Santali John

BHAGE SOMBAT
JOHANE OLAKAT LEKA

Isore manwa jaten abo bancaobon lagu.

/1 Etohopre Kathatete tahekana, ar Kathatet
do Isor thene tahekana, ar Kathatet do Isore
2 tahekana. Unige etohopre Isor thene tahekana.
3 Sanamakkoge uni hotete hoyena, ar uni begor
do mit goten ho ban hoelena one oka hoeakan.
4 Unire jion tahekana, ar ona jion do manwakoak
5 marsal tahekana. Ar ona marsal do nutre
6 jolokkana, ar nut do ona bae hataolaka. Mit
hore tahekana Isor then khon kol ocoakan,
7 nutumtae do Johan. Uni do gohak lagite
heclena, ona marsal reakge goha ema mente,
8 jemon joto hor uni hoteteko patiauk. Actet
do ona marsal bae tahekana, menkhan marsaltet
9 rean goha jemone em. Sari marsaltetge, one
uni joto hore marsalakokan, dhartiteye hijukkan
10 tahekana. Dhartireye tahekana, ar dharti do
uni hotete hoeakana, ar dhartirenko do bako
11 badae oromledea. Acakko thene hecena ar
12 acrenko do bako atanledea. Menkhan tinakko
atankede, onko do Isorren gidra hoyok reak
ektiariye ematkoa, one okoe uniak nutumreko
13 patiaukkan; one onko okoe mayam khon do
ban, jel reak sanate ho ban, ar herel hor reak
sanate ho ban, menkhan Isor khongeko janam-
14 akan. Ar Kathatet doe manwa jatena ar abo
talareye chaunilena, ar uniak thonokle nelaka-
wana, Apat then khon eskar janamic reak
15 thonok lekage, daya ar sariakte perecge. Johan
do uni rean gohae emeda ar hohoateye meneda,
Nuige uni do, one okoe reak in menlet, In
tayomte daraekanic do in auri khonge menaea,
16 ente in khone lahagea. Ar uniak perectet khon
abo joto horbon namakawana, daya cetan
17 dayage. Ente an do Mose tite emena; daya ar
18 sariak do Jisu Masi hotete hoyena. Isor do
okoe ho tis ho bako nelakadea; eskar janam
hopon, uni Apatak hoborre menaeyic, unigeye
sodorakadea.

Johan babaptisicak goha.

19 Ar Johanak goha do nokoe, one Jihudiko
Jerusalem khon naekeko ar Lewiko uni thenko
kolketkore noa kuliye lagit, Am dom okoe kana
20 mente, uni doe angockeda ar bae banleda, are
angockeda, banma, In don ban kana Masi do.
21 Adoko kulikedea, Okoe endekhan? Elia kanam?
Menkedae, Ban kanan. Uni nabi kanam?
22 Khane ror ruarkeda, Ban. Adoko metadea,
Okoe kanam? jemon kolakatleko ror ruarle
emako. Apnar rean do cetem meneda?
23 Menkedae, In do hahankarre mitten hokhokanic
reak aran, Probhu reak hor sojhekataepe, Jesaea
24 nabiye menlet leka. Ar kollenko do Pharisiko
25 modrenko tahekana. Onkoko kulikedea, Cedak
endekhanem baptisetkoa, Masi ho ban, ar Elia
26 ho ban, ar uni nabi hom ban kan khan? Johane
ror ruaratkoa, In do dakten baptisetkoa;
mittene tengoakana ape talare, one uni bape
27 badaeyedekan, in tayomte daraekanicge, one
uniak kharpa reak tonol raraetae lek ho in don
28 ban kan. Noako do Jordan on parom Betha-
niare hoelena, one okare Johane baptisetko
tahekan.

