JOHAN-NU ATHRUDKHE THIYUSHAKATSU
Rhangdong Yu
/1 Atanki ching Thiyu lakhea, tusho Thiyuju Thrunpuh lung lakhea, tusho Thiyuju Thrunpuh lakhea. Api atanki chingnu Thrunpuh lung lakhea. Api hode Thrunpuhnu tumutumushe thrun; tusho tumupuru thruntunu api mupetua tumushe muthrun. Api kheak rhangdong lakhea, tusho rhangdongju mitsuru ayin lakhea. Tusho ayinjunu amitung ching yincho, tusho amitungnu ju muyihdokhok.
Thrunpuhnu api yushakhanru mitsuru khtilang amungnu Johan arushi. Api hode alalanu akhinshi- pu thsongkheaknu ayin thsongkheak thiyumutsan jibpu api aru. Hapu mitsuru ayinpuju yong, tushe ayin tunkheak thiyumutsan jihpu arukhea. Atsutsu ayin, shepunu mitsuru alala yinshichonu api alomi ching arude lakhea.
Thiyuju alomi ching lakhea, tusho Thrunpuhnu alomiju api hode athrunkhea, tushe alominu api mumukhea. Api nihpe lomi kilim aru tushe nihpe mitsurunu api muliangkhi. Tushe kutukhunu api liangkhitunu, tusho sherunu api mung ching kintunu, aru khilim Thrunpuh tsuhrubo kampu apinu sumujih. Tusho sheru Thrunpuh tsnhrubo kamtunu aruju shinu mulongkhi chingnu muzupe, tusho thi chingnushe muzube tusho mitsurunu mulongkhi chingnushe muzube, tushe Thrunpuhnu mulongkhi chingnu zube.
Tusho thiyuju mitsuru kambale isa lung lakhea, tusho amutsum tusho thiyurunu mede, Apu lapkhiung Tsuhru muritakhi tumuanu ju muritakhiju isanu ngu.
Johannu api tunkheak zhede tha, "Inu shepu tunkheak thakhea ju thsu api lakhea, api I tunglim lang aru, tushe api I kheaknu atope kam, tumutusho I muzubeyide api lakhea."
Tusho api asodakhi amuzho hode apinu alala khilim mungumuhijih; tusho mungumuhi mikheak mungu muhi ngu. Thrunpuhnu Thiyuzungju Mosa hode jih, tushe amutsum tusho Thiyuruju Jisu Khrista hode arukhea. Mitsuru shenushe kuyimkishe Thrunpuh mungu; tushe apu khu ching lapu lapkhiung Tsuhrunu api amikheak akhiukshido.
Johan Baptijihpu Yushak
Kuyimki Jihudarubonu amukiamrubo tusho Levirubo Jirusalem chingnu Johan ki "Nu shepua" de kiokhipu yushikhea, Johannu thiyumutsan jihde tha.
Apinu malukhide mula, tushe khipkhitde tha, "Khristaju I yong."
Tusho arunu kiokhi, "Tale nu shepua? Nu Elia ashe?" Apinu alu, "Yong" Tusho arunu tha, "Jutuasho nu wokiruashe? Johannu alu," I yong."
Jumonu arunu api ki tha, "Jutuasho isa thi arushirubo ki athalupu thsude nu sheanu isa ki thaang; nunu nu tunkheak tumu thapa?"
Apinu alu, "Isaya wokirunu athakhi nangde, Atungpu limro mukhiongarito tsakhamang, de Mutum ching khulangnu azhekhi tushakju Ih."
Kheakushe Farisirubonu thiyushakhanru khuru yushi, tusho arunu Johan ki kiokhi, "Nu Khristashe yong, Eliashe yong, tusho wokirushe yongsho tumude nunu baptijihcholi?"
Johannu aru ki alu, "Inu ke ching nusa baptijihcho, tusbe mitsuru khulang shepu nusanu mumukhea, api nusa lung zhipla, api I tunglim arupa, shepu jingkhumpu zhi trunjihpu langshe Inu muthulun."
Johannu baptijihde lakhi Jordan khulim Bethani ching haru alala tunji.
Thrunpuh Namfhiminu Nunu
Ashetoju api kilim Jisu arukhi ngubale Johannu tha, "Alomi muneam hanba yupu Thrunpuh namfhiminu nunu kheaang! I tunglim mitsuru khulang arucho, shepu I kheaknu atope kam, tumutusho api I kheaknu akhu lakhea, de shepu tunkheak inu athakhea, ju thsu apia. Inu api mumukhea, tushe api Israel miki amikheak akhiukshipu thsongkheaknu, inu ke ching baptijihde arukhea."
