Mizo 1st John JOHANA LEHKHA THAWN PAKHATNA Chapter One 1 Nunna Thu, atir ata awm kha, kan bengin kan hriat kha, kan mitin kan hmuh kha, kan en reng a, kan kuta kan dap kha, chu mi chanchin chu; 2 (chu mi Nunna chu lo lang ta a, kan lo hmu a, kan hriattir bawk a, chu chatuan Nunna, Pa hnena awm kan hnenah lo lang chu kan hrilh che u a nih hi;) 3 chu mi kan hmuh leh kan kan hriata chu in hnenah kan hrilh ve che u a nih hi, nangni pawh in min pawl ve the ih nan; keini pawhin min pawlna chu Pa leh a Fapa Isua Krista pawlna ani tawh reng si a. 4 Tichuan, kan lawm a famkim theih nan heng thute hi kan ziak a nih hi. Pathian chu eng a ni 5 Tin, thuchah a hnen ata kan hriata in hnena kan hrilh chhawn tur che u chu hei hi a ni: Pathian chu eng a ni a, amahah chuan thim reng reng a awm lo. 6 Thima awm siin, "Amah ka pawl", kan tih chuan dawt kan sawi a ni, thu tak pawh chu kan zawm lo; 7 amaherawhchu amah chu engah a awm angin keini pawh e nga awm kan nih chuan, kan inpawl tlang a, tin, a Fapa Isua thisenin kan sual zawng zawng min thlenfaisak thin a ni. 8 "Sual ka nei lo", kan tih chuan mahni leh mahni kan inbum a, thutak chu keimahniah a awm lo a ni. 9 Kan sualte thupha kan chawi chuan, kan sualte ngai dam tur leh kan fel lohna zawng zawng tlengfai turin, amah chu a rinawmin a fel a ni. 10 "Thil ka tisual lo", kan tih chuan amah chu dawtheiah kan siam a, a th u pawh kaimahniah a awm lo a ni. Chapter Two Krista min tanpuitu 1 Kan naute u, thil in tihsual loh nan heng thu hi in hnenah ka ziak a nih hi. Tin, tupawhin thil a tihsual chuan Pa hnena mi sawipuitu, Isua Krista mi fel chu kan nei e; 2 ani chu kan sualte thupha chawina a ni; keimahni sual chauh ni lovin, khawvel zawng zawng sual thupha chawina pawh a ni. 3 Tin, a thupekte pawm kan nih chuanin chu miah chuan amah kan hria tih kan inhria e. 4 A thupekte pawm si lovin, "Amah ka hria", titu chu mi dawthei ani, thutak amahah a awm lo. 5 Tupawh a thu pawm erawh chu amahah chuan Pathian a hmangaihna a famkim tak zet tawh a ni. Amahah kan awm tih he miah hian kan inhria a ni. 6 "Amahah ka awm reng thin", titu chu ama awm ang bawk khan a awm ve tur a ni. Thupek thar 7 Duh takte u, thupek thar zawng in hnenah ka han ziak lo va; thupek ani. Chu thupek hlui chu in thu hriat tawh hnu kha a ni. 8 Nimahsela, thu pek thar ziak ka ni bawk ang chu, (chu chu amahah leh nangmahniah a lang a ni,) thim chu a bo mek avang leh eng tak tak chu tunah a lo en tak avang hian. 9 Mah ni unau haw si a, "Engah ka awm", titu chu tun thleng pawhin thimah a la awm reng a ni. 10 Mahni unau hmangaihtu chu engah chuan a awm reng a, amahah chuan tlu kna reng awm lo. 11 Mahni unau hawtu erawh chu thimah a awm a, thimah a vak bawk a ni; thimin a mit a tihdel tawh avangin a kalna pawh a hre thin lo. 12 Naute u, ama hming avanga in sualte ngaihdam a nih tak avangin in hne nah ka ziak a nih hi. 13 Pate u, amah, atir ata awm renga chu in hriat avangin in hnenah ka ziak a nih hi. Rawltharte u, mi sual chu in ngam tak avangin in hnenah ka ziak a nih hi. Naute u, Pa chu in hriat avangin in hnenah ka ziak a nih kha. 14 Pate u, amah, atir ata awm renga chu in hriat avangin in hnenah ka ziak a nih kha. Rawlt harte u, in chak a, Pathian thu nangmahniah a awm reng a, mi sual chu in ngam ta k avangin in hnenah ka ziak a nih kha. 15 Khawvel hi hmangaih suh ula, khawvela thil awmte pawh hi hmangaih hek suh u. Mi tupawhin khawvel hi a hmangaih chuan Pa a hmangaihna amahah a awm lo. 16 Khawvela thil awm zawng zawng, tisa chakna te, mit chakna te, dam chhung rop uina lem