Grawng kra Tao "Hpuklai sigang si can pa kwe hkanki maw pa hoit hplu Siyeh ti taw ka bawm ti." Gumlo Siyeh maw pa im, mai: pa ca yu, mai: neh leu lawm hkaing vait pa lawm hkawm ra plak. Hebreh 4:12 Gumlo Au ... tak ang dui hwet ka All geh going, vehang maw nan naw tak sang keh maw awm pa simeh Au ti keh maw, mai: naw tak kwe bwan son ka dau ceu pa hoit keh Au naw hu ka. Isaya 55:11 Pa laik Gumlo mai hkanki taw pa rehang heu-e. Yaokyaw 119: 130 Grawng pa hpan hakteh Yam ja Siyeh hpan raoma mai: hakteh heu-e. Yam ja 1: 1 Pa kwe ku ceu ku cawng kwe hkeu yu Naw, mai: pa kwe pa ang Naw yu ang kwe ti ceu kaw heu-e. Yohan 1: 3 Grawng pa hpan kawnpwi Siyeh hpan kawnpwi awm rehang pakpeung Ti, Naw Cao hpan naw awm rehang pakpeung Siyeh. Naw Cao hpan keh maw sime mai: bon heu-e. Yam ja 1:27 Simehang Siyeh tui-i hpawng teh mai: yu kawnpwi, mai: hplu sau bawm pa im dau mui naw, mai: kawnpwi li maw pa im ju heu-e. Mai: Simehang Siyeh sum sipuim ti da plak li singai ka dau Eden, mai: Naw Cao deu pwi pa hoit yu Naw tan heu-e. Yam ja 2: 7-8 Simehang Siyeh tui-i kawnpwi mai: deu naw ka dau sipuim Eden son sang preh sang yu naw heu-e. Mai: Simehang Siyeh tawm lo ka kawnpwi a nin, "Mai pon ti i hkaing hkao ku hkao can pa kwe dau sipuim, vehang maw nan hkaing hkao pa chi tawng pa mawm mai: pa ang mawm, mai tak ang pon ti i hkaing hkao an heu-e. Maw hkeu ka dau singai pa i mai hkaing hkao an, mai tak yum te te heu-e." Yam ja 2: 15-17 Grawng pa laik hpimap Si-u-ing maw pa neh lak hkaing tosat hakteh can pa hoit yu Simehang Siyeh heu-e. Mai: naw a nin ka bon, "Siyeh hoit a, 'Pa ang pon ti i hkaing hkao ku hkao pa kwe dau sipuim' leh?" Mai: bon dui a nin ka si-u-ing, "Yeh pon ti i pli hkaing hkao hkanki pa kwe dau sipuim, vehang maw kaw nan pli hkao pa kwe ka sigreung sipuim, Siyeh hoit a nin, 'Pa tak ang pon ti i ka, vehang tui kaw ang pon ti tui ka, hpan ang maw nan pa tak yum heu-e.' " Mai: si-u-ing dui a nin ka bon, "Pa ang tau ti yum te te, graw grawng naw Siyeh hoit tawng singai pa i pa hkaing hkao an, ngai pa tak bla mai: pa tak li maw awm Siyeh mai: chi tawng pa mawm mai: pa ang mawm heu-e." Mai: yam yao bon grawng hkao an maw pa mawm son pa i pa un, mai: pa nyawm ti jak ka ngai, mai: hkao pa hkaw ti simeh ti ceh son sang keh kwe ping nya, naw tui-i ti i pli hkaing hkao an, mai: taw ka hkawm me naw tau mai: ti, mai: naw kaw i heu-e. Yam ja 3: 1-6 Simehang Siyeh a nin ka bon, "Pa yu mai in maw pa yu ka maw?" Mai: bon a nin, "Si-u-ing peh au, mai: au hoit i heu-e." Mai: Simehang Siyeh a nin ka si-u-ing, "Maw hkeu hoit yu mai nin, mai neh leu pon pa ja pa lawk hkaing hkawng breh mai: tosat hakteh hkawm u-ik heu-e. Mai tak hu ka vait ti, mai mai tak i hpawng teh tom sidaju ti, mai Au tak keh kwe pa ko-eng sina mai mai bon, mai: sina simeh ceucat mai, mai simeh ceucat