Rengma John

KERHUNGNYU KEGUN TSON

Jo Gu Le Thyumi Ngwala

/1 Sokerikanyu jo le hu, lo jo le Sunggigu zeng hu, lo jo le Sunggigu. A-le
sokerikanyu Sunggigu zeng hu.  Yhun kebin aphu a-no thyuku, lo thyukelo tsu
aphu a-no thyukemvu nme-e ndi. Kerhungronzin le a-gen bin, lo kerhungronzin
tsule temi Keben gu. Lo keben le kezung nyu guenben hu, ai kezung gu le
a-nyeki kvulo mvula. Sunggigu le nikeshu Johan tsekethyu nme le gunryu. Tsugu
genyu temi aphu no tenyenlo nrun genyu keben gu zang zoshwishu titse-o zo
gunryu. A-le keben gu mvu, ai keben gu zang zoshwishu titse-o yhun gunkeryu.
Temi aphu gwen nben titse keben ketsin gu le kazu nyu gunryu. A-le kazu nyu
yhun, lo a-le kazuthyushu-e kazu nyu keyhunnyu le a-shalo mvula.  H A-le
a-npvu a-temi deng ka gunryu ai a-temi deng le azenglo mvula. Ai a-zengkelonyu
aphu a-kon le, a-zang ka tenyen kelo ju, a-le tsudeng no Sunggigu nyenyu
thyulo titse kethyu kekvu pe shu laso.  tsule tezi nmvu-e nthyu nmin kendo
nyu, nmvu-e temi kendo nyu mvu, ai Sunggigu kendo ka nnyu kelo. Lo jo tsule
thyumin ngwa gunryu-o shwikenjun lo ketsin no a-supvu-o agun deng nyu yhun;
tson-o Pvugu Nyuchye gu le Sunggigu ka a-kegwa hyukelo, a-kegwa tsu nri
gunryu.

Johan ko Jisu rula zo-o nra sen-o, "Ale kerika asiki gunryu kezhu gu, a-le
anye gon, kechagenyumvule a-le amhudyu hu kethyu genyu," tson-o arula zo kehu
tsule higu mare, tsonshu.

Kechagenyumvule n-gun aphu a-kegwa nyu tsu shwikenju kegwa so gen shwikenjun
hyu ku kelo genyu. Tejvu gu we Mosa ben nyu kenyeshu, ai keso lo ketsin gu we
Jisu Khrista ge chwikeryu genyu Temi le thame ka-e Sunggigu hyu mvu; a-pvu
nyun gen kebin Nyuchyegu le a-npvu temi tesha keshu gwenzin.

Johan Baptaiz gu le Jisu zhunkezo

Lo Judanyu deng le Jirusalem nyu Levinyu lo peshu deng nipe Johan ki shu-o
a-ka, "Nle segu la?" tse ketso keshu ka Johan le zokeshu le hi.  tsukatsu
Johan le zoshwishu, lo zoshu kemvu thyula mvu; Ale Khrista gu tsu kemvu,
tsonshu.  Tsontsin anyugun le, "tsonlo nle Elia mon?" tsontsin Johan le, ale
tsugu kemvu, "Nle sidyukeshagu le?" lo a-le tsu-e kemvu letse la. Tsugenyu
anyugun le, agun no seng gungu agun nikeshunyu ka zoshu titse kethyu genyu
zoshu ta, Nle segu la? nle a-npvu nle segu letse hu nla? A-le zo, Nduka Isaya
sidyukeshagu le, "Hagun Npugu tson thyu kenzhulo chi!" tson-o chung nyu temi
nme le nra sen kehu khwen gu tsule a hile. Lo tsudeng tsule Farisinyu deng ka
nikeshu. Tson-o anyugun le a-ketso-o a-ka, Nle Khrista gu kemvu, lo Elia
kemvu, lo sidyukeshag u-e mvu yatselo nyu Baptis thyu hu nla? Johan le anyugun
ka zo, A we zu nyu hagun baptaiz thyu kehu gwenzi: hagun deng nyu hagun le
a-sha kemvu nme le bin. A-le asiki gunryu zhu, ale a-phajye kephinron-e shwu
lo kumvu.  Tha hidenghi le Johan le me Baptaiz kethyu Jordan zuri khoki
Bethani ki thyu hu laso.

Sunggigu Tanyunyu Gu

Tsusigu nyu Johan le Jisu le a-ki gunryu kezhu hyu-o zo, "Hire, kazu kemu
khiseng tinla titse kethyu Sunggigu Tanyunyu gu." Nguka ale, "Temi nme le
asiki gunryu zhu nyon, a-le anye gon, kechagenyumvule a-le amhudyu hu kethyu
genyu," tson-o a-rula zokehu gu tsule higuhi mare. Lo ako a-shalo mvula; ai
a-no Israelnyu tesha titse kethyu genyu, tsugenyu zu nyu me Baptaiz thyu
gunkeryu gwenzin, tsonshu.

Lo tsuntimvule Johan le Jisu rula zo-o, Kapu gu le nsu hontse tsangge tsuryu-o
a-gen binlo kela ale hyu. Lo awe le a-shalo mvula: ai zu nyu me Baptaiz,
thyulo tse-o anikeshu gu le a-npvu aka, Nle Kapu gu le a-gen tsukeryu hyukelo,
tsule kenshun Kapu nyu me Baptaiz thyushu nrun gu tsu sele. Lo ako tsu hyulo
nju-o, higuhi le Sunggigu Nyu gu tsekethyu azang zoshwishu laso.

Senthyukelo Keri Deng

Lo tsusinyu Johan le asikethennyu mihvu zeng hu.  Lo a-le Jisu le nda kehu
hyushu-o, "Hire, lile Sunggigu Tanyunyu gu so. Johan le senthyukelo hvu le jo
tsu shalo nju-o Jisu sithen tinla. Jisu le ranigu au le a-sithen kehu hyulo
nju-o au ka, hayi le nyu thyu hu nla? tsuselo au le a-ka, Rabi, (a-kon le
senkethyu gu,) Nle dikipon bin nla? Jisu le au ka, Ryuta, lo hayi npvu hyulo
ti; tsugenyu au le gungu a-kebin bin hyulo; tson-o au le tsunyu a-zeng bin; lo
tsule tegi kevu pezi khoka so. Johan jo shashu-o Jisu sithenkelo hvu nme le
Simon Pitor sikezenggu Andria. A-le gungu a-tsagu Simon fulo nju-o a-ka, agun
le Mesia (a-kon le Khrista gu) tsu hyulo laso; Tson-o a-le azeng-o Jisu ki
gunryulo: Jisu le a-nri-o zo, Nle Jona nyugu Simon, nno Kafa (a-kon le Pitor
thyula tiso.

Filip Lo Nathanael Hvu kokelo

Tsusinyu Jisu le Galil nyu gungu bin; lo a-le Filip hyu shu-o a-ka, nle
asithenlo re; ison. Lo Filip tsuko Andria lo Pitor au runyi Betsaidanyu.
 Lo Filip le Nathanael hyu nju-o a-ka, agun le nduka Mosa le tejvu nyu thu
kenju lo sidyukeshanyu-e thupe bin kenju gu tsu hyulo laso, a-le Josef nyugu
Nazaret Jisu tsu le.  Nathanael a-ka, Nazaret nyu thakegwa le chwiryulo gwa
ole?  Filip le a-ka, gunryu-o Nrishu re. Jisu le Nathanael le a-ki gunryu
kezhu hyulo nju-o, arula zo-o, likili, thame ka-e nku hu kemvu Israelnyu
ketsinnyu nme.

Nathanael le a-ka, Nle nyutsethyu-o ashalo la? Filip le nkeko mhudyu, nle
kherobin hensin ki kebin ka, ale nhyu laso. Nathanael le a-ka, Rabi, Nle
Sunggigu Nyu gu; Nle Israelnyu Raja gu." Jisu le a-ka, "Ale kherobin hensin n
hyu," tsonzo keshu genyu nle tenyenlo ole? Nle hinyeki-e tha gonkvu kethyu
dengme hyuti.  Tsuntimvule Jisu le a-ka, Ale hagun ka zo tsentsushu ti, hagun
le tsang khinshyeshu-o Teminyu gu so gen Sunggigu Jolnyu le kukezhu lo tsenryu
kezhu hyuti.

Kana Runyi Nyu Shenhu Keho

/2 Tson-o dzonshan nyu Galil kazu Kana runyi nyu senhu keho nme thyu; lo Jisu
a-jvu le tsunyu bin. Lo senhu keho tsunyu mele Jisu lo senthyukelonyu aphu ko,
Lo sentsunpekhusha zu le rhori la ntsin, Jisu a-jvu le Jisu ka, N-gun
sentsupekhusha zu le ndi laso! Tsontsin Jisu le a-jvu ka, Tenunyu, nle
nyuthyu-o aka tsonzo hu nla? Agwenkho timvu zun. A-jvu le gonyu deng ka, Jisu
le hagun ka lihi zoshu-e thyulo nye. Lo dzon tsukatsu Judanyu le nthyu kenshun
jvu genyu zu mon kenyhun kenshan shulo kehu zukhin tsero le bin. Jisu le
anyugun ka, hagun zu lupe zukhin tsu su kulo nye: tsuselo anyugun le zu lupe
zukhin deng su kulo. Tson nju-o Jisu le anyugun ka, Hagun tsu thyulo nju-o pen
gungu keho tsunyu kedagu ki shu nye, lo anyugun le pengun la. Lo keho tsunyu
tha ketsen kebin gu le zupe sentsupekhusha zu kethyu ntsin kethyu ka, dikipon
hyulo yo shamvu, (ai gonyu zu lupvu gunkeryu deng we sha) Tsukatsu a-le senhu
gu koshu-o a-ka, temi liguhigu-e suda keho nyu ho nyeka sentsupekhusha zu
kegwa khishu tse-o, mele tsu sakelo siki we tsunyeki keshvu khishu hunyon: nwe
le ntsokhin-e sentsupekhusha zu kegwa khishu binzun hile la.

Jisu le Galil kazu Kana runyi nyu a-le nduntho kerigu hi thyushu-o a-kekvu pe
me teshashu; lo a-le senthyukelonyu deng-e a-tenyenlo. Tsuselo Jisu le a-jvu
lo a-sikezengnyu deng lo senthyukelonyu ju zeng-o Kapernaum nyu gun; lo
anyugun le tsunyu dzon kethonri bin mvu.

Jisu le Kershvu ka Thyu Nshun Keshu

Lo Judanyu le nkiekechwi nga kho nni gun kelo ka Jisu le Jirusalem nyu gun.
Tson-o Jisu le kershvu ka nyu mele methu lo tanyu lo paronyu jwe kebin, lo
ruka kelu kebinnyu deng hyulo. Tsontsin a-le ron lope thakevu sang gen shulo
nju-o kershvu ka nyu tanyu lo methu aphu kesin hu kula, lo pisa kelu kebinnyu
pisa pe jala, tson-o anyugun mizu-e boketo la. Tson-o a-le paronyu jwen
kebinnyu deng ka, hagun hikahi tha jwen nya, seng-o tinla chi, "Apvu ka lope
hakethyu ka thyu. loho," Tsukatsu a-sikethennyu deng le, ale nka nyu shyerhung
kethyu genyu ankiela ti, tson-o thu pe bin kenju ruchunlo.  Judanyu deng le
a-ka, Nle thyu keshu hile nyu zangsu thyupe agun hi hu nla? Jisu le anyugun
ka, hagun kershvu ka hi borhola chi, lo ale dzon shan nyu thyunilo ti. Lo
anyugun le, Judanyu le kershvu ka higu kethyu le chen henzi-o tsero thyu, lo
me dzonshan nyu thyunilo ti la? Ai Jisu le athyumi gu kershvu ka rula zoshu.
Tsugenyu kesinyu deng nyu Jisu le rhungniso kelo ka a-le jo higu kezo
senthyukelonyu deng e ruchunlo; tson-o anyugun le ketsinlesu jo-e lo Jisu le
zokeshu jo-e tse tenyenlo.

Tsusika nkiekechwi Nga ka Jisu le Jirusalem nyu kebin ka nga nyu a-le nduntho
thyu keshu hyulo nju-o tenri kechon le a-zang nyu tenyenlo. Ai Jisu le anyugun
tenyen ngwa mvu; kechagenyumvule a-le temi aphu nila sha kethyu genyu. A-le
temi nyun ka nyu le bin yo tsekethyu a-le sha kebin genyu, temi nme-e no temi
rula a-ka kezoi bin ndi.

Jisu le Nekodema Zeng Kenthonkethyu

/3 Lo Nekodema tsekethyu Judanyu kedanyu nme le Farisinyu deng nyu hu. Tsugu
le kezung ki gunryu-o Jisu ka, "Rabin, Nle Sunggigu kanyu gunkeryu
senkethyunyu nme tsekethyu agun le sha bin nyon," kechagenyumvule Sunggigu le
zeng hu kemvu we temi nme-e nle tha zangsu thyu keshu hi thyulo keho genyu."
Jisu le a-ka, Ale nka zotsentsushu tile, Nnyu ketsinilo kemvu we temi nme-e
Sunggigu keda bin hyuloho. Nekodema le a-ka, "Temi le peshu kela le
nyutsethyu-o nnyu keshun nilo tila? A-jvu gin nyu niyu-o nnyu nilo gwa ole?"
Jisu le a-ka. Ale nka zotsentsushu tile, zu lo Kapu nyu nnyu kemvu we temi le
Sunggigu keda bin nyu yulo ho. Nthyu gen kenyu le nthyu, lo Kapugu nyu kenyu
le Kapu gu. Ale, "Hagun tinyu keshun nilo mvuloshvu," tsonkeshu genyu ndunthyu
nya.  Tsang le nbu seng-o a-kenyu kipon gunla hu, lo nle a-khwen nyulo hunyon;
tson-e a-le dikipon gunryu, lo dikipon gula hu yo, nle tsu sha hu mvu: temi
liguhigu-e Kapu nyu kenyu le tsu a-keme. Nekodema le a-ka, "Tha tsule
nyutsethyu-o thyulo tila? Jisu le a-ka, "Nle Israelnyu senkethyunyu thyu-o jo
hi sha mvu la?  Ale nka zotsentsushu ti, awe akesha jo zohu nyon, lo ale kehyu
rula zo hunyon, ai hagun le ajo zenglo hu mvu. Ale hagun ka kazunyu jo zohu-e
hagun le tsu-e tenyenlo mvulo, ale hagun ka tsanggenyu jo zo yatselo hagun le
nyutsethyu-o tenyenlo ti la? Tson-o tsangge kebin Teminyu gu le tsuryu kemvu
we temi nme-e tsangge ku shwi mvu. Lo nduka Mosa le tehen nyu peri penkeso
hontse Teminyu gu-e pensoshu mvuloshvu.

Kechagenyumvule tenyenkelogu le kethonthen kerhung hyulo nrun genyu.

Sunggigu le kazu sogwari ketsin genyu A-nyu chyegu khishu, tson-o temi
liguhigu-e tenyen kelogu le nkiela mvule, kethonthen kerhung hyulo nrun genyu.
Tson-o kazu gu n mutitse kethyu genyu Sunggigu le A-nyu nipe kazu nyu shu mvu,
ai kazunyu no a-genyu kenikelo hyulo titse kethyu genyu. A-tenyen kelonyu
nmula loho: ai tenyen kemvunyu we a-le Sunggigu Nyuchye gu zang nyu tenyen mvu
kela genyu ntsoka-e nmu bin nyon.  Tson-o nmu nrun jo tsu le keben gu le kazu
nyu gunryu, ai temi le a-tho nju kemvu genyu keben gu nyeki kezung gu sogwa
kvu la. Temi liguhigu-e ntseng seri kemvunyu le keben gu ntsu hunyon, a-tho le
mu, tsekethyu kenshvu genyu keben gu ki gunryu hu mvu.  Ai temi liguhigu-e
ketsin tho thyu kehunyu we, a-tho le Sunggigu genyu thyu hu tsekethyu pe hishu
titse-o Sunggigu ki gunryu hunyon.

Jisu Lo Johan Baptist Gu

Tsuselo Jisu le senthyukelonyu zeng-o Judia kazu nyu gunryu, lo a-le anyugun
zeng-o tsu nyu me Baptaiz thyu. Lo Johan ko Salim khoki Inon nyu zu le bin
kethyu genyu me Baptaiz thyu, lo me ko gunryuo Baptaiz thyulo. Lo tsukatsu le
mele Johan tenpe doka nyu shumvu bin zun. Lo Johan le senthyukelonyu le
Judanyu nme zeng-o nthyu kenshun rula zo kenyi. Lo anyugun le Johan ki
gunryu-o a-ka, Rabi, kerika Jordan zuri pere kipon nzeng kehugu me a-rula zo
kehu gu tsule, me Baptaiz thyu tinla so, lo temi aphu a-ki gun kuzhu laso!
Johan le zonishu, tsangge hoshu pe temi tsu keshugu kemvu we a-le thame hyulo
ho.  "Ale Khrista gu kemvu, ai a-mhudyu ki anikeshu," tson-o ale kerika zokehu
hagun ko ajo sha bin nyon. Senhugi hyukelo tsule senhu gu, ai senhugu pvunyu
deng le bin-o a-khwen nyu kebin tsule senhu gu genyu a-kenyu sa bin hunyon:
tsugenyu akekenyu tsule tila so.  A-no gonkenye kvulo mvuloshvu so, ai awe
shen ketsintsin tse mvuloshvu so.

Tsangge Gunkeryu Gu Rula

Tesoki gunkeryu gu le aphu so gen: kazu nyu chwikeryu gu le kazunyu nyu, lo
a-le kazunyu rula zo hunyon; tsangge keryu gu le aphu so gen. A-le a-kesha
kehyu rula zo hunyon, ai temi nme-e arilla kezo nyu hu mvu.  A-jo zeng kelonyu
we Sunggigu le ketsin gu tsekethyu mohor le a-gen bin hunyon. Kechagenyumvu le
Sunggigu le nikeshu gu, tsule Sunggigu jo zo hunyon, lo a-le ndomvu tse Kapugu
khikeshu genyu.  Pvugu le Nyugu so hunyon, lo tha aphu hoshu pe a-ben ka shula
so. Temi liguhigu-e Nyugu tenyen kelonyu le kethonthen kerhung hyulo laso; ai
temi liguhigu-e Sunggigu Nyugu jo zeng kemvunyu we kerhung hyulo ho, ai
Sunggigu nyunkekhu le a-gen bin hunyon.

