TUNGLAM PAN HUHNA

"TUNGLAM PAN HUHNA" kichi hih laibuta pen Laisiangthou sung mun tuam tuam pana a thupi kibangte, Laisiangthou thu dawngte kikaikhawm ahi. Laisiangthou hilhchian hoihpen zaw a Laisiangthou mah ahi chin ka um hi.

Pathian thu zaw "tunglam pan" hong pai hi a, diktatna lunggulh-a dangtak leh gilkial lungtangte ading' a phatuam pet mah hi. Mi khat peuh in kisik-a, khelhna nusia-a, a lungsunga Topa Jesu Khrist teeng dinga a chial-a, tuachianga, a lungtang khempeuh tawh tua Topa Jesu Khrist mah Honpa dinga a muan chiangin, ama kiang ah tua Topa Amah mah kilaak dinga. tua banga aummi lungsung ah Ama lungnopna leh lungmuanna pia ding hi. Hibang ahihna ke'n 1937 in ka tuak kha a, tua nungsang peuh mah Toupa tawh kikholhna nuam lamdang ka khahsuah nai kei hi. Amah na Honpa leh Toupa hi dingin Ama tung ah TU'N ki-aap in chi-in kong ngen hi, tua banga a hih nailou khat na hih zen zen leh. Watson Goodman

1 PATHIAN' ITNA

Himahleh, Pathian in a hon itna a langsakta, mi khialte i hih laia Khrist i sika a sihna ah. Rom-te 5:8

Paikan Ankuanglui kipat main, Jesun, hiai khovel nusiaa Pa kianga a pai hun hongtungta chih a theia; hiai khovela amah-ate na itkhinin a tawp phain a it hi. Johan 13:1

Mihing in a lawm adia a hinna a piak vala itna thupijaw kumah in a nei kei. Johan 15:13

Banghanghiam chih leh, Pathian in khovel a it mahmah a, huchiin a Tapa tang neihsun a pia hi, huchia kuapeuh amah gingta tuh a man that louh a, khantawna hinna a neih jawkna dingin. Johan 3:16

Nidanga ka kianga TOUPA hongkilang in hichiin a chi: Ahi, it tawp louin ka hon ita. Jeremia 31:3a

Jesu Khrist, theihpihpa muanhuai, misite laka piang masapen leh leitunga kumpipate vaihawmpa. ... Eite hon it a, i khelhna-a kipana a sisan-a hon sawppa.... Kilakna 1:5

Himahleh, Pathian in hehpihna hauin a hon itna thupitak jiakin, tatleknate jiaka si i hih hilhial laiin leng, Khrist toh a hon hihhinga (hehpihnaa hotdam na hita uh). Ephesa-te 2:4,5

2 JESU KHRIST' PATHIANNA

I gen uh, i Pathian biakna thuguk tuh selvuallouhin a thupi ahi: Rathian tuh saa muh theiha latsakin hongoma, Khaa siamtansak, angelte muh, namte laka tangkoupih, khovela mite gin, thupinaa pitouh ahi. 1 Timothi 3:16

A tungin Thu a om, Thu tuh Pathian kiangah a om, Thu tuh Pathian a hi. Huan, Thu tuh sa a hongsuaka, eite lakah a teng, hehpihna leh thutak-a dimin;... eiten i muta. Johan 1:1,14

Huan, Toupan jawlnei kama, Ngai in, nungak siangthou a gai dia, tapa a nei dia, a min dingin Immanuel a sa ding uh, chia a nagen a hongtun theihna dingin huai tengteng tuh a hongom hi. Huai tuh, I kiang uah, Pathian a om, chihna a hi. Matthai 1:22,23

Kei leh Pa lah pumkhat ka hi uh, chiin, a dawng a. Johan 10:30

Jesun a kiang ah, Philip, hiai tanpi na kiang uah ka om a, huchiin leng hon thei lou maw? Kuapeuh kei mu tuh Pa mu a hi. Huai Pa tuh kou hon ensak in, bangchi chiha na chih a hia? Kei Pa ah ka om a Pa keimah ah a om chih na ging kei a hia? Na kiang ua thu ka gen, keimah phuahtawm-in ka gen kei; Pa keimah ah a om gige a, a thil a hih zo nak a hi. Johan 14:9-10

3 JESU, PATHIAN' TAPA

Kuapeuh Jesu Pathian Tapa a hi, chia gum tuh, amah ah Pathian a om gige a, amah leng Pathian ah a om gige hi. 1 Johan 4:15

Huan, angel in a dawnga, a kiang ah, Kha Siangthou na tung ah a hongtung dinga, Tungnungpen thilhihtheihna in a honliah khum ding, huai jiakin misiangthou hongpiang ding leng, siangthou Pathian Tapa, chihin a om ding, a chia. Luka 1:35

Ei dingin naupang a hongpianga, tapa piakin i omta; vaihawmna a liangjang ah a tuang dinga; a min Lamdang, Lemthei, Pathian, Hat, Khantawn Pa, Lemna Lal lah a chi sin ngal ua. Isai 9:6

A gen lai takin, ngaidih, mei ngou takin amau a honliahta a; huan, ngaidih, mei akipanin aw in, Hiai ka Tapa deih tak, ka kipahna mahmah a hi; amah thu ngai un, a chi a. Matthai 17:5

Jesun, Amah na mu khinta a, nang hon houpihpa a hi, a chi a. Johan 9:37

Amah ah Pathianna tangchinna chiteng tuh pumpi neiin a om gige ngala. Kolossa-te 2:9

Huan, ngaiin, van akipanin aw in, Hiai ka Tapa deih tak, ka kipahna mahmah a hi, a chi a. Matthai 3:17

4 JESUN AMAH KUA HI HIAM CHIH EITE HONG HILH

Huan, aman a kiang uah, Nou nuai lama kipan na hi uh; kei jaw tung lama kipan ka hi; nou hiai khovela na hi uh, kei jaw hiai khovela ka hi kei. . . . Chihtaktakin, chihtaktakin kon hilh a hi, Abraham om main leng ka om, a chi a. Johan 8:23, 58

Huan, numei in a kiang ah, Messia, (Khrist a chih uh) a hongpai ding chih ka thei, amah a hongpai chiangin bangkim a honhilh ding, a chi a. Huan, Jesun a kiang ah, Keimah nang honhoupihpa, huai amah ka hi, a chi a. Johan 4:25, 26

Huan, Jesun a kiang uah, Keimah tuh hinna tanghou ka hi; kuapeuh ka kianga hongpai a gilkial kei ding, kuapeuh kei hon gingta tuh chik mahchiangin a dangtak kei ding ..., a chi a. Johan 6:35

Khovela ka om sungin khovel vak ka hi, a chi a, a dawnga. Johan 9:5

Huchiin, Jesun a kiang uah a gen nawna, Chihtaktakin, chihtaktakin kon hilh a hi, kei belam kongkhak ka hi.... a chi a. Johan 10:7

Huan, Jesun a kiang ah, Kei thohnawnna leh hinna ka hi; kuapeuh hon gingta tuh si mahleh a hing gige ding . . ., a chi a. Johan 11:25

5 JESU HIH NALAMDANG PAWLKHAT

Huan, loupa tunga tu dingin mipite tuh thu a pia a, tanghou phel nga leh nga nih tuh a la a, van lam enin a vualjawl a, a balkhama, tanghoute tuh nungjuite kiang ah a pia a, huan, nungjuiten mipite kiang ah a pia ua. Huan, a vek-un a ne ua, a vah chiatta ua; a nek vai neng khawng uh leng bawmpi sawm leh nih dim a ngah uh. A nete tuh, numei leh naupang sim louhin piching ngen leng sang-nga khawng ahi uh. Matthai 14:19-21

Huan, ngaidih, mittaw nih lam geia tuten Jesu a pai chih a jak tak un, TOUPA, nang David Tapa, ka tung uah zahngai in, chiin, a kikou ua. Huan, Jesu a dinga, ... Na tung uah bang chi-a ka hih'na ut ua? a chi a. Amau tuh a kiang ah, Mit vak ka ut uh, a chi ua. Huchiin, Jesun a hehpih mahmah a, a mit uh a khoih a; huchiin, a mu thei pah ngal ua, amah tuh a juita uh. Matthai 20:30, 32b-34

Huan, Simon in a kiangah. Heutupa, gimtakin jankhuain ka pang ua, bangmah ka man kei ua, himahleh na thuin lente ka pai nawn ding leh, a chi a, a dawnga. Huan, a paih uleh nga tampi tak a khuh ua, a lente uh tuh a kek iakiaka. Luka 5:5,6

6 JESU KHRIST, NA KHEMPEUH PIANGSAKPA LEH TOUPA AHI

Amah ah tuh bangkim siam a hi a, vana omte, leia omte toh, muhtheihte, muhtheihiouhte toh, laltutphahte leng, thuneihnate leng; bangkim amah siam a hi, amah ading maha siam a hi. Kolossa-te 1:16

