Бурганның Оглу Иисус Христос дугайында Буянныг Медээниң эгези бо-дур. Исаия медээчиниң номунда Бурган мынча дээн: Кєр даан, Мээң тєлээлекчим Сээң орууңну белеткеп берзин дээш, ону Сени мурнай чорудуп тур мен. Ээн кургаг ховуда алгырган кижиниң vнv: Дээрги-Чаяакчыга оруктан белеткеңер, Ооң эртер кокпазын дорттап бериңер. Ынчангаш кургаг куруг ховуга Иоанн Медеглекчи чедип келген. Ол улуска - бачыттары дээш єршээл алыр дизе, бачыдын миннип, Бурганче ээлгениниң демдээ кылдыр - сугга суктурар ужурлуун суртаалдап турган. Улус аңаа бvгv Иудея черинден база Иерусалим хоорайдан боттарының бачыттарын ажыы-биле миннир дээш, кээп турган, а Иоанн оларны Иордан хемге сугга суп vурган. Иоанн теве дvгvнден кылган хептиг база белинде хєм курлуг чораан, а ооң чиир чеми акрида деп шартылаа болгаш черлик ары чигири болган. Ол улуска мындыг суртаал берген: Меңээ деңнээр аргажок єндvр улуг Кижи мээң соомдан чоруп олурар. Доңгайгаш, Ооң идииниң шидиишкинин безин чежеринге тєлеп чок кижи-дир мен. Мен силерни сугга суктум, а Ол силерни Ыдыктыг Сvлдеге сугар.

Ол хvннерде Галилея чериниң Назарет деп хоорайжыгажындан Иисус чедип келген. Иоанн Ону база Иордан хемге суккан чvве-дир. Иисус сугдан vнvп ора, дээрниң аңгайып ажыттына бергенин база Бодунуң кырынче кєге-буга дег бадып орар Бурганның Сулдезин кєрvп каан. Оон дээрден мынча дээн vн дыңналган: Сен Мээң ханы ынак Оглум-дур сен, Мээң сеткилимге дыка-ла кирер-дир сен. Ооң соонда ол-ла дораан Ыдыктыг Сvлде Ону ээн кургаг ховуже чорудупкан. Ээн кургаг ховуга Ол дєртен хvн дургузунда эрликке кvткvттvрvп, черлик амытаннар аразынга чурттап келген. Дээрниң тєлээлери Аңаа бараан болуп турганнар.

Иоанны тудуп хоругдаанының соонда, Иисус Бургандан келкен Буянныг Медээни суртаалдап, Галилеяга чедип келген. Ол мынчаар суртаалдаан: Доктааткан vе келген-дир: бачыдыңар миннип, Бурганче эглиңер база Буянныг Медээге бvзvреңер!

Бир-ле катап Иисус Галилея хєлдvң чаны-биле эртип бар чыткаш, балыкчылар болганындан четкилерин хєлче салып турган Симон болгаш ооң дуңмазы Андрейни кєрvп каан. Иисус оларга мынча дээн: Мени элериңер. Силерни кижилер тывыкчылары кылып каар мен. Алышкылар четкилерин каапкаш, ол-ла дораан Ону эдерип чорупканнар. Оон Ол бичии ырадыр кылаштай бергеш, Зеведейниң оглу Иаков биле ооң дуңмазы Иоанны кєрvп каан, олар база-ла хемеде четкилерин септеп олурганнар. Иисус оларны база кый деп алган. Олар ачазы Зеведейни хєлечиктери-биле катай хемеге каапкаш, Ону эдерип чорупканнар.

Олар шупту Капернаум хоорайга чедип келгеннер. Yр болбаанда, Иисус амыр-дыш хvнvнде синагогага кирип келгеш, улусту єєреди берген. Ооң берген єєредиин улус кайгап ханмаан, чvге дээрге Ол ном-хоойлу тайылбырлакчылары ышкаш эвес, а эрге-чагырга ээлээн кижи ышкаш оларны єєредип турган.

