༡་༡ ། ཡེ་ཤུ་མ་ཤི་ཀའི་ཕྲིན་བཟང་གི་ཐོག་མ་ནི ། ༢ ལུང་སྟོན་པ་ཡེ་ཤཱ་ཡས །།
ང་ཡི་ཕོ་ཉ་ཁྱེད་མདུན་གཏོང་ །།
དེས་ནི་ཁྱེད་ལམ་བསལ་བར་བྱ ། ༣ ། ཐང་ན་འབོད་པའི་སྒྲ་དེ་ཡིས །།
གཙོ་བོའི་གཤེགས་ལམ་བྱོས་ཤིག་དང་ །།
ཁོང་གི་ཕེབ་ལམ་སྲོང་ཞིག་ཟེར ། ཅེས་བྲིས་པ་བཞིན་དུ ། ༤ ཁྲུས་གསོལ་མཁན་ཡོ་ཧ་ནན་ནི་སྔིག་པ་སེལ་བའི་ཕྱིར ། འགྱོད་ཚངས་ཀྱི་ཁྲུས་ཀྱི་ཆོས་བཤད་ཆིང་འབྲོག་ སྟོང་ན་བྱུང་ངོ་ ། ༥ ། ཡ་ཧུ་དཱ་ཡུལ་ཐམས་ཅད་དང་ ། ཡེ་རུ་ཤ་ལེམ་པ་ཐམས་ཅད་ཁོང་གི་དྲུང་དུ་སོང་སྟེ ། སྡིག་པ་མཐོལ་ནས་ཡོར་དན་གཙང་པོའི་ནང་ཁྲུས་བླངས་སོ ། ༦ ཡོ་ཧ་ནན་ནི་རྔ་མོང་གི་སྤུའི་གོས་གོན་ཏེ ། རྐེད་པར་ཀོ་བའི་སྐ་རགས་བཅིངས་ནས ། ཆ་ག་བུ་དང་རིའི་སྦྲང་རྩི་ལ་སྤུད་དོ ། ༧ ཁོང་གིས་འདི་སྐད་དུ ། ང་ལས་མཐུ་སྟོབས་ཆེ་བ་དེ་ངའི་རྗེས་སུ་འབྱོན་ནོ ། ང་སྒུར་ནས་ཁོང་གི་འབས་ལྷམ་གྱི་སྒྲོག་བུ་སྒྲོལ་བའང་འོས་མ་ཡིན ། ༨ ངས་ཁྱེད་ལ་ཆུའི་ཁྲུས་བཏང་གི ། ཁོང་གིས་དམ་པའི་ཐུགས་ཉིད་ཀྱི་ཁྲུས་གསོལ་བར་འགྱུར་ཞེས་བསྒྲགས་སོ །།
༩ ། དེའི་ཆོ་ག་ལིལ་ཡུལ་གྱི་གྲོང་ཁྱེར་ན་ཙ་རེད་ནས་ཡེཤུ་བྱོན་ནས ། ཡོར་དན་ནང་ཡོ་ཧ་ནན་གྱིས་སྐུ་ཁྲུས་གསོལ་ཏོ ། ༡༠ ། ཆུའི་ནང་ནས་ཐོན་པ་དང་ ། ནམ་མཁའ་རལ་ནས་ཐུགས་ཉིད་ནི་ཕུག་རོན་ལྟར་ཁོང་གི་སྟེང་དུ་འབབ་པར་ གཟིགས་སོ ། ༡༡ ། ནམ་མཁའ་ནས་སྒྲ་ཞིག་གིས ། ཁྱེད་ནི་ང་རབ་ཏུ་དགའ་བའི་ངའི་སྲས་གཅིག་པོ་ཡིན་གསུངས་སོ །།
༡༢ ། དེ་ནས་ཐུགས་ཉིད་ཀྱིས་ཁོང་འབྲོག་སྟོང་དུ་འདེད་ནས ། ༡༣ ། དེར་ཞག་བཞི་བཅུའི་བར་དུ་བདུད་ཀྱིས་ཁོང་གི་ཐུགས་སད་དོ །། གཅན་གཟན་དང་མཉམ་དུ་བཞུགས་ཏེ ། ཕོ་ཉ་རྣམས་ཀྱིས་ཁོང་ལ་ཞབས་ཕྱི་ཞུས་སོ །།
༡༤ ། ཡོ་ཧ་ནན་བཟུང་བའི་རྗེས་སུ ། ཡེ་ཤུ་ག་ལིལ་དུ་ཕེབས་ནས ། དཀོན་མཆོག་གི་ཕྲིན་བཟང་འདི་ལྟར ། ༡༥ ད་དུས་རན ། དཀོན་མཆོག་གི་རྒྱལ་སྲིད་ཉེ་བར་བསླེབས ། སེམས་སྒྱུར་ལ་ཕྲིན་བཟང་ལ་དད་པ་བྱོས་ཤིག་ཅེས་བསྒྲགས་སོ །།
༡༦ ། ག་ལིལ་གྱི་མཚོ་འགྲམ་ནས་ཕེབ་པ་ལས ། ཉ་པ་ཡིན་པའི་ཤི་མོན་དང་དེའི་སྤུན་ཨན་དྲེ་ཨ་མཚོའི་ནང་དུ་ཉ་དོལ་གཏོང་བ་གཟིགས་ནས ། ༡༧ ། དེ་དག་ལ ། ངའི་རྗེས་སུ་བྲོང་ཞིག་དང་ ། ངས་ཁྱོད་མི་རྣམས་འཇིན་མཁན་གྱི་ཉ་པར་བསྐོ་བར་བྱའོ་གསུངས་པ་དང་ ། ༡༨ ཉ་དོལ་བོར་ནས་ཞབས་རྗེས་སུ་འབྲངས་སོ ། ༡༩ ཅུང་ཟད་ཕེབས་པ་ལས ། ཟེ་བད་ཡའི་བུ་ཡ་ཀོབ་དང་ཡོ་ཧ་ནན་གྲུའི་ནང་ན་ཉ་དོལ་བཟོ་སྐྱོར་བྱེད་ཅིང་ཡོད་པར་གཟིགས་ཏེ ། ༢༠ བོས་པར་མཛད་པ་དང་ ། ཕ་ཟེ་བད་ཡ་གླ་པ་རྣམས་དང་བཅས་གྲུའི་ནང་དུ་བོར་ནས་ཕྱི་བཞིན་འབྲངས་སོ །།
༢༡ ། ཀ་ཕར་ན་ཧུམ་དུ་བྱོན་པ་ལས ། ཤབ་བད་ཀྱི་ཞག་ལ་འདུ་ཁང་དུ་ཅོས་བསྟན་ཏོ ། ༢༢ ། ཁོང་གིས་མཁན་པོ་རྣམས་དང་མི་འདྲ་བར ། དབང་ཡོད་པ་ལྟར་ཆོས་བསྟན་པས ། ཐམས་ཅད་ངོ་མཙར་དུ་གྱུར་ཏོ ། ༢༣ ། དེའི་ཆོ་དེ་རྣམས་ཀྱི་འདུ་ཁང་ནང་འགོང་ཞུགས་ཤིག་ཡོད་དེ་དེས་སྐད་ཆེན་པོས ། ༢༤ ། ཀྱ་ན་ཙ་རེད་པ་ཡེ་ཤུ ། ཁྱེད་དང་ང་ཚོ་ལ་བྲེལ་བ་ཅི ། ང་ཚོ་མེད་པར་མཛད་དུ་ཕེབས་སམ ། ཁྱེད་སུ་ཡིན་ངས་ཤེས ། ཁྱེད་དཀོན་མཆོག་དམ་པ་དེ་ལགས་ཞུས་སོ ། ༢༥ ། ཡེ་ཤུས་དེ་ལ་བཀའ་བགྱོན་མཛད་ཅིང་ ། ཁ་རོག་སྡོད ། ཁོའི་ནང་ནས་ཐོན་ཅིག་ཅེས་གསུངས་པ་དང་ ། ༢༦ འགོང་པོས་མི་དེ་དཀྲུགས་ནས ། སྐད་ངན་བོཏན་བཞིན་ཁོའི་ནང་ནས་ཕྱིར་ཐོན་སོང་ངོ་ ། ༢༧ ། ཐམས་ཅད་ངོ་མཚར་དུ་གྱུར་ཏེ་ཕན་ཚུན་དྲིས་པ ། འདི་ཅི་ཡིན ། བསྟན་པ་གསར་པ་འདི་ཅི་ཡིན ། འགོང་པོ་ལའང་དབང་གིས་བཀའ་གནང་ཞིང་ ། དེ་རྣམས་ཀྱིས་ཉན་ནོ ། ༢༨ ། དེ་མ་ཐག་ཏུ་ཁོང་གི་སྙན་གྲགས་ག་ལིལ་གྱི་ཡུལ་འཁོར་ཕྱགས་ཀུན་ཏུ་ཁྱབ་བོ །།
༢༩ ། དེ་ནས་འདུ་ཁང་ནས་བཞེངས་ཏེ ། ཡ་ཀོབ་དང་ཡོ་ཧ་ནན་མཉམ་དུ ། ཤི་མོན་དང་ཨན་དྲེ་ཨའི་ཁྱིམ་དུ་ཕེབས་སོ ། ༣༠ ། ཤི་མོན་གྱི་སྒྱུག་མོ་ཚ་བའི་ནད་ཀྱིས་ཟིན་ནས་ཉལ་ཡོད་པས ། དེའི་དོན་དུ་ཁོང་ལ་ཞུས་པ་ལས ། ༣༡ མདུན་དུ་བྱོན་ཏེ ། ལག་པ་ལ་བཟུང་ནས་བསླངས་མ་ཐག་ཏུ་ཚ་བ་དངས་ནས་མོས་ཞབས་ཕྱི་ཞུས་སོ ། ༣༢ ། ཉི་མ་ནུབ་པའི་འོག་ཏུ་སྲོད་ལ ། ནད་པ་དང་འགོང་ཞུགས་ཐམས་ཅད་སྐུ་དྲུང་དུ་འཁྱེར་འོངས་ཏེ ། ༣༣ ། གྲོང་ཁྱེར་པ་ཐམས་ཅད་སྒོ་རྩར་འདུས་སོ ། ༣༤ ། ནད་སོ་སོ་ན་བ་མང་པོ་གསོས་ནས ། འགོང་པོ་མང་པོ་བཏོན་པར་མཛད་དེ ། འགོང་པོ་རྣམས་ཀྱིས་ཁོང་ངོ་ཤེས་པས་ལབ་ཏུ་མ་བཅུག་གོ ། ༣༥ ། ཐོ་རངས་ལས་སྔོན་དུ་བཞེངས་ནས་དབེན་པར་ཕེབས་ཏེ ། དེར་ཐུགས་དམ་ལ་བཞུགས་སོ ། ༣༦ ། ཤི་མོན་ལ་སོགས་པས་ཁོང་ལ་བདས་ནས ། ༣༧ ། མཇལ་བ་དང་མི་ཐམས་ཅད་ཀྱིས་ཁྱོད་འཚོལ་ལོ་ཞུས་ཏེ ། ༣༨ བཀའ་ལན་དུ ། ང་ཚོ་ཉེ་འཁོར་གྱི་ཡུལ་རྣམས་ལ་སོང་ནས ། ངས་དེ་རུའང་ཆོས་འཆད་པར་བྱ ། དོན་དེའི་ཕྱིར་འོངས་པ་ཡིན་གསུངས་སོ ། ༣༩ ། དེ་ནས་ག་ལིལ་གྱ་འདུ་ཁང་ཐམས་ཅད་ནང་ཆོས་བསྟན་ཅིང་ ། འགོང་པོ་བསྐྲད་དོ ། ༤༠ ། མཇོ་ཅན་ཞིག་མཇལ་དུ་འོངས་ནས ། པུས ། མོ་ས་ལ་བཙུགས་ཏེ ། ཐུགས་མཉེས་ན་ང་གཙང་བར་མཛད་ནུས་སོ་ཞེས་ཞུ་བ་ཕུལ་བས ། ༤༡ ཐུགས་བརྩེ་ནས་ཕྱག་བརྐྱངས་ཏེ ། ཁོ་ལ་རེག་ནས་དེ་བཞིན་དུ་འདོད་དོ །། གཙང་བར་གྱུར་ཅིག་གསུངས་པ་དང་ ། ༤༢ མཇོ་ནད་དག་པར་གྱུར་ཏོ ། ༤༣ ། དྲག་པོའི་ངང་ནས་མི་དེ་འཕྲལ་དུ་བཏོན་ཞིང་ ། ༤༤ སུ་ལའང་ཅི་ཞིག་མི་ཟེར་བར་སོང་ལ ། དཔང་བྱེད་པའི་ཕྱིར་རང་གི་ལུས་མཆོད་ཤོམས་པར་བསྟན་ནས ། དག་པར་གྱུར་པ་མཚོན་པའི་མོ་ཤེས་བཀའ་གནང་བ་དེ་ཕུལ་ཞིག་ཅེས་བཀའ་གནང་ཡང་ ། ༤༥ མི་དེ་སོང་ནས ། བྱ་བ་དེ་མང་དུ་བཤད་ཅིང་རྒྱས་བཅུག་པས ། ཕྱིན་ཆད་ཡེ་ཤུ་མངོན་སུམ་དུ་གྲོང་ཁྱེར་ལ་ཕེབ་མ་ཐུབ་པར ། ཕྱི་རོལ་དུ་དབེན་པར་བཞུགས ། མི་རྣམས་ཕྱོགས་བཞི་ནས་ཁོང་གི་དྲང་དུ་འོངས་སོ །། །།
༢་༡ ། དུས་འགའ་ཞིག་ནས་སླར་ཀ་ཕར་ན་ཧུམ་དུ་བྱོན་པའི་ཚེ ། ཁྱིམ་དུ་བཞུགས་པའི་སྐད་ཆ་གྲགས་ནས ། ༢ སྒོ་རྩ་ལའང་འདུག་ས་མི་ཐོབ་པ་ཙམ་དུ་མི་མང་པོ་འདུས་པས ། ཆོས་བསྟན་པར་མཛད་དོ ། ༣ མི་བཞིས་ཁུར་བའི་གཟའ་ཕོག་གཅིག་ཁོངི་གི་དྲུང་དུ་བསྐྱེལ་བ་ལ ། ༤ མི་ཚོགས་མང་བས་སྐུ་དྲུང་དུ་མ་ཐར་བར་བཞུགས་སའི་ཐོག་བཤུས་ཏེ ། བརྟོལ་ནས ། ཉལ་ཁྲི་དང་གཟའ་ཕོཀ་མར་ཕབ་བོ ། ༥ ། དུ་རྣམས་ཀྱི་ཡིད་ཆིས་ལ་གཟིགས་ནས་ཡེ་ཤུས་གཟའ་ཕོག་ལ ། བུ ། ཁྱོད་ཀྱི་སྔིག་པ་སེལ་ཟིན་གསུངས ། ༦ དེ་ཡོད་པའི་མཁན་པོ་ཁ་ཅིག་གིས ། ༧ མི་འདིས་འདི་ལྟར་ཅི་ལ་སྨྲ ། ཁོས་སྐུར་པ་འདེབས་སོ །། དཀོན་མཆོག་གཅིག་པོས་མ་གཏོགས་སྡིག་པ་སུས་སེལ་ཐུབ་ཅེས་བསམས་པ་དང་ ། ༨ ཡེ་ཤུས་དེ་རྣམས་ཀྱིས་དེ་ལྟར་བསམ་པ་མཁྱེན་ནས ། ཁྱེད་ཀྱི་སྙིང་ནང་འདི་ལྟར་ཅི་ལ་སེམས ། ༩ གཟའ་ཕོག་འདི་ལ ། ཁྱོད་ཀྱི་སྡིག་པ་སེལ་ཟིན་ཟེར་བ་སླའམ ། ལངས་ཏེ་ཁྱོད་ཀྱི་ཉལ་ཁྲི་ཁུར་ནས་འགྲུལ་ཟེར་བ་སླ ། ༡༠ འོན་ཀྱང་མིའི་བུ་ལ་འཟིག་རྟེན་དུ་སྡིག་པ་སེལ་བའི་དབང་ཡོད་པ་ཁྱོད་ཅག་གིས་ཤེས་པའི་ཕྱིར ། ཞེས་གསུངས་ནས་གཟའ་ཕོག་དེ་ལ ། གཟའ་ཕོག་དེ་ལ ། ༡༡ ངས་ཁྱོད་ལ་ཟེར ། ལོངས་ལ་ཉལ་ཁྲི་ཁུར་ནས་ཁྱིམ་དུ་སོང་ཞེས་གསུངས་སོ ། ༡༢ ། ཁོ་ལངས་ནས་ཉལ་ཁྲི་ཁུར་ཏེ ། མི་ཚོགས་ཀྱི་མཐོང་སར་སོང་བས ། ཐམས་ཅད་ངོ་མཚར་དུ་གྱུར་ཏེ ། དཀོན་མཆོག་ལ་བསྟོད་ཅིང་ ། ང་ཚོས་འདི་འདྲ་ནམ་ཡང་མ་མཐོང་སྨྲས་སོ །།
༡༣ ། ཁོང་སླར་མཚོ་འགྲམ་ལ་ཕེབས་པ་དང་ ། མི་ཚོགས་ཧྲིལ་པོ་སྐུ་དྲུང་དུ་འོངས་པ་ལ ། ཆོས་བསྟན་པར་མཛད་དོ ། ༡༤ ། ལམ་ན་ཨལ་ཕའི་བུ་ལེ་ལྦེ་བྱ་བ་ཤོ་གམ་ལེན་སར་བསྡད་ཡོད་པ་གཟིགས་ནས་དེ་ལ ། ངའི་རྗེས་སུ་འབྲོང་གསུངས་པ་དང་ ། ཁོ་ལངས་ནས་ཞབས་རྗེས་ལ་འབྲངས་སོ ། ༡༥ ། ཁོའི་ཁྱིམ་དུ་གསོལ་བ་བཞེས་པའི་ཆོ ། མི་མང་པོ་ཡོད་པས ། ཡེ་ཤུ་དང་ཉེ་གནས་རྣམས་མཉམ་དུ་ཤོ་གམ་པ་དང་སྡིག་ཅན་མང་པོས་ཀྱང་ཟོས་སོ ། ༡༦ ། མཉམ་དུ་འོངས་པའི་ཕ་རུ་ཤི་པའི་མཁན་པོ་རྣམས་ཀྱིས ། སྡིག་ཅན་དང་ཤོ་གམ་པ་མཉམ་དུ་གསོལ་བ་བཞེས་པ་མཐོང་ནས ། ཉེ་གནས་ རྣམས་ལ ། ཁོང་ནི་ཤོ་གམ་པ་དང་སྡིག་ཅན་མཉམ་ཟ་ཞིང་འཐུང་ངོ་ཟེར་ཏོ ། ༡༧ ། ཡེ་ཤུས་དེ་གསན་ནས་དེ་རྣམས་ལ ། ཨམ་ཆི་ནི་ཁམས་བཟང་ལ་མི་དགོས་ཀྱི་ནད་པ་ལ་དགོས་སོ །།
ང་ནི་སྡིག་མེད་རྣམས་འབོད་དུ་མ་འོངས་ཀྱི ། སྡིག་ཅན་རྣམས་འབོད་དུ་འོངས་པ་ཡིན་གསུངས་སོ །།
༡༨ ། ཡོ་ཧ་ནན་གྱི་སློབ་མ་དང་ཕ་རུ་ཤི་པ་རྣམས་སྨྱུང་བར་གནས་པའི་ཆོ ། མི་རེ་འོངས་ནས་ཁོང་ལ ། ཡོ་ཧ་ནན་གྱི་སློབ་མ་དང་ ། ཕ་རུ་ཤི་པའི་སློབ་མ་རྣམས་སྨྱུང་བར་གནས་ཀྱང་ ། ཁྱེད་ཀྱི་སློབ་མ་རྣམས་ཅིའི་ཕྱིར་སྨྱུང་བར་མི་གནས་ཞུས་པ་ལས ། ༡༩ ཡེ་ཤུས ། མག་པ་མཉམ་དུ་ཡོད་རིང་ལ་གྲོགས་པོ་རྣམས་སྨྱུང་བར་གནས་ཐུབ་བམ ། དེ་རྣམས་མཉམ་མག་པ་ཡོད་རིང་དུདེ་སྨྱུང་བར་གནས་མི་ཐུབ་ཀྱང་ ། ༢༠ དེ་རྣམས་ལས་མག་པ་འབྲལ་བའི་དུས་ལ་འབབ་འོང་ ། དེ་ཉིན་དེ་རྣམས་སྨྱུང་བར་གནས་འོང་ ། ༢༡ ། སུས་ཀྱང་གོས་རྙིང་པར་ལྷན་པ་གསན་པ་མི་འདེབས ། འདེབས་ན་ལྷན་པ་དེས་གོས་ཧྲལ་ཏེ་བུག་པ་ཆེ་བར་བྱེད་དོ ། ༢༢ ། རྒུན་ཆང་གསར་པ་རྐྱལ་པ་རྙིང་པའི་ནང་དུ་མི་བླུག ། བླུག་ན་ཆང་གིས་རྐྱལ་པ་རལ་ཏེ ། རྒུ་ཆང་དང་རྐྱལ་པ་གཉིས་པོ་བརླག་གོ ། རྒུན་ཆང་གསར་པ་རྐྱལ་པ་གསར་པའི་ནང་བླུག་གོ་གསུངས་སོ །།
༢༣ ། ཤབ་བད་ཀྱི་ཞག་ལ་ཞིང་ཁ་རྒྱུད་དེ་ཕེབས་པ་ལས ། ཉེ་གནས་རྣམས་ཀྱིས་ལམ་ཁར་སྲུས་འཐུས་པས ། ༢༤ ཕ་རུ་ཤི་པ་རྣམས་ཀྱིས་ཁོང་ལ ། གཟིགས་ཤིག ། ཤབ་བད་ཀྱི་ཞག་ལ་བྱེད་མི་ཆོག་པ་འདི་རྣམས་ཀྱིས་ཅི་ལ་བྱེད་ཞུས་པ་ལས ། ༢༥ ཁོང་གིས ། ད་བིད་ཀྱིས་ཅི་བྱས་པ་ནམ་ཡང་མ་བཀླགས་སམ ། ༢༦ བླ་ཆེན་ཨབ་ཡ་ཐར་གྱི་དུ་ལ ། ད་བིད་དང་འཁོར་རྣམས་ལྟོགས་དུས་སུ ། དཀོན་མཆོག་གི་ཕོ་བྲང་དུ་ཞུགས་ ། བླ་མས་མ་གཏོགས་པར་ཟ་མི་ཆོག་པའི་ཞལ་ཟས་ཟོས་ནས ། འཁོར་ལའང་བྱིན་ཏོ ། ༢༧ ། མི་ནི་ཤབ་བད་ཀྱི་དོན་དུ་མཛད་པ་མ་ཡིན་གྱི ། ཤབ་བད་མིའི་དོན་དུ་མཛད་པ་ཡིན ། ༢༨ མིའི་བུ་ནི་ཤབ་བད་ཀྱིའང་གཙོ་བོ་ཡིན་ནོ་གསུངས་སོ །། །།
༣་༡ ། སླར་འདུ་ཁང་དུ་ཕེབས་ནས ། དེར་ལག་པ་བསྐམས་པའི་མི་ཞིག་ཡོད་པས ། ༢ མི་རྣམས་ཀྱིས་སྙད་འཛུག་པའི་ཕྱིར ། ཁོང་གིས་ཤབ་བད་ཀྱི་ཞག་ལ་ནད་གསོ་འམ་མི་གསོ་བལྟས་སོ ། ༣ ། ཁོང་གིས་ལག་པ་བསྐམས་པའི་མི་དེ་ལ ། དཀྱིལ་ལོངས་གསུངས་ནས ། ༤ དེ་རྣམས་ལ ། ཤབ་བད་ཀྱི་ཞག་ལ་བཟང་པོ་བྱེད་ཆོག་གམ་ངན་པ་བྱེད་ཆོག ། སྲོག་སྐྱོབ་ཆོག་གམ་གཅོད་ཆོག་ཅེས་གསུངས་ཀྱང་ ། དེ་རྣམས་ཁ་རོག་བསྡད་དོ ། ༥ ། ཁོང་ལ་འཁོར་ཡོད་པ་ཐམས་ཅད་ལ་ཁྲོ་བས་གཟིགས་ཏེ ། དེ་རྣམས་ཀྱི་སྙིང་མཁྲེགས་པོ་ལ་ཐུགས་ཚོར་ནས ། མི་དེ་ལ ། ལག་པ་རྐྱོང་གསུངས་པས ། བརྐྱངས་ཏེ་ཕན་ཏོ ། ༦ ། ཕ་རུ་ཤི་པ་རྣམས་དེ་མ་ཐག་ཐོན་ནས ། ཧེ་རོ་དེའི་ཕྱོཊ་པ་རྣམས་དང་མཉམ་དུ ། ཁོང་ཇི་ལྟར་གསོད་པའི་གྲོས་བྱས་སོ །།
༧ ། ཡེ་ཤུ་ཉེ་གནས་རྣམས་དང་མཉམ་དུ་མཚོའི་ཕྱོགས་སུ་ཕེབས ། ༨ ཁོང་གི་མཛད་པའི་གྲགས་པ་ཐོས་ནས ། ག་ལིལ་དང་ ། ཡ་ཧུ་ད་ད་དང་ ། ཡེ་རུ་ཤ་ལེམ་དང་ ། ཨི་དུམ་ཡ་དང་ ། ཡོར་དན་གྱི་ཕར་ཁ་དང་ ། ཚོར་དང་ ། ཚི་དོན་ནས་མི་ཚོགས་ཆེན་པོ་ཁོང་གི་སྐ་དྲུང་དུ་འོབས་སོ ། ༩ ། ཁོང་གིས་ཉེ་གནས་རྣམས་ལ ། མི་ཚོགས་ཀྱིས་ང་མི་བཙིར་བའི་ཕྱིར ། གྲུ་ཆུང་ཞིག་གི་གྲལ་བྱོས་གསུངས་སོ ། ༡༠ ། ཅིའི་ཕྱིར་ཞེ་ན ། མི་མང་པོའི་ནད་གསོས་པས ། ནད་པ་ཐམས་ཅད་ཀྱིས་ཁོང་ལ་རེག་པའི་ཕྱིར་འཚངས་སོ ། ༡༡ ། འགོབ་པོ་རྣམས་ཀྱིས་ཁོང་མཇལ་བ་ཙམ་གྱིས ། ལུས་ས་ལ་བརྡབས་ཏེ ། སྐད་ཆེན་པོས ། ཁྱེད་ནི་དཀོན་མཆོག་གི་སྲས་དེ་ལགས་སོ་ཞུས་པས ། ༡༢ ཁོང་མངོན་པར་མི་བྱེད་ཕྱིར་དེ་རྣམས་ལ་ནན་གྱིས་བསྐུལ་ཏོ །།
