Sadri Gospel of John

युहन्ना 1

1 आदि में वचन रेहे, आउर वचन परमेश्वर के संग रेहे, आउर वचन परमेश्वर रेहे | 2 एहे आदि में परमेश्वर केर संगे रेहे | 3 सउब कुछ उकरे द्वारा सिरजलक आउर जे कुछ सिराइज हे, उकर में से कोनोंवे चींज उकर बिना नी सिराइज हे | 4 उकर में जीवन रेहे ; आउर ऊ जीवन आदमीमन कर इंजोत रेहे | 5 आउर इंजोत अंधार में चमकेला ; आउर अंधार उके नी अपनालक | 6 एक आदमी परमेश्वर बाटे से आए के हाजिर होलक जेकर नाँव रेहे | 7 ई गवाही देवेक आलक, कि इंजोत कर गवाही देओक | होले सउब उकर द्वारा विश्वास लानबयँ | 8 ऊ खुद तो ऊ इंजोत नी रेहे, मगर ऊ इंजोत कर गवाही देवेक लागिन आए रेहे | 9 सच्चा इंजोत जे हरेक आदमी के इंजोत करेला, जगत में आवेक वाला रेहे | 10 ऊ जगत में रेहे, आउर जगत उकर द्वारा उत्पन्न होलक, आउर दुनिया उके नी चिन्हलक | 11 ऊ अपन घर आलक आउर उकर अपनमन हें उके नी ग्रहण करलयँ | 12 मगर जेतनामन उके ग्रहण करलयँ, ऊ उमन के परमेश्वर कर संतान होवेक कर अधिकार देलक, माने उमन जे उकर नाँव उपरे विश्वास रखेना | 13 उमन न तो लोहू से, न गतर कर इच्छा से, न आदमी कर इच्छा से, मगर परमेश्वर से उत्पन्न होई हयँ | 14 आउर वचन गतर धारण करलक : आउर अनुग्रह आउर सच्चाई से भरपूरी होई के माझे में डेरा करलक, आउर हमरे उकर एइसन महिमा देखली, जइसन आबा कर एकलौटा कर महिमा | 15 यहून्ना उकर विषय में गवाही देलक, आउर हकायँ के कहलक ; कि ई ओहे हेके, जेकर मोंय बखाइन करलों, कि जे मोर बाद में आवोत हे ऊ मोर से बइढ़ के आहे काकि ऊ मोर से पहिले रेहे | 16 काकि उकर भरपूइर से हमरे सउब पाली माने अनुग्रह उपरे अनुग्रह | 17 इकर लागिन कि नियम तो मूसा द्वारा देवल गेलक ; अनुग्रह आउर सच्चाई यीशु मसीह कर द्वारा पोहोंचलक | 18 परमेश्वर के केऊ कहियो नी देखलयँ, एकलोटा बेटा जे आबा कर गोदी में आहे, ओहे उके दिस्तार करलक | 19 यहून्ना कर गवाही ई हेके, कि अब यहूदीमन यरूशलेम से पुरोहित आउर लेवीमन के उकर से ई पुछेक लागिन भेजलयँ, कि तोंय केहर हेकिस ? 20 तो ऊ ई माइन लेलक, आउर इन्कार नी करलक मगर माइन लेलक कि मोंय मसीह न लगों | 21 तब उमन उकर से पुछलयँ, तो फिर केहर हेकिस ? का तोंय इलिय्याह हेकिस ? ऊ कहलक, मोंय न लगों तो का तोंय ऊ भविष्यवक्ता हेकिस ? ऊ जबाब देलक कि निहीं | 22 तब उमन उकर से पुछलयँ, फिर तोंय केहर हेकिस ? होले हमरे अपन भेजेक वालामन के जबाब देब ; तोंय अपन विषय में का कहिसला ? 23 ऊ कहलक, मोंय जइसन यशायाह भविष्यवक्ता काइह हे , जंगल में एक हकायक वाला कर शब्द हेकों कि तोंय प्रभु कर डहर सोझ कर | 24 इमन फरीसीमन कर बाटे से भेजल जाए रहयँ | 25 उमन उकर से इ सवाल पुछलयँ, कि अगर तोंय न मसीह हेकिस आउर न एलिय्याह, आउर न ऊ भविष्यवक्ता हेकिस, तो फिर बपतिस्मा काले देविसला ? 26 यूहन्ना उमन के जबाब देलक, कि मोंय तो पानी से बपतिस्मा देवोना ; मगर तोहर माझे में एक आदमी ठड़ाल आहे, जेके तोहरे नी जानल | 27 मतलब मोर पाछे आवेक वाला आहे, जेकर जूता कर बांइध मोंय खोलेक कर लायक नखों | 28 ई गोइठमन यरदन कर पार बैतनिय्याह में होलक, जहाँ बपतिस्मा देवोत रेहे || 29 दूसरा दिन ऊ यीशु के अपन बाटे आते देइख के कहलक, देखा, ई परमेश्वर कर मेमना हेके, जे दुनिया कर पाप के उठाय लेई जाएला | 30 ई ओहे हेके, जेकर विषय में मोंय काइह रहो, कि एक आदमी मोर पीछे आवेला, जे मोर से बढ़कार आहे, काकि ऊ मोर से पहिले रेहे | 31 आउर मोंय तो उके नी चिन्होत रहों, मगर इकर लागिन मोंय पानी से बपतिस्मा देते आलों, कि ऊ इस्राएल उपरे दिस्तार होई जाओक | 32 आउर ई गवाही देलक, कि मोंय आत्मा के कबूतर कर रूप में आकाश से उतरते देइख हों, आउर ऊ उकर उपरे रुइक गेलक | 33 आउर मोंय तो उके नी चिन्होत रहों, मगर जे मोके पानी से बपतिस्मा देवेक ले भेजलक, ओहे मोर से कहलक, कि जेकर उपरे तोंय आत्मा के उतरते आउर रुकते देखले ; ओहे पवित्र आत्मा से बपतिस्मा देवेक वाला हेके | 34 आउर मोंय देखलों, आउर गवाही देई हों, कि एहे परमेश्वर कर बेटा हेके || 35 दूसर दिन फिर आउर उकर चेलामन में से दुई झन ठड़ाय रहयँ | 36 आउर ऊ यीशु उपरे जे जात रेहे देइख के कहलक, देखा, ई परमेश्वर कर मेमना हेके | 37 तब ऊ दुयो चेलामन उकर ई सुइन के यीशु कर पीछे होई लेलयँ | 38 यीशु मूइड़ के आउर उमन के पीछे आवेक देइख के उमन से कहलक, तोहरे केकर खोज में अहा ? उमन उकर से कहलयँ, हे गुरु, तोंय कहाँ रहिसला ? ऊ उमन से कहलक, चला, तो देइख लेबा | 39 तब उमन आए के उकर रहेक कर ठाँव देखलयँ, आउर ऊ दिन उकरे संगे रहलयँ ; आउर ई दस घंटा कर लगभग रेहे | 40 ऊ दुयो में से जे कर गोइठ सुइन के यीशु कर पीछे होई लेई रहयँ, एक तो शमौन पतरस कर भाई अंन्द्रियास रेहे | 41 ऊ पहिले अपन सगा भाई शमौन से मिल के उकर से कहलक, कि हमरे के ख्रिस्तस मतलब मसीह मिल गेलक | 42 ऊ उके यीशु ठिन लानलक : यीशु उकर उपरे नजाइर के कहलक, कि तोंय कर बेटा शमौन हेकिस , तोंय केफा मतलब पतरस कहलाबे || 43 दूसर दिन यीशु गलील जायक चाहलक : आउर फिलिप्पुस से मिल के कहलक, मोर पीछे होई ले | 44 फिलिप्पुस तो अंन्द्रियास आउर पतरस केर नगर बैतसैदा केर निवासी रेहे | 45 फिलिप्पुस नतनएल से मिल के उकर से कहलक, कि जेकर बखाइन मूसा नियम में आउर भविष्यवक्तामन काइर हयँ, ऊ हमरे के मिल गेलक ; ऊ यूसुफ कर बेटा, यीशु नासरी हेके | 46 नतनएल उकर से कहलक, का कोनों बेस चींज हों नासरत से निकइल सकेला ? फिलिप्पुस उकर से कहलक, चाइल के देइख ले | 47 यीशु नतनएल के अपन बाटे आवेक देइख के उकर विषय में कहलक, देखा, ई सचमुच इस्राएली हेके : इकर में कपट नखें | 48 नतनएल उकर से कहलक, तोंय मोके कहाँ से जानिसला यीशु उके जबाब देलक ; उकर से पहिले कि फिलिप्पुस तोके बुलालक, जब तोंय अंजीर गाछ कर हेंठे तब मोंय तोके देइख रहों | 49 नतनएल उके जबाब देलक, कि हे गुरु, तोंय परमेश्वर केर बेटा हेकिस ; तोंय इस्राएल कर महाराजा हेकिस | 50 यीशु उके जबाब देलक ; मोंय जे तोर से कहलों, कि मोंय तोके अंजीर कर गाछ हेंठे देखलों, का तोंय इकर लागिन विश्वास करिसला ? तोंय इकर से बड़का-बड़का काम देखबे | 51 फिर उकर से कहलक, मोंय तोहर से सच-सच कहोना कि तोहरे स्वरग के खोलल आउर परमेश्वर कर स्वरगदूतमन के उपरे जाते आउर मानवा बेटा केर उतरते देखबा |

युहन्ना 2

1 फिर तीसरा दिन गलील केर काना में गोटेक बियाह रेहे, आउर यीशु कर आयो हों हुवाँ रेहे | 2 आउर यीशु आउर चेलामन हों उ बियाह में नेवताल जाए रेहयँ | 3 जेखन दाखरस सिराय गेलक, तो यीशु केर आयो उकर से कहलक, कि उमन ठिन दाखरस नखें | 4 यीशु उकर से कहलक, हे महिला मोर तोर से का काम ? एखन मोर समय नी आए हे | 5 उकर आयो धांगरमन के कहलक, जे कुछ ऊ तोहरे कही, उके हें करबा | 6 हुवाँ यहूदीमन कर शुद्ध करेक कर विधि कर मोताबिक पाखना केर छाव ठु गागरी रखल रेहे, जेकर में, दुई-दुई, तीन-तीन काठ धरोत रेहे | 7 यीशु उमन से कहलक, गागरीमन में पानी भइर देवा : से उमन गागरीमन में छाल-छलवा भइर देलयँ | 8 तब ऊ उमन से कहलक एखन निकलय के भोज कर प्रधान ठिन लेई जावा | 9 उमन लेई गेलयँ, जब भोज कर प्रधान ऊ पानी के चखलक, जे दाखरस बइन जाए रेहे, आउर नी जनोत रेहे, कि उ कहाँ से आए हें ( मगर जे धांगर मन पानी निकलय रहयँ, उमन जनोत रहयँ ) तो भोज कर प्रधान दूल्हा के बुलाय के उकर से कहलक | 10 हार एक आदमी पहिले बेस दाखरस देवला आउर जेखन आदमीमन पी के माइत जाएना तब कमसल के देवेना ; मगर तोंय बेस दाखरस के एखन तक राइख छोइड़ हा | 11 यीशु गलील केर काना में अपन ई पहिला चिन्हा दिखाय के अपन बड़ाई प्रगट करलक आउर उकर चेलामन उकर उपरे विश्वास करलयँ | 12 इकर पाछे ऊ आउर उकर आयो आउर उकर भाई आउर उकर चेलामन कफरनहूम गेलयँ आउर हुवाँ थोरेक दिन रहलयँ || 13 यहूदीमन कर पास्का कर परब पासे रेहे आउर यीशु यरूशलेम गेलक | 14 आउर ऊ मंदिर में गारू आउर भेड़ आउर पेरवाँ के बेचेक वालामन आउर पइसा भंजाइयामन के बइठल पालक | 15 आउर डोरा कर कोड़ा बनाय के, सउब भेड़ामन आउर गारूमन के मंदिर से निकलय देलक, आउर पइसा भंजाइया मनक पइसा के छितराय देलक, आउर पीढ़ामन उलटाय देलक | 16 आउर पेरवाँ बेचाइयामन से कहलक ; इमन के हिंयाँ से लेई जावा : मोर आबा केर घर के बाजार न बनावा | 17 तब उकर चेलामन के याइद आलक कि लिखल आहे, 'तोर घर केर धुन मोके खाए जाई ' | 18 ई ले यहूदीमन उकर से कहलयँ, तोंय जे ई कहिसला तो हमरे के कोन सा चिन्हा दिखाइसला ? 19 यीशु उमन के जबाब देलक ; कि ई मंदिर के धँसाय देवा, आउर मोंय उके तीन दिन में ठडुवाय देमूँ | 20 यहूदी मन कहलयँ ; ई मंदिर के बनेक में छियालीस बरिस लाइग हे, आउर का तोंय उके तीन दिन में ठड़ुवाय देबे ? 21 मगर ऊ अपन गतर केर मंदिर केर विषय में काइह रेहे | 22 से जब ऊ मोरलमन में से जी उठलक तो उकर चेलामन के याइद आलक, कि ऊ ई काइह रेहे आउर उमन पवित्र शास्त्र आउर ऊ वचन केर जे यीशु काइह रेहे, विश्वास करलयँ || 23 जेखन ऊ यरूशलेम में पास्का केर समय परब में रेहे, तो ढेइरमन उ चिन्हामन के जे ऊ दिखात रेहे देइख के उकर नाँव उपरे विश्वास करलयँ | 24 मगर यीशु खुद के उमनक भरोसा उपरे नी छोड़लक काकि ऊ सउब के जानोत रेहे | 25 आउर उके दरकार नी रेहे, कि आदमी केर विषय में केऊ गवाही देई, काकि ऊ खुद हें जानोत रेहे, आदमी कर मन में का आहे ?

युहन्ना 3

1 फरीसीमन में से निकुदेमुस नाँव केर एक आदमी रेहे, जे यहूदीमन कर सरदार रेहे | 2 ऊ राइत के यीशु ठिन आए के उकर से कहलक हे गुरु, मोंय जानोना, कि तोंय परमेश्वर केर बाटे से गुरु होई के आए हिस ; काकि केऊ ई चिन्हामन के जे तोंय दिखाइसला, आउर परमेश्वर उकर संगे नी होई, तो नी देखाए सकेला | 3 यीशु उके जबाब देलक, मोंय तोर से सच-सच कहोना, अगर केऊ नँवा सिरे से नी जनमी तो परमेश्वर केर राइज के देखेक नी पारी | 4 निकुदेमुस उकर से कहलक, आदमी जेखन बुढ़ा होई गेलक, तो कइसन जनम लेई सकेला ? का ऊ अपन आयो कर गर्भ में दूसरी बार ढ़ुँइक के जनम लेई सकेला ? 5 यीशु जबाब देलक, कि मोंय तोर से सच-सच कहोना ; जब तक केऊ आदमी पानी आउर आत्मा से नी जनमी तो ऊ परमेश्वर केर राइज में प्रवेश नी करेक पारी | 6 काकि जे गतर से जनाइम हे, उ गतर हेके ; आउर जे आत्मा से जनाइम हे, ऊ आत्मा हेके | 7 आचरज न कर कि मोंय तोर से कहलो : कि तोके नवाँ सिरा से जनम लेवेक जरुरी आहे | 8 धुका जेने चाहेला तने चलेला, आउर तोंय उकर शब्द सुनिसला, मगर नी जानिस, कि उ कहाँ से आवेल आउर काने जाएला ? जे केऊ आत्मा से जनाइम हे ऊ इसनेहें आहे | 9 नीकुदेमुस उके जबाब देलक ; कि इ गोइठमन कइसन होई सकेला ? 10 ई सुइन के यीशु उकर से कहलक तोंय इस्राएलमन कर गुरु होई के हों का ई गोईठमन के नी समझिसला | 11 मोंय तोर से सच-सच कहोना कि हमें जे जनिला, उके कहिला, आउर जेके हमरे देइख ही उकर गवाही देविला, आउर तोहरे हमर गवाही के ग्रहण नी करल | 12 जेखन मोंय तोहर से दुनिया कर गोइठमन कहलों, आउर तोहरे विश्वास नी करल, तो अगर मोंय तोहरे से स्वरग कर गोइठमन के कहमूँ तो फिर कइसन विश्वास करबा ? 13 आउर केऊ स्वरग कर नी चढ़लक, केवल ओहे जे स्वरग से उतरलक, मतलब मनवा कर बेटा जे स्वरग में आहे | 14 आउर जे रीति से मूसा जंगल में ऊँचाई में चढ़ालक, ओहे लेखे से जरुरी आहे कि मानवा कर बेटा हों ऊँचाई में चढ़ाल जाओक | 15 होले जे केऊ विश्वास करी उकर में अनंत जीवन पाओक | 16 काकि परमेश्वर दुनिया से एइसन प्रेम रखलक कि ऊ अपन एकलौता बेटा के देई देलक, होले जे केऊ उकर उपरे विश्वास करी, उ नाश न होओक, मगर अनंत जीवन पाओक | 17 परमेश्वर अपन बेटा के दुनिया में इकर लागिन नी भेजलक, कि दुनिया उपरे दंड कर आज्ञा देई मगर इकर लागिन कि दुनिया उकर द्वारा छुटकारा पाओक | 18 जे उकर उपरे विश्वास करेला, उकर उपरे दंड कर आज्ञा नी होवेल, मगर जे उकर उपरे विश्वास नी करेल, ऊ दोषी ठहइर चुकलक ; इकर लागिन कि ऊ परमेश्वर केर एकलौता बेटा केर नाँव उपरे विश्वास नी करलक | 19 आउर दंड केर आज्ञा केर कारण एहे हेके कि इंजोत दुनिया में आए हे, आउर आदमीमन अंधार के इंजोत से बगरा प्रिय जानलयँ काकि उकर काम बुरा रेहे | 20 काकि जे केऊ बुराई करेला, ऊ इंजोत से बैर रखेला, आउर इंजोत कर पासे नी आवेल, एइसन न होओक कि उकर काममन कर उपरे दोष लगल जाई | 21 मगर जे सच्चाई उपरे चलेला, ऊ इंजोत केर पासे आवेला, होले उकर काम प्रगट होओक कि ऊ परमेश्वर कर बाटे करल जाए हे || 22 इकर बाद यीशु आउर उकर चेलामन यहूदिया देश में आलयँ ; आउर ऊ हुवाँ उमनक संगे राइह के बपतिस्मा देवेक लगलक | 23 आउर यूहन्ना हों शालेम, केर पासे ऐनोन में बपतिस्मा देवोत रेहे | काकि हुवाँ ढेइर पानी रेहे आउर आदमीमन आए के बपतिस्मा लेत रहयँ | 24 काकि ऊ समय तक जेहेल घर में नी डालल जाए रेहे | 25 हुवाँ कर चेलामनक केऊ यहूदी केर संगे शुध्दिकरण कर विषय में बकझक होलक | 26 आउर उमन ठिन आए के उकर से कहलयँ, हे रब्बी, जे आदमी यरदन कर पाखारी तोर संगे रेहे, आउर जेकर तोंय गवाही देई हिस देख ऊ बपतिस्मा देवेला, आउर सउब उकर ठिन आवेना | 27 यूहन्ना जबाब देलक, जब तक आदमी के स्वरग से नी देवाल जाई तब तक ऊ कूछ नी पावेक पारी | 28 तोहरे तो अपनेहें मोर गवाह हेका : कि मोंय कहलों, मोंय मसीह निहीं, मगर उकर आगे भेजल जाए हों | 29 जेकर दुल्हिन आहे, ओहे दूल्हा हेके : मगर दूल्हा कर संग जे ठड़ाल उकर सुनेला, दूल्हा कर शब्द से ढेइर रिझेला ; एखन मोर ई रीझ पूरा होई हे | 30 जरुरी आहे कि ऊ बढ़ोक आउर मोंय घटमूँ || 31 जे उपरे से आवेला, सउब से बेस आहे, दुनिया से आवेला ऊ दुनिया कर हेके ; आउर दुनिया कर हें गोइठमन कहेला : जे स्वरग से आवेला, ऊ सउब कर उपरे आहे | 32 जे कोनों ऊ देखलक, आउर सूइन हे, उकरे हें गवाही देवेला ; आउर केऊ उकर गवाही के ग्रहण नी करेन | 33 जे उकर गवाही के ग्रहण काइर लेलक ऊ ई गोइठ उपरे छाप देई देलक कि परमेश्वर सच्चाई हेके | 34 काकि जेके परमेश्वर भेइज हें, ऊ परमेश्वर केर गोइठ कहेला : काकि उ आत्मा नाइप-नाइप के नी देवेल | 35 आबा बेटा से प्रेम रखेला, आउर ऊ सउब चींजमन उकर हाथ में देई दे हे | 36 जे बेटा उपरे विश्वास करेला, अनंत जीवन उकर हेके ; मगर जे बेटा कर नी मानेल, ऊ जीवन के नी देखी, मगर परमेश्वर कर खीस उकर उपरे रहेला ||

