Johan No Rüyu Ko Aveibvü Zhu Shingaoyu

1

Ahri Chipao

1 Shuraino Chipao hai bue, Chipao hai Ramaiye koa bue, alia Chipao hai Ramaie. 2 puh hai shuraino Ramaiye koa bue. 3 Na teitei hai puh vano souloue, alia soukhai touyu taosü puh loumoa hatalia soulou moe. 4 puh hisü ahri bue, alia ahri nasü maikhemai vei ava nasüe. 5 Ava nano teizhi hi vapeie, alia teizhi nano sünaye kolou moe. 6 Teile lihi Johan tea kuyu Ramai hino seiveyu maili bue. 7 Puhno ava navei zhopaoh soure dono, süolouzü puh vano pano mai hrülaiye louche loure dono, puhno zhopaoh dono ve-e. 8 Puhwo ava suna moe, ana ava navei zhopaoh soure dono ve-e. 9 Mai hrülaiye souva peiyu checheyu ava nasü deiphao hi velou loure. 10 Puh hai deiphaohi bue, alia deiphao hai puh vano souloue, ana deiphao maino puhye sülou moe. 11 Puh sü lah puh kihi ve, ana lah puh maino puhye sü popei moe. 12 ana puhye polouyu mai hrülai hisü, süolouzü puh zhih hino louche louyu maitaoye, puhno Ramainah pano souloure khouko sü peire. 13 Puletao nalouyu haiolouzü zhe hinoa, vasouno lichoyu hinoa, moa maino lichoyu hinoa moe, ana Ramai hilonoe. 14 Alia Chipao sünasü vasou daloua zhuvea ea achecheno phoupeia alia Eletaono puh vei khouko-ava hai Puo hino veyu likhuyu Nah Poutuo vei khouko-ava kua ngax>e. 15 Johan no puh vano zhopaoh soua sha-a paoe, "'Athaino veyu puhno Ajüno duhie, daiolouzü puh hai Ajüno raia bue,' tea Eno paoyu mai nasü hainare." 16 Alia puh vei phoupeia buyu zhuveana hino Eletao hrulaino zhuvea peino zhuvea nasü ngaoloure. 17 Daiolouzü razhai nasü Moses vano peie; ana zhuvea ea acheche na louzü Jisu Khrista vano ve. 18 Maitalia Ramaiye ngaokhai mohie; Puo ngheikino buyu likhuyu Nah Poutuo puhno Ramaiye süngao peire.

Johan Baptist vei chipao

19 Alia Jerusalem hino Jihudimai taono Johan hi napaomaitao ea Levi maitaoye seive-a pano puh hino, "Ne thaoh-e?" tea ve nouyuki Johan no haibüa zhopaoh peie. 20 Puhno paopae, puhno bamoe, ana sheesha-a paopeie, "Ewo Khrista moe." 21 Alia puletaono puh hi noue, "Sükulouzü ne thaoh-e? Ne Elijahwu?" Puhno chila peie, "E moe," Puletaono noupukhaie, "Ne rachi-paolamai sünawu?" Puhno chila peie, "Moe." 22 Puletaono puh hi paoe, "Sükulouzü ne thaoh-e touyu Eletaohi paongao peio. Eletaoye seiveyu maitaohi paore dono chilali peikhaio. Nelah neyeno thaoh-e tea paoe?" 23 Puhno paoe: "Isaiah rachi paolawo no paoyu kua, 'Mapao vei ludu nasü souzülo!' tea rükouno mailino shayu pai nasü E-e." 24 Puletao hai Phariseemaitao hino seive. 25 Puletaono puh hi noue, "Sükulouzü nehai Khrista-a, Elijah-a moa rachi-paolana-a molouzü daidono neno dzükhao dapeiwe?" 26 Johan no puletaohi chila peie, "Eno dzüno dzükhao dapeiwe; ana neletao hrohino neletaono sümoyu maili la-a bue. 27 puh hai Athaino laie, ana Ewo puh phikharai pheipayu koutea khamoe." 28 Chiphayu haihai Johan no dzükhao da-a buyu buh Jordan rei teinghi palova Bethani hinoe.

Ramai Zhaotu

29 Thainaisho kisü Johan no Jisu hai puh hilo taveyu ngaoloua paoe, "Zhukhaio, deiphaomai mah pota peiyu Ramai Zhaotunaye sü! 30 'Ajüno duyu maili Athaino lai-e, daiolouzü puh hai Ajüno raia bue,' tea Eno paoyu nasü hainare. 31 Ewo louzü puhye sümoe; ana puhye Israel maitao hi pongao peire dono Eno dzüno dzükhao dapeia ve-e." 32 Alia Johan no zhopaoh peia paoe, "Eno Rako hai khao büa raki vano kou-a puh peihi kou tao-a buyu ngaoe. 33 Ewo louzü puhye sümoe; ana dzüno dzükhao dapeire dono Eye seivepeiyu puhno Ahi paoe, 'Rakono kou maili peivahi taoa buyu neno ngaolai; puh hai Rako Mashino dzükhao dapeiyu mai sunasue.' 34 Eno süsü ngaoloure ea zhopaoh soua paowe süolouzü hainahai Ramainah Poutuoe."

Jisu rozümai raikaitao

35 Süthaia, thainaisho sü Johan no puh rozümai ahaiye koa la-a bue, 36 alia Jisuno ta-a buyu sü ngaoloua puhno paoe, "Zhukhaio, Ramai Zhaotu naye sü!" 37 Puh rozümai ahaino puhno sükua paoyusü choulou-a Jisu thaifü tare. 38 Jisuno thailo reiveyu kisü puhaino puh thai fülaiyu ngaoloua puhaihi noue, "Nehai dai phouwe?" Alia puhaino puh hi chila peie, "Rabbi" (süolouzü Dou-apeio toue), "Ne dai kino bue?" 39 Puhno puhai hi paoe, "Taveloua zhukhaio." Puhaino taveloua puhno buyu buhsü ngaoloure; alia süzhousü puhaino puhye koa chaobaire, daiolouzü sükisu koukhe teilecho adai tayu phahi koure. 40 Johan no paoyu chouloua Jisuthai fulouyu mai ahai hino alina louzü Simon Pitar thaihou Andrew-e. 41 Puhno raikaia puh jürai Simonye ngaoloua puh hi paoe, "Ehwo Razhepuye ngaoloure" (süvei kowo louzü Khrista toue). 42 Süthaisü puhno Simonye Jisu hi save. Jisuno puhye zhuloua paoe. "Newo Johan nah poutuo Simon-e. ana neye Kephas tea kulai." (Haihai Pitar touyu kheihaoe, süvei kono "Chuh" toue.)

Jisuno Philip ea Nathanelye kulouyu

43 Thainaisho sü Jisuno Galilee hi talai tea le laloure. Alia puhno Philipye ngaoloua puh hi paoe, "Athai fülo." 44 Philip hai Andrew ea Pitarno hrüyu Bethsaida nuhdu hino ve-e. 45 Philipno Nathanelye ngaoloua puh hi paoe, "Mosesno razhaibvü hino ea rachi paolamai taono puh vano rükhai touyu puhye sü Ehno ngaoloure. Puh hai Nazareth hi Joseph nah poutuo Jisue." 46 Nathanelno puh hi paoe, "Nazareth hino avei tali palou süwu?" Philipno puh hi paoe, "Taveloua zhukhaio." 47 Jisuno Nathanel hai puh hilo takouyu ngaoloua puh vano paoe, "Zhukhaio, haihi checheyu Israel maili bue; puh hisü le sheemoyu alia hae!" 48 Nathanelno puh hi noue, "Neno Eye kabüa süloue?" Jisuno puh hi chila peie, "Philipno neve kumo jühi neno doushibe phihi bubu kino Eno neye ngaoe." 49 Nathanelno puh hi chila peie, "Rabbi, newo Ramainah Poutuoe! Newo Israelmai Veo süe!" 50 Jisuno puh hi paoe, "Eno neye doushibe phihi bubu kino ngaore tea nehi paoyu vano ne louchewu? Neno hai jüno adu dulih ngaolai hie!" 51 Alia Jisuno puletaohi paoe, "Eno ncletaohi chicheno paowe, neletaono raki houpayu alia rakivamai taono Mainah Poutuo peino takou takheyu ngaolai."

2

Kana hi sheenghiyu

1 Suthai teithe asü zhousü Galilee hi buyu Kana nuh hino sheenghiyu li buloure, alia Jisu pfüa sühi bue; 2 Jisu ea puh rozümai taoye-a sheenghiyu sühisü ku save thoure. 3 Darkba zhaoh halou khaie, Jisu pfüno puh hi paoe, "Puletao vei darkha zhaoh hare." 4 Jisuno puh hi paoe, "Oh naotupai, neno Eye koa dai soure bue? Aphasti vete mohie." 5 Puh pfüno kilai maitaohi paoe, "Puhno neletaohi apao tali soukhaio." 6 Alia sühisü Jihudimai vei sousheeyu zhai thaifüa, leeki alili hino dzuchovou kaih pha loulou sü chuh leeki arou pove khaiktiaitoue. 7 Jisuno kilai taohi paoe, "Leeki haitaosü dzüno rüthou phoukhaio." Alia puletaono leeki sütaosti taihi khete rüthou phoure. 8 Alia sükisü puhno puletaohi paoe, "Chuwo dzü daotou saopa loua nühbuh hi peipha-apeio hi pokou peikhaio." Südono puletaono dzü süsü puh hi saosha koupeie. 9 Chubü hino darkha zhaoh dalouyu dzünasü nühbuh hi peipha-apeiono po chilouyu kisü, alia haihai daikino velousa touyu sümoa (ana dzü saopoa veyu kilaitao louzü sükhaia). puhno sheeyupuye kuloua 10 puh hi paoe, "Mai hrülaino arai kihai darkha zhaoh sho-aveinano khaipeiwe; alia mikhe maino shonü sholouyu thaino shoshina khaipeiwe; ana newo darkha zhaoh shovei nasü chu koutea khai-kou khaitoue!" 11 Jisuno raikaiyu shee haina hai Galilee hi buyu Kana hino soua puh vei khouko-ava nasü pongaoe; alia puh rozümai taono puhye loucheloue. 12 Süthaisü puhno puh pfü, puh thaihou-jüraimaitao ca puh rozumaitaoye koa Kapernahum hi takoure ea sühino puletaosü teithe daotu nai-a bue.

Jisuno Rathoki hi taveyu

13 Jihudimai Tachontih nasü ngheitei koure, südono Jisuno Jerusalem hi tapa loure. 14 Rathoki hino puhno cho, zhaotu ea rahou zhoyu mai, alia shano leayu maitaono hupo poa buyu ngaoloure. 15 Alia raino süda souloua puhno zhaotua, choa veishino Koa Rathoki hino hutare; alia puhno shano leayu maitaovei shanosü lalaire ea puletao vei arübuh taosü popeishou khaire. 16 Puhno rahou zhoyu maitaohi paoe, "Buh hai hino na haitaosü poloua tawo; neletaono Apuo kihai hu pobuh souwu laimoe." 17 Alia "Ne kiye dono lenouyu nano Alekhe hai meibüa deilai," tea rükhai touyu nasü puh rozümaitaono licho loure. 18 Stikisü Jihudimai taono puh hi paoe, "Neno vah haina souyu hi nezü bue touyu pongaore Eh hi dai shee soungaolou süe?" 19 Jisuno puletaohi chila peie, "Rathoki hainahai souha wuwo, alia Eno sünasü teithe asü hino soushu loulai." 20 Süthaisü Jihudimai taono paoe, "Rathoki hainasü po raidairou loua soue. ano newo sünahai teithe asü hino soushulou laiwu?" 21 Ana Jisuno paoyu Rathoki nawo louzü puh pfuphao vano paobaie. 22 Südono puhno athai hino hrishu louyu kisü, puh rozümai taono puletaohi haihai puhno paokhai toue touyusü liloure, alia puletaono sheeyu larübvü ea Jisuno paokhai touyu chipao nasü louche loure.

Jisuno Emai le süyu

23 Chuwo Jerusalem hino Tachonüh hi bubuki puhno souyu sheetao sü ngaoloua mai taolino puhye louche loure. 24 Ana Jisuno puh lah puletaoye louchemoe, daiolouzü puhno puletaoye sükhaie, 25 alia puletao vano maita linoa zhopaoh souyu puhye dono koyu hae; daiolouzü puh lahno Emai lehi dai bue touyu hai sua bue.

3

Jisu ea Nikodemas

1 Chuwo Phariseemai hrohino Nikodemas tea kuyu Jihudimai peikhomaili bue. 2 Mai hainano khei Jisu hi veloua puh hi paoe, "Rabbi, nehai Ramai hino veyu douapeimai alie touyu sü Ehno süe: daiolouzü Ramaino puhye kozhopei molouzü maita linoa neno souyu shee haitaosü soulou hoe." 3 Jisuno puh hi chila peie, "Chicheno Eno nehi paowe, maita linoa nashulou molouzü, puhno Ramai Vedei sü ngaolouhoe." 4 Nikodemasno puh hi paoe, "Kakua maino tsülouyu thaino nakulou khailai? Puhno puh pfü pouhi lou ahaikholoua nakhailou süwu?" 5 Jisuno chila peie, "Chicheno Eno nehi paowe, maita lino dzü hino ea Rako hino nalou molouzü, puhno Ramai Vedei hi loulou hoe. 6 Vasou hino nalouyu sünano vasoue, alia Rako hino nalouyu sünano rakoe. 7 'Nele hrülaino nashulou vuzülai' tea Eno nehi paoyu dono khupaso. 8 Teikhaino hününü buh hi hüvewe, alia neno sunavei khosü chouwe, ana sünahai daikino vesa moa kahi taresa touyu neno sümoe, südono Rako hino nalouyu mai tali-a sükheihaoe." 9 Nikodemasno puh hi noue, "Haisü kabüa souloulai?" 10 Jisuno puh hi chilapeie, "Newo Israelmai dou-apeimaili soua haisü sümowu? 11 Chicheno Eno nehi paowe, Ehno süyu nasü Ehno paowe, alia Ehno ngaolouyu na vano Ehno zhopaoh souwe; ana neleno Eh vei zhopaoh popeibae. 12 Eno neletaohi deiphaovei nakhemai vano paoyu ki neletaono Eye louche peimoe, kabüa Eno rakivei natao vano paoyuki neletaono Eye louche khailai. 13 Alia Raki hino kouyu Mainah Poutuo puh baimoano mailia raki hi khekhai mohie. 14 "Alia Mosesno rekouno nghou naye polayu kua, Mainah Poutuoye-a polashu vuzülai, 15 süolouzü puhye loucheyu mai talino halou hoyu ahri ngaoloulai." 16 Daiolouzü Ramaino deiphao maiye leshishoyu dono puhno puhvei likhuyu Nah Poutuoye peire, südono puhye louche louyu maitalisü hakhailai moe, ana teisa ahrisü ngaoloue. 17 Daiolouzü Ramaino puh Nah Poutuoye pano deiphao maiye mah dukhaire dono deiphaohi seivepei moe, ana puh vano deiphao maiye khaipei loure dono seive-e. 18 "Puhye loucheyu mai taliye sü chiku moe; ana louche moyu mai taliye sü chiku chere, daiolouzü puhno Ramai vei likhuyu Nah Poutuo zhih hisü louche loumoe. 19 Alia chikuyu nasi! hainae, süolouzü ava sünasü deiphao hi veloue, ana maikhe maino avana jüno azhi naye leshi loure, daiolouzü puletaovei vah taosü ashi baie. 20 Daiolouzü ashi vah souyu mai veishino avaye ngaorawe, alia avahi vemoe, süku molouzü puhvei vah taosü popa ngaowushulai. 21 Ana acheche vah souyu puhno puh vah taosü Ramai hino souloure touyu nasü pano sheesha-a ngaoloure dono avahi vewe."

Jisu ea Johan

22 Suna thaisü, Jisu ea puh rozümai taosü Judea teidei hi tare; sühino puhno puletaoye koa chao-a 'dzükhao dapeie. 23 Johan-a Salim ngheiki hi buyu Aenon hino dzükhao dapeia bue, daiolouzü sühisü dzü alaosou bue; alia maikhemainoa sühi taveloua dzükhao daloue. 24 Daiolouzü sükisu Johanye hukhahi thoumohie. 25 Sükisu Johan rozümai kamaino khüsheeyu naanou vano Jihudimai aliye veiva loure. 26 Alia puletaono Johan hi taveloua puh hi paoe, "Rabbi, Jordan rei teinghi palova hino neye koa buyu alia puh vano neno zhopaoh souyu mai sünasü buh haihino dzükhao dapeia bue, alia mai hrtilaisü puh hi tavekhai baire!" 27 Johan no chila peie, "Raki hino sünasü puh hi peimo louzü maita lino hatalia ngaolou hoe. 28 'Ewo Khrista moe, ana Eye puhjü raia seivepei khaitoubaie' tea Eno paoyu sü lah neletaono Azhopaohmai souwe. 29 Nghirepaiye ngaolouyu puh sü sheerepue; ana la-a ea puh chi kei-a buyu sheerepu vei samai sünano sheerepu vei pai chouloua le sashowe; südono Avei asah nasü chuwo chekhoure. 30 Puhwo dupu vuzülai ana Ewo khaikou vuzülai."

Raki hino kouyuna

31 Reikouno kouyu puhno mai hrülai jüno dukoukhai toue; deiphaono veyu puhwo deiphao vei baie, alia deiphao vei vano chi paobaie; Rakino kouyu puhno mai hrülai jüno dukhai toue. 32 Puhno ngaolouyu ea choulouyu suna vano puhno zhopaoh souwe, ana maita linoa puh zhopaoh sü polou moe. 33 Ana puh zhopaoh polouyu puhno Ramai hai chekhaoe tea le laloure. 34 Daiolouzü Ramaino seiveyu puhno Ramai chipao paoe, daiolouzü Ramaino Rakohai khadaloua peimoe. 35 Puono Nah Poutuoye leshie, alia puh bah hi ha teitei thaothoukhai peire. 36 Nah Poutuoye louche louyu puh hisü teisa ahri bue; Nah Poutuo suna chi zümoyu puhno' ahrisü ngaolai moe, ana Ramaivei rarou sü puh peihi chaoa bue.