Bangkim a vekin amah siam a hi; thil siam tengteng amah siam louh bangmah a om kei. Johan 1:3

Khrist sihna leh a honghinnawnna pen tuh, mi hing leh misi Toupa a hih theihna ding a hi ngala. Rome-te 14:9

Huchiin, Jesu, na kilhden mah uh, Pathian in Toupa leh Khrist hi khawm-in a bawlta chih, Israel nam chihin kichiantakin thei u heh, a chi a. Nasepte 2:36

Pathian, nidang laia pi leh pute kianga seh tampi leh lam chitenga jawlneitea thu nagenpan, tulaihun nanung ah eite kiangah a Tapa ah thu a hon genta hi. Huai mi tuh bangkim gouluahpa dingin a siama, huai mi mahin khovelte leng a siam hi. Hebrute 1:1,2

Pathian, a Tapa Jesu Khrist i Toupa kithuahpihnaa nou noirsam lutpa, a muanhuai hi. 1 Korinth-te 1:9

7 JESU KHRIST MI KHEMPEUH THUKHENPA AMI

Himahleh nang bang a chia na unau gensia na hia oi? ahihkeileh, nang bang a chia na unau simmoh na hia oi? Pathian thukhenna tutphah maah i vek un i ding ding uh. Rome-te 14:10

Pathian muh leh, mihing leh misite ngaihtuah dingpa Kris Jesu muhin, a kilakna leh a gam louin, phatuamngai takin ka hontheisak ahi. 2 Timothi 4:1

A hihhangin, Mihing Tapa, a angelte tengteng toh, a thupinaa kivana a hongpai hun chiangin, a thupina tutphah ah a tu dia; a ma ah nam chih a kikhawm ding ua; belamchingpan kei laka a belamte a khen khia bangin amau tuh a khenkhe ding. Matthai 25:31,32 Pa in kuamah vai a hawmsak ngei kei, vai tengteng Tapa a hawmsak zota. Johan 5:22 Ka Tanchin Hoih gen banga, mihingte thugukte Pathian in, Jesu Khrist-a, a ngaihtuah ni chiangin. Rome-te 2:16

Amah tuh misi leh mihingte tunga Vaihawmpa dia Pathian Seh ahi chih, mi kianga tangkoupih leh theisak dingin Pathian in thu a honpia hi. Nasepte 10:42

A khutin a phazah a tawia, a phual a jap siang vilvelna ding leh a buhpanga buh sunna dingin; a si tuh mei mit thei louin a hal mang ding, a chi hi. Luka 3:17

8 KHRIST TUNGTAWN BEKA OM TATNA

Kei kongkhak ka hi; keimaha mi a lut leh, humbitin a om dinga, a lutin a pawt dinga, nek ding leng a mu ding hi. Johan 10:9

Jesun a kiangah, Keimah tuh lampi leh thutak leh hinna ka hi; keimah-a pai lou kuamah Pa kiang a tung ngei kei. Huaijiakin, na kiang uah, Na khelhna uah na si ding uh, ka chih, huai amah ka hi chih na gin kei ua leh, na khelhna uah na si ngeingei ding uh, a chi a. Johan 14:6; 8:24

Khrist Jesu-a om tatna jiakin, a hehpihnaa a thawna siamtansakin a om uh. Rome-te 3:24

Huchiin, hihhoih kimtaka hongOmin, a thumangte peuhmah adingin khantawna hotdamna bulpi a honghita hi. Hebrute 5:9

Huchiin, amah tungtawna Pathian kianga hongpaite tuh a tawp dongin a hondam thei a hi, amau thum-sakin khantawna a hin gige jiakin. Hebrute 7:25

Mi dang kuamah kiang ah hotdamna a om kei; van nuaia, mihing sak lakah, hon hondam ding min dang himhim a om kei, a chi a. Nasepte 4:12

Khrist tuh ei sika hamsiatin a hongoma, dan hamsiatna akipanin a hontan kheta Singa khailup peumah jaw hamsiat hi hen, chih gelh a hi ngala. Galatia-te 3:l3

9 KHRIST TUNGTAWN BEKA OM TATNA

Amah tuh Khrist-a noute hinna nak ahi; huan Pathian in Khrist tuh i pilna bang, i diktatna bang, i sianthouna bang, i tatna bang hi dingin a bawlta. 1 Korinth-te 1:30

Aman tuh tatlekna tengteng laka kipanin a hontat theihna dingin leh, chi tel tuam, thil hoih hiha phatuamngai, amaha dinga a hihsiangthou theihna dingin i sikin a kipeta hi. Tita 2:14

Vaka misiang thoute gou luahpih dia honchingsak Pa kianga kipahthu genin. Aman tuh mial thuneihna lak akipan honsuaktasakin, a Tapa ittak gam ah honkaisakta; Amah ah tuh i tatkhiakna uh i mu ua i khelhnate ngaihdamnatak. Kolossa-te 1:12-14

Mangthangte zonga hotdam dingin Mihing Tapa hongpai a hi him hi, a chi a. Luka 19:10

Huan la thak khat a sa ua: Laibu tuh la a, huaia a chiamtehnate phel tham na hi: thahin na omta a, chi chih leh pau chih leh mi chih leh nam chiha mite Pathian adinga na sisana na leitak jiakin. Kilakna 5:9

Himahleh, a hunbi a hongkimin, Pathian in a Tapa, numei suanin. dan nuaia hongsuakin, a honsawl kheta, ta hihna i muh theihna dinga, dan nuaia omte tankhe dingin. Galatia-te 4:4,5

10 KHRIST' SISANA KHUHNA

Huchiin, a sisana siamtansaka i om khit nungin, amah jiakin Pathian hehna laka kipan hotdamin i om mahmah ngei ding hi. Rome-te 5:9

A sisan jiakin Amah ah tatkhiakna, huai a hehpihna hauhdan bangbanga i tatleknate ngaihdamna ngei i tangta hi. Ephesa-te 1:7

Na vek un dawn un, hiai ka sisan, khelhnate ngaihdamna dinga mi tampi dia pawt ding, thukhunna tuh a hi. Matthai 26:28

Na pipute u piaksawn, na omdan uh bangmah hi lou khawnga kipan, thil se thei, dangka leh dangkaenga tat na hi kei ua, belamnou gensiatbei leh ninbang lou sisan banga, Khrist sisan phaa tat na hi jaw uh chih na thei ngal ua. 1 Peter 1:18,19

A hihhangin, amah tuh vaka a om bangin ei leng vaka om i hih leh i kithuah chiat ua, huan, a Tapa Jesu sisan in i khelhna tengteng a honsil siangsak jel a hi. 1 Johan 1:7

Khrist, khantawna Kha jiaka gensiat beia Pathian kianga kilan sisanin, Pathian Hing na sem dingin na sia leh pha theihna uh thilhih sisa lakah nak hihsiangthou natel inchia! Hebrute 9:14

11 KHRIST UPNA TUNGTAWNA HOTDAMNA

Ginna jiaka hehpihnaa hotdam na hi ngalua; huai leng noumaua suak a hi keia, Pathian thawnpiak a hi; thilhih jiak ahi kei, huchilou injaw min a suang kha ding uhi. Ephesa-te 2:8,9

Huaijiakin, ginna jiaka siamtansaka omin i Toupa Jesu Khrist pansanin Pathian toh kilemin i om uhi. Rome-te 5:1

Khrist Jesu ah bel zeksum bangmah a phatuam keia, zeksum louh leng bangmah a phatuam sam kei; ginna, itnaa sem a phatuam a hi. Galatia-te 5:6

Huan, amau a kiangah, Pathian na ka sep theihna dingun thil bang ahia ka hih ding uh? a chi ua. Huan, Jesun a kiang uah, Pathian nasep hiai a hi, a misawl gingta Ie uchin, a chi a, a dawnga. Johan 6:28, 29

Himahleh hiaite Jesu, Khrist, Pathian Tapa a hi chih na gintakna ding uleh, na gintak ua a mina hinna na neihna ding ua gelh a hi. Johan 20:31

Pathian suahsak peuhin khovel a zou jel ngala; hiai a hi khovel tunga vualzohna, i ginna. 1 Johan 5:4

. . . Toupa Jesu ging inia, huchiin hotdamin na om ding, nang leh na inkuanpihte toh. Nasepte 16:31

12 PATHIAN HEHPIH THUKHUALNA

Van, lei tung sang taka a om bangin, amah laute tungah a chitna a lian mahmah a hi. TOUPA chitna bel amah kihtate tungah khantawn akipanin khantawn phain a om dinga, a diktatna leng a tusuan a tasuan tan un a om ding hi. Sam 103:11,17

I Toupa Jesu Khrist Pathian ... hehpihnate Pa leh khamuanna tengteng Pathian phatin om hen. 2 Korinth-te 1:3

