CHUNGLAM APAT PANPINA

"CHUNGLAM APAT PANPINA" kiti lekhabu hi, Baibul apat thupi chuam chuam lakkhawm a hin. Pathian thu hilchian pha pen chu Baibul ma ma hi ahi, ti ka gingchai. Pathian thu "Chunglam apat" kiti hi felna ah lungthim gilkial leh dangchakte dingin a phachuam ma ma a. Min, a kisika, gitlo a haisana, Jesu Krist a a thinlunga cheng dingah a chial a, a lungthim zosia a ginchaka chun, Lalpa Jesu Krist chu hung kipuang in tin, ama kipakna leh chamna chu a gingchapa lungthimin kawi piak ina. Zia hi keiman kum 1937 ah ka la tep khak a hi tan, zia kipat chun Lalpa tawh ka kipawlnau chu a tan ngai ta puai. Tuma ala bawl kha nailo la hi chun, A kiangah kipia, Hukdampa leh Lalpa dingah kipumpiak dingin ka hun chial la hi. - Watson Goodman

PATHIAN HEPINA

Himalehle, Pathian chun a mi hepina chu pachat takin a lat saka, mi gilo i hi laiua Krist i thasangua a thi ziak khan. Rom 5:8
Jesu Krist, thu hepa ginum tak, mithi lak apat piang masapenpa leh leia lalte vaihawmpa kiang apatte chun, hepina leh chamna la kiangun um ta hen, Ei hepi-a, a thisanin i gitlo lak apat ei tandawka. Thupuan 1:5
Chiakan Kut man Jesun zia khawvel hi pawtsana, Pa kianga a chia phat a tung tai ti a hia, ama mi khawvela um a hepi sekte chu, a tawp tiangin le a hepi zinga. Johan 13:1
Pathianin khawvel a hepi ma ma a, chutichun, a chapa changkhat neisun chu a hun pe tan, ama chu kuale a ging taphawt chu mangthai lova, kumtuang a hinna a nei zawkna dingun. Johan 3:16
Ahi, hepi tawp loin ka hepi la hi, Ziaziakachun lainatnan ka pui kit la hi, tin Lalpa chu tumasangin ka kianga a hung kilakin a hung gen ahi. Jeremia 31:3

JESU KRISTA PATHIAN HINA Chun, Lalpan thiamgau kamin, Ngaitia,

Nungak thiangtho chu gaiin tin, Chapa hing in tin, A min dingin Immanuel san ti un, tia a gen kha a hungtun theina dingin zia zosia chu a hung um ahi. (Imanuel ti umjia chu, Pathian ka kiangin a umjing tina ahi.) Matthai 1:22,23
Jesun a kiangin, Philip jiachanpi la kianga ka uma, himaleh lei he diak paw maw? Kuale kei ei mu chu Pa mu ahi; Pa chu keiuh ei mu sakin, bangti tiah la ti ahem? Keima Pa ka um leh Pa keimaah a um ti gingchalo la vem? La kiangua thu ka gen hi, keima phuak kawm ka gen ei puai; Pa chu keima ah um in na a sem a hi jawi. Johan 14:9, 10a
Chun, Pathian ngaisakna thuguk chu nial gual loin a lopi ahi: Ama taksa a kilanga, Thagaua thiamchang in, Vansawlchakte mua, Jentelte laka tangkopiin, khawvela hin mite taksana, Lopinaah puitoah um ahi tai. Timothi 1na 3:16
A tilin thu a uma, Thu chu Pathian tawh um ahin; Thu chu Pathian ahi. Chun thu chu taksa a hung suakin, i lakun a hung chengin, eihawn a lopina Pa kipat Chapa changkhat lopi chu, lungsiat leh thutakah dimin i mu taua. Johan 1:1 leh 14

JESU PATHIAN CHAPA

Kuale, Jesu Pathian Chapa ahi, tia puang tapo chun, ama ah chun Pathian a um zingin, ama chule Pathian ah a um zing ahi. Johan 1na 4:15
Amaah chun Pathian bukimna zosia chu taksa neiin a um ngalin. Kolossa 2:9
Ei an naupang a hung piangin, Chapa piakin um ta hen; vaihawmna chu a liangkoah chuangin: a mina chun Mak, Lemguatpa, Pathian Hat, Kumtuang Pa, Chamna Lai ti di ahi ngalun. Isai 9:6
Chun, vansawlchak chun a dawnhu a, a kiangin, Thagau Thiangtho la chunga hung tung in tin chungnung pena thilhitheinan liakhu in tin; ziaziakachun mi thiangtho hung piang di chule Pathian Chapa tinnau. Luka 1:35
A thugen pet takin ngaitia, Sum vamtak in amau chu a hun lia ta hen; chun, ngaitia, sum apat chun awn, Ziahi ka Chapa dawitak, ka kipakna ma ma pen chu ahi; ama thugen ngaiun, a tia. Matthai 17:5
Chun, ngaitia, amau chun, Pathian Chapa, keiuh leh nang bangahem i kijawl nau? Phat tep tun man ei enggawt dingin jiataka hung la hem? tin, a kiko ua. Matthai 8:29

JESU KUA AHEM TI AMAN EI GENCHIAN

Jesun amanu kiangin, Kei hi thawkitna leh hinna chu ka hi; kuale ei ging chu thi maleh hing zing ina. Johan 11:25
Nangun Zilsakpa leh Lalpa lei ti sek un; la ti dik ui, ka hi him ngeia. Johan 13:13
Khawvela ka um sungin khawvel vak chu ka hi, a tin. Johan 9:5
Jesun a kiangun, Timatakin, timatakin ka hil la hiu, Abraham um masangin le ka um tai, a tin. Johan 8:58
Ama chun a kiangun, Nanghaw nuai lama suak la hiu; kei chu chung lama suak ka hin; nanghaw zia khawvela suak la hiu a, kei chu zia khawvela suak kei puai. Johan 8:23
Jesun a kiangun, Keima hi hinna vaithum chu ka hi; kuale ka kianga hung tapo chu a gilkial puana, kuale ei ging chu bangmatikin a dangchak puana. Johan 6:35
Chutichun, Jesun a kiangun a gen kika, Timatakin, timatakin ka gen la hiu, kei hi Belam kawtkhak chu ka hi. Johan 10:7

JESUN THILMAK A BAWL KHENKHAT

Chan, hampa chunga chu dingin mipite chu thu a pia, vaithum panga leh sanga pani chu a la, van lam enin vangphatna a pia, a phelsua a, vaithumte chu nungjuite kianga a pia, nungjuite chun mipite kiang a piaua. Chun, a lengun a neu a, a va chiat taua; a nekbang nawn uh chu le bawm sawm leh bawm ni a luak dim ua. A nete chu, numei leh naupang sim loin, pating ngen le sangnga hial a hiu. Matthai 14:19-21
Chun, Simonin a kiangin, Hotupa, gimtakin zan khuan ka bawlun; bangma ka man pua un, himaleh la thun lente sep kik ing ka, tin, a dawnhu a. Chun, a han se chun sanga a hawnpi tam tak a khu kha tau a, a len teu chu a ek diak diak ta. Luka 5:5,6
Chun, ngaitia, mitthum pani lam sika chu chun Jesu a chiai ti a hiat phetun, Lalpa, David Chapa, ei lungsiatin, tin a kiko ua. Tichun, Jesun a lungsiat ma ma a, a mituh a khawia; tichun a muthei tapai ua, amau chu a zui taua. Matthai 20:30 leh 34
Chun, lamgei ah chun theichang kung a mu, a va zuana, a dua longal chu bangmacha a mu pua. Chun, a kiangin, kumkhuan la ga nawt kin, a tia. Chun, theichang chu a vuai ngal mai a. Matthai 21:19

