naga: Sema Scripture AYEGHILOMI XAKULUU Alhouno timi lhoe, ayeghi hipaulo thokha kumutsu lhotsu ketoi. Ikemu Alhouno timiye pa zhulho toi lho eno timi pelo-ono ayeghi shou kalu kepu kuka tsu. Ikemu, timino Alhou shou pukhube keu kuhave eno aqhekuzano timi shou toluve, Pa mulla, Pa gihu akepu zukhulono timino Alhou toi shinishive. Timi qhekuza ghenguno timiqoye Alhou launo putosu-uve eno pakusamighi mithi-uve, kikimiye eno kuposhu keuye kumusumave eno kimithi kile keuno yeghilo ighive. Tilehino ayeghi hipaulo Alhouno limi zhulho lono ighi, tiye mpe qhethonhe kini zu-uno Palistanmi yeghilo Betlehem phu ipikeu lo ighi. Pano Alhou tsa eno haumokeu kikimiye tsape ighike ghenguno pa pesuno ATSA ipi picheni. Inahu abothu lono Alhou akelo Atasa hughi ae, Alhou no kiu keno Atsa hughi tie. Atsa huye-inahu-uno Alhou gholo ae. Alhouno pavechewo thokha kumutsu mulaghi, eno pasu mokeloye Alhouye kiumu mulaghi puamoe. Atsa huye pagholo akuxupu ae, eno akuxupu hipauno timi lau akuvu saghitsu. Akuvu huno akuzulo yepuvu, eno akuzuye khilemu tipau kuzuphove mulae. Atsa huye Tsutsubo-Yeghibolo ae. Alhouno pavechewo Tsutsubo-Yeghibo mulake, ikeghi Tsutsubo-Yeghibono pamuthave. Pano payeghi lau ighi ikemu pau timiqono pa ikhilumoe. Ikemu hamiye ikhilu eno pashou pulube, ike tipanoqo pelo Alhou nulishikulupu kuka pano panoqo tsue. Panonguno Alhou nuli shilu keuye timi shi-aji pulou momu timi gho-apulou lono kumoe, ikemu Alhou launoke. Atsa huno timi lhoxu lakhi shive eno ningu gholo xuache. Jisu Kupunu Atsa tipau huye Jisu ke. Tipau ghulokilo timi lhoxu hesa kutsu nike ghenguno timi kumtsuno Bethlehem phughilo ighikutsu keu vechewono a-a kuhave, Tighenguno Papu Josef eno Paza Maria kumaye amishi kilo ngo kepushive, eno paye tipa ghulokilono punu pesu amishi kilo ngo kepushive, eno paye tipa ghulokilono punu pesu amishi khulo sulu. Wovekeu ghulokilono piputo tsu keuno Maria philono timi lakhi ithulu nani eno tipau vechewono axinemi xalunani ipi pipua. Kichiqhipu vehu aqhoki-gheulono shikupu ake ghenguno Kungumiqono Bheri khemi qo lau asutsa hipau pithi tsu. Tipa yeghiqha lo Bheri khemi hami aluzalo ae, eno putholo panonguno Bheriqo jukutsu ghi khea. Tile Ampeu wu Kungumi lakhi panongu phivilo ipeghi eno Ampeu Jukuvu panonguhomxa yepuvu luve eno panonguye shishe musave. Ikemu kangumi huno panongu vilo pi, "Musa kevilo, Kughengu ino nongu lau asutsa kivi pe cheni, khikhino alokivi kije timi kumutsu lau ighiniye ani keno; Kughengu David phughilo itijino nongu lau Xakulu-u lakhi, punu ani, tiye Khristo Ampeu, Eno hino nongu lau amichipu lakhi: nonguno anga lakhi aphino kuzuno amishi khu lakhilo zu aghikeu phulunani. Eno paikhavi lono kungumi aqo kitikhino hi kungumi gholo ipeghino Alhou sheqhe ghi pi: "Kungughalo Alhou lau ajukuvu shilo, Eno ayeghilo pa lokiqi akemiqo shou aloinokeu alo. Kungumino panongu launo ixa susu kungughalo wuvekethiu Bheri khemi lakhino lakhi vilo pi, "Ningu Betlehem lo wuni nolo eno ti kiu shivea pi anikela juni, Ampeu no ni pithi keu hu." Eno panguno akimighishi ighino Maria ngo Josef eno anga huno amishi khulo zu aghikeu phulu. Kughono Bheri khemino hi ithulu keno anga ghili panongu vilo pi puakeu panonguno kutami pithi. Bheri khemino panongu vilo khikhi pi keno ti chikulumi kumtsuno akichiqhive. Ike hi pi keu kumtsu Maria no amiolo qhiluveno kumsukutoju ache. Eno Bheri Khemino hi thokha kumtsu chilu keu eno ithulu keu ghenguno Alhou je pipi eno suqhe ghi idewove; Panongu vilo hi