Mizo 3rd John

JOHANA LEHKHA THAWN PATHUMNA

Chibai bukna

1 Upa chuan, Duh tak Gaia, tih tak zeta ka hmangaiha hnenah chuan; 2 Duh tak,
I thlarua chuan malsawmna a hmuh angin, engkimah malsawmna i hmuh leh i dam
theih nan ka tawngtai thin a ni. 3 Unaute lo kalin i takzia (thutaka i awm
thinzia chu) min rawn hriattir lai khan ka lawm em em si a. 4 Ka fate
thutakah an awm tih ka hriat aliama lawmna nasa zawk reng ka nei lo ve.

Tan tlanna leh inkalhna

5 Duh tak, unaute, mikhual ni mahsela, an chunga i tih apiangah rinawm takin i
ti thin a; 6 Chung mite chuan kohhranho hmaah i hmangiah na an hriattir tawh;
ann i chu an zinnaah chuan Pathian mi ni awm renga i puihbawm chuan a tha ang;
7 Hming avang hian Jentailte hnen ata engmah la lovin a lo thawk chhuak a ni.
8 Chuti chuan, thutak thawhpuitute kan nih theih nan chutiang mi chu keinin
kan lawm tur a ni. 9 Kohhranho hnenah khan thu tlem chu ziak tawh; nimahsela
Diotrepha, an zinga chungnun duh thin khan min lawn si lo. 10 Chuvangin, ka lo
kal chuanin a thiltihte ka hriat chhuahtir leh ang, kan chungah thu sual
sawiin a kamtamzia hi; chu pawh chu tawk a ti lo va, amah ngeiin unaute a lawm
lo va, a lawm duhte pawh a khap a, kohhranho zing ata a hnawt chhuak thin.
11 Duh tak, sual chu zir suh la, tha chu zir zawk ang che. Thil tha titu chu
Pathian laka mi ani; thil sual titu chuan Pathian a hmu ngai lo. 12 Demetria
chuan mi zawng zawng fak a hlawh a, thutaka fak ngei a hlawh bawk a; a ni,
keini pawhin kan faka ni; kan fakna hi a dik a ni tih i hria e.

Inthlahna Chibai

13 I hnenah thu tam tak ziak tur ka nei a, nimahsela lehkhatui leh
lehkhaziaknai ni hnena ziak ka duh lo va; 14 rei lo te chinah hmuh che ka
beisei zawk a, tichuan inhmatawnin kan inbia ang. 15 Thlamuanna i chungah
awm rawh se. Kan thianten chibai an buk a che. Anhming lam theuhvin thiante
chu chibai mi buksak ang che.