युहन्ना 4

1 फरीसीमन में से निकुदेमुस नाँव केर एक आदमी रेहे, जे यहूदीमन कर सरदार रेहे | 2 ऊ राइत के यीशु ठिन आए के उकर से कहलक हे गुरु, मोंय जानोना, कि तोंय परमेश्वर केर बाटे से गुरु होई के आए हिस ; काकि केऊ ई चिन्हामन के जे तोंय दिखाइसला, आउर परमेश्वर उकर संगे नी होई, तो नी देखाए सकेला | 3 यीशु उके जबाब देलक, मोंय तोर से सच-सच कहोना, अगर केऊ नँवा सिरे से नी जनमी तो परमेश्वर केर राइज के देखेक नी पारी | 4 निकुदेमुस उकर से कहलक, आदमी जेखन बुढ़ा होई गेलक, तो कइसन जनम लेई सकेला ? का ऊ अपन आयो कर गर्भ में दूसरी बार ढ़ुँइक के जनम लेई सकेला ? 5 यीशु जबाब देलक, कि मोंय तोर से सच-सच कहोना ; जब तक केऊ आदमी पानी आउर आत्मा से नी जनमी तो ऊ परमेश्वर केर राइज में प्रवेश नी करेक पारी | 6 काकि जे गतर से जनाइम हे, उ गतर हेके ; आउर जे आत्मा से जनाइम हे, ऊ आत्मा हेके | 7 आचरज न कर कि मोंय तोर से कहलो : कि तोके नवाँ सिरा से जनम लेवेक जरुरी आहे | 8 धुका जेने चाहेला तने चलेला, आउर तोंय उकर शब्द सुनिसला, मगर नी जानिस, कि उ कहाँ से आवेल आउर काने जाएला ? जे केऊ आत्मा से जनाइम हे ऊ इसनेहें आहे | 9 नीकुदेमुस उके जबाब देलक ; कि इ गोइठमन कइसन होई सकेला ? 10 ई सुइन के यीशु उकर से कहलक तोंय इस्राएलमन कर गुरु होई के हों का ई गोईठमन के नी समझिसला | 11 मोंय तोर से सच-सच कहोना कि हमें जे जनिला, उके कहिला, आउर जेके हमरे देइख ही उकर गवाही देविला, आउर तोहरे हमर गवाही के ग्रहण नी करल | 12 जेखन मोंय तोहर से दुनिया कर गोइठमन कहलों, आउर तोहरे विश्वास नी करल, तो अगर मोंय तोहरे से स्वरग कर गोइठमन के कहमूँ तो फिर कइसन विश्वास करबा ? 13 आउर केऊ स्वरग कर नी चढ़लक, केवल ओहे जे स्वरग से उतरलक, मतलब मनवा कर बेटा जे स्वरग में आहे | 14 आउर जे रीति से मूसा जंगल में ऊँचाई में चढ़ालक, ओहे लेखे से जरुरी आहे कि मानवा कर बेटा हों ऊँचाई में चढ़ाल जाओक | 15 होले जे केऊ विश्वास करी उकर में अनंत जीवन पाओक | 16 काकि परमेश्वर दुनिया से एइसन प्रेम रखलक कि ऊ अपन एकलौता बेटा के देई देलक, होले जे केऊ उकर उपरे विश्वास करी, उ नाश न होओक, मगर अनंत जीवन पाओक | 17 परमेश्वर अपन बेटा के दुनिया में इकर लागिन नी भेजलक, कि दुनिया उपरे दंड कर आज्ञा देई मगर इकर लागिन कि दुनिया उकर द्वारा छुटकारा पाओक | 18 जे उकर उपरे विश्वास करेला, उकर उपरे दंड कर आज्ञा नी होवेल, मगर जे उकर उपरे विश्वास नी करेल, ऊ दोषी ठहइर चुकलक ; इकर लागिन कि ऊ परमेश्वर केर एकलौता बेटा केर नाँव उपरे विश्वास नी करलक | 19 आउर दंड केर आज्ञा केर कारण एहे हेके कि इंजोत दुनिया में आए हे, आउर आदमीमन अंधार के इंजोत से बगरा प्रिय जानलयँ काकि उकर काम बुरा रेहे | 20 काकि जे केऊ बुराई करेला, ऊ इंजोत से बैर रखेला, आउर इंजोत कर पासे नी आवेल, एइसन न होओक कि उकर काममन कर उपरे दोष लगल जाई | 21 मगर जे सच्चाई उपरे चलेला, ऊ इंजोत केर पासे आवेला, होले उकर काम प्रगट होओक कि ऊ परमेश्वर कर बाटे करल जाए हे || 22 इकर बाद यीशु आउर उकर चेलामन यहूदिया देश में आलयँ ; आउर ऊ हुवाँ उमनक संगे राइह के बपतिस्मा देवेक लगलक | 23 आउर यूहन्ना हों शालेम, केर पासे ऐनोन में बपतिस्मा देवोत रेहे | काकि हुवाँ ढेइर पानी रेहे आउर आदमीमन आए के बपतिस्मा लेत रहयँ | 24 काकि ऊ समय तक जेहेल घर में नी डालल जाए रेहे | 25 हुवाँ कर चेलामनक केऊ यहूदी केर संगे शुध्दिकरण कर विषय में बकझक होलक | 26 आउर उमन ठिन आए के उकर से कहलयँ, हे रब्बी, जे आदमी यरदन कर पाखारी तोर संगे रेहे, आउर जेकर तोंय गवाही देई हिस देख ऊ बपतिस्मा देवेला, आउर सउब उकर ठिन आवेना | 27 यूहन्ना जबाब देलक, जब तक आदमी के स्वरग से नी देवाल जाई तब तक ऊ कूछ नी पावेक पारी | 28 तोहरे तो अपनेहें मोर गवाह हेका : कि मोंय कहलों, मोंय मसीह निहीं, मगर उकर आगे भेजल जाए हों | 29 जेकर दुल्हिन आहे, ओहे दूल्हा हेके : मगर दूल्हा कर संग जे ठड़ाल उकर सुनेला, दूल्हा कर शब्द से ढेइर रिझेला ; एखन मोर ई रीझ पूरा होई हे | 30 जरुरी आहे कि ऊ बढ़ोक आउर मोंय घटमूँ || 31 जे उपरे से आवेला, सउब से बेस आहे, दुनिया से आवेला ऊ दुनिया कर हेके ; आउर दुनिया कर हें गोइठमन कहेला : जे स्वरग से आवेला, ऊ सउब कर उपरे आहे | 32 जे कोनों ऊ देखलक, आउर सूइन हे, उकरे हें गवाही देवेला ; आउर केऊ उकर गवाही के ग्रहण नी करेन | 33 जे उकर गवाही के ग्रहण काइर लेलक ऊ ई गोइठ उपरे छाप देई देलक कि परमेश्वर सच्चाई हेके | 34 काकि जेके परमेश्वर भेइज हें, ऊ परमेश्वर केर गोइठ कहेला : काकि उ आत्मा नाइप-नाइप के नी देवेल | 35 आबा बेटा से प्रेम रखेला, आउर ऊ सउब चींजमन उकर हाथ में देई दे हे | 36 जे बेटा उपरे विश्वास करेला, अनंत जीवन उकर हेके ; मगर जे बेटा कर नी मानेल, ऊ जीवन के नी देखी, मगर परमेश्वर कर खीस उकर उपरे रहेला ||

युहन्ना 5

1 ई गोइठमन कर पाछे यहूदीमन कर एक परब होलक आउर यीशु यरूशलेम गेलक || 2 यरूशलेम में भेड़ी फाटक ठिन आहे जे इब्रानी भाषा में बैतहसदा कहायला, आउर उकर पांच ठु छापरी आहे | 3 इकर में ढेइर बीमरियामन अंधा, लंगड़ा आउर एक अंगिया बीमरियामन (पानी कर हिलेक कर असरा में) पड़ल रहत हयँ | 4 (काकि तय समय में परमेश्वर कर स्वरगदूत पोखरा में उताइर के पानी के हेलकत रहयँ : पानी केर हिलते हें जे केऊ पहिले उतरेल ऊ ठीक होई जात रेहे चाहे उकर कोनों बीमारी का न होओक ) 5 हूँवा एक आदमी रेहे, जे अड़तीस बरिस से बीमार में पड़ल रेहे | 6 यीशु उके पड़ल देइख के आउर जाइन के कि ऊ ढेइर दिन से ई दशा में पड़ल आहे, उकर से पुछलक, का तोंय बेस होवेक चाहिसला ? 7 ऊ बीमरिया उके जबाब देलक, कि हे प्रभु, मोर ठीन केऊ आदमी नखें, कि जेखन पानी हिलाल जायल तो मोके पोखरा में उतराई ; मगर मोर पोहोंचते-पोहोंचते दूसरा मोर से पहिले उताइर जाएला | 8 यीशु उकर से कहलक, उठ, अपन खटिया उठाय के चल फिर | 9 ऊ आदमी तुरते ठिक होई गेलक, आउर अपन खटिया उठाय के चलेक फिरेक लगलक || 10 ऊ आराम कर दिन रेहे | इकर लागिन यहूदी उकर से, जे चंगा होई रेहे, कहेक लगलक, आइज तो आराम कर दिन हेके, तोके खटिया उठायक उचित नखें | 11 ऊ उमन के जबाब देलक, कि जे मोके ठिक करलक, ओहे मोर से कहलक, अपन खटिया उठाय के चल फिर | 12 उमन उकर से पूछलय, ऊ कोन आदमी हेके जे तोर से कहलक, खाटी उठाय के चल फिर ? 13 मगर जे चंगा होई जाय रेहे, ऊ नी जनोत रेहे ऊ केहर हेके ; काकि उऊ जगह में भीड़ होवेक केर कारण यीशु हूँवा से हइट जाए रेहे | 14 ई गोइठमन कर बाद ऊ यीशु के मंदिर में मिललक, तब ऊ उकर से कहलक देख, तोंय तो ठिक होई गेले फिर पाप ना करबे, एइसन न होओक कि इकर से कोनों भारी विपाइत तोर उपरे आए पड़ी | 15 ऊ आदमी जाए के यहूदीमन से कइह देलक, कि जे मोके ठिक करलक, ऊ यीशु हेके | 16 ई ले यहूदी यीशु के सताएक लगलयँ , काकि ऊ एइसन एइसन काम आराम कर दिन करोत रेहे | 17 ई ले यीशु उमन से कहलक, कि मोर आबा एखन तक काम करते आहे, मोंय हों करोना | 18 ई ले यहूदी आउर हें बागरा उके माइर मोरायक कर कोशिश करेक लगलयँ, कि ऊ न आराम कर दिन केर नियम के तोड़ेल, मगर परमेश्वर के अपन आबा काइह के, खुद के परमेश्वर केर बराबाइर ठहरात रेहे || 19 ई ले यीशु उमन से कहलक, मोंय तोहर से सच-सच कहोना, बेटा अपने से कोनों नी करेक परेल, सिरीफ उ जे आबा के करते देखेला, काकि जे-जे काममन के ऊ करेला उखें बेटा हों ओहे रीति से करेला | 20 काकि आबा बेटा से प्रेम रखेला आउर जे-जे काम ऊ अपने करेला, उ सउब उके देखायला, होले तोहरे आचरज करबा | 21 काकि जइसन आबा मोरलमन के उठाएल आउर जियायला, तइसनेहें बेटा हों जेमन के चाहेला उमन के जियायला | 22 आउर आबा केकरो न्याय हों नी करेल, मगर न्याय करेक कर सउब काम बेटा के सोंइप देई हे | 23 इकर लागिन कि सउब आदमी जइसन आबा केर माइन करेना तइसनहें बेटा कर हों माइन करोक : जे बेटा कर माइन नी करेल, ऊ आबा कर जे उके भेइज हे, माइन नी करेल | 24 मोंय तोहर से सच-सच कहोना, जे मोर बचन सुइन के मोर भेजेक वाला कर बिश्वास करेला, अनंत जीवन उकर हेके, आउर उकर उपरे दंड कर आज्ञा नी होवेल मगर ऊ मरण केर पार होई के जीवन में प्रवेश काइर चुइक हे | 25 मोंय तोहर से सच-सच कहोना, उ समय आवेला, आउर एखन आहे, जेकर में मोरलमन परमेश्वर कर शब्द सुनबयँ, आउर जे सुनबयँ उमन जीबयँ | 26 काकि जे रीति से आबा अपने आप में जीवन रखेला, ओहे रीति से ऊ बेटा के हों इ हक देई हें कि अपने आप में जीवन रखी | 27 वरन उके न्याय करेक कर हों हक देई हे, इकर लागिन कि ऊ मानवा कर बेटा हेके | 28 इकर से आचरज ना करा, काकि ऊ समय आवेला, कि जेतना कब्रमन में अहयँ, उकर शब्द सुइन के निकलबयँ | 29 जेमन भलाई काइर हयँ उमन जीवन कर पुनरुत्थान लागिन जी उठबयँ आउर जेमन बुराई काइर हयँ उमन दंड कर पुनरुत्थान लागिन जी उठबयँ || 30 मोंय अपने खुद से कोनों नी करेक परोन ; जइसन सुनोना, तइसनेहें न्याय करोना, आउर मोर न्याय सच्चा आहे ; काकि मोंय अपन इच्छा निहीं, मगर अपन भेजेक वाला कर इच्छा चाहोना | 31 अगर मोंय अपनेहें अपन गवाही देमूँ ; तो मोर गवाही सच्चा ना लगे | 32 एक झन आउर आहे जे मोर गवाही देवेला, आउर मोंय जनोना कि मोर जे गवाही देवेला उ सच्चा आहे | 33 तोहरे यूहन्ना से पूछवाला आउर ऊ सच्चाई कर गवाही देई हे | 34 मगर मोंय अपन बिषय में आदमी कर गवाही नी चाहोन ; तेऊ ले मोंय ई गोइठमन इकर लागिन कहोना, कि तोहरे के मुक्ति मिलोक | 35 ऊ तो बारत आउर चमकत दीया रेहे ; आउर तोहरे के थोरेक देरी तक उकर इंजोत में मगन होवेक बेस लगलक | 36 मगर मोर ठिन जे गवाही आहे ऊ यूहन्ना कर गवाही से बोड़ आहे : काकि जे काम आबा मोके पूरा करेक ले सोंइप हे मतलब एहे काम जे मोंय करोना, उमन मोर गवाह हेके, कि आबा मोके भेइज हे | 37 आउर आबा जे मोके भेइज हे, ओहे मोर गवाही देई हे : तोहरे ना कहियो उकर शब्द सुनला, आउर ना उकर रूप देइख हा | 38 आउर उकर बचन के मन में स्थिर नी रखल काकि जेके ऊ भेजलक उकर बिश्वास नी करल | 39 तोहरे धरम केर किताब में खोजाला, काकि बुझल कि उकर में अनंत जीवन तोहरे के मिलेला, आउर ई ओहे हेके, जे मोर गवाही देवेला | 40 तेऊ ले तोहरे जीवन पावेक लागिन मोर ठिन आवेक नी चाहल | 41 मोंय आदमीमन से माइन नी चाहोन | 42 मगर मोंय तोहरेमन के जानोना, कि तोहर में परमेश्वर कर प्रेम नखें | 43 मोंय अपन आबा केर नाँव से आए हों, आउर तोहरे मोके ग्रहण नी करल ; अगर केऊ आउर अपनेहें नाँव से आवी, तो उके ग्रहण काइर लेबा | 44 तोहरे जे एक दूसर से माइन चाहाला आउर ऊ माइन जे अद्वैत परमेश्वर कर बाटे से आहे, नी चाहल, का लेखे बिश्वास काइर सकाला ? 45 इ ना बुझा, कि मोंय आबा कर सामने तोहर उपरे दोष लगामूँ : तोहर उपरे दोष लगाएक वाला तो आहे, मतलब मूसा जेकर उपरे तोहरे भरोसा राइख हा | 46 काकि अगर तोहरे मूसा कर बिश्वास करता, तो मोर हों बिश्वास करता, इकर लागिन कि ऊ मोर बिषय में लिख हे | 47 अगर तोहरे उकर लिखल गोइठमन कर बिश्वास नी करल, तो मोर गोइठमन कर कइसन बिश्वास करबा ||

