Naga: Konyak Help from Above ATANG MEPU JAMPU "Atang Mepu Jampu," hatao-a AJAOLAI mepu ngaolan shaijumpu ngohnang Taolan te jamlaka Ajaolai hei ngohnang she to-e atinglaknang. Kawang ngao "Atang Mepu" hatao a ajao lan yimpu mongjang jingne jampu ayong ngohnang. Aobe kata ja monglep-e unu janlakei, aobe Jisu Khrista I mongjang me nyoilakei, huyange aobe Jisua U yinyipa she yalakei, huwante Nokpupa yoi nying te meangpalan dang te ngailak, huyange meangpalan mongjang te yoi mongmei, toloimei phalak. To e 1937 me wangpu tenyih ngoie taopa wo yiphenbe kawang phei ngohnang. Tao-e numano Nokpupa te jafyange nang yinyipa she yahtao she einang. - Watson Goodman /1 KAHWANG YAYIENG KUNPU Huyangpoi teman uneo tinupalan ngohwante, teman jingne Khrista lipuwe, hatuowe Kahwa; nge I yoi kenpu jeng temante saki phanang. Rome 5:8 Hatuo shaaji yinyepu mo shishao ne ngoh. Jesuwe tuopa kahtok angyange Ipa tangte tailak I hipak ngoiteki she shing. Kahtoknyu me I jingne aoyin ngoh imante lye jinte ken, huyange lye imante ukum ngoiye ken. John 13:1 Aoheye kenneyetei Iye Kahwang yeshing; hangjingne Kahwanga kenpupa. Kahwang halom kaiye teman tiyin ngohlak jingne, Kahwang I kahtoknyute shon; tuome temante Kahwange kenpu utahte ngai. I John 4:8,9 "Kahta jawe yoi shumpa jingne uyin phenne phapu tokte uyongpa hango yenang." John 15:13 Huyange monghumpu saki, lipulan mepu uwangne puhpu, huyange kahtoknyu ahngpalan tangme wanglamlampu Jesu Khrista mepu numan tangte ngohtuo. Utahte ngaipu 1:5 "Hangjingne Kahwange kahta nyuhate huke kenpuwe aoyinne Ite utinglak lakei yemahlak huyangpoi jintepu uyin ngohlak jingne lye yoi halom pha." John 3:16 /2 JESU AJAOPA Ngao nungneilak yenang, lowe angpu uyonga teman wanglam! I mei me utahte ngai, Yaha me tingetiunpu tuo, wangdang shongnyingpalane nge, jatlan yo me nyaowe tau, kahtoknyu me yelakpe mengteki, muktishiwa me woi in. I Timothy 3:16 Uwangne kahtoknyu lingshao me Ngao ngoh; I Kahwang phei ngoh, huyange Ngao Kahwang ngoh.... Ngao kahtane meng huyange teman phei ngoh.... Ipa mepu I shaha ra ne menge hatuo muktishiwa pu Iye tuoyangki. John 1:1,14 Tuolan khongkum Nokpupawe hipa kaiye ngaoyangpu utahte ngailak jingne, aoheye i: "Ujao naoya pum yekengpe ngailak huyange netan moija pailak, huyange imane Ite Emmanuel she minlak." hanghete leppu,"Kahwang teman phei ngohnang." Matthew 1:22,23 "Upa huyange tao ja." John 10:30 Jesuwe Ite i, "Philip, tao numan phei hushinne ngohyapoi, nange tao yeshing a? Aoheye tao ngeyangki Iye upa ngeyangki. "Tomante upa haopha she" nange hangne ipu? Tao upa me ngohnang, huyange upa time ngohnang she nange uting yelak a?" John 14:9,10 /3 JESU, KAHWANG AHA Aoheye Jesua Kahwang uha she janlakei, Kahwang Ime ngohnang, huyange I Kahwang me ngohnang. I John 4:15 Huyange wangdang shongnyingpawe yhate i, "Ujao Yaha nangtang me peilak, huyange fltahpa ungan yashum me nangte kuplak; tuokhei puh ne ngohpu nehate ujaopa, huyange Kahwang tiha she nyiklak." Luke 1:35 I yelakpe ngaowe ngohwante, yeonge jaopu wangphomme iman nyeih, huyange wangphom mepu ngao jawe huke i, "Hatuo umongkenpu Ha, aoheme tao yeonge monghah nang; Ite jaiyah." Matthew 17:5 Jesuwe Ite i, "Nange I ngeteki, kahwang Aha huyange nang phei aohe ngaoyapei tuowa I." John 9:37 Hangjingne Ime Khrista Jesu Honyongpa utingpa ushei wangngoiye pum noshepu ngohnang. Colossia 2:9 Imane ungwen, "Kahwang Uha, nange toman phei hanghi linglak ngohnangki? Hipak manngoipe toman ponghahne nang tuome peipua?" Matthew 8:29 "Ujingne paa, Upawe taole huyange kahtok nyute tao shon. Humaa, taowe Kahwang uha she ipu jingne taowe Kahwang ye-i-yesheja she numane iye ok?" John 10:36 /4 JISUE EINANG, IA AOHI Jesuwe jane i: "Numana uphangpa mepu, tao utok pa mepu. Numan tuopa kahtok jing; tao ttiopa kahtok jingne yeje." . . . Jesuwe imante i, "Taowe numante uting iphaning;" "Abraham manpuh pe muh tao ngohyangki." John 8:23, 58 Shekonyuwe Ite i, "Khrista she nyikpu, Messiah peilak taowe shingnang. Aope I peilakei Iye tomante khongkumpu iphalak!" Jesuwe janne i, "Tao aohe ye nangphei ngaonang, Tao I ngohnang." John 4:25, 26 Jesuwe imante i, "Tao uyin hahying." "Aohepa utangte pei I aopeo sheyenyaolak; huyange aoheye ute utinglak lakei aopeo yeng yelelak." John 6:35 "Tao aope kahtoknyu me ngoh tao kahtoknyu wangngai." John 9:5 Tuokhei Jesuwe imante uneo i: "Taowe numante utingpa iphaning: Nyilan jingne tatenna tao." John 10:7 Jesuwe yhate i, "Tao yang yepu huyange uyin. Aohe ute uting laklakei I liyapoi uyin ngohlak." John 11:25 Numane ute konnyaopa htiyange Nokpupa she nyik; huyange numane shuwe nyikyangki, hangjingne hatuowa tao. John 13:13 /5 YASHANYALI TOI JESUE LUNGPU Iye ukhongte hung tangme shotlak jingne ngaopha. Tuophei me lye ankhao nga huyange nyia ni jon, wangdang yete lei huyange kahwangte minyong pha; huyange aope lye an paikhui pinlante lye pha, huyange pinlanne ukhongte pha. Iman manmoh manmoh hah; huyange topu ukhui unyai imane shaijemme yowante, muhto penme ni maawe ngoh. Hahpulan, sheko hei nahalan ye i pe kahta haja nga nanjing ngoh. Matthew 14:19-21 Simon ne jan, "Nokpupa wangnyak phapan toman yeonge ngangyangki huyangpoi hango yeom. Hupoi, nange iphei maa taowe shan shaiye nyaohu hahma." Imanne shana shai huyange shanno hutlak pane nyia maawe om. Luke 5:5,6 Mukmuopa ni, lamnah me shotte ngoh, huyange Jesu peinang she imane jai huyange tingwen, "Uyongpa, David Uha, tomante shupshepha." Jesu lak, ... "Taowe numan jingne hanghe lingne tamhunangki?" Imanne Ite i, "Uyongpa, nange toman muk epe tampha." Huyange Jesuwe yayenge teiyange iman mukte jon. Tuophei me iman muk ep huyange I pheite woi. Matthew 20:30,32-34 /6 JESU KHRISTA NOKPUPA, LUNGPUPA Hangjingne wangdang me huyange kahtoknyu me toi ushei, ngepu hei yengeokpu hanghe ngoh, ahngpa shotjing jeyah, ahngchinglan jeyah, ukengnyulan jeyah, wongpheipulan jeyah, ushei Ime ling; I kaiye huyange I jingne ushei lingengai yangki. Colossia 1:16 Sheminlamphe I kaiye ngai, huyange I yeompe ulam ja nehoi yengai. Hangyin linge ngaiyangki. John 1:3 Huyangpoi tuopa jin ukum yeme I Ha, aohe lye ushei mothleilak le, huyangne aohe kaiye Iye kahtoknyu ling, Iye temante ngao