Na chitna tuh van khup hialin a thupi ngala, na thutakin vandumte leng a sun hial hi. Sam 108:4

Nang banga thulimlouhna ngaidampa leh a goutan om sun tatlekna nelhsiahpa Pathian kua a oma? a hehna khantawnin a vom gige kei, hehpihna-a a kipah mahmah sek jiakin. Mika 7:18

TOUPA chitnate jiak ahi hihmanga i om louhna uh, a lainatnate a juau ngei louh jiakin. Jingsang tengin a thak jel ua; na ginomna a thupi. Kahlate 3:22,23

Diktatnaa eiten thil i nahihte jiak hilou-in, a chitna bang jela pianthaknaa sawpin leh Kha Siangthou-a thaksaknain eite a honhondamta hi. Tita 3:5

Huchiin, zahngaihna i muh theihna ding leh, huh i deih chianga huhna hehpihna i muh theihna dingin. Hebrute 4;16a

13 AMA KIANG ZUAN DINGIN PATHIAN IN EITE HONG SAM

TOUPAN, Hongpai un, ngaihtuah khawm dih ve ni! Na khelhnate uh san au bangin om mahleh, vuk bangin a ngou ding; san dup bangin san khin mahleh belam mul bangin a om ding. ... a chi. Isai 1:18

Huan Kha leh Mouin, Hongpai in, a chi ua. Huan kuapeuh a jain, Hongpai in, chi hen. Huan kuapeuh a utin hinna tui a manbeiin hongdawn hen. Kilakna 22:17

Huan, ankuanglui ni nanungpen, ni thupi niin, Jesu a dinga, a kikou a, Kuapeuh a dangtak leh ka kiangah hong henia, dawn hen ... a chi. Johan 7:37

Ngai un, dangtak peuhmahte aw, tuite ah hongpai un, dangka neiloute leng; hongpai unia, lei unia ne un! a hi, hongpai unia, uain leh nawitui dangka pe louin, a man leng pe louin lei un. Isai 55:1

Himahleh, Jesun huai a muhin a lunghikei mahmaha, nungjuite kiangah, Naupang neute ka kiangah honpaisak unia, kham kei un; Pathian gam huchibang mitea a hi ngala. . . a chi. Marka 10:14

Nou sem gim leh puakgik pua tengteng aw, ka kiangah hongpai unia, keiman khawlna konpe ding. Matthai 11:28

14 MI KHEMPEUH PATHIAN TATE HI KIM LOU

Hiaiah Pathian tate leh diabol tate a theihtheih hi; kuapeuh diktatna hih lou tuh Pathiana suak a hi kei, a unau it lou leng Pathiana suak a hi sam kei hi. 1 Johan 3:10

Pathian Kha pia om peuhmate jaw, Pathian tate a hi ngal ua. Laua om nawn dingin sikha hihna kha na tang uh a hi ngal keia; ta hihna kha na tang uh a hi jaw. Tua in Abba! Pa! chiin hon kikousak. Rome-te 8:14,15

Huaijiakin, A lak ua kipanin hongpawt unla, a tuamin om un, thil sianglou himhim khoih kei un, Toupan a chi, huchiin, kon kipahpih dia, nou din na Pa uh ka hi dia, nou leng kei din tanu tapa na hi ding uh, Toupa Bang kim hihtheiin a chi. 2 Korinth-te 6:17,18

Dawngdawng lou leh phunphun louin thil bangkim hih un: khangthak gilou leh khial, a lak ua khovela vakte banga na tennate lak ua, Pathian ta gensiatbei leh siangthou, hinna thu tuh tak lang na hih theihna ding un; huaia kipana ken Khrist ni a hongtun chianga, A thawnin ka semgim keia, a thawnin ka tai gim kei, ka chih ngamna dingin. Philippi-te 2:14-16

Himahleh, amah kipahpih-a pom, a min gingtate, tengteng Pathian tate suahtheihna a pia. Johan 1:12

15 ZU DAWN TOH KISAI PATHIAN THUGEN

Huan sa thilhihte tuh a kilang chian a hi, huaite tuh hiaite a hi uh: angkawmna, kingaihna, thanghuaina, hukna, milimbiakna, bumna, huatna, kinakna, hajatna, hehna, kilanna, omtuamna, gintuamna, deihgohna, tualthahna, zumunnopna, zukhamna, hichite khawng; huchibanga thil hih chingten Pathian gam a tang kei ding uh, chia tumaa ka honhilh kholh mahbangin, ka honhilh khol a hi. Galatia-te 5:19-21

Sun-a om bangin kilawm takin i om ding uh, zu dawn buai leh zu khama om louin, huk leh kingaihhata om louin, kilai leh kihajaa om louin. Toupa Jesu Kristin kithuam jaw unia, na sa duhgawlna uh pichin dingin bangmah kibawl kei un. Rome-te 13:13,14

Ju delh dinga jingkhang pipi-a thou-a, uainin a kham gawpsak mateng jan sawt pipi tana om sekte a tung uh a gik hi. Isai 5:11

A san laiin uain en ken, nou sunga a jia a suah laiin, nemtaka a pai suk laiin. Atawp chiangin gulpi bangin a keia, guldekpak bangin guin a zen hi. Paunakte 23:31, 32

Toupa ngaihin mi lian a hi dia, uain leh ju himhim a dawn kei ding; a nu sung apat himin Kha Siangthouin a hongdim ding. Luka 1:15

16 CHIHTAKNA BEK KICHING LOU

Huan, anian a kiangah, Toupa na Pathian tuh na lungtang tengtengin, na kha tengtengin, na lungsim tengtengin na it ding a hi, chih. Huai tuh thupiak thupipen leh poimoh pen a hi. Matthai 22:37,38

... Sinsakpa hoih, khantawna hinna ka tan theihna dingin bangchin ka hih ding? chiin, a dong a. Huan, Jesun a kiangah, Bangdia hoih honchi? mi khat kia loungal kuamah hoih a om kei uh, huai tuh Pathian a hi. Thupiakte khawng na thei vo oi Tual that ken, Angkawm ken, Gu ken, Hek ken, Khem ken, Na nu leh na pa pahtawiin, chih khawng, a chi a. Huan, aman, a kiangah, Sinsakpa huai tengteng ka naupan laia kipanin ka jui jel, a chi a. Huan, Jesun amah a en a, a itta a, a kiangah, Hihding khat nei lai chia; pai inia, na neih peuhmah juak inia, tagahte kiangah pia in, huchiin vanah gou na nei ding; huan, hongpai inia, honjui in, a chi a. Ahihhangin, huai thu ah a mel a hongmual a, lungkham takin a pai mangta; sum tampi nei mi a hih jiakin. Marka 10:17-22

Mihing adia dika kilawm lampi a om, himahleh huai tawpna sihna lampite ahi. Paunakte 16:25

17 KHEMZAWH IN OM KEN

Khemin om kei un; Pathian jaw zekhema mawkbawl vual a hi kei; min a tuh peuh uh huaimah a at nawn ngei ding a hih jiakin. Galatia-te 6:7

Tate aw, kuamah khemin om kei un. Diktatna hihmi tuh a diktat hi, amah a diktat mahbangin. Thil hihkhialmi tuh diabola pawt a hi; diabol in atunga kipan thil a hihkhial ngala. 1 Johan 3:7,8a

A hihieh, mi diktatlouten Pathian Gam a luah kei ding uh chih na thei kei ua hia? Khemin om kei un, kingaihhatte hiam, milim bete hiam, angkawmte hiam, mi hukte hiam, tohukte hiam, gutate hiam, mihuaihamte hiam, zukhamhatte hiam, salhhatte hiam, lepgute hiam in Pathian Gam a luah kei ding uh. 1 Korinth-te 6:9,10

Kuamahin thuginalou peuhin honkhem kei uhen; huai thilte jiakin Pathian thangpaihna tuh thumanglou tate tungah a tung naknak a hi. Ephesa-te 5:6

Himahleh, noumau kikhemin ngaikhete kia hi louin thujuite hong hi jaw un. Jakob 1:22

Mi bangmah hi lou piin, mi lian kuama a kibawl leh, a kikhem tawm lei a hi ngala. Galatia-te 6:3

Mi tampin, Khrist ka hi, chiin, keimah min louin a hong ding uh, mi tampi a khemzoh ding jiakun. Matthai 24:5

18 KHELHNA IN SIHNA TUN

Huchiin, mi khat jiakin khelhna khovelah a luta, khelhna jiakin sihna a luta, huchimahbangin mi tengteng a jelsuakta hi. Rome-te 5:12

Huan, utnain nou a paia khelhna a suaksak a, khelhna a hongpichinin sihna a suak sak jel hi. Jakob 1:15

Sa lam thilte deih jaw sihna a hi ngala, Kha lam thil deih bel hinna leh khamuanna a hi; Sa deihdan jaw Pathian douna a hih jiakin. Huai tuh Pathian danin a om ngal keia, om leng a om thei kei himhim a hi. Rome-te 8:6,7

