Zomi /1 PASIAN MI HEPINA Rome-te 5:8 Hinanlezong Pasianin a mi itna khu phattahin a kilangsah a, mi khialte i hi laia Krist khu eima tanga a shi jiahin. Johan 13:1 Khumin, peikan anzalui masangin, Jesun tami vanneiy taisana, Pa kunga a pei hun a tung ta chi a thei a, ama mi vanneiya um a itte, atop todongin jong a it tontung a. Kihyillna 1:5 Leh Jesu Krist, theipipa ginum, mishite laha piang masapen leh leitunga kumpipate vaihompa a kipatin; Ei hingita, i khelna a kipata a sisana hingsutpa ama kungah. I Johan 4:8,9 Hepina nei louten Pasian a thei sih ua, Pasian khu hepina ahi thuaia. Tanah Pasian hepina i tanguah a hing kilangta, ama jalla i hin theina dingun Pasianin a Tapa khat tang neisun vanneiya a hingsol na ah. Johan 3:16 Pasianin vanneiy a it seng seng a, khuchiin a Tapa tangkhat nei sun a hing pe ta, koizong ama ging tapou khu mangthang loua kumton hinna a nei zoh na ding un. /2 JESU KRIST PASIAN-HINA I Timothi 3:16 Khumin, Pasian ngaisahna thuguh khu nial gual louin a loupi hi: Ama khu tahsa a hing kilang a, Hagaua siam tang a, Vansolsiangte mu a, Namte laha kitangkoupi a, Vanneiy miten a gin uh, Loupina a puitou. Methio 1:22, 23 Mangpan gualnei kamah, Ngai voi, ngahnu siangthou khu hing gai vanin, tapa khat hing vanin, A min dingin Immanuel sa va uh, chia a gen khu a tangtun theina ding a tam thute hing um ahi. (Immanuel khu Pasian ka kungah a um jing china hi). Jesun a kungah, Phihp, tatanveipi na kunga um ta ing a, khuchiazong hing thei nai lou yih? Koi jong kei hing mu khu Pa mu ahi. Khum Pa khu, kouma hing musah in, na bangchi chi ahei? Kei, Paa ka um leh, Pa, keimaah a um chii tahsang lou na hi ua yih? Johan 14:9, 10a Johan 1:1 leh 14 Achilhn Thu a um hi, Thu khu Pasian kungah a um hi, Thu khu Pasian ahi... Khuchiin Thu khu tahsain a hing piang a, i lah uah a hing um ta, (Pa Ta khat nei loupi bangin a loupi dan i mu) itna leh thutaha dimin. /3 JESU KHU PASIAN TAPA HI I Johan 4:15 Koizong, Jesu Pasian Tapa ahi, chia puang khu, ama ah Pasian a um leng a, ama zong Pasian ah a um leng hi. Kolossa-te 2:9 Ama a khun Pasian buchin na jousia khu tahsa neiin a um leng thuai a. Johan 1:33, 34 Khumin, ama lah ka thei sih mel a: hinanlezong, tuia baptis dinga hing sawlpan ka kungah, Koi tung hinanleh Hagau hing kuma a tunga tuang den na mu uh, Ama khu Hagau siangthoua baptis ding pa ahi, a hing chia. Tami keiman ka mu ta, tam pa khu Pasian Tapa ahi, chi ka thei ta, a chia. Luk 1:35 Khumin vansolsiangin a dawng a, a kungah, Hagau Siangthou na tungah hing tung vanin, Tungnungpena silboltheinan hing hakhu vanin; tuaziahin mi siangthou hing piang ding jong khu Siangthou, Pasian Tapa chi va uh. Methio 17:5 A gen laitahin ngai voi, meilum vam tahin amau khu a hing ha ta: khumin ngai voi, meilum laha kipatin o in, Tami ka Tapa deitah ka lungdamna ma ma ahi, ama thu ngai un, a chia. /4 JESU'N KOI AHI AKIGENNA Jesun akung uah, Chitahzetin, chitahzetin ka hing hil ahi, Abraham um masangin jong ka um, a chia. Johan 8:58 Johan 9:5 Vanneiya ka um sungin vanneiy yah ka hi, a chia, a dawng a. Johan 8:23 Khumin, aman akung uah, Nang uh neiy langa piang na hi ua, kei pen bou tung lama piang kahi; nouma tami neiya piang na hi ua, kei pen bou tami vanneiya piang ka hi sih. Johan 11:25 Khumin, Jesun a kungah, Kei thokiana leh hinna khu ka hi, koizong a hing gingta mi khu shi nanlezong hing jing leng va. Nouman, Lamkaipa leh Mangpa ning chi ua; na chi din uh. Ka hi mong hi. Johan 13:13 Johan 6:35 Khumin, Jesun akung uah, Keima hinna tanghou khu ka hi, koizong ka kunga hingpei khu gilkial sih van, koizong a hing gingta mi khu bangchihmatanin dangtah sih va. Johan 10:7 Tuachiin, Jesun akung uah a gen kia a, Chitahzetin, chitahzetin ka hing hil ahi, Kei kelbuang kotkhah khu ka hi. /5 JESUN SILKIDANG ABOL KHENKHATTE Methio 20:30 leh 34 Khumin, ngai voi, mitto ni, lam pama touten Jesu a pei hi chi a zah phet un, Mangpa, Nang David tapa, ka tung uah zangai ven, chiin a kikou ua ... Khuchiin Jesun a lungsiat ma ma ta, a mit uh a thamsah a: khumin manlanga mu thei juaiin ama khu a jui ta uhi. Methio 14:19-21 Khumin loupa tunga tou dingin mipite khu thu a pia a, tanghou phal nga leh nga ni khu a la a, van lam enin a gualzol a, a phalsua a, tanghoute khu nuazuite kungah a pia a, khumin nuazuiten khu mipite kungah a pe sawn uhi. Khumin a unun a ne ua, a va chiat ta uhi: a nehval nente a luahkhom uh jong seo som leh seo ni a dim nalai hi. Anete khu numei leh naupang sim louin piching ngen jong tulnga vai apha uhi. Luk 5:5, 6 Khumin Simonin a kungah, Lamkaipa, gimtahin zankhuan ka pang ua, bangma ka man sih ua, amabou na thuin lente hing sep kia ta vang leh, a chia, a dawng a. Khumin a se uleh nga nempitah a khukha ta ua, a lenpiteu khu a hing eh vadiat ta. /6 JESU KRIST, MANG LEH SILJOUSIE SIAMPA HI Rome-te 14:9 Krist shina leh a hing hinn kiana san khu midam leh mishi Mangpa ahi theina zoh hi thuai a. Kolossa-te 1:16 Ama a khun bangkim hinin, vana umte, neiya umte, leh mutheilou leh mutheite toh, mangtounate, vaihomnate, lalnate, thuneinate jong; bangkim ama siam ahia, ama a ding maa siam a hi hi. Hebriu-te 1:2 Pasian ... Tam ni topah eite kungah a Tapa ah thu a hing genta hi. Khum mi khu bangkim gouluapa dingin a bola, khum mi main leitungte jong a bol hi. Johan 1:3 Sil bangteng a una ama siam ahi. Silsiam jousie ama siamlou bangma um vot sih. Nasepte 2:36 Tuachiin Jesu, na kilbeh pa uh khu Pasianin Mang leh Krist hikhom dingin a bol ta chi khu Israel namchinin kichiantahin thei uhen, a chia. I Korinth-te 1:9 Pasian, a Tapa I Mangpa Jesu Krist kigopna a hinghan lutpa khu, agin umhi. /7 JESU KRIST MIJOUSIE VAIHOMPA HI Rome-te 14:10 Hinanlezong nangman bangdinga na unau na dem ahei? Ahisihleh, nangman