Tasey Luke Lukahrah Avaitthu Tsutsa Ahia Aphachang: 1 Shulangve Theophilus! nanok ahinti pahiarah manna na-tsam mungna aphamah ruta attisubna sauli mra dongtah thunka, manphan ikha vaitthutah. 2-3 Racongtukai mra thunka wujamrah maitmu makmah chitah. Kumah wujamrahka nashihma numah atulia phankuh kuvasuli lakna vaithutah. Kumah kra tsutsaka tsangshihrah mungmaitsema tutai kuhthutah. Tsang- shih lakna avaithu thunka ngirah ahiavih, aphamah ruta atusubna sauli, tutholata bluh kiki phatkang. Kuma kukhahali, maitnumah atulia congkuh thun kuman kukhasu tutholata sidikang. 4 Kutinkhan sidilot jaishe, ara manpnan ara omnurah tailau thah kuzah, aphamah ruta atusubna sauli tutho tupha misaplah nguta vaitukang. Raserah Johan Baptist Ravuchi Akhing Tutai Kitah 5 Omcau congtukang manphan tucap phavanka Herod Raja patmah phahotah. Kutakah Herodka Judia mung kuzah Raja kamsham. Kutincoji Jekeria nguta tsangve veshi sitah. Apaitka Abia nguta kongkhuna sitah krata phanva. Jekeria taniung mangka Ilijabeth. Ilijabeth kuman Jekeria kukha tsangye phansu. 6 Tsangnai niungveka tsangnai rilungna Shukiave makluna athukvih sitah. Kumah kukhahali Tative tri kuman ahiavihmah shuting shurai langvantah. 7 Rushatmah tsangnaika sehu. Tsangnai vuta akukai wishe. Ilijabeth kuman vikaushe. Noshu niungma jalotmakcang khanshe. 8 Ranaitshi Jekeriaka nokucong kujah Shukia- vema aluka keva nguta jammongna ngavatah. 9 Tsangshih tsangveybi thunglaimah kra ranait alukeva tsangve kamka anokrah apaitma kuhtah. Apaitka Tative jammongna simiva nai phanrap ahomvih phanka talucahva nguta vatah. 10 Apait jammongna kra cahshonka nokve thunka noku jamkia kujah rutam rauta acu jautah. Apait krathunka tulu cahshon, 11 rava Tative Rase ashi sauki sah rauta apaitrah phanrap ahom vihphan cahtulah berong heshap tho kuzah jahtsi nuna capkitah. 12 Rase apait thona caprauka cirauta, apaitka ahairai rutah. 13 Apait ahairaika cirauta raserah apaitrai bomdamtah, " Nahaikih Jekeria! Shukiaverah Apait java acu jaulauka tai toshe! Omjamti niung Ilijabethka noshu niungmashe mija. Kra noka ravu ciraula Johan nguta mimang hauzo. 14 Kra no vuchi ranait! namnai niungve nai nanok pahia ahintibima man kai cocicang lam situlo. 15 Jamningkhanva ngukala kra noka lakiraujah Tative manna pinthum ajongma mija. Apaitmuka cetanian- gman maimak. Sutala Vinjika aravuci ranait muphat akhumna ama misi. 16 Apaitrah Shukiave sause Ihudinok pahia namshih phongva rumna amu araki thun nai lamjihna akihothunka namshih Rumti Shikiave phana mishia wannong. 17 Apaitka Shukiave Tsutsa soti nguta kamkam miki. Shukvive Shammi Ilija kitah klikha apaitman amang ajong mirah. Phanrap maitvangcang mikulo. Tapin aki, sive sise kuman adamna mitratamnong. Kuma Shukiave bom taliati, maitmu khosimah lam ahinna kihotahti kuman atujangshia mirahvan. Apaitrah Shukiave sause thunka Shukiave lam phanvan lamnuna tsangshih tsan avokka ngrai lam phantulah kuva pattublam phanvanli cangna apaitrah mitarap ruvan Tativey misau kishahna." 18 Raserah kra congkuta Jekeriarah vaitah, "Omnurah congtulauka mitengvan dia nguta jamkho misapha? Nainairi vikau tikushe." 