1:1 Улустун шиитпири-биле болгаш кандыг-бир кижинин дузазыбиле эвес, а Иисус Христосту база Ону олуглерден катап диргискен Бурган Аданы дамчыштыр элчин апарган Павел менден, 2 ол ышкаш мээн-биле кады турар бузурээн ха-дунманын шуптузундан байыр! Галатия можуда Бурганга бузурээннер ниитилелдеринге бижидим.

3 Бурган Адавыс болгаш Дээрги-Чаяакчывыс Иисус Христостан келген авырал биле амыр-тайбын силерге бактаазын. 4 Чурттап турарывыс бузуттуг бо делегейнин эрге-чагыргазындан бисти хостаар дээш, Ол бачыттарывыс ужун Бодун оргулге салган. Бурган Адавыстын кузел-соруу ындыг болган. 5 Анаа кезээ монгеде алдар бактаазын. Аминь.

Оске Буянныг Медээ чок

6 Силерни Христостун авыралы-биле кый деп алган Бургандан ындыг дурген ойталап турарынарны, Буянныг Медээзивес-даа оске-бир ооредигни эдерер деп барганынарны кайгап ханмас-тыр мен. 7 Оске кандыг-даа Буянныг Медээ чок! Христостун дугайында Буянныг Медээни оскертирин кызып, чугле ол дээш, аранарга холзээзин ооскудуп турар улус бар. 8 Ынчалза-даа оске кым-даа, бис азы дээрнин толээзи-даа дижик, оон мурнунда медеглээнинден оске Буянныг Медээни силерге медеглей берзе, ону Бургандан буруну-биле ангылап каапсын! 9 Моон мурнунда-даа чугаалап турдувус, ам база катаптап тур мен: хулээп алганынардан оске ооредигни силерге медеглей бээр кижини Бургандан буруну-биле ангылап каапсын!

10 Чуну чедип алыксап турар мен: улустун мени эки коорун бе азы Бурганнын бе? Азы улус аайынче кирер деп бардым бе? Ынчалза-даа амдыгаа дээр улус аайы-биле чоруп келген болзумза, Христостун чалчазы турбас ийик мен.

Павелдин канчап элчин апарганы

11 Ха-дунма, мону билип аарынарны кузеп тур мен: силерге медеглээним Буянныг Медээ - кижинин чогаадыы эвес-тир. 12 Мен ону улустан албадым, менээ ону улус-даа ооретпеди, харын ону Иисус Христостун ажыдыышкынын дамчыштыр алдым!

13 Иудей сагылгалыг чоруур шаамда канчаар чурттап чораанымны дыннаан боор силер. Мен Бурганга бузурээннер ниитилелин каржызы-биле истеп суруп, ону узуткаарын кызып турдум. 14 Иудей шажынны оорениринге мээн чонумнун иштинде уе-черге оорумну мурнап чоруп турган мен, ылангыя ада-огбенин чанчылдарын эн чуткулдуубиле сагып чордум. 15,16 Ынчалза-даа Бурган Бодунун авыралы-биле хырын иштинге турумда-ла мени шилээш, кый деп алган. Ол, Бодунун Оглун менээ ажыдып бергеш, Оске чоннарнын улузунга Оон дугайында медеглээр сен деп айыткан. Мен ынчан улус аразындан кымдан-даа арга-суме айтырбадым. 17 Иерусалимге турган, мээн мурнумда-ла элчиннер апарган улусче-даа барбадым, а Аравияже чоруптум, оон соонда Дамаскыже ээп келдим.

18 Оон соонда, уш чыл эрткенде, Пётрга ужуражыр сорулгалыг Иерусалимге чедип келгеш, ийи чеди хонук дургузунда оон-биле кады турдум. 19 А оске элчиннерден кымга-даа ужурашпадым, чугле Дээрги-Чаяакчынын дунмазы Иаковту кордум. 20 Силерге бижип орар бугу чуулум актыг шын деп, Бурганнын мурнунга аашкынып тур мен!