༡༣ རི་ལ་ཕེབས་ཏེ ། ཐུགས་མཉེས་པ་རྣམས་དྲུང་དུ་བོས་ནས ། དེ་རྣམས་སྐུ་དྲུང་དུ་འོངས་པ་ལས ། ༡༤ ཁོང་དང་ཉེ་བར་གནས་པ་དང་ ། འགོང་པོ་སྐྲོད་པའི་དབང་དང་ཆོས་འཆད་པ་ལ་གཏོང་བའི་ཕྱིར་བཅུ་གཉིས་པོ་བསྐོས་སོ ། ༡༥ ། ཁོང་གིས་པེ་ཏྲོ་བཏགས་པའི་ཤི་མོན་དང་ ། ༡༦ ཟེ་བད་ཡའི་བུ་གཉིས་བོ་ཨ་ནེར་གེ་འམ་འབྲུག་གི་བུར་བཏགས་ཡོད་པའི་ཡ་ཀོབ་དང་ནུ་བོ་ཡོ་ཧ་ནན་དང་ ། ༡༧ ཨན་དྲེ་ཨ་དང་ ། ཕི་ལིབ་དང་ ། བར་ཐོལ་མ་དང་ ། མད་ཐ་དང་ ། ཐོ་མ་དང་ ། ཨལ་ཕའི་བུ་ཡ་ཀོབ་དང་ ། ཐད་ད་དང་ ། བརྪོན་འགྲུས་པ་བྱ་བའི་ཤི་མོན་དང་ ། ༡༩ ཁོང་དགྲ་ལ་བཏད་པའི་ཀར་ཡོད་པ་ཡུ་ད་དང་བཅུ་གཞིས་སོ །།
༢༠ ཁྱིམ་དུ་ཕེབས་པ་དང་ ། སླར་མི་ཚོགས་འདུས་སྟབས་ཀྱིས ། ཁོང་རྣམས་གསོལ་བའང་བཞེས་མ་བཏུབ ། ༢༡ ཁོང་གི་སྐུ་གཉེན་རྣམས་ཀྱིས་དེ་ཐོས་ནས ། ཁོང་སྨྱོའོ་ཟེར་ཏེ ། ཁོང་འཇིན་དུ་འོངས་སོ ། ༢༢ ། ཡེ་རུ་ཤ་ལེམ་ནས་འོབས་པའི་མཁན་པོ་རྣམས་ཀྱིས ། ཁོང་ནང་ལྷ་བ་ཨལ་ཟེ་བུལ་ཞུགས་ཡོད་པས ། འགོང་པོའི་རྒྱལ་པོའི་མཐུས་འགོང་པོ་སྐྲོད་དོ་སྨྲས་པ་དང་ ། ༢༣ ཁོང་གིས་དེ་རྣམས་བོས་ནས་དཔེའི་སྒོ་ནས་གསུངས་པ ། བདུད་ཀྱིས་བདུད་ཅི་ལྟར་ སྐྲོད་པར་ནུས ། ༢༤ རྒྱལ་ཁམས་ཤིག་གི་ནང་མི་མཐུན་པ་འབྱུང་ན ། རྒྱལ་ཁམས་དེ་གནས་མི་ཐུབ ། ༢༥ ཁང་པ་ཞིག་གི་ནང་མི་མཐུན་པ་འབྱུང་ན ། ཁང་པ་དེ་གནས་མི་ཐུབ ། ༢༦ བདུད་རང་གི་དགྲར་ལངས་ཏེ་མི་མཐུན་པར་བྱེད་ན ། ཁོ་གནས་མི་ཐུབ་སྟེ་མེད་པར་འགྱུར་རོ ། ༢༧ ། སྟོབས་ཆེན་ཞིག་སྔོན་ལ་བཅིངས་ནས་མ་གཏོགས ། དེའི་ཁང་པར་ཞུགས་ནས་དེའི་ཡོ་བྱད་འཕྲོག་མི་ནུས ། དེ་བཅིངས་ནས་འཕྲོག་ཐུབ་བོ ། ༢༨ ། མིའི་སྡིག་པ་ཐམས་ཅད་དང་སྐུར་པ་ཅི་ཙམ་འདེབས་ཀྱབ་སེལ་བར་འགྱུར་གྱི ༢༩ ། དམ་པའི་ཐུགས་ཉིད་ལ་སྐུར་པ་འདེབས་པ་ནམ་ཡང་མི་སེལ ། རྒྱུན་ཆད་མེད་པར་ཆད་པ་འཕོག་འོས་པའི་སྡིག་པ་ཡིན་ངས་ཟེར་གསུངས་སོ ། ༣༠ ། ཁོང་ནང་འདྲེ་ཞུགས་སོ་ཞེས་སྨྲས་པས་དེ་ལྟར་གསུངས་སོ །།
༣༡ ཁོང་གི་ཡུམ་དང་སྐུ་མཆེད་རྣམས་བསླེབས་ནས ། ཕྱི་རོལ་དུ་བཞེབས་ནས་ཁོང་ལ་ཕེབས་ཞུས་སོ ། ༣༢ ཁོང་ལ་འཁོར་ནས་བསྡད་ཡོད་པའི་མི་ཚོགས་ཀྱིས་ཁོང་ལ ། ཁྱེད་ཀྱི་ཡུམ་དང་སྐུ་མཆེད་རྣམས་ཁྱེད་འཚོལ་ཞིང་ཕྱི་རོལ་ན་ཡོད་དོ་ཞུས་པས ། ༣༣ བཀའ་ལན་དུ ། ངའི་མ་དང་སྤུན་རྣམས་སུ་ཡིན་གསུངས་ནས ། ༣༤ ཁོང་ལ་འཁོར་ནས་བསྡད་ཡོད་པ་རྣམས་ལ་གཟིགས་ཤིང་ ། ངའི་མ་དང་སྤུན་རྣམས་འདི་འོ ། ༣༥ ། དཀོན་མཆོག་གི་ཐུགས་དགོངས་སྒྲུབ་པ་དེ ། ངའི་སྤུན་དང་སྲིད་མོ་དང་མ་ཡིན་གསུངས་སོ །། །།
༤་༡ ། ཁོང་གིས་མཆོའི་འགྲམ་ལ་སླར་ཆོས་སྟན་ཞིང་མི་ཆོགས་མང་པོ་འཛོམས་པས ། ཁོང་གྲུའི་ནང་ཞུགས་ནས ། མཆོའི་ཐོག་ཏུ་བཞུགས་པ་ལས ། མི་ཚོགས་མཚོ་འགྲམ་དུ་སྐམ་སར་བསྡད་དོ ། ༢ ། དཔེའི་སྒོ་ནས་གདམས་ངག་མང་པོ་སྟོན་ཞིང་ ། ཞལ་གདམས་མཛད་ནས་དེ་རྣམས་ལ །།
༣ ཉོན་ཅིག་ཞིང་པ་ཕྱིར་ཐོན་ཏེ ། ༤ ས་བོན་འདེབས་ཙ་ན ། ཁ་ཅིག་ལམ་ཁར་འགྲིལ་ཏེ་བྱ་འོངས་ནས་ཟོས་སོ ། ༥ ། ཁ་ཅིག་ས་མང་པོ་མེད་པའི་རྡོ་གསེབ་ཏུ་འགྲིལ་ཏེ ། ས་དཔངས་མེད་སྟབས་ཀྱིས་སྐྱེས་ཀྱང་ ། ༦ ཉི་མ་ཤར་བ་དང་ཚིག་སྟེ ། རྩ་བ་ཚུགས་མེད་པས་སྐམས་སོ ། ༧ ། ཁ་ཅིག་ཚེར་གསེབ་ཏུ་འགྲིལ་ཏེ ། ཚེར་མསྐྱེས་ནས་མནན་ཏེ ། འབྲུ་མ་ཆགས་སོ ། ༨ ། ཁ་ཅིག་ས་བཟང་པོའི་ནང་དུ་འགྲིལ་ཏེ ། སྐྱེས་ཏེ ། ཆེར་སོང་ནས་འབྲུ་ཆགས་ཏེ ། གཅིག་ལ་སུམ་ཅུ་འགྱུར ། གཅིག་ལ་དྲུག་ཅུ་འགྱུར ། གཅིག་ལ་བརྒྱ་འགྱུར་ཐོན་ཏོ ། ༩ ། ཉན་པའི་རྣ་བ་ཡོད་པ་དེས་ཉོན་ཅིག་གསུངས་སོ ། ༡༠ ཁོང་གཅིག་པུར་བཞུགས་པའི་ཚོ ། འཁོར་རྣམས་དང་བཅུ་གཉིས་པོས་དཔེ་རྣམས་ཀྱི་དོན་བཀའ་འདྲི་ཞུས་པ་དང་ ། ༡༡ ཁོང་གིས ། དཀོན་མཆོག་གི་རྒྱལ་སྲིད་ཀྱི་གསང་བ་ནྟོགས་པ་ཁྱེད་ལ་གནང་ཡོད་ཀྱང་ ། ཕྱི་བ་རྣམས་ལ་ཐམས་ཅད་དཔེའི་སྒོ་ནས་འབྱུང་བས ། ༡༢ ། སེམས་ཀྱང་མི་འགྱུར་སྔིག་པའང་མི་སེལ་ཕྱིར །།
ལྟ་བར་བྱེད་ཀྱང་དེ་ཚོས་མི་མཐོང་ཞིང་ །།
ཐོས་པར་བྱེད་ཀྱང་རྟགས་པར་མི་བྱེད་དོ །།
༡༣ ཁྱེད་ཀྱིས་དཔེ་འདི་མ་གོ་ན ། དཔེ་གཞན་ཐམས་ཅད་ཅི་ལྟར་གོ ༡༤ ། ས་བོན་འདེབ་མཁན་གྱིས་བཀའ་འདེབས་སོ ། ༡༥ ། ལམ་ཁར་བཏབ་པ་རྣམས་ནི ། བཀའ་ཐོས་པ་ཙམ་གྱིས་བདུད་འོང་སྟེ ། དེ་རྣམས་ཀྱི་སྮང་ནང་བཏབ་པའི་བཀའ་དེ་འཕྲོག་གོ ༢༦ ། དེ་བཞིན་དུ་རྣོ་གསེབ་ཏུ་བཏབ་པ་རྣམས་ནི ། བཀའ་ཐོས་པ་ཙམ་གྱིས་དགའ་ཞིང་བླང་སྟེ ། ༡༧ རང་གི་ནང་རྩ་བ་མེད་པས ། མི་རྟག་སྟེ ། བཀའ་དེའི་དོན་དུ་སྡུག་བསྔལ་ལམ་གནོད་འཚོ་འབྱུང་བ་དང་དད་པ་ལོག་གོ ༡༨ ། ཚོར་གསེབ་ཏུ་བཏབ་པ་རྣམས་ནི ། བཀའ་ཐོས་ནས ། ༡༩ འཇིག་རྟེན་གྱི་སེམས་ཁྲལ་དང་ནོར་གྱི་སླ་འཁྲིད་དང་ ། སྲེད་པ་སྣ་ཚོགས་སྙིང་ནང་ཞུགས་ནས ། བཀའ་དེ་མནན་དེ་འབྲས་བུ་མེད་པར་འགྱུར ། ༢༠ ས་བཟང་པོའི་ནང་བཏབ་པ་རྣམས་ནི ། བཀའ་ཐོས་ནས་བླང་སྟེ ། འབྲས་བུ་ཆགས་ཏེ ། ལཅིག་ལ་སུམ་ཅུ་འགྱུར ། གཅིག་ལ་དྲུག་ཅུ་འགྱར ། གཅིག་ལ་བརྱ་འགྱུར་ཐོན་ནོ་གསུངས །།
༢༡ ། ཁོང་གིས་དེ་རྣམས་ལ ། མར་མེ་ནི་འབོ་འམ་མལ་ཁྲིའི་འོག་ཏུ་འཇོག་པའི་ཕྱིར་འཁྱེར་རམ ། སྟེགས་ཁར་འཇོག་པའི་ཕྱིར་མི་འཁྱེར་རམ ། ༢༢ མངོན་པར་འགྱུར་བའི་དོན་དུ་མ་གཏོགས་པར་ཅི་འང་སྦེད་ནས་མེད ། མངོན་དུ་འབྱུང་བའི་དོན་དུ་མ་གཏོགས་པར་གསང་བ་ཅི་འང་མེད ། ༢༣ ཉན་པའི་རྣ་བ་ཡོད་པ་དེས་ཉོན་ཅིག་གསུངས་སོ ། ༢༤ ། ཇི་ལྟར་ཉན་པར་ལྟོ་ས ། ཁྱེད་ཀྱིས་ཚད་གང་གི་གཤོར་ན་དེ་རང་གིས་ཁྱེད་ལ་གཤོར་བ་མ་ཟད་སྣོན་པར་འགྱུར ། ༢༥ ཅིའི་ཕྱིར་ཞེ་ན ། ཡོད་མཁན་ལ་སྣོན་པར་འགྱུར་གྱིས ། མེད་མཁན་ལས་ཅི་ཡོད་པའང་འཁྱེར་བར་འགྱུར་གསུངས་སོ ། ༢༦ ། དཀོན་ཆོག་གི་རྒྱལ་སྲིད་ནི ། མི་ཞིག་གིས་ས་ལ་ས་བོན་བཏབ་པ་དང་འདྲ་སྟེ ། ༢༧ མི་དེ་ཉལ་ཡང་ ། ལང་ཡང་ ། མི་ཤེས་པར་ཉིན་མཚན་མེད་པར་ས་བོན་རྡོལ་ཞིང་ཆེར་སྐྱེའོ ། ༢༨ ། ས་གཞིས་རང་བཞིན་གིས་འབྲས་བུ་སྐེུད་ཅིང་ ། དང་པོ་ལྗང་པ ། དེ་ནས་སྙེ་མ ། དེའི་རྗེས་སུ་སྙེ་མའི་ནང་འབྲུས་གང་བ་འབྱུང་ངོ་ ། ༢༩ ། འབྲུ་སྨིན་པ་དང་ ། བཙས་མ་རན་པས ། མགྱོགས་པར་ཟོར་བ་རྒྱབ་བོ་གསུངས་སོ ། ༣༠ ། དཀོན་མཆོག་གི་རྒྱལ་སྲིད་ནི ། ཅི་དང་སྡུར་བར་བྱ ། དཔེ་གང་གིས་བརྗོད་པར་བྱ ། ༣༡ ཡུངས་འབྲུ་དང་འདྲའོ ། ། དེ་ནི་ས་ལ་འདེབས་དུས་སུ ། ས་གཞིའི་ས་བོན་ཐམས་ཅད་ལས་ཆུང་ཡང་ ། ༣༢ བཏབ་ནས་བརྡོལ་ཏེ ། སྔོ་ཚོད་ཀུན་ལས་ཆེ་བར་འགྱུར་ཞིང་ གནམ་གྱི་བྱ་རྣམས་ཀྱང་བསིལ་གྲིབ་ལ་སྡོད་ཐུབ་པའི་ཡལ་ག་ཆེན་པོ་སྐྱེད་དོ་གསུངས་སོ ། ༣༣ དེ་ལྟ་བུའི་དཔེ་མང་པོའི་སྒོ་ནས ། དེ་རྣམས་ཀྱི་གོ་ཚོད་དང་བསྟུན་ཏེ་བཀའ་ཆོས་གསུངས་ནས ། ༣༤ དཔེ་མེད་པར་ཅིའང་མ་གསུངས་ཀྱང་ ། ཉིད་ཀྱི་ཉེ་གནས་རྣམས་ལ་ཟུར་དུ་ཐམས་ཅད་བཀྲོལ་ཏོ །།
༣༥ ཞག་དེ་ཀར་སྲོད་ལ་ཁོང་གིས ། ང་ཚོ་མཚོའི་ཕ་རོལ་དུ་འགྲོའོ་ཞེས་གསུངས་པས ། ༣༦ མི་ཚོགས་བཏང་སྟེ ། ཁོང་གྲུའི་ནང་བཞུགས་ཡོད་པས་གདན་ཞུས་སོ ། ། ཁོང་མཉམ་གྲུ་གཞན་ཡང་ཡོད་པ་ཡིན ། ༣༧ རླུང་ཚུབ་ཆེན་པོ་ལངས་ཏེ ། ཆུས་གྲུ་གང་བ་ཙམ་དུ་རྦ་རླབས་བརྒཡབ་བོ ། ༣༨ ཁོང་ནི་གྲུའི་མཇུག་ལ་སྙེས་འབོལ་ཁར་གཟིམས་ཡོད་པས ། དེ་དག་གིས་མནལ་སད་དེ ། སྟོན་པ་ལགས ། ང་ཚོ་འཆིའོ་ཁྱེད་ཐུགས་སྣང་མི་མཛད་དམ་ཞུས་པ་དང་ ། ༣༩ མནལ་སད་དེ་རླུང་ལ་བཀའ་བཀྱོན་མཛད་ནས་མཚོ་ལ ། ཁ་རོག་སྡོད་ཅིག ། ཞི་བར་གྱུར་ཅིག ། ཅེས་བཀའ་སྕལ་པ་དང་ ། རླུང་ཆད་དེ་ཡོངས་སུ་ཞི་བར་བྱུར་ཏོ ། ༤༠ ། དེ་རྣམས་ལ ། ཅི་ལ་འཇིགས ། དད་ད་བར་སེམས་དང་མ་ལྡན་ནམ་གསུངས་སོ ། ༤༡ ། དེ་རྣམས་ཤིན་ཏུ་འཇིགས་ནས་གཅིག་གིས་གཅིག་ལ ། འདི་ནི་སུ་ཡིན ། རླུང་དང་མཚོས་ཀྱང་ཁོང་གི་བཀའ་ལ་ཉན་ནོ ། ། ཞེས་སྨྲས་སོ །། ༎
༥་༡ ། མཚོའི༌ཕ༌རོལ༌དུ༌གེ༌ར༌ས༌པའི༌ཡུལ༌འཁོར༌དུ༌ཕེབས༌ནས ། ༢ གྲུ༌ལས༌ཐོན༌བ༌ཙམ༌པྱིས ། འགོང༌ཞུགས༌ཀྱི༌མི༌ཞིག༌དུར༌ཁྲོད༌ནས༌འབྱུང༌ཞིང༌ཁོང༌མཇལ༌ཏོ ། ༣ ། ཁོ༌ནི༌དུར༌ཁྲོད༌ན༌བསྡད༌དེ ། སུས༌ཀྱང༌ཁོ༌ལྕགས༌སྒྲོག༌གིས༌ཀྱང༌འཆིང༌བར༌མ༌ཐུབ༌པར ། ༤ ལན༌མང༌པོར༌རྐང༌ལྕགས༌དང༌ལག༌ལྕགས༌བརྒྱབ༌ཀྱང༌ ། ལྕགས༌སྒྲོག༌བཅག༌སྟེ ། རྐང༌ལྕགས༌དུམ༌བུར༌བཏང༌བས ། སུས༌ཀྱང༌བཅུན༌མ༌ཐུབ༌བོ ། ༥ ། ཉིན༌མཚན༌མེད༌པར༌དུར༌ཁྲོད༌དང༌རི༌རྣྨས༌ལ༌སྐད༌ངན༌འདོན༌ཞིང༌ ། རྡོས༌ཁོ༌རང༌རྨས༌པར༌བྱེད༌དོ ། ༦ ། ཐག༌རིང༌ནས༌ཡེ༌ཤུ༌མཇལ༌བ༌དང༌ ། རྒྱུགས༌ནས༌ཁོས༌ཕྱག༌བཙལ༌ཏོ ། ༧ ། ཁོང༌གིས ། འགོང༌པོ༌ཁྱོད ། མི༌འདིའི༌ནང༌ནས༌ཕྱིར༌ཐོན༌ཅིག༌ཅེས༌བཀའ༌སྕལ༌པས ། དེས༌སྐད༌ཆེན༌པོས ། ཀྱེ༌བླ༌ན༌མེད༌པའི༌དཀོན༌མཆོག༌གི༌སྲས༌ཡེ༌ཤུ ། ༨ ཁྱེད༌དང༌ང༌ལ༌བྲེལ༌བ༌ཅི ། ངས༌ཁྱེད༌ལ༌དཀོན༌མཆོག༌གི༌མནའ༌འགེལ༌བས ། ང༌ལ༌འཚོ༌བར༌མ༌མཛད༌ ཅེས༌ཞུས༌སོ ། ༩ ། ཁྱོད༌ཀྱི༌མིང༌ལ༌ཅི༌ཟེར ། ཞེས༌བཀའ༌འདྲི༌མཛད༌པ༌དང༌ ། ང༌ཚོ༌མང༌པོ༌ཡོད༌པས༌མིང༌ལ༌དམག༌ དཔུང༌ཞེས༌ཟེར༌རོ༌ཞུས༌ནས ། ༡༠ ཡུལ༌འཁོར༌དེ༌ནས༌མི༌སྐྲོད༌ཕྱིར༌མང༌དུ༌ཞུས༌སོ ། ༡༡ ། རི༌ལ༌འཚོ༌བའི༌ཕག༌ཁྱུ༌ཆེན༌པོ༌ཞིག༌ཡོད༌པ༌ལས ། ༡༢ འགོང༌པོས༌ང༌ཚོ༌ཕག༌ནང༌འཇུག༌པར༌གནོང༌ཞིག༌ཅེས༌ཞུས༌པ༌དང༌ ། ༡༣ ཁོང༌གིས༌གནང༌བས ། འགོང༌པོ༌རྣམས༌ཐོན༌ནས ། ཕག༌གི༌ནང༌དུ༌ཞུགས༌ནས ། ཕག༌ཉི༌སྟོང༌ ཙམ༌ཡོད༌པའི༌ཁྱུ༌གཡང༌གཟར༌ནས༌རྒྱུགས༌པས༌མཚོར༌ལྷུང༌ནས༌ནུབ༌སྟེ༌ཤིའོ ། ༡༤ ། ཕག༌རྗི༌རྣམས༌བྲོས༌ཏེ ། གྲོང༌གྱེར༌དང༌ཀླུངས༌སུ༌གནས༌ཚུལ༌རྣམས༌བཤད༌པ༌དང༌ ། ཇི༌བྱུང༌བ༌ལྟ༌ རུ༌ཡུལ༌པ༌རྣམས༌འོངས༌ནས ། ༡༥ ཡེ༌ཤུའི༌སྐུ༌དྲུང༌དུ༌བསླེབས༌ཏེ ། འགོང༌པོའི༌དམག༌དཔུང༌ཞུགས༌པའི༌མི༌དེ༌བསྡད༌དེ ། གོས༌གོན༌ཏེ ། དྲན༌པ༌བརྟན༌པོར༌གནས༌ཡོད༌པ༌མཐོང༌ནས༌འཇིགས༌སོ ། ༡༦ ། མཛད༌པ༌དེ༌མཐོང༌བ༌རྣམས༌ཀྱིས༌དེ༌ཚོ༌ལ༌འགོང༌ཞུགས༌དང༌ཕག༌རྣམས༌ལ༌ཇི༌ལྟར༌བྱུང༌བ༌བཤད༌ པ༌དང༌ ། ༡༧ དེ༌རྣམས༌ཀྱིས༌ཁོང༌ལ༌ཡུལ༌འཁོར༌ནས༌ཕར༌ཕེབས༌ཕྱིར༌ཞུ༌བ༌ཕུལ༌ཏོ ། ༡༨ ། ཁོང༌གྲུའི༌ནང༌དུ༌ཕེབས༌པ༌ལས ། འགོང༌ཞུགས༌སོས༌པ༌དེས ། ཁོང༌མཉམ༌སྡོད༌དུ༌ཞུ༌བ༌ཕུལ༌ཀྱང༌ ། ༡༩ མ༌གནང༌བར༌དེ༌ལ ། ཁྱིམ༌དུ༌གཉེན༌རྣམས༌ཀྱི༌རྕར༌སོང༌ནས ། གཙོ༌བོ༌དཀོན༌མཆོག༌གིས༌ཁོད༌ལ༌ཇི༌ མཛད༌པ༌དང༌ ། བརྕེ༌བར༌གཟིགས༌པ༌ཤོད༌ཅིག༌ཅེས༌བཀའ༌སྕལཏོ ། ༢༠ ། ཁོ༌སོང༌ནས༌དེ༌ཀ༌པོ༌ལིས༌ཡུལ༌དུ ། ཡེ༌ཤུས༌ཁོ༌ལ༌ཇི༌མཛད༌པ༌བཤད༌པས ། ཐམས༌ཅད༌ངོ༌མཚར༌ དུ༌གྱུར༌ཏོ ༎