bangdinga na unau khu simmo na hei? Pasian vaihomna masangah i unpi ua ding ding hina bou hai. Methio 25:32 A masangah nam chin kikhom vanin: kelbuang chingpan kelte laha a kelbuangte a chiziat bangmain amau khu chiziat va. Johan 5:22 Pain koima tungthu a vaihom ngai sia, vaihom ding jousie Tapa a homsah zo hi. Rome-te 2:16 Pasianin, ka Khantan Hoi genbanga mihingte thuguh Jesu Krist guaia a ngaituo ni chiangin. II Timothi 4:1 Pasian mitmu leh mihing toh mishi ngaituo ding Krist Jesu mitmu ah, a kilahna leh a gam min louin, phatuam ngaitahin ka hing theisah hi. Nasepte 10:42 Ama khu mishi leh mihingte tunga vaihom dinga Pasian se ahi chi, mi kunga tangkoupi ding leh theisah dingin Pasianin thu hing pia hi. /8 KRIST JALL MAIBEPA TATNA Hebriu-te 5:9 Tuachiin, bolhoi kimtaha hingumin, a thumante tapou adingin kumtona hutdamna bulpi a hinghita hi. Hebriu-te 7:25 Tuachiin, amaa Pasian kunga hingpeite khu a top dongin a hundam thei ahi, amau thunget sahin khantona a hin jing leng jiahin. Nasepte 4:12 Midang koima kungah hutdamna um lou hi; vanneiya mihing sah lahah ei hundam thei min dang mal mal um hiau lou, a chia. Johan 10:9 Kei kotkhah khu ka hi; keimaa mi alut leh, humbitin um vanin, lutin, pot vanin, a neh ding jong mu va. Johan 14:6 Jesun a kungah, Kei khu Lampi leh Thutah leh Hinna ka hi; keimaa peilou khu koima Pa kungah tung ngai sih uh. Johan 8:24 Tuaziahin, na kung uah, Na tonkhial kom kom un shi va uteh, ka chi lona ka get khu ama khu ka hi ka chi na gintat sih uleh, na tonkhial kom kom ua na shi petma ding uhi, a chia. /9 KRIST JALL MAIBEPA TATNA Kolossa-te 1:12-14 Pa, vah ah misiangthoute gou kitanpi taha hing siampa kungah nuamthu gen leng kom in, Aman mial thuneina a pat hing tandohin, a Tapa it tan gamah khun a hing kai sah ta hi. Ama ah khun i tatkhiahna uh mil haiin, i monate ngaidamna pen vot. Luk 19:10 Mangthangte suia hundam dinga Mihing Tapa hingpei mong asaimah, a chia. I Korinth-te 1:30 Noutepen ama jallin Krist Jesua um na hi uh; ama khu Pasian kunga kipana pilna eite dinga bol ahi belnate, sianthounate, tatnate toh. Tita 1:14 Aman bosiatna jousie laha kipata a hing tat theina ding leh, teltuam silpha bola phatuamngai, ama dinga a sianthousah theina dingin i tangin hing kipe han hi. Kihyillna 5:9 Khumin la tha khat a sa ua, Laibu khu la a, khuna a chiamtenate phel tah na hi: thain na um taa chi chin leh kam chin leh mi chin leh nam china mite khu Pasian ading a na sisana na leitah jiahin. /10 KRIST SISANA TATDOHNA Rome-te 5:9 Tuachia a sisana siamtan saha i um nuasangin, ama jallin Pasian lungthahnaa kipatin hutdamin um tham tham vai. I Johan 1:7 Amabou, ama khu vaha a um bangin eite jong vaha um i hileh, i kithua thei uh a hi, khumin, a Tapa Jesu sisanin i gitlouna jousia a hing sopsiangsah a hi. I Peter 1:18, 19 Na pipute uh piah son umdan duhdaloua kipan, sil sethei, dangka leh sana a tat na hi sih ua, Kelbuangnou inel muallou leh niah kailou sisan banga, Krist sisan lula tat na hi uh chi na kithei a sima. Hebriu-te 9:14 Krist kumtona Hagau jiaha getsiat beia Pasian kunga kilan sisanin, Pasian Hing na sem dingin na sia leh pha theina uh silbol shisa laha ha suhisiangthou va-ia teive! Methio 26:28 Na un un dawn un; Tami ka sisan, khialte ngaidamna dinga mi nempii dinga put ding thuhunna khu ahi. Ephesa-te 1:7 A sisan jiahin amaah i tatdohna i neia a hepina a haudan bangzelin i tatvalnate ngaidamna. /11 KRIST GINNA JIAHA HUNDAMNA Ephesa-te 2:8, 9 Ginna jiaha hepinaa hutdam na hi thuai ua; khum jong noumaua suah a hi siha, Pasian silpiah a hi hi; Silbol jiah a hisih, tuachi hisih henlen hileh min suang kha va uh. Tuaziahin, ginna jalla siamtanga umin, i Mangpa Jesu Krist vangin Pasian toh kithukimin um va ui. Rome-te 5:1 Galati-te 5:6 Krist Jesu a khun teptan bangma a phatuam sia, teptanlou jong bangma a phatuam vot sih ginna, itna a sep, i chipen, phatuam hizuh a. I Johan 5:4 Pasian hintapoumain vanneiy a jou jel hi; tami ahi, vanneiya gualzona, i ginna khu. Hinanlezong, tamte khu Jesu Krist, Pasian Tapa a hi chii na gintatna ding un leh, na gintat ua a mina hinna na neina ding ua at ahi. Johan 20:31 Johan 6:28, 29 Khumin, amaun a kungah, Pasian nasepte ka sep theina ding un bang na ahei ka bol ding uh? achi ua. Khumin, Jesun akung uah, Pasian nasep khu tain ahi, ami sawl khu gingta leu chinin, a chia, a dawng a. /12 PASIAN ZA-NGAINA Hebriu-te 4:16 Tuachiin, jangaina i mu theina ding leh, hu i dei chianga huna hepina i mu theina dingin, hepina mangtoupha khu hangtahin nai va ui. Methio 18:11-14 Mihing Tapa khu mangthangte sui dinga hingpei ahi thuai a. Bang na chi ngai uhei? Mi koipouin kelbuang za nei henlen, alah ua khat vahmang taleh, somkua leh kuate khu nuasiain tangah peiin a vahmang pen khu va sui lou ding ahei? Chitahzetin ka hing hil ahi, a va mu kia zenzenin somkua leh kua vahmang loute tungah sangin khat tungah nuam zo va. Khum bangmain tam mi mengte laha khat manthat jong na Pa uh vana um deilam ahi sih hi. 11 Korinth-te 1:3 I Mangpa Jesu Krist Pasian leh Pa, hepinate leh hamuanna jousia Pasian khu pahtoiin um hen. Tita 3:5 Sil dihtattaha bol, eima main i bolte khu, khummi jallin hilouin, siamtha sopsiangna leh Hagau Siangthou siamtha kianain, a lungsiatna bangmain hing hundam ta hi. /13 PASIANIN AKUNGA DIN EIHAN HI Nouma semgim leh puahgih pote jousie vo, ka kungah hingpei unlen, keiman kholdamna hingpe vang. Methio 11:28 Kihyillna 22:17 Khumin Hagau leh Mouin, Hingpei voi ta, a chi ua. Khumin koipou a jain hingpei heh, chi heh. Khumin koipou dangtah pouma khu hingpei heh. Khumin koipou a utin hinna tui a manbeiin hingdon hen. Johan 7:37 Khumin, anzalui kiven kuan ni loupi pen niin, Jesu a ding a, a kikou a, Koizong dangtah