Jisu le Samarianyu Tenunyu Nme zengkenthon kethyu

/4 Lo Jisu le Johan nyeki meno senthyukelo thyu chonlo nju-o Baptaiz thyukelo
Farisinyu le shalo kethyu Npugu le shalo. Tson-e Jisu le a-npvu me Baptaiz
thyu mvule a-sikethennyu deng le thyu shu hu Lo a-le Judia khela nju-o Galil
lojvu ki ni gunla titse bin. Lo a-le Samarianyu lojvu pvuthu gun mvuloshvu
bin. Tson-o a-le gungu nduka Jakob le lobu nme pe a-nyu gu Josef tsukeshu
khoka Sikar tsekethyu Samarianyu runyi nyida nme tilo. Lo tsunyu Jakob zulu le
bin, tsuka Jisu le tsonchu-o a-tson ruzi la-o gungu zulu khoka binlo, lo
tsugwenkho ka tsule n-henyu hokho ka. Tsuka Samarianyu tenunyu nme le zulu
ryu: tsuselo Jisu le a-ka, "Zu pe ano tsu ta." Lo tsukatsu Jisu le
a-senthyukelonyu deng we ketyuketsu hei titse-o runyi nyidagu nyu chwila.
Tsuselo Samaria nyu tenugi le a-ka, Nle Judanyu lo ale Samarinyu tsele
nyutsethyu-o aka zu hi hu ma?  (kechagenyumvule Judanyu e Samarianyu zeng-o
thame tyutsu hu kemvu genyu). Jisu le a-ka, Tenugi, nle Sunggigu tha zangsu,
lo nka, "Zupe ano tsu ta," tson-keshugu sha kethyu we, nle aka tha hiti, lo
ale kerhung zu pe ntsuti atale!  Tenugi le a-ka, Kedagu, Nle thame pe zu thulo
nrun ndi, lo zulu le ntsung: tsonle nle dikipon kerhung zu hyulo ti la?  Nle
zulu khipe agun ketsu apvu Jakob nyeki gon ole? Jakob-e lo a-nyenyu lo a-senru
deng-e nduka hinyu zu tsu gunryu!  Jisu le a-ka, temi liguhigu-e zu higu
ketsugu we teri nila ti.  Ai temi liguhigu-e ale zu lope a-tsushu-o tsukelogu
we thame ka-e teri niloho; tsuntimvule ale zupe a-tsushu titse kebin gu we
a-nyun ki zulu penchwi keryu zulu thyu-o gungu kethonthen kerhung tilo ti.
Tenu tsugi le a-ka, Kedagu ano teri mvulo nrun genyu, lo gunryu-o hithen laki
zu lu mvulo nrun genyu nle zu tsugu lope atsushu ta.

Jisu le tenugi ka, Nle gungu nnyepvu kozeng gunryu chi Tenugi le a-ka, Anyepvu
ndi, Jisu le a-ka, Nle "Anyepvu ndi," tso kezo tsule zotsentsu shu laso.
Nnyepvu le mipvu thyu laso, lo ntsoka nzeng kebingu tsule nnyepvu kemvu.  njo
hile a-ketsin zoshu laso.  Tenugi le Jisu ka, Kedagu, Nle sidyukeshanyu nme
tsekethyu ale shalo laso. Agun pepvunyu le nduka kazuthung higu gen hi rushvu
hu; ai hagun we temi no gungu rushvu kehu kazu Jirusalern nyu bin letse
hunyon.  Jisu le a-ka, tenugi, ajo tenyenlo chi, gwengwa nme ka hagun le
kazuthung higen hi, nmvu-e Jirusalem nyu-e Apvu rushvu mvula nrun gwenkho le
ryuzhu nyon."

Hagun we a-rushvu kehugu sha hu mvu; awe ale rushvu kehugu sha-o rushvu hu;
kechagenyumvu le kenikelo tsule Judanyu ge chwiryu binla kethyu si genyu. Ai
ketsinthyu-o rushvu kehunyu le Kapu lo ketsin nyu rushvu kelo gwenkho le
ryuzhu, lo ntsoka-e gunryu bin laso, kechagenyumvule Ngun Pvu le ngun no sha-o
a-kerushvunyu thyu titse fu kehu genyu. Sunggigu tsule Kapugu lo a-rushvu
kehunyu le Kapu lo ketsin nyu rushvu mvuloshvu," Tenugi le a-ka, "Mesia,
Khrista, tse kehugu le gunryu zhu tsekethyu ale sha bin nyon;" A-le gunryulo
tha aphu zope me hiti.  Lo Jisu le a-ka, Nzeng kenthon kebingu hile tsugutsu
le.

Tson kebin ka a-le senthyukelonyu deng le gunryu-o ale tenunyu zeng kenthon
kebin hyushu-o anyugun dunthyu la; ai temi nme-e nle nyu shanyu ola?  nmvu-e
nle segu zeng kenthon bin nla? tsonkethyu-e shunshu mvu. Lo tsukatsu tenugi le
a-laki khela nju-o runyi nyidagu ki chwigu meka zoshu. Hagun chwiryu-o temi
nme nrishu re! A-le ale thyu kela aphu pe aka zoshu!  A-le Khrista gu tsu ole
nyutsethyu yono! Lo anyugun le nyidagu nyu tinseng-o Jisu ki chwiryu. Lo
tsukatsu senthylikelonyu deng le Jisu ka, Senkethyugu, chvu tyulo ta.  Ai Jisu
le anyugun ka, Ale hagun le sha hu keinvu ketyuketsu nme le bin nyon.
Tsugenyu senthyukelonyu deng le khinyukhinyu ka, Paha le ketyuketsu pe
a-tsushu ole?  Lo Jisu le anyugun ka, Aketyuketsu tsule Anikeshugu kenyu thyu
titse lo a-tho thyu titse kethyu genyu. Hagun le logvu ti nrun le shyezi le
bin zun, tson hu mvu ole?  Hire, ale hagun ka zoshu ti, hagun nyiso gu lo
nrishu shwi: tsule chon pe gvulogwa laso. Gvu kehunyu le a- chun hyulo hunyon,
lo a-sha fupe kethonthen kerhung nyu shulo hunyon, tson-o ntsi kegwennyu lo
gvu kehunyu le kengu-o a-shyerhung bin hunyon. Lo nmele gwen hu, lo kechanyu
le gvu hu, lo tsokethyu tsu ruchun keso le aketsin.  Ale hagun nipe hagun le
kenjunthyushu kemvu ki gvulo tse hunyon: me kechanyu le kenjun thyushulo hagun
no tsudeng tho nyu keyu gwenzin. Lo tenu tsugi le, "Ale thyukela aphu a-le aka
zoshu," tson-o a-rula zokeshu genyu nyida tsunyu Samarianyu kechon •le Jisu
tenyenlo.  Tson-o Samaria nyn le a-ki gunryu-o a-na anyugun zeng binlo tse-o
a-ka hi! lo a-le dzonhvu anyugun zeng bin.  Lo a-jo genyu temi kechon le
tenyen sinlo. Tson-o anyugun le tenugi ka, agun le ntsoka we njo nti genyu
tenyenlo mvu: kechagenyumvule agun le a nyetin pe nyulo laso; lo higuguhi le
kazu kenikelogu ketsin tsekethyu shalo kela genyu.

Jisu Le Peshunyu Nmenyu Thyli Ngwakeshu

Lo dzonhvu sika a-le tsunyu tin seng-o Galil nyu gunla.  Sidyukeshanyu le
a-runyi nyu we teshwen kepvu ndi letse kethyu Jisu le zoshu. Tson-o a-le Galil
nyu gunryu kelo ka a-le Jirusalem nyu ngaka tha thyukeshu kehyu genyu Galilnyu
ko a-zenglo: kechagenyumvule anyugun ko nga tsunyu gun kethyu genyu.

Tson-o a-le zu lope Sentsunpekhusha zu thyukeshu Galil lojvu kana runyi nyu
nigunryulo. tsukatsu Kapernaum nyu thakeshanyu nme le a-nyu pechyenyu nme le
ho bin.  A-le Jisu le Judia lojvu ki tsonchu seng-o Galil lojvu nyu gunryu
kelo ka, a-le Jisu ki gun-o a-no gungu a-nyu thyu ngwashu lotse-o hi, a-nyule
si guzhu kela genyu. Jisu le a-ka, hagun we tha zangsu lo nduntho hyu kemvu we
thame ka-e tenyen hu mvu. Peshunyu tsugu le a-ka, Kedagu, Nle anyu le kesi
mhudyu ryulo!  tsonshu. Jisu le a-ka, Nle gunla, nnyu le rhunglo ti; temi
tsugu le Jisu le a-ka kezo jo tenyenlo nju-o gunla. Tson-o a-le gunryu kezhu
ka a-gonyu le gunryu-o a-zeng ketenolo nju-o a-ka, Nnyu le rhunglo laso! tse
zoshu. Tsontsin a-le anyugun ka, a-le di gwenkho ka rhung soryu la?
tsonkethyu ketsoshu. Lo anyugun le a-ka, ndu tegi nme kevu gwenkho ka a-le
ruka mvula. Tsontsin ntsenyu gu a-pvu le, Jisu le tsugwenkho ka, "Nnyu le
rhunglo ti," tsonshu kethyu shalo nju-o a-ko lo a-keminyu aphu tenyenlo.

Tsuguka tsule Jisu le Galil lojvu nyu tha zangsu thyukeshu kenyhun gu.

Jisu le Zika temi nme Thyli ngwakeshu

/5 Tsusika Judanyu Nga tilo ntsin Jisu le Jirusalem nyu gun. Tson-o Jirusalem
nyu Tanyu chwida khoka ka pvu thyu kenju Ibrinyu khwen ki Bethzatha tsekethyu
zinme le bin. Lo ka tsunyutsu a-yhukeponyu, Phayhonyu, Terothonyu, lo keho
gwakemvunyu kechon le tsunyutsu zhu bin hu, anyugun le zu le nnu chwikeryu
khwen bin hu. Kechagenyumvule tsangge jolonyu nme le tsuryu-o zi. nyu zu
bokenu shu hu, lo zu bokenu keshu sika kehonyu le zu nyu yulo kerigu le a-gen
keho lihile bin-e gwalo lala tse hu. Lo tsukatsu chen sheryu-o tetse kehonyu
nme le tsu nyu zhu hu. Jisu le tsugu le zhukebin hyulo, lo a-le kethon ki tson
hu la kethyu shalo nju-o a-ka, "Nle gwalo nyu bin nle?" Kehogu le a-ka,
Kedagu, zu le nnu chwikeryu ka, temi nme-e azeng gu zi nyu keshu mi ndi: lo
ale yu kezhu ka kechanyu le amhudyu ki yu lala tse hunyon. Jisu le a-ka, Solo
nju-o nzhu seng-o tsonchulo. Lo tsonshu ntsin temi tsugu le gwalo nju-o a-zhu
kethyu khi seng-o tinla: lo tsule sabath dzon nyu. Tsugenyu Judanyu deng le
gwalo kelagu ka, nthu sabath, lo nle nzhu seng kehu hile tejvu mvu.  Ai a-le
anyugun ka, Athyu ngwakeshugu le, aka, "Nzhu seng-o tsonchulo," tsonshu le.
Anyugun le, "Nzhu seng-o tsonchulo," tse nka kezogu le segu la?  tson-o
a-ketso. Ai a-le a-thyu ngwakeshugu le segu yo tsu shamvu: temi kechon le
tsuka bin kethyu genyu lo Jisu le rani seng-o kechaki tinla kethyu genyu.
Tsuselo Jisu le kershvu ka nyu a-hyulo-o a-ka, Hire, Nle gwalo laso, gwamvu
kvu kethyu le ngen gunryulo kenshvu genyu mu sinni nya gwenlo. Temi gu le
gungu a-thyu ngwa keshugu tsu le Jisu tsekethyu pe Judanyu ka zoshu. Tsontsin
Jisu le Sabath nyu tha tsu thyukeshu genyu Judanyu deng le a-nkhin sola. Lo
Jisu le anyugun ka, Apvu le ntsoka-e tha thyu bin nyon, tsugenyu ako thathyu
bin nyon. Tsontsin a-le sabath dzon gwenrho kethyu ntimvule Sunggigu le a-pvu
letse-o a-le Sunggigu tsulaki tse kehu genyu, Judanyu le tsugenyu Jisu
dushvula titse zokvulo la.

Nyugu Kekvu

Tsugenyu Jisu le anyugun ka, Ale hagun ka zo tsentsushu ti, Nyugu le A-pvu
thakethyu hyu kemvu we thame thyu loho, Apvu le tha lihi-e thyu kehu tsuhotse
Nyugu-e tsuhontse hunyon. Kechagenyumvule Pvugu le Nyugu so kehu genyu, lo
a-le thyu kehu aphu pe a-hi kehu genyu lo hagun no hagun dunthyulo nrun genyu
a-le tsunye kegon ndunkethyu tho keda dengme pe ahishu ti.  Lo Pvu le kesinyu
thyu nrhunglo kehu hontse, Nyugu-e akendonyu thyu nrhunglo ti.  Tsugenyu Pvu
le temi nme-e ketso mvutse ketso nrun khipe nyugu ben ka shula so.
Kechagenyumvule temi liguhigu-e Pvugu shwen kehu hontse-o tsudeng no Nyugu ko
shwenlo titse kethyu genyu: lo liguhigu-e Nyugu sohu kemvu we a-nikeshu
Pvugu-e so hu mvu. Ale hagun ka zo tsentsushu ti, temi liguhigu-e ajo nyulo
njui-o anikeshugu tenyen kelogu le kethonthen kerhung le binla so, lo tsule
temi nkhinla kehu kipon mvule kesi nrhi-o kerhung nyu chwilaso.

Ale hagun ka zotsentsushu ti, Kesinyu le Sunggigu Nyugu khwen shalo ti, lo
shakelonyu kerhung gwenkho le rhuzhu nyon, lo ntsonka-e tsule gunryu bin laso.
Kechagenyumivule Pvugu le kerhung le a-gen kebin hontse Nyugu ge ko
binlotsekethyu hoshu laso. Lo a-le Teminyu gu thyu kelo genyu ketso kethyu
kekvu pe a-tsu laso. Hagun jo higu genyu hagun dunthyu nya, kechagenyumvule
sika nyu kebinnyu aphu a-khwen shalo ti Tson-o kegwa thyu kehunyule rhung-o
kerhung nyu gunlo ti, lo gwakemvu thyu kehunyu le rhungni-o ketsokethyu bin
nyu gunla nrun gwenkho le ryuzhu kelasi genyu.

Jisu Zhunkezo Deng

Ale anpvu we thame thyulo ho, ale nyu kelo hontse pe me ketso hu; lo ale anpvu
akenyu thyu nyu mvule anikeshugu kenyu thyu kenyu genyu ale me ketso kethyu le
a-zu.  Ale anpvu ajun zohu yatselo tsule ketsin kemvu. Azhunkezo kecha nme le
bin nyon; lo ale a-zhun zo kehu jo tsule a-ketsin tsekethyu ale shalo laso.
Hagun le me nipe Johan kishu; a-le ketsingu rula zoshu laso.  Tson-e arula
kezo akenyu we temi ka nyu mvu; ai hagun no kenikelo hyulo titse kethyu genyu
ale jo hi zohu nyon.  Johan tsule nben kebin lo ben kebin ma keben; lo hagun
le gwengwa nme ka we a-keben nyu hagun kenyu holo. Ai arula hyukelo we Johan
ka hyukelo nyeki gonkvu, kechagenyumvule Pvugu le ano thyu tishu lotse-o khipe
atsu keshu tho ale thyu keshugu tsu le pvugu le anishu tsekethyu zoshu. Lo
anikeshu Pvugu le azhun zoshu, hagun we thame ka-e a-khwen shamvu, lo a-zojo-e
hyumvu. Lo hagun le azhun zoshu, hagun we shupvu hu mvu; kechagenyumvule A-le
Nikeshugu hagun le tsu tenyen hu kemvu genyu.  Ketsinlesu ka hagun le
kethonthen kerhung hyuloti tsekethyu genyu hagun le tsu ruchun-o tsu fu ku
hunyon; lo tsule azhun zo kehu deng le.  Ai hagun le kerhung hyulo nrun fu-o
aki gunryu humvu. Ale temi mhudyu ka teshwen pvunyu mvu. Ai hagun nyun nyu
Sunggigu keso le hu mvu tsekethyu ale sha bin nyon. Ale apvu zang seng-o
gunryu, lo hagun le azenglo hu mvu: kechanyu nme le a-npvu a-zang seng-o
gunryu yatselo, hagun le a-zenglo ti. Hagun Sunggigu kanyu chwikeryu teshwen
pvu mvu-o hagun le temi mhudyu ka teshwen pvu kenyu deng, hagun le nyu
tsethyuo tenyenlo mon? Hagun ale Pvu gu ka hagun nkhin kethyu ruchun nya;
hagun kenkhin nme le bin nyon, lo tsule Mosa.  Lo hagun le Mosa tenyen
yatselo, hagun le atenyen ti kechagenyumvule a-le arula thu keshu genyu. Lo
hagun le a-le thukeshu tenyen hu mvulo, hagun le nyutsethyu-o ajo tenyenlo
tila?

Jisu Le Temi Yiepvu ginthyu Keshu

/6 Tsuselo Jisu le Galil zuda nmvu-e Tiberia zuda tse kehugu nkien gunla. Lo
a-le kehonyu gen nduntho thyukeshu genyu temi dengme le asithen hu. Tson-o
Jisu le rincho gen kulo nju-o a-le senthyukelonyu zeng-o tsugen binlo.  Lo
tsule Judanyu le nkienkechwinga kho nnila. Tsukatsu Jisu le ngisogu temi
dengda le gunryu kezhu hyulo nju-o Filip ka, N-gun temi lideng li ginthyulo
nrun genyu dikipon tensu hyulo mon? Filip nyun kegwa keshvu shalo nrun genyu
jo hi kezo: A-le thyu titse kebin tsu a-npvu sha ku bin kethyu genyu. Filip le
a-ka, Mi me no keshashanyu hyulo titse-e deneri tsihvu mi-e zhunti loho. Jisu
le a-senthyukelonyu nme Simon Pitor sikezenggu Andria le a-ka, Ntsenyu nme le
tensu pvu lo tsehu penhvu seng-o hika hunyon: ai temi hitsulaki deng nyu
hikechehi pe nyu thyulo mon? Lo tsukatsu Jisu le, temi deng no dunlo chi.
Lotsukatsu le tehen nyu kethyu genyu tehen le chon sa, tsugenyu temi ylepvu le
tehen sogen dunlo. Tsuselo Jisu le tensu khilo; tson-o Sunggigu shwenshu-o
kenjun pe temi deng tsu kushu; tsuhontse tsehu hvu-e anyugun le hi kebinthen
khishu. Tson-o anyugun le tyu pe anyugun ginnyu kelo siki Jisu le
senthyukelonyu deng ka, keshanyu-e kenthyula mvu nrun genyu hagun le tyukensen
a-sen tsu khu kequenlo. Lo anyugun le tensu pvupvu tyu-o tyu nsenkelo khupe
khvutsu tseryu kenyhun che swulo. Tsugenyu temi le a-le ndunkethyu tho
thyukeshu kehyuka anyugun le, Temi higuhi le kazunyu tsuryu titse kehugu
sidyukeshagu tsu ketsin so. Tson-o mele gunryu-o a-kemvu thyu-o atenpe a-no
Raja thyu titse kebin Jisu le shalo-o rincho gen gunla.

Jisu Le Zuso Tsonchu Kethyu

Tson-o a-le ngwunki a-le senthyukelonyu deng le zuda nyu gula. Tson-o anyugun
le rung nyu yulo-o zuda pvuthu seng-o Kapernaum nyu gunzhu; lo tsukitsu tsang
le zungla, lo Jisu le anyugun ki gunryu mvuzun. Lo tsang le nburilo kela genyu
zuda tsule nnun sola. Tson-o anyugun le rung jen sen-o Mel dzo kenshan pezi ki
gunzhu kela siki anyugun le Jisu le zuda sogen tsonchu seng-o rung kho nni
gunryu kezhu hyulo-o nshvu rila. Ai a-le anyugun ka, "Ale le, hagun nshvu
nya," Tsugenyu anyugun le a-zeng-o rung nyu yuryula nyulo: tsontsin rung gu
tsule anyugun le guntitse kebin bingu tilo.

