Naga: Rongmei Help from Above "Kaeuhthaeng ruai Ng-khaloumei" Tumei hei Bible kabum bai-bai khou ruai laputna khuam kaduai loumei kariang hing kariu loumei Nthunmei Lutkaeng guai ye. Nthunmei Lutkaeng ru khou din nthun loumei thu Bible kahuk the tuna ai ruai lum the. Ragwangh Lutkaeng "kaeuthaeng ruai keihye" khutni nthunmei khung ruai tuna ndaep bummei khutni tari bummei bumaeng guai khung thu kachung chunghnga gaeng chung-nge. Gankhut ruai lunglaimei gun khou, paepta gun putre, kalung thu khou gut lung diu khung Poubaeumei Jisu Khrista ta kaeu we, kalung thu kaguaina Poubaeumei Jisu Khrista hei Guloumei pu the tuna Ka khou lumlou we, Poubaeumei ruai Kalun kahlik tei nthunna lianlou puni the khutni lumloumei lung thu khou tei Ka tuang jaeng gaimei le nchunzaengmei tilou puni. Mi hei ai kum 1937 khou latou the, khutni Poubaeumei khou bum kariumei mi charinmei hei buk dut jut mukkhe. Nung ruai kahunung tanlou mukgithei, NTAEU hei ka khou (Jisu) nungta Guloumei pu the khutni Nung Poubaeumei the tuna lalou diu khung ai nung ta huai ye. - Watson Goodman /1 RAGWANGH RUMHJIAN Rom 5:8 Kumme tiki aniu paep mei su bum rup khou, Khrista ruai aniu khung theihiou kunmei khoutei Ragwangh ruai aniu khung Ka rumh njian ndaeuh lou the. Ndaeuhloumei 1:5 Khutni lumlou nuhmei sakhi, theihmei guai pung khou ruai puan reihmei, khutni kandih tuang gwangh guai tuang kaipou sumei Jisu Khrista khou ruai jaeujian, khutni nchu-nzaengmei gwangh nah Ka zei kahuk ruai aniu ta aniu paep khou ruai khiu nthun lou the. Johan 13:1 Ntaeu Kanputpui Ng-ngai hu khou Jisu ruai mban khou ruai tutput lana, Pu khou tut nipui ngkhuang gun guangthe tumei thailana, mban khou bummei Kamei ruai njianmei Ka meinunta tei katuan ngunna njianne. Johan 3:16 Kalumthu Ragwangh ruai mbanta heidi kum njianlou the, tumeithu, Kamei ruai Ka Nah Mpouh kalu akhut nameita tilou the, mitei ruai thou punih Ka khou lummei ruai mman muknga ring suangmei latou khung nge. /2 JISU KHRISTA HEI RAGWANGH KIUTHE I Timothi 3:16 Kumna ra ningmei tuang ntheihloumei tei nthukge tumei agi muknga kumlou we: Kata mei pumh suna ndaeuh lou the, Kata Bumaeng khou njihmei tisulou the, Kata kaeuh banchra guai ruai hou the, Kata jat guai pung khou din ndaeuh lou the, Kata mban khou lum the, Kata him ganhmei khou la thaeu lou the. Mathi 1:22, 23 Ntaeu miguai hei put the tumeithu, Poubaeumei ruai muhjung pan khou ruai sakunmei lut tei guang tung nthuih khung nge; sa kunmei kiu: Jaeulo, luichung gankhut ruai kapumh nritna, ka nah mpouh gankhut puan puni; kumna Kata Emmanuel tuna kaeupuni. Emmanuel tumei kabah thu, Aniu le bum nchummei Ragwangh tuna pe. Johan 14:9, lOa Jisu ruai ka khou sa ye, Philip, heisan tingsaeng nga ai nung niu le bum nchum the, kumki nung ata thaimuk hinacho? Ata hou kunmei kamei tei ruai Puta tei hou the, akumma nung ruai, Puta kiu aniu khou nchin lou wo tuna sa tuche? Ai a Pu khou bumme, kumma a Pu a khou bumme tumei nung lum muk ngacho? /3 JISU RAGWANGH NAH MPOUH Isaiah 9:6 Kalumthu aniu khung ng-ngana gankhut puan lou the, aniu khung nah mpouh gankhut tilou the: sarka tei kaboutuang khou naipuni: khutni Ka jun tei Charinmei, Jailoumeipu, tun-baeumei Ragwangh, tingsarngjaeng Pu, Nchunzaengmei Gwangh Nah tuna kaeu puni. Luk 1:35 Khoutei banchra tei ruai ka khou sa daeu we: Bumaeng Nthunmei nung ru khou guanglou puni, Kumma Kaeuhliangmei ngum tei ruai nung ru khou gunglou puni; Kumpui jaeng ruai puan nimei nah tei Ragwangh Nah Mpouh Nthunhmei tuna kaeu puni. I Johan 4:15 Thouh punih Jisu Khrista ta Ragwangh Nah Mpouh we tumei sa ndaeuh yithei, Ragwangh ruai ka khou khutni kamei ruai Ragwangh khou bumme. Mathi 17:5 Kamei ruai lut sa bumpui ding khou tei, kaniu ru khou gankah kamei muangh akhut ruai gumliam khuanne; kumma muangh khou tei ruai lut khuan akhut ruai sa khuanne, Mi hei ai kung-nga njianmei a Nah Mpouh we, ka khou a lung kim ne, Ka lut piu wo. /4 KAMEI THOUCHO TUMEI JISU RUAI ANIU KHOU DINLOUMEI Johan 8:23 Kumma Kamei ruai kaniu khou saye, Nungniu thu kabung thaeng ruai ye, ai thu karu thaeng ruai ye; nungniu thu mi mban khou ruai ye, ai thu mi mban khou ruai rumhme. Johan 11:25 Jisu ruai ka khou sa ye, Ring thaeumei tei le ringhmei tei ai ye; a khou lummei kamei tei theih sini ring dut puni. Johan 6:35 Jisu ruai kaniu khou sa ye, Ai hei ringhmei ntian kiu the. A khou guangpui mei tei ndaep nitu rumh khe, khuini a khou lumloupui mei tei tabui nung sini tari dut nitu rumh the. Johan 13:13 Nungniu ruai ata, Nchumloumeipu khutni Poubaeumei tuna kaeu we; mi tei nungniu nchummei satu we, kalumthu mikiu Ai ye. Johan 9:5 Ai mban khou bumsan, ai mban tuang ganhmei kiu we. Johan 8:58 Jisu ruai kaniu khou sadiang siak lou mei hei ye, Abrahamta puan muk khou Ai nai ye. /5 CHARINMEI ASAEK JISU RUAI TANMEI Mathi 14:19-21 Khoukiu Kamei ruai mei kungdaita tei phuairieo ru khou dungkeih khung lut dun lou the. Ntian dum panguh le khakui kanei tei lana, tingkaeuh thaeng jaeu thaeuna, Kamei ruai suaihiam lou the, kumma ntian dum guai tei subuknga jiabnun khou tilou the; kumma jiabnun ruai mei kungdai khou tei tilou the. Khoukiu mei kapumma tuuna ng-gu the; kumma kaniu ruai nsaekmei kakiak guai tei ng-giuh ruhna kanei padiknga la thaeu the. Tuu kunmei kaniu guaitei ntumei guai le alaeo guai ta pah muknga, ngganmei ching panguh dou khuanne. Mathi 20:30 khutni 34 Khutni, jaeulo, mik tiatmei gan nei chaeng daeng khou dung bum khuan mei ruai Jisu tut ruan putmei tei chu khuanne, kumma kanei kiu ruai kaeu thaeu khuanne, Poubaeumei, David nah mpouh! Anei ta jaeu njian lou wo! ... Jisu ruai kanei ru khou jaeu njian lou khuanne, kumma kanei mik kahilou khuanne; mi ding khou tei kanei hou ngum khuanne, kumma Ka thei lai khuan the. /6 JISU KHRISTA HEI DUMLOUMEI PU KHUTNI POUBAEUMEI YE Kolosi 1:16 Kalumthu tingkaeuh thaeng naimei, khutni kandih khou naimei, houmei, houmukmei, gwangh bumpaeng guai, rumhmithei ngum naimei guai, rumhmithei kaipou guai, rumhmithei bantun naimei guai kapumma Ka khou ruai dum khuanthe: Rumh kapumma Ka pan ruai, khutni Ka khung ruai dum khuan the. Ibri 1:2 Ragwangh ... mi tingmik guai ng-khummei khou aniu khou Ka Nah Mpouh