chinine-det; nangtumke tangte, Alangli phan chinilo thangbakma Alangli nangtum pen pensi kedorap, lapen nangtum aning arlosi doji. 18 Ne nangtum aphan angseke nang otekang-ke; nangtum adung-si vangji. 19 Malomso ahut, aphike pirthe arat atum Ne phan thek-longle-detpo; bonta nangtumke Ne phan theklongji, thangbakma, Ne reng etji, lapen nangtumta reng etsi dojilang. 20 Ne la Ne Po alongsi do, nangtumta Ne longsi do, Ne-ta nangtum along sido, labangso hala arnisi chiniji. 21 Badutame Ne hukum longra manilote, hala abangke Ne phan inghonlo; lapen badutame Ne phan inghon-lote, hala abangke Ne Po kachinghon munei abang atheng plangpo lapen Ne-ta hala abang aphan inghonsi, la angno methangsi peklang dakji. 22 La anke Iskoriot kali, anut kaprek a-Judas Alangli phan pulo, O Hemphu kopi cheplang detma, la Nangli pirthe aso angnoke oheklang-kledet si, neli-tum angno Nangli methang peklang daklo ma? 23 Jisu thaksi hala aphan pulo, komane jongsi Ne phan inghon lote, tangte hala abang Ne lamta maniji; Ne Pota la aphan inghon ji, lapen Neta la adung vangsi, lapen pen, dorapji, 24 Badutame Ne phan inghon-hedet-lote, hala abangke Ne lamta manine; lapen la bangso alamthe nangtum arjulong tanglo, lake Ne lam kali, bonta Ne phan ketoy abang Ne Po pen. 25 Ne nangtum along kedo unsi la hei hei alam nangtum aphan nangthanlo; 26 Bonta Ne Poke Ne men pen nang ketoy abang alingtame, hala kerap abang, atheke Karjong kangthir nangtum aphan kado-kave alam nangthan si, Ne kethan alam an, nangtum aphan nang pematha damthupo. 27 Ne nangtum aphan mesensi nang otekangji, Ne akeme nangtum aphan pi tekangji; pirthe asole kepi, Ne ke lason pipe. Nangtum aning chipidukri, lapen phere nangne. 28 Ne damsi, nangtum along ako adung chevang thuji, la Ne kepu alam nangtum arjulo. Ne phan inghon duk asonte, Ne Po along Ne dampo, lapu apot nangtum aning arongkachipiji apotlo: thangbakma Ne Po Ne aparsi themu. 29 Lapen labangso kacheplangji ahut, nangtum la bisarji bon la aphansi, keplangple ako, Ne non nangtnm aphan nang pulo. 30 Nangtum pen Ne arni keding kachingki ji ahut kali, thangbakma pirthe ahemphu, vanglo; lapen Ne la bangso pen thangta avelo. 31 Bonta Ne la Ne Po aphan kachinghon, lapen Ne Po Ne phan hukum kipi asonthot la akam klemji, lapu pirthe arat aso atum kapachini-jisi thur non, ladak pen dam nang ho.

15

1 Ne helo drakha arikang ahoklo, Ne Poke katiki ahemphulo. Ne ro athe kachekokkedet atum an hala heihei aro an varkoyji; 2 Lapen hala athe kapathe aro an, hala hei hei apar athe kapatheji-si, pangthei-etsi, aho-or orji. 3 Ne nangtum aphan nang kepu alam apotsi, nangtum nonke ingthirlo. 4 Nangtum Ne long donon, lasi Neta nangtum along dopo. Drakha arikang chekokkedet-lote, aro methang lake athe kapathe thekthedet lason thak thak, Ne pen chekok peme-medet-lote, nangtumta un-edetji. 5 Ne helo drakha arikang, nangtumke aro; badutame Ne long dolote, lapen Neta badu alongle doduntame, hala abang athe akeongpi plangji; thangbakma Ne aparke nangtum thangnatta klem un-edetji. 6 Badutame jongsi Ne long dode-det-lote, tangte halake aro kethi asonsi ingtan varchorsi, hala thikhrai-si krenghakji; lapen hala hei hei, pangrumsi me phrindutsi la pechodetpo. 7 Nangtum jongsi Ne long do, lapen Ne lamta jongsi nangtum along do, tangte nang ning kehang aling, lale hangnon, la anke nangtum aphan nang pipo. 8 La helo nangtum athe apar kachekokji aphansi, Ne Po, ne kapethe lo; lapen lapule nangtumta Ne sangho plang ponbom non. 9 Ne Po Ne pham kanghon asonthotsi, Neta nangtum aphan lasonsi inghonlo; nangtum Ne kanghonle donon. 10 Jongsi Ne hukum kroylote, tangte Ne le Ne Po ahukum kekroyra, Alangli kanghon kedo, nangtumta lason thot Ne kanghonle donon. 11 Ne ning arong nangtum along kapedoji, lapen nangtum aning arong keplengji, la aphan nangtum lason alam nang than tanglo. 12 Ne nangtum aphan nang kanghon asonthot, lasonthotle nangtum hejan chinghon non, lahelo Ne hukum. 13 Ajirpo atum aphan, amethang apran kachipi det, aparke, la apar akanghon kethe baduta avelo. 14 Ne nangtum aphan ahukum nang kipi tang an, hala hei hei, jongsi, manilo tangte, nangtum Ne jirpo lo. 15 Non pen aparake Ne nangtum aphan ban nang pupe lo; thangbakma ahemphu keklem alingta banke la thek dunde; bonta Ne nangtum aphan jirpo, nang chipu tanglo; thangbakma Ne Po pen karju long tang ansi, hala kadokave nangtum aphan nang thanlo. 