4

Jisu ea Samaria pfupai

1 Chuwo Jisuno Johan jüno koua maikhemaiye pano rozümai souloure ea dzükhao daloure touyu hai Phariseemai taono chouloure touyusü Jisuno sülouyu kisü. 2 (Checheyu louzü, Jisu puh vuzüno mailia dzükhao dapeimoe, ana puh rozümaitao likheino soubaie), 3 puhno Judea thaowu-a Galilee hi dakhai tare. 4 Alia puhye dono Samaria tachopoa tare hi buloure. 5 Südono Jakobno puh nah poutuo Joseph hi peikhai touyu dou suna ngheiki buyu Sukhar tea kuyu Samaria vei nuhdu alihi puhno tave louloure. 6 Jakob vei dzükhao sü sühi bue, alia Jisuno veihdu tayu vano veasholoua dzükhao suna pehi kou chobu loure. Teile süsü heako teilecho kiahai tayu phahi noe. 7 Samariamai pfuli dzü pfüre dono tave loure. Jisuno puh hi paoe, "Eye pano dzü kükhaio." 8 Daiolouzü puh rozümai taosü touso hrüre dono nuhdu hi tare. 9 Samariamai pfüpaino puh hi paoe, "Kakua newo Jihudimai ali khaia, Samariamai pfupai Ahino pano dzü küre dono khowe?" Daiolouzü Jihudimaino Samariamai kha mata moe. 10 Jisuno puh hi chila peie, "Neno Ramaivei sa-apeina ea nehino dzü khoyu puh hai thaohsa touyu süa buyuthaio neno, puh hino kholai, alia puhno nehi hriyu dzü nasü peiloulai." 11 Naotu süpaino puh hi paoe, "Dou-apeio, newo dzü saoloure halia hae, alia dzükhao nasü thoushowe; daikino neno hriyu dzü nasü ngaoloulai? 12 Newo Eh puopao Jakob jüno duhiwu? Puhno Eletaohi dzükhao hainahai peie, alia sühino puh-a, puh nahmai tao-a alia puhvei kikhaorü tao-a po kuloue." 13 Jisuno puh hi paoe, "Dzü haina küyu mai talisü reipu khailai, 14 ana Eno peilaiyu dzü suna külouyu mai taliwo reipukhai khailaimoe; Eno peilaiyu dzü sünasü puhvei lekhe hino teisa hrire dono küpayu dzüla datalai." 15 Naotu sünapaino puh hi paoe, "Dou-apeio, Eye pano reipu more dono, alia buh haihi khaive pano dzü pfüpu more dono, Ahi dzü sünasü peikhaio." 16 Jisuno puh hi paoe, "Takhaio, alia ne chaaye buh haihi ku save khaio." 17 Naotu süpaino puh hi chila peie, "Achaa hae." Jisuno puh hi paoe, "Neno, 'Achaa hae' tea payu sü paoztie; 18 daiolouzü nevei chaa angoure, alia neno chu koa buyu süna-a nechaa moe; sünasü neno cheche-a paongaore." 19 Naotu süpaino puh hi paoe, "Dou-apeio, nehai rachi paolamai alie touyu sü Eno süe. 20 Eh puopao maino deichi haina hino Ramaiye thowe; ana Emaino Ramaiye thore buh louzü Jerusalem hi bai tea neleno paoe." 21 Jisuno puh hi paoe, "Naotupai, Eye louchepei khaio, Puoye deichi haina hino moa Jerusalem hino neleno tho more pha nasü vere. 22 Neleno sümoyu nasü neleno thowe; Ehwo Ehno süyu naye thowe, daiolouzü khailu peiyu hai Jihudimai hino ve. 23 Ana chekhaoyu ratho maino Puoye rako ea acheche hino tholaiyu phasü vere, alia chue, daiolouzü Puono puhye sükua thoyu sü phoue. 24 Ramai hai rakoe, alia puhye thoyu maino rako ea acheche hino thovu zülai." 25 Naotupaino puh hi paoe, "Razhepu (Khrista tea kuyuna) nasü velai touyu hai Eno süe, puhno veyu kisü Eletaohi puhno halihala paongaokhai peilai." 26 Jisuno puh hi chila peie, "Neye chipha-a buyu Esü puhe." 27 Süphabu hino puh rozümai taosü tave. Puhno naotumai aliye koa chipha-a buyu sü ngaoloua puletaosü khupa loure, ana mailinoa, "Ne dai züpawe?" moa "Ne daidono puhye koa chiphawe?" tea paomoe. 28 Sühino naotu süpaino puh dzükhou sü thaowu-a nuhdu hi dakhai veloua sühi buyu maikhemai hi paoe, 29 "Tavekhaio, Eno soukhai-soukhai touyu veishi Ahi paongao peiyu mai sünaye ve zhukhaio. Puh hai Khrista laiwu?" 30 Südono puletaono nuhduna hino tapaloua puh hi tavere. 31 Süphabü hino rozümai taono puh hino khoa paoe, "Rabbi, potouwuwo!" 32 Ana puhno puletaohi paoe, "Neletaono sümoyu Avei toure touso bue." 33 Südono rozümai taono puletao hrohino alino lihi haibüa paoe, "Maita linoa puh hi touso pove peire moma?" 34 Jisuno puletaohi paoe, "Atouso louzü Eye seive peiyu puhvei leli souyu, alia puh vah soucheyu nasüe. 35 Neletaono, 'Khou adai shono cha chilai hie,' tea paomowu? Ana Eno neletaohi paoe, neletao nghithou pfüla loua dourou taosü daizhou cha chire dono meiche-a buresa touyu sü zhukhaio! 36 Thoutai vuyu na-a, cha chiyuna-a koa sazhore dono cha chiyu nano zhosü ngaowe, alia teisa ahri vei dono routhou sü podzü loue. 37 Daiolouzü 'Kamaino vuthoue ea kukjie alino chiloue' tea paoyu sü chekhaoe. 38 Neletaovei zhohah loukhai moyu dou hisü pano cha chire dono Eno neletaoye seitawe; kukheno te-a soukhaitoue, alia neletaono puletaovei vah hisü lou zha ngaozho loure." 39 Naotu sünapaino, "Eno soukhai-soukhai touyu veishi sü puhno Ahi paongao peire," tea zhopaoh souyu vano nuhdu sunahi Samariamai alaosou puhye louche loure. 40 Südono Samariamai taono puh hi taveyu kisü puhye sü puletaohi naipeibaio tea puh hino khowe, alia Jisuno sühisü teithe ahai nai-a bue. 41 Alia puh chipao vano mai alaosou louche puloue, 42 alia puletaono naotupai hi paoe, "Chuwo nevei chipao vano Eletaono louche louyu moe, daiolouzü Eletao-a Eletaolah puhno paoyusü chouloure, alia chekhaoa puh hai deiphao maiye Khailu-apeio nasüe touyu sü Ehno süe."

Jisuno vahdumaili nahpoutuoye souvei peiyu

43 Teithe ahai thaisü puhno buh sünasü thaowu-a Galilee hi tare. 44 Daiolouzü Jisu puhlahno, "Rachi paolamai taliye lah puh teidei hi maino tsükhouyu hae," tea zhopaoh soua paoe. 45 Südono puhno Galilee hi velouyu kisü, Galilee hi maitaono puhye sasa-a sheloue, daiolouzü puhno Tachonühki Jerusalem hino souyu teiteisü puletaono ngaoloue, daiolouzü puletaoa nühbuh hisü veloue. 46 Suthaisü puhno raiki dzüno darkha zhaoh sou dalouyu Galilee hi buyu Kana nuh hi tavepu khaire. Alia Kapernahum hisü nahpoutuo soua buyu vahdumai ali bue. 47 Puhno Jisu hai Judea hino Galilee hi veloure touyu choulouyu kisü, puhno puh hi taveloua puhye no Kapernahum hi takouloua puh nah poutuoye souvei peiloure dono kholoure, daiolouzü puh hai thaiyu laire. 48 Jisuno puh hi paoe, "Neleno sheetao ea khupa vahtao ngaomo sasü louchekhai laimoe." 49 Vahdumai nano puh hi paoe, '"Dou-apeio, Anah thaimo juhino takou peikhaio." 50 Jisuno puh hi paoe, "Takhaio, nenah poutuo sü hrilai!" Jisuno puh hi paopeiyu chipao nasü mai sünano louche loua tare. 51 Puhno takoua buyu hino puh kilai taono puhye tave daoloua puh hi paoe, "Nenah poutuo sü hriloua bure!" 52 Puhno puletao hi puh hai dai pha hino veipaloue tea noue. Puletaono puh hi paoe, "Do koukhe teilecho ali tayu kino puh sü rakee khaire." 53 Sühino puono teilecho süsü Jisuno puh hi, "Ne nah poutuo sü hrilai" tea paoyu pha nasüe touyu süloure; südono puh-a ea puh kikhamai teitei-a louche loure. 54 Shee hainasü Jisuno Judea hino Galilee hi velouyu thaino souyu shee ahai chena süe.

5

Zaibvü hino mai aliye souvei peiyu

1 Haithaisü Jihudimai nühli buyu vano Jisuno Jerusalem hi takhere. 2 Jerusalem hi zhaotu romu ngheiki hi Ebriamai lah hino Bethzatha tea kuyu kipao angou buyu zaibvü ali bue. 3 Kipao angou sütao hisü shovaimai, nghichamai, phichamai, ea pothaimai alaosou züa bue; (Puletaosü dzü lüyu khoa bue; 4 daiolouzü chacha kisü zaibvü sühisü Mapao vei rakivamai alino takou loua dzüsü soulü lüwe. Dzü soulü peiyu thaibü zaibvühi taloulou raikaiyu mai talisti puhvei sounou tali hino veilou baiwe.) 5 Sühisü po shiacha soukouyu mai ali bue. 6 Jisuno puhye ngaolouyu kisü puh hai buh sühino teile phashona züa bukoure touyu süloua puhno puh hi paoe, "Ne veilouyu züpawu?" 7 Soua buyu mai sünano puh hi chila peie, "Dou-apeio, dzü suna lüyu phaki Eye zaibvü hi pothou peire mai alia hae, alia Eno talouyu kisü kukhemai alino Ajüno railoulou baiwe." 8 Jisuno puh hi paoe, "Lashulo, ne züh poloua takhaio." 9 Alia sübühino mai sünasü veiloure, alia puhno puh züh sü poloua taloure. Teithe sünasü Soteithe-e. 10 Südono Jihudimaino sou veilouyu mai sünahi paoe, "Haisü Soteithe-e, alia neno ne züh poloua tayusü razhaino aetoumoe." 11 Ana puhno puletaohi chila peie, "Eye souvei peiyu mai sünano Ahi, 'Ne züh poloua takhaio' tea paoe." 12 Puletaono puh hi noue, "Nehi, 'Ne züh poloua takhaio' tea paoyu mai nasü thaoh-e?" 13 Ana sou veilouyu mai sünano Jisu hai thaohsa touyu sümoe, daiolouzü buh sühisü mai alaosou buyu vano Jisuno tavai loure. 14 Süthaisü Jisuno puhye rathoki hino ngaoloua puh hi paoe. "Zhukhaio, ne chuwo veiloure! Haijüno shipuyu kukhe nepeihi vemore dono mah soupu khaiso." 15 Mai sünano taloua puhye souvei peiyu mai nasü Jisue tea Jihudimai taohi paopeire. 16 Alia Jihudimaino Jisuye souveayu sü suna vanoe, daiolouzü puhno vah hainasü Soteithe zhouno soue. 17 Ana Jisuno puletaohi chila peie, "Apuono chu koutea vah souwe, alia E-a vah soua bue." 18 Sükua paoyu vano Jihudimaino puhye southeare dono phoupue. daiolouzü puhno Soteithe soukhoyu thebaimoa puhlahno Ramaiye paokha-a Ramaiye puh Puo tea kuwe.

Nah Poutuo vei soure khouko

19 Jisuno puletaohi paoe. "Cheche vuzüno Eno neletaohi paowe, Puono soua buyu su ngaoloua puhno soubaimoa Nah Poutuo lahno puh madono hatalia soulou hoe; daiolouzü Puono souyu tasü Nah Poutuo no-a sükheihaoa souwe. 20 Daiolouzü Puono Nah Poutuoye leshie alia lah puhno soua buyu teitei sü puh hi pongaopeiwe. Alia neleye pano khupa loure dono sütao jüno dukouyu vahtao-a puhno puh hi ngaopeilai. 21 Daiolouzü Puono athai maiye sou hrishu loua puletaoye ahri peiyu kua, NahPoutuoa puhno züpayu maitao hisü ahri peie. 22 Puono mai taliye chiku moe, ana chikure zu' teitei sü Nah Poutuo hi thoupeire, 23 sükua puletaono Puoye tstikhouyu kua Nah Poutuoye-a mai hrülaino tsukhoulai. Nah Poutuoye tsükhou moyu mai talino puhye seiveyu Puo sünaye tsükhoumoe. 24 "Cheche vuzüno Eno neletaohi paowe, Achipaotao choulouyu ea Eye seiveyu puhye louche louyu mai talisü teisa ahri ngaoloure; alia puh sü chikuyu hi loukhai laimoe, ana athai hino ahri hi kacho paloure. 25 "Cheche vuzüno Eno neletaohi paowe, thaimaino Ramainah Poutuo pai choulaiyu phasti vere, alia chue, alia pai sima choulouyu khemaisu hriloulai. 26 Daiolouzü Puo puhlah hi ahri buyu kua, Puhno Nah Poutuoye-a lah puh hi ahri buloure aetou peiwure; 27 alia puh hi chikukou peire zu nasü peiwure, daiolouzü puh sü Mainah Poutuoe. 28 Suna vano khupayu souso; daiolouzü khüh taohi buyu veishino puh pai choulaiyu phasü vewe 29 alia puletao vei khüh hino tashu loua, avei soukhai touyu maitaono ahri hi hrida shulai, alia ashi soukhai touyu maitaono chikuyu hi hrida shulai.

Jisu vei zhopaoh maitao

30 "E lah Akhoukono hatalia soulou hoe; Eno choulouyu suna thaifua Eno chikue; alia Avei chikuyu sü chekhaoe, daiolouzü E lah Aleli phoumoe ana Eye seive-apeio puh leli phoubaie. 31 "Eno lah Avano zhopaoh peibai louzü, Azhopaoh sü chekhao moe. 32 Ana Avano zhopaoh peiyu mai kukhe ali bue, alia puhno Avano zhopaoh peiyu sü chekhaoe touyu sü Eno süe. 33 Neletaono Johan hi mai seive-e alia puhno acheche vano zhopaoh peie. 34 Eno maj hino zhopaoh ngaolou vuzülai touyu vano moe; ana neletaoye pano khailu loure dono hainasü Eno paobaie. 35 Johan hai meitao-a ea va-a buyu meibvue, alia neletaono puh vei ava hino pha jütou sa-a buyu züpae. 36 Ana Ahi buyu zhopaoh sünano Johan vei jüno dukou hie, daiolouzü souchere dono Apuono Ahi peikhai touyu vah taono, suolouzü Eno soua buyu vah haitao vuzüno Puono Eye seivepeie touyu Avano zhopaoh souwe. 37 Alia Eye seive peiyu Apuono puhlah Avano zhopaoh soue. Puh paisü neletaono choukhai mohie, puh zhusü neletaono ngaokhai mohie; 38 alia neletao lekhehi puh vei chipao hai tobai soumoa bumoe, daiolouzü puhno seive peikhai touyu sünaye neletaono louche moe. 39 Neleno Sheeyu Larübvütao hino phoua bue, daiolouzü neletaono sütao hino teisa ahri bue tea chowe; alia sutaono Avano zhopaoh souwe; 40 Sütoukhaia neletaono ahri ngaoloure dono Ahi venü moe. 41 "Eno maihino paoshoyu phoumoe. 42 Ana Eno neletaoye süwe, süolouzü neletao lekhehi Ramaiye leshiyu hae. 43 Eno Apuo zhih hino ve, alia neletaono Eye popei moe. Mai kukhe alino lah puh zhih hino velouzü, puhye sü neletaono popeilai. 44 Alikhei baiyu Ramai Puh hino veyu paoshoyu nasü phoumoa, alino ali hino paoshoyu ngaonüyu neletaono kabüa Eye louche loulai? 45 Eno neletaoye Apuo nghojü hino mah paodu khaipei shulai tea chowuso. Neletaoye mah paodu khaipeirena louzü neletaono rei-a buyu Moses baie. 46 Neletaono Mosesye louche louzü, neletaono Eye louche loulai, daiolouzü puhno Avano rue. 47 Ana neletaono puhno rükhai touyu taosü louche molouzü, kabüa neletaono Achipao taosü louche loulai?"

6

Jisuno mai thengouye vaiyu

1 Haithaisü Jisuno Tibiria zai tea kuyu Galilee zai polo dovahi tare. 2 Alia maisou alaosou puhthaisü fütare, daiolouzü puhno sounou maitaoye souvei peiyu shee taosü puletaono ngaoloue. 3 Jisuno deichi hi tapa loua sühino puh rozümai taoye koa kou buloure. 4 Chuwo Jihudimai vei Tachonüh nasü ngheikoure. 5 Sühino Jisuno puh nghithou pfüla payu kisü maisou alaosou puh hilo taveyu ngaoloua, puhno Philip hi paoe, "Mai haitaoye pano toure Eletaono daikino raokhao hruloulai?" 6 Chi hainasü puhno Philip zhai zhure dono paobaie, daiolouzü lah puhno dai soulaisa touyu sü süa bue. 7 Philipno puh hi chila peie, "Denarü kaih ahaino raokhao hrüloua sutaono puletao. ali liye dao daotu peiyu koutea chelou hoe." 8 Puh rozümaitao hrohino Simon Pitar thaihou Andrewno puh hi paoe. 9 "Shithou raokhao pho angou ea khah ahai pfülaiyu khemainah ali haihi bue: ana maisou haizhozhou hisü sütaotuno dai souloulai?" 10 Jisuno paoe, "Maikhemaiye pano kou bukhaio." Buh sühisü poudai alaosou bue. Südono maikhemai hrülaino kou buloure; sühi kou buyu taosü mai thengou phae. 11 Süthaisu Jisuno raokhao taosü poloure, alia puhno Ramaihi kalo paowu-a sütaosü puhno sühi koubuyu maitaohi zhihpeire. Puhno khah-a sükua zhihpeire, alia puletao hrülaino lahlah züpasü touloure. 12 Alia puletaono puletao pouphou toulouyu thaisü, puhno puh rozümai taohi paoe, "Halia pano souha-a more dono toushoyu koulihtao veishi podzülo." 13 Südono puletaono sütaosü podzü loure ea shithou raokhao pho angou hino maikhe maino toushoyu koulih taono sülai kiahai phouloure. 14 Südono puhno souyu shee nasü maikhe maino ngaoloua paoe, "Chekhaoa deiphao hi vere rachi paolawo nasü hainare!" 15 Süthaisu Jisuno puhye maikhe maino tave taitsüa pano Veo souloure dono nilou laire touyu süloua Jisu puhlah deichi hilo tarei tapu khaire.

Jisuno dzü peihi tayu

16 Koukhe louyu kisü Jisu rozümai taosü zaihi loutare, 17 alia puletaono sakhao hi talou loua zai hino tapoa Kapernahum hilo tare. Sükisu tei mailoure, alia Jisu sü puletaohi velou mohie. 18 Süpha kisü teikhai shishoa hüyu dono zai dzüsü houng loure. 19 Puletaono kaacho asü adai pha sakhao saopoa takouyu kisü, Jisuno zai peino sakhao nahi' takou ngheiyu sü puletaono ngaoloure, alia puletaosu ngaopisho loure. 20 Ana puhno puletaohi paoe, "Ebaie; piso." 21 Sühino puletaono puhye sasa-a sakhaohi sathouloure, alia thala-a sakhao nasü puletaono ta-a buyu teidei hisü velou loure.