Tusho Johannu thiyumutsan jihde tha, "Thuning chingnu Me mutritumpu nangde akikhi inu ngudo, tusho ju api kheak lah." Inu api mumukhea, tushe Thrunpuh shepunu ke ching baptijihpu I thikhea, apinu I ki tha, "Shepu kheak Me akibale lade angupanu apinu Amusu Me ching baptijihpa. Hapu ha Thrunpuh Tsuhruah de inu ngudo tusho thiyumutsan jihdo.
Jisu Jingyanru Akhurubo
Kheakushe ashetoju Johannu ajingyanru manie lung zhipde lakhea. Tusho kuyimki Johannu Jisu yude ngukhea, apinu tha, "Thrunpuh namihiminu nunu kheaang!"
Tusho apinu athakhiju ajingyanru manie junu sobale Jisu tunglim yan. Tusho arunu api tunglim yankhi ngubale Jisunu rholuba aru ki tha, "Nusanu tumu yimcholi?"
Tusho arunu api ki alu, "Rabi (Tsangyuru) nu tumu ching lacholi?
Apinu alu, "Arang tusho nusanu angupa." Jumonu arunu api lung yubale api tumu ching lachonu ju ngu, tusho ju nimongju arunu api lung lakhea. (Ju animong phuyi king ngum lakhea.)
Johannu athakhi sobale Jisu tunglim ayukhi bolung khulanga Simon Peter nioru Andria lakhea. Apinu akhude akhiung Peter ngubale tha, "Isanu Mesia (Khrista) ngudo." Apinu Simon Jisu kilim petaru. Jisunu Simon kheak kheade tha, "Jona tsuhru Simon, nu mung Kefa de ajipa."
Jisunu Filip tusho Nathanil Jikhi
Ashetoju Jisunu Galil ching yunide lakhea. Tusho apinu Filip ngubale tha, "I lung arang." Filip she Andria Ie Peter aru kiuru Bethsaidaru lakhea. Filipnu Nathanil ngubale tha, "Josep tsuhru Nazarethru Jisu, shepu tunkheak Mosanu thiyuzung ching tusho wokirubonu athrudkhea, api isanu ngudo."
Tusho Nathanilnu api ki alu, "Nazareth chingnu tumukhli atsu akhiukpade?" Filipnu alu, "Arubale kheaang".
Kuyimki Jisunu Nathanil api kilim arukhi ngukhea apinu api tun tha, "Ha ching Israelru tsutsu khulang lah; api kheak arukchi mula!"
Nathanilnu alu, "Nunu kututhsilba I mukheakhea?" Jisunu api ki alu, "Filipnu nu mujiyide, nu khopasodong khup lachoki inu nu ngu."
Nathanilnu api ki alu, "Tsangyuru, nu Thrunpuh Tsuhrua. Nu Israelru atokiulongthsupu."
Jisunu api ki alu, "Inu nu khopasodong khup ngukhea de athakhi ching nunu kinchotu? Haru kheaknu rhimo atope nunu angupa. Inu nusa ki thacho, Atsutsu thuning khimshubale Thrunpuh thuning yunirubo Mitsuru Tsuhru kheak wutukhi tusho akikhi nusanu angupa.
Kana Kiulong ching Arhangru Thunio
/2 Tusho masamni labale Galil ching lakhi Kana kiulong ching arhangru thunio khulang lakhea. Jisu abe she ju ching lakhea. Tusho ju thunio ching pepu Jisu tusho ajingyanru boshe jiyok. Kuyimki aru kurongaso ke lukhamapakhea, Jisu abenu Jisu ki tha, "Aru kurong aso ke lukhamapahdo."
Tusho Jisunu alu, "Oh aliberu, tumu rhimopeanu ju nunu I ki tutha, I kim kheakushe mukhiongyi."
Jisu abenu yamlaruboki tha, "Apinu nusa ki tumu thabanu ju rhimoang."