21 Мен оон соонда Сирия болгаш Киликия можуларже чорупкан мен. 22 Ынчалза-даа Иудеянын Христоска бузурээннер ниитилелдеринге мээн арным корген, таныыр кижи чок турган. 23 Олар чугле: Мурнунда бисти истеп суруп чораан кижи бир шагда узуткаар дээш, ыйыдып шаг болганы бузурелди ам суртаалдап турар-дыр - деп чугаалар дыннааннар. 24 Олар мени дээш, Бурганны алдаржыдып турганнар.

Павелдин оске элчиннер-биле ужурашканы

2:1 Оон соонда, он дорт чыл эрткенде, Варнава-биле кады Иерусалимге база катап чедип келдим. Титти база эдертип чордум. 2 Бургандан ажыдыышкын алгаш, ынаар чорупкан мен. Эн алдар-хундулуг деп санадыр улус-биле ангы ужурашкаш, оске чоннарнын улузунга суртаалдап чоруурум Буянныг Медээни чугаалап бердим. Мээн амгы болгаш моон мурнундагы ажыл-херээм хилис барбазын дээш, ону медегледим. 3 Оон чуу болган деп? Мени эдерип чораан Титти, ол грек кижи-даа болза, кыртыжап демдектээшкин кылырынче кымдаа албадавады. 4 Бузурээн ха-дунмавыс бооп баажыланган улус бистин аравысче, шивишкиннер дег, шургуп кирип кээрге, ол айтырыг кодурлуп унду. Олар Христос Иисустун ачызында бисте бар хосталгавыс дугайында хайгыылдап билип алгаш, бисти катап-ла кулданып алыр бодадылар. 5 Буянныг Медээнин алыс шынныг утказын силерге кадагалап арттырар дээш, оларнын аайынче ынай-даа кирбедивис.

6 Алдар-хундулуг дирткен баштын улус безин (оларнын кымнар бооп чорааны менээ кандыг-даа хамаарылга чок, чуге дээрге Бурган улусту ылгай коор эвес) мээн суртаалдаан Буянныг Медээмге чуну-даа немеведилер, эдип-чазавадылар. 7 Харын Буянныг Медээни иудейлерге суртаалдаарын Пётрга бузуреп хулээткени дег, оске чоннарнын улузунга суртаалдаарын менээ бузуреп хулээткен деп, олар хулээп кордулер. 8 (Кым Пётрну иудейлер аразынга элчиннин бараан болуушкунунче деткип кииргенил, Ол мени база оске чоннарнын улузунун аразынга бараан боору-биле деткип киирген болгай.) 9 Бузурээннер ниитилелинин баганалары деп санадып турар Иаков, Пётр болгаш Иоанн олар, Бурган менээ авыралын хайырлаан деп хулээп коргеш, ажыл-херээвис домейинин демдээ кылдыр, мен болгаш Варнава-биле найыралдажып, хол тудуштулар. А оон оске чоннарнын улузунче - бистин, а иудейлерже - оларнын суртаалдап чоруурунга чопшээрештилер. 10 Олар чугле чангыс дилег кылдылар: Ядыыларга* дуза кадарын утпанар. А мен ону бодум-на кылып чораан мен.

* Ядыылар - Иерусалимде Бурганга бузурээннер ниитилелинин ядыыларынга хамаарыштыр чугаалаан чадавас.

