1:1 Павел, Сила болгаш Тимофейден байыр! Фессалоникада Бурган Ада болгаш Дээрги-Чаяакчывыс Иисус Христоска бузурээннер ниитилелинге бижидим. Силерге авырал* биле амыр-тайбын бактаазын!
* Чамдык бурунгу грек созуглелдерде авырал деп соске: Бурган Адавыс болгаш Дээрги-Чаяакчывыс Иисус Христостан келген - деп состерни немээн.
Фессалоникажыларнын бузурели болгаш амыдыралы
2 Моргул кылган санывыста-ла силерни сактып, догеренер дээш, Бурганга ургулчу ооруп четтирер-дир бис. 3 Силернин бузурелинер дээш ажыл-херээнерни, ынакшылынардан сорук кирген ажылынарны, Дээрги-Чаяакчывыс Иисус Христоска идегелинернин чайгылыш чогун Бурган Адавыстын мурнунга доктаамал сактып чор бис. 4 Ха-дунма, Бурганнын силерге ынаан, Оон силерни шилип алганын билир бис. 5 Чуге дээрге бистин эккелгенивис Буянныг Медээ силерге чугле сос кырында эвес, а кучулуу-биле, Ыдыктыг Сулдени дамчыштыр, алыс шынга бурун бузурел-биле чедип турар. Аранарга тургаш, силерге буянныг болзун дээш, канчаар амыдырап келгенивисти корген болгай силер. 6 Бисти база Дээрги-Чаяакчыны боттарынарга оттунер улегер кылып алган силер. Буянныг Медээни улуг хилинчек коруп, ынчалза-даа Ыдыктыг Сулденин бээри оорушку-биле хулээп алган силер. 7 Ынчангаш Македония болгаш Ахаия можуларда бугу бузурээн улуска улегер апардынар. 8 Дээрги-Чаяакчынын медээзи ам силерни дамчып, чугле Македония болгаш Ахаияга эвес, а чер болганга нептерей берген. Бурганга бузурээнинер кайда-даа билдингир апарган, бис ам ол дугайында чуну-даа чугаалавайн барып боор бис. 9 Бисти канчаар хулээп алганынар дугайында, дурзу-бурганнардан ойталааш, алыс шын дириг Бурганга бараан боору-биле Олче канчаар ээлгенинер дугайында бугу оске улус боттары биске чугаалап турар апарды. 10 Улус силерни Бурганнын Оглу Иисустун дээрден чедип кээрин манап турарлар дээр-дир. Бурган Иисусту олуглерден катап диргискен, а Ол бисти Бурганнын кел чыдар киленинден камгалаар.
Павелдин Фессалоникага ажыл-чорудулгазы
2:1 Бистин силерге кээп чораанывыс туннел чок болбаанын боттарынар билир силер, ха-дунма. 2 А оон мурнунда Филиппыга кайы хире хилинчек коруп, дорамчыладып келгенивис база силерге билдингир. Ынчалза-даа куштуг удур ходелиишкин турда-ла, Бурганывыс биске Оон Буянныг Медээзин силерге дидими-биле суртаалдаар арганы берген. 3 Силерни кыйгырган ооредивиисте кандыг-даа будулгаазынныг, чудек-бужар сагыш чок, бис кымны-даа мегелевейн турар бис. 4 А Буянныг Медээни суртаалдаарын дагзыры-биле Бурганнын шылгааны улус дег чугаалап тур бис. Ынчангаш бис чугаалап тура, улустун эвес, а чуректеривисти билир Бурганнын сеткили ханзын дээш, кызыткан бис. 5 Шынап-ла, силер билир силер, кажан-даа авыяастап чорбаан бис, чажырар хире хуу ажык-кончаа сурген сагыжывыс-даа чок турган; херечивис - Бурган ол-дур! 6 Силерден-даа, оске улустан-даа алдар-мактал дилевээн бис. 7 Христостун элчиннери болгаш, силерден бараан болуушкун манап, негээр эргелиг турган бис, ынчалза-даа чаш толдери дээш, иенин сагыш човаары дег, силерге аажок уян-чымчак хамаарылга* коргустувус. 