pankhou ruai salou the. Kata Kamei ruai rumh kapumma tuang tumpi lapuimei tisu lou the, Kamei ruai mban dih heini kasiam lou khuan the. Rom 14:9 Tabuicho tiki Khrista ruai theihmei guai, khutni ring bummei guai kanei tuang Kaipou su khung, mi lum khung ruai Kamei theih ni theih lou the, ring ni ring thaeu the. Tanruai 2:36 Kumpui jaeng ruai Isriel mei khuang kapumma ruai kachung kaling thai kundiu, tumeithu, nungniu ruai kros khou hianbin kunmei Jisu tihei Ragwangh ruai Poubaeumei ni Khrista ni tisulou the. /7 JISU KHRISTA HEI MEIGUAINA LUTJUNPOU THE Johan 5:22 Tabuiche tiki Pu tei ruai gan khutnata sini lutjun su muk ge, kumme tiki lutjun kapumma Nah Mpouh khou tei tilou the. Math; 25:32 Khutni jat kapumma ta Ka hu khou khuam kaduai puni. Mi tung laeujiu gaengmei ruai jiuh khou ruai laeujiu tibai putmei kumma Kamei ruai kaniuta kalung kanei putna njunh phuk puni. Rom 14:10 Kummithei, nting tabui suna nung chana puna ru khou lutjun su tucho? Khutni, nung, tabui suna ming chana punata rumh suk muk tucho? Kalumthu aniu kapumma Khrista tuang lutjun bumpaeng makhou ding puni. Lutjun tingmik khoukiu Ragwangh ruai, ai ruai din ndaeuhmei Gospel thei laina, Jisu Khrista pankhou ruai, meiguai tuang ng-kumhmei tei lutjun su puni. Rom 2:16 II Timothi 4:1 Kumpui jaeng ruai Ragwangh ma khou, khutni ringhmei guai le theihmei guaita lutjun su nimei Khrista Jisu ma khou, Ka tuang jaeu houloumei, khutni Ka tuang Gwangh dih pan ruai ai ruai nung khou nthuk nga nsin lou we. /8 KHRISTA KHOUNA RUAI PAEP KHOU RUAI JAIPUTLOUMEI Johan 10:9 Chaengmun kiu ai ye: thou puni a khou gutrithei, kata gaek lou puni, kamei tutput tutgut puni, kumma kabin mphung puni. Johan 14:6 Jisu ruai ka khou sa ye, Ai chaeng tei ye, nchumhmei tei ye, khutni ringhmei tei ye; apan khou ruai rumhma, gankhutna sini a Pu pum tung muk ge. Johan 8:24 Kumpui jaeng khou ruai Nungniu ruai nungniu paep khou theih puni, tuna ai ruai nungniu khou same! tei the; kalumthu Ai Kamei ye tumei nungniu ruai lummukgithei, nungniu ruai nlingniu paep khou theih puni. Ibri 7:25 Hei jaeng ruai Ka pan khou ruai Ragwangh khou guangmei guaita Kamei ruai nthuihna gulou khung ni ngum me, kalumthu Kamei ruai kaniu khung alumma huailou khung ring tunh tun bumme. Tanruai 4:12 Baihmei gan khutna khou sini ringhbum maek ge, kalumthu ka pan khou ruai aniuta gulou chungh nimei tingpuk bung khou tiloumei zun baihmei mansei pung khou maek ge. /9 KHRISTA KHOUNA RUAI PAEP KHOU RUAI JAIPUTLOUMEI I Korinth 1:30 Jisu Khrista aniu tuang tuk khung khutni aniuta ntunmei, sunthunloumei, khutni thuakloumei hei Ragwangh ruai ye. Luk 19:10 Kalumthu Mei Nah Mpouh tei ruai mman ktinmei tatei phu khung, khutni gulou khung guang nge. Kolosi 1:12-14 Ganhmei khou tei nthunmei guai tuang latou nimei dum la kariu khung aniuta ngum biuhmei tisuloumei Ragwangh ta nungniu ruai thuankuna, lungh kimsihmei ngunna Poubaeumei tuang ngum biuhmei suna tutmei su khungnge. Tabuicho tiki Kamei ruai aniuta zingmei ngurn khou ruai gaeklouna, Kamei ruai njianmei Ka Nah mpouh tuang gwangh dih khou aniuta jaikan put lou the; Nah Mpouh khou hei aniu tuang thuakloumei, aniu tuang paep laduakloumei tei nai ye. Tita 2:14 Aniuta ng-khuai mbanmei kapumma khou ruai thuaklou khung, kumma gaimei tanh khou lungning gutmei, kapahloumei guaita Ka tuang su khung sunthunlou khung, Kamei ruai aniu khung kapum Kahukta tilou the. /10 KHRISTA ZEI RUAI JAI KARIULOUMEI Iphisi 1:7 Ka jaeujian chingkhiu pui thei laina aniu ruai Ka zei pan khou ruai aniu tuang thuakloumei, khutni aniu tuang tuanliammei guai laduakloumei mphung the. I Johan 1:7 Kamei ruai ganhmei khou bummei kumma, aniu ruai ganhmei khou tutrithei, aniu khut khutta kadum la nchumme, kumma Ka Nah Mpouh Jisu Khrista tuang zei tei ruai paep kapumma khou ruai aniuta su-nthunlou we. I Pitor 1:18, 19 Kalumthu nungniu ta nungniu tuang pu-pou guai khou ruai kadai keihmei gaeng mukmei kheiliak khou ruai thuakloumei hei aman nuhpui puat, kachaekkaphut ruai rumhme, tiki khunbum maekmei, khutni hiaksuimei laeujiu laeuna kumhmei Khrista tuang kamun kunghmei zei ruai ye tumei nungniu thai ye. Ibri 9:14 Tingsaengjaeng Bumaeng pan kho ruai Ragwangh khou hiaksuimei suna Ka pum Kahuk kutloumei Khrista zei tei ruai, ring bummei Ragwangh ta kalum khung, theihmei tanhguai khou ruai aniu tuang ng-khuai njih thaipui lungningta ajuh kum mbuna su-nthunlou punitha? /11 KHRISTA KHOU LUMLOUMEINA RUAI RINGHBUM LATOUMEI Iphisi 2:8, 9 Kalumthu jaeujian ruai nungniu ta lum nsihsingmei pankhou ruai gulou the; kumma mitei nungniu khou ruai rumhme, Ragwangh tuang kaiput re. Tanh jaeng ruai rumhme, thou kumhmei ruai gaengh su purumme. Rom 5:1 Kumpui jaeng ruai lum nsihsingmeiruai ti-njih louthina, aniu tuang Poubaeumei Jisu Khrista pankhou ruai aniu khou Ragwangh le nchunzaengmei nai the. Galati 5:6 Kalumthu Jisu Khrista khou gih ruammei ruai punih, gih ruam mukmei ruai punih gaengmei mphung muk ge; kumme tiki njianmei pan ruai tanh tan bummei lum nsihsingmei ruai ye. I Johan 5:4 Thou puni Ragwangh khou ruai puanpuimei kathui mban ta ngumme: Kumma mban ta ngummei rum ngum kiu aniu tuang lum nsihsingmei hei ye. Johan 20:31 Kumme tiki Jisu thu Khrista ye, Ragwangh Nah Mpouh we tumei nungniu ruai lum khung, kumma lumma nungniu ruai Ka zun khou ringhmei latou khung, mi guai hei hihiou tuthe. /12 RAGWANGH JAEUJIAN Lu 103:11 Kalumthu kandih ru khou tingpuk ruai heidi kaeuhmei kumma, Ka ta pingmei mansei kathui khou daihmei Ka rumjian nai ye. Lu 103:17 Ka ta pingmei mansei kathui khou Poubaeumei tuang jaeujian thu tingsaengjaeng khou ruai tingsaengjaeng khung nai ye khutni, Ka tuang ntunmei tei katou-katuk guai ru khou nai ye. Mika 7:18 Ng-khuaimeita kuakloumei, khutni kapu-kapouh kin khou ruai keihmei ng-khuai guai kuakloumei Ragwangh kiu thoucho? Kamei thu Ka lung puam tei tingsaengjaeng khung lou muk ge, kalumthu Ka jaeujian khou Kamei jaeng gai ya. Chunsimei 3:22, 23 Poubaeumei jaeujian pankhou ruai aniuta su luai lou milk khe, kalumthu Ka rumjian tei paeukeih milk ge. Ka rumjian tei laeuthuan kathui kathunne, Ka rumjian tei dai ye. Aniu ruai aniu rana tuang ntunpui tanh tan kummei jaeng