29 Dosar hilok do Jisu ac then hijukkan
nelkedeteye menkeda, Hani nelepe, Isorren
bheda hopon, one uni dharti reak kaiye gok
30 idiyetkan. Nuige uni do, one okoe rean inin
menlet. In tayomte mit hore daraekana, one uni
in auri khonge menae, ente in khone lahagea.
31 Ar in do ban badaeyedekan tahekana, men-
khan noa iatege dakte babaptiskan in hecena,
32 jemon Israeliko thene sodorok. Ar Johan do
gohae emkeda, menkedae, Jiu do serma khon
mittec potam leka argonkan in nelakadea, ar
33 unireye taheyena. Ar in do ban badaeyede-
kan tahekana, menkhan dakte baptisko lagit
kolkedinicgeye metadina, Jahaerege Jiu argon-
kan ar unire tahenkanem nele, uni kangeae
34 Sonot Jiute babaptisic do. Ar in don nel-
akada, ar gohan emakada, banma, Nui kangeae
Isorren Hopon do.

Jisuren pahil celako.

35 Dosar hilok Johan arhoe tengoakan tahe-
36 kana ar uniren celako modren bar hor; ar Jisui
dara baraekan tahekanre, uni bengetadeteye
menkeda, Hani neleben Isorren bheda hopon.
37 Unkin cela do uniye rorletakkin anjomkeda,
38 ar Jisukin panjakedea. Khan Jisu do acurente
paknjakane nelketkina are metatkina, Cetben
namkana? Unkin dokin metadea, Henda Rabbi,
(metakme, torjomate do, Henda Guru), okarem
39 tahenkana? Metatkinae, Dela hijukben adoben
nela. Ado senkate uni tahen thaikin nelkeda,
ar enhilok do uni thengekin taheyena; hudin
40 dak lo ber gan tahekana. Johanak katha an-
jomkate unkin panjaledekin modre mit do
Simon Patrasren boeha Andrease tahekana.
41 Uni do maranre acren boeha Simon namkateye
metadea, Alin do Masilin namakadea, (okatak
torjomate do Krist); ar Jisu thene idikedea.
42 Jisu do uniye bengetadea are metadea, Am do
Johan hopon Simon kanam? am do Kephasem
bahnaka, (okatak torjomate do Patras).

43 Dosar hilok do Galilte odok calak sanakedea;
ar Philipe namkedea, ar Jisu do uniye metadea,
44 Dela panjanme. Philip do Bethsaedarene tahe-
kana, Andreas ar Patrastekinak nagraha-
45 renge. Philip do Nathanaele namkedea are
metadea, Unigele namakadea okoe rean Mose
do anre, ar nabiko hoko olakat, Josephren
46 hopon, Nasaretren Jisuge. Nathanael do uniye
metadea, Cet, jahan bhageak hoe dareaka
Nasaret khon? Philip do uniye metadea, Dela
47 hijukte neljonme. Jisu do Nathanael ac then
hijukkane nelkedea ar uni reane menkeda,
Nukui sariakge mitten Israeli hor one unire
48 phasiara banuk. Nathanael doe kulikedea,
Cekatem riel oromedina? Jisui ror ruaradea,
Philip auriye hohoamre, lowa dare butarem
49 tahekanren nelletmea. Nathanaele ror ruar-
adea, E Rabbi, amge Isorren Hopon do, amge
50 Israelren Raj do. Jisui ror ruaradea, Lowa
dare butaren nelletmea menten metatmetem
patiaukkana? Noako khon naprakakkom nela.
51 Are metadea, Sari sarigen metapekana, ape do
serma jhicakan ar Isorren dutko Manwa Hopon-
re argo rakapkanpe nelkoa.

Kanare dake darkha rasayet.