युहन्ना 6

1 ई गोइठमन कर बाद यीशु गलील कर झील मतलब तिबिरियास कर झील ठिन गेलक | 2 आउर एक बड़का भीड़ उकर पाछे होई लेलक काकि जे आचरज काम ऊ बीमरियामन कर उपरे देखत रेहे, उमन उके देखोत रहयँ | 3 तब यीशु पहार उपरे चाइढ़ के अपन चेलामन कर संगे हूँवा बइठलक | 4 यहूदीमन कर पास्का परब पासे रेहे | 5 तब यीशु अपन आँइख उठाय के एक बड़का भीड़ के अपन पासे आवेक देखलक, आउर फिलिप्पुस से कहलक, कि हमरे ईमनक खायक लागिन कहाँ से रोटी कीन लानोब ? 6 मगर ऊ इ गोइठ उके परखेक लागिन कहलक ;काकि ऊ अपने जनोत रेहे कि का करमूँ | 7 फिलिप्पुस उके जबाब देलक, कि सौ दीनार कर रोटी उमन लागिन पूरा हों नी होवी कि उकर में से हर एक झन के थोरे-थोरे मिल जाई | 8 उकर चेलामन में से शमौन पतरस कर भाई अन्द्रियास उकर से कहलक | 9 हिंयाँ एक छोड़ा आहे जेकर ठिन पांच ठु रोटी आउर दूई ठु मछरी आहे मगर एतनामन लागिन उ का हेके | 10 यीशु कहलक, कि आदमीमन के बइठय देवा | ऊ ठाँव में ढेइर घास रेहे : तब उमन जे गिनती में लगभग पांच हजार कर रहयँ, बइठ गेलयँ : 11 तब यीशु रोटी लेलक, आउर धन्यबाद काइर के बइठेक वालामन के बांइट देलक : आउर तइसनेहें मछरीमन में से जेतना उमन चाहोत रहयँ बांइट देलयँ | 12 जब उमन खाय के अघाय गेलयँ तो ऊ अपन चेलामन से कहलक, कि बचल टुकड़ामन के जमा काइर लेवा, कि कोनों फेंकय ना जाओक | 13 से उमन जमा करलयँ आउर जेखन कि पांच रोटी कर टुकड़ा जे खायक वालामन से बचोत रेहे उमन से बारह टोकरी भरलक | 14 तब जे आश्चर्य काम ऊ काइर देखालक उके उमन देइख के कहेक लगलयँ: कि ऊ भविष्यवक्ता जे दुनिया में आवेक वाला रेहे जरुर एहे हेके | 15 यीशु ई जाइन के कि उमन मोके राजा बनायक लागिन आए के धरेक चाहेना, फिर पहार उपरे एकले चाइल 16 फिर जब साँझ होलक, तो उकर चेलामन झील कर किनारे गेलयँ | 17 आउर डोंगा केर उपरे चाइढ़ के झील कर पाखारी कफरनहूम जाएक लगलयँ : ऊ बेरा अंधार होई जाए रेहे, आउर यीशु एखन तक उमनक ठिन नी आए रेहे | 18 आउर आँधी कर कारण झील में लहर उठेक लगलक | 19 से जब उमन चलाते-चलाते तीन चाइर मील कर लगभग निकइल गेलयँ, तो उमन यीशु के झील उपरे चलेक आउर डोंगा बाटे आवेक देखलयँ, आउर डराय गेलयँ | 20 मगर ऊ उमन से कहलक, कि मोंय हेकों ; ना डरावा | 21 से उमन उके डोंगा उपरे चढ़ाय लेजेक लागिन तैयार होलयँ आउर तुरते ऊ डोंगा ऊ जगह जाए पोहोंचलक जहाँ उमन जात रहयँ || 22 दूसर दिन ऊ भीड़ जे झील कर पाखारी ठड़ाल रेहे, ई देखलक, कि हिंयाँ एक के छोइड़ के आउर कोनों छोटका डोंगा नी रेहे, आउर यीशु अपन चेलामन कर संगे उ डोंगा उपरे नी चढ़लक, मगर सिरिफ उकर चेला मन चाइल जाए रहयँ | 23 (तेऊ ले आउर छोट डोंगामन तिबिरियास से ऊ ठाँव कर पासे आलक, जहाँ उमन प्रभु केर धन्यबाद करेक कर बाद रोटी खाय रहयँ )| 24 से जब भीड़ देखलक कि हिंयाँ ना यीशु आहे, आउर ना उकर चेलामन, तो उमन हों छोटका-छोटका डोंगा उपरे चाइढ़ के यीशु के खोजते कफरनहूम पोहोंचलयँ | 25 आउर झील केर पाखारी उकर से मिल के कहलयँ ,हे गुरु, तोंय हिंयाँ केखन आले ? 26 यीशु उमन के जबाब देलक, कि मोंय तोहरे से सच-सच कहोना, तोहरे मन मोके इकर लागिन नी खोजल कि तोहरे आचरज काम देखला, मगर इ लागिन कि तोहरे रोटी खाय के अघाय गेला | 27 नाश होवइया खायक लागिन मेहनइत ना करा, मगर ऊ खायक लागिन जे अनंत जीवन तक ठहरेला, जेके आदमी कर बेटा तोहरे के देवी, काकि आबा, मतलब परमेश्वर उकरे उपरे छाप काइर देई हे | 28 उमन उकर से कहलयँ, परमेश्वर केर काम करेक लागिन हमरे का करोब ? 29 यीशु उमन के जबाब देलक ; परमेश्वर कर काम ई हेके, कि तोहरे उकर उपरे, जेके ऊ भेइज हे, बिश्वास करा | 30 तब उमन उकर से कहलयँ, फिर तोंय कोन सा चिन्ह देखाइसला कि हमरे उके देइख के तोर बिश्वास करोब, तोंय कोन सा काम देखाइसला ? 31 हमर बाप दादामन जंगल में मन्ना कहलयँ ; जइसन लिखल आहे : कि ऊ उमन के खायक लागिन स्वरग से रोटी देलक | 32 यीशु उमन से कहलक, मोंय तोहरे से सच-सच कहोना कि मूसा तोहरे के ऊ रोटी स्वरग से नी देलक , मगर मोर आबा तोहरे के सच्ची रोटी स्वरग से देवेला | 33 काकि परमेश्वर केर रोटी ओहे हेके, जे स्वरग से उताइर के दुनिया के जीवन देवेला | 34 तब उमन उकर से कहलयँ, हे प्रभु, ई रोटी हमरे के सउब खन देते रह | 35 यीशु उमन से कहलक, जीवन कर रोटी मोंय हेकों : जे मोर ठिन आवी ऊ कहियो भूखें नी होवी आउर जे मोर उपरे बिश्वास करी, ऊ कहियो पियासा नी होवी | 36 मगर मोंय तोहरे से कहलों, तोहरे मोके देइख यो लेई हा, तेऊ ले बिश्वास नी करल | 37 जे कोनों आबा मोके देवेला ऊ सउब मोर ठिन आवी, आउर जे केऊ मोर ठिन आवी, उके मोंय कहियो नी निकलामूँ | 38 काकि मोंय अपन इच्छा निहीं, वरन अपन भेजेक वाला कर इच्छा पूरा करेक लागिन स्वरग से उताइर हों | 39 आउर मोर भेजेक वाला कर इच्छा ई हेके कि जे कुछ ऊ मोके देई हे, उकर में से मोंय कोनों के ना हेरामूँ मगर उके आखरी दिन फिर जिलाय उठामूँ | 40 काकि मोर आबा कर इच्छा ई हेके, कि जे केऊ बेटा के देखी, आउर उकर उपरे बिश्वास करी, ऊ अनंत जीवन पाओक आउर मोंय उके आखरी दिन फिर जीऊ उठामूँ | 41 से यहूदी उकर उपरे कुड़कुड़ायक लगलयँ, इकर लागिन कि ऊ काइह रेहे ; कि जे रोटी स्वरग से उतरलक, ऊ मोंय हेकों | 42 आउर उमन कहलयँ ; का ई यूसुफ कर बेटा ना लगे, जेकर आयो आबा के हमरे जानिला ? तो उ कइसन कहेला कि मोंय स्वरग से उताइर हों | 43 यीशु उमन के जबाब देलक, कि आपस में ना कूड़कूड़ावा | 44 केऊ मोर ठिन आवेक नी पारी, जब तक आबा, जे मोके भेइज हे, उके खींच नी लानी; आउर मोंय उके आखरी दिन फिर जी उठामूँ | 45 भविष्यवक्तामन कर लेखमन में ई लिखल आहे,कि उमन सउब परमेश्वर कर बाटे से सिखाय होई होबयँ | जे केऊ आबा से सुनलक आउर सीख हे, ऊ मोर ठिन आवेला | 46 ई निहीं, कि केऊ आबा के देखलक मगर जे परमेश्वर बाटे से आहे, सिरिफ ओहे आबा के देइख हे | 47 मोंय तोहरे के सच सच कहोना, कि जे केऊ बिश्वास करेला, अनंत जीवन उकरे हेके | 48 जीवन कर रोटी मोंय हेकों | 49 तोहर बाप दादामन जंगल में मन्ना कहलयँ आउर मोइर गेलयँ | 50 ई ऊ रोटी हेके जे स्वरग से उतरेला होले आदमी उकर में से खाओक आउर ना मोरोक | 51 जीवन कर रोटी जे स्वरग से उतरलक मोंय हेकों | अगर केऊ ई रोटी में से खाई, तो सउब खन जीवते रही आउर जे रोटी मोंय दुनिया केर जीवन लागिन देमूँ , ऊ मोर मांस हेके | 52 ई ले यहूदी इ काइह के आपस में झगड़ेक लगलयँ, कि ई आदमी कइसन हमरे के अपन मांस खायक ले देई सकेला ? 53 यीशु उमन से कहलक ; मोंय तोहर से सच-सच कहोना जब तक मानवा केर बेटा केर मांस नी खाबा, आउर उकर लोहू नी पीबा, तोहर में जीवन निहीं | 54 जे मोर मांस खायल, आउर मोर लोहू पीयेला, अनंत जीवन उकरे हेके, आउर मोंय आखरी दिन फिर उके जी उठामूँ | 55 काकि मोर मांस वास्तव में खायक केर चींज हेके आउर मोर लोहू वास्तव में पीयेक कर चींज हेके | 56 जे मोर मांस खायल आउर मोर लोहू पीयेला, ऊ मोर में स्थिर बनाल रहेला, आउर मोंय उकर में | 57 जइसन जीवते आबा मोके भेजलक आउर मोंय आबा केर चालते जीवते आहों तइसनेहें उ हों जे मोके खाई मोर कारण जीवते रही | 58 जे रोटी स्वरग से उतरलक एहे हेके, बाप दादा मन कर जइसन निहीं कि खालयँ, आउर मोइर गेलयँ: जे केऊ ई रोटी खाई, ऊ सउब खन जीवते रही | 59 इ गोइठ मन के ऊ कफरनहूम केर एक आराधनालय में उपदेश देवेक बेरा कहलक || 60 इकर लागिन उकर चेलामन में से ढेइरमन ई सुइन के कहलयँ, कि ई गोइठ नागवार आहे ; इके केहर सुइन सकेला ? 61 यीशु अपनमन में ई जाइन के कि मोर चेलामन आपस में इ गोइठ उपरे कुड़कुड़ाएन, उमन से पूछलक, का ई गोइठ से तोहरे के ठेस लगेला ? 62 आउर अगर तोहरे मनवा केर बेटा के जहां ऊ उपरे रेहे, हूँवा उपरे जाते देखबा, तो का होवी ? 63 आत्मा तो जीवन देवेक वाला हेके ,गत्तर से कोनों फायदा नखें: जे गोइठ मन मोंय तोहरे से काइह हों उ आत्मा हेके, आउर जीवन हों हेके | 64 मगर तोहर में से केतना एइसन अहयँ जे बिश्वास नी करेन ; काकि यीशु तो पहिले हें से जानोत रेहे कि जे बिश्वास नी करेन, उमन के हेकयँ ? 65 आउर ऊ कहलक,एहे लागिन मोंय तोहर से काइह रहों जब तक केखों आबा बाटे से ई वरदान नी देवाल जाई तब तक ऊ मोर ठिन नी आवेक पारी | 66 ई ले उकर चेलामन में से ढेइर मन उल्टा मुइड़ गेलयँ आउर उकर बाद उकर संगे नी चललयँ | 67 तब यीशु ऊ बारहों झन से कहलक, का तोहरे हों चाइल जायक चाहोत हा ? 68 शमौन पतरस उके जबाब देलक, कि हे प्रभु हमरे केकर ठिन जाब ? अनंत जीवन केर गोइठमन तोरे हें ठिन आहे | 69 आउर हमरे बिश्वास करली, आउर जाइन जाय हीं,कि परमेश्वर कर पवित्र जन तोंय हें हेकिस | 70 यीशु उमन के जबाब देलक, का मोंय तोहरे बारहों झन के नी चुइन लेलों ? तेऊ ले तोहर में से एक आदमी शैतान हेके | 71 इ ऊ शमौन इस्करियोती केर बेटा यहूदाह केर बिषय में कहलक, काकि एहे जे उ बारहों झन में से रेहे, उके धरुवाएक ले रेहे |

युहन्ना 7

1 ई गोइठमन कर पाछे यीशु गलील में घुमते रहलक, काकि यहूदी उके माइर डालेक के कोशिश करोत रहयँ, ई लागिन ऊ यहूदीमन में घुमेक नी चाहोत रेहे | 2 आउर यहूदीमन कर तंबू कर परब पासे रेहे | 3 इकर लागिन उकर भाईमन उकर से कहलयँ, हिंयाँ से निकइल के यहूदिया में चाइल जा, कि जे काम तोंय करिसला, उमन के तोर चेलामन हों देखोक | 4 काकि एइसन केऊ नी होवी जे नाम कमाएक चाहेल, आउर लुइक के काम करी : अगर तोंय ई काम करिसला, तो अपने के जगत में प्रगट कर | 5 काकि उकर भाईमन हों उकर उपरे विश्वास नी करोत रहयँ | 6 तब यीशु उमन से कहक, मोर समय एखन तक नी आलक मगर तोहर लागिन सउब समय आहे | 7 दुनिया तोहर से बैर नी करेक पारी, मगर ऊ मोर से बैर करेला, काकि मोंय उकर विरोध में इ गवाही देवेना, कि उकर काम बुरा आहे | 8 तोहरे परब में जावा : मोंय एखन ई परब में नी जाओन ; काकि एखन तक मोर समय पूरा नी होलक | 9 ऊ उमन से ई गोइठमन काइह के गलील हे में राइह गेलक || 10 मगर जब उकर भाईमन परब में चाइल गेलयँ, तो उ अपने हें प्रगट में निहीं, लुइक के गेलक | 11 से यहूदी परब में उके ई काइह के खोजेक लगलयँ कि ऊ कहाँ आहे ? 12 आउर आदमीमन में उकर विषय में चुपके-चुपके ढेइर हें गोइठमन होलक : केतना कहोत रहयँ ; निहीं, ऊ आदमीमन के भरमाएला | 13 तेऊ ले यहूदीमन कर डर कर मारे केऊ आदमी उकर विषय में खुइल के नी कहोत रेहे | 14 आउर जब परब आधा दिन बीत गेलक ; तो यीशु मंदिर में जाए के उपदेश करेक लगलक | 15 तब यहूदीमन आचरज काइर के कहलयँ, कि इके बिना पढ़ल बुद्धि कइसन आए गेलक ? 16 यीशु उमन के जबाब देलक, कि मोर उपदेश मोर निहीं, मगर मोर भेजेक वालामन कर हेके | 17 अगर केऊ उकर इच्छा उपरे चलेक चाहेल, तो ऊ ई उपदेश कर विषय में जाइन जाई कि ऊ परमेश्वर कर बाटे से आहे, या मोंय अपन बाटे से कहोना || 18 जे अपन बाटे से कोनों कहेला, ऊ अपन हें बड़ाई चाहेला ; मगर जे अपन भेजेक वाला कर बड़ाई चाहेला ओहे सच्चा हेके, आउर उकर में अधरम नखें | 19 का मूसा तोहरे के व्यवस्था नी देलक ? तेऊ ले तोहर में से केऊ व्यवस्था उपरे नी चालल | तोहरे काले मोके माइर मोरएक चाहल ? 20 आदमीमन जबाब देलयँ : कि तोर में दुष्टात्मा आहे ; केहर तोके माइर मोराएक चाहेला ? 21 यीशु उमन के जबाब देलक, कि मोंय एक काम करलों, आउर तोहरे सउब आचरज करल | 22 एहे ले मूसा तोहरे के खतना कर आज्ञा देई हे ई निहीं कि ऊ मूसा बाटे से आहे मगर बाप-दादा से चाइल आवोत हे | 23 जेखन आराम केर दिन आदमी कर खतना करल जाएला ताकि मूसा कर व्यवस्था कर आज्ञा टाइल न जाओक, तोहरे मोर उपरे काले ई लागिन खिसाल, कि मोंय आराम कर दिन एक आदमी के पूरी रीति से चंगा करलों | 24 मुहँ देइख के न्याय न चुकाबा, मगर ठीक-ठीक न्याय चुकाबा | 25 तब केतना यरूशलेमी कहेक लगलयँ ; का इ ओहे न लगे, जेके माइर मोराएक कर कोशिश करल जात हे | 26 मगर देखा, ऊ तो खुललम-खुल्ला गोठियाएला आउर केऊ कि सरदारमन सच-सच जाइन लेई हयँ ; कि एहे मसीह हेके | 27 इके तो हमरे जानिला, कि ई कहाँ कर हेके ; मगर मसीह जेखन आवी, तो केऊ नी जानबयँ कि ऊ कहाँ केर हेके | 28 तलेक यीशु मंदिर में उपदेश देते हकायँ के कहलक, तोहरे मोके जानल आउर ई हों जानल कि मोंय कहाँ कर हेकों : मोंय तो अपने से नी आलों मगर मोर भेजेक वाला सच्चा आहे, उके तोहरे नी जानल | 29 मोंय उके जानोना ; काकि मोंय उकर बाटे से अहों आउर ओहे मोके भेइज हे | 30 ई ले उमन उके धारेक चाहलयँ तेऊ ले केऊ उकर उपरे हाथ नी डाललयँ, काकि उकर समय एखन तक नी आए रेहे | 31 आउर भीड़ में से ढेइर हें मन उकर उपरे विश्वास करलयँ, आउर कहेक लगलयँ, कि मसीह जेखन आवी, तो का इकर से बगरा आचरज काम देखाई जे ई देखलक ? 32 फारसीमन आदमीमन के उकर विषय में ई गोइठमन के चुपके-चुपके करते सुनलयँ ; आउर महापुरोहितमन आउर फरीसीमन उके धारेक ले सिपाही भेजलयँ | 33 इले यीशु कहलक, मोंय थोरेक देरी तक आउर तोहर संगे रहमूँ तब अपन भेजेक वाला ठिन चाइल जामूँ | 34 तोहरे मोके खोजबा, मगर नी पाबा आउर जहाँ मोंय अहों, हुवाँ तोहरे आवेक नी परबा | 35 यहूदीमन आपस में कहलयँ, ई कहाँ जाई कि हमरे इके नी पाओब : का ऊ उमनक ठिन जाई, जे युनानीमन केहों उपदेश देवी ? 36 ई का गोइठ हेके जे ऊ कहलक, कि तोहरे मोके ढ़ँढ़बा, मगर नी पाबा : आउर जहाँ मोंय अहों, हुवाँ तोहरे नी आवेक परबा | 37 फिर परब केर आखरी दिन, जे मुध दिन हेके, यीशु ठड़ाय के आउरमन के कहलक, अगर केऊ पियासा आहे तो मोर ठिन आए के पिओक | 38 जे मोर उपरे विश्वास करी, जइसन पवित्र शास्त्र में आए हे उकर हृदय में से जीवन केर पानी केर नदीमन बइह निकली | 39 ऊ इ वचन उ आत्मा केर विषय में कहलक, जेके उकर उपरे विश्वास करेक वालामन पावेक वालामन रहयँ ; काकि आत्मा एखन तक नी उताइर रेहे ; काकि यीशु एखन तक अपन महिमा के नी पोहोंइच रेहे | 40 तब भीड़ में से केऊ-केऊ ई गोइठमन के सूइन के कहलयँ, सचमुच एहे ऊ भविष्यवक्ता हेके | 41 आउरमन कहलयँ ; ई मसीह हेके, मगर केऊ कहलक ; काले ? का मसीह गलील से आवी ? 42 का पवित्र शास्त्र में ई नी आलक, कि मसीह दाउद केर वंश से आउर बैतलहम गाँव से आवी जहाँ दाउद रहोत रेहे ? 43 से उकर कारण आदमीमन में अनबन होलक | 44 उमन में से केतना झन उके धारेक चाहोत रहयँ, मगर केऊ हर उकर उपरे हाथ नी डाललयँ || 45 तलेक सिपाही महापुरोहितमन आउर फरीसीमन ठिन आलयँ, आउर उमन सिपाहीमन से कहलयँ तोहरे उके काले नी लानला | 46 सिपाहीमन जबाब देलयँ, कि केऊ आदमी कभी एइसन गोइठ नी करलक | 47 फरीसीमन उमन के जबाब देलयँ, का तोहरे हों भरमाल जाय हा ? 48 का सरदार आउर फरीसीमन में से केऊ हों उकर उपरे विश्वास काइर हयँ ? 49 मगर ई आदमीमन जे व्यवस्था के नी जानेन, श्रापित अहयँ | 50 निकुदेमुस ( जे पहिले उकर ठिन आए रेहे उमन में से एक रेहे ) उमन से कहलक | 51 का हमर व्यवस्था केऊ आदमी के जब तक पहिले उकर सुइन के जाइन नी लेई, कि ऊ का करेला ; दोषीदर ठहराएला ? 52 उमन उके जबाब देलयँ ; का तोंय हों गलील कर हेकिस खोज आउर देख कि गलील से केऊ भविष्यवक्ता प्रगट नी होवेक कर | 53 तब सउब अपन-अपन घर चाइल गेलयँ ||