Ju chingju Jihudaru amusukhitkhe yakzan nangde khulang ching khiomok mokuku samruru yuzakhe long pangjiphu thorok lakhea. Jisunu aru ki tha, "Pangjiphubo chingju ke mede yokang" Jumouu arumi pangjiphubo chingju ke mede yok. Tusho apinu aru ki tha, "Kheaku ju chingnu ke anukhu khipkhitbale thunio kimthsupu khilim jihng." Tusho arunu ju api kilim luba yu. Tusho kuyimki thunio kimthsupunu kenu akamkhi kurongaso keju yungakia kheakheanu, ju tumu chingnuanu apinu mumukhea. (tushe ju yamlarubo sherunu ke khipkhitkhea arunu lang mukhea.) jumonu apinu arhangpuju jibale tha. Mitsuru alalanu akhude kurongaso ke atsuju ahiucho; tusho mitsurubonu ahihkhu yongshu lang amutsupeju ahiucho: tushe nunu kheaku khiongde kurongaso ke atsuju azokhetupu?"
Api khinthinpe rhimo tankikhe ha Jisunu Galil ching lakhi Kana kiulong ching rhimo, tusho api murita hi amikheak akhiukshi, tusho api jingyanrubonu api kheak kin.
Ju tunglim Jisu tusho abe, aniorubo tusho ajingyanrubo Kapernaum ching yu: tusho ju ching nimong anukhu lang la.
Jisunu Arungyam ching Yukhi
Kheaku Jihudaru akhumkhitpu thunio thuninde lakhea. Tusho Jisu Jirusalem ching wutu. Tusho apinu arungyam ching moshi, namfhiminu tusho mutritumpu yinrubo tusho sho muthrirubo pinde ngu. Tusho apinu arhappe shongliu tsakham tusho moshi Ie namfhiminubo alala arungyam chingnu yankhitapah; tusho apinu sho muthrinakrubo tukhum thulaapajih. Tusho mutritumpu yinrubo ki tha, "Haturu ia hakheaknu luba tsoang, I pu yam shothsumulopong yam tukamshi." Nu yam thsongkheak inu akunkhinu amipa," de amusu yu ching thruda lakhi ajingyan rubonu lumkhit.
Jumonu Jihudarubonu tha, "Haturu rhimo mo nunu isa ki tumu khinthinpe huhcholi?" Jisunu aru ki alu, "Ha arungyam thsumunimang, tusho inu nimong masam tukeak chingnu athsulupa."
Jihudarubonu tha, "Ha arungyam kam yirukheak thorok chinglang thsukhitkhea, tusho nunu ju nimong masam tukheak chingnu kutu athsukhokpu?"
Tushe ju apinu api rhangdong tunkheak athakhea. Kuyimki api ashe chingnu arhangkamlutarukhea apinu ha athakhea de ajingyanrubonu lumkhit, tusho arunu amusu yu ching tusho apinu athakhi yubo kheak kin.
Jisunu Mitsuru Alala Mijkhea
Kheaku akhumkhitpu thunio kim ching Jisu Jirusalem ching lachoki, apinu arhimokhi amuyinsape khinthinpebo ngubale, api mung ching ahihkhunu kin. Tushe Jisunu mulong lamde arubo khilim akudathsude mujih; tumuItisho apinu mitsuru alala mukhea. Tusho shenushe mitsuru tunkheaknu thiyumutsan jihpu api thsongkheaknu yihnupu mula; tumutusho mitsurti kheak tumu lakheanu apinu akudathsude mukhea.
Jisu Tusho Nikodima
/3 Kheaku Farisiru khulang amungnu Nikodima, Jihudaru yakzan shuru khulang lakhea. Apinu azhing ching Jisu ki arubale tha, "Tsangyuru, nu Thrunpuh kilimnu arukhi tsangyuni khulang de isanu mukhea lah. Tumutusho Thrunpuh mupesho nunu arhimokhi rhimo ato ha shenushe murhimokhok."
Jisunu api ki alu, "Tsukjide, inu nu ki thaanu, Maniekipu muzubelusho mitsuru shenushe Thrunpuh kiulongthsu ching muyuzakhok."
Nikodimanu api ki alu, "Mitsuru azoru kamshu api kututhsuba zubepu? Api beru bok ching wutubale zubekhokpade?"
Jisunu alu, "Atsutsu, tsukjide inu nu ki thacho, mitsurunu ke tusho Me chingnu muzubelusho Thrunpuh kiulongthsu ching muyuzakhok. Shinu zubekhiju shi, tusho Menu zubeshikhiju me. Inu nusa ki nusanu maniekipti zubepea de athakhi ching tumuyinsa. Apong kulimpiang yunnibanu julimpiang yuncho, tusho nunu ju thushakju socho, tushe ju kulimpiangnu arucho tusbo kulimpiang yuchonu ju nunu mumukhea. Menu zubekhi alala ju nangde lah."