khou ruai rumhma, kumme tiki Ka tuang njianloumei thei laina, puanlou dutmei tuang lou loumei, khutni Bumaeng Nthunmei ruai ti-kathun loumei pan ruai aniu ta gulou the. Tita 3:5 /13 KA KHOU GUANG DIU KHUNG RAGWANGH RUAI ANIUTA KAEUWE Mathi 11:28 Tanh rianrana tanmei le puat nritna phungmei kapumma a khou guang-ngo, kumma ai ruai nungniu ta jaeng ti-nthaek lou puni. Isaiah 55:1 He, tarimei guai tei duipuak khou tei guangmei sudiuwo, sian maekmei kathui ruai guang lana liu tho khutni tutho, ng-guai, guang tho, kamun timuk nga zou le guainoudui tei liu tho. Johan 7:37 Ntaeu ng-khumpui tingmik khou, tumeithu, Ng-ngaidainung Jisu ruai ding thaeulana, Kaeona sa ye, Thou punih tari yithei, a khou guang-nga jung kundiu. Ndaeuhloumei 22:17 Bumaeng tei le noupei tei ruai sa ye, Guangtho! Kumma chumei kamei tei ruai, Guangtho! sa kundiu. Khutni tarimei kamei tei ruai guang kundiu. Thou punih kahaeumei tei ruai ringhpui dui tei jung kundiu. Isaiah 1:18 Poubaeumei ruai sa ye, ntaeuhei guangtho, kaphian kariu dikho: Nung paep tei zei kumma haeng khuan sini gunh kumma khiu mphuan lou puni. /14 MANSEI KAGUAINA HEI RAGWANGH NAHNUN RUMHME Johan 1:12 Kumme tiki Kata laloumei guai, Ka jun khou lummei guai khou Ragwangh nahnun su nuh khung Kamei ruai ngum tilou the. I Johan 3:10 Mi khou hei Ragwangh nahnun ta, khutni diabol nahnun ta ndaeuhwe: thou punih ntunmei tanmukpui mei tei, khutni ka chana ta njianmukpui mei tei Ragwangh khou ruai rumhme. II Korinth 6:17, 18 Heijaeng ruai, kaniu pung khou ruai tutput tho, kumma bai put tho sa ye, Poubaeumei ruai; Tabuj punih nthunmukmei ta kahi riuwo, Kumma nungniu ta ai lalou puni, kumma nungniu Pu ai su puni, Kumma nungniu a nah mpouhnun, khutni aluhnun su puni, sa ye, Ngum Pari Rimei Kaipou ruai. Rom 8:14, 15 Kalumthu Ragwangh Bumaeng ruai jailoupui mei guai tei Ragwangh nah mpouh nun ne. Kalumthu nungniu ping dut khung bungh supui bumaeng latou tu rurnhme; kumme tiki la thaeuloumei nah mpouh sumei tuang Bumaeng nungniu latou the; kumthina, aniu ruai, Abba, a pu! tuna kaeona huaineih ye. /15 ZOU JUNGMEI LUM KHOU RAGWANGH RUAI TABUI SACHO Galati 5:19-21 Ntaeu mban pum tuang tanh guai ndaeuh we, mi guai kiu hei ye: Nousouh gan sutmei, nthahboulah na lungmanmei, nthun mukmei, nthahmei, ra maeng kalummei, duaih-raengh sumei, karaengmei, lungh nchum mukmei, akhiam adiangmei, lunghpuam daihmei, abai-adupmei, lutput rih putmei, kariak khou tut mukmei, houtimei, meibiu-meidoumei, zou mbamei, zou luhmei, kumma heikummei nchummei guai: Ai kahunung nungniu khou salou kunmei kumma, ai ntaeu ni nungniu khou mi lum hei satuwe, tumeithu hei kummei tanh tanmei guai tei ruai Ragwangh tuang Gwangh dih latou nitu rumhme. Rom 13:13, 14 Kalan khou tutrnei kumma aniu tuang kheiliak gaimei sukho, kakhi kari sumei, khutni zou mbamei, nthahmei, khutni kheiliak simei, agai-agimei, khutni houtimei surikho. Kumme tiki pheiban piumei kumma, Poubaeumei Jisu Khrista ta piu wo, kumma mei pum tuang kahaeumei guang tung khung ruai mban pum khung raeng riu. /16 KACHUNG THAIMEI NARUAI BIUMEI RUMHME Mark 10:17-22 ... Mei gaimei Nchumloumeipu, ringsuangmei latou khung ai ruai tabui sunina cho? Tabui suna nung ruai ata mei gaimei kaeu tucho? tuna Jisu ruai ka khou thun khuanne. Akhutnamei Ragwangh rurnhma gaimei khutna sini maek ge. Lutdun guai tumeithu: Meidou luairiu, nousouh-gansut riu, kaihouh riu, saraemma sakhi tiriu, guat riu, nungpui-nungpu ta chumpouh wo, tumei lutdun guai hei nung thai ye. Kumma kamei ruai Ka khou sa ye, Nchumloumeipu,' mi guai hei ai alaeo khou ruai ngaek guang the. Khou tei Jisu ruai ka ru khou jaeulana, njian the, kumma ka khou sa ye, Kalum akhut nung ntungh muk he; tut tho, nung tuang naimei kapumma juanlana lungsimei guai khung ti wo, kumma nung lun tingkaeuh thaeng nai puni, kumma guangngo, a thei lai wo. Kumme tiki mi lut khoutei kajaeo kumkeih kun the, kumma kamei tei lungh rianrana tutput kun the; kalumthu kamei lunggaisih khuanne. Mansei mikjuat khou njihmei chaeng akhut nai ye kumme tiki katuan tei theihmei khou jailoumei chaeng nge. Lutchup 16:25 /17 GUAT PUIMEI SURIU Iphisi 5:6 Mei, gan khutna ruai sini nungniu ta rumh khut sini rumhmei lut ruai guat muk kundiu; kalumthu mi lum khou ruai lut li-ammei nahnun ru khou Ragwangh tuang lungpuamdai tei guang nge. I Korinth 6:9, 10 Ntun mukpui mei guai tei Ragwangh tuang Gwangh dih latou muk puni tumei nungniu thai muknga cho? Guatpui mei suriu; nthah boulahna lungmanmei, ra maeng kalummei, nousougansutmei, nthahmei tanh tanmei, ng-nganmei nchum jukpui tanh tanmei, kaihoumei, agaemmei, zou mbamei, lutsa simei, guat tuumei mi guai gan khutna sini Ragwangh Gwangh dih latou nitu rumh khe. Jakob 1:22 Lut tei tanpui mei nungniu su wo, kumma nungniu ruai nung pum nung pumta guatna, chupui meina suriu. Njianmei alaeo thiu, mei gan khutna ruai sini nungniu ta chaeng jai mbiang mtik kundiu. Ntunmei tanpui mei tei, Kamei ntunmei sumei kumma, ntunmei su we. Paep supui mei tei diabol tuang nge; kalumthu diabol tei thaeurei khou ruai paep tan guang nge. I Johan 3:7,8a /18 PAEP RUAI THEIHMEI PHUNG GUANG NGE Heijaeng khou ruai, mei gan khut jaeng ruai paep, khutni paep jaeng khou ruai theihmei mban khou gut the, kumma mitei kumma mei kapumma khou theihmei kadai keih the, kalumthu mei kapumma paep tan the. Rom 5:12 Mi tung kahaeumei ruai ngguamlana, paep puan ne; kumma paep tei kangun tung pu khou, theihmei puan ne. Jakob 1:15 Paep tanmei bumaeng tei thu theih puni. Ka nah tei kapu tuang paep tei phungnitu rumhme khutni kapu ruaina ni ka nah tuang paep tei phungnitu rumhme: nthunmei tuang nthunmei tei ka ru khou nai puni, khutni lungh simei tuang simei tei ni simei ru khou nai puni. Ezekiel 18:20 Kalumthu meipum tuang ningmei tei theihmei ye: Kumme tiki Bumaeng tuang ningmei tei ringhmei khutni nchu-nzaengmei ye. Rom 8:6 Lutchup 11:19 Nthunmei ruai ringhmei punti latoumei kumma: heitei kumma simei tanmei ruai karana ka theih bum khou alai louthe. Luk 15:32 Nung kaina hei theih kunmei khou ruai ring dutmei, khutni mman kunmei khou ruai mphung dutpui jaeng khou ruai, aniu neihia jaenggai rup nina dithe. /19 KHRISTA RUAI