Temi Le Jisu Fugunkeryu

Tsusinyu zudakho lukipon kehu temi deng tsule ndu we rung nme tsu a-me rung
kecha nme-e tsunyu bin mvu; lo Jisu le senthyukelonyu zeng-o rung tsunyu gu
mvu-o senthyukelonyu nti gunla tsekethyu hyu.  Tson-e Tiberia nyu rung dengme
le Npugu le Sunggigu shwenshu-o anyugun tensu ketyubin khoki gunryu.  Tsugenyu
temi deng le Jisu lo senthyukelonyu ju-e tse tsunyu bin kemvu shalo nju-o
anyugun le rung nyu yulo-o Jisu fu-o Kapernaum nyu gunryu.

Jisu le Kerhung Tensu Gu

Tson-o anyugun le zuda pere zin a-hyulo-o a-ka, Rabi, nle dichyeka gunryu-o hi
tila la? Lo Jisu le anyugun ka, ale hagun ka zotsetsushu ti, hagun le nduntho
kehyu genyu mvule tensu tyupe ginyu kelo genyu afu kehu gwenzi nkie nmhukela
chvu fu kenjunthyu bin nya, Teminyu gu le khipe hagun tsu nrun kethonthen
kerhung chvu genyu kenjunthyulo: kechagenyumvule vu kela genyu. Tson-o anyugun
le a-ka, agun le Sunggigu tho thyulo nrun genyu nyu tho thyulo nrun genyu nyu
nyu thyulo muloshvu la? Jisu le anyugun ka hagun le Sunggigu le nikeshugu
tenyenkelo gu tsule Sunggigu tho le. Lo anyugun le a-ka, Nle agun no hyu-o
ntenyenlo nrun ge nyu nyu zangsu thyushu hu la? Nle nyutho thyushu la?  Agun
pvubonyu le nduka tehen nyu Manna tyu, tsekethyu thu pe bin nju, "Anyugun no
tyuti tsekethyu genyu a-le tsangge tensu khipe a-nyu gun tsu. Jisu le anyugun
ka ale hagun ka zotsengtsushu tile, tsangge tensu khipe hagun ketsu tsule Mosa
le mvu, ai Pvugu le tsangge tensu ketsin pe hagun tsu hunyon.  Kechagenyumvule
Sunggigu le khikeshu tsugutsule kerhung khipe kazugu tsushu kehu genyu.
Tsugenyu anyugun le a-ka, Npugu Nle kethonthen tensu tsu khipe agun tsuzin
hulo. Jisu le anyugun ka. Ale kerhung tensu gu, temi liguhigu-e aki gunkeryu
gu we nnyonlo ho, lo temi liguhigu-e atenyen kehunyu we thame ka-e teri loho.
Ai ale hagunka zoshuti, hagun we hyu-o tenyen hmnvu.  Sunggigu le khipe
aketsunyu a p h u aki gunryu kuti; lo temi liguhigu-e aki gunkeryunyu ale
tsunyu khela loho. Kechagenyumvule ale anpvu akenyu yhudyu thyu titse mvule
anikeshugu kenyu thyuti tse-o tsangge tsuryu kethyu genyu. Lo anikeshugu kenyu
tsule a-le khipe atsushu kela nme-e nmhela mvu-o kenkhin nyu kenilo nrun gu.
Tsuntimvule Nyugu so lo tenyen kehunyu le kethonthen kerhung hyulo ti; ale
dzon kenkhin nyu tsunyu kenilo ti; lo tsule apvu kendo.

Ai, "A-le tsangge tsukeryu tensu," tsonkeshu genyu Judanyu le a-gen kenyon
sola.  Tson-o anyugun le, "Higuhi le Josef nyugu, Jisu, n-gun le apepvunyu
keshanyu mvu-o le?  nyuthyu-o "Ale tsangge tsukeryu," tson zo hu nla? Jisu le
anyugun ka, hagun tha zo-o kenyi bin nya chi. Temi nme-e anikeshugu Apvu le
zeng gunryu kemvu we aki gunryu loho; lo ale dzon kenkhin nyu tsugu kenilo ti.
Lo "Anyugun aphu Sunggigu no a-senthyulo ti," tsonkethyu sidyukeshanyu le thu
nju nyon. Temi liguhigu-e Pvugu khwen nyu-o shakelonyu le aki gunryu hunyon.
Sunggigu kanyu gunkeryugu kemvu we temi nme-e Pvugu hyu mvu, ai tsugu we Pvugu
hyu. Ale hagunka zotsentsushu tile, tenyen kehunyu le kethonthen kerhung le
bin laso: Ale kerhung tensu gu. Hagun pvubonyu le tehen nyu manna tyu, lo
anyugun le sila. Higu we meno tyu-o sila hu kemvu tsangge tsukeryu tensu gu.
Ale tsangge tsukeryu kerhung tensu; liguhigu-e tensu higu tyulo, a-le
kethonthen rhunglo ti; kazu thyu nrhunglo titse kethyu genyu ale khishu nrun
gu tsule athyu.

Tsugenyu Judanyu deng le kenyon so, temi higuhi le nyutsethyu-o a-thyu pe nno
tyulo gwa tila? tsonso.  Tsugenyu Jisu le anyugun ka, Ale hagun ka
zotsentsentsushu tile, hagun le Teminyu gu thyu tyu lo a-zi tsu kemvu we
kerhung le hagun nyun nyu ndi.  Temi liguhigu-e athyu tyu lo azi tsu kehunyu
le kethonthen kerhung le bin laso, lo ale kenkhin ketsin nyu tsunyu kenilo ti.
Kechagenyumvule athyu le me chvu ketsin lo azi le meno tsu kehu ketsin gu
genyu.  Temi liguhigu-e athyu tyu lo azi tsu kehunyu le anyun ka bin hunyon,
lo ale a-nyun ka bin hunyon. Rhungkehu Pvugu le anishu lo ale Pvugu genyu
rhung kehu hontse, temi liguhigu-e athyu tyu kehunyu le agenyu rhunglo ti.
Hile tsangge tsukeryu tensu: hagun bonyu le nduka tyu-o sikela hontse mvu;
temi liguhigu-e tensu hi ketyu gu le kethonthen rhunglo ti. A-le Kapernaum
nyu, mesenkethyu ka anyugun kershvu kanyu jo hi zo.

Kethonthen Kerhung Jo Deng

Tsugenyu senthyukelonyu kechon le, jotsu kesha ka jo hile jo keru nme! segu le
nyulo gwa tila? Ai senthyukelonyu le jo tsu kenyon kethyu Jisu le shalo nju-o
anyugun ka, hagunkerula ole? Tson yatselo Teminyugu le nduka abin gen keku
hyulo nyutsethyu mon? Kerhung khishu kehugu le Kapugu, Thyugu le thame thyulo
ho, ale hagun ka zokeshu jo hile Kapu lo kerhung jo le.  Ai hagun deng nyu
temi peha le tenyen mvu bin nyon.  Jisu le sokerika nyu tenyen kemvunyu le
senyu yo; lo atenpe me ben nyu shu nrun gu tsule segu yo a-le sha kebin genyu.
Higenyu a-le, "Apvugu kanyu kekvu khishu kemvu we temi nme-e aki gunryulo ho."

Jo tsugu genyu a-le senthyukelonyu kechon le ranila, lo a-zeng sin mvula.
Tsugenyu Jisu le tseryu kenyhun chye deng ka, hagun ko tinlati ole?  Simon
Pitor le a-ka, Npugu, agun no segu ki gu mon? nle kethonthen kerhung jo seng
hunyon. Tsuntimvule agun le Nle Sunggigu kanyu chwikeryu Kenshungu letsekethyu
tenyenlo nju-o shalo laso.  Jisu le anyugun ka, Ale hagun tseryu kenyhunchye
deng kejulo mvu ole? Ai hagun dengnyu nme le Satan. Tsule a-le Simon nyugu
Iskariot Judas rula tsu kezo; kechagenyumvule tseryu kenyhunchye dengnyu Judas
le Jisu tenpe me ben ka shu nrun gu genyu.

Jisu Sikezengnyu deng le Tenyen mvu Kela

/7 Tson-o Jisu le Galil lojvu nyu ho tinla: Judanyu deng le a-dushvula titse
a-fulo kela genyu a-le Judia lojvu ki hunyumvu la. Lo tsule Judanyu le Then
nyu bin-o nga kehu dzon kho nnila.  Tsugenyu a-sikezengnyu deng le a-ka, Nle
senthyukelonyu deng no nle thyukehu ntho hyulo nrun genyu Judia lojvu ki gunlo
chi. Temi liguhigu-e a-zang no chwilo nyulo kebu-o thame thyu hu kemvu genyu,
Nle tha hideng thyu kebnrsi genyu kazu aphu no shalo chi.  Lo tsule
a-sikezengnyu deng-e a-tenyen mvu kethyu genyu.  Tsugenyu Jisu le anyugun ka,
agwenkho we timvu zun, ai hagun gwenkho we tizin bin hunyon. Kazu le hagun
ntsula loho; ai ale a-tho le gwamvu letse zokeshukeshugenyu antsu kehu
gwenzin. Hagun nga ka gunlo nye, awe adzon le ryumvu zun kethyu genyu gunlo
ho. Tson-o a-le anyugun ka jo tsu zoshula nju-o Galil lojvu nyu bin tinla.

Then Nyu Bin-o Nga Kethyu

Ai a-sikezengnyu deng le nga nyu gunla ntsin a-le ndo mvule kebu-o nga nyu
gun.  Lo Judanyu deng le nga ka tsu a-fu-o, a-le dikipon bin nla?  Tson-o temi
deng le a-rula zope keyhunkerun sola; peha le a-le temi kegwa nme letse, lo
kechanyu le, nmvu, a-le temi sa kehu gwenzin! tson sola. Ai Judanyu kenshvu
genyu temi nme-e a-zang zoshwishu mvula.

Ai nga lvuka Jisu le kershvu ka nyu gungu me senthyu.  Tsugenyu Judanyu deng
le anyugun dunthyu-o, Temi higuhi le lesuka nyu kegun gwensha mvu lo
nyutsethyu-o lesu shalo la? Jisu le anyugun ka, ale pe senthyu kehu hile ajo
mvule anikeshu gu jo.  Temi liguhigu-e Pvugu kenyu thyuhu yatselo, jo tsule
Sunggigu kanyu chwiryu le anpvu akanyu chwiryu yo tsu shalo ti. Temi
liguhigu-e a-npvu a-kanyu tha zo kehunyu le a-npvu a-zang kechwi fu. hunyon,
ai liguhigu-e a-nikeshu gu zang fu kehunyu le, tsule aketsin, lo ketsinkemvu
nme-e anyun ka ndi. Mosa le tejvu gu khipe hagun tsushu mvu ole?  ai hagun
temi nm;e-e tejvu tsu thyu lo zeng humvu. Hagun le nyu genyu adushvu kela ndo
hu nla? Temi dengle, Nle tero gwakemvu gu zeng kehu hile la? segu le ndushvu
kela ndo hu nla? Jisu le anyugun ka, ale tha nme thyushu ntsin; hagun we tsule
hagun dunthyu ku. Mosa le gikeru jvu khipe hagun tsushu (tsule Mosa kanyu
mvule hagun bonnyu kanyu) lo hagun le Sabath dzon nyu me giru hunyon.  Hagun
le Mosa jvu gwenrholalo kenshvu genyu sabath dzon nyu me giru hu yatselo; ale
sabath dzon nyu me thyungwa keshu genyu hagun le agenyu hagun kenyu mvu ole?
Tegwenki kehyu gu gen kegwa keshvu ruchun mvule a-ketsin gu nyu ruchunlo nye.

Hile Khrista Gu Ole?

Tsugenyu Jirusalem nyu peha le, Temi higuhi le anyugun le dushvula titse fu
kehugu kemvu ole? Liki li, a-le lihontse tha zo bin nyon, lo temi nme-e a-ka
thame zo bin kemvu le. A-le Khrista gu tse kethyu sharhinyu deng le shalola
ketsin ole? Lihi thyu-e nle temi higuhi le dikipon gunryu yo tsu sha bin nyon:
ai Khrista le gunkeryu we a-le dikipon gunryu yo temi le tsu shalo ho; Lo Jisu
le kershvuka nyu me senthyu nra sen-o, hagun le asha lo ale dikipon gunryu yo
tsu-e sha, ale akendo thyu gunryu mvu, ai anikeshugu tsule ketsin, lo hagun le
a-sha hu mvu.  A we le a-sha bin; kechagenyumvule ale a-kanyu chwiryui, lo
a-le anikeshu genyu. Tsuselo anyugun le a-tenkelo ndo sola; ai a-dzon le
gunryu mvu zun kethyu genyu temi nme-e a-ben shwe pe a-gen shu mvu.  Lo temi
kechon le Jisu tenyenlo nju-o anyugun le, Khrista le gunkeryu ki a-le temi
higu le thyukeshu nyeki nduntho thyu chonshu ti le nyutsethyu yo no?  tson
sola.

Jisu Ten lo Lotse me nikeshu

Farisinyu le temi deng Isule Jisu rula zo sa kehu shalo; tsuselo peshunyu lo
kedanyu deng lo Farisinyu tsule atenlo lotse-o lonyu nishu. Lo Jisu le, Ale
dzon keshanyu ka hagun zeng sin bin tse-o anikeshu gu ki gunla ti. Hagun le
afu ti, lo ahyulo ho; lo hagun le akebin bin nyu gunryu loho. Tsugenyu Judanyu
deng le anyugun npvu kenthono, temi higuhi le, Nle a-hyu loho letse, lo a-le
dikipon gula ti ola? A-le gungu Griknyu deng nyu tsenchvu tinkelanyu ki
Griknyu senthyu tinla ti ole A-le, "Hagun le afu ti, lo ahyulo ho, lo hagun le
akebin bin ki gunryu loho," tson kehu jo hile nyu la?

Kerhung Zuri

Lo nga kenkhin nyu Jisu le solo nju-o jozo tetso-o, Temi liguhigu-e teri
kehunyu no gunryu-o tsulo lo. T e m i liguhigu-e atenyen k e logu we
ketsin-lesu nyu kezo hontse a-gen kerhung zule tsun.  chwiryu ti. A-le
a-tenyen kelonyu no hyulo nrun Kapugu rula zoshu: lo Jisu le zangkechwi thyulo
kemvu zun genyu Kapugu-e khishu mvu zun.

Temi le Denghvu Thyukela

Tsugenyu temi tsudeng peha le jo tsu shalo njwi-o Higuhi le sidyukeshagu
ketsin.  Lo kechanyu le, Hile Khrista gu; ai peha le, Kha, Khrista le Galil
nyu chwiryu ti ole? Khrista le David nyenyu lo David le nduka kebin runyi
Bethlehem nyu chwiryu titse kethyu Ketsinlesu le zoshu nju mvu ole? Tson-o
a-genyu temi deng no denghvu thyula.  Tson-o peha le a-tenlo nyu so: ai temi
nme-e a-gen a-ben shwenshu mvula.

Kedanyu Deng Le Tenyen mvu kela

Lo lokethyunyu deng le peshukeda ju lo Farisinyu deng ka gunryu, lo tsudeng le
anyugun ka, hagun le nyu thyu-o azeng gunryu mvu la? Lo lokethyunyu deng le,
temi nmee a-hontse jozolo hu mvu!  Tsugenyu Farisinyu deng le anyugun ka, me
no hagun sala ole? Kedanyu nmvu-e Farisinyu peha le a-tenyenlo la ole.  Ai
tejvu sha hu kemvu temi higuhi le kesenkesu pvu tinlaso.  Lo anyugun deng nyu
temi nme nduka Jisu ki gunkeryu gu Nekodema le anyugun ka, N-gun jvu le mejo
shamvu lo metho shalo ri mvu-o me nkhin hu ole? Anyugun le a-ka, Nko Galilnyu
ole? swu gun yatselo, Galil nyu sidyukeshanyu nme-e soryu mvu tsekethyu shalo
ti. Tson-o anyugun le anyugun kaki gunla.

Tenunyn Keyulanyu Nine Tenkelo

/8 Ai Jisu le Oliv kazuthung gen gunla. Tson-o a-le lonyu nshwen kershvu kanyu
ni gunryulo, lo temi kechon le aki gunryulo; tsuselo a-le solo nju-o anyugun
senthyuso. Lo tsukatsu lesukeshanyu ju lo farisinyu deng le tenunyu nme le
keyula hu-o ten zeng gunryutson-o anyugun le tsugi khipe anyugun deng nyu
shulo nju-o Jisu ka, Senkethyu gu, tenunyu higi hile keyula kebin agun le
tenlo le. Lo tejvu nyu tso lope hihontse kethyunyu jon shvula lo tsekethyu
Mosa le agun ka zo nju: lo nwe le nyutsethyu zo tila? Anyugun le Jisu nmu kelo
ruchun-o asemen-o jo higu zo. Ai Jisu le nkhentsugu a-zenkero lope kazu nyu
tha thu bin. Ai anyugun le a-ketson bin gwenzin kela genyu a-le nyiso gu
anyugun ka, Hagun deng nyu mu mvu shu kethyu gu no tso shwe teri pe tenunyu
higi jonshu re.  Tsonshu nju-o nkhunni tsugu a-zenkero pe kazunyu tha thuni
tinla. Tson-o temi tsudeng le a-jo shashu ntsin peshu tsin gu le ri-o
a-kenkhin keti tsu mi meme tse chwila: tson-o Jisu lo tenugi au nti la. Lo
Jisu le nyiso gu tenugi ka, Tenugi, anyugun le dikipon gula se la? temi nme-e
n nmu mvu ole? Tsontsin a-le, Npugu temi nme-e a nmu mvu, tsonshu.  Lo Jisu le
ako n nmu loho; nle gunla chi. Hisiki we mu ni nyagwen.

Jisu Le Kazu Keben Gu

Lo Jisu le anyugun ka, Ale kazu keben gu: temi liguhigu-e asithen kehugu le
kezung nyu hu mvule kerhung keben gu hyulo ti. Tsugenyu Farisinyu le a-ka, Nle
n npvu nzhun zohu nyon; njo tsule aketsin mvu. Jisu le anyugun ka, Ale anpvu
azhunzo hu-e ajo tsule a-ketsin, kechagenyumvule ale dikipon gunryu yo lo ale
dikipon gula tiyo tsekethyu sha kehu genyu; ai hagun we ale dikipon gun ryu yo
lo ale dikipon gun ti yo tsu sha hu mvu. Hagun we thyu gen kegwa keshvu ketso
hu nyon; awe temi nme-e ketso hu mvu.  Lo ale me ketso hu-e ale me ketso
kethyu tsu le a-ketsin; kechagenyumvule ale anpvu mvule anikeshugu Pvugu le
azeng kehu genyu. Tsuntimvule mihvu jo kezo le aketsin tsekethyu hagun jvu ka
thu nju nyon. Anpvu azhun kezo gu tsule ale, lo anikeshu Pvugu tsu le azhun zo
hunyon.  Tsugenyu anyugun le a-ka, Npvu le dikipon bin nla? Jisu le. Hagun le
a-e lo Apvu-e sha hu nuvu. Hagun le asha kethyu we apvu-e sha ti ata le.  Jisu
le kershvu ka nyu senthyu kebin ka pisa pe shu kehu khin kho ka jo hi zoshu,
ai a-gwenkho timvu zun kethyu genyu temi nme-e a-tenlo mvula.