naw, naw tak sang mat yu kaing mai, mai: mai tak sang mat yu ka lo-ek caong naw heu-e." Naw Cao a nin ka bon, "Au tak sang keh mai neh blon ting hkarawm ka dau pa nge mai kawn, mai: mai tak hkarawm ka pa kwe mai kawn. Mai: mai tak hawt alo me ti, mai: naw tak sang geh kaing pehang mai heu-e." Mai: Naw Cao a nin ka Adam, "Maw hkeu hoit ngeht mai lo mo-engti, mai: hoit i mai hkaing hkao pa hoit tawm Au lo ka mai a nin, 'Mai tak ang pon ti i hkaing hkao an' hakteh tak maw pa ja pa lawk hkeu mai, mai: tak yao ti i hkaing naw ka dau pa hkarawm hkari ti tom sidaju mai, katlawm mai: pangkat tak li kwe son mai, mai: mai tak i tau la hkaing hakteh, ka dau pa li rawm la ka pakngai ti, mai tak pon ti i hkaomun, tom dui mai ka teh, mawhkeu hoit tui-i mai hkaing tan. Graw grawng naw mai hoit maw hpawng teh, mai: mai tak dui ka hpawng teh heu-e." Yam ja 3: 13-19 Maw si-u-ing prim di, kaw pa kok maw Hpicao mai: Satan, pa maw cao pa peh pa len ka beu hakteh hkawm u-ik heu-e. Lai pa plak ji keh yao 12: 9 Maw hkeu nan, awm hpimap hoit laik dau hakteh hkeu sipeh-ak pwi ti kau, mai: kra yum hoit laik hkeu hpimap, mai: maw hkeu pwi hkawm u-ik hoit yu hpimap, kra yum hoit ta ka pwi hkawm u-ik heu-e. Roma 5: 12 Grawng pa hpit pa lut kawnpwi si-vo-e Siyeh E hkawm u-ik hoit lu-an hu awm yung. E ku kau hoit tang vui hu ka kra tokau ti heu-e. Isaya 53: 6 Simehang jak li hkaing raoma ka pehang kawn kawnpwi hkanki, son sang jak grawng kwe ti kau kau pa tawng pa yung mai: pa sawk ka Siyeh heu-e. Ki hoit lut lo-e hkawm u-ik, ki hoit li maw pa sui-ing pa brai hkawm u-ik. Ang kwe pa yu pa mawm ti kau kaw, pon ang kwe ti kau kaw heu-e. Yaokyaw 14: 2-3 Awm pa hoit tehm ti deu a nin, Ang kwe pwi pa ra pa sui, pon ang kwe ti kau kaw heu-e ... Mai: kra pa nim ki ang sa tawng heu-e. Ceu pa lat pa graung ka Siyeh ang kwe si-vo-e ngai ki heu-e ... Graw grawng naw pwi hoit yu hpimap hkawm u-ik mai: ang pon ang hwet ka min plakngai Siyeh. Roma 3: 10, 17-18, 23 Vehang maw kaw nan lo hpuk lai sigang si hoit laung pwi hkawm u-ik ka gruim hpimap. Kalati 3: 22 Grawng pa mo Siyeh ka kawnpwi Maw hkeu Siyeh keht mo hakteh sigrehn sigre, Naw tom taw Kawn Ti pa kwe ti kau hkaing, yu ka maw son can pwi pa yumrawm ka Naw hkanki, tak ang lai hwet kra lau kra lui-ing, vehang maw nan pon ju lui-ing ju lui-ing hpan heu-e. Yohan 3: 16 Kra mo kra rawm Siyeh ka e hoit plak keh sidawng, ka dau pa ploi Naw Kawn Ti pa kwe ti kau hkaing hwet ka dau hakteh, yu ka maw son sang pon e ti im ju hkeu Naw heu-e. Kra mo kra rawm keh neh, maw hkeu mo e ka Siyeh ang lai maw, vehang maw nan maw hkeu mo Naw Cao ka e, mai: hoit ploi Kawn Naw hwet son sang maw pa tan pa lu pa sang keh e luan hkaing hpimap hpigram ti heu-e. Lai Yohan hpuk ti 4: 9-10 Grawng pa hwet Kawn Siyeh ka pehang hakteh Lo in maw pa kau sija mai: pa keung ti rehp