jousien ka kungah hingpei henlen hing dawn hen. Luk 14:17 Khumin a neh hunin a michialte kungah, Hingpei un, tuin bangteng mansa diam hi, chi dingin a suah a sawl ta. II Korinth-te 5:20 Khuchin, Krist luanga palai ka hi ua, Pasianin koute mangin a hingngen pau chi thei ahi; Pasian toh hing kilemta un, chiin, Krist luangin ka hing ngen uhi. Methio 16:24 Khumin Jesun a nuazuite kungah, Koipouin a hing jui ut leh ama gimthuah khohsa louin a singlamte puain hing jui hen, a chia. /14 MIJOUSIE PASIAN TATE HISIH UH I Johan 3:10 Tasungah Pasian tate leh diabol tate a kithei hi; koizong dihna bollou khu Pasiana pat a pot a hisia, a unau hepilou jong Pasian a kipat a pot ahi tuam sih hi. Rome-te 8:14, 15 Pasian Hagau puia um tapoute Khu Pasian tate hi thuai uhi. Jaua um nalai dinga suah hina Hagau na mu uh ahi sia; ta hina Hagau khu na mu uh hi zo bou a, khumi jiahin Abba, Pa vo, chiin i kikou uh asaimah. Phihppi-te 2:15 Khangtha gilou leh phengphite lahah vanneiya vah tobanga na vahnate uah Pasian Ta, getsiatbei, demkailou na hing hi theina ding un. II Korinth-te 6:17, 18 Khuziahin Amaute laha kipatin hingpot unlen, A tuamin um un, Sil sianglou nialmal khoi sih un, Mangpan a chi, khuchin, Hing kipahpi vang inin, Noua din na Pa uh hi vangiin, Noute jong keia dingin tanu tapa hi va uteh, Mangpa Bangkim boltheiin a chi. Johan 1:12 Hinanlezong ama ana lamdon tapou khu akung uah Pasian Tate hi theina ding a pia, a min gingtate kung natanah. /15 ZU-HA'DAWN TUNGTHUA PASIAN THUGEN Rome-te 13:13, 14 Sun a um bangin kilom tahin um vai in, dawn buai leh zu khama um louin, huh leh kingai chyinga um louin, kilai leh kihazata piang louin. Mangpa Jesu Kristin kivon zo unlen, na tahsa dugolna uh pichin dingin bangma bol som da un. Mangpa mitmuin milian hing hi vanin, uaiin leh zu mal mal dawn sih vanin, a nu sunga kipat mongin Hagau Siangthouin hing dim va. Luk 1:15 Galati-te 5:19-21 Khumin tahsa silbolte khu a kilang chiat vot a, khumte khu tamte ahi: angkomna, kingaina, thanhuaina, huhna, Milim biahna, bumna, huatna, kihauna, thangsiatna, lungthahna, kilanna, kituamsena, gintuamna, Deigona, tualthana, zumunnopna, zukhamna, tachite bang; khumteah tuma a, tuachibanga sil bol chingte khun Pasian gam tang sih va uh, chia ka hinghil sadiamma bangin, ka hinghil masa ahi. Luk 21:34 Hinanlezong pilvang un, tuachiloupiin nehva seng toh zu kham toh, damsung khosah ngaituona toh na lungtang uh dimlet kha vanin, khum niin thangoh bangin thakhatin na tung uah hing tung phut kha va. /16 LUNGSIM-SIANNA MAI HUNTOH LOU HI Methio 22:37, 38 Khumin aman a kungah, Mangpa na Pasian khu na lungtang jousien, na hagau jousien, na lungsim jousien na it ding ahi, chii. Khum khu thupiah masa leh loupi ahi. Khuchia tami ka getin Mangpa ah ka hing theisah ahi: Jentelte khu a lungsim thulimlouna uh pua a um bangun um ta sih un len, A theitheina ua suhmiala umin, khum theitheilouna jiahin Pasian hinna lahah khenin um unin, a lungtang uh a sa jiahin. Tuate penin kitheina mongmong jong a neikia tah lou jiahun, sil sianglou chiteng duam taha hoi dingin, huhna ah a kipumpiahta uhi. Ephesa-te 4:17-19 I Timothi 1:12, 13 A hinghatsah Krist Jesu i Mangpa kungah nuam thu ka gen hi; gin um a hinggela, ana sema a hingguat tah jiahin; Tumasangin gensepa leh gentheisahpa toll a soipa hinanleng oilou koma theilou bol ka hiziahin, jangaina khu ka mu hi. Tunin a chi lai un nisimin kihanthon tuo zo un, tuachilouin vang na lah ua mi koipou khelna sollna a suhkhauin um kha va uteh. Hebriu-te 3:13 /17 SOL IN UM SIH UN Ephesa-te 5:6 Koimain thulimlou pouin hing sol sih uheh; tua silte jiahin Pasian lungthahna khu thusanglou tate tungah a tung leng hi. I Korinth-te 6:9 10 Ahileh mi dihiouten Pasian Gam luo sih va chi theilou nahi uh ama? Sollin umsih un; angkomte milim bete, mi huh te, toko huhte. Gutate, mi duamte, jukhamhatte, kitaihatte ahei, lepgute aheiin, Pasian gam luo sih va uh. Jacob 1:22 Hinanlezong nouma kisollin, ngaikhete bou hilouin thuzopte khu hing hi zo un. Naute vo, koima sollin um sih un; dihtatna bolte khu, a dihtat hi, ama a dihtat mabangin. Sil bolkhialte khu diabol a pot ahi; diabohn a tunga patin sil a sukhialta... I Johan 3:7, 8a Methio 24:5 Mi nempiin, Krist khu keima ka hi, chiin keima min louin hingpei va unin; mi nempii soltho ding uh hi thuai hi. Galati-te 6:3 leh 7 Mi bangma hi vot loua, milian dana a kingai leh, ama kisoll ahi thuai hi... Sollin um sih un; Pasian khu neumu ding a hi sih; min atu tapou uh khumi ma khu at kia ngei ding ahi thuai ua. /18 KHELNA'N SHINA PIANGSAH Rome-te 5:12 Tuachiin, mi khat jiahin khelna vanneiyah a lut a, khelna jiahin shina alut ta, tuachibangmain mi jousie shinan a hing zei suah ta hi. Jacob 1:15 Khumi utnain nou a pai a, gilou ahing pichinin shina a piangsah leng hi. Rome-te 8:6, 7 Tahsa langsang silte ngainat khu shina ahi thuai a; Hagau langsang sil ngainat pen bou hinna leh hamuanna ahi hi. Tahsa deidan ngainat bou Pasian kalna ahi jiahin; khum khu Pasian danin lah a um kha sia, um jong um thei malsan sih sai. Kihyillna 21:8 Hinanleh meipuote leh, gingtaloute leh, kidahumte, leh tulthatte leh, mingaihatte leh, bumhatte leh, milim bete leh, juauhatte jousie khu, amau tan khu dil, mei leh kata kang hi vanin; khum khu shi nina ahi. Luk 15:32 Kipah leh nuam taha um ding a khu; tami na naupa khu a shisa thou kia a hia, a mangsa i mu kia hi thuai a, a chia, a chia. /19 KRIST IN SHINA ZOUTA Luk 7:14, 15a Khumin a vanai a, lang khu a tham a, tuachiin a zongte khu a khol ta uhi. Khumin, Tangval thou ven, ka hing chi na hi, a chia. Khumin mishi khu a hing toudoh a, a hing kampao ta hi... Johan 11:43, 44 Khumin, khuchia a get jouin o ngai tahin, Lazar, hing potdoh in, chiin a kikou