युहन्ना 8

1 मगर यीशु जैतून केर पाहर उपरे गेलक | 2 आउर बिहान के फिर मंदिर में आलक, आउर सउब आदमीमन ठिन आलयँ ; आउर ऊ बइठ के उमन के उपदेश देवेक लगलक | 3 जब पंडित आउर फरीसी एक जानना के लानलयँ, जे व्यभिचार में पकड़ल जाय रेहे, आउर उके माझे ठडुवाय के यीशु से कहलयँ | 4 हे गुरु, ई जानना व्यभिचार करते हे धराय जाए हे | 5 व्यवस्था में मूसा हमरे के आज्ञा देई हे कि एइसन जाननामन के पाखना से मारा : से तोंय ई जानना केर विषय में का कहिसला | 6 उमन उके परखेक लागिन इ गोइठ कहलयँ ताकि उकर उपरे दोष लगाएक लागिन कोनों गोइठ पाओब, मगर यीशु झुइक के अंगुली से भुई उपरे लिखेक लगलक | 7 उमन उके उकर से पूछते हे रहलयँ, तो ऊ सोझ होई के उमन से कहलक, कि तोहर में जे बेपाप करल आहे, पहिले उके पाखना मारी | 8 आउर फिर झुइक के भुई उपरे उंगुली से लिखेक लगलक | 9 मगर उमन ई सुइन के बोड़मन से लेई के छोटमन तक एक-एक झन कइर के निकइल गेलयँ, आउर यीशु एकले रइह गेलक, आउर जानना हूवाँ माझे में ठड़ाल राइह गेलक | 10 यीशु सोझ होई के उकर से कहलक, हे नारी, उमन कहाँ गेलयँ ? का केऊ तोर उपरे दंड केर आज्ञा नी देलक | 11 ऊ कहलक, हे प्रभु, केऊ निहीं : यीशु कहलक, मोंय हो तोर उपरे दंड कर आज्ञा नी देवोना || 12 तब यीशु फिर आदमीमन से कहलक, जगत कर इन्जोत मोंय हेकों ; जे मोर पाछे होई लेई ऊ अंधार में नी चली, मगर जीवन कर इंजोत पावी | 13 फरीसीमन उकर से कहलयँ ; तोंय अपन गवाही खुद देविसला ; तोर गवाही ठीक नखें | 14 यीशु उमन के जबाब देलक ; कि अगर मोंय अपन खुद गवाही देवोना, तेऊ ले मोर गवाही ठीक आहे, काकि मोंय जनोना कि मोंय कहाँ से आए हों आउर कहाँ जामूँ ? मगर तोहरे नी जानल कि मोंय कहाँ से आवोत हों या कहाँ जाओना | 15 तोहरे गतर कर मोताबिक न्याय करल ; मोंय केकरो न्याय नी करोन | 16 आउर अगर मोंय न्याय करमूँ हों, तो मोर न्याय सच्चा आहे ; काकि मोंय एकले निहीं, मगर मोंय हेकों, आउर आबा आहे जे मोके भेइज हे | 17 आउर तोहर व्यवस्था में हों लिखल आहे ; कि दुई झन केर गवाही मिल के ठीक होवेला | 18 एक तो मोंय खुद अपन गवाही देवोना, आउर दूसरा आबा मोर गवाही देवेला जे मोके भेजलक | 19 उमन उकर से कहलयँ, तोर आबा कहाँ आहे ? यीशु जबाब देलक कि न तोहरे मोके जानल, न मोर आबा के, अगर मोके जानल, तो मोर आबा के हों जानवा | 20 ई गोइठमन के ऊ मंदिर में उपदेश देते भंडार घर में कहलक, आउर केऊ हर उके नी धारलयँ ; काकि उकर समय एखन तक नी आए रेहे || 21 ऊ फिर उमन से कहलक, मोंय जाओना आउर तोहरे मोके खोजबा आउर अपन पाप में मोरबा : जहाँ मोंय जोओना, हुवाँ तोहरे नी आवेक परबा | 22 ई ले यहूदीमन कहलयँ, का ऊ खुद के माइर डाली, जे कहेला ; कि जहाँ मोंय जाओना हुवाँ तोहरे नी आवेक परबा | 23 ऊ उमन से कहलक, तोहरे हेंठे कर हेका, मोंय उपरे कर हेकों ; तोहरे दुनिया कर हेका, मोंय दुनिया कर निहीं | 24 ई लागिन मोंय तोहरे से कहलों, कि तोहरे अपन पापमन में मोरबा ; काकि अगर तोहरे विश्वास नी करबा कि मोंय ओहे हेकों, तो अपन पापमन में मोरबा | 25 उमन उकर से कहलयँ, तोंय केहर हेकिस ? यीशु उमन से कहलक, ओहे हेकों जे शुरू से तोहरे से कहते आए हों | 26 तोहरे विषय में मोके ढेइर कुछ कहेक आउर सलाह करेक आहे मगर मोर भेजेक वाला सच्चा आहे ; आउर जे मोंय उकर से सुइन हों, उखें जगत से कहोना | 27 तब नी समझलयँ कि हमर से आबा केर विषय में कहेला | 28 तब यीशु कहलक, जब तोहरे आदमी कर बेटा के ऊँचाई खुद से कोनों नी करोन, मगर जइसन मोर आबा मोके सिखाय हे, तइसनेहें ई गोइठमन के कहोना | 29 आउर मोर भेजेकवाला मोर संगे आहे ; ऊ मोके एकले नी छोइड़ हे ; काकि मोंय ओहे काम करोना, जेकर से ऊ खुश होवेला | 30 ऊ ई गोइठमन के कहते हें रेहे,कि ढेइरमन उकर उपरे विश्वास करलयँ || 31 तब यीशु ऊ यहूदीमन से जेमन उकर विश्वास काइर रहयँ, कहलक ; अगर तोहरे मोर वचन में बनल रहबा, तो सचमुच मोर चेला ठहरबा | 32 आउर सच के जनबा आउर सत्य तोहरे के आजाद करी | 33 उमन उके जबाब देलयँ ; कि हमरे तो इब्राहीम केर वंश से आही आउर कहियो केकर धांगर नी होली ; फिर का कर तोहरे आजाद होई जाबा | 34 यीशु उमन के जबाब देलक ; मोंय तोहरे से सच-सच कहोना, कि जे केऊ पाप करेला, ऊ पाप कर धांगर हेके | 35 आउर धांगर सउब एक घर में नी रहेल ; बेटा सउब खन रहेला | 36 से अगर बेटा तोहरे के आजाद करी, तो सचमुच तोहरे आजाद होई जाबा | 37 मोंय जनोना कि तोहरे इब्राहीम केर वंश से अहा ; तेऊ ले मोर वचन तोहरे हृदय में जगह नी पावेल, इकर लागिन तोहरे मोके माइर मोराएक चाहला | 38 मोंय ओहे कहोना, जे अपन आबा केर हिंयाँ देइख हों ; आउर तोहरे उखें करते रहल जे तोहरे अपन आबा से सुइन हा | 39 उमन उके जबाब देलयँ, कि हमर आबा तो इब्राहीम हेके : यीशु उमन से कहलक ; अगर तोहरे इब्राहीम कर संतान होता, तो इब्राहीम कर जइसन काम करता | 40 मगर एखन तोहरे मोर जइसन आदमी के माइर मोराएक चाहल, जे तोहरे के ऊ सत्य वचन बतालक जेके परमेश्वर से सुनलक, ई तो इब्राहीम नी काइर रेहे | 41 तोहरे अपन आबा केर जइसन काम करल ; उमन उकर से कहलयँ, हमरे व्यभिचार से नी जनाइम ही ; हमर एक आबा आहे मतलब परमेश्वर | 42 यीशु उमन से कहलक ; अगर परमेश्वर तोहर आबा होतक ; तो तोहरे मोर से प्रेम रखता ; काकि मोंय परमेश्वर में से निकइल के आए हों ; मोंय खुद से नी आलों, मगर ओहे मोके भेजलक | 43 तोहरे मोर गोइठ काले नी बुझल ? ई लागिन कि मोर वचन के सुइन नी सकल | 44 तोहरे अपन आबा शैतान से आहा, आउर अपन आबा कर इच्छामन के पूरा करेक चाहाला | उ तो शूरू से हत्यारा आहे, आउर सत्य उपरे स्थिर नी रहलक, काकि सत्य उकर में हयँ हे निहीं : जेखन ऊ झूठ कहेल, तो अपन स्वभाव हें से कहेला ; काकि ऊ झूठा हेके, बरन झूठ कर आबा देके | 45 मगर जे मोंय सच कहोना ; इ लागिन तोहरे मोर विश्वास नी करल | 46 तोहर में से केहर मोके पापी ठहरायला ? आउर अगर मोंय सच कहोना, तो तोहरे मोर विश्वास नी करल ? 47 जे परमेश्वर से होवेला, ऊ परमेश्वर कर गोइठमन के सुनेला ; आउर तोहरे ई लागिन नी सुनल कि परमेश्वर केर बाटे से नखा | 48 ई सुइन के यहूदीमन उकर से कहलयँ ; का हमरे ठीक नी काहिल, कि तोंय सामरी हेकिस, आउर तोर में दुष्टात्मा आहे ? 49 यीशु जबाब देलक, कि मोर में दुष्टात्मा नखें ; मगर मोंय अपन आबा कर माइन करोना, आउर तोहरे मोर बेमाइन कराला | 50 मगर मोंय अपन प्रतिष्ठा नी चाहोन, हाँ, एक तो आहे जे चाहेला, आउर न्याय करेला | 51 मोंय तोहर से सच-सच कहोना, कि अगर केऊ आदमी मोर वचन उपरे चली, तो ऊ अनंत काल तक मरण के नी देखी | 52 यहूदीमन उकर से कहलयँ, कि अब हमरे जाइन लेली कि तोर में दुष्टात्मा आहे : इब्राहीम मोइर गेलक, आउर भविष्यवक्ता हों मोइर गेलयँ आउर तोंय कहिसला, कि अगर केऊ मोर वचन उपरे चली तो ऊ अनंत काल तक मरण कर स्वाद नी चाखी | 53 हमर आबा इब्राहीम तो मोइर गेलक, का तोंय उकर से बोड़ आहिस ? आउर भविष्यवक्ता हों मोइर गेलयँ, तोंय खुद के का ठहराइसला | 54 यीशु जबाब देलक ; अगर मोंय खुद अपन बड़ाई करमूँ , तो मोर महिमा कोनों निहीं, मगर मोर महिमा करेक वाला मोर आबा हेके, जेके तोहरे कहल, कि ऊ हमर परमेश्वर हेके | 55 आउर तोहरे तो उके नी जानल ; मगर मोंय उके जनोना ; तो मोंय तोहरे लेखे झूठा ठहरमूँ : मगर मोंय उके जानोन, आउर उकर वचन उपरे चलोना | 56 तोहर आबा इब्राहीम मोर दिन देखेक कर आसरा से ढेइर मगन रेहे ; आउर ऊ देखलक, आउर खुशी होलक | 57 यहूदीमन उकर से कहलयँ, अब तक तोंय पचास बारिस कर निहीं : तेऊ ले तोंय इब्राहीम के देइख हिस ? 58 यीशु उमन से कहलक ; मोंय तोहर से सच-सच कहोना ; कि पहिले इकर कि इब्राहीम हेकों सिरीजलक मोंय हेकों | 59 तब उमन उके मारेक लागिन पाखना उठालयँ, मगर यीशु लुइक के मंदिर से निकइल गेलक ||

युहन्ना 9

1 फिर जाते ऊ एक आदमी देखलक, जे जनम से अंधा रेहे | 2 आउर चेलामन उकर से पूछलयँ, हे रब्बी, केहर पाप काइर रेहे कि ई अंधा जनमलक, ई आदमी, या उकर आयो आबा ? 3 यीशु जबाब देलक, कि न तो ई पाप काइर रेहे, न इकर आयो-आबा ; मगर इ इकर लागिन होलक, कि परमेश्वर केर काम उकर में दिस्तार होओक | 4 जे मोके भेइज हे ; मोके उकर काम दिन हें दिन करेक जरुरी आहे : ऊ राइत अवाइया आहे जेकर में केऊ काम करेक नी परबयँ | 5 जब तक मोंय जगत में अहों, तब तक दुनिया केर इन्जोत हेके | 6 इ कइह के ऊ भुई उपरे थूकलक आउर ऊ थूक से माटी सनलक, आउर ऊ माटी के अंधा कर आँइख में लगाय के | 7 उकर से कहलक ; जा शीलोह केर पोखरा ; में धोई ले, ( जेकर अर्थ भेजल आहे ) से ऊ जाए के धोवालक, आउर देखते घुइर आलक | 8 तब पडोसी आउर जेमन पहिले उके भिख मांगते देइख रहयँ, कहेक लगलयँ ; का ई ओहे ना लगे, जे बइठल भिख मंगोत रेहे ? 9 केतना झन कहलयँ, ई ओहे हेके : आउर मन कहलयँ, निहीं ; मगर जइसन आहे : ऊ कहलक, मोंय ओहे हेकों | 10 तब उमन उकर से पुछेक लगलयँ, तोर आँइख कइसन खुइल गेलक ? 11 ऊ जबाब देलक, कि यीशु नाँव कर एक आदमी माटी सनलक, आउर मोर आँइख में उपरे लगाय के मोर के कहलक, कि शीलोह में जाए के धोई लेबे ; से मोंय गेलों, आउर धोई के देखेक लगलों | 12 उमन उकर से पुछलयँ ; ऊ कहाँ आहे ? ऊ कहलक ; मोंय नी जानोन | 13 आदमीमन उके जे पहिले अंधा रेहे फरीसीमन ठिन लेई गेलयँ | 14 जे दिन यीशु माटी साइन के उकर आँइख खोइल रेहे ऊ आराम केर दिन रेहे | 15 फिर फरीसीमन हों उकर से पुछलयँ ; तोर आँइख का लेखे खुइल गेलक ? ऊ उमन से कहलक ; ऊ मोर आँइख उपरे माटी लगालक, फिर मोंय धोई लेलों, आउर एखन देखोना | 16 ई ले कई झन फरीसी कहेक लगलयँ ; ई आदमी परमेश्वर बाटे से निहीं, काकि ऊ आराम केर दिन नी मानेल | आउर मन कहलयँ, पापी आदमी का कर एइसन चिन्हा देखाय सकेला ? से उमन में अनबन होई गेलक | 17 उमन ऊ अंधा से कहलयँ, ऊ जे तोर आँइख खोललक, तोंय उकर विषय में का कहिसला ? ऊ कहलक, ऊ भविष्यवक्ता हेके | 18 मगर यहूदीमन के विश्वास नी होलक कि ई अंधा रेहे आउर एखन देखेला जब तक उमन उकर आयो-आबा के जेकर आँइख खूइल जाय रेहे, बुलाय के | 19 उमन से पुछलयँ, कि का ई तोहर बेटा हेके, जेके तोहरे काहल कि अंधा जानइम रेहे ? फिर अब ऊ कइसन देखेला ? 20 उकर आयो-आबा जबाब देलयँ ; हमरे तो जानिला कि हमर बेटा हेके, आउर अंधा जनाइम रेहे | 21 मगर हमरे ई नी जानिल कि अब कइसन देखला ; आउर न जानिला, कि केहर उकर आँइख खोललक ; ऊ सयाना आहे ; उकरे से पूइछ लेवा ; ऊ अपन विषय में खुद कइह देई | 22 ई गोइठमन उकर आयो-आबा ई ले कहलयँ काकि उमन यहूदीमन से डरत रहयँ ; काकि यहूदी एका काइर चुइक रहयँ, कि अगर केऊ कहाँ कि ऊ मसीह हेके, तो आराधनालय से निकलाल जाई | 23 एहे उकर आयो-आबा कहलयँ, कि ऊ सयाना आहे ; उकरे से पूछ लेवा | 24 तब उमन ऊ आदमी के जे अंधा रेहे, दूसरी बार बुलाय के उकर से कहलयँ, परमेश्वर कर बड़ाई कर ; हमरे तो जनिला कि ऊ आदमी पापी हेके | 25 ऊ जबाब देलक : मोंय नी जनोन कि ऊ पापी हेके या निहीं ; मोंय एक गोइठ जानोना कि मोंय अंधा रहों आउर अब देखोना | 26 उमन उकर से फिर कहलयँ , कि ऊ तोर संगे का करलक ? आउर का लेखे तोर आँइख खोललक ? 27 ऊ उमन से कहलक ; मोंय तो तोहरे से कइह चुकलों आउर तोहरे नी सुनला ; अब दूसरी बार काले सुनेक चाहाला ? का तोहरे हों उकर चेला होवेक चाहाला ? 28 तब उमन उके बुरा-भला कइह के कहलयँ, तोंय हें उकर चेला हेकिस ; हमरे तो मूसा केर चेला हेकी | 29 हमरे जानिला कि परमेश्वर मूसा से गोइठ करलक ; मगर ई आदमी के नी जानिल कि कहाँ केर हेके | 30 ऊ उमन के जबाब देलक ; ई तो आचरज कर गोइठ हेके कि तोहरे नी जानल कि कहाँ केर हेके तेऊ ले ऊ मोर आँइख खोइल देलक | 31 मोंय जानोना कि परमेश्वर पापीमन कर नी सुनेल मगर केऊ परमेश्वर केर भक्त हेके, आउर उकर इच्छा उपरे चलेला, तो ऊ उकर सुनेला | 32 दुनिया केर शुरू से ई कहियो सुनेक में नी आलक, कि केऊ हर हों जनम कर से अंधा कर आँइख खोइल हे | 33 अगर ई आदमी परमेश्वर बाटे से नी होतक, तो कोनोंवे नी करेक परतक | 34 उमन उके जबाब देलयँ, कि तोंय तो बिलकुल पापमन में जनाइम हिस, तोंय हमरे के का सिखाइसला ? आउर उमन उके बाहरे निकला लयँ || 35 यीशु सुनलक, कि उमन उके बाहरे निकलय देई हयँ ; आउर जब उकर से भेंट होलक, तो कहलक, कि का तोंय परमेश्वर कर बेटा उपरे विश्वास करिसला ? 36 ऊ जबाब देलक, कि हे प्रभु ; ऊ के हेके कि मोंय उकर उपरे विश्वास करमूँ ? 37 यीशु उकर से कहलक, तोंय उके देइखिस हों ; आउर जे तोर संगे गोइठयात हे ओहे हेके | 38 ऊ कहलक, हे प्रभु, मोंय विश्वास करोना : आउर उके दंडवत करलक | 39 तब यीशु कहलक, मोंय ई दुनिया में न्याय लागिन आए हों, ताकि जे नी देखेन उमन देखोक ; आउर जे देखेना उमन अंधा होई जाओक | 40 जे फरीसी उकर संगे रहयँ, उमन ई गोइठ सुइन के उकर से कहलयँ, का हमरे हों अंधा आही | 41 यीशु उमन से कहलक, अगर तोहरे अंधा होता तो पापी नी ठहरता मगर अब कहल, कि हमरे देखिला, ई लागिन तोहर पाप बनल रहेला ||

युहन्ना 10

1 मोंय तोहर से सच-सच कहोना, कि जे केऊ दूरा से भेड़ी गोदड़ी में नी ढूकेल, मगर कोनों बाटे से चाइढ़ जाएला, ऊ चोर आउर डाकू हेके | 2 मगर जे दूरा से भीतरे ढूकेला ऊ भेड़मन कर चरवाहा हेके | 3 उकर लागिन दुरा आंगरा दुरा खोइल देवेला, आउर भेड़मन उकर शब्द सुनेना, आउर ऊ अपन भेड़मन के नाम लेई–लेई के बुलायला आउर बाहरे लेई जाएला | 4 आउर जब ऊ अपन सउब भेड़मन के बाहरे निकलयँ देवेला, तो उमन कर आगे-आगे चलेला, आउर भेड़मन उकर पीछे-पीछे होई लेवेना ; काकि उमन उकर शब्द चिन्हेना | 5 मगर उमन दूसरा केर पीछे नी जाबयँ, मगर उकर से भगबयँ, काकि उमन दूसरामन कर शब्द नी चिन्हेना | 6 यीशु उमन से ई नमूना कहलक, मगर उमन नी बुझलयँ कि ई का गोइठमन हेके जे ऊ हमर से कहोत हे | 7 तब यीशु उमन से फिर कहलक, मोंय तोहरे सच-सच कहोना, कि भेड़मन कर दुरा मोंय हेकों | 8 जेतना मोर से आगे आलयँ ; उमन सउब चोर आउर डाकू हेकयँ मगर भेड़मन उमन कर नी सुनलयँ | 9 दुरा मोंय हेकों ; अगर केऊ मोर से होई के भीतरे प्रवेश करी तो उद्धार पावी आउर भीतरे बाहरे आवा-जाही करी आउर चारा पावी | 10 चोर कोनों आउर काम लागिन निहीं मगर केवल चोरी करेक आउर मोराएक आउर नाश करेक ले आवेला | 11 बेस चरवाहा मोंय हेकों ; बेस चरवाहा भेड़ लागिन अपन जीऊ देवेला | 12 मजदूर जे न चरवाहा हेके, आउर न भेड़मन कर मालिक हेके, भेड़िया के आते देइख, भेड़मन के छोइड़ के भाइग जाएला, आउर भेड़िया उमन के धारेल आउर तित्तर-बित्तर काइर देवेला | 13 ऊ ई लागिन भाइग जाएला कि ऊ मजदूर हेके, आउर उके भेड़मन कर चिंता नखें | 14 बेस चरवाहा मोंय हेकों ; जे लेखे आबा मोके जानेला, आउर मोंय आबा के जानोना, 15 एहे लेखे मोंय अपन भेड़मन के जनोना, आउर मोर भेड़मन मोके जानेना ; आउर मोंय भेड़मन लागिन अपन प्राण देवोना | 16 आउर मोर आउर हें भेड़मन अहयँ, जे ई भेड़ी गोदरी कर ना लगयँ : मोके उमन के हों लानेक जरुरी आहे, उमन मोर शब्द सुनबयँ ; तब एक हें झुण्ड आउर एक हें चरवाहा होवी | 17 आबा ई ले मोर से प्रेम रखेला ; कि मोंय अपन प्राण देवोना ; कि उके फिर लेई लेमूँ | 18 केऊ उके मोर से छीनेल निहीं ; बरन मोंय उके खुद ही देवोना : मोके उके देवेक कर हों हक आहे, आउर उके फिर लेवेक कर हों हक आहे : ई आज्ञा मोर आबा से मोके मिल हे || 19 ई गोइठमन कर कारण यहूदीमन में फिर अंनबन पड़लक | 20 उमन में से ढेइर हें मन कहेक लगलयँ, कि उकर में दुष्टात्मा आहे, आउर ऊ पागला हेके ; उकर काले सुनल ? 21 आउर मन कहलयँ, ई गोइठमन एइसन आदमी कर निहीं जेकर में दुष्टात्मा होवी : का दुष्टात्मा अंधामन कर आँइख खोलेक पारेला ? 22 यरूशलेम में स्थापना पर्व होलक, आउर जाड़ा केर दिन रेहे | 23 आउर यीशु मंदिर में सुलैमान केर पटइन में बुलोत रेहे | 24 तब यहूदीमन उके आए घेरलयँ आउर पुछलयँ, तोंय हमर मन के कब तक दुविधा में रखबे ? अगर तोंय मसीह हेकिस, तो हमर से साफा कइह दे | 25 यीशु उमन के जबाब देलक, कि मोंय तोहरे से कइह देलों, आउर तोहरे विश्वास हे नी करल, जे काम मोंय अपन अबा केर नाँव से करोना ओहे मन हें मोर गवाह हेके | 26 मगर तोहरे ई लागिन विश्वास नी करल, कि मोर भेड़मन में से ना लगा | 27 मोर भेड़मन मोर शब्द सुनेना, आउर मोंय उमन के जनोना, आउर उमन मोर पाछे-पाछे चालेना | 28 आउर मोंय उमन के अनंत जीवन देवोना, आउर उमन कहियो नाश नी होबयँ, आउर केऊ उमन के मोर से छीन नी लेवी | 29 मोर आबा, जेऊ मन के मोके देई हे, सउब से बोड़ आहे, आउर केऊ उमन के आबा कर हाथ से छीनेक नी पारी | 30 मोंय आउर आबा एक हेकी | 31 यहूदीमन उके पाखना मारेक लागिन पाखना उठालयँ | 32 ई ले यीशु उमन से कहलक, कि मोंय तोहरे के अपन आबा बाटे से ढेइर सा भला काम देखाय हों, उमन में से कोन काम लागिन तोहरे मोके पाखना मरोत हा ? 33 यहूदीमन उके जबाब देलयँ, कि भला काम लागिन हमरे तोके पाखना नी मारोत ही, मगर परमेश्वर केर निंदा केर कारण आउर ई लागिन कि तोंय आदमी होई के खुद के परमेश्वर बनाइसला | 34 यीशु उमन के जबाब देलक, कि तोहर व्यवस्था में नी लिखल आहे कि मोंय कहलों, तोहरे ईश्वर हेका ? 35 अगर ऊ उमन के ईश्वर कहलक जेमन ठिन परमेश्वर केर वचन पोहोंचलक (आउर पवित्र शास्त्र केर गोइठ लुकेक नी पारी) 36 तो जेके आबा पवित्र ठहराय के जगत में भेइज हे, तोहरे उकर से कहल कि तोंय निंदा करिसला ; ई लागिन कि मोंय कहलों, मोंय परमेश्वर कर बेटा हेकों | 37 अगर मोंय अपन आबा केर काम नी करोना, तो मोर विश्वास न करा | 38 अगर मोंय करोना तो चाहे मोर विश्वास ना हों करा, ताकि तोहरे जानबा, आउर समझबा, कि आबा मोर में आहे आउर मोंय आबा में आहों | 39 तब उमन फिर उके धरेक कर कोशिश करलयँ मगर ऊ उमनक हाथ से निकइल गेलक || 40 फिर ऊ यरदन केर पाखारी ऊ जगह चाइल गेलक, जहाँ आगे बपतिस्मा देवोत रेहे, आउर हूँवाय रहलक | 41 आउर ढेइर मन उकर ठिन आए के कहोत रहयँ, कि तो कोनों चिन्हा नी देखालक, मगर जे कुछ इकर विषय में कइह रेहे, ऊ सउब सच रेहे | 42 आउर हुवाँ ढेइर आदमीमन उकर उपरे विश्वास करलयँ ||