pipuakeu toi aghi kehu. Jisuno Xakulu-u Jisu ye mpe shighi shi ake ghulokilono Pa kumla huthu. Pano Yeghilomiqo vilo pi, Alhou likhino akukau ke. Niyeyeghi hi pau lo Ipu Alhou yezah kikimiye eno achipiu kumla huthu tsunike ghenguno yeghilo ighi. Tipa ghulokilo Isralimi ye Rommi yekipe qholo ache eno pano yeghilo sakiphemi achipiu kumla qoye lakha che. Tithiu Jisu ye Nazaret lo wue, khileno pa saputhu keno, eno apineni pa lho ayelo shichekeu hutoi Sinagog lo wu. Pano Pulo-shoqhi phiniye puthugho, eno Isaya tungkupu kaku ikhiphe patsu. Eno khile hi yepua keno tipaulo pano likukuzu kaku lhaphe. "Ampeu wu Aghungu ishou ani, Asutsa kiviu kumlhomi lau asheshu penike pano ikishepue, Akughumi lau khakiqhi kutughu penike, eno anhethi ichekemi lau ithukulupu saghi penike, pano ipue. Neda qoda puakeqo phepuwu penike, pano ipuwue. Eno Ampeu no pawu timi xalunikeu mpe pithi penike ipuwue." Paye Aqhokigheu Ke Paye atsa likhi kumoe ikemu shikipivi eno yeghilomi no shimulakeu kumla ghi, kichiqhi kumulapu ghi shi. Ti kuchopu Paye akitheu laghilono shi, eno Paye aqemi lakhi hutoi xu eno mulake. Pano akichiqhipu kumula shikeu vechewono timi kutomo no amio pepidelu (kililu) ve. Ikemu tipau ghulokilo kukami eno kinimiqove Pano akumula kivishikeu panonguno pulomove. Tighenguno achi-netomi eno kukami qono akipimi laghi phuthuve. Panonguno Rommi-u Governor pelo akipimi pa shou phupe eno Pa kuxu luvetsu penikeu shive. Tipau ghulokilo pimive keuye kross lo yedaveche. Paye Alhou lho-aye koghe shinamu tsuyikhomo Alhou qhemi shi amasakepi kumsumoe. Tishimo puzu, palikhi pano tikumtsu liqhive, Eno aquaxemi lhoaye-koghe ikhipuve, Eno ningu toi timi lakhi shi punu, Paye timi-kimihi lono ipeghi; Pahkhi pa pesu aqhokigheu shi eno akithi kutolo aghokulu shike, kross lakhi lono thi keu kutolo. Highenguno Alhouno a-a akiqheu je pesu patsue Tishianguno kungughalo ngo ayeghi shou ngo ayeghiqha qhou akeu lhoxu kumutsuno Jisu Je gihu keu-shi panonguno qhoqhunhe kepu shinani, Apuh Alhou Jekipipu shighi timi lhoxu kumutsuno 'Jisu ye Ampeu ke' ipi asheshu nani. Ningu Ye Kumsu Chilelumo Ayesae Tipa ghulokilo Judami kighithimi lakhi ache, eno pano Khristo eno Khristomi shou akumla lhokusa shi thuve. Ikemu pano kughono Jerusalem lono Damaska lo wuche ke ghulokilono Alhou kuka kuvuno Pa nhethi yepideluve eno Jisu Khristo Julho ithulu. Paye Jisu ghumi kemu, tipatsalanino paye Jisu khristokhophemi kuchou lakhi shiluve, Eno paje ghi Paul ipi kuluve puzu khristo tsakiviu pesu Greek miqo chine eno kupulu hukuthu-ua shi ache. Pano panongu vilo pi akupulu ye ighono mula ani eno shikitheno kulakishi ithulunikeuye xukithe moayesae ipi. "O Athen miqo; ino juke nonguye ala thokhalo chinechighimiqoe. Kughengu ino iqho-iqi puzu nonguno chini chekeu-a jukelo ashikimithe kipti-a lakhilo ishi yepuku ino ithulue, 'Ithwotomlakeu lhou sala'. Tishi aye, ti kikhi nonguno mllacheni kemu, nonguno muthano acheni keno, nongu vilo tihu ino asheshu ani. Alhou khipau no ayeghiqha eno tile akeu kumutsu lho keno, pano kungugha eno ayeghi Mpeu ke eno paye timi no shi keu chinekilo achenike kumoe. Momu paye Kiualo avehupu shi aghi nani kenia kepi pasala kutotsu akepu khiumu kuha, Le pa ampino Akuxu ngo atuthu thokha thime pesu timi kumtsu tsuke. Timi milakhi lau huno pano ashi-ayeh kumtsu lho, eno tipaqo pelo ayeghiqha kuchopu shou kughunalupeke. Tiye panongu pelo alhou phuju penike, Eno pasasu kutsu-kime lunani kepi laju keu lono pa phulu penikehue. Ikeghi Alhou