a. Khumin, mishi khu a khut leh keng hanpuana tuamsain a hing potdoh ta, a mai jong kinotna puana tuam ahia, Jesun akung uah, Phel unlen, pei sah un, a chia. Tami jiahin Pain kei hing it ahi, lah kia dinga ka hinna ka piah ding jiahin. Koiman hing lahsah sih va, keima thu thua ka piah ding hi, pe thei ka hia, la kia thei jong ka hi. Tam thupiah khu ka Pa kunga kipata ka mu ahi, achia. Johan 10:17, 18 Kihyillna 1:18 Mi hing ka hi; khumin ka hingshi a, khumin envoi khantonin ka hing hi, shina leh mishi khuo soheh ka nei hi. I Korinth-te 15:25, 26 A melmate jousie a kengneya a koi masangsian ama khu vaihom ding hizuh a. Melma nukhiapen suhmangthai a um ding khu taini shina ahi. /20 PASIAN HING THUPIAHTE Johan 13:34 Thuchiam tha khat king pia hi, kiit unlen; keiman king it tah mabangin nouma jong kiit un. Methio 22:36-40 Siepa, dan thuah bang thupiah ahei a loupi? chiin a dong a. Khumin aman a kungah, Mangpa ha Pasian khu na lungtang jousien, na hagau jousien, na lungsim jousien na it ding ahi, chii. Khum khu thupiah masa leh loupi ahi. Khumin a zoma kibatpi khu tami ahi, Nangma na kiit bangmain na innvengte jong na it ding ahi, chii. Khum thupiah ni gelah dan leh gualneite thu jousie a khaikhom siang ahi, a chia. Mak 10:17-22 Khumin a pei dinga a pot laiin mi khat a kung lamah a hing tai a, ama sangah a khupdin a, a kungah, Lamkaipa hoi, kumtonna hinna ka tan theina dingin bangchiin ka bol ding ahei? chiin a dong a. Khumin Jesun a kungah, Bangdinga hoi na hing chi ahei? Mi khat ngen loungal koima hoi um sih a, khuin khu Pasian hi zuh a. Thupiahte khu na thei asaimah-Tual that sin, angkom sin, guta sin, heh sin, sol sin, na nu leh na pa pahtoi in, chite bang, a chia. Khumin aman khu a ku ngah, Lamkaipa, khum thu jousie khu ka naupan laia kipatin ka zop leng hi, chiin a dawng a. Khumin Jesun ama a en a, a it ta, a kungah, Bolding khat nei nalai teh, Pei inlen, na neitah jousie khu jua siang inlen tagate kungah pia in, tuachiin van gamah gou nei va teh; khumin hingpei inlen hing jui in, a chia. Hinanlezong khum thuah a mel a hing mual ta, hingkham tahin a peimang ta hi, sum nempii neimi ahi chiangin. /21 PASIANA KIPAT KIPHUAL THEI SI'A TEH Hebriu-te 4:13 Silsiam ama mitmu a langlou mongmong a um sih; i khantan tutna ding mitmu ah vang bangkim guahtang leh kihong sain um zo hi. I Korinth-te 4:5 Khuchin, a hun ahimain bangma chian sih un, Mangpa hingpei mateng, Aman mialla sil phualte khu vah ah hingladoh dinghi, lungsima tupte jong sulang dinghi; tuo hunchiang michinin Pasian kungah atanhuntoh uah pahtoi tangta va uh. Luk 8:17 Thang lou dinga yim bangma um lou ahi manin, theilou ding leh lang lou dinga phualsel jong bangma um diah lou hi. /22 PASIAN THU-OILOUTE KUMTONA GOTNA Hinanlezong tua van leh lei umte khu khumi thu jall main Pasian thudonlou mite vaihom leh manthai nia dinga khetin, meia hal dinga khol khom ahi ta hi. II Peter 3:7 Methio 13:41, 42 Mihing Tapain vansolsiangte sawl doh vanin, a gama kipatin a sukhialte jousie khu khomdoh vanin, haltuina meiah khu pai va uh. Khunah ka leh hagial khu um va. Methio 18:8 Khumin na khutin ahei na kengin ahei a hing puasah leh tan inlen pai hiau in, khut ni ahei keng ni ahei neia kumton meia na kipailut sangin piangkhialin ahei kengbaiin ahei a hinnaa na lut nangma dingin hoi zo hi. Methio 25:46 Khumin khumte khu kumton gotnaah pei va unin: midihtatte bou khu kumton hinnaah pei va uh, a chia. Kihyillna 20:15 Khumin koipou hinna laibu a kiat a mulou u khu, mei lipia pailutin a umta uhi. Rome-te 2:18 Thutah dihloupia dalte khu Pasian limsahlouna leh dihtatlouna jousie tungah vana kipatin Pasian lungthahna hing kilang ta thuai a. /23 VAIHOMNA HINGTUNG DING Nasepte 17:31 Khum ni chiangin a mi se khu neiya mite dihtahin ngaituo sah vanin, khum khu Pasianin ama mishi laha kipata kaithouin mi jousie kungah a theisah ta hi, chiin. II Peter 2:9 Mangpan ama thudon mite khu solnaa kipata hutdain dan leh tonkhialte khu vaihomna nia dinga gotkoma hoidan thei lian hi. I Johan 4:17 Tanah i tungua hepina a bukinita, vaihom nia jau loua i um thei tah ziahin. Ama umbanga vanneiya i um ziahin. Hebriu-te 9:27 Khumin, mihing adingin khatvei shi se a hia, tuami nuain vaihomna um vanin. II Korinth-te 5:10 Mi chihin, tahsa a asepte asie apha, i sep bang jella i mu thei chiatna dingin, Krist vaihomna toupha ma a khun suhlat a i um chiat ding uh abi thuai hi. Rome-te 14:12 Khuchiin i unpi ua Pasian kunga eima kungtung thu i gen chiat ding uh ahi. /24 JESU KRIST LUNGSIATNA Rome-te 5:15 Hinanlezong silthonpiah khu gitlouna ton kibang lou hi, mi khat gitlou jiaha bawn mi nempi a shi buang uleh Pasian lungsiatna jalla silpiah khu mi nempi kungtungah vuain um naman va. Rome-te 9:16 Tuaziahin a deipa jiah ahi sia, a taipa jiah jong ahi diah sia, a lungsiatpa Pasian jallin ahi zo hi. I Peter 5:5b ... Pasianin a uangte a dou bolla, kingaineote ahi lepen lungsiatna a pe zei hi. Khumin sawlkoiten thahat tungnung tahin Mangpa Jesu thokiana thu a hilhil ua; a un ua tungah lungsiatna nasatahin a um hi. Nasepte 4:33 A silpiah get thei guallou jiahin Pasian kungah nuam thu um hen. II Korinth-te 9:15 II Korinth-te 8:9 I Mangpa Jesu Krist lungsiatna khu na thei ua, hausama nanleh noute jiahin a hing gentheita a, a genthei jiaha na hinghausat theina dingun. Tita 3:7 Khuchiin, a lungsiatnaa siamtan saha hing umin, kumtona hinn kinepna dungzuia gouluo dinga siamin um thei vai. /25 KISIANA Nasepte 17:30 Tuachiin Pasianin i khotheilou lai hun vai un, a kitheimo bol a; amabou tuin pen gam china mi jousie khu kisia dingin thu pie ta hi, ni a chiam jiahin. II Korinth-te 7:10 Pasian deilama lungngaina khn, hutdamna dingin kisiana um louin kisiana khu a siamzo leng hi; leitung