Liangmai "KAKU LAMSU NKHABO" haise Masanbo Charao gasu kha maduibo ladriangdung-e. Masanbo Charao gu withubo lamga raokhaibo sira Bible haise siakge chiubo Ira malumme. "Kaku lamsu" Tingwang ladkeng wangbo haise tacheng matipra lunechun leng mariu charimai long gengsiakbo-e. Mai khatniu lungh lujiu nuan phutlujiu, Rapiu gasu Khrista tu palungga lungra kusai, khatdi palungchun pakhiangna niu Rapiu Jesu Khrista tu Rankhaipao-e chiujiu malum khaisai, Rapiu papumsiak niu pakhuga paken dikhaibine khatdi pagu ringabo hai agimanaibose malum mai lungchunga pikhai bine. Haise Iniu 1937 ga silujiu maisuang habo Rapiu pagu chakinthiubo gasu Iniu kampang makge. Nangmu haichiu lumak kinsai, Tuhoi gasu pakhuga natu Rankhaipao-e khatdi Rapiu-e chiujiu kamra Iniu nakhuga khengbo-e. - Watson Goodman /1 TINGWANG GU LUNGSABO Rommai 5:8 Chiudi Tingwang niu aliutu dejiukha lungsalo chiubo pingao khai-e, sisera aliu nuan mai thiujiu bamniuboga Khrista niu aliu leng shaikhaide. Johan 13:1 Haise Kenpadbo Ngi masuang nai si-e. Paniu haibo kadihpiri haitu phutkhai lujiu Papiu khulam wanglan mine chiubo Jesu niu si-e. Haibo kadihpiri ga bambo pagu hinatu paniu lungsa-e, sichiujiu paniu paliutu kanambo wan tangjiu lungsa khaine. Madukhaibo 1:5 Kadihga chawang maidung riga chawang khatdi kashaimaidung ruangganiu manarai kalubo, malum kabuibo jengdin Jesu Khrista khuganiu lungsabo khatdi agimanaibo naliu riga wang kalubo thiululo. Johan 3:16 Palamra Tingwang niu kadihpiri haitu haijiukha lungsakhai-e, chiubora paniu panah pumlibo situ pikhai-e, sichiujiu patu malum mai hina shaimakjiu ting theng ringbo daorabo-e. Jeremiah 31:3 Iniu nda paliutu lenkhai mibo-e. Israel maidung yo, Iniu naliutu lungsa saomakjiu bambo-e. sijeng niu naliutu Iniu lungsabose lenkhaijiu bamne. /2 JESU KHRISTA GU CHARA LUNLUNG Aliugu tacheng haise dejiukha kungbo gulo chiubo maikhat niudi mangai silakge: Pahai chamaina lunlungga lenkhai mibo-e, sichiujiu Hiupuina ga majibo lenkhai mibo-e, sise mazadungniu ngaomibo-e, patu hai jat hina ruangga dinruan mibo-e, sichiujiu kadihpiri pakhiang naniu malum mibo-e khatdi tinggen lam lusu mibo-e. I Timothy 3:16 Mathi 1:22, 23 Haidung hinase Rapiu niu phaimiu kakung khuga dinkhai mibose padra leng-e, "Hainih, Liuchangpui khatniu papum ritjiu panah khat lungsune, sichiu pazanse Immanuel chiujiu kune" (Parambara "Tingwang aliutu maluang bam mine"). Johan 14:9b, lOa "... Atu ngao lumai hina Papiu tu ngao lubo-e. Sichiusai nangniu dechiujiu Papiu tu aliu khuga lenkhailo chiujiu dinbolo? Philip, nangniu malum makjiuma? Tuhoi hai Papiu khuga bambo-e khatdi Papiu siniu akhuga bambo-e." Johan 1:1 nai 14 Kadihpiri dammak gasu Ladkengse bamniubo-e, khatdi pahse Tingwang nai nchamme. Sichiujiu Ladkeng siniu chamaina lun thiuwangbo-e, khatdi lungsiat nai majibo niu phui lujiu aliu ruangga lungwang-e.... /3 TINGWANG NAHPIU JESU I Johan 4:15 Mai khatniu Jesu hai Tingwang Nahpiu-e chiu dinsai Tingwang pakhuga bamme, khatdi pah Tingwang khuga bammibo-e. Kolosimai 2:9 Delosai Khrista gu manuanbo lunlungga Tingwang gu lunlung hina bamme. Isaiah 9:6 Palamra aliu leng ngena khat pikhai bide! Aliu leng piumainah khat lungkhai bamde! Sichiujiu paniu aliugu mawangpao thiurabo-e. Patuse, Maisuang habo, Ladtikhaipao, Kangambo Tingwang, Tingthengjeng Piu, Agimanaibo chawangnah piu chiujiu kurabo-e. Luk 1:35 Maza siniu kenkakge, "Masanbo Hiupuina siniu nariga wangrabo-e, sichiujiu charawang pumtan nariga kiurabo-e. Haijengniu masanbo ngena situ charawang Nahpiu chiujiu kurabo-e." Mathi 17:5 Paniu haichiu dinbamga, kabenbo kamuang khatniu paliutu gom majiu lujiu chakhuan khatniu dinne, "Haise Iniu lungsa kakungbo Anahpiu-e, Iniu pakhuga alung kiu-e; paniu kadinbo piulo!" /4 PAH SAOLO CH1UBO JESU NIU ALIU KHUGA DINKHAI-E Johan 8:23 Jesu niu paokakge, "Naliura haibo kadihpiri hangga lungbambo mai-e, chiudi Ira kaku lamsu wangbo-e. Naliura haibo kadihpiri gu-e, chiudi Ira haibo kadihpiri gasu makge." Johan 11:25 Jesu niu pakhuga dinne, "I hai ringsu lanbo khatdi karingbo si-e. Atu malumbo mai siniu shai midi ringabo-e." Johan 9:5 Iniu kadihpiri ga bamthen, I hai kadihpiri nbiu-e. "I hai karingbo taruak si-e," chiujiu Jesu niu paliu khuga dinne, "Akhuga wangbo pah siniu wadaodi mariu lakge; atu malumbo pah siniu wadaodi chari lakge." Johan 6:35 Johan 13:13 Naliuniu atu katipao khatdi Rapiu chiujiu ku-e naliuniu kambo hai maji-e, palamra sise I-e. Jesu niu paokakge, "Iniu naliu khuga pachang siakjiu dinbo-e: Abraham tu mana makhaga I bam niubo-e." Johan 8:58 Sijengniu Jesu niu dinlanne, "Iniu naliu khuga pachang palingjiu dinbo-e: Ira milidung gu kamun si-e." Johan 10:7 /5 JESU NIU TASIBO KASIA TENKHAIBO Luk 5:5, 6 Simon niu paokakge, "Katipao, nchun aliu thonsangbo-e, chiudi wadi kamlu makge. Sichiudi nangniu dinbo saisuijiu Iniu thonkhaine," Paliuniu thonkhai gapboga chakha kengga thonpadjiu alangse kekra kum mide. Mathi 14:19-21 Maidung situ chapiu riga ntao kiura pahniu chamtan pi-e; sichiujiu pahniu taruak khuang mangiu nai chakha pui niase thinlujiu, tinggen lam ngangkhangjiu Tingwang tu thuanne, pahniu taruak khuangse thenpang lujiu khommaidung tu pikhaide, khommaidung niu maidung tu njan khaide. Mai hina tiu magiu kam lude, sigasu tiu malipadbo khommainiu chabeng kariu-ja-nia-kiu khoi madui lanlu-e. Siga tiumaidung npui-nna jao-makjiu mai sang mangiu kumbo-e. Mathi 20:30 nai 34 Chiusai phuilo, pamik tiatmai khangnia npui mungga bamlujiu Jesu wangkinbo chiulujiu senjiu dinne, "He, Rapiu, David nahpiu, anaitu lungsa khailo." ... Siniu Jesu niu panaitu lungsajiu panai mik dikhai-e, chiukhai gapda panai mik ngao mine, siga panai pasai suimide. /6 JESU KHRISTA HAI DAMPAO KHATDI RAPIU-E Ibrimai 1:2 Chiudi haibo kanambo tingmik lungga panahpiu pen gasu paniu aliu khuga dinkhai-e papen gasu Tingwang niu ting-kadih dambo khatdi damsubogu mania pakhiang nagu papao thiura Tingwang niu patu kadapad mibo-e. Palamra Khrista shaikhai mide khatdi ringsulan mide, chiusai pahai kashaimai nai karingmai Rapiu thiurabo