Kha khial a si ding; tapa in a pa thulimlouhna a thuak kei dinga, pa in leng tapa thulimlouhna a thuak sam kei ding; mi diktat diktatna amah mah tungah a om dinga, mi gilou gitlouhna amah mah tungah a om ding. Ezekiel 18:20

Kipak leb nuamtaka om ding a hi vo oi; hiai na nau a sia; a honghing nawna; a manga, i mu nawnta a hi ngala, a chi a, a chi a. Luka 15:32

Kuapeuh diktatnaa dingkip hinna a tung ding; huan kuapeuh gilou delhin amah sihna dingin a hih ahi. Paunakte 11:19

Tua na thil zahpihsate uah, huai laiin gah bang a hia na namuh jel uh? Rome-te 6:21

19 KHRIST IN SIHNA ZOU

Siangthouna kha lam thua misi laka thohnawnnaa Pathian Tapa thilhihtheihna toh hi dinga genkhiak thu; Jesu Khrist i Toupa ngei tuh. Rome-te 1:4

Huan, huchia a pau khitin aw ngaih takin, Lazar, hongpawt in, a chi a, a kikou a. Huan, misi tuh a khut a khe, han puana tuam sain a hongpawtta a, a mai leng kinulna puana tuam a hi a. Jesun a kiang uah, Phel unia, pai sak un, a chi a. Johan 11:43,44

Hiai jiakin Pa in kei hon it a hi; lak nawn dinga ka hinna ka piak ding jiakin. Kuamah in a honlaksak kei ding, keimah thuthuin ka pe zo ding ahi. Pe thei ka hi a, la nawn thei leng ka hi. Johan 10:17,18a

Huan, a vanaiha, lang a khoiha; huchiin, a jawngte a khawlta ua. Huan, Tangval. thou in, ka honchi, a chi a. Huan, misi tuh a tu khia a, a hong pauta a. Luka 7:14,15a

Mi Hing ka hi; huan ka hongsi a, huan ngaiin khantawnin ka hing hi, sihna leh misi kho tahbi ka nei hi. Kilakna 1:18

A masapenin ken ka muh sam tuh nou kon hilh sawna; huchia, Khrist Laisiangthou bangbanga i khelhnate jiaka a siha, a vui ua, Laisiangthou bangbanga ni thum nia kaihthoha a om. 1 Kor 15:3,4

20 PATHIAN THUPIAK-THUKHAMTE

Kei loungal pathian dang na nei ding' a hi kei.

Milim bawl tawm, tunglam vana om hiam, nuai lam leia om hiam, lei nuai lama tuia om hiam, a koi batpih mahmah na kibawl ding ahi kei: Huaite chibai na buk ding a hi keia, a na uh leng na sem ding a hi sam kei. ...

TOUPA na Pathian min na lou mawkmawk ding a hi kei. TOUPAN a min lou mawkmawk mite moh lou sak louin lah a khah sin ngal keia.

TOUPA na Pathian in thu a hon piak bangin khawini siangthou gige dingin tang in. Ni guk sung nasem dinga, na na teng-teng na sep ding a hi....

TOUPA na Pathian in thu a hon piak bangin na nu leh na pa pahtawi in ....

Tual na that ding a hi kei.

Ang na kawm ding a hi kei.

Na gu ding a hi kei.

Na insakinkhang tungah theihpih taklouin na pang ding a hi kei.

Na insakinkhangte ji na eng ding a hi kei, na insakinkhangte in hiam, a lou hiam, a sikhapa hiam, a sikhanu hiam, a bawngtal hiam, a sabengtung hiam, na insakinkhang thil a bang mahmah na eng ding a hi kei, chiin. Diuteronomi 5:7-21

21 PATHIAN PANIN BU THEI KEI NITEH

A mitte lah mihing lampite tungah a oma. huan a painate tengteng a mu hi. Thulimlou nasemmite buk theihna ding, khomial a omkei a, sihna limliap leng a om sam kei hi. Job 34:21,22

Mun kiselah ka muh theihiouh dia bu theimi a om sin ua hia? chih TOUPA thu pawt ahi. Lei leh vanah ka dim ahi kei maw? chih TOUPA thu pawt ahi. Jeremia 23:24

Van ah kahtou ning chileng, huaiah lah na om ngala: Sheol ah lupna bawl ning chileng ngaiin, huaiah leng na om jel ngala. Mialin leng nang lakah bangmah a liah keia, jan lah sun bangin a vakjaw a hi: nang dingin mial leh vak a kibang sapsap hi. Sam 139:8,12

TOUPA mitte mun chitengah a oma, hoihlou leh hoih veng gigein. Paunakte 15:3

Huaijiakin, thilsiam amah mitmuh a lang lou himhim a om kei; i tanchin i tutna ding mitmuh ah jaw bang kim vuaktang leh kihongsain a om jaw hi. Hebrute 4:13

Thang lou dinga im bangmah a om ngal kei a, theih louh ding leh lang lou dinga selguk bangmah a om sam kei. Luka 8:17

22 PATHIAN LIMSAKLOUTE TUNGA TAWNTUNG GAWTNA

Mihing Tapain angelte a sawl khe ding a, a gam akipan hihkhialsakte leh thil hihkhialte tengteng a khawm khe ding ua, hal tuina mei ah a pai ding uh: huailai ah kah leh hagawi a om ding. Matthai 13:41, 42

Mi gilou-saloute tuh Sheol ah a kik nawn ding uh, Nam chih Pathian mangngilh hatte tengteng tuh. Sam 9:17

Himahleh, tua vante leh lei omte tuh huai thu mahin Pathianlimsaklou mite vaihawm leh manthat ni adinga sitin, meia dinga khol khawm a hita hi. 2 Peter 3:7

Aman tuh tangtawn manthatna gawtna leh Toupa omna leh a thilhihtheihna thupina akipana pawsiahna a thuak ding ua. 2 Thessalonika-te 1:9

Huan, na khutin hiam, na khein hiam, a honhihpuk leh, tan inia, pai mang in; khutnih hiam khe nih hiam neia khantawn meia paih a om sangin, piangsualin hiam khebaiin hiam hinnaa lut nanga dingin a hoihjaw. Matthai 18:8

Huan, huaite khantawn gawtna ah a pai ding ua; mi diktatte tuh khantawn hinna ah a pai ding uh, a chi a. Matthai 25:46

23 MAILAM AH THUKHENNA

Huai ni chiangin Pathian in a mi seh zangin diktatnain khovel a vaihawm ding; huan a miseh tung thu tuh amah misi laka kipana kaithouin, mitengteng kiangah a theisakta hi, chiin. Nasepte 17:31

Toupan amah limsak mite tuh khemna apat hotkhiakdan leh, diktatloute tuh vaihawm ni adinga gawt kawma hawi dan a thei. 2 Peter 2:9

Hiaiah i tung uah itna a kimta, vaihawm nia dinga lau loua i om theihna ah; amah om banga khovela i om jiakin. 1 Johan 4:17

Huan, mihing adingin khatvei sih seh ahi, huai nungin vaihawmna a om ding. Hebrute 9:27

Huan misite, a neu a lian, huai laltutphah maa dingte tuh ka mutaa; huan laibute a kihonga; huan laibu dang, hinna laibu leng a kihonga; huan misite huai laibutea thil kigelhte akipanin a thilhih bang ua vaihawm sakin a omta uhi. Kilakna 20:12

Mi chihin, pumpia thil hihte a sia a phain, i muh chiat theihna dingin, Khrist thukhenna tutphah maah hihiatin i om vek ding uh a hi. 2 Korinth-te 5:10

Huchiin, i vek-un Pathian kiangah eimah tanchin i gen chiat ding uhahi. Rome-te 14:12

24 JESU KHRIST' HEHPIHNA

Huaijiakin, a deihpa jiak a hi keia, a taipa jiak leng a hi sam keia, a hehpihpa Pathian jiak a hi jaw hi. Rome-te 9:16

Pathian in kisatheite a dou a, kingaineute bel hehpihna a pe naknak hi. 1 Peter 5:5b

I Toupa Jesu Khrist hehpihna, a gentheihna jiaka na honghauh theihna ding un hau mahleh noumau jiak ngeingeia honggentheih takdan, na thei ngalua. 2 Korinth-te 8:9

A thilpiak gen zohvual louh jiakin Pathian kiangah kipahthu om hen. 2 Korinth-te 9:15

Ahihhangin khelhna a khanna peuh ah hehpihna a khang sem, huchi-a, khelhnain sihnaa vai a hawm bangtaka, hehpihna inleng i Toupa Jesu Khrist pansana diktatna jiaka khantawn hinna donga vai a hawm theihna dingin. Rome-te 5:20b, 21

Huan, sawltakten thihihtheihna thupi takin Toupa Jesu thohnawn thu a hilhhilh ua; a vek ua tungah hehpihna thupitak a om hi. Nasepte 4:33