8 Силерге ындыг куштуг ынак болгаш, чугле Буянныг Медээни эвес, а амы-тынывысты силерге хулээдип бээринге белен турдувус. Биске ол хире эргим болдунар! 9,10 Ха-дунма, кайы хире чилчик узулдур ажылдап, бергелерни эртип келгенивисти билир силер. Бурганнын Буянныг Медээзин силерге суртаалдап тура, кайынарны-даа шуудетпес дээш, дуне-хундус дивейн ажылдап, бузурээн силерге хамаарыштыр боттарывысты Бурганнын мурнунга арыг-шынчы, толептиг ап келгенивисти билир силер, Бурган база ону херечилээр. 11 Ада кижинин ажы-толун эки коору дег, силернин кижи бурузун ынчаар эки коруп келгенивисти билир силер: 12 Оон Чагыргазы болгаш алдарын улежири-биле силерни кыйгырган Бурганнын мурнунга толептиг чурттанар деп, бис силерни сорук киирип, аргалап база уттеп-сургап келген бис.
* Чамдык бурунгу грек созуглелдерде Аажок уян-чымчак хамаарылга эвес, а Чаш уруглар ышкаш деп бижээн.
Иудеяда христианнарнын улегери
13 Бистен дыннаанынар Бурганнын медээзин хулээп аарда, ону кижи созу дег эвес, а оон херек кырында кандыызы дег: бузурей бээринерге, силерге кучулуг салдар чедирип турар Бурганнын созу дег кылдыр хулээп алган силер. Узук-соксаал чокка Бурганга ооруп четтиреривистин база бир чылдагааны ол-дур. 14 Иудеяда турар Христос Иисуска башкарткан Бурганга бузурээннер ниитилелинин улегерин эдерген болгай силер, ха-дунма. Чуге дээрге оларнын иудейлерден когарааны дег, силер база боттарынарнын-на чангыс чер чурттугларынардан когарап турар-дыр силер. 15 Иудейлер, оон мурнунда медээчилерин олуруп турганнары дег, Дээрги-Чаяакчы Иисусту олуруп кааннар, а бисти истеп суруп турганнар. Оларнын ажыл-херээ Бурганга таарымча чок база бугу кижи торелгетенге удур бооп турар. 16 Олар биске камгалал дугайында Буянныг Медээни оске чоннарга чедиреринге шаптык кадып, оон-биле бачыттарынын аяан долдуруп турарлар. Ынчалза-даа Бурганнын килени ам-на оларнын кырынче чылча дужер!
Павелдин Фессалоникаже аажок катап келиксээни
17 Ха-дунма, кезек ойде бисти силерден чарыптарга, сеткиливис тудуш харылзаалыг хевээр-даа болза, оскуссурээн дег бооп, силер-биле арын коржуп ужуражырын аажок куштуг кузеп келдивис. 18 Ийе, бис силерже катап медээжок келикседивис, Павел мен база чангыс эвес удаа чеде бээрин шенедим, ынчалза-даа эрлик бистин оруувусту дуй туруп турду. 19 Чуге дээрге силер эвес болза, оске кымнар идегеливистин, оорушкувустун база Дээрги-Чаяакчывыс Иисус катап чедип кээрге, тиилелгевис дээш чоргааралывыстын унер дозу боорул?! 20 Ийет, ылап-ла силер - чоргааралывыс болгаш оорушкувус силер!