19 Kra ngukah- tushe raserah turetah, "Ngi mangka Gebriel. Ngi Shukiave manna cap ngati. Shukiaverah ara tsutsa ara omnuma tutaikikih nguta atuki. 20 Rushatmah omnurah ngirah tengman tulah bom congphata lammau rutulau. Ngirah congkangka poimak. Akhing atenna rukhali mihongthavan. Rushatmah omnurah ngi bomma lammau rutulau kra ningkhan omcau amah sinha omnuh bomhumashe misihau tsu-tsa congkangka mihongvanshah vuvu. Ombomka poshi man dongmakshe mirah." 21 Kinphaina acujauti nokve thunka apait alou donghomak rukuta athe angeshe. Tsangshika Jeke- riama jamlaiva rakita noku jam mongna atinkhan hai vatah ara nguta tuma jamshe. 22 Jekeriaka nokucong mong kumah kinphaina dongki rauta sinha abomka dongmakshe. Apaitka anok rai bomlot makshe. Kra chirauta tsangshihrah apaitrah ama matosham nguta hesahli rutah. Kumah apaitrah man anok kuma bom- lotmang nguta ajahma congkuhtah. 23 Kutukah ranait apait jashamka lotrauta sinha tsangjam nushe vavantah. 24 Kra jaimashe tsang niungka vahanshe sitah. Vahan sitah lupan Ilijabethka jipi lubangi cuna man khummak, jamna ngashatu rutah. 25 "Maitrah khanghu rahu niung nguta omtinkhanva shummutah rushatmah Tativerah ngima ara shuman kuhto. Ngima jiasi capa lamman omcau sinha ahusha, Maitmak kina vakumvih niung ngutashe misiha," nguta Ilijabethka kai khoruh shishuh mushe sitah. Raserah Jesuh Ravuchi Akhing Tutaikitah 26 Ilijabethka vahan, jipi lutrok asi vinashe Shukiaverah rase Gebrielka Gelili mungna Najareth nguta mait hih ashi asi kujah tukitah. 27 Rase Gebrielkah jecakse ashi amang man Merih nguta kuma tsuqtsa congkai nguta kitah. Kutakah Merihka Josephma nguta atukapvishe. Josephka Raja Devid sausephan. 28 Raseka Merih phana kirauta apaitma akha nguta bom congkitah: "Kikapti niung! Tativerah omnuhma cecu jonghia kuhtoshe!" 29 Raserah jamlai ngova ngutala kra taklotmak ningkhan apaitka aku aniu lishe rutah. 30 Apait kunui raika chirauta raserah mangcan lammah bomdamtah, "Merih nahaikih! Shukiaverah omnuhma kai khusi tulo! Apaitrah omnuma shuman cecu athuke kunshe. 31 Omnuh noshu niungma mijahau. 32 Omseka maitvese mirah, kra noka mungkang thahna ajong pinthum mirah. Apaitma ati tipai Devid Rajama tujatah kukhasu Shukiaverah Apait kuman Rajama mituja. 33 Apaitka Jakub sause phan tulotu thahna pattub Hokham kam misham. Kumah Apait Hokham kamka athum kaicang rumak, thummak pattub sivanruhcang lishe mirah!" 34 Kra ngukata Merihrah rase bomka turetah, "Ngika noshu niungma omkho mija maitma sintula mivashah?" 35 Kra ngukata raserah turetah, "Sutulah Vinjika omhanna miki. Kuma Shukiave ningkunmah kra omkhumna kitulah Vinjika maisema mipou omha- nna. Kra ningkhan omhanva sutulah noka Shukiavese nguta mimang. 36 Omnie-no-niung Ilijabeth tho laptulau khata? Ilijabethka vikaushe angu rushatmah omcau apait vuhan jipi lutrokshe! 37 Shukiaverah kulo lotmak ngutaka jamman ahu." 38 Merihrah rase bomka turetah, "Ngika Tative sause! Omnurah omcau congtulau kraphan Chuvanti Shukiaverah asau ase kuma mita hongtha kuhvanlah!" Merihrah kra apait bomka tureri, raseka apait tho kuva rana vanansah she vavantah. Merih Ilijabeth Rai Ruhumkai Kitah. 