Himahleh, thilthawnpiak jaw tatlekna toh a kibang kei. Mi khat tatlekna jiaka mi tampi a sih ua leh Pathian hehpihna leh mi khat Jesu Khrist hehpihnaa thilthawnpiak tub a kiching zosema mi tampi tunga vuhin a om. Rome-te 5:15

25 KISIKNA

Huchiin, Pathianin i theihiouh laikhawng bang a kitheihmohbawla; himahleh, tunah jaw gam chiha mi tengteng kisik ding thu a peta hi, ni a chiam jiakin. Nasepte 17:30

Hi lou e, ka honhilh a hi, nou leng na kisik kei uleh huchi bangmahin na mangthang vek dinguh. Luka 13:3

Kisik un! van gam a naita, chiin, Judia gamdai ah thu genin a hongpai a. Matthai 3:2

Huan, Peterin, a kiang uah, Na khelhnate uh ngaihdamna dingin lungsim khek unia, Jesu Khrist minin baptisma tang chiat un; huchiin, Kha Siangthou piak na tang ding uh. Huaijiakin na khelhna te uh thaimang ahih theihna dingin lungsim khek unia, kihei nawn un, huchiin Toupa kiang apat halh hun khawng a hongtung thei ding hi..., a chi. Nasepte 2:38; 3:19

Kuapeuh a tatlekna khuh a lohching kei ding: himahleh kuapeuh huaite thuphatawia mangngilhin chitna a mu ding uh. Pau. 28:13

Pathian deihiam banga lung khamnain hotdamna dingin, kisikna a bawla, kisikhuai thil a tun kei; khovel lungkhamna inbel sihna a bawl zo nak hi. 2 Korinth-te 7:10

26 KHELHNATE MAISAKMA

Himahleh mi gilouin a khelhna hih tengteng a lehngatsana, ka dan bawlte a zuiha, dan juia thil diktat a hih leh a hing ngei ding, a si kei ding. Ezekiel 18:21

Mi gilou in a omdan tawpsan henia, mi diktatlou in a ngaihtuahnate tawpsan sam hen: TOUPA kiangah kik nawn hen la, huchiin aman a na hehpih ding; i Pathian kiang uah kik nawn hen, aman luh a ngaidam mahmah sin ngala. Isai 55:7

Mi a tatleknate uh na ngaihdam uleh, na Pa uh vana omin leng a hongaidam sam ding. Matthai 6;14

Huchiin, Jesun a gin dan uh a na muhin, mijaw kiangah, Ka la, na khelhnate ngaihdam a hita, a chi a. Marka 2:5

Amah (Jesu) jiakin khelhna ngaihdamna thu na kiang ua gen ahi. Amah mah tuh Pathian in Kumpipa leh Hondampa-a om dingin a taklam ah a hihlianta a, Israelte khelhna pan kiheisak ding leh ngaidam dingin. Nasepte 13:38b; 5:31

Ngaiin, kongkhaka dingin ka kiu hi: min ka aw a jaka kong a hon leh, a kiangah ka lut dia amah toh nitakan ka ne dia, aman leng kei toh a ne ding. Kilakna 3:20

27 LEITUNG LUNGGULHNA PAN KIKOIHTUAMNA

Mi tengteng kiangah hotdamna hon tunin Pathian hehpihna a hong tungta ngala; Pathian limsaklouhna leh khovel duhgawlna khawng tawpsanin, tulai khovel ah kidek leh diktat tak leh Pathian limsakin i om ding chih thei sakin. Tita 2:11,12

Huan, mial thilhih gah nei ngei loute ah leng panna himhim nei kei unia, pan naksangin a diklouhdan uh theisak jaw un. Ephesa-te 5:11

Khovel it kei unia, khovela thil omte leng it sam kei un. Mi kuapeuhin khovel a it leh, Pa a itna amah ah a om kei hi. Khovela thil om tengteng, sa utnate, mit utnate, dam sung thupina limte khawng Pa akipan a hi keia, khovel akipan a hi zo ngala. 1 Johan 2:15,16

Tung lama thil omte ah na lungsim uh nga un, leia thil omtea nga louin. Kolossa-te 3:2

Nou angkawmhatte aw, khovel lawm hihna Pathian melma hihna a hi chih na thei kei ua hia? huchiin kuapeuhmah khovel lawm hih ut tuh Pathian melmain a kibawl nak a hi. Jakob 4:4

Kisil unia, kihihsiang un; ka mitmuh phaklouh din na thilhihte uh a gitlouhna koih mang un; gilou hih tawpta uh. Isai 1:16

28 PIANNA THAK

Lungtang thak ka hon pe dia, na sung uah kha thak ka koih ding: na sa ua kipan lungtang suang banga tak ka la inang dinga, lungtang sa banga nip ka honpe zo ding hi. Ezekiel 36:26

Amah tuh mi diktat a hi chih na theih uleh, mi kuapeuh diktatna hih tuh amaha suak a hi chih na thei uhi. Kuapeuh Pathian suahsakin thil a hihkhial kei chih i thei hi; Pathian Suahsakpan amah a kem gige a, giloupan khoih leng a khoih theikei him ahi. 1 Johan 2:29; 5:18

Huchi a hih jiakin, kuapeuh Khrist-a a om leh, thilsiam thak a hong-hi a; thil luite a mangta a; ngai un, a hongthakta uhi. 2 Korinth-te 5:17

Huan, Jesun a dawnga, a kiangah, Chihtaktakin, chihtaktakin ka honhilh a hi, Mi kuapeuh a pian thak kei aleh Pathian gam a mu thei kei, a chi a. Johan 3:3

Himahleh, Toupa Jesu Khrist min ah leh i Pathian Kha ah siansak na hita ua, hihsiangthou na hita uh, siamtang na hita uhi. 1 Korinth-te 6:11b

Chi sethei apan hi louin, Pathian thu hing gige leh om gige ah, chi se thei lou apan piang thak na hi zo ngal ua. 1 Peter 1:23

29 KHELHNA SIHSAN KHRIST SUNGA THOUKIK

Nou leng na tatlekna uleh na khelhnate uh jiaka si na hih lai-un a honhihhinga. Khrist Jesu ah amah toh a honkaithou-a, van munte ah amah kiangah a hontusak hi. Ephesa-te 2:1,6

Khelhna lamah si khina diktatna lama i hin theihna dingin amahmah in tua sing ah a sain i khelhnate a pua hi; amah vuakna golhte ah hihdamin na omta uhi. 1 Peter 2:24

Huchiin, Khrist toh kaihthoh khawma na omtak ngal uleh, tunglama Pathian taklama tu Khrist omnaa thil omte tuh zong un. Tung lama thil omte ah na lungsim uh nga un, leia thil omtea nga louin. Na sita ua, tuin na hinna uh Pathian ah Khrist toh selin a om hi. Khrist i hinna uh a hongkilak chiangin nou leng amah kiangah thupiin na kilak sam ding uhi. Kolossa-te 3:1-4

Huan, Khrist Jesu-a hitaten tuh sa, a lunggulhna leh a duhgawlna toh a kilhdenta uhi. Khaa hing i hih leh Kha mahah i om ding uhi. Galatia-te 5:24,25

Om nilouh lou hial ding. Eite khelhna lama sisa, khelhna ah bangchin i hing thei lailai dia? Huchi mahbangin nou leng khelhna lam thu ah sisain kisep unia, Pathian lam thu ah bel Khrist Jesu ah hingin kisep un. Rome-te 6:2,11

30 TAWNTUNG HINNA

Amah salama tuhin saa om siatna a at ding. Khalama tuhin bel Khaa kipan khantawn hinna a at ding. Galatia-te 6:8

Huan, Mosiin gamdaia gul a khaikang bangin, Mihing Tapa khai kangin a om ding ahi; kuapeuh a gingta in amah jiaka khantawna hinna a neihna dingin. Johan 3:14,15

Hiai khantawna hinna a hi, nang Pathian tak kia leh na sawl Jesu Khrist theih. Johan 17:3

Kuapeuh Tapa gingta in khantawna hinna a nei; himahleh, Tapa thu manglouin hinna a nei kei ding a, Pathian hehna a tung ah a om jaw hi, a chi a. Johan 3:36

Khelhna man tuh sihna a hi ngala, Pathian thilthawnpiak bel i Toupa Khrist Jesu jiakin khantawna hinna a hi. Rome-te 6:23

Chihtaktakin, chihtaktakin kon hilh a hi, Kuapeuh ka thu ja a, honsawlpa gingtain, khantawna hinna a nei; siamlouhin a om keia, sihnaa kipan a pawta, hinna ah a lut zota a hi. Johan 5:24

Na lungtang uh hihmangbatin om kei hen; Pathian na gingta ua, kei leng hon gingta un. Ka Pa in ah tenna mun tampi a om; a om lou hileh, ka honhilhta ding a hi; nou ading mun khat bawl dinga va kuan dek ka hi ngala. Johan 14;1,2