༢༡ ། ཡེ༌ཤུ༌གྲུའི༌ནང༌དུ༌ཚར༌རོལ༌དུ༌བྱོན༌པ༌དང༌ ། སླར༌མི༌ཚགས༌ཆེན༌པོ༌ཞིག༌སྐུ༌དྲུང༌དུ༌འདུས ། ཁོང༌མཚོ༌འགྲམ༌ལ༌བཞུགས༌ཡོད༌པ༌ཡིན༌ནོ ། ༢༢ །འདུ༌ཁང༌གི༌དབུ༌མཛད༌ཡ༌ཨིར༌བྱ༌བ༌འོངས༌ནས ། མཇལ༌བ༌དང༌ ། ཞབས༌དྲུང༌དུ༌ལུས༌ས༌ལ༌ བརྡབས༌ཏེ ། ༢༣ ངའི༌བུ༌མོ༌འཆི༌བ༌ལ༌ཐུག༌པས ། མོ༌ནད༌ལས༌ཐར༌ཏེ༌གསོན༌ཕྱིར ། ཕེབས༌ནས༌མོའི༌མགོ༌ལ༌ཕྱག༌ འཇོག༌པར༌མཛད༌ཅིག ། ཅེས༌མང༌དུ༌ཞུས༌པས ། ༢༤ ཡེ༌ཤུ ཁོ༌དང༌མཉམ༌དུ༌ཕེབས༌པ༌ལས ། མི༌ཚོགས༌ཆེན༌པོ༌ཡེ༌ཤུ༌ལ༌འབྲངས༌ནས༌རུབ༌བོ ། ༢༥ ། ཁྲག༌འཛག༌ནས༌ལོ༌བཅུ༌གཉིས༌སོང༌བའི༌བུད༌མེད༌གཅིག ༢༦ ། ཨམ༌ཆི༌མང༌པོ༌བསྟན༌ཀྱང༌སྡུག༌བསྔལ༌མང༌པོ༌མྱང༌ཞིང༌ ། ནོར༌ཐམས༌ཅད༌བཏང༌ཡང༌མ༌ཕན༌ པར༌ཐུ༌རུ༌སོང༌བ༌ཞིག༌ཡོད༌དོ ། ༢༧ མོས༌ཡེ༌ཤུའི༌སྐོར༌དུ༌ཐོས༌ནས ། ཁོང༌གི༌ན༌བཟའ༌ཙམ༌ལ༌རེག༌ནའང༌ང༌ནད༌ལས༌ཐར༌འོང༌སྙམ༌ ༢༨ ནས ། མི༌ཚོགས༌ཀྱི༌དཀྱིལ༌དུ ། སྐུ༌རྒྱབ༌ནས༌འོངས༌ཏེ ། མོས༌ན༌བཟའ༌ལ༌རེག༌མ༌ཐག༌ཏུ ། ༢༩ མོའི༌ཁྲག༌ཆད༌དེ ། མོ༌རང༌ནད༌ལས༌ཐར༌བར༌ཤེས༌སོ ། ༣༠ ། ཡེ༌ཤུས༌ཉིད༌ཀྱི༌ནང༌ནས༌མཐུ༌སྟོབས༌ཤིག༌ཐོན༌པ༌མཁྱེན༌ནས ། མི༌ཚོགས༌ནང༌ཞལ༌བསྒྱུར༌ཏེ ། ངའི༌གོས༌ལ༌སུས༌རེག༌པ༌ཡིན༌གསུངས ། ༣༡ ཉེ༌གནས༌རྣམས༌ཀྱིས ། མི༌ཚོགས༌ཀྱིས༌རུབ༌པ༌གཟིགས༌བཞིན༌དུ ། ང༌ལ༌སུས༌རེག༌པ༌ཡིན༌འདྲི༌ བར༌མཛད༌དོ༌ཞུས༌སོ ། ༣༢ ། སུས༌དེ༌ལྟར༌བྱས༌པ༌གཟིགས༌ཕྱིར༌ཕྱོགས༌ཀུན༌ཏུ༌གཟིགས༌སོ ། ༣༣ ། བུད༌མེད༌དེས༌རང༌ལ༌ཅི༌བྱུང༌བ༌ཤེས༌པས ། འཇིགས༌པས༌འདར༌ཞིང༌འོངས༌ནས ། སྐུ༌དྲུང༌དུ༌ལུས༌ ས༌ལ༌བརྡབས༌ཏེ ། ཐམས༌ཅད༌དྲང༌པོར༌ཞུས༌སོ ། ༣༤ ། ཁོང༌གིས༌དེ༌ལ ། བུ༌མོ ། ཁྱོད༌ཀྱི༌དད༌པས༌ཁོད༌ཐར༌བ༌ཡིན ། ཞི༌བདེ༌བར༌སོང༌ ། ཁྱོད༌ནད༌འདི༌ ལས༌ཐར༌བར༌ཤོག༌ཅིག༌གསུངས༌སོ ། ༣༥ ། གསུང༌འཕྲོ༌མ༌ཟིན༌པར ། འདུ༌ཁང༌གི༌དབུ༌མཛད༌ཀྱི༌གཡོག༌པོ༌འགའ༌ཤས༌འོངས༌ནས ། ཁྱོད༌ཀྱི༌ བུ༌མོ༌ཤི༌བས ། ད༌སྟོན༌པ༌ལ༌འོ༌བརྒྱལ༌ཅི༌ལ༌ཞུ ། ༣༦ ཞེས༌ཟེར༌བ༌ཡེ༌ཤུས༌གསན༌ཀྱང༌ ། དབུ༌མཛད༌ལ ། མ༌འཇིགས༌པར༌དད༌པ༌རང༌བྱོས༌ཤིག༌གསུངས༌ སོ ། ༣༧ ། པེ༌ཏྲོ༌དང༌ ། ཡ༌ཀོབ༌དང༌ ། ཡ༌ཀོབ༌ཀྱི༌ནུ༌བོ༌ཡོ༌ཧ༌ནན༌དང༌གསུམ༌མ༌གོཏགས༌པར ། སུའང༌ཁོང༌ མཉམ༌འོང༌དུ༌མ༌གནང༌ངོ༌ ། ༣༨ ། དབུ༌མཛད༌ཀྱི༌ཁང༌པར༌ཕེབས༌པ༌དང༌ ། ཅ༌ཅོ༌དང༌ ། ངུ༌བ༌དང༌ ། མྱ༌ངན༌བྱེད༌པ༌གཟིགས༌ནས ། ༣༩ ནང༌དུ༌ཕེབས༌ཏེ ། ཁྱོད༌ཚོ༌ངུ༌ཞིང༌ཅ༌ཅོ༌ཅི༌ལ༌བྱེད ། ཕྲུགི༌མ༌ཤི༌བར༌ཉལ༌ལོ༌གསུངས༌སོ ། ༤༠ ། དེ༌རྣམས༌ཀྱིས༌ཁོང༌ལ༌ཁྲེལ༌དགོད༌བཏང༌ངོ༌ ། ཁོང༌གིས༌ཐམས༌ཅད༌བཏོན༌ནས ། ཕྲུ༌གུའི༌ཕ༌མ༌ དང༌ཉིད༌དང༌མཉམ༌དུ༌ཡོད༌པ༌རྣམས༌ཁྲིད༌ནས ། ཕྲུ༌གུ༌ཉལ༌སར༌ཕེབས༌ཏེ ། ༤༡ ཕྲུ༌གུའི༌ལག༌པ༌ནས༌བཟུང༌སྟེ ། ཏ༌ལི༌ཐ༌ཀུ༌མི ། བོད༌སྐད༌དུ ། བུ༌མོ༌ཆུ༌ངུ༌ ། ངས༌ཁྱོད༌ལ༌ལོངས༌ཤིག༌ ཟེར ། ཞེས༌བཀའ༌སྕལ༌ཏོ ། ༤༢ ། བུ༌མོ༌དེ༌ལོ༌བཅུ༌གཉིས༌ལོན༌ཡོད༌པས༌ལངས༌ནས༌འགྲུལ༌ཏོ ། ། དེ༌མཐོང༌མ༌ཐག༌དེ༌དག༌ཤིན༌ཏུ༌ ངོ༌མཚར༌དུ༌གྱུར༌ཏོ ། ༤༣ ། ཡེ༌ཤུས༌འདི༌སུས༌ཀྱང༌མི༌ཤེས༌པའི༌ཕྱིར༌ནན༌གྱིས༌བསྐུལ༌ཏེ ། ། བུ༌མོ༌ལ༌ཁ༌ཟས༌ཐོང༌ཞིག༌གསུངས༌ སོ ༎ ༎
༦༌༡ དེ༌ནས༌བཞེངས༌ཏེ ། ཞིད༌ཀྱི༌ཕ༌ཡུལ༌དུ༌བྱོན༌པ༌ལས ། ཉེ༌གནས༌རྣམས༌ཞབས༌རྗེས༌སུ༌འབྲངས༌སོ ། ༦༌༢ ། ཤབ༌བད༌རན༌པའི༌ཆོ ། འདུ༌ཁང༌ནང༌ཆོས༌བསྟན༌པས ། མང༌པོས༌དེ༌ཐོས༌ནས༌ངོ༌མཚར༌དུ༌ གྱུར༌ཏེ ། འདི༌ཁོ༌ལ༌གང༌ནས༌བྱུང༌ ། ཁོ༌ལ༌ཐོབ༌པའི༌ཤེས༌རབ༌དང༌ ། ཁོའི༌ལག༌ནས༌སྟོན༌པའི༌ལྟས༌འདི༌ཅི༌ཡིན ། ༦༌༣ མིར༌ཡམ༌གྱི༌བུ༌ཤིང༌མཁན༌དེ༌ནི ། ཡ༌ཀོབ༌དང༌ ། ཡོ༌སེབ༌དང༌ ། ཡུ༌ད༌དང༌ ། ཤི༌མོན༌གྱི༌ཕུ༌བོ༌མ༌ ཡིན༌ནམ ། དེའི༌སྲིང༌མོ༌རྣམས༌འདིར༌ངེད༌མཉམ༌དུ༌མེད༌དམ༌ཟེར༌ཏེ ། དེ༌རྣམས༌དད༌པ༌ཉམས༌པའི༌རྒྱུར༌གྱུར༌ཏོ ། ༦༌༤ ། ཡེ༌ཤུས༌དེ༌རྣམས༌ལ ། ལུང༌སྟོན༌པ༌ལ༌རང༌ཡུལ༌དང༌ ། གཉེན༌དྲུང༌དང༌ ། རང༌ཁྱིས༌ན༌མ༌གཏོགས༌ པར༌གར༌ཡང༌རྕིས༌མེད༌མི༌བྱུང༌ངོ༌གསུངས༌སོ ། ༦༌༥ ། དེ༌རུ༌ནད༌པ༌རེའི༌ཁར༌ཕྱག༌བཞག༌ནས༌གསོ༌བ༌མ༌གཏོགས༌པར ། ལྟས༌གཞན༌བསྟན༌མ༌ནུས༌ཤིང༌ ། ༦༌༦ དེ༌རྣམས༌ཀྱི༌དད༌མེད༌ལ༌ངོ༌མཚར༌འཁྲུངས༌སོ ། ། དེ༌ནས༌མཐའ༌འཁོར༌གྱི༌ཡུལ༌ཚོའི༌ནང༌ཆོས༌སྟོན༌ཅིང༌ཕེབས༌སོ ༎
༦༌༧ ། སྐུ༌ཚབ༌བཅུ༌གཉིས༌པོ༌བོས༌ནས ། གཉིས༌གཉིས༌མངགས༌ཏེ ། འགོང༌པོ༌སྐྲོད༌པའི༌དབང༌བསྐུར༌ཏོ ། ༦༌༨ ། དེ༌རྣམས༌ལ ། ལམ༌གྱི༌ཕྱིར༌དབྱུག༌པ༌མ༌གཏོགས༌པར ། རྒྱགས༌སམ ། སྒྱེ༌ཁུག༌གམ ། སྐ༌རགས༌ནང༌ དངུལ༌ཅིའང༌མ༌ཁུར ། ༦༌༩ ཀྲད༌པ༌གོན༌ཞིང༌ ། གོས༌གཉིས༌མ༌གོན ། ༦༌༡༠ ག༌རུའང༌ཁང༌པ༌ཞིག༌ནང༌ཞུགས༌ན ། ཡུལ༌དེ༌ནས༌འཐེགས༌པའི༌བར༌དེར༌སྡོད༌ཅིག ༦༌༡༡ ། ཡུལ༌གང༌དུ༌ཁྱེད༌ཚོ༌མི༌བསུ༌ཞིང༌ ། ཁྱེད༌ཚོའི༌གཏམ༌ལ༌མི༌ཉན༌ན ། དེ༌ནས༌འགྲོ༌དུས༌སུ ། དེ༌རྣམས༌ལ༌དཔང༌བྱེད༌པའི༌དོན༌དུ ། ཁྱེད༌ཚོའི༌རྐང༌པའི༌རྡུལ༌སྤྲུགས༌ཤིག༌ཅེས༌བཀའ༌སྕལ༌ཏོ ། ༦༌༡༢ ། དེ༌རྣམས༌ཐེགས༌ནས༌སོང༌སྟེ ། སེམས༌སྒྱུར༌བའི༌ཆོས༌བཤད༌ཅིང༌ ། ༦༌༡༣ འགོང༌པོ༌མང༌པོ༌བསྐྲད༌པ༌དང༌ ། ནད༌པ༌མང༌པོར༌སྣུམ༌བྱུགས༌ནས༌གསོས༌སོ ༎
༦༌༡༤ ཡེ༌ཤུའི༌སྙན༌གྲགས༌རྒྱས༌པས ། ལྗོངས༌དཔོན༌ཧེ༌རོ༌དེས༌ཀྱང༌ཐོས ། ལ༌ལས༌ཁྲུས༌གསོལ༌མཁན༌ཡོ༌ཧ༌ནན༌གཤིན༌པོའི༌ཁྲོད༌ནས༌ལངས༌ཏེ ། ལྟས༌དེ༌རྣམས༌སྟོན༌ནོ༌སྤྲས༌སོ ། ༦༌༡༥ ། ལ༌ལས༌ཨེ༌ལི༌ཡ༌ཡིན༌ནོ༌སྨྲས ། ལ༌ལས༌སྔར༌གྱི༌ལུང༌སྟོན༌པ༌རྣམས༌དང༌འདྲ༌བའི༌ལུང༌སྟོན༌པ༌ ཞིག༌ཡིན༌སྨྲས༌སོ ། ༦༌༡༦ ། ཧེ༌རོ༌དེས༌ནི༌དེ༌ཐོས༌ནས ། ངས༌མགོ༌བཅད༌པའི༌ཡོ༌ཧ༌ནན༌དེ༌རང༌གསོན༌པོར༌ལངས༌པ༌ཡིན༌ ནོ༌སྨྲས༌སོ ། ༦༌༡༧ ། སྔོན༌ཧེ༌རོ༌དེས༌རང༌གི༌ནུ༌བོ༌པི༌ལིབ༌ཀྱི༌ཆུང༌མ༌ཧེ༌རོད༌ཡ༌བྱ༌བ༌ཆུང༌མར༌བླངས༌པས ། ༦༌༡༨ ཡོ༌ཧ༌ནན༌གྱིས ། ཁྱེད༌ཀྱིས༌རང༌གི༌ནུ༌བོའི༌ཆུང༌མ༌ལེན༌མི༌ཆོག༌གསུངས༌པས ། ཁོས༌མི༌བཏང༌ ནས༌ཡོ༌ཧ༌ནན༌བཟུང༌སྟེ ། བཙོན༌དུ༌བཅུག༌གོ ༦༌༡༩ ། ཧེ༌རོད༌ཡས༌འཁོན༌དུ༌བཟུང༌སྟེ༌ཁོང༌གསོད༌པར༌འདོད༌ཀྱང༌མ༌ནུས༌སོ ། ༦༌༢༠ ། ཅི༌ཕྱིར༌ཞེ༌ན ། ཧེ༌རོ༌དེས༌ཡོ༌ཧ༌ནན༌ནི༌སྐྱེས༌བུ༌དྲང༌པོ༌དང༌དམ༌པ༌ཡིན༌པར༌ཤེས༌ཏེ ། འཇིགས༌ནས༌ཁོང༌སྐྱབས༌པ༌ཡིན ། ཁོང༌གི༌ཆོས༌ཉན༌པའི༌ཆོ༌སེམས༌ཚམ༌ཚོམ༌དུ༌གྱུར༌ཀྱང༌དགའ༌ཞིང༌ཉན༌ཏོ ། ༦༌༢༡ ། ཧེ༌རོ༌དེས༌སྐུ༌དྲག༌དང༌ ། དམག༌དཔོན༌དང༌ ། ག༌ལིལ༌གྱི༌མི༌ཆེན༌རྣམས༌ལ༌རང༌གི༌སྐྱེ༌ཞག༌གི༌མགྲོན༌བཏང༌བས ། སྐབས༌དེར ། ༦༌༢༢ ཧེ༌རོད༌ཡའི༌བུ༌མོ༌ནང༌དུ༌འོངས༌ཏེ ། གར༌རྕེད༌ནས ། ཧེ༌རོ༌དེ༌དང༌མགྲོན༌པོ༌རྣམས༌དགའ༌བར༌ བྱས༌པས ། ལྗོངས༌དཔོན༌གྱིས༌མོ༌ལ ། ཇི༌འདོད༌པ༌སྨྲོས༌ཤིག༌ངས༌ཁྱོད༌ལ༌གཏོང༌བར༌བྱའོ ། ༦༌༢༣ ། ངའི༌ཡུལ༌ཕྱེད༌ཀྱི༌བར༌དུ ཞུ༌ནའང༌སྟེར༌འོང༌ཞེས༌ཟེར༌ཏེ༌མནའ༌བསྐྱལ༌ཏོ ། ༦༌༢༤ ། མོ༌ཕྱི༌རོལ༌དུ༌སོང༌ནས༌མ༌ལ ། ངས༌ཇི༌སློང༌བར༌བྱ༌ཞེས༌དྲིས༌པས ། མས༌ཁྲུས༌གསོལ༌མཁན༌ཡོ༌ཧ༌ ནན༌གྱི༌མགོ༌སློང༌ཞིག༌སྨྲས༌པས ། ༦༌༢༥ མོ༌མགྱོགས༌པར༌ལྗོངས༌དཔོན༌གྱི༌དྲུང༌དུ༌འོངས༌ནས ། ད༌ལྟ༌རང༌ཁྲུས༌གསོལ༌མཁན༌ཡོ༌ཧ༌ནན༌གྱི༌ མགོ༌སྡེར༌མའི༌ནང༌ང༌ལ༌གནང༌བ༌འདོད༌དོ༌ཞུས ། ༦༌༢༦ མགྲོན༌པོའི༌མདུན༌དུ༌མནའ༌བསྐྱེལ༌བས ། མོའི༌ཞུ༌བ༌ཟློག༌མ༌འདོད༌དེ ། ལྗོངས༌དཔོན༌ཤིན༌ཏུ༌ ཚོར༌ཡང༌ ། ༦༌༢༧ སྐུ༌སྲུང༌གཅིག༌བཏང༌ནས ། དེའི༌མགོ༌འཁྱེར༌འོང༌བའི༌བཀའ༌སྕལ༌ནས ། དེ༌སོང༌ནས༌བཙོན༌ ཁང༌ནང༌ཁོང༌གི༌དབུ༌བཅད༌དེ ། ༦༌༢༨ སྡེར༌མའི༌ནང༌འཁྱེར༌འོངས༌ཏེ༌མོ༌ལ༌སྤྲད༌པས ། མོས༌མ༌ལ༌སྤྲད༌དོ ། ༦༌༢༩ ། ཁོང༌གི༌སློབ༌མ༌རྣམས༌ཀྱིས༌དེ༌ཐོས༌ནས༌འོངས༌ཏེ ། སྐུ༌སཔུར༌འཁྱེར༌ནས ། སྤུར༌ཁང༌ཞིག༌ནང༌ བཞག༌གོ ། ༦༌༣༠ ། སྐུ༌ཚབ༌རྣམས༌ཡེ༌ཤུའི༌སྐུ༌དྲུང༌དུ༌འཛམས༌ནས ། ཇི༌བྱས༌པ༌དང༌ ། ཇི༌བསྟན༌པ༌ཐམས༌ཅད༌ ཞུས༌སོ ། ༦༌༣༡ ། མི༌མང༌པོའི༌འགྲོ༌འོང༌གིས༌ཡེ༌ཤུ༌གསོལ༌བའང༌བཞེས༌མ༌བཏུབ༌པས ། ཡེ༌ཤུས༌དེ༌རྣམས༌ལ ། ཅུང༌ཟད༌ཅིག༌ངལ༌གསོ༌ཕྱིར༌དབེན༌པར༌ཤོག༌ཅིག༌གསུངས༌པས ། ༦༌༣༢ ཁྲུའི༌ནང༌ཞུགས༌ཏེ༌དབེན༌པར༌པེབས༌སོ ། ༦༌༣༣ ། མང༌པོས༌ཁོང༌ཕེབས༌པ༌མཐོང༌སྟེ༌ངོ༌ཤེས༌ནས ། གྲོང༌ཁྱེར༌ཀུན༌ནས༌རྐང༌ཐང༌ལ༌དེ༌ཕྱོགས༌སུ༌ བརྒྱུགས༌ནས ། ཁོང༌ལས༌སྔོན༌དུ༌བསླེབས༌སོ ། ༦༌༣༤ ། ཁོང༌གྲུ༌ལས༌ཐོན༌པ༌དང༌ ། མི༌ཚོགས༌ཆེན༌པོ༌དེ༌རྗི༌བོ༌མེད༌པའི༌ལུག༌དང༌འདྲ༌བར༌གཟིགས༌ ནས ། སྙིང༌རྗེ༌འཁྲུངས༌ཏེ ། དེ༌དག༌ལ༌ཆོས༌མང༌པོ༌བསྟན༌ཏོ ༎
༦༌༣༥ ། ཉི༌མ༌ཕྱི༌མོར༌སོང༌བའི༌ཚེ ། ཉེ༌གནས༌རྣམས༌སྐུ༌དྲུང༌དུ༌འོངས༌ནས ། ས༌ཆ༌འདི༌འབྲོག༌སྟོང༌ ཡིན༌ཏེ ། ཉི༌མའང༌ཕྱིས༌སོ ། ༦༌༣༦ ། འདི༌རྣམས༌ཉེ༌འཁོར༌གྱི༌ཡུལ༌ཚོ༌དང༌གྲོང༌རྣམས༌ལ༌སོང༌ནས ། ཟ༌རྒྱུ༌ཉོ༌རུ༌དགོངས༌པ༌གནོང༌ ཞིག༌ཞུས༌པ༌ལས ། ༦༌༣༧ བཀའ༌ལན༌དུ ། དེ༌རྣམས༌ལ༌ཟ༌རྒྱུ༌ཁྱེད༌ཚོས༌སྟེར༌ཞིག༌གསུངས༌པས ། དེ༌ཚོས ། ང༌ཚོ༌སོང༌ནས༌ དི༌ནར༌ཉི༌བརྒྱའི༌བག༌ལེབ༌ཉོས༌ནས༌དེ༌ཚོར༌ཟ༌རུ༌སྟེར༌རམ༌ཞུས ། ༦༌༣༨ ཁྱེད༌ཚོར༌བག༌ལེབ༌ཇི༌ཙམ༌ཡོད༌སོང༌ལ༌ལྟོས༌གསུངས༌པས༌བལྟས༌ཏེ ། བག༌ལེབ༌ལྔ༌དང༌ཉ༌གཉིས༌འདུག༌ཞུས༌སོ ། ༦༌༣༩ ། ཁོང༌གིས༌མི༌ཐམས༌ཅད༌སྤང༌སྔོན༌པོའི༌ཁར༌ཚོ༌ཁག༌བྱས༌ནས༌སྡོད༌འཇུག༌པའི༌བཀའ༌གནང༌ བས ། ༦༌༤༠ བརྒྱ༌བརྒྱ༌དང༌ ། ལྔ༌བཅུ༌ལྔ༌བཅུའི༌གྲལ༌བྱས༌ནས༌བསྡད༌དོ ། ༦༌༤༡ ། ཁོང༌གིས༌བག༌ལེབ༌ལྔ༌དང༌ཉ༌གཉིས༌པོ༌ཕྱག༌ཏུ༌བཞེས༌ནས ། ནམ༌མཁའ༌ལ༌གཟིགས༌ཤིང༌ ། བྱིན༌རླབས༌མཛད༌ནས ། བག༌ལེབ༌བཅག༌སྟེ ། འགྲེན༌པའི༌ཕྱིར༌ཉེ༌གནས༌རྣམས༌ལ༌གནང༌སྟེ ། ཉ༌གཉིས༌ཀྱང༌ཐམས༌ཅད༌ལ༌ བགོས༌སོ ། ༦༌༤༢ ཐམས༌ཅད༌ཀྱིས༌ཟོས༌ནས༌ཚེམས༌ཏེ ། ༦༌༤༣ བྲུལ༌བུས༌བཀང༌བའི༌ཙེ༌པོ༌བཅུ༌གཉིས༌དང༌ ། ཉའི༌ལྷག༌མ༌རྣམས༌བསྡུས༌སོ ། ༦༌༤༤ ། བག༌ལེབ༌ཟ༌མཁན༌སྐྱེས༌པ༌ལྔ༌སྟོང༌ངོ༌ ༎
༦༌༤༥ ། ཁོང༌གིས༌ཉེ༌གནས༌རྣམས༌ལ ། ངས༌མི༌ཚོགས༌ལ༌དགོངས༌པ༌གཏོང༌བའི༌བར༌དུ ། ཁྱོད༌ཅག༌གྲུའི༌ ནང༌ཞུགས༌ཏེ ། ཕ༌རོལ༌དུ༌བེད༌ཙ༌ཡི༌ད༌རུ༌སོང༌ཞིག༌ཅེས༌ནན༌གྱིས༌གསུངས༌སོ ། ༦༌༤༦ ། མི༌ཚོགས༌བཏང༌ནས ། ཐུགས༌དམ༌ལ༌བཞུགས༌ཕྱིར༌རིར༌གཤེགས༌སོ ། ༦༌༤༧ ། སྲོད༌ལ༌གྲུ༌མཚོ༌དཀྱིལ༌དུ༌བསླེབས༌ཏེ ། ཁོང༌གཅིག༌པུར༌སྐམ༌སར༌བཞུགས༌སོ ། ༦༌༤༨ ། མི༌མཐུན༌པའི༌རླུང༌ལངས༌པས༌གྲུ༌གཏོང༌བ༌ལ༌འུ༌ཐུག༌པར༌གཟིགས༌ནས ། མཚན༌གྱི༌ཕྱེད༌ཡོལ༌ དུ ། མཚོའི༌སྟེང༌དུ༌ཞབས༌འཆག༌ཅིང༌ ། དེ༌རྣམས༌ཀྱི༌རྕར༌ནས༌ཐལ༌ཏེ༌གཤེགས༌པར༌དགོངས ། ༦༌༤༩ ། ཁོང༌མཚོའི༌ཁར༌ཞབས༌འཆག༌པ༌ཁོང༌ཚོས༌མཐོང༌ནས༌སྐྲགས༌ཏེ ། འདྲེའོ༌བསམ༌ཞིང༌འབོད༌ བསྒྲགས༌སོ ། ༦༌༥༠ ། ཁོང༌གིས༌དེ༌རྣམས༌ལ༌གསུང༌གླེང༌མཛད༌དེ ། སེམས༌ལྷོད༌དེར༌སྡོད ། ང༌ཡིན ། མ༌འཇིགས༌ ཤིག༌གསུངས༌ནས ། ༦༌༥༡ གྲུའི༌ནང༌དེ༌རྣམས༌ཀྱི༌རྕར༌ཕེབས༌པ༌ཙམ༌གྱིས༌རླུང༌ཆད༌དེ ། ༦༌༥༢ བག༌ལེབ༌ཀྱི༌ངོ༌མཚར༌ཅན༌གྱི༌མཛད༌པ༌བློར༌མ༌འཆུད༌པའི༌ཐོག༌ད༌ལྟའི༌མཛད༌པ༌འདིས༌ཁོང༌ ཚོའི༌མགོ༌འཐོམས༌པར༌གྱུར༌ཏོ ༎
༦༌༥༣ ཆུ༌མཐར༌ཕེབས༌ཏེ ། གེ༌ནེ༌ས༌རེད༌ཡུལ༌དུ༌བསླེབས༌ནས ། གྲུམཚོ༌འགྲམ༌ལ༌བཏགས༌ཏེ ། ༦༌༥༤ གྲུ༌ནས༌ཐོན༌པ༌ཙམ༌གྱིས༌ཡུལ༌པས༌ཁོང༌ངོ༌ཤེས༌ནས ། ༦༌༥༥ ཡུལ༌འཁོར༌དེའི༌ཕྱོགས༌ཀུན༌ཏུ༌བརྒྱུགས༌ནས ། ནད༌པ༌རྣམས༌མལ༌ཁྲིའི༌ཁར༌ཁོང༌གང༌དུ༌བཞུགས༌ པ༌དེར༌ཁྱེར༌ཏོ ། ༦༌༥༦ ། ཡུལ༌ཚོའམ ། གྲོང༌ཁྱེར༌རམ ། གྲོང༌ཡན༌ཁོང༌ཕེབས༌པའི༌ས༌རུ ། ནད༌པ༌རྣམས༌ཁྲོམ༌ནང༌བཞག༌ སྟེ ། ན༌བཟའི༌མཐའ༌མ༌ཙམ༌ལ༌རེག༌པར༌ཞུ༌བ༌ཕུལ༌བ༌དང༌ ། ཁོང༌ལ༌རེག༌ཚད༌ནད༌ལས༌ཐར༌བར༌གྱུར༌ཏོ ༎ ༎
༧༌༡ ། ཡེ༌རུ༌ཤ༌ལེམ༌ནས༌འོངས༌པ༌འི༌ཕ༌རུ༌ཤི༌པ༌དང༌། མཁན༌པོ༌རེ༌ཁོང༌གི༌སྐུ༌དྲུང༌དུ༌འདུས༌སོ ། ༧༌༢ །ཕ༌རུ༌ཤི༌པ༌དང༌ཡ༌ཧུ༌ད༌པ༌ཐམས༌ཅད༌ཀྱིས༌རྒན༌པོའི༌གཏམ༌རྒྱུད༌སྲུང༌ཞིང༌ ། ལག༌པ༌ཁྲུས༌ནས༌ མ༌གོཏགས༌མི༌ཟ༌བ༌དང༌ ། ༧༌༣ ཁྲོམ༌ནས༌འོངས༌ཏེ༌ལུས༌མ༌འཁྲུད༌པར༌མི༌ཟ༌བ ། ཕོར༌པ༌དང༌ བུམ༌པ༌དང༌ ། ཟངས༌ཀྱི༌སྣོད༌འཁྲུད༌ པ༌ལ༌སོགས༌སྲུང༌བྱ༌མང༌པོ༌སྲུང༌ངོ༌ ། ༧༌༤ ། ཕ༌རུ༌ཤི༌པ༌དང༌མཁན༌པོ༌དེ༌རྣམས༌ཀྱིས ། ཡེ༌ཤུའི༌ཉེ༌གནས༌རེས༌ལག༌པ༌མི༌གཙང༌བའམ ། མ༌འཁྲུ༌བར༌ཁ༌ཟས༌ཟ༌བར༌མཐོང༌སྟེ ། ༧༌༥ ཁྱེད༌ཀྱི༌ཉེ༌གནས༌རྣམས༌ཀྱིས༌རྒན༌པོའི༌གཏམ༌རྒྱུད༌མི༌སྲུང༌བར ། ལག༌པ༌མི༌གཙང༌བས༌ཁ༌ཟས༌ཅི༌ལ༌ཟའོ༌ཞུས༌པ༌དང༌ ། ༧༌༦ བཀའ༌ལན༌དུ ། ཁྱོད༌ཁ༌ཆོས༌པ༌རྣམས༌ཀྱི༌སྐོར༌དུ༌ཡེ༌ཤ༌ཡས ༎
། སྡེ༌འདིས༌ཁ༌ནས༌ང༌བཀུར༌ཡང༌ ། ། སྙིང༌ནིང༌ནས༌ཐག༌རིང༌འདུག ༧༌༧ ། ང༌ལ༌དོན༌མེད༌ཕྱག༌འཚལ༌ཞིང༌ ། ། མི༌ཡི༌ཁྲིམས༌ཀྱི༌བསྟན༌པ༌སྟོན ༎
ཞེས༌ལེགས༌པར༌ལུང༌བསྟན༌ཏོ ། ༧༌༨ ། ཁྱེད༌ཚོས༌དཀོན༌མཆོག༌གི༌བཀའ༌སྤངས༌སྟེ ། མིའི༌གཏམ༌རྒྱུད༌སྲུང༌ངོ༌ ། ༧༌༩ ། རང༌གི༌གཏམ༌རྒྱུད༌འཛུག༌པའི༌ཕྱིར ། ཁྱེད༌ལ༌དཀོན༌མཆོག༌གི༌བཀའ༌སྤོང༌བའི༌སྙད༌བདེའོ ། ༧༌༡༠ ། ཇི༌ལྟར༌ཟེར༌ན ། མོཤེས༌པ༌དང༌མ༌ལ༌བཀུར༌སྟི༌བྱོས༌ཤིག ། ཡང༌ཕ༌མ༌སྨད༌མཁན༌དེ༌འཆི༌བར༌ དགོས༌ཞེས༌གསུངས༌ཡོད༌ཀྱང༌ ། ༧༌༡༡ ཁྱེད༌ཚོས༌ནི ། གལ༌ཏེ༌སུ༌ཞིག༌གིས༌ཕའམ༌མ༌ལ ། ངས༌ཁྱེད༌ལ༌ཕུལ༌འོས༌པའི༌ཞབས༌ཏོག༌ཀོར༌བན ། བོད༌སྐད༌དུ ། མཆོད༌པར༌དཀོན༌མཆོག༌ལ༌ཕུལ༌བ༌ཡིན༌ཟེར༌ན ། ༧༌༡༢ མི༌དེ༌ལ༌དེ༌ཕྱིན༌ཆད༌ཕ༌མ༌ལ༌བཀུར༌སྟི༌བྱེད༌མི༌འཇུག༌གོ ༧༌༡༣ ། ཁྱེད༌ཚོས༌རང༌གིས༌བཙུགས༌པའི༌གཏམ༌རྒྱུད༌ཀྱིས༌དཀོན༌མཆོག༌གི༌བཀའི༌དབང༌མེད༌པར༌ བྱེད༌དོ ། ། ཡང༌དེ༌དང༌འདྲ༌བ༌མང༌པོ༌བྱེད༌དོ༌གསུངས༌སོ ། ༧༌༡༤ ། མི༌ཚོགས༌སླར༌བོས༌ནས ། ཁྱེད༌ཐམས༌ཅད༌ང༌ལ༌ཉོན༌ལ༌གོ༌བར༌གྱིས༌ཤིག ༧༌༡༥ ། ཕྱི༌ནས༌ཁོག༌པའི༌ནང༌ཞུགས༌པ༌དེས༌མི༌གྲིབ༌ཅན༌མི༌བྱེད༌ཀྱང༌ ། ཁོག༌པའི༌ནང༌ནས༌ཐོན༌པ༌ དེས༌གྲིབ༌ཅན༌བྱེད༌དོ༌གསུངས༌སོ ། ༧༌༡༦ ། མི༌ཚོགས༌དང༌བྲལ༌ནས༌ཁྱིམ༌དུ༌ཕེབས༌པའི༌ཚེ ། ༧༌༡༧ ཉེ༌གནས༌རྣམས༌ཀྱིས༌གབ༌ཚིག༌དེའི༌སྐོར༌བཀའ༌འདྲི༌ཞུས༌པ༌དང༌ ། ༧༌༡༨ བཀའ༌ལན༌དུ ། ཁྱེད༌ཚོའང༌འདི༌ཙམ༌གླེན༌པ༌ཡིན༌ནམ ། ཕྱི༌ནས༌ཁོག༌པའི༌ནང༌དུ༌འགྲོ༌བ༌དེ ། ༧༌༡༩ ཡིད༌ཀྱི༌ནང༌དུ༌མི༌འགྲོ༌བས ། གྲོད༌པའི༌ནང༌དུ༌འགྲོ༌སྟེ ། གསང༌སྤྱོད༌དུ༌འཐོན༌པས ། མི༌ཞིག༌གྲིབ༌ཅན༌བྱེད༌མི༌ཐུབ༌པ༌མི༌གོའམ༌གསུངས༌ནས ། ཁ༌ཟས༌ཐམས༌ཅད༌གཙང༌མ༌ཡིན༌པར༌བསྟན༌ཏོ ། ༧༌༢༠ ། མིའི༌ཁོག༌པའི༌ནང༌ནས༌འཐོན༌པ༌དེས༌གྲིབ༌ཅན༌བྱེད ། ༧༌༢༡ ཡིད༌ཀྱི༌ནང༌ནས༌འདོད༌ལོག༌དང༌ ། ༧༌༢༢ རྐུ༌བ༌དང༌ ། མི༌གསོད༌པ༌དང༌ ། ལོག༌གཡོམ༌དང༌ ། བརྣབ༌སེམས༌དང༌ ། མི༌དགེ༌བ༌དང༌ ། སྒྱུ༌ཟོག༌དང༌ ། འདོད༌ཆགས༌དང༌ ། མིག༌ངན༌པ༌དང༌ ། སྐུར༌པ༌འདེབས༌པ༌དང༌ ། ང༌རྒྱལ༌དང༌ ། བླུན༌སེམས༌ལ༌སོགས༌བསམ༌ པ༌ངན༌པ༌འཐོན༌ཏེ ། ༧༌༢༣ མི༌ནི༌གྲིབ༌ཅན༌བྱེད༌དོ༌གསུངས༌སོ ༎