39 Raserah apaitma congthu jaimah jalomali Merihka Ilijabeth situlah hih kujah vatah. Ilijabethka ku-akin tonglong Judia mung kujah mait hih ashina sitah. 40 Merihka Ilijabeth nai Jekeria jam kujah varauta Ilijabeth rai ruhum vatah. 41 Merihrah Ilijabeth rai asauvari rabomvanka tairauta Ilijabeth hanna situlah noka man Merihma cocima vokmong- mah atume rutah. Kumah Sutulah Vinjika Ilijabeth khumna pura shangtah. 42 Kra ningkhan acocisit- sima Ilijabethka ajongvihma suraitah: "Tuniungram, mungkan niungre thahna vakum pinthum niung. Oh! omnurah omcau omhanna hotulau Shukiavese no krama vutarurah atushomrali mituhialah! 43 Omnuh Tative niungrah ngi rai rahum kitulauka ngima cecu jonghia lapvancanglam situlo! 44 Omnuh ngirai rabomvanka tairauta ihanna situlah no kra diaman acoci iammah atume rutou. 45 Oh Merih! Omnurah Tative bomcongka mitengvan nguta kamvan tulau kra ningkhan omnuhma pinthum coci canglam situlo!" Merihrah Shilkiavema Tushom Ratah. 46 Merihrah bom turelammah she akha nguta Shukiave tushom ratah: "Ngi pinthum khoruh tukang Chuvantivema. 47 I-tsai iji man vuta Chuvanti Shukiavema pinthum khoruh sishuh situlo. 48 Apaitrah ngi akhanok maitse jehintima lungvu rauta mangcan kuhto. Apaitrah ngima mangcan kuhtah kra ningkhan omcau amah sinha maithpat thummak vuvu vutarurah nginang vukumvih niung nguta susah mingu. 49 Ranai hih Rumtive Phanthe Shukiaverah ngima shuman ajong pinthum tsli-kuhto. Kra ningkhan Sutulah Apait mang kuli pinthum tushom ratukang. 50 Apaitrahka Apaitma lungvu tsan tsu thuvan tulahti thun vutaru mangcan kuhtulo maitpat patshimah ruta patshihna sauhoho. 51 Apaitrahka abi ati kam nai thumia daku, phanrap ashut ashai kulovanti nai kumrong kumrah maitse anguthun vutaru thunka lushat rutulah. Tsangshih thunka Apaitrah tupin tujin, jobait tulah. 52 Apaitrah ajong hoknam jutakai nguta situlah thunka hokham ngacang kuva tudia turok tupin jobaitah, rauta jehin nore anguti thunka tsangshih thana rana dotah. 53 Apaitrah aniang aleti thun kuma avok tuphe kuhtah, rauta cuthe maitse thunka jahmumah tuva baitah. 54 Naniungvema Apaitrah kih akham kuh tuhong kuhtoshe; Apait ajashive Ihudinok khurum kai kito. 55 Apaitrah Abraham nai Abraham sause vutaru mangcan shat rutulo kumah jaina man rilung pattub khurum shat- mirah." 56 Merihrahka Ilijabeth rai jipi lutsam sitah. Jipi lutsam sijaishe tsanghihna jangvan nongtah. Johan Baptist Ravuchi Akhing. 57 Merih vavan jai, appa sijaishe Ilijabethrah no dotah. Tsangseka raserah kongkhumah congkitah krai muren maitvese dotah. 58 Tsangnai niungvema tati seno omcuva situlah thunka kra Tativerah shuman cecu thuke chishat ningkhan kutakah no vuchi ranait kai khoruh coci damtah. 59 Aravu chijaimah cepa- tshi sirauta, rutucat ngoranait kujah nashe amang poi kulotah. Amang poi ranaitka no huktsam kujah Shukiavese nguta man shakop heshap she, phanshi jasaimah tumi hantah. Tsangshihka ave mangka tuphan, no mangka Jekeria nguta mang diantah. 