Nikodimanu Jisu ki alu, "Haru ha kutu thsukhokcholi?"
Jisunu api ki alu, "Nu Israelru tsangyuru khulang thsubale harit ha manikhitchode? Atsutsu, tsukjide inu nu ki thaanu, isanti tumu mukhea la, ju asokcho, tusho isanu tumu ngukhea, ju tunkheak thiyumutsan jihcho, tushe nusanu isa thiyumutsan mulucho. Inu alomi yukhian thachoki nusanu mukinsho, thuning yukhian thachoki kude akinpa? Tusho Mitsuru Tsuhru shepu thuning chingnu akikhea, api kheak hode she she thuning ching muwutu.
Mosanu mutum ching kunangde phoroto shuhkikhea, junangde Mitsuru Tsuhrushe shuhkipea. Jude thsusho lang, Mitsuru Tsuhru kheak sherunu akinpanu aru aban kamrururu rhangdong lapa,
Tumutusho Thrunpuhnu alomi akiangnu muzhokhinu, api Tsuhru khulang lang alakhi jih, jumonu sherunu api kheak kinbanu musheshi tushe kamrururu rhangdong lapa. Tumutusho Thrunpuhnu alomi ching atsuhru arushikheju, mitsuru khilim amulim jihpu thsongkheaknu arushikhi yong, tushe api hode akhumkhit ngushipu arushikhea.
Shepunu api kheak kinbanu api khilim neak mujihcho, tushe shepunu api kheak mukinbanu api khilim amulim jihpado, tumutusho apinu Thrunpuh lapkhiung Tsuhru mung ching mukin. Tusho amulim jihkhe yuju hajua; ayinju alomi ching aru, tushe mitsurunu ayin yongde amitungpunu muzho; tumutusho aru rhimo amutsu lakhea. Tumutusho shepunu amutsu rhimochonu apinu ayin traneancho; tusho api rhimo ching aneak nguba mutsuli de apinu ayin miki marucho. Tushe shepunu thiyuru rhimochonu api rhimo Thrunpuh mulongkhi ching rhimokhea de amikheak akhiukshipu thsongkheaknu apinu ayin kilim arucho."
Jisu Tusho Johan
Ju tunglim Jisu tusho ajingyanrubo Jihuda lomi ching yu. Tusho ju ching apinu aru lung lade baptijih. Tusho Johan baptijihpunushe Salem thuninde Aenon kiulong ching baptijihde lakhea, Tumutusho ju ching ke ahihkhu lakhea, tusho mitsurubonll api kilim yu tusho apinu aru baptijih. (Tumutusho Johan baptijihpu kheakushe rihyam ching muramyokyide lakhea.)
Jumonu musukhitjihkhi tunkheak Jihudaru khulangnu Johan jingyanru lung atsangachide lakhea. Jumonu aru Johan kilim arubale api ki tha, "Tsangyuru, Jordan khulim nu lung shepu lakhea, tusho shepu tunkheak nunu thiyumutsan jihkhea, kheaang, apinu she baptijihcho, tusho mitsuru alalanu api kilim yucho."
Johannu alu, "Thrunpuhnu Mitsuru khilim tumu jihchonu, ju kheak hode apinu tumu angupu mokok. I Khristaju yong, tushe I api kheaknu akhu arushipu langah de inu athakhi, I tunkheaknu thiyumutsan nusa lah. Shepu thsongkheaknu arhangbe lanu apiju arhangpu, tushe arhangpu muyanapu shepunu zhipbale api yu anicho, tusho apinu api tushak sobale khide asucho; jumonu I asukhi ha sodado. Api khide atongto kampa tushe la akiangkiang kampa."
Thuning chingnu Shepu Akikhea?
Api shepu thuning chingnu arucho, api alala kheak atope shepu alomi chingnu lanu api alomi yo, tusho apinu alomi tunkheak thacho.
Shepu thuning chingnu aruchonu api alala kheak akupi. Apinu tumu ngukhea, ju tunkheak apinu thacho, tushe shenushe api yushak muliangkhicho. Shepunu api yushak liangkhichonu apinu Thrunpuh thiyuru de mutsan umkijihdo. Tumutusho shepu Thrunpuh kilimnu arushikhea, apinu Thrunpuh yu thacho; tumutusho apinu Meju chamshaka mujihcho. Apunu Atsuhru muzhocho, tusho api kha ching athrunkhi shuhmulanga jihdo. Shepunu Atsuhru kheak kinbami api kamrururu rhangdong lah, tushe shepunu Atsuhru kheak mukinbanu api kuyimkishe rhangdong mungu, tushe Thrunpuh bokakhiukkhi kamrururu api kheak lah.