THEIHMEITA RIH NGUMTHE Johan 11:43, 44 Kumma Kamei ruai mi lut hei sana khuan runna kaeona sa khuan the, Lazar, puttho! Khoutei theih kunmei pu tei putthe; ka phaj ka ban khou tarou phei ruai kabiatlou khuanne, khutni ka jaeo khou pheiki ruai nsui lou khuanne. Jisu ruai kaniu khou sa ye, Ka ta riput louna tituttho. Johan 10:17, 18 Hei jaeng khung ruai a Pu ruai a ta njianne, kalumthu ai ruai aduu lalou dut khung ai ruai aduu mputlou we. A khou ruai gan khutna ruai sini aduu suman mukge, kumme tiki arana ruai mputlou we. Ai ruai mi tei input lou khung atik nai ye, khutni mi tei ladut khung ni atik nai ye. Mi lutdun hei ai ruai a Pu khou ruai latou the. Kumma Kamei guang-nga, takiu tei kahi tikhou, puanbummei nuntei ding the. Khoutei Kamei ruai sa ye, Ng-ganpo, ai ruai nung khou sa ye, Thaeutho. Khoutei theihmei nahtei thaeo dung the. Luk 7:14,15a Ring-nga bummei Kamei kiu Ai ye, kumma theih khuan the; kumma jaeolo, ai tingsaengjaeng khutni tingsaengjaeng ring bumme; kumma theihmei tuang, khutni taruairtim tuang khumtan tei a khou nai ye. Ndaeuhloumei 1:18 /20 RAGWANGH LUTDUN GUAI Deuteronomy 5:7-21 Ai hei rumhma A ma khou baihmei raguai nungniu tinai luknina de. Nungniu asuang ra suamlouna rumhmithei tingpuk khou naimei rumhiun luimei, puat, rumhmithei kandih num ru khou naimei puat, rumhmithei duibung khou naimei puat; heiguaita nungniu ra khung kasiam louna nungniu heiguai ta kiu ngkhum keihna kalum bum khung tinai lukninare; khutni kaniu siamruai suluk ninare. Tumei kiuthu nungniu Ragwangh Jehovah Ai hei nungniu pupouh khutni kaniu tou-nah nun, meikin kanei-kathum thaeng ruai A ta karaeng nga bum guangpui mei paep guai ta jaeolouna mama bummei Ragwangh nge. Tiki thu A ta njianmei khutni A lutdun guai piupui mei ching-ching guai khung khung thu njian thaimei jaeojian tiloumei Ragwangh nge. Nsa rumhji milk khou nungniu Ragwangh Jehovah zun sanriu. Tumei kiuthu kaji muk khou Ka zun sanpui mei paep Jehovah ruai kuaklou muk puni. Nung Ragwangh Jehovah ruai dunloumei lut thei laina nthaek nei Sabath ta nthunna suna nunei ninare. Jaeng charuk tanh guai tan no; .. . Nung Ragwangh Jehovah ruai dunloupui thei laina nung pui nung pu ta kung-nga suwo, . .. nung meibiumeidou lukninare. Nung meinou souluk ninare. Nung kaihou-laeogut luk ninare. Nung kai kaining laeogeimei nou-nah ta nreina mama luk ninare, nungkai kaining laeogeimei kaita, laeopuk ta khutni kati-kabungh guai ta, kaki karuai guai khutni nungkai kaining laeogeimei tuang puat ru khou mama luk ninare. /21 RAGWANGH KHOU RUAI NUNG NGKUM NGUM MUKGE Lu 139:8 Ai ruai tingkaeuh thaeng ku sini, nung khou tei bumme; taruai rumh khou ai ruai aji suni, jaeolo, nung khou teini bumme . . . Job 34:21, 22 Mansei chaeng guai ru khou Ka (Ragwangh) mik tei lou bumme, khutni mansei ruai tan bummei tanh guai tei Ka mei ruai hou ngumme. Paep tanmei guai ruai kaniu paep tei ngkum lou khung jingmei ni maekge khutni theihmei limni maekge. Luk 8:17 Kalumthu ndaeuh luknimei ngklim loumei khut sini maek ge, khutni thai luknimei, khutni ndaeuh luknimei ngkumloumei khut sini maek ge. /22 RAH NINGMUKMEI GUAI KHUNG TINGSAENGJAENG DUNDI Lungh simei khutni Ragwangh ta amumei jat guai tei mai kuam khou keih puni. Lu 9:17 Math; 13:41, 42 Mei Nah Mpouh tei ruai Ka tuang tingkaeuh banchra guai ta ndiu louna, phai tisuimei kapumma ta, khutni ng-khuaimei tanmei kapumma ta Ka Gwangh dih khou ruai khuam kaduaina, kaniu ta maikuam khou gunlou puni; mi bum khou tei kupmei le nei ngkai kariak riakmei su puni. Nung ban ruai rumhmithei, nung tun ruai nung ta phai tisui louyithei, mi tei dun tupbo! Nung ban kanei nung tun kanei naina tingsaeng jaeng mai khou phailoumei khung suang thu ban akhut rumhmithei tun akhut maeknga ringhmei khou gutmei nung khung gaimei ye. Mathi 18:8 II Pitor 3:7 Kumme tiki lutjun tuang, khutni ra ning mukmei guai ta sumanmei tuang tingmik khung louna, Kit kahuk tei ruai ntaeu naibummei tingkaeuh khutni kandih ta mai khung daeklou the. Heiguai tihei (ntun mukmei) tingsaengjaeng dundi khou thoulou puni; ntunmei guai ruai tingsaengjaeng ringhmei khou tut puni. Mathi 25:46 /23 LUTJUN GUANG THE Kalumthu Kamei ruai kakhun putloumei mei gan khut pan khou ruai mban kapum ta ntunmei khou lutjun suni mei Tingmik akhut rianlou the, Kamei ruai mi Mei ta kiu theihmei khou ruai tiring thaeolouna, mi tuang singhsingmei tei mei kathui khou tilou the. Tanruai 17:31 II Pitor 2:9 Rah ningmei guai ta nchunmei khou ruai gulou khung khutni ntun mukmei guai ta Lutjun Tingmik ngunna raina lou khung Poubaeumei thai ye. I Johan 4:17 Khouhei njian mei tei aniu lung khou ti-nthuilou we, mitei ruai aniu ruai Lutjun Tingmik khou baeu khung nge, kallimthu Kamei mban khouhei bummei kum rupma aniu ni bum muai ye. Kumma mansei guai khou tiloumei kumma theihiuan guai puni, kumma mi tung tei lutjun dithe. Ibri 9:27 Kalumthu mei kathui ruai ka pum ka pum ruai tanlou kunmei thei laina, simei punih gaimei punih, latou khung, aniu kapumma ta Khrista tuang lutjun bumpaeng ma khou ndaeuh chungh puni. II Korinth 5:10 Kum thina aniu mei kathui ruai Ragwangh khou ka pum ka pum tuang chuk ti puni. Rom 14:12 /24 JISU KHRISTA RUMHJIAN Rom 9:16 Kumma mihei la nina ning bummei ka tuang nih rumhme, tan bummei ka tuang nih rumhme, kumme tiki njianloumei Ragwangh tuang nge. I Pitor 5:5b ... Ragwangh ruai daihpui riu sumei guai ta nuh muk ge, tiki lungning liu keihmei guai khou jaeujian tilou we. Rom 5:15 Kumme tiki jaeujian tuang tanh tei tuanliampui tanh khou nchum muk ge, kalumthu mei gan khut tei ruai tuanliampui jaeng khou ruai mei mpeina tei theihyithei, Ragwangh tuang jaeujian khutni Mei gan khut tuang, tumeithu Jisu Khrista tuang jaeujian tuang nsa tiloumei kaiputtei mei mpeina khung tei tiloumei mbu-alaina geih the. II Korinth 8:9 Kalumthu nungmiu ruai Poubaeumei Jisu tuang jaeujian tei thai ye: Tumeithu, Kamei lunggai khuan sini, nungniu jaeng khung ruai Kamei lungsimei su khuanne, hei tei ruai nungniu Ka rum lungsi pan ruai lunggaimei su khung nge. II Korinth 9:15 Ragwangh tuang sa ngum mukmei kaiput khung ruai ka ta thuankumei su diuwo. /25 LUNGH LAIMEI Tanruai 17:30 Heijaeng