16 Nangtum le Ne phan kebatlo lapu kali, Nesi nangtum aphan nang kebat; lapen nangtum athe pathepeme-ji bon, lapen nangtum athe chekok ji, lapen Ne men pen Ne Po along nang kehang aling, lasi Alangli, nangtum aphan piji, la aphansi nangtum aphan kebat athelo. 17 Nangtum hejan kachinghon nangji aphansi, Ne nangtum aphan lahei hei, ahukum nang kipilo. 18 Pirthe aso jongsi nangtum aphan hijimlote, tangte nangtum chini non, la nangtum aphrang Ne phansi hijimlo. 19 Nangtum apirthe asonte, pirthe aso amethang atum aphan akeme kelongji apotlo; bonta, nangtum apirthe kali, Ne nangtum aphan pirthe angbong pensi, kangvysi nang kebatlo, lahelo, pirthe aso atumke nangtum aphan kahijimlo. 20 Banke ahemphu apar themu kali, Ne nangtum aphan aphrang kepu alam athe chematha dam non. Halatum jongsi Ne phanta la an kachenek tang tangte nangtum aphan nang chenek-nedet jima, chenekpo; Ne lam jongsi manilote, tangte nangtum lam athe-ta manipo. 21 Bonta Ne phan ketoy abang halatumke, Alangli phan kachini-nedet apotsi, Ne men apotsi, nangtum aphan la kadokave klempo. 22 Ne vangra halatum aphan nang than-thedet asonte, latum apap kavedet-ji apotlo; bonta nonke halatum pap alamjir kajani jike halatum abidi avelo. 23 Ne phan kahijim abang aling, Ne Po aphan ta hijimlo. 24 Akaprek atum keklemkle pin akam, Ne halatum angbong lason akam klemkledet asonte, halatum apap kavedet ji apotlo; bonta nonke Ne phan lapen Ne Po aphanta halatum theklonglo, lapen hijimlo. 25 Bonta aban halatum akejoy-jepisi Ne phan hijimlo, labangso alam halatum aban ahastro ketok do, hala bangso kachekok nangjisi, lason cheplanglo. 26 Bonta mo la hala kerap abang vanglote, atheke Ne Po pen nang kebar ahokpet karjong kangthir Ne Po adung pen kevang, Ne nangtum aphan ketoy, Alanglike Ne lamjir-si hakhi pupo. 27 Lapen nangtum aphrang pen Ne long kedo kok apotsi, nangtumta hakhi, kepulo.

16

1 Nangtum aning keduk deji aphansi, la nangtum aphan lahei hei alam nang kethanlo. 2 Rat atumke maro ahem pen nangtum aphan nang phlungpo; lapen nangtum aphan kapithi atum abang phutinta Arnam kardomlo pusi, mathap'o, lason ahut vanglo. 3 Halatumke Ne Po lapen Ne phan kachininedet apotsi, lason akam klemlo. 4 Bonta mo lason ahut vanglote, Nesi la nangtum aphan nang kepu lapusi, lapen kepu alam athe la ahutsi nangtum matha damji, la aphansi, Ne lahei hei alam nangtum aphan nang kethanlo. Ne nangtum along kedokok lang apotsi, labangso alam aphrang penke nang kethanthedetlo. 5 Bonta nonke, Ne phan ketoy abang along dampo; tebonta Nangli konat dam jima puta nangtum baduta Ne phan Ne arjujedet. 6 Bonta Ne nangtum aphan lahei hei alam nang kepu apotsi, nangtum aning aduk do parlo. 7 Tebonta Ne nangtum aphan athik nang pupo, la Ne kedamsi, nangtum aphan akemelo; thangbakma Ne damdete, nangtum aphan hala kerap abang vangvedetji; bonta Ne damlote nangtum aphan Alanglisi nang toyji. 8 Alangli vangsi pap alamjir, dhorom alamjir, lapen kabisarji alamjir, pirthe aso aphan adai aporman enpo; 9 Pap alamjirke, halatum thangbakma Ne phan bisassedet, dhorom atum alamjirke. 10 Thangbakma Ne Po along Ne dampo, lapen nangtum Ne phan apar thek longle detji. 11 Lapen bisar karjuji alamjirke, thangbakma la pirthe ahemphu, arjusi bisar tanglo. 12 Nangtum aphan Ne nang kepuji alam penang dolang, bonta labangso alam nonke nangtum arju ding un-e. 13 Bonta hala ahok akarjong mo vanglote, la anke Alanglisi, ahok an, nangtum aphan tovar japonpo; thangbakma Alanglike amethang pen pupedetpo; bonta karju long ansi la thanpo lapen nangtum mo aphi keplangji alamta peklangpo. 14 Alangli Ne phan anong pethepo; thangbakma Ne kedo anta, Alangli pen ponsi nangtum aphan kethanlo. 15 Ne Po arideng kedo an, hala kadokaveke Nelo; lahelo Ne pulo, Ne kedo an, Alangli la pen ponsi, nang phan thanpo. 16 Malomso aphi nangtum Ne phan thek longle detpo; bonta ako malomso aphi Ne phan thekthuji. 17 Lapusi Alangli sangho atum komane maneke lahin lahin chingkisi pulo, malomso ahut Ne phan thek longle detpo; bonta ako malomso aphi Ne phan thekthupo; lapen thangbakma Ne Po adimg dampo, labangso alam kopi alamsi Alangli ili tum aphan kepuma? 18 Lahelo halatum pulo, malomso ahut-la alam ke kopi alamsi, kepuma? Alangli kepi si kepuma Ne munthi thekthe 19 Jisu halatum karjuji aning chinisi, halatum aphan pulo, malomso aphi Ne thek longle detji, bonta ako, malomso aphike Ne phan thek longpo, labangso alam Ne kepu, la aortho nangtum lahin lahin cherju loma? 20 Ne nangtum aphan athik nang pupo, nangtumke kachiru Japen cherhepo, bonta pirthe aso atumke aning arong dopo, nangtum dukpo, bonta aphike nangtum akeduk hala aning arong cheplang po. 21 Aso amahang kethekji ahut lote, Arlosmar amahang kethek akeduk aduk do bonta oso, amahang thek-tanglote, pirthe athak monit, enut amahang kethek apot aning arong apar arong thu, hala akeduk labangpi aning arlo dode-det. 22 Hala pusonsi nangtumta non aduk do; bonta Ne ako nangtum aphan thek thu longji, lasi nangtum aning arong ji, lapen nangtum hala aning arong baduta nangtum pen thi ponpe. 