lungngaina penin shina a siam jo leng hi. Luk 15:7 Ka hing hil ahi, tuachi bangmain mi dihtat somkuo leh kuo kisiana ding tuan neiloute tungah sangin mi khial khat kisia tungah vana mi nuam zo va uh. Hi lou e, ka hing hil ahi, noua jong na kisia sih uleh tachibang main mangthang siang va uteh. Luk 13:3 Nasepte 3:19 Tuaziahin na khelnate uh a maiman theina dingin kisia unlen kinuahei kia vun, tuachiin Mangpa kunga kipatin hal hunkhat hing tung thei va. Khumin Peterin akung uah, Kisia unlen, na khelna uh ngaidamna dingin Jesu Krist minin baptisma tang chiat un; tuachiin Hagau Siangthou silpiah khu nga va uteh. Nasepte 2:38 /26 KHELNATE NGAIDAMNA Methio 6:14 Mite tonkhialna na ngaidam uleh, na Pa uh vana umin jong hing ngaidam tei va. Kihyillna 3:20 Envoi, Kotkhah a dingin ka kiu hi: min ka o a zaha kotkhah a hon leh, a kungah lut vangin, ama ton nitahann ne ton vangin, aman jong keima toh ne va. Ama nia khu Pasianin Kumpipa leh Hundampa a pangdin a ziatlangah a noutoi ta, Israelte kisia sah dingin leh ngaidam dingin. Nasepte 5:31 Tuachiin Jesun a gin dan uh ana muin mi zeng kungah, Ka tapa, na khelnate ngaidam a hi ta, a chia. Mak 2:5 Luk 24:47 Ama minin kisiana thu leh khial ngaidamna thu namchin kungah hil va uh, chiin. Johan 8:11 Khumin, amanun, Mangpa koiman hing tangsah sih, a chia. Khumin, Jesun, Ken jong siammo hing tangsah sing, pel inlen, tubansia gilou kia non sin, a chia. Nasepte 13:38 Khuchiin unaute vo, thei ta vun, ama jallin khelna ngaidamna thu na kung uah getin um hi. /27 KHOVEL-NGAINAT TOH KIKHENNA Jacob 4:4 Nouma angkomnute vo, vanneiy lom hina khu Pasian melma hina ahi chi thei lou na hi uhei? Tuachiin koizong vanneiy lom hi ut tapou khu Pasian melmain a kibol talet ahi. Kolossa-tc 3:2 Tung lama sil umte a khun na lungtang uh dettahin nga un, leitung a sil umte a nga louin. Tita 2:11, 12 Mi jousie kunga hutdamna hing tunin Pasian lungsiatna a hing kilang ta thuai a. Pasian ngaisahlouna leh vanneiy utnate khu topsanin, tulai vanneiya ki deh leh dihtatna leh Pasian ngaisah in um vai chi hing hil hi. Ephasa-te 5:11 Khumin, mial silbol ga nei ngailoute ah jong panna mongmong nei sih unlen, pan valehsangin a dihloudan uh theisah zo un. I Johan 2:15, 16 Vanneiy it sih unlen, vanneiya sil umte jong it diah sih un. Mi koiin jong vanneiy a it leh, Pa a itna ama ah khun a um sih hi. Vanneiya sil umte jousia, tahsa utna bang damsung loupina hmte bang, Paa kipat pot a hi siha, vanneiya pat pot a hizo thuai hi. /28 PIAN'THANA KHU I Peter 1:23 Chi sethei a kipan hi louin, Pasian thu hing leh um leng ah, chi setheilou laha piang tha na hi zo thuai ua. II Korinth-te 5:17 Khuziahin, koizong Krist a a um leh, sil siam tha a hinghi a; sil luite khu a beita a; Ngai voi un, a hingtha ta uhi. Johan 3:3 Khumin, Jesun a dawng a, a kungah, Chitahzetin, chitahzetin ka hing hil ahi, Mi koizong a pian tha sih leh Pasian gam mu thei sih va, a chia. I Johan 5:18 Koipou Pasian hin in sil a bolkhial sih chi i thei hi, Pasian hinin ama khu a hum leng a, migilou in khoi zong a khoi theilou mong ahi. Johan 10:10 Guta khu gu ding leh, sulum ding leh suse ding loungallin a hingpei sih; kei khu hinn aneina ding unleh nempiia aneina ding ua hingpei ka hi. I Johan 2:29 Ama khu midih a hi chi na thei uleh, mi koizong sildih bolmi khu amaa pot ahi chi na thei uhi. /29 KHELNAA SHIA - KRIST A THOUKIA Ephesa-te 2:1 leh 6 Nou jong na tatvalna uleh na khelna uh jiaha shi na hi lai un a hing suhinga ... Krist Jesu ah ama ngei toh a hing kaithoua, van mun ho ah ama kungah a hing tousah hi. Kolossa-te 3:1 Khuchiin, Krist kunga kaithoa na umtah uleh, tunglama Pasian jiatlam a tou Krist umna a sil umte khu sui un. I Peter 2:24 Gitlouna lama shi a dihtatna lama i hintheina dingin ama ngeiin singah a tahsain i gitlounate a pua; ama a vuahna hualtai ah suhdamin na um ta ua. Galati-te 5:24 Khumin, Krist Jesu mite khun tahsa khu, a siat ngaituona toh a utna toh kopin, a kilbehta uhi. Rome-te 6:2 leh 11 Um jing leng moh dia yih. Eite khelna langsanga ashisa khu khelnaah hing mial mual vei yih? ... Khumchi bangmain nouma jong khelna langsang thuah a shisan kisep unlen, Pasian langsang thuah bou Krist Jesuah hingin kisep un. Kolossa-te 2:13 Khumin, noute na na khelnate uh leh tahsa teptan lou na jiahin shi hi uchinin noute ngel khu ama toh a hing hinsah na hi uh hi. /30 KUMTON HINNA Galati-te 6:8 Ama tahsa lama tuten tahsa a um siatna khu at vanin, hagau lama tutein ahileh hagaua kipat khanton hinna at va. Johan 3:14, 15 Khumin, Mousien gamsipa gul a khaikang bangin, mihing Tapa long khaikanga um ding hinin: Khumin, koizong a gingta tapou ama jallin kumton hinna nei va uh. Johan 5:24 Chitahzetin, chitahzetin ka hing hil ahi, koizong ka thu theia hing sawlpa gingtain kumtona hinna a nei ta, siammo tangin a um sia, shinaa kipata potin hinnaah a lut zo ta ahi. Johan 3:36 Koipou Ta gingtain kumton hinna a nei ta; hinanlezong, koipou Ta thu sang louin hinna nei sih va unin, Pasian lungthahna a tung uah um zo bou hi, a chia. Johan 17:3 Tam kumton hinna ahi, Nang, Pasian dihtah ngen leh na sawl Jesu Krist thei khu. Rome-te 6:23 Khial man khu shina hi thuai a; Pasian silthonpiah bou i Mangpa Jesu Krist jalin Kumtona hinna ahi. /31 HUTDAM KITHEICHIANNA Galati-te 4:6 Khumin, ta na hiziah un Pasianin a Tapa Hagau khu, "Abba Pa" chia kikouin, i lungtang uah a hingsol hi. Johan 14:21 Koizong ka thupiahte neia zop khu kei hing it ahi; koizong a hing it min ka Pa it vanin, ken jong ama khu it vangin, a kungah kilah vang, a chia. Hagau mamain eima hagau toh Pasian tate i hi uh chi hing theisah hi. Rome-te 8:16 I Johan 3:18, 19, 24 Naute vo, mai mai in kihepi da va ui, kamdani mai in kihepi da va ui, nasep leh chitahtahin kilungsiat