Naga: Sangtam Scripture AMVI TSURV KHVMCHOBONG TSINGRANGBA NGITSARV YANG RORE. Tsingrangbanv hiba limi la lvpcho kvlvpcho roi, abinv ngilsarv thricho. Da abinv ngitsarvlv abu kyocho la thrichi ko limi chah yangthsanung abi khyang daseh jvcho. Da ngitsarvnv, athribong chah ngakeh mvlinyvcho. Mvthsehnv abi kohcho. Abi amvi la longso abi dikeh linung mvli, ngitsarvnv Tsingrangba kyo kangnyvcho. Amvthsehnv ngitsarvttsv no Tsingrangba nyvmsohcho. Ko hatsvnv mvjang ngitsarvdi thrvnyisohcho. Amvi, yuje ko yangtsa nbvchobehcho; thrvnyidaba, nyvmba ko nyvpmvsehnv limijingcho. Hi kyo limi yang Tsingrangba rocho. Abi ngitsarv khvdu kang rocho. Kang hajar anyvo tsiko, hiba ngitsarv hi, Palestine limi la yangdi khvdu Bethlehem tsiba la surocho. Abinv hiba athsanyangcho limi yang Tsingrangba amvi yusi hirocho khu, abi de YU bv tsicho. Adikeh de yu licho ko yu Tsingrangba de licho ko yu Tsin- grangba thsacho. Abi adikeh de Tsingrangba de licho. Langkhvru abi khu chvrocho ko dudurv kvlvpcho abi mvzehbv dusv mvkvlvp. Abi chah akang licho ko akangtsv amvi tsurv atsingse licho. Ko atsingse tsvnv ama la vire; ko ama tsvnv hatsv mvmehsohre. Abi limi chah licho ko limitsv abi khu chvrocho, da aliminv abi mvmvthe. Abi abu yo yang rocho, da abu yonv abi mvkhyvcho. Da khvdoinv abi khyvchorv ko abi ning la yut- sirv, arv advmong khyang abinv Tsingrangba tsurvdi kangnung zi jvcho; Svrv ashvh lanv, shutsa lanv mahkhang ngitsarvnv lvmcho lanv mvsuro, da Tsingrangba chahnv surocho. Ko Yutsv shutsa kangbv, amvi ko yuje nv jing isa yola licho. JISU SUROCHO Jisutsv hatsvba yutsv licho. Misv tphv khvdu la abi surocho. Ning thrahnung rorvnv Bethlehemtsv mvzuchonv, Jisu tburv Josef ko Mari nyli hiba abohkiba mvdvm la mvdongnungthsa kangcho. Maritsv akhudiba zatbvnung bekhyah chicho. Ko hatsv romang zatbvcho. Abvkyv tsurv tsvnv ngitsarv mvnyi lanv khvmchonunge bv Mari de yobv licho. Hidoi anaying mvdvm latsv, hatsvdoi di tikehcho. Riwvrvdinv hatsv san nyahrv de seyohjvcho. Ko hatsv li latsv jongcha aromang san nyarvnv arv san ati nyanv licho. Ko Abvtongba ninglang rivvrv khvdu arv mvshvm yacho, ko Abvtongba senji hechi arv mvkangnv hekecho. Ko arv de trvcho. Ko rivvba tsvnv arv de yorv, Dvtrv, duno thing, inv nvrv khyang ngitsarv advmung shulvm akvnyang amvla yuatsa hirore. Duno chvnye nvrv khyang David yangdi la khvmchejvba khvtu suronv lile; apitsv Abvtongba Khrista lile. Ko nvrv te amvn- bvchvnungtsv bi linung: nvrvnv azarv khvtu akhunga shv nv mvshvpv, fvrv mvtsasing tphv la yipjongunung. Ko thothvnv rivvrv detsv ninglangrvti yolanv atrong chvronv Tsingrangba ning senv yorv. Amichaba la Tsingrangba de senjihechi, Ko limi la abi mvsi langba ngitsarv yola atbachi. Khode riwvrvditsv arv denv zanv ninglang duwvcho, san nyahrvnv choda yorv, "Du Abvdongbanv atikhehcho ningdang mvthesohcho, ade isanv Bethelhem lang hatsv thingnung wonung." Ko arvnv zah wvnv, Mari e Josef nyv ko azarvtsv fvrv mvtsahsing tphv la yipjo ngucho. Ko khode arvnv hatsv ngucho, azarv mvthang arv de yochobatsv mvthesohcho. Ko hatsv yuchinv arvnv arv de san nvahrvnv chochoba mvthang nyemvyangcho. Da Marinv hatsv ayocho advmong lvmkehnv amvsi la yohbvcho. Ko arvnv yuchicho ko ngucho advmong mvthang arv de yocho roi san nyahrvnv Tsingrangba senji hechisohnu ko Tsingrangba senv thali rocho. KHVMCHOBONG, JISU Jisunv abi kang sangre thsade anguchi dikehcho. Abinv Tsingrangbatsv yangthsaba ko isa akang la Abvdongrv ko abu 'Jisu' tsv yuje ko amvinv Tsin- grangba yangli thrinung rochoe bv docho. Hatsvde Israel tsv shuba Romanrv bohki licho. Arvbvrv ngitsarv ko langnvrvdinv yuje ko athsalangtsv nvmvla arvbvrv ali ko daseh ningdang bichicho. Jisunv abi nvmvsuba Nazareth yangdi lang abi dikehba adikehlang wvcho, ko abinv nanathsacho roi amv nyvmong amvbv ku lang wvcho. Abinv shemvsu Amvsa yu lanv khicho, ko azikehrv Isaya kakvttsv jvcho. Abinv-alohchotsv lehchehcho ko hi thrah licho khangthrucho. "Abvdongba Nbv i chah lile, duno ailvmrv de yuatsa thsingyunung abinv i throchehcho. Arangyoh la lirv de nyvje seyoh- jvnung abinv i mvthehcho, anah dohrv ngusonung; ayurvdi khyang nyvhje kangsohnung, ko Abvdongbanv abi ngitsarvdi khvmchonung ko zvdesohnung mvthehcho. KHRISTA LA TSINGRANGBA AMVI Jisu Khristanv Tsingrangba de isa ningdang kichijvre. Khang, svnv Khrista amvi lanv isa zachehsohnung? Chongcha rodo, phamvling, thsvmthse, ayang-akong, thsvrv mahkhang asv nv zachehsohnung do? Mah, hiri abvm lanv svnv isa mvicho, abi khu isa akohrvdi denv akohba lile, Athricho dunvsv isa Abvdongba Jisu Khrista khu Tsingrangba amvi lanv isa mvzachehsoh. Duno Tsingrangbanv limi khura mvichonv, svrvnv abi chah yutsiro mvchangnung da lede akang ngunung abinv abu amvi Tsurv jvcho. Duno limi yukhanung ningdang mah, da akhvmchorv thsanung abinv atsurv mvthehcho. Athahlang jo libaditsv Azingdacho lanv lile. Hatsv lanv atbachi, akunyang, yangtsa ko atsingse nvnv ngunungthsa ala khvdang ngunung.