Ол синагогага букка алыскан бир кижи алгырып vнген: Назарет чурттуг Иисус, Силерге бистен чvv херегил? Силер бисти узуткаар дээш келдиңер бе? Силерни кымыл дээрзин билир мен, Силер - Бурганның Ыдыктыг Тєлээлекчизи-дир силер! Иисус букка: Ыыттава, ол кижиден vне бер! - деп шыңгыы дужааган. Бук ынчан ол кижини курулдурупкаш, ыыткыр алгырбышаан, оон vне берген. Шупту улус кайгап-харааш, аразында мынча дишкен: Чvv деп чvвел бо? Ол буктарны безин чагырарга, олар Аңаа чагыртып турар, кандаай ындыг чаа, кvштvг єєредиг чvвел бо? Удатпаанда Ооң дугайында дамчыыр чугаа бvгv Галилеяга тарай берген.

Иисус Иаков болгаш Иоанн-биле кады синагогадан vнгеш, vр болбайн, Симон биле Андрейниң бажыңынга чеде берген. Симон-нуң кат-иези халыын аарыгдан аарып чыдар боорга, олар Иисуска ындыг дээрзин чугаалааннар. Ол чыткан херээженге чоокшулай бергеш, ооң холундан тудуп алгаш, тургузуп эккелген. Демги херээженниң халыын аарыы анаа апарган, экирээн кижи ол дораан оларга бараан болуп эгелээн.

Кежээликтей, хvн ажа бергенде, Иисуска бар-ла турган аарыг-аржык болгаш букшуураан улусту эккелгеш туруп бергеннер. Хоорайның бvгv чурттакчылары хаалга алсынга чыглып келген. Янзы-бvрv аарыгларга алыскан дыка хєй кижини Ол ынчан экиртип каан. Дыка хєй буктарны кижилерден vндvр сывыртапкаш, оларга Ооң дугайында чугаалаарын хоруп каан, чvге дээрге буктар Ол кым дээрзин билир турган.

Иисус даартазында эртен чер чырываанда-ла тургаш, дашкаар vнгеш, ээнзиргей черге барып, Бурганга мєргvп турган. Симон болгаш Ооң-биле кады чораан улус Ону дилеп чорупканнар. Оон Иисусту тып алгаш, Аңаа: Хамык улус Силерни дилеп тур - дээннер. Иисус оларга мынча дээн: Чоок-кавы суурлар болгаш хоорайларже бараалыңар, Мен аңаа база суртаалдаайн, чvге дээрге кылыр дээш келген херээм-не ол болгай! Ол бvгv Галилеяны эргий кезип, синагогаларга суртаалдап база буктарны vндvр сывыртап чоруп берген.

Бир-ле катап Иисуска экирбес кеш аарыглыг кижи чедип келгеш, Ооң мурнунга дис кырынга олура дvшкеш, Аңаа: Кvзээр болзуңарза-ла, Силер мени арыглап каар силер - деп чалынган. Иисус ону кээргей бергеш, холун сунуп, экирбес кеш аарыглыг кижиге деггеш, аңаа мынча дээн: Кvзеп тур мен, арыгланы бер! Экирбес кеш аарыы ол-ла дораан демги кижиден адырлы берген. Ооң кежи арыгланы берип, каң-кадык апарган. Иисус оон ол кижини чорудуп тура, аңаа шыңгыы чагып каан: Дыңна, кымга-даа бо дугайында чугаалава. Баргаш, Бурганның бир-ле бараалгакчызынга кєстvп каг, оон Моисейниң хоойлузунда айытканын ёзугаар, арыгланганың дээш, Бурганга єргvлдv кыл. Сен ол єргvлvн-биле экирээниңни улуска херечилеп кєргvскен боор сен. А ол кижи чоруткаш, болган таварылганың дугайында шупту улуска чарлап, vзvк-соксаал чок чугаалап эгелээн. Ынчангаш Иисус хоорайже кєзvлдvр кээр арга чок апаргаш, хоорай даштында ээнзиргей черлерге туруп алыр ужурга таварышкан. Улус Аңаа дємей-ле чер болгандан кээп туруп берген.

free web site hit counter