༧༌༢༤ དེ༌ནས༌བཞེངས༌ཏེ ། ཚོར༌དང༌ཚི༌དོན༌གྱི༌ཡུལ༌ལྗོངས༌ལ༌ཕེབས༌ནས ། ཁང༌པ༌ཞིག༌གི༌ནང༌ བྱོན༌ཏེ ། གཞན༌པས༌ཤེས༌པར༌མ༌མཉེས༌ཀྱང༌ ། ཡིབ༌མ༌ཐུབ༌པར ། ༧༌༢༥ བུ༌མོ༌འགོང༌ཞུགས༌ཤིག༌གི༌མས༌ཁོང༌གི༌སྙན༌གྲགས༌ཐོས༌ནས༌འོངས༌ཏེ ། ཞབས༌ཀྱི༌དྲུང༌དུ༌ ཕྱག༌བཙལ༌ཏོ ། ༧༌༢༦ ། བུད༌མེད༌དེ༌ཧེ༌ལེན༌མ༌ཡིན༌ཏེ ། ཨ༌རམ༌གྱི༌ཕེ༌ནི༌ཀའི༌རིགས༌ལ༌གཏོགས༌པའོ ། ། དེས༌ཁོང༌ལ ། དེའི༌བུ༌མོའི༌ནང༌ནས༌འགོང༌པོ༌སྐྲོད༌ཕྱིར༌ཞུས༌པ༌དང༌ ། ༧༌༢༧ ཕྲུ༌གུའི༌བག༌ལེབ༌བླངས༌ཏེ༌ཁྱི༌ལ༌གཏོང༌བ༌མི༌ལེགས༌པས ། སྔོན༌དུ༌ཕྲུ༌གུ༌རྣམས༌འགྲང༌ཆུག༌ཅིག༌ གསུངས༌སོ ། ༧༌༢༨ ། ཞུ༌ལན༌དུ ། གཙོ༌བོ ། ལྕོག༌ཙེའི༌འོག༌ཏུ༌ཁྱིས༌ཀྱང༌ཕྲུ༌གུའི༌བག༌ལེབ༌ཀྱི༌བྲུལ༌བུ༌ལས༌ཟའོ༌ཞུས༌ པ༌དང༌ ། ༧༌༢༩ ཁྱོད༌ཀྱིས༌དེ༌སྨྲས༌པས ། སོང༌ཞིག ། ཁྱོད༌ཀྱི༌བུ༌མོའི༌ནང༌ནས༌འགོང༌པོ༌ཐོན༌ཏོ༌གསུངས༌སོ ། ༧༌༣༠ ། ཁྱིམ༌དུ༌བསླེབས༌ནས ། འགོང༌པོ༌ཐོན༌ཏེ༌མོ༌མལ༌སའི༌ནང༌ཉལ༌ཡོད༌པ༌མཐོང༌ངོ༌ ༎
༧༌༣༡ ། ཡེ༌ཤུ༌ཚོར༌གྱི༌ཡུལ༌ལྗོངས༌ནས༌བཞེངས༌ཏེ ། ཚི༌དོན༌གྱི༌ལམ༌ལས༌དེ༌ཀ༌པོ༌ལི༌སི༌བྱ༌བའི༌ཡུལ༌ འཁོར༌གྱི༌དཀྱིལ༌ནས༌རྒྱུད༌དེ ། ག༌ལིལ༌མཚོ༌རུ༌ཕེབས༌སོ ། ༧༌༣༢ ། མི༌རྣམས༌ཀྱིས༌འོན༌པ༌ཁ༌དིག༌ཅིག༌སྐུ༌དྲུང༌དུ༌འཁྱེར༌འོངས༌ཏེ ། དེའི༌མགོ༌ལ༌ཕྱག༌འཇོག༌ ཕྱིར༌ཞུས ། ༧༌༣༣ ཁོང༌གིས༌མི༌དེ༌མི༌ཚོགས༌ཀྱི༌ནང༌ནས༌ལོགས༌སུ༌འཁྲིད༌ནས ། དེའི༌རྣ༌བ༌གཉིས༌ནང༌ཕྱག༌མཛུབ༌ བཅུག༌སྟེ ། ལྗགས༌ཆབ༌གཏོར༌ནས༌ཁོའི༌ལྕེ༌ལ༌རེག༌ནས ། ༧༌༣༤ ནམ༌མཁར༌གཟིགས༌ཤིང༌ཤུགས༌ནར༌ཕྱུར༌སྟེ ། ཨེ༌ཕ༌ཐ ། བོད༌སྐད༌དུ ། འབྱེ༌བར༌གྱུར༌ཅིག༌གསུངས༌པ༌དང༌ ། ༧༌༣༥ ཁོའི༌རྣ༌བ༌བྱེ༌ནས ། ལྕེ༌བསྡམས༌ཡོད༌པ༌དེ༌གྲོལ༌ཏེ༌དག༌པོར༌སྨྲས༌སོ ། ༧༌༣༦ ། སུ༌ལོའང༌མི༌འཆད༌པའི༌བཀའ༌གནང༌ཡང༌ ། ཇི༌ཙམ༌ནན༌ཏན༌མཛད༌པ༌དེ༌ཙམ༌ལྷག༌པར༌ དར༌བཅུག༌གོ ༧༌༣༧ ། དེ༌རྣམས༌ཤིན༌ཏུ༌ངོ༌མཚར༌དུ༌གྱུར༌ནས ། ཁོང༌གིས༌ཐམས༌ཅད༌ལེགས༌པར༌མཛད༌ཅིང༌ ། འོན༌པས༌སྒྲ༌ཐོས༌པ༌དང༌ ། ལྐུགས༌པས༌གཏམ༌སྨྲ༌འཇུག༌པར༌མཛད༌དོ༌ཞེས༌ཟེར༌ཏོ ༎ ༎
༨༌༡ དེའི༌དུས༌ལ༌མི༌ཚོགས༌ཆེན༌པོ༌ཞིག༌སླར༌འཛམས༌ནས ། ཟ༌རྒྱུ༌མེད༌པས ། ཁོང༌གིས༌ཉེ༌གནས༌རྣམས༌ བོས༌ནས༌དེ༌དག༌ལ ། ༨༌༢ མི༌ཚོགས༌འདི༌ང༌མཉམ༌བསྡད༌དེ༌ཞག༌གསུམ༌སོང༌ ། ད༌ཟ༌རྒྱུ༌མེད༌པས༌ང༌སྙིང༌རྗེའོ ། ༨༌༣ ། ཁ༌ཅིག༌ཐག༌རིང༌ནས༌འོངས༌པས ། ཁ༌སྟོང༌དུ༌ཁང༌པར༌འགྲོ༌འཇུག༌ན ། ལམ༌དུ༌བརྒྱལ༌བར༌གྱུར༌ རོ༌གསུངས༌པ༌དང༌ ། ༨༌༤ ཉེ༌གནས༌རྣམས༌ཀྱིས༌ཞུ༌ལན༌དུ ། འབྲོག༌སྟོང༌འདིར༌འདི༌རྣམས༌བག༌ལེབ༌ཀྱིས༌ཅི༌ལྟར༌ཚིམ༌པར༌ བྱ༌ནུས༌ཞུས ། ༨༌༥ བག༌ལེབ༌ཇི༌ཙམ༌ཡོད༌བཀའ༌འདྲི༌མཛད༌པས ། བདུན༌ཡོད༌ཞུས༌སོ ། ༨༌༦ ། མི༌ཚོགས༌ལ༌ས༌རུ༌སྡོད༌པའི༌བཀའ༌སྕལ༌ཏེ ། བག༌ལེབ༌བདུན༌པོ༌ཕྱག༌ཏུ༌བཞེས༌ནས ། གཏང༌རག༌ཕུལ༌ཏེ༌བཅག༌ནས ། མི༌ཚོགས༌ལ༌འདྲེན༌པའི༌ཕྱིར༌ཉེ༌གནས༌རྣམས༌ལ༌གནང༌སྟེ ། དེ༌དག༌གིས༌དྲངས༌སོ ། ༨༌༧ ། དེ༌རྣམས༌ལ༌ཉ༌ཆུང༌ངུ༌ཁ༌ཅིག༌ཀྱང༌ཡོད༌པས ། བྱི༌རླབས༌མཛད༌དེ ། དེའང༌འདྲེན༌པའི༌བཀའ༌ གནང༌ངོ༌ ། ༨༌༨ ། དེ༌རྣམས༌ཀྱིས༌ཟོས༌ནས༌འགྲངས༌ཏེ ། བྲུལ༌བུ༌ལྷག༌མ༌བསྡུས༌ནས༌ཅོ༌པོ༌བདན༌བཀང༌ངོ༌ ། ༨༌༩ ། མི༌སྟོང༌བཞི༌ཙམ༌ཡོད༌པ༌ཡིན ། དེ༌རྣམས༌འགྲོར༌བཅིག༌ནས ། ༨༌༡༠ ཉེ༌གནས༌དང༌མཉམ༌དུ༌གྲུ༌ནང༌ཕེབས༌ཏེ ། དལ༌མ༌ནུ༌ཐའི༌ཡུལ༌ཁག༌ཏུ༌ཕེབས༌སོ ༎
༨༌༡༡ ། ཕ༌རུ༌ཤི༌པ༌རེ༌འོངས༌ནས ། ཡོ༌ཤུ༌དང༌རྕོད༌གླེང༌བྱས༌ནས ། ཐུགས༌སད༌ཅིང༌ ། ནམ༌མཁའ༌ནས༌ལྟས༌ཤིག༌སྡོན༌པར༌མཛད༌ཞུས༌པ༌དང༌ ། ༨༌༡༢ ཐུགས༌ཤུགས༌ཕྱུང༌ནས ། མི༌རབས༌འདིས༌ལྟས༌ཅི༌ལ༌འཚོལ ། མི༌རབས༌འདི༌ལ༌ལྟས༌ཅིའང༌མི༌ བསྟན༌ངས༌བདེན༌པར༌ཟེར༌གསུངས༌ནས ། ༨༌༡༣ དེ༌རྣམས༌བཞག༌ནས ། སླར༌གྲུ༌ནང༌ཞུགས༌ཏེ༌ཕ༌རོལ༌དུ༌ཕེབས༌སོ ། ༨༌༡༤ ། ཉེ༌གནས༌རྣམས༌ལམ༌རྒྱགས༌ཁྱེར༌བ༌བརྗེད༌ནས༌གྲུའི༌ནང༌བག༌ལེབ༌གཅིག༌ལས༌ལྷག༌མེད༌པ༌ ཡིན ། ༨༌༡༥ ཁོང༌གིས༌དེ༌རྣམས༌ལ ། ཕ༌རུ༌ཤི༌པའི༌སྐྱུར༌རྕི༌དང༌ཧེ༌རོ༌དེའི༌སྐྱུར༌རྕི༌ལས༌ཟོན༌བྱོས༌ཤིག༌གསུངས༌པས ། ༨༌༡༦ ང༌ཚོ༌ལ༌བག༌ལེབ༌མེད༌ཟེར༌ཞིང༌ཕན༌ཚུན༌གླེང༌ངོ༌ ། ༨༌༡༧ ། དེ༌མཁྱེན༌ནས ། བག༌ལེབ༌ནེད༌ཅེས༌གླེང༌བ༌ཅི༌ཡིན ། ད༌དུང༌མི༌ཤེས༌ཤིང༌མི༌གོའམ ། ད༌དུང༌ཁྱོད༌ ཚོའི༌བློ༌སྒྲིབ༌བམ ། ༨༌༡༨ མིག༌ཡོད༌ཀྱང༌མི༌མཐོང༌ངམ ། རྣ༌བ༌ཡོད༌ཀྱང༌མི༌ཐོས༌སམ ། ཅི༌ཡང༌མི༌དྲན༌ནམ ། ༨༌༡༩ ངས༌མི༌ལྔ༌སྟོང༌གི༌ཕྱིར༌བག༌ལེབ༌ལྔ༌བཅག༌སྐབས ། ཁྱོད༌ཚོས༌བྲུལ༌བུས༌གང༌བའི༌ཙེ༌པོ༌ཇི༌ཙམ༌ བསྡུས༌པ༌ཡིན༌ཞེས༌བཀའ༌འདྲི༌གནང༌བས ། བཅུ༌གཉིས༌སོ༌ཞེས༌ཞུས ། ༨༌༢༠ མི༌བཞི༌སྟོང༌ཕྱིར༌བག༌ལེབ༌བདུན༌བཅག༌སྐབས ། བྲུལ༌བུས༌གང༌བའི༌ཙེ༌པོ༌ཇི༌ཙམ༌བསྡུས༌པ༌ ཡིན༌གསུངས༌པས༌བདུན༌ནོ༌ཞེས༌ཞུས ། ༨༌༢༡ ད༌དུང༌ཧ༌མི༌གོ༌བ༌ཅི༌ཡིན༌གསུངས༌སོ ༎
༨༌༢༢ ། བེད༌ཙ༌ཡི༌ད༌རུ༌བྱོན༌པ༌དང༌ ། ལོང༌བ༌ཞིག༌སྐུ༌དྲུང༌དུ༌འཁྱེར༌འོངས༌ནས ། དེ༌ལ༌ཕྱག༌རེག༌ པའི༌ཞུ༌བ༌ཕུལ༌བ༌ལས ། ༨༌༢༣ ལོང༌བ༌དེའི༌ལག༌པ༌ནས༌ཕྱག༌གིས༌བཟུང༌སྟེ ། ཡུལ༌གྱི༌ཕྱི༌རོལ༌དུ༌འཁྲིད༌ནས ། དེའི༌མིག༌གཉིས༌ལ༌ལྗགས༌ཆབ༌གཏོར༌ཏེ ། མགོའི༌ཁར༌ཕྱག༌གཉིས༌བཞག༌ནས ། ད༌མཐོང༌ངམ༌ཞེས༌བཀའ༌འདྲི༌མཛད༌པས ། ༨༌༢༤ མིག༌ཡར༌བཏེགས༌ནས༌བལྟས༌ཤིང༌ ། མི༌རེ༌མཐོང༌ངོ༌ ། འོན༌ཀྱང༌སྐྱེ༌ཤིང༌འགྲུལ༌བ༌ལྟར༌མཐེང༌ ངོ༌ཞུས༌པ༌དང༌ ། ༨༌༢༥ སླར༌ཁོའི༌མིག༌གཉིས༌ལ༌ཕྱག༌གཉིས༌བཞག༌པར༌མཇད༌ནས༌ཁོས༌བལྟས༌པས༌སོས༌པར༌གྱུར༌ ནས༌རྒྱང༌མར༌ཡོད༌པ༌ཐམས༌ཅད༌ཀྱང༌གསལ༌པོར༌མཐོང༌ངོ༌ ། ༨༌༢༦ ། ཁོ༌ཁྱིམ༌དུ༌བཏང༌ནས ། ཡུལ༌མི༌སུ༌ལའང༌མ༌ལབ༌གསུངས༌སོ ༎
༨༌༢༧ ། ཡེ༌ཤུ༌ཉེ༌གནས༌རྣམས༌དང༌བཅས༌གྲོང༌ཁྱེར༌ཀེ༌སར༌ཡ༌ཕི༌ལིབ༌པིའི༌མཐའ༌འཁོར༌གྱི༌ཡུལ༌ཚོ༌ རྣམས༌ལ༌ཕེབས༌པ༌ལས ། ལམ༌བར༌དུ༌ཉེ༌གནས༌རྣམས༌ལ ། མི༌རྣམས༌ཀྱིས༌ང༌སུ༌ཡིན༌ཟེར༌རོ༌གསུངས༌པའི༌ཞུ༌ལན༌དུ ། ༨༌༢༨ ལ༌ལས༌ཁྲུས༌གསོལ༌མཁན༌ཡོ༌ཧ༌ནན ། ལ༌ལས༌ཨེ༌ལི༌ཡ ། ལ༌ལས༌ལུང༌སྟོན༌པ༌ལས༌གཅིག༌ལགས༌ ཞེས༌ཟེར༌རོ༌ཞུས ། ༨༌༢༩ ཁྱོད༌ཅག༌གིས༌ང༌སུ༌ཡིན༌ཟེར༌གསུངས༌པའི༌ཞུ༌ལན༌དུ༌པེ༌ཏྲོས ། ཁྱེད༌ནི༌མ༌ཤི༌ཀ༌ལགས༌ཞུས༌སོ ། ༨༌༣༠ ། ཁོང༌གི༌སྐོར༌སུ༌ལའང༌མི༌འཆད༌པའི༌ཕྱིར༌ནན༌ཏན༌མཛད༌དོ ། ༨༌༣༡ ། དེ༌རྣམས༌ལ ། མིའི༌བུས༌སྡུག༌བསྔལ༌མང༌པོ༌མྱོང༌བ༌དང༌ ། ཁོང༌རྒན༌པོ༌དང༌ ། བླ༌ཆེན༌དང༌ ། མཁན༌པོ༌རྣམས༌ཀྱིས༌སྤོང༌བ༌དང༌ ། བཀྲོང༌བ༌དང༌ ། ཞག༌གསུམ༌གྱི༌འོག༌ཏུ༌སླར༌གསོན༌པོར༌བཞེང༌བར༌འགྱུར༌ཞེས༌ཞལ༌གདམས༌ སྟོན༌ཞིང༌ ། ༨༌༣༢ གསལ༌པོར༌གསུངས༌སོ ། ། པེ༌ཏྲོས༌ཁོང༌སོ༌སོར༌གདན༌ཞུས༌ཏེ ། སྟིང༌ཚིག༌སྒྲོག༌པ༌དང༌ ། ༨༌༣༣ ཞལ༌བསྒྱུར༌ཏེ ། ཉེ༌གནས༌རྣམས༌ལ༌གཟིགས༌ཤིང༌ ། པེ༌ཏྲོ༌ལ༌བཀའ༌བཀྱོན༌མཛད༌དེ ། བདུད༌ཁྱོད ། རྒྱབ༌ཏུ༌ནུར ། ཁྱོད༌ཀྱི༌བསམ༌པ༌དཀོན༌མཆོག༌བཞིན༌མ༌ཡིན༌པར༌མི༌བཞིན༌ཡིན༌ནོ༌གསུངས༌སོ ༎
༨༌༣༤ །ཉེ༌གནས༌དང༌མི༌ཚོགས༌བོས༌ནས ། ངའི༌རྗེས༌སུ༌འབྲང༌བར༌འདོད༌པ༌དེས ། བདག༌འཛིན༌སྤོང༌ ལ ། རང༌གི༌རྐྱང༌ཤིང༌འཁུར༌ཞིང༌ངའི༌རྗེས༌སུ༌འབྲོང༌ཞིག ༨༌༣༥ ། རང༌སྲོག༌སྐྱོབ༌མཁན༌དེས༌བརླག༌པར༌འགྱུར ། ང༌དང༌ཕྲིན༌བཟང༌གི༌དོན༌ལ༌སྲོག༌བརླག༌མཁན༌ དེས༌སྐྱོབ༌པར༌འགྱུར ། ༨༌༣༦ མི༌ལ༌འཇིག༌རྟེན༌ཧྲིལ༌པོར༌ཐོབ༌ཀྱང༌ ། རང༌སྲོག༌བརླག༌ན༌ཅི༌ཕན ། ༨༌༣༧ རང༌གི༌སྲོག༌ཅི༌དང༌བརྗེ ། ༨༌༣༨ སྡིག༌སྤྱད༌དང༌ལྟ༌ལོག༌གི༌མི༌རབས༌འདིའི༌ཁྲོད༌དུ ། ང༌དང༌ངའི༌ཡིན༌པ༌ལ༌ངོ༌ཚ༌བ༌དེ༌ལ ། མིའི༌བུས༌ཀྱང༌ཡབ༌ཀྱི༌གཟི༌བརྗིད༌ཀྱི༌ནང༌ན ། དམ༌པའི༌ཕོ༌ཉ༌དང༌བཅས༌འབྱོན༌དུས༌སུ༌མི༌དེ༌ལ༌ངོ༌ཚ༌བར༌བྱའོ ༎ ༎
༩༌༡ ༎ འདིར༌ལངས༌ཡོད༌པ༌ལས༌ཁ༌ཅིག༌གིས ། དཀོན༌མཆོག༌གི༌རྒྱལ༌སྲིད༌དབང༌དང༌བཅས༌ཚུར༌ འབྱོན༌པ༌མཇལ༌བའི༌བར༌དུ༌འཆི༌བ༌མི༌མྱོང༌ཞེས༌ངས༌བདེན༌པར༌ཟེར༌གསུངས༌སོ ༎
༩༌༢ ། ཞག༌དྲུག༌གི༌རྗེས༌སུ ། ཡེ༌ཤུས༌པེ༌ཏྲོ༌དང༌ ། ཡ༌ཀོབ༌དང༌ ། ཡོ༌ཧ༌ནན༌འཁྲིད༌ནས ། རི༌མཐོན༌པོ༌ཞིག༌ལ༌སོ༌སོར༌ཕེབས༌སོ ། ། དེ༌དག༌གི༌མདུན༌དུ༌ཁོང༌གི༌སྐུ༌དབྱིབས༌གྱུར༌ཏེ ། ༩༌༣ ན༌བཟའ༌ནི༌འོད༌ཅན ། འཇིག༌རྟེན༌ན༌འཁྲུད༌མཁན༌སུས༌ཀྱང༌བྱེད༌མི༌ནུས༌པའི༌འོད༌དཀར༌པོ༌ ལྟར༌གྱུར༌ཏོ ། ༩༌༤ ། ཡང༌མི༌ཤེ༌དང༌ཨེ༌ལི༌ཡས༌ཡེ༌ཤུ༌ལ༌གསུང༌གླེང༌མཛད༌པ༌མཇལ༌ཏོ ། ༩༌༥ ། ཤིན༌ཏུ༌འཇིགས༌ནས ། ཅི༌ཞུ༌མ༌ཤེསཞ༌པས ། པེ༌ཏྲོས༌ཡེ༌ཤུ༌ལ ། སྟོན༌པ༌ལགས ། ང༌ཚོ༌འདིར༌ བཞིགས༌པ༌ལེགས ། ༩༌༦ གཟིམ༌གིར༌ཁྱེད༌ལ༌གཅིག ། མོ༌ཤེ༌ལ༌གཅིག༌ ། ཨེ༌ལི༌ཡ༌ལ༌གཅིག༌སྟེ༌གསུམ༌ཕུབ༌པར༌མཉེས༌ སམ༌ཞུས༌སོ ། ༩༌༧ ། དེ༌ནས༌ སྤྲིན༌འཁྲིགས༌སྟེ ། དེ༌རྣམས༌བསྒྲིབས༌པ༌དང༌ ། སྤྲིན༌ནས༌སྒྲ༌ཞིག༌གིས ། འདི༌ནི༌ངའི༌ སྲས༌གཅིག༌པུ༌ཡིན ། ཁོང༌ལ༌ཉོན༌ཞེས༌གསུངས༌སོ ། ༩༌༨ ། དེ༌རྣམས༌ཀྱིས༌ཕྱོགས༌ཀུན༌ཏུ༌བལྟས༌པས ། ཡེ༌ཤུ༌གཅིག༌པུ༌མ༌གཏོགས༌པར༌སུའང༌མ༌མཐོང༌ངོ༌ ། ༩༌༩ ། རི༌ལས༌འབབ༌པའི༌ཚེ ། མིའི༌བུ༌གཤིན༌པོའི༌ཁྲོད༌ལས༌བཞེངས༌པའི༌བར༌དུ ། ཅི༌མཐོང༌བ༌དེ༌ སུ༌ལའང༌མ༌འཆད༌ཅེས༌ནན༌ཏན༌མཛད༌དོ ། ༩༌༡༠ ། དེ༌རྣམས༌ཀྱིས༌གསུང༌དེ༌ཡིད༌ལ༌བཞག༌ནས ། གཤིན༌པོའི༌ཁྲོད༌ནས༌བཞེང༌བའི༌དོན༌ཅི༌ཡིན༌ ཞེས༌ཕན༌ཚུན༌གླེང༌ངོ༌ ། ༩༌༡༡ ། ཁོང༌ལ ། ཨེ༌ལི༌ཡ༌སྔོན༌ལ༌ཕེབས༌དགོས༌ཞེས༌མཁན༌པོ༌རྣམས༌ཀྱིས༌ཅི༌ལ༌ཟེར༌ཞུས༌པ༌དང༌ ། ༩༌༡༢ ། ཨེ༌ལི༌ཡ༌ནི༌བདེན༌པར༌སྔོན༌དུ༌ཕེབ༌སྟེ ། ཐམས༌ཅད༌གསར༌དུ༌བསྒྱུར༌འོང༌ ། མིའི༌བུ༌ནི༌སྡུག༌ བལྔལ༌མང༌པོ༌མྱོང༌ཞིང༌རྕིས༌མེད༌དུ༌འགྱུར༌འོང༌ཞེས༌ཅི༌ལྟར༌བྲིས༌པ༌ཡིན ། ༩༌༡༣ ། ཨེ༌ལི༌ཡ༌ཕེབས༌ཟིན ། ཁོང༌གི༌སྐོར༌ལ༌བྲིས༌ཡོད༌པ༌ལྟར ། དེ༌རྣམས༌ཀྱིས༌ཁོང༌ལ༌ཅི༌དགའ༌ བྱས༌སོ༌ངས༌ཟེར༌ཞེས༌གསུངས༌སོ ༎
༩༌༡༤ ། ཉེ༌གནས༌རྣམས༌ཀྱི༌ཅར༌ཕེབས༌པའི༌ཚེ ། མི༌མང༌པོས༌བསྐོར༌ཏེ ། མཁན༌པོ༌འགས༌ཉེ༌གནས༌ རྣམས༌དང༌རྕོད༌པར༌གཟིགས༌སོ ། ༩༌༡༥ ། མི༌ཚོགས༌ཐམས༌ཅད༌ཀྱིས༌ཡེ༌ཤུ༌མཟལ༌བ༌ཙམ༌གྱིས ། ངོ༌མཚར༌ཆེ༌བར༌གྱུར༌ཏེ ། ཁོང༌གི༌དྲུ༌ དུ༌བརྒྱགས༌ནས༌ཕྱག༌བཙལ༌ཏོ ། ༩༌༡༦ ། པོང༌གིས ། དེ༌རྣམས༌དང༌མཉམ༌དུ༌ཅིའི༌སྐོར༌རྕོད༌གླེང༌བྱེད ། ཅེས༌བཀའ༌འདྲི༌མཛད༌པ༌དང༌ ། ༩༌༡༧ ། མི༌ཚོགས༌ཀྱི༌ནང༌ནས༌གཅིག༌གིས༌ཞུ༌ལན༌དུ ། སྟོན༌པ༌ལགས ། འགོང༌པོ༌ལྐུགས༌པ༌ཞུགས༌ཡོད༌ པའི༌ངའི༌བུ༌ཁྱེད༌ཀྱི༌སྐུ༌དྲུང༌དུ༌འཁྲིད༌འོངས༌པ༌ཡིན ། ༩༌༡༨ ། འགོང༌པོས༌འཇིན༌པའི༌ཚེ༌ན ། ས༌ལ༌བརྡབས༌ཏེ ། ཁ༌ནས༌ལྦུ༌བ༌མཐོན༌པ༌དང༌ ། སོ༌ཁྲིག༌ཅིང༌ ལུས༌སྐམ༌མོ ། ། ཁྱེད༌ཀྱི༌ཉེ༌གནས༌རྣམས༌ལ༌དེ༌སྐྲོད༌པའི༌ཕྱིར༌ཞུས༌ཀྱང༌ ། སྐྲོད༌མ༌ནུས༌ཞེས༌ཞུས༌སོ ། ༩༌༡༩ ། ཡེ༌ཤུས༌དེ༌རྣམས༌ལ ། ཀྱེ༌དད༌མེད༌ཀྱི༌མི༌རབས ། ང༌ཁྱོད༌དང༌མཉམ༌དུ༌ཇི༌ཙམ༌བར༌དུ༌གནས༌ པར༌བྱ ། ང༌ཁྱོད༌དང༌མཉམ༌དུ༌ཇི༌ཙམ༌བར༌དུ༌བཟོད༌པར༌བྱ ། ཁོ༌འཁྲིད༌ཤོག༌གསུངས༌པ༌དང༌ ། ༩༌༢༠ ། འཁྲིད༌འོངས༌པས ། ཁོང༌མཇལ༌བ༌ཙམ༌གྱིས ། བྱིས༌པ༌དེར༌འགོང༌པོས༌དྲག༌ཏུ༌གཟིར༌བ༌དང༌ ། དེ༌ས༌ལ༌གྱེལ༌ཏེ ། ལྦུ༌བ༌ཐོན༌ཞི༨ང༌ ། འགྲེ༌ལྡོག༌བྱས༌སོ ། ༩༌༢༡ ། ཁོང༌གིས༌དེའི༌ཕ༌ལ ། ཁོ༌ལ༌འདི༌ནམ༌བྱུང༌ ། ཞེས༌བཀའ༌འདྲི༌མཛད༌པ༌དང༌ ། དེས༌ཆུང༌ངུ༌ ནས༌བྱུང༌སྟེ ། ༩༌༢༢ ། བུ༌དེ༌གསོད༌པའི༌ཕྱིར༌མེ༌དང༌ཆུ༌ལའང༌ཕངས༌སོ ། ། ཇི༌ཞིག༌མཛད༌ཐུབ༌ན ། ངེད༌ལ༌བརྕེ༌བར༌ གཟིགས༌ཏེ ། སྐྱབས༌མཛོད༌ཅིག༌ཞུས༌སོ ། ༩༌༢༣ ། ཡེ༌ཤུས༌དེ༌ལ ། ཇི༌ཞིག༌མཛད༌ཐུབ༌ན༌ཟེར༌ནམ ། དད༌པ༌བྱེད༌མཁན༌གྱི༌ཕྱིར༌ཐམས༌ཅད༌བྱེད༌ ཐུབ༌བོ ། ། གསུངས༌པས ། ༩༌༢༤ བྱིས༌པའི༌ཕས ། ང༌དད༌དོ ། ། ངའི༌མི༌དད༌པའི༌སེམས༌ལ༌སྐྱབས༌མཛོད༌ཅིག༌ཅེས༌འབོད༌ བསྒྲགས༌སོ ། ༩༌༢༥ ། ཡེ༌ཤུས༌མི༌ཚོགས༌འདུ༌བར༌གཟིགས༌ནས ། འགོང༌པོ༌ལ༌བཀའ༌བཀྱོན༌མཛད༌ཅིང༌ ། འགོང༌ པོ༌ལྐུགས༌ཤིང༌འོན༌པ༌ཁྱོད ། ཐོན༌ལ༌ད༌ཕྱིན༌ཆད༌ཁོའི༌ནང༌དུ༌མ༌ཞུགས༌ཤིག༌ཅེས༌ངས༌བསྒོའོ༌གསུངས༌པ༌དང༌ ། ༩༌༢༦ ། དེས༌སྐད༌ངན༌བཏོན༌ཏེ ། ཁོ༌དྲག༌ཏུ༌གཟིར༌ནས༌ཕྱིར༌ཐོན༌པ༌ལས ། བྱིས༌པ༌རོ༌ལྟར༌གྱུར༌ པས ། མང༌པོས༌ཤིའོ༌ཟེར༌ཏོ ། ༩༌༢༧ ། ཡེ༌ཤུས༌དེའི༌ལག༌ནས༌བཟུང༌སྟེ༌བསླངས༌པ༌དང༌ ། ཁོ༌ཀེར༌ལངས༌སོ ། ༩༌༢༨ ། ཁྱིམ༌དུ༌ཕེབས༌ནས ། ཉེ༌གནས༌རྣམས༌ཀྱིས༌ཟུར༌ལ ། ངེད༌ཀྱིས༌ཅི༌ལ༌དེ༌བསྐྲད༌མ༌ཐུབ༌པོ༌ཡིན༌ ཞུས༌སོ ། ༩༌༢༩ ། འགོང༌རིགས༌འདི༌སྨོན༌ལམ༌གྱིས༌མ༌གཏོགས༌འཐོན༌མི༌ཐུབ༌གསུངས༌སོ ༎