jo va ui. Khumnapanin thutaha kipat i hi chi kitheita vaiin, ama mitmu ngeiin i lungsimte uh i hilchian ding uh ... A thupiahte juimi khu ama ah a um leng a, ama ma jong ama ah a um leng hi. Khumin, tanah ama khu eima ah a um jing leng chi i thei uh, Hagau a hing piah in. I Johan 4:13 Ainaa i um leng leh ama khu eima ah aum leng chi i thei hi, a hagau a hingpiah tah jiahin. Khumin, a thupiahte jui i hileh, khuna ama khu i thei chi i Kithei hi. I Johan 2:3 /32 ISUNGA TEENG KRISTIN KIPAHNA EIPIA HI Pasian gam khu neh leh dawn langsang thu ahi sia, dihtatna bang, kitamna bang, Hagau Siangthoua nuamnate bang ahi zo hi. Rome-te 14:17 Galati-te 2:20 Krist kungah kilbehin ka umta; hinanleh, ka hing ahi, keimapen kahita sia, Krist khu keima ah a hing ahi zo; khumin, tua tahsa a ka hinpen ginna a hing ka hi, Pasian Tapa, a hing hepia ka luanga kipepa, ginna a khun. Johan 16:22 leh 24 Khumin, tuin nouma na lungngai uhi, hinanlezong, hing mu kia vangin, na lungsim uh nuam ta va; na nuamna uh koiman hing lahsah si'ah ... Tutanin ka minin bangmasanta ngen naisih uteh; ngen un, tuachiin, mu va uteh, na nuamna uh a bukim na dingin. Johan 15:11 Ka kipahna noumaa a um jing leng na dingin leh na kipahna uh khu a bukimna dingin tam thu na kung uah ka gen ahi. I Peter 1:8 Ama khu mungailouten jong na it ua, ama khu tuin musih nanle uchin na gingta ua, kipahna get seng lou leh nahpitahin na nuam seng seng uhi. /33 MANGPA THUPIAH-ZOP KIPHAMO HI Rome-te 6:16 Koi kung pouah jong a thu zop dinga a suah dinga na lut a, shina khopa suah ahei, ahisihleh dihtatna khopa thuzop suah ahei, a thu na zop uh suah na hi uh chi kitheilou na hi uhei? II Thessalonikate 1:7-9 A hing gentheisahte khu gentheina a thuh leh, nou genthei thuahte koute toh kholna a tou khu, Mangpa Jesu a vansolsiang hattahte toh meikuang lah a van a kipat a a hing kilah chiang Pasian theilou mite toh I Mangpa Jesu khantan hoi oiloute tunga phuba alah chiangin: Khummiten gotna thuah va uh. Mangpa kunga kipat leh hatna loupina a panin kumton a manthaina khu. Rome-te 2:13 Dan zami giapte khu Pasian mitmuin mi dih ahi sih ua, Dan banga bolte pen mi dih hi zo ding uhi. Kihyillna 22:14 Hinna sing tunga thu anei theina ding uleh, kot a khopi sunga a lut theina ding ua, a puan uh sop siangthoute khu a nuam uhi. /34 KRIST KHU KAMA GUP KIPHAMO HI Philippi-te 2:11 Khumin, Pa Pasian loupina dingin, Jesu Krist khu Mangpa ahi, chia lei tapouin a phuan theina dingin. Methio 10:32, 33 Khuchiin mite masanga hing gum tapou khu, ka Pa vana um masangah gum kia vang. Hinanlezong koizong mite masanga hing kilepsan khu ka Pa vana um masangah kilepsan kia vang. Rome-te 10:9, 10 Na kama Jesu Mangpa ahi chia na gupa, mishi laha kipata Pasianin a kaitho chi na lungtanga na gintat leh hutdamin um va teh, chi. Miin a lungtang un a gingta ua, dihtatna a nga leng uhi, kam in a gum ua, hutdamna jong kimu lian uhi. I Johan 2:23 Koizong Tapa gingta louten Pa jong a gingta sih uh; Tapa ging tain Pa jong a pom uh ahi. Luk 9:26 Koizong keima leh ka thu japi tapou khu mihing Tapain ama loupina toh a Pa loupina toh, vansolsiangthoute loupinaa kivona a hingpei hun chiangin khum mi khu japi son thuai va. /35 SETAN MELMA LIANPEN UH I Peter 5:8 Gel jing unlen, pilvang un; na langpa Diabol khu, topibahnei hohbangin a neh ding suiin a vah koi koi hi. II Thessalonikate 2:9 Khum danbosepa hingpeina khu setan nasepna dan bang banga, sil boltheina jousiete, chiamtena jousiete, zuau silmah jousiete toh. Methio 4:1 leh 10, 11 Khumin, Jesu khu dawi sola um dingin hagauin gamsipah a pui tou ta ... Khumin, Jesun a kungah, Setan, tana kipatin peimang ven, Mangpa na Pasian bia inlen, ama na bou sem in, chia at ahi, a chia. Khumin, dawiin ama a peisan ta; ngai voi, angelten a na a hing seppiah ta uhi. Ephesa-te 6:11 Diabol solnate na douzo theina ding un Pasian galvan kimin kivan un. Nasepte 26:18 A mit uh vah sah dinga akung ua ka hing sawl na hi hi, tuachiin mial khu vah langsang hing ngatsan va uh, khial ngaidamna a muna ding uleh, a hing gintat jall ua siangthou kaite laha goutan a neina ding un, a chia. /36 SETAN TUNGA GUALZONA II Thessalonikate 2:8 Khumi lahmang chiangin dan bosepa khu hing kilang ta vanin Mangpa Jesun ama khu a kama huin sulum vanin, a hingpei, kilahnain sumangthai va. Jacob 4:7, 8a Tuaziahin Pasian thu thuin nung un; amabou diabol khu dou unlen tuachiin hing taimangsan saimah. Pasian khu lamnai unlen, tuachiin aman hing lamnai va ... Hebriu-te 2:14 Tuachiin, naupangte khu sa leh sisan tangte a hi chiat jiahun, ama main jong khum ma khu a tangta thuai a; shinain shina thu neipa (khumi khu Diabol) a suhmangthang theina ding leh. Krist itnaa kipatin koiin ahei hing khen ding? Gimthuahnain ahei, lungngainain ahei, sawisahnain ahei, kielin ahei, guahtannain ahei, chimonain ahei, namsaoin ahei hing khen ding? ... Khen vot sih sai, khumte jousieah ei itpa jallin loupitaha gualzoute i hi uhi. Rome-te 8:35 leh 37 I Johan 3:8 Sil bolkhialte khu diabol a pot ahi; diabohn a tunga patin sil a sukhialta. Pasian Tapa a hingkilahna sanpen khu, diabol nasepte a suhmang thai theina ding in ahi. /37 ITNA, NUAZUITAH ETKHIAHNA I Johan 4:20 Miin Pasian ka hepi, chiin, a unau hota leh, ama khu juau thei ahi; a unau a muleng bon a hepilou leh, Pasian a mu ngai loupi bangchi hepi ding e chi? I Korinth-te 13:1 Mihiam kampau leh vansolsiangte kampauin thu gen nanleng, hepina ka neituamlou leh, dah gi mohmoh ama, dah khutbeh gii mohmoh ama hi bou vang. Johan 21:16 Khumin aniveinaah, Simon, Johan tapa, Nangman kei na hing it amah? a chi kia a. Aman a kungah, Ou e, Mangpa, ka hing it hi chi thei thuai chia, a chi kia a. Aman a kungah, Ka kelbuangte ching in, a chi kia hi. Johan 13:35 Na