Jisu tusho Samariaberu
/4 (Jisunu akudathsude mubaptijihde api jingyanrubo nulang baptijihjihshe) Johan kheaknu Jisunupu jingyanru ahihpe kamshicho tusho baptijihcho de Farisirubonu sodo de Atungpunu kuyimki mukheakhea, Apinu Jihuda pahbale Galil ching maniekipu yu. Tusho apinu Samaria hode ayupu kam.
Jumonu apinu Samaria ching lakhi Saikar kiuto khulang ching aru, kupu Jakobnu atsuhru Josep khilim jihkhi lo thuninde lakhea. Jakob kekhip ju ching lakhea, Tusho Jisu limro ching kiakbale, Ju kekhip munkup kheakju pin tusho ju thurukheakanie king ngum lakhea.
Jutuki Samariaberu khulang kekhippu aru: tusho Jisunu anihbe kiju tha. "I khilim ke ayungpu ku," Tumutusho ajingyanrubo kiuto ching tsuhyungpe thulupu yua lakhea.
Jutuki Samariaberu junu Jisu ki tha, "Nu Jihudaru khulang thsubale I Samariaberu ki kututhsubale nunu ayungpe ke kheangchole? (Tumutusho Jihudarunu Samariaru lung jimpung mutsuachicho.)
Jisunu alibe kiju tha, "Thrunpuh tsamba tumua, tusho I khilim ayungpe ke ku de shepunu nu ki kheangchonu nunu api mukheakhula, nunu api ki akheangpa tusho apinu nu khilim arhang ke jih alapa."
Anihbenu api ki tha, "Atoru, nu kekhippe tumu mula, tusho, kekhip sukla, jutuasho nu arhang keju tumu kheakyo jihpu? Isa apu Jakob shepunu isa khilim kekhipju ajihkhea tusho api tsuhruniorubo tusho ashuih bonu ha chingnu ayungkhea, api keaknu nu atopiashe?"
Jisunu alu, "Sherunu ha ke yungbanu api kethirilupa, tushe sherunu inu ajihkhe ke yungbanu api kuyimkishe kemuthiri; tusho inu api khilim jihkhe keju api kheaknu kamrururu arhang ke kenu bokhitde abokpa.
Alibe junu tha, "Atoru, I ke muthiripu thsude tusho I ha ching kekhip marupu thsude ju keju I khilim ku."
Jisunu alibe ki ju tha, "Yuang, tusho nu niupu jitarang."
Alibe junu alu, "I inuipu mula." Jisunu tha, "Nu nu niupu mula de nunu tukde thado. Tumutusho nu nu niupu phungu lakhea, tusho kheaku nu lung shepu la, api jushe nu niupu yong, thiyu ha nunu I ki tukde thado."
Alibe junu api ki tha, "Atoru, nu wokiru khulangah de inu kheakhitcho. Isa Samariaru berupurunu ha wong ching Thrunpuh kingan, tushe kuching Mitsurunu Thrunpuh kinganpianu ju Jirusalem de nusa Jihudarubonu thacho."
Jisunu alibe ki tha, "Aliberu, I kheak kinang, mitsurunu ha wong ching thsuala, Jirusalem ching thsuala, Apu ki mukinganpu kim arumuro. Nusanu tumu mumukhea, ju kingancho: isa Jihudarunu tumu mukhea la ju kingancho, tumutusho akhumkhitpuju Jihudaru kilimnu arupa. Tushe atsutsu kinganrubonu Apu ki me ching tusho atsutsu ching kinganpu kim arumuru, tusho ju kheaku ha lah; tumutusho api ki kinganrubo thsupu Thrunpuhnu haturu yimcho. Thrunpuh Me tushp sherunu api kinganbanu me ching tusho thiyuru ching kinganpia."
Alibejunu api ki alu, "Mesia, shepu ki Khrista de jicho, api arupa de inu mukhea lah. Kuyimki api arubanu apinu isa khilim alala mukheashipa."
Jisunu alibe ki tha, "Shepunu nu ki asokachichonu juju api."