༩༌༣༠ དེ༌ནས༌བཞེངས༌ཏེ ། ག༌ལིལ༌ཡུལ༌རྒྱུད༌ནས༌ཕེབས ། ཉེ༌གནས༌རྣམས༌ལ༌ཞལ༌གདམས༌གནང༌ བས ། ཁོང༌བཞུགས༌ས༌གཞན༌གྱིས༌ཤེས༌པར༌མ༌དགྱེས༌སོ ། ༩༌༣༡ ། མིའི༌བུ༌ནི༌མི༌རྣམས༌ཀྱི༌ལག༌ཏུ༌གཏད༌འོང༌ ། དེ༌རྣམས༌ཀྱིས༌ཁོང༌དཀྲོངས༌འོང༌ ། དཀྲོངས༌ནས༌ཞག༌གསུམ༌ གྱི༌འོག༌ཏུ༌སྐུ༌གསོན༌པོར༌བཞེང༌འོང༌གསུངས༌ཀྱང༌ ། ༩༌༣༢ ། དེ༌དག༌གིས༌གསུང༌དེ༌མ༌གོ ། བཀའ༌འདྲི༌ཞུ༌བ༌ལའང༌འཇིགས༌སོ ༎
༩༌༣༣ ། ཀ༌ཕར༌ན༌ཧུམ༌དུ༌ཕེབས༌ནས ། ཁྱིམ༌ན༌བཞུགས༌པའི༌ཚེ ། དེ༌རྣམས༌ལ ། ལམ༌ལ༌ཅིའི༌སྐོར༌ལ༌ རྕོད༌པ༌ཡིན ། ཞེས༌བཀའ༌འདྲི༌མཛད༌ཀྱང༌ ། ༩༌༣༤ ལམ༌ལ ། ཉེ༌གནས༌ཀྱི༌མཆོག༌སུ༌ཡིན༌ཟེར༌ཞིང༌ཕན༌ཚུན༌གླེང༌བས ། ཁརོག༌ཏུ༌བསྡད༌དོ ། ༩༌༣༥ ། གདན༌འཆགས༌ཏེ༌བཅུ༌གཉིས༌པོ༌བོས༌ནས ། དང༌པོར༌འགྱུར༌བར༌འདོད༌པ༌དེ ། ཐམས༌ཅད༌ ཀྱི༌རྟིང༌མ༌དང༌གསོག༌པོར༌འགྱིར༌དགོས༌གསུངས༌ནས ། ༩༌༣༦ བྱིས༌པ༌ཞིག༌དེ༌ཚོའི༌དཀྱིལ༌དུ༌བསླངས༌ནས ། སྐུ༌པང༌ལ༌བསྣམས༌ཏེ ། ༩༌༣༧ ངའི༌མཚན༌གྱི༌ཕྱིར༌དུ༌འདི༌འདྲ༌བའི༌བྱིས༌པ༌གཅིག༌བླང༌བ༌དེས༌ང༌བླང༌ ། ང༌བླང༌བ༌དེས༌ང༌ མི༌བླང༌གི ། ང༌མངགས༌མཁན༌དེ༌བླང༌ངོ༌ ། ། གསུངས༌སོ ༎
༩༌༣༨ ། ཡོ༌ཧ༌ནན༌གྱིས ། སྟོན༌པ༌ལགས ། ཁྱེད༌ཀྱི༌མཚན༌བརྗོད༌ཅིང༌འགོང༌པོ༌སྐྲོད༌པ༌ཞིག༌མཐོང༌ ། ང༌ཚོའི༌རྗེས༌འབྲང༌མ༌ཡིན༌པས༌བཀག༌པ༌ཡིན༌ཞུས ། ༩༌༣༩ ཡེ༌ཤུས༌ངའི༌མཚན༌བརྗོད༌ཅིང༌ལྟས༌བསྟན༌ཏེ ། འཕྲལ༌དུ༌ང༌ལ༌ཚིག༌ངན༌ཟེར༌ཐུབ༌མཁན༌མི༌འོང༌ བས ། ཁོ༌མ༌འགེགས༌ཤིག ༩༌༤༠ ། ང༌ཚོར༌དགྲ༌མི༌བྱེད༌པ༌དེས༌ང༌ཚོའི༌ཕྱོགས༌བྱེད༌དོ ། ༩༌༤༡ ཁྱོད༌ཚོས༌མ༌ཤི༌ཀའི༌མཚན༌འཁྱེར༌བས ། ཁྱོད༌ཚོ༌ལ༌ཕོར༌པ༌གང༌འཐུང༌དུ༌སྟེར༌བ༌དེའི༌རྔན༌པ༌ཅི༌ ནས༌ཀྱང༌སྟོར༌བར༌མི༌འགྱུར༌བས༌ངས༌བདེན༌པར༌ཟེར༌རོ ༎
༩༌༤༢ ། ཆུང༌ངུ༌འདི༌རྣམས༌ཀྱི༌ནང༌ནས༌ང༌ལ༌དད༌མཁན༌གཅིག༌གི༌དད༌པ༌ལོག༌འཇུག༌པ༌དེའི༌སྐེ༌ལ༌ རང༌འཐག༌གི༌རྡོ༌ཆེན༌པོ༌བཏགས༌ཏེ ། རྒྱ༌མཚོའི༌ནང༌དབྱུག༌ན༌ཁོའི༌ཕྱིར༌ལེགས༌སོ ། ༩༌༤༣ ། ཁྱོད༌ཀྱི༌ལག༌པས༌ཁྱོད༌ཀྱི༌དད༌པ༌ལོག༌འཇུག༌ན ། གཅོད༌ཅིག ། ལག༌པ༌གཉིས༌མཉམ༌དམྱལ༌བར༌ འགྲོ༌བ༌བས ། ༩༌༤༤ ལག༌རྡུམ༌དུ༌གྱུར༌ཏེ ། ཚེ༌མཐའ༌མེད༌པའི༌ནང༌དུ༌འཇུག༌པ༌ལེགས༌སོ ། ༩༌༤༥ ། ཁྱོད༌ཀྱི༌རྐང༌པས༌ཁྱོད༌ཀྱི༌དད༌པ༌ལོག༌འཇུག༌ན ། གཅོད༌ཅིག ། ༩༌༤༦ རྐང༌པ༌གཉིས༌མཉམ༌དམྱལ༌བར༌སྐྱུར༌བ༌བས ། ཞ༌བོར༌གྱུར༌ཏེ ། ཚེ༌མཐའ༌མེད༌པའི༌ནང༌འཇུག༌པ༌ལེགས༌སོ ། ༩༌༤༧ ། ཁྱོད༌ཀྱི༌མིག༌གིས༌ཁྱོད༌ཀྱི༌དད༌པ༌ལོག༌འཇུག༌ན ། ཕྱུངས༌ཤིག ། མིག༌གཉིས༌མཉམ༌དམྱལ༌ བར༌སྐྱུར༌བ༌བས ། མིག༌ཡ༌གཅིག༌མཉམ༌དུ༌དཀོན༌མཆོག༌གི༌རྒྱལ༌སྲིད༌ནང༌འཇུག༌པ༌ལེགས༌སོ ། ༩༌༤༨ ། དེ༌རྣམས༌ཟ༌བའི༌དམྱལ༌བའི༌འབུ༌ཡང༌མི༌འཆི ། མི༌ཡང༌མི༌འཆིའོ ། ༩༌༤༩ ། མི༌རེ༌རེ༌མེ༌ཡིས༌ལན༌ཚ༌བར༌བྱེད༌པར༌འགྱུར༌རོ ། ༩༌༥༠ ། ཚ༌ལེགས༌ཀྱང༌ ། ཚའི༌བྲོ༌བ༌ཡལ༌ན ། ཅི༌ཡིས༌ལན༌ཚ༌བར༌བྱ ། རང༌གི༌ནང༌ན༌ཚ༌དང༌ལྡན༌ པར༌གྱུར༌ཅིང༌ ། ཕན༌ཚུན༌མཐུན༌ནས༌སྡོད༌ཅིག ། ༎
༡༠༌༡ ། དེ༌ནས༌བཞེངས༌ཏེ ། ཡ༌ཧུ༌དའི༌མཐའ༌འཁོར༌དང༌ ། ཡོར༌དན༌གྱི༌ཕ༌རོལ༌གྱི༌ཡུལ༌དུ༌ཕེབས༌པ༌ དང༌ ། སླར༌མི༌ཚོགས༌སྐུ༌དྲུང༌དུ༌འཛོམས༌པས ། དུས༌རྒྱུན༌བཞིན༌དུ༌སླར༌དེ༌རྣམས༌ལ༌ཆོས༌བསྟན༌ཏོ ། ༡༠༌༢ ། ཕ༌རུ༌ཤི༌པ༌རེ༌འོངས༌ཏེ ། ཚོད༌ལྟ༌བའི༌ཕྱིར ། སྐྱེས༌པས༌ཆུང༌མ༌འཕྲལ༌ཆོག༌གམ ། ཞེས༌བཀའ༌ འདྲི༌ཞུས༌པ༌དང༌ ། ༡༠༌༣ བཀའ༌ལན༌དུ ། མོ༌ཤེས༌ཁྱོད༌ལ༌བཀའ༌ཅི༌གནང༌གསུངས༌པས ། ༡༠༌༤ དེ༌དག༌གིས ། མོ༌ཤེས༌ནི༌འབྲལ༌ཡིག༌བྲིས༌ནས༌འབྲལ༌བའི༌དགོངས༌པ༌གནང༌ངོ༌ཞུས༌སོ ། ༡༠༌༥ ། ཁྱེད༌ཀྱི༌སཉིང༌གྱོང༌བས༌བཀའ༌ཁྲིམས༌འདི༌བྲིས༌ཀྱི ༡༠༌༦ འཇིག༌རྟེན༌བཀོད༌པ༌ནས ། དཀོན༌མཆོག༌གིས༌མི༌ཕོ༌མོར༌མཛད༌པ༌ཡིན ། ༡༠༌༧ དེའི༌ཕྱིར༌སྐྱེས༌པས༌ཕ༌མ༌བཞག༌ནས ། ཆུང༌མ༌མཉམ༌འགྲོགས༌ཤིང༌ ། ༡༠༌༨ དེ༌གཉིས༌གཅིག༌ཏུ༌འགྱུར༌འོང༌ ། དེས༌ན༌དེ༌དག༌གཉིས༌མིན༌ཏེ ། གཅིག༌ཡིན༌ནོ ། ༡༠༌༩ ། དཀོན༌མཆོག༌གིས༌སྦྲེལ༌བ༌དེ༌མིས༌མ༌འཕྲལ༌ཞིག༌གསུངས༌སོ ། ༡༠༌༡༠ ། ཁྱིམ༌དུ༌ཉེ༌གནས༌རྣམས༌ཀྱིས༌དེའི༌སྐོར༌སླར༌ཡང༌བཀའ༌འདྲི༌ཞུས༌པ༌དང༌ ། ༡༠༌༡༡ ཆུང༌མ༌འཕྲལ༌ཏེ༌གཞན༌ཞིག༌བླང༌བ༌དེས༌ལོག༌གཡོམ༌བྱེད༌དོ ། ༡༠༌༡༢ ། ཆུང༌མས༌ཁྱོ༌བོ༌འཕྲལ༌ནས༌གཞན༌ཞིག༌བླང༌ན༌ལོག༌གཡེམ༌བྱེད༌དོ༌གསུངས༌སོ ༎
༡༠༌༡༣ ། མི༌རྣམས༌ཀྱིས༌བྱིས༌པ༌རེ༌ཁོང༌གི༌སྐུ༌དྲུང༌དུ༌ཕྱག༌རེག༌ཕྱིར༌སྐྱེལ༌བ༌དང༌ ། ཉེ༌གནས༌ཀྱིས༌ བཀག༌པ༌ལས ། ༡༠༌༡༤ ཡེ༌ཤུས༌གཟིག༌ནས༌ཐུགས༌ཁྲོས༌ཏེ ། དེ༌རྣམས༌ལ ། དཀོན༌མཆོག༌གི༌རྒྱལ༌སྲིད༌ནི༌འདི༌འདྲ༌བ༌ རྣམས༌ཀྱི༌ཡིན༌པས ། བྱིས༌པ༌མ༌དགག༌པར༌ངའི༌དྲུང༌དུ༌འོང༌དུ༌ཆུག༌ཅིག ༡༠༌༡༥ ། དཀོན༌མཆོག༌གི༌རྒྱལ༌སྲིད༌བྱིས༌པས༌བླང༌བ༌ལྟར༌མི༌བླང༌བ༌དེ༌ནི༌དེའི༌ནང༌དུ༌མི༌ཆུད༌ཅེས༌ ངས༌བེདན༌པར༌ཟེར༌གསུངས༌ནས ། ༡༠༌༡༦ བྱིས༌པ༌སྐུ༌པང༌ལ༌བསྣམས༌ནས ། ཕྱག༌བཞག༌ཅིང༌བྱིན༌གྱིས༌བརླབས༌སོ ༎
༡༠༌༡༧ ། དེ༌ནས༌ལམ༌ཐོག༌ཕེབ༌པའི༌ཆོ ། མི༌ཞིག༌སྐུ༌དྲུང༌དུ༌རྒྱུགས༌འོངས༌ཏེ ། བུས༌མོ༌བཙགས༌ནས ། སྟོན༌པ༌བཟང༌པོ༌ལགས ། ཆོ༌མཐའ༌མེད༌པ༌ཐོབ༌པའི༌ཕྱིར༌ངས༌ཅི༌བྱ ། ཞེས༌ཞུས༌པ༌དང༌ ། ༡༠༌༡༨ ཡེ༌ཤུས ། ཅིའི༌ཕྱིར༌ང༌ལ༌བཟང༌པོ༌ཟེར ། དཀོན༌མཆོག༌གཅིག༌མ༌གཏོགས༌པར༌བཟང༌པོ༌སུའང༌ མེད ། ༡༠༌༡༩ མི༌མ༌གསོད ། ལོག༌གཡེམ༌མ༌བྱེད ། མ༌རྐུ ། རྗུན༌གྱི༌དཔང༌པོ༌མ༌བྱེད ། མགོ༌མ༌སྐོར ། ཕ༌དང༌མ༌ལ༌བཀུར༌སྟི༌བྱོས༌ཤིག ། བཀའ༌དེ༌རྣམས༌ཁྱོད༌ཀྱིས༌ཤེས༌སོ༌གསུངས༌པ༌དང༌ ། ༡༠༌༢༠ སྟོན༌པ༌ལགས ། དེ༌ཐམས༌ཅད༌ངས༌ཆུང༌དུས༌ནས༌བསྲུངས༌པ༌ཡིན༌ཞུས༌སོ ། ༡༠༌༢༡ ། ཡེ༌ཤུས༌དེ༌ལ༌གཟིགས༌ཤིང༌ཐུགས༌བརྕེར༌དགོངས༌ནས༌དེ༌ལ ། ཁྱོད༌ནང༌གཅིག༌མ༌ཚང༌བས ། སོང༌ལ ། ཇི༌ཡོད༌ཐམས༌ཅད༌བཙང༌སྟེ ། དབུལ༌པོ༌ལ༌ཐོང༌ཞིག༌དང༌ ། ནམ༌མཁའ༌རུ༌ཁྱོད༌ལ༌གཏེར༌ཐོབ༌འོང༌ ། ཡང༌འོངས༌ཏེ༌ ངའི༌རྗེས༌སུ༌འབྲོང༌ཞིག༌གསུངས༌སོ ། ༡༠༌༢༢ ། ཁོ༌ལ༌ནོར༌མང༌པོ༌ཡོད༌པས ། གསུང༌དེ༌ཐོས༌ནས༌ངོ༌ནག༌པར༌གྱིར༌ཏེ༌འཚེར༌གྱིན༌སོང༌ངོ༌ ། ༡༠༌༢༣ ། ཡེ༌ཤུས༌འཁོར༌ལ༌གཟིགས༌ཤིང༌ ། ཉེ༌གནས༌རྣམས༌ལ ། ཕྱུག༌པོ༌དཀོན༌མཅོག༌གི༌རྒྱལ༌སྲིད༌ ནང༌ཆུད༌པ༌ཤིན༌ཏུ༌དཀའོ ། ༡༠༌༢༤ ། གསུངས༌པ༌ལས༌ཉེ༌གནས༌རྣམས༌ངོ༌མཚར༌དུ༌གྱུར༌ཏོ ། ། སླར༌ཡེ༌ཤུས ། བུ༌རྣམས ། དཀོན༌མཆོག༌གི༌རྒྱལ༌སྲིད༌ནང༌ཆུད༌པ༌ནི༌ཤིན༌ཏུ༌དཀའ༌འོ ། ༡༠༌༢༥ ། ཕྱུག༌པོ༌དཀོན༌མཆོག༌གི༌རྒྱལ༌སྲིད༌ནང༌ཆུད༌པ༌བས ། རྔ༌མོང༌ཁབ༌མིག༌ནང༌ཆུད༌པ༌སླའོ༌ གསུངས༌པས ། ༡༠༌༢༦ དེ༌རྣམས༌ངོ༌མཚར༌ཆེ༌བར༌གྱུར༌ཏེ ། འོ༌ན༌སུ༌ཐར༌ཐུབ༌ཞུས༌པ༌དང༌ ། ༡༠༌༢༧ དེ༌རྣམས༌ལ༌གཟིགས༌ཏེ ། མི༌ལ༌མི༌ཐུབ༌ཀྱང༌ ། དཀོན༌མཆོག༌ལ༌ཐུབ༌བོ ། ། དཀོན༌མཆོག༌ལ༌ ཐམས༌ཅད༌ཐུབ༌བོ ། ། ཞེས༌གསུངས༌སོ ༎
༡༠༌༢༨ པེ༌དྲོས༌ཁོང༌ལ ། གཟིགས༌ཤིག ། ང༌ཚོས༌ཐམས༌ཅད༌སྤངས༌ཏེ ། ཁྱེད༌ཀྱི༌ཞབས༌རྗེས༌སུ༌འབྲངས༌ པ༌ཡིན༌ཞུས༌པ༌དང༌ ། ༡༠༌༢༩ ཡེ༌ཤུས ། ང༌དང༌ཕྲིན༌བཟང༌གི༌དོན༌ལ༌གང༌པའམ ། ཕུ༌ནུའམ ། སྲིང༌མོའམ ། ཕ༌མའམ ། ཆུང༌ མའམ ། ཕྲུ༌གུའམ ། ཞིང༌སྤང༌མཁན༌ལ ། ༡༠༌༣༠ ད༌ལྟ༌ཚེ༌འདི༌ནང༌གནོད༌འཚེ༌མཉམ༌ཁང༌པ༌དང༌ ། ཕུ༌ནུ༌དང༌ ། སྲིང༌མོ༌དང༌ ། མ༌དང༌ ། ཕྲུ༌གུ༌དང༌ ། ཞིང༌སོགས༌བརྒྱ༌འགྱུར༌དང༌ ། མ༌འོངས༌པའི༌དུས༌སུ༌ཚེ༌མཐའ༌མེད༌པ༌མི༌ཐོབ༌པ༌མེད༌ངས༌བདེན༌པར༌ཟེར ། ༡༠༌༣༡ དང༌པོ༌ཡིན༌པ༌མང༌པོ༌མཐའ༌མར༌དང༌ ། མཐའ༌མ༌ཡིན༌པ༌དང༌པོར༌འགྱུར༌འོང༌གསུངས༌སོ ༎
༡༠༌༣༢ ། ཡེ༌རུ༌ཤ༌ལེམ༌དུ༌ཕེབ༌པའི༌ལམ༌ཁར ། ཡེ༌ཤུ༌དེ༌ཚོའི༌སྔོན༌ལ༌བྱོན༌པ༌ལས ། དེ༌དག༌ངོ༌མཚར༌དུ༌ གྱུར༌ཏེ༌རྗེས༌སུ༌འབྲང༌བ༌རྣམས༌འཇིགས༌སྐྲག༌གོ ། སླར༌ཉེ༌གནས༌བཅུ༌གཉིས༌པོ༌སོ༌སོར༌ཁྲིད༌དེ ། ཉིད༌ལ༌འབྱུང༌རྒྱུ༌རྣམས༌བཤད༌ ཅིང༌ ། ༡༠༌༣༣ ལྟོས༌ཤིག ། ང༌ཚོ༌ཡེ༌རུ༌ཤ༌ལེམ༌དུ༌འགྲོ༌སྟེ ། མིའི༌བུ༌བླ༌ཆེན༌དང༌མཁན༌པོ༌རྣམས༌ལ༌བཏད༌ནས ། དེ༌རྣམས༌ཀྱིས༌ཁོང༌གསད༌པའི༌ཁྲིམས༌བཅད༌དེ ། ཕྱི༌པའི༌ལག༌ཏུ༌གཏད༌འོང༌ ། ༡༠༌༣༤ དེ༌རྣམས༌ཀྱིས༌ཁོང༌ལ༌འཕྱ༌བ༌དང༌ ། མཆིལ༌མ༌རྒྱབ༌སྟེ ། རྟ༌ལྕག༌གིས༌བརྡུང༌ཞིང༌ ། འགྲོང༌འོང༌ ། ཞག༌གསུམ༌སོང༌བ༌དང༌ཁོང༌སྐུ༌གསོན༌པོར༌བཞེང༌བར༌འགྱུར༌རོ༌གསུངས༌སོ ༎
༡༠༌༣༥ ། ཟེ༌བད༌ཡའི༌བུ༌ཡ༌ཀོབ༌དང༌ཡོ༌ཧ༌ནན༌གཉིས༌སྐུ༌དྲུང༌དུ༌འོངས༌ནས ། སྟོན༌པ༌ལགས ། ང༌ཚོས༌གང༌ཞུ༌བ༌དེ༌ང༌ཚོའི༌དོན༌ལ༌མཛད༌དུ༌གསོལ༌ཞུས༌པ༌དང༌ ། ༡༠༌༣༦ ཁྱེད༌ཀྱི༌དོན༌ལ༌ངས༌ཅི༌བྱ༌བར༌འདོད༌གསུངས༌པས ། ༡༠༌༣༧ དེ༌དག༌གིས ། ཁྱེད༌ཀྱི༌གཟི༌བརྗིད༌ནང༌ང༌ཚོ༌གཅིག༌ཁྱེད༌ཀྱི༌ཕྱག༌གཡས༌དང༌ ། གཅིག༌ཕྱག༌ གཡོན༌དུ༌སྡོད༌དུ༌གནོང༌ཞུས༌སོ ། ༡༠༌༣༨ ། ཡེ༌ཤུས ། ཇི༌ཞུས༌པ༌ཁྱེད༌ཀྱིས༌མི༌ཤེས༌སོ ། ། ངས༌འཐུང༌བའི༌ཕོར༌པ༌དེ༌འཐུང༌བར༌ནུས༌སམ ། ང༌ལ༌གསོལ༌བའི༌ཁྲུས༌ཏེ༌ལེན༌པར༌ནུས༌སམ༌གསུངས༌པ༌དང༌ ། ༡༠༌༣༩ དེ༌དག༌གིས༌ནུས༌སོ༌ཞུས༌ནས ། ཡེ༌ཤུས ། ངས༌འཐུང༌བའི༌ཕོར༌པ༌དེ༌ཁྱེད༌ཀྱིས༌འཐུང༌འོང༌ ། ང༌ལ༌གསོལ༌བའི༌ཁྲུས༌དེ༌ཁྱེད༌ཀྱིས༌ལེན༌འོང༌ཡང༌ ། ༡༠༌༤༠ ངའི༌གཡས༌གཡོན༌དུ༌སྡོད༌པར༌གནང༌བའི༌དབང༌ང༌ལ༌མེད ། གང༌གི༌ཕྱིར༌གཤམས༌པ༌དེ༌ རྣམས༌ཀྱི༌ཕྱིར༌ཡིན༌གསུངས༌སོ ། ༡༠༌༤༡ ། གཞན༌བཅུ༌པོས༌ཐོས༌ནས༌ཡ༌ཀོབ༌དང༌ཡོ༌ཧ༌ནན༌ལ༌ཁྲོས༌པ༌ལས ། ༡༠༌༤༢ ཡེ༌ཤུས༌དེ༌རྣམས༌བོས༌ནས ། མིའི༌དཔོན༌པོ༌ཡིན༌སེམས༌པ༌རྣམས༌ཀྱིས༌དེ༌ཚོར༌སྲིད༌བྱེད༌པ༌ དང༌ ། མི༌ཆེན༌རྣམས༌ཀྱིས༌དེ༌ཚོར༌དབང༌སྟོན༌པ༌ཁྱོད༌ཅག༌གིས༌ཤེས༌སོ ། ༡༠༌༤༣ ། ཁྱེད༌ཀྱི༌ཁྲོད༌དུ༌དེ༌ལྟར༌མིན ། ཆེན༌པོར༌འགྱུར༌འདོད༌པ༌དེ༌ཁྱེད༌ཚོའི༌ཞབས༌ཕྱིར༌འགྱིར༌ དགོས ། ༡༠༌༤༤ དང༌པོར༌འགྱུར༌འདོད༌པ༌དེ༌ཐམས༌ཅད༌ཀྱི༌གཡོག༌པོར༌འགྱུར༌དགོས ། ༡༠༌༤༥ དེ༌ལྟར༌མིའི༌བུ༌འཇིག༌རྟེན༌དུ༌ཞབས༌ཏོག༌ལེན༌ཕྱིར༌མ༌ཕེབས༌ཀྱིས ། ཞབས༌ཏོག༌ཞུ༌ཞིང༌མང༌ པོའི༌སྲོག༌ཚབ༌ལ༌སྐུ༌སྲོག༌གནང༌བའི༌ཕྱིར༌ཕེབས༌ཞེས༌གསུངས༌སོ ༎
༡༠༌༤༦ ། ཡེ༌རི༌ཀོ༌ལ༌ཕེབས༌ཏེ ། ཉེ༌གནས༌དང༌མི༌ཚོགས༌དང༌བཅས༌དེ༌ནས༌ཐོན༌པ༌དང༌ ། ཏི༌མའི༌བུ༌བར༌ཏི༌མ༌བྱ༌བ༌ཞར༌བསློང༌མཁན༌ཞིག༌ལམ༌ཁར༌བསྡད༌ཡོད༌དེ ། ༡༠༌༤༧ ན༌ཙ༌རེད༌པ༌ཡེ༌ཤུ༌ལགས༌པར༌ཐོས༌ནས ། ད༌བིད༌ཀྱི༌སྲས༌ཡེ༌ཤུ༌ལགས ། ང༌ལ༌ཐུགས༌བརྕེ༌བར༌དགོངས༌ཞེས༌འབོད༌བསྒྲགས༌སོ ། ༡༠༌༤༨ ། མང༌པོས༌ཁ༌བཀག༌ཀྱང༌ ། ཁོས ། ད༌བིད༌ཀྱི༌སྲས༌ལགས ། ང༌ལ༌ཐུགས༌བརྕེ༌བར༌དགོངས༌ཞེས༌ལྷག༌པར༌འབོད༌བསྒྲགས༌སོ ། ༡༠༌༤༩ ། ཡེ༌ཤུས༌དེར༌འཐེན༌ཙམ༌བཞུགས ། ཁོ༌ལ༌བོས༌ཤིག༌གསུངས༌པ༌དང༌ ། དེ༌ཚས༌ལོང༌བ༌ལ ། སེམས༌ལྷོད༌དེར༌སྡོད༌ལོངས༌ཤིག ། ཁོང༌གིས༌ཁྱོད༌ལ༌བཀའ༌གནང༌ངོ༌ཟེར༌ཞིང༌བོས༌སོ ། ༡༠༌༥༠ ། ཁོ༌གོས༌དབྱུགས༌ནས༌རིངས༌སྟབས༌སུ༌ཡེ༌ཤུའི༌དྲུང༌དུ༌འོངས༌སོ ། ༡༠༌༥༡ ། ངས༌ཁྱོད༌ཕྱིར༌ཅི༌བྱེད༌དུ༌འདོད༌གསུངས༌པས ། ལོང༌བས ། ངའི༌སྟོན༌པ༌ལགས ། ངས༌མཐོང༌བར༌འདོད༌དོ༌ཞུས༌པ༌ལས ། ༡༠༌༥༢ ཡེ༌ཤུས ། སོང༌ཞིག ། ཁོད༌ཀི༌དད༌པས༌ཁྱོད༌ཐར༌བ༌ཡིན༌གསུངས༌པ༌དང༌ ། ཁོས༌མཐོང༌ནས ། ཡེ༌ཤུའི༌ཞབས༌རྗེས༌སུ༌འབྲངས༌སོ ༎ ༎