te hi Paa chuak a ni lo va, khawvela chhuak a ni zawk si a. 17 Khawvel hi a chaknate chawpin a boral mek a ni, Pathian duhzawng titu erawh chu kumkhuai na awm reng ang. Krista dodaltu 18 Naute u, hun hnuhnung ber chu a ni ta e, Krista dodaltu a lo kal ang tih in hriat ang khan, tunah pawh Krista dodaltu tam tak an lo chhuak ta; chuvang chuan hun hnuhnung ber a ni ta tih kan hria e. 19 Anni chu kan zing atangin an chhuak a, nimahsela keimahni mi tak an ni lo; keimahni mi tak ni sela kan hnenah an awm ve zel ture a ni si a; nimahsela an zain keimahni mi tak an ni lo vek tih a lan fiah theih nan min chhuaksan ta a ni. 20 Mi Thianghlim hnen ata hriak thihna in dawng a, chu chu in zain in hria e. 21 Thutak chu in hriat loh avangin ka ziak a ni lo, in hriat avang leh Thu takah dawt engmah a chhuah ngai lo avangin ka ziak zawk ani. 22 Isua chu Krista ani tih awih lotu aliama dawthei tunge awm? Krista dodaltu chu Pa leh Fapa awih lo tu hi an ni. 23 Tupawh Fapa awih lo chuan Pa pawh a awih chuang lo; Fapa awih tu erawh chuan Pa pawh pawm a ni. 24 Nangni zawngin atir ata in hriata kha nangmahniah awmtir rengrawh u. Chu mi atir ata in hriata chu nangmahnia a awm reng chuan, nangni pawh Fapaah leh Paah chuan in awm reng ang. 25 Tin, hei hi a ni amah ngeiin thil min tiama kha - chatuanna nunna hi. 26 Chung nangmahni hruai bo tumtute thu chu in hnenah ka ziak a ni. 27 Na ngni zawng ama hnen ata hriak thihna in hmuh kha nangmahniah a awm reng a, tuma zirtir in ngai lo ve; ama hriak thihna chuan thil zawng zawng thu a zirtir zawk che u avang leh dik tak a ni a, dawt pawh a nih loh avangin, chu mi chuan a zirt ir che u ang khan amahah awm reng rawh u. 28 Chutichuan, naute u, amahah awm reng rawh u; tichuan amah chu lo inla r mah sela, a lo kalin a hmaah zak lovin huai takin kan awm thei ang. 29 Amah chu mi fel a ni tih in hriat chuan, mi tupawh felna ti chu ama hrin a ni tih in hria e. Chapter Three Pathian fate 1 Ngai teh u, Pain min hmangaihna chu a va nasa em! "Pathian faahte" min vuah tak hi; chutiang chu kan ni reng e. He mi avang hian khawvelin min hre lo a ni, amah chu an hriat loh avangin. 2 Duh takte u, tunah hian Pathian fate kan ni a, engtin nge kan la awm dawn tih erawh chu a la lang rih lo ve; amah a lo inlar chuan amah angin kan awm dawn tih zawng kan hria, amah chu a awm pangngai ang takin kan hmu dawn si a. 3 Tupawh ama chunga chu mi beiseina chu nei apiangin, amah a thianghlim angin a intih thianghlim thin. 4 Tupawh thil tisual apiangin dan pawh a bawhchhe thin; sual hi dan bawh chhiatna a ni si a. 5 Amah chu sualte lo bo turin a lo lang tawh tih in hria e; a mahah chuan sual engmah a awm si lo va. 6 Tupawh amaha awm reng chuan thil a tis ual lo; tupawh thil tisual chuan amah chu a hmu lo va, hriat pawh a hre heh lo. 7 Naute u, tuma bumin awm suh u; felna titu chu a fel a ni, amah a fel ang bawk in. 8 Thil tisualtu chu diabolaa chhuak a ni; diabola hnathawhte a tihboral theih nan a ni. 9 Tupawh Pathian hrin chuan Pathian chi amahah a awm reng avangin thil a tisual thin lo; Pathian hrin a nih avangin thil a tisual thei heh lo. 10 He miah hian Pathian fate leh diabola fate a hriat a ni; tupawh felna ti lo chu Pat hiana chhuak a ni lo, a unua hmangaih lo va pawh chu Pathiana chhuak a ni hek lo. Inhmangaih tawnna 11 Hei hi atir ata thuchah in hriat kha a ni si a, kan inhmangaih tawn theuh tur ani, tih hi; 12 Kaina mi sual laka mi, mahni unau thattu ang khan awm lovin. Eng vangin nge a thah tak le? Ama thiltihte a sual a, a unau thiltihte a fel avang in. 13 Unaute