/2 Ar tesar hilok do Galil reak Kanare mitten
bapla hoyena, ar Jisuren engat ondeye tahe-
2 kana; ar Jisu ar uniren celako ho ona bapla-
3 reko neotayena. Ado darkha rasa okulanen
khan, Jisuren engat do uniye metadea, Darkha
4 rasa banuktakoa. Jisu doe metadea, Henda
go, id tuluc amak do cet? Inak okte do auriaka.
5 Engattet do sapdapkoe metatkoa, Jahanakgeye
6 metape onkaepe. Onde do Jihudikoak ap
abukok cali leka babar pepe muri sahobok dhiri
reak turui goten dak handha doromakan tahe-
7 kana. Jisui metatkoa, Dak handhako ma
dakte perejpe. Ado kankha habicko pereckeda.
8 Adoe metatkoa, Ma nitok do bhuragte bhoj
9 mukhia idiaepe. Adoko idikeda. Uni bhoj
mukhia do darkha rasaakan dake cakha aikau-
ket khan, ar bae badaekan tahekana oka khon
kana mente - menkhan dakko bhuraklet sap-
dapko doko badaekan tahekangea - bhoj mukhia
10 do jawaeye hohoadea are metadea, Sanam hor
pahil do bhage darkha rasako calao marana,
arko bullen khan do kom bogeak; am do bhage
11 darkha rasa nit habicem dohoakada. Cinhako
reak etohop mente noa do Jisu Galil reak
Kanareye kamikeda, ar acak thonoke sodor-
keda; ar uniren celako unireko patiauena.

Mundile saphayet.

Ona tayom Kapharnahumteye argo calao-
ena, ac ar engattet ar boehako ar acren celako;
ar onde do dher din bako tahelena.

13 Ar Jihudikoak sen parom porob sorakan
tahekana, ar Jisu do Jerusalemteye rakap
14 calaoena. Ar mundilre dangra, bhidi ar parwa
akkrinko ar taka poesa bhanganiko durupakane
15 namketkoa. Khange baber reak mitten kodra
benaokate mundil khon jotokoe laga odokket-
koa, bhidiko ar dangrako ho; ar taka poesa
bhanganikoak poesae chitiau gidikattakoa, ar
16 mejkoe ultaukattakoa, ar onko parwa akkrin-
koe metatkoa, Noako men nonde khon idipe;
Apunak orak do bekpar orak alope benaoa.
17 Uniren celako noa olakana menteko disakeda,
enkathae, Amak orak lagit atokgeye jomena.
18 Ado Jihudiko ror ruaradeteko metadea, Cet
cinham udukalekana, noakom kamiyette do?
19 Jisui ror ruaratkoa, Noa mundil dhan dhaserpe,
20 ar in do pe mahatege onan bereda. Onate
Jihudikoko menkeda, Noa mundil do pon gel
turui sermate benaoena ar am do pe mahate
21 onam bered lagit? Menkhan uni do acak hormo
22 mundil reane rorleda. Onate gocko khone
beretenre uniren celakoko disakeda noae rorleda
mente, ar sostorre ar Jisui rorlet kathareko
patiauena.

23 Ado Jerusalemre sen parom porobreye tahe-
kan jokhec uniye kamiyet tahekan cinhako
nelte adi hor uniak nutumreko patiauena.
24 Menkhan Jisu ac do onko bae patiau utaratkoa,
25 acge joto hore badaeyetko tahekan iate, ar
manwa reak jahae hor gohae em do ban jarur-
adea; ente acgeye badaekan tahekana manware
cet menaka mente.

Nikodemuse galmaraoaekan

/3 Pharisiko modren mit hore tahekana, nutum-
tae do Nikodemus, Jihudikoren mitten mukhia-
2 ge. Uni do ninda uni thene hecena, are meta-
dea, E Rabbi, alele badaea am do Isor then
khon hecakan mitten guru kanam; ente amem
kamiyetkan noako cinha do okoe ho ohoe kami
darelea, Isor uni tuluc aloe tahen khan do.
3 Jisu do uniye ror ruaradea, Sari sarigen metam-
kana, jahae hor dosar karte bae janamlen khan,
4 Isorak raj ohoe nel darelea. Nikodemus do
uniye metadea, Hor do cekateye janam dare-
koka haramkate do? Ban do dosar karte engat-
5 ak kukhire bolo are janam darekok? Jisui ror
ruarkeda, Sari sarigen metamkana, Jahae dak
ar Jiu khon bae janamlen khan, Isorak rajre
6 ohoe bolo darelena. Jel khon janamakanak
do jelge, ar Jiu khon janamakanak do jiuge.
7 Dosar karte janamok hoyoktapea menten met-
8 atmete alom haharaka. Hoe do oka sec sana-
yedeye hoea, ar ona reak sadetetem anjoma,
menkhan bam badaea oka khon hijukkana ar
okate calakkana. Onkangeae Jiu khon janam-
9 akan mit ke mit hor ho. Nikodemus doe ror
10 ruaradea, Cekate hoe dareaka noako do? Jisui
ror ruaradea, Am do Israelkoren guru kanam,
11 ar noako barn badaea? Sari sarigen metamkana,
ale do badaeakle roreda arle nelakatak rean
gohale emeda, ar aleak goha do bape angoceda.
12 Dharti reakakkon laiatpere bape patiaukkan
khan, serma reakakkon laiapere do cekatepe
13 patiaukoka? Ar sermate do okoe ho bako ra-
kapakana, serma khon argoyenic Manwa Hopon
14 chada, one uni sermare menae. Ar cetleka
Mose do hahankarre uni bine rakaplede, onkage
15 Manwa Hopon ho rakap ocok hoyoktaea, jemon
patiauk mit ke mit hor unire jaejug jion
tahentako.