31 HOTDAMNA KITHEIHTELNA

Kha mahmah in, eimah kha toh, Pathian tate i hi chih hon theisak hi. Rome-te 8:16

Theihsakna tuh hiai a hi, Pathian in khantawna hinna a hon pia a, huai hinna tuh a Tapa ah a om hi. Tua Tapa nei in hinna a nei hi; Pathian Tapa nei louin hinna a nei kei hi. Khantawna hinna na nei uh chih na theihna ding un, nou Pathian Tapa min gingtate kiangah hiai thute ka gelh a hi. 1 Johan 5:11-13

Kuapeuh ka thupiakte neia, jui tuh, kei hon it a hi; kuapeuh kei hon it tuh, ka Pa in a it ding, ken leng amah ka it dinga, a kiangah kahihna ka kilak ding, a chi a. Johan 14:21

Huan, diktatna nasep tuh kituahna a hi dinga, diktatnaa thil pawt lah khantawna muang taka omna leh kitheihtelna a hi ding. Isai 32:17

Huan, tate na hih jiak un Pathianin a Tapa kha tuh, Abba, Pa, chia kikouin, i lungtang uah a honsawl hi. Galatia-te 4:6

Amah ah i om gige chih leh amah eimau ah a om gige chih hiaiah i thei, a Kha a honpiak tak jiakin. 1 Johan 4:13

32 SUNGTEN KHRIST IN LUNGNOPNA PIA

Himahleh, tuin na kiang ah ka hongpai dekta; khovel ah hiai thute ka gen a hi, ka kipah amau ua a neih kimna ding un. Johan 17:13

Himahleh ka hon mu nawn dinga, na lungtang uh a kipak ding, na kipahna uh kuamah in honlaksak kei ding. Johan 16:22b

Pathian gam tuh nek leh dawn lam thu a hi ngal keia, diktatna khawng, kituahna khawng, Kha Siangthoua kipahna khawng a hi jaw hi. Rome-te 14:17

Khrist toh kilhdenin ka omta; himahleh ka hing a hi; keimah pen ka hita keia, Khrist tuh keimah ah a hing a hi jaw; huan, tua saa ka hin bel ginnaa hing ka hi Pathian Tapa, a hon ita ka sika kipepa, ginna ah. Galatia-te 2:20

Huaijiakin hotdamna tuikhuk akipan nuamin tui na tawi ding uh. Isai 12:3

Ka kipah noumaua a om gige theihna din leh, na kipah uh a kimna dingin, hiai thu na kiang uah ka gen a hi. Johan 15:11

Nang hinna lampi non theisak dinga; na maah nuam dimletna a om hi; na khut taklamah khantawn kipahna ding a om hi. Sam 16:11

33 TOUPA TUNGA THUMNNA KUL

Ahihhangin TOUPA aw na ngaihkhiak kei ua, TOUPA thupiak na helsan uleh na pipute un TOUPA khut a thuak mahbang un nou leng na thuak ding uh. 1 Samuel 12:15

Hilou hial ding. Kua kiang peuhah leng a thu mang dinga a sikha dia na lut un tuh sihna khopa khelhna sikha hiam, dikna khopa thu mang sikha hiam, a thu na man uh sikha na hi uh chih na thei kei ua hia? Rome-te 6:16

Toupa Jesu vana kipana angel hatte toh meikuanga hongkilak chianga, nou hihgima omte kou toh khawlnaa honthuk nawna, Pathian theilou mi leh i Toupa Jesu tanchin hoih taksangloute tunga phu a lak ding tu'. Aman tuh tangtawn manthatna gawtna leh Toupa omna leh a thilhihtheihna thupina akipana posiahna a thuak ding ua. 2 Thessalonika-te 1:7-9

Ngai un, tuniin na ma uah vualjawlna leh hamsia ka koiha; TOUPA na Pathian uh thupiakte tua ka honpiakte na zuih uleh, vualjawlna: TOUPA na Pathian uh thupiakte na zuih kei uleh, na theih ngei louh uh pathian dangte be dinga tua kon thupiak na pialsan uh lebel, hamsia. Diuteronomi 11:26-28

34 KHRIST GUMA PULAK KUL

... lei tengtengin Jesu Khrist tuh Pa Pathian thupina dinga Toupa a hi a chih theihna ding un. Philippi-te 2:11

Huchiin, mite inaa hon gum peuhmah tuh, ka Pa van a ma ah ka gum sam ding. Himahleh, kuapeuh mite maa honkitheihmohbawl tuh, ka Pa vana ma ah ka kitheihmohbawl sam ding. Matthai 10:32, 33

Na kama Jesu Toupa a hi chih na gupa, misi laka kipan Pathianin a kaithou chih na lungtanga na gintak leh, hotdamin na om ding, chih. Min lungtangin a gingta ua, diktatna a mu jel uh; kamin a gum ua, hotdamna leng a mu nak uh a hi. Rome-te 10:9,10

Kuapeuh Tapa gingta louin Pa leng a sang tuan kei; Tapa gingtain bel Pa leng a sang hi. 1 Johan 2:23

Kuapeuh keimah leh ka thu zahpih mi jaw Mihing Tapa in, amah thupina toh, a Pa thupina toh, a angel siangthoute thupina toh a hongpai chiangin a honzahpih ding. Luka 9:26

Hiaiah Pathian Kha na thei ding uh, bang kha peuh Jesu Khrist sain a hongpai chih gum tuh, Pathian akipan a hi. 1 Johan 4:2

35 SETAN-EITE GAL LIANPEN

Huai dana talekpa a hongpaina tuh Setan sepdan bang jelin, thilhihtheihna chiteng, chiamtehna chiteng, juau thillamdang chiteng toh, mangthang lellelte dingin khemna gilou chiteng toh a hi ding. 2 Thessalonika-te 2:9, 1Oa

A mit uh hihvak dingin a kiang uah ka honsawl ahi, huchiin mial tuh vaklam a ngatsan ding ua, Setan thuneihna Pathian lam a ngatsan ding uh, khelhna ngaihdamna a muhna ding uleh a hon gintak jiak ua siangthou kaite laka goutan a neihna ding un, a chi a. Nasepte 26:18

Huaikhitin Jesu tuh diabol khema om dingin gamdai ah Kha pi lutin a omta a. Huaitakin Jesun a kiangah, Setan, hia kipanin pai mangin. Toupa na Pathian na biak dinga, amah na kia na sep ding a hi, chih gelh ahi, a chi a. Huaizohin diabolin a paisanta a. Huan, ngaiin, angelten amah na hongsep sakuh. Matthai 4:1,10,11

Pilvang unla, limsak un; na melma uh Diabol, humpinelkai humham bangin a nek theih ding zongin a vial vakvak hi. 1 Peter 5:8

A tawppenin, Toupa ah leh a hatna thagui ah thilhihtheihna neiin hong om un. Diabol zekhemnate na dou zoh theihna ding-un Pathian galvan kimin kivan un. Ephesa-te 6:l0,11

36 SETAN TUNGA VUALZAWHNA

Huchiin, naupangte tuh sa leh sisan tangte a hih chiat jiak un, amah ngeiin huai bangmah a tang samta a; sihnaa sihna thuneipa (huai tuh Diabol) a hihmang theihna ding leh. Hebrute 2:14

Thil hihkhialmi tuh diabola pawt a hi; diabol in atunga kipan thil a hihkhial ngala. Pathian Tapa honglat napen tuh, diabol nasepte a hihmantliat theihna dingin a hi. 1 Johan 3:8

Khrist itna akipan kuan a hia hon khen ding? Gimthuaknain hia, lungngaihnain hia, sawinain hia, tamin hia, vuaktannain hia, lauhuainain hia, temsauin hia bonkhen ding? Khen lou hial ding, huaite tengtengah, hon itpa jiakin, vualtungtuangte sanga tungtuang jaw i hi hi. Rome-te 8:35,37

Huchiin, Pathian thuthuin om un; a hihhangin diabol dou un, hufchiin a hon taimangsan ding hi. Pathian naih unia, huchiin aman a honnaih ding. Jakob 4:7,8a

Naute aw, Pathian akipan na hi ua, tuate na zouta uhi; noumaua om tuh khovela om sanga a thupijawk jiakin. 1 Johan 4:4

Eite kigalvannate jaw sa leng ahi keia, kulhpi kip tak phelna dinga Pathian jiaka thilhih thei tak galvan ahi jaw. 2 Korinth-te 10:4

37 ITNA, NUNGZUIHNA TEHNA

Mihing paute leh angel paute-in thugen mahleng, itna ka neih keileh, dak ging lei hiam, dakkhutbet ging lei hiam ka hi ding hi. 1 Korinth-te 13:1