JESU KRIST THIL SIAMTU LEH LALPA

Vana umte, leia umte, mutheite, muthei lote tawh, lalchutphate leh vaihawmnate, thuneinate le bangkim ama siam a hin, ama a dingma siam ahi. Kolossa 1:16
Ziaziakchun, Israel nam zosian kichiantakin heu hen, zia Jesu la khetden ngeiuh kha, Pathianin Lai leh Krist hi kawp dingin a siam ahi tai. Nasepte 2:36
Tulai ni nununga hin a Chapan eihaw kiangin thu a gen tai, jia a Chapa chu bangkim nei dingin a guata, ziapa ngei chun a thilsiam zosiate chu ama khutin a siam ahi. Hebrai 1:2
Krist thina leh a hung thawkitna ziak chu mi dam leh mithi Lalpa ahi theina hi ahii. Rom 14:9
Bangkim a lengin ama siam ahi; thilsiam zosia ama siamlo bangma siam ei puai. Johan 1:3
Pathian chu taksan um tak ahin, aman a Chapa i Lalpa Jesu Krist kithuapi dinga a ko lut la hi tau. Korinth 1na 1:9
Thuguk kumtuanga kipat Pathian bangkim siampa kiselgu um, etkawlna chu bangahem ti mi josia hiatsak dingin. Ephesi 3:9

JESU KRIST MI ZOSIA THUTANTU

Ahinla, nangin bang dinga la suapi la dem ahem? Ahilo leh, nangin bang dinga la suapi la mutawm ahem? Pathian vaihawmna maanga chun i lengun ding di i hiu. Rom 14:10
Amaah chun nam zosia kikhawmin ti un; belam chingpan kei lak apat belamte a khendan gualin amauhaw chu khendanna. Matthai 25:32
Pan kuama thu vai a hawm sak ngai puai, thu zosia Chapa a hawm sak zawi, mi zosian Pa a za gualun. Johan 5:22
Pathianin ka Chanchin Pha gen guala mihiamte thuguk Jesu Krist manga a ngaitua ni chun. Rom 2:16
Pathian mitmu leh, mihing leh mithi ngaitua dipa Krist Jesu mitmua chun, a kilatna leh a gam chu minsialin, phatchuamngai takin ka hiatsak la hi. Timothi 2na 4:1
Ama chu mithi leh mihingte chunga vaihawm dinga Pathian guat chu ahii, tia mi kianga tangkopi di leh hiatsak dingin Pathianin thu ei piai. Nasepte 10:42

KRIST ZIAK BEPAH TATNA

Ziakziakchun la kiangun, Gitlona nei jingin thin lau ka ti kha; kei hi ama chu ka hi, la taksan lo lai siau gitlona nei zingin thin lau, a tia. Johan 8:24
Chun, sukphat bukimna a um a, a thu awi zosiate a dingin hukdamna bulpi ahi tai. Hebrai 5:9
Mi dang kua kiang ale hukhinna a um puai, vannuai mihing sak laka ei hukdam thei min dang him him a um puai, a tia. Nasepte 4:12
Ziaziakchun, ama ziaka Pathian kianga hungte haw chu a tawp khawk tiangin a hukdam thei ahi, amauhaw pauchap piak dingin kumtuangin a hin zing ziakin. Hebrai 7:25
Pathian lungnatna thuak di hi loin, i Lalpau Jesu Krist jiaka hukdamna mujaw dingin ei guat ahi jawi. Thessalonika 1 na 5:9
Keima hi kawtkhak chu ka hi; mi kuale keima ah lut chu hukdamin um in tin, lutin pawtin tin, nek dile muna. Johan 10:9
Jesun a kiangin, Kei lampi leh thutak leh hinna ka hi, keimaah chia lo chu kuama Pa kiang a tung ngai puau, a tia. Johan 14:6

KRISTA ZIAK BEPAH TATNA

Pathian vaka mi thiangthote go chu kikawppi taka ei hun siampa kianga chun, kipak thu genin, bangkima ama hi lungdam dingin Lalpa jui takin um thei in lau. Ama chun thim thuneina laka ei hukhing tan, a Chapa hepi tak gama chun ei kaisak tan; amaah chun eihawn kitatna i muu ahi, i gitlonateu ngaidamna chu. Kolossa 1:12-14
Mangthaite hawla hukhing dingin Mihing Chapa hi hung him ahi. Luka 19:10
Nanghaw vang chu ama vangin, Krist Jesu a chun la um un ahi; ama chu Pathian kianga kipata ei a dinga pilna siam ahin, belna ate, thianthona ate, kitatna ate; a ziak guala khan, a suang tapo chun Lalpa chu suang tau hen. Korinth 1na 1:30
Ama chun mawna zosia laka ei tat theina dingin leh chi telchuam, thilpha sepnaah phatchuamngaia, ama a dinga a sukthian theina dingin i thasangin a kipiak kha. Tita 2:14
Chun, amauhaw chun, la thak a saua, Nang, lekhabu chu la, A melchikna tham dinga kilawm la hi; Tha in la um tan, Chitina mite, namtina mite, Pathian a din la thisanin la leia. Thupuan 5:9

JESU KRIST THISANAH TATNA

Chutichun, a thisana thiam chansaka i um takuh hin chu, ama ziak man Pathian lungnatna kipatin hukhinin um ngei hi tiu. Rom 5:9
Zia hepina chu Jesu a chun a thawnin ei pe tan; a thisan ziakin amaah chun i kitatnau hi i neiuh ahi, a hepina dungzuia i sukkhelnateu ngaidamna chu. Ephesi 1:7
La puteu la pateu hun piaksawn, la umdanuh bangma hilo lak apat chun, thil sethei, dangka leh sanaah tat la hi puaua, belam no buak kailo leh demna bei thisan gual, Krist thisan goah tat la hi tau ti la he nau. Peter 1na 1:18,19
Amavangchu, ama chu vaka a um guala eihaw le vaka i um ua chun, i kipawl chiatuh ahi. A Chapa thisanin i gitlonau zosia a silthiang ahi. Johan 1na 1:7
Krista, kumtuanga Thagau demna kailova Pathian kianga kilan thisan chun, Pathian hing nasem dingin la sia leh pha hiatnau chu thilhithei thite laka chun a thiangtho nasa na ding e! Hebrai 9:14

KRIST GINNA ZIAK BEPAH HUKDAMNA

Ginna zia hepinaah hukhin la hi ngalun; zia chule nangmau apat pawt a hi puan, Pathian thil thawn piak ahi, thil hi ziak a hi puai, chutilochun, min suang khannau. Ephesi 2:8,9
Ziaziakachun, ginna ziaka thiam changa um in, i Lalpau Jesu Krist ziakin Pathian tawh kichamin un hi tiu. Rom 5:1
Chun, ama chun a kiangin, Pathian na ka sep theina dingun bang hi di ka hiu em? a tiua. Jesu chun, a kiangun, Pathian nasep chu zia hi ahi, a hun sawlpa hi taksang leu chin, tin a dawnhu a. Johan 6:28,29
Jesus Krist a chun zektan chu bangmacha ei puan, tanlo le bangmacha ei diak puai, ginna hepi taka sepna chu a phachuam ma mai. Galatia 5:6
Pathian hin tapoin khawvel hi a zo pek hi, ziahi ahi, Khawvel zawah ngamna, i taksannau hi. Johan 1na 5:4
Jesu chu Krist Pathian Chapa ahi ti la taksanna dinguh leh, la gin ua, a mina hinna la neina dingun ziak ahi. Johan 20:31

PATHIAN LUNGSIATNA

Van khi leichung sang taka a um gualin, ama laute cnunga a ngilneina chu a lian ahi. Sam 103:11
Lalpa ngilneina vang chu ama laute chunga chun kumkhuan um in tin; a dikna le a tuteu suan tiangin um in a. Sam 103:17
Nang guala khawlona ngaidam mi leh a gochan la um sun te hikhialna pelpa Pathian kua ahem um? A thinsona chu kumkhuan a vawp zing puai, hepina a kipak ma ma ziakin. Mika 7:18
La ngilneina chu van khum khawpin a nasa ngala, la thutak chun van dumte khi a tawng hial hen. Sam 108:4
Hi manthaiah ka um lo hi Lalpa zangaina ahi, a lainatna te chu a kan ngai lo ziakin. A thak zing sek zing sinin, la ginumna a lopi hi. Ka la 3:22,23
Thil dik i bawlteu ziak hi loin, siamphatna sil thianthona leh Thagau Thiangtho sukthak kit sek hep chun, a hepina dungzuiin ei hukhing ta. Tita 3:5