3:1 Ынчангаш бис, силер-биле чарлыышкынны оон ынай ууп шыдавайн баргаш, Афиныга ийи бодувус артып каар деп шиитпир ундурдувус. 2 А силерже Тимофейни, Христостун дугайында Буянныг Медээни суртаалдаар кижини, Бурганнын ажыл-херээнге бистин-биле денге ажылдаан бузурээн эживисти, чоруттувус. Ол силерни сорук киирзин база бузурелинер быжыктырзын. 3 Ол хире кончуг истеп суруушкуннер ужун кым-даа чайгыла бербезин дээш, ынчалдывыс. Шак ол шенелделер биске албан таваржырын билирле болгай силер. 4 Бисти истеп суре бээри чайлаш чогун силер-биле кады турар уевисте-ле чугаалап шаг болган бис. Ол ынчалдыр болган-даа деп, силер ам билир силер. 5 Ынчангаш мен, оон ынай манаар харык чок апаргаш, силернин бузурелинер дугайында билип эккелзин дээш, Тимофейни чоруттум. Куткукчу эрлик силерни оруунардан астыктыра бербээн бе дээш, ажыл-херээвис хей черге болбаан бе дээш, коргуп турдум.
Эки медээлер
6 Ындыг-даа болза Тимофей силерден мырынай чаа ээп келгеш, бузурелинер болгаш ынакшылынар дугайында эки медээлер эккелди. Бистин дугайывыста чаагай сактыышкын фессалоникажыларга артып калган, ынчангаш оларны коруксээнивистен дудак чок, бисти коруксээш, четтикпейн турар улус-тур деп, ол чугаалап келди. 7 Байдалывыс чеже-даа берге бооп, истеп суруушкуннер турза-даа, бузурелинер бисти сорук киирип, улуг деткимче болду, ха-дунма. 8 Чуге дээрге силернин Дээрги-Чаяакчы-биле эвилелинер ыяк быжыг боорга, бис ам база катап тынгарлы бердивис. 9 Силер дээш база Бурганывыстын мурнунга бисти оорткенинер дээш, Бурганга ооруп четтиргенивисти канчаар долузу-биле ажыдарыл?! 10 Силер-биле база катап арын коржуп ужуражыр дээш, бузурелинернин ам-даа четпейн турар чуулун немеп бээр дээш, бис дуне-хундус дивейн, бар шаавысбиле моргуп тур бис.
11 Ынчанганда Бурган Адавыс Боду база Дээрги-Чаяакчывыс Иисус силерже баар орукту биске айтып берзин. 12 Силернин бот-боттарынарга база арткан хамык улуска ынакшылынарны Дээрги-Чаяакчы улам остургеш, бистин силерге ынакшылывыс дег кылдыр, кызыгаар чокка остуруп берзин. 13 Дээрги-Чаяакчывыс Иисустун Анаа хамааржыр хамык улузу-биле кады ээп кээр хунунге чедир Бурган Адавыстын мурнунга чуректеринер кем-буруу чок болгаш ыдыктыг бооп артсын дээш, Ол силерни быжыктырзын. Аминь.
Бурганга таарымчалыг амыдырал
4:1 Туннелинде, ха-дунма, Дээрги-Чаяакчы Иисустун ады-биле силерден ээрежип база кыйгырып тур бис: Бурганга таарымчалыг кылдыр канчаар амыдыраар ужурлуун силерге ооредип каанывыс дег, улаштыр ынчалдыр амыдыранар. Ам безин ынчалдыр амыдырап турар силер,* ындыг-даа болза ынчаар амыдыраарын оон-даа чуткулдуг уламчыланар. 2 Дээрги-Чаяакчы Иисустун эргечагыргазы-биле силерге кандыг чагыглар бергенивисти билир силер. 3 Бурган силерден боттарынарны Анаа бараалгадып амыдыраарынарны болгаш кандыг-даа самыыраар чоруктан ойталаарынарны кузеп турар. 4 Эр кижи бурузу бодунун мага-бодун база оон кузээшкиннерин тудуп,** Бурганга шынчы, мактал-хундуге толептиг амыдыразын. 5 Бурганны билбес оске чоннар улузу дег, туралаан хандыкшылынын аайынга кирбезин. 6 Ындыг таварылгада эр кижи бузурээн эжин карак ажыттап, оон бузурелин ажыглай бербезин халак. Чуге дээрге моон мурнунда-ла силерге чугаалап база кичээндирип турганывыс дег, шак ындыг бачыттар дээш, Бурган кеземче онаар. 7 Ол бисти чудек-бужар боорунче эвес, а Анаа шынчы амыдыралче кыйгырган болгай. 8 Ындыг болганда, кым ол чагыгларны хулээп албааныл, оозу-биле кижини эвес, а силерге Бодунун Ыдыктыг Сулдезин берип турар Бурганны хулээп албаан-дыр.
