KONY KI MALO

Luroma 5:8

Ento Lubaŋa pako nimarene botwa, pien ma ceŋ wan lubalo, Kricito oto piwa.

Lakana 13:1

KARAMA me nikato pudi peya oo, Yecu ka ŋeyo kare mere doŋ oo wek ea i lobo man ecit bot Won, kun doŋ omaro jone ma tye i lobo, omarogi nio i agik.

Niyabo 1:5

Ki maa bot Yecu Kricito, caden ma lagen, kayo pa jo muto, laloyo rwodi me wi lobo. Bot en ma marowa, ma con ogonyowa i gin marac mewa pi remone kene.

Lakana 3:16

Pien Lubaŋa con omaro lobo kameno omiyo ye Wode ma onywalo acel kene, wek dano ducu ma ye en guwek to, ento gubed ki kwo ma pe tum.

Lakana 15:13

Pe tye ŋati matye ki nimaro makato man, ŋati nimiyo kwone kom lumere.

1 Lakana 4:8, 9

En ma pe tye ki nimaro pe ŋeyo Lubaŋa, pien Lubaŋa En nimaro. Lubaŋa onyuto nimaro mere botwa kom nicwalo Wod mere ma onywalo acel keken i lobo, wek wabed ki kwo pi En.

Matayo 1:22, 23

Man ducu otine, wek lok ducu ocobo kakare kit ma Rwot ceŋ oloko dog lanebi, kun waco niya, Nen, nyako ma pe ŋeyo laco biyac, binywalo latin laco, Ci gibicako nyiŋe Emanuel; ma gigonyo tere ni, Lubaŋa kwedwa.

Lakana 14:7-10a

Kono ceŋ wuŋeyo an, kono wuŋeyo Abana bene: nia koni wuŋeye ki wunene. Pilipo owace niya, Rwot, nyutwa Won, ci biromowa. Yecu owace niya, Doŋ aru kare mapol rom man kwedwu, i dok pud peya iŋeya, Pilipo? Ŋat ma oneno an meno oneno Won; in dok iwaco niŋniŋ niya, Nyutwa Won? Pe iye niya an atye i Won, ki Won i an?

1 Temeceo 3:16

Ento lok man waye niya, muŋ man me dini dit mada; en ma ginyute i kom, gimiye nipore i cwiny, lumaraika ginene, gitito pire i rok, giye en i lobo ducu, gitere i deyo.

Lakana 1:1 ka 14

NIA con ki con Lok onoŋo tye, Lok tye bot Lubaca. Lok aye ceŋ Lubaŋa... Ci Lok giloko odoko kom, obedo i kinwa (waneno deyo mere, deyo macalo pa latin acel keken ma a bot Won) opoŋ ki kica ki ada.

YECU WOD PA LUBADA

1 Lakana 4:15

En ma tuco niya, Yecu En Wod pa Lubaŋa, Lubaŋa obedo i en, en bene i Lubaŋa.

Lukolocai 2:9

Pien i en bedo iye nipogo ducu me dit pa Lubaŋa i kom.

Lakana 10:36, 37

Wun wuwaco ki en, ma Won olonye ka oore i lobo, niya Iyeto Lubaŋa; pien awaci, An Wod pa Lubaŋa? Ka pe atiyo tic pa Wora, ci pe wuye an.

Luka 1:35

Ci lamaraika bene odok ye owacone niya, Cwiny Maleŋ obibino komi, ki tek pa en ma loyo ducu bigeŋi ki tipo: dok bene pi lok man en ma ginywalo gibilwoŋe Maleŋ, Wod pa Lubaŋa.

Matayo 17:5

Kun pudi eloko, nen, pol maryeny oumogi; ci dwan maa i pol owaco niya, Man en woda ma amaro, ma iya yom kome twal; wuwinye.

Matayo 8:29

Nen, gidaŋe, giwaco niya, Walaro aŋo kwedi, in Wod pa Lubaŋa? Ibino kany ka yelowa kun kare pudi peya ocobo? YECU TITO WA EN ANGA

Lakana 9:5

Ka pud atye i lobo, ana ceŋ me lobo.