Павелдин Пётрну чемелээни

11 Пётр Антиохия хоорайга чедип кээрге, оон бодун ап турары канчаар аажок буруулуг боорга, мен анаа ажыы-биле удурланган мен. 12 Оон буруузу чудел? Чуге дээрге Пётр Иаковтун айбылап чоруткан улузу ынаар чеде бергижеге, оске чоннарнын улузу-биле кады чемненип турган. А айбычылар чедип кээрге, ол кыртыжап демдектээринин талалакчыларындан сезингеш, оске чоннарнын улузундан ангыланып, дедирлени берген. 13 Оске иудейлер база, Пётрга домей, ийи арынныг чоруун коргускеннер. Варнава безин оларнын салдарынга алзыпкан. 14 Буянныг Медээде айыткан алыс шыннын чоон оруундан оларнын соора барганын коргеш, хамык улус мурнунга Пётрга мынча деп чугаалаан мен: Сен, иудей бодун, оске чоннарнын улузу дег амыдырап чоруур болзунза, чуге оске чоннарнын улузун иудей сагылгаларны эдеринер деп албадаар сен? 15 Бис - оске чоннарнын бачыттыг улузу эвес, а торумеливистен иудейлер бис. 16 Ындыг-даа бол кымнын-даа ыдыктыг хоойлуну сагып турары дээш эвес, а чугле Иисус Христоска бузурээни дээш, Бурганнын мурнунга актыг боорун билир бис. Ынчангаш бис база ыдыктыг хоойлуну сагаанывыс дээш эвес, а Христоска бузурээнивис ачызында актыг боор дээш, Христос Иисуска бузурей берген бис. Чуге дээрге ыдыктыг хоойлуну сагааны дээш Актыг боор чангыс-даа кижи турбас.* 17 Ынчалза-даа Христостун ачызында актыг боорунче чуткээш, бачыттыглар диртир болзувусса, Христос база бачыт тараарын деткээн бооп турар бе? Канчап ындыг боор!

* Ыд. ыр. 142:2.

18 Моон мурнунда уреп-бускан чуулумну катап тургузар болзумза, бодумну ыдыктыг хоойлунун хажыдыкчызы кылдыр коргускеним ол. 19 Ыдыктыг хоойлу мени олуруп каан, Бурган дээш амыдыраарыбиле ыдыктыг хоойлуга хамаарыштыр олген мен. Христос-биле кады хере шаптырттым. 20 Ынчангаш ам мен бодум эвес, а Христос, менде бар бооп, амыдырай берген. Бо мага-бодумга амгы амыдыралым - менээ ынакшый бергени дээш, Бодун оргулге салган Бурганнын Оглунга бузурээним ачызында амыдырап чоруурум-дур. 21 Бурганнын авыралындан ойталавайн тур мен, чок! Бурганнын мурнунга актыг боорун ыдыктыг хоойлу берип шыдаар турган болза, Христос хей черге олген-дир!

Ыдыктыг хоойлу болгаш бузурел

3:1 О, сээден галатчылар! Силерни кым, каран корунгеш, чагырып алды?! Мээн медээмни дыннап тура, Иисус Христосту, аранарга хере шаптырткан-даа дег, тода коруп турган ышкаш болдунар чоп!

2 Силерден чангыс-ла чуул билип алыксадым. Ыдыктыг Сулдени чунун ачызында алдынар: ыдыктыг хоойлуну сагаанынар ачызында бе азы Буянныг Медээни дыннап кааш, бузурээнинер ачызында бе? 3 Амыдыралынарны Сулдеден эгелеп алгаш, ам кээп, улустун сагылга-дурумнери-биле тондурер бодап тур силер бе? Таанда-ла ындыг сээден силер бе?! 4 Азы силернин шыдажып эрткен бугу чуулунер хоозун болганы ол бе? Черле ындыг болбас! 5 Бурган силерге чуу дээш Сулдени хайырлап, кайгамчык чуулдерни аранарга чаяап турарыл: Оон медээзин дыннап кааш, бузурээнинер ачызында бе азы ыдыктыг хоойлуну сагып турарынар ачызында бе?

6 Авраамны сактып кээли. Бижилгеде оон дугайында: Авраам Бурганга бузурей бээрге, Бурган ону актыг кылдыр санаан - деп бижээн болгай.* 7 Бузурээн улус - Авраамнын ылап шын ажы-толу ол дээрзин билип ап корунер. 8 Бурган оске чоннарнын улузун бузурели дээш агартыр деп, Бижилге оттур корген, ынчангаш Авраамга: Хамык чоннар сени дамчыштыр Бурганнын ачы-буянын алыр** - деп чугаалаптарга-ла, Буянныг Медээ эн баштай медеглеттинген. 9 Ындыг болганда Бурганга бузурей берген Авраам-биле кады шупту бузурээн улус ачы-буянны алыр.

* Э. д. 15:6.
** Э. д.12:3.