PATHIANIN A KIANGAH HUNG DINGIN EI KO

Nanguh sem gim leh puak gik paw zosiate haw ka kiangah hung un, keiman chawlngak sak ing ka. Matthai 11:28
Dangchak zosiate, hung un, tuiah te hung un la, hung un la lei un la, ne un, ahi, dangka nei lote'le uain leh nawi tui dangka pe loin, aman le pe loin la un. Isai 55:1
Chun, kut pel di ni, nipi ni pen taka chun, Jesu a dingin, a kiko tan, Kuale a dangchak chu ka kianga hung hen la, dawn hen. Johan 7:37
Thagau leh Mo chun, Hung tan, a tiu a. A he tapoin, Hung tan, ti tau hen. Dangchak tapo hung tau hen; a nuam tapoin hinna tui hi man beiin la tau hen. Thupuan 22:17
Lalpa chun, Hung tiam un, ngaitua khawm tiam hi tiu! la gitlonateu chu lang sal taka sanin um ta maleh, vuk gualin vam in tin; san dup ziang lehle belam mul gualin um ina. Isai 1:18
Chun, Lalpa chun, Novah kiangah chun, Nang leh la chanaute josia chu kuanga lut un; nang chu tulai khangthak lakah hin ka mitmuin mi fel tak la hi ka hia ahi. Genesis 7:1
Hung unla, tun bangkim a kisiam zotai, ti dingin a suak a sawlta. Luka 14:17

MI ZOSIA PATHIAN CHATE EI PUAU

Jia hin Pathian chate leh diabol chate a hiat thei hi: kuale dikna bawllo chu Pathian ah pawt a hi puan, a suapi hepi lo chule Pathian ah pawt a hi diak puai. Johan 1na 3:10
Pathian Thagau pui a um tapo chu Pathian Chate a hiu a. Kicha taka um ding in suak hina Thagau la mu jawu a hi ngal puan, cha hina thagau la mu jawu a hi; jia thagau jala chun Abba! Pa! tin a kiko sek ui. Rom 8:14,15
Demna umlo leh suksiat neilote, suan lamvaite leh vak lumlette laka Pathian cha demna bei la hitheina ding unf amau lawi laka chun hinna thu kipian khawvela hin mei vaksakpa gual in la kilang sek ui. Philippi 2:15
Jiajiakchun, Alak ua pat hung pawt unla, A chuam in um un, Thilbuak him him le khawi ki un; Lalpan a tii, Chutichun, Lawp tang ka tin, Nang uh ding in Pa hing ka tin, Nang uh le kei a ding in chanu chapa hin la ti un, Lalpa bangkim hitheipa chun a tii, tin. Korinth 2na 6:17,18
Himalele ama la taksang tapo te chu Pathian chata ahi theina ding un a pia hen. Johan 1:12

PATHIAN IN ZU DAWN CHUNGCHANG A GENNA

Zu chep di dela zingpi taka tho ah, uaiin a hi kham man loah zan sawt tak tak tianga um sek te chung chu a gik hi. Isai 5:11
Chun, taksa thilbawlte chu a kilang chian tan; jia te chu jia hi a hi: kidawichakna te, buakna te, hukna te, milim hona te, dawithiamna te, mudana te, kinakna te, mitthipna te, lungnatna te, kilanna te, a chuama umna te, gin dan chuam te, dangdakna te, jukhamna te, zu mun limna te, jia gual te chu a hi: tumasanga jia gual thil hi ching te chun Pathian gam chang puan nau; tia ka genkhawl gual khan ka genkhawl la hiu. Galatia 5:19-21
Suna um gual in phatak in um hitiu, zu dawn buai leh zukhama um loin huk leh kidawichak chinga um loin kidel leh kithangsia um loin, Lalpa Jesu Krist chun kivan jaw unla, la taksa nawpnau pitin ding in bangmacha hi gaw ki un. Rom 13:13,14
Uaiin a san kekkuk lai in en kin, noah a jia a lat lai te, a luan thak zut zut lai ah ten: A tawpa chun gul gualin a chu hen, Gul gu pha gual in mi a chu sek. Thupilte 23:31,32

LUNGTHIM DIKTAK PUT MAI A HUN TAWK PUAI

Chun, ama chun a kiang in, Lalpa la Pathian chu la thinlung josian, la thagau josian, la lungthim josian la hepi di a hi, ti hi. Jia chu thupiak lopipen leh phamaw pen a hi. Mathai 22:37,38
Chun, chia dinga a pawtdaw laitak in, mi pakhat a lama a hung taiin, aman a khiang kho a, a kiang in, Lamkai thiampa kumtuanga hinna ka chan theinan bangtin ka ti diam? tin a dawnga. Jesun a kiang in, Bang dinga pha lei ti ahem? mi pakhat bep lo ngal chu kuama a pha a um puai, jia chu Pathian a hi. Thupiak haw chu la hia a pawm? Tual that kin, Thanghuai kin, Gucha kin, Hek kin, Mi them kin, La nu leh pa ja in, tite hi, a tia. I, ama chun a dawnhu ah a kiang in, Lamkaihpa, jia thu josia chu ka neu ah pat ka jawm sek hi, a tia. Jesun ama chu a ena, a hepi tan, a kiang in. Lam khat la vat hi; chianla, la nei josia juak inla, pase te kiang in pe tan, chutichun vana go nei la tin; chun, hung in la, ei jui in, a tia. Amavang chu, jia thu jiaka chun a mel a hung dup huk tan, lungngaitak in a chiamang tahen; sum tamtak nei mi a hi jiak in. Marka 10:17-22

THEP IN UM KIN

Ahin, nangmau leh nangmau kithema thu ngai bep hi loin, thu jawmtu hi jaw tau vin. Jakob 1:22
Kuaman thu manlo mai mai in them ki hen, jia thil te jiaka chun Pathian lungnatna chu awilo chate chunga a tung sek hi. Ephesi 5:6
Ahileh, mi diklote chun Pathian gam lua puannau ti la he puauva ahem? Thep thak in um ki un, kidawichak mang te ahem, milim hote ahem, jawntatte ahem, mi hukte ahem, mi zi gimte ahem, gukchak mang ahem, gaih mang ahem, lepguk mangte ahem in Pathian gam lua puannau. Naute haw, kuama thep in um ki un; dikna bawlpa chu a dik a hi, ama a dik gualman. Thil hi khialpa chu diabol ah pawt a hi; diabol chun a lim apat thil a hikhial tan a hi. Pathian Chapa hungna pen chu, diabol nasepte a hi manthai theina din a hi. Johan 1na 3:7,8
Mi bangma hi lova, mi lian deu ah a kiguat chun, ama leh ama a kithem mai a hi. Galati 6:3

GITLONAN THINA A TUT

Chutichun mi pakhat jiak in gitlo khawvela hin a lut tan, gitlo jiakin thina a lut in; jia gualma chun mi josian thil a hikhel tak jiak un thinan mi po po ei jen suak ta. Rom 5:12
Chun, nawpna chun no a pai a, phatlona a hing seka; phatlona chu a pitin phet leh, thina a hing sek hi. Jakob 1:15
Thagau dana umte vang chun hinna leh lungmuanna a dawi ui. Rom 8:6
Thil hi khialpa chu a thi ding a hin, chapa chun a pa khawlona chu thuak puan tin, pan le chapa khawlona chu thuak diak puan a, mi dik dikna chu aman puan tin, mi gilo gitlona chu a man puana. Ezekiel 18:20
Kipak tak leh nawp taka umdi a hi; jia la nau hi a thisa tho kit a hin, a mangsa, i mukit ta a hi, a tia. Luka 15:32
Dikna ah det taka ding mi chun hinna chang in tin, Thil phalo dalpa chun ama thina muna. Thupilte 11:19
Gitlo chun thinan vai ahawm gualin, lungsiatna chun, phatnan kumtuang hinna channa khawp hialin i Lalpa Jesu Krist jiaka vai a hawm theina dingin. Rom 6:21