ngaoteki. Hebrew 1:2 "Tuokhei tuopa Jesu aohe numane tangpem me toi, Kahwange I Nokpupaneo huyange Khrista neo menge tam she Isreal nokphong usheiye utingme shingyah." Lamputoi 2:36 Hangjingne lipu hei uyin ngohpu ni tangte Nokpu ne mengne Khrista li huyange yange ye. Rome 14:9 Kahwang mong humlakpa, aohe kaiye numan I Ha Jesu Khrista phei shuppe shalak jingne nyik, I teman Nokpupa ngohnang. I Corinth 1:9 /7 JESUA KHRISTA NGAOPHENPA ... Hangjingne teman ushei Kahwang ngao phenpu shongme yonglak. Rome 14:10 Taowe Kahwang shongme, huyange uyinme ngohpalan hei litepulan ngao phenpa Khrista Jesu shongme, I ngaipu hei I ahngchinge nangte ngaokeng phanang. II Timothy 4:1 "Upawe aoheteo ngao yephen, huyangpoi ngaophen lak wong khongkumpu lye uha te phayangki." John 5:22 "Aope kahta uha yoi muktishiwa puphei huyange Iphei wangdang shongnyingpalan ushei woiyange yulakei, huwante I yoi muktishiwa shotjing me shotlak; huyange jatlan ushei I shishao me jemlak, huyange lye nyilan yak jah yeme." Matthew 25:31,32 Aope Kahwange taowe nyaopu pungao umei kih Jesu Khrista kaiye kahtalan mongjangme lowe teipu jutei ngao phenlakei, tuonyih me ngaokeng jonne ngohpalan tingetamlak. Rome 2:16 "Huyange uyin me ngohpalan huyange lipulan ngao phenpa aohe Kahwange le-ngai, hatuowa I she kahtalante konnyaolak huyange saki phalak tomante ngaokeng pha." Lamputoi 10:42 /8 YENYIPUA JISU KAIE "Tao taten. Utam tao kaiye ongmaa yinlak, hiiyange yulak onglak huyange hahnyoi tuolak." John 10:9 Jesuwe Ite i, "Lamnyu huyange utingpa huyange Uyina tao. Tao yekai maa upa tangte aoheo peine yeok." John 14:6 "Tuokhei taowe numante iyangki, numan unu me numan lilak. Huyange 'Taowa I' she uting manlak manlak numan unu me numan lilak." John 8:24 Huyangpoi Khrista Jesu me hanghepa yinyepu ngohnang, hatuo kaiye I shupshiye iman ja jang jawe tingetam. Rome 3:24 Huyange I wangngoine tamyang pheime, Ite ngao jaipu ushei jingne I ukum yenangpu yinyepu ujungne meng. Hebrew 5:9 Tuokhei aoyinne I kaiye Kahwang tangte li-ote peinang, Iye iman jingne, yoppetonglak jingne jinte uyin ngohpune menge, Iye ushei me meimeiye iman yinne oknang. Hebrew 7:25 "Huyange ulao aohemeo yinyepu yenang, hangjine teman hanghe kaiye yinyelak, wangphang me kahta yo me lilao min hango phawe yenang." Lamputoi 4:12 /9 YENYIPUA JISU KAIE Hupoi Jesu, aohe teman jingne Kahwang mepu konngan huyange ujaopa huyange jaowetampupa huyange yinlakpa ne meng, tuopa Khrista me numan Kahwang mepu ngohnang. I Corinth 1:30 lye temante linu ushei mepu yinlak jingne, huyange toimei me lahnyikke yoiye yahlak kahta ukhongja yoi jingne jaowe salak jingne, yoi nying nyingke teman jingne pha. Titus 2:14 Huyange Upa, aoheye wangngai me ujaolan moth teitampalanne mengne teman wangngoine tam, numane I min yonglak jingne taowe yopnang. Hangjingne Iye wangnyak ungan mepu teman yin huyange yoiye kenpu Ha ahngching me teman ye-yeang; line teman yintemlak ngohnang, tuopaa teman unu winpu. Colossia 1:12-14 "Hangjingne Kahta Uha yamlak huyange mahpu yinlak jingne pei. Luke 19:10 Huyange imane Hem ula ja loke i: "Laitee yahlak huyange tuopa yepinlakpa tuppulan epiak nange wangnang, hangjingne nang toiyangki huyange nange yoi iy ye kahtalan Kahwang jingne shakyangki, Nokphong hei yenghoi, huyange jat hei li ushei mepuwe." Utahte ngaipu 5:9 /10 JISU YI SHAIPU Shaa Khrista iy kaiye teman tingetam pu jingne, tuome monghah-e, Kahwang mongshih ngaipu mepu teman I kaiye yinyelak. Rome 5:9 Khrista shupshe toinyuke temane Khrista me I iy kaiye teman yintam, huke teman unu umeng winpu tuo. Ephesia 1:7 "Hangjingne hatuo jiengjeppu U-iy, maapu umenglan unu winoklak jingne, shokke winnang." Matthew 26:28 Numan puyimlan memuh jonne peipu jajang japu uyin wanglam mepu, mahlakpa toi, hon hei khumme numan shakpu ne yeje; hupoi uko huyange tushangpu yenangpu nyi uha toinyu iy, huke Khrista iy kaiye numan shakyangki. I Peter 1:18,19 Hupoi I hangke wangngai me ngohnang, huke temane wangngai me kemmaa, teman shumpa hei shumpa ni shuppe shapu ngohnang, huyange I Ha Jesu Khrista iy kaiye unu ushei jaowe tamnang. I John 1:7 Humaa, Khrista, aoheye jinte ukuu yenang Yaha kaiye uko yenangpe yoi nying nyingke Kahwangte to, I iy kaiye uyin Kahwang shaoshanlak jingne numan juteimongjang toi timanglan mepu hangke unyei jaowetamnang! Hebrew 9:14 /11 JISU TE ATINGLAKPU KAIE YINYIPU Hangjingne shupshe kaiye utinglakpu kaiye numan yinnang. Huyange tuopaa yoi nying nyingke yeje, hupoi Kahwang hunghao huyangpoi aoheo yeyong yeluolak jingne, tuopaa toiye yeje. Ephesia 2:8, 9 Tuokhei utinglakpuwe tingetampu jingne, teman Nokpupa Jesu Khrista kaiye temane Kahwang phei toloimei me mongmei hah. Rome 5:1 Hangjingne Khrista Jesu phei shuppe shapu me, shokhuppu hei yekhuppu hangheo yenang. Hupoi yahyeng kaiye utinglak puwe toi lingnang. Galatia 5:6 "... Nokpupa Jesute mengtuo, huyange nang hei nenok yinlak." Lamputoi 16:31 Hangjingne aohe Kahwang mepu puh, Iye kahtoknyu oknang; huyange okpupa hangheye kahtoknyu naonang tuopaa temari utinglakpu. I John 5:4 Hatuo laitep me ye-nyanpu, yepinlakpa toi maawe Jesuwe I pinlan phei ling; huyangpoi numane Jesuwa Messiah, Kahwang uha, she uting lak lak jingne, hangjingne numane utinglak maa, I min me numane uyin tuolak jingne, hatuo yin nyianyangki. John 20:30 /12 KAWANG SHIPSHE Huwante teman nying nyingke lingpu ujao toiye yeje, hupoi I yoi yahyeng shupshe kih-u nishe puhiak jingne baptipu huyange Ujao Yaha ulane mengtampu kaiye Iye teman yintam. Titus 3:5 "Hangjingne inahpu yinlak jingne kahta uha pei. Numane hangke teinangki? Kahta jawe nyi-khoja ngoh huyange iman yo me ja lamnyong yete taimahmaa, Iye tepelijapentu waktang yeme angyange huyange leih-e yeye lamnyong yete tai mahpupa yeyam a? Huyange Iye tuopa tuomaa, utingme taowe numante inang, unyong yete yetaipu tepelijapentu phei shenyeishe tuopa ja tangme I mongmei nang. Tuolan tijoilan yo me ja nehoi mahlak jingne wangdang me ngohpu numan upawe yemong." Matthew 18:11-14 Tuokhei temane yahyengshupshe yah-oklak, huyange wongpong hipak me temante jamlak shupshe tuo oklak jingne, monghumpu phei shupshe ahngpa shotjing u-ote teman wenhah. Hebrew 4:16 Teman Upa Kahwang