John No Koru Oko Kazhi

/1

Kahri chüpe

1 Thuacharei no chüpe sü bue, ea chüpe sü Oramei yi akua bue, ea chüpe sü Oramei süe. 2 Pfo sü acharei no Oramei yi akua bue; 3 choholi thopfü sü pfo vano praloe, ea prakolo ticho sü pfo vano mo prakolo kaliko hoe. 4 Pfo va sü kahri bue, ea kahri sü omei kava süe. 5 Kava no kozü le shumava piwe, ea kozü no südzü no kolo motie. 6 Omei kali Oramei heno mole vue, pfo zhu sü John tie. 7 Omei thopfü yi peno pfo vano lochichu lo koru duno kava na shakhi sü sole tto pfo no shakhi sovue. 8 Pfo woli kava nasü moe, ana kava na vasüno shakhi sole tto vue. 9 Omei thopfü yi somava kapi kava kochu sü ojiphe vue. 10 Pfo no ojiphe butie, ea pfo vano ojiphe sü sopie, ana ojiphemei no pfo yi sü sülo motie. 11 Pfo no ala chihe vue, ana pfo aliamei no pfo yi pfopi botie. 12 Ana pfo zhu leno lochichu lowo pfo yi pfo kolo mei thopfü hesü pfo no Oramei namei solo koru kokhro koko sü piwotie. 13 Pfole sü oso-zhe mo-e omei modo no moe, ana Oramei modo leno monoloe. 14 Chüpe sü oso mazhilowo zhoamazhe ea achichu no phrottiate pfo ikhrumei hrule no sawo hrüpie, ea Opfo Napfoto pfolio kokhro kava sü ino mozhuwo bue. 15 John no pfo vano hibvüo pe, "Ai no kape sü hinahie, 'a thepo no kovuo sü a dzüno jie, adei teli pfo sü adzü no bue'" 16 Ea pfo zhi alichu kocho le no ikhrumei no zho amazhe pile no zhoamazhe sü nelotie. 17 Adei teli ozhe nasü Moses vano pie, ana zhoamazhe ea achichu süoli Jisu Khrista vano movupie. 18 Omei kali kona Oramei yi ne khrei timo nhie. Opfo kakhe va kobu Napfoto pfolio koli vano pfo yi sü mosüpie.

John Baptist no kape ko

19 Jihudimei no Jerusalem leno chinasokapimei ea Levi mei kameiko yi John he molevu pfo heno anoe, "Ni athe?" 20 Pfo no makhrimo modu no pe, "Ai Khrista sümoe." 21 Pfole no pfo he anoe, "Süli ni athe? Ni Elijah süwo?" Pfo no pe, "Ai moe." "Süli ni rachupemei wo?" Ea pfo no pe, "Omoe." 22 Suthesü pfole no pfo he pe, "Ni athe? Iyi mole kovumei yi duno ochü kola kali pfolo moli shie. Ni ala ni yi duno adei tiwe?" 23 Pfo no pe, "Isaiah rachü kapeo no kape sübvuo, "Lipeo liji somozülo tto oru leno shawo kalei shipei na sü ai koe." 24 Pharisee mei heno mole kovumei no, 25 pfo he anoe, "Ni Khrista-a, Elijah-e, mo-e rachupemei-e motili adei sowo ni baptize sopiwe?" 26 John no pfole he ochü kola pie, "Ai no baptize sopiwe; ana nile no sukomo nile hrule alawo kobu, 27 athe pono vukoruo, lona phirürei kotu ai no phreipra kocho okha moe." 28 Hikhru hi John no baptize sopiwo kobu Jordan kori chiprapo do Bethany leno prae. Oramei kolatu 29 Theni sü Jisu no pfo hepo kokowo sü ne, ea pe, "Koleio, ojiphemei kama pfüwo takowo Oramei kolatu sü!" 30 Ai no pfo vano kape sü hina hie, 'Athe pono kovuo sü adzüno jie, adei teli pfo sü adzü no bue.' 31 Ai-e pfo yi sü sümoe; ana pfo yi sü Israel namei he mosü pilo koru duno tto ai no odzü no baptize sopiwe." 32 Ea John no hibvüo shakhi sowe, "Raku no makhre bvüo rache no kro pfo piva te kolo ai no ne. 33 Ai vuzü-e pfo yi sümoe; ana baptize sopio tto mole kapi lona no ahe pe, 'Raku no kro bulowo ni no kane lona süno Raku Mothu no baptize sopile.' 34 Ea ai no pfo yi sü newotie ea Oramei Napfoto-o sü hihie tto shakhi sowe."

Jisu theta karei mei

35 Theni se John no pfo thetamei kahei yi sawo alawo kocho chisü, 36 Jisu no taleiwo koko sü pfo no koleiwo pe, "Oramei kolatuto sü lona!" 37 Pfo no kape sü thetamei kahei no choe, ea pfohei no Jisu the phrütatie. 38 Jisu no arithu khi-e, pfohei no pfo ti d phrüko kowo sü nelowo pfohei he pe, "Nile no adei phowe?" Ea pfohei no pfo he pe, "Rabbi, (Süsuoli modokapio), ni adeichi buwe?" 39 Pfo no pfohei he pe, "Tavu koleio." Pfohei no tavu pfo no kobu sü.nelotie; ea pfohei no lizho sü pfo yi akua achetie, adei teli süpha chisü chikrodzü baji padei phako kotie. 40 John no kape cholowo pfo the phrüta kotu kahei hrule sü kali no Simon Peter pinou Andrew koe. 41 Pfo no pfo pinou Simon yi kadelo reie, ea pfo he pe, "Ino Messiah (Süoli Khrista tiwe) yi sü kade lotie." 42 Pfo no lona yi Jisu he sawo vupie. Jisu no pfo yi sü koleilowo pe, "Ni John napfoto-o Simon koe. Ni yi no Cephas (Süoli-Peter tikocho sü 'Oture' kali) tto sawole."

Jisu no Philip ea Nathanael yi kuloe

43 Theni sü Jisu no Galilee le tale tto mocho lotie. Pfo no Philip yi kade lowo pfo he pe, "A the phrülo." 44 Philip sü Andrew ea Peter inu Bethsaida lemei koe. 45 Philip no Nathanael yi kade lowo pfo he pe, "Moses no ozhe lekhi ea rachüpemei no rükhei pikowo omei na sü ino nelotie. Lona süoli Joseph napfoto Nazereth le Jisu koe." 46 Nathanael no pe, "Nazereth leno choho kazhi pralo suwo? Philip no pfo he pe, 'Tavu koleio.' 47 Nathanael no pfo he tako kowo chi Jisu no pfo yi nelowo pfo vano pe, "Koleio, Israel mei kochuchu sü, pfo he kama kalia hoe!" 48 Nathanael no pfo he pe, "Ni kohibvüo ayi suloe?" Jisu no pfo he ochü kola pe, "Philip no ni yi kulo komo dzü nino chidobu phi kobu chino, ai ni yi ne." 49 Nathanael no pfo he pe, "Rabbi, Ni Oramei Napfoto-o süe! Ni Israel mei movuo süe!" 50 Jisu no pfo he pe, "Ai no ni yi chidobu phi no neloe tto kape vano ni lochichulo wo? Ni hidzüno choho kaji nepu lenhie!" 51 Ea pfo no pfo he pe, "Kochuchuso ai no nile he pewe, nile no rache sü hrokhei towo, rachevomei no Omei Napfoto-o vano takro takhruwo kocho nele." /2

Cana leno nathu kocho

1 Chithu kosü kochu nisü Galilee le Cana inu leno nathu kocho kali kade, ea Jisu pfü-e lole sü bue, 2 ea Jisu yi-e pfo thetamei nopu kuwo vuloe. 3 Drakha zhe khralo hroli-e Jisu pfü no pfo he pe, "Pfole drakha zhe hotie." 4 Ea Jisu no lopei he pe, "Nitopei, ni ayi peno adei moso leto noe? A chilu sü vutu monhie." 5 Pfo pfü no chileimei he pe, "Pfo no kape thopfü sü solo." 6 Jihudimei zhe mothu koso duno tto Galon makei mo-e shia kolo otu liki choro lohe sü bue. 7 Jisu no pfole he pe, "Liki khru ti odzü lotho phrolo." Ea pfole no liki khru sü kongu he khru kotu lotho phropie. 8 Pfo no pfole he pe, "Ichuo kotuko lolowo, kaveile mochokapio he pfoko pio." Süduno pfole no pfoko pie. 9 Kaveile mochokapio no odzü sü mochu khie drakha zhe kotie, ea hihi adei chino vue ticho sümoe (Odzü lokotho mei süno süwo bu-e) ea kaveile mochokapio ho nathu kocho-o sü kusawo kolowo, 10 pfo he pe, "Omei thopfü no drakha zhe kazhi no kheipi reiwo-a omeikhru no shofü telo tili zhilo komo no kheipi we, ana niwoli icho kotua kazhi süno kheipiwo butie." 11 Jisu no Galilee le Cana inu leno amashi karei na hi sopie, ea pfo kokhro kava hi manepie, sütoko pfo thetamei no pfo yi lochichulotie. 12 Hithehi pfo no pfo pfü, pfo pinoumei ea pfo thetamei yi sawo Capernaum le krota tie, ea chithu kodzüko lole achetie.

Jisu no rakothochi le tae

13 Jihudimei kolu kolo nih sü kanhi tie, süduno Jisu no Jerusalem le khru tatie. 14 Rakothochi leno otu phodu, kolatu, rahu zhuwo, ea peisha kolawo ohri sowo kobu sü pfo no nelotie, 15 Ea orei no süda solowo pfo no kolatu, otu phodukhru sü rakothochi leno hulawotie; ea pfo no kasha kalimei peisha khru sü sopho mara moro leiwotie, ea pfole tebel sü phelao tie. 16 Ea rahu kozhumei he pe, "Hikhru hi pfo tatuo, nile no a Pfo chi hi ohri koso chi mosole moe." 17 Pfo thetamei no achichu larüle rükoto, "Ni chi yi duno ole kono süno ayi omi no koro sole." ticho sü matei lotie. 18 Sütolie Jihudimei no pfo he pe, "Nino hihi koso vano ihe adei amashi somanepi koru bue? 19 Jisu no pfole he pe, "Rakothochi hi somoho leiwo, ea ai no chithu kosü le no sothu pile." 20 Stithesü Jihudimei no pe, "Rakothochi hi koso mopfo reipadei choro-o lotie, ea nino chithu kosü leno sopilo süwo?" 21 Ana pfowoli pfo pfüphe rakothochi na vano pewo-a süe. 22 Süduno pfo no kathi theno hrithu kolo the, pfo no kape sü pfo thetamei no mateilotie; ea pfole no achichu larü lekhi ea Jisu no kape sü lochichu lotie.

Ojiphemei zhe Jisu no kosü

23 Jisu no Jerusalem leno kolu kolo nih mani kocho chi, pfo no amashi koso nelowo omei paji no pfo zhu leno lochichuloe; 24 ana Jisu no pfole yi lochichu moe, 25 adei teli pfo no omei thopfü yi süwe. Omei kali kona pfole vano pfo he kape motsti hoe, adei teli omei lelehi adei bue ticho sü pfo no süwe. /3

Jisu ea Nicodemus

1 Pharisee mei mule ozhu Nicodemus ticho Jihudimei achithemei kali bue. 2 Omei hina hino chikhri no pfo he vu pe, "Rabbi, ni Oramei heno kovu modokapimei kalie ticho ino süwe; adei teli Oramei no pfo yi sü sawo lei moli nino koso amashi ti omei kali kona solo hroe." 3 Jisu no pfo he ochü kola pepie, "Kochuchuso, ai no nihe pewe, omei katako mono krilo moli, pfo no Oramei Movuji sü nelo hroe." 4 Nicodemus no pfo he pe, "Kohibvüo omei kali no pfo kotsü koto theno mono lole? Pfo no pfo pfü pfule lokrilowo mono lo süwo?" 5 Jisu no ochü kola pe, "Kochuchuso, ai no nihe pewe, omei katako odzü leno ea Raku leno monolo moli pfo no Oramei Movuji le lolo hroe. 6 Oso hepo no amono sü oso süe, ea Raku hepo no amono sü Raku süe. 7 Ai no nihe kape sü okhru prasho, Nino mono krilo moli shie. 8 Chikhrei no alia mohrü kanipo mohrü vuwe, ea nino okhu sü chowe, ana nino süsü kopo no vue mo-e kole tae ticho sü moe; Raku hepo no amono mei sü subvüe." 9 Nicodemus no pfo he pe, "Hikhru hi kohibvüo pra lole?" 10 Jisu no pfo chü kola pe, "Ni Israelmei modokapi mei kali sowo hihi sümowo? " Ai no kochuchuso nihe pewe, ino kosü sü pewe, ea i nhei no kane sü shakhi sowe, ana ino shakhi koso sü nile no pfopi boe. 12 Ai no nile he ojhiphe zhi kape sü lochichu moli, adei doso rache zhi sü pekhili nile no lochichulo le? 13 Omei Napfoto-o, rache no kokro-o sumo omei kali kono rache khru moe." 14 Moses no oru leno khenho pfo kolathu kocho sübvuo, Omei Napfoto-o sü pfo kolathu le, 15 sütoko pfo yi lochichu kolomei süno chisa kahri sü nelole. 16 Oramei no ojiphe yi leshishu kocho duno pfo Napfoto pfolio sü pie, sütowo omei katako pfo yi lochichu kolo mei sü mohowo mo, chisa kahri sü neloe. 17 Oramei no Onapfoto-o molevu ojiphe yi ochü kakri koru duno moe, ana pfo vano ojiphe yi kolulo koru dunoe. 18 Pfo yi lochichu kolomei süoli ochü kakri chomoe, ana lochichu komo mei süoli ochü kakri piwotie, adei teli pfo no Oramei Napfoto pfolio zhu leno lochichu moe. 19 Ea ochü kakri kocho sü hihie, süoli kava süno ojiphe vutie, ea ojiphemei no kava sü dzüno kozü yi sü leshitie, adei teli pfole ovo khru süno kashi dunoe. 20 Omei kata ko kashi koso mei no kava yi sü ne karae, mo-e kava le pra chomoe, sütoko pfo vo sü mosupi mo koru dunoe. 21 Ana achichu koso mei süoli kava le pralo we, sübvüo pfo no koso ovo sü Oramei zhi leno sowe ticho sü mosu mane tepilo koru dunoe.

Jisu ea John

22 Hithe hi Jisu ea pfo thetamei no Judea chiji le tatie, ea pfo no pfole yi sawo lole sü achetiwo baptize sopie. 23 John-e Salim kanhi he Aenon leno baptize sopiwo bue, adei teli Iohe sü odzü paji koso bue; ea omei khru vuwo baptize sopie. 24 Adei teli John yi nhukha le tholo monhie. 25 John thetamei ea Jihudi mei kali mothu koso vano kazhipra lotie. 26 Ea pfole no John he tavu pe, "Rabbi, Jordan lepo do no ni yi akua kobuo, ni no pfo vano shakhi sokowo-o ti hile no baptize sopiwo butie, ea omei thopfü no pfo he vuta-e!" 27 John no ochü kola pe, "Omei kali ko rache no pfo yi sü pimoli choho kaliko nelo hroe. 28 Nile no ai no kape sü shakhi sowe, süoli, 'Ai Khrista süoli moe, ana pfo dzü reiwo ayi mole vue.' 29 Nhikorupei yi sawo kobu na süno nathu koruo süe, ana nathukoruo kasa süno opu heno alawo chakriwo buwe, ea nathukoruo khu sü cholowo asawe. Hidu hino a asa sü alichu tie. 30 Pfo woli puprale, ana ai woli khei krole."