KRISTAN THINA A ZO

Chuleh, mi Hingjing chu ka hii, ka hung thi tan, a hin, ngaitia, kumtuanga ding in ka hing kit ta a hi. Thina leh Mithi khaw chabi te chule ka nei hi. Thupuan 1:18
Chun, a va naih ah luang chu a khawi a; chun, a jawn te chu a ding tau a. Chun, Tangval, Thoin, ka ti la hi, a tia. Chun, mithi chu a hung kitung tan, a hung pau ta. Chun, Jesu chun a nu kiang in a pe ta. Luka 7:14,15
Jiachu a genjaw phatin, aw ngeitakin a kiko a, Lazar, hung pawt dawk in, a tia. Tichun, mithi chu a khut a keng than puana kituam pumin, a mai khawsaul thekna puana kituam pumin a hung dawk ta. Jesun a kiang un, Tham unla, chiasak un, a tia. Johan 11:43,44
Jiajiakchun, Pan ei hepi a hi, ka lak kik dinga ka hinna ka piak di jiak hin. Kuaman ei lakpiak puana, keima thu thu ka piak jawk di a hi. Pe thei ka hi, la kik thei le ka hi, Jia thupiak hi ka Pa apat ka mu a hi. Johan 10:17,18
A galteu josia a kengnuai ah a kawi masangsia ama chu lai ah um di him ahi. Gal nunungpen sukmanga umdi chu thina hi ahi. Korint 1na 15:25,26

PATHIAN THUPIAKTE

Keima lo chu pathian dang him him la nei ding ei puai. Milim siamkawm, chung lam vana kipat ahemt nuai lam leiah kipat ahem, lei nuai lama tuiah kipat ahem, a kipuapi bangma la siam lo ding ahi. Ziate chu la ho ding ei puan, a nau le la sep ding ei puai.... Lalpa la Pathian min chu tempawtah la lam mai mai ding ei puai. Lalpa chun a min tempawtah lam mai maite chu gawt o in tha lo ding ahi ngala. Lalpa la Pathianin thu a piak gualin chawlni chu thiangtho takah la chan sek ding ahi. Niguk sungin na sem in la tin, la na zosia chu la sep ding ahi.... La nu leh la pa chawihawi in, Lalpan thu a piak gualin.... Tual la tha ding ei puai. La thanhuai ding le ei puai. La guk lo ding ahi. La invengte lakah zuau thuhetu la pan lo ding ahi. La invengte zi chu en la kin, a in uh le la thangsiat diak ding ei puai, a louh le, a suakuh le, a bawnguh le, a sabiltung uh le bang hi taleh la vengte a chu la thangsiat ding ei puai. Diutro. 5:7-21

PATHIAN APAT KISELGU THEI PUAN LA

Mihiam umdan chungah mit a gawla, a pheikhai zosia a mu suak ngala, Khawlona bawlte a kisel theina dingun thimna a um puan, thina dailim a um diak puai. Job 34:21,22
Vana hang kal leng, ziachun la um ngala; Sheola lupna bawl leng la, ngaitia, zia taka chun la um ngala ... Thim chun le la laka chun bangma a lia pua hen, zan hi sun gualin a vak zaw ahi: nang dingin thim le zan hi kibang zing ahi. Sam 139:8 leh 12
Mun kiselgu ka mu theilo dingah kisel thei um di ahiuah ahem? ti hi Lalpa thusuak ahi. Lei leh vana hin ka dim hi lo ahem? ti hi Lalpa thusuak ahi. Jeriamia 23:24
Lalpa mit chu mun tinah a um hen, thilpha leh phalo a en zing sek hi. Thupilte 15:3
Bangziakin em iti leh, kiphuang lo dingah ki im bangma a um puan, hiatlo ding leh langlo dingah thuguk bangma a um diak puai. Luka 8:17
Pathian a hawl ua, a mai a mai ua, a mu theina dingun, ahijiakin, ama chu eihaw kuamasap apat hin le a gamla puai. Nasepte 17:27

PATHIAN HELOTE, KUMKHAW GAWTNA DING

Haltuina mei ah chun pai in tin uh; jia taka chun ka leh hagawi chu um in a. Jiaphat chule mi dik te chun a pau gama chun ni gual in vak tan nau. Bil nei chun hetau hen. Mathai 13:41,42
Ahinla, tuhin van te leh lei um te hi chu jia vang ma chun Pathian ngaisaklo mite thutan leh manthai ni a ding in, khek in, mei ah pat khawlkhawn a hi tai. Peter 2na 3:7
Chun, la khutin ahem, la keng in ahem a sukpuk chun chu, tanin la paimang kei in, khut pani ahem keng pani ahem nei ah kumkhaw mei ah la kipailut sang chun, piangsual in ahem kengbai in ahem hinna lut nang a din a pha jawi. Mathai 18:8
Mi gilote chu Sheola chun nungkitin ti un, nam tin Pathian hetmil mangte josia chu. Sam 9:17
Chun, amauhaw chu kumkhaw gawtna ah chia in ti un; midikte bo chu kumkhaw hinna a chun chian nau, a tia. Mathai 25:46
Thutak diklo taka dawngte, Pathian ngaisaklona leh diklona po po chunga chun vana kipatin Pathian lungnat a hung kilang ahi. Rom 1:18

THUTANNA I MALAMAH

Aman ni a tep jiak in, jia ni ah chun, a mi guat chu, lei ah mite diktak in ngaitua sak in a, jia chu Pathian in ama chu mithi lak apat kaitho in, mi josia kianga a hiatsak tai, a tia. Nasepte 17:31
Mi khenkhat in muanga a guat gual un Lalpa chu a thutepna lama chun a chanchum puai; kuama manthai nuamlo va, mi josian lung kihei nuam in, nanghaw lama a dawthei jaw a hi. Peter 2na 2:9
Jia hin hepina chu i chung un a bukim tai, thutan ni lau lova i um thei uh hin; ama um guala khawvela i um jiak un. Johan 1na 4:17
Chun, mihiam a dinga khatvei thi guat a hi, jia jaw chuleh vaihawmna um inna. Hebrai 9:27
Mi josian, taksa ah thil hi te, a sia a phan, i hi gual guala i mu thei chiatna ding un, Krista vaihawmna chutpha ma a chun kilak chiat di i hiu. Korinth 2na 5:10
Chutichun, i leng un Pathian kiang in eimau umdan chiat i gen ding uh a hi. Rom 14:12

JESU KRIST LUNGSIATNA

Ahinla, thil thawnpiak chu hikhelna tawh a kibang puan, Mi pakhat hikhelna jiakma khan bawn mi tamtak a thiu chun Pathian lungsiatna leh mi pakhat Jesu Krist lungsiatna jiaka thilpiak chu, mi tamtak chunga vuk in um ngeina. Rom 5:15
Jiajiak chun, a dawipa jiak ei puai, a tanpa jiak le ei puan a lungsiatpa Pathian jiak in a hi jaw a hi. Rom 9:16
Jia gualma chun, nanghaw khangdawng deute haw upa te kianga kitulut un. Ahi, la leng un kipanpitua chiat ding in thunuaigawl in kivan un; Pathian in hawithawte a dodala, kingaitawm te vang chu hepina a pesek a hi. Peter 1na 5:5
I Lalpa Jesu Krist hepina chu, gentheina jiaka la hung hausak theina ding un, hausa malele nanghaw jiaka a genthei law kha, la he nau. Korinth 2na 8:9
A thilpiak gen thei guallo jiak in Pathian kianga kipakna thu um ta hen. Korinth 2na 9:15
Chun, sawlchak te chun hatna chungnung tak in Lal Jesu thaw kikna thu a gen sek ua; a leng ua chunga chun hepina nasatak a um a. Nasepte 4:33