ti tui-i hkawm u-ik, pa a Yesu Hkrit hwet ka pehang hakteh son sang tao pwi hpimap hpigram hkanki. Timose hpuk ti 1: 15 Yesu Hkrit ... yu ti li maw awm kawnpwi. Hpilippi 2: 5,7 Naw hoit ot ka pehang hakteh, mai: hakteh in maw pa yu Naw, vehang maw kaw nan hakteh in ang tawng ka Naw heu-e. Yohan 1: 10 Grawng pa ke Naw Cao Graw grawng ke Cao Yesu Hkrit maw nin heu-e ... Ceu in hkawm u-ik hoit maw son sang naok gumlo Simehang pa krai Cao Jai a nin, Jak heu-e, bon kri tak kwe kau, mai: ke kawn sime, mai: ki tak kok ceukau Naw maw Emannwela. Hpan to-e dui blui Emannwela, maw, Siyeh ot tau mai: e. Mahteh 1: 18, 22-23 Mai tak kok ceukau Naw maw Yesu, maw hkeu Naw tak sang tao pwi ceh Naw hkaing hpimap hpigram ki heu-e. Mahleh 1: 21 Grawng yam ot Naw Cao ka pehang hakteh Grawng Siyeh hoit groi rawmbui ka Yesu pwi veng Nazareht, ka Hkwan Singa Singe mai: siawp sibrawm, Kaw pa hoit hu lai ling yu ceu pa mawm, mai: co pwi pa tuk teh-ak hpicao hkawm u-ik moi, maw hkeu Siyeh ot tau mai: Naw heu-e. Grawng pa yu kawncau 10: 38 Mai: Yesu hu lai ling ka dau yaong dau veng hkawm u-ik, mai: gau ka dau nyeh dui sideh ki hkanki, mai: sideh lo bwan pa gaurawm gauri pa de pa dawt mai: Meung Siyeh, mai: co pwi pa kwe jawm saujawm ngi-ya ku ceu moi heu-e. Mahleh 9:35 Mai: cup pwi hao pwi hun hkanki hwet ka Naw Cao, pwi lau caong, pwi duk ngai, pwi aw, pwi lau maung, mai: pwi tang kau tom neh ot mai: ki, mai: ki deu hkanki ka de caong Naw Cao, mai: Naw co keh ki moi. Mahteh 15: 30 Grawng pa yum Naw Cao son sang tao ka Tak sang taw Kawn kawnpwi (Yesu Hkrit) ka dau tawm tai pwi hpimap hpigram hkanki, mai: tawk ka pehang hkaolak. Luka 24: 7 Mai: yam ki hwet ti da pa kok maw, Siang Kaing, ki tawk Naw Cao pehang hkaolak tan ... Mai: Yesu a nin, "Kui- ing eu-e, plu-at ploi hpimap ki leh-ak, hkeu ang ki tawng pa yu ti heu-e." Luka 23: 33-34 Pwi yu pa ang cui ang cak mai: tik ka Naw Cao. Naw maw Pwi pa hkirawm hkiri mai: pa muit ka pa hkarawm hkari ... Naw hoit pui pa hkarawm hkari e, mai: hoit klawm pa hkirawm hkiri e te te. Vehang maw nan e ang yaok Naw ting yam hkam geu Naw, jawm pa yu Siyeh ka Naw, mai: pa hkarawm hkari heu-e. Vehang maw nan hoit yu Naw mat hkeu pa hpit pa lut e, mai: hoit yu Naw ngut hkeu hpimap hpigram e ... mai: e pon ti moi hkeu hkai roi pa siveht ka Naw heu-e. E hkawm u-ik hoit lut hu awm yung. E ku kau hoit tang vui hu ka kra tokau ti heu-e. Mai: Siyeh hoit deu hpimap hpigram e hkawm u-ik ka pehang Naw heu-e ... Hoit kit Naw dut hkaing meung pa im. Hoit keh Naw hkam geu hkeu pa hpit pa lut pwi ceu au heu-e. Mai: Naw Cao hoit yu si-mui-ik Naw tau mai: pwi cao, mai: tau mai: pwi mi pwi kwe yam yum Naw heu-e. Maw hkeu ang Naw yu ceu pa cao, vehang pa peh pa len kaw ang kwe dau jui Naw heu-e ... Naw hoit heh li ju Ti tom yum, mai: hoit simin Naw tau mai: pwi pa hpit pa lut hkanki, mai: Naw kawk hpimap pwi tom neh, mai: hkyo hkaw son pwi pa hpit pa lut hkanki heu-e. Isaya 53: 3-6. 