Kha gah a hihieh, itna, kipahna, lemna, thuaktheihna, migitna, hoihna, muanhuaina, nunnemna, kidektheihnate khawng a hi jaw uh. Galatia-te 5:22,23a

Min, Pathian ka it, chiin, a unau ho ngal leh, amah tuh juauthei a hi; a unau a muhsa bawn a it ken, Pathian a muh ngei louhpi bangchin a it thei dia? 1 Johan 4:20

Huan, a nihveina din, a kiangah, Simon, Johan tapa, nang kei non it hia? a chi nawna. Aman a kiangah, He, Toupa, kon it chih na thei hi, a chi nawna. Aman a kiang ah, Ka belamte chingin, a chi a. Johan 21:16

Nou non it uleh, ka thupiakte na jui ding uh. Johan 14:15

Na kiit uleh, mi tengtengin ka nungjuite nahi uh chih huai ah a thei ding uh, a chi a. Johan 13:35

Unaute i it jiakin sihna akipanin i pawt ua, hinna ah i lutta chih i thei uh. Kuapeuh itna nei lou tuh sihna ah a om gige lai hi. 1 Johan 3:14

Pathian i itna tuh hiai a hi, a thupiakte i zuihna; a thupiakte tuh a haksa ngal keia. 1 Johan 5:3

38 JESU KHRIST THAWHKIKNA

Judate gam ah leh Jerusalem khua a a thilhih tengteng theihpihte ka hi uhi, amah lah sing dawnah khaiin a hihiumta ua. Pathian in ni thum niin a kaithou nawna, chiantakin a kitheisak hi, ahihhangin mi tengteng kiangah ahi keia, Pathian in theihpih dia a seh kholhte kiang kia ah, a hi koute, misi lak akipan a thohnawn nunga a kianga nea dawnte kiangah. Nasepte 10:39-41

Huan, ni giat nungin, a nungjuite in sungah a om nawn ua, Thoma leng a kiang uah a om sama. Huan kongkhakte khak hinapiin, Jesu hongpaia a lak uah a hong dingta, a kiang uah, Na tung uah khamuanna om hen, a chi a. Huan, Thoma kiangah, Na khutzungin honsawk inla, ka khutte en in; na khutin ban inla, ka nak khawngah sawk in; gingta louin om kenla, gingtain, a chi a. Thoma in a kiangah, Ka Toupa leh ka Pathian na hi, a chi a, a dawnga. Johan 20:26-28

Huan, ni sagih ni masapen jingsanga a thohnawnin, Mari Magdalini, a sung apat dawi sagih a delh khiaknu kiangah a kilak masapen a. Marka 16:9

Huai Jesu tuh i tatlekna jiaka matsaka om a, siam i tanna dinga kaihthoha om a hi. Rome-te 4:25

39 THAWHKIKNA, EITE LAMETNA THUPI

A hun a tung dekta, tuin leng a tung lellelta, huaihun chiangin misiten Pathian Tapa aw a za ding ua, a za peuhmah a hing ding uh. Hiai khawng lamdang sa kei un, a hun a tung dekta, huai hun chiangin han a om tengtengin a aw a za ding ua, a pawt vek ding uh; thil hoih hihte tuh hinna tangin a thou nawn ding ua, thil gilou hihte tuh siam louh tangin a thou nawn ding uh. Johan 5:25b, 28,29

Eite Khrist Jesu-a baptisluta om tengteng a sihna ah baptislutin i om chih na thei kei ua hia? Huaijiakin a sihnaa baptisluta omin amah toh vuikhawmin i om uhi, huchia Pa thupinain misi laka kipana Khrist a kaihthohtak banga eite leng hinna thaka i khosak theihna dingin. A sihna kibatpiha amah toh i kizop khit ngal un tuh, a thohnawnna kibat pihin leng i kizom sam ding hi. Rome-te 6:3-5

Khrist noumaua a om ngal leh, . . . kha tuh dikna jiakin a hing a hi. Himahleh, misi laka kipan Jesu kaithou nawnpa Kha nou maua a om leh, misi laka kipan Khrist Jesu kaithou nawnpan, noumaua om a Kha pansanin na pumpi sitheite uh a hihhing sam ding hi. Rome-te 8:10,11

40 TOUPA LAMA

I doute laka a honbit saka, lau loua a na i sepna ding, i dam sung teng a mit muha siangthou leh diktat taka omna dingin. Luka 1:74,75

Huchiin, deihtakte aw, huai thuchiam i neih jiak un, sa leh kha buahna tengteng ah i kisiangsak ding uh, Pathian laudan siam kawma siangthouna hih kimin. 2 Korinth-te 7:1

Ken jaw kisikna dingin tuiin ka honbaptis ngei a; himahleh, amah ka nunga hong paipa tuh keimah sangin a thupijaw a, a khedap tawi tak leng ka hi kei. Aman jaw Kha Siangthou leh meiin noute a hon baptis ding. Matthai 3:11

Thumang ding leh Jesu Khrist sisan theh tang dinga Kha hihtuam, Pa Pathian theihkholh banga telte kiangah. 1 Peter 1:2a

Huaijiakin mi huai thilgiloute laka akihep leh, tuium belsuan manphataka zat ding, siangthou, Toupa zattak, nasep hoih chiteng dia mansa, ahi ding hi. 2 Timothi 2:21

Nou' honsampa a siangthou bangin nou leng na tatdan tengteng uah hong siangthou jaw un. 1 Peter 1:15

41 TOUPA LAMA SIANGTHOUNA

Huchiin, Jesun leng amah sisan mahmaha mite a hihsiangthou theihna dingin, kulh kongkhak polam ah a nathuakta hi. Hebrute 13:12

Amah maia siangthou leh dembeia om dinga leitung pian maa eite hon nateltak bang ngeiin. Pianken thak, diktatna leh sianthounaa Pathian batpiha siampen silh un. Ephesa-te 1:4; 4:24

Huan, huailaiah lamlian a om ding, kongpi toh, huai tuh Siangthouna Lampi a chi ding uh; mi thanghuaiin lampi a tawn kei ding; ahihhangin huai mite adingin a hi zo ding: mi vialzinte, a hi, mi haite leng, huailaiah a mang kei ding uh. Isai 35:8

I khelhnate thupha i tawi leh, i khelhnate ngaidam ding leh, i diktatlouhnate tengteng silsiang dingin amah tuh a muanhuaiin a diktat a hi. 1 Johan 1:9

Tua thilte tuh huchibanga mangthang vek ding uh a hi chih na theih un, omdan siangthou leh Pathian limsakna lamah mi bangchi bang hi ding na hi ua. 2 Peter 3:11

Mi tengteng toh kituahna leh siangthouna delh un, huai siangthouna louin kuamahin Toupa a mu kei ding uhi. Hebrute 12:14

42 TOH KIDIM MITE

Huchiin, nou migilouin bawn noumau tate thil hoih piakna dan na theih uleh, na Pa uh vana omin a ngente Kha Siangthou pe natel in chia, a chi a. Luka 11:13

Huan, a thum khit un a omkhawmna uh a honglinga, a vek un Kha Siangthouin a hongdim ua, hangtakin Pathian thu a hilhta uh. Nasepte 4:31

Huan na sung uah ka kha ka koih dinga, ka dan bawlah ka honvaksak ding a, ka thupiakte na kem ding ua, na jui ding uh. Ezekiel 36:27

Himahleh, Pathian Kha noumaua a om taktak leh, saa om na hi kei ua, Khaa om na hi jaw uhi. Ahihhangin kuapeuh Khrist Kha nei lou jaw amaha a hi kei. Rome-te 8:9

Abangabang hileh, Kha Siangthou na tung ua a hongtun chiangin thilhihtheihna na nei ding uh. Nasepte 1:8a

Barnaba tub mi hoihtak ahia, Kha Siangthou leh ginnaa dim ahi. Nasepte 11:24a

Huan, nungjuite kipahna leh Kha Siangthouin a dim chiat un. Nasepte 13:52

Himahleh, amah tuh Kha Siangthoua dim ahia, vanlam a ena, Pathian thupidan leh Pathian taklama Jesu ding a mu a. Nasepte 7:55

43 KHRISTIANTE ADING THUCHIAM MANPHATE

TOUPAN lungtang khasiate a vanaih jeljela, lungsima kisik peuhmahte a hondam jeljel hi. Sam 34:18

Hiai thil bangkimte lah ka khuta ka bawl a hi ngal ua,... TOUPAN a chi: ahihhangin hiai mi genthei taka om, lungsima kisik tuntun, ka thu-a ling jel jaw ka en zo ding. Isai 66:2

Huan, Jesun a kiangah, Na hih theih leh e: a gingta mia dingin bangkim hihtheih ei ve, a chi a. Marka 9:23

Deih takte aw, na lak ua zeetna thupi tak hongom, noumau zeetna dinga na tung ua hong tung, thil lamdang na tung ua tung bangin lamdang sa kei un. Khrist thuaknate bangah thuakpihte na hihdan bang jel un kipak jaw un; huchiin a thupinaa a hongkilak chiangin noumau leng nuamtakin na kipak thei ding uhi. 1 Peter 4:12,13