10 Ыдыктыг хоойлуну сагыырынга идегээр хамык улуска каргыш кыжанып турар, чуге дээрге Бижилгеде: Ыдыктыг хоойлунун номунче киир бижээн бугу чуулду куусетпейн чоруур кижи бурузу каргаттырар - деп бижээн-дир.* 11 А кым-даа ыдыктыг хоойлуну дамчыштыр Бурганнын мурнунга актыг болбазы Бижилгенин дараазында состеринден-не илден: Бузурел дамчыштыр актыг болган кижи амыдыралды алыр.** 12 А ыдыктыг хоойлу бузурелге кандыг-даа хамаарылга чок, харын ында мынча деп бижээн-не болгай: Ыдыктыг хоойлунун дурумнерин сагып чоруур кижи амыдыралды алыр.*** 13 Христос бисти ыдыктыг хоойлунун каргыжындан хостаар дээш, толеди. Ол биске дужер ужурлуг каргышты Бодунга хулээп алган, чуге дээрге Бижилгеде: Ыяшка чыпшыр кадап каан кижи бурузу - каргаттырган - деп бижээн болгай.**** 14 Авраамга аазаан ачы-буянны Христос Иисусту дамчыштыр бугу оске чоннарга база хайырлазын дээш, Христос бисти хостады. Ол ачы-буян дээрге бузуреливис ачызында аазап каан Сулдени алырывыс-тыр.

* Ы. х. к. 27:26.
** Авв. 2:4.
*** Лев. 18:5.
**** Ы. х. к. 21:23.

Бурганнын аазаашкыннары ыдыктыг хоойлудан чугула

15 Ха-дунма, хун бурунун амыдыралындан бир чижек: кижинин безин куштуг болдуруп бадылаан чагыын кым-даа куш чок болдуруп азы анаа кандыг-бир чуул немеп шыдавас. 16 Бурган Авраам биле оон салгакчызынга аазаашкыннар берген. Бижилгеде, хой улуска дег, Оон салгакчыларынга эвес, а чангыс кижээ дег, Оон салгакчызынга* дээнин эскерип корунерден, оон дугайында чугаа чоруп турар салгакчы - Христос ол-дур. 17 Чугаалаксаан чувем бо-дур: Бурганнын оон мурнунда куштуг болдуруп бадылаан дугуржулга-чагыын** дорт чус ужен чыл эрткенде коступ келген ыдыктыг хоойлу куш чок болдуруп база ында бар аазаашкынны чок кылып шыдавас. 18 Ончу салгаар эргени ыдыктыг хоойлу бээр турган болза, ону аазаашкын ёзугаар ап болбазы ол-дур. А Бурган ону Авраамга чогумна ынчаар - Бодунун аазаашкынын ёзугаар хайырлаан.

* Э. д. 12:7.
* 3:17 Чамдык бурунгу грек созуглелдерде дугуржулга-чагыг деп состерге Христос дугайында деп состерни немээн.

Ыдыктыг хоойлунун сорулгазы

19 А ыдыктыг хоойлунун сорулгазы чудел? Ону аазаашкында айыткан Салгакчы чедип келгижеге, улустун кем-буруулуун коргузери-биле немей киирген. Ыдыктыг хоойлуну дээрнин толээлерин дамчыштыр база дугуруштурукчунун* дузазы-биле берген. 20 Ынчалза-даа дугуруштурукчу чугле чангыстан хой дугуржуп турар тала барда херек. А Бурган чангыс!

* Дугуруштурукчу-мында Моисейнин дугайында чугаалап турар.

21 Ындыг болганда ыдыктыг хоойлу Бурганнын аазаашкыннарынга удур бе? Канчап ындыг боор! Улуска берген ыдыктыг хоойлу амыдыралды хайырлап шыдаар турган болза, оларнын Бурганнын мурнунга актыг боору ыдыктыг хоойлуну сагыырындан долузу-биле хамааржыр ийик. 22 Ынчалза-даа бо делегей буруну-биле бачытка туттурган деп, Бижилге чугаалап турар, а ынчангаш аазаашкында айыткан чуулду чугле Иисус Христоска бузурээрин дамчыштыр, чугле бузурээн улуска хайырлап боор.