u, khawvelin an huat chu chuan mak ti suh u. 14 Unaute kan hmangaih avangin thihna ata kan chhuak a, nunnaah khan lut tawh tih kan hria e. Tupawh hmangaihna nei lo apiang thihnaah a la awm reng a ni. 15 Tupawh a unau hua chu tualthat a ni: tualthattu tumah chatuana nunna pai reng reng an awm lo tih in hre si a. 16 He miah hian hmangaihna engnge a nih kan hria, amah chuan kan tan a nunna apek tak avangin; keini pawhin unaute tan kan unna kan pe ve tur a ni. 17 Nimahsela, tupawhin khawvel sum neiin a unau tlachhamin hmu sela, ani chu lainat si suh sela, Pathian hmangaihna chu amahah engtin nge a awm ang? 18 Naute u, thu chuahvin I hmangaih suh ang u khai, lei chauhvin I hmangaih lek suh ang u, thliltih leh tih tak zetin ni zawk rawh se. Pathian hmaa huaina 19,20 Chu miah chuan thutaka mi kan ni tih kan inhria ang a, kan rilruin thiam loh min chantirna kawngah chuan, ama mithmuh ngeiah kan rilru kan thlem dai bawk ang; Pathian chu kan rilru aiin a ropui zawk a, engkim a hre si a. 21 Duh takte u, kan rilruin thiam loh min chantir loh chuan Pathian lamah kan huai a ni; 22 tichuan a thupekte kan zawm a, a mithmuha thil lawmawm kan tih thin avangin, kan dil apiang a hnen ata kan hmu zel thin a ni. 23 Tin, a thupek chu hei hi a ni, Fapa Isua Krista hming ring ila, aman thu min pek angin inhmangaih tawn bawk ila. 24 A thupekte zawm chu amahah a awm reng a, amah pawh chu amahah a awm reng baw k a ni. Tin, he miah hian amah chu keimahniah a awm reng tih kan hria. Thlarua m in pekah hian. Chapter Four Pathian thlarua leh Krista dotu thlarua 1 Duh takte u, thlarua nazawng ring suh u, amaherawhchu thlaruate chu Pathian lak a mi an ni nge ni lo fiah rawh u; thu hriltu der tam tak khawvelah an lo chhuah tak avangin. 2 He miah hian Pathian Thlarua chu in hria ang; thlarua engpawh Isu a Krista tisaah a lo chang tih tan chu Pathian laka ni a ni; 3 thlarua engpawh I sua tan lo chu Pathian laka mi ani lo ve; chu chu Krista kha a ni e; tunah pawh khawvelah a awm tawh eng a ni. 4 Naute u, Pathian hnen ata in ni a, chung chu in ngam tawh e; nangmahni a awma chu khawvela awma ai chuan a ropui zawk avangin. 5 Anni chu khawvel mi an ni a; chuvangin, khawvelin mi ang in tawng a, khawvelin an thu an ngaithla thin a ni. 6 Keini Pathian laka mi kan ni a, Pathian hretu chuan kan thu a ngaithla thin a; Pathian laka mi lo chuan kan thu a ngaithla thin lo. Chungah chuan th larua dik tak leh thlarua dik lo kan hria a ni. Pathian chu hmangaihna ani 7 Duh takte u, I inhmangaih tawn theuh ang u; hmangaihna hi Pathian laka chhuak a ni si a; mi tin hmangaihna nei apiang Pathian hrin an ni tawh a, Pathian an hre bawk a. 8 Hmangaihna nei lo chuan Pathian a hre lo; Pathian chu hmangaihna a ni si a. 9 He miah hian Pathian hmangaihna kan chungah a lo lang ta, amah avanga kan nun theihna turin Pathianin a Fapa neih chhun kawvela aran tirhah hian. 10 He miah hian hmangaihna a awm, keimahnin Pathian kan hmangaihna kan ti a ni lo va , amahin min hmangaih a, kan sualte thupha chawina ni turin a Fapa a rawn tir ka ti a ni zawk e. 11 Duh takte u, Pathianin chuti kauva min hmangaih chuan keini pawh kan inhmangaih tawn theuh tur ani. 12 Tuman eng lai mahin Pathian an hmu ngai lo. Kan inhmangaih tawn chuan Pathian keimahniah a awm reng ang a, a hmangaih na pawh keimahniah a fimkim bawk ang. 13 Amaha kan awm reng leh amah chu keimahn iah a awm reng tih he miah hian kan hria, a thlarua min pek tawh avang hian. 14 Tin, Pain Fapa chu khawvel Chhandamtua awm turin a rawn tir tih kan hmu tawh a, kan hriattir a ni. 15 Tupawh, "Isua Pathian Fapa a ni", tia tan apiang chu, amahah chuan Pathian a awm reng a, ani pawh chu Pathianah a awm reng bawk ani. 16 Pathianin keimahnia hmangaihna a neih chu kan hria a, kan ring bawk a ni. Pathian chu hmangaihna ni; hmangaihnaa awm reng chu Pathianah a awm reng a, Pathian pawh amahah a awm reng bawk. 17 He miah hian kan chungah hmangaihna a fa mkim tawh, rorel nia hlau lova kan awm theihah hianin; ama awm anga khawvelah hian kan awm avangin. 