KISIKNA

Chutichun, i hiatlolai hun teu a ngaithiama, ahinla, tuhin gam tin ah mi josia sim ding in thu a pe ta a hi. Nasepte 17:30
Ahi puai, ka gen la hiu, nanghaw le la lung uh a kiheilo chun chu jiagualma chun mangthai in lau. Luka 13:3
Jiajiak chun, la gitlo teu chul manga a um theina ding in la lung uh hei un, hung kinung hei kik un, chutichun, Lalpa kianga pat haldawna hung tung thei intin. Nasepte 3:19
Chun, Peter in a kiang un, kisik unla gitlo ngaidamna ding in Jesu Krista min in Baptisma chang chiat un; jia chun Thagau Thiangtho piak hi mun lau. Nasepte 2:38
Pathian dawidan guala lungngaina chun, hukhinna ding in kisikna tutlo lungheina chu a siam sek in; khawvel lungngaina vang chun thina a siam sek jawn. Korinth 2na 7:10
Hai un! Van gam chu a nai ta hen, tin. Mathai 3:2
Ka hil la hiu, jia gualma chun mipha sawmkua leh kua lung kiheina nei diaklote chunga sangin mi gilo pakhat lungheina chunga hin vana mi kipak jawn'au. Luka 15:7

GITLO NGAIDAMNA

Mi a sukkhelna teu la ngaidam leh, la Pau vana min ngaidam sam in a. Mathai 6:14
Amavang mi gilo chun a thil phalo bawl josia te a kihei san a, ka dan bawl te a vawp a, dan chu jawma thilpha a bawl chun hing ngei na, thi puana. Ezekiel 18:21
Mi gilo chun a umdan phalo haisan hen la, mi diklo chun a ngaituana te haisan ta hen: Lalpa kiang in chia kit hen la, chuleh ama'n la hepin a; i Pathian kiang un chia kit henla, ama'n nasa tak in ngaidam in a. Isai 55:7
Ama ngei kha Pathian in Lai a leh Hukdampa um ding in a changlama a chawihawi ta, Israel te gitlo simsak leh ngaidam ding in. Nasepte 5:31
Chun, Jesun a ginchak jiau chu a la mu in. Zeng kianga chun, Ka cha, la mawna ngaidam a hi tai, atia. Marka 2:5
Ngaitia kawtkhak bula ding in ka kiu jing a hi; kuanle ka aw nia, kawt a hawn chun, a kianga lut ka tin, a kianga zanan neng ka tin, aman le ka kiang in nena. Thupuan 3:20

KHAWVEL THIL AH PAT KIKAWIKANG

Chunglama thil um a te chun la lungthim uh kawidet un, lei ah thil um a te chun kinga loin. Kolosa te 3:2
Mi josia kianga chun hukdamna hun tut in, Pathian lungsiatna a hung lang tan; Pathian ngaisaklona leh, khawvel nawpna te haisan in, tulai khawvela hin kisum in, dik takin leh Pathian ngaisak in i um ding uh a hi ti ei hil hi. Tita 2:11,12
Khawvel hi thangaih ki unla, khawvela thil um te hi le thangaih diak ki un. Kuanle khawvel hi a thangai chun, Pa a thangaihna ama ah a um puai. Khawvela thil um josia, taksa nawpna te, mita mu nawpna te, damsung lopina lem te hi, Pa kipata pawt a hi puan, khawvela pawt a hi jawi. Johan 1na 2:15,16
Chuleh, khawthim laka la hiu, ga nei ngailo te a chun panna him him nei ki un. Ephesi 5:11
Kisil un la, ki hi thiangtho ta un; ka mu phak lo ah la thil hi phatlona teu hi kawimang ta un; phatlona bawl hi haisan ta un. Isai 1:16

PIANTHAKNA

Lungthim thak piang ka tin, la sungua thagau thak kawi ka: la phe lakua kipat lungthim suang guala tak chu la mang ka ting, lungthim phe guala nem pe jawng ka. Ezekiel 36:26
Ama chu mi dik a hi ti la hiat uh chun, kuale dikna thil bawl chu ama hin a hi ti la hiau. Johan 1na 2:29
Jiajiaka chun tukipat in kei uh chun taksa lama chun kuama heta puang kau; taksa lama Krist chu la heta le ungle, tunvang ka he ta puau. Korinth 2na 5:17
Kuale Pathian Hin chun thil a hi khial puai ti i hiau; Pathian hin khan ama chu a veng jing in, mi gilo chu thep le a them theilo him a hi. Johan 1na 5:18
Chun, Jesu chun a dawnhu a, a kiang un, Timatakin, timatakin ka hil la hiu, mi kuale a pianthak lo chun, Pathian gam mu thei puan nau, a tin. Johan 3:3
Mi van ah a um laiin le a vau thuk puan, diktaka ngaitua sekpa kianga chun a kipe jaw. Peter 1na 1:23

GITLONA THI KRISTAH THOKIT

Nanghaw le la sukhel uh leh la gitlona teu jiaka thi la hi lai uh khan a hidam la hiu; Jesu Krist a chun ama tawh kigualin ei kaithoin, van muna te ei chutsak ta. Ephesi 2:1,6
Chutichun, Krist kianga kaithaw ah la um tak uh chun, chunglam, Pathian changlama chu Krist umna thil umte chu hawl un. Kolosa 3:1
Gitlona lama thin, dikna lama i hin theina ding un ama ngei in thinga khan a taksa chun i mawna teu a paw tan, ama kijepna be jiaka chun hidam in la um tau a. Peter 1na 2:24
Chun, Jesu Krist mite chun taksa chu, a thil pha lo ngaituana leh a nawpna te pumin a khenden tau a. Galatia 5:24
Hi love, Eihaw gitlona lama thi tasate bangtia gitlo va la hing jing thei ding i hiu em? Jia gualma chun nanghaw le gitlo lama thi tan kingai unla, Pathian lama vang chun Krist Jesu a hing in kingai un. Rom 6:2,11

KUMTUANG HINNA

Chun, Mosian gamkeu ah gul a khaikan guala khan Mihiam Chapa le khaikan in um di a hi; kuale a ging taphawt chun ama vanga kumtuang hinna a neina ding un. Johan 3:14,15
Kuale Cha taksang tapo chun kumtuang hinna a nei tau; ahinla, kuale Cha thu awi lo taphawt chun hinna nei puan nau, Pathian lungnatna a chung un a um jing jaw a hi, a tin. Johan 3:36
Timatakin, Timatakin ka gen la hiu, kuale ka thu hia, ei sawlpa ging chun kumtuanga hinna a nei tai, maw chansak in a um ta puan thina ah pat a pawt a, hinna a lut jaw ta a hi. Johan 5:24
Ama taksa lama thepa chun taksa siatna tuakin tin Thagau lama thepa vang chun Thagau lam kumtuang hinna luak di a hi. Galatia 6:8
Jia hi kumkhawtuanga hinna chu a hi, Pathian tak khat bep nangma leh la sawl Jesu Krista a hiat uh hi. Johan 17:3
Gitlo man chu thina a hin; Pathian thil thawn piak bo chu i Lalpau Krist Jesu vanga kumtuang hinna a hi. Rom 6:23

