Santali 1st John

/1 Okatak etohop khon tahekan, okatakle anjomakat, okatak apnar mettele
nelakat, okatakle aribandhilet ar apnar titele tunumlet, jionren Kathatet
reange.
Ar jion do sodorena, arle nelakada, ar gohale emeda, ar jion, metakme, jaejug
jion reanle jahirapekana, one okatak Baba then tahekan, ar ale then sodoren.
Okatakle nelakat arle anjomakat, ona do ape hole jahirapekana, jemon ape ho
ale tuluc helmel hoyoktape; ar aleak helmel do Baba tuluc ar uniren Hopon
Jisu Masi tuluc kangea.
Ar noakole oletkana, jemon aboak raska do sabitok.
Ar nokoe noage sombat do, okatak uni thenle anjomakat ar apele jahirapekan,
banma, Isor doe marsal kana, ar unire nut do banukanan, cettet ho ban.
Uni tuluc helmel menaktabonbon menle khan ar nutregebon taramet khan,
endekhan erebo roreda ar sariak do babon kamieda.
Menkhan marsalrebon taramet khan, cet leka uni do marsalre menae, endekhan
abo abore helmel menaktabona ar uniren Hopon Jisu reak mayam do joto kai
khone saphayetbona.
Kai banuktabonbon menlekhan apnargebon bulaukkana, ar sariak do abore
banukanan.
Aboak kaikobon angoclekhan, endekhan uni do patiar are dhoromgete kaikoe
ikakatabona, ar sanam bedhorom khone saphabona.
Babon kaiakada mentebon menlekhan, endekhan unige ekreyicbon benaoedea, ar
uniak katha abore do banukanan.

/2 E bachakotin, noakon olapekana, jemon alope kai; Ar jahaeye kailekhan,
Baba then Sokhotic menaetabona, dhoromic Jisu Masige.