23 Halabangso arni Ne phan thang nat alamta arjuje. Ne nangtum aphan ahok nang pupo, Ne Po angno, jongsi kopine hanglote, tangte Alangli Ne men pensi, nangtum aphaa la pipo. 24 Non anta Ne men pen, nangtum thangnat-ta hanghelang; nangtum, aning arong kapeplengji la aphansi hang non ansi longpo. 25 Lahei hei alam lamlir pensi Ne nangtum aphan nang than lo; lamlir pen nang pupe det ahut, peklang daksi, Ne Po, alam peklangji, lason ahut vanglo. 26 Halabangso arnisi Ne men pen hangji; lapen Ne nangtum aphansi, Ne Po along nang hang piji, lapute, hanghe; thangbakma Ne Po, methang nangtum aphan inghonlo; 27 Thangbakma nangtum Ne phan inghonlo, lapen Ne la Ne Po pensi kevang lapusi nang bisaslo. 28 Ne Po along pensi Ne pirthe athak kevang; ako pirthe cheo kangsi, Ne Po along dam nangpo. 29 La anke Alangli sangho atumke pulo, langnon, Nangli nonke lamlir pen pupedetsi, parjudaksi pulo. 30 Nangli kethekoy abang, lapen baduta Nangli aphan ta karju athe avedet lapusi nelitum nonke nang chinilo; la ajoksi Nangli Arnam pen kevanglo, lapu nelitum bisaslo. 31 Jisu halatum aphan pulo, non ansi bisas langma? 32 Langnon nangtum methang methang adim pen akaprek kaprek plangpo, Ne pham enutpetsi Ne otekangji, lason ahut vangsi nangle tanglo. Tebonta Neta enutpet kali, thangbakma Ne Po ta Nelong sido. 33 Nangtum Ne akeme enjibon, la aphansi, lahei hei alam nangtum aphan thanlo. Pirthe nangtum sungji; bonta phere nangne, Nesi pirthe hai tanglo.

17

1 Jisu labangso alam putangdetsi, Sining anat, amek chirungsi pulo, Opo, ahut nang lelo; 2 Nangli Sopo, la kepi an, hala kadokave Asopo, kejut une achethe kepiji aphansi Nangli monit an aphuthak, Alangli phan akhemata kepi ason, Asopo nang nong kapetheji aphan, Alangli phan lasonle anong pethe non. 3 Lapen enutpet ahok Arnam, la Nangli, lapen Nangli ketoy Jisi Khristo abang chinilote, lahelo kejut un-e achethe. 4 Nangli Ne phan keklem nangji an, akam kepilo, Ne lasi pachekoksi, pirthe Nangli phan anong pethelo. 5 Opo, pirthe aphrang, Nangli pen kedo un, la Ne dak Ne tur, kedo, hala son Ne dak Ne tur non Nangli pen Ne anong Ne pinon. 6 Nangli la pirthe angbong pen, la monit atum Ne phan kepi, halatum angno. Ne Nangli men than daklo, halatum Nangli lo, Nangli hala tum Ne phan pilo; lapen halatum nang lamthe manilo. 7 Lapen Nangli Ne phan kepi an hala kadokave la Nangli, pen helo, halatum la chini pemelo. 8 Thangbakma Nangli Ne kipi tang an alam, hala hei hei alam Ne halatum aphan pitanglo; lapen halatum hala kadokave kroyta kroylo, lapen Ne Nang pen vanglo lapu halatum chini pemelo, lapen Nangli Ne phan toylo, lata bisaslo. 9 Ne halatum aphan choningrilo; pirthe aso aphan si choningrilo, lapu kali, bonta badutame Ne phan Ne kipi halatum aphansi choningrilo; thangbakma halatumke nangli lo; 10 Lapen la Ne phan anke, hala kadokave Nangli lo; lapen Nangli phan an, hala kadokave Ne lo lapen Ne halatum aphan anong pethelo. 11 Ne la pirthe apar dode; latumke la pirthe si do, lapen Ne Nangli dungsi dampo. Opo, Ilitum le isipet kedo, lason thakthak halatumta isipet pedonang, la aphansi, Nangli Ne men keir lason Nangli halatumta lason amenle binon. 12 Ne halatum along kedo un, Nangli Ne kibi amen, Nangli hala amen Ne halatum aphan irlo; lapen halatum sontori pedolo; lasi halatum apakta virvedet lo, hastro alam kachekok nangji, muthe kevirdet aso, ansi virchotlo. 13 Bonta non Ne nangtum adung si dampo; lapen Ne ning arong la halatum chekokji, la aphansi, pirthe kedo un lahei hei alam nang pulo. 14 Ne Nangli lamthe halatum aphan pilo; lapen Ne le pirthe kalidet ason, halatumta lasonsi pirthe kali, detsi pirthe aso atum hala tum aphan, hijimlo. 15 Neli nang choningrire, halatum pirthe pen pon non pupe bonta halatum aphan pap akarjong pen rynon. 16 Nele pirthe kalidet ason, halatumta lasonsi pirthe kali. 17 Ahokle halatum aphan pangthir non; Nangli lam ahok lo. 18 Nanglile pirthe athak Ne phan ketoy, Nelita lasonsi, halatum aphan pirthe athak toylo. 19 Lapen halatumta la ahoksi ingthirji, la Ne ning kehangsi halatum aphansi Ne methangsi chepangthirlo. 