HUKDAM KIHIATCHIANNA

Chun, dikna nasep chu chamna hin tin, dikna ah thilpawt chu kumkhua muang taka umna leh taksang taka umna hin a. Isai 32:17
Chule, cha la hi ziakun Pathianin a Chapa Thagau chu, Abba, Pa, tia kikoin i lunggil un a hun sawl ta hen. Galatia 4:6
Kuale ka thupiakte neia, zawm chu, ei hepi ahi; Kuale ei hepi chu, ka Pa chun hepiina, keimanle ama chu ka hepi a, a kianga ka kimusak di a hi, a tia. Johan 14:21
Thagau ngei chun eihaw thagau tawh kithuan Pathian chate i hiu ei hetsak ahi. Rom 8:16
Naute haw, thu bepin kihepi puai tiu, kamsung maiin ki hepi diak puai tiu; thilhi leh ti tak takin hizaw hen. Thutaka mi i hiu ziachun kihiai tiu, chule ama i mitmuah i lung sanga chungnung zaw a hin, aman bangma zosia a hesuak nai. Johan 1na 3:18,19
Amaah i um zing leh ama chu eimau ah a umzing ti ziahin i hiau, a thagau ei piak tak ziak hin. Johan 1na 4:13

EIMAUAH UM KRISTIN KIPAKNA EI PIAI

Ama chu mu ngailoin le la hepiu a, ama chu tuhin mulo maleuchinle la taksang un, kipakna gen theilo leh chungnungpen takin la kipak ma mau a. Peter 1na 1:8
Ziaziakachun, hukdamna tuikhuka kipat chu kipak takin tui la khai lau. Isai 12:3
Ka kipakna nangmau ah a umjingna ding in leh la kipaknau a bukim theina ding in, jia thu hi la kiang ua ka gen a hi. Johan 15:11
Krist kiangin khetdenin ka um tan; ahinla ka hing ahi; chule, taksa ah ka hin hi ginna ah hing ka hi, Pathian Chapa, ei hepi ka thasanga kipepa ginna a chun. Galatia 2:20
Tuhin vang la kianga hung di ka hi tai; chun ka kipakna amauhaw ah a uma a neikimna dingun, khawvela zia thu hi ka gen ahi. Johan 17:13
Nang in hinna lampi chu ei hiatsak la tin: la ma a chun lima dimletna a um a; la khut changlama chun kumkhaw kipakna di a um in. Sam 16:11
Pathian gam chu nek leh dawn lam thu ahi puan, phatnate, chamnate, Thagau Thiangtho kipaknate ahi zawi. Rom 14:17

LALPA THU AWI A PAWI MAWI

Amavang Lalpa aw chu lim sak lo ah, Lalpa thupiak la kiphin san uh chun la pute un Lalpa khut a thawk gual un nang un le thuak lau. Samuel 1na 12:15
Hi love, Kua kianga le a thu'u awi dinga suaka la lut uh chun, thina khawpa gitlo suak ahem hi talele, a thu la awipau suak chu la hiu ti la he puau em? Rom 6:16
A hi genthei te chu gimuma thuk leh, nanghaw daum thuak mite chu keihaw tawh chawlna ah thuk chu, Lalpa Jesu a vansawlchak hattak te tawh mei kuang laka vana kipata a kilat phetleh; Pathian helo mi leh i Lalpa Jesu Umdan Pha taksang lo mite chunga phuba a lak phat chun; Jia mite chun gawtna thuakin nau: Lalpa kianga kipat leh a hatna lopina ah kipata kumtuanga manthaina chu. Thessalonika 2na 1:79
Ngaitiam u, tuni hin la mau ah maljawlna leh hansia ka kawi hen; Lalpa la Pathian uh thupiak te tu ka piak hi la jawp uh chun, maljawlna: Lalpa la Pathian uh thupiak te chu la jawp lo ua, la hiat ngai lo uh pathian dang te ho dinga tu ka thupiak hi la petsan uh chun, hansia law khum in a. Diutronomi 11:26-28

KRISTA PUANDAW A PAWI MAWI

Jesu Krist chu Lai a hin, tia lei josian a puanna ding in. Phillipi 2:11
Chutichun, mite ma ah ei panpi tapo, ka Pa vana mi ma panping ka ting. Himalele, kuale mite ma ah ei kilepsan tapo, ka Pa vana mi ma anga kilepsan ka. Mathai 10:32,33
La kam in Jesu hi Lalpa a hi tia la panpi a, mithi laka kipat in Pathian in a kaitho ti la lunggila la taksan phawt chun hukhm in um inla, ti hi. Min a lunggil ua a taksan chun, phatna a musek ui, kam in a panpiu a, hukhinna a musek uh a hi. Rom 10:9,10
Kuale Chapa taksanglo chun Pa le a taksang diak puai; Chapa taksangpa vang chun Pa le a taksang a hi. Johan 1na 2:23
Kuale, keima leh ka thu japi tapo, Mihing Chapan, ama lopina tawh, a Pa lopina tawh, a vansawlchak thiangtho lopina tawh a hung tak phet leh jiapa chu hun japi in a. Luka 9:26
Jia thu hi a ginum ahi: Athina ah i thi takuh chun, A hinna ah chun hing di i hiu; I thawk chun, A vaihawmna ah vaihawm hitiu; Ama i phatsan chun, Aman le ei phatsaninna. Timothi 2na 2:11,12

SETAN I MELMA LIANPEN

Diabol thepnate chu la dojawna ding un Pathian galvan bukim chun kivan un. Ephesu 6:11
Piltak in, chingthei unla; la kidopiu Diabol chu, sakeibaknei kitum gual in a nekthei di hawl in a kitum sek hi. Peter 1na 5:8
Jiajaw a chun Jesu chu diabol thepa um ding in gamthipa Thagau puilut in a um ta. Jiaphet chun Jesun, a kiang in, Setan, chiamang keiin! Lalpa la Pathian chibai bukin la, ama na bep sem in, ti jiak a hi, a tia. Jia nunga chun diabol chun a chiamansan ta, chun ngaitia vansawlchak ten a na a hun seppiak tau a. Mathai 4:1,10,11
Jia Dan susepa hungna chu setan sep dungjui in thil hitheina josia te, teptena josia te, juau thilmak josia te sia tawh hung kithua di a hi. Thessolonika 2na 2:9
A mit uh hivak ding in a kiang ua ka sawl la hi hi, tak chuleh thima thu chu vak lam in nusian nau; Setan thu neina chu Pathian lam in nusian nau, sual ngaina thiamna a muna ding un leh ei gin jiak ua thiangtho sate laka go chan a neina ding un, a tia. Nasepte 26:18

SETAN CHUNGAH JAWNA

Jia chu lakman a hiphat leh Dan susepa chu hunglang tan tin, Lalpa Jesu chun ama chu a kama hu thakhum in that in a, a hunga a kilakna chun sumangthai in a. Thessolonika 2na 2:8
Chutichun, Pathian thi; thun um un; amavang Diabol dodal ta un, chun, jammang san tan a. Jakob 4:7
Krist hepina apat kua ahem ei khen thei ding? Daumna ahem, lungngaihna ahem, bawlsiatna ahem, kial in ahem, sil leh chenlonan ahem, kichatnan ahem, chemsau ahemin ei khen di ahem? Khen love, jia josia a chun ei hepipa jiak in lopitaka jgaljo sanga gal jo i hiu. Rom 8:35,37
Thil hi khialpa chu diabol ah pawt a hi; diabol chun a lim apat thil a hikhial tan a hi. Pathian Chapa hungna pen chu, diabol nasep te a hi manthai theina din a hi. Johan 1na 3:8
Jiajaka chun, naupang te hi taksa leh thisan chang khawm a hi jiak un ama ngei inle jiama chu a hung changtai; thinan thina thuneipa (jiachu diabol ahi) a hi manthai theina di leh. Hebrai 2:14