ruai rumh thaimukpui gun guai tei Ragwangh ruai jaeumin lou muk khe, kumme tiki ntaeuthu Kamei ruai kabum kathui khou mansei katana khou lungh lai khung lut-dun dunne. Tanruai 3:19, 20a Kumpui jaeng ruai nungniu paep guai thut amanlou diu khung nungniu lungh laina ngalun guang tho, Kum pu khou Poubaeumei khou ruai chaengh ringhmei gun guai guang puni. u Korinth 7:10 Kalumthu Ragwangh ruai ninglou pui thei laina lungning rianramei tei ruai lungh laimei, khutni mi tei ruai ringhbum tiput re, kumma, ning ngum mukmei tinai mukge, kumme tiki mbam tuang lungning rianramei tei ruai theihmei tiput re. Tanruai 2:38 Khoutei Pitor ruai kaniu khou sa ye, Lungh laitho, kumma nungniu paep laduak khung nungniu kathuina Jisu Khrista jun khou duuup tho, kummithei nungniu ruai Bumaeng Nthunmei kaiput latou puni. Luk 13:3 Ai ruai nungniu khou samei heiye, Rumhme, tiki nungniu lung laimuk githei, heitei kumma nungniu kapumma aman puni. /26 PAEP KUAKLOUMEI Ezekiel 18:21 Kalumthu kalung simei mansei ruai ka paep guai khou ruai ngalun guang dutrithei, khutni a lutdtin guai hei piuyithei, khutni lutdun khou ntunmei khutni nchurnhmei tannithei, kamei suaimuk nga ring puni, khutni kamei theihnitu rumhme. Isaiah 55:7 Ka lungh simei mansei ruai ka tuang simei chaeng tei mputmei sudiu wo, khutni ntun mukmei ruai ka lungning tei mputmei sudiu wo, khutni Poubaeumei khou kamei ngalun guangmei sudiu wo, khutni Kamei ruai ka ru khou jaeojian tilou puni, khutni aniu Ragwangh khou, kalumthu Kamei ruai sabi saba muknga kuaklou puni. Mathi 6:14 Kalumthu nungniu ruai meinun tuang tuanliammei guai kuaklou yithei, tingkaeuh thaeng bummei nungniu Pu ruai ni nungniu ta kuaklou puni. Ndaeuhloumei 3:20 Jaeolo, ai chaengmun khou ding-nga kaikhilm nchou bumme; thou kummei ruai a khuan chulana, kaikhum tei lanlou yithei, ai ka khou gutna kamei le khutni kamei ruai ai le tu-nchum puni. /27 MBAN KHEu-LIAK KHOU RUAI NTUMMEI Kaeuh thaeng naimei puat guai khou nungniu lungh lou wo, kandih khou naimei puat guai khou lou riu. Kolosi 3:2 Iphisi 5:11 Kumma jingmei tuang kathai nthai mukpui tanh guai tei le kadlim la nchum riu, tiki mi phan tei kaniu tuang khuai ndaeuh wo. Tita 2:11, 12 Kalumthu Ragwangh tuang jaeujian, mei kapumma khou ringhbum phung guangmei tei, tihoulou the; aniu ruai ra ta thaimukmei ta, khutni mban tuang sumei kahaeumei ta nuh muknga, lungning sinriapma, ntunmei suna khutni ra ning-nga ntaeu tuang mban khou hei lungh khung jaeojian hei ruai aniu ta dinlou we. Khiuna nung su-nthun tho; a mik khou ruai nung tanh simei guai tei lagun kun tho; simei tanh tan nthaek tho. Isaiah 1:16 I Johan 2:15, 16 Mban ta khutni mban lung khou naimei puat guai ta njian riu. Thou kummei ruai mban ta njian nithei, Pu ta njianmei tei ka khou maek ge; kalumthu mban khou nai bummei kapumma, mei pum ruai kahaeumei, mik ruai kahaeumei, khutni punti tuang gaengh sumei, Pu khou ruai rumhme, tiki mban khou ruai ye. /28 PUANTHUNMEI Ezekiel 36:26 Lungthu kathun a khut ni ai ruai nung khou tilou puni, bumaeng kathun a khut ni nung lung khou tilou puni: khutni nung zuntei khou ruai ntaeo tuang lunghtu tei lagun puni, kumme tiki zuntei tuang lunghthu a khut nung khou tilou puni. I Johan 2:29 Kamei ntunmei ye tumei nungniu thai yithei, ntunmei tanpui mei kathuita Kamei ruai puanlou tuthe tumei nungniu thai ye. II Korinth 5:7 Kumpui jaeng khou ruai thou kummei gankhut ruai Khrista khou bummithei, kamei tei dum kathilnmei the; karan guai kan kun the; jaeolo, rurnh kapumma kathun guanh ngum the. Johan 3:3 Jisu ruai ka khou sa daeu we, Ai ruai nung khou sadiang siakloumei hei ye: Puan thun mukgithei, gankhutna sini Ragwangh tuang Gwanghdih tei hou ngum muk ge. I Pitor 1:23 Kalumthu mman nuhmei thu khou ruai rurnhma, mman nuh mukmei khou ruai, mikiu ring bummei khutni tingsaengjaeng nai bummei Ragwangh lut pan khou ruai nungniu ta puan thunlou the. /29 PAEP KHOU THEIHLOUMEI-KHRISTA KHOU RINGTHAEU DUTMEI Iphisi 2:1 khutni 6 Kumma nungniu tuang tuanliammei, khutni paep jaeng khou ruai theih bum khuanmei gun khou, Kamei ruai nungniu ta tiring lou the ... Khutni Kamei le ti-ring thaeu nchum louna, Khrista Jisu khou tingkaeuh tuang bum khou aniuta Kamei le tidung nchum lou the. Kolosi 3:1 Kumthina nungniu Khrista le ring thaeu mchum mithei, kaeuh thaeng naimei puat guai tei phu wo, khoutei Khrista ruai Ragwangh tuang banjut khou dung bumme. I Pitor 2:24 Aniu ruai paep biak thaeng theihna ntunmei biak thaeng ringh khung, Kamei Kahuk ruai thing ru khou Ka pum khou aniu paep phung lou the; Ka tuang zum suhmei ruai nungniu ta tigai lou the. Rom 6:2 khutni 11 Paep lum khou theihmei aniu ruai akumma ntaeu nih mi lung khou tei lung bum ninacho? ... Mitei kumma nungniu nih nfinniu rana paep lum khou theih chungh the, kumme tiki Khrista Jisu khou kariuna Ragwangh khou ring nge tumei chukgo. /30 RINGSUANGMEI PUNTI Johan 3:14, 15 Kumma Mousi ruai tajik rum khou nrui ta jaithaeumei kumma, Mei Nah Mpouh ta nih jaithaeu chung puni: Mitei thou punih Ka khou lumloumei ruai ring suangmeilatou khung nge. Johan 17:3 Kachungmei Ragwangh akhut namei nungta, khutni nung ruai ndiu keihmei Jisu Khrista ta kaniu ruai thailoumei, mi hei ring suangmei kiu the. Johan 3:36 Nah Mpouh ta tei lummei kamei tei ring suangmei latou the: Kumme tiki Nap Mpouh lut piu mukmei kamei tei ringhmei hou muk puni, tiki Ragwangh tuang lunghpuam ka ru khou keih lou we. Rom 6:23 Kalumthu paep ruai timei tanh phi tei theimei ye, tiki Ragwangh tuang jaeojian kaiput thu aniu tuang Poubaeumei Khrista Jisu khou ring suangmei ye. Johan 5:24 Ai ruai nungniu khou sadiang siak loumei hei ye, A lut chulana; a ta ndiu guangmei Ka ta lummei kamei tei ruai ring suangmei latou the, kumma lutjun khou gut muk khe, tiki theihmei khou ruai ringhmei khou kan put the. /31 RINGHBUM LUM KHOU SINGH-SINGMEI Ntunmei tuang tanh thu nchunzaengmei ye; khutni ntunmei khou ruai guangmei thu nchunrimei le tingsaengjaeng khung singh-singmei ye. Isaiah 32:17 Kumma nungniu hei nah mpouhnun supui jaeng khou ruai Ragwangh ruai Ka Nah Mpouh tuang Bumaeng ta nungniu lung khou ndiu lou the; Bumaeng tei ruai, Abba, a Pu, tuna kaeona