Hagun Le Akegu Binka Guloho

Tson-o a-le anyugun ka, Ale tinla ti sele, lo hagun le afu ti, ai hagun kemu
nyu sila ti: ale kegun bin nyu hagun le ryu loho. Tsugenyu Judanyu le, "Ale
kegu" binki hagun le guloho," a-le tson kehu hile, a-le anpvu a-dushvu la ti
ole?  Tsontsin a-le anyugun ka, Hagun le tesin gu, lo awe tesogu, lo hagun le
kazu hinyu gunryu, ai awe tsangge gunryu kethyu genyu. Tsugenyu ale hagun ka,
"Hagun le hagun kemu nyu sila ti," kechagenyumvule hagun le ale tsugu
tsekethyu tenyen kemvu we, hagun le hagun kemu nyu sila ti. Tsugenyu anyugun
le a-ka, Nle segu la?  Jisu le anyugun ka, a-le akerika hagun ka zokeshu gu
tsu. Ale hagun rula zo nrun lo ketso nrun kechon le bin nyon: ai anikeshugu lo
ale a-ka nyu anyetin pe nyu kelo, ale tsu lope kazunyu ka zo hunyon.  Anyugun
le a-le anyugun ka Pvugu rula pe zokeshu ruchunlo mvula. Tsugenyu Jisu le,
Hagun le Teminyu gupesnso keshu ka hagun le tsugutsu tsekethyu lo ale anpvu
thame thyu hu mvu, ai Pvugu le asenthyu keshu hontse ale tsu zo kehu shalo ti.
Lo anikeshu gu le azeng hu: tsugu le akhi pe ano anpvu hu mvu: kechagenyumvule
ale a-kenyu aphu thyu kehu genyu. A-le jo hi zokebin ka temi kechon le
a-tenyenlo.

Ketsin gu Le Hagun Hoshula ti

Lo Jisu le Judanyu tenyenlo kelanyu deng ka, hagun le ajo nyu bin hulo; hagun
le ale senthyukelonyu ketsin. Lo hagun le ketsingu shalo, ti, lo ketsin tsugu
le hagun hoshula ti.  Anyugun le a-ka, agun le Abraham nyenyu, lo agun le
thame ka.e medo thyu hu mvu.  Nle nyu thyu-o, "Hagun hoshula ti," tsekethyu
zohu nla?  Jisu le anyugun ka, Ale hagun ka zotsentsushu tile, temi liguhigu-e
mu kehunyu le kemu do so. Lo do tsule me ka nyu binzin hu mvu: ai nyutsinnyu
we binzin hunyon.  Tsugenyu Nyugu le hagun hoshu selo, hagun ho tsin thyushu
lati.  Ale hagun le Abraham nyenyu tsekethyu sha bin nyon, ai ajo le hagun gen
a-bin kendi genyu hagun le adushvu lati tseo afu hunyon.  Ale Apvu zeng hu-o
ale anpvu hyukelo pe zo hunyon: hagun ko hagun pvugu ka nyu nyuloyo tsu thyu
hunyon.

Hagun Pvu le Satan

Anyugun le a-ka, Abraham le agun Pvu le, Jisu le anyugun ka, Hagun le Abraham
nyenyu yatselo hagun le Abraham tho thyu hu ti. Ai hagun le, ale Sunggigu
kanyu shakelo ketsin gu pe hagun ka zokeshu gu ahi-e dushvula titse-o afu
hunyon: Abraham le hihontse hu mvu. Hagun we hagun pepvunyu deng tho hontse
thyu hunyon. Lo anyugun le a-ka, Agun le keyulanyu gen agun nnyu kelonyu mvu;
agun le agun" Pvu nme le bin nyon, lo tsule Sunggigu. Jisu le anyugun ka,
Sunggigu le hagun pvugu yatselo, hagun le asolo ti, kechagenyumvule ale
Sunggigu kanyu chwiryu lo gunryu kethyu genyu. Ale anpvu akanyu gunryu mvu le,
A-le anikeshu genyu. Hagun le nyu thyu-o ajo shalo humvu la?  Hagun le ajo nyu
bin hu lokeho la? Hagun le ajo nyu hu lokeho genyu Hagun le hagun pvu tero
gwakemvu gu ka nyu, lo hagun le hagun pvu kenyugu thyu nyu hunyon. A-le
sokerika nyu mte dukeshvunyu nme, lo agen ketsin kendi genyu a-le ketsin nyu
bin humvu. A-le kenku jo zo solo a-npvu a-ka nyu zo chwiryu hunyon:
kechagenyumvule a-le ken runyu lo a-le kenkunyu pvu genyu. Ai ale ketsingu
kezo genyu hagun le atenyen hu mvu.  Hagun segu le kemu zope anjun lo gwa la?
Ale jo ketsin zo hu yatselo hagun le nyu thyu-o atenyen hu mvu la?  Sunggigu
Ka chwikeryunyu le Sunggigu jo nyu hunyon: Hagun we Sunggigu kipon kemvu genyu
tsugenyu hagun le tsu nyu hu mvu.

Abraham Mhudyu Jisu Le hula so

Judanyu deng le a-ka, Nle Samarianyu nme lo nle tero gwakemvugu zeng hu kethyu
agun le zo tsentsulo mvu ole? Jisu le ale tero gwakemvu zeng hu mvu; ai ale
Apvu shwen hunyon, lo hagun we A-shwen hu mvu. Lo tson-e awe anpvu azang fu
humvu: fukehu lo ketso kehu nme le bin nyon. Ale hagun ka zotsentsushu ti,
Temi liguhigu-e ajo zeng hulo tsugu le thame ka-e kesi hyuloho.  Judanyu le
a-ka, nle tero gwakemvu nme zeng kehu, agun le shalo laso. Abraham-e lo
sidyukeshanyu-e sila so; lo nle zokeshu, "Temi liguhigu-e ajo zeng hu yatselo
tsunyu le thame ka-e kesi hyulo ho," Nle agun Pvu Abraham nyeki gon ole?
Abraham lo sidyukeshanyu-e sila so; nle segu letse hu nla? Jisu le anyugun ka,
ale anpvu azang zope gon yatselo, azang kezo tsule a-kenrun.  Azang zope gon
kehu tsule Apvu. Hagun le tsugu lope hagun Sunggigu letse kehugu tsu. Lo hagun
we Sunggigu sha mvu; ai awe a-sha bin nyon. Lo "Ale a-sha mvu," tsonzo yatselo
ako hagun hontse kenkunyu thyula ti. Ai ale a-sha bin nyon, lo a-jo zeng
hunyon. Hagun pvu Abraham le nduka adzon gu hyukelo ruchun pe a-shyerhung-o
tsu hyulo laso. Tsugenyu Judanyu le a-ka, Nle chen henpvu-e mvu zun, lo nle
Abraham hyu la? Jisu le anyugun ka, Ale hagun ka zotsentsushu ti, Abraham nnyu
kelo mhudyu ki ale hu laso. Tsugenyu anyugun le tso lope a-jon titse sola.  Ai
Jisu le a-npvu kebu-o kershvu ka nyu chwila.

Jisu Le A-yhutyu Keponyu Nme Thyungwa Kesh'u

/9 Tson-o a-le gunzhu ntsin temi nme le nnyulo nyemhu nyu a-yhupo kelanyu nme
hyulo. Tsontsin Jisu le senthyukelonyu deng le a-ka, Rabi, temi higuhi le
a-yhupo-o nnyu kelo a-le le a-pepvunyu le mula ola? Ai Jisu le anyugun ka,
Temi higuhi-e lo a-pepvunyu kemu genyu-e kemvu, ai a-gen Sunggigu tho thyupe
me teshashu titse kethyu genyu hihontse kethyu. Tsangben kebin ka n-gun le
anikeshu gu tho thyu mvuloshvu: temi nme-e thame thyulo keho tsang kezung dzon
le ryuzhu nyon. Ale kazu nyu kebin ka ale kazu keben gu.  As-le tson zoshu
njuo nsu pe kazu nyu nnyon kemben thyuloo nnyon kemben tsupe a-yhutyu nyenshu,
tson-o a-ka.  Gungu Siloam zi nyu sula chi, (Siloam a-kon le nikeshu);A-le
tsugenyu gungu sula ntsin tha hyulo nju-o gunryu la. Tsugenyu a-tsagu
sikezengnyu lo a-le nduka shvutyu kehu kehyunyu deng le, temi higuhi le
shvutyu kehugu tsu mvu-o le?  Peha le hile tsugu tsule: kechanyu le, nmvu, ai
tsugu au kenfu sa le. Ai tsugu we, Ale tsugu le. Tsugenyu anyugun le a-ka,
tsonlo nyutsethyuo n yhutyu le tha hyu chwiryulo la? Lo a-le, Jisu tsekethyu
temi nme le nsupe nnyon kemben thyulo nju-o pe ayhutyu hishu-o aka, Nle gungu
Siloam zi nyu sula chi; tsonshu; lo ale gungu sula ntsin ayhutyu le tha hyu
chwiryulo le. Tsontsin anyugun le a-ka, tsugu le dikipon bin nla? Ai a-le, Ale
shamvu.

Farisinyn Deng Le A-yhutyu Kepogu nthonkethyu

Anyugun le nduka ayhutyu kepogu zeng-o Farisinyu deng ki gunryu. Lo Jisu le
nnyon pe kemben thyu, pe ayhutyu thyu ngwa keshu nyu tsule Sabath dzon.
Tsugenyu Farisinyu deng ko a-le nyutse thyu-o tha hyulo yo tsekethyu a-ketso.
Lo a-le anyugun ka, a-le nnyon kemben pe ayhutyu hvu nyun shu-o ale gungu sula
ntsin ale tha hyulo le.  Tsugenyu Farisinyu peha le, temi tsugutsu le Sunggigu
kanyu gunryu mvu, kechagenyumvule a-le Sabath zeng hu kemvu genyu. Ai kechanyu
dengme le, Temi kemunyu le nyutsethyu tha ndunkethyu tho hihontse kethyu hi
thyulo tila? tson-o anyugun deng nyu kejo rhunglo mvula. Tsugenyu anyugun le
a-yhutyu kepogu ka, A-le nyhutyu thyu ngwa keshu. genyu nwe a-rula nyutse thyu
ruchun hu nla? tsugu le anyun ka, Ale sidyukeshanyu nme; tsonla.  Ai a-yhutyu
po hu-o tha hyunikelo rula Judanyu le apvu lo a-jvu au ko zeng gunryu
kemvuthen a-tenyen mvu.  Tson-o anyugun le a-pvu lo ajvu au ketso-o, Higuhi le
hayi le a-yhutyu kepo nnyu kelogu tsu le, lo ntsoka we a-le nyutsethyu-o tha
hyulo la se la?  A-pvu lo a-jvu au le, Higu le ayi nyu, a-yhutyu po-o nnyukelo
gu tsekethyu ayi le sha bin nyon. Ai a-le nyu tsethyu-o tha hyulo yo agun le
sha mvu, nmvu-e segu le a-yhutyu hvu thyu ngwashu yo ayi le sha mvu: hagun
npvu a-ketsolo ta; a-le peshu laso; a-le a-npvu arula zoshu ti. A-pvu lo ajvu
au le Judanyu kenshvu genyu jo higu zola: kechagenyumvule Judanyu le temi
liguhigu-e temi tsugu le Khrista tsekethyu zolo kehun ka nyu hula titse kethyu
kenthon kebin genyu. Tsugenyu a-pvu lo ajvu au le, "A-le peshu laso; hagun
npvu a-ketsolo ta." tsonla. Tsontsin anyugun le ayhutyu kozeng gunryu-o a-ka,
yhutyu kepogu kozeng gunryu-o a-ka, Nle Sunggigu Shwenlo nye, temi tsugutsu le
kemunyu nme tsekethyu agun le sha bin nyon.  Ai a-le, A-le kemunyu le
nyutsethyu yo ale sha mvu; ai awe le tha nme sha bin nyon, tsule: ale
ayhutyupo hu, ai ntsoka we tha hyulo laso.

Tsugenyu anyugun le aka, a-le n-gen nyu thyushu la?  A-le nyutse thyu-o nno
tha hyu chwiryulo la? A-le anyugun ka, Ale nguka hagun ka zoshu so, ai hagun
le nyulo mvu; hagun le nyu genyu sha nilo nyu hu nla? hagun ko a-sikethennyu
thyunyu hu ole?  Tsuselo anyugun le a-kesu-o, N we a-sikethennyu, ai agun we
Mosa sikethennyu. Sunggigu le nduka Mosa ka tha zokeshu agun le sha bin nyon;
ai tsugu we dikipon gunryu yo agun le sha mvu. Ai a-le anyugun ka, ayhutyu hvu
thyu ngwashu-e hagun le a-le dikipon gunryu yo tsekethyu sha kemvu tsule tha
ndunkethyu nme.  Sunggigu le kemunyu khwen nyu hu mvu, ai temi liguhigu-e
Sunggigu rushvu lo a-kenyu thyu kehunyu khwe nyu hunyon, tsekethyun n gun-e
sha bin nyon. Kazu thyulo keteri kanyu gunryu-o ntsoka keti temi nme-e
a-yhutyupo-o nnyukelonyu yhutyu thyu ngwa keshu mi sha humvu. Temi tsugutsu le
Sunggigu kanyu gunryu mvu yatselo a-le thame tsu thyulo ho. Anyugun le a-ka,
Nle kemunyu gen n nnyu kelo le, me agun senthyu ti ole? tson-o anyugun le
kehun kanyu a-hula.

Kapu kipon Yhukepo

Jisu le anyugun le a-hula tsekethyu shalo, tson-o Jisu le a-hyulo nju-o, Nle
Sunggigu Nyugu tenyenlo se mon?  A-le zoshu, Npugu, a-le segu la? ano
a-tenyenlo nrun genyu aka zoshu ta. Jisu le a-ka, Nle A-hyuloso, lo nzeng
kenthon kebingu tsule; tsonshu.  Tsontsin a-le, Npugu, ako tenyenlo so. Tson-o
a-le Jisu rushvu sola. Tson-o Jisu le hyuhu kemvunyu no hyulo nrun genyu lo
hyu kehunyu no ayhutyu pola nrun genyu, me kegwa keshvu sha titse-o ale kazu
hinyu gunryu. Lo tsuka a-zeng kehu Farisinyu deng le, jo tsu shalo nju-o a-ka,
agun ko agun yhutyu po ole?  Jisu le anyugun ka, hagun yhutyu po yatselo hagun
kemu ndila ti. Ai ntsoka we hagun le, "Ale hyu hunyon," tson hu; tsugenyu
hagun kemu le bin zun.

Tanyu Kekhwe Jokejvu
 
/10 Ale hagun ka zotsentsushu ti, Temi liguhigue tanyu chwida khenpvu nyu yu
mvu-o kechaki pela yu kehunyu le keruhyunyu lo mehon seketyunyu. Ai temi
liguhigu-e chwida khenpvu zeng keyunyu, tsunyu le tanyu kekhwen nyu. Khepvu
kekhwen gu le khinshye pe tsunyu tsu hunyon; lo tanyu le tsunyu khwen nyu
hunyon: lo tsugu le a-npvu a-tanyu zang ko-o tsudeng khwen hunyon. A-le a-npvu
a-hon deng zeng ku chwilo, lo a-le tsudeng mhudyu ki hu, lo a-tanyu deng le
a-sithen hunyon! kechagenyumvule tsudeng le a-khwen sha kethyu genyu. Lo
tsudeng le me kechanyu sithen mvule tin seng-o nrhila ti; kechagenyumvule
tsudeng le me kechanyu khwen sha hu kemvu genyu.  Tson-o Jisu le jokejvu
hilope anyugun ka zoshu: ai anyugun le Jisu le anyugun ka zokeshu a-kon shalo
mvu la.

Jisu le Tanyu Kekhwen
 
Tsugenyu Jisu le anyugun ka, Ale hagun ka zo tsentsushu tile. Ale tanyu deng
khenpvu gu. Amhudyuki gunkeryunyu le aphu keruhunyu lo mehon seketyunyu nti:
ai tanyu deng le tsudeng khwe nyu hu mvu.  Ale chwida khenpvugu: temi
liguhigu-e agenyu yu kethyu gw le a-kenilo ti: tsu nyu kekhwen gu le zeng chwi
lo yu-o a-chvu hyulo ti. Keruhunyu le ruhu titse lo boshvu titse lo tha nkie
titse kethyu keruchun a-me thakecha ruchun-o gunryu hu mvu: Ale meno kerhung
hyulo titse lo tsu hyu chonlo titse kethyu genyu gunryu.  Ale tanyu kekhwen
kegwa gu. Tanyu kekhwen kegwa gu le a-tanyu genyu a-phou hoshu hunyon. Tanyu
le a-hon kemvu, tanyu kekhwen ketsin gu kemvu, meno a-dzonshye zeng kehunyu le
teken gunkeryti hyushu yatselo, tanyu deng khela-o tinla hunyon, tson-o teken
no tsudeng tenlo nju-o tsudeng no nren nru tinla hunyon. Kechagenyumvule a-le
meno a-dzonkeshye keruchun a-me tanyu deng phin we ruchun hu kemvu genyu.  Awe
tanyu kekhwen kegwa gu; lo ale anpvu ahon deng sha bin nyon, lo ahon deng ko
asha bin nyon. Apvu le asha kebin hontse ako Apvu sha bin nyon.  Ale tanyu
deng genyu aphou hoshu titse bin nyon, lo hinyu bin kemvu a tanyu kecha-e bin
zun! Ale tsudeng ko zeng gunryulo mvuloshvu, lo tsudeng le akhwen nyulo ti;
tson-o aphu kesin pe dengme thyu, lo anyugun kekhven-e nme thyu ti.  Lo Apvu
le akeso le, kechagenyumvule ale aphou loni titse-o hoshugu kezhu genyu. Temi
nme-e aka tsu selo mvule ale anpvu tsu hoshu guzhu. Hoshu titse kethyu akekvu
le bin nyon, lo khinilo titse kethyu-e akekvu le bin nyon. Jo hile Apvu kanyu
hyulo laso.

Jo tsugu genyu Judanyu deng nyu jo kechacha thyu soryu la. Anyugun temi kechon
le, a-le tero gwakemvu zeng hunyon, lo kenunyu; hagun le nyuthyu-o a-jo nyu hu
nla? Kechanyu le jo hile tero gwakemvu le zeng kehu jo kemvu. Tero gwakemvu
nme le a-yhutyu keponyu yhutyu thyu ngwashu logwa ole?