8-9, 12 Hoit yum Cao Hkrit son hpimap hpigram e, awm pa hkaw mai: lo hpuk lai sigang si. Kawrinhtu hpuk ti 15: 3 Yesu a nin, "Au maw cao lehang yung pa mawm heu-e. Cao pa lehang yung pa mawm tik ju ti yum son yung ceh naw hkanki ... Mai: Au kawn kwe yung pa ang neu-e dau kawk yung in, vehang maw ki kaw Au tak lai veh hwet, mai: ki tak sang ngeht lo Au, mai: ki tak sang li maw cup yung ti cup hkaing, mai: pa lehang yung ti kau hkaing." Yohan 10: 7, 11, 16 Grawng pa dui kao im Naw Cao mai: pa dui haok ka raoma Hoit tehm ti deu, grawng Cao Hkrit tak hkam geu, mai: dui kao im hkaing kra yum dau lo-e singai. Mai: grawng tak sang sideh gau graw grawng pa sang do keut do sawn ka hpimap, mai: kra plu-at kra ploi ka dau ceu kau Naw, ja ka veng Yerusalehm, mai: ka ceu pwi hkawm u-ik hkawm lui-ing heu-e. Luka 24: 46-47 Vehang maw kaw nan Siyeh hoit keh Naw dui kao im, ka dau lo-e singai, mai: keh Naw sidawng heu-e. Vehang maw nan ang keh sidawng ka pwi hkawm u-ik, maw ngeh ka pwi pa hoit lauk Siyeh, son sang keh hkam mai: sakse, pa maw e. Grawng pa yu kawncau 10: 40-41 Ka ki kaw Naw Cao ji yao tokau pa im Ti, hkai hoit geu Naw ti yum ka dau mai sakse pa maw pa me tom neh, mai: keh ki yao tokau Ti, ka dau tipon (40) singai, mai: krai graw grawng ceu pa de pa dawt mai: Meung Siyeh heu-e ... Yam kawn jak ki, tui-i Naw Cao naok, mai: paiawm rehp ti tui-i Naw hkaing dui chi yao ki. Grawng pa yu kawncau 1: 3,9 Naw Cao hoit li blui ka dau ne. Hkwan Cao hoit hkam mai sakse ka, pa hoit yao kawncau Siyeh hkanki ka, pa hoit sideh grawng Naw ka pwi tang ceu tang cat, pa hoit yumrawm pwi hakteh ka, pa hoit tui-i haok ka dau min plakngai heu-e. Timose hpuk ti 3: 16 Vehang maw kaw nan, yamin, hoit keh Cao Hkrit dui kao im hkaing kra yum, pa maw pli pa li-ang ti pli hkaing dau ki pa hoit laik it heu-e. Graw grawng naw, maw hkeu kra yum hoit hwet hkeu pwi ti kau, vehang ceu padui kao im hkaing kra yum kaw, hoit hwet hkeu Pwi ti kau heu-e. Graw grawng naw, awm yum pwi hkawm u-ik ka dau Adam, awm an tak sang keh pwi im hkawm u-ik ka dau Cao Hkrit heu-e. Kawrinhtu hpuk ti 15: 20-22 Grawng kra pa tao Siyeh Au tak sang yu ka maw son sang hwet kra tao? ... Yumrawm ka Simehang Yesu Hkrit, mai: mai ... tak hwet kra tao. Grawng pa yu kawncau 16: 30-31 Maw hkeu nan do keut do sawn ka hpimap ti, mai: dui teh ti, yu ka maw son sang pruit hpimap hpigram ti. Grawng pa yu kawncau 3: 19 Do keut do sawn ka hpimap pe, mai: cup com pe ku kau ka dau ceukau Yesu Hkrit, son sang pon luan hkaing hpimap hpigram, mai: pe tak sang pon hkawng hpak Hkwan Singa Singe heu-e. Grawng pa yu kawncau 2: 38 Hpan e krai do grawng hpimap hpigram e, Naw kau sija mai: ra sui son sang plu-at ploi hpimap