20 Muthe halatum aphansi Ne choningri chot lapu kali, bonta latum alamthe ajoksi, Ne phan kekroytang kadokave atum aphansi choningri, 21 La halatum kadokave isipet plangji; Opo, Nangli Ne phan toylo lapu pirthe amonit kabisasji aphan Nanglile Ne, lapen Nele Nangli, halatumta lasonsi Ne peplang-ji. 22 Lapen Nangli la Ne phan toylo, lapen Ne phan kanghon ason, halatum aphanta lason inghonlo, lapu pirthe aso atum pachiniji aphan, Ili-le isipet, halatumta lason isi peplang non, 23 Ne halatum lapen Nangli pen Ne kedo, halatum la isipet chenamji, la aphansi Nangli Ne phan adak atur kipi, hala adak atur, Neta halatum aphan pilo. 24 Opo, pirthe kimke akole, Nangli Ne phan kanghon ajoksi la adak atur Ne phan kepi, Ne hala adak atur Nangli Ne phan pi arat atum pethek longji aphansi, Ne kedo adim, Ne long halatum kedoji, label o Ne ning kehang. 25 dhorom Ne Po, pirthe amonit Nangli phanchininedet, bonta Ne Nangli phan chinilo; lapen Nangli Ne phan toylo, lake latum chinilo. 26 Lapen Nangli Ne phan kanghon peme pen inghonlo, halake la halatum kedoji, lapen Neta la halatum along kedoji, la aphansi Ne Nangli men halatum aphan thanlo, ako than jilang.

18

1 Jisu lahei hei alam putang det aphi, Kidron, alang parai, la beri, elong kedo, asangho atum pen pen hala dak barsi damle; lapen hala aberi, Alangli lapen Alangli sangho atumta lut damlo. 2 Hotur arideng kahodai abang, Judassi halabangso adim ponlo; thangbakma Jisu Alangli sangho atum along ponsi, penang abatai haladak damlo. 3 Lasi Judas, sepahi amokha, lapen prist akethe lapen Pharisi atum pen tekala atum chetongsi (achor kengkam isi, kevang) lapen chir, nok kevan hala adim nang klanglo. 4 Amethang la kepho nangji an chinisi, Jisu hala kadokave chinipetsi ingtan damsi, halatum aphan arju damlo, Nangtum nangtum komat aphan si, kerima? 5 Halatumke thaksi pulo, Nasaret, a Jisu, Jisu halatum aphan pulo, Ne helo hala abanglo. Alangli phan hotur arideng kahodai abang, Judas, halatum pen pen arjapsi dolo. 6 Lahelo mo Alangli halatum aphan pulo, Ne helo hala abanglo, la anke halatum aphi chirui thusi, longle athak kreplo. 7 Lasi Alangli halatum aphan ako arjulo, nangtum: komat aphansi kirima? halatumke pulo, Nasaret a-Jisu. 8 Jisu thaksi pulo, Ne helo hala abang pu, Ne nang tum aphan pulo; lahelo jongsi, Ne phanle keri tangte, latum pedam tame. 9 Ne phan kepi tang anke, enut bakta, Ne pangbobe lang, labangso alam Alangli pusi, hala kapachekok-jisi, Alangli lapusonsi thaklo. 10 La anke Simon, Pitor nok epak dokok apot, la nok abongkroi pen, chesatsi, Prist akethe aban ano, ar-e chorphlak-si var chorlo, Hala ban amen Malkus. 11 Lasi Jisu Pitor aphan pulo, nok abong kroyle thap thu non; Ne Po Ne kepi tang aharlung pen, Ne la jun-i nang-ne det jima? 12 La anke sepahi amukha ahemphu, lapen Judia atekala atum, Jisu aphan 13 Nepsi, koksi, aphrangke Hanon, adungsi ponlo; thangbakma alangli labangso aningkansi, Prist akethe akam kelong, Kaiaphas ahupolo. 14 La Kaiaphas Judia atum aphan labangso abidi kepi, la rat atum kado-kave apharman enut kithilot lasi memu, hala abang Alangli helo. 15 La anke Simon Pitor, lapen akaprek enut asangho Jisu aphi aphi-si dunlo. Hala asangho Prist akethe pen chepa chinisi, Jisu pen Prist akethe athikupsi lutdunlo. 16 Bonta Pitor ke inghap aparsi, arjapsi dolo. Lahelo Prist akethe kachepa chini hala abang asanghoke ako ingtan vangsi, inghap kehon atheke sontori, aphan arjusi, Pitor aphanta arlosi ponlo. 17 Lasi hala sontori abangpi, Pitor aphan pulo, nanglike halabangso abang ari asangho abang enut ma? alangli pulo, neke kali. 18 Halabangso adimsi, ban atumke la tekala atum pen pen kechung ong apotsi, hokvai pen kethor amesi, arjap phrongsi me chinghiplo; Pitorta halatum alongsi arjap dunsi, chinghiplo. 19 La ansi Prist akethe Jisu aphan asangho aphan kethan alam arjulo. 20 Jisu alangli phan pulo, Ne pirthe aso atum aphan than peklang dak lo Ne maro ahem, lapen kardom ahemta, atheke Judia atum kadokaveta, kachingrum adim lapen kyke thanlo; kethan kanghu thangta avelo. 21 Ne phan kopisi Ne karjuma? La karju long an atum Ne kopisi puma? halatum aphan arju tame; langnon, Ne kopisi puma? la halatumta chinilo. 22 Alangli lapuson alam kepu apot, adung kedo karjap ther abang atekala atum angbong enut abang Jisu akecheng ardepsi, pulo, prist akethe aphan lason, thak haima? Jisu la aphan thaksi pulo, jongsi, kalidet 23 alamsi kepute, halabangso alam aporman pinon; bonta jongsi keme-sen alamsi kepulo, tangte Ne phan kopisi kardepma? 