Judanyu le Jisu Kenikela

Lo tsugwenkho ka tsule Jirusalem kershvu ka thyu ketsuni kethyu nga tilo la:
lo tsule tsangse ki laso. Lo Jisu le kershvu ka nyu Solomom kasu hensin nyu
nsin nshye tse bin. Tsugenyu Judanyu dengle gunryu-o ahunpvulo nju-o a-ka,
ditsula ki thyu nle agun no sha ntsenlomvu bin ti la? Nle Khrista gu letselo
nle agun ka zo ntsenshula ta. Tsuselo Jisu le anyugun ka, Ale hagun ka zoshu-e
hagun le tenyen hu mvu: lo a-le Apvu zang seng-o tha thyu kehu tsule azhunzo
hunyon. Ai hagun le atanyu deng kemvu genyu tenyen hu mvu. Atanyu. deng le
akhwen nyu hunyon, lo ale tsudeng sha, lo tsudeng le asithen hunyon. Tson-o
ale kethonthen kerhung khipe tsudeng tsu hunyon; lo tsudeng le thame ka-e
nkiela loho, lo temi nme-e aben nyu tsudeng se sengtinla loho. Tsudeng khipe
atsu kela Apvu tsule tha seni nyeki gon; lo temi nme-e Pvugu ben nyu tsudeng
se seng tin loho. A, lo Pvugu ayi le nme. Tsontsin Judanyu deng le tso pe
a-jon titse sola. Ai Jisu le tsudeng ka, Pvugu ka atho kegwa kechon thyu pe
hagun hi; thatho tsudeng digu genyu hagun le tso pe ajon titse bin nla?
Judanyu deng le Jisu ka zoni, Ntho kegwa genyu agun e tso p e njon mvu, ai
Sunggigu kenkhin jo kezo genyu; lo nle temi nme, ai nle n npvu nle Sunggigu
letse kehu genyu; Jisu le anyugun ka, Hagun jvu nyu "Hagun le Teronyu tse
Sunggigu le zo," tsonkethyu thu nju mvu ole?  Lo ketsinlesu jo tsule thukela
keloi ndi, a-le Sunggigu jo le aka gunkeryu nyu pe teronyu tselo. "Ale
Sunggigu Nyu," tsonkeshu genyu, hagun we tsule Sunggigu le A-npvu a-le nshun
letse-o nipe kazu nyu keshugu k a , "Nle Sunggigu nkhin hunyon," tso nti la?
Ale Apvu tho thyu hu mvu tselo hagun atenyeh nya.  Ai ale tsu thyu hu tselo,
hagun le atenyen mvu-e athogu we tenyenlo ta. Tsonlo yatselo hagun le Pvugu le
anyunki bin kethyu lo ale Pvugu nyun ka bin tsekethyu sha lo ruchunlo ti.
Tsuselo anyugun le Jisu tenlo titse niso, ai a-le anyugun ben nyu tinla.
Tson-o a-le Jordan ri nkie chwi-o Johan le me Baptaiz thyu kehu bin ki gungu
bin tinla. Lo temi kechon le a-ki gunryulo; tson-o anyugun le, Johan we
nduntho nme-e thyushu mvu; ai Johan le temi higu rula zokeshu le aketsin nti.
Tson-o tsukatsu temi kechon ki-e a-tenyenlo.

Lazar Kesi Rula

/11 Lo Maria lo a-tsagi Martha au runyi Bethani nyu Lazar tsekethyu temi nme
le ho bin. Lo Maria tsule nduka teruzu pe Npugu gen shu-o a-shun pe Npugu pha
shon kethyu gi tsu; lo ho kebingu Lazar tsule a-tsugu.  Tsugenyu silugi tsuhvu
le me nipe Jisu ki shu-o, Hire, Npugu, Nle so kehugu tsule ho bin nyon. Ai
Jisu le jo tsu shalo ntsin, keho hile kesi keho kemvu le, ai Sunggigu Nyugu no
zangkechwi thyulo nrun lo Sunggigu zang no chwilo nrun genyu. Lo Jisu le
Martha lo a-sikezenggi lo Lazar ko tse so gunryu. Jisu le temi tsugu le ho
kebin sha kelo siki a-le dzonhvu a-kebin bin nyu bin sinlo. Tson-o tsusi nyu
a-le senthyukelonyu deng ka, n-gun rani seng-o Judia nyu gunti leje! Lo
senthyukelonyu deng le Jisu ka, Rabi, Judanyu deng le nje ntsenyu-e tso pe
njon niti tse bin-e nle tsuki nigun ti ole? Jisu le zoni, khenyume tegi kevu
dzo tseryu kenyhunchye mvu ole? liguhigu-e n-henyu tsonchu hu yatselo a-le
kazu keben hyu kebin genyu apha nsu hu mvu. Ai liguhigu-e khejeki nda hu
yatselo, keben gu kendi genyu a-pha nsu hunyon. A-le jo hi zoshu-o tsusiki
anyugun ka, Ngun pvugu Lazar tsule zhu tinla so: ai ale a-kezhu kesunlo nrun
genyu gunti. Tsugenyu senthyukelonyu deng le Jisu ka, Npugu, a-le zhu tinlalo
a-le nisolo ti. Jisu le a-kesi rula zoshu: ai anyugun le tsule Jisu le ligu le
zhu tinkela rula zoshu ado tse ruchunla. Tsugenyu Jisu le anyugun ka zoketsen
ni-o Lazar tsule sila so. Lo ale tsunyu bin mvu kethyu hagun genyu akenyu;
kechagenyumvule hagun le tenyenlo nrun genyu; tson-e n-gun a-ki gunti je.
Tsugenyu Thoma, mele a-zamg lope Diduma tse kehugu le, senthyukelonyu apvunyu
deng ka, n-gun ko a-

zeng-o sila nrun genyu gunti je.

Jisu le Rhungnikeso Gu, Lo Kerhungronzin Gu

Tson-o Jisu le Bethani nyu gunryulo ntsin mele Lazar lope sika nyu sunkela
dzonzi thyu kela shalo. Lo Bethani tsule Jirusalem zeng-o Mail dzo kenyhun
nithen. Tson-o Judanyu kechon le Martha lo Maria au tsugu genyu au nyun
gwenbwen shuti tse-o gungu au zeng bin. Lo Martha le Jisu le gunryu zhu
tsekethyu shashu ntsin gungu a-zeng keteno! ai Maria we kanyu bin. Tson-o
Martha le Jisu ka, Npugu, nle hinyu binlo, atsugu le sila loho nrun. Ai
ntsoka-e nle Sunggigu ka tha lihi-e hishulo Sunggigu le khipe ntsushu ti
tsekethyu ale sha bin nyon. Jisu le a-ka, ntsugu le nisoryulo ti.  Martha le
Jisu ka, A-le dzon kenkhin ketsin nyu mele rhungni soryu nrun ka a-le
rhungniso loti tsekethyu sha bin nyon. Jisu le a-ka, Ale rhungni keso gu, lo
kerhung rozin gu; temi liguhigu-e atenyen kehugu le sila-e rhungnilo ti. Lo
temi liguhigu-e rhung kehu ka atenyen kelonyu le thame ka-e si loho. Nle jo
higu tenyenlo se mon? Tenu tsugi le a-ka, Npugu, Nle kazu nyu tsuryu titse
kehugu Khrista gu tsekethyu ale tenyen bin nyon.

Jisu Le Chukethyu

Lo Martha le jo tsu shalo ntsin a-le gungu a-sikezenggi Maria kolo nju-o,
Senkethyugu le hika gunryu-o nko hunyon!  tsonshu. Lo Maria le jo hi shashu
ntsin whetse Jisu ki gunla. Lo tsule Jisu le runyi nyu chwiryu mvu zun-o
Martha au keteno kethyu bin ki huzun. Judanyu deng gungu anyugun ka nyu au
zeng bin-o au nyun thyu nbwen kebinnyu deng le Maria le chwikela hyushu ntsin,
a-le sika ki gu chuti ado tsekethyu ruchun-o a-sithen gu. Tsugenyu Maria le
gungu Jisu kebin bin tilo ntsin Jisu hyulo-o a-le khosen tsugu Jisu pha ka
zhulo nju-o a-ka, Npugu nle hinyu binlo atsugu tsule sila loho ata le.
Tsugenyu Jisu le a-kechu lo a-zeng gunkeryunyu kechu hyushu-o a-nyun gwamvu lo
a-nyun kenzunthyu-o zo, Hagun le akhipe dikipon shula la? anyugun le a-ka,
hire, Npugu, shwishu ta! tson. Jisu le chu tinla. Tsugenyu Judanyu deng le,
Likili, a-le ditsulaki thyu a-so gunryu yo. Ai anyugun peha le, nduka ayhutyu
keponyu yhutyu thyu ngwa kelogu a-le timi higuhi-e no simvu kelo thyu loho
ole?

Lazar Thyu Nrhung Keshu

Tsugenyu Jisu le a-nyun gwamvu-o sika ki gunryu. Lo tsule tso kepeku nme, lo
tso nme pe a-mun ka nkie nju.  Tson-o Jisu le anyugun ka, Hagun tso tsu khila
chi. Kesigu lugi Martha le Jisu ka, Npugu ntsoka we a-min le tenla so; a-le
sikela le dzon zi thyu kelasi genyu. Jisu le Martha ka, Ale nguka nka, Nle
tenyenlo yatselo, nle Sunggigu kekvu hyulo ti, tse nka zoshu mvu ole?
Tsontsin anyugun le tsogu tsu khila. Tsukatsu Jisu le nyisogu, Apvu, Nle akehi
nyushu kehu genyu ale Nshwen hunyon. Tsuntimvule Nle akehi nyu zin hunyon
tsekethyu ale sha bin nyon: ai temi ahunp v u kebin deng no Nle anishu
tsekethyu anyugun no tenyenlo nrun genyu ale jo tsu zoshu hunyon. Lo Jisu le
jotsu zoshu nju-o nra sen-o, "Lazar, chwiryulo!" tsonshu.  Tsonshu ntsin
kesigu tsule phi lope a-pha a-ben jyepvu, lo phi nme pe a-mhu Jyepvu tse
chwiryula. Lo Jisu le anyugun ka, shwela nju-o a-no tsonchu gunla chi!
tsonshu.

Jisu Dushvukela Rhisola

 Tsugenyu Judanyu deng le Maria ki gunryu-o, a-tho kehyu deng temi kechon le
tenyenlo. Ai anyugun peha le Farisinyu ki gungu Jisu le thatho thyukeshu pe
tsudeng ka zoshu. Tsugenyu peshunyu deng lo Farisinyu deng le gungu kenthon,
N-gun nyutsethyulo gwati la? Temi higuhi le tha ndunkethyu tho kechon thyu
tinla so. N-gun le a-no hihontse binlo, temi aphu a-tenyen tinla tiso; lo
Romnyu le gunryu-o n-gun kershvu ka lo ngun temi-e lo lad so. Ai anyugun deng
nyu Kaifa tsekethyu temi nme le tsuchen peshu keda thyukelo gu tsule anyugun
ka hihontse zo so. Hagun le thame ruchunshu hu mvu, lo n-gun temi aphu no nkie
la mvu nrun genyu temi nme no si kela we njun gwakvu titse kethyu hagun we
tsu-e ruchun hu mvu: A-le a-npvu a-mun ka jo hi zochwiryu mvu: ai a-le
tsuchentsu peshukeda thyu-o, Jisu le ntemi genyu sishu mvuloshvu tse sidyujo
pe zoshu. Lo temi tsudeng ntimvule A-le Sunggigu nyenyu nren nru tinkela
deng-e fu kequenni zeng gunryu-o kengu-o nme thyulo nrun genyu.  Tsuselo
anyugun le tsusiki we Jisu dukeshvu nti rhi tinla.

Tsugenyu Jisu le Judanyu deng mhudyu ka ndo-o hu nyu mvula, ai tehen kho kenni
Efraim tsekethyu runyi nme nyu gun-o a-le senthyukelonyu deng zeng-o tsunyu
bin tinla.  Lo Judanyu le nkienkechwi nga dzon tsu tilo; lo tsukatsu runyi
aphu nyu temi kechon le a-npvu a-thyu nshunlo titse-o nkienkechwi nga mhudyu
Jirusalem nyu gunla. Tson-o anyugun le gungu kershvu ka nyu kebin ka Jisu
fu-o, hagun keruchun we a-le nga hinyu gunryu loho letse bin le nyuthyu la?
Lo peshukeda deng lo Farisinyu deng le atenlo kenyu genyu temi liguhigu-e
a-kebin bin shalo tsinshu mvuloshvu, tse hukum shula.

Bethani Nyu Teruzu pe Jisu Nyenkethyu

/12 Lo Jisu le nkiekechwi nga dzon tsero le binzun kethyu ka a-le kerika
kesinyu dengnyu thyu nrhung keshu Lazar le kebin runyi Bethani nyu gunryulo.
Lo anyugun le tsuje a-genyu me zeng-o ho; tson-o Martha le tha pe mezhun; ai
Lazar we me zeng-o bin-o ho kethyunyu thyu. Tsukatsu Maria le Nard pe kethyu
teruzu a-min ketsen sher peha pengunryu-o pe Jisu pha nyenshu nju-o anpvu
a-shun pe Jisu pha shon: tsontsin ka tsunyu teruzu run tsule sula. Ai Iskariot
Judas tsekethyu senthyukelonyu deng nyu nme hisiki Jisu tenshu nrun gu le
zoshu. Nyuthyu-o hilope deneri tsishan heilo nju-o pe rhokedyunyu tsushu
mvula?  Ai a-le tha kendinyu phing keruchun genyu jo hi zomvule, a-le
keruhunyu lo a-ben ka raka khin le bin-o tha pe tsu nyu keshu khilo lotse kehu
genyu. Tsuselo Jisu le, a-no a-keshathyulo, a-le akesun nyu genyu
ketsenshulaso. Kechagenyumvule kendinyu le hagun zeng zin bin hunyon; ai awe
hagun zeng zin binlo keho genyu.

Lazar Dushvukela Rhiso kela

Tson-o Judanyu temi dengda deng le Jisu le tsunyu bin tsekethyu shalo nju-o
Jisu nri titse kethyu ntimvule a-le kesinyu deng nyu thyu nrhungni kelo
Lazar-e nrishu titse-o tsunyu gunryu. Ai peshunyu deng le Lazar ko dushvu kela
ndo sola. Lo tsule a-genyu Judanyu kechon le Jisu tenyenlo kela genyu.

Jisu le Zangkechwi Thyu-o Jirusalem Nyn Keyu

Tsusinyu nga nyu gunryu kebin temi kechon le Jisu le Jirusalem nyu gunryu
kezhu shalo. Lo anyugun le kvunyu seng-o Jisu teno titse-o chwigu nra sen-o,
Hosana, Npugu zang seng-o gunryu kezhugu Israelnyu Rajagu no kvukelogu
thyulolo! tsonshu.  Lo tsukitsu Jisu le Gada nme hyulo nju-o a-gen binlo; tsu
rula nduka, Slon Nyugi, Nle nshvu nya chi. Hire, n Rajagu le gada nme gen
bin-o gunryu zhu tsekethyu thu nju nyon. Jisu le senthyukelonyu deng tsule
nyeka we tsu ruchunlo mvu: ai Jisu le zangkechwi thyukelo siki a-rula jo tsu
thu kenju lo mele a-gen tha thyukeshu tsu ruchunlo.  Tson-o a-le sika nyu
Lazar kolo nju-o kesinyu deng nyu thyu nrhungni kelo keshanyu temi deng le
Jisu no zangkechwi thyukelo higu thyushu.  Tsugenyu temi deng le a-zeng
keteno; kechagenyumvule a-le tha zangsu hi thyukeshu shakelo genyu. Farisinyu
le anyugun npvu kenthon-o. Hire, ngun le thame thyulo nrun ndi sele; kazugu le
a-sithen tin laso. tson sola.

Griknyu Dengme le Jisu Fu Gunkeryu

Tson-o rushvu titse-o nga nyu gunkeryunyu deng nyu Griknyu ko peha le hu. Lo
temi tsudeng le tsonchu seng-o Galil lojvu Betsaida runyi nyu bin kehu Filip
ki gunryu-o aka, Kedagu, agun le Jisu shwishu nyu hu nle. Lo Filip le gunryu-o
Andria ka zoshu: Andria lo Filip au le gungu Jisu ka zoshu. Lo Jisu le au ka,
Teminyugu le zangkechwi thyulo nrun tegi kevudzo gule gunryu bin laso. Ale
hagun ka zotsentsushu ti, Shye penme le kazu nyu chyetsu-o sishu mvu yatselo
a-npvu bin kehu gwenzin, ai sishulo a-sha nsha salo hunyon. Temi liguhigu-e
a-keyhun so pe a-hon thyulo titse kehunyu le nkie lati; ai temi liguhigu-e
kazu hinyu akeyhun so hu kemvunyu le pe kethonthen kerhung nyu shulo ti. Temi
liguhigu-e alothyu kenyunyu no asithenlo chi; tsonlo yatselo alokethyunyu-e no
abin ka binlo ti. Temi liguhigu-e alothyu kehunyu Pvugu-e tsunyu soti.

Tenunyngu Penso Mvulokeshvn

Ntsoka we anyun keyhunkerunlo laso; tsugenyu ale nyu zo semon? Apvu,
tegikevudzo hinyu akenilo lo. Ai tegikevu dzo higenyu ale hinyu gunryu. Apvu,
Nzang no zangkechwigu thyulo. Tsontsin tsangge thakhwen nme le, Ale kerika-e
azang no chwishu, lo chwini shuti; tson gunryu.  Tsugenyu tsuka kebin temi
deng le jo tsu shashu-o, tsang le senshu sele: kechanyu nme le zo, tsangge
lokethyunyu nme le anthonshu kethyu le, tsonso.  Lo Jisu le zonishu, jo higuhi
le agenyu gunrvu mvule hagun genyu gunryu le.  Ntsoka kazu hi ketso bin laso:
lo ntsoka kazu nyu kedagu hula ti. Lo awe kazu hinyu apensolo yatselo, anpvu
temi aphu ten seng-o aki; gunryulo ti. A-le nyu si thyu-o si tiyo tsekethyu
tsinshu nrun genyu a-le jo hi zoshu.  Tsontsin temi deng le a-ka, Agun le
tejvu nyu sha kelo le Khrista we kethonthen bin hu tse shalo, lo nle nyu
thyu-o, Teminyu gu penso mvuloshvu, tse hu nla? Teminyu gu hile segu la?
Tsugenyu Jisu le anyugun ka, Keben gu le gwengwa nyesin hagun zeng bin loho
so. Kezung no hagun gen ryu mvulo titse kethyu genyu keben gule kebin ka
tinchwilo, kechagenyumvule kezung nyu tsonchu kehunyu le a-le dikipon guzhu yo
sha humvu. Keben gu nyenyu thyulo nrun genvu keben gu le bin ketse ka keben gu
tenyenlo .Jisu le lo hi zoshuo anyugun kebu tinla.

Judanyu le Jisu Tenyenmvu Kela

A-le himhudyu ki anyugun mhudyu nyu tha ndunkethyu kechon thyushu-e anyugun le
a-tenyenlo mvula. Tson-o Isaya sidyukeshagu le nduka,

Npugu, segu le ajo tenyenlo la?  Lo Npugu kekvu pe senyu mhudyu ka hishu la?
tson zokeshu jo tsu penlo so.

Tsugenyu anyugun le tenyenlo nrun ndila; lo Isaya le nduka kezo le:

Anyugun no anyugun yhutyu pe tha hyulo, Lo anyugun nyun pe tha ruchunlo,
Tson-o raniryu-o ano anyugun thyu ngwashu nrun kenshvu genyu, A-le anyugun
yhutyu thyupe no pola, Lo anyugun nyun-e thyu pe no ru laso, tson-e sin nju
nyon.

Isaya le Jisu zangkechwi kehyu genyu a-rula zo-o johi zokeshu.  Ai kechanyu
deng nyu-e kechon le a-tenyenlo; ai Farisinyu genyu kehun ka nyu anyugun zang
nkie kela kenshvu genyu anyugun le zomvu la.  Kechagenyumvule anyugun le
Sunggigu no anyugun keshwe nyeki temi no anyugun keshwe we anyugun kenyu kvu
kela genyu.