kiit leh mi jousien ka nuazuite na hi uh chi khumiah hing thei va uh, a chia. Galati-te 5:22, 23a Hagau ga a hileh, itna, nuamna, lemna, thuahtheina, chitna, hoina, ginumna, Thuneilutna, kidehtheinate, a hi zo ... I Johan 3:14 Unaute i it jiahin shina apatin i pot ua, hinna ah i lutta chi i thei hi. Koizong itna neilou jousie khu shina ah a um nalai uhi. /38 JESU KRIST THOKIANA Nasepte 10:39-41 Jewmite gamah leh Jerusalem khuoa a silbol jousie theipite i hi uhi, ama lah singdona khaiin a thatlum ta ua. Pasianin ni thum niin a kaithou kia a, kichiantahin a kitheisah hi. Amabou, mi jousie kungah hilouin, Pasianin theipi dinga a deitel kholte kung bou ah ahi eite mishi laha kipata a thokia nuaa a kunga ne leh dawnte kung dongah. Johan 20:26-28 Khumin, ni giat nuain a nuazuite khu inn sungah a um kia ua, Thomas jong akung uah a um ta thuai a, khumin, kotkhahte lah kikhah siang kei ahia, Jesu a hingpei a, a lah uah a hing ding ta, akung uah, Na tung uah lungmuanna um hen, a chia. Khum phetin, Thomas kungah, Na khutzungin hingmai inlen ka khutte en ven; na khutin ban inlen ka nah vaiah soh ven, gingta louin um sin len gingta zo in, a chia. Khumin, Thomas in a kungah, Ka Mangpa leh ka Pasian na hi, a chia, a dawng a. Mak 16:9 Khumin ni sagini masapen zingmonga a thokiain, Mari Magdalini, a sunga kipata dawi sagi a deldohnu kungah a kilah masapen a. /39 THOKIANA KHU, I LAMET UH THUPIPEN Methio 16:21 Khumbansie khu Jesun Jerusalema a pei ding dan bang, upate, siampu liante, laiatmite laha sil nempii a thuah ding dan bang, thalupa a um ding dan bang, ni thum nuaa a thokia ding dan bang khu a nuazuite a theisah pan ta hi. Johan 5:25 leh 28, 29 Chitahzetin, chitahzetin ka hing hil ahi, a hun hing tung khial ahi ta, tun jong hing tung han ta hi; khum hun chiangin mishiten Pasian Tapa o za va unin, a za tapou hing va uh ... Tamiah danglam sa sih un, a hun hing tung khial ta, khum hun chiangin hankuanga um jousien a o za va unin hing pot va uh; Sil hoi bolte khu hinna tangin thou kia va unin, sil hoi lou bolte bou siammo tangin thou kia va uh. Rome-te 6:3.5 Eima lahah Krist Jesua baptis nga tapoute khu a shinaah jong baptisin i um uh chi theilou na hi uhei? Tuaziahin a shinaa baptis i nga buang chiangin a kunga vuithain kium thuai a; Pasian loupinain mishi laha kipata Krist a kaitho bangmain eite jong hinna thaa i um theina ding un. A shina kibatpia ama toh i kizop khom tah leh a thokiana kibatpiin jong kizom khom tham vai. /40 MANGPA-A SIAN'NA Luk 1:74, 75 I doute lahah a hing suahtasah ta, Jau loua ana ei sepsahna ding, I dam sung teng ua, a mitmua siangthou leh dihtat taha umna dingin. I Peter 1:15 Nou hinghanpa a sianthou bangin nou zong na gamtatna teng uah hing siangthouta un. 11 Timothi 2:15 leh 21 Nasem, thutah thu dihtaha mang jum ding ahilou ma bangin, Pasian ngaia hoi a ensah dingin phatuam ngai ven ... Khuziahin, mi khumbang silte laha a kikoi tuam leh, um leh bel siangthou, Mangpa man tah, nasep hoi jousie a kimansa, man pha hiva. I Peter 1:2 Thuoi ding leh Jesu Krist sisan the tang dinga Hagau tuamkoi. Pa Pasian thei khol banga telte kungah khun: Na kungtung uah lungsiatna leh tamna punsahin um ta hen. II Korinth-te 7:1 Khuchiin, deitahte vo, khum thuchiam i nei ziahun, tahsa leh hagau sianglou jousie ah kisusiang va ui, Pasian jau koma sianthouna khu subukim in. /41 MANGPA-A SIAN'NA Hebriu-te 12:14 Mi jousie toh kituona leh sianthouna del un, khum sianthouna louin koiin jong Mangpa mu sih va uh. Hebriu-te 13:12 Tuachiin, Jesuin jong, ama sisan mamaa mite a suhsiangthou theina dingin, kul kotkhah polangah a thuah ta hi. Methio 3:11 Ken vang kisiana dingin tuiin ka hing baptis leng hi; amabou, ka nuaa hingpei ding pa khu keima sangin a loupi zo a; a kengtodap toi dia kilom jong ka hi sih hi. Aman Hagau Siangthou leh meiin nouma hing baptis ding hi. I Johan 1:9 I gitlounate thupha i toi uleh, i gitlounate ngaidam ding leh, i dihtatlouna jousia sopsiang dingin ama khu gin aumin a dih a hi. Ephesa-te 1:4 Itnaa siangthou leh dembeia ama maa i um theina dingin leilung pian main Krist a a hing tel bangin. Ephesa-te 4:24 Mihing tha, siangthouna tah leh dihtannaa Pasian banga siamin kivon le uchin, chi. /42 HAGAU-A DIMDEN MITE Luk 11:13 Tuachia nouma migilouin bon na tate uh sil hoi piah dan na thei uleh na Pa uh vana umin a ngen mite khu Hagau Siangthou pe nalom va, a chia. Nasepte l:8a Amabou Hagau Siangthou khu na tung ua a hing tun chiangin silboltheina nga va uchinin ... Rome-te 8:9 Hinanlezong Pasian Hagau khu noumaa a um tah tah vot leh, tahsaa um na hi sih un, Hagaua um na hi zo uhi: amabou, koizong Krist Hagau a nga sih leh amaa hi sih sai. Nasepte 7:55 Hinanlezong ama pen Hagau Siangthoua dim a hia, van lam en jingin, Pasian loupi dan leh Pasian ziatlama Jesu dinglaiin a mua. Nasepte 13:52 Khumin nuazuite khu lungdamin leh Hagau Siangthouin a dim chiat ta uhi. Nasepte 4:31 Khumin a thum jou phet un a umkhomna mun uh khu a hing kiling ta, a un un Hagau Siangthouin a hing dim ta ua, hangsan tahin Pasian thu khu a gen ta uhi. /43 KRISTIANTE DIA THUCHIAM KIDANGTAHTE Mak 9:23 Khumin Jesun a kungah, Na bol thei khah leh na chi phuat mohin: a gingta mi dingin bangteng bol thei hi zuh a, a chia. Kihyillna 21:4 Khumin a mit ua kipatin luanhi jousie nul siangsah vanin, khumin shina um non ta sih vanin, lusun leh ka leh natna mong mong jong um nonta sih va: sil masapente a beita hi, a chia. I Peter 4:12, 13 Deitahte vo, noute laha ze-etna hingum, noute ze-etna dinga na tungua hingtung khu, sil kidang na tungua tung bangin kidang sa sih un. Krist thuahna thuahpite na hi bangun kipah jo un; khuchin a loupina hing kilah chiangin noute jong limtahin kipah thei va u teh. Methio 6:33 