huyange Nokpupa Jesu Khrista te minyong tuo, I mepu hanghepa wangmanpu shupshe huyange uneo Jesu Khrista Upu uyin pha. I Peter 1:3 /13 KAWANGE I TAUGTE TUMAN NYIKNANG Iye teman yin, huyange ujao nyikpuwe teman nyikyangki; teman toike yeje, hupoi lye mongpu huyange shupshe hanghepa jin ukhong wangshao me uwangne Khrista Jisu me temante phawe ngoh. II Timothy 1:9 Huyange Yaha huyange nyamnyanyuwe i, "Peikei." Huyange aoheye jainang Iye, "Peikei," she ituo. Huyange aohe yenglenang I peine tamtuo; aoheye mongnang Iye jajang japu uyin yeng yahyah. Utahte ngaipu 22:17 "Numan topalan huyange hangki yih kipalan, ushei utangte peikei, huyange taowe numan toloi meitam phaning." Matthew 11:28 "Mo ukum nyih, nyih uyong, Jesu yongyange huke i: "Aohepa yengle nang I utangte peiye yingtem tuo." John 7:37 Aope Jesuwe tuo nge, I mongshih ngai huyange I pinlante i: "Nahalan utangte peine tamtuo! Imante tahkhum, hangjingne Kahwang ahngching tuolan jing Ienang." Mark 10:14 Tuokhei Kahwange toman kaiye numante tongpukhei, Khrista jingne toman lampu ujeng ngohnang. Toman ne Khrista minme numan Kahwang phei teishinyange ngohtuo she yoppe tongnang. II Corinth 5:20 /14 KATA USHEIA KAWANG HALAN YIJEJA Tuokaiye Kahwang halan huyange kahshih halan utahte ngai haonang: aoheye utingpa yeling, I Kahwang jing yeje, yeshtiktimaa aoheye yoi jeihei naolan te yeken I-o yeje. I John 3:10 Hangjingne hangshin Kahwang Yaha kaiye woinang, iman Kahwang hayimlan ngohnang. Hangjingne numane uneo nyiamtamlak ra yatuhshao yeyah; hupoi numane Kahwang yoi uha, hangheye temane "Abba! Opa!" she nyik, tuopa yaha numane yah. Rome 8:14,15 Huke numan me timeng yenangpe huyange jaoshe-iye huyange mong tingkha-akpu Kahwang halan ne menglak jingne, kokpu huyange jakem kempu jin yo me numane uyin ngaowa kahtoknyu me shanha ilteke numan wangngai utahte ngaitemme. Philippia 2:15 "Tuokhei iman yomepu ngaiye, yoiyoi ne ngohyah she, Nokpupawe inang, huyange yejaopu hangteo tah jon; huyange taowe numan yahlak." II Corinth 6:17 Huyangpoi hangshinne I yah huyange I min me meng tuolante Kahwang uha ne menglak wong Iye pha. John 1:12 /15 YU JEANG KAWANGE HANG EINANG Shaa mei toishaolan utahte ngaiye ngohnang; hatuolana tuo, nuwe-shakpu, yejaoyeshepu, jokemokpu yakjongpa, moungte khumpu, phong yengpu, teinupu, moppu, muktakpu, mongshih ngaipu, tinyei yahhupu, tei-yemongpu, teitampu, teikhapu, yuwe jokpu, nokshumpu, huyange tuolepu. Aoyinne tuokihpu joniakei, imane Kahwang ahngching moth yetuolak she taowe hangke numan ushongpemuh kenting ne tau, huke shaa taowe numan kentingne tamnang. Galatia 5:19-21 Temane wangngai ke ngaoting iye kemhah; pha-yangpa hei yuwe jokpume yeje, iymei lengpu hei yejaoyeshepu me yeje, teelapu hei aohung muktakpu me yeje. Huyangpoi numane Nokpupa Jesu Khrista oyah, huyange meiye lengpu ngaitemlak jingne mei tahtei. Rome 13:13,14 "Hangjingne Nokpupa shishao me I uyongne menglak, huyange Iye yu yeshukuma wongnangpu hango yeyinglak; huyange I Ujao Yahawe maawe ngohlak, inyu she me ngohwante muh." Luke 1:15 "Numan kentinge ngohyah! Meiyange mo-tappu, huyange yujok hahngapu, huyange mongshangpu uyin ja ne, numan menge tah tau, yeshtikumaa tuonyih mookshe yu ne ok." Luke 21:34 /16 KUNTINGPU HATAOE WANGPU YIJE Iye Ite i, "Nange nang Nokpupa Kahwangte, nang mongjang Usheiye, nang yaha tisheiye, huyange nang kenmong usheiye kentuo. Ujengpa huyange tiwangpa ngaokeng hatuo uja." Matthew 22:37,38 ... "Konnyaopa umei, jintepu uyin tuolak jingne taowe hanghe linglakshi?" Jesuwe Ite tong, "Nange hangne ute umei she nyiknangki?" Kahwang tokte aoheo umei yenang; Nange ngaokenglan shingnang: "Tahtoi; phwnge ngampu tabling; tab kuh; ngaolei tah i; tab lo; hilyange nangpa hei nangnyu iye sheyah." Iye Ite i, "Konnyaopa," "Tao naha me muh tuopa ngaokeng jonyangki." Yayengpu phei Jesuwe Ite tingkhakke lei, huyange i; "Nang jawe yewang. Taituo huyange nangme ngohpu ushei yaotuo hilyange toihalante ngin phatuo, huyange wangdangme nang haklak; tuophei me taikei huyange upheite woikei." Aope Iye tuopa ngao jai, sheta nyak huyange mongmenge tai, hangjingne I meiyangpu hakpa ne ngoh. Mark 10:17-22 Aohe me I Ha ngohnang I me uyin ngohnang, aohe me Kahwang Uha yenang Ime uyin yenang. I John 5:12 /17 TAHLO Lowelamne tahtam; Kahwang ye-i-yeshepe tabling, hangjingne hanghe kahtawe deinang, tuomuh Iye wetlak. Galatia 6:7 Hayimlan, aoheteo numan ilnyong yete woine tahtam; aoheye ulingpa lingnang I hangke ujao me ngoh, I-o hukemuh ujao me ngohnang. Aoheye unu jonnang, I kahshih mepu; hangjingne kahshih uwang memuh unu om. ... I John 3:7,8 Yejaoyeshepu lane Kahwang ahngching moth yeleilak she numane yeshingpu a? Numan lone tahtam: iymei yejao yeshepu jonpune jeyah, moungte khumpu ne jeyah, phwnge ngampu jeyah, wanglam yejepu jonpune jeyah, netanne netanphei limeng jonpu tie jeyah, kuhpa jeyah, waupu jeyah, yuwe jokpulan jeyah, phoiwumpu jeyah, yahhupu jeyah, tuolane Kahwang ahngching moth yengelak. I Corinth 6:9,10 Aoheteo jajang japu ngaowe numan lowelamne tahtam, hangjingne tuolan jingne ngao yejaipu hayimlante Kahwang mongshih ngaipu peinang. Ephesia 5:6 Hupoi numan yoi nying nyingke tuopa ngaote lowelamme jaipa nehei yemengpe, lingpane mengtuo. James 1:22 /18 UNUE LIPU PEINANG Tuokhei, hangke kahta ja kaiye kahtoknyute unu pei, huyange unu kaiye lipu pei, huke kahta lilite lipu pei, hangjingne usheiye unu om. Rome 5:12 Hangjingne mei jeng teipuwa lipu ngohnang, hupoi Yaha jeng teipuwa uyin huyange chingmei. Hangjingne mei jeng teipuwa Kahwang kaiye wepa ngohnang; hangjingne hatuowa Kahwang ngaokeng phangme yenang, utingme I yengoh oklak. Rome 8:6,7 "Hupoi aoyin nyampu, utingyelakpu, nunushepu, kahta toipalan, phwngngampalan, phongyengpalan, moungte khumpalan huyange tahleih ipalan ushei loonge ngohpu uun huyange uunjom moluufin me yoi yoi meitam tuolak; tuopaa nishepupa lipu." Utahte ngaipu 21:8 Huwante aope unyeiyahhupuwe pum yekengpe ngai, unu puh-e tamnang; huyange aope unua wange jonglakei, lipute puhe tamnang. James 1:15 Hilyangpoi nangnao jingne mongmci mo molak wongpong, hangjingne nang nao liye ngoh huyangpoi shaa I yange yeye ngohnang; I mahwe ngoh, huyangpoi