16 Ente Isor do dhartirenko nonkae dularket-
koa, acren eskar janam Hopongeye emkedea,
jemon unire patiauk mit ke mit hor aloko nos-
17 tok bickom jaejug jion tahentako. Ente Isor
do acren Hopon dhartite bae kolledea dharti-
renko bicarko lagit do, menkhan jemon dharti-
18 renko uni hoteteko bancaok. Unire patiaukic
do bae bicar ocoka; ban patiaukic do nit
hoe bicar ocoakangea, ente Isorren eskar
janam Hoponak nutumre bae patiauakan do.
19 Ar bicartet do nokoe, marsaltet do dhartite
hecakana ar horko do marsal khon bickom nut-
geko dularkeda, ente onkoak kami do baricge
20 tahekantakoa. Ente baricake kamiyet mit ke
mit hor do marsale kurudakkana, ar marsal
then bae hijukkana, jemon uniak kamiko alo
21 nisrauktae; menkhan sariak kakmiyic do mar-
sal thene hijukkana, jemon uniak kamiko do
Isorre kamiakana mente sodoroktae.

Johan babaptisic Jisu rean gohae emet.

22 Noako tayom Jisu ar uniren celako do
Jihuda disomteko hecena, ar onde onko tuluce
23 taheyena ar hore baptisetko tahekana. Ar
Johan ho Salem sor Aenonre hore baptisetko
tahekana, ente onde do dher dak tahekana ar
horko do heckateko baptis ocokkan tahekana;
24 ente un habic Johan do hajotre bae bhorao
25 ocoakan tahekana. Onate Johanren adorn cela-
ko ar mitten Jihudi hor talare ap abukok
26 babotre ropor janamena. Ado Johan then hec-
kateko metadea, E Rabbi, Jordan on paromre
am saoteye tahekanic, one uni rean goham
emakat, nelme, uni do hore baptisetkoa, ar
27 sanam hor uni thengeko calakkana. Johane
ror ruarkeda, Hor do cet ho ohoe hatao darelea,
28 serma khon bah emakawade khan. Ape nijege
con in rean gohape emet, inin menlet, In do
Masi don ban kan, menkhan uni lahaten kol-
29 akana mente. Bahu menaetaeicge jawae do;
menkhan jawaeren lomta kora, one uni saoteye
tengonkan are anjomettae, uni do jawaeak
arante aditete raskakkana. Onate noa inak
30 raska do purauakantina. Uni do maran idik-
tege hoyoktaea, menkhan in do hudin idikge.

31 Cot khon hijukkanic do sanamko cetanre
menaea; dharti khonic do dhartiren kanae ar
32 dharti reakakgeye roreda; serma khon hijuk-
kanic do sanamko cetanre menaea. Okatake
nelakat are anjomakat ona reange gohae emeda,
ar uniak goha do okoe ho bako angoceda.
33 Uniak goha angocakaticge noae mohor chap-
34 akawada, Isor doe sarigea mente. Isor okoeye
kolakade, uni do Isorak kathakoe roreda, ente
35 Jiu do sonkate bae emekana. Apat do Hopon-
tete dularedea, ar jotoakko uni tireye emaka-
36 da. Hoponre patiaukic do jaejug jion menak-
taea, menkhan Hopon reak bebaktaoic do jion
ohoe nellea, bickom Isorak edre uni uparre
tahenkana.