23 Бузурелдин уези чедип келгижеге, ол бузурелдин бодун коргузерин манап, ыдыктыг хоойлунун хайгааралынын адаанга турган бис. 24 Ындыг болганда ыдыктыг хоойлуну, кижизидикчини дег, Христос чедип келбээн шаанда, биске быжыглап каан турган. А бис Анаа бузуреливистин ачызында актыг апаар бис. 25 Ынчангаш бузурелдин уези чедип кээрге, кижизидикчинин хайгааралынын адаандан уне берген бис.

26 Христос Иисуска бузурээнинернин ачызында силер шупту Бурганнын оолдары апарган силер. 27 Христос дээш, сугга суктургаш, силер шуптунар Христосту кедип алдынар. 28 Моон сонгаар иудей биле оске чоннар кижизинин, кул биле хостуг кижинин, эр биле херээжен кижинин аразында ылгал чок - силер шупту Христос Иисуска башкарткан чангыс чаа кижи силер. 29 А бир-тээ, Христоска хамааржыр болганынарда, силер ынчан Авраамнын салгалы, Бурганнын аазаашкынынын салгакчылары боор силер.

Кул эвес, а бурун эргелиг салгакчы

4:1 Силерге база бир чижекти коргузейн: салгакчы назы четпээн шаанда, ол бугу ончунун ээзи-даа болза, кулдан ылгалыр чузу-даа чок. 2 Ол ачазынын доктаадып каан хуусаазынга чедир харагалзакчылар болгаш ог-буле кижизидикчилеринин хайгааралынын адаанга турар. 3 Бис база ындыг бис: назы четпээн шаавыста, делегейнин башкарыкчы хоойлу-дурумнеринин кулдары бооп чордувус. 4 Ынчалза-даа доктааткан уе чедип кээрге, херээжен кижиден торуттунген, ыдыктыг хоойлуга чагырткан Бодунун Оглун Бурган чорудуп берген. 5 Ыдыктыг хоойлуга чагыртып чораан бисти хостаары-биле толезин дээш база Бурганнын азыраан оолдары кылып кагзын дээш, Бурган бисче Бодунун Оглун чоруткан-дыр. 6 Силер шупту Бурганнын оолдары силер! Оон бадыткалы кылдыр Ол Бодунун Оглунун Сулдезин, Авва!* Ачай! деп кыйгырган Сулдени, чуректеривисче синниктир чорудуп берген. 7 Ынчангаш сен ам кул эвес, а оглу сен. А ындыг болганда, Бурганнын ачызында салгакчы база сен.**

* Авва (арамей дылда) - ажы-тол ачазын ынчаар адаар турган, Иисус Христос база Бурганны ынчаар адап, кый деп турган.
** Чамдык бурунгу грек созуглелдерде бо состерни эвес, а: А ындыг болганда, Иисус Христостун ачызында Бурганнын салгакчызы база сен - деп бижээн.

Дедир орук чок

8 Кажан-бир шагда, Бурганны билбес чорааш, херек кырында бурганнар-даа эвес бурганнарнын кулдары чораан силер. 9 Ынчалза-даа ам, Бурганны билип алгаш (азы, шынын соглээрге, Бурган силерни билип алганда), таанда-ла ол чогенчиг, ажык-дужуу чок башкарыкчы хоойлу-дурумнерже дедир эгликсеп, биеэде дег, оларнын кулдары болуксап тур силер бе? 10 Тускай хуннер, айлар, чылдын уелери болгаш чылдар безин сагыыр-дыр силер.* 11 Силерни дээш кылган ажыл-херээм хилис барбаан бе деп бодап кээримге, коргунчуг-дур!

* Бо шулукте иудей шажын-чудулгеден укталган сагылга-чанчылдарны айтып турар.

12 Ха-дунма, ээрежип дилеп тур мен: мен ышкаш бооп корунер. Мен база силерге домей болу бердим чоп. Силер менээ кончуг эки хамаарылгалыг турдунар. 13 Билир-ле болгай силер: эн баштай силерге келгенимде, чугле аарый берген ужурумдан Буянныг Медээни силерге суртаалдаар аргалыг болган мен. 14 Мээн кадыкшыл байдалым силерге шенелде болган-даа болза, мени тоовайн барбаан, дора корбээн силер. Харын Бурганнын толээзин дег, Христос Иисустун бодун дег хулээп алдынар. 15 Ынчангы оорушкунер ам кайда-чуде барды? Болдунар-ла болза, караанарны-даа менээ казып бээринден чалданмас турганынарга ынчан шуут бузурээр турдум. 16 Ам чуу болду? Шынын чугаалапкаш, оштуунер апардым бе?