hpigram e, mai: son sang keh e singa hkaing pa ang ra ang sui hkawm u-ik heu-e. Yohan hpuk ti 1: 9 Maw hkeu hpan mai hkam grawng rehp ti tui-i Yesu maw Simehang kajui ti, mai: yumrawm ka dau rawm mai, grawng Siyeh hoit dui keh Naw Cao kao im hkaing kra yum, mai tak sang hwet kra tao heu-e. Graw grawng naw, maw ka rawm ri heu-e, pa yumrawm pwi ti sang hwet kra ra kra sui, mai: maw ka jui heu-e, pa nxam grawng renp ti tui-i, tom hwet kra tao heu-e. Roma 10: 9-10 Graw grawng naw pe hoit hwet kra tao hkeu bwan son ka dau kra yumrawm, mai: ang maw hkeu tokau ti, maw hkawnghpak pa taw Siyeh. Efesu 2: 8 Graw grawng naw, can pa kok ka ceukau Simehang ku kau tak sang hwet kra tao heu-e. Roma 10: 13 Yesu a nin, "Kaw pa hwet ka Au, Au ang do tik do vut ti bawk kaw." Yohan 6: 37 "Mai: in maw ju lui-ing ju lui-ing hpan, yu ka maw son sang tawng ki ka Mai, pa maw Siyeh pa maw pa me ti kau hkaing, mai: Yesu Hkrit pa hoit ploi Mai hwet heu-e." Yohan 17: 3 Grawng hwet kra tao hkeu nam Naw Cao Vehang maw kaw nan yamin ka dau Yesu Hkrit, pe pa hoit singai ti bawk, hoit keh de hkeu nam Cao Hkrit heu-e. Efesu 2: 13 Nam Kawn Naw Yesu sigra e singa hkaing hpimap hpigram hkawm u-ik heu-e. Yohan hpuk ti 1:7 Graw grawng naw hoit hkaw hoit caw karawm Siyeh ti keh pa grum hkawm u- ik ot ka dau Naw Cao. Mai: keh ku ceu hkawm u-ik dui hkaw ka Tokau Ti hkeu Naw Cao, hkeu hoit keh nim hkeu nam hkaolak Naw Cao. Kawlawseh 1: 19-20 Maw hkeu tawng pe, grawng ang tui-i mau hkri ceu pa chi lau chi lui-ing, mai: tao pe ... Vehang maw nan noit tao pe ka nam pa ngaw ... pa maw nam Cao Hkrit heu-e. Petru hpuk ti 1: 18-19 Pa hoit pon e kra tao ka, hkeu nam Naw, son sang pon e pa plu-at pa ploi hpimap hpigram awm pa hkaw mai: bwan son pa mi pa kwe Naw. Efesu 1:7 Graw grawng naw maw nam pa yu ceu pa keh lu-an son ju heu-e. Lewi 17: 11 Maw hkeu nan hpan pwi ti kau kau ot ka dau Cao Hkrit, naw maw ceu pa hkrao heu-e. Ceu pa prim hkanki hoit grai hoit grup hu, mai: jak heu-e, ceu an ki hoit li maw pa hkrao heu-e. Kawrinhtu hpuk ra 5: 17 Grawng Hkwan Singa Singe Yesu a nin, "Au tak sang rawk sang maing ka Kui-ing Cao, mai: Naw tak sang taw Cao Tuim ka pe tang kau, son sang ot Naw mai: pe lui-ing ju lui-ing hpan, pa maw Hkwan pa de mai: pa maw pa me heu-e. Hkeu hakteh ang yao Naw, tom ang pon ti rehp ti tui-i Naw. Vehang maw nan pe tawng Naw, hkeu ot Naw mai: pe, mai: tak sang ot ka dau pe heu-e." Yohan 14: 16-17 "Vehang maw kaw nan, Cao Tuim pe, pa maw Hkwan Singa Singe, Kui- ing Cao tak ploi hwet ka dau ceukau Au, Naw tak sang gau pe ku ceu hkawm u-ik." Yohan 14: 26 Paw yu ti keh Hkwan Singa Singe Siyeh hkirawm, pa maw pa hoit tawk pe cum ka dau Naw, tom hwet singai pa tao heu-e. Efesu 4:30 Hu ka dau Hkwan heu-e, mai: pe tak ang yu ti keh naok alo ne nam heu-e. Kalali 5: 16 Graw grawng naw can