HEPINA, NUNGJUI PATEPNA Min, Pathian ka hepi hi, tin a suapi

muda taleh, ama juauthei a hi; a suapi mujing bawn a hepi lo chun Pathian a mu ngailo chu bangtin ahem a hepi thei di? Johan 1na 4:20
Mihing pau leh vansawlchak pau ten thu gen maleng le, hepina ka neilo chun, dak gi mai mai ahem, vaikhutbet gi mai mai ahem hingka. Korinth 1na 13:1
La kihepiu chun, mi josian ka nungjui te la hiu ti jia chun hiannau, a tia. Johan 13:35
Thagau ga chu hepina te, kipakna te, chamna te, thawk theina te, nunnemna te, phatna te, ginumna te, thunuaigawlna te, kisumtheina te a hi jawi, Jia gual kalh dinga chun Dan thupiak him him a um puai. Galatia 5:22,23
Ama chun a kiang in, Ka belamno te vakin, a tia. Aniveina chun, Simon John chapa, nangin kei lei hepi em? a tia. Ama chun, a kiang in, I, Lalpa ka ngainai ti la hiai, a tia. Ama chun a kiang in, Ka belam te ching in, a tia. Johan 21:16
Suapite ka hepi jiakin thina apat i pawtun, hinna i luttau ti ka hiai. Kuale hepina neilo tapo chu thina muna a la umjing a hi. Johan 1na 3:14

JESU KRIST THAWKITNA

Jia Jesu chu i gitlona jiak un matsak in a uma, thiam i channa ding un kaithaw in a um tai. Rom 4:25
Chun ni giat nunga chun, nungjuite chu insunga a um kikua, Thoma chule a kiang un a um a. Kawtte chula a kikhak suakkei a hia, Jesu chu a hunga, a lak un a hung ding ta, a kiang un, La chung un Lungmuanna um hen, a tia. Jia phatcnun Thoma kianga chunle, La khutjung in han khawi inla, ka khutte hi en in; La khut in han ban inla, ka naka thunin; taksang lo in um kinla, taksang in, a tia. Thoma chun a kiang in, Ka Lalpa leh ka Pathian la hi, tin a dawnhu a. Johan 20:26-28
Juda gama leh Jerusalem khua a thilbawl josia te, a hetpite chu ka hiu a, ama chu thingleka khaiin a that tau a. Ama chu Pathian in ni thum nin a kaitho kit a, kichiantakin a musak a. Amabochu, mi josia kianga hi loin, Pathian in he dinga a guatlawk te kianga bep a hi, keihaw, mithi laka a thawkit nunga a kianga ne leh dawna um te kianga hin a hi jawi. Nasepte 10:39-41

THAWKIKNA I KINEPNA PEN UH

Jiakipat chu Jesun Jerusalem khua a chia di dan te, upa te, thiampu lian te, lekhasunmite laka thil tamtak a thawk di dan te tha ah a um di dan te, ni thum ni kaithaw ah a umdi dan te chu a nungjui te haw a gen pan ta. Mathai 16:21
Ti tak takin ti tak takin ka gen la hiu, phat tung di ei tai, tuhin le a tung jing hi, chutiphat chuleh mithiten Pathian Chapa aw hian tin uh, a he tapo hing in nau. Jia hi maksa ki un, a phat tung di ei tai, chutiphatphet chuleh thana um josian a aw hian tin uh, pawt siksek nau; thil pha bawl te chu hinna chang in tho in tin uh, thilpha lo bawl te chu mawna chang in tho kit in nau. Johan 5:25,28,29
Eihaw laka Jesu Krist ah baptisma changte sia chu a thina ah baptis in i um ui ti la he puau maw? Jiajiakchun, a thina ah bap tisma i chan chun, a kianga vui in i um un; Pa lopinan mithi laka Krist a kaithaw gual khan, eihaw le hinna thaka i um theina ding in. A thina kibatpi ama tawh i kijawp tak chun, a thawna kibatpi a le kijawm hi tiu. Rom 6:35

LALPA THIANTHONA

Nasem mi, thutak thu dik taka mang chu, jakcha lo di ahi gualin, Pathian ngaih ah pha kietsak dingin phatchuamngai tan. Timothi 2na 2:15
Milling thak, thutak dikna leh thianthona ah Pathian guala siam khan kivan unla, ti thu hi. Ephesi 4:24
Ka dam sung in a mit mu in thiangtho leh diktaka um in, Lau loa a na ei sep sak di thu kha. Luka 1:74,75
Chutichun, suapi ngaih te haw, jia thutiam te chu i nei jiak un hung un, thagau leh taksa kisukbuakna josia a chun kisuthiangtho hi tiu, Pathian ging in thianthona a chun bukim in um hi tiu. Korinth 2na 7:1
A kopa chu a thiantho gual in nanghaw le la tawidan josiau va la thiangtho jawta un. Peter 1na 1:15
Jiajiakchun, mi jia te haw laka a kihithiangtho chun, bel thiangtho, Lalpa mattak, nasep pha josia ah kisa josa, ngailut ding mi hina. Timothi 2na 2:21
Thuah nung di leh Krist thisan thekhuma um dinga, thagau khendana, Pa Pathian hiatlawk guala telte kianga chun. La ehung un hepina leh chamna hi punin um ta hen. Peter 1na 1:2

LALPA THIANTHONA

Chun, jia taka chun lamlian um in tin, iampi tawh, jia chu Thianthona Lampi, tin nau; mi buak chu jia taka chu chia puan tin; ahinla mite ding in hi jawna, mi zin vei vak te, mi ngawlte le, jia tak chun gammang puan nau. Isai 35:8
Jia jiak chun, Jesun le, ama thisan ngei ah mihiam te a suk thiantho theina ding in, kul kawtkhak pawlama chun a hung thuak ta. Hebrai 13:12
I gitlo thupha i chawi chun, i gitlote ngaidam ding leh, i kitup lona josia silthiang ding in ama chu a taksan um in a dik a hi. Johan 1na 1:9
Kei vang in haina ding in tuiin ka baptis sek la hiuva; himalele, ka nunga hung dipa chu keima sang in a lopi jaw hen, a kengtawdap chawi hawi le ka hi puai: Ama chun thagau thiangtho leh mei in baptis in a. Mathai 3:11
Ama chun van muna te khin Krist a chun thagau lam vangphatna bangkim in ei vangphat saka. Ephesi 1:4
Jia thilhaw chu jiaguala mangthai keidi ahi ti la Mat jiakun umdan thiangtho leh Pathian ngaisak lama chun banggual mi hidi la hiu vem? Peter 2na 3:11

THAGAU AH DIM MI

Nang uh mi gilo in bawn la cha teu thil pha piakna dan la hiat uh leh, la Pau vana mi chun a dawn te chu Thagau Thiangtho pe nalawm in a e! a tia. Luka 11:13
Chun, la sung ua ka thagau kawi ka ting, ka dan bawla len sak ka ting, ka thu piak te chu vawp in la ti un, jawm in lau. Ezekiel 36:27
Ahinla, taksa ah um la hi puau a, Thagau a um la hi jawu; chuti a hileh Pathian Thagau chu nangmau ah cheng a hi, ahin kuanle Krist Thagau a nei lo chun ama a mi a hi puai. Rom 8:9
Amabo, Thagau Thiangtho chu la chung ua a hung tun phat leh thil hi theina nei inlau; chun, Jerusalem khua a te, Juda leh Samari gam khaw tin ah te, kawl kil tiang in le ka thu he te hin lau, a tia. Nasepte 1:8
Ahin, sawlchak te chu kipakna leh Thagau Thiangtho in a dim tau. Nasepte 13:52
Ahin, a pauchap jaw phat uh chun, a kikhawpna in uh chu a hung kilinga, a leng un Thagau Thiangtho in a hung dim tau a, hangsan tak in Pathian thu a gen tau a. Nasepte 4:31

KRISTIANTE KIANGA THUTEP LOPI TAK

Lalpa chun lungngila thase te chu a naih sek a, lunggila kisik tapo te chu a hukhing sek hi. Sam 34:18
Jia thil bangkim hi ka khuta ka bawl a hi ngala, chutichun, jia thil bangkim hi a hung um ta a hi. Lalpa'n a tii: amavang chu mi genthei taka um, lung kisik ngawi ngawi, ka thu kithing sekpa lam chu en jawng ka tin. Isai 66:2
A mit ua kipat mitthi josia thiak in tin; Thina umta puan tin, Lungngaihna te, kana te, natna te le Umkit diak ta puana; Thil masa te chu a bei tai, a ti ka hia. Thupuan 21:4
Lalpa chu ging in la, thil pha chu bawl tan; jia gama hin um inla, ginumna del jing in. Sam 37:3
Dawitakte haw, la lak ua patepna nasatak hung um, nangmau haw patepna dinga la chung ua hung tung hi, thilmak la chung ua tung gual in maksa ki un. Krist thawkna ah te thawkpi te la hi jiau dungjui in kipak jaw un; chutichun, lopina a hung lat phet leh nanghaw le limtakin kipak thei in lau. Peter 1na 4:12,13