༡༡༌༡ ། ཡེ༌རུ༌ཤ༌ལེམ༌དང༌ཉེ༌བར༌ཁ༌སྐྱུར༌པོའི༌རིའི༌ངོ ལ༌ཡོད༌པའི༌བེད༌ཕ༌གེ༌དང༌བེད༌ཨན༌ཡར༌ ཕེབས༌ནས ། ཡེ༌ཤུས༌ཉེ༌གནས༌གཉིས༌གཏོང༌བར༌མཛད༌ཅིང༌ ། ༡༡༌༢ ཐད༌ཀར༌ཡོད༌པའི༌ཡུལ༌ཚོ༌ལ༌སོང༌ ། དེར༌བསླེབ༌ནས ། ད༌ཐུག༌སུས༌ཀྱང༌མ༌ཞོན༌པའི༌བོང༌ གསར༌བཏགས༌པ༌ཞིག༌མཐོང༌འོང༌ ། དེ༌བཀྲོལ༌ནས༌ཁྲིད༌ཤོག ༡༡༌༣ ། སུ༌ཞིག༌གིས༌འདི༌ཅི༌བྱེད༌འདྲི༌ན ། གཙོ༌བོ༌ལ༌དགོས༌པས ། མྱུར༌དུ༌ལོག༌གཏང༌འོང༌ཟེར༌ཞིག༌ གསུངས༌སོ ། ༡༡༌༤ ། དེ༌གཉིས༌སོང༌སྟེ ། སྒོ༌རྕར༌ལམ༌སྲང༌ནང༌བོང༌གསར༌བཏགས༌པ༌ཞིག༌མཐོང༌ནས༌བཀྲོལ༌ བ༌དང༌ ། ༡༡༌༥ དེར༌ཡོད༌པ༌འགས༌བོང༌གསར༌བཀྲོལ༌ཞིང༌ཅི༌བྱེད༌ཟེར༌བ༌ལས ། ༡༡༌༦ དེ༌དག༌གིས༌ཡེ༌ཤུས༌བཀའ༌སྕལ༌པ༌བཞིན༌དུ༌ཟེར༌བས༌འགྲོ༌རུ༌བཅུག༌གོ ༡༡༌༧ ། བོང༌གསར༌ཡེ༌ཤུའི༌སྐུ༌དྲུང༌དུ༌འཁྲིད༌དེ ། གོས༌རྣམས༌བཀབ༌ནས ། ཁོང༌དེར༌བཅིབས༌སོ ། ༡༡༌༨ ། མི༌མང༌པོས༌ཕེབས༌ལམ༌ལ༌རང༌གི༌གོས༌བཏིང༌སྟེ ། ལ༌ལས༌ཤིང༌གི༌ཡལ༌ག༌བཅད༌ལས༌བཀྲམ༌མོ ། ༡༡༌༩ ། སྐུའི༌རྒྱབ༌མདུན༌ནས༌འབྲང༌མཁན༌རྣམས༌ཀྱིས ། ཧོ༌ཤི༌ཨ༌ན༌བོད༌སྐད༌དུ ། སྐྱབ༌ཏུ༌གསོལ ། གཙོ༌བའི༌ཕྱོགས༌ནས༌འབྱོན༌པ༌བཀྲ༌ཤིས ། ༡༡༌༡༠ ང༌ཚོའི༌ཡབ༌ད༌བིད༌ཀྱི༌རྒྱལ༌སྲིད༌འོང༌བ༌བཀྲ༌ཤིས ། སྟེང༌གི༌གནམ༌ལ༌ཧོ༌ཤི༌ཨ༌ན ། ཞེས༌འབོད༌བསྐྲགས༌སོ ། ༡༡༌༡༡ ། ཡེ༌རུ༌ཤ༌ལེམ༌ནང༌ཕེབས༌ཏེ ། མཆོད༌ཁང༌དུ༌བྱོན༌ནས༌ཕྱོགས༌ཀུན༌དུ༌གཟིགས༌ཏེ ། ཕྱི༌མོར༌སོང༌བ༌དང༌བཅུ༌གཉིས༌པོ༌དང༌བཅས༌བེད༌ཨན༌ཡ༌ལ༌ཕེབས༌སོ ༎
༡༡༌༡༢ ། དེའི༌སང༌ཉིན༌བེད༌ཨན༌ཡ༌ནས༌བཞེངས༌ཏེ ། ཁོང༌བཀྲེས༌ནས ། ༡༡༌༡༣ ཐག༌རིང༌ནས༌ལོ༌མ༌ཡོད༌པའི༌སེ༌ཡབ༌ཤིང༌ཞིག༌གཟིགས༌ནས ། དེ༌ལས༌ཇི༌ཞིག༌ཐོབ༌བམ༌དགོངས༌ ནས༌དེར༌བྱོན༌ཀྱང༌ ། སེ༌ཡབ༌ཡོད༌པའི༌དུས༌མིན༌པས༌ལོ༌མ༌མ༌གཏོགས༌ཅིའང༌མ༌ཐོབ ། ༡༡༌༡༤ ཁོང༌གིས༌ཤིང༌ལ ། ཕྱིན༌ཆད༌སུས༌ཀྱང༌ཁྱོད༌ལས༌ཤིང༌ཏོག༌ནམ༌ཡང༌མི༌ཟ༌བར༌ཤོག ། ཅེས༌གསུངས༌པ༌ཉེ༌གནས༌རྣམས༌ཀྱིས༌ཐོས༌སོ ༎
༡༡༌༡༥ ། ཡེ༌རུ༌ཤ༌ལེམ༌ནང༌ཕེབས༌ཏེ ། མཆོད༌ཁང༌དུ༌གཤེགས༌ནས ། དེར༌ཉོ༌ཚོང༌བྱེད༌མཁན༌རྣམས༌ཕྱི༌ རོལ༌དུ༌འདོན༌ཞིང༌ ། དངུལ༌རྗེ༌མཁན༌གྱི༌ལྕོག༌ཙེ༌དང༌ ། ཕུག༌རོན༌འཚོང༌མཁན༌གྱི༌སྟེགས༌རྣམས༌སློག༌ནས ། ༡༡༌༡༦ སུ༌ལའང༌མཆོད༌ཁང༌རྒྱུད༌དེ༌ཡོ༌བྱད༌འཁྱེར༌དུ༌མ༌གནང༌ངོ༌ ། ༡༡༌༡༧ ། ཆོས༌སྟོན༌ཞིང༌དེ༌རྣམས༌ལ ། ངའི༌ཁང༌པ༌ལ༌མི༌བརྒྱུད༌ཐམས༌ཅད༌ཀྱི༌ཕྱིར༌དུ༌སྨོན༌ལམ༌ཁང༌ ཟེར༌བར༌འགྱུར༌ཞེས༌བྲིས༌མི༌འདུག༌གམ ། འོན༌ཀྱང༌ཁྱོད༌ཚོས༌ཇག༌པའི༌ཚང༌དུ༌བྱས༌གསུངས༌སོ ། ༡༡༌༡༨ ། མི༌ཚོགས༌ཐམས༌ཅད༌ཁོང༌གི༌བསྟན༌པ༌ངོ༌མཚར༌དུ༌གྱུར༌པས ། བླ༌ཆེན༌དང༌མཁན༌པོ༌རྣམས༌ ཀྱིས༌དེ༌ཐོས༌ནས ། ཁོང༌ལ༌འཇིགས༌ཏེ ། ཁོང༌མེད༌པར༌བྱེད༌པའི༌ཐབས༌བཙལ༌ཏོ ། ༡༡༌༡༩ ། ཕྱི༌དྲོར༌རྒྱལ༌སའི༌ཕྱི༌རོལ༌དུ༌ཕེབས༌སོ ༎
༡༡༌༢༠ སྔ༌དྲོ༌ལམ༌ཐོག༌ཏུ ། སེ༌ཡབ༌ཤིང༌དེ༌རྕ༌བ༌ནས༌བསྐམས༌པ༌མཐོང༌ནས ། ༡༡༌༢༡ པེ༌ཏྲོས༌དྲན༌ནས ། སྟོན༌པ༌ལགས ། གཟིགས༌ཤིག ། ད༌ཀྱིས༌དམོད༌པ༌གནང༌བའི༌སེ༌ཡབ༌ཤིང༌ དེ༌བསྐམས༌སོ༌ཞུས༌པ༌དང༌ ། ༡༡༌༢༢ བཀའ༌ལན༌དུ ། དཀོན༌མཆོག༌ལ༌དད༌པ༌བྱོས༌ཤིག ༡༡༌༢༣ ། སུ༌ཞིག༌གིས༌རི༌འདི༌ལ ། ལོངས༌ལ༌རྒྱ༌མཚོར༌ལྕེབ༌ཤིག༌ཟེར༌ཞིང༌སྨྲས༌པ༌བཞིན༌འགྲུབ༌པ༌ལ༌ ཐེ༌ཚོམ༌མེད༌པར༌ཡིད༌ཆེས༌ན༌འགྲུབ༌འོང༌ངས༌ཟེར ། ༡༡༌༢༤ སྨོན༌ལམ༌ནང༌ཅིའི༌ཕྱིར༌ཞུ༌ནའང༌ ། ཐོབ༌ཟིན༌པ༌ལ༌དད༌པ༌བྱོས༌ཤིག ། འཐོབ༌པར༌འགྱུར༌ ངས༌ཟེར༌རོ ། ༡༡༌༢༥ ། ཁྱོད༌ཀྱི༌ནམ༌མཁའི༌ཡབ༌ཀྱིས༌ཀྱང༌ཁྱོད༌ཀྱི༌ཉེས༌པ༌སེལ༌བའི༌ཕྱིར ། ལངས༌ནས༌སྨོན༌ལམ༌ འདེབས༌པའི༌ཚེ ། ༡༡༌༢༦ སུ༌དང༌འཁོན༌ཡོད༌ན༌སེལ༌ཞིག ། ༡༡༌༢༧ ། སླར༌ཡེ༌རུ༌ཤ༌ལེམ༌དུ༌ཕེབས༌ནས ། མཆོད༌ཁང༌ནང༌ཞབས༌འཆག༌མཛད༌པ༌ལས ། བླ༌ཆེན༌དང༌ ། མཁན༌པོ༌དང༌ ། རྒན༌པོ༌རེ༌སྐུ༌དྲུང༌དུ༌འོངས༌ནས༌ཁོང༌ལ ། ༡༡༌༢༨ འདི༌རྣམས༌དབང༌གང༌གིས༌མཛད ། འདི༌རྣམས༌མཛད༌པའི༌དབང༌སུས༌ཁྱེད༌ལ༌ཕུལ༌ཞུས༌པ༌ དང༌ ། ༡༡༌༢༩ ཡེ༌ཤུས ། ངས༌ཁྱེད༌ཚོར༌དྲི༌བ༌ཞིག༌འདྲི ། ལན༌གཏོང༌ན༌ངས༌འདི༌རྣམས༌དབང༌གང༌གིས༌བྱེད༌ པ༌འཆད༌འོང༌ ། ༡༡༌༣༠ ཡོ༌ཧ༌ནན༌གྱི༌ཁྲུས༌གསོལ༌དེ༌ནམ༌མཁའ༌ནས༌བྱུང༌ངམ༌མི༌ནས༌བྱུང༌ལན༌ཐོང༌ཞིག༌གསུངས༌པ༌ དང༌ ། ༡༡༌༣༡ དེ༌རྣམས༌ཀྱིས༌ཕན༌ཚུན༌གླེང༌ཞིང༌ ། ནམ༌མཁའ༌ནས༌བྱུང༌ཟེར༌ན ། ཁོང༌གིས༌ཁྱེད༌ཚོས༌ཁོང༌ལ༌ ཅིའི༌ཕྱིར༌ཡིན༌མ༌ཆེས༌གསུང༌འོང༌ ། ༡༡༌༣༢ མི༌ནས༌བྱུང༌ཟེར༌ན ། མི༌ཐམས༌ཅད༌ཀྱིས༌ཡོ༌ཧ༌ནན༌བདེན༌པར༌ལུང༌སྟོན༌པར༌བརྕིས༌པའི༌རྐྱེན༌ གྱིས༌མི༌རྣམས༌ལ༌འཇིགས༌པས༌ཞུ༌ལན༌དུ ། ༡༡༌༣༣ ང༌ཚོས༌མི༌ཤེས༌སོ༌ཤུས༌པ༌དང༌ ། ཡེ༌ཤུས ། ངས༌ཀྱང༌དབང༌གང༌གིས༌འདི༌རྣམས༌བྱེད༌པ༌མི༌ བཤད༌གསུངས༌སོ ༎
༡༢༌༡ ། དཔེའི༌སྒོ༌ནས༌གསུང༌ཞིང༌ ། མི༌ཞིག༌གིས༌རྒུན༌ཚལ༌བཙུགས༌ཏེ ། ར༌བས༌བསྐོར ༌ འཚིར༌གཞོང༌ བྲུས ། སྤེའུ༌བརྕིགས ། ཚལ༌མཁན༌ལ༌བཏད༌ནས༌ཡུལ༌གཞན༌དུ༌སོང༌ངོ༌ ། ༡༢༌༢ ། དུས༌རན༌ནས ། འབྲས༌བུའི༌སྐལ༌བ༌ལེན༌པའི༌ཕྱིར༌གཡོག༌པོ༌ཞིག༌རྒུན༌ཚལ༌མཁན༌གྱི༌རྕར༌བཏང༌ བ༌དང༌ ། ༡༢༌༣ དེ༌རྣམས༌ཀྱིས༌ཁོ༌བཟུང༌ནས༌བརྡངས༌ཏེ ། སྟོང༌པར༌བཏང༌ངོ༌ ། ༡༢༌༤ ། གཡོག༌པོ༌གཞན༌ཞིག༌བཏང༌ནས ། དེ༌རྣམས༌ཀྱིས༌ཁོའི༌མགོ༌ལ༌རྡུང༌ཞིང༌དམའ༌འབེབས༌བྱས༌སོ ། ༡༢༌༥ ། སླར༌གཅིག༌བཏང༌ནས༌བསད༌དོ ། ། ཡང༌གཞན༌མང༌པོའི༌ནང༌ནས ། ཁ༌ཅིག༌ལ༌བརྡུངས ། ཁ༌ཅིག༌ནི༌བསད༌དོ ། ༡༢༌༦ ། ད༌ཁོ༌ལ༌གཅིག༌ལས༌མེད༌དེ ། དེ༌ནི༌བུ༌གཅིག༌པུ༌སྟེ ། ངའི༌བུལ༌བཀུར༌སྟི༌བྱེད༌འོང༌ཟེར༌ནས ། མཐར༌དེའང༌དེ༌རྣམས༌ཀྱི༌རྕར༌བཏང༌ངོ༌ ། ༡༢༌༧ ། རྒུན༌ཚལ༌མཁན༌རྣམས༌ཀྱིས༌ཕན༌ཚུན༌གཏམ༌བྱེད༌ཅིང༌ ། འདི༌ནི༌བརྒྱུད༌འཛན༌ཡིན༌ཏེ ། ཤོག༌ཅིག ། བསད༌ན༌ནོར༌སྐལ༌ང༌ཚོར༌ཐོབ༌འོང༌ཟེར༌ནས ། ༡༢༌༨ བཟུང༌ནས༌བསད༌དེ ། རྒུན༌ཚལ༌གྱི༌ཕྱི༌རོལ༌དུ༌དབྱུག༌གོ ༡༢༌༩ ། ད༌རྒུན༌ཚལ༌གྱི༌བདག༌པོས༌ཅི༌བྱ ། ཁོ༌འོང༌ནས༌རྒུན༌ཚལ༌མཁན༌རྣམས༌བསད༌ནས ། རྒུན༌ཚལ༌གཞན༌ལ༌གཏང༌འོང༌ ། ༡༢༌༡༠ ། རྕིག༌དཔོན༌རྣམས༌ཀྱིས༌སྤངས༌པའི༌རྡོ ། ། དེ༌ཀ༌ཟུར༌རྡོ༌ཆེན༌པོར༌གྱུར ། ༡༢༌༡༡ ། འདི༌ནི༌གཙོ༌བོའི༌མཛད༌པ༌ཡིན ། ། ང༌ཚོའི༌མིག༌ལ༌ངོ༌མཚར༌ཆེ ། ཞེས༌པའི༌གསུང༌མ༌བཀླགས༌སམ༌གསུངས༌སོ ། ༡༢༌༡༢ ། དཔེ༌དེ༌ནི༌དེ༌རྣམས༌ལ༌ཕོག༌ཏུ༌གསུངས༌པ༌ཤེས༌ནས ། ཁོང༌འཛན༌པར༌བརྕམས༌ཀྱང༌ ། མི༌ཚོགས༌ལ༌འཇིགས༌ནས༌བཞག༌ནས༌སོང༌ངོ༌ ༎
༡༢༌༡༣ ། ཁོང༌གཏམ༌ནང༌འཛིན༌པའི༌ཕྱིར ། ཕ༌རུ༌ཤི༌པ༌དང༌ ། ཧེ༌རོ༌དེའི༌ཕྱོགས༌གཏོགས༌རེ༌ཁོང༌ གི༌དྲུང༌དུ༌བཏང༌བ༌དང༌ ། ༡༢༌༡༤ མཇལ༌ནས ། སྟོན༌པ༌ལགས ། ཁྱེད༌ནི༌དྲང༌པོ༌ཡིན༌ཅིང༌མིའི༌ངོ༌མི༌སྲུང༌བ༌དང༌ ། ཕྱོགས༌རིས༌མེད༌པར ། དཀོན༌མཆོག༌གི༌ལམ༌དྲང༌པོར༌སྟོན༌པ༌ང༌ཚོས༌ཤེས༌སོ ། ། རྒྱལ༌པོ༌ཆེན༌པོ༌ལ༌ཁྲལ༌འཇལ༌བར༌རུང༌ངམ༌མི༌ རུང༌ ། ༡༢༌༡༥ ང༌ཚོས༌གཏང༌ངམ༌མི༌གཏང༌ ། ཞུས༌པ༌དང༌ ། ཁོང༌གིས༌དེ༌རྣམས༌ཀྱི༌གཡོ༌སྒྱུ༌མཁྱེན༌ནས ། ཁྱེད༌ཀྱིས༌ཅི༌ལ༌ངའི༌ཚོད༌ལེན ། བལྟ༌ཕྱིར༌དི༌ནར༌ཞིག༌ཁྱེར༌ཤོག༌གསུངས༌ནས ། ༡༢༌༡༦ ཕུལ༌པས ། ཁོང༌གིས ། གཟུགས༌དང༌ཡི༌གེ༌འདི༌སུའི༌ཡིན༌གསུངས༌ནས ། རྒྱལ༌པོ༌ཆེན༌པོའི༌ཡིན༌ཞུས༌སོ ། ༡༢༌༡༧། ཡེ༌ཤུས ། རྒྱལ༌པོའི༌ཡིན༌པ༌དེ༌རྒྱལ༌པོར༌ཕུལ ། དཀོན༌མཆོག༌གི༌ཡིན༌པ༌དེ༌དཀོན༌མཆོལ༌ལ༌ཕུལ༌ གསུངས༌པས༌དེ༌རྣམས༌ངོ༌མཚར༌ཆེ༌བར༌གྱུར༌ཏོ ༎
༡༢༌༡༨ ། གཤིན༌པོ༌རྣམས༌གསོན༌པོར༌མི༌ལང༌ཟེར༌བའི༌སད༌དུ༌ཀི༌པའམ༌དབུ༌ཆོས༌པ༌རེ༌སྐུ༌དྲུང༌དུ༌འོངས༌ ནས ། ༡༢༌༡༩ སྟོན༌པ༌ལགས ། མི༌ཞིག༌གི༌སྤུན༌ཕྲུ༌གུ༌མེད༌པར༌ཤི༌སྟེ ། ཆུང༌མ༌ལུས༌ན ། མི༌དེས༌རང༌གི༌སྤུན༌དེའི༌ ཕྱིར༌བརྒྱུད༌སྐྱེད༌པའི༌དོན༌དུ༌མོ༌ཆུང༌མར༌བླང༌དགོས༌ཞེས༌མོ༌ཤེས༌ང༌ཚོའི༌ཕྱིར༌བྲིས༌སོ ། ༡༢༌༢༠ ། སྤུན༌བདུན༌ཡོད༌དེ ། དང༌པོ༌ཆུང༌མ༌བླངས༌ནས༌བུ༌མེད༌པར༌ཤི ། ༡༢༌༢༡ གཉིས༌པས༌དེ༌ཆུང༌མར༌བླངས༌ཏེ༌བུ༌མེད༌པར༌ཁོའང༌ཤི ། གསུམ༌པ༌ལའང༌དེ༌བཞིན༌དུ༌སོང༌ནས ། ༡༢༌༢༢ བདུན༌པོས༌དེ༌བླངས༌ནས༌བུ༌མ༌འབྱོར ། མཐར༌བུད༌མེད༌དེའང༌ཤིའོ ། ༡༢༌༢༣ ། དེ༌ནི༌བདུན༌པོའི༌ཆུང༌མར༌གྱུར༌པས ། གཤིན༌པོ༌རྣམས༌ལང༌བའི༌ཚེ ། མོ༌སུའི༌ཆུང༌མར༌འགྱུར༌ འོང༌ཞུས༌སོ ། ༡༢༌༢༤ ། ཡེ༌ཤུས ། ཁྱེད༌ཚོས༌གསུང༌རབ༌དང༌དཀོན༌མཆོག༌གི༌མཐུ༌སྟོབས༌མི༌ཤེས༌པའི༌རྐྱེན༌གྱིས༌ལམ༌ མ༌ནོར༌ནམ ། ༡༢༌༢༥ ཤིན༌པོ༌རྣམས༌ལང༌བའི༌དུས༌སུ ། བག༌མ༌མི༌བླང༌བག༌མར༌མི༌འགྲོ༌སྟེ༌ནམ༌མཁའི༌ཕོ༌ཉ༌དང༌ འདྲའོ ། ༡༢༌༢༦ ། གཤིན༌པོ༌ལང༌བའི༌སྐོར༌ལ ། མོ༌ཤེའི༌མདོ༌ནང༌ཚེར༌མའི༌ཕྲོས༌ཡོད༌སར ། དཀོན༌མཆོག༌གིས༌ ཁོང༌ལ ། ང༌ནི༌ཨབ༌ར༌ཧམ༌གྱི༌དཀོན༌མཆོག༌དང༌ ། ཨི༌སག༌གི༌དཀོན༌མཆོག༌དང༌ ། ཡ༌ཀོབ༌ཀྱི༌དཀོན༌མཆོག༌ཡིན༌གསུངས༌པ༌མ༌ བཀླགས༌སམ ། ༡༢༌༢༧ གཤིན༌པོ༌རྣམས༌ཀྱི༌དཀོན༌མཆོག༌མ༌ཡིན༌ཏེ ། གསོན༌པོ༌རྣམས༌ཀྱི༌དཀོན༌མཆོག༌ལགས༌པས ། ཁྱེད༌ཤིན༌ཏུ༌ལམ༌ནོར༌རོ༌གསུངས༌སོ ༎
༡༢༌༢༨ ། མཁན༌པོ༌ཞིག༌འོངས༌ནས༌དེ༌ཚོ༌རྕོད༌པར༌ཐོས༌ཤིང༌ ། ཁོང༌གིས༌བཀའ༌ལན༌ལེགས༌པར༌གནང༌ བ༌མཐོང༌བས ། ཁོང༌ལ ། བཀའ༌རྒྱའི༌ནང༌ནས༌ཆེ༌ཤོས༌དེ༌གང༌ཡིན༌ཞུས༌སོ ། ༡༢༌༢༩ ། ཡེ༌ཤུས༌དཀའ༌ལན༌དུ ། ཀྱེ༌ཨིས༌ར༌ཨེལ༌ཉོན༌ཞིག ། ང༌ཚོའི༌གཙོ༌བོ༌དཀོན༌མཆོག༌ནི ། གཙོ༌བོ༌གཅིག༌ལགས༌ཏེ ། ༡༢༌༣༠ རང༌གི༌གཙོ༌བོ༌དཀོན༌མཆོག༌ལ༌སྙིང༌ཧྲིལ༌པོ༌དང༌ ། སེམས༌ཧྲིལོ༌པོ༌དང༌ ། ཡིད༌ཧྲིལ༌པོ༌དང༌ ། ཤེད༌ཧྲིལ༌པོས༌གཅེས༌པར༌ཟུངས༌ཤིག ། ཅེས༌པའི༌བཀའ༌རྒྱ༌ཆེ༌ཤོས༌ཡིན ། ༡༢༌༣༡ གཉིས༌པ༌འདི༌ཡིན ། ཁྱིམ༌མཚེས༌ལ༌རང༌དང༌འདྲ༌བར༌གཅེས༌པར༌ཟུངས༌ཤིག ། འདི༌གཉིས༌ལས༌ཆེ༌བའི༌དཀའ༌རྒྱ༌གཞན༌མེད༌གསུངས༌སོ ། ༡༢༌༣༢ ། མཁན༌པོས༌སྟོན༌པ༌ལགས ། དེ༌ལེགས༌སོ ། ། དཀོན༌མཆོག༌གཅིག༌གོ ། ཁོང༌མིན༌པར༌གཞན༌ མེད༌ཅེས༌ཁྱེད༌ཀྱིས༌བདེན༌པར༌གསུངས༌སོ ། ༡༢༌༣༣ ། ཁོང༌ལ༌སྙིང༌ཧྲིལ༌པོ༌དང༌ ། བློ༌གྲོས༌ཧྲིལ༌པོ༌དང༌ ། ཤེད༌ཧྲིལ༌པོས༌གཅེས༌པ༌དང༌ ། ཁྱིམ༌མཚེས༌ལ༌རང༌དང༌འདྲ༌བར༌གཅེས༌པ༌ནི ། སྤྱིན༌སྲེག༌དང༌ ། དམར༌མཆོད༌ཐམས༌ཅད༌ལས༌དྲག༌ཤོས༌ཡིན༌ཞུས༌སོ ། ༡༢༌༣༤ ། དེས༌མཁས༌པའི༌ལུགས༌སུ༌ལན༌བཏབ༌པར༌གཟིགས༌ནས ། ཡེ༌ཤུས ། ཁྱེད༌དཀོན༌མཆོག༌གི༌ རྒྱལ༌སྲིད༌དང༌ཐག༌རིང༌མི༌འདུག༌གསུངས༌སོ ། ། ཕྱིན༌ཆད༌སུས༌ཀྱང༌ཁོང༌ལ༌བཀའ༌འདྲི༌ཞུ༌མ༌སྤོབས༌སོ ༎
༡༢༌༣༥ ། མཆོད༌ཁང༌དུ༌ཆོས༌སྟོན༌ཞིང༌ཡེ༌ཤུས ། མཁན༌པོ༌རྣམས༌ཀྱིས༌མ༌ཤི༌ཀ༌ནི༌ད༌བིད༌ཀྱི༌སྲས༌ཡིན༌ ཅི༌ལྟར༌ཟེར ། ༡༢༌༣༦ ད༌བིད༌རང༌གིས༌དམ༌པའི༌ཐུགས༌ཉིད༌ཀྱི༌ངང༌ན ། ། དཀོན༌མཆོག༌གིས༌ནི༌ངའི༌གཙོ༌བོར ། ། ང༌ཡིས༌ཁྱེད༌ཀྱི༌དགྲ༌བོ༌རྣམས ། ། ཁྱེད༌ཀྱི༌ཞབས༌འོག༌བཞག༌པའི༌བར ། ། ང༌ཡི༌གཡས༌སུ༌བཞུགས༌ཤིག༌གསུང༌ ༎
སྨྲ༌ཞིང༌ ། ༡༢༌༣༧ ད༌བིད༌རང༌གིས༌ཁོང༌ལ༌གཙོ༌བོ༌ཞུ༌བས ། དེའི༌སྲས༌ཅི༌ལྟར༌ཡིན༌གསུངས༌སོ ། ། མི༌ཚོགས༌ཀྱིས༌ སེམས༌དགའ༌ཞིང༌ཁོང༌གི༌གསུང༌ལ༌ཉན༌ཏོ ༎
༡༢༌༣༨ ། ཆོས༌སྟོན༌ཞིང༌འདི༌སྐད༌དུ ། མཁན༌པོ༌ལས༌ཟོན༌བྱོས༌ཤིག ། དེ༌རྣམས༌གོས༌རིང༌མོ༌གོན༌ཏེ༌ འགྲུལ༌བ༌དང༌ ། ཁྲོམ༌ནང༌ཕྱག༌དང༌ ། ༡༢༌༣༩ འདུ༌ཁང༌ནང༌ཁྲི༌མཐོ༌བ༌དང༌ ། མགྲོན༌ལ༌གྲལ༌འགོར༌སྡོད༌པར༌དགའ༌ཞིང༌ ། ༡༢༌༤༠ མོ༌རེང༌མའི༌ཁང༌པའང༌ཟ༌ཞིང༌ ། མི༌ལ༌སྟོན༌ཕྱིར༌སྨོན༌ལམ༌རིང༌མོ༌འདེབས༌པས ། ལྷག༌པར༌ཆད༌པ༌འཕོག༌འོང༌གསུངས༌སོ ༎
༡༢༌༤༡ ། དཀོར༌མཛོད༌ཀྱི༌ཐད༌ཀར༌བཞུགས༌ཏེ ། མི༌ཆོགས༌ཀྱིས༌དཀོར༌མཛོད༌ནང༌དངུལ༌ཇི༌ལྟར༌ འབུལ༌བ༌ལ༌གཟིགས༌སོ ། ། ཕྱུག༌པོ༌མང༌པོས༌མང༌པོ༌ཕུལ༌ཞིང༌ ། ༡༢༌༤༢ མོ༌རེང༌མ༌དབུལ༌མོ༌ཞིག༌འོངས༌ནས ། དོང༌ཙེ༌ཆུང༌བ༌གཉིས༌ཕུལ༌ཏོ ། ༡༢༌༤༣ ། ཁོང༌གིས༌ཉེ༌གནས༌རྣམས༌བོས༌ནས ། དཀོར༌མཛོད༌ནང༌དངུལ༌ཕུལ༌མཁན༌ཀུན༌ལས༌མོ༌རེང༌ མ༌དབུལ༌མོ༌འདིས༌མང༌བར༌ཕུལ༌ཏོ༌ངས༌བདེན༌པར༌ཟེར ། ༡༢༌༤༤ ཐམས༌ཅད༌ཀྱིས༌ནོར༌མང༌པོ༌ཡོད༌པའི༌ནང༌ནས༌ཕུལ ། མོས༌དཀོན༌པའི༌ནང༌ནས༌ཚེ༌ཕྱིད༌ ཕྱིར༌ཇི༌ཡོད༌པ༌ཐམས༌ཅད༌ཕུལ༌ཏོ༌གསུངས༌སོ ༎ ༎