pwi pa Hkwan Siyeh htong hu hkanki, maw kawn Siyeh heu-e. Roma 8: 14 Keh naok ka Hkwan Cao. Efesu 5: 18 Pli ceh Hkwan Cao maw, pa mo pa rawm, pa gaurawm gauri, pa nim, pa lang gun lang yeung, pa chi caorawm, pa mawm pa mehm, pa kau sija, pa awn rawm awn ri, pa chi preh rawm ti, lo buin pa sang la sang cha ka ceu in hkanki ang kwe heu-e. Kalati 5: 22-23 Grawng pa keh singa singe Graw grawng naw ceu pa hkaw ka alo Siyeh, maw pa singa singe pe. Htesaloni hpuk ti 4:3 Yesu a nin, "Kui-ing eu-e, keh ki singa ka dau pa maw pa me Mai. Gumlo Mai maw pa maw pa me heu-e." Yohan 17: 1, 17 Kaw pa keh singa, mai: hkawm ki pa hoit keh singa hkawm u-ik maw hkaing Ti Kau hkaing heu-e. Maw hkeujao in ang Naw kaik tu-wa ti kok ki maw puaik. Hebreh 2: 11 Awm an vehang pe kaw, sawn tokau pe maw pa hoit yum ka hpimap, vehang maw nan pa hoit im ka Siyeh ka dau Yesu Hkrit heu-e. Roma 6:11 Vehang maw nan, yamin, hkeu hoit lu-an hkaing hpimap, mai: hoit li maw sileh Siyeh, mai: pli pa sang pon pe maw pa singa singe, mai: dui sida maw ju lui-ing ju lui-ing hpan heu-e. Roma 6: 22 Keh tokau Siyeh Cao pa nim, keh pe grum singa hkawm u-ik, yu ka maw son sang preh hkwan pe, mai: ju pe, mai: tokau pe hkawm u-ik, son ang sang kwe dui deu hpimap ka, yam hwet Simehang e Yesu Hkrit heu-e. Kaw pa hoit kok pe, maw pa kau sija, mai: Naw tak sang yu nang nan heu-e. Htesaloni Hpuk ti 5: 23-24 Grawng pa rawk bwan Yesu a nin, "Pe sang rawk sang maing ceu pa ti ang a, ka dau ceukau Au, Au tak sang yu heu-e, yu ka maw son sang kwe min plakngai Kui-ing Cao, ka dau Kawn Cao heu-e. Hpan pe rawk pe maing ti ceu ceu ka dau ceukau Au, Au tak sang yu heu-e." Yohan 14: 13-14 "Hpan pe ot ka dau Au, mai: gumlo Au ot ka dau pe, pe simeh ti rawk ceu pa ti ang a, rawk heu-e, mai: tak sang yu son pe." Yohan 15: 7 "Yu ka maw kra gaurawm pe sang naok, rawk heu-e, mai: pe tak pon." Yohan 16: 24 "Maw hkeu nan Au krai ka pe pa rawk bwan mai: pa maing pe ku ceu hkawm u-ik, pe yumrawm graw grawng pe pon hkanki, mai: pe tak sang pon heu-e." Maku 11:24 Ca rawk bwan ku bawk ku yam, ka kra rawk kra maing hkawm u-ik, ka dau Hkwan Cao, pau tijak, mai: veh rawm cong si-jung mai: rawk bwan, son pwi singa singe hkawm u-ik. Efesu 6: 18 Rawk bwan ang jut ang jai. Htesaloni hpuk ti 5: 17 Grawng pa yu kaing mai: pa hkarawm Yesu a nin, "Hpan pwi ti kau kau simeh ti hwet hkai Au, keh naw hteh- ang ti tik tokau ti mai: klawm hkaolak ti mai: hawt Au heu-e." Mahteh 16: 24 Siyeh chi keh bwan son hkawm u-ik pre ka pe, yu ka maw son sang grum kup pe ka ku ceu ku cawng, mai: son sang pre ka kra twa kra klaung pa mawm ku ceu. Kawrinhtu hpuk ra 9: 8 Maw hkeu nan puaik pa mo au hkanki eu-e, kau cong, paw keh chi ga chi gruit mai: neht ti yu kaing Simehang ku juing juing, maw hkeu tawng pe grawng kaing pa yu pe ka dau Simehang ang lai maw pa geh