shaa I tuoyang pu." Luke 15:32 /19 KHRISTAE LIPU OKYANGKI Huyange Ujao Yaha me lipu mepu yange yepu kaiye I Kahwang Uha ngohnang she, unganne haowe, huke Jesu Khrista, teman Nokpupa. Rome 1:4 Iye tuopa ngao iyangphei me Iye ungwenne nyik, "Lazar, ngaikei!" Litepu kahta laowe, ya hei yak me pengkai nyi nyeiyange, huyange I sheta me nyilum yange ngai. Jesuwe imante i, "Ite lantlimtuo," "Huyange taine tamtuo." John 11:43, 44 Tuophei me I owe wen huyange mangshengte jon, huyange mangpaipalan lak. Jesuwe i, "Naoshe! Taowe nangte inang, laotuo!" Liye ngohpu kahta lao huyange ngao ine wang .... Luke 7:14,15 "Upawe ute kennang hangjingne taowe nishe koke yahlak jingne U-uyin phanang. Aohe-o umepu uyin yahteipu yeok. Hatuo unying nyingke taowe angnang. Hatuo anglak time wong ngohnang, huyange hatuo yahyepu oklak wong time ngohnang." John 10:17,18 "Huyange uyin ngohpupa; Tao li, huyange leituo, tao jin jintepu jingne uyin ngohnang, huyange lipupa hei lipu yimching eppe-kuplak U-me ngoh nang." Utahte ngaipu 1:18 /20 KAWANG NGAOKENGLAN "Konnyaopa, ngaokeng yo me, Ujengpa ngaokeng hanghe pa shi?" Iye Ite i, "Nange nang Nokpupa Kahwangte, nang mongjang usheiye, nang yaha usheiye, huyange nang kenmong usheiye kentuo. Ujengpa huyange uwangpa ngaokeng hatuo uja. Nishepupa ngaokeng ujengpa hatuo: Nange nang yupite nangkih kenyah. Tuopa ngaokeng nime ngaokeng huyange hipalan khongkumpu yaphen lingnang. "Matthew 22:36-40 "Taowe numante ngaokeng ula pha nang; jawe jate teiken yah. Numan teikenpu ngeye usheiye numan u pinlan she shinglak." John 13:34,35 Nange ngaokenglan shingnang: "Tahtoi; phwnge ngampu tabling; tah kuh; ngaolei tah i; tah lo; huy ange nangpa hei nangnyu iye sheyah." Mark 10:19 Huyange shaa uyongnyu, taowe nang tangte ngaokeng ula nyianpuke yeje, hupoi uwangme muh tomane hanghe ngaokeng tuo, tuopa ke temane jawe jate teikenlak taowe nangte yope tongnang. Huyange tuopaa kenpu, temane I ngaokenglanke kemlakyang, Numane uwang memuh jaipuke ngaokenga hatuo ngohnang, huke numane tuopa me kemlakyang. II John 5,6 /21 KAWANG MEPU NANG LONE YIOK Tuokhei Nokpupa, aoheye wangnyak me lowe angpu wangngai yete yahpeilak, huyange uneo kahta mongjang me teiyangpu utahte ngaitemlak, hipak manngoi wante I manyu manyu hango ngao tahphen; huwante kahta liliye Kahwang mepu minyongpu tuolak. I Corinth 4:5 Huyange uneo, "Nokpupawe konnangpalanne teinyaopuwa jajang japu she shingnang." I Corinth 3:20 "Tuokaiye imane Kahwang yamiak, huyange imane I tuolak huyange Iphei iman ngohnang she, teitumlak. Tuoyangpoi teman kahta lili mepu I jaiye yenang. Hangjingne: 'I me teman ngohnang, huyange po-nang, huyange uyin ngohnang.' Numan lokngaopa utame ipu ke, 'Hangjingne temano ime lickpu.' " Lamputoi 17:27-28 "Hanghepa jaowe anglakei tuopa utah te ngaiye tamlak, huyange hangheyin pange angyapei tuolak huyange wangaite yah peilak." Luke 8:17 Huyange Kahwang mepu lowe anglak hango yenang. Lingengaiyangpu usheIye I muk shishao me lanne shaiyange haolak, huyange Ite teman usheiye yoi toishao haolak yang. Hebrew 4:13 /22 KAWANG TE YIMEANGPA JINGNA SHAOSHIYALI Hupoi yejaoyeshepu kahtalan ngao phenlak huyange mahlakpa nyih mangoi manngoi, tuopa ngao ja muh, shaa ngohpu wangdang huyange kahtoknyulan tune tuoe, vun jingne tume ngohnang. II Peter 3:7 Huyange utam uyin laitep me nyiane yengemaa, I molouun me hunlak. Utahte ngaipu 20:15 Iman jinte mahlak jingne shangne tamlak, huyange Nokpupa huyange I muktishiwa wongnangpu ompu yenanglak. II Thessalonia 1:9 "Nang yak yeshukumaa nang yawe unu omne tamkumaa, tuopa langtuo huyange nang mepu wintuo. Nang jingne yak hei ya moini phei jinte yemahpu uunte taipu phei yakja yeshukumaa ya ja yenangpe liyin chingte taipu meilak." Matthew 18:8 "Kahta lihawe yoi shongnying palan shonlak, huyange imane yoi ahngching me yashah haone tempalan huyange ngaokeng kaiye toilingpalan ushei shai jemlak. Huyange imane tuolan kahta yemahpu loonge ngohpu vun me shuplak; tuome shappu hei fa ngaopu ngohlak." Matthew 13:41,42 "Huyange tuolan ukum yenangpe shangjing te yulak, huyangpoi ujao lanna jintepu uyin chingte tailak." Matthew 25:46 /23 NGAOPHEN NGOIKULAK "Hangjingne Iye lepu kahta jawe ujaopame kahtoknyu ngao phenlak jingne Iye nyih ja leyangki, huyange tuopa jeng Iye lipu yange yene iwante, kahta usheite saki phayangki?" Lamputoi 17:31 Humaa Nokpupawe ujaopalan tokpu mepu yinlak shingnang, huyange yejaopalan, ngaophen pu nyih jingne anglak. II Peter 2:9 Hatuome temante kenpuwe wangngoine tamnang, ngao phenpu nyih me teman wongnange ngohlak jingne, hangjingne I hangke ngoh, temano tuopa kahtok me nuke ngohnang. I John 4:17 Huyange hangke kahta ja mehei lilak, tuophei me ngaophenpu peilak. Hebrew 9:27 ... Huyange tuolan laitep me nyianne ngohpuke, lipalan yoi toishaoke ngaophen. Utahte ngaipu 20:12 Hangjingne kahta lili pum me lingpu toi phei phenne, timei jeyah, umeng jeyah tuolak jingne toman ushei Khrista ngaophen jing shongme utahte ngaitemlak yang. II Corinth 5:10 Tuokhei teman kahta liliye yoi jeng Kahwangte ngaolan phalak. Rome 14:12 /24 JISU KHRISTA SHIPSHE Huyange unu hangke ngoh, huke jajang japu hunghao yenangja. Hangjingne kahta ja tinuwe li she imaa, hatuophei shenyeipu, Kahwang shupshe huyange kahta ja, huke Jesu Khrista shupshe kaiye phapu hunghaowa maapu wangmanne ngai. Rome 5:15 Tuokhei sheminlamphe, kahtawe teipu me ngaipu me ngaipu, yeshukumaa omme mongpu jingne yeje, hupoi shupshe ngohpu Kahwang mepu. Rome 9:16 ... "Kahwange otapalan te tenang, hupoi innenyaipalante shupshe phanang." I Peter 5:5 Hangjingne teman Nokpupa Jesu Khrista hakpa ne ngohyapoi, tuoyangpoi I toiha ne mengpu kaiye numan hakpane mengtamlak jingne I nuinan jingne toihane meng, tuopa shupshe numane shing. II Corinth 8:9 ... Huyangpoi umeken me unu jaalun, shupshe-o ushei tangme jaalun, tuokaiye, tinupawe lipu tangme wanglam lam, huke teman Nokpupa Jesu Khrista kaiye jintepu uyin jingne lijaopa kaiye shupsheye wanglamlam. Rome 5:20, 21 Huyange ungan uyongpuwe lampulane Nokpupa Jesu yange yepu jeng saki pha, huyange shupshi uyong iman ushei tangme ngoh. Lamputoi 4:33 /25 MONGLEPPU "Tuokhei yeshingpu hipaka Kahwange huke