Rache no kovuo sü

31 Rache no kovuo süno thopfü dzüno jie. Ojiphi leno kovuo süoli ojiphi le zhie ea pfo no ojiphile zhi vano pewe, ana rache no kovuo süno thopfü pile choe. 32 Pfo no kane ea kocho sü pfo no shakhi sowe, ana pfo shakhi su omei no pfopi moe. 33 Pfo shakhi pfo kolo mei süoli Oramei hi kochue tto seal dapfülo tiwe. 34 Oramei no mole kovuo süli Oramei chüpe sü pewe, adei teli Oramei no pfo yi sü alichuwo pfo Raku sü piwe. 35 Opfo no Onapfoto-o sü leshie, ea pfo bale sükhi choho thopfü sü piwotie.36 Onapfoto-o mole kolomei sü chisa kahri neloe; Onapfoto-o chu' zü komomei süoli kahri sü nele moe, ana Oramei rakoro sü pfo pile bue. /4

Jisu ea Samaria mei pfü

1 Jisu no John dzüno thetamei sakokro lowo baptize sopiwe tto Pharise mei no cholotie ticho Lipeo no sülowo, (2 Jisu woli pfo alia baptize sopi moe ana pfo thetamei no a süe), 3 pfo no Judea leno tamara pfo Galilee le vukritie. 4 Pfo no Samaria leno tathota moli shitie. 5 Süduno pfo no Samaria inu le Sychar ticho bu Jacob no pfo napfoto Joseph he kapi odo kanhi hesü vutie. 6 Sühe sü Jacob dzükhe bue, ea Jisu no azhiwo li j i kata vano mazhe tiwo dzükhe pu hesü totu bulotie. Süchisü chihra majitie. 7 Sühe süno Samaria mei pfü kali odzü pfü leto vue. Jisu no lopei he pe, "Ayi odzüko machio." (8 Pfo thetamei sü inu leno koto kosho hrü tatie.) 9 Samaria pfüpei no pfo he pe, "Ni sü Jihudimei kali sowo adei doso Samaria mei pfü, ahe no odzü kho chile?" (Jihudimei no Samaria mei likha ma chomoe). 10 Jisu no lopei he pe, "Ni no Oramei phro sü süoli ea nihe no, 'Ayi odzü machio' tto kokhona sü athe ticho süoli ni no pfo heno khole, ea pfo no ni yi kahri dzü sü pile." 11 Nitopei no pfo he pe, "Kajio, ni he choho no lokoru ko hoe, ea dzükhe sü athoe, ea ni adei chino kahri dzü sü nelole? 12 Iyi dzükhe sopiwo pfo alia, pfo napfoto khrumei ea pfo tu morü yi-a machi kochuo, ipfo-ipe Jacob dzüno ni jipuwo?" 13 Jisu no lopei he pe, "Omei katako odzü hi chikolo mei sü charipule, 14 ana ai no pikoru odzü chikolo mei süoli chari pulemoe; ano ai no pfo he kapi odzü süno dzüla solowo chisa kahri dzü sü pepra lole." 15 Nitopei no pfo he pe, "Kajio, ai no charipu mo, mo-e heno tavu pfüpu mo koru duno odzü sü ayi pio." 16 Jisu no lopei he pe, "Tavu ni chow yi kulowo he vuo". 17 Nitopei no pfo he ochü kola pe, "A chow hoe." Jisu no lopei he pe, "Ni no a chow hoe tto kapeti mache, 18 adei teli ni pfotomei pongo chi vuwotie, ea ichu nino sawo kobu na hi ni chow moe, tto kape hi kochuchu no pewe." 19 Nitopei no pfo he pe, "Kajio, ni rachupemei kali tto ai no mochowe. 20 Ipfo-ipe no ojipfoki va hino ora thowe; ea nile no kape woli Jerusalem leno omei khru no ora thole." 21 Jisu no lopei he pe, "Nitopei, ayi lochichulo, omei no Opfo yi oji pfoki hiva hino thokomo mo-e Jerusalem leno thokomo chilu vule. 22 Nile no sükomo-o yi sü thowe, iwoli sükowoyi thowe, adei teli kokhei kolu kocho sü Jihudi mei heno vue. 23 Ana achichu rakothomei süno Opfo yi sü raku leno ea achichu leno thole ticho chilu sü vue tie, ea süsü ichu hie. Adei teli Opfo no pfo yi hibvüo kotho hi phowe. 24 Oramei hi Raku koe, ea pfo yi kothomei süno raku leno ea achichu leno thole." 25 Nitopei no pfo he pe, "Messiah, (Khrista tto koku-o) sü vu-e tie ticho ai no süwe; pfo no kovu chisü pfo no ihe choho thopfü mane pile." 26 Jisu no lopei he pe, "Ni yi kakrio kobuo ai hi lona süe." 27 Süthesü pfo thetamei vutie, Pfo no nitomei kali yi kophrowo chotie tto pfole no okhru pratie. Ana omei kali kona, "Ni adei dzüpawe?" mo-e, "Ni adei sowo lopei yi kakriwe?" tto anomoe. 28 Süthesü nitopei no pfo dzü likho sü kheikhitowo inu bvüji le tavu omei he petie, 29 "Ai no koso thopfü pekapimei kali butie, tavu koleirao! Hihi Khrista sü mosa?" 30 Sütowo pfole no inu bvüji leno tapra pfo he vutatie. 31 Süthesü thetamei no pfo he pe, "Rabbi, choho tolo." 32 Ana pfo no pfole he pe, "Nile no sükomo koto-kosho tokoru ahe bue." 33 Süduno thetamei no kanako he pe, "Kamei kono pfo yi koto kosho pfo vupiwo tiwo?" 34 Jisu no pfole he pe, "A koto kosho sü ayi mole kovuo pfo dzü pa koso, ea pfo vo somochu kocho süe." 35 Nile no, 'Okhro padei buli iche chutile tto pewo mowo?' Ai no nile he pewe, nile nhei hrüthu khio, ea iche ichu koru odo mipra kowo hi kolei khio. 36 Odo kavao süno ovothu nilowe, ea chisa kahri otho sü kodzü lowe, sütowo mati kovuo ea kavao sü asa azhuwe. 37 Adei teli hibvüo kape hi kochuchue, 'Omei kali no mati vule, ea omei kali no ichu le.' 38 Nile no somo kakrimei no sokowo sü nile yi no ichulo tto ai no matae, ea nile-a pfole no koso zhele sü lo azhu lotie." 39 Inu stile sü Samaria mei paji no nitopei no, "Ai no koso thopfü sü pfo no pepie" tto kape vano lochichu lotie. 40 Süduno Samaria lemei no pfole he tavu pfo yi no pfole yi sawo achetio tto kutie; ea pfo no lole sü chithu kahei achetie. 41 Ea omei paji no pfo chüpe vano lochichu lotie. 42 Pfole no nitopei he pe, "Ino lochichu kocho hi ni chüpe vano motie, ana i-alia cholotie, ea kochuchu so hihi ojiphemei yi kolu kapi Lipeo süe ticho ino sulotie."

Jisu no Office le pikochomei napfoto kali yi somazhipie

43 Chithu kahei thesü pfo no Galilee le mara tatie. 44 Adei teli pfo alia pe, "Rachüpemei kali yi alia inu lemei no itsümokhropi chomoe. 45 Süduno pfo no Galilee le kovu chi Galilee lemei no pfo yi asawo saloe, adei teli pfole no Jerusalem le onih chi vulowo lole no pfo no koso thopfü sü neloe. 46 Süthesü pfo no Galilee le Cana inu leno odzü no drakha zhe sokapi le sü tavulo krie. Ea Capernaum le office le pikochomei napfoto kali lishiwo bue. 47 Pfo no Jisu sü Judea leno Galilee le vulo-e ticho stilowo pfo no Jisu he vu pfo napfoto-o tavu somazhipio tto khotie, adei teli lona sü thino lo-e tie. 48 Jisu no süduno pfo he pe, "Nile no amashi koso ea okhru kapra nemoli nile no lochichu lemoe." 49 Office le pikocho-o no pfo he pe, "Kajio, a nato thikomo leno takropio." 50 Jisu no pfo he pe, "Tao ni napfoto-o sü hrilole!" Jisu no pfo he kape chüpe sü lona no lochichu lowo tatie. 51 Pfo no takowochi lijikhru no pfo chileimei no pfo yi kadewo, pfo napfoto-o sü hrilo tie tto petie. 52 Süduno pfo no pfole heno adei koso phachino zhipratie tto anoe, ea pfole no pfo he pe, "Idu chihra baji kali phachino raki akheikrotie." 53 Jisu no pfo he kape, "Nina pfoto-o sü hrilole" tto kape chilu bve süno tikocho opfo no süwe; süduno pfo ea chihe lemei thopfü no lochichu lotie. 54 Jisu no Judea leno Galilee le vukolo the hihi no ale kahei kochu amashi koso süe. /5

Ibvü leno koso kono mei yi somazhi kapi

5Hithe hi Jidudimei onih kali bue, süduno pfo no Jerusalem le tatie. 2 Jerusalem le kolatu koro chikhu ticho he sü dzühe pre pongo nopu ibvü kali bue; ea Hebrew mei lale Bethzatha tto kuwe. 3 Koso mei paji, onhei kache, ophi kacha, ea leipo kathi mei tto lohe sü bue. [Odzü sokobo kocho khuwo bue. 4 Adei teli Lipeo vomei kali no chilu kali bve ibvü lesü krowo odzü sokolei khiwe, sübvuo sokobo kocho thebvü sü lolo karei mei sü koso kono katako zhilowe]. 5 Mopfo shia chachao sowo kaleimei kali lohe sü bue. 6 Pfo no lohe sü no opha kosoko khuwo butie ticho Jisu no nelowo ea sülowo pfo no pfo he pe, "Ni somazhilo niwowo?" 7 Lishikowo-o no pfo he pe, "Kajio, odzü abo kocho chi omei no ayi ibvüle pfotho kapimei hoe, ai talole tto kochochi sü omei kakri no a dzü no rei lolo tiwe." 8 Jisu no pfo he pe "Akuthulo, ni kaphi pfülowo tao". 9 Sübve süno pfo sü zhilotie, ea pfo no pfo kaphi sü pfo lowo tathotie. Hihi Sabbath chithuni noe. 10 Süduno Jihudimei no somazhi kapi omei nahe sü pe, "Izho Sabbath chithue, nino ni kaphi kopfü ozhe moe." 11 Ana pfo no pfole he ochü kola pe, "Ayi somazhi kapio no ahe pe, 'Ni kaphi pfülowo, takhio.'" 12 Pfole no pfo he anoe, "Ni kaphi pfülowo takhio, tto kape sü athe koe?" 13 Somazhi kolo-o süno athe ticho sümoe, adei teli obu hesü omei no phro pfo bue, ea Jisu no tamarei tatie. 14 Süthesü Jisu no pfo yi rakothochi leno ne, ea pfo he pe, "Koleio, ni zhilotie! Hidzü kashi nipile vutimo koru duno, kama sopu sho." 15 Omei na sü tatie ea Jihudimei hekhi pfo yi somazhi kapio sü Jisu koe tto pepie. 16 Ea hidu hino Jihudimei no Jisu yi somochotie, adei teli pfo no hihi Sabbath chithuni no somazhipie. 17 Ana Jisu no pfole he ochü kola pe, "A Pfo no ichu-e ovo sowo buwe, ea ai-e sole." 18 Adei teli pfo no Sabbath chithu pfütho kocho kolimo Oramei yi no pfo Pfo tto kuwo pfo alia Oramei yi amareiso kocho duno Jihudimei no pfo yi sothawole tto mochopu pralotie.

Onapfoto-o kokhro koko

19 Jisu no pfole he pe, "Kochuchuso ai no nile he pewe, Opfo no sokocho nekowb sü kojino Onapfoto-o no choho kaliko pfo alia solo hroe, adei teli pfo no koso sü Onapfoto-o se sübvüo sowe. 20 Adei teli Opfo no Onapfoto-o sü leshie, ea pfo no sokowo thopfü sü pfo yi mane piwe; ea pfo no hidzü no ovo kaji pfo yi somane pulenhie, sübvüo nile no okhru prale. 21 Opfo no kathimei yi somahrithu piwo pfole yi kahri kapi bvüwo Onapfoto-o no pfo no pikani mei he khi kahri sü piwe. 22 Opfo no omei chüko kakri moe, ana ochü kakri kocho thopfü sü Onapfoto-o he piwotie, 23 sübvüo omei khru no Opfo yi itsü mokhro kocho bvüo mei thopfü no Onapfoto-o yi itsü mokhro lo koru dunoe. Onapfoto-o yi itsü mokhro komomei sü pfo yi mole kovu Opfo yi sü itsü mokhro moe. 24 "Kochuchuso, ai no nile he pewe, 'A chü cholowo ayi mole kovu lona yi lochichu kolo mei no chisa kahri sü niloe; pfo sü ochü kakri kocho le vule moe, ana kathi leno kahrile motupra tie.' 25 Kochuchu ai no nile he pewe: kathimei no Oramei Napfoto-o shipei kocho chilu vule, ea süsü icho hitie, ea cho kolomei süno hrilole. 26 Adei teli Opfo he alia kahri kobu sübvuo, pfo no Onapfoto-o sü pfo alia he kahri sü bulo koru duno piwotie, 27 ea pfo hekhi ochü kakri koru kokhro koko sü piwotie, adei teli pfo hi Omei Napfoto-o süe. 28 Hiva hino okhru prasho, adei teli okhu le kobumei thopfü no pfo shipei cho koru chilu sü vu-e tie. 29 Sübvüo kazhi koso mei süno kahri le hrithu, ea kashi koso mei no ochü kakri koru le sü hrithule.

Jisu he shakhi koso khru

30 "Ai no a modo no choho kaliko solo hroe, ai no kocho subvüo ai no ochü kakriwe, ea ai no ochü kakri kochu sü mache, adei teli ai no a dzüpa no somo ayi mole kovuo pfo modo no sowe. 31 "Ai no a alia duno shakhi sowoli a shakhi sü chichu moe; 32 ayi duno shakhi kosomei kakri bue, ea a shakhi koso-o no shakhi koso sü kochuchue ticho ai no süwe. 33 Nile no John he molevu anoe, ea pfo no achichu sü pepie.34 Ayi duno omei no shakhi sopie ticho duno moe; ana nile yi kolu lo kani dunoe. 35 Pfo woli tiwo ea vawo kobu omibvü sü süe, ea nile no opha kodzü nako pfo kava leno asawo bunie. 36 Ana a zhi shakhi koso no John zhi dzüno jipu nhie; adei teli a Pfo no ayi no so tto kape sü ai no sowe, ea a Pfo no ayi mole vue ticho shakhi sü sowe. 37 Ea ayi mole kovuo Opfo alia no a shakhi sü sopie. Pfo shipei sü nile no chokhrei timo nhie, pfo khre zhe sü nile no ne khrei timo nhie;38 ea nile he pfo chüpe süno sawo bupilo monhie, adei teli nile no Pfo no mole kovuo sü lochichu lo moe. 39 Nile no achichu larü phowe, adei teli lole sü chisa kahri bue tto nile no mochowe; ea larü süno a vano shakhi sopiwe. 40 Ana nile no kahri sü nilo koru duno ahe vupi boe. 41 "Ai no mei shu pfü chomoe. 42 Ana nile leleno Oramei lekashi sü hoe ticho ai no süwe. 43 Ai no a Pfo zhu leno vue, ea nile no ayi pfopi lomoe; ea omei kali no pfo alia zhu leno vuloli, nile no süsü pfopi le. 44 Nile no kanako heno oshu pfüwo Oramei he kovu sü phomo, kohibvüo nile no lochichulo le? 45 Ana nile no ayi no nile khrumei yi Opfo hekhi pema piwotile tto mochosho; ana nile yi pemama kowo süoli nile no mariwo kobu Moses noe. 46 Nile no Moses yi lochichu woli, nile no a yi lochichu kocho phae, adei teli pfo no a vano rüpie. 47 Ana pfo no koru sü nile no lochichu moli, kohibvüo a chü sü lochichu lole?" /6

Jisu no omei thu pongo yi veipie

1 Hithe hi Jisu no Galilee ozhe süoli Tiberia ozhe tto kukowo kali dopo sü motu pra lotie. 2 Ea omei paji ko pfo the phrütatie, adei teli pfo no koso kono mei he amashi sokapi sü pfole no ne. 3 Jisu no ojipfoki va tapra lotiwo pfo thetamei yi sawo totu lotie. 4 Jihudi mei kolu kolo onih sü kanhitie. 5 Pfo no koleithu khi-e, omei paji koso pfo hepo kokowo sü nelowo, Jisu no Philip he pe, "Omei khru hi tokoru duno kohibvüo ikhrumei no lire hrule?" (6Pfo no hihi pfo yi kolawo pewoa sue,, adei teli pfo no adei sole ticho süwo bue). 7 Philip no pfo he pe, "Denarü krei kahei mu kotu hrü-a kotutu niwo beile." 8 Pfo thetamei kali, Simon Peter pinou, Andrew no pfo he pe, 9 "Onatomei kali he lire phro pongo ea okho kahei bue; ana omei paji yi duno adei sole?" 10 Jisu no pe, "Omei khrumei yi penp totulo." Lohe sü opro hrünu tto bue; sudüno omei thu pongo phako totu buloe. 11 Süthesü Jisu no lire sü pfolowo kralo pekowothe, pfo no totu kobu mei he su kozhu pie; sübvüo okho sü pfole no to kani sa sü pie. 12 Ea pfole no tophro kolothe, pfo no pfo thetamei he pe, "Toti toko kodo mo koru duno mosho kopru koko khruti pfo kodzülo." 13 Süduno pfole no lire pongo no tomosho kopru koko sü pisü chia kaheio pfo kodzü lotie. 14 Pfo no amashi koso sü omei khru no nelowo, pfole no pe, "Hihi ojiphe vu koru rachupeo sü kochuchue!" 15 Süthesü, pfole no tavu Jisu yi nelowo pfo yi peno movu soleto kocho sü pfo no sulowo, pfo alia ojipfoki va chori tatie.

Jisu no odzü pino tae

16 Chikro loli-e pfo thetamei no ozhe le takotie, 17 ea kosa kali le lolowo ozhe sü motupfo Capernaum le vutatie. Suchisu ochi sü zülotie, ea Jisu no sükotu-a pfole he vulolo monhie. 18 Chikhrei mohrü shulowo ozhe sü akhu prae tie. 19 Pfole no kilometer pongo mo-e choro phako kosa sepfo tako kowo chisü, Jisu no ozhe pi no tapfo kosa hepo tako kowo sü pfole no ne. Pfole no nepri shutie. 20 Ana pfo no pfole he pe, "Ai koe; prisho!" 21 Süthesü pfole no pfo yi kosa le sawo lokolo duno asatie, ea mothokhru pfole no tavu kowo oji kaki lesü pralotie.

Omei khru no Jisu yi phoe

22 Theni sü ozhe kali dopo kobumei no kosa kali khri bvü lohe sü kobu ne, ea Jisu no pfo thetamei yi akua kosa lesü lolo motie. Ana pfo thetamei koli takoto pfole no ne. 23 Ana Tiberia leno kosa kakri khru-e Lipeo no kralo pepiwo pfole no lire koto bu kanhi hesü vuloe. 24 Süduno Jisu-e ea pfo thetamei-e lohe sü koho nelowo omei khru no pfole alia kosa khru le sü lolowo Jisu yi phopfo Capernaum le tavutie.