Maikhe maino Jisuye phouyu

22 Thainaisho sü zai polo dova hino chaoa buyu maisou taono buh sühisü sakhao alikhei bubaie touyu sü süloure. Puletaono Jisu hai puh rozümai taoye koa sühi loumoe, ana rozümai taosü puhye samoa puletao lah tare touyu sü süe. 23 Ana Tibiria hino sakhao kukhe taosü Mapaono kalo paopeiwu-a raokhao touyu buh ngheiki hisü tave loure. 24 Südono maikhemaino buh sühisü Jisu-a puh rozümai tao-a hayusü ngaoloua, puletao lah sakhao taohi louloua Jisuye phoupoa Kapernahum hi tare.

Jisu hai ahri raokhaoe

25 Puletaono zai polo dova hino puhye tave ngaolouyu kisü, puletaono puh hi paoe, "Rabbi, ne dukino buh haihi velou loue?" 26 Jisuno puletaohi chila peie, "Cheche vuzüno Eno neletaohi paoe, neletaono Eye phoutayu hai shee khemaitao ngaolouyu vano moe, ana neletaono raokhao pouphou toulouyu vano baie. 27 Hakalaiyu touso dono vah souwuso; ana Mainah Poutuono neletao hi peilaiyu teisa hrumaino bulaiyu touso suna dono vah soulo; daiolouzü puh peihi Puo, Ramaino puh vei paoshee soukhaire." 28 Süthaisü puletaono puh hi paoe, "Ramai vahtao soua bure dono Ehno dai souyu kaoe?" 29 Jisuno puletaohi chila peie, "Ramai vah louzü puhno seivekhai touyu sünaye neletaono loucheyu süna süe." 30 Südono puletaono puh hi chila peie, "Sükulouzü Eletaono ngaoloua neye louche loure dono neno dai shee soungaolai? Neno soua buyu vah nasü daie? 31 Eletao puopao maino rekouno manna toue; alia haibtia rüthoure, 'Puhno puletaohi toure raokhao raki hino peie.'" 32 Südono Jisuno puletaohi paoe, "Cheche vuzüno Eno neletaohi paowe, raki hino neletaoye raokhao peiyu nasü Moses moe; ana Apuono neletaoye raki hino acheche raokhao nasü peiabaie. 33 Daiolouzü Ramaivei raokhaona louzü rakino kouloua deiphao maihi ahri peiyu sunasüe." 34 Puletaono puh hi paoe, "Mapao, Eletao hi raokhao hainasü teisano peikhaio." 35 Jisuno puletaohi paoe, "E hai ahri raokhaoe; Ahi taveyu puhsü houkhai laimoe, alia Eye louche louyu puhsü reikhai laimoe. 36 Ana Eno neletaohi paoe, süolouzü neletaono Eye ngaoloure ana neletaono louche moe. 37 Apuono Ahi peikhai touyu hrülaisü Ahi velai; alia Ahi velou louyu puhye sü Eno hulai khailai moe. 38 Daiolouzü E sü Aleli soure dono raki hino koumoe, ana Eye seive peiyu puh leli soure dono koubaie. 39 Alia Eye seive peiyu puh leli nasü hainae, süolouzü puhno Ahi peikhai touyu teiteisü Eno halia souhawu laimoe, ana akhai teitheki sütaoye pano hrishu loulai. 40 Daiolouzü Apuo leli nasü hainare, süolouzü Nah Poutuoye ngaolouyu ea puhye louche louyu mai talisü teisa ahri ngaoloulai; alia Eno puhye akhai teitheki sou hrishu loulai."

Jihudimaino Jisu peihi noyu

41 Sükisu Jihudimai taono puh vano nolealea loure, daiolouzü puhno, "Ehai rakino kouyu raokhao nasüe" tea paoe. 42 Puletaono paoe, "Mai hainasü Eletaono puh pfüpuoye sua buyu Joseph nah poutuo Jisu mowu? Sükulouzü puhno chuwo kakua, 'E hai rakino koue,' tea paowe?" 43 Jisuno puletaohi chila peie, "Neletao lah neletao hrohino nolealeaso. 44 Eye seive peiyu Apuono puhye Ahi savepei molouzü, maita linoa Ahi velou hoe; alia Eno puhye akhai teitheki pano hrishu loulai. 45 Rachi paolamaitao larubvu hino, 'Alia puletao hrulaiye Ramaino doupei loulai,' tea rüwure. Puo hino choulouyu ea doulouyu mai talino Ahi vewe. 46 Süolouzü maita linoa Puoye ngaoloure toumoe; Ramai hino veyu puh likheino Puoye ngaobaie. 47 Cheche vuzüno Eno neletaohi paowe, louche louyu puhsü teisa ahri ngaoloure. 48 E hai ahri raokhao nasüe. 49 Neletao puopaomai taosü rükouno manna toue, ana puletaosü thaire. 50 Maitalino sünasü touloua thailai moyu rakino kouyu raokhao nasü hainae. 51 Ehai rakino kouyu hriyu raokhao nasüe. Maitalino raokhao haina toulouzü, puhsü teisano hrilai; alia deiphao maino hrire dono Eno peilaiyu raokhao nasü Avasoue." 52 Südono Jihudimai taosü puletao lah puletao hrohino haibüa veiva-a paoe, "Kakua mai hainano Eletaohi puh vasousü toure dono peilousüe?" 53 Südono Jisuno puletaohi paoe, "Cheche vuzüno Eno neletaohi paowe, neletaono Mainah Poutuo vasou toumo louzü ea puh zhe kümo louzü neletaohi ahri nasü hae. 54 Avasou touyu ea Azhe küyu puh hisü teisa ahri nasü bue, alia Eno puhye akhai teitheki sou hrishulai. 55 Daiolouzü Avasou hai touso chekhaoe, alia Azhe hai chekhaoa küloure nasüe. 56 Avasou touyu ea Azhe küyu puhsü Ahino tobai soumoa bue, alia E-a puh hi tobai soumoa bue. 57 Hriyu Apuono Eye seiyu büa ea Eno Apuo vano hriyu kua, Eye touyu mai talia avano hrilai. 58 Raki hino kouyu raokhao nasü hainae, alia haisü neletao puopao maitaono touloua thaitayu raokhao süna bümoe; raokhao haina toulouyu puhsü teisano hrilai." 59 Chipao haisü Jisuno Kapernahum hi rathobuh hino doupeia bubuki paoe.

Teisa ahri chipaotao

60 Südono puh thaifümai taolino süsü choulouyu kisü haibüa paoe, "Haisü tatei shoyu chipaoe; thaohno haisü keilai?" 61 Ana puletaono süna vano nolealea-a bure touyu sü Jisu puh lahno süloua, puletaohi paoe, "Haina hino neletao le tsulouwu? 62 Sükulouzü neletaono hakino Mainah Poutuono raiki puhno buyu buh hi takheyu ngaolouzü kakulai? 63 Ahri peiyu hai rako noe, vasou louzü zhiyu alia hae. Eno neletaohi paopeiyu chipao taosü rakoe ea ahrie. 64 Ana neletao hrohi louche moyu mai kamai bue." Daiolouzü Jisuno louche moyutao sü thaohthaoh maisa, alia puhye shoh soupei laiyu mai nasü thaohsa touyu hai shuraino sua bue. 65 Alia puhno paoe, "Süvano Eno neletaohi paopeire süolouzü Puono puh hi aetoupei molouzü maita linoa Ahi velou hoe." 66 Südono süzhouh" thaino puh thaifümai taoli thaikhai tare ea puhye koa tapukhai more. 67 Jisuno rozümai taohi paoe, "Neletaoa tabailaiwu?" 68 Simon Pitarno puh hi chila peie, "Mapao, Ehno thaoh hi talai? Nehisü teisa ahri chipaotao bue. 69 Alia nehai Ramai hino veyu Mashio nasüe touyu hai Ehno louche loure ea süloure." 70 Jisuno puletaohi chila peie, "Eno neletao kiahaiye dolou mowu? Ana neletao hrohino aliwo louzü rashi nasüe!" 71 Sünahai puhno Iskariot Simon nah poutuo Judas vano paoe, daiolouzü puh hai rozümai kiahaitao hrohino ali soua bukhaia puhye shoh souwulai.

7

Jisu ea Puh thaihou juraitao

1 Haithaisu Jisuno Galilee hi tasühao tare; puh hai Judea hi tanükhai more, daiolouzü Jihudimai taono puhye southeare dono phoua bue. 2 Chuwo Jihudimai Repaonuh nasü ngheire. 3 Südono puh thaihou jürai maitaono puh hi paoe, "Ne rozümai taono neno soua buyu vah taosü ngaoloure dono buh hainasü thaowu-a Judea hi tawo. 4 Daiolouzü maita linoa puh hai zhih talai toulouzu khei-a vah souwumoe. Neno vah haitao soua bulouzü, nelah neye deiphao maihi po ngaokhaio." 5 Daiolouzü puh thaihou jüraimai koutea puhye louche moe. 6 Jisuno puletaohi paoe, "Ateile louzü vetelou mohie, ana neletao teilewo louzü teisano souda-a bue. 7 Deiphao maino neletaoye ngaoba louhoe, ana sünano Eye ngaobawe daiolouzü Eno puh vah taohai ashi baie tea zhopaoh peiwe. 8 Neletao lah nüh buh hi takhewo; Ewo nüh buh hi takhelaimoe, daiolouzü Ateile hai vetelou mohie." 9 Puhno sübüa paowu-a Galilee hino nai-a bue.

Jisuno Repaonuh hi taveyu

10 Ana puh thaihou jürai maitaono nühbuh hi tahoyu thaisü, pu-a dumoa khei-a nüh buh hi takhere. 11 Jihudimai taono nühbuh hino puhye phoua, "Puh hai kahi bue?" tea nouwe. 12 Alia sühisü maisou hrohino puh vano mülealea loure. Kamaino paoe, "Puh hai maivei maie." ana mai kukheno paoe, "Moe. puhno maikhe maiye sümah tare." 13 Ana Jihudimaiye piyu dono maita linoa dua puh vano chi paomoe. 14 Nuh süna tsüle kouyu phakisü Jisuno Rathoki hi talouloua doushu tare. 15 Jihudimai taosü süvano khupa loua, "Mai hainano larü doukhai moa kabüa haizhozhou süloue?" tea paoe. 16 Südono Jisuno puletaohi chila peie, "Eno doupeiyu hai Avei moe, ana Eye seive peiyu puh veie. 17 Maita lino Ramai züpa sounüa bulouzu, Eno doupeiyu hai Ramai hino veho, lah Amadono paosa touyu sü sülai. 18 Puh lah puh madono pao-a buyu puhsü lah puh kathe phoubaie; ana puhye seiveyu puh vei kathe phouyu puhwo chekhaoe ea puh hisü madayu alia hae. 19 Mosesno neletaohi Razhai nasü peimowu? Ana neletao maili koutea Razhai nasü reimoe. Neletao daivano Eye southeare phouwe?" 20 Maikhe maino chila peie, "Nehi rashi ali bue! Neye southeare dono thaohno phouwe?" 21 Jisuno puletaohi chila peie, "Eno vah ali soue, alia neletao veishino süvano khupae. 22 Mosesno neletaohi heevadeyu naa peie (sünasü Moses hino vemoe, ana puopao maitao hino ve), alia neletaono Soteithe kino nah poutuomai aliye heevadewe. 23 Moses vei chikha soukho more dono nah poutuomai aliye Soteithe kino heevade louzü. Eno mai aliye puh vasou teitei hai Soteithe kino soushee shahpeiyu vano neletaono Apeihi rarouwu? 24 Khaozhai zhua chikuwuso, ana zu zhua chikulo."

Puh hai Razhepu nawu?

25 Südono Jerusalem hi buyu mai kamaino paoe, "Puletaono southealai tea phouyu mai nasü haina mowu? 26 Aha zhukhaio! puhno dua chi pao-a bu-a puletaono puh hi ha chilia paomoe. Haisü tsümai taono chekhaoa puh hai Khrista nasüe tea sülouyu vano moma? 27 Sütoukhaia mai hainahai daikino vesa touyu hai Ehno süe; ana Khrista nano veyu kisü. maita linoa puh hai daikino vesa touyu hai sulaimoe." 28 Südono Jisuno Rathoki hino doupeia buyu hino paikua paoe, "Neletaono Eye süwe, alia E hai daikino vesa touyu hai neletaono süwe. Sutoukhaia. Ehai lah Amado hino vemoe, Eye seiveyu puh hai chekhaoe, alia puhye neletaono sümoe. 29 Ana Ewo puhye süwe, daiolouzü Esü puh hino ve, alia puhno Eye seive-e." 30 Südono puletaono puhye niloure dono phoue: ana maita linoa puh peihi bah khakhai moe, daiolouzü puh phasü velou mohie. 31 Sütoukhaia mai taolino puhye louche loure; alia puletaono paoe, "Khrista nano veyu kisü puhno mai hainano souyu jüno koua shee soulaiwe?"

Jisuye niloure dono reihmaiye seiveyu

32 Maisou khemaino Jisu vano chi kulealeayu sü Pharisee maitaono chouloure, alia napao adumaitao ea Phariseemai taono puhye niloure dono reih maiye seive-e. 33 Sükisu Jisuno paoe. "Eno neletaoye koa phajü dono bulaihie, alia süthaisu Esü Eye seive peiyu puh hi vetalai. 34 Neletaono Eye phoulai. ana neletaono Eye ngaolaimoe, alia Abuh hi neletao velouhoe." 35 Jihudimai taono puletao lah alino lihi paoe, "Eletaono puhye ngaolai moyu buh kahi puhno talai? Puh hai Greekmai hrohi poralouyu Jihudimai taohi taholoua Greek tamaiye doupei laiwu? 36 'Neletaono Eye phoulai, ana neletaono Eye ngaolai moe?' alia 'Abuh hisü neletao velou hoe' tea puhno paoyu hai daiye paosa?"

Ahri Dzüla

37 Nüh süna akhai ea rnatsü tsülai teithe kisü, Jisuno lashuloua ea paikushoa paoe, "Maitalia reilouzu, puhye pano Ahi taveloua ktiloukhaio. 38 Eye loucheyu puhsü, sheeyu larubvüno paoyu kua, 'Puh lekhe hino hriyu reidzutao ktitalai." 39 Hainahai Jisuno puhye loucheyu maitaono ngaolaiyu Rako vano paoe; daiolouzü Rakohai süki peilou mohie, daiolouzü Jisu hai khouko-ava hi hrida shulou mohie.

Maikhemai hrohino me kuku tayu

40 Puletaono chipao haitao choulouyu kisü, mai kamaino paoe, "Mai hainahai chekhaoa Rachi paolawo nasüe!" 41 Mai kukheno paoe, "Puh hai Khristae!" Ana kamaino paoe, "Khrista hai Galilee hino velaiwu? 42 Sheeyu larubvu hino Khrista hai David khu hino. alia Davidno hrüyu nuh Bethlehem hino velai toumowu?" 43 Südono Jisu vano maikhemai hrohisü me kuku tare. 44 Puletao kamaino puhye nilouyu züpae, ana maitalinoa puh peihi bahkha khakhai moe.

Jihudimai tsumai taono louche moyu

45 Reihmai taono dakhai veyu kisü napao adumaitao ea Phariseemai taono puletaohi paoe, "Neletao daidono puhye save moe?" 46 Reihmai taono chila peie, "Mai haina büa maitalia chi paokhai mohie." 47 Phariseemai taono puletaohi chila peie, "Neletaoye-a stimah tare moma? 48 Tsümaitao hrohino moa Phariseemaitao hrohino puhye maita linoa louchewu? 49 Ana razhai sümoyu maisou haitaowo louzü acha ngaolouyu maitao baie!" 50 Pharisee maitao hrohino vuhli Jisuye tave daoyu Nikodemas touyu nano kukhemai taohi paoe, 51 "Eletao vei razhaino mai aliye raia puh chi keikhai moa ea puhno dai sousa touyu phoupa loumoa chiku baiwe?" 52 Puletaono chila peie, "Ne-a Galilee hino vewu? Sheeyu Larübvu hino phoukhaio ea Galilee hino rachi paolamai lia pakhaimoe touyu sü neno ngaolai."

8

Khakha mah hino nilouyu naotupai

1 Süthaisu puletao hrülaisü lahlah kihi vetare, ana Jisuwo louzü Oliv deichi hi tare. 2 Thainaisho shohna sü puh hai Rathoki hi tavepu khaire; sükisü maikhemai veishino puh hi tave loure, alia puhno kou buloua puletaoye doushu tare. 3 Razhai dou-apei maitao ea Pharisee maitaono khakha mah soua buyu hino nilouyu naotumai aliye saveloua puhye pano puletao veishi nghojüno laloure. 4 Puletaono puh hi paoe, "Dou-apeio, naotu haipai hai khakha-a buyu hino niloue. 5 Eletao vei razhai hino haibüyu naotumaiye chuhno deitheawo tea Mosesno chikha peikhaitoue. Newo puh vano dai paore bue?" 6 Puletaono chi haisü puh peihi mah dukhaire do phoupa loure dono puh zhai zhua paobaie. Jisuno kikouloua puh bahtouno kou deiphihi rüe. 7 Alia puletaono puh hi chi noua buyu hino, puhno lashuloua puletaohi paoe, "Neletao hrohino mahlia hayu puh pano raikaia puhye sü chuhno deikhaio." 8 Alia puhno kikou puloukhaia puh bahtouno kou deiphihi rütakhaire. 9 Ana puletaono puhchi sünasü choulouyu kisü tsükhana hino tashu poa ali lino takhaire, alia sühisü Jisu ea puh nghojüno la-a buyu naotupai süna likhei baire. 10 Jisuno pah pfulaloua puh hi paoe, "Naotupai, puletao daiki tare? Mailinoa nepeihi mah dukhai mowu?" 11 Naotupaino chila peie, "Mapao, mailinoa mah dukhai moe." Alia Jisuno paoe, "Sükulouzü veire, E-a nepeihi mah dukhai moe; tawo, alia mah soupu khaiso."