Jisu ar Samariaren maejiu

/4 Ado Probhui badaeket khan je Pharisikoko
anjomakada, banma, Jisu do Johan khon
bartiye celayetko are baptisetkoa mente, -
2 enreho Jisu ac do bae baptisetko tahekana,
3 menkhan uniren celakoge, - uni do Jihudiai
4 bagiada ar Galilte arhoe calaoena. Ado Sama-
5 ria disom talate sen paromok hoyentaea. Khan
Samaria reak Sukharko metak mitten nagra-
hateye hec seterena, Jakob acren hopon Jo-
6 sephe emade tahekan jaega sorrege; ar onde do
Jakobak kui tahekana. Ado Jisu dara darate
langaakan enkage kui thene durupena; ber do
7 tikin amdaj tahekana. Khan Samariaren mit-
ten maejiu dak loe hijukkana. Jisu do uniye
8 metaekana, Den nui lagit emanme. Uniren
celako do ente nagrahateko senakan tahekana
9 jomak kirin lagit. Khan Samari maejiu do
uniye metaekana, Cekate am do Jihudi hor
huyate in mitten Samari maejiu then nui lagit-
em kokoekana? (ente Jihudiko do Samariko
10 tuluc bako durup tengona). Jisu do uniye ror
ruaradea, Am do Isorak danem badaele khan
ar uni doe okoe kana mente oneye metamkan,
Nui lagit emanme, endekhan amge honan uni-
yem koekea, ar uni do jivet dake emkema.
11 Uni maejiu doe metaekana, E Baba, lokloak ma
banuktam ar kui ho khandrige, ado oka khon
12 noa jiwet dak dom nawana? Am ban do aboren
baba Jakob khonem marange, one uni noa
kuiye emakawatle, ar noa reake nulet ac ar
acren hoponko ar acren mihu meromko ho?
13 Jisu do uniye metadea, Noa dakko nui jotoko
14 do arho tetankoa, menkhan jahae inin emae
dake nule khan, jaejug habic oho tetanlea; bic-
kom inin emae dak do unire jaejug jion lagit
15 bhumbukokkan dak reak jharna hoyoka. Uni
maejiu doe metaekana, E Baba, ona dak bare
emanme, jemon alo tetanin ar loe lagit nonde
16 alon hijuk. Metaekanae, Do senkate jawaeme
17 nonde hoho aguyem. Uni maejiu doe ror ruar-
keda, Jawae do banugictina. Jisu do uniye
metaekana, Thikgem menkeda jawae do banu-
18 getina mente; ente more gotenko tahekantama,
ar nitok menaetamic do amren jawae doe ban
19 kana; noa do sari kathagem menakada. Uni
maejiu doe metadea, E Baba, neledan am do
20 mitten nabi kanam. Aleren hapramko do noa
burureko sewaleda; ar ape dope meneda, banma,
Jerusalemrege thaitet do, one okare sekwa lek
21 kan. Jisu do uniye metadea, Patiauatinme,
ayo, okte darakana one unre Baba do ban do
noa burure ar ban do Jerusalemrepe sewawaea;
22 Ape do okatak bape badae onape sewawakkana.
Ale do okatakle badae onale sewawakkana, ente
23 bancaok do Jihudiko khonge. Menkhan okte
darakana, ar nit ho kangea, one unre sari sek-
wako do jiu ar sariakte Babako sewawae; ente
Baba ho onkankogeye namkana ac sekwako do.
24 Isor doe Jiu kana, ar uni sekwako do jiu ar
25 sariakte sekwage lektakoa. Maejiu do uniye
metaekana, Badaegean, Masi (metakme, Krist)
daraekana; uniye heclenre do jotoake lai jahir-
26 abona. Jisu uniye metaekana, In kangean uni
do, one am tuluc in galmaraokan.