ang, huyangpoi, shaapaa ushei yeme kahta usheiye mongluplakyang she Iye ngaokeng phanang." Lamputoi 17:30 "Yeje! Taowe numan te inang numane numan monglepe unulammepu yejei leimaa, numan ushei iman kih-e lilak." Luke 13:3 "Mongleptuo, hangjingne wangdang ahngching owe peiteki." Matthew 3:2 Peterwe imante i, "Numan unu winlak jingne numan mongleptuo, huyange numan kahta liliye Jesu Khrista min me baptituo, huyange Ujao Yaha hunghao numane yahlak." ... "Tuokhei mongleptuo, huyange Kahwang yete luptuo, tuome nakshih Iye numan unu photte winlak." Lamputoi 2:38; 3:19 "Taowe numante iphaning, tuokih-e mongleppu wongpongne yejepu tepeli pentu angyange, aope ja unu mepu mongleppe peilakei I jingne wangdang me mong mei tiyong ngohlak." Luke 15:7 Hangjingne Kahwange mongpuke mongmengne tampuwe, nishe mongyemenglakne, yinyelak jingne mongluppe tamnang. Hupoi Kahtoknyu mongmengpuwe lipu ngaitemnang. II Corinth 7:10 /26 UNU WINPU ... Jesuwe i, "Humaa taoweo nang minyao minle. Taituo, shaaji unu tabling." John 8:11 "Huyange Jerusalem mepu wange jat usheite mongluppu huyange unu winpu I mill me konnyaolak." Luke 24:47 "Hangjingne nunian mih umeng winmaa, numan wangdang upawe numan umeng winlak." Matthew 6:14 Iman utinglakpu Jesuwe nge, huyange yimtin dakpate i, "Cha, nang unu winyangki." Mark 2:5 "... Numane tuo shingyah (Jesu), hatuo kahta kaiye unu winpu numante pongtumnang;... I ahngpa huyange yinyepane menglak, huyange Israel te mongleppe huyange unu winpu phalak jingne, Kahwange yoi yakjah yeme I ongne tau." Lamputoi 13:38; 5:31 Leihuyah, tao taphen shongme yong yange takupte kongnang; litamme u-ngaowung jaiye takup epmaa, tao I tangte onglak, huyange I phei hah yinglak, huyange Iye uphei hahyinglak. Utahte ngaipu 3:20 Temane teman tinu janmaa, temante teman unu winlak huyange yejaoyeshepu ushei mepu teman jaowetam phalak, I me monghumlak huyange utingpa ngohnang. I John 1:9 /27 KAHDOKNYU TOI MEPU YANLAK Hangjingne kahta ushei tangte yinyepu yahpeipu Kahwang shupshe utahte ngaiteki; huyange temane yejaopu huyange kahtoknyu shangpu yejanpe, teuinyuopu, ujao, Kahwangte nyiame tuopa kahtoknyu uyin ngohlak. Titus 2:11,12 Kahtoknyu me ngohpu toite yeje, utangyeme ngohpu toi me numan kenmong angtuo. Colossia 3:2 Numane kahtoknyu yeshukumaa kahtoknyu me ngohpu toilan tahken, Utame kahtoknyute kenmaa, Ipa yahyeng I me yenang, Hangjingne kahtoknyu mei unyei yah hupu, muke unyei yahhupu, huyange uyin otamaohepu, kahtoknyu me ngohpu tuolan khongkumpu Upa mepu yeje, hupoi kahtoknyu mepu ngohnang. I John 2:15,16 Huyange ulick yelickpu wangnyak toi phei tahpang, hupoi iman tingetamtuo. Ephesia 5:11 Utingyelakpu kahtalan' kahtoknyu shumpaa Kahwang wepa she numane yeshing a? Tuokhei aoyinne kahtoknyu shumpa ne menghunang, Iye yoi nying nyingke Kahwang phei wepa ne mengnang. James 4:4 /28 ALANE BUHPU "Kuhpalan kuhlak jingne, toilak jingne huyange mengtamlak Jingne hei peinang. Imane uyin tuolak, huyange hatuowa yeonge tuolak Jingne tao pei." John 10:10 I ujao me ngohnang she numane shmgmaa, humaa aohepawe ujaopa joneang, I-o Imepu puhpu tuopa numane shingnang.. ..Aohe Kahwang mepu puh, lye unu yejon, hupoi Kahwang mepu puhpu pawe yoi nying nyingke tuke angnang, huyange umengpawe Ite yelut she temane shing. I John 2:29; 5:18 Tuokhei kahta utarn Khrista me ngohmaa. I ula ne mengpu. Ulangpa linteki; leituo, ushei ula mengtekl. II Corinth 5:17 Jesuwe Ite jan, "Taowe nangte uting iphaning: I nishe yepuh maa, aoheo Kahwang Ahngching yengelak." John 3:3 Huyange tuokihpu numan yo me utam ngoh, hupoi teman Nokpupa Jesu Khrista min huyange teman Kahwang Yaha me numan poiyangki, numan jaowetamteki numan tingetamteki. I Corinth 6:11 Hangjingne Kahwang uyin huyange jinte ngohpu ngao kaiye mah-hah shepu uli mepu yeje, hupoi yemahlakpa uli mepu numan nishe puh. I Peter 1:23 /29 UNUME LIPU KHRISTA ME YANGEYIPU Aope numan umeng lingpu huyange unu kaiye liye ngoh, Iye numan uyin ne menge tau .... Huyange Iphei teman yange yenetam, huyange wangdang nyoijingme Khrista Jesu me teman Iphei shotne tam. Ephesia 2:1, 6 Unu mepu yane teman li phei me ujaopa jingne uyin ngohlak jingne Iye yoi nying nyingke pe me yoi pum me teman unu ki; huyange I te shutpu makowe numan mei. I Peter 2:24 Numan Khrista phei yangeye she imaa, humaa Kahwang yakjahye me, umeken me Khrista shotte ngohnang, utang yeme ngohpu toilan yomtuo. Kahtoknyu me ngohpu toite yeje, utangyeme ngohpu toi me numan kenmong angtuo. Hangjingne numan li, huyange numan uyin Khrista phei Kahwang me lowe angnang. Colossia 3:1-3 Huyange aoyin Khrista Jesu kahta ne meng imane meilahnyikpu huyange yejaopu tangpem me takyangki. Yaha me teman uyin ngohmaa, temane Yaha phei uneo kemhah. Galatia 5:24, 25 Huke nuinano numan nying nyingke unu mepu yanne li she huyange Jesu Khrista me Kahwang jingne numan uyin ngohnang she teituo. Rome 6:11 /30 AKUM YINANGPU UYIN Aoheye yoi meime deilakei Iye mei mepu mahpu wetlak, hupoi aoheye Yaha me deilakei Yaha me Jintepu uyin wetlak. Galatia 6:8 "Phaonyu jongme hangke Moseswe shekphan yan-pu yonge tam tuokih-e kahta Uha-o yonge tamlak yang, tuopa kaiye aoyinne Ite utinglak jintepu uyin Imepu tuolak." John 3:14,15 "Aoyinne I hate utinglak-lakei Jintepu uyin tuolak; aoyinne Iha ngao yejailakei aopeo uyin yetuo lak huyangpoi Kahwang mongshihpu I tangme jinte ngohlak." John 3:36 "Huyange hatuowa jintepu uyin, imane nang shaha utingpa Kahwang she shinglak, huyange nange aohepa shon tuopa Jesu Khrista." John 17:3 Hangjingne unu kuw-a lipu ngohnang, huyangpoi teman Nokpupa Khrista Jesu me Kahwang jajang japu hunghaoa jintepu uyin ngohnang. Rome 6:23 "Taowe numante uting ipha ning; Aoyine ungao jai, huyange tao shonpu pate utinglak, jintepu uyin tuolak. Ite ngaophenpu yengohlak, huyangpoi lipu mepu uyin chingte taiteki." John 5:24 /31 YINYIPU TAOLAK JANPU Teman Kahwang hayim she Yahawe yoi nying nyingke teman yahaphei saki pha nang. Rome 8:16 Aohe me I Ha ngohnang I me uyin ngohnang, aohe me Kahwang Uha yenang Ime uyin yenang. Aoheye Kahwang Uha min me meng numan tangte taowe nyiannang, hatuowe numan me jintepu uyin ngohnang she shinglak. I John 5:12,13 "Aoheye u ngaokenglan shingnang