Jisu hai deiphao ava nasüe

12 Jisuno puletaohi paopukhaie, "E hai deiphao ava nasüe; Athai füyu puhno teizhi hi talai moe, ana ahri vei ava nasü ngaoloulai." 13 Süthaisü Phariseemai taono puh hi paoe, "Chuwo nelahno ne vano zhopaoh peiwe; nevei zhopaoh hai chekhao moe." 14 Jisuno chila peie, "Elah Avano zhopaoh peia bu-a Azhopaoh hai chekhaoe, daiolouzü E hai daikino vesa ea daiki tahosa touyu hai Eno süwe, ana neletaono E hai daikino vesa moa daiki tahosa touyu hai sümoe. 15 Neletaono vasou thaifua chikuwe. Ewo maili-a chiku moe. 16 Alia Eno chiku yuma Avei chikuyu hai chekhaoe, daiolouzü chikuyu hisü E lah baimoe, ana Eye seive peiyu Apuono Eye kozhowe. 17 Neletao vei razhai hino mai ahai vei zhopaoh hai cheche-e tea rüthou khaitoue. 18 Eno lah Avei vano zhopaoh souwe, alia Eye seiveyu Apuono Avano zhopaoh souwe." 19 Südono puletaono puh hi paoe, "Nepuo daiki bue?" Jisuno chila peie, "Neletaono Eye-a Apuoye-a sümoe; neletaono Eye sülouzü Apuoye-a süvuzülai." 20 Puhno chi haitaosu Rathoki hino doupeia bubuki Sheelayu sübvti khaiyu kidena hino paoe, ana maita linoa puhye nilou moe, daiolouzü puh vei phasü vetelou mohie.

Eno tahoyu buh hi neletao velou hoe

21 Jisuno puletaohi paopukhaie, "E talai, alia neletaono* Eye phoulai, ana neletao hai neletao mah hino thailai, Eno tayu buh hisü neletao velou hoe." 22 Südono Jihudimai taono paoe, "Puhno lah puhye southea laiwu, daiolouzü puhno 'Eno tayu buh hisü neletaono velou hoe,' tea paoe?" 23 Jisuno puletaohi chila peie, "Neletao louzü khekouno ve, Ewo louzü reikouno ve; neletao louzü deiphao hinoe, Ewo louzü deiphao hino moe. 24 Südono neletao hai neletao mah hino thailai tea Eno paoe; daiolouzü 'E-e touyu puhsü E-e' tea neletaono louche molouzü neletaovei mah hino neletaosü thailai." 25 Süthaisu puletaono puh hi noue, "Ne thaohwe?" Jisuno puletaohi paoe, "Shuraino Eno neletaohi paopeiyu nasüe. 26 Eno neletao vano paore ea chikure alaosou bue; ana Eye seive peiyu puhsü chekhaoe, alia Eno puh hino choulouyu nasü deiphao maihi Eno paongao peiwe." 27 Jisuno puletaohi Puo vano paoe tea puletaono sülou moe. 28 Südono puhno puletaohi paoe, "Neletaono Mainah Poutuoye polashuyu kino 'E-e touyu puhsü E-e' touyu hai neletaono süloulai; süthaisü Eno halia Amadono soumoe ana Apuono Ahi doupeiyu thaifüa haitaohai paobaie touyusü neletaono sülai. 29 Alia Eye seive peiyu puhsü Eye koa bue; puhno E likhu thaopei moe. daiolouzü Eno teisano puh zijpasü souwe." 30 Puhno sübüa paoyu vano. mai alaosou puhye louche loure.

Mado soulouyu mai alia kilaitao

31 Suthaisü Jisuno puhye louche louyu Jihudimai taohi paoe, "Neletaono Achipao hino tobai soumoa bulouzü, neletaohai chekhaoa Arozümai taoe, 32 alia neletaono acheche nasü süloulai, alia acheche nano neletaoye mado soupeilai." 33 Puletaono puh hi chila peie, "Eletao louzü Abraham taonahmai taoe, alia maitali vei kilai soukhai mohie. Südono neno 'Neletaoye mado soupeilai' tea paoyusü daiye paowe?" 34 Jisuno puletaohi chila peie, "Eno neletaohi cheche vuzüno paowe, mah souyu mai talisü mah kilai nasüe. 35 Kilai nasü ki sünahi teisano bumoe; ana nah poutuowo louzü sühi teisano buwe. 36 Südono Nah Poutuo nano neletaoye mado soupei louzü, neletaosü chekhaoa mado souloulai. 37 Eno neletaohai Abraham taonahmai taoe touyu süe; ana neletaono Eye southeare dono phouwe, daiolouzü Achipao hai neletao lekhehi buh hae. 38 Eno Apuoye koa ngaoyu nasü Eno paowe, alia neletaono neletao puo hino choulouyu nasü souwe." 39 Puletaono puh hi chila peie, "Abraham hai Eletao puoe." Jisuno puletaohi paoe, "Neletaohai Abraham nahmai louzü, Abrahamno souyu nasü neletaono souwulai; 40 ana Ramai hino achechena chouloua neletaohi doupeiyu mai Eye chuwo neletaono southealai tea phouwe. Abrahamno sübüa soukhai moe! 41 Neletao puono souyu vah nasü neletaono souwe." Puletaono puh hi paoe, "Eletao louzü khanah moe; Eletaovei puo ali bue, süolouzü Ramaie." 42 Jisuno puletao hi paoe, "Ramai hai neletao Puo toulouzü, neletaono Eye leshiwulai, daiolouzü Ehai Ramai hino ve ea chuwo Esü buh haihino bure. Eno Amadono velou moe, ana puhno Eye seivepeie. 43 Neletao daidono Eno paoyu sülou moe? Haisü neletaono Achipao pfülou hoyu dono baie. 44 Neletao hai neletao puo rashina hino ve, alia neletao lelihai neletao puo züpa souyu nasüe. Puh hai shuraino maiye southeayu nasüe, alia achecheye koa vah souzhore alia hae, daiolouzü puh hi acheche alia hae. Puhno amada chi paoyu sü lah puh zhai thaifua paobaie, daiolouzü puh hai amada nasüe ea amada teitei vei puo nasüe. 45 Ana Eno achechena paoyu dono, neletaono Eye louche moe. 46 Neletao hrohino thaohno Eye mah paodukhai peilou süe? Eno acheche paowe toulouzu, daidono neletaono Eye louche peimoe? 47 Ramai hino veyu puhno Ramai chipaotao keiwe: neletaono chipao sütao keibayu louzü neletaohai Ramai hino vemoe."

Jisu alia Abraham

48 Jihudimai taono puh hi chila peie, "Nehai Samariamai alie ea nehi rashi ali bue tea Eletaono paoyu sü paozü mowu?" 49 Jisuno chila peie, "Ahi rashi alia hae; ana Eno Apuoye tsükhouwe, alia neletaono Eye tsukhou moe. 50 Eno Akathe phoumoe; ana süna phouyu ea chiku peiyu maili bue. 51 Cheche vuzüno Eno neletaohi paoe, maita lino Achipao hai züa bulouzü puhno athai sü ngaokhai laimoe." 52 Jihudimai taono puh hi paoe. "Chuwo Eletaono nehi rashi ali bue touyu sü süloure. Abraham-a rachi paolamaitao-a thaikhaire, ana Maita lino Achipao hai züa bulouzü, puhno athai nasü daokhai laimoe;' tea neno paoe. 53 Thaitayu Eletao puopao Abraham jüno neno duhiwu? Rachi paolamaitao-a thaikhaire! Nelah neye no thaohtu-a paowe?" 54 Jisuno chila peie, "Elah Eye tsükhoubai louzü, Avei tsükhouyu nasü halia moe; neletaono, 'Puh hai Eletaovei Ramaie' tea paoyu puh hai Eye tsukhou peiyu Apuoe. 55 Neletaono puhye sükhaimoe; ana Ewo puhye süwe. Eno puhye sümoe tea paolouzü, E-a neletao büa amadamai souwulai. Ana Eno puhye süwe ea Eno puh chi züwe. 56 Neletao puopao Abrahamno Ateile nasü ngaolai tea lesae, puhno sünasü ngaoloue ea le sashoe." 57 Süthaisü Jihudimai taono puh hi paoe, "Nesü po raingou koutea pamo hie, alia newo Abraham ye ngaowu?" 58 Jisuno puletaohi paoe. "Cheche vuzüno Eno neletaohi paowe, Abrahamye namo jüno Esü bue." 59 Südono puletaono puhye deire dono chuh kou poloure: ana Jisuwo puh lah tutsü loua Rathoki hino tapare.

9

Nghicha-a nakouyu mai aliye Jisuno souvei peiyu

1 Jisuno sükua ta-a buyu hino nakou raino nghichayu mailiye ngaoloure. 2 Alia puh rozümai taono puh hi noue. "Rabbi, mai haina nghicha-a nakouyu hai thaoh mah-e, mai haina mah ho, puh pfüpuo mah-e? 3 Jisuno chila peie. "Haisü mai hainano moa puh pfüpuono mahyu dono moe, ana Ramai vei khupa vah hai puh vano pongaore dono baie. 4 Teinghi bubukino Eye seive peiyu puh vei vah taosü Eletaono souvuzülai. Maita linoa vah soulou hore kheisü laire. 5 Eno deiphao bubusa, Eno deiphaovei ava nasüe." 6 Puhno haibüa paoyu thaisü. deiphihi taidzü sükhai loua taidzüno konai hrüloure ea konai sünano mai suna nghithouhi napeire, 7 alia puh hi paoe, "Takhaio, alia Siloam dzükhao hino ne pah phülou khaio." (Siloam touyu hai seitayu toue.) Südono puhno taholoua puh pah phuloure, alia nghithou ngaoloua khaivere. 8 Südono kinapa maitao ea puhye raichoki tosüa ngaoyu maitaono paoe, "Deiphino bua tosüyu nasü mai haina mowu?" 9 Kamaino paoe, "Puh sü hainae;" kukhe maitaono paoe, "Puh moe, ana puh hai mai süna zhu raibaie." Südono mai sünano paoe, "Mai sunasü E-e." 10 Puletaono puh hi noue, "Sükulouzü ne nghithou hai kakua hepaloue?" 11 Puhno chila peie. "Jisu tea kuyu mai sünano konai hüloua Anghithou hi napeie, alia haibüa, 'Siloam hi taho nepah phüloukhaio' tea paopeie; südono Eno taho Apah phuloue ea Anghithou sü ngaoloure. 12 Puletaono puh hi noue, "Puh kahi bue?" Puhno chila peie. "E sümoe."

Phariseemai taono nghithou veilouyu vano chinouvu

13 Puletaono raichoki nghichayu mai sünaye Phariseemai taohi save. 14 Jisuno konai hüloua mai süna nghithou souvei peiyu teithe sünasü Soteithe hinoe. 15 Phariseemai taono puh nghithou hai kakua ngaoloue tea puh hi noupue. Alia puhno puletaohi paoe, "Puhno Anghithou hi konaino napeie, alia Eno Apah phulouyu kisü ngaoloure." 16 Phariseemai kamaino paoe. "Mai hainahai Ramai hino vemoe, daiolouzü puhno Soteithe reimoe." Ana kukhemai taono paoe, "Kakua mahmai alino sübüyu shee taosü soulou sü lai ?" Alia sühisü puletao hrohino me kuku tare. 17 Südono puletaono nghichayu mai sünahi noupue. "Puhno ne nghithou souvei peiyu dono neno puh vano daitoua paowe?" Mai sünano paoe, "Puh hai rachi paolamai alie." 18 Ana Jihudimai taono nghichayu hino ngaolouyu mai suna pfüpuoye kuloumo sasü puh hai nghichae ea chuwo ngaoloure touyusü alia louche moe, 19 alia puletaono putamai hi noue, "Netamaino nghicha-a nakoue touyu nah poutuo nasü hainawu? Sütoulouzü puhno chuwo kakua ngaoloue?" 20 Puh pfupuono chila peie, "Haisü Eh nah poutuoe, alia puh hai nghicha-a nakoue touyu sü Ehno süe. 21 Ana chuwo puhno kakua ngaolousa, moa thaohno puh nghi souvei peisa touyu Ehno sümoe. Puh hai tsüre, alia lah puh vano paolou sue, puh hino noukhaio." 22 Puh pfupuono Jihudimai taoye piyu dono sünahai paoe. daiolouzü maita lino Jisuye Khrista-e tea louche louzü. puhye sü rathobuh hino hutalai tea Jihudimai taono kukou chere. 23 Südono puh pfupuono "Puh hai tsüre, puh hino nouloukhaio," tea paoe. 24 Südono puletaono nghicha-a nakouyu mai sünaye kuda khailoua puh hi paoe. "Ramaiye likhei shokhaio; mai hainasü mahmaibai touyu Ehno sue." 25 Puhno chila peie, "Puh hai mahmaie, mahmai moe touyu E sümoe; ali louzü Eno süwe, süolouzü E nghicha-a buyu sü chuwo E ngaoloure." 26 Puletaono puh hi noue, "Puhno nehi dai soupeie? Puhno kabüa nenghi chayu souveipeie?" 27 Puhno puletaohi chila peie. "Eno neletaohi paochewure, alia neletaono kipei bae. Neletao daidono sunasü keipu nüwe? Neletaoa puh rozümai souyu züpawu?" 28 Puletaono puhye nghei-a paoe, "Neno puh rozümaie, ana Ehwo Moses rozümaie. 29 Ramaino Moses hi paopeie touyu hai Ehno süe, ana mai haina vano louzü, puh hai kahino vesa touyu Ehno sümoe!" 30 Mai sünano chila peie, "Neletaono puh hai daikino vesa touyu sümoyu hai khupa shoyu alie, ana puhno Anghi chayu souvei peie! 31 Ramaino mahmai pai keipei moe, ana maita lino Ramaiye thoa puh leli soulouzü. Ramaino puh pai sü keipeiwe touyu Ehno süwe. 32 Deiphao soushu raino maita linoa nghicha-a nakouyu mai tali nghithou souhepa peire touyu choukhai mohie. 33 Mai hainahai Ramai hino vemo louzü, puhno halia soulou hoe." 34 Puletaono puh hi chila peie. "Nesü mahno züa nakou khaitoue, alia neno Eletaoye doupei laiwu?" Alia puletaono puhye hulaire. 35 Puletaono puhye hulaire touyu sü Jisuno chouloure. alia puhye ve ngaolouyu kisü puhno puh hi paoe, "Ne Mainah Poutuoye louchewu? 36 Puhno chila peie, "Dou-apeio, Eno puhye louche loure dono puh sü thaoh-e!" 37 Jisuno puh hi paoe, "Neno puhye ngaoloure, alia chu neye chipha-a buyu nasü puh-e." 38 Puhno paoe, "Mapao, E louche," alia sühino puhno kou puhye khurü loure. 39 Jisuno paoe, "Ngaomoyu maitaoye pano ngaoloure dono, alia ngao-a buyu maitaoye pano nghicha tare dono. Eno deiphao hi chikure dono ve." 40 Buh sühino puhye koa buyu Phariseemai kamaino süsü chouloua pUh hi paoe, "Eletao-a nghj chawu?" 41 Jisuno puletaohi paoe, "Neletao hai nghichayu kowo, neletao mah sü bupaimoe; ana chuwo. 'Eletaowo ngaowe." tea neletaono paoyu dono neletao triah sü bubaie."

10

Zhaoakhowo vei nada

1 "Cheche vuzüno neletaohi Eno paowe, kikhu hino talou moa ludu kukhe hino zhaovehi talouyu puhsü avaomaie ea maivei saotou maie. 2 Ana kikhu hino talouyu puhsü zhaotu taovei zhaokhowo süe. 3 Puh hisü bomü khowono kikhu houpeie; zhaotu taono puh paisü chouwe, alia puhno lah puhvei zhaotu taoye sü puletao zhih ali lino kua süthaisa papeie. 4 Puhno lah puhvei taoye sü vakouhi sapayu kisü. puhno puletao nghojüno tae, alia zhaotu taono puhthai fütae, daiolouzü puletaono puh pai shiwe. 5 Puletaono shevaishesü maitali thai sü fulaimoe. ana puletaono puh hino tuta bailai. daiolouzü puletaono shevaishesümai pai shimoe." 6 Jisuno nada hainasü puletaohi paopeie, ana puhno puletaohi dai paosa touyusü puletaono sülou moe.

Zhaokho Aveiwo Jisu

7 Südono Jisuno puletaohi paopukhaie, "Cheche vuzüno Eno neletaohi paowe. E hai zhaotu taovei kikhu nasüe. 8 Anghojüno veyu puletao hru!ai hai avaomai ea maivei saotoumai khaibaie; ana zhaotu taono puletao paisü keipei moe. 9 E hai kikhue; maita lino Ahino talou louzü, puhsü khailu loulai, alia puhno tapa talouloua poudai aveibuh ngaoloulai. 10 Avaomai sünano vaore, southeare ea souhare dono likhei vebaie. E louzü puletao ahri ngaoloure alia sünasü ngaochekhou loure dono ve-e. 11 "E hai zhaokho aveiwo süe. Zhaokho aveiwono zhaotutao dono puh hrirai peie. 12 Zho kuhyu mai sünano. puh hai zhao-akhowo moa zhaotutao paopu moyu dono nüsei taveyu ngaoloua zhaotu taoye thaowu-a tutabaiwe: alia nüsei nano sutaoye nia hupho rarou baiwe. 13 Puh hai zho kuhyu maili baiyu dono zhaotutao dono halia leki khaimoa tuta baiwe. 14-15 E hai zhaokho aveiwo süe. Apuono Eye süyu ea Eno Apuoye süyu kua. Eno Azhaotu taoye süwe ea puletao-a Eye süwe. Alia Eno Ahrirai hai zhaotutao dono peie. 16 Alia zhaokhome haihi loumoyu Azhaotu kukhe-a bue. Eno puletaoye-a savelai. alia puletaono Apaisü keilai. sükua puletao sü zhaokhowo alikhei hino khome ali soubailai. 17 "Apuono Eye leshiwe, daiolouzü Eno ahrirai hai podakhai loure dono Eno sunasü peiwure. 18 Maita linoa ahrirai hai Ahino pota moe; ana lah Amadono sünasü Eno pei-a baie. Süna peiwure sü Akhouko bue. alia süna podakhai loure Akhouko bue. Souloure zü hainasü Eno Apuo hino ngaoloue." 19 Chipao haitao vano Jihudimaitao hrohisü me kukuta khaire. 20 Puletao hrohino mai taolino paoe, "Puh hi rashi ali bue, alia puh hai vore! Neletao daidono puhchi keiwe?" 21 Ana kukhe taono paoe, "Chipao sütaohai rashino louyu mailino paoyu chipao moe. Rashi alino nghichamai nghithousü souhepa peilou süwu?"