huai ye. Galati 4:6 A lutdun guai lalouna, piumei kamei tei a ta njian ne: Kumma a ta njianmei ka ta tei a Pu ruai njian puni, kumma ai ka ta njian puni, khutni a puni kahuk ka khou ndaeuh lou puni. Johan 14:21 Aniu hei Ragwangh nahnun ne lumei Bumaeng kahuk ruai aniu bumaeng le sakhi ti ye.Rom 8:16 Njianmei alaeothiu aniu ruai lut ruai khutni balei ruai njian rikho, tiki tanh ruai khutni kachungmei ruai njian kho. Mi hei ruai aniu kachungmei khou ruai ye tumei aniu thai ye, kumma aniutuang lungningruai aniuta ti-ngkhuai sini, aniu ruai aniu tuang lungning ta Ka ma khou tikum lou puni.... Mihei ruai aniu ruai Ka khou khutni Kamei ruai aniu khou bum tunh tunne tumei aniu thai ye, kalumthu Kamei ruai aniu khou Ka Bumaeng tuang dum tilou the. I Johan 3:18,19; 4:13 /32 GUT LUNG LOUMEI KHRISTA RUAI JAENG-GAIMEI TIYE Kalumthu Ragwangh Gwangh dih teithu zun khutni zouh rumhme; kumme tiki Bumaeng Nthunmei khou ruai guangmei ntunmei, nchu-nzaengmei, khutni jaeng-gaimei ye. Rom 14:17 A ta Khrista le kros khou hian bin the: Kum khuan sini ai ring nge; ntaeo ni ai ruai rumhme, tiki Khrista ruai alung khou ring lou we; kumma ntaeo ai a pum khou ring bummei punti hei a ta njianlou khuanmei, khutni Ka pum kahuk a khung tilou khuanmei, Ragwangh Nah Mpouh ta lum nsih-singmei pan ruai ai ring nge. Galati 2:20 Isaiah 12:3 Heikumpui jaeng khou ruai ringh bum tuang duikhun khou tei ruai neihiamei le kajaeu na nung ruai dui ju puni. Johan 15:11 A tuang neihiamei nungniu khou nai bum khung, kumma nungniu tuang neihiamei ti-padik khung, lut lum guai hei ai ruai nungniu khou sa tu the. Nung ruai punti chaeng tei a khou lianlou puni: Nung ma khou jaenggaimei ruai padik ge; nung banjut biakthaeng tingsaengjaeng khung tingsaengjaeng neihiamei padik nai ye. Lu 16:11 /33 POUBAEUMEI LUT PIUMEI HEI KAGE NAIMEI YE I Samuel 12:15 Kumme tiki nung ruai Poubaeumei khuan ta piu muk githei, tiki Poubaeumei lutdun guai ta athung ngithei, kummithei nung pu-nungpou guai ru khou keih lou kunmei kumma, Poubaeumei ban tei nung ru khou keih puni. II Thessalonika 1:7-8 Kumma rianramei akhaeng bummei nungniu khou aniu khou le nchumma jaeng nthaekmei tilou puni; mikiu Poubaeumei Jisu ta tingkaeuh thaeng ruai Ka tuang ngum daihmpi kaeuh banchra guai le maibuang khou ndaeuh lou pu khou, Ragwangh ta thai mukmei guai ru khou le Poubaeumei Jisu Khrista tuang Gospel (Gaimei Chumh) lut piu mukmei guai ru khou khum lana Kamei ruai mi hei tilou puni. Deuteronomy ll:26-28a Jaeolo nsei hei suaihiam Ie siang nung hu khou lou we, Nung Ragwangh Poubaeumei tuang lutdun guai, nsei nung khou dun loumei hei piumei khung suaihiam: Khutni nung Ragwangh Poubaeumei lutdun guai piu mukmei khung siang. /34 KHRISTA TA NDAEUHMEI HEI KAGE NAIMEIYE Philipi 2:11 Khutni Pu Ragwangh tuang him ganhmei khou balei kathui ruai, Jisu Khrista hei Poubaeumei ye tuna sa ndaeuh khung the. I Johan 2:23 Thou punih Nah Mpouh ta tei nuh mukpui mei tei Pu ta (Ragwangh) nih mphung muk ge; Nah Mpouh ta sa ndaeuh pui mei tei Pu ta nih mphung nge. Rom 10:9, 10 Tumeithu, nung ruai nungmuang ruai Jisu ta Poubaeumei ye tuna sa ndaeuh yithei, khutni theihmei guai pung khou ruai Ka ta Ragwangh ruai ti-ring thaeulou khuan the tumei nung lung khou lumlou yithei, nung ta gulou puni. Kalumthu lungh khou mei ruai lumme, kumma mihei ruai ntunmei khou jaiou we, muang khou ruai kamei ruai sa ndaeuh we, kumma mihei ruai ringh bum khou jailouwe. Luk 9:26 Kalumthu a lum khou, khutni a lut guai lum khou jilkmei thouta punih Mei Nah Mpouh tei ruai Ka tuang, Ka Pu tuang, khutni nthunmei banchra guai tuang him ganhmei khou keih pu khou, juk puni. /35 SEITAN-ANIU JAEUJIHMEI KAPI I Pitor 5:8 Sip sipbo, ntuk nrukgo, tabuicho tiki nungniu tuang houmumei diabol ruai rah bummei kamtingliangpui (lion) kumma, thou kummeita tuu khung phuna ruan tut bumme. Mathi 4:1 khutni 10, 11 Mi tung Jisu ta diabol ruai nthiam khung Ragwangh Bumaengh ruai tajikrum lung khou nduang kulou khuan the . . . Khoutei Jisu ruai ka khou (diabol khou) sa ye: Tut kunno, Seitan! Kalumthu mi hei hihiouna nai ye, Nung Poubaeumei Ragwangh ta nung kalum ninare; kumma Ka ta nuh siamruai suninare. Mi tung diabol tei ruai Jisu ta input lou khuan the; kumma jaeolo, tingkaeuh banchranun ruai guang-nga Ka ta siamruai sulou the. II Thessalonika 2:9 Lutjun lutdun kalimmei Gan Khut tei Seitan tuang ngum kapumma kajaeuna guang puni, kumma su-nchinpui tuang guai Ie saramma tihahlala pui tuang guai tan puni. Iphisi 6:11 Nungniu ruai Diabol tuang rouh simei hu khou ding ada ngum khung Ragwangh tuang rih puan kapumtei piu wo. /36 SEITAN RU KHOU RIH NGUMMEI II Thessalonika 2:8 Mi tung lutjun lutdun kalimmei Gan Khut ndaeuh puni, kumma Poubaeumei Jisu ruai Ka muang khou ruai Ka thin ruai ka ta suluai puni, kumma Kamei guang pu khou Ka tuang him ganhmei jaeo houmei ruai ka ta su-aman puni. Jakob 4:7, 8a Kumpui jaeng khou ruai Ragwangh khou kut gutro; kumma diabol le ndiang-nga ding tunno; kumma kamei nungniu khou ruai puk tut puni. Ragwangh khou ana guang ngo, kumma Kamei ruai ni nungniu khou ana guang puni. Ibri 2:14 Kumpui jaeng khou ruai alaeo guai tei ruai zuntei zeidum lamei supui jaeng ruai, Kamei Kahuk ruai nih kaniu le nchumma mi dum kahuk tei la the; mi tei ruai Kamei ruai theihmei pan ruai theihmei ngum naimei ka ta, tumeithu diabol ta, rumh khut sini maekmei tisu khung nge. I Johan 3:8 Paep tanpui meitei diabol tuang nge; kalumthu diabol tei thaeoreih khou ruai paep tan guang nge. Mi lum khung ruai diabol tuang tanh guai tei su-aman khung Ragwangh Nah Mpouh ta tei nadeuh lou khuanne. /37 NJIANMEI, LUTDIU TUTMEI NUN TUANG CHADAMEI I Korinth 13:1 Ai ruai mansei guai tuang khutni kaeuh banchra guai tuang lut guai sa sini, a khou njianmei maek githei, ai hei khuan kagaeng bummei kaeng rumhmithei kakhing bummei siamtuaih kummei di the. Nungniu khou khut khutta njianmei nai yithei, mihei ruai mei kapumma ruai nungniu ajiabbe tumei thai puni. Johan 13:35 I Johan 4:20 Mei gan khut ruai, Ai Ragwangh ta njianne, tuna salana ka chana puna ta karaeng ngithei, kamei tei sarampui mei ye: Kalumthu houmei ka chana puna ta njian mukmei kamei