༡༣༌༡ ། མཆོད༌ཁང༌ནས༌ཕྱི༌རོལ༌དུ༌ཕེབས༌པ༌ལས ། ཉེ༌གནས༌གཅིག༌གིས ། སྟོན༌པ༌ལགས ། ཇི༌ལྟ༌བུའི༌རྡོ༌དང༌ ། ཁང༌རྒྱ༌འདུག ། གཟིགས༌ཤིག༌ཞུས༌པ༌དང༌ ། ༡༣༌༢ ཡེ༌ཤུས ། ཁང༌རྒྱ༌ཆེན༌པོ༌འདི༌མཐོང༌ངམ ། རྡོ༌གཅིག༌ཀྱང༌མ༌ལུས༌པར༌རློག༌པར༌འགྱུར༌ གསུངས༌སོ ། ༡༣༌༣ ། ཡང༌ཁ༌སྐྱུར༌པོའི༌རི༌ལ ། མཆོད༌ཁང༌གི༌ཐད༌ཀར༌བཞུགས༌ཡོད༌པའི༌ཚེ ། པེ༌ཧྲོ༌དང༌ ། ཡ༌ཀོབ༌དང༌ ། ཡོ༌ཧ༌ནན༌དང༌ ། ཨན༌དྲེ༌ཡས༌ཟུར༌དུ༌ཁོང༌ལ ། ༡༣༌༤ དེ༌ནམ༌འབྱུང༌འོང༌ ། དེ༌རྣམས༌འགྲུབ༌དུས༌ཀྱི༌རྟགས༌ཅི༌ཡིན༌ང༌ཚོར༌འཆད༌དུ༌གསོལ༌ཞུས༌པ༌ དང༌ ། ༡༣༌༥ ཡེ༌ཤུས༌བཀའ༌ལན༌དུ ། ཁྱེད༌སླུ༌བར༌མ༌འགྱུར༌ཞིག ༡༣༌༦ ། མང༌པོས༌ངའི༌མིང༌འཁུར༌ནས༌འོངས༌ཏེ༌ང༌ཡིན༌ཟེར༌ཞིང༌མང༌པོ༌བསླུ༌འོང༌ ། ༡༣༌༧ དམག༌དང༌དམག༌གི༌སྐད༌ཆ༌ཐོས༌པའི༌ཆོ༌མ༌འཇིགས༌ཤིག ། དེ༌འབྱུང༌དགོས ། ད༌དུང༌མཐའ༌མ༌མིན ། ༡༣༌༨ མི༌རྒྱུད༌དང༌རྒྱལ༌ཁག༌ཕན༌ཚུན༌ལང༌འོང༌ ། ཡུལ༌སོ༌སོར༌ས༌གཡོ༌དང༌མུ༌གེ༌འབྱུང༌འོང༌ ། དེ༌རྣམས༌ནི༌ཟུག༌གཟེར༌གྱི༌ཐོག༌མ༌ཡིན ། ༡༣༌༩ རང༌གི༌དོན༌དུ༌གཅང༌གྲུང༌བྱོས༌ཤིག ། སྔོན༌ལ༌མི༌རྒྱུད༌ཐམས༌ཅད༌ལ༌ཕྲིན༌བཟང༌འཆད༌པ༌གལ༌ ཆེ༌བས ། ངའི༌དོན༌དུ༌དེ༌རྣམས༌ལ༌དཔང༌བྱེད༌ཕྱིར ། ཁྱོད༌ཚོ༌ཁྲིམས༌རར༌གཏད༌འོང༌ ། འདུ༌ཁང༌ནང༌བརྡུང༌འོང༌ ། སྤྱི༌ཁྱབ༌དང༌རྒྱལ༌པོ༌རྣམས༌ཀྱི༌མདུན༌དུ༌འཁྱེར༌འོང༌ངོ༌ ། ༡༣༌༡༠ ། ཁྲིམས༌རར༌གཏོད༌པའི༌དུས༌སུ ། ཅི༌ཟེར༌སེམས༌ཤིང༌སྔོན༌ལ༌མ༌འཚེར༌ཞིག ། གཏམ༌བྱེད༌མཁན༌ཁྱོད༌མ༌ཡིན ། དམ༌པའི༌ཐུགས༌ཉིད༌ཡིན༌པས ། དུས༌ཚོད༌དེ༌རང༌ལ༌ཇི༌གནང༌བ༌དེ༌ཟེར༌ཞིག ༡༣༌༡༡ ། སྤུན༌གྱིས༌སྤུན༌དང༌ ། ཕས༌བུ༌གསོད༌པའི༌ཕྱིར༌གཏད༌འོང༌ ། ཕྲུ༌གུས༌ཕ༌མའི༌དགྲར༌ལངས༌ཏེ༌དེ༌དག༌གསད༌འོང༌ ། ༡༣༌༡༢ ངའི༌མཚན༌གྱི༌དོན༌དུ ། ཐམས༌ཅད༌ཀྱིས༌ཁོད༌ཚོར༌སྡང༌འོང༌ ། ༡༣༌༡༣ མཐའ༌མའི༌བར༌དུ༌སྲན༌ཚུགས༌པ༌དེ༌ཐར༌བར༌འགྱུར༌རོ ། ༡༣༌༡༤ ། ཀློག༌མཁན༌གྱིས༌གོ༌ཞིག ། སྟོང༌བྱེད༌ཀྱི༌མི༌གཙང༌བ༌དེ༌མི༌ཆོག༌པའི༌གནས༌དེར༌ལང༌བ༌མཐོང༌ བའི༌ཚེ ། ཡ༌ཧུ༌ད༌རུ༌ཡོད༌པ༌རྣམས༌རི༌ལ༌བྲོས༌ཤིག ༡༣༌༡༥ ། ཐོག༌ཁར༌ཡོད༌པ༌དེ༌མི༌འབབ༌ཅིང༌ ། ཁང༌པའི༌ནང༌ཇི༌ཞིག༌ལེན༌ཕྱིར༌མ༌ཞུགས༌ཤིག ༡༣༌༡༦ ཀླུངས༌ལ༌ཡོད༌པ༌གོས༌ལེན༌དུ༌ལོག༌མ༌འགྲོ༌ཞིག ༡༣༌༡༧ ། དེའི༌ཚེ༌སྦྲུམ༌མ༌དང༌ནུ༌མ༌སྣུན༌མཁན༌རྣམས༌སྙིང༌རེ༌རྗེ ། ༡༣༌༡༨ བྱ༌བ༌འདི༌དགུན༌ཀར༌མི༌འབྱུང༌བའི༌ཕྱིར༌གསོལ༌བ༌ཐོབ༌ཅིག ༡༣༌༡༩ ། དཀོན༌མཆོག༌གིས༌ཐོག༌མར༌བཀོད༌པ༌ནས ། ད༌ལྟའི༌བར༌དུ༌མ༌བྱུང༌བ ། ཕྱིས༌ཀྱང༌མི༌འབྱུང༌བའི༌སྡུག༌བསྔལ༌ཞག༌དེ༌ལ༌བྱུང༌བར༌འགྱུར༌རོ ། ༡༣༌༢༠ ། གཙོ༌བོས༌ཞག༌དེའི༌གྲངས༌ཕྲིས༌པ༌མ༌ཡིན༌ན ། སུའང༌མི༌ཐར ། ཁོང༌གིས༌འདམས༌པ༌རྣམས༌ ཀྱི༌དོན༌དུ༌ཞག༌དེ༌རྣམས༌ཕྲིས༌པ༌ཡིན ། ༡༣༌༢༡ དེའི༌ཚེ༌མ༌ཤི༌ཀ༌འདིར༌བཞུགས༌དེར༌བཞུགས༌སུས༌ཟེར༌ན༌ཡིད༌མ༌ཆེས༌ཤིག ༡༣༌༢༢ ། མ༌ཤི༌ཀ༌རྗུས༌མ༌དང༌ལུང༌སྟོན༌པ༌རྗུས༌མ༌འཐོན༌ཞིང༌ ། ཐུབ༌ན༌འདམས༌པའང༌བསླུ༌བའི༌ ཕྱིར༌ངོ༌མཚར༌བའི༌ལྟས༌བསྟན༌འོང༌ ། ༡༣༌༢༣ ཁྱོད༌ཚོ༌གཅང༌གྲུང༌བྱོས༌ཤིག ། ངས༌ཁྱོད༌ཚོར༌ཐམས༌ཅད༌སྔོན༌དུ༌བཤད༌དོ ། ༡༣༌༢༤ ། སྡུག༌བསྔལ༌དེའི༌འོག༌ཏུ༌ཉི༌མ༌མུན༌པར༌འགྱུར ། ཟླ༌བས༌འོད༌མི༌གཏང༌ ། ༡༣༌༢༥ གནམ༌ནས༌སྐར༌མ༌ལྷུང༌ ། གནམ༌གྱི༌མཐུ༌སྟོབས༌གཡོ༌བར༌འགྱུར ། ༡༣༌༢༦ དེ༌ནས༌མིའི༌བུ༌དབང༌ཆེན༌པོ༌དང༌གཟི༌བརྗིད༌དང༌ལྡན༌ཞིང༌སྤྲིན༌གྱི༌ནང༌ནས༌འབྱོན༌པ༌ མཐོང༌འོང༌ ། ༡༣༌༢༧ དེ༌ནས༌ཁོང༌གི༌ཕོ༌ཉ༌རྣམས༌མངགས༌ཏེ ། འཇིག༌རྟེན༌གྱི༌མཐའ༌མ༌ནས༌ནམ༌མཁའི༌མཐའ༌མའི༌ བར༌དུ ། ཕྱོགས༌བཞི༌ནས ། ཉིད༌ཀྱི༌འདམས༌པ༌རྣམས༌བསྡུ༌བར༌འགྱུར༌རོ ༎
༡༣༌༢༨ ། སེ༌ཡབ༌ཤིང༌ནས༌དཔེ༌སློབས༌ཤིག ། དེའི༌ཡལ༌ག༌མཉེན༌པོར༌འགྱུར༌ཏེ༌ལོ༌མ༌འབུར༌བ༌དང༌ ། དབྱར༌ཀ༌ཉེ༌བར༌ཤེས༌སོ ། ༡༣༌༢༩ ། དེ༌ལྟར༌ཁྱོད༌ཚོས༌དེ༌འབྱུང༌བ༌མཐོང༌བ༌དང༌ ། དེ༌ནི༌ཉེ༌བ༌སྒོ༌རྕར༌བསླེབས༌ཡོད༌པར༌ཤེས༌ འོང༌ ། ༡༣༌༣༠ དེ༌ཐམས༌ཅད༌འགྲུབ༌པའི༌བར༌དུ༌མི༌རབས༌འདི༌འདའ༌བར༌མི༌འགྱུར༌ངས༌བདེན༌པར༌ཟེར ། ༡༣༌༣༡ གནམ༌ས༌གཉིས༌འདའ༌བར༌འགྱུར༌ཡང༌ངའི༌བཀའ༌འདའ༌བར༌མི༌འགྱུར ། ༡༣༌༣༢ ཉིན༌མོ༌དེ༌དང༌དུས༌ཚོད༌དེའི༌སྐོར༌ལ༌ཡབ༌ཀྱིས༌མ༌གཏོགས སུས༌ཀྱང༌མི༌ཤེས ། ནམ༌མཁའི༌ཕོ༌ཉས༌ཀཡྱང༌མི༌ཤེས ། སྲས༌ཀྱིས༌ཀྱང༌མི༌ཤེས༌སོ ། ༡༣༌༣༣ ། དུས༌ཚོད༌དེ༌ནམ༌འོང༌བ༌ཁྱོད༌ཅག༌གིས༌མི༌ཤེས༌པས ། གཅང༌གྲུང༌བྱོས ། གཉིད༌མ༌ལོག༌ཅིག ༡༣༌༣༤ ། འདི༌ནི༌མི༌ཞིག༌ཁྱིམ༌བཞག༌ནས༌འགྲོ༌བའི༌དུས༌སུ ། གཡོག༌པོ༌ལ༌དབང༌བཏད༌དེ ། རེ༌རེ༌ལ༌ལས༌བཀལ༌ནས ། སྒོ༌སྲུང༌པ༌ལ༌བྱ༌ར༌བྱོས༌ཅེས༌བསྒོ༌བ༌དང༌འདྲ༌བས ། ༡༣༌༣༥ ཁྱིམ༌བདག༌ཕྱི༌དྲོའམ ། མཚན༌ཕྱེད༌དམ ། བྱ༌སྐད༌ལའམ ། སྔ༌ཏྲོནམ༌འོང༌མི༌ཤེས༌པས ། བྱ༌ར༌བྱོས༌ཤིག ༡༣༌༣༦ ། དེ༌མིན༌ཁོ༌བློ༌བུར༌དུ༌འོང༌ཞིང༌ ། ཁྱོད༌ཚོ༌གཉིད༌ལོག༌པ༌མཐོང༌འོང༌ ། ༡༣༌༣༧ བྱ༌ར༌བྱོས༌ཤིག༌ཅེས༌ངས༌ཁྱོད༌ཚོར༌ཟེར༌བ༌དེ ། ཐམས༌ཅད༌ལ༌ཟེར༌རོ ། ། ཞེས༌གསུངས༌སོ ༎ ༎
༡༤༌༡ ། པེ༌སག༌དང༌སྐྱུར༌རྕི༌མེད༌པའི༌བག༌ལེབ༌ཀྱི༌དུས༌ཆེན༌ལས༌ཞག༌གཉིས༌སྔོན༌དུ ། བླ༌ཆེན༌དང༌ མཁན༌པོ༌རྣམས༌ཀྱིས༌གཡོ༌སྒྱུས༌ཁོང༌བཟུང༌ནས༌གསོད༌པའི༌ཐབས༌བཙལ༌ཏེ ། ༡༤༌༢ མི༌སྡེ༌མི༌འཁྲུགས༌ཕྱིར༌དུས༌ཆེན༌ལ༌མི༌གཟུང༌ཞེས༌སྨྲས༌སོ ༎
༡༤༌༣ ། ཡེ༌ཤུས༌བེད༌ཨན༌ཡར ། མཇོ༌ཅན༌ཤི༌མོན༌གྱི༌ཁྱིམ༌དུ༌གསོལ༌བ༌བཞེས༌པའི༌ཚེ ། སྤོས༌ཆུ༌རིན༌ཅན༌གྱི༌ཀ༌མ༌རུའི༌བུམ༌པ༌འཁུར༌བའི༌བུད༌མེད༌གཅིག༌འོངས༌ནས ། བུམ༌པའི༌ཁ༌བཅག༌སྟེ༌དབུའི༌ཁར༌བླུགས༌སོ ། ༡༤༤༌ ། དེར༌ཡོད༌པ༌རེ༌ཁྲོས༌ནས ། སྤོས༌ཆུ༌འདི༌ཅིའི༌ཕྱིར༌ཆུད༌ཟོས༌ལ༌བཏང༌ ། ༡༤༌༥ དི༌ནར༌གསུམ༌བརྒྱ༌ལྷག༌ལ༌བཙོངས༌ནས༌དབུལ༌པོར༌སྦྱིན༌ནུས༌ཞེས༌ཕན༌ཚུན༌ཟེར༌ཞིང༌ ། བུད༌མེད༌ལ༌གཤེས༌སོ ། ༡༤༌༦ ། ཡེ༌ཤུས༌དེ༌རྣམས༌ལ ། ཅོག༌གེར༌ཞོག ། མོའི༌སེམས༌ཅི༌ལ༌དཀྲུག ། དེས༌ང༌ལ༌བཟང༌པོ༌ཞིག༌བྱས ། ༡༤༌༧ དབུལ༌པོ༌རྒྱུན༌དུ༌ཁྱེད༌རྕར༌ལུས༌པས ། ནམ༌དགའ༌ནའང༌དེ༌ལ༌ཕན༌ཐུབ༌ཀྱང༌ ། ང༌རྒྱན༌དུ༌ཁྱེད༌རྕར༌མི༌ལུས ། ༡༤༌༨ མོས༌གང༌ཐུབ༌པ༌དེ༌བྱས༌པ༌ཡིན ། ང༌དུར༌དུ༌འཇིག༌པའི༌སྔོན༌དུ༌སྤོས༌ཆུ༌བླུགས༌པ༌ཡིན༌ནོ ། ༡༤༌༩ ། འཇིག༌རྟན༌ནང༌གང༌དུའང༌ཕྲིན༌བཟང༌འདི༌འཆད༌ན ། མོས༌བྱས༌པའང༌ཁོའི༌དྲན༌རྟགས༌སུ༌འཆད༌འོང༌ངས༌བདེན༌པར༌ཟེར༌གསུངས༌སོ ༎
༡༤༌༡༠ ། ཉེ༌གནས༌བཅུ༌གཉིས༌པོ༌ལས༌གཅིག༌ཡིན༌པའི༌ཀར༌ཡོད༌པ༌ཡུ༌དས ། ཁོང༌བླ༌ཆེན༌རྣམས༌ཀྱི༌ ལག༌ཏུ༌གཏད༌པའི༌ཕྱིར༌དེ༌རྣམས༌ཀྱི༌རྕར༌སོང༌བ༌དང༌ ། ༡༤༌༡༡ དེ༌རྣམས༌ཀྱིས༌ཐོས༌ཏེ༌དགའ༌ནས ། ཁོ༌ཡ༌དངུལ༌སྟེར༌བའི༌ཁ༌ཆད༌བྱས༌པས ། ཁོས༌ཁོང༌གཏད༌པའི༌སྐབས༌བཙལ༌ཏོ ༎
༡༤༌༡༢ ། སྐྱུར༌རྕི༌མེད༌པའི༌བག༌ལེབ༌ཀྱི༌དུས༌ཆེན༌གྱི༌ཞག༌དང༌པོར ། པེ༌སག༌གི༌ལུག༌གུ༌གསོད༌པའི༌ ཞག༌ལ ། ཉེ༌གནས༌རྣམས༌ཀྱིས༌ཁོང༌ལ ། ང༌ཚོ༌སོང༌ནས༌ཁྱེད༌ཀྱི༌ཕྱིར༌པེ༌སག༌གང༌དུ༌བཤམ༌ཞུས༌པ༌དང༌ ། ༡༤༌༡༣ ཉེ༌གནས༌གཉིས༌བརྗངས༌ནས༌དེ༌དག༌ལ ། རྒྱལ༌སར༌སོང༌ཞིག ། ཆུ༌རྗ༌འཁུར༌བ༌ཞིག༌འཕྲད༌ འོང༌ ། ཁོའི༌རྗེས༌སུ༌སོང༌ལ ། ༡༤༌༡༤ ནང༌གང༌དུ༌ཞུགས༌པའི༌ཁང༌བདག༌ལ ང༌ཉེ༌གནས༌མཉམ༌པེ༌སག༌ཟ༌བའི༌མགྲོན༌ཁང༌གང༌ ན༌ཡོད༌ཅེས༌སྟོན༌པས༌གསུང༌ངོ༌སྨྲོས༌ཤིག ༡༤༌༡༥ ། དེགདན༌བཏིང༌ནས༌གྲལ༌འགྲིག༌ཡོད༌པའི༌སྟེང༌ཁང༌ཆེན༌པོ༌ཞིག༌བསྟན༌འོང༌ ། དེར༌ང༌ཚོའི༌པེ༌སག༌ཤོམས༌ཤིག༌གསུངས༌སོ ། ༡༤༌༡༦ ། དེ༌དག༌སོང༌ནས༌རྒྱལ༌སར༌བསླེབས༌ཏེ ། གང༌གསུངས༌པ༌བཞིན༌དུ༌བརྙེད༌ནས ། པེ༌སག༌བཤམས༌སོ ། ༡༤༌༡༧ ། ཕྱི༌དྲོ༌ཉེ༌གནས༌བཅུ༌གཉིས༌པོ༌དང༌མཉམ༌དུ༌ཕེབས༌ནས ། ༡༤༌༡༨ ཁོང༌རྣམས༌བཞུགས༌ནས༌གསོལ༌བ༌བཞེས༌པ༌ལོས ། ཡེ༌ཤུས ། ང༌མཉམ༌ཟ༌བ༌ཁྱེད༌ཚོ༌ལས༌ གཅིག༌གིས༌ང༌དགྲའི༌ལག༌ཏུ༌གཏད༌འོང༌ངས༌བདེན༌པར༌ཟེར༌གསུངས༌པས ། ༡༤༌༡༩ དེ༌རྣམས༌ཆོར༌ཏེ ། ང༌ཡིན༌སྲིད༌དམ༌ཞེས༌རེ༌རེས༌ཞུས༌པའི༌བཀའ༌ལན༌དུ ། ༡༤༌༢༠ ཉེ༌གནས༌བཅུ༌གཉིས༌པོ༌ལས༌གཅིག༌ང༌མཉམ༌ཕོར༌པའི༌ནང༌ལག༌པ༌འཇུག༌མཁན༌དེ༌ཡིན ། ༡༤༌༢༡ མདོ༌བཞིན༌མིའི༌བུ༌གཤེགས༌དགོས༌ཀྱང༌ ། མིའི༌བུ༌གཏོད༌པ༌དེ༌ལ༌སྙིང༌རེ༌རྗེ ། མ༌སྐྱེས༌པ༌ཡིན༌ན༌དེ༌ལ༌ལེགས༌སོ༌གསུངས༌སོ ། ༡༤༌༢༢ ། གསོལ༌བ༌བཞེས༌པའི༌ཆོ ། ཡེ༌ཤུས༌བག༌ལེབ༌ཕྱག༌ཏུ༌བཞེས༌ཏེ ། སྨོན༌ལམ༌བཏབ༌ནས ། བཅག༌སྟེ ། དེ༌རྣམས༌ལ༌གནང༌ཞིང༌ ། འདི༌ནི༌ངའི༌ལུས༌ཡིན ། ལེན༌ལ༌ཟོ༌གསུངས༌སོ ། ༡༤༌༢༣ ། ཕོར༌པ༌ཕྱག༌ཏུ༌བཞེས༌ཏེ ། གཏང༌རག༌ཕུལ༌ནས ། དེ༌རྣམས༌ལ༌གནང༌བ༌དང༌ ། ཐམས༌ཅད༌ཀྱིས༌དེ༌ལས༌བཏུངས༌སོ ། ༡༤༌༢༤ ། འདི༌ནི༌ཞལ༌ཆད༌ཀྱི༌ངའི༌ཁྲག༌ཡིན ། ཁྲག༌དེ༌མང༌པོའི༌དོན༌དུ༌བླུག༌གོ ༡༤༌༢༥ ། དཀོན༌མཆོག༌གི༌རྒྱལ༌སྲིད༌ནང༌ གསར༌དུ༌འཐུང༌བའི༌བར༌ད ། ངས༌རྒུན༌ཤིང༌གི༌ཁུ༌བ༌འདི༌ ལས༌མི༌འཐུང༌ངས༌ཟེར༌གསུངས༌སོ ། ༡༤༌༢༦ ། དེ༌ནས༌གསུང༌མགུར༌བླངས༌ནས༌ཁ༌སྐྱུར༌པོའི༌རི༌ལ༌ཕེབས༌སོ ༎
༡༤༌༢༧ ། ཡེ༌ཤུས༌དེ༌རྣམས༌ལ ། ། ང༌ཡི༌ལུག༌རྗི༌ལ༌བརྡུང༌སྟེ ། ། ཁྱུ༌ཡཡ༌ལུག༌རྣམས༌འཐོར༌བར༌འགྱུར ། ཅེས༌བྲིས༌ཡོད༌པ༌བཞིན ། ཁྱོད༌ཐམས༌ཅད༌རྒྱབ༌ཕྱོགས༌པར༌འགྱུར ། ༡༤༌༢༨ ང༌ལང༌བའི༌འོག༌ཏུ༌ཁྱེད༌ལས༌སྔོན༌དུ༌ག༌ལིལ༌དུ༌འགྲོ༌འོང༌གསུངས ། ༡༤༌༢༩ པེ༌ཏྲོས༌ཁོང༌ལ ། ཐམས༌ཅད༌ཀྱིས༌རྒྱབ༌ཕྱོགས༌ཀྱང༌ ། ངས༌རྒྱབ༌མི༌ཕྱོགས༌ཞུས༌པ༌ལས ། ༡༤༌༣༠ ཡེ༌ཤུས ། དེ༌རིང༌མཚན༌འདི༌ལ ། བྱ༌སྐད༌གཉིས༌པ༌ལས༌སྔོན༌དུ ། ཁྱོད༌ཀྱིས༌ལན༌གསུམ༌ང༌ལ༌རྒྱབ༌ལོག༌བྱེད༌འོང༌བདེན༌པར༌ཟེར༌གསུངས ། ༡༤༌༣༡ དེས༌ང༌ཁྱེད༌མཉམ༌འཆི༌དགོས༌ནའང༌ ། ཁྱེད༌ལ༌རྒྱབ༌མི༌ཕྱོགས༌ཞེས༌ཡང༌ཡང༌ཞུས༌ནས ། དེ༌བཞིན༌དུ༌ཐམས༌ཅད༌ཀྱིས༌ཀྱང༌ཞུས༌སོ ༎
༡༤༌༣༢ ། གེད༌ཤེ༌མ༌ནེ༌བྱ༌བའི༌ས༌ཆར༌ཕེབས༌ནས ། ཁོང༌གིས༌ཉེ༌གནས༌རྣམས༌ལ ། ངས༌སྨོན༌ལམ༌འདེབས༌པའི༌བར༌དུ ། ཁྱོད༌ཅག༌འདིར༌སྡོད༌ཅིག༌གསུངས༌ནས ། ༡༤༌༣༣ པེ༌ཏྲོ༌དང༌ ། ཡ༌ཀོབ༌དང༌ ། ཡོ༌ཧ༌ནན༌འཁྲིད༌ནས༌ཕེབས༌ཏེ ། ཐུགས༌འཆོར༌ཞིང༌འཁྲུགས༌ཏེ ། ༡༤༌༣༤ དེ༌གསུམ༌ལ ། ང༌འཆི༌ལ༌ཐུག༌པ༌ཙམ༌ཤིན༌ཏུ༌འཆོར༌རོ ། ། འདིར༌གཉིད༌མ༌ལོག༌པར༌སྡོད༌ཅིག༌གསུངས༌སོ ། ༡༤༌༣༥ ། ཅུང༌ཟད༌ཕར༌ཕེབས༌ཏེ ། སྐུ༌ལུས༌ས༌ལ༌བརྡབས༌ཏེ ། སྲིད༌ན༌དུས༌ཚོད༌འདི༌ང༌ལས༌འདའ༌བར༌ཤོག༌ཅིག ༡༤༌༣༦ ། ཡབ༌ལགས ། ཁྱེད༌ལ༌ཐམས༌ཅད༌ཐུབ༌པས ། པོར༌པ༌འདི༌ང༌ནས༌ཕར༌ཞོག༌པར༌མཛོད༌ཅིག ། འིན༌ཀྱང༌ངའི༌སྨོན༌པ༌བཞིན༌དུ༌མ༌ཡིན༌པར༌ཁྱེད༌ཀྱི༌དགོངས༌པ༌བཞིན༌དུ༌གྱུར༌ཅིག༌ཅེས༌གསོལ༌བ༌བཏབ༌བོ ། ༡༤༌༣༧ ། ཚུར༌བྱོན༌ཏེ ། དེ༌གསུམ༌ཉལ༌བ༌གཟིགས༌ནས༌པེ༌ཏྲོ༌ལ ། ཤི༌མོན ། ཉལ༌ལམ ། ཆུ༌ཚོད༌གཅིག༌ ཀྱང༌སྲུང༌མི༌ཐུབ༌བམ ། ༡༤༌༣༨ ཉམས༌སད༌ནང༌མི༌ལྟུང༌ཕྱིར ། མ༌ཉལ༌བར༌སྨོན༌ལམ༌ཐོབ༌ཅིག༌སྙིང༌རུས༌ཡོད༌ཀྱང༌ལུས༌སྟོབས༌ ཆུང༌ངོ༌གསུངས༌སོ ། ༡༤༌༣༩ ། སལར༌ཕར༌ཕེབས༌ཏེ ། གསོལ༌བ༌བཏབ༌བོ ། ༡༤༌༤༠ ། ཚུར༌ཕེབས༌པ༌དང༌ ། དེ༌གསུམ༌གཉིད༌ཐིབ༌སྟེ༌ཉལ༌བས ། ཞུ༌ལན༌ཞུ༌མ༌ཤེས༌སོ ། ༡༤༌༤༡ ། ཐེངས༌གསུམ༌པར༌ཕེབས༌ཏེ༌དེ༌གསུམ༌ལ ། ད༌དུང༌ཉལ༌ཞིང༌ངལ༌སོའམ ། ཆོག ། དུས༌ཚོད༌རན༌ཏེ༌མིའི༌བུ༌ནི༌སྡིག༌ཅན༌གྱི༌ལག༌ཏུ༌གཏོང༌ངོ༌ ། ༡༤༌༤༢ ལོངས༌ཤིག༌ང༌ཚོ༌འགྲོ ། དགྲའི༌ལག༌ལ༌གཏོད༌མཁན༌དེ༌ཉེ༌བར༌བསླེབས༌སོ ། ལྟོས༌ཤིག ། གསུངས༌སོ ༎
༡༤༌༤༣ ། གསུང༌བའི༌མོད༌ལ༌བཅུ༌གཉིས༌པོའི༌ནང༌གི༌ཡུ༌ད༌མཉམ༌དུ ། བླ༌ཆེན༌དང༌ ། མཁན༌པོ༌དང༌ ། རྒན༌པོས༌བཏང༌བའི༌དཔུང༌ ། རལ༌གྲི༌དང༌དབྱུག༌པ༌ཐོགས༌ནས༌དེར༌འོངས༌སོ ། ༡༤༌༤༤ ། ཁོང༌བཏད༌མཁན༌དེས ། ངས༌སུ༌ལ༌འོ༌བྱ༌བ༌དེ༌ཁོང༌ཡིན ། བཟུང༌ནས༌བརྟན༌པོར༌ཁྲིད༌ཅིག ། ཅེས༌བརྡ༌བཏང༌ཡོད༌དོ ། ༡༤༌༤༥ ། ཁོས༌ཡེ༌ཤུ༌མཇལ༌མ༌ཐག༌ཏུ ། སྟོན༌པ༌ལགས ། ཞུས༌ནས༌འོ༌ཕུལ༌བས ། ༡༤༌༤༦ དེ༌རྣམས༌ཀྱིས༌ཁོང༌བཟུང༌ངོ༌ ། ༡༤༌༤༧ ། དེར༌ཡོད༌པའི༌ཉེ༌གནས༌གཅིག༌གིས ། རལ༌གྲི༌བཏོན༌ནས ། བླ༌ཆེན༌གྱི༌གཡོག༌པོ༌ལ༌བརྒྱབ༌ནས ། རྣ༌བ༌ཡ༌གཅིག༌བཅད༌དོ ། ༡༤༌༤༨ ། ཡེ༌ཤུས ། རལ༌གྲི༌དང༌དབྱུག༌པ༌ཐོགས༌ནས༌ང༌ཇག༌པ༌ལྟར༌འཇིན༌དུཐོན༌ནམ ། ༡༤༌༤༩ ང༌ཉིན༌རེ༌བཞིན༌མཆོད༌ཁང༌ནང༌ཁྱེད༌ཚོའི༌དཀྱིལ༌དུ༌ཆོས༌བསྟན༌ཡང༌ཁྱེད༌ཚོས༌ང༌མ༌བཟུང༌ ། དེ༌ནི༌གསུང༌རབ༌བཞིན༌འགྲུབ༌པའི༌ཕྱིར༌རོ༌གསུངས༌སོ ། ༡༤༌༥༠ ། ཉེ༌གནས༌ཐམས༌ཅད༌ཀྱིས༌ཁོང༌སྤངས༌ནས༌བྲོས༌སོ ། ༡༤༌༥༡ ། རས༌རྐྱང༌གོན༌པའི༌གཞོན༌ནུ༌ཞིག༌ཁོང༌གི༌རྗེས༌སུ༌འབྲངས༌པས ། དེ༌རྣམས༌ཀྱིས༌བཟུང༌བ༌དང༌ ། ༡༤༌༥༢ རས༌རྐྱང༌དེ༌ཕུད༌ནས༌གཅེར༌བུར༌བྲོས༌སོ ༎