18 Hmangaihnaah chuan hlauhna reng a awm lo; hmangaihna fam kimin hlauhna a hnawt chhuak zawk thin a ni, hlauhnaah chuan hremna a awm si a; a hlautu chu hmangaihnaah a la famkim lo ani. 19 Amahin min hmangaih hmasak avan gin kan hmangaih a ni. 20 Miin, "Pathian ka hmangaih e", tiin a unau haw si sela, amah chu daw thei a ni; a unau a hmuh tawh renga mah a hmangaih loh chuan, Pathian a hmuh nga i lohva chu engtin nge a hmangaih theih ang? 21 Ama "Tupawhin Pathian a hmangaih chuan a unau pawh a hmangaih bawk tur a ni", tih hi. Chapter Five Rinna hi khawvel hnehna 1 Tupawh Isua hi Krista a ni tih ring chu Pathian hrin a ni; tupawh a hringtu hm angaih chuan a hrina pawh a hmangaih thin. 2 He miah hian Pathian fate kan hmang aih tih kan hria, Pathian kan hmangaih a, a thupekte kan zawm hian. 3 Pathian kan hmangaih chu hei hi ani, a thupekte kan zawm hi; a thupekte chu a khirh si lo va. 4 Pathian hrin tawh phawt chuan khawvel a ngam zel si a; hei hi a ni, khawvel hneha ngamna chu, kan rinna hi. 5 Isua hi Pathian Fapa a ni tih ringtu chauh lo chuan tuin nge khawvel ngam thin le? Fapa chungchang thuhretu 6 He mi hi ani, tui leh thisena lo kala chu, Isua Krista hi; tui chauhvah ni lov in, tuiah leh thisenah a ni zawk e. 7 Hriattirtu chu Thlarua hi a ni, Thlarua chu thutak a nih avangin. 8 Hriattirtu chu pathum a awm, Thlarua leh tui leh this ente chu; chung pathum chu an inthurual an ni. 9 Mihring hriattirna mah kan pawm chuan Pathian hriattirna chu a ropui zawk si a; Pathian hriattirna chu hei hi a ni, "Ka Fapa chanchin ka hriattir tawh", tih hi a ni si a. 10 Pathian Fapa ring tu chuan mahniah hriatna a nei a ni, Pathian ring lotu chuan amah chu dawtheiah a siam a ni, Pathianin a Fapa chanchin a hriattir a rin loh avangin. 11 Hriattir na chu hei hi a ni, Pathianin chatuana nunna min pe a, chu mi nunna chu a Fapaah a awm a ni. 12 Fapa chu neitu chuan nunna chu a nei Pathian Fapa nei lotu chuan nunna chu a nei lo. Chatuana Nunna neih hriatna 13 Chutuana nunna in nei tih in inhriat theih nan nangni Pathian Fapa hming ring tute hnenah heng thu hi ka ziak a ni. 14 Hei hi ama chungah kan huaina chu ani, engpawh a duhzawng anga kan dil chuan anin ngaihthlaksak thin hi; 15 tichuan eng pawh, a hnena kan thil dila chu kan hmu tawh tih kan hria a ni. 16 Tupawhin a unau thihna khawp ni lo sual tiin hmu sela, a dilsak ang a, tichuan Pathianin adiltu hnenah chuan, thihna khawp ni lo sual titute tan chuan, thihn a khawp ni lo sual titute tan chuan nunna a pe ang. Thihna khawp sual a awm a; chutiang lamah chuan a dilsak tur ka ti a ni lo ve. 17 Fel lohna zawng zawng hi sual a ni; thihna khawp ni lo sual pawh a awm bawk a ni. 18 Tupawh Pathian hrin chuan thil a tisual lo tih kan hria e; Pathian Hrina khan amah chu a hmu reng a; mi sual chuan tawh pawh a tawk thei lo reng a ni. 19 Tin , Pathian laka mi kan nih leh khawvel pumhlum hi mi sual thu thuin a awm thih kan hria e. 20 Tin, Pathian Fapa chu a lo kal a, Mi diktakah chuan kan awm a ni. Ani chu Pathian dik tak a ni a, chatuana nunna pawh ani. 21 Naute u, milem lakah inthiarfihlim raw u.