Kahri lire, Jisu

25 Pfole no pfo yi ozhe kali dopo no neloli-e, pfole no pfo he pe, "Rabbi, ni adei koso phachi no hehi pratie?" 26 Jisu no pfole he ochü kola pe, "Ai no kochuchuso nile he pewe, nile no amashi khru koso vano ayi phomoe, ana lire towo opfu phro kolo vano-a sue. 27 Holo kazhi koto-kosho duno leno sosho, ana chisa kahri kotu cholo kazhi koto kosho duno chitulo. Süsüoli Omei Napfoto-o no nile yi pile; adei teli Opfo Oramei no pfo pivakhi eh-tepi kowo sü mashi sopiwo tie." 28 Süthesü pfole no pfo he pe, "Ino Oramei ovo sü sowo bulo koru duno adei sowo bule? 29 Jisu no pfole he ochü kola pe, "Oramei vo ticho süoli, Pfo no mole kovuo lona yi sü lochichu kocho sue." 30 Süduno pfole no pfo he pe, "Sutoli-e nelowo ino niyi lochichulo koru duno nino adei amashi sopie? Nino koso sü adei? 31 Rükowo hibvüo ipfo-ipemei no orule no manna toe; süoli, pfo no pfole yi moto koru duno tache no lire mokro pie." 32 süthesü Jisu no pfole he pe, "Ai no nile he kochuchuso pewe, nile yi rache no lire pikowo sü li Moses no moe, ana nile yi rache no lire kochuchu kapi süoli a Pfo noe.33 Adei teli Oramei no kapi lire süoli rache no krowo ojiphemei yi pfo kahri kapio süsüe. 34 Süduno pfole no pfo he pe, "Lipeo, lire sü iyi pimakrao." 35 Jisu no pfole he pe, "Ai kahri lire sue, ahe kovu mei sü mozü khrei tile moe, ea ayi lochichu kolo mei sü chad khrei tile moe. 36 Ana ai no nile he pewotie, süoli nile no ayi newotie, ana lochichulo moe. 37 Opfo no ayi kapi thopfü sü a he vule; ea ahe kovu mei sü ai no humatao lemoe. 38 Adei teli ai no a dzüpa sokoru duno rache no kromoe, ana ayi mole kovuo dzüpa sü so koru duno; 39 ea ayi mole kovuo dzüpa süoli pfo no ayi kapi thopfü sü choho kaliko moho mo kono chithuni sü somahri thulo kocho süe. 40 Ea ayi mole kovuo dzüpa süoli, Ona Pfoto-o nelowo pfo yi lochichu kolomei sü chisa kahri nelo koru dunoe, ea ai no pfo yi sü kono chithuni sü somahri thu pile. 41 Süthesü Jihudimei no pfo pile mono thutie, adei teli pfo no, "Ai rache no kokro lire süe." tto kape vanoe. 42>Ea pfole no pe, "Hina hi ino pfo pfü ea pfo pfo yi sükowo Joseph napfoto Jisu ko mowo? Sutoli-e pfo no adei sowo ai rache no kroe tto pewe?" 43 Jisu no pfole he ochü kola pe, •*Nile alia hrule no monomoro sho. 44 Ayi mole kovu Opfo no kosü vupi moli omei katako ahe vulo hroe, ea ai no kono chithuni sü pfo yi somahrithu pile. 45 Rachüpemei no hibvüo rükheitoe, 'Ea pfole thopfü yi Oramei zhi sü modo pile;' ea Opfo heno chokwo modo kolomei süno ahe vule. 46 Süoli omei kali kono Opfo yi sü ne moe, Oramei heno kovuo pfo sü koli khri no Opfo yi sü ne. 47 Kochuchuso ai no nile he pewe, 'Lochichu kolomei he sü chisa kahri bue.' 48 Ai kahri lire süe. 49 Nile opfo-pe khrumei no oru leno manna toe, ana pfole thitie. 50 Ana hihi orache no kokro lire süe, ea süsü omei katako tokolo mei no thile moe. 51 Ai rache no kokro kahri lire sue, omei katako lire hi tokolo mei süno chisa hrile; ea ojiphemei hrilo koru duno ai no pikoru lire süoli a so sue." 52 Süthesü Jihudimei no pfole alia hrule no kazhiwo pe, "Adei doso omei hina hi no pfo so piwo ikhrumei yi peno motole?" 53 Süduno Jisu no pfole he pe, "Kochuchuso ai no nile he pewe, nile no Omei Napfoto-o so sü tomoli ea pfo zhe sü chi moli nile he kahri sü hoe., 54Aso koto mei ea a zhe kachimei he sü chisa kahri sü butie, ea ai no okhei chithuni sü pfo yi somahrithu pile. 55 Adei teli aso hi koto na kochuchiue ea a zhe hi' kosho na kochuchue. 56 A so koto mei ea a zhe kachimei sü ahe bue, ea ai no pfole he bue. 57 Hrio kobu Opfo no ayi molevuwo ai no Opfo yi duno hrikowo sübvüo, ayi koto mei sü a vano hrilole. 58 Hihi rache no kokro lire süe, hihi woli opfo-pe khrumei no tolowo thikpto ta timoe; ana lire hi tokolo mei sü chisa no hrile". 59 Hihi pfo no Capernaum, le Synagogue chi leno modokowo qhi no pe.

Chisa kahri chüpe khru

60 Pfo thetamei paji no hihi cholowo pe, "Kape chü hi khromozhuloe; athe no hihi chakrilole?" 61 Ana pfo thetamei' no monowo chotie ticho Jisu no pfo alia sülowo pfole he pe, "Hihi nile chovomo shu tiwo? 62 Sütoli-e, choho chikpno Omei Napfoto-o no pfo chohu kobu bule khrutawo nile no neli adei tile? 63 Kahri pikowo süli Raku noe, oso hiwoli amazhi hoe; ai no nile he pepra kowo chüpe khru hi Raku koe ea kahri sue. 64 Ana nile hrule kafnei ko woli lochichu moe." Adei teli Jisu no acharei no lochichu komomei sü athemeie, ea athe no pfo yi kodawole ticho sü süwe. 65 Ea pfo no pe, "Hidu hino ai no nile he pewe, süoli omei katako Opfo no pi moli ahe vulo hroe." 66 Hithe hi pfo thephrümei koproko chithe tatie ea pfo yi sawo tapu motie. 67 Süduno Jisu no chia kaheio he pe, "Nile-e tati niowo?" 68 Simon Peter no pfo he pe, "Lipeo, ino athe he tale? Chisa kahri chüpe sü nihe bue, 69 ea ino lochichu lotie, ea ni Oramei heno kovu amothuo sü koe ticho sülotie." 70 Jisu no pfole he ochü kola pe, "Ai no nile chia kaheio yi kodolo mowo? Ana nile hrule no omei kaliwoli ora kashi koe. 71 Pfo no pekowo süoli Simon Isacariot napfoto Judas yi pewe, adei teli mei chia kaheio hruleno omei kali no pfo yi kodawo tile tiwe. /7

Jisu ea pfo pinoumei

1 Hithe hi Jisu no Galilee le sühewo leitie. Pfo no Judea le tani motie, adei teli Jihudimei no pfo yi sothale tto phowo leitie. 2 Süchisu Jihudimei rapre koso onih sü kanhi tie. 3 Süduno pfo pinoumei no pfo he pe, "Ni thephrümei yi peno nino koso ovo khru sü manelo koru duno hihi thewo-a Judea le tatuo. 4 Adei teli omei katako pfo no ozhu mata nili makhriso socho moe. Nino hikhru hi sowoli, ni ala ojiphe mei yi maneo!" (5 Adei teli pfo pinoumei kotua pfo yi lochichu moe). 6 Jisu no pfole he pe, "A chilu woli vulo monhie, ana nile chilu woli hehi bu makrasüe. 7 Ojiphemei no nile yi nekara lemoe, ana ayi woli nekarae, adei teli ai no pfole ovo sü shie tto shakhi sopiwe. 8 Nile alia onih le sü vulo-o; ai woli onih lesü vulo lemoe, adei teli a chilu vutulo monhie." 9 Pfo no hibvüo pewo-a Galilee le achetie.

Jisu no rapre nih le kovu

10 Ana pfo pinoumei no onih lesü takoto theno, pfo-e modu no mo makhriso tavue. 11 Jihudimei no pfo yi onih le no, "Pfo adeichi bue?" tto phowo leitie, 12 Omeikhru hrule no pfo vano makhriso kophro shuwo butie. Kamei kono pe, "Pfo hi omei kazhi kalie.", ea kamei kono pe, "Omoe, pfo no omei yi shithe mama tile-e" 13 Ana Jihudimei yi kapri duno omei kali ko pfo ko modu pemoe. 14 Onih mani aru sokocho leno Jisu no rakothochi le talo lowo modothutie. 15 Jihudimei no okhru prawo pe, "Omei hina hi larü ko modo mo adei doso larü sülowe?" 16 Süduno Jisu no pfole he ochü kola pe, "Ai no modokowo hi woli a zhi moe, ana ayi mole kovuo he noe. 17 Omei katako Oramei dzüpa sü sowoli, pfo no modokapi hi Oramei heno ho, ai alia modo no pewe ticho su pfo no sülole. 18 Alia modono kape mei süoli alia khrukrei phowe; ana pfo yi mole kovuo khrukrei kopho süoli chichue, ea pfo he sü amada hoe. 19 Moses no nile yi ozhe pi mowo? Ana nile kaliko ozhe sü zümoe. Adei sowo nile no ayi sothale tto phowe?" 20 Omei khru sü no ochü kola pe, "Ni he orakashikali no bue! Athe no ni yi sothale tto phowe?" 21 Jisu no pfole he ochü kola pe, "Ai no ovo kali sokhi-e, nile thopfü no okhru prawe. 22 Moses no nile yi no ohei moto tto pepie, (Moses no hihi somo bu-e nile pfo pe khrumei no sothue), ea süduno nile no onatomei kali yi Sabbath chithu ni no ohei moto we. 23 Moses ozhe sü pfütho mo koru duno omei kali yi Sabbath chithuni no ohei motowli, ai no Sabbath chithuni no omei kali yi pfuphe somazhi kapi vano nile no ayi orarowo wo? ^Ozho no koleiowo ochü kakri sho, ana achichu leno ochü kakrilo."

Pfo Messiah süwo?

25 Jerusalem lemei kamei kono süduno pe, "Pfole no sothale tto phokowo na sü hina hi mowo? 26 Ea pfo sü hehi bue, modu no pew bu süe, ea pfole no choho kaliko pfo he pemoe! Opile kocho khrumei no hina hi Khrista kochuchu süe ticho süwo homoe? 27 Ana omei hina hi adei chino vue ticho ikhrumei no süwe; ano Khrista sü vuli-e omei kaliko pfo adei chino vue ticho süle moe." 28 Süduno Jisu no Rakothochi leno modopiwo kocho leno pephratie, "Nile no ayi süwe, ea ai kopono vue ticho süwe. Ana ai no a modoso vumoe; ayi mole kovuo sü kochue ea nile no pfo yi sümoe. 29 Ai no pfo yi süwe, adei teli ai pfo heno vue, ea pfo no ayi molu vue." 30 Süduno pfole no pfo yi tokrei lole tto photie; ana omei kali kona pfo va oba kho moe, adei teli pfo chilu sü vumonhie. 31 Ana omei paji no pfo yi lochichulo tiwo pfole no pe, "Khrista no vuloli pfo no omei hina hi koso dzüno amashi sopu lewo?"

Jisu yi tokrei koru duno kokhumei yi mole tae

32 Omei moso no pfo vano sübvüo kophrowo kobu sü Pharisee mei no cholotie, süduno chinasokapi kaji jileimei ea Pharisee mei no pfo yi tokreilo koru duno kokhumei yi mole tae. 33 Jisu no pe, "Ai no nile yi akua kodzüko bule nhie, süthesü ai no ayi mole kovuo lona he vuta tile. 34 Nile no ayi phole, ana nile no ayi nele moe; ai no kobu he sü nile vulo hroe." 35 Jihudimei no kanako he pe, "Omei hina hi adei chi vule tiwe, sübvüo ikhrumei no pfo yi nele moe ticho sü? Pfo no Greek mei hrule takoto mei he tavuwo Greek mei yi modo pile tiwowo? 36 Pfo no, kape 'Nile no ayi phole, ana ayi nile moe, ea ai no kobu he sü nile no vulo lo hroe' tto kape sü adei tiwe?"

Kahri kapi kori rito

37 Onih okhei chithu kaji ni sü, Jisu no alathu lowo shawo pe, "Omei katako chariwoli pfo sü ahe vulo lowo chilo. 38 Achichu larü leno kape sübvüo, ayi lochichu kocho-o sü, 'Kahri dzü kori sü pfo leleno krüle.'" 39Pfo no hihi pfo yi mole kolo mei no ni koru Raku vano pewe; adei teli süchi sü Jisu yi limokhru pralo monhi kocho duno Raku süoli pilo monhie.

Omei khru hruleno kazhi kocho

40 Omei khrumei no chüpe khru hi cholowo, kameiko no pe, "Omei hina hi rachupemei kochuchue." 41 Kakrimei no pe, "Hihi Khrista süe." Ana kamei kono pe, "Khrista li Galilee leno vule wo? 42 Achichu larü leno, Khrista sü David shu-lu vano, David no kovu inu Bethlehem leno vulole tto pemowo?" 43 Süduno pfo vano omei khrumei no kazhi lotie. 44 Pfole kamei kono pfo yi tokreilo nitie, ana omei kaliko pfo va oba khothu moe.

Jihudimei pikocho khru no lochichu komo

45 Kokhumei no china sokapi kaji jilei mei ea Pharisee mei he ada kovu chi sü pfole no kokhumei he petie, "Adei sono nile pfo yi sawo vumoe?" 46 Kokhumei no ochü kola pe, "Mei kali ko hina hi bvüo ochü pekhrei timo nhie!" 47 Pharisee mei no pfole he pe, "Nile yi-a shithe mamawo tiwo? 48 Opile kocho mei mo-e Pharisee mei-a kameiko pfo yi lochichu tiwo? 49 Ana Moses ozhe sükomo moso hi icha sü nelotie!" 50 Mareichi pfo he kovuo, Nicodemus-e pfole hrule sü bue ea pfo no pe, 51 "Ikhrumei ozhe no omei kali yi pfo chü chakri ea pfo no adei sowotie ticho sülo reimo ochü kakri kocho buwo?" 52 Pfole no ochü kola pe, "Nire Galilee leno vuwo? Achichu larü le phokhio, sütoli-e rachupemei kali ko Galilee leno prale ticho nele moe."

Kashi koso nito kali yi tokreiloe

53 Pfole no ala chihe vutatie. /8 1 Jisu no Olive jipfoki va pratatie. 2 Chithu miki no pfo no rakothochi le vulo krie; ea omei thopfü no pfo he vuloe, ea pfo no totu bulowo pfole yi modopie. 3 Ozhe chükosumei ea Pharisee mei no mei yi sakaphra nitomei kali yi tokrei lowo totsü lekhi khei khi towo, 4 pfole no pfo he pe, "Modokapio, nitopei hino mei yi sawo kashi sowo kocho leno tokrei lotie. 5 Moses ozhe thephrüwo hibvü kochomei yi hi otu no shuthawo tto pewe. Ni hipei va hino adei pele?" 6 Pfo pile ochü pepilo koru duno tto pfo yi kolawo pfole no hihi pewe, Jisu no ino nholowo pfo ba mito no ojiphi khi rütie. 7 Ana pfole no pfo heno anowo bu makra li-e, pfo no alathu lowo pe, "Nile hrule kama koho-o süno lopei yi otu no shureio." 8 Ea pfo no inonho krilowo pfo ba mito no ojiphi vakhi rti tie. 9 Ana pfole no süsü cholowo, kotsü moshu no mei kalili tatie; ea Jisu koli khri nitopei süno pfo nhodzü no ala-e chowo beitie. 10 Jisu no mozhutho koleiwo lopei he pe, "Nitopei, pfole adeichi vutatie? Omei kaliko ni yi pemamamo tiwo?" 11 Lopei no pe, "Lipeo, omei kaliko hotie," Eli-e Jisu no pe, "Ai-e ni yi pemama moe; tatuo, kama sopu sho."

Jisu ojiphe kava

12 Jisu no pfole he pekrie, "Ai ojiphe kava süe; a thephrü kolo mei sü kozüle tale moe, ana kahri kava sü nelole." 13 Süthesü Phariseemei no pfo he pe, "Ni no ni alia shakhi sowe; ni shakhi hi kochu moe." 14 Jisu no pe, "Ai no ai alia shakhi sowo-a, a shakhi süoli kochuchue, adei teli ai no adeichi no vue, ea adei chi ta-e ticho ai no süwe ana nile no ai adei chino vue, mo-e adei chi vuta-e ticho sümoe. 15 Nile no opfü-phe modo leno ochü kakri we, ai no omei kali chüko kakri moe. 16 Ea ai no ochü kalcri-a, a chü kakri kocho süoli mache süe, adei teli ai alia no kakri moe, ana ai ea ayr mole kovuo pfo nopu akua kakriwfe. 17 Nile ozhe lekhi rükheitoe, süoli omei kahei shakhi sü kochue; 18 ai no ai alia shakhi sowe, ea ayi mole kovuo a Pfo no a shakhi sowe." 19 Süduno pfole no pfo he pe, "Ni pfo adei chi bue?" Jisu no pe, "Nile no ayi-e sümoe, mo-e a Pfo yi-e sümoe; nile no ayi süwoli nile no a Pfo yi-a süle." 20 Hikhru hi pfo no Rakothochi leno modo kowo chi ashila oni kakhei bu he no pfo no pepie; ana omei kali kona pfo yi tokrei moe, adei teli pfo chilu no vutu monhie.