60 Rushatmah aniungrushe, "Jekeria rumak, apait mangka Johan nguta mangra," nguta tuvintah. 61 "Johan ngutaka namning namve mang tuna ahu?" nguta anokrah apait bom turetah. 62 Kra rungu rautashe tsangshihrah ave mushe ase mangka ju nguta mangcangva nguta jahma thinam rauta vaitah. 63 Kutakah Jekeriarahshe lak vaitcang celap jau rauta celapna, "Apait mangka Johan" nguta vaitah. Kra chirauta tsangshika vutaru tulotli avang rai, arang ara. 64 Iupan kujahli raserahkih kham kuh thutah krai muren Jekeria bom kuman hiakisah hiakitah. Abom dongnong kuta sinha, apaitka Shukiave tush- omra lashe kai khorutah. 65 Rase bomcong kurai- vanka chirauta tsangshih rai noka mang poi lomdamti apho ano jamthah jamkhiva mait omcuva ngatulah thunka pinthum avan lishe rutah. Kra hongvantah tsutsaka Judia mungna siti barabtirah she taitah. 66 Kra tsutsa taitulahbi thun vutarurah tsangshi nai tsangshi lupanna, "Arase ala jamkha maitma javan- tiva nia?" nguta rucongtah. Kra noka Tativerah pongphanke aphankuh nguta kra muphat vutarurah sapshatshe rutah. Ave Jekeria Bomcong. 67 Kutakah Sutulah Vinjika Jekeria khum kujah kitah. Kra Sutulah Vinji kra ningkunmah apaitrah ara Shukiave tsutsa ara congtah: 68 "Nashih vutaru naniung nave (Ihudinok) Rumti Nave Shukiaka tushomra rong i! Apaitka asau ase thun kharu mongwa dubaitkai kito. 69 Apaitrah nashih chuvanti ajong veshih tukito. Kra nashih Chuvantiveka Devid sause jamna tukito. 70 Omsuhmah rathup raphana Shukiaverah ashammibima akha nguta tucong kitah. 71 Apaitrah nashih chijah rejahva mituchu kuh nguta congtah, kumah nashih ngengtinok jahkhonva mitudong vanha nguta kihkhamtah. 72 Shukiave Apaitrah mimangcankuh ngutah nashihma kihkham kuhtah. Kumah Apait sutulah kihkham kuhtahka shap- hai mangmah mikulo kuhvanha nguta chong- tah. 73-75 Apaitrah nati Abrahamma kih ahiavimah khamkuhtah. Kumah Apaitrah kongphih khatah nashih mi- tuchukuh vanha dongdu najahti jahkhon mongva nguta. Kumah, kukha hali nashih nangman, Apaitma shureng shatmah nai haihu songhumah Apait kam shamra nguta congtah. Nashih nang khum surai raimah, marait ahumah sironglah nguta congkuhtah. Nashih nangnga rilung pattub tingting lamna shuting shurai sironglah nguta congkuhtah. 76 Ise Johan! omnuhka Shukiave shammi nguta misihau! Omnuhka kongkhuna kiiauta Chuvan Tative kailamka kongkhuna mitanho hau. 77 Kuma Shukiave sause thun kuma, tsangshihka ngrai jahkhon mongva mitudong van nguta congho mikihau. Tsangshih ngraika adushe mirahkuh nguta micongho hau. 78 Jam ningkhanva ngukala Phanthe Shuklaveka nashihma mangcan tsu asi thutulo. 79 Nashihka ranniah mongva ravu nashe mishi- avan. Nashihma Rashe dongho tulo she! Kumah Apaitka mungtanmah nashihma vanu mitunukuh Kumah lamjihva tengman tulah pattub ahiavih apco aleo lam kunalishe mishiavan. Jamman ngusihmakshe mirah nashihma." 80 Noshu seka Sutulah Vinjirah rumshatmah tujong lutah. Apaitka lakirauta sinha kumtsai phuna (rumna) sikitah. Apaitma mungmaitse manna trakhou akhing misaushah lupanka kumtsai phunali sitah. Jesuh Ravuchi Akhing. 2