Hinanlezong, a gam leh a dihtatna khu sui masa phot un, tuachiin, khum jousie jong piah belap ding hi. Methio 28:20b ... Khumin, Ngai voi un, keima kumtonin vanneiy top dongin jong, na kung uah um jing leng vang, a chi hi. /44 SOL-A UMTE KUNGA THUCHIAMTE Rome-te 16:20 Khuchiin tamna Pasianin na kengphang neiy uah Setan, khu hing tuanden sah juai va. I Mangpa Jesu Krist lungsiatna khu na kungtung uah um ta hen. II Korinth-te 4:17 Ka gimthuah uh mengnou tu mitphiat kal sung boua um dingin, loupina nasatah kumtona um ding a hing bolpiah nasa ta deu deu hi. Mihiam thuah thei giaplou khu solna malmal na tunguah a tung ngai sih. Pasian vang gin um ahi, ama khun na thuah theibep tunga val solna na thuah phal sih va; na thuah theina dingun solna pouah taidohna lampi bolzo pa va. Korinth-te 10:13 Hebriu-te 2:18 Ama main sollna tuahin a na thuahtah jiahin sollna tuahte khu a panpi thei ahi. Sollna thuah paopao khu hampha hi, zeeta a um nuasangin Hinna Manglukhu, Mangpan ama itte kunga a chiam khu mu ding ahi manin. Jacob 1:12 Rome-te 8:28 Khumin, Pasian itte, aman a se banga hattea dingin a phatna ding un bangtengah a sem khom sah chiat uh chi i thei ua. /45 GUALZOUTE KUNGA THUCHIAMTE Kihyillna 3:5 A gualzoupa khu, tuachibangin puan vamin kizem vanin, khumin bangchih in jong hinna laibu a kipat a min thaimang sih vang, khumin ka Pa ma leh vansolsiangte maah a min phuang vang. Kihyillna 3:21 A gualzoupa khu ka mangtoupha tungah ka kungah tou sah vangin, kei ka gualzou a, mangtoupha tunga ka Pa toh ka tou bangin. Kihyillna 3:12 A gualzoupa khu, ka Pasian biahinn ah banin pang sah vangin, khumin khuna kipatin pei doh non ta siha, ama tungah khun ka Pasian min bang, ka Pasian khopi Jerusalem tha, ka Pasian a kipata vana hingpei khesuh min bang leh, keima min tha bang at vang. Kihyillna 21:7 Koipou a gualzoupa khun tam silte lua va unin; khumin a Pasian uh hivang inin, khumin ama khu ka tapa hita va. Kihyillna 2:7 Hattuamte kunga Hagau thuget khu bil nei tapouin ja uhen. A gualzolpa kungah, ama kungah Pasian Paradise a um, hinna sing a neh dingin pe vang, a chi, chiin. /46 KIKHUL TUNGTHUA PASIAN THUGEN I Korinth-te 7:10, 11 Khumin, kinungsate kungah thu ka pie (Keima piah hilou, Mangpa piah ahizo) Ziin a pasal khensih hen; A khentahleh pasal nei kia louin umvi ve tahen, ahisihleh, a pasalma toh kilem kia uhen; khumin, pasalin azi khul da hen. Rome-te 7:2, 3 Numei pasal toh kinung, a pasal damsung teng dana a pasal langsangah dana kipatin hathotin a um hi. Tuachiin a pasal damsungin midang kinunpi moh taleh, angkom chi va uh; amabou a pasal a hing shi vot tah leh pen khum dana kipatin hathotin a um a, khuchiin midang kinunpi nanlezong angkom ahi shi hi. Luk 16:18 Koizong zi khula zi dang nei tapou khu angkom ahi, koizong mi zi khulsa kinunpi khu angkom ahi. Methio 5:32 Hinanlezong, ken vang, Koizong tangval ngai man hiloua zi khul tapouin, ama khu angkomsa ahi; khumin, koizong khulsa kinunpi tapou khu angkom ahi, chi ka hing hil ahi. /47 KRIST HINGPEI KIANA DING Khumin, nouma dia mun ka va bol leh, hing nuakia vangin, ka kungh nouma hing la vangin; ka umnaa nouma jong na um theina ding un. Johan 14:3 Kihyillna 3:11 Hingpei no vangin: koiman na manglukhuh a lahlouna dingin, na neipen khu kern chintenin. Mak 8:38 Koizong tulai khangtha angkom leh sil gilou chiingte laha keima leh ka thu japii tapou khu, mihing Tapan a vansolsiang siangthoute toh a Pa loupinaa kivona a hingpei hun chiangin khum mi khu japii son thuai va, a chia. Methio 24:30 Khum hun chiangin mihing Tapa chiamtena khu hing kilang va: khum hun chiangin vanneiya chi chintengin sun vanin, mihing Tapa khu silboltheina leh loupina nasatah toh van meilum tunga hingpei mu va uh. Nouma jong pontho tahin um un; na lungtang uh kipsah un; Mangpa hingpeina ding lah a nai ta thuai a. Jacob 5:8 Methio 24:27 Kolphe sua lama a hing phet leh, tum lam dongin a kimu leng a; mihing Tapa hingpei kiana khu khumbangma ding hi thuai hi. /48 KRIST HINGPEI KIANA DING I Johan 3:2 Deitahte vo, tuin Pasian tate i hiua, bangchin i um ding uh ahei chi tuin a kilang nai tadi sih hi; ama a hing kilah chiang, ama bangin um vai chi i thei, ama khu a um ngai bangmaa mu ding i hi thuai ua. Kihyillna 16:15 (Envoi, guta bangin ka hingpei hi. Kiging leh puan tengsa a um khu a nuam hi, tuachisihleh pen guahtangin um vanin; khumin a jumhuaina mu kha va uh.) Nouma jong manlangsan um un, na kiginlou kal un Mihing Tapa hingpei ding hi thuai hi, a chia. Luk 12:40 Nasepte 1:11 Khuni miten, Galili gama mite vo, bangdinga van lam en koma ding jing na hi uhei? Tarn Jesu khu na kung ua kipata vana puitoua um, vana a peitou na mu bangma un ama ngei khu hing suh kia va, achi ua. Methio 16:27 Mihing Tapa khu vansolsiangte toh a Pa loupinaa kivona a hingpei ding jiahin; khuni hun chiangin michin a nasep uh dungzuiin sang chiat va. /49 PASIAN THU KHU Luk 21:33 Lei leh van mang vanin, ka thu bou khu mang sih va. Methio 22:29 Jesun akung uah, Laisiangthou leh Pasian silboltheina na theilou jiah un na thei khial ta leng uhi. II Peter 1:21 Thu genkhol mal mal mihinga thu pot ahi ngai sia, miten Hagau Siangthou solin, Pasian kunga kipatin a gen zo leng uh ahi. II Timothi 3:16 Laisiangthou jousie, Pasian hatkhuma piah ahia, khuziahin, thuhilna lam bangah, siammo tansahna lama bang, taina lama bang, dihna thuhilna lama bang phatuam ahi hi. Johan 6:63 Hingsahpa khu Hagau ahi, sapum khu bangma phatuam sih; na kung ua thu ka gette khu hagau ahi, hinna jong ahi. Hebriu-te 4:12 Pasian thu a hinga, sil a bol theia, namsau hiamtuo bangchi bang sangin jong a hiama, hinna leh hagau, guloi leh gungeh tuam khen va diang khopin a sun theia, lungtanga ngaituo leh tupte a thei pa juai thei hi.