leng-e. Rommai 14:9 Delosai Tingwang niu wahina papen gasu damkhai-e, tinggen lam bambodi, kadihga bambodi, ngao tanglubo, ngao tangmakbo, hiupuina gu pumtandung, papaodung, mawangpaodung khatdi pumtan thinmai hinatu Tingwang niu papen gasu khatdi paleng damkhai-e. Kolosimai 1:16 Papen gasu Tingwang niu mania hina damkhai-e, gandam khat nagadi papen ganiu makjiu dambo ha-e. Johan 1:3 Sijengniu Israel maidung hinaniu haise masanjiu silulo chiubora naliuniu ju-maseng khaimibo Jesu haisiaktu Tingwang niu Rapiu khatdi Messiah pithiu khaimibo-e. Tenkam 2:36 I Korinthmai 1:9 Mai hina malum kabuibo piu Tingwang-e, pah naliutu panahpiu Rapiu Jesu Khrista tu majang khat thiu raleng kulune. /7 JESU KHRISTA HAI MATHIU GU LADJAN PAO-E Chiusai chaganniu ruanna tiubo nang dekamjiu nasingnamai piriga ladjan thiubolo? Khatdi wakata hina, tiubo nang dekamjiu nachi-nanamaitu wajeng chakkhai makjiulo! Tingwang niu aliu mathiutu pama suangga ladjan thiurabo-e. Rommai 14:10 Sai pasuangga jat hinatu khom madui wangsune, khatdi mili khommai siniu kamidung ruang gasu militu kadatambo kumjiu paniu paliutu baonia thiujiu khaitam sune. Mathi 25:32 Papiu siniu maikhat tudi paruanna ladjan thiumakge Nahpiu siniu ladjan thiura paniu pumtan hina pikhai mide. Johan 5:22 Agu kawicham saisuijiu, kanambo nai Tingwang niu Jesu Khrista pen gasu mai pakhiang nagu ka-nbaibo maning hina ladjan thiurabo-e. Rommai 2:16 Kashaimai nai karingmaitu ladjan thiurabo Tingwang nai Jesu Khrista suangga Iniu naliutu chamtan thiujiu dinbo-e, palamra pahse mawangra chawang kumjiu wangkiune. II Timothy 4:1 Tenkam 10:42 Sichiujiu pahniu aliutu maidung khuga kawicham dinruanjiu khatdi patuse ringbam mai khatdi kashaimaitu ladjan thiura Tingwang niu kadalubo-e chiujiu din madura chamtan pikhai-e. /8 RANKHAIBO HAI KHRISTA GASU RUANNA-E Ibrimai 5:9 Pahse lui tathui lubo jengniu; pah kadin piumai hina leng, pahse tingtheng ringbo rankhaibo phibang thiulude. Ibrimai 7:25 Sijengniu papen gasu Tingwang khuga wangmai hinatu paniu tingthengjiu rankhai ngamme palamra paniu Tingwang khuga tingtheng lungjiu paliu leng khengbamme. Tenkam 4:12 Juringbose pakhugasu ruanna daorabo-e; aliutu rankhai ngamra ting-kadihpiri lungga Tingwang niu maikhat khugadi pikhai makge. Johan 10:9 I hai rengmun si-e. Akhugasu wangmai hinatu rankhai bine; paniu tadpad tadngutjiu piubuanse daora-e. Johan 14:6 Jesu niu patu paokakge, "I hai npui si-e majibo si-e khatdi karingbo si-e, akhugasu makbo maikhatdi papiu khuga wanglu lakge." Johan 8:24 Sijengniu naliu khuga Iniu dinbo-e chiubora naliu nuan ga naliu shairabo-e, "I hai I si-e" Chiubo naliu malum maksai naliu nuan ga naliu shairabo-e. /9 RANKHAIBO HAI KHRISTA GASU RUANNA-E Kabenbo wangdih ga Tingwang pamaidunggu dam lubuibo thiura naliutu damkhaibo papiu tu chunwijiu thuanlo. Tamiubo pumtan gasu paniu aliutu gukhai-e khatdi paniu lungsabo Nahpiu wangdih ga aliutu juwangkhaide, sichiujiu paniu aliutu khenrang thiukhai bide, sisera aliu nuan situ kuak khai bide. Kolosimai 1:12-14 I Korinthmai 1:30 Chiudi Tingwang niu Khrista Jesu tu naliu khat thiura pikhai bide, khatdi Tingwang niu Khrista tu aliugu ningting thiura kamkhai bide. Pahniu aliutu Tingwang khuga kam majikhai bide, sichiujiu aliu Tingwang gu masanbo mai thiukhai bide khatdi khenrang thiukhai bide. Tita 2:14 Pahniu papumsiak aliu leng pikhai lujiu kawibo kamra machun bammai aliutu kasabo gasu ranpad lujiu, masanmai thiujiu pamai thiura kamkhai bide. Madukhaibo 5:9 Paliu luisan thiu-e: "Anah khuanse thiusura khatdi pagu madanse lepadra nangra bui-e. Palamra nang kamshat khai mide, sichiujiu nangniu khengkhai mibo nasit siniu Tingwang leng jat hina gasu, chakhuan hina gasu chakik hina gasu khatdi tajah hina gasu liulude." /10 KHRISTA ZAINIU KHIUMASANBO Rommai 5:9 Pazai ganiu aliutu kam majikhai mibo jengniu, nkiu-kenjiu aliutu Tingwang lungpom gasu rankhai birabo-e. Ephesamai 1:7 Palamra aliu khenrang thiura khatdi nuandung kuak khaira pazainiu aliutu liulude. I Pitor 1:18, 19 Palamra naliu pao-peh khugasu phungwangbo pageng kahabo lunlung gasu naliutu khipad khaira paman pimide chiubo naliuniu sibamme. Haise kachia rangkang kumjiu hamirabo niu makge. Haise paman kungbo pajam-para habo milipoi, Khrista gu rathak siniu-e. I Johan 1:7 Chiudi pabiu kabenbo ga tadbamsai, aliu khatniu khattu akatjiu aruang kinbo-e, chiusai Nahpiu Jesu Khrista zainiu aliu nuan tuna khiu masan lumide. Ibrimai 9:14 Haichiujiu Khrista zai siniu dejiukha pi machang khailo! Hiu- puina pen gasu Tingwang khuga tathuibo thiujiu katkhai mide. Pazai siniu gengmakbo racheng gasu aliu lungchunse kam maji khaijiu, ringbambo Tingwang tu machabo gase aliutu piukhai bi-e. /11 KHRISTA TU MALUMBO GASU JURINGBO Palamra Tingwang lungsiat pen gasu malum lubo naliutu Rankhai mide. Haise naliuniu matan lubo makge, chiudi Tingwang gu kalen-e. Mai khat niudi chaliang mimakra taten gasu makge. Ephesamai 2:8, 9 Rommai 5:1 Malumboniu aliutu kam majikhai mibo duanniu aliu Rapiu Jesu Khrista zan gasu aliu Tingwang khuga agi-manaibo bamme. Galatimai 5:6 Jesu Khrista khu lamra chagi romdi rommakdi wadi kamlura ha-e, chiudi lungsabo pen gasu wakam kakinbo malum si-e. Tingwang nahmai hinaniu kadihtu ngamlude, palamra kadihtu ngamlubo haira aliu malumbo pen gasu-e. I Johan 5:4 Johan 20:31 Chiudi haidungse raokhaibora Jesu hai Tingwang Nahpiu Messia si-e chiubo naliu malum lura leng-e; khatdi naliu malumbo pen gasu tingtheng ringbo naliu daolura leng-e. Johan 6:28, 29 Srjengniu paliuniu pakhuga maniu-e, "Tingwang ten thiura aliuniu degu kam ralo?" Jesu niu paokakge, "Tingwang niu naliutu lunibo sira paniu langkhaibo patu malumbo si-e." /12 TINGWANG LUNGSIAT Tathoilui 103:11 Tingpuk siniu kadihpiri gasu kujiu kabam kum, patu pingjiu bammai riga pah lungsiatse dijiu bamme. Tathoilui 103:17 Chiudi Rapiu tu pingjiu bammai lengra pah lungsiatse tingthengjiu bamme, khatdi pagu kawibose chaken hina riga bamroe. Micah 7:18 O Rapiu, nakumbo rah mai khatdi ha-e; nangra ring masiak bammai nahmaidung nuan kuak