17 Силерни бодунун талазынче ээлдирип алыр дээш, аажок кызып турар бир-ле улус барын билир мен, ынчалза-даа оларнын сагыжы кара-дыр. Олар силерни бодунун талалакчылары кылып алыр дээш, бисти чара кирер деп турарлар. 18 А мен силерни ак сагыштыым-биле, чугле аранарга турар ойумде эвес, а кезээде бодумнун таламче ээлдирип алырын кузээр-дир мен. 19 Ажы-толум! Толун божуур иенин эъди аарааны дег, силер дээш база катап хилинчээм коре бердим. Христоска домей апарбаан шаанарда, ол хилинчээм тонмес. 20 Мен ам силер-биле кады болган болзумза! Силер-биле бир янзы чугаалашкан болза, чуге дээрге силерни та канчапса эки чуве, аай-бажын тыппастадым.

Агарь биле Сарра дугайында элдээртиг

21 Ыдыктыг хоойлуга чагыртыр бодаан улус, чугаалап корунерем: ында чуу деп турарын билбезинер ол бе? 22 Ында Авраам ийи оолдуг чораан деп бижээн болгай: бирээзи - кул херээженден, а оскези - хостуг херээженден торуттунген. 23 Чугле кул херээженнин оглу - кижинин кужениишкиннеринден, а хостуг херээженнин оглу - Бурганнын аазаанындан торуттунген. 24 Бо чугаа элдээрткен уткалыг: ийи херээжен ийи дугуржулга-чагыгны коргузуп турар. Бирээзин Синай даанга чарган, ол дээрге Агарь болгаш оон кул бооп торуттунер ажы-толу-дур. 25 Агарь Аравияда Синай даан болгаш амгы Иерусалимни коргузуп турар, чуге дээрге ол бодунун ажы-толу-биле катай кулданыышкын адаанда-дыр. 26 А оскези дээрде турар Иерусалимге хамааржыр, ол - хостуг, ол - бистин иевис! 27 Бижилгеде оон дугайында мынча дээн болгай: Уре-тол чок, божуп корбээн херээжен, оору! Кажан-даа эъди аарып хилинчектенмээн херээжен, ооруп-байырла! Чуге дээрге кагдырган иенин ажы-толу ашактыг херээженнин ажы-толунден хой боор!*

* Ис. 54:1.

28 А силер болза, ха-дунма, Исаак ышкаш, Бурганнын аазаашкынындан торуттунген ажы-тол-дур силер.* 29 Ынчалза-даа ол шагда кижинин куженииишкининден торуттунген оолдун Сулдеден торуттунген оолду истеп суруп турганы дег, ам база ындыг бооп турар-дыр. 30 Бижилгеде ол дугайында чуу деп турар ийик? Кул херээженни болгаш оон оглун ойладывыт, чуге дээрге кул херээженнин оглу хостуг херээженнин оглу алыр ончуну кажан-даа салгап албас.** 31 Ындыг болганда, ха-дунма, кул эвес, а хостуг херээженнин ажы-толу-дур бис!

* 4:28 Чамдык бурунгу грек созуглелдерде силер эвес, а бис деп бижээн.
** Э. д. 21:10.

Христиан хосталга

5:1 Христос бисти шак ол хосталга дээш хостап каан. Ынчангаш туруштуг болунар, кымнын-даа силерни катап кулданып аарын болдурбанар.