Jutuchoki ajingyanrubo alutaru, tusho apinu alibe kiju asokachikhe ngubale arubo muyinsa: tushe alibe kiju, "Nu tumu luni la?" de yongsho, api ki "tumude nunu alibe kiju asokachicholi?" de aru bolung shenushe mutha.
Jutuki alibe junu ke pangjiphuju zojihbale kiuto chingju alude wukhiuk, tusho mitsurubo ki tha, "Inu tumupuru rhimokhea, ju alala I ki thakhi mitsuru khulang arubale kheaang. Hapu ha Khrista ju ashetu?" Jumonu arunu kiuto chingnu wukhiukbale Jisu kilim yu.
Ju kim chingju jingyanrubonu Jisu ki mushude tha, "Tsangyuru, tsuhyungang."
Tushe apinu aru ki alu, "Nusanu amumukheakhi I tsuhyungpe lah."
Jumonu jingyanrubonu aru zangzang asokachi, "Api khilim khulangkhunu tsuhyungpu hantarunu jihalashe tu?" Jisunu aru ki tha, "I thipunu mulongkhi anide rhimopu tusho apinu I khilim jihkhi rhimo panshipuju I tsuhyungpeah."
Kheaku she khinu phuyi labalang yimlupu akhiongpa de nusanu thacho. Tushe inu nusa ki thacho, nusanu tsude apina thuloju kheaang: kheaku yimlupu tsude muyito muna lah. Shepunu yimluchonu apinu mikha mo ngucho, tusho kamrururu rhangdong thsongkheaknu aso hanmukhongcho, jumonu thulo mukhianpu le yimlupu aniechido rukhu asucho. Tumutusho khulangnu mukhiancho tusho khulangnu yimlucho, de athakhi yu haching shuruchicho. Tumu ching nusanu rozhakde murhimokhea ju yimlushipu inu nusa yushikhea: pupurunu rozhak de rhimodo, tusho aru rozhakkhe chingnu nusa alu ngushicho."
"Inu tumupuru rhimokhea apinu I ki alala thado," de alibenu athamonu, ju kiulung chingnu Samariaru ahihkhunu Jisu kheak kin. Jumonu kuyimki Samariarubo api ki arukhea, aru lung api lang de arunu api ki mushu, tusho Jisunu ju ching masamni la.
Tusho kkeakushe ahihkhunu api yu hode kin: tusho arunu alibe ki tha, "Kheakua isanu kincho, nunu athamonu yong, tumutusho isanu isa kudathsude sodo, tusho hapu ha atsutsu alomi khumkhitpu de isanu mukheado."
Jisunu Atoru Tsuhru Khulang Ngushikhe
Tusho nimong manie hobale, apinu ju chingnu Galil ching yu. Tumutusho wokiru nihpe lomi ching mungshe mula de Jisunu akudathsude tha, Jumonu api kuyimki Galil ching arukhea, apinu thunio kim ching Jirusalem ching rhimokhi alala ngubale Galilru bonu api asude liangkhi: tumutusho arushe thunio chingju yukhea.
Jumonu Galil ching laktu Kana kiulong, kuching apinu kenu kurongaso ke kamshikhea ju ching apinu maniekipu yu. Ju kim chingju Kapernaum ching atoru tsuhru khulang tukthsude lakhea. Kuyimki apinu Jisu Jihuda chingnu Galil ching arudo de asokhea, apinu Jisu kilim yu Tusho arubale atsuhru thsungujang de api ki mushu; tumutusho atsuhruju ashepu thsude tukthsude lakhea. Jumonti Jisunu api ki tha, "Nusanu khinthinpe tusho amuyinsape mungusho kuyimkishe mukin."
Atopu junu api ki tha, "Atoru, I tsuhru musheyichokinu arang."
Jisunu api ki alu, "Yuang, nu tsuhru arhang lah." Mitsuru hapu hanu Jisunu athakhi yu chingju kin tusho yu. Tusho api yude lachoki ayamlarubonu atsuhru arhang iah de thade api ki shuruchi.
Jumonu apinu ayamlarubo ki atsuhruju kuyimkinu runde angukhea de kiokhi. Jutuki arunu api ki tha, "Yini khulang king khiongchokinu phutsaknu api tukhido," de tha. Jumonu "Nutsuhru arhang lah de Jisunu api ki ju kim chingju athakhea de apunu mukhea. Tusho api tusho aru yamkhun alalanu kin.
Kheakushe haju ha Jisu Jihuda chingnu Galil ching arubale rhimokhe khinthinpe maniepu lah.
/5