Jisuye aetoumoyu

22 Sükisu Jerusalem hisü Rathoki posheelayu nüh nasü nütare. 23 Teile sükisü saikie. alia Jisuno Rathokihi. Solomon kipamü tea kuyu süna hino takou takhe-a bue. 24 Südono Jihudimai taono puh hino tave sühao buloua puh hi paoe, "Pha kasho neno Eletaoye pano zhi-a bulai? Nehai Khristae toulouzü Eletaohi sheesha-a paongao khaio." 25 Jisuno puletaohi paoe, "Eno neletaohi paongaowure, ana neletaono Eye louche peimoe. Apuo zhih hino Eno souyu vah sutaono Avano zhopaoh peiwe; 26 ana neletaono louche moe. daiolouzü Eno paoyu kua neletao hai Azhaokhome hino moe. 27 Azhao taono Apai keiwe. alia Eno puletaoye süwe ea puletaono Athai fütawe. 28 Eno puletaohi teisa halou hoyu ahri peiwe. alia puletaosü hakilia hakhai laimoe. Alia maita linoa puletaoye Abah hino shaolou hoe. 29 Puletaoye Ahi peiwuyu Apuono hrülai jüno duhie, alia maita linoa puletaoye Apuo bah hino shaolou hoe. 30 E alia Puosü alibaie. 31 Sükisü Jihudimai taono puhye deire dono kou chuh polou khaire. 32 Jisuno puletaohi paoe, "Apuo hino vah avei alao Eno neletao nghojühi soungaore; sütao hrohino kana vano neletaono Eye chuhno deilai touwe?" 33 Jihudimai taono puh hi chila peie, "Eletaono neye vah avei dono chuhno deilai moe ana Ramaiye paoshiyu dono baie; alia newo mai baiyuma nelah Ramaiye paokhawe!" 34 Jisuno puletaohi chila peie, "Neletao razhai hino haibüa Ramaino pao-a, 'Neletaowo ramai taoe' tea rukhaitou mowu? 35 Sükulouzü Ramai chipao peikhai touyu puletaoye puhno ramaitaoe tea kulouzü sheeyu larubvu hino paokhai touyu sü soukho louhoe. 36 Sütoulouzü Eno, 'Ewo Ramainah Poutuoe," tea paoyu vano, Puono soushee pei-a deiphaohi seivekhai touyu puh hi neletaono, 'Newo Ramaiye paoshiwe' tea paowu? 37 Eno Apuo vahtao soumo louzü. Eye loucheso. 38 Ana Eno sütaosü soua bulouzü, neletaono Eye louche moyuma, Puosü Ahi bue ea Esü Puohi bue touyu süloure ea sheesha-a süa bure dono Avah taosü louche loukhaio." 39 Südono puletaono puhye niloure dono tepue, ana puletao bah hino puh hai tupa loure. 40 Süthaisu Johan no raiki dzükhao dapeia buyu buh Jordan rei polo dova Jisuno tapu khaire, alia sühino puhno nai-a bue. 41 Alia mai alaosou puh hi tave loure ea puletaono paoe, "Johan no shee alia soumoe, ana Johan no mai haina vano paoyu teitei sü chekhaoe." 42 Alia sühino mai taolino puhye louche loure.

11

Lazaras thaiyu

1 Sükisü Meri alia puh matoupai Marthano hrüyu Bethani nuh hino Lazaras touyu mai alihai souloure. 2 Mapaoye kaivei theadzüno napeiyu ea puh phihi puh peishuno posou peiyu paisü Meri hainapaie; sou-a buyu maina sü puh pou Lazaras süe. 3 Südono tuhaino Jisu hi ko seiho-a paoe, "Mapao, neno leshiyu puhsü sou-a bure." 4 Ana Jisuno ko süna choulouyu kisü paoe, "Sou hainasü thaire dono moe; haisü Ramai khouko-ava pongaore dono baie, alia süna vano Ramainah Poutuoye paosholai." 5 Jisuno Martha ea puh matoupai alia Lazaras ye leshie. 6 Ana puhno Lazaras soue touyu ko nasü choulouyu kisü, puhno buyu buh sühino teithe ahai naipulou khaire. 7 Süthaisu puhno rozümai taohi paoe. "Eletao Judea hi tapu laikhe." 8 Rozümai taono puh hi paoe, "Dou-apeio, zhovubü hino Jihudimai taono neye chuhno deire dono phoua bue; alia newo sühi tapukhai laihiwu?" 9 Jisuno chila peie, "Heako teilehai teilecho kiahai bumowu? Maita lino heako hino ta-a bulouzü, puhno phi sLiwumoe, daiolouzü puhno deiphao hainavei ava nasü ngaowe. 10 Ana maita lino khei hino talouzü, puhno phi süwe, daiolouzü puh hisü ava nasü hae." 11 Jisuno sübüa paoyu thaisü, puletaohi puhno paopukhaie, "Eletao sa Lazaras sü zhitare, ana Eno puhye soukaire dono talai." 12 Rozümai taono puh hi paoe, "Mapao, puh hai zhitare touyukowo, puh souhai veiloulai." 13 Jisuwo louzü puhvei thaiyu vano paobaie, ana züh hino zhia soyu vano puhno paoe tea puletaono chowe. 14 Südono Jisuno puletaohi sheesha-a paoe, "Lazaras thaire; 15 alia neletao dono E lesae, daiolouzü neletaono louche loure dono Ehai buh sühi bumoe. Ana Eletao puh hi taholaikhe." 16 Nahbei tea kuyu Thomasno puh samai rozümai taohi paoe, "Eletao-a puhye koa thaire dono taholaikhe!"

Jisu hai hrishuyu ea ahri nasüe

17 Chuyvo Jisuno velouyu kisü Lazarasye khüh hi povuyuhai teithe adai paa ngaoloure. 18 Bethani hai Jerusalem ngheikihi kaacho ahaipha doua bubaie. 19 Alia Jihudimai alaono Martha hai Meri hi puhai pou thaiyu vano le souvare dono tave loure. 20 Südono Marthano Jisu laire touyu choulouyu kisü, puhno tapaloua puhye daoloure, ana Meri louzü kikha hino bue. 21 Marthano Jisu hi paoe, "Mapao, nehai buh haihi buyukowo Apou hai thaipai moe! 22 Ana cltukoutea Eno süe süolouzü neno Ramai hino khoyu talisü Ramaino nehi peilai." 23 Jisuno puh hi paoe, "Nepou hai hrida khailai." 24 Marthano puh hi paoe, "Akhai teithe hi hrishu yuki puh-a hrishulai touyu hai Eno süe." 25 Jisuno puh hi paoe, "Ehai hrishuyu ea ahri nasüe; Eye loucheyu mai talino puh hai thaiyuma hrilai; 26 alia hria Eye loucheyu mai talino hatakia thailaimoe. Sünahai ne louche homoe?" 27 Puhno Jisu hi chila peie, "Ovai, Mapao; nehai deiphao hi vere Ramainah poutuo Khrista nasüe touyu hai Eno louche-e."

Jisuno krayu

28 Puhno chi sunasü paowuyu thaisü, taloua taho puh matoupai Meriye kuloua puh hi kheikheisoua paoe, "Dou-apeio sü buh haihi bue ea neye phoua bue." 29 Alia puhno süsü choulouyu kisü, thala shuloua puhye daore dono tare. 30 Sükisü Jisu hai nuh hi veloulou mohie, ana Marthano puhye daoyu buh hino buhie. 31 Südono kikha hino bua puh le souva-a buyu Jihudimai taono Merino thashoa kijühi tapayu ngaolouyu kisü puh hai khüh hino taho krare dono tare tea choloua puletaono puhthaifüa tare. 32 Jisuno buyu buh hi Merino veloulou-a puhye ngaolouyu kisü puhno Jisu phihino kou duloua puh hi paoe, "Mapao, nehai buh haihi buyukowo Apou hai thaipai moe!" 33 Jisuno Meri ea puhye koa taveyu Jihudimai taono krayu ngaolouyu kisü puh lehai daisho loure; 34 alia puhno puletaohi noue, "Neletaono puhye kahi povuwure?" Puletaono puh hi chila peie, "Mapao, tave zhukhaio." 35 Jisusü krare. 36 Südono Jihudimai taono paoe, "Zhukhaio, puhno daizhozhoa puhye leshisa!" 37 Ana kamaino paoe, "Nghichayu mainaye souvei peiyu mai hainano puhye pano thaimolou howu?"

Lazarasye souhri peiyu

38 Südono Jisu hai le daisho puloukhaia khühhi tave; khüh sünasü chuhlea hino raokhaitoue, alia süna peihisü chuhlino shikhai toue. 39 Jisuno paoe, "Chuh nasü povai khaio!" Thaiyuna tupai Marthano puh hi paoe, "Mapao, chuwo kai nushi laire, daiolouzü puhye povuyu teithe adai pare!" 40 Jisuno puh hi paoe, "Neno louchea bulouzü Ramaivei khouko avasü ngaolai tea Eno nehi paomowu?" 41 Südono puletaono chuh nasü povaire. Alia Jisuno pah pfülaloua paoe, "Apuo, neno Akho keipeiyu dono, Eno ne kalo paowe. 42 Neno teisa Akho hai noupeiwe touyu Eno süe, ana neno Eye seivepeie touyu hai lasühao-a buyu maikhemai taono louche loure dono Eno chi hainasü paowe." 43 Puhno sünasü paocheyu thaisü, paikusholoua paoe, "Lazaras tapalouwo!" 44 Thaiyunano puhphi, puhbah taosü khuhsahno phukhaitoua, alia puh pahsü sah alino zükhaitoua tapa loure. Jisuno puletaohi paoe, "Puhye sah laopa peiwu-a pano talouwo."

Jisuye southeare dono phouyu

45 Südono Meriye koa taveyu Jihudimai taolino Jisuno souyu ngaoloua puhye louche loure. 46 Ana kamaino Phariseemai taohi taho Jisuno souyusü paongao peire. 47 Südono napao adumaitao ea Phariseemai taono tsüme nasü kuve dzüloua paoe, "Eletao dai soulai? Daiolouzü mai hainano shee taoli soua bure! 48 Eletaono puhye pano haibüa talouzü, mai hrülaino puhye louchelou shulai, alia Rom maino tave Eletao Rathoki ea Eletao tahrüh souha shulai!" 49 Ana puletao hrohino süna pohi napao peichana soua buyu Kaiphano puletaohi paoe, "Neletaono halia sükhai moe! 50 Mai alino maikhemai dono thaipei-a tahrüh teiteiye souhawu moyu nano neletao dono veikouhie touyu sü neletaono sümoe." 51 Chi hainasü puhno puh madono paomoe, ana po sünahi napao peichana soua buyu vano puhno raia Jisuno Jihudimai tahrüh dono thaipeilai tea paobaie. 52 alia tahrüh süna likhei dono bailaimoe, ana vakouno raroua buyu Ramainah taoye alikhei soua pove dzüre donoe." 53 Südono sü teithe hino shua puletaono puhye southeare dono chi kutare. 54 Südono Jisuno dua Jihudimaitao hrohi takhai more, ana sühino taloua radeikeena ngheiki buyu Ephraim tea kuyu nuh hi tare, alia sühino puhno puh rozümaitaoye koa bure. 55 Chuwo Jihudimai vei Tachonüh nasü ngheikoure, alia mai alaosou nuhbuh hilono taveloua puletao lah nüh jühino naa thaifüa soushee loure dono Jerusalem hi tapare. 56 Puletaono Jisuye zhia Rathoki hino la-a buyu hino alino lihi haibüa noue, "Neletaowo dai tea chowe? Puhwo nuhbuh hi velaimona?" 57 Sükisü napao adumaitao ea Phariseemai taono raia kharochi peire, süolouzü puletaoye pano Jisuye niloure dono maitalinoa Jisuno buyu buh stilouzü sünano tave puletaohi süngaopei vuzülai.

12

Bethani hino Jisuye theadzü noupeiyu

1 Jisuno Tachonüh vemo jühi teithe arou buyu phahino puhno athai hino souhri peiyu Lazaras nuh Bethani hi tave loure. 2 Sühino puletaono puhye dono tovai ali souda peie. Marthano vahva-a bue ea Lazaras-a Jisuye koa arübuh hino buyu maitao hrohino alie. 3 Sükisü Merino muhtei shoyu ea kai veishoyu sheetouyu Nard theadzü dzuchovou dali poloua Jisu phihi noupei-a puh peishuno puh phisü posou peire; alia sühisü theadzü sünavei kai avei sünano phoupei loure. 4 Ana puh rozumaitao hrohino maili. Jisuye ngaobamai bah hi thoupei laiyu Iskariot Judasno paoe, 5 "Daidono kaivei theadzü hainahai denarü kaihsü muh zholoua toure hamaihi peimosa?" 6 Puhno sübüa paoyu hai toure hamaiye dono tsüchoa paoyu moe, ana puh hai avaomai ali baiyu dono paobaie ea shavü pokuyu mai ali soua sühi thoukhai touyu taosü puh lah vaoloulou baiwe. 7 Ana Jisuno paoe, "Puh lah pano puh do soukhaio, alia puhye pano sünahai Eye povure teitheki dono pokhailouwo. 8 Daiolouzü toure hamai taoye neletaono teisa koa bulai. ana neletaono Eye koa teisano bulai touyu moe."

Lazarasye southeare do phouyu

9 Jisu hai Bethani hi bue touyu kosü Jihudimai maisouno sulouyu kisü, puletaono puhye dono likheibai moa puhno athai hino souhri peiyu Lazarasye-a zhure dono tave loure. 10 Südono napao adumai taono Lazarasye-a southeare dono do phouloure, 11 daiolouzü puh vano Jihudimai taolisü puletaoye thaowu-a Jisuye no louche tare.

Jisuno kolouyu asah hino Jerusalem hi taiouyu

12 Thainaisho kisü nuhbuh hi tavelouyu maisouno Jisu-a Jerusalem hi veloure dono laire touyu kosü chouloure. 13 Südono puletaono habo poloua puhye daore dono tapare alia shusoua shaloure, "Hosanna! Mapao zhih hino tave louyu. Israelmai Veo puhsü rakoveie!" 14 Alia Jisuno rheisuh toutu ali ngaoloua süna phaohi pabu loure; daiolouzü shecyu larubvu hino haikua ruthouwure, 15 "Piso, Zion hi nah naotupai; Zhukhaio. nevei Veosü Rheisuh toutu ali phaohino bua tavewe!" 16 Sükisü puh rozümai taono hainavei ko alia sükhai moe; ana Jisuno adusho hi hrishu louyu thai-no. hainahai puh vano rukhaitoue ea haisü puletaono puh hi soupeire touyusü puletaono sükino liloure. 17 Jisuno Lazarasye khüh hino kupaloua puhye athai hino souhri louyuki puhye koa buyu maisouno süna vano zhopaoh soloure. 18 Maisouno puhye daore dono taveyu qo louzü puhno shee hainasü soushe tea chouyu donoe. 19 Südono Phariseemai taono alino lihi haibüa paoe, "Nele-a chokhaio, Eletaono halia soulou hore! Zhukhaio, deiphaomai hrülaino puhthai fütakhaire."

Greek maino Jisuye phouyu

20 Alia nuhbuh hi rathore dono tave loulouyu maikhemai hrohisti Greekmai kamaia louwe. 21 Südono mai haitaono Galilee hi Bethsaida nuh hino veyu Philip hi taveloua puh hi paoe, "Dou-apeio, Ehno Jisuye daonüwe." 22 Philipno taho Andrew hi paopeie, ea Andrewno Philipye koa taho Jisu hi paopeie. 23 Alia Jisuno puhai hi chila peie, "Mainah Poutuono kathe souloure phasü veloure. 24 Cheche vuzüno Eno neletaohi paowe, southou pfuli hai deiphihi dekou louloua thaimosa süna lah bubaiwe; ana sünasü thaita louzü thou alaosou shilouwe. 25 Lah puh hrumaiye leshi baiyu mai süno sunasü habailai, alia deiphao haina hino lah puh hrumaiye ngaorayu mai süno sünahai teisa hrire dono pokhai loulai. 26 Maita lino Akuvah soulouzü, puhno Athai füvuzülai; alia Eno buyu buh hisü Akilai-a bulai; maitalino Akuvah soulouzü, Apuono puhye tsükhoulai.

Jisuno puhvei athai vano raia paoyu

27 "Chuwo Alehai veasho loure, alia Eno dai paolai? 'Apuo, pha telle haina hino Eye khaipapeio' tea Eno paolaiwu? Moe, soure vah haina dono Eno pha hainahi velou loure. 28 Apuo, nezhih adusho soulouwo!" Sükisü rakino paili shakoue, "Eno sünahai soudusho peire, alia Eno sünahai soudusho pupeilai." 29 Sühino la-a buyu maisouno pai sünasü choue ea puletao kamaino sünahai teisüwe tea paoe. Ana kukhe maino sünahai, "Rakivamai alino puh hi chi paobaie!" tea paoe. 30 Ana Jisuno puletaohi paoe, "Pai hainahai Eye dono moe, ana neletaoye dono baie. 31 Chu deiphao hainaye chikure pha nasüe, chuwo deiphao hainavei paopuye hutawulai. 32 Alia Eye deiphi hino polashuyuki, Eno mai hrülaiye Ahi paivelai." 33 Puhno haibüa paoyu hai kakuyu athai zhaido hino puh hai thailaisa touyu pongaobaie. 34 Maisouno puh hi chila peie, "Ehno razhai hino Khrista hai teisano hrilai tea choue. Sükulouzü neno kakua Mainah Potuoye sü polashu vuzülai tea paowe? Mainah Poutuo hainasü thaoh-e?" 35 Jisuno puletaohi chila peie, "Phazü dono ava nasü neletaoye koa bupulai. Avana bubu kino neletaono takhaio, molouzü teizhi nano neletaoye nulou shulai; teizhi hino tayu mai sünano puh hai daiki tahosa touyu sümoe. 36 Neletaohi avana bubu kino, ava nahmaitao souloure dono neletaono ava naye sü louchelo."

Jihudimaino louche moyu

Jisuno chi haina paocheyu thaisü, puh lah puletao hino taloua tutsü loure. 37 Puhno shee alaosou puletao nghojuhi soungao peiyuma, puletaono puhye louche peimoe. 38 Sünahai Isaiah rachi paolawo vei chipao sü vetere donoe: "Mapao, thaohno Eh vei Chipao louche peie? Alia thaoh hi Mapaono puhvei Khouko pongao peie?" 39 Alia südono puletaono louchelou hore, daiolouzü Isaiahno paopukhaie: 40 "Puhno puletao nghithou souchare ea puletao le soukhoure, sükumo louzü puletaono puletao nghithouno ngaolou shulai ea puletao leno sülou shulai, alia puletaoye souvei peire dono Ahi khaive shulai." 41 Isaiahno haisü paoe, daiolouzü puhno Jisu vei adusho sü ngaoe ea puhno puh vano paopeie. 42 Sütoukhaia, Jihudimai peichamai koutea mai alaosou puhye loucheloue, ana Phariseemai taoye piyu dono puletaono sünasü dua paopamoe, molouzü puletaoye rathobuh hino huta shulai; 43 daiolouzü puletaono Ramaino shoyuna jüno maino shoyuna-a züpahie.