Nile no ai kata le talo hroe

21 Pfo no pfole he pekrie, "Ai no tatile, ea nile no ayi phole ea nile no nile kama leno thitile; ai no kata le sü nile no vulo hroe." 22 Süthesü Jihudimei no pe, "Ai no kata lesü nile no vulo hroe tto kape sü pfo aliala yi sotha wole tiwowo?" 23 Pfo no pfole he pe, "Nile no ophi lenoe, ai woli opi lenoe; nile no ojiphe zhikoe, ai woli ojiphe zhi moe. 24 Ai no nile he pewotie, süoli nile no kama leno thile, adei teli nile no ai hi Pfo sue ticho lochichu lo moli nile no nile kama leno thitile." 25 Pfole no pfo he pe, "Ni athe?" Jisu no pfole he pe, "Acharei no ai nile he pewotie. 26 Ai nile vano pekoru ea ochü kakri koru paji bue; ana ayi mole kovuo pfo woli chichue, ea pfohe no sükolo sü ai no ojiphemei he pewe." 27 Pfo no Opfo vano kape sü pfole no sümakrilo moe. 28 Süduno Jisu no pe, "Nile no omei Napfoto-o pfo kolathu kocho chisü, nile no ai lona süe ticho süle, ea choho katako ai no alia kokhro koko no somoe, ana Opfo no ayi md'dokapi sü peprawb süe. 29 Ea ayi mole kovu lona süno ayi akua leie, Pfo no ayi koli fhewo moe, adei teli pfo dzüpa sü ai no chisa sowe." 30 Jisu ho hibvüo kape hi cholowo omei paji rio pfo yi lochichulotie:

Modokosomei ea chileimei

31 Jisu no pfo yi mole kolo Jihudimei he pe, "Nile no ai no kapechü züwo buli, nile kochuchuso a thetamei tie, 32 ea nile no achichu sü süle, ea achichu süno nile yi modo sopile." 33 Pfole no pfo he ochü kola pe, "Ikhrumei woli Abraham mati koe, ea omei kali chilei ko somonhie. Ni no, 'Nile yi modo moso pile' ticho sü adei doso?" 34 Jisu no pfole he ochü kola pe, "Ai no kochuchuso nile he pewe, omei katako kama kosomei sü kama chilei koe. 35 Chileio süli chisa no chihe bu chomoe; Onapfoto-o süli chisa no bule. 36 Süduno Onapfoto-o no nile yi modo sopiwo teli, nile sü kochuchu no modo solotie. 37 Nile Abraham mati koe ticho ai no süwe; ana nile no ayi sothawo leto phowe, adei teli a chüpe sü nile lele obu nilo moe. 38 Ai no a Pfo heno kane sü pewe, ea nile no nile pfo heno kocho sü sowe." 39 Pfole no pfo he ochü kola pe, "Ipfo sü Abraham sue." Jisu no pfole he pe, "Nile Abraham namei tili, nile no Abraham koso sü sokocho phae. 40 Ana ai no Oramei heno chokolo achichu sü nile he kapena, ayi nile no sothawo leto phowe; hihi Abraham no hibvüo somoe. 41 Nile pfo no koso sü nile no sowe.?" Pfole no pfo he pe. "Akhrumei chakhrana moe; ipfo woli kali bu süe, süoli Oramei süe." 42 Jisu no pfole he pe, "Oramei hi nile Pfo teli, nile no ayi leshi kocho phae, adei teli ai Oramei he no vue; ai ala modo no vumoe, ana Pfo no ayi mole vue. 43 Ai no kape hi adei sono nile sumakrilo moe? Nile a chü hi lenowo chakripi ni komo vanoe. 44 Nilewo nile pfo ora kashio zhi koe, ea nile dzüpa süoli nile pfo dzüpa koso sü süe. Pfo sü acharei no omei yi sokatha mei,ea achichu koso kaliko hoe, adei teli pfo he sü achichu' hoe. Pfo mada kochu sü, pfo no pfo khre ozhe the sü phrüwo pewe, adei teli pfo hi amadamei kalie, ea amada opfo süe. 45 Ana ai no achichu sü pekocbb duno nile ayi lochichu moe. 46 Nile athe no ayi no mawotie tto pepilo süe? Ai no achichu sü pewoli, adei sowo nile no ayi lochichu moe? 47 Oramei heno kovuo süli Oramei chüpe sü chakri piwe. Ana nile woli Oramei heno vu moe, ea süduno nile no chakripi lemoe."

Jisu ea Abraham

48 Jihudimei no pfo he ochü kola pe, "Ino ni yi no Samaritan mei kalie, ea ora kashi yi sawo lei tto kape machemowo?" 49 Jisu no ochü kola pe, "Ai woli orakashi yi sawo lei moe; ana ai no a Pfo yi itsü mokhro we; ea nile no ayi nephro moe. 50 Ai woli ai ala khrukrei phomoe, ana phokowo mei kali bue ea pfo no ochü kakrile. 51 Kochuchuso ai no nile he pewe, omei katako a chu züloli, pfo sü kathi nekhrei lemoe." 52 Jihudimei no pfo he pe, "Ichuo ni orakashi kali sawo lei ticho ino sülotie. Abraham-e thitie, ea rachupemei sü thitie; ea ni no pe, 'Omei katako a chü züloli kathi sü nekhrei tilemo. 53 Ni thikoto ipfo Abraham dzüna jiwo? Ea rachupemei sü thitie. Nino athe tto achakhawe?" 54 Jisu no ochü kola pe, "Ai no ala ayi itsü mokhrowo buli, a itsü amokhro sü choho kaliko moe; ano ayi itsü mokhro kowo süoli nile no nile Oramei koe tto pekowo a Pfo no süe. 55 Ana nile no pfo yi sülo monhie; ai no pfo yi süwe. Ai no pfo yi sümoe tto peli ai-e nile yi bvüo amadamei sotile; ana ai no pfo yi süwe ea ai no pfo chü züwe. 56 Nile pfo Abraham no ai kovu chithu chilu sü ilowo bue; ea pfo no nelowo asa shutie." 57 Jihudimei no pfo he pe, "Ni mopfo reipongo-e chumonhie, eli-e ni no Abraham yi newo?" 58 Jisu no pfole he pe, "Ai no kochuchuso nile he pewe, ai Abraham dzüno bue." 59 Sutoli-e pfole no pfo yi shule tto otu pfolotie; ana Jisu no kotsü lowo, rakothochi leno tapratie. /9

Jisu no onhei chewo mono konhomei kali yi somazhipie

1 Jisu no takowo chisü, pfo no mono koho no onhei kachemei kali yi ne. 2 Ea pfo thetamei no pfo he anoe, "Rabbi, pfo nhei chewo mono konho hi pfo kama vano ho pfü-opfo kama vanoe? " 3 Jisu no ochü kola pe, "Omei hina hino mo-e pfo pfü-opfo no kama koso vano moe, ana pfo vano Oramei ovo sü mosupra koru duno süe. 4 Ikhrumei no chithu kocho leno ayi mole kovuo pfo ovo sü somoli shie, omei no ovo solo kashi chikhri chilu sü vu-e. 5 Ai no ojiphe kobu sasü, ai ojiphe kava sue." 6 Hibvüo pekowo thesü pfo no oji ni vakhi mate mosü tholowo mate süno mokone kota lowo mokone süno lona nhei vakhi nepiwo, 7 lona he sü pe, "Siloam (tikocho süoli mole kata) ibvü leno tavu odzü khrüo." Süduno pfo no tavu khrüw-a onhei nelowo ada vutie. 8 Chishinamei ea mareichi pfo no tomosüo kalei kanemei no pe, "Hina hi mareichi totu buwo tomosüo kalei nati mowo?" 9 Kamei kono pe, "Hihi lona tikoe." kakrimei no pe, "Omoe, ana pfo hi lona yi ti marei süe." Pfo alia pe, "Ai lona ti koe." 10 Pfole no pfo he pe, "Süli-e ninhei adei doso hruloe?" 11 Pfo no ochü kola pe, "Jisu ticho mei kali no oni kota lowo a nhei nepiwo ahe pe, 'Siloam leno tavu khrüo tto pepie; süduno ai no tavu k hrü wo tie, ea a nhei sü nelotie.'" 12 Pfole no pfo he pe, "Pfo sü adeichi bue?" Pfo no pe, "Ai sümoe."

Pharisee mei ho somazhi Jsapi sü kohra anoe

13 Pfole no kareichi onhei kacheo sü Pharisee mei he sawo vue. 14 Jisu no one kota lowo pfo nhei somazhi kapi sü Sabbath chithuni noe. 15 Pharisee mei no pfo heno adei doso pfo nhei sü nelotie tto anokrie. Pfo no pfole he pe, "Pfo no a nhei vakhi mokone no nepie, ea ai no khrüwo-a ai no nelotie." 16 Pharisee mei kamei kono pe, "Omei hina hi Oramei heno vumoe, adei teli pfo no Sabbath chithu rimoe." Ana kakrimei no pe, "Adei doso kamamei kali no hibvü kocho amashi khru hi solole?" Pfole hruleno kazhi lotie. 17 Süduno pfole no onhei kacheo hesü anokrie, "Pfo no ni nhei sü somazhi piwotie, ea ni pfo vano adei tto mochowe? Pfo no pe, "Pfo rachupemei kalie." 18 Ana Jihudimei no pfo pfü-opfo yi kusawo vu ano komosa pfo nhei achetie ea nelotie ticho lochichu motie. 19 Ea pfohei heno anoe, "Hihi onhei chewo monoho kocho ni na pfoto-o süwo? Subvuli icho-o pfo no adei doso nelotie?" 20 Pfo pfü opfo no ochü kola pe, "Ino kosü süoli, hihi ahei napfoto koe, ea pfo onhei chewo monoe; 21 ana ichuo pfo no adei doso nelotie ino sümoe, mo-e athe no pfo nhei hrupie ino sümoe. Pfo heno anokhio; pfo kotsü pratie, pfo aliala pfo yi duno pelole." 22 Pfo pfü-opfo no Jihudimei yi nekapri duno hibvüo pewotie, adei teli Jihudimei no omei katako pfo yi no Khrista süe tto peprali, pfo yi sü Synagogue chi leno huprawo le tto kakriwotie. 23 Süduno pfo pfü-opfo no pe, "Pfo tsupratie, pfo heno anolo", 24 Süduno ale kahei kochu sowo pfole no mareichi onhei kacheo sü kulowo pfo he pe, "Oramei yi koshulo; omei hina hi kamamei kalie tikocho ino süwe." 25 Pfo no. ochü kola pe, "Pfo kama mei ho mosa ai no sumoe; ai no choho kali süwe, ai mareichi onhei che, ichuoli neloe." 26 Pfole no pfo he pekrie, "Pfo no ni he adei sopie? Kohibvüo pfo no ni nhei hrupra pie?" 27 Pfo no ochü kola pe, "Ai no nile he pewotie, ea nile no chakri boe? Eli-e adei sowo nile no chakri puniwe? Nile-a pfo thetamei soniwowo?" 28 Pfole no pfo yi sü hiwo petie, "Ni pfo thetamei koe, ana iwoli Moses thatamei koe. 29 Oramei no Moses he kakripiwe ticho ino süwe, ana omei hina hiwoli adei chino vue ticho ino sümoe." 30 Lona no ochü kola pe, "Adei sono, hihi okhru kapra kalie! Nile no pfo adei chino vue ticho sümoe, ana pfo no anhei hrupie. 31 Oramei no kamamei yi chakripi chomoe, ana omei katako Oramei yi kothomei ea pfo dzüpa soli Oramei no pfo yi sü chakri piwe. 32 Ojiphe sothu acharei no omei kali kono onhei chiwo mono kokromei yi somazhi kapi sükhrei timonhie. 33 Omei hina hi Oramei heno vu moli pfo no choho kaliko solo hroe." 34 Pfole no pfo he ochü kola pe, "Ni yi kama kashi lekhi mono nhopie, ea nino iyi modo pile wo?" Ea pfole no pfo yi vaku khi hulawotie.

Raku hepo onhei kache

35 Pfole no pfo yi hulawotie ticho Jisu no cholotie, ea pfo yi sü nelowo pfo no pe, "Ni Omei Napfoto-o lochichu-a moe?" 36 Pfo no ochü kola pe, "Kajio, lona sü athe? Ai no lochichu lo koru duno ahe pepio!" 37 Jisu no pfo he pe, "Nino pfo yi newo tie, ea ichu ni yi kakrio kobu na hie." 38 Pfo no pe, "Lipeo, ai no lochichue," sütoko pfo no pfo yi sü thotie. 39 Jisu no pe, "Ai no ochü kakri koru duno ojiphe vue, sübvüo onhei nekomo mei yi peno manelo koru ea onhei newo kobumei yi peno manemo. koru duno vue." 40 pfo he kanhiwo kobu Pharisee mei kamei kono hihi cholotie, ea pfole no pfo he pe, "Akhrumei-e onhei chewo?" 41 Jisu no pfole he pe, "Nile onhei cheli, nile no kama sole moe; ana nile no, 'Ino newe.' tto kape duno ichu-e nile kama sü bue." /10

Kolatu kokhuo vano anada chü

1 "Ai no kochuchuso nile he pewe, Chikhu borne leno kolatu mule lolo mo obo kakri kali leno talo kolo-o süli chivemei kalie ea mei zhi koshomei kalie. 2 Ana chikhu bome leno kolo mei süoli kolatu kokhuo koe. 3 Bokha kokhuo no pfo he sü bokha hropiwe; kolatu no pfo shipei sü chowe, ea pfo no pfo alia kolatu yi sü ozhu no kuwo vaku sawo prapiwe. 4 Pfo no pfo alia kolatu yi sawo prapi kowo the, pfo no pfole dzü reiwo kolatu no pfo the phrüwe, adei teli pfole no pfo shipei süwe. 5 Pfole no vakumei the phrü lemoe, ana pfole no lona he süno tuta tile, adei teli pfole no vakumei shipei sü sucho moe." 6 Jisu no anada chü hi pfole he pe, ana pfo no pfole he kape sü adei ticho pfole no sülo motie.

Kolatu kokhu kazhio, Jisu

7 Süduno Jisu no pfole he pekrie, "Ai no kochuchuso nile he pewe, ai no kolatu khru chikhu süe.8 A dzüno kovu mei thopfüwoli chivemei ea mei zhi koshomei koe; ana kolatu no pfole yi ole nopi moe. 9 Ai no chikhu süe; omei katako ava no talo loli pfo yi sü kolu pile, ea tapra talowo tucho sü nelole. 10 Chivemei no ive koru, sotha koru ea somashi koru duno kolikhri vuwo beiwe. Ai woli pfole kahri sü alichuwo manelo koru duno vue. 11 "Ai kolatu kokhu kazhio süe. Kolatu kokhu kazhio no pfo kahrirei su kolatu yi duno thipiwe. 12 Kolatu lipeo komo, kokhuo komo ana mokru kocho omei süoli imichishu no kovu neloli pfo no kolatu yi sü thewo-a tuta tiwe; ea imichishu no talo lokhru yi tsüwo hupho mara moro leiwowe. 13 Pfo no tuta tiwe, adei teli pfo sü mokru kocho mei koe, ea kolatu yi sü duno ole nomoe. 1415 Ai kolatu kokhu kazhio süe; ai no a zhi khru sü süwe, ea a zhi khru no ayi süwe. Opfo no ayi ea ai no Opfo yi kosü bvüo ai no a kolatu yi sü, ea pfole no ayi sü süwe. Ea ai no pfole yi duno thipinie. 16 Ea hi mu lehi lolo komo a kolatu kakri-e bue; ai no pfole yi-e sawo vulo lole, ea pfole no a shipei cholo le, sübvüo.tokhumu kali ea kokhuo kali sotile. 17 "Pfo no ayi leshie, adei teli ai no pfopi krilo koru duno a kahrirei sü thipi nie. 18 Omei kali kono a kahrirei sü a heno pfota moe. Ai alia piniwo pi-a süe. Ai no thipile-a ea ai no kokheilo le-a a bale kokhro koko bue. Ochü hi ai no a Pfo heno neloe." 19 Chüpe khru va hino Jihudimei hru leno kathe mo omu prakritie. 20 Pfole kopropo no pe, "Pfo hi orakashi no sawo leie, ea pfo hi maratie! Adei sowo pfo ko chakriwe?" 21 Kameiko no pe, "Hihi orakashi no sawo kaleimei no kape ochü moe. Orakashi no onhei kachemei yi somazhi pilo süwo?"