khaibi-e. Nalungpom sira tingtheng makge, chiudi nalungsiatse aliu riga lenkhaira nachunne. Tathoilui 108:4 Nagu saomakbo lungsiatse tinggen ga khangtang bamme; nagu malumbuibose tingpuk ditang bamme." Kiuhuibo 3:22, 23 Rapiu gu saomakbo lungsa nai lungsiatse bamkha-e. Nsuan kasanbo kum, naimik padsao makbo kumjiu. Tita 3:5 Haise aliuniu kawibo kambo ganiu makge, chiudi pagu lungsa penniu kasanbo ringting gase Masanbo Hiupuina pen gasu aliutu khiukhaijiu mana kasan khai bide. /13 PAKHUGA WANGRA TINGWANG NIU ALIUTU 13 KUJIU BAMME Mathi 11:28 "Chabang karipbo phungjiu magenthiu chariu mai hina akhuga wangle, Iniu naliutu pi mathak khai bine." Madukhaibo 22:17 Hiupuina nai naopaopui niu dinne, "Wanglo!" Haise kachiumai hina niudi dinlo. "Wanglo!" lunimai hina niu ringbo duise paman thiumakjiu wang lulo. Isaiah 55:1 Rapiu niu dinne, "Wanglo charijiu bammai hinahaiga tadui bamme! Senlan hamai naliu wangjiu katiu liulujiu tiulo! Wanglo! Jao nai nduise liu lulo naliuleng matha pikhai bine!" Johan 7:37 Kanam thubo khatdi para thiubo ngi naise Jesu niu chapsu lujiu, pakhuan tanjiu dinne, "Charimai hinaniu akhuga wangjiu sak lulo." Isaiah 1:18 Rapiu niu dinne, "Tuhoi aliu chalad tap lukhe. Nanuanse tazai kumjiu hengbamdi, Iniu natu kabun kumjiu kam masan khai bine. Nanuan siniu hengmumtik bamdi, Iniu natu ehamigiu kumjiu kamka khai bine." /14 CHAMAI HINASE TINGWANG NAH MAKGE Haigasu Tingwang nahmai nai charasabo nahmaitu sitam lubuie, mai khat niudi majibo ten thiumaksai makdi pasingnatu lungsa maksai Tingwang khulam suimakbo-e. I Johan 3:10 Rommai 8:14, 15 Tingwang Hiupuina niu majangkhai bibo maidung hina Tingwang nahmai dung-e. Palamra naliuniu pinglan raleng kabang thiubogu Hiupuina daolubo makge; chiudi naliu Tingwang nahdung thiulura Hiupuina daolubo-e. Haijeng gasu aliuniu "Abba! Apiu!" chiujiu senne! Chiusai naliu kadih haiga chamai maji kamakmai khatdi kasamai ruang ganiu naliu mao-meng hajiu tinggen ga chahiu chagan kumjiu Tingwang nahmai kamasan mai thiu lulo. Philipp. 2:15 Sijengniu Rapiu niu dinne, "Naliu simaitu maren lujiu naliu ruanna bam tamsin lulo; khatdi masan makbodung niatulo; chiusai Iniu naliutu lukhai bine. Khatdi I naliu piu thiune, sichiujiu naliutu pi anahpui anahpiu thiukhaine," Chiujiu Ngamkam-kambo Rapiu niu dinne. II Kor. 6:17,18 Chiudi maidung khangsianiu patu lukhai-e, khatdi patu malum khai-e, sichiujiu paniu paliutu Tingwang nahdung pithiu khaira pumtan pikhai-e. Johan 1:12 /15 JAO SAKTANBO LAMGA TINGWANG NIU DEGU DINLO Rommai 13:13, 14 Jao sak maniubo, makhabo mangambo ten kam makjiu n-gi athao thiubo makjiu kabenbo tingmikga lungmai kumjiu matun majijiu lunglulo. Chiudi Rapiu Jesu Khrista gu chari maniase thinsulo, khatdi chamai pumgu tiutek phiubo khatdi chapumgu masen masiabo pitang khaibose kamta milo. Galatimai 5:19-21 Chiusai chapumgu dinlen khai-e, sisera npui npiu thiubo masan kamakbo, kajitbo; charameng kahumbo, karah khaibo, marengbo, n-gi athaobo, manmabo, chalung pombo, paleng sibo, thao masabo, chamiu mareng thiubo; tiusak maniubo, haitu machambo hina ten kam bammai hina Tingwang dihga ngut lakge, chiubo Iniu naliuga raijiu pisikhai mibo kumjiu Iniu tuhoidi naliuga haibo lamga pisikhai masuangbo-e. Kadincham 23:31, 32 Wadao khatdi jaoniu natu hiammi tulo. Haise luang marenjiu patah tapongjiu bambo sui-e. Pasaibo nai nsuan padsai natu kaniuniu machao khaibo kumjiu bamniu rabo-e. /16 LUNGCHUN MASANBONIU BUIMAKGE Mathi 22:37, 38 Jesu niu pakhu paokakjiu dinne, "Nangniu na Rapiu tu nalung pakhiangna, nahiuna pakhiangna khatdi nachun pakhiangna jaojiu lungsa rabo-e." Haise dithubo khatdi nkiu thubo ladrianne. Mark 10:17-22 "... kawibo katipao, tingtheng ringbo daora Iniu dekam ralo?" Jesu niu pakhuga dinne, "Dekamjiu nangniu atu kawibo chiujiu kujiulo? Tingwang makbo mai khatdi kawibo ha-e. Ladrianse nangniu sijiu bamme: Maitu gi-mane; mainao mainahki kiu mane; aga mane; kalik mane; arat mane; napui napiutu chakhuang thiulol" dung hai Iniu nda nating gasu majaijiu lungkhang mibo-e." Lungsabo mikkhuanniu phuilujiu dinne, "Nangniu wakhat machang makha-e. Tadlujiu, nagu kabambo hina khai bilo; lung kalakmai khuga njan khai bilo; sichiusai tinggen dihga nang kalekwi rabo-e; sichiu lujiu wanglo khatdi asai suilulo." Sinapiuniu haise chiuluboga, pazu kin masuk mide khatdi pachun sajiu tadmide, palamra pase kaiek wichang wibo piu-e. Kadincham 16:25 Nang niu maji-e chiubo npui Seniu kasaibo ga jukhai Sui-e. /17 NALIUTU SONMI TULO Ephesamai 5:6 Mai khatniudi wadi makbo chamniu naliutu sonmi tulo, palamra maicham majai kamakmai nahdung riga Tingwang lungpom wang gu-e. Naliuniu chalad situ ka-nkingbo mai thiu makjiu, kakam maise thiu lulo. Jacob 1:22 I Korinthmai 6:9, 10 Tacheng matip makmai tinggen dihga ngut ngam lakge chiubo naliuniu simak jiuma? Naliutu pikam arat khaimi dulo; kamakhamai niudi maksai charameng kahummai niudi, maksai agahmai niudi, maksai npiumai karai kasa kambo mai niudi; maksai ka-agamai maksai maigu kachanginmai, maksai maniu kanimai maksai chalad kasa dinmai maitu khanmai, maksai maitu kapin tiumai, Tingwang kadihga ngut lakge. I Johan 3:7, 8a Anah maidung, mainiu naliutu sonmi dulo, mai khatdi maji kam kinmai pase tacheng matipbo kumjiu simaidi tacheng matip rabo-e. Mai khatniu nuan kamsai para chara kasa gasu-e, delosai chara kasa sira karai gasu maojiu bambo-e. Chiusai mai khatniu patu walun makdi paruanna patu wakam lura maningsai, simaira paruanna patu sonkinbo-e. Galatimai 6:3 /18 NUAN NIU KASHAIBO PHUNGWANG-E Rommai 5:12 Sijengniu mai khangkhat gasu nuan kadihpiriga wangmine, khatdi nuan gasuniu kashaibo wang-e, sichiujiu kashaibose chamai hina khuga wangtangde, palamra mai hina nuan ten mide. Jacob 1:15 Sichiujiu masenbo siniu pawan phungmiboga nuan mana padboe, khatdi nuan siniu dikhangboga kashaibo padle. Ezekiel 18:20 Nuan tenbo hinase shairabo-e. Papiu niu kamaobose panahpui niu, maksai panahpiu niu kamaobose papiuniu phunglakge tacheng matipbo mai riga tacheng matipbose bamrabo-e, khatdi kasa kammai