2 Дыннанар, Павел мен силерге чугаалап тур мен: кыртыжап демдектедирин дамчыштыр ыдыктыг хоойлуже эглир болзунарза, Христостун силерге кандыг-даа ажыы чок. 3 Силерге база катап чугаалап тур мен: бодунга кыртыжап демдектээшкин кылырынга чопшээрешкен кижи бурузу ыдыктыг хоойлуну буруну-биле сагыыр ужурлуг. 4 Ыдыктыг хоойлуну сагыырын дамчыштыр агартыышкын алырын шенээр болзунарза, моон сонгаар силерде Христос-биле домей чуу-даа чок боор. Бурганнын авыралындан ам хоорулган-дыр силер. 5 А бис бузурелдин ачызында Бурганнын мурнунга актыг боорувуска идегээр болгай бис. Ол идегелди четтикпейн манаарын Сулде биске сагыш алындырып турар. 6 Христос Иисуска башкартып амыдыраар болзувусса, кыртыжап демдектедири-даа, кыртыжап демдектетпезидаа чугула эвес. Ынакшыл дамчыштыр бодун коргузер бузурел - чугле ол чугула.

7 Бузурелдин оруу-биле дурген чоруп олурдунар. Ынчаарга кым силерни астыктырып, алыс шынны дыннавас улусче хуулдурупту? 8 Силерни кыйгырган Бурганнын ынчаар ооретпээни ылап боор! 9 Хой далган хоой берзин дизе, ынай ажыткы херек. 10 Дээрги-Чаяакчынын мурнунга силерге бузурээр мен: бистин аравыска ангы узел-бодалдар турбас. А силерни холзедип турар кижи, ол кым-даа болза, кеземчени чуктээр. 11 Ха-дунма, мени кыртыжап демдектээринин талалакчызы деп турары шын болза, олар ам мени чуу дээш истеп сурерлерил? Христостун белдир-креске олуму-даа ынчан ускулежиишкиннер чылдагааны болбас ийик. 12 А силерни холзеткен ол хейлер боттарын чугле кыртыжап демдектевейн, харын акталап-даа каапсыннар!*

* Бо шулуктун оске утказы: А силерни холзеткен ол хейлерни силерден ырадыр хооглепкен болза аар! - бооп чадавас.

13 Ха-дунма, Бурган силерни хосталгаже кыйгырган-дыр. Чугле ол хосталганарны кижи будужунун кара туразында аажылаар чанынче хуулдурбанар. Харын бот-боттарынарга ынакшылдыг бараан болунар. 14 Чуге дээрге бугу ыдыктыг хоойлу чангыс борбак домакта туттунуп турар: Чанында кижиге бодунга бодун дег ынак бол.* 15 А бот-боттарынарны узе-чаза тыртарын уламчылаар болзунарза, шуут-ла узуткажып кааптарынардан кичээнинер.

* Лев. 19:18.

Сулдеге башкартып амыдыраары

16 Ынчангаш силерге чугаалап тур мен: Сулденин айыткан аайыбиле амыдыранар, кижи будужунернин кузээшкиннеринге черле алыспанар. 17 Чуге дээрге кижи будужунун кузээр чуулу Сулдеге удурланышкак, а Сулденин кузээр чуулу кижи будужунге удурланышкак болур. Олар ургулчу адааннажып чоруур, оон туннелинде кылыр бодаан чувенерни кылып шыдавайн баар силер. 18 Ынчалза-даа Сулдеге башкартыр болзунарза, ыдыктыг хоойлу силерни баш билип шыдавас.

19 Кижинин бачыттыг будужунун ажыл-херектери илден коску. Ол дээрге самыырал, бужар кузээшкиннер, туттунмас туралаашкын, 20 дурзу-бурганга чудууру, каран корнуру, адаан-ожээн, килен-кылык, алгыш-кырыш, ангылажыг, бактажыры, 21 мурнун былаажыры,* арагалаары, эмин эрттир хоглеп-дойлаары болгаш оске-даа ындыг янзылыг чуулдер-дир. Мен силерни оон мурнунда-даа сагындырып турдум, ам база катап сагындырып каайн: ындыг чуулдер уулгедикчилеринден кым-даа Бурганнын Чагыргазын салгап албас.

* Чамдык бурунгу грек созуглелдерде бо состерге: Олурукчу чорук - деп состерни немээн.