* Чамдык бурунгу грек созуглелдерде Ам безин ынчалдыр амыдырап турар силер деп состер
таварышпайн турар.
** Мага-бодун база оон кузээшкиннерин тудуп - деп состернин
оске утказы: Бодунун кадайы-биле кады чурттазын-бооп чадавас.
9 Бузурээн ха-дунмавыска ынакшыл дугайында силерге оон ынай бижээн херээвис чок боор, чуге дээрге Бурган силерни бот-бодунарга ынак боорунга ооредип каан болгай. 10 Бугу Македонияда чурттаан ха-дунманарга чогум-на ынчалдыр ынак силер. Ындыг-даа болза, ха-дунма, бот-бодунарга оон-даа куштуг ынак боорунарны дилеп тур бис. 11 Тайбын-шолээн амыдыралче чуткунер, оон мурнунда силерге чагып турганывыс дег, кижи бурузу бодунун ажыл-херээн чогудуп, амыдыраар кошкулун бодунун холу-биле ажылдап аар ужурлуг. 12 Ынчалдыр кылыр болзунарза, оске улус силернин канчаар амыдырап чоруурунарны хундулээр база хереглелдеринерге кымдан-даа хамаарылга чок боор силер.
Дээрги-Чаяакчынын ээп кээри
13 Ха-дунма, олген улус-биле чуу боорун билип аарынарны кузеп тур бис. Силер, идегээр чувези чок оске улус дег, олгеннер дээш мунгараванар. 14 Бир-тээ, Иисус олгеш, оон катап дирилген деп бузурээр болганывыста, Иисуска бузуревишаан олген улусту Бурган Оон-биле кады дедир эккээр деп база бузурээр бис. 15 Дээрги-Чаяакчынын чугаалаан состерин барымдаалап, силерге чугаалап тур бис: Оон чедип кээринге чедир бистин аравыстан дириг артар улус - мочээннер мурнунче кирбес бис. 16 Улус дээрнин дээди толээзинин унун болгаш Бурганнын бурээзинин эткенин дыннап каар. Дээрги-Чаяакчы Боду дээрден дужуп келгеш, дужаалын медеглептер. Христоска бузуревишаан олгеннер ынчан кымны-даа мурнай катап дирлип кээр. 17 А оон соонда бис, дириг улус, Дээрги-Чаяакчыны агаарга уткуур дээш, олар-биле кады булуттар кырынче кодуртуп ундурту бээр база оон сонгаар кезээ монгеде Дээрги-Чаяакчы-биле кады артар бис. 18 Ынчангаш ол состер-биле бот-бодунарны аргалап чорунар.
Дээрги-Чаяакчынын ээп кээринге белен болунар
5:1 Ха-дунма, силерге уелер болгаш хуусаалар дугайында бижээн херээ чок боор. 2 Дуне када оор дег, Дээрги-Чаяакчынын хуну хенертен чедип кээрин боттарынар кончуг эки билир силер. 3 Улус: Кайда-даа амыр-тайбын-дыр, айыыл чок-тур - деп чугаалажы бээрге, ынчан хенертен, сааттыг херээженнин эъди аарый бээри дег, оларны айыыл-халап хоме таварыыр база кым-даа олумден дезип шыдавас!