Jisuvei chipaono chikuyu

44 Alia Jisuno paikushoa shapae, "Eye loucheyu mai talino Eye likhei louche baimoe ana Eye seiveyu puhye-a louchewe. 45 Alia Eye ngaoyu mai talino Eye seiveyu puhye-a ngaowe. 46 Eye loucheyu talino teizhihi bumore dono, Eno ava büa deiphaohi velouloue. 47 Maita lino Achipaotao chouloua sütao hai zümo louzü, Eno puhye chiku moe; daiolouzü deiphao maiye chikure dono Eno vemoe, ana deiphao maiye khaipeire dono vebaie. 48 Eye laiyu ea Achipao pobayu mai sünaye chikuremai ali bue. Eno paopa khaitouyu chipao nano akhai teitheki puhye chikulai! 49 Daiolouzü lah Amadono chi paopamoe; ana Eye seiveyu Apuono dai paolai ea kabüa paolai touyu chikhasü Ahi peikhaitoue. 50 Alia puhvei chikhahai teisa ahrina süe touyu hai Eno süe. Südono Eno paoyu talisü Apuono Ahi paopeiyu büa Eno paobaie."

13

Jisuno puh rozümaitao phi khüpeiyu

1 Chuwo haihai Tachonüh vemo jubühi teithe nasüe. Jisuno puhye dono deiphao haina thaowu-a puh Puohi tare phasü veloure touyu sü süloure. Puhno deiphaohi puhmaitaoye teisano leshi peia, akhai koute puletaoye puhno leshipeie. 2 Koukhe tovai nasü vai-a buyu hino, rashi nano Simon nah poutuo Iskariot Judas lekhehi Jisuye ngaobamai bah hi shoh southou peire tsü nasü pothou peire. 3 Puono halihala puh bah hi thoupeire, alia puh hai Ramai hino ve ea Ramai hi dakhai velai touyusü Jisuno süe. 4 Südono puhno tovai buh hino shuloua puh sahba nasü laokhaire, alia sazha ali poloua puh lah puh khyahi pozhaloure. 5 Süthaisu puhno raikhaohi dzü lathouloua rozumaitao phi sü khüpei tare ea puh khyahi zhakhai touyu sazha sünano poloua puletao phisü southepei tare. 6 Puhno Simon Pitar hi takoue; alia Pitarno puh hi paoe, "Mapao, newo Aphi khülaiwu?" 7 Jisuno puh hi chila peie. "Eno soua buyu hai neletaono chu sümoe, ana nakino neletaono sülai." 8 Pitarno puh hi paoe, "Hakilia neno Aphi khükhai laimoe!" Jisuno puh hi chila peie, "Eno neye khüpei molouzü, neno Eye koa zha zhoyu hae." 9 Simon Pitarno puh hi paoe, "Sükulouzü, Mapao, Aphi likhei baimoa Abah ea Apei-a khüpeio!" 10 Jisuno puh hi paoe, "Dzü khülouyu mai sünano puh phi likhei baimoa kukhe khüpuyu komoe; daiolouzü puhwo pfuphao teiteino sheewe. Alia neletaosü sheewe, ana neletao hrülaino sheekhaiyu moe." 11 Daiolouzü puhno puhye shoh soupeire naye sü süwe; südono puhno, "Neletao hrülaino sheekhaiyu moe" tea paoe. 12 Jisuno puletao phi khüpeiwuyu thaisü puh sahba poloua puh buh hi kou buta khaire. Alia puhno puletaohi noue, "Eno neletaohi soupeiyu nasü neletao süsümoe? 13 Neletaono Eye 'Dou-apeio' ea 'Mapao' tea kuwe; alia neletaono kuyu hai kuzüe daiolouzü Esü sünasüe. 14 Chuwo neletaovei Mapao ea Dou-apeio Eno neletao phi khüpeiyu thaisü, neletao-a alino aliphi khüpeiyu kaoe. 15 Daiolouzü Eno neletaohi soure zhaido nasü soungao peire, süolouzü Eno neletaohi soupeiyu büa neletao-a souvu zülai. 16 Cheche vuzüno Eno neletaohi paoe, kilai talia puh paopu jüno dumoe; moa seita-a buyu puhno seipeiyu puh jüno dumoe. 17 Neletaono haitaohai sulouzu, sütao soua buyu neletao dono rakoveie. 18 "Eno neletao veishi vano paomoe; Eno dolouyu maitaoye sü Eno süe; ana haisü sheeyu larubvu hino haibüa paoyusü vete loure donoe, 'Eye koa raokhao zhitouyu puhno Eye hrailoure!' 19 Süna pamojü chuno neletaohi Eno paoa bue, süolouzü süna payu kisü E hai puh-e touyusü neletaono louche loulai. 20 Cheche vuzüno Eno neletaohi paoe, Eno seitayu mai sünaye popeiyu puhno Eye popeiwe; alia Eye popeiyu puhno Eye seive peiyu puhye popeiwe."

Jisuye shoh sou laiyu vano raia paoyu

21 Jisuno sübüa paoyu thaisü, puh lehai veasho loure, alia dua paopae, "Cheche vuzüno Eno neletaohi paoe, neletao hrohino alino Eye peithoulai." 22 Thaohvano puhno paosa touyu peiteilia sükhaimoa rozümai taono alino liye zhue. 23 Rozümaitao hrohino Jisuno leshiyu nasü Jisuye dasa-a bue. 24 Südono Simon Pitarno puh hi nghisailoua paoe,, "Puhno paoyusü thaohyesa, puh hino noukhaio." 25 Südono rozümai sünano Jisu khaohilo pei pfüna kouloua puh hino noue, "Mapao, sünasü thaoh-e?" 26 Jisuno chila peie, "Eno raokhaopho nasü pothou süloua peilaiyu mai sünasüe." Südono puhno raokhaopho nasü pothou süloua sünasü Simon Iskariot nah poutuo Judas hi peire. 27 Judasno raokhaopho süna polouyu thaisü, Saitan no puh hi louloure. Jisuno puh hi paoe, "Neno soure nasü thala-a soukhaio!" 28 Ana vaibuh hi buyu mailinoa daidono Jisuno sünahai puh hi paosa touyusü sümoe. 29 Daiolouzü Judas hi shavü nasü buyu dono Jisuno puh hi, "Eletaono nühki toure natao hrülouwo; moa toure hamaihi hatali peikhaio" tea paoe tea puletao kamaino choe. 30 Südono Judasno raokhaopho sünasü polouyu thaisü thalasou vakouhi tapare; alia süsü kheikie.

Chikha ashuna

31 Judasno vakouhi tapayu thaisü, Jisuno paoe, "Chuwo Mainah Poutuoye soudusho peire, alia puh vano Ramaiye soudusho peire. 32 Alia puh vano Ramaiye soudusho peilouzü, Ramaino-a puh vano Nah Poutuoye soudusho peilai, alia puhye thalasou soudusho peilai. 33 Anahkhemai, phajü dono Eno neletaoye koa bubailaire. Neletaono Eye phoulai; ana Eno Jihudimai taohi paoyu kua chuwo Eno neletaohi paowe, 'Eno tayu buh hisü neletaono velouhoe.' 34 Eno neletaohi chikha ashuli peiwe; neletao alino liye leshilo. Eno neletaoye leshi peiyu büa, neletao-a alino liye leshi vuzülai. 35 Neletaohi*alino ali dono leshiyu nasü bulouzü, süvano neletao hai Arozumai-e touyusü mai hrülaino süloulai."

Jisuye Pitarno laiwure raia paopeiyu

36 Simon Pitarno puh hi noue, "Mapao, ne daiki taholai?" Jisuno chila peie, "Eno tahore buh hisü neno chu Athai fülou hoe; ana nakino neno Athai fülai." 37 Pitarno puh hi paoe, "Mapao, daidono chu Eno nethai fülou holai? Eno neye dono Ahrirai peilai!" 38 Jisuno chila peie, "Neno Eye dono ne hriraisu peilai wu? Cheche vuzüno Eno nehi paowe, neno Eye vu asü laiwu mosasü houjüno khaolaimoe!"

14

Jisuno Puohi vere ludue

1 "Neletao le chorowuso; Ramaiye lulo, Eye-a lulo. 2 Apuo kihi buh alaosou bue; alia Eno taho neletao dono buh ali soudalai. Sütoumo louzü haihai Eno neletaohi paolaimoe. 3 Alia Eno taho neletaoye dono buh ali soudayu thaisü, Eno buyu buh hisü neletao-a bure dono Eno dakhaive neletaoye Ahi savelai. 4 Alia Eno tahore buh hi vere dunasü neletaono süwe." 5 Thomasno puh hi paoe, "Mapao, neno daiki tawe touyu Ehno sümoe; südono Ehno kakua ludu nasü süloulai?" 6 Jisuno puh hi paoe, "Ludu nasüa, acheche nasüa, alia ahri nasüa E-e; Ahino moa maita linoa Puohi vemoe. 7 Neletaono Eye sua bulouzü, Apuoye-a neletaono suwulai; alia chushono neletaono puhye suloue ea puhye ngaoloure." 8 Philipno puh hi paoe, "Mapao, Puoye sü Eh hi ngaokhaio, alia sükulouzü Ehno rukhalai." 9 Jisuno puh hi paoe, "Pha haisoso Eno neletaoye koa bukhaia, ne Eye sumo hiwu Philip? Eye ngaolouyu puhno Puoye ngaoloure; sütou louzü, neno kakua, 'Puoye sü Eh hi ngaokhaio' tea paowe? 10 Esü Puohi bue touyu sü neno louche mowu? Eno neletaohi paoyu chipao taosü lah Amadono paomoe; ana Ahi buyu Apuono lah puhvah soubaie. 11 Eye louchelo, süolouzü Esü Puohi bue ea puosü Ahi bue; molouzü Eno souyu vah sütao vano Eye louchelo. 12 Cheche vuzüno Eno neletaohi paowe, "Eye loucheyu puhno Eno souyu vah taosü puh-a soulai; alia haitao jüno duyu vahtao-a puhno soulai, daiolouzü Eno Apuohi tawe. 13 Nah Poutuo vano Puoye soudusho peiloure dono, neletaono Azhih hino khoyu talisti Eno soupeilai. 14 Neletaono Azhih hino hatalia kholouzü, süsü Eno soupeilai.

Rako Mashi seikou peire apaopeiyu

15 "Neletaono Eye leshi louzü, Achikha taosü neletaono zülai. 16 Alia Eno Puo hino kholai ea neletaoye koa teisano bure soukha-apeio kukhe ali puhno neletaohi peilai. 17 Puh hai Ramai vano achechena süngao peiyu Rako nasüe. Deiphao maino puhye popei louhoe, daiolouzü sünano puhye ngaomoe moa sümoe. Ana neletao louzü puhye süwe, daiolouzü puhno neletaoye koa bue ea neletao lehi bue. 18 "Eno neletaoye vearouna kua thaowu laimoe; E neletaohi khaive khailai. 19 Phajü thaisü, deiphao maino Eye ngaopukhai laimoe, ana neletao louzü Eye ngaolai; daiolouzü Eno hriyu dono, neletao-a hrilai. 20 Teithe sükisü, Esü Apuohi bue, neletaosü Ahi bue ea Esü neletaohi bue touyusü neletaono sülai. 21 "Achikhatao polouyu ea sütao zülouyu mai sunasü Eye leshiyu nasüe. Eye leshiyu puhye Apuono leshilai; alia E-a puhye leshilai ea Alah Eye puh hi pongaolai." 22 Iskariot moyu Judasno puh hi paoe, "Mapao, neno kakua nelah neye deiphaomaihi moano Eletaohi ngaopeilai?" 23 Jisuno puh hi chila peie, "Maita lino Eye leshi louzü, puhno Achipaosü zülai, alia Apuono puhye leshilai, alia Apuo ea Eno puh hi taveloua puhye koa kilino hrüzholai. 24 Eye leshi moyu puhno Achipao taosü zümoe; alia neletaono chouyu chipao nasü Aveimoe ana Eye seive peiyu Apuo veie. 25 "Haitao teiteisü neletaoye koa bubukino neletaohi Eno paopeire. 26 Ana Apuono Azhih hino seive peilaiyu soukha-apeio Rako Mashi sünano ha teitei neletaohi doupeilai, alia Eno neletaohi paokhai touyu pfüphou neletaoye pano lichopa loulai. 27 "Kaonayu hai Eno neletaohi thaodai khaitoue; Avei kaonayu nasü Eno neletaohi peikhaitoue; Eno neletaohi peiyu hai deiphao maino peiyu kumoe. Neletao lehai chorowuso, moa piwuso. 28 'E talai, alia neletaohi E khaive khailai,' tea Eno neletaohi paoyusü neletaono chouloure. Neletaono Eye leshi louzü, neletaosü lesa loulai, daiolouzü Esü Apuohi tawe; daiolouzü Puono Ajüno duhie. 29 Alia süna palouzü neletaono louche loure dono, süna pamo jühino chuno Eno neletaohi sünasü paongao peire. 30 Eno neletaoye koa phaso chipha khailai moe, daiolouzü deiphao hainavei paopusü laire. Puhno Apeihi soure khouko hae; 31 Ana Eno Apuoye leshie touyu hai deiphaomaino suloure dono Apuono Ahi chikha peikhai touyu thaifüa Eno soubaie. "Shulouwo, buh haihino Eletao talairekhe."

15

Jisuno darkha bejü acheche nasüe

1 "E darkha bejü acheche nasüe, ea Apuono darkha kipeikhowo süe. 2 Ahino tao-a buyu rashi shimoyu bo veishi puhno vilaiwu baiwe; alia rashi shiyu bo veishiye pano rashi shipure dono puhno soushee peiwe. 3 Neletaowo louzü Eno neletaohi paopeiyu chipao nano sousheepei chere. 4 Ahino tobai soumoa bulo, alia Eno neletaohi tobai soumoa bulai. Bo talino bejü hi tobaisoumoa taomo louzü rashi shilou hoyu kua, neletao-a Ahino tobai soumoa bumo louzü rashi shilou hoe. 5 "E darkha bejü nasüe, neletaosü bo taoe. Ahino tobai soumoa buyu ea Eno puh hi buyu mai sünasü rashi alaosou shilai; daiolouzü E loumoa neletaono hatalia soulou hoe. 6 Maita lino Ahino tobai soumoa bumolouzü, puhye sü boli kua shilaiwu-a pano kita baiwe; alia sübüyu botaoye sü podzüloua meihi polaithou deiwu baiwe. 7 Neletaono Ahi tobai soumoa bulouzü ea Achipao taosü neletaohi tobai soumoa bulouzü, neletaono züpayu tali khokhaio, alia sünasü neletao dono soupeilai. 8 Neletaono rashi alaosou shiloua Arozümaitaoe touyu zhopaoh souyu sünano Apuoye soudusho peiwe. 9 Apuono Eye leshi peiyu kua, Eno neletaoye leshi peire; Avei leshi hino tobai soumoa bulo. 10 Eno Apuo chikhatao züloua puh leshi hino tobai soumoa buyu kua, neletao-a Achikhatao zülouzü neletaono Aleshi hino tobai soumoa buloulai. 11 "Avei sayunahai neletaohi buloure dono, alia neletaovei sayuhai liche loure dono Eno haitaosu neletaohi paopeire. 12 Haihai Achikha nasüe, süolouzü Eno neletaoye leshiyu kua neletao-a alino liye leshilo. 13 Maita lino puh samaitao dono thaipeiyu süjüno dukouyu leshi kukhe hae. 14 Eno neletaohi chikha peiyu hai neletaono soulouzü, neletao hai Asamaie. 15 Eno neletaoye kilaitao tea kupu more, daiolouzü kilai nano puhvei paopuno dai sousa touyu sümoe. Ana Eno neletaoye samaitao tea kuloure, daiolouzü Eno Apuo hino choulouyu teiteisü neletaohi Eno paongao peire. 16 Neletaono Eye dolou moe, ana neletaono taho rashi shiloure dono ea neletaovei rashi nasü teisano buloure dono Eno neletaoye doloure ea buh thoupeire. Alia sükua neletaono Azhih hino Puohi khoyu tasü puhno neletaohi peilai. 17 Südono Eno neletaohi chikha peia paoyu nasü hainae: alino liye leshilo.

Deiphao maino rozümaitaoye ngaorayu

18 "Deiphao maino neletaoye ngaora louzü, sünano neletaoye ngaoramo jühino raia Eye ngaorare touyusü sülo. 19 Neletao hai deiphao veie toulouzü, deiphao maino lah puhveiye sü leshilai. Ana neletao hai deiphao maivei moyu dono, alia Eno neletaoye deiphao hino dolouyu dono, deiphao maino neletaoye ngaorawe. 20 Eno neletaohi paopeiyu chipao nasü lilo; 'Kilai talia puh paopu jüno dumoe.' Puletaono Eye souveasouho louzü, puletaono neletaoye-a souvea souholai; puletaono Achi zulouzti, puletaono neletao chi-a zülai. 21 Ana Azhih dono sütao veishi hai puletaono neletao peihi soulai, daiolouzü puletaono Eye seive peiyu puhye sümoe. 22 Eno taveloua puletaohi paopeimo louzü, puletao hai mah bupaimoe. Ana chuwo puletaovei mah dono puletaoye khaipeire hare. 23 Eye ngaorayu puhno Apuoye-a ngaorawe. 24 Eno puletao hrohino maita linoa soukhai moyu vah taosü soumoe toulouzü puletaosü mah bupaimoe; ana chuwo puletaono sheetaosü ngaoloure, alia Eye-a Apuoye-a ahaiyeno ngaora loure, 25 Haisü puletao razhaihi rüthoukhai touyu chipao nasü vetere donoe, 'Puletaono qo alia ha-a Eye ngaora loure.' 26 "Ana Eno Puo hino neletaohi seivepei laiyu, süolouzü Puo hino velaiyu acheche Rako, soukha-apeiono veyu kisü puhno Avano zhopaoh soulai; 27 alia neletao-a Avano zhopaoh soulai, daiolouzü neletao-a shurai hino Eye koa bue.

16

1 "Neletaoye pano kaodu tamore dono chi haitaohai Eno neletaohi paopeire. 2 Puletaono neletaoye rathobuhtao hino hutalai. Cheche vuzüno phasü veloure, süolouzü neletaoye southeayu maitalino sübüa souyu hai puhno Ramai kuvah souwe tea cholai. 3 Alia puletaono Puo moa Eye sümoyu dono vah haitaosü neletaohi soulai. 4 Ana Eno haitao hai neletao hi paopeire, süolouzü puletaono vah sütao soure pha veyu kisü Eno neletao hi sütao vano paosü peire touyu sü neletaono liloulai.