27 Inaktege uniren celakoko hecena, ar mitten
maejiu tuluce galmaraokan tahekanteko haha-
rayena; enreho okoe ho bako menleda. Cetem
namkana? se, Cedak uni tulucem galmarao-
28 kana? Khange uni maejiu do acak dak kanda
bagi otoatte nagrahateye calaoena ar horkoe
29 metatkoa, Dela nelepe mitten hor, one okoe inin
cekaakat jotoake laiadin; ban do nuige Masi
30 kane? Onko do nagraha khon odok hecente uni
31 thenko hijukkan tahekana. Ina takrege celako
do nehoraekanteko metaekana, E Rabbi, ne
32 jomme. Menkhan uni doe metatkoa, In do
mitten jomak menaktina one okatak ape do
33 bape badaekan. Onate celako doko mepenena,
34 Jom lagit jahaeko aguakawadea se cet? Jisui
metatkoa, Inak jomak do nokoe, kolakadinic
reak sanan senak ar uniak kamin purautae.
35 Bape meneda, banma, Ar pon cando menaka,
khange irok din seteroka? Neipe, inin metape-
kana, benget rakabte khetko aribandhipe, nit-
36 rege con irok lagit pondakan. Irokic do
kuraiye nameda, ar jaejug jion lagit phosole
samtaoeda, jemon erokic ar irokic banar mitte-
37 kin raskak. Ente noarege ona katha do sari-
yena, banma, Erokic do mit hor ar irokic do
38 etak hor. In don kolakatpea irok, one okatak
lagit ape do bape dhamrokotakat; etak horko
dhamrokotakada ar ape do onkoak dhamro-
kotakrepe boloakana.

39 Ar ona nagraharen aema Samari hor unireko
patiauena uni maejiu reak katha iate, one uni
gohae emket, banma, Inin kamiakat jotoake
40 laiakattina. Onate onko Samariko uni thenko
hecen khan, ako thene tahena menteko nehor-
41 adea; ar onde do barsine taheyena. Ar uniak
42 kathate arho adi utar horko patiauena, ar uni
maejiuko metadea, Nitok do eken amak katha
motote do bale patiaukkana; ente nijetegde
anjomakada arle badaeakada, banma, uni do
sarige dhartiren babancaoic kanae.

Galilre rajren naprak horren hopone bogeyede

43 Ado ona barsin tayomte onde khon Galilteye
44 odok calaoena. Ente Jisu acge gohae emkeda,
banma, Mitten nabi do ac nij disomre manot
45 banuktaea. Ado Galilreye seteren khan Galil-
renko doko atan daramkedea, Jerusalemre po-
rob jokhece kamiletak jotoakko nellette; ente
onko ho porobreko seniena.

46 Ado arho Galil reak Kanateye hecena, one
okare dake darkha rasalet. Ar Kapharna-
humre rajren nutten naprak hore tahekana,
one uniren kora hopone rua kahilakan tahekan.
47 Uni do Jisu Jihudia khon Galilte hecakane
anjomkette, uni thene calaoena are nehoradea
jemon argo senkate hopontete bogeye; ente
48 gujuk dakhile tahekana. Ado Jisu uniye met-
adea, Cinha ar haharawakko begor nelte do
49 bantetgepe patiauka. Uni rajren hore met-
adea, E Probhu, dela gidra auriye gujuktinrege
50 argo hijukme. Jisui metadea. Do calakme,
hoponme doe jiwetgea. Uni hor do Jisui met-
51 ade kathae patiauada are calaoena. Are argo
calakkan jokhecge uniren golamkoko daram-
kedea arko laiadea hopontet doe jiwetgea
52 mente. Khan onko then khon oktetete kuli-
ana, tin jokhec khone aosanena mente; adoko
metadea, Hola tikin norakge rua do chutauen-
53 taea. Ado apattete badae gotkeda ina oktege
Jisui metade tahekana, Hoponme doe jiwetgea;
are patiauena, ac ar ac gharonjren sanamkoge.
54 Jihudia khon Galilte arho heckate noa do Jisui
kamiletak dosar cinha kana.

Bethesda pukhri then mitten rugiye bogeyede

/5