pa going heu-e. Kawrinhtu hpuk ti 15: 58 Maw hkeu hoit taw ka pe, ka son Cao Hkrit, pa ang jo-eng maw ngeh pa yumrawm ka Naw Cao, vehang maw nan hkawm pa sang hkam geu son Naw. Hpilippi 1: 29 Hpan pe yao ti hkam geu hkeu pa ra pa sui, pe ting bwan son heu-e. Paw vi lat ka ceu pa yu ki pa lat, mai: paw keh kwe kra lu la rawm heu-e. Petru hpuk ti 3: 14 Hpan pe yao ti hkam pa ang cui ang cak hkeu ceukau Cao Hkrit, pe ting bwan son, maw hkeu Hkwan ting min plakngai, pa maw Hkwan Siyeh ot ka pehang pe heu-e. Petru hpuk ti 4: 14 Grawng pa ang Siyeh cu pwi krup rehang krup rao Au maw Simehang Siyeh mai... Mai tak ang pon kwe siyeh tang kau leu hkaing Au heu-e. Mai ang pon ti yu rehang rao ti ceu kaw son tokau ti, hpan ang maw nan ceu pa yaung ceu pa kwe ka pehang raoma, hpan ang maw nan ceu pa kwe ka pehang hakteh, hpan ang maw nan pa kwe ka dau rawm gruim hakteh ti ceu kaw. Paw ngeu kaing ti krup ka hkanki, vehang kaing krup kaw paw yu son ki. Graw grawng naw Au pa maw Simehang Siyeh mai, maw Siyeh pa gaw-eng heu-e. Lihu 20: 2-5 Can pa maw siyeh ceu pwi hkanki hkawm u-ik maw rehang rao heu-e. Vehang maw kaw nan Siyeh hoit yu raoma hkanki heu-e. Yaokyaw 96: 5 E tawng grawng rehang rao ang maw tit ti ka dau hakteh in, mai: grawng pon ang kwe Siyeh leu hkaing ti kau hkaing heu-e. Kawrinhtu hpuk ti 8:4 Kwe ngeh Siyeh ti kau hkaing, pa maw Kui-ing Cao, can pa kwe ku ceu hkawm u-ik hoit li maw hkeu Naw Cao, mai: e kaw maw son Naw heu-e. Mai: kwe ngeh Simehang ti kau hkaing, pa maw Yesu Hkrit, can pa kwe ku ceu hkawm u-ik hoit li maw ka dau Naw Cao, mai: e kaw li maw hkeu Naw heu-e. Kawrinhtu hpuk ti 8: 6 Yesu a run, "satan eu-e, li hu heu-e, hkeu hoit tehm ti deu, 'Mai tak sang krup ka Simehang Siyeh mai, mai: yu son Naw hkaing.' " Mahteh 4: 10 Maw hkeu nan tui-i yum kraung pakpeung tokau pe, ka ceu pa kwe ka pehang hakteh, pa maw pa hpit pa vao, mai: pa ang singa singe, mai: alo ne nam, mai: pa simeh pa cao, mai: pa gaw-eng, pa maw ceu pa krup rehang krup rao heu-e; maw hkeu grawng ceu an hkanki, pa song rawm song ri Siyeh hwet ka pehang kawn pa leh lo hkanki. Kawlawseh 3: 5-6 Grawng pa kwe dui lat ka pa ang rehp kra tao Siyeh Hpan e da ti ang krehm ka kra tao pa ting neh ding neh dot, e lai chi pon luan hkaing kra ciyang yu ka maw? Hebreh 2: 3 Kaw pa yumrawm ka Kawn Cao kwe ju lui-ing ju lui-ing hpan, mai: kaw pa ang yumrawm ka Kawn Cao ang lai pon ti yao ju, vehang maw kaw nan pa songrawm Siyeh kwe pehang naw heu-e. Yohan 3: 36 Maw neh pe to son sang luan hkaing pa songrawm pa tak sang hwet? Luka 3: 7 Kaw pa pe, tak sang pon ti ceh sin ceu in hkanki heu-e. Mai: Au tak sang maw Siyeh naw, mai: naw tak sang maw kawn Au heu-e. Vehang maw kaw nan ka son pa lat pa graung, mai: pa ang yumrawm, mai: pa grui-ing, mai: pa maw pa pa pwi yum, mai: pa maw pa hpit pa