Jisu Jo le Me Nmu Nrun

Lo Jisu le nra sen-o, temi liguhigu-e atenyen kehunyu le antimvu le anikeshu
gu tenyen hunyon. Lo temi lighigu-e ahyu kehunyu le anikeshu gu hyu hunyon.
Temi liguhigue atenyen kehunyu, tsunyu no kezung nyu bin mvulo nrun genyu ale
keben thyu-o kazu hinyu gunryu. Lo temi liguhigu-e ajo shalo nju-o zenglo
humvu yatselo, ale a-nkhinla humvu: ale kazu hi nkhinla titse gunryu mvule,
kazu gu kenilo titse gunryu kethyu genyu. Temi liguhigu-e akenila lo ajo
zenglo hu kemvunyu le tsunyu kenkhin nme le bin nyon: ale zokeshu tsule dzon
kenkhin nyu tsunyu nmu ti. Kechagenyumvule ale anpvu zo tsuryu mvu; ai
anikeshu Pvugu le ano nyu zoshu mvuloshvu yo lo nyutse kethyu pe zoshu tiyo pe
aka zoshu laso.  Lo a-jo hokeshu hile kethonthen kerhung jo tsekethyu ale sha
bin nyon. Lo ale jozo kehu hile Pvugule pe zokeshu hontse ale zo hunyon.

Jisu le Senthyukelonyu Deng Phasu Kethyu

/13 Lo nkiekchwi nga mhudyu Jisu le kazu hinyu a-le A-pvu ki gunla titse
kethyu gwenkho le ryu laso; tsekethyu shalo; lo kazu hinyu kebin a-terni deng
sogwa gunryu; lo kethonthen tsudeng sogwa hu ti. Lo kheje ki chvutyu kebin ka
Satan le Jisu tenpe me ben nyu shulalo tsekethyu tedo pe Simon nyugu Iskariot
Judas nyun nyu shula.  Lo Jisu le A-pvu le tha aphu hoshu pe a-ben ka shukela,
tson-o a-le Sunggigu ka nyu gunryu lo Sunggigu ki nigun nrun shalo.  Tsugenyu
chvutyu kebin ka sogu a-phi yhenla njuo phiren nme khipe a-senphinlo. Tson-o
a-le zu jape zukelu khun nyu shulo nju-o senthyukelonyu deng pha sulao phiren
pe a-senphin pvu kehu tsu pe shonla latse gun. Lo a-le tson sentse Simon Pitor
ka gunryu. Tsuselo Pitor le a-ka, Npugu, Nle apha suti ole?  Jisu le a-ka, Ale
thyu kebin hile nle ntsoka shamvu; ai nle hisiki shalo ti.  Pitor le a-ka, nno
thame ka-e apha sulo ho.  Jisu le a-ka, ano npha sumvulo nle akipon njun ndi.
Simon Pitor le a-ka, Npugu, apha hvu ntimvule aben hvu lo ape-e sinta. Jisu le
a-ka, zulu kelanyu le a-pha hvu nyeki kechaki su mvu-e gwa, a-le nshun ku
kebin genyu: lo hagun le nshun bin, ai aphu le mvu.  Kechagenyumvule segu le
atenpe me ben nyu shuti yo tsekethyu shakebin genyu a-le tson zoshu; tsugenyu
a-le "hagun aphu nshun ku mvu," tsonshu.

A-le tson-o anyugun pha sula ntsin a-le a-phi khibenlo nju-o dun tinla, tson-o
anyugun ka, Hagun ale hagun gen thyukeshu hi shalo se mon?  Hagun le Alope
Senkethyugu, tse lo Alope Npugu, tse hu: lo hagun le tson kehu tsule a-ketsin;
ale tsugu genyu. Lo Ale Npugu lo Senkethyugu thyu-o hagun pha sula hulo hagun
ko khinyukhinyu pha sulo zu. Kechagenyumvule ale hagun gen thyukeshu hontse
hagun ko no tsuhontse thyulo titse kethyu genyu. Ale hagun ka zotsentsushu
tile, gonyu le a-npunyu nyeki gon mvu: nmvu-e me le nikeshugu tsule a-nikeshu
gu nye gon mvu.  Hagun le tsuthotsu sha-o zenglo hu yatselo, hagun yhenkegwa
ketsin. Lo ale hagun aphu rula zo mvu: ale senyu kejulo yo, ale tsudeng sha
bin: ai ketsinlesu no penlo nrun genyu, "A tensu ketyugu le sepe pe atsu." Tha
tsu kethyu mhudyu nthu gerho ale nchwenyu hagun ka zoshu tile, kechagenyumvule
tsu thyukeshu ka ale tsugu tsekethyu hagun no tenyenlo titse kethyu genyu.
Ale hagun ka zotsentsushu tile, temi liguhigu-e ale a-nikeshugu zengkelonyu le
azenglo hunyon; lo temi liguhigu-e azeng kelonyu le anikeshu gu-e zenglo
hunyon.

A-ten pe Me Ben Nyu Shu Nrun Jisu le Nchweki zokeshu

Jisu le tsonzo keshu siki a-nyun keyhunkerun-o, Ale nagun ka zotsentsushu
tile, "hagun nme le aten pe me ben nyu shuti. Lo a-le segu rula zo yo sha
ntseng mvu-o senthyukelonyu deng le khinyukhinyu kenri so. Lo Jisu le so
gunkeryu senthyukelonyu nme le mizuka Jisu nyun ntsen nyu bin. Tsugenyu Simon
Pitor le a-ben lope ndo pe ahi-o a-ka, a-le segu rula zo bin yo? tse ketsoshu.
A-le Jisu nyun ntsen nyu bin-o ranigu Jisu ka, Npugu, tsule segu la?  Jisu le
a-ka, ale tensu hilope honpen nyu ntsen pe a-tsu keshugu tsule. Tson-o a-le
tensu lope ntsenlo nju-o pe Simon nyugu Iskariot Judas tsushu. Tson-o a-le
tensu tsugu khikelo siki Satan le anyun nyu yula, lo Jisu le a-ka, Nle thyu
titse kebin gu thyu kemhelo nye. Ai a-le nyu genyu jo tsupe zoshu yo tsekethyu
dunkebinnyu deng le temi nme-e shalo mvu la. Ai peha le Judas le raka khin
seng kehu genyu Jisu le a-ka, anyugun nga ka seng mvulokeshvu heilo nye,
tsonshu letse, nmvu-e a-no tha pe kendinyu tsushulo tse hu ado; tse ruchun la.
Lo a-le tensu tsugu khipe tyu kelo siki kam ki whetse chwila, lo tsule tsang-e
zung laso.

Hukum Keshun Gu

Lo Judas le kam ki chwila ntsin, Jisu le, Ntsoka Temi Nyugu le a-zang kechwi
thyu titse binla so, lo Sunggigu le A-npvu agen zangkechwi thyushu titse bin
laso. Lo Sunggigu le a-genyu zangkechwi thyulo yatselo Sunggigu le a-ko no
zangkechwi thyulo ti.  Hire, ntsenyu deng, Ale gwengwa nye sin hagun zeng bin
loho so: hagun le afu ti; ai ale himhudyu Judanyu ka, "Hagun le akegun bin ka
gunryu loho," tsonkeshu hontse; ale hagun ka zoshu guzhu nyon. Hagun no keso
hulo tsekethyu ale jo keshun nme khipe hagun ka shuti tse bin nyon; ale hagun
so gunkeryu hontse hagun ko kesolo nye.  Hagun le kesolo yatselo tsugenyu
hagun lope ale senthyukelonyu letse kethyu mele hagun shalo ti.

Pitor le Jisu Zang Zomvula nrun

Simon Pitor le a-ka, Npugu, Nle dikipon guti la?  Jisu le a-ka, ntsoka ale
kegu bin ki nle asithen loho; ai hisiki asithen gunryulo ti.  Pitor le a-ka,
Npugu, ale ntsoka nyuthyu-o nsithenlo mvu ti la?  ale N-genyu-e sishuti! Jisu
le a-ka, nle a-genyu sishu ti la?  Ale nka zotsentsushu tile, Nle azang zomvu
gwenshan gen kemvuthen we tero le khun loho.

Jisu le Pvugu Ki Kegun Tson Gu

/14 Hagun nyun kenjunthyu nya: hagun Sunggigu tenyen binlo, ako atenyen binlo.
Apvu kaki temi bin le kechonki bin nyon; tsonkemvu we ale hagun ka zoshula ti
ata le; kechagenyumvule ale gungu hagun bin ndo titse kethyu genyu. Lo ale
gungu hagun bin ndolo yatselo ale rani gunryuro hagun zeng-o aki gunlo ti;
tson-o hagun ko no akebin binka binlo ti. Lo hagun le ale gun nrun tson gu sha
bin nyon. Thoma le a-ka, Npugu, Nle dikipon guti yo agun le sha mvu; agun le
nyutsethyu-o tson tsugu shalo mon? Jisu le a-ka, Ale tson gu, lo Ketsin gu, lo
kerhungronzin gu: Agen kemvu we temi nme-e Pvugu ki gunlo humvu. Hagun le
ashalo hagun le Apvu-e shati, ntsoka gerhonyu hagun le a-sha bin, lo a-hyu-e
laso. Filip le a-ka, Npugu, Pvugu pe agun hishu ta, tson yatselo agun
shyerhung tilo ti. Jisu le a-ka, Ale dzon hithenlaki hagun zeng hu-e, Filip,
nle asha mvu ole? Temi liguhigu-e akehyu gu le Pvugu ko hyu laso; tsonlo nle
nyuthyu-o, "Pvugu pe ahishulo," tson hu nla? Ale Pvugu nyu bin, lo Pvugu le
agen bin tsekethyu, Nle tsu tenyen hu mvu le? Ale hagun ka jozo kehu hue anpvu
aka nyu zochwiryu mvule Pvugu le agen bino ale A-tho thyu hunyon.  Ale Pvugu
gen bin nyon, lo Pvugu le agen bin tsekethyu hagun tenyenlo nye: nmvu-e thatho
ka gwenzin-e hagun tenyenlo nye. Ale hagun ka zotsentsushu ti, temi liguhigu-e
atenyen kehunyu ale thyulo kehu tsu thyulo ti, lo tsunye kegon-e thyulo ti;
Ale Pvugu ki gunzhu kelasi genyu. Lo hagun le azang ka tha lihi-e hilo, Pvugu
no Nyugu zangkechwi thyushu nrun genyu ale tsu thyushu ti. Hagun azang nyu tha
lihi-e hilo, ale tsu khipe tsuti.

Kenshun Kapu Khishu ti Tse Zokeshu

Hagun le aso hulo hagun le ajo zeng hu ti. Lo ale a Pvu ka hiti, lo A-le
kethonthen hagun zeng hu nrun hagun nyun thyu keshyerhungshu nrun kecha nme
khipe hagun tsuti. Lo tsule Ketsin Kapugu, kazugu le a-zeng kengu loho kethyu
gu; kechagenyumvule a-le tsu hyu hu mvu; nmvu-e sha-e hu kemvu genyu. Hagun we
a-sha bin, kechagenyumvule a-le hagun zeng hu, lo hagun nyun nyu hu nrun
genyu. Ale hagun khe ketegola loho: lo ale hagun ki nigunryu ti. Dzon keshanyu
sika kazu hile ahyu mvu lati, ai hagun we ahyu ti; kechagenyumvule ale rhung
bin lo hagun ko rhung bin tsekethyu genyu. Tsunyu hagun le, Ale Apvu gen bin,
lo hagun le agen bin, lo ale hagun gen bin tsekethyu shalo ti. Temi liguhigu-e
ajo hokeshu shalo nju-o zeng kehunyu tsunyu le akesonyu: temi liguhigu-e aso
kehunyu le Apvu ka teshwen pvuti, lo ale arula pe tsunyu hishu ti. Juda
(Iskariot kemvugu) le a-ka, Npugu, Nle nrula pe kazugu hishu titse mvule agun
hishu titse kethyu hile nyu genyu la? Jisu le a-ka, temi liguhigu-e aso hu lo
a-le ajo zeng ti: lo Apvu le tsunyu soti; tson-o agun a-ki gu-o tsugu zeng bin
ti. Temi liguhigu-e aso hu kemvunyu le ajo zeng hu mvu: lo hagun le nyulo kehu
jo tsule ajo mvule anikeshugu Pvugu jo.

Ale hagun zeng bin ketseka jo hilope hagun ka zoshu laso. Ai Nyun thukeyhunshu
nrun gu le, Pvugu le a zane nyu nishu titse kebin kenshun Kapugu tsule, a-npvu
tha aphu zope hagun hishu ti, lo ale hagun ka tha zokeshu tsu aphu hagun no
ruchunlo ti. Ale nyunkebwen khipe hagun ki shuti: Ale anyun kebwen gu khipe
hagun tsushu ti: kazugu le khipe ine tsu kehu hontse ale khipe hagun tsu titse
bin mvu. Hagun nyun keyhunkerunla loshvu, lo nshvu-e nya nye. Hagun le, Ale
hagun ka, "Ale tinla ti seletse bin so," lo "ale hagun ki gunryuti," tsonkezo
tsu shalo laso. Hagun le aso hu lo, ale Pvugu ki gunzhu kela genyu hagun
kenyuti atale; kechagenyumvule Pvugu le anyeki gon kethyu genyu.  Lo tha tsu
thyu nrun ka hagun no tenyenlo titse kethyu genyu, tsu thyu nrun mhudyu ale
hagun ka zoshu laso.  Ale hagun zeng-o t h o n sari bin loho so; k e
chagenyumvule kazu kedagu le gunryuzhu laso; lo a-le akipon thame kekvu ndi.
kazu hino ale Pvugu so hunyon, lo Pvugu johokeshu deng thyu kehu gwenzin
tsekethyu shalo titse kethyu genyu, so-o n-gun hinyu tinla je.

Jisu Le Sentsunpekhusha Bin Gu

/15 Ale sentsunpekhusha bin ketsin gu, lo Apvu le lo ketsugu. Agen chwikeryu
a-ro liguhigu-e nshalo hu kemvu gu tsugu no nshalo mvu ketsin nila ti; lo a-ro
liguhigu-e nshalo kehunyu tsunyu no nsha kenyelo nrun genyu tsunyu thyu
kenshunshu hunyon. Ale pe hagun ka zokeshu jo genyu hagun le ntsoka we nshun
bin laso.  Hagun anyu binlo, lo ako hagun nyu binlo ti, a-ro le a-bin gen bin
kemvu we nshalo kemvu hontse hagun ko agen bin kemvu we nsha loho. Ale
sentsunpekhusha bin gu, hagun le a-ro deng: terni liguhigu-e agen bin lo Apvu
gen bin tse kehunyu, tsunyu le nshalo hunyon: kechagenyumvule asin mvutse
hagun le thame thyulo keho genyu. Temi liguhigu-e agen bin mvu yatselo, a-ro
hontse-o pe shwenla hunyon, lo mele tsu rhu kequen pe shwen pe ma nyu shula
hunyon, tson-o tsu role hunyon.  Hagun le a gen bin lo ajo le hagun nyunka bin
tselo, tha hagun kenyu hilo nye, lo tsU khipe hagun tsushu ti. Hagun sha nsha
chon kelo, tsugen tsu Apvu zang no chwilo ti; tson-o hagun le asikethenyu
ketsin thyulo ti. Pvugu le aso gunkeryu hontse ako hagun so gunryu; hagun ale
hagun keso nyu binlo. Lo hagun le ajo hokeshu zeng bin yatselo ale Apvu
johokeshu zeng bin-o ale akeso nyu bin gunkeryu hontse hagun le ale hagun keso
nyu binlo ti. A kekenyu no hagun gen binlo nrun, lo hagun kekenyu no tilo nrun
genyu ale j o hilope hagun ka zokeshu gwenzin. Ale hagun so gunkeryu hontse
hagun ko khinyukhinyu solo, lotse kethyu, ajo le hi.  Temi nme-e a-kesonyu
genyu a-phou hokeshu hinyeki keso keda ndi. Hagun ale hagun ka johokeshu zeng
hu yatselo hagun le apvunyu so.  Ale tsuselo hagun lope tegonyu letse loho so:
kechagenyumvule tegonyu le a-npunyu le tha kethyu sha hu kemvu genyu, ai ale
hagun lope apvunyu thyulo laso; kechagenyumvule ale Apvu kaki shakelo aphu pe
hagun hishu kethyu genyu Hagun le akejulo mvu, ai hagun no gungu hagun sha
nshalo, lo hagun sha no binlo titse kethyu genyu ale hagun kejulo, lo hagun no
alo kethyunyu thyu kelo gwenzin: hagun no azang nyu Pvugu ki tha lihihi-e a-no
tsu pe hagun tsushu titse kethyu genyu. Hagun no khinyukhinyu solo titse
kethyu genyu ale jo hilope hagun ki shu bin nyon.

Kazugu le Shwi Ntsu Kethyu

Kazugu hile hagun ntsue, hagun tsule hagun mhudyu a ntsula tsekethyu shalo
nye.  Hagun le kazu hinyu temi yatselo, kazu hile a-npvu a-temi solo ti: ai
hagun le kazu hinyu temi mvule, ale kazu hinyu hagun kejulo kela genyu kazu
hile hagun ntsu hunyon. Ale himhudyu hagun ka, "Tegonyu le a-npunyu nyeki gon
mvu," tsonkeshu jo tsu ruchunlo nye.  Anyugun le ankhin lo hagun-e nkhin ti;
anyugun le ajo zenglo anyugun le hagun jo-e zenglo ti. Ai anyugun le
anikeshugu tsu sha hu kemvu genyu azang genyu anyugun le hagun gen tha seni
thyu ti.  Ale gunryu-o anyugun ka zoshu kemvu we anyugun le mu sari loho
atale; ai anyugun le ntsoka we anyugun kemu zo kemi nikelo bin ndi so. Temi
liguhigu-e antsu kehunyu le Apvu ko ntsu la hunyon.  Ale anyugun deng nyu temi
nme nduka thyu kemvu tho thyushu mvu yatse kethyu we anyugun le mu sari loho
ata le: ai ntsoka we anyugun le ae lo Apvu-e hyukelo nti mvule ntsu-e sin
laso. Ai nduka anyugurf jvu nyu "Anyugun le a-kerun ka antsu las o,"
tsonkethyu thupe bin kenju thyu penlo titse kethyu genyu hihontse la. Ai Apvu
ki nipe hagun ki shu nrun Nyun Thukeyhunshu nrun gu, a-kon le Pvugu kanyu
chwikeryu, Ketsin Kapugu le gunkeryu ki a-npvu azhu zoshwishu ti. Lo hagun ko
a-kerikanyu azeng kehu genyu azang zo hunyon.

/16 Ale hagun no thyuzula nyu kemvu genyu jo hi pe hagun ka zoshu. Lo mele
Sinagog ka nyu hagun hushu ti; tson ketsin thyu ti, mele hagun dukeshvu
tsulope Sunggigu lothyu bin nle tse kethyu keruchun gwenkho le gunryu ju nyon.
Tsudeng le Pvugu lo ae sha kemvu genyu anyugun no tsu tho tsu thyu ti.  Ai
tsugwenkho le gunkeryu, ale tsu mhudyu hagun ka zokeshu tsu hagun no ruchunlo
nrun genyu hagun ka jo hi zoshu lenye. Lo ale hagun zeng bin kethyu genyu
sokerika jo hilope hagun ka zomvu.