Jisu yi pfopi motie

22 Süchisü rakothochi sopfothu thetho kocho nih sü Jerusalem leno mani we; 23 ea süsü chisei chie. Jisu no rakothochi le Solomon chiphome tikocho hesü takoe. 24 Süchisü Jihudimei no pfo pu hemovü lowo pfo he pe, "Nino chisa ko iyi peno ole chitsuo mobule? Ni Khrista süe teli ihe peto tipiwo." 25 Jisu no pfole he ochü kola pe, "Ai no nile he pewotie, ana nile no lochichu pi moe; Ai no a Pfo zhu leno koso ovo khru süno a shakhi sowe. 26 Ana nile no lochichu pi moe, adei teli nile no a kolatu mu le lo moe. 27 A kolatu no a shipei chowe, ea ai no pfole yi su süwe, ea pfole no a thephrüwe. 28 Ea ai no chisa kahri sü pfole yi pie, ea pfole no howo kati lemoe, mo-e pfole yi omei kata kono a ba leno shopfo ta ti lemoe. 29 Pfole yi ahe kapi a Pfo no thopfü dzü jie; ea omei kali kono a Pfo bale no sho pfota tüo hroe. 30 Ai ea a Pfo sü kali süe. 31 Süthesü Jihudimei no otu pfo ikri lowo pfo yi shule titie. 32 Jisu no pfole he ochü kola pe, "Ai no a Pfo heno nile he ovo kazhili somane kocho khru va tino nile no ayi otu no shule tiwo wo?" 33 Jihudimei no pfo he ochü kola pe, "Ovo kazhi vano mo Oramei yi pemama kocho vano ino niyi otu no shuwe; adei teli omei kali no ni alia Oramei koe tto achakha kocho duno süe." 34 Jisu no pfole he ochü kola pe, "Ai no pewotie, nile oramei khrumeie sütowo nile ozhe lekhi rükheito mowo? 35 Oramei chüpe no vulo kolo khrumei yi süno oramei khru tto kuwoli achichu larü sü chichu molo hroe. 36 Opfo no somothuwo-a ojiphe mole kovuo, 'Ai Oramei Napfoto-o süe.' tto kape vano nile no ai no Oramei yi peamashio tto pewowo? 37 Ai no a Pfo vo sü somoli ayi lochichu sho. 38 Ana ai no sowoli nile no ayi lochichu mo-e ovokhru sü lochichu lo, subvüo a Pfo no a he bue, ea ai no a Pfo he bue ticho sü sülowo nile no lochichu lo koru dunoe." 39 Süduno pfole no pfo yi tokrei lole tto phokri tae, ana pfole bavano pfo no tatie. 40 John no kareichi baptize sokapi Jordan kori lopo dova sü tako he kritie ea pfo no lohe sü butie. 41 Omei paji no pfo he vulowo pe, "John no amashi vo somoe, ana John no omei hina vano kape thopfü sü kochuchue. 42 Ea lohe süno omei paji no pfo yi lochichu lotie. /11

Lazarus kathi

1 Mary ea pfo mito Martha inu, Bethany le kobu mei kali Lazarus tikocho-o hi lishi lotie. 2 Mary ticho pei hi Lipeo phi tei no lavu piwo lopei pishu no sokapipei koe, ea lopei pro Lazarus sü lishi lotie. 3 Süduno mitonhei no pfo he molevu pe, "Lipeo, nino lekashio sü lishilowo butie." 4 Ana Jisu no hihi cholowo pe, "Hihi woli kathi ra moe; hihi Oramei yi azhupepi koru, ea sübvüo hiva hino Oramei Napfoto-o sü azhupe pi koru duno süe." 5 Jisu no Martha, pfo mitopei ea Lazarus yi leshie. 6 Ana, pfo no lona sü lishilowo butie ticho sülotie-e pfo no achekowo bu he sü chithu kahei acheputie. 7 Süthesü pfo no thetamei he pe, "Ikhrumei no Judea le vupu leshe." 8 Thetamei no pfo he pe, "Modokapio, ana Jihudimei no ni yi otu no shule tto phochotie, ea nino lole vupule tiwowo?" 9 Jisu no kola chü pe, "Kaniko hi baji chia kaheio bu mowo? Omei katako pfo no chihra leno talei li pfo sü ophi mosu chomoe, adei teli pfo no ojiphe kava hi newe. 10 Ana omei katako chikhri no taleili pfo sü ophi mosü lowe, adei teli kava sü pfo he hoe." 11 Sübvüo pfo no pewo-a pfole he pe, "Ikhrumei kasa Lazarus sü ozhe tie, ana ai tavu pfo yi ozhe kowo leno makei thupile." 12 Thetamei no pfo he pe, "Lipeo, pfo ozhewo li sü zhilo le." 13 Jisu no lona thikoto vano pewe, ana pfole no pfo kape sü ozhewo asowo shokoe tto mocholotie. 14 Süthesü Jisu no pfole he peto tepie, "Lazarus thitie; 15 nile peno lochichulo koru duno ai lohe bu komo sü ai asa shue. Ana ikhrumei no pfo he vule she." 16 Thomas (nobei amonou tto kokuo) no pfo kasa thetamei he pe, "Ikhrumei-e pfo yi sawo thikoru duno tale she."

Hrikothuo ea kahri, Jisu

17 Jisu no kovuchi sü Lazarus yi okhu lekhi vukowo chithu padei pratiwo nelotie. 18 Bethany hi Jerusalem leno kilo meter kosü ko kanhie, 19 ea Jihudimei paji no Mary ea Martha he, pfohei pro thikotu vano ole sochovo leto vue. 20 Martha no Jisu kovu sülowo lopei no pfo yi vu kade, ea süchisü Mary woli chihe totu bue. 21 Martha no Jisu he pe, "Lipeo, nino hehi buli, a pro thiti lemoe. 22 Ea ichu kotu-a nino Oramei heno choho katako khohili Oramei no ni yi pile." 23 Jisu no lopei he pe, "Ni pro hrithu krile." 24 Martha no pfo he pe, "Pfo no okhei chithuni hrithu krile ticho ai no süwe." 25 Jisu no lopei he pe, " Ai hrikothuo ea kahri süe, ayi lochichu kolo mei sü thiti-e pfo sü hrilole, 26 ca omei katako hriwo-a ayi lochichu kolo mei sü choho chiko thile moe. Nino hihi lochichu ho moe?" 27 Lopei no rib he pe, "Ovue, Lipeo, ni Orame. Napfoto-o, Khrista ojiphe vulo koruo süe ticho ai no lochichuwe."

Jisu no krae

28 Lopei no hihi pekowo thesü lopei mito Mary yi ku tatie, ea makhriso pe, "Modokapio sü hehi bue, ea ni yi kuwe." 29 Lopei no süsü cholowo akuthu nha tilowo pfo he koe. 30 Hiphachi hi Jisu no inule lotulo monhie, ana Martha no pfo yi kade kochu bu he bua süe. 31 Mary no akuthu nha tilowo vaku takapra sü lopei le sochovo pile tto chihe kobu Jihudimei no nelowo okhu heno vu krata-e ho tto mocho lowo pfole no lopei the phrütatie. 32 Süthesü Mary no Jisu kobu he sü vulo pfo yi nelotie, ea pfo phi he sü inokro lowo pfo he pe, "Lipeo, nino hehi butili a pro thiti lemoe." 33 Lopei no krawo kobu ea lopei yi sawo kalei Jihudimei no kakra sü nelowo Jisu le deishutie, ea mazhe shutie; 34 ea pfo no pe, "Nile no adei chi khi lona yi vuwotie?" Pfokhrumei no pfo he pe, "Lipeo, ko koleihio." 35 Jisu kratie. 36 Süduno Jihudimei no pe, "Koleio, pfo no lona yi hi chizhoko leshie.!" 37 Ana pfole kameiko no pe, "Onhei kachemei yi somazhi kapio hina hino omei hina yi hi mathi mo lo hro ti ho?"

Lazarus yi somahrithupie

38 Süthesü Jisu le deishu tiwo okhu he sü takoe; okhu sü oche lekhi vothoe, ea otu kali no opi shukhei toe. 39 Jisu no pe, "Otu hi pfoleiwo." Thikowo-o tupei, Martha no pe, "Lipeo, izhowoli monupra tile, adei teli pfo thikotu chithu padei tie." 40 Jisu no lopei he pe, "Nino lochichu loli nino Oramei kokhro kava sü nele tto ai no pemowo?" 41 Sühesüno pfole no otu sü pfoleiwotie. Ea Jisu no pfo nhei hrüthu koleiwo pe, "A Pfo, nino a kokho ano kapi vano ni kraloe. 42 Ni no a kokho anopi vuzüwe ticho ai no süwe, ana ai no a pu he alawo kochomei yi duno pewe, süoli nino ayi mole vue ticho pfole peno lochichulo koru dunoe." 43 Pfo no hihi pekowo the, pfo no oshuso pe, "Lazarus, tapralo!" 44 Kathi pfona sü pfo phi oba kozüpfüwo, ea pfo pra sü osa no dupfo tapra tie! Jisu no pfole he pe, "Pfo yi ti phreipiwo mata khio."

Jisu pile ashito kocho

45 Mary yi sawo kovu ea pfo no koso sü nekowo Jihudi mei paji no pfo yi lochichu lotie. 46 Ana pfole kameiko no Pharisee mei he Jisu no sokowo sü petatie. 47 Süduno china sokapi kaji jilei mei ea Pharisee mei no vu ashijiwo pe, "Ikhrumei adei tile? Adei teli omei hina hi no okhru kapra pajiko sowotie. 48 Ikhrumei no pfo yi peno hibvüo mosowo leili, omei thopfü no pfo yi lochichu tatile, ea Rome tamei no tavu ikhrumei amothu fü ea imeihrü yi somashi lei wo tile!" 49 Ana pfole hrule no süku sü china sokapi kajio, Caiaphas no pfole he pe, "Nile adei sükomo ko so! 50Meihrü thopfü yi somoho kowo dztiwoli omei kali yi peno moso theso thikapi ko zhie ticho nile sumonhi wo?" 51 Pfo no hihi pfo modo no pemoe, ana mopfo süku sü china sokapi kajio sowo pfo no Jisu hi meihrü yi duno, 52 thipi leto ea meihrü koli duno mo vaku mara moro koto Oramei nakhru yi kali so kodzupi koru duno Jisu no thipi leto pfo no marei no pedapie. 53 Süchithuni süno pfole no pfo yi sotha wole tto kotuda thutie. 54 Süduno Jisu no Jihudimei hrule modu tapra motie, ana lohe süno tapfo orule kanhi kocho Ephraim tto kukowo inu kalile tatie; ea pfo no lohe sü thetamei yi sawo achetie. 55 Jihudimei kolu kolo onih sü kanhi tie, ea omei pajiko inu peino pfole mothu sole tto kolu kolo onih dzü no Jerusalem le vutie. 56 Pfole no Jisu yi koleiwo pfole no rakothochi leno alapfo kanako he pe, "Nile adeito mochowe? Pfo hi onihle vuchani modo?" 57 China sokapi kaji jileimei ea Pharisee mei no, omei katako pfo adeichi bue ticho sükolo mei süno pfole he mosüpio, sütoko pfole no pfo yi tokreilole tto ochü piwotie. /12

Jisu yi Bethany leno tei kodopie

1 Kolu kolo nih dzü chithu choro kobu phachi sü, Jisu no mareichi somahrithu kapio, Lazarus no kobu Bethany le vulotie. 2 Lole no pfotamei no pfo yi veie; Martha no oprei okhe kheipie, ea pfo yi sawo tokowomei hrule sü Lazarus-e mei kalie. 3 Mary no okrei kazhi Nard tei pfolowo Jisu phi nepiwo pfo phi sü lopei pishu no sopie, ea chihe le thopfü sü tei krei kazhi süno phrolotie. 4 Ana thetamei hruleno, Judas Iscariot (Pfo yi koda koruo) no pe, 5 "Adei sowo tei hi denarü krei kosü no zhu lowo choho kohomei yi pimoe?" 6 Hihi pfo no koto kohomei yi ole kono vano moe, ana pfo no chivemei kali kocho dunoe, ea pfo no kasha bvü pfo kalei lokhale thokapi sü pfo no pfolo tiwe. 7 Jisu no pe, "Lopei modo moso-o, ayi pfo kovu chithuni duno lopei peno makhei hito. 8 Choho kohomei woli nile yi akua bu makra we, ana nile no ayi sawolei vuzü lemoe."

Lazarus pile ashito kocho

9 Jihudimei paji no Jisu sü lole butie ticho sülowo pfole no Jisu duno koli mo pfo no kathi leno somahrithu kapio, Lazarus yi se koleile tto vutie.10 Süduno china sokapi kaji jileimei no Lazarus yi-a sothawole tto mochothutie, 11 adei teli pfo vano Jihudimei paji no tatie ea Jisu yi lochichu tatie.

Zhiwo Jerusalem le kolo

12 Theni sü onih le alepfo vulo kowo omei moso süno Jisu sü Jerusalem le vulo-e tto cholotie. 13 Süduno pfole no chanha bu nokei pfolowo pfo yi sü kade leto vue; ea pfole no, "Hosanna! Lipeo zhu leno vulo kowo pfo yi sü Oramei, peno kazhio so! Israel mei movuo peno kazhio so!" tto oshuso shatie. 14 Jisu no ophratu kali neloe, ea liphe va sü buloe, ea achichu larü leno kape sübvuo, 15 "Prisho; Zion le nanito khrumei, Koleio, nile movuo sü, Ophrato kali p foil wo vulo-e!" 16 Achareioli pfo thetamei no hihi sümakrilo moe; ana Jisu yi azhupe kapi theno pfole no hihi pfovano hibvüo rükheitoe, ea pfo hekhi sopiwotie tto sulotie. 17 Pfo no Lazarus yi somahri thupiwo okhu leno kupra kolo chi pfo yi akua kalei mei no mei kakri he hibvüe ticho mosüpie. 18 Pfo no amashi hi sopie ticho chokolo vano omei moso no pfo yi sü kade leto tavu süe. 19 Süthesü Pharisee mei no kanako he pe, "Lona, nile no choho kaliko solo hroe; koleio, ojiphe thopfü no pfo the phrütati-e."

Greek mei kamei kono Jisu yi phowe

20 Onih le sü rathole tto kovumei hrule sü kameiko Greek mei koe. 21 Pfole no Galileele Bethsaida inu leno kovuo, Philip he no tako, "Kajio, ino Jisu yi sü kolei nie." tto petie. 22 Philip no tako Andrew he pe; ea Andrew no Philip yi sawo pfohei no Jisu he pe, 23 Jisu no pfohei he ochü kola pe, "Omei Napfoto-o azhupepi koru chilu sü vutie. 24 Ai no kochuchuso nile he pewe, gehu ro tho kali no ojikhru le adu lowo thiti moli, losü mali bua süe; ana losü no thitili, losü no otho paji mashi lowe. 25 Omei katako alia kahrirei yi lekashimei süno mohowo tiwe, ea ojiphe hino alia kahrirei yi sü motho komomei süno chisa kahri yi duno kheilole. 26 Omei kata kona a ovo koso mei sü, a the phrü moli shie; ea ai no kobu hesü, a chileio sü bule. Omei kata kali kona a ovo soli Opfo no pfo yi sü itsü mokhro pile.

Jisu no pfo kathi vano pe

27 "Ichuo a le mazhetie, ea ai no adei tto pele? 'A pfo, hibvü kocho chilu hi a pile movu pisho' tto pele ho? Ana, hibvü kocho amazhe chilu hi kade koru duno ai sü vue. 28 A Pfo, ni zhu sü azhupelo!" Süthesü rache no shipei kali vue, "Ai no süsü azhupe piwotie, ea ai no süsü azhupe pi pule." 29 Opuhe kobu omei moso no süsü choe ea ochino süwe tto pfole no pe, kamei kono pe, "Rachevomei kali no pfo yi kakriwe.!" 30 Ana Jisu no pfole he pe, "Shipei hi ayi duno mo, nile yi duno vue. 31 Ichu hi ojiphe ochü kakri kocho sü vutie, ea ojiphe kokhawo kalei mei yi sü thewo tile; 32 ea ayi ojiphe no pfo mokhru thupile, omei thopfü yi sü ahe savu tile." 33 Pfo no kape hi pfo kohibvüo thile ticho sü manewe. 34 Moso no pfo he ochü kola pe, "Ozhe leno ino süe, Khrista sü chisa no hrile tto pe. Eli-e nino kohibvüo Omei Napfoto-o sü pfo kolathule tto pewe? Omei Napfoto-o ticho hi athe?" 35 Jisu no pfole he pe, "Kava sü nile yi opha kodzüko sawo bule nhie. Kava kobu leno nile no takhi moli kozü süno nile yi kozülo tile; kozü leno kata mei süno pfo adeichi ta-e ticho sucho moe. 36 Nile no kava le nakhrumei sü solo koru duno nile he kava kobu leno, nile no kava yi sü lochichulo.

Omei no lochichu komo

Jisu no hihi pekowo the, pfo no tamara tatiwo pfole heno kotsü tatie. 37 Pfo no pfole hekhi amashi pajiko sopiwo-e, pfole no pfo yi lochichu pimoe, 38 sübvüo rachüpeo, Isaiah no pekowo sü vutulo koru dunoe: "Lipeo, ino kape sü athe no lochichuwe? Ea athe hekhi Lipeo no pfo kokhro koko sü manepiwe?" 39 Süduno pfole no lochichulo hrotie, adei teli Isaiah no hibvüo pekrie, 40 "Pfo no pfole nhei sü somachewotie ea pfole le sü somokhrowotie, Sübvü moli pfole nhei no nelo tile, ea pfole le no sülo tile, ea pfole yi somazhipi koru duno ahepo ada vutile." 41 Isaiah no hihi pe, adei teli pfo no Jisu kokhro kava sü newo pfo vano pewe. 42 Opile kocho mei-e paji kono pfo yi lochichu lowo bu-e Pharisee mei yi kapri duno, ea Synagogue chile no hulawo tile tto pfole no modu no pephra pilo moe. 43 Adei teli pfole no Oramei shu dzüno omei shu ko dzüpa putie.