Rako Mashi vah

"Shurai hiwo Eno neletaohi haitao hai paopeimoe, daiolouzü Esü neletaoye koa bue. 5 Ana chuwo Esü Eye seive peiyu puh hi tavelaire; sütoukhai-a neletao hrohino maita linoa Ahi, 'Ne daiki vetalai?' tea noumoe. 6 Ana Eno neletaohi haitao paopeiyu dono, neletao lesü veasho loure. 7 Ana Eno neletaohi acheche nasü paowe: Eno tayuhai neletao dono veipuhie, daiolouzü E tamo louzü, soukha-apeio nasü neletaohi velaimoe. Ana Eno talouzü, puhye Eno neletao hi seive peilai. 8 Alia puhno veyu kisü, deiphao maiye mah vano, acheche vano ea chikuyu vano puletao hai mahre touyusü pano süloulai: 9 mah vano louzü, puletaono Eye louche moe; 10 acheche vano louzü, Esü Puohi talai, alia neletaono Eye ngaopukhai laimoe; 11 chikuyu vano louzü, deiphao hainavei paopuye chi kuwure. 12 "Eno neletaohi paore alaosou buhie, ana sütao veishi hai neletaono chu pfupai louhoe. 13 Ana cheche Rako sünano veyu kisü, puhno neletaoye acheche teiteihi süthaive peilai; daiolouzü puhno lah puh mado hino chi paolaimoe, ana puhno chouyu talisü puhno paolai, alia puhno neletaohi thaikhai veretao vano paopa peilai. 14 Puhno Eye soudusho peilai, daiolouzü puhno Avei nasü poloua sünasü neletaohi paopeilai. 15 Apuohi buyu teiteisü Aveie; südono puhno Avei nasü poloua sünasü neletaohi paongao peilai tea Eno paowe.

Le veayu ea le sayu

16 "Phajütou thaisü neletaono Eye ngaolaimoe: alia phajütou thaisü neletaono Eye ngaopu khailai." 17 Puh rozümai kamaino alino lihi noue, Puhno Eletaohi, 'Phajütou thaisü neletaono Eye ngaolaimoe, alia phajütou thaisü neletaono Eye ngaopu khailai,' alia, 'Sünahai Eno Puohi tayu donoe,' tea paoyu hai daie?" 18 Puletaono paopukhaie, "Puhno 'Phajütou thaisü' tea paoyu hai daiye paosa? Puhno dai vano paosa touyu Eletaono sümoe!" 19 Puletaono puh hi nounüa buvusü süloua Jisuno puletaohi paoe, 'Neletao hrohino alino lihi noua buyu nasü, 'Phajütou thaisü neletaono Eye ngaolaimoe, alia phajü thaisü neletaono Eye ngaopukhailai' tea Eno paoyu vanowu? 20 Cheche vuzüno Eno neletaohi paowe, neletaosü kralai ea dopfulai, ana deipao maiwo le salai; neletao hai le vealai, ana neletaovei le veayu hai pano le sayuhi soudalai. 21 Naotumai alino nare kisü khya soushowe, daiolouzü puhvei veare phasü vere; ana nah sünaye nalouyu thaisü deiphaohi nah ali nakoure tea puhno le sayu dono puhvei veayu nasü ngaiwu baiwe. 22 Sübüa, neletaohi-a chupha hisü le veayu bue, ana Eno neletaoye ve daopulai ea neletao lesü saloulai, alia maita linoa neletaovei sayu nasü neletao hino pota laimoe. 23 "Teithe sükisü neletaono Ahino halia kholaimoe. Cheche vuzüno Eno neletaohi paowe, neletaono hatali Puo hino kholouzü, puhno Azhih hino sünasü neletaohi peilai. 24 Chu koute neletaono Azhih hino hatalia khokhai mohie. Khokhaio ea neletaovei asah nasü chekhoure dono neletaono ngaoloulai.

Deiphao jüno kolouyu

25 "Eno neletaohi chi haitao hai nada hino paopeire. Ana Eno neletaohi nada hino paomoa, Puo vano dua neletaohi paopei laiyu phasü vere. 26 Teithe sükisü neletaono Azhih hino kholai; alia Eno neletao sühsoua Puo hino kholai tea Eno neletaohi paomoe; 27 daiolouzü Puo lah puhno neletaoye leshiwe. Puhno neletaoye leshiwe daiolouzü neletaono Eye leshiwe ea Esü Apuo hino ve touyusü neletaono louche loure. 28 Eno Apuo hino tashuloua deiphaohi veloure; alia chuwo Eno deiphaosü thaowu-a Apuohi vetalai." 29 Süthaisu puh rozümai taono puh hi paoe, "Zhukhaio, chuwo neno nada hino moano dua pao-are! 30 Nehai ha teitei süwe, alia maitaliye pano nehino chi nouyu komoe touyu hai chuwo Ehno sure; süna vano nehai Ramai hino ve touyu Ehno louche." 31 Jisuno puletaohi chila peie, "Chuwo neletaono louchewu? 32 Zhukhaio, neletaosü lahlah kihi poraveloua Eye lah thaokhai laiyu» phasü laire, alia chekhaoa pha sünasü veloure. Ana Elah baimoe, daiolouzü Apuono Eye koa bue. 33 Eye koa buyu hino neletaohi kaonayu buloure dono, chi haihanai Eno neletaohi paopeire. Deiphao hisü neletao veaholai; ana khuveilo! Eno deiphaoye koloure."

17

Jisuno lah puh dono veachi paoyu

1 Jisuno chi haitao hai paoyu thaisü, raki hilo zhuloua paoe, "Apuo, pha nasü veloure; Nenah Poutuono neye soudusho peiloure dono Nenah Poutuoye soudusho peikhaio. 2 Daiolouzü neno puh hi peikhai touyu puletao hrülaihi puhye pano teisa ahri peiloure dono, neno puh hisü deiphaomai hrülai peihi khore khouko nasü peiwure. 3 Alia puletaono alikhei baiyu acheche Ramai neye süyu, alia neno seiveyu Jisu Khrista puhye süyu sünano teisa ahri nasüe. 4 Neno soukhaio tea Ahi peikhai touyu vah nasü souchewu-a Eno neye deiphao hino soudusho peire. 5 Alia Apuo, deiphao soumo jühino Eno neye koa khouko-ava buzhoyu sünano chuwo neno Eye ne nghojü hino soudusho peikhaio.

Jisuno puh rozümaitao dono veachi paoyu

6 "Deiphao hino neno Ahi peikhai touyu puletaohi Eno nezhihsu süngao peire. Puletaosü neveie, alia neno puletaoye Ahi peire, alia puletaono ne chipaosü züloure. 7 Alia neno Ahi peikhai touyu teiteisü nehino vabaie touyu sü puletaono chuwo süloure; 8 daiolouzü neno Ahi peikhai touyu chipao taosü Eno puletaohi peire, alia sütaosü puletaono poloure ea Esü nehino ve touyu sü puletaono chekhaoa süloure; alia neno Eye seive peie touyu sü puletaono louche loure. 9 "Eno puletao dono veachi paowe. Eno deiphaomai dono veachi paomoe ana neno Ahi peikhai touyutao dono paobaie, daiolouzü puletaosü nevei baie. 10 Avei teitei hai nevei baie, alia nevei taosü Aveie; alia puletao vano Eye soudusho peire. 11 Alia chuwo Esü deiphaohi bupukhai laimoe, ana puletao louzü deiphao buhie, alia Ewo nehi tavewe. Mashi Apuo! Ahaino alikhei baiyu kua, puletaoye-a pano alikhei souloure dono, neno; Ahi peikhai touyu nezhih süna khouko hino puletaoye khotou peikhaio. 12 Eno puletaoye koa bubu kisü, neno Ahi peikhai touyu nezhih süna khouko vano Eno puletaoye khotou peire; sheeyu larubvu hino paoyu nasü vetere dono hakare nah poutuo likhei baideino puletao kukhe louzü mailia hamoe daiolouzü Eno puletaoye khotou peire. 13 Ana chuwo E nehi tavewe; alia Avei asah nasü lah puletao lehi liche-a buloure dono Eno deiphao bubu kino chi haitaohai paowe. 14 Eno puletaohi ne chipao nasü peire; alia deiphao maino puletaoye ngaorae daiolouzü E hai deiphao hino moyu kua puletao-a deiphao hino moe. 15 Eno puletaoye deiphao hino potapeiwo tea nehi veachi paomoe, ana puletaoye ashina hino khotou peiwo tea nehino khowe. 16 E hai deiphao hino moyu kua puletao-a deiphao hino moe. 17 Puletaoye achechena hino soushee peio. Nevei chipao sü acheche nasüe. 18 Neno Eye deiphaohi seiveyu kua Eno puletaoye deiphaohi seiwure. 19 Alia puletao-a acheche hino soushee loure dono Eno puletao dono' Elah sousheewe.

Lüloumaime dono veachi paoyu

20 "Eno haitao likhei dono veachi paobai moe, ana puletao chipao vano Eye louche louyu puletao donoa paowe 21 süolouzü puletao hrulaiye pano ali souloure dono Eno veachi paowe. Apuo, neno Ahi buyu ea Eno nehi buyu kua, süolouzü neno Eye seive peie touyusü deiphao maino louche loure dono puletaoye-a pano Eh hi buloukhaio. 22 Ne ea Eno ali baiyu kua puletaoye-a pano ali souloure dono neno Ahi peikhai touyu khouko ava nasü Eno puletaohi peire. 23 Puletaoye pano alikhei souloure dono Eno puletaohi bue ea neno Ahi bue, sükuyu hino neno Eye seivepeie ea neno Eye leshiyu kua puletaoye-a leshiwe touyu sü deiphao maino süloulai. 24 "Apuo, deiphao soumo jühino neno Eye leshi-a Ahi peikhai touyu Avei adusho nasü puletaono zhuloure. Ahi peikhai touyu maitaoye Eno buyu buh hino Eye koa pano buresü Eno züpae. 25 O! Checheyu Apuo! deiphao maino neye süloumoe, ana Ewo neye süe, alia neno Eye seivepeie touyu sü mai haitaono süwe. 26 Neno Eye leshi peiyu lesha nasü puletaohi bure dono, alia E-a puletaohi bure dono. Eno ne zhihsü puletaohi süngao peire, alia sünasü Eno süngaopu peikhailai."

18

Jisuye nilouyu

1 Jisuno sükua veachi paoyu thaisü puhno puh rozümai taoye koa Kidron reitou tacho pare. Buh süna hisü kipei ali bue, alia Jisuno puh rozümai taoye koa sühi talou loure. 2 Chuwo Jisuye shoh soupeiyu Judas-a buh sünasü süwe; daiolouzü Jisuno puh rozümai taoye koa sühino ve daozhazhawe. 3 Südono Judasno napao adumaitao ea Pharisee maitao hino seiveyu Rom reihmai ea Rathokihi reihkhaomai taoliye sapoa, meibvü, loumei ea reih bahseitao poloua kipei sünahi tare. 4 Sükisü Jisuno puh peihi vere pfüphou süloua, nghojulo takou loua puletaohi paoe, "Neletao thaohye phouwe?" 5 Puletaono puh hi chila peie, "Nazareth Jisuye phouwe." Jisuno puletaohi paoe, "Esü puh-e." Alia puhye shoh souyu Judas-a puletaoye koa la-a bue. 6 Puhno puletaohi, "Esü puh-e," tea paoyu kisü puletaosü thaitsüloua deiphi kaokoure. 7 Süthai-a puhno puletaohi noupue, "Neletao thaohye phouwe?" Alia puletaono paoe, "Nazareth Jisuye phoue." 8 Jisuno chila peie, "Esü puh-e touyu sü Eno neletaohi paopeire; südono neletaono Eye phoue toulouzü mai haitaoye pano talouwo." 9 Sünahai puhno, "Neno Ahi peikhai touyu taoye sü Eno mailia pano hawumoe," tea paoyu chipao nasü pano vetere donoe. 10 Süthaisu Simon Pitarno puh hi buyu khoche nasü paizhouloua napao peichana qila sünaye podaoe ea puh nou zhoulo sü daodere. Qila süna zhihsü Malkhas toue. 11 Sükisü Jisuno Pitar hi paoe, "Ne khoche nahai khokhahi pokhailou thouwu-o! Apuono Ahi peikhai touyu pai nasü Eno külai mowu?"

Jisuye Anna hi saveyu

12 Süthaisü Rom reihmai taono puletao pei chayuna ea Jihudimai reihmai taoye koa Jisuye niloua puhye sü raino phuwure, 13 alia raikai-a puhye Anna hi save, daiolouzü puh hai süna pohi napao peichana soua buyu Kaipha paoh-e. 14 Kaipha hai, 'Mai alino maisou süh soua thaipeiyu nano veikouhie,' tea Jihudimaihi paopeiyu mai stinasüe.

Pitarno Jisuye laiyu

15 Simon Pitar ea rozümai kukhe nano Jisu thaifü loure. Rozümai kukhe nano napao peicha naye shikhoyu dono, puhno Jisuye koa napao peichana chikukihi loure, 16 sükisü Pitar sü vakou kikhu bomü hino la-a bue. Südono napao peichanaye shikhoyu rozümai kukhe nano vakouhi khaipa kikhu bomü khoa buyu loumainapai hi paopei-a Pitarye kijüpamü hi saloure. 17 Kikhu bomü khoa buyu loupaino Pitar hi paoe, "Ne-a mai hainavei rozümaitao hrohino ali mowu?" Pitarno chila peie, "E moe." 18 Alia chuwo teiseiyu dono kilaimaitao ea vahbuhmai taono meiveino mei souloua puletao lah la-a meivou-a bue. Alia Pitar-a puletaoye koa la-a meivou-a bue.

Napao Peichawono Jisu hi chi nouyu

19 Sükisü napao peicha nano Jisu hi puh rozümaitao ea puhvei doupeiyu chipao vano noutare. 20 Jisuno puh hi chila peie, "Eno deiphaomaihi dua paongaore; Eno Jihudimai hrülaino vedzüa buyu rathobuhtao ea Rathoki hino teisano doupeie. Eno hatalia kheia paokhai moe. 21 Südono ne daidono Ahino nouwe? Achipao chouyu maitao hi Eno puletaohi dai paopeisa touyu sü noukhaio; Eno dai paosa touyu puletaono süwe." 22 Jisuno haibüa paoyu kisü, sühino la-a buyu vahbuhmai alino kou puh bahno Jisuye pha-a paoe, "Neno napao peichanaye sübüa chila peilaiwu?" 23 Jisuno puh hi chila peie, "Eno paomahre toulouzü, mah sünasü haihi buyu mai hrulaihi paopa ngaokhaio; ana Eno züa paore toulouzü, daidono ne Eye' dawe?" 24 Süthaisü Annano chukoutea Jisuye baorai pheipapeimoa napao peichana Kaipha hi seitare.

Pitarno Jisuye laipuyu

25 Alia Simon Pitarwo louzü sühino la-a meivou-a bue. Südono kukhemai taono puh hi paoe, "Ne-a puh rozümaitao hrohino ali mowu?" Ana Pitarno süsü ba-a paoe, "E moe." 26 Napao peichana kilaitao hrohino ali, süolouzü Pitarno nou daodeyu süna thaihou jüraimai alino noue, "Eno neye kipei hino puhye koa buyu ngaomokhaiwu?" 27 Pitarno sükia bapu khaire; alia sübü hino houjü alino khaopare.

Jisuye Pilat hi saveyu

28 Süthaisü puletaono shohna hino Jisuye Kaipha kihino sapoa teideikhowona ftihao hi saloure. Jihudimaitao louzü Tachonüh vei vai toure dono naa thaifüa puletao lah souzhailou more dono fühao khele taloumoe. 29 Südono Pilatno vakou tapa puletaohi noue, "Neletaono mai haina peihi sü dai mah dukhaiwe?" 30 Puletaono. puh hi chila peie, "Mai haina hai ashi souyumai moe toulouzü Ehno puhye save ne bah hi thoupeiwu laimoe." 31 Pilatno puletaohi paoe, "Sükolouzü neletao lah puhye saloua lah neletao vei razhai thaifüa puh peihi chikukhaio." Ana Jihudimai taono ba-a puh hi chila peie, "Eletao dono maita mailiye southeayu zhai hae." 32 Haisü Jisuno puh hai athai kana tyano thailai tea paongao peiyu chipao süna vetere donoe. 33 Pilatno puh fühao hi khailou puloua ea Jisuye kuloua puh hi paoe, "Ne Jihudimai Veowu?" 34 Jisuno chila peie, "Süsü nelah netsüno paobaiho, kukhe maino nehi Avano sünasü paowe?" 35 Pilatno chila peie, "Ehai Jihudimai aliwu? Haisü lah nemaino ea napao adumaitaono neye Abah hi thoupeibaie. Neno dai souwure?" 36 Jisuno chila peie, "Avei vedei louzü deiphao haina hino moe; Avedei hai deiphao haina hinoe toulouzü, Akilaimai taono Eye Jihudimaitao bah hi thoupeiwu more dono reihzü vuzülai. Ana Avedei louzü deiphao hino vemoe!" 37 Südono Pilatno puh hi noue, "Sütoulouzü newo vemai aliwu? Jisuno chila peie, "Ehai vemai alie tea neno paoe. Achechena vano zhopaoh soure dono Eye nawure ea süna dono Esü deiphao hi veloubaie. Acheche hino veyu mai talino Apaisü chouwe." 38 Pilatno puh hi paoe, "Acheche touyu sü daie?"

Jisuye southeare chi lüpeiyu

Puhno süna paoyu thaisü, vakou Jihudimai taohi tapa puloukhaia puletaohi paoe, "Eno puh hino soumahyu alia ngaoloumoe. 39 Ana Eno neletaoye dono Tachonuhki hukhahi buyu maita mailiye phapeiyu neletaovei zhai ali bue. Südono Jihudimai veoye Eye pano neletaoye dono phapeiyu züpawu?" 40 Puletaono paikua raopulou khaire, "Mai haina moe, Barabbasye no bailai!" Ana Barabbas louzü maivei saotoumai alie.