22 А Сулденин уре-туннели бо-дур: ынакшыл, оорушку, амыр-тайбын, шыдамык болгаш буянныг чорук, энерел, шынчы чорук, 23 томаарыыры болгаш бодун туттунуп билири. Ол бугуну буруу шавар кандыг-даа хоойлу чок! 24 Христос Иисуска хамааржыр улус боттарынын бачыттыг будужун оон хамык кузээшкиннери болгаш хандыкшылдары-биле катай-хаара белдир-креске хере шаап каапкан. 25 Бистин амыдыралывыстын унер дозу - Сулде болганда, Оон аайыбиле чоруп корээли! 26 Ынчангаш адыыргак болбаалы, бот-боттарывыска хорадаваалы база адааргаваалы.

Бот-бодунарга буяндан кылып чорунар

6:1 Ха-дунма, кандыг-бир кижини бачыт уулгеткен деп сойгалаар болза, силер, Сулдеге башкарткан улус, ону эдип-чазап корунер. Чугле эптиг, чымчаа-биле эдип-чазанар, боттарынар база куткулгеге алзып албас дээш, кичээнинер. 2 Аар-бергелерни ажып эртеринге бот-бодунарга дузалажынар, оон-биле Христостун айыткан чуулун сагаан боор силер. 3 Алыс боду чогенчиг кижи Мен кончуг мен деп ёзуургаар болза, ол бодун боду мегелеп алыр. 4 Кижи бурузу бодунун ажыл-херектерин шугдунзун, ол ынчан бодун оске улус-биле денневейн, чедиишкиннеринге чоргаарланып шыдаар. 5 Чуге дээрге кижи бурузу бодунун уурге-чуъгун чуктей бээр.*

* Бо шулуктун оске утказы: Кижи бурузу бодунун херектери дээш Бурганнын мурнунга харыысалгалыг боор - бооп чадавас.

6 Бурганнын созун ооренип турар кижи бодунда бар бугу эки-чаагай чуулун башкызы-биле улешсин.

7 Мегеге туттурбанар: Бурганны карак ажыттаары болдунмас. Кижи чуну тарып аарыл, оозун ажаап алыр. 8 Бодунун бачыттыг будужунун хорзунунге тарып турар кижи оортан олумну ажаап алыр. А Сулде дээш тарып турар кижи ол Сулдеден монге амыдыралды ажаап алыр. 9 Буян кылып тура, кажан-даа могап-турбаалы. Ынчан, туруптуп, буруй бербес-ле болзувусса, чогуур уе кээрге, дужудувус ажааттына бээр. 10 Ынчангаш амдыызында арга барда, бугу улуска, ылангыя бузурели чангыс ха-дунмавыска, буяндан коргузуп чоруулу.

Туннээшкин болгаш байырлажыг

11 Бо состерни мен силерге бодумнун холум-биле бижип ор мен, кайы хире улуг ужуктер ажыглаанымны коруп тур силер бе? 12 Силерни кыртыжап демдектедиринче албадааннар - кижинин кужениишкиннери-биле эки бооп костуксээн улус-тур. Олар ону чугле Христостун белдир-креске олумунун ужун истедип сурдурбези-биле кылып турарлар. 13 Олар кыртыжап демдектедип-даа алган болза, боттары-ла ыдыктыг хоойлуну сагывайн турарлар. А силерни, оозубиле мактаныр чылдак тывар дээш, кыртыжап демдектедир деп турар улус-тур. 14 А мен бодум хуумда Дээрги-Чаяакчывыс Иисус Христостун белдир-креске олумунден ангыда, чунун-биле-даа мактаныр хоннум чогул. Ол белдир-креске менээ хамаарыштыр - бо делегейни, а бо делегейге хамаарыштыр - мени хере шаап каан. 15 Кыртыжап демдектээри-даа, кыртыжап демдектетпези-даа чугула эвес. Чангысла чугула чуул - Бурганнын чаа чаяалгазы боору! 16 Бо дурумну сагып чоруур бугу улуска, а ол ышкаш Бурганнын Израиль деп ылап шын ададыр чонунга амыр-тайбын болгаш оршээл бактаазын!

17 Черле ынчаш, кым-даа моон сонгаар мени сагыш човатпазын, чуге дээрге Иисустун им-демдээн мага-бодумда бастыртып алган чоруур-дур мен.

18 Ха-дунма, Дээрги-Чаяакчывыс Иисус Христостун авыралы сулденерге бактаазын! Аминь.