युहन्ना 11

1 मरियम आउर उकर बहिन मरथा केर गाँव बैतनिय्याह कर लाजर नाँव केर एक आदमी बीमार रेहे | 2 ई ओहे मरियम रेहे जे प्रभु उपरे इत्र डाइल के उकर पाँव के अपन केंस से पोंइछ रेहे, इकरे भाई लाजर बीमार रेहे | 3 से उकर बहिनमन उके कइह भेजलयँ, कि हे प्रभु देख, जेकर से तोंय प्रेम रखिसला ; ऊ बीमार आहे | 4 ई सुइन के यीशु कहलक, ई बीमारी मरण कर ना लगे, मगर परमेश्वर केर महिमा केर लागिन हेके, कि उकर द्वारा परमेश्वर केर बेटा केर महिमा होओक | 5 आउर यीशु मरथा आउर उकर बहिन आउर लाजर से प्रेम रखोत रेहे | 6 जेखन ऊ सुनलक, कि ऊ बीमार आहे, तो जे ठाँव में रेहे, हुवाँ दुई दिन आउर रुइक गेलक | 7 फिर इकर बाद ऊ चेलामन से कहलक, कि आवा हमरे फिर यहूदिया चलोब | 8 चेलामन उकर से कहलयँ, हे रब्बी, एखन तो यहूदी तोके पाखना से मारेक चाहोत रहयँ, आउर का तोंय फिर हों हुवाँ जाइसला ? 9 यीशु जबाब देलक, का दिन केर बारह घंटा नी होवेल ? अगर केऊ दिन के चली, तो ठोकर नी खाएल काकि इ दुनिया कर इन्जोत देखेला | 10 मगर अगर केऊ राइत के चली, तो ठेस खाएला, काकि उकर में इन्जोत नखें | 11 ऊ ई गोइठ कहलक, आउर इकर बाद उमन से कहेक लगलक कि हमर संग लाजर निंदाय जाय हे, मगर मोंय उके जगाएक जाओना | 12 तब चेलामन उकर से कहलयँ, हे प्रभु अगर ऊ निंदाय जाय हे, तो बइच जाई | 13 यीशु तो उकर मरण केर विषय में कइह रेहे : मगर उमन बुझलयँ किऊ नींद में से सुइत जाएक केर विषय कहलक | 14 तब यीशु उमन से सफा कइह देलक, कि लाजर मोइर जाय हे : 15 आउर मोंय तोहर कारण खुश आहों कि मोंय हुवाँ नी रहों जेकर से तोहरे विश्वास करा ; मगर एखन आबा, हमरे उकर ठिन चलोब || 16 तलेक थोमा जे दिदुमुस कहाएला, अपन संगे केर चेलामन से कहलक, आवा, हमरे हों उकर संगे मोरेक ले चलोब || 17 से यीशु के आए के ई मालूम होलक कि उके कब्र में राखल चाइर दिन होई चुइक हे | 18 बैतनिय्याह यरूशलेम केर समीप केऊ लगभग दुई मील केर दुरी रेहे | 19 आउर ढेइर यहूदी मरथा मरियम ठिन उकर भाई केर विषय में शांति देवेक लागिन आए रहयँ | 20 से मरथा यीशु केर आवेक कर समाचार सुइन उकर से भेंट करेक ले गेलक, मगर मरियम घर में बइठल रहलक | 21 मरथा यीशु से कहलक, हे प्रभु, अगर तोंय हिंयाँ होते, तो मोर भाई कदापि नी मोरतक | 22 आउर एखन हों मोंय जानोना, कि जे कुछ तोंय परमेश्वर से मंगबे, परमेश्वर तोके देई | 23 यीशु उकर से कहलक, तोर भाई जी उठी | 24 मरथा उकर से कहलक, मोंय जानोना, कि आखरी दिन पुनरुस्थान केर समय ऊ जी उठी | 25 यीशु उकर से कहलक, पुनरुस्थान आउर जीवन मोंय हे हेकों जे केऊ मोर उपरे विश्वास करेला ऊ अगर मोइर हों जाई, तेऊ ले जी जाई | 26 आउर जे केऊ जीवते आहे, आउर मोर उपरे विश्वास करेला, ऊ अनंत काल तक नी मोरी, का तोंय ई गोइठ उपरे विश्वास करिसला ? 27 ऊ उकर से कहलक, हाँ हे प्रभु मोंय विश्वास काइर चुइक हों कि परमेश्वर केर बेटा मसीह जे जगत में आवेक वाला रेहे, ऊ तोंय हें हेकिस | 28 ई कइह के ऊ चइल गेलक, आउर अपन बहिन मरियम के चुपके से बुलाय के कहलक, गुरु हिंयाँय आहे, आउर तोके बुलात हे | 29 ऊ सुनते हें तुरते उइठ के उकर ठिन आलक | 30 (यीशु एखन गाँव में नी पोहोंइच रेहे, मगर ओहे जगह में रेहे, जहाँ मरथा उकर से भेंट काइर रेहे ) | 31 तब जे यहूदी उकर संगे घर में रहयँ, आउर उके शांति देवोत रहयँ, ई देइख के कि मरियम तुरते उइठ के बाहरे जाए हे आउर ई समइझ के कि ऊ कब्र में कांदेक ले जाए हे, उकर पीछे होई लेलयँ | 32 जब मरियम हुवाँ पोहोंचलक जहाँ यीशु रेहे, तो उके देखते हें उकर पाँव उपरे गिर के कहलक, हे प्रभु, अगर तोंय हिंयाँ होते तो मोर भाई नी मोरतक | 33 जब यीशु उके आउर ऊ यहूदीमन के जे उकर संगे आए रहयँ कांदेक देखलक, तो आत्मा से ढेइर हें दुखी होलक, आउर घबड़ाय के कहलक ; तोहरे उके कहाँ राइख हा ? 34 उमन उकर से कहलयँ, हे प्रभु, जाए के देइख ले | 35 यीशु केर आँसू बाहेक लगलक | 36 तब यहूदी कहेक लगलयँ, देखा ऊ उकर से कइसन प्रेम रखोत रेहे | 37 मगर उमन में से केतना झन कहलयँ, का ई जे अंधा केर आँइख खोललक, ई हों नी करेक परलक कि ई आदमी नी मोर तक | 38 यीशु मन में फिर ढेइर हें दुखी होई के कब्र ठिन आलक, ऊ एक गुफा रेहे आउर एक पाखना उकर उपरे धारल रेहे | 39 यीशु कहलक ; पाखना के उठावा : ऊ मोरल केर बहिन मरथा उकर से कहेक लगलक, हे प्रभु, उकर में से एखन तो बदबू आवेला काकि उके मोरल चाइर दिन होई गेलक | 40 यीशु उकर से कहलक, का मोंय तोर से नी काइह रेहों कि अगर तोंय विश्वास करबे, तो परमेश्वर केर महिमा के देखबे | 41 तब उमन ऊ पाखना के हटालयँ, फिर यीशु आँइख उठाय के कहलक, हे आबा मोंय तोर धन्यवाद करोना कि तोंय मोर सुइन लेई हिस | 42 आउर मोंय जानोत रहों, कि तोंय सउब खन मोर सुनिसला, मगर जे भीड़ आसे-पासे ठड़ाल आहे उमनक कारण मोंय ई कहलों, जेकर से कि उमन विश्वास करोक, कि तोंय मोके भेइज हिस | 43 ई काइह के ऊ बड़का जोर से हकालक, कि हे लाजर निकइल आ | 44 जे मोइर जाय रेहे, ऊ कफन से हाथ पाँव बाँधल निकल आलक, आउर उकर मुहँ गामछा से लिपटल रेहे ; यीशु उमन से कहलक उके खोइल के जाएक देवा || 45 तब जे यहूदी मरियम ठिन आए रहयँ, आउर उकर ई काम देइख रहयँ, उमन में से ढेइरमन उकर उपरे विश्वास करलयँ | 46 मगर उमन में से केतना झन फरीसीमन ठिन जाय के यीशु केर काम कर समाचार देलयँ || 47 ई ले महापुरोहितमन आउर फरीसीमन मुध सभा केर आदमीमन के जमा कइर के कहलयँ, हमरे का करीला ? ई आदमी तो ढेइर चिन्हा देखायला | 48 अगर हमरे उके एसनेहें छोइड़ देब, तो सउब उकर उपरे विश्वास लेई आनबयँ आउर रोमी आए के हमर जगह आउर जाइत दुयो उपरे हक काइर लेबयँ | 49 तब उमन में से कइफा नाँव केर एक आदमी जे ऊ बारिस केर महापुरोहित रेहे, उमन से कहलक, तोहरे कोनों नी जानल | 50 आउर न ई सोचला, कि तोहर लागिन ई बेस आहे, कि हमर आदमीमन लागिन एक आदमी मोरोक, आउर न ई कि सउब जाइत नाश होओक | 51 ई गोइठ ऊ अपन बाटे से नी कहलक मगर ऊ बारिस केर महापुरोहित होई के भविष्यवाणी करलक, कि यीशु ऊ जाइत लागिन मोरी | 52 आउर न केवल ऊ जाइत लागिन, बरन ई लागिन हों, कि परमेश्वर केर तित्तर-बित्तर संतानमन के एक काइर देओक | 53 से ओहे दिन से उमन उके मोइर मोराएक कर सलाह करेक लगलयँ | 54 ई ले यीशु ऊ समय से यहूदीमन में दिस्तार होई के नी घुमलक ; मगर हुवाँ से जंगल केर पासे केर देश में इफ्राईम नाँव केर एक नगर में चाइल गेलक ; आउर अपन चेलामन संगे हुँवाय रहेक लगलक | 55 आउर यहूदीमन कर पास्का पासे रहें, आउर ढेइरमन पास्का से आगे देहात से यरूशलेम गेलयँ कि अपने के शुद्ध करोब | 56 से उमन यीशु के खोजेक आउर मंदिर में ठड़ाय के आपस में कहेक लगलयँ कि तोहरे का बुझाला ? 57 का ऊ परब में नी आवी ? आउर महापुरोहित आउर फरीसीमन हों आसरा देई राइख रहयँ, कि अगर केऊ ई जानी कि यीशु कहाँ आहे तो बताई, कि उके घाइर लेब ||

युहन्ना 12

1 फिर यीशु पास्का से छाव दिन आगे बैतनिय्याह में आलक, जहाँ लाजर रेहे : जेके यीशु मोरलमन में से जियाय रेहे | 2 हुवाँ उमन उकर लागिन खाएक तैयार करलयँ, आउर मरथा सेवा करोत रेहे, आउर लाजर उमन में से एक रेहे, जे उकर संगे खाएक लागिन बइठ रेहें | 3 तब मरियम जटामासी केर आधा सेर बहुत दाम कर इत्र लेई के यीशु केर पाँव उपरे डाललक, आउर अपन केंस से उकर पाँव पोछलक, आउर इत्र केर बेस गंध से घर सुगंधित होई गेलक | 4 मगर उकर चेला मन में से यहूदा इस्करियोती नाँव एक चेला जे उके धरुवाएक वाला रेहे कहेक लगलक | 5 ई इत्र के तीन सौ दीनार में बेइच के कंगालमन के काले नी देवल गेलक ? 6 उ ई गोइठ ले नी कहलक, कि उके कंगालमन कर चिंता रेहे, मगर ई ले कि ऊ चोर-चोरहा रेहे आउर उकर ठिन उकर थैली रहोत रेहे, आउर उकर में जे कुछ डालल जात रेहे ऊ निकलय लेवोत रेहे | 7 यीशु कहलक, उके मोर गड़ाएक जाएक केर दिन लागिन रहेक देवा | 8 काकि कंगाल तो तोहर संगे सउब खन रहेना मगर मोंय तोहर संगे सउबखन नी रहमूँ | 9 यहूदीमन में से साधारणमन जाइन गेलयँ, कि ऊ हुवाँ आहे, आउर उमन न केवल यीशु केर कारण आलयँ मगर ई लागिन हों कि लाजर के देखोब, जेके ऊ मोरलमन में से जियाय रेहे | 10 तब महापुरोहितमन लाजर के हों माइर मोराएक कर सलाह करलयँ | 11 काकि उकर कारण ढेइर यहूदी चइल गेलयँ, आउर यीशु उपरे विश्वास करलयँ | 12 दूसरा दिन ढेइर आदमीमन जे परब में आए रहयँ, ई सुइन के, कि यीशु यरूशलेम में आवोत हें | 13 खजूर केर, डाइर लेलयँ, आउर उकर से भेंट करेक ले निकलयँ, आउर हकायक लगलयँ, कि होशाना, धन्य इस्राएल कर राजा, जे प्रभु केर नाँव से आवोत हें | 14 जेखन यीशु के एक गदही केर छउवामिललक, तो उकर उपरे बइठलक | 15 जइसन लिखल आहे, कि हे सिय्योन केर बेटी, न डर, देख तोर राजा गदही केर छउवा उपरे चढ़ाल चइल आवेला | 16 उकर चेलामन, ई गोइठ मन के आगे बुइझ रहयँ ; मगर जब यीशु केर महिमा दिस्तार होलक तो उमन के याइद आलक, कि ई गोइठमन उकर विषय में लिखल रेहे ; आउर आदमी उकर से ई लेखें कर व्यवहार काइर रहयँ | 17 तब भीड़ केर आदमीमन जे उ समय उकर संगे रहयँ इ गवाही देलयँ कि ऊ लाजर के कब्र में से बुलाय के, मोरल मन में से जियाय रेहे | 18 ई लागिन आदमीमन उकर से भेंट करेक ले आए रहयँ काकि उमन सुइन रहयँ, कि ऊ आचरज काम दिखाय हे | 19 तब फरीसीमन आपस में कहलयँ, सोचा तो सही कि तोहर से कोनों नी बाइन पड़ोत हे : देखा दुनिया उकर पाछे होई चाइल हे || 20 जे मन ऊ परब में भजन करेक आए रहयँ उमन में से कई झन यूनानी रहयँ | 21 उमन गलील केर बैतसैदा केर रहेक वाला फिलिप्पुस ठिन आए के उकर से बिनती करलयँ, कि श्रीमान हमरे यीशु से भेंट करेक चहिला | 22 फिलिप्पुस आए के अन्द्रियास से कहलक ; तब अन्द्रियास आउर फिलिप्पुस यीशु से कहलयँ | 23 ई ले यीशु उमन से कहलक, ऊ समय आए जाए हे, कि मानवा केर बेटा केर महिमा होओक | 24 मोंय तोहरे से सच-सच कहोना, जब तक गेहूँ केर मंजी भुई में पइड़ के मोइर नी जाई, उ एकले रहेला मगर जब मोइर जाएला, तो ढेइर फोर लानेला | 25 जे अपन जीउ के प्रिय जानेला, ऊ उके हेराय देवेला ; आउर जे ई दुनिया में अपन जीउ के अप्रिय जानेला ; ऊ अनंत जीवन लागिन उकर रक्षा करी | 26 अगर केऊ मोर सेवा करी तो मोर पाछे होई लेओक ; आउर जहाँ मोंय आहों, हुवाँ मोर सेवक हों होवी ; अगर केऊ मोर सेवा करी, तो आबा उकर माइन करी | 27 अब मोर जी व्याकुल होई जात हे | ई लागिन अब मोंय का कहमूँ ? हे आबा मोके ई समय से बचाव ? मगर मोंय एहे कारण ई समय के पोहोंइच हों | 28 हे आबा अपन नाँव केर महिमा कर ; तब ई आकाशवाणी होलक, कि मोंय उकर महिमा काइर हों, आउर फिर हों करमूँ | 29 तब जेमन ठड़ाय सुनोत रहयँ, उमन कहलयँ ; कि बादरी गरजलक, आउर मन कहलयँ केऊ स्वरगदूत उकर से कहलक | 30 ई ले यीशु कहलक, इ शब्द मोर लागिन निहीं, मगर तोहर लागिन आए हे | 31 अब ई दुनिया केर न्याय होवेला, अब ई जगत केर सरदार निकलाल देवाल जाई | 32 आउर मोंय अगर दुनिया उपरे से ऊँचाई में चढ़ाल जामूँ, तो सउब के अपने ठिन खीचमूँ | 33 एइसन कइह के ऊ ई दिस्तार काइर देलक, कि ऊ कइसन मरण से मोरी | 34 ई ले आदमीमन उकर से कहलयँ, कि हमरे व्यवस्था कर ई गोइठ सुइन ही, कि आदमी केर बेटा के ऊँचाई में चढ़ाल जाएक जरुरी आहे ? 35 ई मनवा केर बेटा केहर हेके ? यीशु उमन से कहलक, इन्जोत अब थोरेक देरी तक तोहर माझे आहे जब तक इन्जोत तोहर संगे आहे तब तक चाइल जावा ; एइसन न होओक कि अंधार तोहरे के आए घेरी ; जे अंधार में चलेला ऊ नी जानेल कि काने जाएला | 36 जब तक इन्जोत तोहर संगे आहे इन्जोत उपरे विश्वास करा कि तोहरे इन्जोत केर संतान हेका | 37 आउर ऊ उमनक सामने इतना चिन्हा देखालक तेऊ ले उमन उकर उपरे विश्वास नी करलयँ | 38 ताकि यशायाह भविष्यवक्ता कर वचन पूरा होओक जे ऊ कहलक कि हे प्रभु हमर सुसमाचार केर केहर विश्वास काइर हे ? आउर प्रभु भुजबल केकर उपरे दिस्तार होलक ? 39 ई कारण उमन विश्वास करेक नी परलयँ ; काकि यशायाह फिर कहलक | 40 कि ऊ उमनक आँइख अंधा, आउर उमनक मन के कठोर काइर हे ; कही एइसन न होओक, कि उमन आँइख से देखबयँ, आउर मन से बुझबयँ, आउर मुड़बयँ, आउर मोंय उमन के चंगा करमूँ | 41 यशायाह ई गोइठमन के ई ले कहलक, कि ऊ उकर महिमा देखलक ; आउर ऊ उकर विषय में गोठियालक | 42 तेऊ ले सरदारमन में से हों ढेइरमन उकर उपरे विश्वास करलयँ, मगर फरीसीमन कर कारण दिस्तार में नी मनोत रहयँ, एइसन न होओक कि आराधनालय में से निकलय जाबयँ | 43 काकि आदमी मन कर बड़ाई उमन के परमेश्वर केर बड़ाई से बगरा बेस लगोत रेहे || 44 यीशु हकाय के कहलक, जे मोर उपरे विश्वास करेला, उ मोर उपरे निहीं मगर मोके भेजेकवाला केर उपरे विश्वास करेला | 45 आउर जे मोके देखेला, ऊ मोर भेजेक वाला के देखेला | 46 मोंय दुनिया में इन्जोत होई के आए हों होले जे केऊ मोर उपरे विश्वास करी, ऊ अन्धार में न रहोक | 47 अगर केऊ मोर गोइठमन के सुइन के नी मानी, तो मोंय उके दोषीदार नी ठहराओन, काकि मोंय दुनिया के दोषी ठहराएक लागिन निहीं, मगर दुनिया केर मुक्ति करेक लागिन आए हों | 48 जे मोके तुच्छ जानेला आउर मोर गोइठमन के ग्रहण नी करेला उके दोषीदार ठहराएक वाला तो एक आहे : अर्थात जे वचन मोंय कइह हों, ओहे पिछला दिन उके दोषीदार ठहराई | 49 काकि मोंय अपन बाटे से गोइठ नी काइर हों मगर आबा जे मोके भेइज हे ओहे मोके हुकूम देई हे, कि का-का कहमूँ ? का-का बोलमूँ ? 50 आउर मोंय जानोना, कि उकर आज्ञा हुकूम अनंत जीवन हेके ई लागिन मोंय जे बोलोना, ऊ जइसन आबा मोर से कइह तइसनेहें कहोना ||