༡༤༌༥༣ ། ཡེ༌ཤུ༌བླ༌ཆེན༌གྱི༌རྕར༌གདན༌དྲངས༌ནས ། དེར༌བླ༌ཆེན༌དང༌ ། རྒན༌པོ༌དང༌ ། མཁན༌པོ༌རྣམས༌འདུས༌སོ ། ༡༤༌༥༤ ། པེ༌ཏྲོ༌བླ༌ཆེན༌གྱི༌མཚོམས༌ཀྱི༌བར༌ཐུག༌རྒྱང༌མ༌ནས༌འབྲངས༌ཏེ ། འཁོར༌གཡོག༌རྣམས༌དང༌ མཉམ༌དུ༌སྡོད༌ཅིང༌མེ༌ལྡེས༌སོ ། ༡༤༌༥༥ ། བླ༌ཆེན༌དང༌གྲོས༌མི༌ཐམས༌ཅད༌ཀྱིས༌ཡེ༌ཤུ༌གསོད༌པའི༌ཕྱིར ། དཔང༌པོ༌བཙལ༌ཡང༌མ༌ཐོབ༌བོ ། ༡༤༌༥༦ ། རྗུན༌གྱི༌དཔང༌པོ༌མང༌པོ༌ཐོན༌ཡང༌ ། དཔང༌པོ༌ཚོ༌མ༌མཐུན༌ནོ ། ༡༤༌༥༧ ། མི༌རེ༌ལངས༌ནས༌རྗུན༌གྱི༌དཔང༌པོ༌གཏོང༌ཞིང༌ ། ༡༤༌༥༨ ལག༌པས༌བརྕིགས༌པའི༌མཆོད༌ཁང༌འདི༌བཤིགས༌སྟེ ། ལག༌པས༌མ༌བརྕིགས༌པའི༌གཞན༌ཞིག༌ ངས༌ཞག༌གསུམ༌ནང༌རྕིག༌འོང༌ ། ཞེས༌འདིས༌ཟེར༌བ༌ང༌ཚོས༌ཐོས༌སོ༌ཟེར༌ཀྱང༌ ། ༡༤༌༥༩ གཏམ༌མ༌མཐུན༌ཏོ ། ༡༤༌༦༠ ། བླ༌ཆེན༌གྱིས༌དཀྱིལ༌དུ༌ལངས༌ནས༌ཡེ༌ཤུ༌ལ ། འདི༌རྣམས༌ཀྱིས༌ཁྱེད༌འགལ༌བའི༌དཔང༌བྱེད༌ པ༌ལ ། ལན༌མི༌གཏོང༌ངམ༌ཞུས༌ཀྱང༌ ། ༡༤༌༦༡ ཞལ༌རོག༌ཅིང༌དཀའ༌ལན༌ཅི༌ཡང༌མ༌གནང༌ངོ༌ ། ། བླ༌ཆེན༌གྱིས༌སླར༌འདྲི༌ཞིང༌ ། ཁྱེད༌ནི༌བསྟོད༌འོས༌པ༌དེའི༌སྲས༌མ༌ཤི༌ཀ༌ཡིན༌ནམ ། ཞུས༌པའི༌དཀའ༌ལན༌དུ ། ༡༤༌༦༢ ཡེ༌ཤུས ། ང༌ཡིན ། མ༌ཟད༌ཁྱེད༌ཅག༌གིས༌མིའི༌བུ༌ནི༌ཀུན༌དབང༌གི༌ཕྱག༌གཡས༌སུ༌བཞུགས༌ཏེ ། གནམ༌གྱི༌སྤྲིན༌དང༌བཅས༌སུ༌འབྱོན༌པ༌མཐོང༌བར༌འགྱུར༌གསུངས༌སོ ། ༡༤༌༦༣ ། བླ༌ཆེན༌གྱིས༌རང༌གྱི༌གིས༌བཤགས༌ཏེ ། ད༌དུང༌དཔང༌པོ༌ཅི༌དགོས ། ༡༤༌༦༤ སྐུར༌བ༌འདེབས༌པ༌འདི༌ཁྱེད༌ཚོས༌ཐོས༌པས ། ཅི༌སེམས༌སྨྲས༌ནས ། ཐམས༌ཅད༌ཀྱིས༌གསོད༌ པའི༌ཁྲིམས༌བཅད༌དོ ། ༡༤༌༦༥ ། དེ༌ནས༌ཁ༌ཅིག༌གིས༌ཁོང༌ལ༌མཆིལ༌མ༌གཏོར ། ཞལ༌གདོང༌བཏུམ༌ནམ ། མུར༌རྗོག༌བརྒྱབ༌སྟེ༌ཁོང༌ལ ། མངོན༌ཤེས༌ཤོད༌ཅེས༌སྨྲས༌སོ ། ། འཁོར༌གཡོག༌རྣམས༌ཀྱིས༌ཀྱང༌འགྲམ༌ལྕག༌བརྒྱབས༌སོ ༎
༡༤༌༦༦ ། དེའི༌ཆོ༌པེ༌ཏྲོ༌འོག༌གི༌ཚོམས༌ནང༌ཡོད༌པ༌ལས ། བླ༌ཆེན༌གྱི༌གཡོག༌མོ༌ཞིག༌འོངས༌ཏེ ། ༡༤༌༦༧ པེ༌ཏྲོས༌མེ༌ལྡེ༌བ༌མཐོང༌ནས ། ཁོ༌ལ༌བལྟས༌ཏེ ། ཁྱོད༌ཀྱང༌ན༌ཙ༌རེད༌པ༌ཡེ༌ཤུ༌མཉམ༌ཡོད༌པ༌ ཡིན༌ནོ༌སྨྲས༌པ༌དང༌ ། ༡༤༌༦༨ ཁྱོད༌ཀྱིས༌ཅི༌ཟེར༌བ༌ངས༌མི༌ཤེས༌མི༌གོའོ༌ཟེར༌ནས༌རྒྱབ༌ལོག༌བྱས༌ཏེ ། ཕྱི༌རོལ༌དུ༌ཐོན༌ནས༌ རྒྱལ༌སྒོའི༌རྕར༌སོང༌བ༌དང༌ ། བྱ༌པོས༌སྐད༌བརྒྱབས༌སོ ། ༡༤༌༦༩ ། གཡོག༌མོ༌དེས༌པེ༌ཏྲོ༌མཐོང༌ནས ། དེར༌ཡོད༌པ༌རྣམས༌ལ༌སླར༌ཡང༌འདི༌ནི༌དེ༌རྣམས༌ཀྱི༌ནང༌ ནས༌གཅིག༌ཡིན༌ནོ༌ཟེར༌ཏོ ། ༡༤༌༧༠ ། སླར༌རྒྱབ༌ལོག༌བྱས༌སོ ། ཅུང༌ཞིག༌ནས༌དེར༌ཡོད༌པ༌རྣམས༌ཀྱིས༌པེ༌ཏྲོ༌ལ ། ཁྱོད༌ག༌ལིལ༌པ༌ ཡིན༌པས ། དེ༌ཚོའི༌ནང༌ནས༌གཅིག༌ཡིན༌ཐག༌ཆོད༌ཡིན༌ཅེས༌སྨྲས༌ཀྱང༌ ། ༡༤༌༧༡ ཁོས༌དམོད༌ཅིང༌མནའ༌བསྐྱལ༌ནས ། ཁྱེད༌ཀྱིས༌ཟེར༌བའི༌མི༌དེ༌ངས༌མི༌ཤེས༌ཟེར༌མ༌ཐག༌ཏུ ། ༡༤༌༧༢ བྱ༌ཕོས༌སྐད༌གཉིས༌པ༌བརྒྱབས༌སོ ། ། བྱ༌སྐད༌གཉིས༌པ༌ལས༌སྔོན༌དུ ། ཁྱོད༌ཀྱིས༌ལན༌གསུམ༌ ང༌ལ༌རྒྱབ༌ལོག༌བྱེད༌འོང༌ཞེས༌ཡེ༌ཤུས༌གསུངས༌པ༌དེ༌པེ༌ཏྲོས༌དྲན༌ནས ། རབ༌ཏུ༌ངུས༌སོ ༎ ༎
༡༥༌༡ ། སྔ༌དྲོ༌བླ༌ཆེན༌དང༌ ། རྒན༌པོ༌དང༌ ། མཁན༌པོ༌དང༌ ། གྲོས༌མི༌ཐམས༌ཅད༌ཀྱིས༌གྲོས༌བྱས༌ཏེ ། ཡེ༌ཤུ༌བཀྱིགས༌ནས༌ཁྲིད༌དེ ། པི༌ལ༌ཏུའི༌ལག༌ཏུ༌བཏད༌དོ ། ༡༥༌༢ ། པི༌ལ༌ཏུས༌ཁོང༌ལ ། ཁྱེད༌ཡ༌ཧུ༌ད༌པའི༌རྒྱལ༌པོ༌ཡིན༌ནམ༌ཞུས༌ནས ། བཀའ༌ལན༌དུ ། ཁྱེད༌ཀྱིས༌སྨྲས༌པ༌བཞིན༌ནོ༌གསུངས ། ༡༥༌༣ བླ༌ཆེན༌དག༌གིས༌ཁོང༌ལ༌ཉེས༌སྐྱོན༌མང༌པོ༌བཀལ༌བ༌དང༌ ། ༡༥༌༤ པི༌ལ༌དུས༌ཁོང༌ལ ། ལན༌ཅིའང༌མི༌གཏོང༌ངམ ། དེ༌དག༌གིས༌ཉེས༌སྐྱོན༌ཇི༌ཙམ༌འགེལ༌ལོ ། ། ཞེས༌སླར༌ཞུས༌ཀྱང༌ ། ༡༥༌༥ ཡེ༌ཤུས༌བཀའ༌ལན༌ཅིའང༌མ༌གནང༌བས ། པི༌ལ༌ཏུ༌ངོ༌མཚར༌དུ༌གྱུར༌ཏོ ། ༡༥༌༦ དུས༌ཆེན༌དེ༌ལ༌མི༌ཚོགས༌དགའ༌བའི༌བཙོན༌པ༌ཞིག༌ཐར༌བར༌བྱེད༌པའི༌སྲོལ༌ཡོད༌པ༌ཡིན ། ༡༥༌༧ ནང༌འཁྲུག༌གི༌རོ༌གསོད༌གཅོད༌བྱས༌པའི༌ངོ༌ལོག༌རྣམས༌ལས༌གཅིག༌བ༌རབ༌བ༌བྱ༌བ༌བཙོན༌ལ༌ཡོད༌པ༌ཡིན ། ༡༥༌༨ མི༌ཚོགས༌ཀྱིས༌པི༌ལ༌ཏུ༌མཇལ༌ནས ། སྲོལ༌བཞིན༌དུ༌མཛད༌ཅིག༌ཞུས༌པས ། ༡༥༌༩ པི༌ལ༌དུས༌བླ༌ཆེན༌གྱིས༌ཕྲག༌དོག༌བྱས༌ནས༌ཁོང༌བདད༌པ༌ཤེས༌ནས༌ལན༌དུ ༡༥༌༡༠ ། ཡ༌ཧུ༌ད༌པའི༌རྒྱལ༌པོ༌ཐར༌བར༌བྱེད༌པ༌ལ༌དགའ༌འམ༌དྲིས༌སོ ། ༡༥༌༡༡ ། བླ༌ཆེན༌དག༌གིས༌བ༌རབ༌བ༌དེ༌ཉིད༌ཐར༌བར༌མི༌ཚོགས༌ལ༌བསྐུལ༌ཏོ ། ༡༥༌༡༢ ། པི༌ལ༌དུས༌དེ༌རྣམས༌ལ ། ཁྱེད༌ཀྱིས༌ཡ༌ཧུ༌ད༌པའི༌རྒྱལ༌པོ༌ཞེས༌ཟེར༌བ༌ལ༌ངས༌ཅི༌བྱ༌ཞེས༌སླར༌དྲིས༌པ༌དང༌ ། ༡༥༌༡༣ སྐད༌ཆེན༌པོས༌རྒྱང༌ཤིང༌ལ༌རྐྱོངས༌ཤིག༌ཅེས༌སླར༌སྨྲས༌པས ། ༡༥༌༡༤ པི༌ལ༌ཏུས ། ངན༌པ༌ཅི༌བྱས༌ཟེར༌ཡང༌ ། སྐད༌ལྷག༌པར༌ཆེན༌པོས༌རྒྱང༌ཤིང༌ལ༌རྐྱོངས༌ཤིག༌སྨྲས༌པ༌ལས ། ༡༥༌༡༥ པི༌ལ༌ཏུས༌མི༌ཚོགས༌ཀྱི༌བློ༌ཚེམ༌འཇིག༌པར༌འདོད༌དེ ། བ༌རབ༌བ༌ཐར༌བར༌བཏང༌ནས ། ཡེ༌ཤུ༌ལ༌རྟ༌ལྕག༌གིས༌བརྡུངས༌ནས ། རྒྱང༌ཤིང༌ལ༌རྐྱོང༌བའི༌ཕྱིར༌བཏད༌དོ ༎
༡༥༌༡༦ ། དམག༌མིས༌ཕོ༌བྲང༌གི༌ཚོམས༌ནང༌ཁོང༌ཁྲིད༌དེ ། དམག༌ཚོ༌བསྡུས༌ནས ། ༡༥༌༡༧ ། ན༌བཟའ༌དམར༌པོ༌བསྐོན ། ཆོར༌མའི༌ཅོད༌པན༌ལྷས༌ཏེ༌དབུ༌ལ༌གསོལ༌ནས ། ༡༥༌༡༨ ཡ༌ཧུ༌ད༌པའི༌རྒྱལ༌པོ༌ལ༌ཕྱག༌འཚལ༌ལོ ། ཞེས༌ཞུ༌ཞིང༌ཕྱག༌བྱས ། ༡༥༌༡༩ སྨྱུག༌བེར༌གྱིས༌དབུ༌ལ༌བརྡུང༌ཞིང༌ ། ཐུ༌ལུ༌རྒྱབ༌ཀྱིན ། པུས༌མོ༌བཙག༌ནས༌ཕྱག༌ཕུལ༌ཏོ ། ༡༥༌༢༠ ། ཁོང༌ལ༌འཕྱས༌ཟིན༌ནས ། ན༌བཟའ༌དམར༌པོ༌པུད ། ཁོང༌ཉིད༌ཀྱི༌ན༌བཟའ༌དེ༌གསོལ༌ནས ། རྒྱང༌ཤིང༌ལ༌རྐྱོང༌ཕྱིར༌ཕྱི༌རོལ༌དུ༌ཁྲིད༌དོ ༎
༡༥༌༢༡ ། ཨ༌ལེག༌སན༌དར༌དང༌རུ༌ཕུའི༌ཕ༌ཀི༌རེ༌ནི༌པ༌ཤི༌མོན༌ཀླུངས༌ནས༌འོང༌བ༌ལ ། ཁོང༌གི༌རྒྱང༌ཤིང༌འཁུར༌ཕྱིར༌དབང༌བྱས༌སོ ། ༡༥༌༢༢ ། ཁོང༌གོལ༌གོ༌ཐ ། བོད༌སྐད༌དུ ། ཐོད༌པའི༌གནས ། ལ༌གདན༌དྲངས༌ནས ། ༡༥༌༢༣ ། གན༌དྷ༌ར༌ས༌བསྲེས༌པའི༌རྒུན༌ཆང༌ཕུལ༌ཀྱང༌མ༌བཞེས༌སོ ། ༡༥༌༢༤ ། དེ༌ནས༌ཁོང༌རྒྱང༌ཤིང༌ལ༌བརྒྱངས༌སོ ། ། དམག༌མི༌རེ༌རེར༌ཅི༌ཐོབ༌རྒྱན༌བརྒྱབས༌ཏེ ། ན༌བཟའ༌དགོས༌སོ ། ༡༥༌༢༥ རྒྱང༌ཤིང༌ལ༌བརྐྱང༌བའི༌དུས༌ཉིན༌མོའི༌ཆུ༌ཚོད༌དགུ༌པའོ ། ༡༥༌༢༦ ། ཁོང༌ལ༌བཏགས༌པའི༌ཉེས༌སྐྱོན༌ནི ། ཡ༌ཧུ༌ད༌པའི༌རྒྱལ༌པོ༌ཞེས༌བྲིས༌ཡོད༌པ༌ཡིན ། ༡༥༌༢༧ ཁོང༌མཉམ༌དུ༌ཇག༌པ༌མི༌གཉིས༌ནས༌གཅིག༌ཁོང༌གི༌གཡས༌དང༌གཅིག༌གཡོན༌དུ༌རྒྱང༌ཤིང༌ལ༌བརྐྱངས༌སོ ། ༡༥༌༢༨ ། དེར༌འགྲུལ༌མཁན༌རྣམས༌ཀྱིས༌མགོ༌གཡུག༌ཅིང༌སྨད༌དེ ། ༡༥༌༢༩ མཆོད༌ཁང༌བཤིག༌སྟེ༌ཞག༌གསུམ༌ལ༌རྕིག༌མཁན༌ཁྱོད ། ༡༥༌༣༠ རང༌སྐྱོབ༌ཅིག ། རྒྱང༌ཤིང༌ལས༌མར༌བོབས༌ཤིག༌སྨྲས༌སོ ། ༡༥༌༣༡ ། དེ༌བཞིན༌དུ༌བླ༌ཆེན༌དང༌མཁན༌པོ༌རྣམས༌ཀྱིས༌ཀྱང༌ཕན༌ཚུན༌གླེང༌ཞིང༌ ། ཁོས༌གཞན༌སྐྱོབ༌ཅིང༌རང༌སྐྱོབ༌མི༌ཐུབ༌བོ ། ༡༥༌༣༢ ། ཡིས༌ར༌ཨེལ༌གྱི༌རྒྱལ༌པོ༌མ༌ཤི༌ཀ ། ། ང༌ཚོས༌མཐོང༌ནས༌དད༌པའི༌ཕྱིར ། ད༌རྒྱང༌ཤིང༌ལས༌མར༌བོབས༌ཤིག༌ཟེར༌ཏོ ། ། ཁོང༌མཉམ༌དུ༌བརྐྱངས༌པ༌གཉིས༌ཀྱིས༌ཀྱང༌སྨད༌དོ ༎
༡༥༌༣༣ ། ཉིན༌ཕྱེད༌ལ༌ཡུལ༌ཐམས༌ཅད༌མུན༌པས༌འཐིབས༌ནས༌ཆུ༌ཚོད༌གསུམ༌པའི༌བར༌དུ༌ལུས༌སོ ། ༡༥༌༣༤ ། ཆུ༌ཚོད༌གསུམ༌པ༌ལ༌ཡེ༌ཤུས༌གསུང༌སྐད༌ཆེན༌པོས ། ཨེ༌ལོ༌ཨི ། ཨེ༌ལོ༌ཨི ། ལ༌མ༌ཤ༌བཁ༌ཐ༌ནི ། བོད༌སྐད༌དུ ། ངའི༌དཀོན༌མཆོག ། ངའི༌དཀོན༌མཆོག ། ཁྱེད༌ཀྱིས༌ང༌ཅི༌ལ༌སྤངས༌པ༌ཡིན ། གསུངས༌སོ ། ༡༥༌༣༥ ། དེར༌ཡོད༌པ༌རེས༌ཐོས༌ནས ། ཨེ༌ལི༌ཡ༌ལ༌འབོད༌དོ༌སྨྲས༌པ༌དང༌ ། ༡༥༌༣༦ གཅིག༌བརྒྱུགས༌ནས ། ཆུ༌བལ༌ཆང༌སྐྱར༌གྱི༌ནང༌དུ༌སྦངས༌ནས ། སྨྱག༌མའི༌རྕེ༌ལ༌སྐྱོན༌ཏེ ། བཞེས༌པའི༌ཕྱིར༌བསྲིངས༌ནས ། ཨེ༌ལི༌ཡ༌ཁོ༌ཕབ༌ཕྱིར༌ཕེས༌བམ༌མི༌ ཕེབ༌བལྟའོ༌སྨྲས༌སོ ། ༡༥༌༣༧ ། དེ༌ནས༌ཡེ༌ཤུས༌གསུང༌སྐད༌དྲག༌པོ༌བཏོན༌པར༌མཛད༌དེ ། སྐུ༌སྲོག༌གནང༌ངོ༌ ། ༡༥༌༣༨ མཆོད༌ཁང༌གི༌ཡོལ༌བ༌འགོ༌ནས༌མཇུག༌ཏུ༌ཁག༌གཉིས༌ལ༌རལ ། ༡༥༌༣༩ ཁོང༌གི༌དྲུང༌དུ༌ཡོད༌པའི༌བརྒྱ༌དཔོན༌གྱིས ། ཁོང༌འདི༌ལྟར༌གྲོངས༌པ༌མཐོང༌ནས ། སྐྱེས༌བུ༌འདི༌དཀོན༌མཆོག༌གི༌སྲས༌ཡིན༌པར༌བདེན༌ནོ༌ཞེས༌སྨྲས༌སོ ། ༡༥༌༤༠ ། ཁོང༌ག༌ལིལ༌དུ༌བཞུགས༌དུས༌རྗེས༌སུ༌འབྲངས༌ཏེ༌ཞབས༌ཕྱི༌ཞུ༌བའི༌བུད༌མེད༌ནི༌མག༌དལ༌མ༌མིར༌ཡམ༌དང༌ ། ༡༥༌༤༡ ཡ༌ཀོབ༌ཆུང༌བ༌དང༌ཡོ༌སེའི༌མ༌མིར༌ཡམ༌དང༌ ། ས༌ལོ༌མེ༌དང༌ ། ཁོང༌མཉམ༌ཡེ༌རུ༌ཤ༌ལེམ༌ལ༌འོངས༌པའི༌བུད༌མེད༌གཞན༌མང༌པོས༌ཀྱང༌ཐག༌རིང༌ནས༌བལྟས༌སོ ༎
༡༥༌༤༢ ། ཕྱི༌དྲོ༌ཤབ༌བད༌ཀྱི༌ཞག༌སྔ༌མ༌སྟ༌གོན༌གྱི༌ཉིན༌མོ༌ཡིན༌པས ། ༡༥༌༤༣ རྕིས༌ཆེ༌བའི༌གྲོས༌མི༌ཨ༌རི༌མ༌ཐ༌པ༌ཡོ༌སེབ ། དཀོན༌མཆོག༌གི༌རྒྱལ༌སྲིད༌ལའང༌སྒུག༌པ༌དེ༌འོངས༌ནས ། སྤོབས༌པ༌བྱས༌ནས༌པི༌ལ༌ཏུ༌མཇལ༌ཏེ ། ཡེ༌ཤུའི༌སྤུར༌གྱི༌ཕྱིར༌ཞུས༌པ༌དང༌ ། ༡༥༌༤༤ གྲོངས༌ཟིན༌པ༌ལ༌པི༌ལ༌ཏུ༌ངོ༌མཚར༌དུ༌གྱུར༌ཏེ ། བརྒྱ༌དཔོན༌བོས༌ནས ། ཁོང༌གྲོངས༌ཟིན༌ནམ༌ཞེས༌དྲིས༌ཏེ ། ༡༥༌༤༥ བརྒྱ༌དཔོན༌ལས༌བརྟགས༌ནས ། སྤུར༌ཡོ༌སེབ༌ལ༌བཏང༌ངོ༌ ། ༡༥༌༤༦ ། དེས༌རས༌ཉོས༌ནས༌སྤུར༌ཕབས༌ཏེ ། རས༌ཀྱི༌ནང༌དུ༌བཏུམ༌ནས ། བྲག༌ནང༌བརྐོས༌པའི༌དུར༌ཁུང༌ནང༌གདན༌ཞིས༌ཏེ ། ཁ༌ལ༌ཕ༌བོང༌ཞིག༌བསྒྲིལ༌ལོ ། ༡༥༌༤༧ ། མག༌དལ༌མ༌མིར༌ཡམ༌དང༌ ། ཡོ༌སེའི༌མ༌མིར༌ཡམ༌གྱིས༌ཁོང༌གདན༌ཞུ༌ས༌མཐོང༌ངོ༌ ༎ ༎
༡༦༌༡ ། ཤབ༌བད༌ཐོན༌པ༌དང༌ ། མག༌དལ༌མ༌མིར༌ཡམ༌དང༌ ། ཡ༌ཀོབ༌ཀྱི༌མ༌མིར༌ཡམ༌དང༌ ། ས༌ལོ༌མེས༌སྤུར༌ལ༌འབྱུག༌པའི༌ཕྱིར༌དྲི༌བཟང༌ཉོས༌ནས ། ༡༦༌༢ བདུན༌ཕྲག༌གི༌ཞག༌དང༌པོ༌ལ ། ཤིན༌ཏུ༌སྔ༌བར༌ལངས༌ནས༌ཉི༌མ༌ཤར༌བ༌དང༌སྤུར༌ཁང༌དུ༌བསླེབས༌ཏེ ། ༡༦༌༣ ཕན༌ཚུན༌གཏམ༌བྱེད༌ཅིང༌ ། ང༌ཚོའི༌ཕྱིར༌སྤུར༌ཁང༌གི༌ཁ༌རྡོ༌སུས༌བསྒྲིལོ༌འོང༌ཟེར༌ཞིང༌བལྟས༌པས ། ༡༦༌༤ ཕ༌བོང༌ཆེན༌པོ༌ཞིག༌ཡིན༌ཀྱང༌བསྒྲིལ༌ཟིན༌ཡོད༌པ༌མཐོང༌ངོ༌ ། ༡༦༌༥ ། སྤུར༌ཁང༌གི༌ནང༌དུ༌ཞུགས༌པ༌དང༌ ། གོས༌དཀར༌པོ༌གོན༌པའི༌གཞོན༌ནུ༌ཞིག༌གཡས༌ཕྱོགས༌སུ༌བསྡད༌པ༌མཐོང༌ནས༌འཇིགས༌སོ ། ༡༦༌༦ ། དེས ། མ༌འཇིགས༌ཤིག ། ཁྱེད༌ཚོས༌འཚོལ༌བའི༌རྒྱང༌ཤིང༌ལ༌བརྐྱངས༌པའི༌ཡེ༌ཤུ༌ཁོང༌ནི༌སྐུ༌གསོན༌པོར༌བཞེངས༌ཏེ༌འདིར༌མེད ། ཁོང༌གི༌སྐུ༌སྤུར༌བཞག༌པའི༌གནས༌འདི༌ཡིན ། ༡༦༌༧ སོང༌ལ༌ཉེ༌གནས༌དང༌པེ༌ཧྲོ༌ལ༌འདི༌སྐད༌དུ ། སྔར༌གསུངས༌པ༌བཞིན༌དུ༌ཁོང༌ཁྱེད༌ལས༌སྔོན༌དུ༌ག༌ལིལ༌དུ༌ཕེབས༌ནས ། དེ༌རུ༌མཇལ༌འོང༌སྨྲོས༌ཤིག༌ཟེར༌བ༌དང༌ ། ༡༦༌༨ བུ༌མོ༌རྣམས༌འདར༌ཞིང༌འཇིགས༌པས༌ཐོན༌ཏེ༌སྤུར༌ཁང༌ནས༌བྲོས༌ཏེ ། ཚབས༌ནས༌སུ༌ལའང༌མ༌སྨྲས༌སོ ༎
༡༦༌༩ ། ཡེ༌ཤུ༌བདུན༌ཕྲག༌གི༌ཞག༌དང༌པོའི༌སྔ༌དྲོར༌སྐུ༌གསོན༌པོར༌བཞེངས༌པ ། འགོང༌པོ༌བདུན༌བཏོན༌པའི༌མག༌དལ༌མ༌མིར༌ཡམ༌གྱིས༌དང༌པོར༌མཇལ༌ནས༌སོང༌སྟེ ། ༡༦༌༡༠ ངུ༌ཞིང༌མྱ༌ངན༌བྱེད༌པའི༌ཁོང༌གི༌འཁོར༌རྣམས༌ལ༌བཤད༌ཀྱང༌ ། ༡༦༌༡༡ ཁོང༌སྐུ༌གསོན༌པོར༌ཡོད༌པ༌དང༌ ། མིར༌ཡམ༌གྱིས༌མཇལ༌བ༌ཐོས༌ནས༌ཡིད༌མ༌ཆེས༌སོ ། ༡༦༌༡༢ ། དེའི༌རྗེས༌སུ༌དེ༌ཚོའི༌ནང༌ནས༌ཡུལ༌ཚོ༌ལ༌འགྲོ༌བ༌གཉིས༌ལ༌སྐུ༌གཟིགས༌གཞན༌དུ༌གྱུར༌ཏེ༌མངོན༌པར༌མཛད༌པས ། ༡༦༌༡༣ ། དེ༌དག༌ལོག༌ནས༌གཞན༌ཚོར༌བཤད༌ཀྱང༌ཡིད༌མ༌ཆེས༌སོ ། ༡༦༌༡༤ ། དེའི༌རྗེས༌སུ༌བཅུ༌གཅིག༌པོ༌ཁ༌ཟས༌ཟ༌བའི༌ཚེ༌སྐུ༌མངོན༌པར༌མཛད༌དེ ། སྐུ༌གསོན༌པོར༌བཞེངས༌པར༌མཇལ༌བ༌ལ༌ཡིད༌མ༌ཆེས༌པས ། སྙིང༌གྱོང༌ཞིང༌དད༌པ༌མེད༌པར༌བཀའ༌བཀྱོན༌མཛད༌དོ ། ༡༦༌༡༥ ། དེ༌རྣམས༌ལ ། འཇིག༌རྟེན༌ཀུན༌ཏུ༌སོང༌ལ༌མི༌ཐམས༌ཅད༌ལ༌ཕྲིན༌བཟང༌བཤོད༌ཅིག ༡༦༌༡༦ ། དད༌ཅིང༌ཁྲུས༌ཐོབ༌པ༌རྣམས༌ཐར༌བར༌འགྱུར ། མི༌དད༌པ༌རྣམས༌ལ༌ཆད༌པ༌གཅོད༌པར༌འགྱུར༌རོ ། ༡༦༌༡༧ ། ཡང༌དད༌པ༌བྱེད༌མཁན༌ལ༌ངའི༌མཚན༌བརྗོད༌ཅིང༌འགོང༌པོ༌སྐྲོད༌པ༌དང༌ ། སྐད༌གསར༌པས༌སྨྲ༌བ༌དང༌ ། ༡༦༌༡༨ སྦྲུལ༌ལག༌པར༌ལེན༌པ༌དང༌ ། དུག༌ཆེན༌རིགས༌ཐུང༌ནའང༌མི༌གནོད༌པ༌དང༌ ། ནད༌པའི༌ཐོག༌ཏུ༌ལག༌པ༌བཞག༌ནས༌ནད༌གསོ༌བའི༌ལྟས༌དང༌ལྡན༌པར༌འགྱུར༌རོ༌ གསུངས༌སོ ། ༡༦༌༡༩ ། དེ༌ལྟར༌གཙོ༌བོ༌ཡེ༌ཤུས༌དེ༌དག༌ལ༌གདམས༌པའི༌འོག༌ཏུ ། ཁོང༌ནམ༌མཁར༌གདན༌དྲངས༌ནས ། དཀོན༌མཆོག༌གི༌ཕྱག༌གཡས༌སུ༌བཞུགས༌སོ ། ༡༦༌༢༠ ། དེ༌དག༌སོང༌ནས༌ཕྱོགས༌ཀུན༌ཏུ༌ཆོས༌བཤད༌ཅིང༌ ། གཙོ༌བོ༌དེ༌རྣམས༌དང༌འགྲོགས༌ཏེ ། ལྟས༌བསྟན༌པའི༌སྒོ༌ནས༌བཀའ༌དེ༌བདེན༌པ༌ཡིན༌པར༌བསྟན༌ཏོ ༎ ༎