huyange angnang, I ute kenpupa. Huyange aoheye ute kennang, upawe Ite kenlak, huyange taowe Ite kenlak, huyange taowe unying nyingke Ite utah te ngaiye haolak." John 14:21 Huyange numan I halanne menge, Kahwange yoi ha yaha teman mongjangte shon; huyange tuopa yahawe, "Abba! Opa!" she ungwennang. Galatia 4:6 Tuokaiye I teman me ngohnang, huyange teman I me ngohnang, tuopa Iye temante phapu Yaha kaiye temane shing. I John 4:13 Aoheye lha te yejanlakei, Iye Ipateo yejan ok. Aoheye Ihate janpu oknang, Iye Ipa ngeye oknang. I John 2:23 /32 KHRISTA ME NGOHPU E MONGMEI PHANANG "Shaa tao nangtangte peinang, huyange taowe tuolan kahtoknyu me ngaonang tuome nakshih iinan me wange ngoine tampu umongmei ngohlak." John 17:13 ... huyangpoi taowe numan nishe leilak, huyange numan mongjang mongmeilak, huyange aoheo numan mepu mongmei yah yeteilak." John 16:22 Hangjingne Kahwang ahngchinga hahlak yeshukumaa yinglak yeje, hupoi Ujao Yaha me ujaopa, chingmei huyanye mongmei ngohnang. Rome 14:17 Aohepa numane inannge, tuoyangpoi Ite kennang; numane shaa I yengeyapoi, menge, ineyeokpu mongmei huyange muktishiwa puwe mawe numan mongmeinang. I Peter 1:8 Hangjingne Khrista phei tao tangpem me epteki, huyange tao uneo uyin yenang, hupoi lime Khrista uyin ngohnang; huyange Kahwang uha, aoheye ute ken huyange yoi nying nyingke u jingne pha, Ite utinglakpuwe tao uyin ngohnang. Galatia 2:20 "Umongmeipu numan me ngohlak, huyange tuopa mongmei wang ngoilak jingne, taowe numante tuolan ngao yangki." John 15:11 /33 NOKPUPA TE ATINGLAKLAK WONGPONG Hangjingne Kahwang shaome ngaokeng jaipalan ujaone yeje, huyangpoi ngaokeng jonpalan tingetamnang. Rome 2:13 Numane ngaojaiye aohete yoi nying ngingke rane pha, unu jingne lilakne yeyah, ngao jaipuwe ujaopa jingne jeyah, numane aohete ngao jai I ra numan ngohnang she, numane yeshing pu a? Rome 6:16 Huyange Nokpupa Jesu vunloong me I wong wangdang shongnyingpalan phei wangdang mepu utahte ngaiwante, numan shange pongpu ngepalante toman phei toloimeipu phawe, Kahwang yeshingpalante, huyange teman Nokpupa Jesu pungao umei ngao yejaipalante phuh hahpu phalak. Iman jinte mahlak jingne shangne tamlak, huyange Nokpupa huyange I muktishiwa wongnangpu ompu yenanglak. II Thessalonia 1:7-9 Aoyinne uyin pe tangte peiye wong tuolak huyange peten kaiye chingnyute onglak jingne yoi nyimo shaonang, iman moimanpupa. Utahte ngaipu 22:14 Huyange I wangngoine tamyang pheime, Ite ngao jaipu ushei jingne I uklim yenangpu yinyepu ujungne meng. Hebrews 5:9 /34 KHRISTA TE JANLAK WONGPONG Huyange Upa Kahwangte muktishiwa phawe, Jesu Khrista Nokpupa ngohnang she yi usheiye janlak. Philippia 2:11 "Tuokhei aoyinne kahtalan shishaome tao janlakei, taoweo wangdang me ngohpu Upa shishao me I jingne janlak. Huyangpoi aoyine Kahta shishao me tao yejanlakei taoweo wangdang me ngohpu Upa shishao me I yejanlak." Matthew 10:32, 33 "Hangjingne, nange nang juwe Jesuwa Nokpupa she janmaa, huyange nang mong jangme Kahwange I lipu mepu yange yene tam she mengmaa, nang yinlak. Hangjingne ujaopane menglak jingne kahtawe mongjange mengnang, huyange yinyepu tuolak jingne juwe Iye jannang." Rome 10:9,10 Aoheye lha te yejanlakei, Iye Ipateo yejan ok. Aoheye Ihate janpu oknang, Iye Ipa ngeye oknang. I John 2:23 "Kahta utame ujingne huyange taowe nyaopu konte wuowe teimaa, aope kahta uha yoi muktishiwaphei huyange Upa, huyange Ujaopa shongnyingpalan muktishiwa phei yulakei, I jingne wuolak." Luke 9:26 /35 KASHI TUMAN WEPA Deiyetayah, huyange kenting mongtayah. Waowe-ngohpu yengkong mailangke numan wepa kahshih-e aohe lihpu oklakshe, I yamme kemnang. I Peter 5:8 I yupuwa satanne lingpu mepu ngohlak, huyange mahlaklan jingne tuo ngoiye huyange yepinlakpa ushei huyange ngaolei yashanyali. II Thessalonia 2:9 "Nange iman muk eppe tamlak huyange wangnyak mepu iman wangngaite leppe tamlak, huyange kahshih wongmepu Kahwang tangte ye-etamlak, huyange ute utinglakpu kaiye iman unu winpu oklak huyange Kahwange lepu yo me mothleilak jingne taowe nang iman tangte shonnang." Lamputoi 26:18 Tuophei me kahtshih-e toklak jingne, Yahawe wanwung jengte Jesu woitei. Tuophei me Jesuwe Ite i, "Taituo, Satan; hangjingne hatlio nyianne ngohnang, 'nange nang Nokpupa Kahwangte khumlak, huyange I shaha shaoshantuo.' " Tuophei me kahshiye I ang, huyange wangdang shongnyingpalan pei huyange Ite pao. Matthew 4:1,10,11 Numane kahshih lowelampu kaiye yongoklak jingne, Kahwang wehok o ushei o tuo. Ephesia 6:11 /36 KASHI TANGME OKPU Tuojingne hangke hayimlane mei hei iy ompalanne ngoh, huke Iyeo yoi nying nyingke jakih om, tuowe lipu kaiye lya I mahne tamlak, aoheme lilak ungan ngoh, hatuowa kahshih. Hebrew 2:14 Aoheye unu jonnang, I kahshih mepu; hangjingne kahshih uwang memuh unu om. Kahshih toi mahtamlak, tuopa jingne Kahwang uha utahte ngaiyangki. I John 3:8 Aoheye Khrista yahyeng mepu teman yantemlak shi? Shangepongpu, yeshukumaa mongshang, yeshukumaa shangnetampu, yeshukumaa shenyao yenglepu, yeshukumaa ptimkeng, yeshukumaa wengtuh, hei yanglao, tuolanne oknang ku a? ... Yeje, tuoyin ushei me aoheye temante ken I kaiye teman okpalanphei nehoi shetahpu. Rome 8:35, 37 Tuokhei numan nying nyingke Kahwang phang me ngohtuo, hupoi kahshih teentuo, huyange I numan mepu phette tailak. Kahwang shongte peikei, huyange I numan shongte peikulak.... James 4:7,8 Tuophei me tuopa ngaokeng yejaipa utahte ngaine temlak, huyange Nokpupa Jesuwe I ju luowe I toilak, huyange I yupu utahte ngaipu kaiye I ukengne menge tamlak. II Thessalonia 2:8 /37 YAYIENG, SHONGYINGPANE MENGLAK Taowe kahtalan ngao huyange wangdang shongnyingpa lanke ngaoyapoi, hupoi kenpu yenang maa; taowe nyamkongpu wung yeshukumaa beiwang happu ne meng. I Corinth 13:1 Hupoi Yaha ulick tuolan ngohnang, kenpu, mongmei, chingmei, nunokpu, yahyengpheipu, meipupa, monghumpu, innyaipu, yoi nying nyingke tuke okpu. Galatia 5:22, 23 "Numane ute kenmaa, u-ngaokenglan numane jonlak." John 14:15 Kahta utame, "Taowe Kahwangte kennang she imaa. huyange yoi jeihei naote nu maa, I tahleihpa; hangjingne hanghepa jeiheinao Iye nge Ite Iye yekenmaa, humaa Kahwang, aohe Iye yenge, Ite Iye yekenok." I John 4:20 Ni she Iye Ite i, "John