Kenshun Kapugu Tho

Ai ntsoka we ale anikeshugu ki gunla ti seletse bin nyon; ai hagun tend nme-e
"Nle dikipon gula ti se la?" tse aketso bin mvu. Tson-e ale hagun ka jo hilope
zokeshu genyu hagun nyun kenjunthyu bin laso. Tson-e ale hagun ka joketsin
zoti: Ale tin kela we hagun genyu kegwa gwenzin; kechagenyumvule ale tinla mvu
yatselo, Nyun Thukeyhunshu nrun gu le hagun ka gunryu loho; ai ale tinla
yatselo ale a-nipe hagun ki shuti tse kebin genyu. Lo tsule gunryulo kemu
rula, lo ketsin rula, lo me kenkhin rula zope kazunyu hishu ti. Kemu rula
tsule anyugun le atenyen kemvu genyu.  Lo Ketsin rula tsule ale Pvugu ki gunla
nrun lo hagun no ahyu sin mvula nrun. Lo me nkhin nrun rula tsule, kazu hinyu
kedaeu nkhin laso tsekethyu. Ale hagun ka jo kechon zo nrun le bin zun, ai
hagun le ntsoka tsu ruchun bu loho. Ai Ketsin Kapu tsu le gunkeryu siki a-npvu
hagun tson tsinpe ketsin nyu shu kulo ti. Kechagenyumvule tsugu le a-npvu
a-kanyu zo mvule a-le tha lihi-e shakelo tsu a-le pe zoti; lo hisiki thathyu
nrun tsu zope hagun hishu titse kethyu genyu. A-le ano zang kechwi thyuti:
kechagenyumvule a-le a hondeng pe hagun tesha shu nrun genyu. Pvugu hon tsu
aphu ahon: tsugenyu "Pvugu le ahon khipe hagun hishu ti," tsekethyu ale zoshu.

Nyungwakemvu Kelupe Shyekerhung Thyukela

Kethonmvu tse hagun le ahyumvu lati so: lo kethonmvu tse hagun le ahyuni ti.
Tsontsin senthyukelonyu deng le kenthon-o a-le ngun ka, "Kethonmvu tse hagun
le ahyu mvula ti, lo kethonmvu tse hagun le ahyuni ti," lo "ale Pvugu ki gunla
titse kebin genyu," tson kehu jo tsule nyu zo hu nla? Tsugenyu anyugun le,
"Kethonmvu tse" tsonzo keshu jo tsule nyu jo la? Anyugun le a-le kezo kon
shalo mvu. Lo Jisu le anyugun le a-ka ketsonyu kebin shalo nju-o anyugun ka,
hagun npvu hagun deng nyu, "kethonmvu tse hagun le ahyumvu la tiso; lo
kethonmvu tse hagun le ahyuni ti," ale tson zokeshu jo tsu kera hu ole? Ale
hagun ka zotsentsushu tile, hagun le chu lo hagun nyungwamvu ti, ai kazugu
hile a-kenyu sa ti: hagun le hagun nyun kenjunthyu ti, ai hagun nyun kenjun
kethyu keluni pe hagun shyekerhung thyula ti. Tenunyu le nnyu guzhu-o a-gin
thyu kelo ka, a-gwenkho le ryuzhula kethyu genyu kenjunthyu salo la hunyon; ai
a-nyu nnyu kelo siki we temi nme nnyu pe kazu hinyu shulo kela keruchun genyu
a-kenjun kethyu tsu ruchun mvu nila hunyon.  Tsuhontse hagun ko ntsoka we
hagun nyun kenjunthyu bin nyon: ai ale hagun hyuni ti, lo tsukatsu hagun nyun
bwennilo ti, o temi nme-e hagun shyekerhung tsu se seng tin loho, Lo tsunyu we
hagun le aka tha nme-e ketso loho so.  Ale hagun ka zotsentsushu ti; hagun le
Pvugu ka tha lihi-e hilo, A-le azang nyu tsu khipe hagun tsushu ti.  Hagun le
gunryu-o ntsoka keti azang nyu thame hishwi mvu zun. Hagun kenyu no tilo nrun
genyu hilo nye, tsonlo hagun le hyulo ti.

Jisu le Kazugu Nyeki Kvulo Kela

Ajo hile hagun ka jo kentsun zoshu lenye, a-gwenkho nme le ryuzhu laso, lo
tsukatsu ale jo kentsung zomvu le hagun ka Pvugu rula zotsentsushu ti.  Tsunyu
hagun le azang nyu tha hiti, lo ale hagun sunka Pvugu ka tha hiti tsekethyu zo
bin mvu. Pvugu le a-npvu hagun so bin kehu genyu, kechagenyumvule hagun le aso
gunryu lo ale Pvugu kanyu gunryu tsekethyu ketenyen genyu. Ale Pvugu kanyu
chwiryu-o kazu hinyu gunryu: lo kazu hi khela nju-o Pvugu ki nigunla ti
seletse bin nyon. A-sikethennyu deng le zo. Hire, Nle ntsoka we jo kentsung
zomvu-o jozo tsentsushu binla so. Ntsoka we agun le Nle tha aphu sha tsekethyu
lo temi nme-e nki tha ketso mvu-e nle sha bin tsekethyu shalo binla so.
Tsugenyu agun le nle Sunggigu kanyu chwiryu tsekethyu tenyen bin nyon. Jisu le
anyugun ka, Hagun le ntsoka we tenyen bin sele? Hire, gwenkho nme le ryuzhu
so, E, ryula so; tsukatsu hagun le hagun kehubin ki tsenchvu tin bu la-o akhe
pe ano anpvu lati: ai Pvugu le azeng kehu genyu anpvula loho.  Hagun no agen
hagun nyun kebwen no binlo nrun genyu ale hagun ka zoshu bin nyon.  Hagun le
kazu hinyu kenjunthyu ti: ai hagun dyubenlo; ale kazuhigu nyeki kvulo laso.

Jisu le Sentbyukelonyu Deng Gen Kehi Kethyu

/17 Jisu le jo hi zoshu-o nyiso gu tsangge nri-o zokeshu le hihontse: Apvu
tegi kevudzo tsule gunryu zhu laso; Nyugu no Nzang kechwi thyulo nrun genyu
Nle Nyugu zangkechwi ko thyushu ta. Nle himhudyu ano kethonthen kerhung khipe
nle pe aben nyu shu kelanyu aphu tsu nrun genyu temi aphu so kekvu khipe atsu
keshu hontseshu nye. Lo temi no N nti le ketsin Sunggigu tsekethyu lo Nle
nikeshugu Jisu Khrista sha kelo hile kethonthen kerhung. Nle khipe ano thyu
lotse kethyu tho tsu thyu tila nju-o kazu hinyu Nzang kechwi thyushu laso. Lo
Apvu, kazu hi thyu kelo mhudyu ale nzengo zangkechwi thyu kehu gu pe ntsoka
azangkechwi thyushu ta.  Nle kazu hinyu temi khipe aben nyu shu kela deng ka
ale nzang pe tsudeng hi shu laso.  Anyugun le N-hon, lo Nle tsu khipe atsushu;
lo anyugun le Njo zeng hu. Lo Nle khipe atsu keshu aphu Nka nyu chwiryu
tsekethyu anyugun ko ntsoka we shalo laso. Lo Nle jo pe anpvu keshu tsu ale
khipe anyugun ben ka shu laso; lo anyugun le tsu shalo-o ale Nka nyu gunryu
ketsin tsekethyu shalo so, lo anyugun le Nle anishu tsekethyu tenyenlo so.  Lo
ale tsudeng genyu hi hu nyon: ale kazu higenyu mvule Nle khipe atsushu kelanyu
deng genyu hi hunyon, lo tsule n-hon genyu. Lo ahon le aphu N-hon, lo N-hon-e
ahon; lo ale tsudeng genyu zang-kechwi thyu hunyon. Ai ale kazu hinyu bin sin
loho so, lo hideng we kazu hinyu bin ti, lo awe Nki gunryu la ti. Kenshun
Pvugu, Nle khipe aketsu deng, tsudeng no Nnyi hontse nme thyulo titse kethyu
genyu Nle Nzang nyu tsudeng ntsen binlo ta. Ale anyugun zeng kehuthen ale
Nzang Nle khipe atsu keshu deng ale tsudeng zeng hu ti: lo ale anyugun khwen
gunryu tilo; lo ketsinlesu jo no penlo nrun genyu nkie kela nyugu a-me anyugun
temi nme-e nkiela mvu. Ai ale ntsoka we nki gunryula titse bin so; lo anyugun
no anyugun nyun nyu akekenyu no penlo nrun genyu ale kazu nyu kebin ka jo
tsupe zokeshu. Ale Njo hope anyugun ben nyu shu lo ale kazu hinyu chwiryu
kemvu hontse anyugun ko kazu hinyu temi kemvu genyu mele anyugun ntsu laso.
Ale nno kazu hinyu anyugun khilo lotse mvule Nno serikemvu gu benyu anyugun
ntsenlo lotse hi hu nyon. Ale kazu hinyu temi kemvu hontse anyugun-e kazu
hinyu temi kemvu. Nle ketsin nyu anyugun thyu kenshunlo: Njo tsule Ketsin.
Nle anipe kazu hinyu keshu hontse ako anyugun nipe kazu hinyu shula so. Lo
anyugun ko no ketsin nyu anyugun thyu nshunlo titse kethyu genyu ale anpvu
athyu kenshun seng hunyon. Ale hideng genyu nti hi mvule anyugun jo nyu
atenyen kelo deng aphu genyu nka hi hunyon. Kechagenyumvule anyugun aphu no
nme thyulo titse kethyu genyu.  Apvu, Nle anishu tsekethyu kazu hiko no
tenyenlo titse kethyu genyu, Nle agen bin lo ale n-gen bin tsekethyu hontse
anyugun ko no nnyi gen binlo ta. Lo Nnyi le nme thyu kehu hontse anyugun ko no
nme thyulo titse kethyu genyu ako nle khipe atsu keshu zangkechwi tsu khipe
anyugun tsushu laso. Tsule a-kon le anyugun no nme thyu tilo nrun: lo kazu
hino Nle anishutsekethyu lo n-le aso gunkeryu hontse anyugun-e so gunryu
tsekethyu shalo nrun genyu, ale anyugun gen bin, lo Nle agen binlo ta. Apvu,
Nle khipe atsu keshu deng no ale dika bin yo tsuka azeng kebin le akendo, Nle
kazu thyu kelo mhudyu akeso genyu khipe aketsu deng zangkechwi kethyugu tsu
anyugun no hyulo nrun genyu.  Hire, Ketsin Pvugu, kazugu le nsha mvu laso, ai
awe nsha bin; lo hidenghi we Nle anikeshu sha bin. Ale Nzang pe anyugun hishu
laso, lo tsuhontse pe hinishu ti, kechagenyumvule Nle pe aso gunryu kethyu
keso tsuno anyugun gen binlo, lo ano anyugun nyu binlo nrun genyu.

Jisu Tenkelo

/18 Jisu le jo tsu zokeshu sika a-le senthyukelonyu deng zeng-o Kidron zuri
nkie gun. Tsunyu chwi nme le bin, lo Jisu le senthyukelonyu deng zeng-o tsunyu
gunla. Lo atenpe me ben nyu keshugu Judas ko bin tsugu sha bin.
kechagenyumvule Jisu le senthyukelonyu deng zeng-o tsunyu keteno zing kehu
genyu.  Tson-o Judas le Peshukeda deng, lo Farisinyu deng ka shupahunyu lo
kershvu ka kekhwenyu deng me zeng-o ten kanyu lo makhin lo ma kenbenkhin seng
tse tsunyu gunryu.  Tsukatsu Jisu le a-gen tha thyu nrun tsu aphu sha-o chwigu
anyugun ka, "Hagun le segu fu hu nla? Anyugun le a-ka, Nazaret Jisu, Lo Jisu
le anyugun ka, Ale tsugu le, lo tsukatsu a-tenpe me ben »iyu keshu gu Judas ko
me zeng hu.  Lo Jisu le anyugun ka, Ale tsugutsu le, tsonkeshu ka anyugun le
tensenni-o kazu nyu chyetsu la. Tsontsin a-le anyugun ka, hagun le segu fu hu
nla? tson-o ketso. Lo anyugun le Nazaret Jisu. Jisu le, Ale nguka, "Ale
tsugutsu," tsonshu; tsonlo hagun le afu hu yatselo, hideng no tinla rilo.
Tsule kechagenyumvule a-le himhudyu, "Nle khipe atsu keshu deng tsu, ale nme-e
nmhela mvu," tson kethyu jo tsuno penlo nrun genyu. Lo Simon Pitor le Jenthon
nme seng huo, sutho pe peshukedagu gogu du-o a-nyetin njuzin dumhe la.  gonyu
tsugu zang le Melka.  Jisu le Pitor ka, jentho gu khipe a-khin ka shulola chi:
Pvugu le honpen khipe atsu keshu gu, ale tsugutsu tsulo zumvu ole?

Jisn Zeng-o Peshukeda tsin gu Ki Kegun

Tsusika tsu shupahunyu lo tsudeng so kegon gu lo Judanyu tsonlonyu deng le
Jisu tenpe phinlo. Tson-o a-zengo Ana ki gunryu; tsugu le tsuchen tsu
peshukeda thyu kebin Kaifa a-nywi gu genyu.  Lo Kaifa tsule himhudyu Judanyu
deng zeng-o tedo rhi-o temi aphu genyu mime no sikela we gwakvu letse
kezogutsu.

Pitor le Jisu Zang Zomvu Kela

Lo tsukatsu Simon Pitor le Jisu sitben hu; lo senthyukelo kechanyu nme ko hu,
lo senthyukelo tsugu le Peshu tsinggu zeng-o kemisha kethyu genyu Jisu
sithen-o peshugu kam tsen nyu yula. Lo Pitor le kam chonrha ki hu. Tsugenyu
peshu tsinggu zeng-o kesha kethyu senthyukelo kechagu le kam ki chwiryu-o
chonrha kekhwen tenugi ka zo-o Pitor ko zeng-o yula. Lo tsukatsu chonrha
kekhwen tenugi le Pitor ka, Nko temi higu senthyukelonyu nine ole? lo a-le zo,
Nmvu le. Lo tsukatsu me gonyu lo melo kethyunyu tse tsang le kunri kethyu
genyu magi lope mathyu shu-o maha bin; lo Pitor ko tsudeng zeng-o maha bin.

Peshukeda Tsinggu le Jisu Ketsokethyu

Tsukatsu peshukedagu le Jisu ka, a-le senthyukelonyu deng lo a-senkethyu jo
tse ketso. Ai Jisu le a-ka, Ale kazu hinyu zangkechwi thyushu laso; lo ale
Judanyu aphu gungu kehun kehu Sinagog kanyu lo kershvu kanyu-e me senthyu
gunryu; lo ale kebu-o thame zo gunryu mvu.  Nyuthyu-o aketso hu nla? ale meka
nyu zoshu yo ajo keshanyu deng ka ketsolo chi: tsudeng le ajo aphu sha bin
nyon.  Lo a-le jo tsu zoshu ntsin a-khoka kebin melo kethyuoyu nmele a-benjyu
pe Jisu juo, nle peshukeda tsinggu ka honzo tila? Jisu le a-ka, Ale jo
gwakemvu zoshulo jo gwakemvu zo hu nletse zoshu ta, ai ale jozo toshulo, nle
nyuthyu-o avu hu nla? Tsuselo Ana le Jisu ben phinpe Kaifa ki nishula.

Pitor le Jisu zang Zomvu ni Kela

Lo tsukatsu Simon Pitor le maha bin. Tsuselo anyugun le a-ka, Nko
a-sikethennyu nme amon? tsuselo Pitor le nmvu letse nila. Lo tsusika ko
Peshukedagu gonyu nme le, Pitor le a-nyetin duthu kela senyenyu nme le, Nle
chwi nyu a-zeng kehu ale n hyu mvu ole?  Ai Pitor le nmvu letse nila: tsontsin
tero khun chwiryula.

Pilat le Jisu Ketsokethyu

Tsuselo anyugun le Kaifa kanyu Jisu zeng-o Ahng kaki gunla: lo tsule lonyu
nshwen ka zun; ai anyugun le nkiekechwi nga chvu tyukenyu genyu anyugun
nrhukela nshvu-o anyugun we Ahng kanyu yu mVula. Tsugenyu Pilat le chwiryu-o
anyugun ka, hagun le temi higu gen nyu kera gunryu la? Anyugun le a-ka, temi
higuhi le temi gwakemvunyu kemvu we agun le a-ten seng-o nki gunryu loho.
Tsontsin Pilat le anyugun ka, Hagun a-zeng gungu hagun npvu hagun jvu nyu
a-ketsolo, Judanyu deng le a-ka, agun le temi nme-e boshvu kethyu agun jvu
mvu. (Jisu le nyusi thyusi mvuloshvu yo tsekethyu no penlo nrun genyu hihontse
kela gwenzin.)

Lo Pilat le a-raja bin nyu yulo-o Jisu ko-o a-ka, "Nle Judanyu rajagu ole?
Jisu le, Nle n npvu johi zo kehu gwenzin le me kechanyu le arula hilope nka
zoshu la?  Pilat le a-ka, Ale Judanyu nme ole? N npvu ntemi peshunyu deng le
nten pe aben nyu keshu gwenzin. Nle nyuthyula se ola? Jisu le a-ka, A raja we
kazu hinyu raja kemvu: A raja le kazu hinyu raja yatselo, meno aten pe Judanyu
ki shu mvulo nrun genyu ago deng no me zeng kenrenlo ti: ai a raja le hinyu
raja kemvu. Tsugenyu Pilat la a-ka, tselo nle Rajanyu nme ole? Jisu le, Ele,
ale rajanyu le, a nnyukelo lo ale kazu hinyu yhun gunkeryu, kechagenyumvule
ketsinggu zhunzoshu nrun genyu. Lo ketsinggu kipon kehunyu aphu akhwen nyu
hunyon. Pilat le Ketsinggu tsule nyu la?

Jisu Hulalo Tse Ahza Hoshu

 Lo a-le Jozo keshu siki a-le Judanyu deng ki nichwigu anyugun ka, awe a-gen
kemu nme-e hyulo mvu. Ai nkienkechwi nga ka ano tend nme khipe hagun ketsu
hagun jvu nyu bin nyon; tsugenyu hagun ano Judanyu rajagu khipe hagun ketsu
hagun kendo le mvu la? Anyugun le nra sen-o, temi higu mvu le Baraba gu ti!
Baraba tsule mehon seketyunyu nme.