4 Ха-дунма, ынчалза-даа силер думбей карангыда эвес силер, ол хун, оор дег, силернин кырынарга хеп-хенертен келбес. 5 Чуге дээрге силер - чырыктын болгаш хуннун ажы-толу силер. Бис дунге база думбей карангыга хамаарышпас бис. 6 Ындыг болганда, оске улус ышкаш, уйгуга бастырбаалы. Серемчилелдиг болгаш хынамчалыг болунар. 7 Уйгужу улус дуне удуур, арагачылар база дуне эзиртир ижер болгай. 8 А бис, хунге хамааржыр болганывыста, хынамчалыг болуулу, бузурел болгаш ынакшылды - куяк хеп дег, а камгалалга идегелди - куяк борт дег кедип аалы. 9 Чуге дээрге Бурган бисти, Оон киленинин хунунде шиидер дээш эвес, а Дээрги-Чаяакчывыс Иисус Христосту дамчыштыр камгалаар дээш шилип алган. 10 Христос бис дээш, Оон ээп кээр хунунде дириг-даа, олуг-даа турар болзувусса, Оон-биле тудуш апарып, амыдыраарывыс дээш олген. 11 Ынчангаш ам ынчалдыр кылып турарынар дег, бот-боттарынарны моон-даа сонгаар аргаланар база быжыгланар.
Туннел чагыг-сумелер болгаш байыр чедириишкиннери
12 Ха-дунма, улуу-биле дилеп тур бис: аранарда кызымак ажылдап турар, Дээрги-Чаяакчы-биле харылзаалыг амыдыралга силерни углап-баштап, чагып-сургап турар удуртукчуларны хундулеп корунер. 13 Кылып турар ажыл-херээ дээш, оларны ханы хундуленер, оларга ынак болунар. Аранарда эп-найыралдыг амыдыранар. 14 Ха-дунма, куштуу-биле дилеп тур бис: ажыл кылбас чалгааларны билиндиринер, кортуктарны сорук кииринер, кошкактарга чоленгииш болунар, хамык улус-биле чымчак, чазык болунар. 15 Кайынар-даа бузут дээш бузут-биле харыылай бербезинер хайгааранар, харын бот-боттарынарга база оске бугу улуска буяндан ургулчу кылып чорунар. 16 Ургулчу ооруп чорунар! 17 Соксаал чок моргулденер. 18 Кандыг-даа байдалга тургаш, Бурганга ооруп четтирип чорунар - Христос Иисуска бузурээн бугу улустун ынчалдыр чурттаарын Бурган кузеп турар.
19 Ыдыктыг Сулденин одун ожурбенер: 20 оттур билген медеглелдерни куду корбенер, 21 ынчалза-даа шуптузун хынап чанчыгынар; буяндан туттунунар, 22 кандыг-даа бузуттан чайлап чорунар.
23 Амыр-тайбыннын унер дозу боор Бурган Боду силерни бурунубиле ыдыктазын. Дээрги-Чаяакчывыс Иисус Христостун ээп кээр хунунге чедир силернин сулденер, сагыш-сеткилинер база мага-бодунар кем чок арыг кадагалаттынып артсын. 24 Силерни кыйгырган Бурган Бодунун созунге шынчы, Ол аазаашкынын кууседир!
25 Ха-дунма, бис дээш база моргулдеп корунер! 26 Бурганнын бугу улузун ыдыктыг ошкаашкын-биле мендиленер. 27 Дээрги-Чаяакчынын эрге-чагыргазы-биле силерге дужаап тур мен: бо чагааны бугу бузурээн ха-дунмага номчуп беринер. 28 Дээрги-Чаяакчывыс Иисус Христостун авыралы силерге бактаазын!*
* Чамдык бурунгу грек созуглелдерде бо шулук аминь деп сосбиле тонген.