24 Lasi Hanonke kekokdong mamat Alangli Kaiaphas Prist akethe along toyjuilo. 25 La anta Simon Pitorke arjap thersi me chinghip bomsi dolang Lasi halatumke Alangli phan arjulo, nanglita Alangli sangho atum angbong emit abangloma? alangli chekobirbesi pulo, neke kali. 26 Prist akethe aban atheke Pitorle ano kechor phlak, la adon arap abang pulo, ne nang phan Alangli long ha beri thek longle langma? 27 Lasi Pitorke ako chekobirbe detlo; lapen la mamat vo nang kulo. 28 Ansi halatum Kaiaphas ahem pen Pratorium anathusi Jisu aphan ponlo, anke adap theanglo; bonta kejok amei abhuj kechoji aning kehangsi, kapa hijimje-ji aphan, halatum methang Pratorium lutdam dedetlo. 29 Lahelo Pilatke ingtan bar damsi, halatum aphan arjulo, nangtumke labangso amonit adai kopisi kakosor-ra kevanma? 30 Halatumke thaksi, Alangli phan pulo, la adaile avedet asonte, nangli rideng kahodai de detji apotlo. 31 Lasi Pilat halatum aphan pulo, nangtumle la ponra nangtum abidhan asonthot la aphan bisar non. Judia atumke Alangli phan pulo, bang apak aphanta ajon penke apran ke-en-jiakhemata avelo. 32 Amethang kolopusonsi kethi nangji, la alam Jisu la kepu, halasi, kachekok nangjisi, lason cheplang lo. 33 Anke Pilat ako, Pratorium arlo chelut dam thusi, Jisu aphan hangsi, arjulo, Nangli Judia atum Arechoma? 34 Jisu thaksi pulo, Nangli methangsi kepuma, kalite bang komane si Ne lam jir nangli kepuma? 35 Pilat thaksi pulo, ne Judia amonitma? nang methang ajat atumsi lapen Prist akethe atumsi, ne rideng Nangli phan ne kahodai; Nangli kopisi klem loma? 36 Jisu thaksi pulo, Ne rat ke ladak pirthe athak kali; Ne ratle pirthe athak asonte, Judia atum, arideng pahodai une ji aphan jonghe setta Ne sangho atumta un ansi, kachedan dunji apotlo; bonta nonke Ne rat ladak kali. 37 Lasi Pilat Alangli phan pulo, tangte Nangli Rechoma? Jisu thaksi pulo, Ne la Recholo lake nangli ahoksi pulo. Ahok anathu abe, hakhi kepiji aphansi Ne mahang theksi, la pirthe athak kevanglo. 38 Ahok anathu abe ahakhi anke Ne lamta arju. Pilatke Alangli phan pulo, ahok-ke kopima? 39 Lapu pusi Alangli ako ingtan barsi, Judia atum aphan pulo, neke Alangli phan thangnat adaita longle. Bonta kejok amei ahut ne nangtum aphan enut kapejok piji aron do; lahelo nangtum aphan Judia atum Arecho nang pejok pite nangtum aning hang hurma? 40 Lasi halatumke ako ephong hang jo si pulo, la abang kali, Barabbas-si me hala Barabbas dokai amonitlo.

19

1 Lasi Pilat ke Jisu ponsi choklo. Lapen sepahi atumke Recho aphutup. 2 Semarsi, Alangli phan aphu kupsi, Recho ape akeer arje ape pin denglo. 3 Lapen Alangli adung damsi. Judia atum Arecho, hai non! lapu pusi, Alangli kecheng ardeplo. 4 Pilatke ako ingtan anat damsi, halatum aphan pulo, lang non, neke Alangli phan thang-nat adaita longle, lapu nangtum kachiniji aphansi nangtum angno, Alangli phan ingtan nang kevan pilo. 5 Lapusi Jisu ingsu aphutup lapen pe ke-er arje ape, pen pen ingtan vansi, Pilat halatum aphan pulo, lang non labangso amonit helo. 6 Lasi Prist akethe lapen tekala atum Alangli phan theksi, athe isi hangjosi pulo, kros athak pithi non kros athak pithi non, pulo. Pilatke halatum aphan pulo, nangtum methangle Alangli phan ponra, kros athak pithi dam non, thangbakma neke Alangli phan thangnat adaita longle. 7 Judia atumke alangli phan thaksi pulo, netum eson aban aron do, hala aron penke la apran ke-en nangji athenglo. Thangbakma la amethangsi Arnam asopo pusi chekronglo. 8 Pilat labangso alam arju longsi, la apar phere muchot cheplangsi, 9 Ako Pratorium arlo chelut dam thusi, Jisu aphan arjulo, Nangli komatma? bonta Jisuke thangnatta thakthedetlo. 10 Lasi Pilat Alangli phan pulo, Nangli ne phan thangnat-ta ne pupe ma? Nang phan kapejok phlot jita ne akhemata do, lapen kros athak pepijita ne khemata do, lapu Nangli chininema? 11 Jisu alangli phan pulo, angsong penle nang pipedet asonte. Ne hutur nang keplangji thangnat akhemata avedetji; lahelo mola nang rideng. Ne phan kahodai, abang lasi apap do-olo. 12 La apotsi Pilatke Alangli phan kapejokjisi abidi rilo; bonta Judia atum athe isi hangsi, pulo, jongsi lale pejok phlot tangte, nangli Koisar, aphan kamatha peme abang kali; la badutame amethang methangle Recho chepulote lake Koisar ahotur alamsi kepulo. 13 Lapuson alam arju longsi, Pilatke Jisu aphan ingtan vansi Hebrew alam pen la, Gabbatha pu, lason arlong kekim, pu amen adimsi,bisar anghoy athak ingni damlo. 