vao, mai: pa maw pa yu simuit yu sat, mai: pa maw pa krup rehang krup rao hkanki, mai: can pa maw pa peh pa len hkawm u-ik, nyum ceh ki tak maw ka dau nawng pa glui-ing ka ngu mai: mat, pa maw kra yum ra bawk ti bawk heu-e. Pa plak ji keh yao 21: 7-8 Grawng pa keh luan hkaing pa cao mai: Satan Hkai in ang lai reung, Siyeh pa taw kra nim tak sang tui-i Satan ti keh naw hklai vit gruim caong pe heu-e. Roma 16: 20 Yaokyaw bwan son Kui-ing Cao ... Kaw pa hoit tao e li hkaing siawp sibrawm pa vaik, mai: hoit lo ti sau e ka dau meung Kawn pa mo Naw Cao heu-e. Kawlawseh 1: 12-13 Kawn Siyeh hoit li blui yu ka maw son sang yeh Naw kaing pa yu hpicao heu-e. Yohan hpuk ti 3: 8 Simehang e Yesu Hkrit, Kaw pa hoit taw tokau Ti son hpimap hpigram e, yu ka maw son sang tao Naw e hkaing ju pa cao in, awm pa hkaw mai: alo Kui-ing e Siyeh, keh Naw Cao kwe min plakngai ku ju lui-ingju lui-ing hpan leh-ak. Kalati 1: 3, 5 Cuip kraung naing Siyeh hkawm u- ik, yu ka maw son sang pon pe ti tehp teh ka jawm lak hpicao heu-e. Efesu 6: 11 Yaokyaw bwan son Siyeh, pa hoit taw e pe hkeu Simehang e Yesu Hkrit heu-e. Kawrinhtu hpuk ti 15: 57 Grawng pa hwet Cao Hkrit ra bawk ti bawk Yesu a nin, "Au tak dui hwet mai: tui-i pe hu son sang ot tau mai: Au, yu ka maw vehang pe kaw sang pon ti ot dui ot Au heu-e." Yohan 14:3 Yesu in, pa hoit rehp ti tui-i haok ka dau meung raoma hkaing pe, tak sang dui hwet, awm yao pe Naw haok hu ka dau meung raoma heu-e. Grawng pa yu kawncau 1:11 Graw grawng naw, tokau Simehang tak sang li hkaing raoma, tan mai: lo yo, tau mai: lo simehang kawncau- Siyeh, mai: tau mai: lo tuit tawng Siyeh, mai: pwi pa hoit yum ka dau Cao Hkrit tak sang dui kao hpaoka heu-e. Hkai an e pa kawn klawt pa kawn deuk hkanki, tak sang tui-i haok tau mai: ki, ka dau paiawm, son sang sipup ka Simehang ka dau bawm dui long, mai: e tak sang ot tau mai: Simehang lui-ingju lui-ing hpan heu-e. Htesaloni hpuk ti 4:16-18 Vehang maw nan e tawng grawng sang awm e Naw yam sang plak keh Naw sidawng, maw hkeu e tak sang yao Naw awm maw Naw heu-e. Yohan hpuk li 3: 2 Maw hkeu ang pe tawng bawk yam singai sang hwet Simehang pe, pau ti jak heu-e ... Maw hkeu nan pe rehn rawm ti, hkeu dau bawk yam nari yam ang pe ce, Kawn kawn pwi (Yesu Hkrit) tak sang hwet heu-e. Mahteh 24: 42, 44 Jak heu-e, Au tak sang hkran hwet laung laung, mai: Au veh ngaw rehang mai: Au, ti sang taw ka kau pwi maw kau pwi an awm pa hkaw mai: kaing pa yu ti heu-e. Plak ji keh yao 22: 12 Simehang Yesu eu-e, hwet heu-e. Plak ji keh yao 22: 20 Hpuk lai eh-ak in kwe ngeh lo hkaing Hpuk Lai Sigang Si Siyeh, pa maw Gumlo Siyeh, cui-i cui-i hkaing heu-e. Maw hkeu nan tom neh pe sawk ti pon Hpuk Lai Sigang Si Siyeh ti hpuin mai: hpat son tokau ti mawm mawm heu-e. Graw grawng naw Lai an maw pa plakji keh yao grawng pa maw pa me Siyeh heu-e.