THEPA UMTE DINGA THUTEP

Ama ngei chun thepna tuakin a la thawk tak jiak in thepna tuak te chu a panpi thei a hi. Hebrai 2:18
Chun Chamna Pathian chun la kengphek nuai un Setan chu hun chawtnawi sak in a. Lalpa Krist lungsiatna chu la kiang un um ta hen. Rom 16:20
Mi dik haksatna te chu a tarn a, himalele Lalpan jia josia a chun a hukdawk sek a hi. Sam 34:19
Tui la palkai lai un le la kiang un kei um ka tin. tui la palkai lai un le tum puan la ti un, mei ah la chia then lai un le kang puana, mei kuang in kang diak puana. Isai 43:2
Chuleh, Pathian hepite aman a guata a kote dinga chun, a phatna ding un bangkim in a seppiak sek hi ti i hiau. Rom 8:28
Mihing do thei kalval thepna la chung un a chu kha puai; Pathian taksan um tak a hin, la dojaw kalval uh thepna la chung un tunsak puana; la thawkjawna ding un thepna tawh kigual in taidawna lampi bawlpiak in a. Korinth 1na 10:13

ZOTU TE KIANGA THUTEP

A thajo tapo chu ka Pathian bona in ah chun bankhuam in siam ingka ting, jia kipat chu pawt tapuan tin uh; chuleh amauhaw ah chun ka Pathian min, ka Pathian khua, Jerusalem thak, ka Pathian kianga mi vana pata hungsuk dipa min leh, ka min thak tawh jiak ingka. Thupuan 3:12
A thajo tapo jia gualma chun puan vam te silsak hinnau; chun, Hinna Bu apat a min uh nawtmanglo hiai ka ting, ka Pa ma anga leh vansawlchak te ma a chun a min uh panpi jawngka. Thupuan 3:5
A thajo tapo ka lalchutpha ah ka kianga chutsak ka ting, kenle ka kianga, ka Pa kianga a lalchutpha ah ka chut gual khan. Thupuan 3:21
Thagau in kochuamhaw lawi kianga thu a gen hi nakhang nei chun heta hen. A thajo tapo Pathian Paradis ah Hinna Thing Ga neksak ingka, a tii, tin. Thupuan 2:7
Chutichun a thazo tapo leh a jawna tianga ka thil bawlte zawm tapo, ken ka Pa kianga ka mu gualma hin, jia mite chu jat josia chunga thu nei sak ingka. Thupuan 2:26

KINAWL THU PATHIAN IN EI HIL

Chun, kicheng sa te kianga chun thu ka piai (keima piak vang hiloin, Lalpa piak a hi jawi): Zi chun a pawsal khen ki hen. A khen vanglak leh pawsal nei kit taloin um mai hen, ahilole, a pawsal ma tawh kicham kit uh hen: chun, pawsal inle a zi nawl ki hen. Korinth 1na 7:10,11
Numei pawsal nei chu a pawsal damsung sian dan in a pawsal ah chun a kanden sek in ahin la, a pawsal a thi chun, pawsal chungchanga chun dana kipat in thadawin a um tai. Ahin la, a pawsal damsunga mi dang a nei chun, jawntat nu tin nau, a pawsal a thi a hileh vang dana kipat in thadawn a um tai, mi dang nei lehle jawntat a hi ta puai. Rom 7:2,3
Kuale, a zi nawla, zi dang nei tapo, a thanghuai a hi; kuale, mi zi nawlsa kichenpi tapo a thanghuai a hi. Luka 16:18
Keibo chun, kuale tangval ngai jiak hilova, zi nawl tapo chun, ama chu a thanhuaisak a hi; chun, kuale nawl nung nei tapo chule thanghuai a hi ti ka hil la hiu. Mathai 5:32

KRISTA HUNG KITNA

Chuleh nang uh a dinga mun ka bawljaw phat leh, hung kit ing ka tin, ka kianga ding in hung pui di ka hi, ka umna nang uh le la um theina ding un. Johan 14:3
Kuale tulai khangthak laka thanghuai leh thil phalo hi nuam te laka keima leh ka thu japi tapo, Mihing Chapa hin, vansawlchak thiangthote tawh a Pa lopina ah kivana a hung phat tak leh, jiapa chu hun japi sawn in a, a tia. Marka 8:38
Jiaphet tak chuleh Mihing Chapa teptena chu vana lang in a. Jiaphet tak chuleh lei ah chitin in awm teu chum in ti un, Mihing Chapa hi thilhitheina leh lopina nasatak tawh van sum chunga hung mun nau. Mathai 24:30
Hung vak jiang di ka hi; kuaman la lallukhuk chu a lak piak lona ding in la thil neisa kha kempha tan. Thupuan 3:11
Kawl, saklama a hung phe dawka, thanglam tiang in le a lang seka. Mihing Chapa hung kitna chu jia gual chu hi di a hi ngal in. Mathai 24:27
Nanghaw le sekdo tak in um ham ham un: la lung uh hi det un; Lalpa hungna chu a naitai. Jakob 5:8

KRISTA HUNG KITNA

Dawitakte haw, tuhin Pathian chate i hi tau, bangguala la um di i hiu vem chu i kihe nai puau; ama a hung kilak chun, ama gual in um di hi tivang i hiau, ama chu a um ngai gual tak in mui tiu. Johan 1na 3:2
Ngaitia, gucha gual in hung di ka hi; kiginga a puan cheng jing chu vangphannau, chutilochun ngawnchang in vak in tin, a zamaw mu khannau. Thupuan 16:15
Jia mi te chun, Galili gam a mi te haw, bangatia van lam ena ding jing la hiu vem? Jia Jesu la kiang ua pat vana puito va um hi, vana a chiato la mu gualmau ah hin, ama ngei hi hung suk kik di a hi, a tiu a. Nasepte 1:11
Nanghaw le kiging jing in um un, la kigin lo kal un Mihing Chapa hung di a hi, a tia. Luka 12:40
Chutiphat chuleh Mihing Chapa hi thilhitheina leh lopina nasatak keng in sum jinga hung mun nau. Luka 21:27
Mihing Chapa hi a vansawlchak te a pa lopina ah kivan in hung di a hi ngal in; jiaphat tak chuleh mitin a thil bawl gual gual un kipakman mu chiat in nau. Mathai 16:27

PATHIAN THU

Lei leh van mangthai in tin, ka thu vang mangthai puan a. Luka 21:33
Jesun a kiang un, Pathian lekha thu leh Pathian thilhitheina la hiat lo jiak un la ngai khial sek uh a hi. Mathai 22:29
Thu genkhawl him him hi mihing ah thu pawt a hi ngai puan, mi ten Thagau Thiangtho sawlin, Pathian kianga pat a gen jawu a hi. Peter 2na 1:21
Pathian lekha thu josia Pathian hu thakhum ah piak tapo chu, hilna lama te phawkna lama te, dikna hil lam te chun a phachuam nai. Timothi 2na 3:16
La chunga thil ka hi khial lonan, la thu chu ka lunggil ah ka khawlkhawm ah. Sam 119:11
La thu hi ka keng te dinga hin thaumei a hin ka Tampi ding in vak a hi. Sam 119:105
Pathian thu hi a hinga, thil a bawl thei a, chemsau hiamtua josia sangin le a hiama, hinna leh thagau, gutua leh theng kikhen khawp hiala sun thei ahi. Lungthima ngaitua leh guatte hi a hiat thei ngai a hi. Hebrai 4:12