19

1 Südono Pilatno Jisuye saloua pano dapeire. 2 Alia reihmai taono shuno peirüli khealoua sünasü puh peihi porü peire, süthaisü puletaono maomuyu duzao ali puh vahi zhaopeire; 3 alia puletaono puh hi takouloua paoe, "O Jihudimai Veo, maiso theo!" Alia puletaono puhye kou bahno phapeie. 4 Pilatno vakouhi tapapuloua puletaohi paoe, "Zhukhaio, Eno puh hino soumahyu alia ngaoloumoe touyu sü neletaoye pano süloure dono Eno puhye neletao hi sapalai." 5 Südono Jisuno shu peirü nasü rüpfüa ea maomuyu duzhao nasü zaopfua vakou tapae. Pilatno puletaohi paoe, "Zhukhaio, Mainaye sü!" 6 Napao adumaitao ea reihkhaomai taono puhye ngaolouyu kisü, shusoua raopa loure, "Puhye kros. vano veatheawo, puhye kros vano veatheawo!" Pilatno puletaohi paoe, "Neletao lah puhye saloua kros vano veatheawo, daiolouzü Ewo puh hi.no soumahyu halia ngaomoe." 7 Jihudimai taono puh hi chila peie, "Eletaovei razhai ali bue, alia razhai süna thaifüa puhsü thaizüe, daiolouzü puh lah puhyeno Ramainah Poutuo tea paowe." 8 Pilatno chipao sütao choulouyu kisü, puhsü pipusholou khaire, 9 alia puhno puh fühao hi talou puloukhaia Jisu hi noue, "Ne daikino ve-e?" Ana Jisuno chila peimoe. 10 Südono Pilatno puh hi paoe, "Ne Ahi chi paolai mowu? Eno neye phapeire ea neye veatheare khouko bue touyu ne sümowu?" 11 Jisuno puh hi chila peie, "Sünahai Ramaino nehi peimoyukowo neno Apeihi soure khouko alia bulai moe; südono Eye nebah hi thoupeiyu puh vei mahno dupuhie." 12 Süna choulouyu kisü Pilatno phapeire bo phoue, ana Jihudimai taono shusouloua paoe, "Neno mai hainaye phapeire toulouzü nesü Kaisar samai moe. Maita lino puh hai vemai alie tea paolouzü puhsü Kaisar peihi reihztiwe!" 13 Pilatno chipao sütao choulouyu kisü puhno Jisuye vakouhi kusapaloua, "Chuhkhubuh" (süolouzü Ebria lahino "Gabbatha") tea buyu chikuyubuh süna hi pano kou buloure. 14 Sukihai Tachonüh jübü hi soudayu teitheki heako teilecho kiahai tayu phakie. Pilatno Jihudimai taohi paoe, "Zhukhaio, neletao Veoyesü!" 15 Puletaono shusoua raolou khaire, "Puhye satawo, puhye satawo, puhye kros vano veatheawo!" Pilatno puletaohi noue, "Neletao Veoye Eno kros vano veathea laiwu?" Napao adumai taono chila peie, "Kaisar baimoa Eh Veo kukhe hae." 16 Südono Pilatno Jisuye kros vano veatheare dono puletao bah hi thoupeire.

Jisuye kros vano veatheayu

Südono puletaono Jisuye sapoa tare. 17 Alia puhno lah puhvei kros pfüa "Peirao Buh" süolouzü, (Ebriamai lahino "Golgotha") tea kuyu buh hi tare. 18 Sühino puletaono puhye koa kukhemai ahaiye puhvei bahkha zhoulonalo hi ea puhyeno puhai kolehi khailoua kros vano veatheare. 19 Pilatno chahkhao alihino larüchah rüthouloua sünasü kros vahi dakhaire; sünasü, "Nazareth hi Jisu, Jihudimai Veo" tea rüthou khaitoue. 20 Jihudimai taolino chahkhao nasü phoue, daiolouzü Jisuye kros vano veatheayu buh sünasü nuhduna ngheiki bubaie ea rükhai touyu lasü Ebria, Rom ea Greek tyamai lahino rukhaitoue. 21 Südono napao adumai taono Pilat hi paoe, "'Jihudimai Veo,' tea rüwuso, ana 'Mai hainano paoe, Esü Jihudimai Veo süe,' tea rüpeikhaio." 22 Pilatno chila peie, "Eno rüthouwuyu nasü rüthouwure." 23 Reihmai taono Jisuye veatheayu thaisü, puletaono puhvei sahnü taosü poloua reihmai ali lino zha chekhei ngaoloure dono zha adai soua zhiloure. Puletaono sahlu hazheiyu peino tei koute soulisoua dokhai touyu puhvei khele zaodu süna-a poloure. 24 Südono puletao hrohino alino lihi paoe, "Haina louzü Eletaono raphalai mokhe ano hainahai thaohveilaisa touyu rako zhulaikhe." Sükua puletaono souyusü sheeyu larubvu hino paoyu nasü vetere donobaie: "Asahnü taosü puletao lah zhiloure alia Avei duzaona dono puletaono rako zhuloure." Südono haisü reihmai taono souyu nasüe. 25 Ana Jisu kros ngheikino puhpfü, puhpfü matoupai, Klopas chapfü Meri, alia Magdalini Merino la-a bue. 26 Jisuno puhpfü ea puhno leshiyu rozümai sünano ngheikino la-a buyu sü ngaoloua, puhpfühi paoe, "Naotupai, nenah poutuoye zhukhaio!" 27 Süthaisü puhno rozümai süna hi paoe, "Zhukhaio, nepfüye sü!" Alia teilecho sühino rozümai sünano puhye pano puh ki hino hrüloure dono sapoa tare.

Jisu thaiyu

28 Jisuno chuwo soure vahtao teitei sü souchewure tea sülouyu thaisü, sheeyu larübvü chipao nasü pano vetere dono puhno paoe "E reiwe." 29 Sühisü khairouyu darkha dzüno phoupeiyu khouh ali bue; südono puletaono phako ali poloua sünasü pothou darkha dzü hino süchaloure ea sünasü hyssop be ali peihi phupaloua pano küre dono puhmühi pokhe süpeie. 30 Jisuno khairouyu darkhadzü süna külouyu thaisü, "Chuwo Chere!" tea paoe. Süthaisü puhpei sü pfüna kouloua puh rako sü thaothou peiwure.

Jisu nahi heungno khüyu

31 Teithe sunasü soudayu teitheyu dono, pfuphao sütaosü kros vahi Soteithezhou pano khaimore dono (daiolouzü Soteithe sünasü kuvoua sheeshoyu teithe aliyu dono), Jihudimai taono Pilat hino maisutao phisü sousha-a puletaoye kros vahino potaloure dono tave khoe. 32 Südono reihmai taono taveloua Jisuye koa kros vano veatheayu mai araina phisü soushawure ea süthaisü kukhemai alina phi-a soushawure. 33 Ana puletaono Jisu hi takouyu kisü puh thaiyu sü ngaoloua puh phisü puletaono soushamoa baire. 34 Ana reihmaitao hrohino mai alino Jisu na hisü heungno khüpeie, alia sübü hino zhe alia dzü küpare. 35 Süna ngaolouyu puhno zhopaoh peire, alia puhvei zhopaoh sü cheche-e. Alia neletaoye pano louche loure dono puhno acheche nasü paobaie touyu sü puhno süwe. 36 Daiolouzü sheeyu larubvu hino, "Puh rao ali koutea soushawu laimoe," tea paoyu sü vetere dono sütaosü sübüa paloure. 37 Alia sheeyu larübvü buh kukhe ali hino paoe, "Puletaono heungno khüyu puhye sü puletaono zhulai."

Jisuye vuyu

38 Süthaisü Arimathea hino veyu Josephno Pilat hi taveloua Jisu pfuphao sü khoe. Joseph hai Jihudimai taoye piyu dono kheikhei soua Jisu thaifü tayu rozümai alie. Pilatno süna poloure chi lüpeiyu dono puhno taveloua puh pfuphao nasü poloure. 39 Alia raiki Jisu hi kheino veyu Nikodemas-a Josephye koa gondhar hai agur pothou hrüyu kainüvei na sühcho shirou pha poloua tave. 40 Mai sühaino Jisu pfuphao sü poloua vure dono Jihudimai zhai thaifüa kainüvei na sutaono koa jüyu sahno pozüre. 41 Alia Jisuye kros vano veatheayu buh sühisü kipei ali bue, alia kipei sühisü maitalia povukhai moyu sheetouyu khüh ali bue. 42 Südono teithe sünasü Jihudimaivei soudayu teitheyu dono ea khüh sünasü nghei-a bubaiyu dono, puhaino Jisuye sühi povuwure.

20

Sakhaiyu khüh

1 Rathozhou shohna teimaibu kino Magdalini Merino khüh hi tahoe a chuh nasü khuhmti hino phao laiyu sü ngaoloure. 2 Südono puhno Simon Pitar ea Jisuno leshiyu kukhe rozümai sünahi taveloua puhai hi paoe, "Puletaono Mapaoye khüh hino potare, alia puletaono puhye kahi pokhairesa touyu sü Ehno sümoe!" 3 Südono Pitarno rozümai kukhenaye koa khüh hilo tahoe. 4 Puhai sü koa tutae, ana rozümai kukhe nano Pitar jüno turailoua khüh hi velou raire; 5 alia puhno kikouloua zhulouyu kisü, khüh sah nasü sühino buyu ngaoloure, ana puhno khevai taloumoe. 6 Sühino Simon Pitarno puh thaino taveloua khüh hi taloue. Puhno sühino jüyu sahna buyu, 7 alia Jisu peihi zükhai touyu pei züsah nasü jüyusah naye koa khaimoa süna la buh akuli hino kheitou khaitoua khaikhai touyu sü puhno ngaoloure. 8 Südono khüh hi veraiyu kukhe rozümai suna-a khevai talou ngaoloure ea louche loure; 9 daiolouzü sheeyu larubvu hino Jisu hai athai hino hrishulou vuzülai tea paokhai touyusü chu koute puletaono süloumoe. 10 Südono rozümai suhai sü puhai kihi khaitare.

Jisuno Magdalini Meri hi ngaopeiyu

11 Ana Meri louzü khühpe hino la-a kra-a bue, alia puhno kra-a buyu hino kikouloua khüh hi zhuloue; 12 alia sahnü kaa-a bartouyu rakivamai ahai sü Jisu pfuphao pokhaiyu buh hino, alino pei hino ea alino phi hino chobua buyu sü puhno ngaoloue. 13 Puhaino puh hi noue, "Naotupai, daidono ne krawe?" Puhno puhai hi chila peie, "Puletaono A Mapaoye potare, alia puletaono puhye kahi pokhairesa touyu su Eno sümoe." 14 Puhno sübüa paowu-a thailo reiveyu kisü Jisuye la-a buyu ngaoloure; ana sunasü Jisue touyu sü puhno süloumoe. 15 Jisuno puh hi paoe, "Naotupai, ne daidono krawe? Ne thaohye phouwe?" Puhyeno kipei akhowo nasüe tea choloua, puhno puh hi paoe, "Dou-apeio, neno puhye potare toulouzü, puhye pokhaiyu buhsü Ahi paongao peikhaio, alia Eno taho puhye poloulai." 16 Jisuno puh hi paoe, "Meri!" Puhno reiveloua puh hi Ebriamai lano paoe, "Rabboni!" (Süvei kowo louzü Dou-apeio touwe.) 17 Jisuno puh hi paoe, Eye deiso, daiolouzü E Apuohi khelou mohie; ana Athaihou jürai taohi taho puletao hi haikua paokhaio, 'Esü Apuo ea neletao Puo, A Ramai ea neletao Ramai hi kheta-e.'" 18 Südono Magdalini Merino taho rozümai taohi paoe, "Eno Mapaoye ngaoloure;" alia puh hi Jisuno paopeiyu chitao sü puhno puletaohi paongao peire.

Jisuno puh rozümai taohi ngaopeiyu

19 Rathozhou süna koukhe hisü rozümai taono Jihudimai taoye piyu dono kikhu khua vedzü louyu kisü, Jisuno tave puletao hrohino laloua puletao hi paoe, "Neletao hi kaonayu buloutheo." 20 Puhno haibüa paoyu thaisü, puletao hi puhbah ea puhnasü pongaoe. Südono rozümai taono Mapaoye ngaolouyu kisü lesathou alao souloure. 21 Jisuno puletao hi paopue, "Neletao hi kaonayu buloutheo. Apuono Eye seipeiyu kua Eno neletaoye-a seiwe." 22 Alia puhno sübüa paoyu thaisü. puhno puletao peihi ssü houkhaipei-a paoe, "Rako Mashi sü ngaoloukhaio. 23 Neletaono mai talivei mah khaipei louzü, sütao sü khaipeiwure; neletaono mai talivei mah khaipei molouzü, sütaosü khaipei moe."

Jisu ea Thomas

24 Rozümai kiahaitao hrohino ali soua buyu, nahbei tea kuyu Thomas sü Jisu veyu kisü puletaoye koa bumoe. 25 Südono rozümai kukhe taono puh hi paongaoe, "Ehwo Mapaoye ngaoloure." Ana Thomasno puletao hi paoe, "Eno puhbah hino hushu zheemü ngaomo sasü, alia Abah touno hushu zheemü taohi thaithou mosasü, alia Abahno puh nahi thaithou molouzü, Ewo louche laimoe." 26 Teithe acha thaisü, puh rozümai taosü kikha hino vedzüa bupukhaire, alia Thomas-a puletaoye koa bue. Kikhu taosü khukhaitoue, ana Jisuno tave puletao hrohino laloua paoe, "Neletao hi kaonayu buloutheo." 27 Süthaisu puhno Thomas hi paoe, "Ne bahtousü haihi thaithouwo, ea Abahsü zhukhaio; alia nebah topaloua Anahi thaithoukhaio, Iti ha-a buwuso, ano louchelo." 28 Thomasno puh hi chila peie, "A Mapao ea A Ramai!" 29 Jisuno puh hi paoe, "Neno Eye ngaolouyu vano louchelouwu? Eye ngaolou moyuma louche louyu puletao sü rakoveie."

Larubvu haina rüyuvei matsü ko

30 Larübvü hainahi rüthou moyu shee kukhe alao Jisuno puh rozümaitao nghojü hino soue. 31 Ana Jisu hai Ramainah Poutuo Khristae touyu sü neletaono louche loure dono, alia loucheloua neletaono puhzhih hino ahri ngaoloure dono shee haitao sü rüthou khaitoue.

21

Jisuno rozümai anaitao hi ngaopeiyu

1 Haithaisü Jisuno Tibiria zaipe hino puh rozümai taohi tave ngaopu peikhaie; alia puhno haibüa ngaopeie. 2 Simon Pitar, nahbei tea kuyu Thomas, Galilee hi buyu Kana hino veyu Nathanel, Zebedee nah poutuohai, alia kukhe puh rozümai ahai taosü vedzüa bue. 3 Simon Pitarno kukhe taohi paoe, "Ewo khah phouta laire." Puletaono puh hi paoe, "Eletao-a neye koa talai." Südono puletaono taloua sakhao hi louloure; ana süzhou khei hisü puletaosü halia phouloumoe. 4 Ana shohna tei thepayu kisü Jisu sü zaipe hino la-a bue, ana rozümaitaono süna hai Jisue touyu süloumoe. 5 Jisuno puletaohi noue, "Khemaina taore, neletao khah lia phoulou mowu?" Puletaono puh hi chila peie, "Halia phoulou moe." 6 Puhno puletao hi paoe, "Neletaovei khahbe nasü sakhao zhoulo vahi laithou khaio, alia neletaono daotu ngaoloulai." Südono puletaono laithouyu kisü, khah loupouleyu dono puletaono khahbe nasü pai palou hore. 7 Jisuno leshiyu rozümai nano Pitar hi paoe, "Haina hai Mapao-e!" Simon Pitarno sünasü Mapao-e touyu choulouyu kisü, puhno puh sahnü nouthouloure (daiolouzü vah souyu dono puhsü baitoua bue) alia zaihi choloure. 8 Ana kukhe rozümaitao louzü khahno lou phoupeiyu khahbe nasü süthaipoa sakhao hino takoue, daiolouzü puletao sü deithe hino dousho more, hacho Kaihlipha dou baire. 9 Puletaono deithe hi tapalouyu kisü, sühisü veimei ea süpeihi khah buyu, alia raokhao daotu-a buyu ngaoloure. 10 Jisuno puletao hi paoe, "Neletaono chubü hino nilouyu khahtao hrono daotu pokoukhaio." 11 Südono Simon Pitarno sakhao nahi takou louloua khahdu kaihlia raingouasüno lou phoupeiyu khahbe nasü deithe hi süthaipare; alia khahtaosü poushokhaia khahbe nasü soupha khaimoe. 12 Jisuno puletao hi paoe, "Takou toulouwo." Rozümaitao hrohino maitalinoa, "Ne thaohwe?" tea khuveia puh hi noumoe, puletaono sünasü Mapaobaie touyu süe. 13 Südono Jisuno takouloua raokhao nasü poloua puletao hi peie, alia sükua khah nasüa peie. 14 Chuwo haina hai Jisuno athai hino hrishu louyuthai rozümai taohi ngaopeiyu lüh asü chenae.

Jisu ea Pitar

15 Puletaono toulou cheyu thaisü Jisuno Simon Pitar hi noue, "Johan nah puotuo Simon, haitao jüno neno Eye leshi kouhimoe?" Puhno chila peie, "Ovai Mapao, Eno neye leshie touyu sü neno süwe." Jisuno puh hi paoe, "Azhaotaoye vaipei khaio." 16 Jisuno puh hi lüh ahaichena noue, "Johan nah poutuo Simon, ne Eye leshiwu?" Puhno chila peie, "Ovai, Mapao, Eno neye leshie touyu sü neno süwe." Jisuno puh hi paoe, "Azhaotaoye khopei khaio." 17 Jisuno puh hi lüh asü chena noue, "Johan nah poutuo Simon, ne Eye leshiwu?" Pitar sü levea loure daiolouzü Jisuno puh hi lüh asü koute, "Ne Eye leshiwu?" tea puh hi noue, alia puhno puh hi paoe, "Mapao, neno halihala süwe; Eno neye leshie touyu sü neno süwe!" Jisuno puh hi paoe "Azhaotaoye vaipei khaio. 18 Cheche vuzüno Eno nehi paowe, neno nahlebuki louzü nelah sahvealoua neno taho nüyu buh hisü neno tabaiwe; ana neno tsüloulouzu, neno nebah sü topalai, alia kukhe alino neye phuloua neno tanümoyu buh hi satalai." 19 (Pitarno kakuyu athai zhaido hino Ramaiye soudusho peilaisa touyu süngao peire dono Jisuno haisü paoe.) Süthaisü Jisuno puh hi paoe, "Athai fülo!"

Jisu alia rozümai kukhena

20 Pitarno thailo reiveyu kisü Jisuno leshiyu rozümai nano puhaithai füpoa laiyu ngaoe. Rozümai sünasü koukhe vai touyuki Jisu khao hino vüa, "Mapao, neye shoh soupeire nasü thaoh-e?" tea nouyu nasüe. 21 Pitarno puhye ngaolouyu kisü Jisu hi noue, "Mapao, mai hainawo louzü kaku khailai?" 22 Jisuno puh hi chila peie, "E khaivemo koute Eno puhye pano hria bunülouzü, sünano neye dono dai bue? Athai fülo!" 23 Südono rozümai sünasü thailaimoe touyu ko sünasü thaihou jürai maitao hrohi kubou loure. Ana Jisuno puh hi puh hai thailai moe tea paoyumoe, ana "E khaivemo' koute Eno puhye pano hria bunülouzü, sünano neye dono dai bue?" tea puhno paobaie. 24 Chi haitao vano zhopaoh peiyu ea chi haitao rukhaiyu rozümai nasü hainae; alia puhvei zhopaoh hai chechewe touyu hai Eletaono süe.

Akhai chi

25 Ana Jisuno soukhai touyu vah kukhe alaosou buhie. Sütaohai ali lino rüthou khailai toulouzü, rüre larubvu taosü deiphao teitei noa.