युहन्ना 13

1 फसह केर परब से पाहिले जब यीशु जाइन लेलक,कि मोर ऊ बेरा आए पोहोंइच हे कि जगत छोइड़ के आबा ठिन जामूँ, तो अपन आदमीमन से, जे दुनिया में रहयँ जइसन प्रेम ऊ रखोत रेहे, आखरी तक तइसनेहें प्रेम रखते रखलक | 2 आउर जब शैतान शमौन केर बेटा यहूदा इस्करियोती केर मन में डाइल चुइक रेहे, कि उके धरुवाई, तो खाएक केर समय | 3 यीशु ई जाइन के कि आबा सउब कुछ मोर हाथ में काइर देई हे आउर मोंय परमेश्वर ठिन आए हों ; आउर परमेश्वर ठिन जाओना | 4 खाएक से उइठ के अपन लुगा के उतराय देलक ; आउर गामछा लेई के अपन कमर बाँधलक | 5 तलेक बरतन में पानी भइर के चेलामन के गोड़ धोवेक आउर जे गामछा से उकर डाँड़ा बाइंध रेहे उकरे से पोछेक लगलक | 6 जब ऊ शमौन पतरस ठिन आलक : तब ऊ उकर से कहलक, हे प्रभु, 7 का तोंय मोर गोड़ धोविसला ? यीशु उके जबाब देलक, कि जे मोंय करोना, तोंय अब नी जानिस, मगर इकर बाद समझबे | 8 पतरस उकर से कहलक, तोंय मोर पाँव कहियो नी धोवेक पाबे : ई सुइन के यीशु उकर से कहलक, अगर मोंय तोके नी धोमूँ, तो मोर संगे तोर कोनों हे साझा निहीं | 9 शमौन पतरस उकर से कहलक, हे प्रभु, तो मोर पाँव हें निहीं, वरन हाथ आउर सिर के हों धोई दे | 10 यीशु उकर से कहलक, जे नहाय चुइक हे, उके पाँव केर सिवाय आउर कोनों धोवेक केर जरुरी नखें ; मगर ऊ बिलकुल शुद्ध आहे ; आउर तोहरे शुद्ध हेका ; मगर सउब के सउब निहीं | 11 ऊ तो अपन धरुवायक वाला के जानोत रेहे एहे लागिन ऊ कहलक, तोहरे सउब के सउब शुद्ध निहीं | 12 जब ऊ उमनक पाँव धोई चुकलक, आउर अपन लुगा पिंध के फिर बइठ गेलक तो उमन से कहेक लगलक, का तोहरे समझला कि मोंय तोहर संगे का करलों | 13 तोहरे मोके गुरु आउर प्रभु कहाला, आउर भला कहाला, काकि मोंय ओहे हेकों | 14 अगर मोंय प्रभु आउर गुरु होई के तोहर पाँव धोमूँ तो तोहरे के हों एक दूसर कर पाँव धोवेक चाही | 15 काकि मोंय तोहरे के नमूना देखाय देई हों, कि जइसन मोंय तोहर संगे काइर हों, तोहरे हों तइसनेहें करते रहबा | 16 मोंय तोहरे से सच-सच कहोना, धांगर अपन मालिक से बोड़ निहीं ; आउर न भेजेक वाला अपन भेजेक वाला से | 17 तोहरे तो गोइठमन के जानाला, आउर अगर उमनक उपरे चालबा, तो धन्य अहा | 18 मोंय तोहर सउब केर विषय में नी कहोन : जेमन के मोंय चुइन लेई हों, उमन के मोंय जानोना ; मगर ई लागिन आहे, कि पवित्र शास्त्र केर ई वचन पूरा होओक, कि जे मोर रोटी खाएला, ऊ मोर उपरे लात उठालक | 19 अब मोंय उकर होएक से पहिले तोहरे के बताय देवोना कि जेखन होई जाई तो विश्वास करा कि मोंय ओहे हेकों | 20 मोंय तोहरे से सच-सच कहोना कि जे मोर भेजलमन के ग्रहण करेला, ऊ मोके ग्रहण करेला ; आउर जे मोके ग्रहण करेला, ऊ मोर भेजेक वाला के ग्रहण करेला | 21 ई गोइठमन काइह के यीशु आत्मा में व्याकुल होलक आउर इ गवाही देलक, कि मोंय तोहर से सच-सच कहोना, कि तोहर में से एक मोके धरुवाई | 22 चेलामन ई संदेह करते, कि ऊ केकर विषय में कहेला, एक दूसरे केर बाटे देखेक लगलयँ | 23 उकर चेलामन में से एक जेकर से यीशु प्रेम रखोत रेहे, यीशु केर छाती बाटे झुकाय के बइठ रेहे | 24 तब शमौन पतरस उकर बाटे इशारा काइर के पुछलक, कि बताव तो, ऊ केकर विषय में कहेला | 25 तब ऊ उकरे लेखे यीशु केर छाती बाटे झुइक के पुछलक, हे प्रभु ऊ केहर हेके ? यीशु जबाब देलक, जेके मोंय ई रोटी केर टुकड़ा डुबाय के देमूँ ओहे हेके | 26 आउर ऊ टुकड़ा डुबाय के शमौन के बेटा यहूदा इस्करियोती के देलक | 27 आउर टुकड़ा लेते हे शैतान उकर में समाय गेलयँ : तब यीशु उकर से कहलक, जे तोंय करिसला, तुरते कर | 28 मगर बइठेक वालामन में से केऊ नी जानलयँ कि ऊ ई गोइठ उकर से का कर कहलक | 29 यहूदा केर पासे थैली रहोत रेहे, ई लागिन केऊ-केऊ समझलयँ, कि यीशु उकर से कहेला, कि जे कोनों हमरे के परब लागिन चाही उके कीन ले, या ई कि कंगालमन कोनों दे | 30 तब ऊ टूकड़ा लेई के तुरते बाहरे चाइल गेलक, आउर राइत कर समय रेहे | 31 जब ऊ बाहरे चाइल गेलक तो यीशु कहलक ; अब मनुष्य केर बेटा केर महिमा होलक, आउर परमेश्वर केर महिमा उकर में होलक | 32 आउर परमेश्वर हों अपन में उकर महिमा करी, वरन तुरते करी | 33 हे छउवामन, मोंय आउर थोरेक देरी तोहर पासे आहों : फिर तोहरे मोके ढूँढ़बा, आउर जइसन मोंय यहूदीमन से कहलों, कि जहाँ मोंय जाओना, हुवाँ तोहरे नी आवेक परबा तइसनेहें मोंय अब तोहरे से हों कहोना | 34 मोंय तोहरे के एक नवाँ आज्ञा देवोना, कि एक दूसर से प्रेम रखा : जइसन मोंय तोहर से प्रेम रइख हों, तइसनहें तोहरे हों एक दूसर से प्रेम रखबा | 35 अगर आपस में प्रेम रखबा तो इकरे से सउब जानबयँ, कि तोहरे मोर चेला मन हेका || 36 शमौन पतरस उकर से कहलक, हे प्रभु, तोंय कहाँ जाइसला ? यीशु जबाब देलक, जहाँ मोंय जाओना, हुवाँ तोंय अब मोर पाछे आवेक नी परबे | मगर इकर बाद मोर पाछे आबे | 37 पतरस उकर से कहलक, हे प्रभु एखन मोंय तोर पाछे काले नी आवेक परमूँ ? मोंय तो तोर लागिन अपन जीउ देमूँ | 38 यीशु जबाब देलक, का तोंय मोर लागिन अपन प्राण देबे ? मोंय तोर से सच-सच कहोना कि मुर्गा बाँग नी देवी जब तक तोंय तीन बार मोर इंकार नी काइर लेबे ||

युहन्ना 14

1 तोहर मन व्याकुल न होओक, तोहरे परमेश्वर उपरे विश्वास रखाला मोर उपरे हों विश्वास रखा | 2 मोर आबा केर घर में ढेइर रहेक केर ठाँव आहे, अगर नी होतक, तो मोंय तोहरे से काइह देतो काकि मोंय तोहर लागिन जगह तैयार करेक जाओना | 3 आउर अगर मोंय जाए के तोहर लागिन तैयार करमूँ, तो फिर आए के तोहरे के अपन हिंयाँ लेई जामूँ जहाँ मोंय रहमूँ हुवाँ तोहरे हों रहा | 4 आउर जहाँ मोंय जाओना हुवाँ कर डहर जानाला | 5 थोमा उकर से कहलक, हे प्रभु, हमरे नी जानिल कि तोंय कहाँ जाइसला ? तो डहर कइसन जानोब ? 6 यीशु उकर से कहलक, डहर आउर सच्चाई आउर जीवन मोंय हे हेकों ; बिना मोर द्वारा केऊ आबा ठिन नी पोहोंइच सकेल | 7 अगर तोहरे मोके जाइन रहता, तो मोर आबा के हों जानता, आउर अब उके जानाला, आउर उके देइख हा हों | 8 फिलिप्पुस उकर से कहलक, हे प्रभु आबा के हमरे के देखाय दे : एहे हमर लागिन ढेइर आहे | 9 यीशु उकर से कहलक ; हे फिलिप्पुस, मोंय एतना दिन से तोहर संगे अहों आउर का तोंय मोके जानिस ? जे मोके देइख के ऊ आबा के हों देइख हें : तोंय काले कहिसला कि आबा के हमरे के दिखाव | 10 का तोंय विश्वास नी करिस, कि मोंय आबा में आहों आउर आबा मोर में आहे ? ई गोइठमन जे मोंय तोहरे से कहोना, अपन बाटे से नी कहोन, मगर आबा मोर में रइह के अपन काम करेला | 11 मोर हें विश्वास करा, कि मोंय आबा में अहों ; आउर आबा मोर में आहे ; निहीं तो काममन हे केर कारण मोर विश्वास करा | 12 मोंय तोहरे से सच-सच कहोना, कि जे मोर उपरे विश्वास रखेला, ई काम जे मोंय करोना ऊ हों करी, वरन इमन से हों बोड़ काम करी, काकि मोंय आबा पासे जाओना | 13 आउर जे कुछ तोहरे मोर नाँव से माँगबा, उखें मोंय करमूँ कि बेटा केर द्वारा आबा केर महिमा होओक | 14 अगर तोहरे मोर से मोर नाँव से कोनों माँगबा, तो मोंय उके करमूँ | 15 अगर तोहरे मोर से प्रेम रखाला, तो मोर आज्ञामन के मानबा | 16 आउर मोंय आबा से बिनती करमूँ, आउर ऊ तोहरे के एक आउर मददगाइर देवी, कि ऊ सउब खन तोहर संगे रही | 17 मतलब सत्य केर आत्मा, जेके दुनिया ग्रहण नी करेक पारेल, काकि ऊ न उके देखेला आउर न उके जानेला : तोहरे उके जानाला, ऊ तोहरे संगे रहेला, आउर ऊ तोहर में होवी | 18 मोंय तोहरे के अनाथ नी छोड़मूँ, मोंय तोहर पासे आवोना | 19 आउर थोरेक देरी राइह जाय हे कि फिर दुनिया मोके नी देखी, मगर तोहरे मोके देखबा, ई लागिन कि मोंय जीवते आहों, तोहरे हों जीवते रहबा | 20 ऊ दिन तोहरे जानबा, कि मोंय अपन आबा में अहों आउर तोहरे मोर में, आउर मोंय तोहरे में | 21 जेकर ठिन मोर आज्ञा आहे, आउर ऊ उमन के मानेला, ओहे मोर से प्रेम रखेला, आउर जे मोर से प्रेम रखेला, उकर से मोर आबा प्रेम रखी, आउर मोंय उकर से प्रेम रखमूँ, आउर खुद के उकर उपरे दिस्तार करमूँ | 22 उ यहूदा जे इस्करियोती नी रेहे, उकर से कहलक, हे प्रभु, का होलक कि तोंय अपने आप के हमर उपरे दिस्तार करेक चाहिसला, आउर दुनिया उपरे निही | 23 यीशु उके जबाब देलक, अगर केऊ मोर से प्रेम रखी, तो ऊ मोर वचन के मानी, आउर मोर आबा उकर से प्रेम रखी, आउर हमरे उकर ठिन आवोब, आउर उकर संगे वास करोब | 24 जे मोर से प्रेम नी रखेल, ऊ मोर वचन के नी मानेल, आउर जे वचन तोहरे सुनाला, ऊ मोर निहीं वरन आबा केर हेके, जे मोके भेजलक || 25 ई गोइठमन मोंय तोहर संगे रहते तोहर से कहलों | 26 मगर मददगाइर मतलब पवित्र आत्मा जेके आबा मोर नाँव से भेजी ,ऊ तोहरे के सउब गोइठमन के सिखाई, आउर जे कुछ मोंय तोहरे से काइह हों ऊ सउब के तोहरे के याइद कराई | 27 मोंय तोहरे के शांति देई जाओना, अपन शांति तोहरे के देवोना ; जइसन दुनिया देवेला, मोंय तोहरे के नी देवोना : तोहर मन न घबड़ाओक आउर न डराओक | 28 तोहरे सुनलक, कि मोंय तोहरे से कहलों, कि मोंय जाओना, आउर तोहरे ठिन फिर अवोना : अगर तोहरे मोर से प्रेम रखल, तो इ गोइठ से खुशी होता, कि मोंय आबा ठिन जाओना काकि आबा मोर से बोड़ आहे | 29 आउर मोंय अब इकर होवेक से पहिले तोहरे से काइह देई हों, कि जब उ होई जाई तो तोहरे विश्वास करा | 30 मोंय एखन से तोहर संगे आउर ढेइर गोइठमन नी करमूँ, काकि इ दुनिया कर सरदार आवेला, आउर मोर में उकर कोनों नखे | 31 मगर इ लागिन होवेला कि दुनिया जानोक कि मोंय आबा से प्रेम रखोना, आउर जे लेखे आबा मोके हुकूम देलक, मोंय तइसनेहें करोना : उठा, हिंयाँ से चलोब ||

युहन्ना 15

1 सच्चा दाखलता मोंय हेकों ; आउर मोर आबा किसान हेके | 2 जे डाइर मोर में आहे, आउर नी फोरेल, उके ऊ काइट डालेला, आउर जे फोरेला, उके ऊ छाँटेला होले आउर फलोक | 3 तोहरे तो ऊ वचन केर कारण जे मोंय तोहरे से काइह हों, शुद्ध आहा | 4 तोहरे मोर में बनल रहा, मोंय तोहर में ; जइसन डाइर अगर दाखलता में बनल नी रही, तो खुद से नी फोरेक पारी, तइसनहें तोहरे हों अगर मोर में बनल नी रहबा तो फोरेक नी परबा | 5 मोंय दाखलता हेकों : तोहरे डाइर हेका ; जे मोर में बनल रहेला, आउर मोंय उकर में, उ ढेइर फोर फोरेला, काकि मोर से अलग होई के तोहरे कोनोवें नी करेक परबा | 6 अगर केऊ मोर में बनल नी रही, तो ऊ डाइर केर लेखे फेइक देवल जाएल, आउर सुइख जाएला ; आउर आदमीमन उके ठुराय-ठुराय के आइग में डाइल देवेना, आउर उ जाइल जाएला | 7 अगर तोहरे मोर में बनल रहबा, आउर मोर गोइठमन तोहर में बनल रही तो जे चाहबा मांगबा आउर ऊ तोहर लागिन होई जाई | 8 मोर आबा केर महिमा इकरे से होवेला, कि तोहरे ढेइर सा फोर लाना, तब हे तोहरे मोर चेला ठहरबा | 9 जइसन आबा मोर से प्रेम रखलक, तहसनेहें मोंय तोहर से प्रेम रखलों, मोर प्रेम में बनल रहा | 10 अगर तोहरे मोर आज्ञामन के मानबा, तो मोर प्रेम में बनल रहबा : जइसन कि मोंय अपन आबा केर आज्ञामन के मनोना, आउर उकर प्रेम में बनल रहोना | 11 मोंय ई गोइठमन तोहर से ई लागिन काइह हों, कि मोर खुशी तोहर में बनल रहोक आउर तोहर खुशी पूरा होई जाओक | 12 मोर आज्ञा ई हेके, कि जइसन मोंय तोहरे से प्रेम रखलों, तइसनेहें तोहर हों एक-दूसर से प्रेम रखा | 13 इकर से बड़का प्रेम केकरो नखे, कि केऊ अपन संगमन लागिन अपन प्राण देई | 14 जे कुछ मोंय तोहरे के हुकूम देवोना, अगर उके करबा, तो तोहरे मोर संग हेका | 15 एखन से मोंय तोहरे के धांगर नी कहमूँ काकि धांगर नी जानेल, कि उकर मालिक का करेला : मगर मोंय तोहरे के संग कहोना, काकि मोंय जे गोइठमन अपन आबा से सुनालों, ऊ सउब के तोहरे के बताव देलों | 16 तोहरे मोके नी चुनला मगर मोंय तोहरे के चुइन हों आउर तोहरे के ठहरालों होले तोहरे जाए के फोर लानबा ; आउर तोहरे फोर बनल रहोक, कि तोहरे मोर नाँव से जे कोनों आबा से माँगबा, ऊ तोहरे के देई | 17 ई गोइठमन केर आज्ञा मोंय तोहरे के ई लागिन देवोना, कि तोहरे एक दूसर से प्रेम रखबा | 18 अगर दुनिया तोहर से बैर रखेला, तो तोहरे जानाला, कि ऊ तोहर से पहिले मोर से हों बैर रखलक | 19 अगर तोहरे दुनिया कर होता, तो दुनिया अपनमन से प्रेम रखेल, मगर ई कारण कि तोहरे दुनिया केर निहीं, वरन मोंय तोहरे के दुनिया में से चुइन लेई हों | एहे लागिन दुनिया तोहरे से बैर रखेला | 20 जे गोइठ मोंय तोहरे से काइह रहों, कि धांगर अपन मालिक से बोड़ नी होवेल, उके याइद रखा : अगर उमन मोके सतालयँ, तो तोहरे के हों सताबयँ ; अगर उमन मोर गोइठ मानलयँ, तो तोहरे के हों मानबयँ | 21 मगर इ सउब कुछ उमन मोर नाँव केर कारण तोहर संगे करबयँ काकि उमन मोर भेजेकवाला के नी जानेन | 22 अगर मोंय नी आतों आउर उमन से गोइठ मन नी करतो, तो उमन पापी नी ठहरतयँ मगर अब उमन के उमनक पाप केर लागिन कोनों बहाना नखे | 23 जे मोर बैर रखेला, ऊ मोर आबा से हों बैर रखेला | 24 अगर मोंय उमन में ऊ काममन नी करतो, जे आउर केऊ नी काइर हे तो उमन पापी नी ठहरतयँ, मगर अब तो उमन मोके आउर मोर आबा दुयो के देखलयँ, आउर दुयो से बैर करलयँ | 25 आउर ई लागिन होलक कि ई उ वचन पूरा होओक, जे उमनक व्यवस्था में लिखल आहे कि उमन मोर से व्यर्थ बैर करलयँ | 26 मगर जब ऊ सहायक आवी, जेके मोंय तोहर ठिन आबा बाटे से भेजमूँ अर्थात सत्य केर आत्मा जे आबा बाटे से निकलेला, तो उ मोर गवाही देवी | 27 आउर तोहरे हों गवाह हेका काकि तोहरे शुरू से मोर संगे राइह हा |