Uha, Simon, nange ute kenya?" Iye Ite i, "Um, Nokpupa, taowe nangte kennang she nange shingnang." Iye ite i, "U nyi yomyah." John 21:16 "Numan teikenpu ngeye usheiye numan u pinlan she shinglak." John 13:35 Temane lipu mepu uyin tangte taiteki she shing, hangjingne temane jeihei naolante kennang. Aoheye yeken, I lipu me ngohnang. I John 3:14 /38 JISU YANGEYIPU "Jerusalem huyange jehudilan kahtok me Iye lingpu ushei jingne toman saki ngohnang. Imane pe me I take toi; huyangpoi Kahwange I nyihuim shepupa me yange yene tarn, huyange utahte ngalye hao; kahta usheite yeje huyangpoi Kahwange toman ao. ym saki ne Ie, huyange I yange yephei me aoyinne Iphei hah-yine yangki, tomante I utahte ngai hao." Lamputoi 10:39-41 Jesu lipu mepu yange yephei me, hat me uwangpa nap, I Mary Magdalen tangte uwangne ngai aohepa mepu laa nyit ngoiye lye jange tei. Mark 16:9 Nylhtet ngohyange I pinlan uneo noksa me ngoh, huyange Thoma imanphei ngoh. Jesu pei, takup yange ngoh, huyange iman yo me yong huyange i, "Numan Phei toloimei ngohyah." Uneye Thomate Iye i, "Nang yaklan tuome wenkei huyange uyakte leiyah; nang yaklan tuome peiye u-hempa te teppe leihu; uting yeakpe tah ngoh, huyangpoi uting lakyah." Thoma Ite jane i, "Unok pu huyange U Kahwang." John 20:26-28 Tuopa Jesu teman unu jingne phenne pha, huyange teman tingetamlak jingne nishe yanee yenetam. Rome 4:25 /39 YANGEYIPU, TUMAN MONGHUM "... hipak peikuki huyange hatuowa shaa ngohnang aope lipulane Kahwang Uha ngaowung jailakei, huyange aoyinne tuopa jai uyin ngohlak. Hatuo ngaote yatashan: hangjingne liye mangjongme ngohpu usheiye I ngao jailak hipak peikuki; huyange iman ushei mang jongmepu ngailak; aoyine umei lingyangki yange yelak huyange uyin ngohlak, huyangpoi aoyine umeng lingyangki yange yelak huyange ngaophenlak." John 5:25, 28, 29 Yeshukumaa teman, hangshin Khrista Jesu me baptitam, teman ushei I lipu me baptitam she numane yeshing a? Tuokhei hangke Ipa muktishiwa kaiye Khrista lipu mepu yange yene tau, huke temano uyin ula me kemlak jingne teman ushei baptipu kaiye lipu me Iphei mu. Hangjingne temane I lipu lepu me Iphei shuppe shamaa, teman I yange yepu lepu meo Iphei shuppe shalak. Rome 6:3-5 Hupoi numan me Khrista ngohmaa,. . . hupoi ujaopawe Yahaa uyin ngohnang. Aoheye Jesu lipu mepu yange yene tau I Yaha me ngohmaa, Jesu Khrista lipu mepu yange yetam pupawe numan me ngohpu I yaha kaiye numan lilak pumteo uyin phakulak. Rome 8:10,11 /40 NOKPUPA TE MUKHISHIWA "Teman wepalan yak mepu yintam yange, ye-nyiampe I shaoshanlak jingne temante lingtamlak jingne, I sheshao me ujaopa me huyange utingpa me teman uyin hipak khongkumpu yin." Luke 1:74, 75 Tuokhei jeiheinaolan, tuolan Janpu ngohtepuwe, temane Kahwangte nyiampu phei ujaopa wangngoi tamme mei hei yaha yejaopu ushei mepu teman nying nyingke jaohah. II Corinth 7:1 "Numan mongleppu yepilakpa haowe taowe numan yengme bapti nang. Aohepa ilpheite peinang upheiwong sheyong pupa huyange I yashom kilak nehoi tao yewang." Matthew 3:11 Ipa Kahwange Yaha jaowe tame phapu me, Jesu Khrista te ngao jailak huyange I iy shaitamlak Jingne lepu huyange nyingetampu mepu. I Peter 1:2 Tuokhei utamme yoi nying nyingke tuolan mepu jaowe ngohmaa, I minyonge tamlak toine wangpu, Nokpupawe jonlak wangpu, huyange toi umei ushei jingne tumme tapu ngohnang. II Timothy 2:21 Hupoi numante nyikpa hangke ujao me ngoh, numano nyoingoh khongkumpu me huke ujao me ngohyah. I Peter 1:15 /41 NOKPUPA TE MUKHISHIWA Tuokhei Jesu-o, I yoi iy kaiye kahtalan jaowe shalamlak jingne, peten kaiye taiye shange pong. Hebrew 13:12 Teman I shishaome I yahyeng me ujao huyange umeng yenangpe ngohlak, kahtoknyu manlingwante Iye teman Khrista me Ie. Kahta ula, aohe Kahwang lepu me ngaotingpa, shemeipupa huyange ujaopa me lingyangki, tuopa otuo. Ephesia 1:4; 4:24 Temane teman unu janmaa, temante teman unu winlak huyange yejaoyeshepu ushei mepu teman jaowetam phalak. I me monghumlak huyange utingpa ngohnang. I John 1:9 Kahwang utingpa ngaolan khakshuwe nyaopa ja ne, I toi jingne yewuope toilingpa ja ne, Kahwang mepu monghahpu lanshe tuolak jingne, nange okpu shinne meiye lingtuo. II Timothy 2:15 Huke tuolan khongkumpu yengne menge tailak she shinge, numan Kahwang nyih peipu hangheye wangdanglan uun me jakke diye tailak, huyange wangme ngohpalan yeonge shempuwe diye tailak. II Peter 3:11 Ushei phei chingmei, huyange shejaopupa hanghepa yekaikumaa Nokpupa yengelak, tuopa ujaopa jange taituo. Hebrew 12:14 /42 YAHAE MAAPU KATA Tuokhei ngapane tah nang, hupoi Nokpupa mongpu hanghe ngoh tuopa shingyah. Ephesia 5:18 "Numan jajashinne yemeiyapoi numan hayim lante toimei phalak shin gkumaa; humaa wangdang me ngohpu Upawe Ite yupalante Ujao Yaha hangshin phalakshi?" Luke 11:13 Huyangpoi I me Ujao Yaha maawe, wangyete leiye, Kahwang muktishiwa huyange Kahwang yakjah yeme Jesu yonge nge. Lamputoi 7:55 Huyange aope imanne yoppe sho, iman jamshe jemme ngohpu nyoi shuipo. Huyange iman ushei Ujao Yahawe maawe ngoh, huyange imanne Kahwang ngao wongnange ngao. Lamputoi 4:31 Hupoi Kahwang Yaha numan me ngohmaa, numan mei me yeje hupoi Yaha me ngohnang. Hupoi aohete Khrista Yaha yenang, lya I jingne yeje. Rome 8:9 "Huyangpoi aope Ujao Yaha numan tangte peilakei numane ungan yahlak ...." Lamputoi 1:8 Hangjingne I kahta umei, huyange Ujao Yaha huyange utinglak puwe maawe ngoh.... Lamputoi 11:24 Huyange Antioch me pinlanna mongmei huyange Ujao Yahawe maa. Lamputoi 13:52 /43 KHRISTAN LANTE JANPU YASHANYALILAK Jesuwe i, "Oklak," "Nange mongmaa! Aohe me utinglakpu ngoh, lampheli oklak." Mark 9:23 Kenneteipalan, numan toklak jingne numan yo me hanghe tokenyaopu uun kih-e peinang, tuopa uwangne ngailak ja ngainang she, numan yatahshan. Hupoi hangshine numan Khrista shangepongpu teitame hanpalan ngohnang, I muktishiwa utahte ngaiwante numan yeonge mongmei puwe mongmeilak jingne, teishinne mongmeiyah. I Peter 4:12,13 "Huyange iman muk mepu mukphi ushei Iye phuttamlak; huyange lipu shaaji yenanglak, mangshaplak yeshukumaa shappu, yeshukumaa shaoshitamlak shaji yenanglak; hangjingne uwangpalan linne taiteki." Utahte ngaipu 21:4 "Huyangpoi uwangne Kahwang Ahngching huyange I ujaopa