14 La ahut kejok amei kapethik tang arni baji therok bak apor dolo. Lapen Alangli Judia atum aphan pulo, lang non, nangtum Arecho! 15 Lasi halatum angri isi hangjosi pulo, pahelo non, pahelo non, la aphan kros athak pithi non, kros athak pithinonpulo, Pilatke halatum aphan pulo, nangtum arecho kros athak pithi nangjima? Prist akethe atumke thaksi pulo, Koisar aparke akaprek netum arecho avelo. 16 Lasi Alangli phan kros kapithijisi, alangli halatum arideng Alangli phan hodai kok lo. 17 Lahelo halatumke Jisu aphan ponsi, lapen Alangli methang Kros kepi iji athengpi anghor chinghor ponsi, Hebrew alam la Golgotha kepu lason phubongkok kepu amen elong adimsi pladamlo. 18 Halabangso adimsi, halatum Alangli lapen Alangli long akaprek bang hini, atheke arvi, ar-e bang hini angbongke Jisusi Kros athak pithilo. 19 Lapen Pilat rat kapeklang alo epak toksi Kros athak pebon pilo. Haladak lapuson alam kalikhi do, NASARET AJISU, JUDIA ATUM ARECHO! 20 La rat kapeklang alo Hebrew, Greek, Latin, la son, thom alamta ketok do; lapen Jisu Kros athak kepi adim anogor, adung teboksi, Judia atumke penang la porhilo. 21 Lahelo Judia atum Prist akethe atumke Pilat aphan pulo, Judia atum arecho lapu alamke tok nangne lo; bonta Ne helo Judia atum arecho, labangso alam la kepu apot lale tok non. 22 Pilatke thaksi pulo, la tok tanglo lale pedolo nang. 23 Lasi sepahi atumke Jisu kros pithisi, Alangli pe kache um, apot beng phili chebengsi, abangphu tin, ebeng ebeng chethaklo; lapen Alangli choyta endet lo. Halabangso achoy keroy avedetsi, athak athak pen abang bithe bitha thaklo, 24 Lahelo halatumke latum hejan chepulo, la komatsi longjima ingsek sedetra la aphan khadot pathu nangho. Halatum amethang atum angbongsi, Ne kacheum ape, chethakpo, lapea Ne choy, apharman, khadot pathupo, la alam Hastro kepu apot chekokjisi lason planglo. Lahelo sepahi atumke lapuson akam klemlo. 25 Bonta Jisu kros kapithi adungsi, Alanerli pei, apei amu, Klopas, apiso Mary lapen Mogdalini Mary, arjap dun phrongsi do. 26 Lasi Jisu amethang apei, lapen la Alangli kachinghon, asangho abang hala edung karjap thek longsi, apei aphan pulo, arloso, lang non, la nang sopolo, lapen Alangli hala asangho aphanta pulo, lang non la nang peilo! 27 Lasi hala ahut pen mamat hala asangho alangli methang ahem ponsi khanglo. 28 La aphi, kadokave akam Idem petang detsi, Jisu la chinisi hastro alam the pachekokjisi pulo, Ne lang ing it-ong, pulo. 29 Halabangso adim sirika atheke hanthor alang pleng set, phumang isido; lasi halatumke sirika pen kepleng set (sponje) arpik epum, angchun krongsi, Alangli ingho phinlo. 30 Lasi Jisu sirika longsi pulo, nonke chekoklo; lapen Alangli phu tongdiksi, karjong hodailo. 31 Halabangso kapethik tang arnisi, kesang arnila abang arpum kros athak kepedode jisi (thangbakma hala kesang arnike kethe arnilo) la apot si halatum akeng peloksi, abang arpum katerek jisi Judia atumke Pilat akengri choningri damlo. 32 Lasi sepahi atum vangsi, Jisu along kros kapithi dun atum aphrang lapen batai hini aphongta hala tum akengsi peloklo. 33 Bonta Jisu adung vangsi, la ahut hala Alanglike thitanglo pu theksi Alangli phanke akeng pelokledetlo; 34 Tebonta sepahi atumke chir epak pensi, toksi, Alangli jingkep, toklo; lasi la mamat hala dak pen avi lapen alang nang chonlo. 35 Hala kethek abang alingsi ahakhi thanlo, lapen la ahakhi ahoklo; lapen la chinilo, la abangke ahok alam sipu, la ajok nangtumta bisas non. 36 Thangbakma Alangli repi ehong natta pelok ledet ji, la alam hastro kepu apot kachekok nangjisi la kadokave planglo. 37 Lapen hastro along kaprek ta pulo, halatum la ketok, hala abang langpo. 38 Labangso aphi, Arimathia, a Nokor Joseph pu amen emit Jisu asangho enut abang, la Judia atum aphan kapheresi, Alangli sangho kacheplang dun kanghu abang, hala abangsi, Jisu abang arpum keponjisi Pilat angno choningri damlo; lasi Pilat hukum pisi, Alangli Jisu abang ponlo. 39 Lapen Nikodimus la aphrang ahut, ajopi, Jisu along kedam, alangli ta nang dunsi kanempru alang pen kapangvui lin phonokep bak (Oguru) atheke hijung aphik vanlo. 40 Lapusonsi halatum, Jisu abang arpum, ponsi, Judia atum atheri kebi asonsi, hala kanem-pru amar pen pen honriha, kaphirso ape, pen perlo. 41 Lapen hala kros Alangli phan kepi adim, hala adim beri elong do; halabangso aberi bang baduta akyta badu aphanta kebibe, lason elong atheri do. 42 Halabangso arni Judia atum kapethik tang arnisi, hala theri adung hetsi, halatumke haladak si Jisu pe-idamlo.