riga kasa kambose bamrabo-e. Chamaina maning sira kashaibo-e, chiudi Hiupuina gu maningra karingbo khatdi agi-manaibo-e. Rommai 8:6 Luk 15:32 Sichiudi aliu chunwijiu matharabo-e, palamra nasai kariupiu haisira shaimibo-e. chiudi tuhoi pah ringwang lanbo-e; pahai hamibo-e. chiudi tuhoi patu daolan lubo-e. Majibo kamra machun bammai ringrabo-e chiudi kasabo ngam kamra matan bammaira shairabo-e. Kadincham 11:19 /19 KHRISTA NIU KASHAIBOTU NGAMLUDE Luk 7:14, 15a Sichiujiu pahniu tatingse dikhaiboga situ ponkinmai mathak mine. Jesu niu dinne, "Akhangpiu yo, Iniu nakhuga dinbo-e, sumilo!" Siga kashaibo piu sumine, chiuja npao sumi-e. Johan 11:43, 44 Haichiujiu paniu dinkhai lubosai, pakhuan tanjiu ku-e, "Lazar, npatlo." Siga paphi pabense ratman lujiu khatdi pazuse domkhai bambose palunjiu ripat sude. Sichiujiu Jesu niu paliu khuga dinne, "Patu khipad milo khatdi pitad khailo." Johan 10:17, 18 Papiu siniu atu lungsa-e palamra Iniu paliutu lukhai lan lura agu ringting pikhai-e. Mai khat niudi agu ringting hai akhu gasu lulan ngam lakge. Iniu akhenarang thiujiu pikhaibo-e. Iniu pikhaira khatdi lulan lura agu pumtan bamme. Haise apiuniu atu pikhai mibo chamtan-e. Madukhaibo 1:18 Khatdi Ira ringbambo si-e, Ira shaikhai mibo si-e, chiudi phuilo! Ira tingtheng ringbam mine. Amen. Khatdi I kashaibo nai charuidih gu khamten thiu kiune. /20 TINGWANG GU CHAMTANDUNG Tajaidung 5:7-21 "Atu makbo chara kakitu kahum mak rabo-e. "Tinggen lamdi, maksai kadihpiri gadi, maksai kadih hang tadui hang gadi naliu charameng kam mak rabo-e. Naliuniu charameng suangga makhumkiu mak rabo-e khatdi kahum mak rabo-e, palamra I hai Rapiu na Rawang-e,... "Kasabo lamga azan hai thin mane, palamra azan thin maomai hinatu Rapiu na Rawang Iniu sajai pirabo-e. "Mathakbo nai haitu thin masanjiu n-nid silo, palamra Rapiu na Rawang Iniu natu chamtan pibo-e. Nangniu taten thiura jeng charuk bamne .... "Napui napiutu chakhuang thiu silo, palamra Rapiu na Rawang Iniu natu chamtan pibo-e .... "Nangniu maitu gimak rabo-e. "Nangniu makhamak rabo-e. "Nangniu agah mak rabo-e. "Nangniu mai khat tudi arat dinmak rabo-e. "Nangniu naki ningmai naotu luni mak rabo-e; nangniu pakitu, palutu, pabangtu, pakhaoruitu, maksai pagu bambo situ masia mak rabo-e." /21 TINGWANG KHUGA NANG NBAI NGAMLAKGE Jeremiah 23:24 Mai khatniudi Iniu ngao ngam makbo gasu nbai ngamra ha-e. Tinggen nai kadihpiri pabam hinaga I bamme chiubo naliuniu simak jiuma? Kadincham 15:3 Rapiu niu pabam hina phui bamme; aliu niu kawi kam bamdi, kasa kam bamdi pah aliutu phuijiu bamme. Tathoilui 139:8 nai 12 Iniu tinggen lam khangdi, nang siga bamme Iniu charuidi lam kiu nang siga bamme. Tamiubo sidi nanglengra tamiu suan makge, nchundi n-nien kumjiu bamne nalengra. Tamiubo nai kabenbose nalengra macham kamme. Luk 8:17 Baikhai kami hinara khoilen kamrabo-e khatdi mahimbo hinara kabenboga lenkhai kamrabo-e. Job 34:21, 22 Paniu maihina phikemse phuijiu bamme. Tingwang khugasu nuan mai khatniu bai ngam lurabo tamiubo wakhat gadi ha-e. /22 CHARA TU SIMAKMAITU TINGTHENG KAM MATHADRABO Mathi 13:41, 42 Chamai Nahpiu siniu pagu mazadung tu langpadjiu pawang kadih gasu maidungtu nuan ga jukhaijiu bammai khatdi kasabo tenmai hinatu khom maduijiu, paliutu chami taobambo chamijaiga thonkhai rabo-e, siga paliu kapjiu paliu hiu n-giat bamne. Mathi 18:8 Nbenniu maksai nphiniu namalumtu kam maha bamsai, sise danthon milo! Nben nia, nphi nia bamjiu midlan makbo miga thonkhai mibo suang nben khat maksai nphi khat hajiu karingboga ngutboniu wi nkiu-e. II Pitor 3:7 Chiudi tuhoi bambo tinggen nai kadihpiri haise, chaminiu kam mahara sibo Tingwang gu chaintanniu bambo-e. Haise charatu simakbo maidungtu ladjan thiu-jiu khatdi kam maha mirabo tingmik leng khaibambo-e. Tathoilui 9:17 Tingwang tu lukhai makmai, kasamai hina malan sira kashaibo-e. Mathi 25:46 Chiujiu tingtheng mathadbo bamga paliu wang bammide, chiudi tacheng matipmaira tingtheng karingbo bammine. /23 WANGKINBO LADJAN II Pitor 2:9 Sichiujiu charatu simaitu dechiujiu paliugu magenthak gasu gukhaira khatdi kasamai situ ladjan thiubo tingmik leng dechiu khaibam ralo chiubo Rapiu niu sijiu bamme. Ibrimai 9:27 Mai hinase pawan khat gara shaisiak rabo-e, khatdi sibo sailam Tingwang niu ladjan thiu rabo-e. Tenkam 17:31 Palamra kadihpiri pakhiangnatu majibo siniu ladjan thiura pahniu tingmik khat riatkhai lujiu pahniu mai khattu kadakhai bamme. Sichiujiu pahniu maihina khuga sibo piu situ kashaibo gasu piringsu khai lanjiu lenkhai bamme! II Korinthmai 5:10 Delosai Khrista niu ladjan thiubo bamga aliu wangkam rabo-e, siga aliu haibo pum lunlungga kamkhai mibo kawibodi kasabodi aliu maihina phijeng ngaokam rabo-e. Rommai 14:12 Chiusai aliu mathiu paruanna pagu-pagu Tingwang masuangga pirabo-e. I Johan 4:17 Ladjan thiubo nai aliu machang lura lungsajiu bamkhe, palamra pakumjiu aliudi kadihga bambo-e. /24 JESU KHRISTA GU LUNGSIAT Rommai 5:15 Mai khangkhat nuan jengniu mai kakeng shaide chiubo majibo-e. Chiudi Tingwang gu lungsiat sira nkiu-nkenjiu dibo-e, haichiujiu chamai khangkhat chiubora Jesu Khrista lungsiat duanniu mai kakeng khuga Tingwang gu kalen wang-e. Rommai 9:16 Chiu-e sai, wapakhiang nase chamai khatgu masanbo maksai ngamkam saisui makge, chiudi Tingwang gu gukhaibo saisuibo-e. I Pitor 5:5b ... Tingwang niu chaliang maitu khamme, chiudi lung manon maitu lungsakhai-e. Tenkam 4:33 Ladlangtadmaidung siniu pumtan jaojiu Rapiu Jesu ringsulan mibo lamga jengdin thiu-e, siga Tingwang niu paliu mathiu riga thoidam dijiu pikhai bide. II Korinthmai 9:15 Dinsilakbo pagu kalen jengniu aliu Tingwang tu thuankhe. II Korinthmai 8:9 Palamra naliuniu aliu Rapiu Jesu Khrista gu chalungsabo tu sibamme, chiubora para kakhiumai thiubam liudi naliu leng wilura kaphiu jengniu kalek-kasamai thiumine, khatdi pah kalek-kasamai thiu kabi jengniu naliu kalekwi mine. /25 LUNGLIBO Tenkam 17:30 Maidungniu simakbo wan haitu Tingwang niu phuitom khai lujiu, tuhoira mai hinatu paliu npui kasabo gasu lunglira pahniu chamtan pikhaijiu bamme. Pachangjiu