tei ruai kamei ruai houmukmei Ragwangh ta njian ngum muk ge. I Johan 3:14 Aniu ruai theihmei khou ruai ringhmei khou kanput the tumei aniu thaiye, kalumthu aniu ruai chana puna guai ta njianne. Njian mukpui mei tei theihmei khou bum tunh tunne. Galati 5:22, 23a Kumme tiki Bumaeng tuang thaithu: Njianmei, neihia jaeng gaimei, nchu-nzaengmei, akhaeng saengmei, lungh njaengmei, gaimei, lumlou nuhmei, lungh niammei, karana kapumta sin-riapmei. /38 JISU KHRISTA RINGTHAEU DUTMEI Tanruai 10:39-41 Kumma Kamei ruai Jihudi meinun tuang kandih khou, khutni Jirusalem khou tanlou kunmei kapumma khou tei aniu sakhi the. Kaniu ruai Ka ta kros khou hian binna suluai kun the. Ragwangh ruai Ka ta neihthumpui nung tiring thaeulou the, kumma Ka ta tindaeuh the; mei kapumma khou rumh khuanne, tiki Ragwangh ruai kahunung ruai kapa putlou khuanmei sakhinun aniuna ruai Ka ta hou khuanne. Kamei ruai theihmeinun pung khou ruai ringthaeu pui tung Kamei aniu le tuu-jung nchum khuanne. Johan 20:26-28 Kumma jaeng tachut tung Kajiabnun tei kainung khou bum dut khuan the, Thoma nih kaniu pung khou bum khuanne. Kaikhum guaina mbungh louna bum khou, Jisu ruai kaniu pung khou guang dinglana saye, Nungniu khou nchu-nzaengmei suktindiu. Khou tie Kamei ruai Thoma khou saye, Hei thaeng hei nungban haem guang ngo, kumma A ban kanei hei jaeo wo; kumma nung ban haem guan-nga a kuai khou lou wo; kumma lum muk muknga, lummo. Thoma ruai Ka khou sadaeowe, A Poubaeumei, khutni a Ragwangh. /39 RINGTHAEU DUTMEI, ANIU TUANG KAEUHLIANGMEI MACHUN Johan 5:25 khutni 28, 29 Ai ruai nungniu khou sadiang siaklou mei hei ye, kagun tei guang nge, ntaeu ni the theihmeinun ruai Ragwangh Nah Mpouh khuan chupuni kumma chumeinun ruai ring puni. Mi khou hei hahlala bum riu, kalumthu kagun guang nge, mi gun khou tei tarou lung khou bummei kapumma ruai Ka khuan chulana, mpaeng khou put puni; gaimei tanhmei guai ruai ringh khung ringthaeu puni; simei tanhmei guai ruai lutjun khung ringthaeu puni. Jisu Khrista khou duilupmei la tungmei aniu kapumma ruai Ka tuang theihmei khou duilupmei la the tumei nungniu thaimuk ngacho? Kumpui jaeng khou ruai Pu tuang him ganhmei khou Khrista ta theihmei guai pung khou ruai ti-ring thaeuloumei kumma, aniuni ring thunhmei khou ringh khung, theihmei khou duilupmei aniu lamei khou tei aniuta Kamei le phup nchumlou the. Kalumthu aniu ruai Ka tuang kumhmei theihmei khou Kamei le kariu yithei, Ka tuang kumhmei ringthaeumei khou nih aniu kariu puni. Rom 6:3-6 /40 POUBAEUMEI KHOU NTHUNMEI Aniuta aniu tuang jaeujihmei guai ban khou ruai gulouna, pingmei maeknga, Ka siamruai su nuh khung nge, Ka hu khou nthunmei khou le ntunmei khou aniu punti ngunna. Luk 1:74, 75 Kumpui jaeng khou ruai aniu khung mi lutrian guai hei naipui jaeng ruai, kung-nga njianmeithiu, mei pum le bumaeng ta sumphuammei kapumma khou ruai aniu rana su-nthunna, Ragwangh ta ping nga aniu rum nthunta nthuimei tisu kho. II Korinth 7:1 Kumpui jaeng khou ruai mei gan khut ruai karana ta mi guai khou ruai su-nthunnithei, kamei tei chumpouhloumei khou sinsumei ngkuak, su-nthunloumei, kumma Kaipou tuang sinsumei khou gaengmei, khutni gaipui tanh kathui khung ndanloumei su puni. II Timothi 2:21 I Pitor 1:2 khutni 15 Pu Ragwangh tuang thai kasuakmei thei laina, lutdun piu khung, khutni Jisu Khrista tuang zei ruai kajinlou khung, Bumaeng ruai su-nthunloupui pan khou ruai kadaloumei guai khou: Jaeojian khutni nchu-nzaengmei nungniu khou geih thaeumei sudiu... Tiki nungniu ta kaeoloumei Kamei tei nthunmei kumma, nungniu tuang punti kheuliak kapumma khou nthunmei su wo. /41 POUBAEUMEI KHOU NTHUNMEI Isaiah 35:8 Mi khou tei kaeuhmei chaeng akhut nai puni, khutni chaeng akhut, mi tei nthunmei chaeng tuna kaeo puni; mphuammei guai mi tei tut kan ngum muk ge, tiki mi tei chaeng tut rianramei guai khung nge, mpungmei guai thu mi khou gut nitu rumhme. Mathi 3:11 Nungniu lungh lai the tumei nchin khung ai ruai nungniu ta dui khou duilup lou khuanne. Kumme tiki a theithaeng guang punipui mei tei a suang bantun naiye. Ka phaithaup phung khung ai biuh muk ge. Kamei ruai nungniu ta Bumaeng Nthunmei khou khutni mai khou duilup lou puni. I Johan 1:9 Aniu ruai aniu tuang paep sa ndaeuh putrithei, aniu tuang paep laduak lou khung, khutni ntun mukmei kapumma khou ruai sunthun lou khung, Kamei thu lumlou nuhmei khutni ntunmei ye. Iphisi 1:4 Mi tei kumma aniu Ka hu khou njianmei khou nthunmei, khutni khunhum maekmei su khung, mban dumhmei huthaeng ruai aniu ta Khrista khou Kamei ruai kapah putlou khuan the. 42 BUMAENG RUAI PADIKMEI MANSEIGUAI Kumpui jaeng khou ruai nungniu si khuan sini, nungniu nahnun khou gaimei kaiput tilou thaiyithei, tingkaeuh thaeng bummei nungniu Pu ruai Ka khou neimei guai khou ajuh kum geih mbuna Bumaeng Nthunmei tilou puni tha? Luk 11:13 Tanruai 1:8a Kumme tiki Bumaeng Nthunmei nungniu ru khou keihiou pu khou, nungniu ruai ngum latou puni, khoukiu nungniu ruai a sakhi su puni. Kumme tiki Ragwangh tuang Bumaeng tei nungniu lung khou lung bum chunghngithei, nungniu mei pum thei laimeinun rumhme, tiki Bumaeng thei laimeinun ne. Ntaeu thoukummei gan khut khou Khrista tuang Bumaeng tei maek githei, kamei Ka tuang rumhme. Rom 8:9 Khutni Ai ruai nung khou a bumaeng lou puni, khutni nung ta a lutdun lung khou tutdiu khung tisulou puni, khutni nung ruai a lutjun guai hei lou puni khutni tan puni. Ezekiel 36:27 Tanruai 4:31 Kumma kaniu ruai huaineih tikhou, kaniu ruai kariu bummei bum tei liu liu the; kumma kaniu kapumma Bumaeng Nthunmei ruai padiknga Ragwangh lut baeuna sa thaeu khuanne. /43 KHRISTIAN GUAI KHOU CHARINNA NRIANLOUMEI Lu 34:18 Poubaeumei thu lungthu bukmei guai khung ana na bum de khutni bumaeng bukmei guaita guloumei Pu de. Isaiah 66:2 Nai bummei kaguai tei A ban ruai kasiam lou pui tuang nge, tuna Poubaeumei ruai sa ye: kumme tiki lungsimeinun khutni bumaeng bukmei guai khutni a lut khou kadunmeinun khou Ai ruai jaeo lou puni. I Pitor 4:12, 13 Kung-nga njianmeithiu, nungniu ta nchun khung nungniu ru khou mai kumma nchunmei guang pu khou, rumh akhut kadut dutmei put bum tukhuang the tuna hahlalana ning riu; kumme tiki Khrista tuang him