युहन्ना 16

1 ई गोइठमन मोंय तोहर से ई लागिन कहलों कि तोहरे ठोकर न खावा | 2 उमन तोहरे के आराधनालय मन में से निकलाय देबयँ, वरन उ समय आवेला, कि जे केऊ तोहरे के माइर डाली ऊ समझी कि मोंय परमेश्वर केर सेवा करोना | 3 आउर इके उमन इ लागिन करबयँ कि उमन न आबा के जाइन हयँ आउर न मोके जानेना | 4 मगर ई गोइठ मन मोंय इ लागिन तोहरे से कहलों, कि जब उकर समय आवी तो तोहरे के याइद आए जाओक, कि मोंय तोहरे से पहिले हें काइह देई रहों : आउर मोंय शुरू में तोहरे से ई गोइठ मन के ई लागिन नी कहलों काकि मोंय तोहर संगे रहों | 5 अब मोंय अपन भेजेकवाला ठिन जाओना आउर तोहर में से केऊ मोर से पुछेल, कि तोंय कहाँ जाइसला ? 6 मगर मोंय जे ई गोइठमन के तोहरे से काइह हों, ई लागिन तोहर मन शोक से भाइर गेलक | 7 तेऊ ले मोंय तोहरे से सच-सच कहोना, कि मोर जाएक तोहर लागिन बेस हेके, काकि अगर मोंय नी जामूँ, तो उ सहायक तोहर ठिन नी आवी, मगर अगर मोंय जामूँ, तो उके तोहर ठिन भेइज देमूँ | 8 आउर ऊ आए के दुनिया पाप आउर धार्मिकता, आउर न्याय केर विषय में निरुतर करी | 9 पाप केर विषय में ई लागिन कि उमन मोर उपरे विश्वास नी करेन | 10 आउर धार्मिकता केर विषय में इ लागिन कि मोंय आबा ठिन जाओना | 11 आउर तोहरे मोके फिर देखबा : न्याय केर विषय में इ लागिन कि दुनिया केर सरदार दोषी ठहराय जाए हे | 12 मोके तोहरे से आउर हें ढेइर गोइठमन कहेक आहे, मगर एखन तोहरे उके सहेक नी परबा | 13 मगर जब ऊ अर्थात सत्य केर आत्मा आवी, तो तोहरे के सउब सत्य केर डहर गोइठई, काकि उ अपन बाटे से नी कही, मगर जे कुछ सुनी, उखें कही, आउर आवेक वाला गोइठ तोहरे के बताई | 14 ऊ मोर महिमा करी, काकि ऊ मोर गोइठमन में से लेई के तोहरे बताई | 15 जे कोनों आबा केर हेके, ऊ सउब मोर हेके ; इ लागिन मोंय कहलों, कि ऊ मोर गोइठमन में से लेई के तोहरे के बताई | 16 थोरेक देरी में तोहरे मोके नी देखबा, आउर फिर थोरेक देरी में मोके देखबा ? 17 तब उकर केतना चेलामन आपस में कहलयँ, इ का हेके, जे ऊ हमरे से कहेला, कि थोरेक देरी में तोहरे मोके नी देखबा, आउर फिर थोरेक देरी में मोके देखबा ? आउर इ लागिन कि मोंय आबा ठिन जाओना ? 18 तब उमन कहलयँ, इ थोरेक देरी जे ऊ कहेला, का गोइठ हेके ? हमरे नी जानिल, कि का कहेला | 19 यीशु इ जाइन के, कि उमन मोर से पुछेक चाहेना, उमन से कहलक, का तोहरे आपस में मोर इ गोइठ केर विषय में पूछ-पाछ कराला, कि थोरेक देरी में तोहरे मोके नी देखबा, आउर फिर कटिक देरी में मोके देखबा | 20 मोंय तोहरे से सच-सच कहोना ; कि तोहरे कांदबा आउर विलाप करबा, मगर दुनिया खुशी मनाई : तोहरे के शोक होवी मगर तोहर दुःख खुशी बइन जाई | 21 जेखन जनाना जनम देवेक लगेला तो उके दुःख होवेला, काकि उकर दुःख केर बेरा आए पोहोंइच हे, मगर जेखन उ छउवा के जनम देल कर बाद तो इ खुशी से कि दुनिया में एक आदमी जनम होलक, उ दुःख के फिर याइद नी करेल | 22 आउर तोहरे के हों एखन तो दुःख आहे, मगर मोंय तोहरे से फिर मिलमूँ आउर तोहर मन में आनंद होवी ; आउर तोहर आनंद केऊ तोहर से छीन के नी लेजी | 23 उ दिन तोहरे मोर से कोनों नी पूछबाँ : मोंय तोहर से सच-सच कहोना, अगर आबा के कोनों माँगबा, तो ऊ मोर नाँव से तोहरे के देवी | 24 एखन तक तोहरे मोर नाँव से कोनों नी माँगला ; माँगबा तो पाबा होले तोहर आनंद पूरा होई जाई || 25 मोंय इ गोइठमन तोहरे से नमूनामन में काइह हों, मगर उ समय आवेला, कि मोंय तोहरे से नमूनामन में आउर फिर कहमूँ, मगर खोइल के तोहरे के आबा केर विषय में बतामूँ | 26 उ दिन तोहरे मोर नाँव से माँगबा, आउर मोंय तोहरे से इ नी कहमूँ, कि मोंय तोहर लागिन आबा से बिनती करमूँ | 27 काकि आबा तो खुद ही तोहर से प्रेम रखेला, इ लागिन कि तोहरे मोर से प्रेम राइख हा, आउर इ हों विश्वास काइर हा, कि मोंय आबा केर बाटे से निकइल आलों | 28 मोंय आबा से निकइल के दुनिया में आए हों, फिर दुनिया के छोइड़, के आबा ठिन जाओना | 29 उकर चेलामन कहलयँ, देख, एखन तो तोंय खोइल के कहोत हिस, आउर कोनों नमूना नी कहिस | 30 अब हमरे जाइन गेली, कि तोंय सउब कुछ जानिसला, आउर तोके जरुरत नखें, कि केऊ तोर से पूछी, इकर से हमरे विश्वास करिला, कि तोंय परमेश्वर से निकइल हिस | 31 इ सुइन के यीशु उमन से कहलक, का तोहरे अब विश्वास कराला ? 32 देखा, उ बेरा आवेला वरन आए पोहोंचलक कि तोहरे सउब तित्तइर-बित्तइर होई के अपन-अपन डहर लेबा, आउर मोके एकले छोइड़ देबा, तेऊ ले मोंय एकले निहीं काकि आबा मोर संगे आहे | 33 मोंय इ गोइठमन तोहरे से इ लागिन काइह हों, कि तोहरे के मोर में शांति मिलोक ; दुनिया में तोहरे के दुःख होवेला, मगर ढाढ़स बंधा, मोंय दुनिया के जीत लेई हों |

युहन्ना 17

1 यीशु इ गोइठमन कहलक आउर अपन आँइख आकाश बाटे उठाय के कहलक, हे आबा, उ बेरा आए पोहोंचलक, अपन बेटा केर महिमा कर, कि बेटा हों तोर महिमा करोक | 2 काकि तोंय उके सउब जीवमन उपरे अधिकार देले, कि जेमन के तोंय उके देई हिस उ सउब के उ अनंत जीवन देवोक | 3 आउर अनंत जीवन इ हेके, कि एके सच परमेश्वर के आउर यीशु मसीह के, जेके तोंय भेइज हिस, जानोक | 4 जे काम तोंय मोके करेक ले देई रहिस, उके पूरा काइर के मोंय दुनिया में तोर बड़ाई काइर हों | 5 आउर अब, हे आबा, तोंय अपन संगे मोर महिमा उ महिमा से कर जे दुनिया केर होवेक से पहिले मोर, तोर संगे रेहे | 6 मोंय तोर नाँव उ आदमीमन केर उपरे दिस्तार करलों जेमन के तोंय दुनिया में से मोके देले : उमन तोर रहयँ आउर तोंय उमन के मोके देले आउर उमन तोर वचन के माइन लेई हयँ | 7 अब उमन जाइन जाए हयँ, कि जे कोनों तोंय मोके देई हिस, सउब तोर बाटे से आहे | 8 काकि जे गोइठमन तोंय मोके पोहोंचय देले, मोंय उमन के उमनक ठिन पोहोंचय देलों आउर उमन उके ग्रहण करलयँ : आउर सच-सच जाइन लेई हयँ, कि मोंय तोर बाटे से निकइल हों आउर विश्वास काइर लेई हयँ कि तोंय हे मोके भेइज हिस | 9 मोंय उमन लागिन बिनती करोना, दुनिया लागिन बिनती नी करोना मगर ओहे मन लागिन जेमन के तोंय देई हिस, काकि उमन तोर हेकयँ | 10 आउर जे कुछ मोर हेके उ सउब तोर हेके ; आउर जे तोर हेके, उ मोर हेके ; आउर उमन से मोर महिमा दिस्तार होई हे | 11 मोंय आगे ले दुनिया में नी रहमूँ, मगर इमन दुनिया में रहबयँ, आउर मोंय तोर ठिन आवोना ; हे पवित्र आबा, अपन उ नाँव से जे तोंय मोके देई हिस, उमन कर रक्षा कर, कि उमन हमर लेखे एक होबयँ | 12 जब मोंय उमनक संगे रहों, तो मोंय तोर उ नाँव से जे तोंय मोके देई हिस, उमनक रखवाली करलों, मोंय उमनक चौकसी करलों आउर विनाश केर छोइड़ उमन में से केऊ नाश नी होलयँ, इ लागिन कि पवित्र शास्त्र केर गोइठ पूरा होओक | 13 मगर अब मोंय तोर ठिन आवोना, आउर इ गोइठमन के दुनिया में कहोना, कि उमन मोर खुशी अपन में पूरा पाओक | 14 मोंय तोर वचन उमन के पोहोंचय देई हों, आउर दुनिया उमन से बैर करलक, काकि जइसन मोंय दुनिया केर निहीं, तइसनेहें उमन हों दुनिया के ना लगयँ | 15 मोंय इ बिनती नी करोन, कि तोंय उमन के दुनिया से उठाय लेबे, मगर इ कि तोंय उमन के उ दुष्ट से बचाय रखबे | 16 जइसन तोंय दुनिया केर निहीं, तइसनेहें उमन हों दुनिया केर न लगयँ | 17 सत्य केर द्वारा उमन के पवित्र कर : तोर वचन सत्य हेके | 18 जइसन तोंय दुनिया में मोके भेजले, तइसनेहें मोंय हों उमन के दुनिया में भेजलों | 19 आउर उमनक लागिन मोंय खुद के पवित्र करोना होले उमन हों सत्य केर द्वारा पवित्र करल जाबयँ | 20 मोंय केवल इमन लागिन बिनती नी करोन, मगर उमन लागिन हों जे इमनक वचन केर द्वारा मोर उपरे विश्वास करबयँ, कि उमन सउब एक होई जाओक | 21 जइसन तोंय हे आबा मोर में अहिस, आउर मोंय तोर में आहों, तइसनेहें उमन हों हमर में होई जाओक, इ लागिन कि दुनिया विश्वास करोक, कि तोंय हे मोके भेइज हिस | 22 आउर उ बड़ाई जे तोंय मोके देले, मोंय उमन के देई हों कि उमन तइसनेहें एक होई जाओक जइसन कि हमरे एक अही | 23 मोंय उमन में आउर तोंय मोर में कि उमन सिद्ध होई के एक होई जाओक, आउर दुनिया जानोक कि तोंय हे मोके भेजले, आउर जइसन तोंय मोर से प्रेम रखले तइसनेहें उमन से प्रेम रखले | 24 हे आबा, मोंय चाहोना कि जेमन के तोंय मोके देई हिस, जहाँ मोंय आहों हुवाँ उमन हों मोर संगे होओक कि उमन मोर उ बड़ाईमन के देखोक जे तोंय मोके देई हिस, काकि तोंय दुनिया केर सिरजेक से आगे मोर से प्रेम रखले | 25 हे धरमिक आबा, दुनिया मोके नी जानलक, मगर मोंय तोके जानलों आउर एहों मन जानलयँ कि तोंय हे मोके भेजले | 26 आउर मोंय तोर नाँव उमन के बतालों आउर बतात रहमूँ कि जे प्रेम तोके मोर से रेहे, उ उमन में रहोक आउर मोंय उमन में रहमूँ |

युहन्ना 18

1 यीशु इ गोइठमन के कइह के अपन चेलामन केर संगे किद्रोन केर नाला के पाखारी गेलक, हुवाँ एक बारी रेहे, जेकर में ऊ आउर उकर चेलामन गेलयँ | 2 आउर उकर धरुवाएक वाला यहूदा हों उ जगह जानोत रेहे, काकि यीशु अपन चेलामन केर संगे जाते रहोत रेहे | 3 जब यहूदा पलटन के आउर महापुरोहितमन आउर फरीसीमन बाटे से सिपाहीमन के लेई के दीया आउर मशाल आउर हथियारमन के लेई के हुँवा आलक | 4 जब यीशु उ सउब गोइठमन के जे उकर उपरे आवेक वाला रेहे, जाइन के निकललक, आउर उमन से कहेक लगलक, केके ढूंढ़ाला ? 5 उमन उके जबाब देलयँ, यीशु नासरी के : यीशु उमन से कहलक, मोंय हे हेकों : आउर उकर धरुवाएक वाला यहूदा हों उमन संगे ठड़ाल रेहे | 6 उकर इ कहते हे, कि मोंय हेकों उमन पाछे हइट के भुई उपरे गिर पड़लयँ | 7 तब ऊ फिर उमन के पुछलक, तोहरे केके ढूंढ़ाला | 8 उमन कहलयँ, यीशु नासरी के | यीशु जबाब देलक, मोंय तो तोहरे से काइह चुइक हों कि मोंय हे हेकों, अगर मोके खोजोत हा तो इमन के जाएक देवा | 9 ई इ लागिन होलक, कि उ वचन पूरा होओक, जे ऊ कइह रेहे कि जेमन के तोंय मोके देले, उमन में से मोंय एक के हों नी हेरालों | 10 शमौन पतरस तलवेइर, जे उकर ठिन रेहे, खींचलक आउर महापुरोहित केर धांगर उपरे चलाय के, उकर दहिना कान उड़ाय देलक, उ धांगर केर नाँव मलखुस रेहे | 11 तब यीशु पतरस से कहलक, अपन तलवेइर रख : जे कटोरी आबा मोके देई हे का मोंय उके नी पीमूँ ? 12 तलेक सिपाहीमन आउर उमनक सूबेदार आउर यहूदीमन कर कप्तान न यीशु के धाइर के बांइध लेलयँ | 13 आउर आगे उके हन्ना ठिन लेई गेलयँ काकि ऊ उ बारिस केर महापुरोहित काइफा केर ससुर रेहे | 14 इ ओहे काइफा रेहे, जे यहूदीमन के सलाह देई रेहे कि हमर आदमीमन लागिन एक आदमी केर मोरेक बेस आहे || 15 शमौन पतरस आउर एक आउर चेला हों यीशु केर पाछे होई लेलयँ : इ चेला महापुरोहित केर जान चिन्हार रेहे आउर यीशु केर संगे महापुरोहित केर आंगन में गेलक | 16 मगर पतरस बाहरे दूरा ठिन ठड़ाल रहलक, तब उ दूसरा चेला जे महापुरोहित केर जान चिन्हार रेहे, बाहरे निकललक, आउर दूरा ओगरेइन से कइह के पतरस के भीतरे लेई आलक | 17 उ धांगरिन जे दूरा ओगरेइन रेहे, पतरस से कहलक, का तोंय हों इ आदमी केर चेलामन में से हेकिस ? उ कहलक, मोंय न लगों | 18 धांगर आउर सिपाहीमन जाड़ केर कारण कोयला धधकाय के ठड़ाल तापोत रहयँ पतरस हों उमनक संगे ठड़ाल के तापोत रेहे || 19 तब महापुरोहित यीशु से उकर चेलामन केर विषय में आउर उकर उपदेश केर विषय में पुछलक | 20 यीशु उके जबाब देलक, कि मोंय दुनिया से खोइल के गोठियालो ; मोंय सभामन में आउर आराधनालय में जहाँ सउब यहूदी जमा होवत रहयँ सउब खन उपदेश देलों आउर लूइक के कोनों हें नी कहलों | 21 तोंय मोर से काले पूछिसला ? सुनाइयामन से पूछ : कि मोंय उमन से का कहलों ? देख, उमन जानेना, कि मोंय का कहलों ? 22 जब ऊ इ कहलक, तो सिपाहीमन में से एक जे पासे ठड़ाल रेहे, यीशु के थप्पड़ माइर के कहलक, का तोंय महापुराहित के इ लेखे जबाब देविसला | 23 यीशु उके जबाब देलक, अगर मोंय बुरा कहलों, तो ऊ बुराई केर उपरे गवाही दे ; मगर अगर भला कहलों, तो मोके काले मरिसला ? 24 हन्ना उके बांधल काइफा महापुरोहित ठिन भेइज देलक || 25 शमौन पतरस ठड़ाल तापोत रेहे | तब उमन उकर से कहलयँ : का तोंय हों उकर चेलामन में से हेकिस ? ऊ इंकार काइर के कहलक मोंय ना लगों | 26 महापुरोहित केर धांगरमन में से एक जे कुटुम्ब में से रेहे, जेकर कान पतरस काइट डाइल रेहे, कहलक, का मोंय तोके उकर संगे बारी में नी देइख रहों ? 27 पतरस फिर इंकार काइर देलक आउर तुरते मुर्गा बांग देलक || 28 आउर उमन यीशु के काइफा ठिन से किला लेई गेलयँ आउर बिहान केर समय रेहे, मगर उमन खुद किला केर भीतरे नी गेलयँ होले अशुद्ध ना होक मगर फसह खाएक परोब | 29 तब पीलातुस उकर ठिन बाहरे निकइल आलक आउर कहलक, तोहरे इ आदमी उपरे कोन गोइठ कर नालिस कराला ? 30 उमन उके जबाब देलयँ, कि अगर ऊ कुकर्मी नी होतक तो उके तोर हाथ में नी सोपती | 31 पीलातुस उकर से कहलक, तोहरे हें इके लेई जाए के अपन व्यवस्था केर मोताबिक उकर न्याय करा : यहूदीमन उकर से कहलयँ, हमरे के हक नखें कि केकरो जीउ लेवोब | 32 ई इ लागिन होलक, कि यीशु केर उ गोइठ पूरा होओक जे ऊ इ पता देते कइह रेहे, कि उकर मोरेक कइसन होवी || 33 तब पीलातुस फिर किला केर भीतरे गेलक आउर यीशु के बुलाय के, उकर से पुछलक, का तोंय यहूदीमन केर राजा हेकिस ? 34 यीशु जबाब देलक, का तोंय इ गोइठ अपन बाटे से कहिसला या आउर मन मोर विषय में तोहर से कइह हयँ ? 35 पीलातुस जबाब देलक, का मोंय यहूदी हेकों ? तोर हें जाइत आउर महापुरोहितमन तोके मोर हाथ में जिम्मा देलयँ तोंय का काइर हिस ? 36 यीशु जबाब देलक, कि मोर राइज इ दुनिया केर निहीं, अगर मोर राइज इ दुनिया केर होतक, तो मोर सेवक मन लड़तयँ, कि मोंय यहूदी कर हाथ सोंपल नी जातों : मगर अब मोर राइज हिंयाँ कर ना लगे | 37 पीलातुस उकर से कहलक, तों का तोंय राजा हेकिस ? यीशु जबाब देलक, कि तोंय कहिसला, काकि मोंय राजा हेकों ; मोंय इकर लागिन जनम लेलों, आउर इ लागिन दुनिया में आए हों कि सत्य उपरे गवाही देमूँ जे केऊ सत्य केर हेके, ऊ मोर शब्द सुनेला | 38 पीलातुस उकर से कहलक, सत्य का हेके ? आउर इ कइह के ऊ फिर यहूदीमन ठिन निकइल गेलक आउर उमन से कहलक, मोंय तो उकर में कोनों दोष नी पाओन | 39 मगर तोहर इ रीति आहे कि मोंय पास्का में तोहर लागिन एक आदमी के छोइड़ देमूँ से का तोहरे चाहाला, कि मोंय तोहर लागिन यहूदीमन केर राजा के छोइड़ देमूँ | 40 तब उमन फिर चिल्लाय के कहलयँ, इके निहीं मगर हमर लागिन बरअब्बा के छोइड़ दे ; आउर बरअब्बा डाकू रेहे ||