chiumakge! Iniu naliu khuga dinbo-e chiubora naliudi naliu nuan gasu lunglilu maksai paliuniu shaimibo kumjiu naliudi shairabo-e. Luk 13:3 Tenkam 3:19 Sijengniu, lungli lulo, khatdi Tingwang khulam mariwang lulo, sichiusai pahniu naliu nuandungse kuak khai bine. Pitor niu paliu khuga dinne, "Naliu maihinaniu panuan nuan gasu maripad lujiu Jesu Khrista zan gasu tadui nphum lulo, sichiusai naliu nuandungse kuak khai bine khatdi naliuniu Tingwang gu kalen Masanbo Hiupuina daolune." Tenkam 2:38 Mathi 3:2 Naliu nuan gasu, lungli lulo, palamra Tinggen kadihse nawang mide, chiujiu paniu dinne. II Korinthmai 7:10 Delosai Tingwang luni kumjiu chalung magenthiubora chalung kali lujiu juringbo ngao ra-e, khatdi sibo jengniu wadaodi chalung niumilak; chiudi kadihgu luni kumjiu chalung magenthiubora kashaibo ngaone. /26 NUAN KUAK KHAIBO Mathi 6:14 Naliu khuga maokhai maitu naliuniu kuak khai bisai, tinggen lam bambo naliu piuniu naliu tudi kuak khai birabo-e. Ezekiel 18:21 Kasabo mai khat siniu nuan kamlan makjiu, agu ladriandungse majai lujiu, kawibo khatdi majibose kamsai, pah shailakge; pah maomakjiu ringrabo-e. Madukhaibo 3:20 Phuilo, Iniu kamunga chap lujiu akham maganjiu bamme; mai khat kumboniu akhuan chin lujiu, akham lekhaisai, Iniu kalung lam ngut lujiu patu maluang tiune, di pahniu atu maluang tiune. Isaiah 55:7 Kasamai siniu paliu lunlung thonlujiu, paliu maningse kali milo. Paliutu aliu Rapiu Tingwang khuga pimariwang milo; palamra pahra lungsasibo khatdi kuak khai sibo piu-e. Tenkam 5:31 Tingwang niu paben jatlamsu patu piring khai lujiu Jupao khatdi Ranpao pithiu khaijiu, Israel maidung lunglibo wan pikhaijiu paliu nuan kuak khai bide. Mark 2:5 Jesu niu paliu malumse dejiuga dilo chiubo ngao lujiu papumphan shaibo piu khuga dinne, "Anayo, na-nuandungse kuak khai mide." /27 KADIHPIRI GU LUNLUNG GASU TAMPADBO Tita 2:11, 12 Palamra Tingwang gu lungsiat maihinaga juringbo phungwangbose madulen khai bide. Aliuniu Tingwang simakbo khatdi kadih lunlung masia makjiu, chalung thinriakjiu tacheng tadjiu khatdi Tingwang maningga haibo kadihpiriga lungra lungsiat hainiu aliutu kati khaide. Kolosimai 3:2 Naliuniu kadihpiriga bambo makjiu kakulam bambo maniaga naliu chun khai lulo. Ephesamai 5:11 Chiujiu tamiubo maidung pasi masi kamakbo dungtu majang chaka thiutulo, sibosung paliu maomeng dinlen bilo. Isaiah 1:16 Naliu ruanna kam masan lulo. Iniu naliu ngamkam kasa hina ngaobambo haigasu saomilo. Yo, kasabo kamta milo. I Johan 2:15, 16 Kadihtu khatdi kadihgu maniadungtu lungsami tulo, maikhat niudi kadihtu lungsa-e sai, papiutu lungsabo pakhuga ha-e. Chiusai kadihga kabambo hina chapum makhabo, amikgu makhabodung, khatdi alung kadi thiubo pakhiangna hai, papiu khugasu makge, di kadihpiri gasu-e. /28 MANA SANBO Ezekiel 36:26 Iniu lungchun kasanbo khatdi maning kasanbo naleng pikbaine. Nalungchun katanbose Iniu luthon lujiu kadin piubo lungchun naleng pikhai bine. I Johan 2:29 Khrista majibo-e chiubo naliuniu sisai majibo kamkinbo-e, khatdi majibo kammai sira Tingwang nah-e. I Johan 5:18 Mai khatniu Tingwang gasu mana kasan lumai thiusai nuan kam lakge, chiubo aliuniu si-e; khatdi Tingwang Nahpiuniu patu sankhai bi-e, siniu patu kasaboniu kam masa lakge. II Korinthmai 5:17 Sijengniu mai khat kumboniu Khrista ga bamme sai, para kasanbo gandamme; kaguangbo hinase tonmide, phuilo, mania hina sankam mide. Johan 3:3 Jesu niu paokakge, "Iniu nakhuga pachang paling dinbo-e, mana kasan lanlu makmai khat niudi Tingwang kadihse ngaolu lakge." I Pitor 1:23 Palamra ringjiu bambo khatdi tingtheng ringbo Tingwang ladkeng siniu halanbo makjiu halan lakbo puipiu khat nadung kumjiu naliutu mana kasan lude. /29 NUAN GA SHAIBO KHRISTA GA RINGBO Ephesamai 2:1 nai 6 Karai gara naliugu kamao kameng khatdi kadinpiu makbo jengniu naliu hiupuina ga shaibam niu-e ... chiujiu aliutu pi Khrista nai ringsu ncham lujiu, tinggen dihga Khrista Jesu bamga aliutu ntao aruangra kamkhai mide. Kolosimai 3:1 Naliuniu Khrista tu maluang ringsu machamlu mai-e sai, kakulam bambo maniatu phiululo, siga Tingwang benjat lamse Khrista ntao bamme. I Pitor 2:24 Aliu nuanse Khrista niu papum paruanna singchai ga phungkhai mide, sichiujiu aliuniu nuanga shaikhai lujiu tacheng matipboga lunglu raleng pahniu ajambo jam siniu naliutu wikhai bibo-e. Galatimai 5:24 Khrista Jesu gu thiulu mainiu chapumgu masenbo hai singchaiga gensat mide. Rommai 6:2 nai 11 Palingjiu chiumakge! Aliu nuan ga shaikhai mide dechiujiu aliu nuan ga lungbam ngamlu ralo? ... Haise kumjiu naliudi naliu ruanna makumtao lujiu nuan ga shaibo, chiudi Khrista Jesu pen gasu Tingwang khuga ringbambo-e. /30 TINGTHENG RINGBO Delosai naliu pumleng maruk mainiu naliu pum gasu kashaibo gelan sune, Hiupuina leng maruk mainiu Hiupuina gasu tingtheng ringbo gesune. Galatimai 6:8 Mose nai ramjingga tataginiu kambo kaniutu jumaseng khaimibo kumjiu Mai Nahpiu tudi jumaseng surabo-e. Sichiujiu patu malum mai hina tingtheng ringbo ngao lune. Johan 3:14,15 Johan 3:36 Mai khat kumboniu Nahpiutu malumme sai tingtheng ringbo daolude; mai khat kumboniu Nahpiutu malum maksai ringbo daolakge, chiujiu Tingwang gu sajaiga bamne .... Tingtheng karingbo chiubora nanghai khatnakha bambo majibo Tingwang si-e, khatdi nangniu langkhaibo Jesu Khrista tu silura chiubo-e. Johan 17:3 Rommai 6:23 Nuan phijengra kashaibo-e; chiudi Tingwang niu aliu Rapiu Jesu Khrista gasu pikhaibo kalen sira tingtheng karingbo-e. Johan 5:24 Iniu naliu khuga pachang paling dinbo-e. Maikhat kumboniu alad chiulujiu atu langkhaibo patu malum lumai hina tingtheng ringbo daolune patuse ladjan thiudai lakge, chiudi kashaibo gasu karingbo lam kenpad mide. /31 JURINGBO DAOSIAKRA Isaiah 32:17 Maihinaniu majibo tenbo duanniu, agi-manaibo khatdi manang makbose tingthengjiu thiumi rabo-e. Galatimai 4:6 Chiusai naliu panahmai thiulubo duanniu Tingwang panah Hiupuina aliu lungga langkhaibo siniu Abba, Apiu chiu senne. Johan 14:21 Agu chamtantu lukhaimai khatdi majibo pase alu lungsaboe. Atu lungsamai hinatu Apiuniu lungsakhai