Jisu chüpe no ochü kakri cho

44 Jisu no oshuso pe, "Ayi lochichu kolo mei süno ayi mono ayi mole kovuo sü lochichu we. 45 Ea ayi kane mei süno ayi mole kovuo sü newe. 46 Ai no kava sowo ojiphe vue, sütowo omei katako ayi lochichu kolo mei süno kozüle bupu moti koru dunoe. 47 Omei katako ai no kape sü cholowo zü komo mei yi sü, ai no pfo yi ochü kakri lemoe; adei teli ai no ochü kakri koru duno moe, ana ojiphe yi kolulo kofu duno vue'. 48 Ayi pfopi komomei ea ai no kape sü pfolo komomei yi ochü kakripi koru kali bue; ai no pephra kowo chüpe sü no kono chithuni sü ochü kakrile. 49 Adei teli ai alia modo no pephra moe; ana ayi mole kovuo, a Pfo no adei pele ea mosüle ticho kotukokha chü sü pepiwo pephrawotie. 50 Ea pfo kotukokhachu sü chisa kahri süe ticho ai no süwe. Süduno, ai no pekowo sü a Pfo no pepiwo pewe." /13

Jisu no pfo thetamei phi khru pie

1 Kolu kolo nih dzüni sü, Jisu no ojiphe hino tapfo Opfo he kovu chilu sü vutie ticho sülotie. Pfo no ojiphe kobu pfo mei khru yi ole shipie, ea pfo khrumei yi leshivu okhei tupie. 2 Jisu ea pfo thetamei sü tavei azhuwo bue. Orakashi no Simon napfoto Judas Iscariot lele sükhi Jisu yi tokrei pi koru itsü thopiwotie. 3 Opfo no Jisu hekhi kokhro koko thopfü sü piwotie, ea pfo no Oramei heno vue, ea Oramei he vuta-e ticho süwe. 4 Süduno pfo no chikro tavei to kocho leno akuthu lowo pfo sa sü khei khitowo pfo chikhe sü osa kali no phulotie.5 Süthesü pfo no korükhe kali lekhi odzü latho lowo thetamei phi sü khruthutie, ea pfo no chikhe kana sasü no pfo khrumei yi sü somothu pitie. 6 Pfo no Simon Peter he takoe, ea Peter no pfo he pe, "Lipeo, ni aphi khrüpi lewo?" 7 Jisu no pfo he pe, "Nile no ai adei sowe ticho ichu süle moe, ana thedzü nile no sülole." 8 Peter no pfo he pe, "Ni yi peno a phi mokhrtile moe." Jisu no pfo he ochü kola pe, "Ayi peno mokhrü moli, ni apomei motie." 9 Simon Peter no pfo he pe, "Lipeo a phi koli mo a ba ea a pi-e khrupio!" 10 Jisu no pfo he pe, "Odzü akhrü kowo mei yi duno ophi koli mo khru koru hoe, ana pfo sü thopfü mothu tie. Nile woli mothu tie, ana nile thopfü no mothu moe." 11 Adei teli a the no pfo yi koda wole tiwe ticho sü pfo no süwe. Süduno pfo no, "Nile thopfü no mothu moe." tto pewe. 12 Pfo no pfole phi sü odzü khrüpiwo-a, pfo sa sü pfolowo pfo bule kobu kolo the, pfo no pfole he pe, "Ai no nile he adei sowo tie ticho nile no süwo homoe?" 13 "Nile no ayi no, 'Modokapio' ea 'Lipeo' tto kuwe; ea subvü kocho sü nile mache, ea ai süse. 14 Süduno, nile Lipeo ea modokapio no nile phi khrüpi woli, nile-e kanako phi kokhrü phae. 15 Adei teli ai no nile he somanepi kowo tibvüo nile-e ai no koso tibvüo solo. 16 Ai no kochuchuso nile he pewe; chilei kali no pfo lipeo dzüno jimoe; mo-e pfo yi mole kovuo dzüno takocho-o no jimoe. 17 Nile no hikhru hi sülowo sololi nile achovo süe. 18 "Ai no nile thopfü yi duno pemoe; ai no kodo kolo mei sü ai no süwe. Ana achichu larü lekhi kape sü vutulo koru dunoe. 'A lire towo kobuo no ayi mahreithu tile.' 19 Ai no hihi prakomo dzü ichu no nile he pewe, sütoko prateli ai pfo süe ticho nile no lochichulo koru dunoe. 20 Ai no kochuchu so nile he pewe, ai no omei kata yi ko mole kovumei yi moshu kolo mei sü ayi moshuloe; ea ayi moshu kolo mei süno ayi mole kovuo sü moshuloe."

Jisu no pfo yi kodawo koru pedapie

21 Jisu no sübvüo pekowo the, pfo sü mazhe shutie, ea modu no pe, "Ai no kochuchuso nile he pewe, nile hrule mei kali no ayi kodawo tile." 22 Thetamei sü sütemo pfo no athe yi pewo sa tto kanako yi koleitie. 23 Jisu no Iekashi, pfo thetamei kali Jisu yi adato tto bue. 24 Süduno Simon Peter no pfo he oba no odo sowo, "Pfo no pekowo sü athe yi ko sa, akhrumei he pepio." titie. 25 Süduno Jisu puhe adato tto kobuo no pfo he pe, "Lipeo, losü athe?" 26 Jisu no pe, "Ai no lire hi okhe le kothetho sülowo pikoru na süe." Süthesü pfo no lire phro sü pfo kothetho sülowo Simon Iscariot napfoto Judas yi pie. 27 Pfo mele tho kolothe sü Satan no pfo lele lolotie. Jisu no pfo he pe, "Ni adei sole tiwe kotho sorao." 28 Towo kobu mei kaliko pfo he adei vano pewe ticho sümoe. 29 Kamei kono mocho kocho woli Judas no kasha bvü pfo kalei duno Jisu no pfo he pewo, onihle ikhrumei yi duno hrumo kashi khru hrülo tiwole, mo-e pfo yi no choho kohomei yi duno chohoko mapile tiwo shoko tto mochoe. 30 Sübvüo pfo no lire sü tokolo the mothokhru vaku pratatie, ea süsü chi zütie.

Kotu kokha chü kothu

31 Pfo no tapra koto the sü Jisu no pe, "Ichuo Omei Napfoto-o sü azhupe piwotie, ea pfo vano Oramei yi sü azhupe piwotie. 32 Oramei yi sü pfo vano azhupe pitili, pfo yi sü Oramei no Pfo vano azhupe pile, ea pfo no mothokhru azhupe pile. 33 Anakhrumei, opha kodzüko ai no nile yi sawo bu-abeile. Nile no ayi phole ea ai no Jihudimei he kape bvüo ichu-a ai no nile he pewe, ai no takocho le sü nile no vulo hroe, süduno ai no ichu no nile he pewe. 34 Ai no kotukokhachü kothu kali nile he piwe, süoli nile no kanako yi leshilo, ai no nile yi leshi kapiti bvüo, nile-a kanako yi leshilo. 35 Nile no hibvü kocho vano omei thopfü no nile yi no a thetamei koe ticho sülole."

Peter no chazhikoru Jisu no pedapie

36 Simon Peter no pfo he pe, "Lipeo, ni adeichi vuta-e?" Jisu no kolachü pe, "Ai no kata lesü ni no ichuo a the phrulo hroe; ana konodzü no ni athe phrüle." 37 Peter no pfo he pe, "Lipeo, adei sono ai no ni the icho phrulo hroe? Ai niyi duno thile!" 38 Jisu no ochü kola pe, "Ni ayi duno thipi lewo? Ai no kochuchuso nihe pewe, nino ayi chazhiwo kosü khro komole ohu no khele moe." /14

Jisu hi Opfo he kovu liji süe

1 "Nile le mazhe tisho, Oramei yi lochichu lo, ayi-e lochichu lo. 2 A Pfo chihe sü obu paji bue, sütomoli, ai no nile hekhi ai nile yi duno obu kali soda ta-e tto pelewo? 3 Ea aino tavu nile yi duno obu sü sodawo tili, ai no adavu nile yi ahe sawo vule, sütoko ai no kobu he sü nile yi-e mobule. 4 Ea ai no ada ta koru liji sü nile no süwe." 5 Thomas no pfo he pe, "Lipeo, ni adeichi vuta-e ticho ino sümoe, kohibvüo ino liji sü sulole?" 6 Jisu no pfo he pe* "Ai no liji süe, achichu süe, ea kahri süe; omei katako a vano moli a Pfo he vulo chomoe. 7 Nile no ayi sülo tili, nile no a Pfo yi-e kosü pha; ea ichu hino nile no Pfo yi sü sü ea nelotie." 8 Philip no pfo he pe, "Lipeo, Opfo sü iyi maneo, sütoli ino khralo tile." 9 Jisu no pfo he pe, "Ai no nile yi hisa sa akua leie, ea nino ayi ichua sumo nhiwo, Philip? Ayi nekowo mei sü Opfo yi su newotie, nino kohibvüo, 'Opfo sü iyi manep' tto pewe? 10 Ai Opfo he bue ea Opfo no a he bue ticho nino lochichu mowo? Ai no nile he kape chüpe hi amodo no pemoe; ana alele kobu Opfo süno Pfo vo sü sowe. II Ai Opfo he bue ea Opfo no a he bue ticho ayi lochichulo; mo-e ovokhru va tino ayi lochichulo. 12 "Ai no kochuchuso nile he pewe, ayi lochichu kocho mei süno ai no koso sü pfo se sole, ea hidzüno ovo kaji pfo. no sole; adei teli ai no Opfo he vuta-e. 13 Nile no choho katako a zhu leno kokho sü ai no sopile,. sübvüo Onapfoto-o vano Opfo yi sü azhupe pilo koru dunoe. 14 Nile no choho katako, a zhu leno khololi, ai no süsü sopile.

Mothu Raku yi pile tto kape kapi

15 "Nile no ayi leshili, nile no a kotukokha chü sü züle.16 Ea ai no Opfo he no khopile, ea Pfo no nile yi chisa mazha akua bupi koru sokhro kapio kakri kali pile. 17 Pfo sü ojiphemei no nelo kohro achichu Raku süe. Adei teli pfole no pfo yi sü nelo hroe, mo-e sülo hroe. Ana nile no pfo yi sü süwe, adei teli pfo no nile yi akua bue, ea nile lele bue. 18 "Ai no nile yi the achidowo le moe, ai no nile he vule. 19 Opha kodzüko leno ojiphe no ayi nepu lemoe, ana nile woli ayi nele; adei teli ai liriwe, ea nile-a hrile. 20 Suni sü ai a Pfo he bue, nile no ahe bue ea ai no nile he bue ticho nile no süle. 21 "Omei katako a kotukokha chu pfolowo zu kolo-o sü ayi leshie, ayi leshi kocho mei sü a Pfo no leshi pile, ai no pfo yi sü leshile ea pfo he ai no achane pile." 22 Judas (Judas Iscariot komo-o) no pfo he pe, "Lipeo, ni no ni ala ni yi ihe achane pile, ana ojiphe he woli moe ticho sü adei tiwe?" 23 Jisu no pfo he ochü kola pe, omei katakona ayi leshili, pfo no a chüpe sü'züle, a Pfo no pfo yi leshi pile, ea ikhrumei no pfo he vuwo pfo yi akua butile. 24 Ayi leshi komo mei süoli a chupe sü zü chomoe; ea nile no kocho chüpe hi a chüpe moe, ana ayi' mole kovuo Opfo chüpe koe. 25; Hikhru hi ai no nrleyi sawo kobu leno nile M pewotie. 26 Opfo no a zhu leno mashi vupi koru, sochovo kapio, Mothu Raku no chohbli thopfü sü nile yi modo pile, ea ai no nile. he pepi kowo thopfü hi mapeno momu matei pile. 27 Amani sü ai no nile he pie, a zhi amani sü nile yi pie; ojiphe mei no kapi bvüo ai no nile yi pimoe. Nile le sü mazhe sho, pria pritisho. 28 Ai no nile he kape, "Ai tatile, ana nile he adei vule" ticho sü nile no cholotie. Nile no ayi leshili, ai no Opfo he vuta kowo duno nile no asa kocho phae, adei teli Opfo no a dzü jie. 29 Hihi prakomo leno ai no nile he ichono pewotie, sübvüo hihi prali nile peno lochichulo koru dunoe. 30 Ai no nile he kophrb moso lemoe, adei teli ojiphe kokhumei no vulo-e tie. Pfo no a pile kokhro koko hoe; 31 ana Opfo no mole kapi thephruwo ai no sowe. Ai no Opfo yi leshie ea Opfo no ayi no solo tto mole kapi sü ai no sowe ticho sü sülo koru dunoe. Akuthulo, ikhrumei no he hino tati leshe. /15

Jisu no drakha bu kochu sue

1 "Ai drakha bu kochu sue, ea a Pfo no topri koso-o süe. 2 A va kobu nokei katako otho mashi komo süoli pfo no dzuleiwo le; ea otho kate nokei sü otho mashipu lo koru duno pfo no somothu piwe. 3 Ai no nile he pepikowo chüpe vano nile woli mothu lotie. 4 Ahe bulo, ea ai no nile he bulole. Nokei no drakha bupe va tewo bumoli alia otho mashilo kohro bvüo nile-e ahe bulo moli otho mashilo hroe. 5 "Ai no drakhabu sue, ea nile no nokei khru sue. Omei katako ahe bulo ea ai no pfo he sü buloli pfo sü otho paji mashi lowe. Adei teli ai moli nile no choho kaliko solo hroe. 6 Omei katako ahe bumoli, pfo yi sü nokei kali bvüo shileiwo-a kituwe, ea nokei khru sü koku lowo omile khi tho dei wo tiwe: 7 Nile no ahe bulo ea a chüpe khru no nile he buloli, nile no dzü kapa sü khokhio, ea süsü nile yi sopile. 8 Nile no otho paji mashi kolo duno a Pfo yi sü azhupepie; ea hibvüo nile no a thetamei solowe. 9 A pfo no ayi lekashi bvüo, ai-e nile yi leshie. Nile no a lekashi le bulo. 10 Ai no a Pfo kotukokhachü züwo pfo lekashi le kobu bvüo nile-a kotukokhachü züwo a lekashi le bule. 11 "A asa sü nile he bulo koru ea nile asa sü alichulo koru duno ai no hikhru hi nile he pepiwotie. 12 Hihi a kotukokhachü süe: süoli, ai no nile yi leshipi kocho bvüo nile-e kanako yi leshilo. 13 Omei kali no pfo kasamei yi duno pfo kahrirei thikapi hidzurio oleshipu kocho kaji mei kaliko hoe. 14 Ai no nile yi mole kapi sü sololi, nile-a akasamei süe. 15 Hithe hi no ai nile yi no chileimei tto kupu lemoe; adei teli chileio no pfo lipeo no koso sü adei sü chomoe; ana ai no nile yi kasamei tto kulotie; adei teli ai no a Pfo heno chokolo thopfü sü nile he mosü piwotie. 16 Nile no ayi kodolo moe, ana ai no nile yi kodoloe, ea nile no tavu otho mashilo koru ea otho mobulo koru duno obu fhopie; süduno nile no azhu leno a Pfo heno choho katako khohili pfo ho süsü nile yi pile. 17 Nile no kanako yi leshilo tto ai no hihi soteso pewe.

Ojiphemei no nekara kocho

18 "Ojiphemei no nile yi nekarawoli, nile yi nekara kocho dzüno reiwo ayi nekarawo süe ticho sülo. 19 Nile hi ojiphe zhie tili, ojiphe no alia zhi sü leshile; ana nile no ojiphe zhimoe, ea ai no ojiphe no nile yi kodo phra kowo duno ojiphe no nile yi nekarawe. 20 Ai no nile he pekowo sü mocholo, 'Chileimei kali no pfo lipeo dzüno jipu moe.' Pfole no ayi somazhe mochowo tili, nile yi-e somazhele; pfole no a chü züwoli, pfole no nile chü-e züle. 21 Ana hikhru thopfü hi a duno nile pile sole, adei teli pfole no ayi mole kovuo sü sümoe. 22 Ai no pfole he vu pepi moli, pfole kama sü bule moe; ana ichuoli pfole kama sü hukokupi koru hotie. 23 Ayi nekara kocho mei sü a Pfo yi se nekarae. 24 Ai no pfole hruleno omei kali kona sokomo ovo khru hi somoli, pfole kama sü bule moe; ana ichuoli pfole no newo tie ea ayi-e ea a Pfo yi-a nekara lotie. 25 Hihi pfole ozhe lekhi rüthokhei koto chüpe sü vutulo koru dunoe. 'Pfole no ayi choho duna mo nekara tie.' 26 "Ana ai no Opfo heno nile yi mashivu pi koru sochovokapio, Opfo heno kovu achichu Raku no vuloli, pfo no a shakhi sopile. 27 Ea nile a shakhi khrumei süe, adei teli nile no acharei no ayi sawo leie. /16 1 "Nile yi peno mawo timo koru duno hikhru thopfü hi ai no pepiwotie. 2 Pfole no nile yi Synagoguechi khru no hulawole; ea nile yi omei kata no sotha kocho sü Oramei ovo sowe tto mocho kocho chilu vutile. 3 Ea pfole no hihi "sole, adei teli pfole no Opfo yi mo-e ayi-e sülo moe. 4 Ana ai no nile he hikhru hi pewe, sütowo chilu sü vuloli nile no hikhru hi ai no pepiwotie ticho lilo koru dunoe.