20

1 Ansi arui kecheng aphrang arnisi adapprang ingtingkuk ahut pen Mogdaloni Meri, theri adung damsi, theri anghap arlong katerek tangsi thek damlonglo. 2 Lasi labangpi kat seraksi, Simon, Pi tor aphan lapen Jisu hala akaprek asangho atum along damsi, halatum aphan pudamlo, komane Hemphu theri pen pontang lo; lapen Alangli phan konatsi biloma? ba konat sido, ne chinine. 3 Lasi Pitor lapen akaprek asangho atum ingtan barsi, theri adung damlo. 4 Halatum bang hinita kat rap rapsi, akaprek asangho Pitor aphan aphi bitekang si, aphrangsi theri adung lelo; 5 Lapen ardiksi lang damsi ketirok honriha, kaphirso ape thek longlo; bonta arloke lut dam-dedetlo. 6 Lasi Simon Pitorke, alangli, phi phi vangsi, theri hit damlo lapen honriha, kaphirso ape apak, ketiroksi thek longlo; 7 Bonta la gamosa, Alangli phu kedo apot, halabangso agamosake hala hei hei, along ave detsi, along kaprek adim, kephung aven mamat kebi koksi dolo. 8 Lasi theri pen aphrang kevang akaprek asanghoke la ahut lutsi, lapu mamat theksi bisaslo. 9 Thangbakma Alangli kithi atum angbong pen, ako thurthu nangji, hastro labangso alam halatum la anta bujije lang. 10 Lasi hala bang hini asangho ako amethang ahemsi chedam juilo. 11 Bonta Merike theri adung arjapsi, chiru bomlo; lapen chiru chirusi, theri anat ardik langsi, Jisu abang kape-i, adim aphutang anat. 12 Enut akengtir anat, enut pe kelok kachepindeng, lason bang hini sining atekala kangai kur thek longlo. 13 Lasi halatum labangpi aphan arjulo, arloso, kopisi kachiruma? labangpi pulo, komane Ne Hemphu pondet; 14 Bonta Alangli phan konatsi bikok loma? la chinine lapu pusi, labangpi anung anat amahang chetevarsi, Jisu karjap ding kedo thek longlo; bonta Alangli helo Jisu lapuke chinine detlo. 15 La anke Jisu labangpi aphan arjulo, O osopi kopisi kachiruma? komat aphansi kerima? labangpi Alangli phan beri kehon abang bon pu mathasi pulo, hemphu Nangli si Alangli bangladak penponlote, tangte-konatsi bidam kok loma ne thantha, ne haladak pen Alangli phan chepon po. 16 Jisu labangpi aphan pulo, Meri, Lasi labangpi amahang chetevarsi, Hebrew alampen pulo, Rabboni, (la atheke hemphu). 17 Jisu labangpi aphan pulo, nangli Ne phan otri; thangbakma Ne Po along non anta Ne arlule lang. I Bonta nangli Ne mumar atum adung damra, la Ne Po, lapen nangtumta nang Po lapen Ne Arnam, lapen nangtumta nang Arnam lo, Ne Alangli dung, arlu dampo, lapule halatum aphan than damnon. 18 Lasi Mogdaloni Meri, damsi, asangho atum aphan labangso abirta pidamlo, la Ne Hemphu thek longlo, lapen Alangli il, labangso alam ne kepulo. 19 Lasi halabangso arni, atheke arui kecheng aphrang arni, arni kangsam apor, la asangho atum Judia atum aphan kapheresi kedo adim inghap chingkir hetlo, la ahut Jisu vangsi, angbong arjapsi, halatum aphan pulo, nangtum mesen non pulo. 20 Lapu pusi Alangli halatum aphan amethang ari hongni lapen ajingkep chepeklanglo. Lasi asangho atumke hemphu theksi auing aronglo. 21 Lahelo Jisu ako pulo, nangtum mesen non; Ne Po le No phan ketoy ason thotsi Ne ta nangtum aphan nang toypo. 22 Labangso alam pusi, Alangli halatum aphuthak achethe vangphunsi pulo, Karjong kangthir deng non. 23 Nangtumle badu apapta khemalote, halatum apap khema longji; lapen badu aphanta khema me detlote, hala apapke khema longle detpo. 24 Jisu kevang ahut, bangkre hini angbong Thomas la Didumus pu abang alanglike halatum along ave det. 25 Lapusi akaprek asangho atumke alangli phan pulo, netum Hemphu thek longlo. Bonta alangli halatum aphan pulo, Alangli ri kojar angpram thek longlete, lapen kojar hala angpram ne chimun pen chut longlete. lapen Alangli jingkep amek neri pen chut longlete neke jonghe seta bisas thekthe. 26 Ansi ni nerkep aphi, Alangli sangho Thomas pen pen hem arlo inghap thip kedo unsi, Jisu vangsi angbong arjapsi pulo, nangtum mesen non. 27 La ahut Alangli Thomas aphan pulo,. ladak nang chimun pen chutra Ne ri langnon; lapen nang ri chipur-ra, Ne jingkep chiphunon; lapen abisas longle cheplang-plera abisas kelong asonthot plangnon. 28 Thomas thaksi Alangli phan pulo, O ne Hemphu, O ne Arnam! 29 Jisu alangli phan pulo, Ne phan kethek. iongsi nang kabisaslo. La badu tame thekthe detle kabisas abang, hala abangsi akeme. 30 La aparta, labangso akitap ketokte atum, Jisuke lason ajat ajat mat ha abidi jut det ason, asangho atum angno peklanglo; 31 Bonta Jisu la Arnam Asopo Khristo lapu nangtum ka-pa-bisas-ji lapen bisasra Alangli men pen ajok kereng longji, la aphansi la hei hei alam ketoklo.