युहन्ना 19

1 इ ले पीलातुस यीशु के लेई के कोड़रा लगुवालक | 2 आउर सिपाहीमन कांटा केर मुकुट गुंइथ के उकर मुड़ में रखलयँ, आउर उके भड़किला बैजनी लुगा पिन्धालय | 3 आउर उकर ठिन आए-आए के कहेक लगलयँ, हे यहूदीमन कर राजा, जोहर ! आउर उके थप्पड़ हों मारलयँ | 4 तब पीलातुस फिर बाहरे निकइल के आदमीमन से कहलक, देखा, मोंय तोहर ठिन फिर बाहरे लानोत हों ; होले तोहरे जाना कि मोंय कोनों वे दोष नी पाओना | 5 तब यीशु कांटा कर मुकुट आउर भड़किला बैजनी लुगा पिन्धल बाहरे निकललक आउर पीलातुस उकर से कहलक, देखा, इ आदमी | 6 जब महापुरोहितमन आउर सिपाहीमन उके देखलयँ, तों चिल्लाय के कहलयँ, कि उके क्रूस उपरे चढ़ाव, क्रूस उपरे : पीलातुस उमन से कहलक ; तोहरे हें उके लेई जाए के क्रूस उपरे चढ़ावा, काकि मोंय उकर में दोष नी पाओन | 7 यहूदीमन उके जबाब देलयँ, कि हमर हों नियम आहे आउर उ नियम केर मोताबिक ऊ मोराय जाएक केर लायक आहे काकि ऊ खुद के परमेश्वर केर बेटा बनालक | 8 जब पीलातुस इ गोइठ सुनलक तो आउर हें डराय गेलक | 9 आउर फिर महल केर भीतरे गेलक आउर यीशु से कहलक, तोंय कहाँ केर हेकिस ? मगर यीशु उके कोनों जबाब नी देलक | 10 पीलातुस उकर से कहलक, मोर से काले नी कहिस ? का तोंय नी जानिस कि तोके छोइड़ देवेक कर हक मोके आहे आउर तोके क्रूस उपर चढ़ाएक कर हों मोके हक आहे | 11 यीशु जबाब देलक, कि अगर तोके उपरे से नी देवल जातक, तो तोर मोर उपरे कोनों हक नी होतक ; इ लागिन जे मोके तोर हाथे धरुवाय हें, उकर पाप बगरा आहे | 12 इकर ले पीलातुस उके छोइड़ देवेक चाहलक, मगर यहूदीमन चिल्लाय- चिल्लाय के कहलयँ, अगर तोंय इके छोइड़, देबे तों तोर भक्ति कैसर बाटे निहीं ; जे केऊ खुद के राजा बनाएला ऊ कैसर केर सामना करेला | 13 ई गोइठ मन सुइन के पीलातुस यीशु के बाहरे लानलक आउर उ जगह एक गो चबूतरा रेहे जे इब्रानी में गब्बता कहाएला, आउर न्याय के कुर्सी उपरे बइठलक | 14 इ पास्का केर तैयारी केर दिन रेहे आउर छठवा घंटा केर लगभग रेहे : तब ऊ यहूदीमन कहलयँ, देखा, ई हेके तोहर राजा | 15 मगर उमन चिल्लालयँ, कि लेई जा ! लेई जा ! उके क्रूस उपरे चढ़ाव : पीलातुस उमन से कहलक, का मोंय तोहर राजा के क्रूस उपरे चढ़ामूँ ? महापुरोहितमन जबाब देलयँ कैसर के छोइड़ हमर आउर केऊ राजा नखें | 16 तब ऊ उके उमनक हाथ में सोंइप देलक होले ऊ क्रूस उपरे चढ़ाय जाओक || 17 तब उमन यीशु के लेई गेलयँ | आउर ऊ अपन क्रूस के उठाल उ जगह तक बाहरे गेलक, जे खोपड़ी केर जगह कहाएला आउर इब्रानी में गुलगुता | 18 हुवाँ उमन उके आउर उकर संगे आउर दुई झन आदमीमन के क्रूस उपरे चढ़ालयँ, एक के हिने आउर एक के हूने आउर माझे यीशु के | 19 आउर पीलातुस एक दोष पत्र लिख के क्रूस उपरे लगाय देलक आउर उकर में इ लिखल रेहे, यीशु नासरी यहूदियों का राजा | 20 इ दोष पत्र ढेइर यहूदीमन पढ़लयँ, काकि ऊ ठाँव जहाँ यीशु क्रूस उपरे चढ़ाल जाए रेहे नगर केर पासे रेहे आउर पत्र इब्रानी आउर लतीनी आउर यूनानी में लिखल रेहे | 21 तब यहूदी मन केर महापुरोहितमन पीलातुस से कहलयँ, यहूदियों का राजा न लिख मगर इ कि “ ऊ कहलक, मोंय यहूदीमन कर राजा हेको ” 22 पीलातुस जबाब देलक, कि मोंय जे लिख देलों, उके लिख देलों | 23 जब सिपाहीमन यीशु के क्रूस उपरे चढ़ाय चुकलयँ, तो उकर लुगा लेई के चाइर हिस्सा करलयँ, हर सिपाहीमन लागिन एक भाग आउर कुरता हों लेलयँ, मगर कुरता बिना सीअन उपरे से नीचे तक बुनाल रेहे : इ लागिन उमन आपस में कहलयँ, हमें इके नी फाड़ोब, मगर चिट्टी डालोब कि उ केकर होवी | 24 ई इ लागिन होलक, कि पवित्र शास्त्र केर गोइठ पूरा होओक कि उमन मोर लुगा आपस में बांइट लेलयँ आउर मोर लुगा उपरे चिट्टी डाललयँ से सिपाहीमन एइसनेहें करलयँ | 25 मगर यीशु क्रूस ठिन उकर आयो आउर उकर आयो केर बहिन मरियम, क्लोपास केर जनाना आउर मरियम मगदललीनी ठड़ाय रहयँ | 26 यीशु अपन आयो आउर ऊ चेला के जेकर से ऊ प्रेम रखोत रेहे, पासे ठड़ाय देइख के अपन आयो से कहलक ; हे नारी, देख, ई तोर बेटा हेके | 27 तब उ चेला से कहलक, ई तोर आयो हेके, आउर ओहे बेरा से ऊ चेला उके अपन घर लेई गेलक || 28 इकर बाद यीशु इ जाइन के कि अब सउब कुछ होई चुकलक ; इ लागिन कि पवित्र शास्त्र केर गोइठ पूरा होओक, मोंय पियासा आहों | 29 हुँवा एक सिरका से भराल बासन धारल रेहे, से उमन सिरका में भिंगाल पाइन सोखा के जुफे में उपरे रइख के उकर मुँह से लगालयँ | 30 जब यीशु उ सिरका लेलक, तो कहलक, पूरा होलक आउर मुड़ झुकाय के जीउ के छोइड़ देलक | 31 आउर इ लागिन कि उमनक तैयारी केर दिन रेहे, यहूदीमन पीलातुस से बिनती करलयँ कि उमनक टांग तोइड़ देवल जाओक आउर उमन के उतराल जाओक होले आराम केर दिन उमन क्रूस कर उपरे न रहबयँ, काकि उ आराम केर दिन बोड़ दिन रेहे | 32 से सिपाहीमन आए के पहिले कर टांग तोड़लयँ तब दूसरा के हों, जे उकर उपरे क्रूस उपरे चढ़ल जाए रहयँ | 33 मगर जब यीशु ठिन आए के देखलयँ कि ऊ मोइर चुइक हे, तो उकर टांग नी तोड़लयँ | 34 मगर सिपाहीमन में से एक बरछा से पंजरा बेधलक आउर उकर में से तुरते लोहू आउर पानी निकलक | 35 जे इके देखलक, ओहे गवाही देई हें, आउर उकर गवाही सच हेके ; आउर ऊ जानेला, कि सच कहिसला कि तोहरे हो विश्वास करा | 36 इ गोइठ मन इ लागिन होलक कि पवित्र शास्त्र केर इ गोइठ पूरा होओक कि उकर केउ कोनों हड्डी तोड़ल नी जाई | 37 फिर एक आउर जगह में इ लिखल आहे, कि जेके उमन बेइध हयँ, उकर उपरे नजाइर करबयँ || 38 इ गोइठमन केर बाद अरमतियाह केर युसूफ जे यीशु केर चेला रेहे ( मगर यहूदीमन केर डर से इ गोइठ छिपाय रखोत रेहे ), पीलातुस से बिनती करलक, कि मोंय यीशु केर लोथ के लेई जामूँ आउर पीलातुस उकर बिनती सुनलक, आउर उ आए के उकर लोथ लेई गेलक | 39 निकुदेमुस हों जे पहिले यीशु केर पासे राइत के जाए रेहे पचास सेर केर लगभग मिलाल गंधरस आउर एलवा लेई आलक | 40 तब यीशु केर लोथ के लेलयँ आउर यहूदीमन के गाड़ेक केर रीति केर मोताबिक उके सुगंध चींज केर संगे कफन में लपेटलक | 41 ऊ जगह जहाँ यीशु क्रूस उपरे चढ़ाल जाए रेहे, एक बारी रेहे ; आउर उ बारी में एक नवाँ कब्र रेहे ; जेकर में केऊ नी राखल जाए रेहे | 42 से यहूदीमन केर तैयारी केर दिन केर कारण उमन यीशु के उकरे में रखलयँ, काकि उ कब्र पासे रेहे ||

युहन्ना 20

1 हफ्ताह केर पहिला दिन मरियम मगदलीनी बिहान के अंधार रहते हे कब्र में आलक, आउर पाखना के कब्र से हटाल देखलक | 2 तब उ कूदते आउर शमौन पतरस आउर उ दूसरा चेलमन ठिन जेमन से यीशु प्रेम रखोत रेहे आए के कहलक, उमन प्रभु के कब्र में से निकलए के लेई जाए हयँ ; आउर हमरे नी जानिल, कि उके कहाँ रइख देई हयँ | 3 तब पतरस आउर उ दूसरा चेला निकइल के कब्र बाटे चललयँ | 4 आउर दुयो संगे-संगे कूदोत रहयँ, मगर दूसरा चेला पतरस से आगे बइढ़ के कब्र ठिन आगे पोहोंचलक | 5 आउर झुइक के लुगा के पड़ाल देखलक : तेऊले उ भीतरे नी गेलक | 6 तब शमौन पतरस उकर पाछे-पाछे पोहोंचलक आउर कब्र केर भीतरे गेलक आउर लुगा के पड़ल देखलक | 7 आउर उ गमछा जे उकर मुड़ में बंधल रेहे, लुगा के संगे पड़ल निहीं मगर अलग एक जगह लपेटल देखलक | 8 तब दूसरा चेला हों जे कब्र ठिन आगे पोहोंइच रेहे, भीतरे गेलक आउर देइख के विश्वास करलक | 9 उमन तो एखन तक पवित्र शास्त्र केर उ गोइठ नी समझोत रहयँ, कि उके मोरलमन में से जी उठेक होवी | 10 तब इ चेलामन अपन घर घुइर गेलयँ || 11 मगर मरियम कांदते कब्र केर पासे हें बाहरे ठड़ाल रहलक आउर कांदते-कांदते कब्र बाटे झुइक के, 12 दुई ठु स्वरगदूतमन के चरका लुगा पिंधल एक के मुड़ बाटे आउर दूसरा के गोड़ बाटे बइठल देखलक, जहाँ यीशु केर लोथ पड़ल रेहे | 13 उमन उकर से कहलयँ, हे नारी काले कांदोत हिस ? उ उमन से कहलक, उमन मोर प्रभु के उठाय लेई गेलयँ आउर मोंय नी जानोन कि उके कहाँ रइख हयँ | 14 इ कइह के उ पाछे मुड़लक आउर यीशु के ठड़ाय देखलक आउर नी चिन्हलक कि इ यीशु हेके | 15 यीशु उकर कहलक, हे नारी, तोंय काले कांदिसला ? के-के ढूढ़िसला ? उ माली समइझ के कहलक, हे महराज, अगर तोंय उके उठाय लेई हिस तो मोर से काइह दे कि उके कहाँ रइख हिस आउर मोंय उके लेई जामूँ | 16 यीशु उकर से कहलक, मरियम उ पाछे मुइड़ के उकर से इब्रानी में कहलक, रब्बूनी मतलब हे गुरु | 17 यीशु उकर से कहलक, मोके न छू काकि मोंय एखन तक आबा ठिन उपरे नी जाए हों, मोंय अपन आबा, आउर तोहर आबा, आउर अपन परमेश्वर आउर तोहर परमेश्वर ठिन उपरे जाओना | 18 मरियम मगदलीनी जाए के चेलामन के बतालक, कि मोंय प्रभु के देखलों आउर ऊ मोर से इ गोइठमन कहलक || 19 ओहे दिन जे हफ्ताह केर पहिला दिन रेहे, साँझ केर बेरा जब हुवाँ केर दूरा जहाँ चेलामन रहयँ, यहूदीमन केर डर केर मारे बंद रेहे, तब यीशु आलक माझे में ठड़ाय के उमन से कहलक, तोहरे के शांति मिलोक | 20 आउर इ कइह के उ अपन हाथ आउर अपन पंजर उमन के देखालक : तब चेलामन प्रभु के देइख के खुशी होलयँ | 21 यीशु फिर उमन से कहलक, तोहरे के शांति मिलोक ; जइसन आबा मोके भेइज हे, तइसनेहें मोंय हों तोहरे के भेजोना | 22 इ कइह के उ उमनक उपरे फुंकलक आउर उमन से कहलक, पवित्र आत्मा लेवा | 23 जेमन केर पाप के तोहरे माफ करबा उमन उमनक लागिन माफ करल जाय हे जेमनक तोहरे रखबा, उमनक रखल जाय हे || 24 मगर बारहों झन में से एक आदमी मतलब थोमा जे दिदुमुस कहायला, जब यीशु आलक तो उमनक संगे नी रेहे | 25 जब आउर चेलामन उकर से कहेक लगलयँ कि हमरे प्रभु के देइख ही : तब उ उमन से कहलक ; जब तक मोंय उकर हाथ में कीला केर छेद नी देइख लेमूँ, आउर कीला के छेदमन में अपन उँगली नी डाइल लेमूँ आउर उकर पंजर में अपन हाथ नी डाइल लेमूँ तब तक मोंय विश्वास नी करमूँ || 26 आठ दिन केर बाद उकर चेलामन फिर घर केर भीतरे रहयँ, आउर थोमा उमनक संगे रेहे, आउर दुरा बंद रेहे, तब यीशु आए के आउर माझे में ठड़ाय के कहलक, तोहरे के शांति मिलोक | 27 तब उ थोमा से कहलक, अपन उँगली हिंयाँ लाइन के मोर हाथ के देख आउर अपन हाथ के मोर पंजरा में डाल आउर अविश्वासी निहीं, मगर विश्वासी बन | 28 इ सुइन के थोमा जबाब देलक, हे मोर प्रभु, हे मोर परमेश्वर | 29 यीशु उकर से कहलक, तोंय तो मोके देइख के विश्वास काइर हिस, धन्य उमन हेकयँ जेमन बे देखले विश्वास करलयँ || 30 यीशु आउर हों ढेइर चिन्ह चेलामन के सामने देखालक, जे इ किताब में लिखल नी जाए हे | 31 मगर इमन इ लागिन लिखल जाय हयँ, कि तोहरे विश्वास करा, कि यीशु हे परमेश्वर केर बेटा मसीह हेके : आउर विश्वास काइर के उकर नाँव से जीवन पावा ||

युहन्ना 21

1 इ गोइठमन केर बाद यीशु खुद के तिबिरियास झील केर किनारे चेलामन केर उपरे दिस्तार करलक आउर इ रीति से प्रगट करलक | 2 शमौन पतरस आउर थोमा जे दिदुमुस कहायला, आउर गलील केर काना नगर केर नतनएल आउर जबदीकेर बेटा, आउर उकर चेलामन में से दुई झन जमा रहयँ | 3 शमौन पतरस उमन से कहलक, मोंय मछरी धरेक ले जाओना : उमन उकर से कहलयँ ; हमरे हों तोर संगे चलोब : से उमन निकइल के नाँव उपरे चढ़लयँ, मगर उ राइत कोनों नी धरलयँ | 4 बिहान होत हे यीशु किनारे में ठड़ालक ; तेऊ ले चेलामन नी चिन्हलयँ कि इ यीशु हेके | 5 तब यीशु उमन से कहलक, हे छाउवामन, का तोहरे ठिन कोनों खाएक ले आहे ? उमन जबाब देलयँ कि निहीं | 6 ऊ उमन से कहलक, डोंगा केर दाहिना आरा जाल डाला, तो पाबा, तब उमन जाल डाललयँ, आउर अब मछरीमन केर ढेइर केर चलते उके खींचेक नी परलयँ | 7 इ लागिन उ चेला जेकर से यीशु प्रेम रखोत रेहे पतरस से कहलक, इ तो प्रभु हेके : शमौन पतरस इ सुइन के कि प्रभु हेके, डाड़ा में अंगरखा कइस लेलक, काकि ऊ नंगा रेहे, आउर झील में कूइद पड़लक | 8 मगर आउर चेलामन डोंगी उपरे मछरीमन से भरल जाल खीचते हुए आलयँ, काकि उमन किनारे से अधिक दूर निहीं, कोई दुई सौ हाथ केर दुरी में रहयँ | 9 जब किनारे में उतरलयँ, तो उमन कोयला केर आइग, आउर उकर में मछरी रखल आउर रोटी देखलयँ | 10 यीशु उमन से कहलक, जे मछरी तोहरे एखन धाइर हा, उमन में से कुछ के लाना | 11 शमौन पतरस डोंगी उपरे चइढ़ के एक सौ तिरपन बोड़ मछरी से भरल जाल किनारे में खींचलक, आउर एतना मछरी होवेक से हों जाल नी फटलक | 12 यीशु उमन से कहलक, कि आवा, भोजन करा आउर चेलामन में से केखों साहस नी होलक, कि उकर से पूछोब, कि तोंय केहर हेकिस ? काकि उमन जानोत रहयँ, कि होन हो प्रभु हें हेके | 13 यीशु आलक, आउर रोटी लेई उमन के देलक चेलामन तइसनेहें मछरी के हों | 14 इ तीसरा बार हेके, कि यीशु मोरलमन में से जी उठेक केर बाद चेलामन के दिखाई देलक || 15 खाएक केर बाद यीशु शमौन पतरस से कहलक, हे शमौन, यूहन्ना केर बेटा, का तोंय इमन से बइढ़ के मोर से प्रेम रखिसला ? ऊ उकर से कहलक, हाँ, प्रभु, तोंय तो जानिसला, कि मोंय तोर से प्रीति रखोना, ऊ उकर से कहलक, मोर मेमनामन के चराव | 16 ऊ फिर दूसरी बार उकर से कहलक, हे शमौन केर बेटा, का तोंय मोर से प्रेम रखिसला ? ऊ उमन से कहलक, हाँ, प्रभु तोंय जानिसला, कि मोंय तोर से प्रीति रखोना | प्रभु उकर से कहलक, मोर भेड़मन केर रखवाली कर | 17 ऊ तीसरी बार उकर से कहलक, हे शमौन, केर बेटा, का तोंय मोर प्रीति रखिसला ? पतरस उदास होलक, कि ऊ उके तीसरी बार एइसन कहलक : कि का तोंय मोर से प्रीति रखिसला ? आउर उकर से कहलक, हे प्रभु, तोंय तो सउब कुछ जानिसला : तोंय इ जानिसला कि मोंय तोर से प्रीति रखोना : यीशु उकर से कहलक मोर भेड़मन के चराव | 18 मोंय तोर से सच-सच कहोना, जब तोंय जवान रहिस, तो अपन डाड़ा बांइध के जहाँ चाहोत रेहिस, हुवाँ घूमोत रेहिस ; मगर जब तोंय बूढ़ा होबे, तो अपन हाथ लंबा करबे, आउर दूसरा तोर डाड़ा बांइध के जहाँ तोंय नी चाहबे हुवाँ तोके लेई जाई | 19 उ इगोइठमन से बताय देलक कि पतरस कइसन मरण से परमेश्वर केर महिमा करी ; आउर इ कइह के, उकर से कहलक, मोर पाछे होई ले | 20 पतरस मुइड़ के उ चेला के पाछे आवोत देखलक, जेकर से यीशु प्रेम रखोत रेहे, आउर जे खाएक बेरा उकर छाती बाटे झुइक के पुछलक, हे प्रभु, तोर धरेक वाला केहर हेके ? 21 उके देइख के पतरस यीशु से कहलक, हे प्रभु, इकर का हाल होवी ? 22 यीशु उकर से कहलक, अगर मोंय चाहमूँ कि ऊ मोर आवेक तक रुइक रही, तो मोके का ? तोंय मोर पीछे होई ले | 23 इ लागिन भाईमन में इ गोइठ फाइल गेलक, कि उ चेला नी मोरी ; तेऊ ले यीशु उकर से इ नी कहलक, कि इ नी मोरी, मगर इ कहलक कि अगर मोंय चाहमूँ कि इ मोर आवेक तक रुइक रही, तो तोके इकर से का ? 24 इ ओहे चेला हेके, जे इ गोइठमन केर गवाही देवेला आउर जे इ गोइठमन के लिख हे आउर हमरे जानिसला, कि उकर गवाही सच हेके || 25 आउर ठेइर हे काम आहे, जे यीशु करलक, अगर उमन एक-एक काइर के लिखल जातक, तो मोंय समझोना, कि किताबमन जे लिखल जातक उमन दुनिया में हों नी समातक ||