Huan a mit ua kipanin khitui tengteng a nulhul dia; huan sihna a om nawn kei dia; lusun leh kah leh natna himhim leng a om nawn kei hi, a chi a. Kilakna 21:4

TOUPA muang inla, thil hoih hihin; hiai gam ah om inla, ginomna delh jelin. Sam 37:3

44 KHEMNA TUAKTE ADING THUCHIAMTE

Amah ngeiin khemna tuakin a na thuaktak jiakin khemna tuakte tuh a panpih thei ahi. Hebrute 2:18

Huan, lemna Pathian in na khepek nuai uah Setan a honsik den sak zok ding a hi. Rome-te 16:20a

Tuite na ngah tan lai un leng na kiang uah ka om dinga; luite na ngah tan lai un leng a hontum kei ding hi: meia na pai tan lai un leng a honhul kei dinga; meikuangin leng a honliau kei ding hi. Isai 43:2

Huan, Pathian itte, aman a seh banga a sapte adin, a hoihna ding un bangkimin a sep sak chiat chih i thei hi. Rome-te 8:28

Mihing thuak theih vai khemna himhim na tung uah a tung ngei kei hi. Pathian jaw a muanhuai a hi, aman na thuak theih vai uh khemna na tuah uh a phal kei ding; na thuak theihna ding un khemna peuhah taikhiakna lampi a bawl pah zo ding hi. 1 Korinth-te 10:13

Mi dik haksatnate a tama, himahleh TOUPAN huai tengtengah a honkhe gige a hi. Sam 34:19

Khemna thuak teitei mi a hampha hi; zeeta a om nungin hinna lallukhu, Toupan amah itte kianga a chiam, a muh ding jiakin. Jakob 1:12

45 AVUALZOUTE ADING THUCHIAMTE

A vualzoupa tuh, ka Pathian biakin ah khuamin ka pang sak dia, huan huaia kipanin a pai khe nawn kei ding, amah tungah tuh ka Pathian min bang, ka Pathian khopi Jerusalem thak, ka Pathian akipana vana hongpai khe suk min bang leh, keimah min thak bang ka gelh ding. Kilakna 3:12

A vualzoupa tuh, huchibangin puan ngou-in a kijem dia, huan bangchi mahin hinna laibu akipat a min ka hihmang kei ding, huan ka Pa ma leh angelte maah a min ka pauhial ding. Kilakna 3:5

A vualzoupa tuh ka laltutphah tungah ka kiangah ka tu sak ding, kei leng ka vualzou a, laltutphah tunga ka Pa toh ka tut bangin. Kilakna 3:21

Kuapeuh a vualzoupan tuh hiai thilte a luah dia; huan a Pathian ka hi dia, huan amah tuh ka tapa a hi ding. Kilakna 21:7

Saptuamte kianga Kha thugen tuh bil nei peuhin ja uhen. A vualzoupa kiangah, amah kiangah Pathian Paradisa om, hinna sing apan nek ding ka pe ding, a chi, chiin. Kilakna 2:7

Huan a vualzoupa leh a tawp phaa ka nate kempa amah kiang ah tuh namte tunga thuneihna, ka pe ding. Kilakna 2:26

46 KIMAAKNA TOH KISAI PATHIAN IN THU GEN

Huan, kitengsate kiangah thu ka pia, keimah bel hilouin, Toupa piak a hi jaw; Jiin a pasal khen kei heh; a khen vanglak leh pasal nei nawn louin om vanglak heh, a hihkeileh, a pasal toh mah kituak nawn uheh; huan, pasalin a ji ma kei heh. Ji jaw a pasal a dam lai teng hen a hi; himahleh, a pasal a sih aleh, a deih peuh a nei thei ding a, a hihhangin Toupaa om mi a hi ding a hi. 1 Korinth-te 7:10,11,39

Numei pasal nei, a pasal a dam sung teng dana a pasala henkhawmin a om a hi; himahleh, a sihin, pasal lamah dan akipan khahin a om a hi. Huchiin, a pasal dam sungti mi dang a kitenpih leh, Angkawm, chih ahi ding hi; a pasal a sihin bel huai dan akipan khahin a oma, huchiin, mi dang nei lehleng angkawm a hi kei hi. Rome-te 7:2, 3

Kuapeuh ji maa, zi dang nei tuh, angkawm a hi; kuapeuh mi ji maksa nei tuh angkawm a hi. Luka 16:18

Ken jaw, Kuapeuh tangval ngaih jiak hi lou a, zi main amah tuh angkawmsak a hi; huan, kuapeuh maksa nung nei tuh angkawm a hi chih ka honhilh a hi. Matthai 5:32

47 KHRIST HONG PAI NIHVEINA

Huan, nou adia mun ka vabawl chian ka hong kik nawn dinga, ka kiangah nou ka honia ding, ka omnaa nou leng na om theih samna dingun. Johan 14:3

Ka hongpai pah dia: kuamahin na lallukhu a lak louhna dingin, na neihpen tuh kem kinken in. Kilakna 3:11

Kuapeuh tulai khangthak angkawm leh thil gilou chingte laka keimah leh ka thu zumpih tuh, Mihing Tapa in, angel siangthoute toh a Pa thupinaa kivana a hong hun chiangin, huai mi tuh a hon zumpih thuk sam ding, a chi a. Marka 8:38

Huai hun chiangin Mihing Tapa chiamtehna vanah a honglang ding. Huai hun chiangin leitunga nam tengtengin a sun ding ua, Mihing Tapa tuh thilhihtheihna leh thupina lian toh van mei tunga hongpai a mu ding uh. Matthai 24:30

Nou leng kuhkal takin om un; na lungtang uh hihkip un; Toupa hongpaina lah a naita ngala. Jakob 5:8

Khua, suah lamah a hong phia a, tumlam tan inleng a kilang nak, Mihing Tapa a hongpai nawnna tuh huchibang a hi ding a hi. Matthai 24:27

48 KHRIST HONG PAI NIHVEINA

Huai miten, Galili gama mite aw, bangdia vanlam ena ding? Hiai Jesu na kiang ua kipana vana pi touha om, vana a pai tou na muh mahbang un amah mah a hongkik nawn ding, a chi ua. Nasepte 1:11

Huai hun chiangin Mihing Tapa thilhihtheihna leh thupina thupi toh mei laka hong a mu ding uh. Luka 21:27

Deihtakte aw, tunah Pathian tate i hi ua, bangchin a hia i om ding chih bel a kithei tadih keia; amah a hongkilak chiangin, amah bangin i om ding chih bel i thei hi, amah tuh a om ngeingei bang takin i mu ding a hi ngala. Kuapeuh amah tunga lametna nei peuhmah, amah a siangthou bangin a kihihsiangthou nak hi. 1 Johan 3:2,3

Ngaiin, guta bangin ka hong pai hi. Kiveng leh puan tengsaa om tuh a hampha hi, huchilouin jaw vuaktangin a om dia; huan a zumhuaina a mu kha ding uh. Kilakna 16:15

Nou leng mansa in om un, na gintak louhlai tak un Mihing Tapa hongpai ding a hi ngala, a chi a. Luka 12:40

Mihing Tapa a angelte toh, a Pa thupinaa kijema a hongpai ding jiakin: huai chiangin mi chih a nasep bang bang un a din chiat ding. Matthai 16:27

49 PATHIAN THU

Lei leh van a mang dia, ka thute jaw a mang kei ding. Luka 21:33

Thu genkholh himhim mihing thua pawt a hi ngei ngal keia, miten Kha Siangthou sawlin, Pathian kianga kipanin a gen zo nak uhi. 2 Peter 1:21

Laisiangthou peunmah Pathian hatkhuma piak ahi a; huaijiakin, thuhilhna ding bang, taihilhna ding bang, bawlhoihna ding bang, diktatna lama kichilna ding bangin a phatuam hi. 2 Timothi 3:16

Na thu tuh ka khe adingin meivak a hi a, ka lampi adingin vakna a hi. Sam 119:105

THU NGEN INLA MAISAK IN

Huchiin nou jaw hichibangin thum un: Ka Pa uh vana om, na min kizahtak hen. Na gam hongtung hen. Na deihiam vana a kihih bangin, lei ah leng kihih hen. Tunin ka nek khop uh an honpia in. Kabatte uh honngaidam in, kou leng ka leibate uh ka ngaihdamtak bangun. Khemna ah honpilut ken la, gilou lakah honhu jaw in, chiin. Mi a tatleknate uh na ngaihdam uleh, na Pa uh vana omin leng a honngaidam sam ding. Himahleh, mite a tatlekna uh na ngaihdam kei ngal un, na Pa un na tatleknate uh a ngaidam sam kei ding. Matthai 6:9-15