Mothu Raku ovo

"Ai no acharei nile he hikhru hi pepi moe, adei teli ai no nile yi akua bue. 5 Ana ichuo li ai no ayi mole kovuo he vutae tie; ana nile kali kona, 'Ni adeichi vuta-e?' tto ahe ano moe. 6 Ana ai no hikhru hi nile he pepi kowo duno nile le mazhe shutie. 7 Süto-a ai no nile he kochuchu sü pewe; ai no takocho hino nile yi duno zhi-a süe, adei teli ai no tamoli, sochovo kapio süno nile he vule moe; ana ai no tali ai no pfo yi sü nile he movu pile. 8 Ea pfo no vuloli, pfo no ojiphe mei he kama, achichu ea ochükakri kocho khru mache komo sü mosü mane pile. 'Kama sü, pfole no ayi lochichu komo duno, 10 achichu sü ai no Opfo he vutawo nile no ayi nepu mo koru duno; 11 ochü kakri kocho sü, ojiphe kokhumei yi hi ochü kakri kowo dunoe. 12 "Ai nile he pekorü paji bunhie, ana nile no ichu pfüpeilo hroe. 13 Achichu Raku no vulo kocho chi sü, pfo no nile yi achichu lesü sawo vupile; adei teli pfo no pfo alia modo no pile moe, ana pfo no kocho sü pepile, ea pfo no vulo koru khru sü mosü phra pile. 14 Pfo no ayi so azhupe pile, adei teli pfo no azhi no pfolowo pfovu nile yi mosü pile. 15 A Pfo he kobu thopfü sü a zhie, süduno Raku no ahe no pfolowo pfovu nile he mosü pile tto ai no pewe.

Amazhe ea asa kocho

16 "Kodzüko buli nile no ayi nepu lemoe; ea kodzü koli nile no ayi nekrile." 17 Pfo thetamei kamei kono kanako he pe, "Pfo no, 'Opha kodzüko buli nile no ayi nele moe, ea kodzü koli nile no ayi nele' tto kape sü adei tiwe? Ea, 'Ai no Opfo he vuta kocho duno' ticho sü adei tiwe? 18 Pfole no pe, "Pfo no, .'Opha kodzüko' ticho sü adei pewe? Pfo no adei vano pewe ticho ino sümoe." 19 Pfole no pfo heno anoniwo chotie ticho sü sü lowo Jisu no pfole he pe, "Ai no kape, 'Kodzüko buli nile no ayi nele moe, ea süthesü kodzü koli nile no ayi nele' tichosu ai no adei koso vano pewe tto nile no kanako he no anowo butiwo? 20 Ai no kochuchuso nile he pewe, 'Nile no krawo, modole, ana ojiphe no asale; nile no mazhe shule, ana nile amazhe sü asale ada tile. 21 Nitomei kali no monole tto kochochi mazhe tiwe, adei teli lopei chilu sü vutie; ana lopei no monolo teli onato kali ojiphe khi mono krolo tie ticho asa süno amazhe thopfü sü momu chomoe. 22 SüduTio nile ichu mazhe we, ana ai no nile yi kade krile ea nile sü asa tile, ea omei kali kona nile asa sü nile heno pfota ti lemoe. 23 Süchithuni sü nile no ahe no choho ko kho lemoe. Kochuchuso ai no nile he pewe; nile no choho katako Opfo heno khohili süsü Pfo no azhu leno nile yi pile, 24 Ichu kotu hi nile no choho kali ko azhu leno kho monhie; khokhio, ea nile no niloie, sübvüo nile asa sü alichu lole.

Ojiphe dzüno zhiwo kokolo

25 "Ai ho hihi nile he anada chü no pewotie; ana ai no anada chü no pepu mo Opfo vano petoto tikapi chilu sü vuti-e. 26 Süchithuni sü nile no azhu leno khole; ana nile yi duno ai no Opfo heno khopile timoe; 27 Opfo ala nile yi lekashi dunoe, adei teli nile no ayi leshie, ea Opfo heno ai vue tto lochichu lotie. 28 Ai Opfo heno ojiphe hi vue; ea ai ojiphe thewo-a Opfo he vuhikri ta-e." 29 Pfo thetamei no pe, "Ichuo ni anada chü no pemo modu no peta-e. 30 Ichuo ni choholi thopfü sükhrei tiwe ticho ino sülotie, ea ni he no kohru ano kocho hoe; hiva hino ni Oramei heno vue ticho ino Iochichue." 31 Jisu no pfole he ochü kola pe, "Nile no ichuo lochichu lo homoe? 32 Opha chilu sü vu-e tie, kochuchuso chilu sü vutie, nile yi so mara moro pfothu no alala chihe vukhrei tita tiwo ayi koli khri thewo tile; ana ai koli khri moe, adei teli Opfo no ayi sawo leie. 33 Nile no ayi kohrü kolo vano amane sü nilo koru duno ai no nile hekhi hihi pewe. Ojiphe hi nile mazhele, ana asalo, adei teli ai no ojiphe yi kolotie!" ] /17

Jisu no pfo thetamei yi duno mazhechü pe,

1 Jisu no hikhru hi pekowo the pfo nhei hrüthu rache kolei lowo pe, "A Pfo, chilu sü vutie; Onapfoto-o no ni yi azhupe pilo koru duno ni Napfoto-o yi azhupe pio. 2 Adei teli nino omei thopfü pile pfo ba vakhi kokhro koko piwo-a nino pfo hekhi kapimei yi sü chisa kahri pilo koru dunoe. 3 Ea chisa kahri ticho süoli, pfole no ni yi no kalikhri kobu achichu Oramei süe, ea nino mole kovu Jisu Khrista yi sü sükolo süe. 4 Nino ayi moso koru ovo sü somochuwo-a, ai no niyi ojiphe no azhupe piwo tie; 5 ea ichuo a Pfo, nino acharei ojiphe sothulo komo leno ahei he kobu azhupe kocho tino ni nhodzü no ayi azhupe pio. 6 Nino ayi ojipheno pfophra lowo kapi khrumei hekhi ai no ni zhu sü mosü mane piwotie. Pfole sü ni zhie, ea nino pfole yi a hekhi pie, ea pfole no ni chüpe sü sülotie. 7 Ichuoli nino ahe kapi thopfü hi ni heno vue ticho pfole no süloe; 8 adei teli nino pekapi chüpe khru sü ai no pfole he pepiwotie, ea pfole no pfolotie; ea ai nihe no vue ticho hi kochue ticho sülotie, ea nino ayi mole vue ticho hi pfole no lochichulotie. 9 "Ai no pfole yi duno mazhechü pewe, ai no ojiphe yi duno mazhechü pemoe, ana nino ahe kapi khrumei yi duno pewe, adei teli pfole sü ni mei koe. 10 Amei thopfü sü ni mei koe, ea ni mei sü ameie, ea pfole vano ayi azhupe pie. 11 Ea ichuo ai ojiphe hi bumotie, ana pfole woli ojiphe bue, ea ai woli nihe vuta-e. Amothu a Pfo, pfole yi nino ayi kapi ni zhu kokhro koko tino chikupio, ahei no kali kocho bvüo pfole yi peno kali moso pio. 12 Ai no pfole yi sawo kobuchi, nino ahe kapi nizhu tino chikupie, ai no pfole yi khupie, ea achichu larü lekhi kape sü vutulo koru duno hoti koru ona stiko jino pfokhrumei kaliko homoe. 13 Ana ichuo li ai nihe vuta-etie; ea hikhru hi ai no ojiphe no pewe, sütoko a asa sü pfole lele no alichulo koru dunoe. 14 Ai no pfole he ni chüpe sü pewotie, ea ojiphe no pfole yi nekarae, adei teli ai no ojiphe zhi komo bvüo pfole-e ojiphe zhi moe. 15 Pfole yi ojiphe no pfota tuo tto ai no mazhechü pemoe, ana nino pfole yi kashi leno khupio. 16 Ai no ojiphe zhi komo bvüo pfole-e ojiphe zhi moe. 17 Achichu leno pfole yi somothu pio; ni chüpe hi chichue. 18 Ni no ayi ojiphe molu kovu bvüo, ai. no pfole yi ojiphe molu mata-e. 19 Ea pfole yi peno achichu leno shilalo koru duno ai-e pfole yi duno ai alia shila piwotie. 20 "Ai hikhru hi kolikhri duno mazhechü pemoe, ana pfole no kape chüpe vano ayi lochichu kolo khrumei yi duno pewe, 21 sütoko pfole thopfü no kali solo koru duno, a Pfo, nino a lele kobu, ea ai no ni lele kobu bvüo pfole yi peno ilele mobu lowo nino ayi molu vupie ticho ojiphe yi peno lochichulo koru dunoe. 22 Nino ahe kapi kokhro kava sü ai no pfole he piwotie, adei teli ahei no kali kocho bvüo pfole yi peno kali solo koru dunoe. 23 Ai no pfole lele ea nino a lele bue; sütoko pfole yi peno kali solo koru dunoe, subvüo nino ayi molu vupie ea nino ayi leshi kapi tibvüo pfole yi-e leshipie ticho hi ojiphe peno sülo koru dunoe. 24 A Pfo, nino pfole yi a hekhi pie ea ai no kobu hesü pfole yi peno ayi akua mobu nie, sübvüo ojiphe solo komo leno nino ayi leshi kocho vano kapi kokhro kava ti pfole yi peno nelo koru dunoe. 25 Achichu a Pfo, ojiphe no niyi sümoe, ana ai no ni yi sülotie, ea ayi nino molu vupie ticho hikhrumei hino süloe. 26 Ai no ni zhu sü pfole he mosü piwotie, ea mosü pupile, sütowo nino ayi leshi kapi tino pfole lele mobulo, ea ayi peno pfole lele mobu pilo." /18

Jisu yi tokrei kolo

1 Jisu no ochü khru hi pekowo the, pfo no pfo thetamei yi sawo Kidron ji okhro kali kobu lesü tatie. Lole sü topri kali bue, ea süle sü pfo ea pfo thetamei no talotie. 2 Pfo yi koda kowo, Judas-e obu hi süwe; adei teli Jisu no pfo thetamei yi sawo lohe süno kadedewe. 3 Süduno chinasokapi kaji jilei mei ea Pharisee mei no movu kowo shipei mei mu kali ea rakothochi kokhumei mu süno lantin, omi matepfo ea oru na pfo Judas yi sawo lole sü talotie. 4 Süthesü, Jisu no pfo va prakoru sü sülowo pfole he sü tako pe, "Nile no athe yi phowe?" 5 Pfole no pfo he ochü kola pe, "Nazereth le Jisu." Jisu no pfole he ochü kola pe, "Ai lona sue." Pfo yi koda kowo-o, Judas sü pfole yi akua ala choe. 6 Pfo no pfole he, "Ai lona süe." tto peli-e pfole no chithe pfo ojiphile inokro tie. 7 Pfo no pfole he anopue, "Nile athe yi phowe?" Ea pfole no pe, "Nazereth le Jisu". 8 Jisu no pe, " 'Ai lona süe.', tto ai no nile he pewotie; süduno nile no ayi phowoli, hikhrumei hi matawo." (9 Hihi pfo no, pekowo, "Nino ayi kapi khrumei sü kaliko moho moe." ticho chüpe sü vutulo koru dunoe.) 10 Süthesü Simon Peter no okhro kali pfo kobu sü peizho phra lowo china sokapi kajio chileimei kali nobi izhopo sü dztidu leiwo tie. Chileio zhu sü Malchus tiwe. 11 Jisu no Peter he pe, "Ni khro ti khroshe bvüle khi kothe thowo; Opfo no ayi kapi oprei sü ai chile mowo?"

Jisu no Annas nhodzü

12 Süthesü shipeimei mu ea pfole pikochomei ea Jihudimei vo kosomei no Jisu yi sü tokrei lowo pfo yi orei no mulotie. 13 Pfole no Annas he sawo vureie, adei teli pfo sü mopfo liku china sokapi kajio, Caiaphas pe koe. 14 Moso theso omei kali no thipi moli shie tto Jihudimei hekhi kape sü Caiaphas noe.

Peter no Jisu yi chazhitie

15 Simon Peter ea thetamei kakri kali no Jisu the modzü vue. Theta pfona hi china sokapi kajio yi amosü kowo duno pfo sü Jisu yi sawo china sokapi kajio chihe sü lotie. 16 Ea Peter sü vaku chikhu pu he alachoe. Süduno china sokapi kajio yi amosükowo chilei kakri na süno vaku pralowo chikhu pu heno khuwo kobu chileipei he sükhi pehiwo Peter yi chihe sawo loloe. 17 Chikhu pu heno alawo kocho chileipei süno Peter he pe, "Ni-e omei hina thetamei kali mowo?" Pfo no pe, "Ai moe." 18 Make shuwo kobu duno chileimei ea kokhumei no omi dei chovowo pfole no alawo bue; ea lohrule süno Peter-e omi chovowo pfole yi sawo alachoe.

China sokapi kajio no Jisu he anoe

19 China sokapi kajio no Jisu heno pfo thetamei ea pfo amodo vano anotie. 20 Jisu no pfo he ochü kola pe, "Ai moduno ojipheva hi pewotie, ai no Synagogue chile ea rakothochi le Jihudimei thopfü no vulo kocho chino modowotie, ea choho kaliko makhriso pemoe. 21 Adei sono ni ahe anowe? A ko kocho mei heno anokhio, ai no pfole he adei pewotie; ai no kape sü pfole no süwe." 22 Pfo no hihi pekowo the, opu heno alawo kocho kokhumei kali no, pfo bazho no Jisu yi kopha piwo pe, "China sokapi kaji mei he nino sübvüo kape machewo?" 23 Jisu no pfo he pe, "Ai no pemawo teli, kama shakhi sü pfophra khio; ana ai no mache leno pewoli ni adei sowo ayi dawe?" 24 Süthesü Annas no pfo yi sü orei no mupfo china sokapi kajio, Caiaphas he matawotie.

Peter no Jisu yi chazhikrie

25 Simon Peter sü alapfo omi chovowo bue. Pfole no pfo he pe, "Ni-a pfo thetamei kali mowo?" Peter no chazhiwo pe, "Ai woli moe." 26 Peter no nobi dzüdu kowona opfomei va kobu china sokapi kajio chileimei kali no anotie, "Toprile tino pfo yi sawo kalei ai no niyi ne mowo?" 27 Peter no chazhi kritie; ea sübve süno ohu khepra tie.

Pilate nhodzü Jisu

28 Suthesü pfole no Jisu yi sü chithu miki no Caiaphas chihe no sawo chiji kokhuo fühele talotie. Jihudi pikochomei no chiji kokhuo fühe lesü lomoe, adei teli pfole no kolu kolo onih le tavei sü chazhe somo tolo koru dunoe. 29 Süduno Pilate no pfole he tapra pe, "Hina pile hi nile no adei pemodu kocho bue?" 30 Pfole no pfo he ochü kola pe, "Omei hina hino choho kashi somoli, ino pfo yi ni he pfovupi lemoe." 31 Pilate no pfole he pe, "Pfo yi sü pfolowo, nile alia ozhe leno pfo chu sü kakrilo." Jihudimei no pfo he pe, "Iyi duno omei kali yi sotha kocho ozhe moe." (32 Hihi Jisu no kohibvü kocho kathi tano thile tiwe tto pfo no pekapra chüpe sü vutulo koru dunoe.) 33 Pilate no fühe lesü talo krilowo Jisu yi kusawo ko pe, "Ni Jihudimei movuo süwo?" 34 Jisu no ochü kola pe, "Hihi ni alia modo no peho kakrimei no avano nihe pepie?" 35 Pilate no ochü kola pe, "Ai Jihudimei kali wo? Ni ala ni meihrü ea chinasokapi kaji jileimei no ni yi sü a bale thopi-a süe; nino adei sowo tie?" 36 Jisu no ochü kola pe, "A Movuji süoli ojiphe hi moe, a Movuji sü ojiphe hi li, a thephrümei no Jihudimei bale thomo koru duno oru sotile; ana a Movuji süoli ojiphe hi no moe." 37 Pilate no pfo he pe, "Süli ni movu mei kali wo?" Jisu no ochü kola pe, "Ai movu kali tto ni no kape süsüe. Hidu hino ayi ojiphe monovu pie, ea achichu shakhi sü sokoru dunoe. Omei katako achichu mei sü a shipei ano piwe." 38 Pilate no pfo he pe, "Achichu sü adei?"

Jisu yi sothawo tto ochü krowotie

Pfo no hihi pekowo the pfo no Jihudimei he tapra kritie, ea pfole he pe, "Ai pfo heno choho kama ko nelo moe. 39 Ana nile ozhe thephrüwo nile kolu kolo onih chi ai no omei kali yi phra pile; ea nile yi duno Jihudimei movuo sü phra pilewo?" 40 Pfole no oshuso shapu pratie, "Omei hina hi mo, Barabbas yi dzüpawe!" Barabbas hi woli meina mei zhi koshomei koe. /19 1 Süthesü Pilate no Jisu yi sapralowo madapie. 2 Shipeimei no oshurei no movu pirü kohe lowo pfo piva rüpie, ea monho füfü madei züzü kocho sa no pfo yi bapiwo, 3 pfole no tako pfo he pe, "Jihudimei movuo sü thowe!" tto pfo yi sü pfole bano dapie. 4 Pilate no tapra krilowo pfole he pe, "Koleio, ai pfo pile choho kama nemoe, ticho mosülo koru duno, ai no pfo yi sü nile he sapra-e." 5 Süduno Jisu no oshu pirü sü rüpfü ea monho füfü madei züzü sa sü bapfo akua taprae. Pilate no pfole he pe, "Koleio, omei na sü hehi butie!" 6 China sokapi kaji jileimei ea rakothochi le kokhumei no pfo yi sü neloli-e, pfole no oshuso arepfo, "Pfo yi kross vano dathawo, pfo yi kross vano dathawo!" tto shatie. Pilate no pfole he pe. "Nile alia pfo yi sü pfolowo kross vano dathawo, adei teli ai woli pfo pile choho kama nemoe." 7 Jihudimei no pfo he ochü kola pe, "I zhe kali bue, ea süzhe thesü phrüwo pfo hi kathi phae, adei teli pfo ala no Oramei Napfoto-o tto achakhawe." 8 Pilate no ochü khru hi cholowo priputie. 9 Pfo no movu fühe lesü ada lo Jisu he pe, "Ni kopo no vue?" Ana Jisu no ochü kola pemotie. 10 Süduno Pilate no pfo he pe, "Ni a he ochü pele mowo? Ai no ni yi phrale-a, kross vano dathale-a a bale kokhro koko bue ticho ni sümowo?" 11 Jisu no pfo he ochü kola pe, "Rache no ni bale kokhro koko pimoli nino a pile choho kaliko sopilo koru kokhro hoe; süduno ayi ni bale pfotho kapimei kama süko jipue." 12 Hihi cholowo Pilate no pfo yi phrapiwo koru mocho thutie, ana Jihudimei no shapratie, "Nino omei hina yi hi phrapiwo tili ni Caesar kasa motie; omei katako ala no movuo koe tto achakha cho mei sü Caesar amahrei mei koe." 13 Pilate no hichü khru hi cholowo, pfo no Jisu yi sü pfophra lowo otuno sokowo, Hebrew mei lale "Gabbatha" ticho he ochü kakri kocho bu pheva sü bulotie. 14 Süsü kolu kolo nih duno sokada chithue, süsü chihra prati-e, Pilate no Jihudimei he pe, "Nile movuo sü hina!" 15 Pfole no oshuso shatie, "Pfo yi sothawo, pfo yi sothawo! Pfo yi kross vano dathawo!" Pilate no pfole he pe, "Ai no nile movuo yi kross vano dathawo lewo?" China sokapi kaji jilei mei no pe, "Caesar mo i movu kakri hoe." 16 Süthesü pfo no pfo yi sü kross vano dathawo koruduno pfole bale khi tho piwotie.