ye ningu milakhi khi launo putou anike, kumoe, Timi hamino ishi piveae, 'Kughengu pagholo ningu ye xulu, ithalu eno a-lu anike, Nowu leshelemi hamino ghi ishi pikeu hutoi, Ningu ghi pa ti kughukomie', Alhou tikughukomi keke, Alhou ye timino kumusu kuju no eno asuqekithino shuna momu tsandi eno atu pesu shipe qhikeu paphiepi kumsu kepu kumoe, Ikemu itehiye Pano aqha kuchopu lo timi kumtsu vilo xukithelu lo pi azahtsu ani. Kughengu Alhou no timi lakhi kishelu puakeu vechewo ayeghiqha shou lono kughathani keushi atsala lakhi kihitha pe puavae. Hishinani putsae pikeu pulu penike timi kumtsu lau pano tsu keu shi-ghi timi tipau hu akithi lono Xaputhuvae. Aghungu Lo Xu Keu Kuxu Axine Eno akukuzho kuxulo xukuamiqo Jisu no Khaqhi phevetsu, Pa Khopemi shinikeuye axine shini kepu ye thive keu pavi eno lhokithe (xukithe) keu kuxulo xu keu pavi. Tighenguno khunoqono Jisu Khristo gholo xu ani keno panoqoye Alhou no levemoe, Kughengu Jisu Khristo gholo akuxupi Ghungu yeh huno axine ngo akithi kuma yeh lono ikuqhophevae. Timi lho aye no tomo chimo keghenguno Ayezah no shimlano achekeu hu, Alhou no shivetsuae; Axine shi puhavenike ghenguno Alhou no Panu Kuchou, Timi xine, kupu lhoaye kimihi lono pa puwu puzu timi lhoaye gholono axine levetsu. Alhouno hi shitsu keuye ningu pelo timi lhoaye kuxu kiqi lono kumo puzu Aghungu papesu xupuzu achipi-u shima-ayesakeu Ayehzahlo pipuakeu shikupu penike hue. Ighinikeulo Akimithe Jukuvu Kughengu Alhouno lhope puakeu Jeli Kumtsuno Alhou nuliqo pephe piyenikeu shishe huqhe khe ani. Kughengu lhoqhi puakeu yeghiqhaye amekuapu shipemonike ghushove, Tiye tipauno pulo keghenguno kumoe, Ikemu tishipenikeu shi Alhou- nopulovetsu: Ikeghi lajupu hi qhipuatsua: Lhoqhi puakeu yeghiqha hu ghulo lakhiye tsumauveni keuno tsughape akeu lono kuqhopheve nani. Eno Alhou nuliqono akimithe-Jukuvu shi ililayi keu kusaje nani. Ninguno ithi akeuno ishikutolo lhoqhi puakeu yeghiqha kuchopu ghano Pununiye su akeshi sukelauno igha ani, Eno lhoqhi puakeu yeghiqha likhi kumono, ningu khunoqomino Alhouno Kumsa gho amsu-shi tsukeu Ghungu Akhanikeno Alhouno ningu pesu Chikamjolukeu nuliqo shipenike khelo nimpi kuchopu xuchilelu penike nilolo sukucho kiyi su acheni. Jisu Khristo Gholono Alhou Kikimiye Ani Jisu Khristo no ningu ghenguno Alhou lau qhuiniju tsu ani. Ishiaye khuno Khristo wu kikimiye lono ningu kuxu xalu nani kya? Shilukusa-kiti-khino keo, Akiji-kusano keo, Shikimighi keuno keo, Akhuamzuno keo, Aqu-aghano keo, Momu ghiqhi-pithi keuno kya? Moe, hipaqo thokha kumtsulo khuno ningu kimiye chenikeno Pa vechewo ninguye tokulupu shishe ani: Momu, Lhoqhipuakeu Yeghiqha kumtsulo khiunomu ningu mpeu Jisu gholo Alhou wu kikimiye ningu wu shi akeu launo khilemu ni- hathaemla nani. Kughengu Alhouye ayeghilomi akemi Kimiye Kutu ke ghenguno Pa Nu lakhi likhi akeu tsuke, Tighenguno khunono pashou pulube-ni keno puhave rnonani, Ikemu Ihokta kuxu anani. Alhouye ayeghilo akemi shou kughatha keu betsunike ghenguno panu pu-wuke kumoe, Ikemu Pa vechewo ayeghilo akemi xaluni kehuke. Atxazho hipaqoye Pulo-shoqhi hipaqo Lono Lupepuani. Johan 1:1-5, 10-4, Luke 8-20, 4:16-19, Philipianmi 2:6-11, Apostolmi 17:22-31, Rommi 8:1-14, 19-24, 34-39, Johan 3:16-17. Hi-Kungu-u Yepepuakeu tsajo qoye Pulo-shoqhi lono lupe puani, Eno hipaqo tsajo sughi keu vechewono noye okuxulo, Aloku-ghuno, Alokivi, Kulakishi, Eno Akuvu ithulu nani. Pulo-shoqhi eno atsa nhethi kishe kiphe hipaqoye hi aqhou tsupepuakeu lono zhetsu ani.