bine; Iniudi patu lungsajiu apumsiak madulen khai bine. Rommai 8:16 Aliu Tingwang nadung-e chiubo din madura Tingwang Hiupuina niu aliu hiupuina ga nkhakhai-e. I Johan 3:18, 19 Sichiusai aliuniu aliu cham, aliu ladniu makjiu, ngamkam nai majiboniu lungsakhe. I Johan 4:13 Haigasu aliu silu-e, chiubora aliuniu pakhuga bamsai, pah aliu khuga bamme; palamra paniu aliu leng pagu Hiupuina pikhaibi-e. /32 LUNGCHUNGA BAMBO KHRISTA GU CHUNWIBO Johan 17:13 Tuhoira I nakhu lam wangkinne, sichiujiu paliu khuga agu chunwibo hai phuijiu bamlura Iniu kadihpiriga haise dinkhaibo-e. Rommai 14:17 Palamra Tingwang kadihse tiubo khatdi sakbo makge, chiudi Hiupuina ga tacheng matipbo, agi-manaibo khatdi mathabo-e. Isaiah 12:3 Kachariinai khuga taduiniu chunwibo phungwangbo kum, Tingwang niu pamaidungtu rankhai biboga paliu chunwi-e. Atu Khrista nai majangjiu singchaiga masengsat mide, khatdi I ringkinbose I makjiu, alungga bambo Khrista niu-e khatdi tuhoi chamai kumjiu lungkinbo alunlung haise malumbo ganiu lung kakin gu-e, kamalumbo sise atu kungjiu ajengniu papum khai kabibo Tingwang Nahpiu tu malumbo si-e. Galatimai 2:20 Johan 15:11 Iniu naliu khuga haise dinkhaibora naliuniu agu chunwiboga bamlu raleng-e, khatdi naliugu chunwibose tingtheng lura leng-e. Tathoilui 16:11 Karingbo npul gase nangniu atu jukhai bine; nangniu atu majang bambo jengniu achun wijiu bamne, khatdi na-nkha siniu tingtheng chunwibo phungwang-e. /33 RAPIU KADIN PIUSIAK RABO I Samuel 12:15 Chiudi naliuniu Rapiu kadin piumakjiu khatdi pakhuan kingkhai maksai, pahniu naliutu khatdi naliu wangtu atung rabo-e. Naliuniu maikhat kadin piune chiujiu pikhai misai sibo piu bang thiu mibo-e, kashaibo patrabo nuan bangdi sui-e, maksai Tingwang khuga kam majikhaibo kadin piubo bang thiudi sui-e, chiubo naliuniu masanjiu sibamme. Rommai 6:16 II Thessalonimai 1:7-9 Chariu khengbo gasu naliu tudi aliutudi pahniu pimathak khai bine. Haise Rapiu Jesu tinggen lamsu pagu ka-ngambo mazadung nai wangboga pikhai birabo-e. Tingwang tu lukhaimak maidung khatdi aliu Rapiu Jesu gu kawichamtu majaimak maidungtu chami puangniu kam mathad birabo-e. Paliutu Rapiu niu pakendibo ka-ngambo bam gasu pibam tamkhai lujiu tingthengjeng harabo mathadga pibam khaine. Tajaidung ll:26-28a Thoidam nai tasiang kadara Iniu thainai naliu khuga pikhai-enaliuniu Rapiu naliu Rawang ladrian majaisai thoidam daone, chiudi haibo ladriandung hai naliuniu majai maksai tasiang daorabo-e, haise Iniu naliu khuga thainai chamtan thiujiu dinbo-e. /34 KHRISTA TU DIN MADU SIAK RABO Philippimai 2:11 Chiusai Tingwang kendira jengniu chamai lih hinaniu Jesu Khrista hai Rapiu si-e chiujiu din madu padle. Mathi 10:32, 33 Mai khatniu mathiu suangga pase agu-e chiujiu din madu patsai, Idi paduan jengniu tinggen lam Apiu masuangga patu din madune. Chiudi mai khatniu mathiu suangga atu lukhai maksai, Idi tinggen lam Apiu masuangga patu lukhai lakge. Rommai 10:9, 10 Nangniu Jesu se Rapiu-e chiujiu madu padsai khatdi Tingwang niu patu kashaibo gasu piringsu khaimibo-e, chiujiu malumsai palung chun gasu malumme khatdi haichiujiu kam majikhaibi-e, khatdi pamunniu din madu padle khatdi haichiujiu rankhaibi-e. I Johan 2:23 Saokum mainiu Nahpiu tu suimak sai Papiu pakhuga ha-e; saokum mainiu Nahpiu tu lukhaisai papiuse pakhuga bamme. Luk 9:26 Mai khatniu aduan jengniu khatdi acham duanniu mangam sai, chamai Nahpiu niudi pamaken diboga khatdi Masanbo mazadung masuangga khatdi Papiu maken diboga wangdasai mangam rabo-e. /35 SATAN ALIU MIKRE KADIPIU I Pitor 5:8 Kaden sijiu akhe bamlo! Naliugu mikrebo Devil siniu marajiu bambo nduangqui khat kumjiu, maitu kajuangra phiu bamme. II Thessalonimai 2:9 Kasabo piu wangbo tingga Satan gu pumtan thinwangjiu katam-tambo. aratbo, tasibo nai maisuang habo kamsu rabo-e. Mathi 4:1 nai 10, 11 Sigasu Devil niu Jesu tu hiamra Hiupuina niu ramjinglam puitad mide ... siga Jesu niu paokakge, "Satan, tadmilo." Masanbo Ariakniu dinne, nangniu narapiu Tingwang tu ruanna kahum raboe khatdi pangam ruanna kam rabo-e. Sigasu Devil niu Jesu tu phudkhaide; khatdi mazadung niu wangjiu patu nkha khaide. Ephesamai 6:11 Naliuniu Satan gu paru kasabo tu sun ngamlu raleng Tingwang ripon hina piululo. Tenkam 26:18 Nangniu paliu mikse tamiubo gasu kabenbo pingao khai rabo-e khatdi Satan pumtan gasu Tingwang pumtan pingao khai rabo-e; sichiujiu paliuniu atu malum ludasai paliu nuanse kuak khai bine khatdi Tingwang niu kadalu maidung ruang gase paliu bam daolu rabo-e. /36 SATAN TU CHARI NGAMBO Chiusai kasabo piu patuse madukhai mine, sibo tingga Rapiu wangjiu pamun gasu padbo pasiu ganiu patu kamsatjiu kam mahami rabo-e. II Thessalonimai 2:8 Jacob 4:7, 8a Sijengniu naliu Tingwang cham phunglo, khatdi chara kasabotu sunlo. chiusai pah naliu khugasu pak mine. Naliu Tingwang khuga manawang lulo chiusai pahdi naliu khuga manawang khai bine. Paniu paliutu tatia nai tazaigu namaidung kubo kum, Jesu papumsiak paliu kum mibo-e, khatdi paliu chamainagu lunlung gase lu ncham khai mide. Paniu haise tenkhai-e chiusai paniu shaibo pen gasu kashaibo ga pumtan bambo Devil patuse paniu kam mahami raleng-e. Ibrimai 2:14 Sichiusai aliutu Khrista gu lungsabo gasu kampang ngambo sao bamlo? Chalungchun, chariubo chaphai-tani habo niuma, kapingbo niuma, maksai kashaibo niuma? ... chiudi aliutu lungsa khaibibo Rapiu duanniu palam hinaga aliura kangam maidung suang nkiu-e. Rommai 8:35 nai 37 Mai khatniu nuan kamsai, para chara kasa gasu-e, delosai charakasa sira karai gasu maojiu bambo-e, haibo charakasa ten kam mahara Nahpiutu madulen wangbo-e. I Johan 3:8 /37 LUNGSABO, KHOMMAI TU MADIUBO I Johan 4:20 Mai khatniu, pah Tingwang tu lungsa-e chiulujiu, pasingnatu marengsai para arat mai-e, palamra mai khatniu ngaobambo pasingnatu lungsa makjiu ngao makbo Tingwang tu lungsa silakge. I Korinthmai 13:1 Iniu chamaina lad khatdi mazadung lad hina dinsi bamdi, lungsabo hasai, kakhing bambo siamtoi kumbo-e. Johan 13:35 Naliu khuga lungsabo hai bamsai, mai hinaniu naliu hai akhommaidung-e chiubo silu