/19 Tsuselo Pilat le Jisu zeng gungu vu. Lo shupahunyu deng le tsehu pe raja
peren thyulo-o pe a-pe renshu, lo phi n-honshweshwe tsekethyu-e a-no benlo.
Tsuselo anyugun le a-ki gunryu-o, Judanyu rajagu, me kvukelogu thyulo chi!
tson-o anyugun benjyu pe a-vu. Tsuselo Pilat le nichwigu anyugun ka. Hire, awe
a-gen kemu nme-e hyulo mvu kethyu genyu hagun no shalo titse-o a-zeng-o hagun
ki Jisu le tsehu peren pvu, lo phi chwiryu titse bin nyon. Lo n-hon nshwen
kethyu ben tse-o chwiryu.: tson-o Pilat le anyugun ka, temi gu tsu le hi mare.
Tsuselo Peshunyu deng lo tsonlokethyunyu deng le Jisu hyushu ntsin, nra sen-o,
pe krus gen hulalo, hulalo. Lo Pilat le anyugun ka, hagun npvu a-zeng gungu
krus gen hula ta, awe a-gen kemu nme-e hyulo mvu: Judanyu deng le a-ka, Agun
jvu nme le bin, lo a-le tejvu tsugu nyu sila zu; kechagenyumvule a-le a-npvu
a-lope Sunggigu Nyugu letse kehu genyu.  Tsugenyu Pilat le jo tsu shalo ntsin
nshvu kvu nila.  Tson-o e-le suda bin nyu niyu gu Jisu ka, Nle dikipon gun-;
ryu la? tsonni. Ai Jisu le a-ka thame zoni mvu la. Tsugei nyu Pilat le a-ka,
Nle aka tha zomvu ti ole? Ale n-hoshula nrun lo nno krus gen hulai nrun kekvu
le bin kethyu nle sha mvu ole? Jisu a-ka, Teso ki khipe ntsushu kemvu; we nle
agen kekvu nme-e binlo ho: tsugenyu aten pe nben nyu keshugu kemu le rukvu
laso.  Tsuselo Pilat le a-hoshu la nrun tson fu so: ai Judanyu deng le nra
sen-o, Nle temi higuhi hoshu kela we, Nle Kaisar kesonyu kemvu: temi
liguhigu-e le a-npvu a-le rajanyu tsekethyu jo tsule Kaisar shwikeruchun jo
nme so. Tsugenyu Pilat le jo tsu shalo nju-o Jisu zeng chwigu bin nme le
a-zang le Ibrinyu khwen ki Gabatha, tsekethyu jokera kehu keda bin nyu binlo.
Tsule nkiekechwi nga ndonron kethyu gwenkho ti bin laso: n-henyu khoka.
Tsugenyu anyugun le nra sen-o A-no bin nyalo! pe krus gen hulalo! Lo Pilat le
anyugun ka, Ano hagun raja gu lope krus gen hula lotse la?  lo peshukedanyu
deng le, Kaisar kemvu agun raja kecha ndi. Tsuselo a-le anyugun no pe krus gen
hula lotse pe anyugun tsula.

Jisu Pe Krus Ge Hukela

Tsugenyu anyugun le Jisu zeng gunla, lo tsukatsu a-le a-npvu a-krus pen-o bin
nme a-zang le pekhunru tsekethyu, Ibrinyu khwen ki Golgatha tsekethyu nme nyu
gunla.  Anyugun le tsunyu Jisu pe krus gen hula, lo Jisu le a-chvu nyu, lo
lukipon nme lo hikipon nme tse mihvu pe a-sin-o hu. Lo Pilat le thazang nme.
thupe krus ge shu. lo tsugen thukeshu le hihontse: NAZARET JISU JUDANYU
RAJAGU. Lo zang tsule Ibrinyu khwen lo Griknyu khwen tse thu; lo Jisu pe krus
ge hu kethyu bin le runyi nyidagu kho ka genyu Judanyu kechon le tsu swu.
Tsugenyu Judanyu peshu keda deng le Pilat ka, Judanyu Raja gu, tson thu mvule,
A-le anpvu, "Ale Judanyu Rajagu," tson hu nle tse thushu chi. Ai Pilat le, ale
thushu kelagu tsu thushu laso, tsonla. Lo shupahunyu le Jisu pe krus gen
hukela siki a-phi a-nya pe zhunzi thyu-o shupahunyu nme no zhunmeme khilo; lo
amirun-e tsuhontse; A-mikerun we a-kerishvu ndi-o a-soki do tsugu a-pha ti.
Tsugenyu anyugun le zo-o, N-gun hiwe surhenla nya-o senyu le hyuloti yo
chithikheli thyu no! tsule kechagenyumvule ketsinlesu nyu:

Anyugun npvu aphi pe kenjunlo laso, Lo anyugun le amirun pe chithikheli thyulo
laso, Tson kenju jogu tsuno penlo.  nrun genyu, shupahunyu deng we tsu thyu.

Ai Jisu krus khoka kebin Jisu a-jvu lo asikezenggi Klope nu Maria, lo Maria
Magdalin ko tse tsuka bin. Lo tsukatsu Jisu le ajvu lo a-le so gunkeryu
senthyukelogu nyugun le tsukhoka kebin hyushu nju-o a-le, a-jvu ka, Nnyu le
li.  Tsuselo a-le senthyukelogu ka, Njvu le li: tsuselo senthyukelo tsugu le
a-zeng gungu a-npvu a-ka ki leyi tinla.

Jisu Kesi

Tsuselo Jisu le tha aphu thyu penkelo shalo nju-o, ketsinlesu jo no penlo nrun
genyu, Ale teriho laso. Lo tsunyu tsu thakhin nme nyu keshonzu pe swu nju: lo
anyugun le hisop ro nme ge spunj pe keshon zu ka ntselo nju-o pen gungu Jisu
mun ka shu. Lo Jisu le keshonzu tsu tsulo ntsin, Penlaso, tsonshu-o A-kapu
hoshula.

Nywi Pe Jisu Nyasin Jenkeshu

Lo Judanyu deng le tsunyu tha ndonron kethyu dzon genyu Sabath dzon nyu kesi
min no krus gen binmvu nrun genyu tsu penla titse-o Pilat ka tsudeng pha duse
titseo hi; anyugun le temi no Sabath dzon nyu krus gen hu bin nyu mvula;
kechagenyumvule Sabath tsule dzon keda nme genyu. Tson-o shupahunyu le
gunryu-o Jisu sin-o hu kenju kerigu lo kechagu pha dusela. Ai anyugun le Jisu
ki gunkeryu ka a-le sikela hyulo nju-o a-pha duse mvula. Tson-e shupahunyu nme
le nywi lope Jisu nyasin jenshu, lo tsonshu ntsin tezi lo zule tsun chwiryu.
Lo tsu kehyugu le a-npvu jo higu zhunzoshu, lo a-jo hile a-ketsin; lo a-le
ketsin zo tsekethyu a-npvu tsu sha bin nyon; kechagenyumvule hagun ko no
tenyenlo nrun genyu. Lo ketsinlesu nyu a-ru nme-e duse loho, tson kenju jo no
penlo nrun genyu tha hi aphu thyu keshu. Tsuntimvule ketsinlesu nyu jo kecha
nme le, "Anyugun le anyugun npvu nywi pe jenkelagu tsu nri ti;" tson thu nju.

Jisu Kesun

Tsuselo Arimathianyu nme, a-zang le Josef tsekethyu gu le, Jisu mi penlo
titse-o Pilat ka hi; Josef tsule Jisu sikethennyu nme, ai Judanyu kenshvu
genyu kebu hu; Lo Pilat le hukum hoshu. Tsugenyu a-le gungu Jisu mi penlo.  Lo
tsumhudyu khejeki Jisu ki gunkeryugu Nekodema ko mur lo aloe kesin kethyu
teruzu sher henpvu pen gunryu.  Tson-o au le Jisu mi pen gungu Judanyu le me
kesun jvu hontse tharen kenyi peshu tse-o Jisu mi nyen pe linen phi no jyulo.
Lo Jisu pe krus gen hu kethyu bin nyu chwi nme le bin; lo chwi tsu nyu
himhudyu temi nme mi-e pe shu hu kemvu sika nme le bin. Lo tsunyutsu le
Judanyu le tha ndonrun dzon genyu lo sika tsule nithen kemvu genyu au le Jisu
lope tsunyu shula.

Jisu Rhungni Eeso

/20 Lo Sabath dzon kerinyu tsangzung kebin ka Maria Magdalin le lonyu nshwen
ka sika ki gun ntsin sika tso tsule keto kela hyulo.  Tsugenyu a-le tin seng-o
Simon Pitor lo Jisu le so gunkeryu senthyukelo kechagu au ki gunryu-o au ka,
Me le sika nyu Npugu pen tinla so, lo agun le me le pen gu dikipon shula se yo
tsekethyu shalo mvu laso. Tsontsin Pitor lo senthyukelo kecha gu au le sika
kipon tsu gunla. Lo tsukatsu au kentsin-o tin gunzhu ntsin senthyukelo kecha
gu le Pitor nihudyu ri-o tin gungu sika tilo.  Tson-o tsunyu nkhun tsugu sika
nyu shwishu ntsin linen phi le bin-o hyulo; ai a-le a-nyunki yu mvula. Tsuselo
Simon Pitor ko a-siki gunryu-o sika nyu yu lo a-ko linen phi le kebin tsu hyu.
Tsuntimvule a-pe kejyu phi keshanyu, linen phi sin bin mvu-o keju pe nme ki
bin nju. Lo tsusiki sika nyu ri gunkeryu senthyukelo kecha gu ko yugu hyulo-o
tenyenlo. Kechagenyumvule anyugun le a-le kesinyu deng nyu rhungnisolo
mvuloshvu tsekethyu ketsinlesu jo shalo mvuzun kethyu genyu. Tsono senthyukelo
tsuhvu le au npvu au kaki gunla.

Jisu le Maria Magdalin No A-Kehyu

Lo Maria we sika soki chu bin; lo a-le chu bin nsen nkhun tsugu shwishu;
tsontsi tsangge jolonyu mihvu le phinya kechon ben-o Jisu mi lope keshu bin ka
nme le a-pe zin lo nme le a-pha zin tse bino hyulo. Lo tsuhvu le a-ka,
Tenunyu, nle nyuthyu-o chu hu nla? lo a-le au ka, Me le Npugu pen tin laso, lo
pen gu dikipon shula se yo, ale sha kemvu genyu le. A-le tsonshu-o rani gu
a-si kipon shwishu ntsin Jisu le bin-o hyulo, ai tsule Jisu tsekethyu shalo
mvula.  Jisu le a-ka, Tenugi, nle nyuthyu-o chu hu nla? nle segu fu hu nla?
A-we tsule chwi kekhwengu letse-o a-ka, Kedagu, Nle hinyu Npugu pen tinla
yatselo, Nle pen gungu dikipon shula yo aka zoshu ta; lo ale a-pen gunla ti.
Lo tsuka Jisu le a-ka, Maria, tsonshu; a-le ranigu Ibrinyu khwen ki a-ka,
Raboni! (a-kon le senkethyugu) Jisu le a-ka, Nle akesu nya; Ale Apvu ki kulo
m]vu zun. Nle gungu asikezengnyu deng ka, Ale Apvu, lo hagun Pvu-e lo a
Sunggigu lo hagun Sunggigu ki gunjula sele tse zoshu nye. Maria Magdalin le
gungu senthyukelo deng ka, Ale Npugu hyu le, lo A-le aka, jo hi zoshu
tsekethyu zoshu.

Jisu le Senthyukelonyu deng No A-kehyu

Lo tsunyu a-kon le, Sabath dzon keri nyu ngwen ki a-le senthyukelo deng le
Judanyu kenshvu genyu anyugun le ka khinpvu kebin ka Jisu le gunryu-o anyugun
deng nyu binlo nju-o anyugun ka, "Hagun kegwagu thyulo," Lo a-le anyugun ka,
jo hi kezo ka, a-le a-ben hvu lo a-nyasi-e pe anyugun hishu. Lo senthyukelonyu
deng le Npugu kehyu genyu anyugun shyekerhung thyulo. Tsugenyu Jisu le anyugun
ka, "Hagun kegwagu thyulo nye!" Apvu le anikeshu hontse ako tsuhontse hagun
nishu le nye.  Lo a-le jo tsu zokeshu siki a-teshyu hen pe anyugun gen shu-o
anyugun ka, Hagun Kenshun Kapugu khilo nye.  Hagun le me kemu ju keshu deng
tsu jushu ti; lo hagun le me kemu ju mvu yatselo, tsunyu jushu mvula ti.

Jisu Lo Thoma

Ai Jisu le anyugun ka keryu ka, Thoma, mele a-no Diduma tse kehu
senthyukelonyu nme le, anyugun zeng bin mvula. Tsugenyu senthyukelonyu
kechanyu deng le a-ka, Agun le Npugu hyu!  tsonshu. Ai a-le anyugun ka, A-le
anpvu a-ben hvu gen gojal shvu hyu-o azengkero pe tsu nyu shu, lo anpvu aben
pe anyasin nyu nywi shvu ka shu kemvu we tenyenlo ho: tsonla.

Lo tsusiki dzon tetse ki senthyukelonyu deng le kanyu bin, lo Thoma ko anyugun
sin tse kakhin pvu bin, lo Jisu le gunryu-o anyugun deng ka binlo nju-o
anyugun ka, Hsgun kegwa gu thyulo nye. Tson-o a-leThoma ka, Nle nben hvu
sengryu-o aben hvu shwishu re, tsuntimvule nben hvu pe anyasin nyu shure;
tson-o tenyen kemvu thyu nya-o tenyenlo.  Thoma le a-ka, A Npugu, to A
Snggigu; tson. Jisu le aka, N we ahyu kelo genyu tenyenlo so: hyu mvu tse
tenyen kelonyu le jochu kepvu tsinnyu.

Nyu Genyu Lesu Higu Thulo Yo?

Lo Jisu le senthyukelonyu kehyu ka lesu hinyu thushu mvu kela ndung kethyu tho
kecha kechon thyu sinshu.  Ai jo hideng thu pe bin kelo kechagenyumvule hagun
no Jisu le Sunggigu Nyugu Khrista gu tsekethyu tenyenlo-o hagun no a zang nyu
kerhung hyulo nrun genyu.

Senthyukelonyu mi Tsenyu le Jisu Kehyu

/21 Tsuselo Jisu le Tibiria zuda khoki a-le a-npvu a-khipe senthyukelonyu deng
hishu, lo anyugun hikeshu le hihontse: Tsukatsu Simon Pitor lo Duduma
tsekethyu Thoma lo Galil lojvu ki Kana i-unyinyu Nathanael lo Zebedi nyuhvu lo
a-sikethenyu kechanyu mihvu ko ho hu. Simon Pitor le anyugun ka, awe tsugu
tsehu tenti. Lo anyugun le a-ka, agun ko nzeng tsu ti. Tson-o anyugun le tsugu
rung nme nyu yulo ntsin, tsuje anyugun le thame hyulo mvula. Ai tsangben
chwiryu kezhu ka Jisu Ifi gunryuo kesin ki binlo. Ai senthyukelonyu deng le
tsule Jisu tsekethyu shalo mvula. Tsugenyu Jisu le anyugun ka, hagun le
ketyuketsu peha pvu hu le? tsonshu. Anyugun le nmvu, tson. Tsontsin a-le
anyugun ka, Hagun jal shwen pe rung teju zin kipon shwenshulo hagun le tha
hyulo ti. Tsugenyu anyugun le shwenshu ntsin jal nyu tsehu chonri kela genyu
jal sushwi loho la. Lo tsukatsu Jisu le so gunkeryu senthyukelo gu le Pitor
ka, Hile Npugu le, Lo Simon Pitor le tsule Jisu tsekethyu shalo ntsin a-le
a-kemben kehu genyu a-miren khibenlo nju-o nchwe-o zuda hyu tsu yula. Ai
senthyukelo kechadangu le tsehu le supvu kehu jal gu su seng-o rung keshegu ka
yula, anyugun le kazu kesin ti nrun le tsu tsihvu nyesin hu kemvu genyu.
Tson-o anyugun le chwiryu-o kesin tilo ntsin magi pe ma kethyu lo tsunyu tsehu
lo tensu le kebin hyulo. Jisu le anyugun ka hagun ntsoka tenkelo tsehu peha
seng gunryu shwi.  Tsontsin Simon Pitor le kugu tsehu tsi-o henpvu kenshan le
kebi jal gu su seng-o kesin ki chwiryulo; lo tsehu tsu tsulaki le jal nyu
bin-e jal.  gu tsu le nrhenla mvu. Jisu le anyugun ka, Hagun gunryu-o chvu
tyulo. Ai senthyukelonyu deng le tsule Npugu tsekethyu sha kela genyu, Nle
segu la?  tson-o a-rula ketso mvu. Jisu le gunryu-o tensu khilo, tson-o pe
anyugun tsushu; lo tsehu ko pe tsonshu. Jisu le kesinyu deng nyu rhungni kelo
siki senthyukelonyu deng no akehyu higu le gwenshan gen gu laso.

Jisu Lo Pitor

Tson-o anyugun le chvu tyulo ntsin Jisu le Simon Pitor ka, Joria nyugu Simon,
nle hideng nyeki aso kvu hu nle?  Pitor le a-ka, Ele ale nso kehu nle N npvu-e
sha bin ti. Jisu le a-ka, A tanyu deng leyilo.  Jisu le gwenhvu gen guka ko
a-ka, Jona nyugu Simon, Nle aso hu nmon? Pitor le a-ka, Ele, Npugu, ale nso
kehu nle n npvu sha bin ti. Jisu le a-ka, A tanyu deng nuchalo. Jisu le
gwenshan gen guki a-ka, Jona Nyugu Simon, Nle aso hu nmon? Pitor le Jisu le
a-ka gwenshan gen, "Nle aso hu nmon? "Nle aso hu nmon? aso hu nmon?" tsonzo
kethyu genyu a-nyun gwamvu sola. Tson-o a-le Jisu ka, Npugu, Nle n npvu tha
aphu sha ku bin nyon; Nle n npvu ale nso kehu sha bin nyon. Jisu le a-ka, A
tanyu deng leyilo. Ale nka zotsentsushu ti; Nle npoka we nnpvu nsenphinlo
nju-o n npvu nkendo kipon gunla hu: ai nle then kela siki we nben ketoshu-o
meno nsen phinshu-o nzeng-o nle gunyu kemvu bin ki gunti. A-le nyu si thyu-o
Sunggigu no a-zang kechwi thyulo tiyo tsekethyu zoshu nrun genyu a-le jo hi
zoshu.  Lo a-le jo hi zoshu-o Pitor ka, Nle asithenlo nye; tsonshu.
 
Jisu Lo Senthyukelo A-so gu

Lo Pitor le rani-o a-sikipon nrishu ntsin, himhudyu khejeki chvuketyu gwenkho
ka Jisu nyun ntsen nyu bin-o, "Hire, Npugu, segu le N tenpe me ben nyu shu
tila?" tson-o ketso keshu Jisu le so gunkeryu gu le a-sika kebin hyulo.  Pitor
le a-hyushu nju-o Jisu ka, Npugu, tseno temi higu we dihontse ti la?  Jisu le
aka, Ale gunryu kemvuthen ano bin titse kethyu akendo yatselo, nle nyuthyu-o
tson hil nla? Nle asithemo nye; tsonla.  Tsugenyu senthyukelo tsugu le si loho
tsekethyu a-sikethen nyudang le jo tsu zo tinla. Ai Jisu le a-ka, tsugu no si
loho, tson mvule, "Ale gunryu kemvuthen a-no bin titse kethyu akendo yatselo,
nle nyuthyu-o tson hu nla? tsonkeshu gwenzin.  Senthyukelo tsugu le jo hi
zoshwishu, lo jo hideng thushu lo zhunkezo hile a-ketsin tsekethyu ale sha
tsentsu bin laso.  Jisu le thyukeshu tha kecha kechon le bin nyon: tsudeng nme
me tse thu gunti yatselo, akeruchun le lesu deng le kazu aphu sukela lati.