21

1 Labangso aphi Tibiria ahagor akung, Jisu ako asangho atum aphan che klang damlo; lapen la Alangli lapusi cheklanglo. 2 Simon Pitor, lapen la Didumus pu abang, hala Thomas lapen Galili Kanna anogor, kedo Nathaniel, lapen Sebidi asomar bang hini, lapen akaprek atum bang hini asangho, halatum kadokave elong petsi dolo. 3 Lasi Simon Pitor halatum aphan pulo, ne ok, ridamji, lasi halatumta pulo, tangte netumta nanglong dunji; lapu pusi, halatum thursi telong arlu damlo; bonta hala ajoke thang natta long ledetlo. 4 Ansi adapprang ahut, Jisu kora akung arjap thersi dolo; bonta la Alangli helo Jisu lapuke hala asangho atum ke chini nedetlo. 5 Lasi Jisu halatum aphan arjulo, Opo marli, nangtum along kopine kechoji amar dojima? halatumke Alangli phanthaksi pulo, ave. 6 La ahut Alangli halatum aphan pulo, telong ar-e anatle ok ape vamon, la ansi longji, Lasi halatum ok ape, varsi, akeongpi aok, chedansi, ardik ulo, la hala pen kevung ponjita un-edetlo. 7 Lasi Jisu kachinghon asangho, Pi tor aphan pulo, Lahelo Alangli Hemphulo. Alangli helo Hemphu pu Simon Pitor arjusi, areng angse apot abang choy ching choysi, Hagor athak chiti khramlo. 8 Bonta, akaprek asangho atumke ok pen pen ok ape, vung bom vung bomsi telongso pensi, vanglo; thangbakma halatum kora pen, ingrup pharo hint bak sose chot, akahelo do. 9 Ansi halatum kora arlu kraksi, la me akri athak, lapen la ok, lapen him aplang thek longlo. 10 Jisu halatum aphan pulo, non la kenep long aok, atum hala penta, van nen. 11 Lasi Simon, Pitor, telong arlusi, pharo isi ra phono kepra kethom, ok akethe pimar kepleng set pi, ok ape vungsi, kora athak runglo; la an aok kedanta ok, apeke rak redet lo. 12 Jisu halatum aphan pulo, vang non ho; nang cho non. La Alangli la Hemphu pu chinisi, Nangli komat ma? pu asangho atumapakta arju, hai vangve detlo. 13 Ansi Jisu vangsi, him, lapen okta, ensi, halatum aphan pilo. 14 Kithi atum angbong pen kethur tangdet aphisi, Jisu asangho atum along batai kethom aphong kacheklang dam. 15 Halatum cho tangdetsi, Jisu Simon Pitor aphan pulo, O Johan asopo. Simon nangli la hei hei aparte Ne phansi, apar inghon loma? Pitor Alangli phan pulo, chenam Hemphu Nangli phansi inghon, la Nangli chinilo. Jisu alangli phan pulo, Ne meresak aso atum vi non. 16 Ako batai hini aphong Alangli arjulo, Johan asopo Simon, nangli Ne phan inghon loma? Pitor Alangli phan pulo, chenam Hemphu Nangli phan inghonlo, la Nangli chinilo, Jisu alangli phan pulo, Ne meresak, atum lana non. 17 Ansi batai kethom aphong Alangli arjulo, Johan asopo, Simon, nangli Ne phan inghon loma? lapu karjusi, Pitor ke aning oisi, pulo, O Hemphu Nangli kadokaveta chinilo, neli la Nangli phan kanghon, lake Nangli si chinilo. 18 Ne nang phan athik pet nang pulang, nangli riso akoke nang ning kehang aling nang vam chekoksi, nang ning kehang alingsi, dam longlo; bonta mo sarulote, anke nangrike chingpu non, lapen bangsi, nangvam, koksi nang kedam aning hanghedet adimsi, hala daksi, nangphan nang ponpo. 19 Alangli kolopuson akithiji, Arnam kapithik loma la kapa chiniji aphansi, Alangli lason alam kepulo, lapu pusi Jisu alangli phan pulo, Ne phi Ne phi le vang non. 20 La anke Pitor amahang chetevarsi, mola ajo bhuj kecho ahut le, Jisu aning kacherchungra, O hemphu Nangli phan komatsi hotur arideng nang kahodai jima? labangso alamle karju, Jisu kachinghon asangho hala aphi aphi, nang kedun theklonglo. 21 Lasi Pitor alangli phan theksi, Jisu aphan arjulo, hemphu alangli-ke kopi plang poma? 22 Lasi Jisu pulo, Ne nang chele letikke alangli la kedoji, la jongsi aning kehang dolote, la nang kopi kepu akam doma? nangli Ne phi phile vangnon. 23 Lasi hala abangke thithelo, labangso alam korte atum angbong chethang petlo; bonta thithedetji, puke Jisu alangli phan pupedet; bonta Ne nang chele letik ke alangli kedoji, la jongsi aning kehang dolote, la nang kopisi kepu akam doma muthe lapusi puchotlo. 24 Badutame la hei hei lamjir atum ahakhi pilo te lapen la kadokave ketok an, lahelo la asangho lo; lapen Ne chinilo, la la ahakhi ahok lo. 25 La aparta, Jisu lapen ajat ajat, akam klem lang. Hala kadokave eson eson anle tokkoy lote, la an akitap keongji, matha non, la anke pirthe ta jangje.