rabo-e. Chiudi Hiupuina rasira lungsabo, mathabo, agi-manaibo, khengsibo, njangbo, kawibo, malumbo, manonbo, papum thinman lumai-e. Galatimai 5:22, 23a Johan 21:16 Luanniabo thiujiu Jesu niu pakhuga din lanne, "Johan nahpiu Simon, nangniu atu lungsa monma?" Paniu paokakge, "Yo, Rapiu Iniu natu lungsa-e chiubo nangniu sijiu bamme." Jesu niu pakhuga dinne, "Agu milidung tu akhi khailo." I Johan 3:14 Aliu singna maitu lungsabo jengniu aliu kashaibo tu kenlujiu karingboga npad mibo-e mai khatniu maitu lungsa maksai kashaiboga pah bam kha-e. /38 JESU KHRISTA RINGSU LANBO Tenkam 10:39-41 Paniu Israel mai kadihga khatdi Jerusalem ga kamkhai mibo hinagu aliuniu jengdin-e. Sichiujiu paliuniu patu singchai rigasu natri gianjiu kamsat kamigu-e. Chiudi Tingwang niu patu jengsum saiga kashaibo gasu juringkhai bijiu ngaolen khai-e, chiudi maihina khuga makjiu Tingwang niu kadalumai, chiubora paniu kashaibo gasu ringsu lanbo saiga, tin, macham sakmacham mimai aliuniu jengdinne. Johan 20:26-28 N-nid kak khat saiga, khommaidungse akham lujiu bam aruang bamboga, Thomas di paliu raungga bamme. Akhamse khamten khai nbamme, chiudi Jesu niu paliu ruangga wang chap lujiu dinne, "Naliu khuga agi-manai bamlo." Sigasu paniu Thomas khuga dinne, "Naben kario padio khatdi aben hai phuilulo, naben nthapadjiu alepga kamed khailo. Nalung makbose thiu talo, khatdi malum lulo!" Thomas niu patu paokakge, "Arapiu khatdi Arawang!" Mark 16:9 Jesu niu kashaibo gasu ringsulan lubo saiga, Nidnai nsuan kalu paniu rasa chinnia hathonpad mibo pui, Magadalene Mary khuga lenkhai raithu-e. /39 RINGSU LANBO ALIUGU KENDIBO MALUM Mathi 16:21 Sibo tinggasu Jesu niu pakhommaidung khuga masanjiu dinne, "Iniu Jerusalem lam tadrabo-e, sichiujiu khangkiang maidung, singkupidung, khatdi Tacheng-tajai gu katipaodung khugasu I magenthiu khengrabo-e. Atu kamsat khaine, chiudi pasumbo nai I ringsulan rabo-e. Johan 5:28, 29 Haiga naliu suangha midulo; palamra kashaimai siniu pakhuan chiurabo wanse wangkinne. Sichiujiu paliuse paliu rao gasu npadrabo-e. Kawibo tenkhaimi maidung siniu ringsujiu lungbam mirabo-e, khatdi kasabo tenkhaimi maidung siniu ringsujiu ladjan thiurabo-e. Rommai 6:3-5 Khrista Jesu ga tadui nphum mibo aliu mathiu, Rapiu gu shaiboga tadui kiukhai mibo-e chiubo naliuniu simakma? Aliu tadui nphumbo ganiu, aliu pah-panai shaiboga nphum ncham khai mide, chiusai Rapiu kendibp ganiu Khrista tu shaibo gasu piring sulan mibo kum aliudi kasanbo ringtingga lungmi raleng-e. Palamra aliuniu Rapiu niu shaikhai mibo aliga khat thiukhai misai Arapiu gu ringsulan mibo gadi khat thiurabo-e. /40 RAPID GA MASANBO Luk 1:74, 75 Aliutu mikre maidung khugasu jupad khai bine chiujiu ladrian thiukhai-e, khatdi aliuniu pingmakjiu patu akhira-e, sichiujiu aliu hai pasuangga masan-ra-e khatdi nchang jiu bamra-e, aliu ringtingga. II Korinthmai 7:1 Haibo ladriandung bambo jengniu akamaidung aliu pum nai aliu Hiupuina tu kam taniabo hina gasu aliu ruanna kam masan lujiu Tingwang tu pingboga masan tathui lukhe. II Timothy 2:21 Sichiujiu maikhat kumboniu kasabo hina gasu paruanna kam masan lusai, patu kakungboga thinkhaine, palamra pahra katpadmibo papaoniu thinra, kawibo ngam kam hinaga thinra kaden lubo-e. I Pitor 1:2 Naliutu Papiu Tingwang niu maningbo saisuijiu khatdi pagu Hiupuina Masanbo mai pithiu khaira, khatdi Jesu Khrista zai siniu khiu masan lujiu pah kadin piuraleng kadakhai mibo-e. Lungsiat nai agi-manaibose naliu khuga phuijiu bamlo. I Pitor 1:15 Sibosung, naliutu kubo Tingwang se masanbo kumjiu naliuniu kambo hinaga masan lulo. /41 RAPIU GA MASANBO Isaiah 35:8 Siga npui kadibo khat bamme, pajanniu, "Masanbo Puidi" ku-e. Nuan mai khatniudi sibo puidi riga tadmari lakge. Kapangmai khatniudi siga ngutsi lakge. Ibrimai 13:12 Sise kumjiu Jesu niudi pazainiu maidungtu nuan gasu khiu masan lura namdi lenlam shaikhai mide. I Johan 1:9 Chiudi aliuniu aliu mao dinpad bisai, aliu nuan kuak khaira khatdi aliu mao hina gasu kam masanra, Rapiu pahra malumbuibo khatdi kamajibo-e. Mathi 3:11 Naliuniu lunglibotu lenra Ira naliutu tadui gasu nphum khaiboe, chiudi asailam wangkinbo paniu naliutu Masanbo Hiupuina nai chami gasu nphum khaibi rabo-e. Pase asuang di nkiu-e. Ir-a paphitop juradi akaji makge. Ephesamai 1:4 Kadih dam makhabo masuang gasu aliu Khrista nai khat thiura Tingwang aliutu kadalude, sijengniu aliu pama suangga kamao hajiu khatdi aliu masanjiu bamkhe. /42 HIUPUINA NIU PHUIBO MAI Luk 11:13 Haijiukha naliuniu sajiu bamdi, naliuniu namaidung khuga kawibo pikhai raleng si-e. Sichiusai, tinggen lam piu paniu khengmai hina khuga Masanbo Hiupuina se pikhaibi rabo-e! Chiudi Masanbo Hiupuina siniu naliu riga kiukhai bisai, naliu khuga pumtan niu phuimi sune, sichiusai aduanjeng gasu naliu ... lamchap thiurabo-e. Tenkam l:8a Rommai 8:9 Chiudi Tingwang gu Hiupuina niu palingjiu naliu lungga lungbamme sai, naliu hai chamaina lunlungga lungbo makge, chiudi Hiupuina gu lunlungga lungbo-e. Maikhat kumboniu Khrista gu Hiupuina pakhu bammak sai, para pagu makge. Ezekiel 36:27 Iniu ahiupuina se naliu khuga pikhai bine khatdi Iniu naliu khuga pikhaibo ladrian hina naliu majaijiu piura Iniu phuikhai bine. Tenkam 13:52 Antioch ga malum maidungse chunwibo nai Masanbo Hiupuina niu phuijiu bamme. Tenkam 4:31 Sichiujiu paliuniu khengloiboga, paliu madui bambo bamse malaiwang-e. Paliu mathiuse Masanbo Hiupuina niu phuilujiu Tingwang chamse hujiu dinsude. /43 KHRISTIAN MAIDUNG LENG MAISUANG HABO LADRIANDUNG Tathoilui 34:18 Palungchun nkhinmai khuga Rapiu ra najiu bamme. Paliu chun hami maitu paniu gukhai bi-e. Isaiah 66:2 Ting-kadihpiri pakhiangna I apum siakniu damkhaibo-e! Atu pingjiu khatdi alad majaijiu lungmanon mai khatdi palung kalimaitu Iniu achun kimme. I Pitor 4:12, 13 Akamaidung yo, naliuniu magenthiu chariu khengbambo hai wa katambo kumjiu naliu suangha mitulo. Chiudi Khrista gu chariu khengbo naliuniu phung xnacham bambo jengniu chunwi bamlo, palamra pagu paken pangam dibo madubo naise naliudi chunwiboniu phuimi rabo-e. Madukhaibo 21:4 