/1 Menkhan Isor do abore acak dular nonkateye sabudeda, kai horbon tahekanrege Masi abo lagit'e goclente. Ado sen parom porob aurire Jisu do noa dharti khon Apat then calak ghuri seterentaeye badaeket'te, noa dhartireko tahekantae acrenkoe dular aguket'ko leka purauteye dularket'koa. Sangin khon Probhu do in thene sodorena; He, jaejug dularten dular akat'mea; ona iate dayan doho agu akawat'mea. Ar Jisu Masi then khonge, uni patiar goha, gocko modren pahil janamic ar dhartiren rapajkoren probhuge; Uni, okoeye dularet'bon ar acak mayamte aboak kaiko khone chadaoket'bon. Ente Isor do dhartirenko nonkae dularket'koa, acren eskar janam Hopongeye emkedea, jemon unire patiauk mit' ke mit' hor aloko nostok bickom jaejug jion tahentako. Jahae acren gateko lagit' acak jiwiye alae, noa khon maran dular do okoeak ho banuktakoa.

/2 Noako joto do hoeakana jemon nabi mocate Probhui rorlet'ak purauk, oneye menlet', Nelpe, kuariyic doe bharti hormoka, ar mit'ten kora gidrae janamea, Ar uniak nutum do Immanuelko dohoetaea.