yamtuo, huyange tuolan ushei numante paowe yahphalak." Matthew 6:33 Huyange tuolan kaiye toinyu huyange shemeipupa uyong janne angpulan temante Iye phayangki; nuweshakpu kaiye kahtoknyu me ngohpu mahlakpa mepu yintepuwe numan Kahwang nyoingoh tamehanpalane mengpu oklak ne tuolan janne angpulan phayangki. II Peter 1:4 /44 UNU ME YETTEPU LAN JINGNE JANPU Hangjingne Iye yoi nying nyingke tokpu haowe shangpu taopuwe, Iye tokpu haopalante jampu oknang. Hebrew 2:18 Chingmei Kahwange numan yaphang me Satan loknetamlak. Rome 16:20 Aoheye tokpume nun-oknang I moimanpu; hangjingne Iye tokpu okyang phei me, uyin shaoshaoh, hanghe Nokpupate kenpalante phalak jingne Iye jan, tuopa Iye tuolak. James 1:12 Hangjingne toman shangpu tantampuwa hanghepa ujingha pu jingne hei ngoh, tuopa toman jingne unyei unyei shake, jinte likum yenangpu muktishiwa shejeipu tumnang. II Corinth 4:17 Kahwangte kenpalan aoyin Iye mongpuke keme ngohnang iman shongme toi ushei jamme umeijingne teiling nang she temane shing. Rome 8:28 Kahtawe nunoklakne tokpu kaiye numan tangle tokpu yepei; huyange Kahwang monghumpu ne menge Iye numane nunoklak tokte kaiye numan tokneyetamphalak, hupoi numane nun oklakne Iye tokpume yinlak jingne lam tumme tamphalak. I Corinth 10:13 /45 OKPULAN JINGNE JANPU "Aoheye oknang I huke o uheng me o-ne tamlak; huyange taowe hangke jam I min uyin laitep mepu photteyewinlak, huyange Upa shishao me huyange I shongnyingpalan sheshao me I min taowe janlak." Utahte ngaipu 3:5 "Aoheye oknang, I uphei u Ahngpa shotjingme taowe shotne tamlak, huke taowe yoi nying nyingke hangke okyange Upa phei I Ahngpa shotjingme shotnang." Utahte ngaipu 3:21 "Aoheye oknang, I U Kahwang yopnok me taowe shongnyu ja ne menge tamlak; huyange I tuomepu shaaji utailak; huyange u Kahwang min, huyange u Kahwang chingnyu, ula Jerusalem, wangdang hei u Kahwang mepu yu, tuopa min, huyange u yoi min ula taowe Ite nyianlak." Utahte ngaipu 3:12 "Aoheye oknang Iye tuolan moth leilak; huyange tao I Kahwang ne menglak, huyange I uha nemenglak." Utahte ngaipu 21:7 "Aohe me na nyim, arogolante Yahawe hanghe inang jaiyah. Aoheye okyapei Ite tao Kahwang chingmei nyoi me hanghe ngoh, tuopa uyin pe mepu hahne phalak." Utahte ngaipu 2:7 /46 KAHWANGE SHUKOLAIPU JEANG TUMAN TE EINANG Nokne mengtepulan jingne taowe inang, taowe yeje hupoi Nokpupawe: nokne mengtepu sheko yoi netanpa tlioyange yeyanlak; hupoi yantaimaa, yha wamnyune menge angtuo, huke yeje-maa yoi netanpa yamme yetuo; huyange netanpawe yoi shekonyu tahwin. I Corinth 7:10,11 Hangjingne netanpa ngohpu sheko ja yoi netanpa uyin me ngohwante ngaokenge netanpa phangte shinyange ngohnang, hupoi netan limaa, netanpa ngaokeng mepu yha lanteki. Tuokhei, netanpa uyin ngohwante yhawe ulao netan tangte taimaa, yha phwngngamnyu she nyiklak. . . . Rome 7:2, 3 "Aoheye yoi sheko teiyange sheko ula yahlakei, Iye phwngngampu toi jonnang; huyange aohe netane yanne ngoh pu sheko yalakei I phwng ngam nang." Luke 16:18 "Huyangpoi taowe numante inang aoheye yoi sheko yantemlakei. Huyange yha yemeipe yengoh, yha phwngngam ne tamnang; huyange aoheye yanne ngohpu sheko yahlakei phwngngam pu toi lingnang." Matthew 5:32 /47 KHRISTA NISHE YUKULAK "Huyange tao taiye numan jingne nyoijing temkumaa, tao koke yelak, huyange taowe numan uphei teilak, tao umeken me ngoh tuoken me numano ngohlak." John 14:3 "Tao mamshe peikulak; nang shaoshaoh aoheo uyalak jingne, nangme hanghe ngoh tuopa mongjuonge tuktuo." Utahte ngaipu 3:11 "Hangjingne kahta utame ujingne, huyange tuopa utingyelak pu unu jinme ungao jingne, waumaa, aope Ujaopa wangdang shongnyingpa lanphei Ipa muktishiwa me I yulakei kahta Uhawe I wautuotamlak." Mark 8:38 "Huwante wangme Kahta Uha yepinlakpa ngelak, huyange huwante kahtoknyu jat hei lilan usheiye mongjangte tuppe shaplak; huyange imane kahta Uha wangphom me ungan hei muktishiwa uyong pume yupu ngelak." Matthew 24:30 Numaneo nunne ngohtuo: numan mongjang wongnangyah, hangjingne Nokpupa peilak hipak u-o-me ngohnang. James 5:8 "Hangjingne wanghe ongjing yemepu hangke wangluppe ngai, huyange wanghe nyipjing ngoiye ngenang, hatuokih kahta uha peipu ngohkulak." Matthew 24:27 /48 KHRISTA NISHE YUKULAK Huyange i, "Galilee kahtalan, numanne hangne wangyete nganne yongpu shi? Hatuo Jesu, aohe numan mepu wangdangte woi in, numane hangke I wangdangte onge nge, hatuo kihmuh I yukulak." Lamputoi 1:11 "Leihu, tao kuhpake peinang! Aoheye pum keng me yekemlak huyange wuoyetuolak jingne tumtawe ngohnang, huyange o tume angnang, I moimanpu!" Utahte ngaipu 16:15 Mongkenlan, shaa teman Kahwang hayimlan ngohnang, huyange phei me teman hanghe ne menglakei tuopa uneo utahte manngai. I utahte ngaiwante teman I kih-e ngailak, hanejinene I hangke ngoh, huke muh temane I ngelak, tuopaa temane shingnang. Huyange Ite aoheye tuopa monghumpu ngohnang, I hangke jaowe ngoh, I-o huke muh yoi nying nyingke jaonang. I John 3:2, 3 "Tuokhei numano, tumyange ngohya, hangjingne numane yeteituopu hipak jame kahta uha peikulak." Luke 12:40 "Hangjingne kahta uha yoipa muktishiwa me wangdang shongnying palan phei peilak, huyange kahta lilite Iye lingyangpu me tokyange hunghao Iye phakulak." Matthew 16:27 /49 Kahwang Ngao Hangjingne hi-ngao aopeo kahtawe mongpuwe yepei, hupoi kahtalanne Ujao Yaha-e henge Kahwang mepu ngao. II Peter 1:21 Hangjingne Ngaolai ushei Kahwange yuwetam huyange tuopaa utingpa, umeng jingne teetampu, puopu tingtampu, huyange utingpa uyin ngohlak jingne tingetamme nyaolak jingne shunang. II Timothy 3:16 "Uyin phapuwa Yaha ngohnang; meiye hangmeo yejam. Taowe numante hanghe ngao ngaoyangki Yaha huyange uyin ngao ngohnang." John 6:63 Yoppu Huyange Umeng Winpu "... Wangdang me ngohpu Opa, nang min Ujao huna, nang ahngching peikei, wangdang me hangke ngoh, kahtok nyume nange mongpu kih lingyah. Tenyih tomante toman nyihjei hahlak yakei. Tomaneo mih umeng winyangki, hatuokih toman umeng winpha; huyange toklak jingne toman tahwoi, huyangpoi umengpa mepu toman tukyah. Hangjingne numan mih umeng winmaa, numan wangdang upawe numan umeng winlak; huyangpoi numane mih me ngohpu iman umeng yewinkumaa, numan upaweo numan umeng yewintamlak." Matthew 6:9-15