Siga paniu paliu mik gasu paliu mikdui nunsang khaine, siga kashaibodi bamlan lakge, chalung chariubo, kakapbo thiuniubo bamlan lakge. Karaibo mania hina kui mide. Tathoilui 37:3 Rapiu tu malumjiu kawibo kamlo, wadi manang makbo ramga lunglo. /44 KAHIAMBOGA LADRIAT KHAIBO Khatdi tuhoira kahiambo ga ngutkhai maitu paniu nkha ngamme, palamra pah papumsiak kahiambo daojiu chariu khai kamigu-e. Ibrimai 2:18 Rommai 16:20 Watheng makjiu agi-manaibo bamra Tingwang niu Satan tu naliu phi hangga thonkhai bine. Tathoilui 34:19 Kawimaidi wajiukha chariu magenthiu-e chiudi Rapiu niu patu wahina gasu gukhai-e. Nangniu tadui kasukbo kenjiu bamdi Iniu natu maluang bamne; nagu chariu magenthiubo siniu natu nammi lakge. Nangniu chami jiuga tadjiu bamdi, natu rumi lakge; katanbo gu kamadiubo siniu natu wakhatdi kam masa lakge. Isaiah 43:2 Rommai 8:28 Tingwang niu pamaning saisuijiu kulumai khatdi kadalumai hina lengra wa pakhiangna wikam najiu tadkiu lura Hiupuina siniu kamkhai-e. Naliuniu khenglu lakbo siniu wangjiu naliutu hiamkhai makhae, chiusai Tingwang ra malum kabuibo-e khatdi pahra naliu kheng kalakbo kahiambo naliu riga kbaibi lakge, sichiubo makjiu kahiambo kawangbo luan naliu khenglu raleng paniu pumtan pikhai bine. I Korinthmai 10:13 /45 CHARI NGAMMAIGA LADRIAT KHAIBO Madukhaibo 3:12 Ngamlu maitu Iniu Apiu Tingwang rakiga katiang khat pithiu khai bine, sichiujiu pah sigasu wadaodi tadpatlan lakge. Iniu pariga Arawang zan, Arawang gu namdi zan, Arawang kadih gasu wangkiurabo Jerusalem kasanbo zan, khatdi azan kasanbose raokhai bine. Madukhaibo 3:5 Sichiujiu ngamlumai situ kakabo puan piukhai bine, di karingbo ariak khuang gasu paliu zan luthomni lakge. Paliuse amaidung-e chiubo Iniu Apiu masuangga khatdi pagu mazadung masuangga madujiu dinpadne. Madukhaibo 3:21 Iniu ngamlujiu Apiu wangbamga tuhoi Apiu mungga ntao bambo kumjiu, ngamlumai hinatu awangbam gase, amungga ntao macham bamra pikhai bine. Madukhaibo 21:7 Kangambo paniu haibodung hina lune di Iniu pagu Tingwang thiune, di paniu anahpiu thiune. Madukhaibo 2:7 Phumlingdungga Hiupuina niu dinbose pakon kathiu hinaniu chiu lulo! Kangambo patu Tingwang gu paradise ga bambo saili singbang gasu tiura Iniu pikhai bine. /46 TANAO TABO LAMGA TINGWANG NIU ALIU KHUGA DINKHAIBO I Korinthmai 7:10, 11 Chiudi kalekthiu kamimai khuga Iniu makjiu Rapiu niu haichiu dinne, panaoniu pakinatu mah mitulo. Chiusai paniu tad mine chiudi chami thiulan tulo; sichiu makjiu pakina nai chun juanlujiu aruanglan milo; khatdi pakina niudi panaotu tab dulo. Panaotu talujiu kaki npuimaitu lulan maise niakhabo-e; khatdi tamibo puitu lulan maidi makhabo-e. Luk 16:18 Din rambaboga, npuimai mainao thiubo pui khatniu karingthen pakhuga tacheng-tajainiu pirat khaijiu lung-e; chiudi pakina shaimi sai pakina gu pirat khaibo tacheng tajai gasu paniu pachun parang thiumi rabo-e. Haichiujiu pakina ringjiu bamboga, pase kakibo npiumai khat khuga lungmisai, patu kamakhabo pui chiu kurabo-e; chiudi pakina shaimi sai paniu pachun parang thiuboga bamjiu kakibo npiumai khat khuga milanjiu tadi pah makhabo makge. Rommai 7:2, 3 Chiudi tuhoira Iniu naliu khuga dinbo-e. panaoniu makhabo makjiu, mai khatniu panao tadi, pase milan misai, makhabo-e; khatdi mai khatniu takhaibo puitu lulansai padi makha mibo-e. -Mathi 5:32 /47 KHRISTA WANGLANRABO Johan 14:3 Sichiujiu Iniu tadlujiu naliu leng pabamse kaden lusai, Iniu bambo bamga naliudi bamra I malan wangjiu naliutu puine. I wangji sune. Nakhuga bambo kangambo gu tathuanse mai khatniudi sutmi makra thin matip lulo. Madukhaibo 3:11 Mark 8:38 Sichiusai, mai khatniu aduan jengniu khatdi agu kawicham jengniu, haise charatu simakbo khatdi kasabo ken-ga mangam sai, chamai Nahpiu siniudi pakendibo Papiu nai masanbo mazadung masuangga wang dasai, paduan jengniudi mangam rabo-e. Mathi 24:30 Chiujiu chamai Nahpiu gu madan tinggen lamsu maduwang sune. Chiusai kadihga jat hina paliu gah jumjiu kapsune. Sai chamai Nahpiu pumtan nai kendibo thiujiu kamuang riga tonglujiu wangkinbo paliuniu ngao sune. Naliudi naliu lung khengsijiu bam lulo, naliu lung matipjiu bamlo; delosai Rapiu tingmikse namide. Jacob 5:8 Mathi 24:27 Delosai tinggen lamsu tingkalik khaijiu, tingbang lamdi ngaobo kumjiu, chamai Nahpiu wangrabodi sikum siak sune. /48 KHRISTA WANGLANRABO I Johan 3:2 Singnamai, aliu tuhoira Tingwang nahmai mide, di pasai dechiu suralo simasan lulakge, chiudi patu madulen wangsai, aliudi pakum misune chiubo sibamme; delosai aliu patu ngaobo kum siakjiu ngao sune. Madukhaibo 16:15 Phuilo, I ka-agamai kumjiu wangkinne. Papumruangjiu tadmakra, lenlam papumruang lenmakra, paphai pani kaden lujiu khuanbam maise paduan wi-e. Sichiujiu naliudi kadensi siakjiu bamlo. palamra chamai Nahpiu naliuniu maning makjingbo tingga wangrabo-e. Luk 12:40 Chiujiu dinne. "Galilee maidung, dekamjiu naliu chaplujiu tingpuk lamse phuijiu bamjiulo? Haibo Jesu, naliu khugasu tinggen lam lusu mibo haitu paniu tinggen lam khangmibo naliuniu ngaobo kum gapjiu pah wanglan rabo-e. Tenkam 1:11 Mathi 16:27 Palamra chamai Nahpiu niu Rapiu gu kendiga pagu mazadungtu maluang lujiu maihina ngamkam saisuijiu paphijeng piraleng wangkiune. Luk 21:27 Sibosai chamai Nahpiu siniu pakendibo nai pumtan jaojiu kamuang rigasu wangne. /49 TINGWANG LADKENG Luk 21:33 Tinggen nai kadihra hamine, chiudi aladdung haira wadaodi halakge. Mathi 22:29 Chiudi Jesu niu paliutu paokakge, Masanbo Ariak khatdi Tingwang gu pumtan simakjiu naliu mao mide. II Pitor 1:21 Palamra phaimiu kakunggu champao haise chamaina maning gasu wadaodi padbo makge, chiudi Tingwang khugasu wangbo champaose paliuniu dinboga Masanbo Hiupuina siniu maidung situ thinman mibo-e. II Timothy 3:16 Masanbo ariak hinase Tingwang niu pikhaibo-e, haichiujiu haisiniu majibo katikhaira khatdi tacheng matipjiu lungra laddin khai rabo leng-e. Tathoilui 119:11 Iniu nagu tacheng-tajai alungga khai-e chiusai Iniu nakhuga nuan kamkhai lakge. Tathoilui 119:105 Naladkeng hai atu majangra chamibung khatle, khatdi a-npui leng kabenbo khatle.