ganhmei ndaeuhpui gun khou, nungniu ruai taraina muknga neihia jaenggai khung, Khrista tuang rianra akhaengpui dum la nchummei khou nungniu neihia wo. Ndaeuhmei 21:4 Kumma Ragwangh ruai kaniu mik khou ruai mikdui kapumma roulou puni; khou tei theihmei naidut nitu rumh the, rianramei, kupmei khutni suhmei naiclut nitu rumh the; kalumthu reihmei puat guai tei kanput kun the. /44 NTHIAMMEI KHOU PUNKEIH LOUMEI KHOU NRIANLOUMEI GUAI Isaiah 43:2 Nung ruai dui khou tut bum khouni, Ai nung le bum nchumme; khutni duibaek ruai ni nung ta ngum nitu rumhme: mai khou tut bum sini, mai ruai nung ta raeo nitu rumhme, khutni maibuang ruai nung ru khou rumh khut sini ngum nitu rumhme. I Korinth 10:13 Mansei ruai akhaeng ngummei suang mbuana nthiammei ruai nungniu ta nim kun muk ge: Ragwangh thu lumlou nuhmei ye, kumma nungniu ruai akhaeng ngummei suang mbuna nungniu ta nthiam khung Kamei ruai nuhlou muk puni; tiki nungniu ruai akhaeng ngum khung, nthiammei tei le duak putpui chaeng nih Kamei ruai tinailou puni. Ibri 2:18 Kalumthu Kamei Kahuk nthiammei khou akhaeng kunmei khou tei ruai nthiammei mphungmei guaita ngkhalou khung Kamei ngumme. Rom 8:28 Kumma Ragwangh ta njianmei guai khou, Kamei ruai ningpui thei laina kaeuloumei guai khou gai khung rumh kaguaina tanh su kariu we tumei aniu thai ye. /45 NGUMMEI GUAI KHOU NRIANLOUMEI GUAI Ndaeuhloumei 3:5 Ngummei ka khou tei hei kumma pheiban mphuanmei piulou puni the; kumma ai ruai ka jun tei ringhmei tuang lutrik khou ruai thut aman muk puni, kumma ai ruai ka jun tei a Pu ma khou, khutni Ka banchra guai ma khou sa ndaeuh puni. Ndaeuhloumei 3:12 Ngummei ka ta tei ai ruai a Ragwangh tuang rakai khou kaitiangh akhut tisulou puni; kumma kamei mi bum khou tei ruai tutput dut muk puni the: Kumma a Ragwangh tuang jun, a Ragwangh tuang kaidai, mikiu, a Ragwangh khou ruai, tingkaeuh thaeng ruai keihmei Jirusalem kathun tuang jun, khutni a jun thun ai ruai ka ru khou hihlou puni. Ndaeuhloumei 21:7 Ngummei kamei tei ruai mi guai hei ka tuang su puni; lumma ai ruai ka Ragwangh khutni kamei ruai a nah mpouh su puni. Ndaeuhloumei 2:7 Bumaeng tei ruai phuamling guai khou samei tei nukuan naimei kamei tei ruai chu kundiu! Ngummei ka khou tei Ragwangh tuang paradais khou nai bummei ringhmei tuang thingbung khou ruai tuu khung ai ti puni. /46 NOU-PU LUNG-NTUMMEI LUM KHOU RAGWANGH RUAI ANIU KHOU SA YE Luk 16:18 Thou punih, kanou ta mulana, baimei ntumei gankhut ta kaeomei lei nousoumei ye: Khutni thou punih kagan ruai muloumei ntumei ta kaeomei tei nousoumei ye. Rom 7:2, 3 Kalumthu mih kunmei ntumei gankhut ta tei kagan khou tei kamei ring bum san Lutjun Lutdun ruai bunglou bumme, kumme tiki kagan tei theih ithei, ka ta kagan lumkhou Lutjun Lutdun khou tei ruai input lou the. Kumthina, kagan tei ring bum khou, kamei ruai ng-ganmei baimei gankhut khou mih lou yithei, ka ta tei gan sutmeipui tuna kaeu puni; kumme tiki kagan tei theih yithei, kamei Lutjun Lutdun khou tei ruai ning su the, kumthina kamei ng-ganmei baimei gankhut khou mih lou sini, kamei gan sutmei rumh me. Mathi 5:32 Kumme tiki ai ruai nungniu khou samei ye: Lungmanmei jaeng ruai rurnhma, baimei jaeng ruai kanou ta mumei kathui ruai kanou ta gan sutmeipui tisulou the. Thou punih mulou bummei puita tei kaeumei tei nousoumei su the. /47 KHRISTA GUANGLIANG KANEIMEI Johan 14:3 Kumma ai ruai tutlana, nungmu khung bum chumdan louyithei, ai ruai guang dutlana, nungmu ta a khou lalou puni; kummithei. ai bumpui bum khou tei nungniu nih bum puni. Jakob 5:8 Nungniu nih akhaeng thai wo; nungniu lungning ntipbo: Kalumthu Poubaeumei (Jisu) guang nimei tei ana the. Kalumthu lungmanmei khutni paep geihmei kin khou hei thou punih a lum khung, khutni a lut guai lum khung jukpui mei khung tei Mei Nah Mpouh tei ruai nih Kamei ruai Ka Pu tuang him ganhmei khou nthunmei kaeuh banchra guai le keih pui kan khou juk puni. Mark 8:38 Mathi 24:30 Mi gun khou kiu Mei Nah Mpouh tuang nchinpui tuang tingpuk khou hou puni; kumma mi gun khou kiu kandih khou jat kapumma ruai kup puni; kumma kamu ruai Mei Nah Mpouh tei tingkaeuh tuang muangh ru khou ngum le him ganhmei daimei le guangmei hou puni. Tabuicho tiki Mei Nah Mpouh (Jisu) tei ruai neihput thaeng ruai neihkeih thaeng tingpuk kapumma kanna ting palikmei tei kumma guang puni. Mathi 24:27 /48 KHRISTA GUANGLIANG KANEIMEI Luk 12:40 Nungniu nih chumdan bum ninare; kalumthu nungniu ningmuk pui khuang gun khou Mei Nah Mpouh tei guang puni. Tanruai 1:11 Kumma kamei ruai sa ye. He Galili meithiu, tabui suna dingnga nungniu tingpuk thaeng jaeo bum tucho? Nungniu khou ruai tingkaeuh thaeng lathaeu kunmei Jisu Kahuk hei, tingkaeuh thaeng kumei Ka ta nungniu houmei kumma Kamei keih dut puni. I Johan 3:2 Kung-nga njianmeithiu, ntaeo aniu Ragwangh tuang nahnun su the, tiki aniu tabui su puni cho ntaeu nthunna ndaeuh muk he. Ka ta ndaeuh loupu khou aniu Ka kum puni tumei aniu thai ye, tabuicho tiki aniu ruai Ka lunlungh Kahuk ta hou puni. Luk 21:27 Hei tung tei Mei Nah Mpouh tei ruai ngum le him ganhmei le muangh khou guangmei kaniu ruai hou puni. Mathi 16:27 Tabuicho tiki Mei Nah Mpouh tei ruai Ka pu him ganhmei khou Ka tuang tingkaeuh banchra guaita nduang-nga guang jai puni the. Mi gun khou kiu Kamei ruai mei kathui khou ka tanh ka tanh thei laina suan tipuni. /49 RAGWANGH LUTKAENG Luk 21:33 Tingpuk le kandih hei aman puni, tiki a lut guai heithu aman nitu rumhme. Mathi 22:29 Jisu ruai kaniu khou sa daeo khuanne: Nungniu adikum ngkhuai Kuntha! Mi heithu nungniu ruai Nthunmei Lutrik ta rumhmithei, Ragwangh ngum ta thaimuk khou ruai the. II Pitor 1:21 Kalumthu mujung lut din kasuakmei akhutna sini mansei tuang ningmei khou ruai sa muk khuanne, tiki Bumaeng Nthunmei ruai mansei khou gutlouna, kaniu ruai Ragwangh khou ruai sa khuanne. II Timothi 3:16 Nthunmei Lutrik kapum Ragwangh tuang thiu khou ruai ye, kumma riakdin khung, riaplou khung, su-nchumlou khung, ntunmei lum khou dinlou khung gaeng nge. Lu 119:11 Ai ruai nung ma khou paep tandut muk khung, nung lut kaeng tei a lungthu khou rihiou the. Lu 119:105 Nung lut kaeng hei a phai khung maibung di the, khutni a chaeng khou kariu di the.