Jisu yi kross vano dathawotie

Süduno pfole alia Jisu yi sawo tatie. 17 Ea pfo no alia kross pfülowo, Hebrew mei lale Golgotha, ticho süoli, opire bu tto koku he sü pfüwo vutatie. 18 Lohe süno pfole no pfo yi kross vano sothawotie, ea pfo yi akua kakrimei kahei yi-a lepo hepo khi Jisu yi no totsüle kheiwo sothae. 19 Pilate no ovo zhu kross vakhi rükheipie, süoli hibvüe-"Nazereth le Jisu, Jihudimei movuo." 20 Jihudumei paji no ovo zhu hi phroe, adei teli Jisu yi kross vano dakatha sü inu bvüji kanhi henoe; ea hihi Hebrewmei lale, Latin ea Greek mei lale no rükheipie. 21 China sokapi kaji jilei mei no Pilate he pe, " 'Jihudimei Movuo' tto rüpi sho, ana 'Omei hina hino, ai' Jihudimei Movuo süe, tto pewe' tto rüpio." 22 Pilate no ochü kola pe, "Ai no rükowo su rü wotie". 23 Shipei mei no Jisu yi kross vano dathakowo the pfole no pfo sa-mani sü pfolow ozhe padei so shipei mei kalili zhe sowo kozhulotie. Pfole no nazhe sü pfolotie, ana nazhe sü opi no ophi kokotu molu howo dekowo ta süe, 24 pfole no kanako kakriwo, "Hihi sophrao lemo she, ana athe zhi solesa raku koda kolei leshe" titie. Hihi achichu larü lekhi rütho kowo sü vutulo koru dunoe: "Pfole nor osa-mani sü , Pfole alia kozhu lotie, ea a saba mani sü duno Pfole no raku koda koleiwe!" Ea shipeimei no hihi soe. 25 Jisu kross pu heno alawo kobumei süoli, pfo pfü, pfo pfü mitopei, Clopas che Mary ea Mary Magdalene pfokhrumei hie. 26 Jisu no pfo pfü ea pfo no lekashi thetao no opu heno ala kocho nelowo, pfo no pfo pfü he pe, "Nitopei, koleio, ni napfoto-o sü!" 27 Süthesü pfo no thetao he sü pe, "Koleio, ni pfü sü!" Ea suchilu he süno thetao süno lopei yi sü chihe sawo vutatie.

Jisu no kathi

28 Hithe hi, ichuoli choholi thopfü sü chutie ticho Jisu no sülowo achichu larüle khi kape sü movu tulo koru duno pfo no pe, "Ai chariwe" 29 Drakhazhe kakhrei ta no phropfo kobu obvü kali lohe sü bue; süduno pfole no toshe bvükocho ta sponge kali no tho drakhazhe kakhrei ta sü mopfu lowo hyssop süda kali vakhi khi kozhu lowo pfothuno pfo me he kothekhru pie. 30 Jisu no drakhazhe kakhrei ta sü chilo teli-e, pfo no, "Chutie" tto pe; ea pfo pi sü pfü ibvüna tekotie, ea pfo raku sü thethowotie.

Jisu kana sü khrüpie

31 Süsü Sabbath dzüni koe. Süduno Jihudimei no kross vano dakathamei phi sü peno dahawo-a opfüzho sü pfo mata tuo tto Pilate heno khoe. Pfole no kokho hi motsuso Sabbath chithuni kross vakhi opfüzho mobu lemoe, adei teli Sabbath chithuni hi motsü shue. 32 Süduno shipeimei no ko kareio phi, ea pfo yi akua kross vano dakatha kakri kalina phi sü dahawo tie. 33 Ana pfole no Jisu he takoko chi sü pfo woli thikoto sü nelowo pfole no pfo phi sü daha moe. 34 Ana shipeimei kali no pfo kana sü inho no kohrei pie, ea mothokhru ozhe ea odzü krüpratie. 35 Hibvüo prakocho kane omei nano hihi pewe, subvüo nile-a lochichulo koru dunoe. Pfo no kape hi kochuchue, ea pfo no kochuchu sü pewe tikocho pfo no süwe. 36 Achichu larü leno kape, "Pfo re sü kali kotua daha lemoe." tto kape sü vutulo koru duno hibvüo pratie. 37 Ea achichu larü kali le-a pe, "Pfole no inho no kohrei pi kowo-o yi sü pfole no koleile."

Jisu yi pfo kovu

38 Süthesü Arimathea le Joseph (Pfo hi makhriso Jisu thephrümei kali sowo lei, adei teli Jihudimei yi kapri duno) no Pilate heno tavu Jisu pfüphe pfo yi peno mopfolo tto khoe. Pilate no pfo yi no pfolo tto pepie, süduno pfo no vu pfo pfüphe sü pfo tatie. 39 Acharei chikhri no Jisu he kovuo, Nicodemus-e omu kachi krei kazhi myrrh ea aloe kohrü kocho no kilogram shia phako pfo vue. 40 Pfohei no Jisu pfüphe sü Jihudimei zhe thephrüwo pfo vu koru duno okrei kazhi no tholowo osa mano kozü lowo pfo tatie. 41 Pfo yi kross vano datha kocho bu kanhi he sü topri kali bue, ea topri lesü omei kali yi ko pfotho vukhrei tikomo okhu kothu kali bue. 42 Sabbath chithu dzübveni kocho duno ea okhu se kanhiwo kobu duno, pfole no Jisu yi sü lohe sukhi pfo vuwotie. /20

Okhu masa koto

Hapta le chithu karei ochi zükocho le chithu miki no Mary Magdalene no okhu he sü tavue, ea okhu va süno otu pfolei kowo sü nelotie. 2 Süduno lopei no tuvu Simon Peter, ea Jisu no lekashi thetamei kakri kali he pe, "Pfole no Lipeo sü okhu leno pfoleiwo tie, ea pfo yi pfo adeichi khi kheiotie sa ino sümotie." 3 Peter no tapra lowo thetamei kakri yi sawo pfole no okhu hepo sü tae. 4 Pfohei no tupfo tae, ana thetamei kalio süno Peter dzüno tureipfo okhu hesü kolotie; 5 ea achelowo inokro mozhulo khi-e, pfo no osa amono kheikhi koto sü ne, ana pfo no talomoe. 6 Süthesü Simon Peter sü pfo the modzu kowo okhu lesü talotie, pfo no osa mono kheikhi koto, 7 ea pfo pi kodu sa sü pfo pi he sü buwo ne, opi kodu sasü woli osa mono hesü bumo alia alevu kakripo kobu ne. 8 Süthesü okhu he vulo karei thetao sü talo neloe ea lochichu lotie; 9 süsü kotua pfole no pfo kathi leno hrithule ticho achichu larü leno kape sü sülo monhie. 10 Süthesü thetamei sü chihe ada tatie.

Jisu no Mary Magdalene lie achane

11 Mary no okhu pu heno alapfo krawo bue, ea lopei no krawo kochochi sü achekhro tto okhu lesü ino mozhu lokhi-e, 12 Jisu yi pfovu kowo buhe süno rachevomei kahei osa kakra no atupfo kali no opi po ea kali no ophi pei no totu kobu sü mozhu ne. 13 Pfohei no lopei he pe, "Nitopei, ni adei sowo krawe?" Lopei no pfohei he pe, "Pfole no a Lipeo pfotatie, ea pfole no adeichi kokhi pfo yi sü kheiwo tie sa ai no sümotie." 14 Hibvüo lopei no pewo-a arithu khi-e Jisu sü ala chowo nelotie, ana süsü Jisu koe ticho lopei no sümotie. 15 Jisu no lopei he pe, "Nitopei, ni adei sowo krawe? Ni athe yi phowe?" Pfo yi süno topri kokhumei ko shoko tto mochowo, lopei no pfo he pe, "Kajio, nino pfo yi pfoleiwo tili, pfo yi adeichi khi kheiwotie, ahe pepio, ea ai no pfo yi pfo tatile." 16 Jisu no lopei he pe, "Mary". Lopei no arithu pfo hekhi Hebrew mei laleno, "Rabboni!" (süoli Modokapio) tto pe. 17 Jisu no lopei he pe, "Ayi dei sho, adei teli ai Opfo he khrulo monhie, ana athehu pinoumei he tikhi tavu ai a Pfo ea nile Pfo, a Ra ea nile Ramei he vuta-e, tto pepio" 18 Mary Magdalene no thetamei he tavu pe, "Ai no Lipeo yi ne." Ea pfo no lopei he hikhru hi pepie tto lopei no pfole he pepie.

Jisu no pfo thetamei he achane

19 Stizho chikrodzü, hapta le chithu kareini sü thetamei no Jihudimei yi kapri duno chikhu khuwo-a kobuchi no, Jisu no pfole hrule talo alalowo pfole he pe, "Nile he amane sü mobuo." 20 Pfo no hihi pekowo the, pfo ba ea pfo kana sü pfole he mane. Thetamei no pfole Lipeo sü nekolo the su asatie. 21 Jisu no pfole he pekrie, "Nile he amane sü mobuo; Opfo no ayi mole kovu bvüo ai-e nile yi mole vu-e". 22 Ea pfo no hihi pekowo the, pfole va osü nhüvupiwo pe, "Mothu Raku sü nilo. 23 Nile no omei kata kama ko kokhei pili, pfole yi sü kokhei piwotie, nile no omei kata kama ko kheikhi toli, süsü khei khi totie."

Jisu ea Thomas

24 Chia kaheio hrule omei kali, Thomas (süoli nobei) tikocho nahi Jisu no kovuchi sü pfole yi akua bumoe. 25 Süduno thetamei kakri no pfo he pe, "Ino Lipeo yi ne." Ana pfo no pfole he pe, "Ai no pfo bava onhushu izhu ti newo, a ba mito no oshu izhu lekhi dei, ea pfo kana ti dei moli, ai no lochichu lemoe." 26 Chithu chacha the sü, pfo thetamei no chihe le sü bukrie, ea süchi süoli Thomas se pfole yi akua bue. Chikhu khru sü khuwotie, ana Jisu no pfole hrule sü tavulo ala lowo pe, "Amane no nile he mobuo". 27 Süthesü pfo no Thomas he pe, "Niba mito ti hehi khi pfoko deikhio, ea abahei hi kolei khio; ea ni ba ti kothepra a kana deikhio; lochichu komo sosho no lochichulo." 28 Thomas no pfo he pe, "A Lipeo, ea a Oramei!" 29 Jisu no pfo he pe, "Ni ayi nekowo duno lochichulo tiwo? Nemo-e lochichu kolo mei sü adei achovo sole!"

Larubvu hina va hino koru

30 Larubvu hile hi rütho komo Jisu no amashi pajiko thetamei nhodzüno somane pie, 31 ana hikhru hi nile no Jisu yi hi Oramei Napfoto-o Khrista süe ticho lochichulo koru duno rükheitoe, ea nile no lochichu lowo pfo zhu leno kahri nelo koru dunoe. /21

Jisu no thetamei chani he achane

1 Hithehi Jisu no Tiberia ozhe kaji heno pfo thetamei he pfo ala hibvüo achanepue. 2 Simon Peter, Thomas (nobei tto kokuo), Nathanael (Galilee le Cana leno kovuo), Zebedee napfoto hei, ea pfo thetamei kakri kahei tto akua leie. 3 Simon Peter no pfole he pe, "Ai okho tsüta-e". Pfole no pfo he pe, "Akhrumei-e ni yi akua tale". Pfole no tapralowo kosa kalile loloe; ana süzho chikhri sü pfole no choho kaliko tsülo moe. 4 Ochi thu prakowo chi sü Jisu no ozhepu heno alawo choe; ana thetamei no süsü Jisu koe ticho sümoe. 5 Jisu no pfole he pe, "Onakhrumei, nile okho ko niho moe?" Pfole no pfo he ochü kola pe, "Omoe." 6 Pfo no pfole he pe, "Kosa izhopo dole tikhi jal vutho khili nile no kotuko nile". Süduno pfole no jal sü vuthokhi-e ichuo okho süno lomopro kocho duno pfole no peiphra tholo hrotie. 7 Jisu no lekashi thetao no Peter he pe, "Hihi Lipeo koe!" Simon Peter no Lipeo koe ticho chololi-e, pfo no masa kalei duno nazhe süno pfova kolelowo ozhe lesü atu lotie.8 Ana thetamei kakri woli jal sü okho no lo phro mati lowo shethepfo pfo kosa leno ozhepu he sü takoe, adei teli pfole no ozhe pu heno domotie, meter krei kali phako süe. 9 Pfole no oji kothu le prakolo thesü, lohe sü pizhi no omi deiwo lophe sü okho ea lire kobu pfole no ne. 10 Jisu no pfole he pe, "Nile no ichu tsükolo okhoti kopoko he pfoko." 11 Simon Peter no kosa le lolowo okho kajili kreio reipongou kosüo no lo phro pfo jal sü kothule shithe praloe, ea süzhoko prowo-a jal sü pfüphra moe. 12 Jisu no pfole he pe, "Tako chithu metho tholo." tto pe. Lona sü Lipeo koe ticho pfole no sülowo, thetamei kali kona pfo heno, "Ni athe?" tto ano pritie. 13 Jisu no tako lire sü pfolowo pfole he pie, ea subvüo okho sü pie. 14 Jisu no thiwo hrikotho the thetamei he achane kocho ovu kosüna sü hihie.

Jisu ea Peter

15 Pfole no chithu metho tho kolo the, Jisu no Simon Peter he pe, "John napfoto-o, Simon, ni hikhru dzüno ayi leshipu homoe? " Pfo no pfo he pe, "Ovue, Lipeo; ai no leshie ticho nino süwe." Jisu no pfo he pe, "A kolatu khru yi ti koki pilo." 16 Pfo no ale kahei kochuna pfo he pe, "John napfoto-o, Simon ni ayi leshi homoe?" Pfo no pfo he pe, "Ovue, Lipeo, ai no niyi leshie ticho nino süwe." Jisu no pfo he pe, "A kolatu yi ti chiku pilo." 17 Pfo no ale kosü kochuna pfo he pe, "John napfoto-o, Simon ni ayi leshi homoe?" Peter no ole mazhetie, adei teli pfo no ale kosü nava, "Ni ayi leshi ho moe?" tto pfo he petie. Ea pfo no pfo he pe, "Lipeo, ni no choho thopfü sükhrei tiwe ai no ni yi leshie, ticho nino süwe!" Jisu no pfo he pe, "A kolatu yi ti koki pilo." 18 Ai no kochuchu so ni he pewe; ni nole kocho lewoli, ni alia osa chikhe nalowo ni dzü kapa le tawe; ana ni tsuloli, ni ba kothepra piwo, kakrimei kali no ni chikhe ina pile, ea nino tani komo le-e pfüwo tale." 19 (Pfo no kohibvüo kathi leno Oramei yi azhupele ticho manepi koru duno pfo no hihi pepie.) Ea hithehi pfo no pe, "Athe phrulo!"

Jisu ea thetamei kakri

20 Peter no arithu kolei khi-e, Jisu no lekashi thetao, aveiwo kocho chi Jisu pu hebve no avüpfo buwo, "Lipeo, athe no niyi kodawole" tto kape na süno pfohei thele tako kowo sü nelotie. 21 Peter no pfo yi sü nelowo, pfo no Jisu he pe, "Lipeo, omei hina hiwo adei kobvüe?" 22 Jisu no pfo he pe, "Ai no adavu komosa pfo no kobu a modoli, ni adei tiwe? Athe phrulo!" 23 Süduno, hiko hi pinou mei hrule no thephrü pfona hi thile motie tto kakri pratie; ana Jisu no pfo hi thilemoe, tto pfo he pemoe ano, "Ai no adavu komo sa pfo no kobu a modoli, ni adei tiwe?" tto pea süe. 24 Hikhru va hino theta pfona no shakhi sopiwe, ea hikhru hi rükheipie; ea pfo no kape chü sü kochue tikocho ino süwe.

Mochukocho

25 Ana Jisu no koso kakri-e paji koso bue; ea sükhru thopfü sü ruthokhrei tile teli, rütho koru larubvu sü ojiphe thopfü-e phromozhue tto ai no mochowe.