Lakana 10:7

Yecu odok owaco nigi niya, Adada awacowu niya, Ana dogola me romo.

Lakana 11:25

Yecu owace niya, Ana nicer, ki kwo: ma ye an, kadi oto, dok bikwo.

Lakana 13:13

Wuiwoŋa Lapwony, ki Rwot: wuwaco ber; pien atye kumeno.

Lakana 4:25, 26

Dako owaco ne niya, Aŋeyo ni Maciya bibino, (ma gilwoŋo Kricito,) en ka obibino bititowa lok ducu. Yecu owaco ne niya, Ana en ma loko kwedi.

Lakana 6:35

Yecu owaco nigi niya, Ana kwon me kwo: ma bino bota, kec pe bineke, doki ma ye an, orwo pe bimake nino ducu.

Lakana 8:23

Ci owaco nigi niya, Wun wua piny; an aa malo: wun wu dano me lobo man; an pe a dano me lobo man.

Lakana 8:58

Yecu owaco nigi niya, Adada, awacowu niya, Iburaim kun pudi peya ginywale onoŋo doŋ atye.

TANGU MA YECU OTIMO

Matayo 14:19-21

Ci ociko lwak nibedo piny kom moto; ka okwanyo kwon abic, ki rec aryo, ci oneno malo i polo, opwoyo, oŋwenyo, ci omiyo kwon ki lupwonye mere, ci lupwonyene gimiyo ki lwak. Gin ducu gicamo giyeŋ; gicoko ŋide mudoŋ opoŋo adita apar wiye aryo. Gin jo ma ceŋ gicamo giromo co tuntumiya abic, ma pe tye iye mon ki litino.

Matayo 21:19

Oneno otini acel ŋet yo, ci ocito tere, pe onoŋo gin mo, ento pote keken; owace niya, Pe doŋ ibinyak ma koni nio nino ma pe tum. Cutcut otiid oturu ki two. Lupwonye ka gineno, giuru, giwaco niya, Otini man otwo oyotoyot niŋniŋ?

Luka 5:46

Ka doŋ otyeko loko lok, owaco ki Cimon niya, Wunyik i kut nam, wubol obwo mewu, wumak rec. Cimon odok ye owaco niya, Rwot, doŋ wacane kwe naka piny omedo ki ru pe wamako gin mo: ento pi lok meri abibolo obwo. Ka gutiyo kameno ci gimako lwak rec mapol mada; mito yeco obwogi woko.

YECU KRICITO LACIB MA BENE RWOT

Luepeco 3:9

Ki nimenyo ji ducu nineno niribe me muŋ ma con gikano nia niketo lobo, i Lubaŋa ma con oketo jami ducu pi Yecu Kricito.

Luroma 14:9

Pien pi lok man aye Kricito oto pire, ci okwo odoco, wek en obed Rwot ducu pa ji muto ki makwo.

Lakana 1:3

Jami ducu En aye ceŋ otiyo, pe tye gin mo ma ceŋ gitiyo ma En pe.

Lukolocai 1:16

Pien i en jami ducu giketo pire, ma tye i polo ki ma tye wi lobo, ma nen ki ma pe nen, kono kom ker, nyo ker, nyo nibwoyo, nyo nitwero; jami ducu okete i en ki pire bene.

1 Lukolinti 1:9

Lubaŋa en lagen, ma olwoŋowu nidonyo i kom niribe pa Wode Yecu Kricito Rwotwa.

Tic Pa Lukwena 2:36

Pien wek ot ducu pa Icarel guŋe atika niya, Lubaŋa doŋ oketo Yecu man ma ceŋ wugure kom yatariya, nibedo Rwot ki Kricito.

Lueburaniya 1:2

LUBAŊA ... i nino man me lacen oloko ki wan i Wode, ma oketo nibedo lale jami ducu, pire bene dok oketo lobo ducu.

YECU KRICITO LANGOL KOP WA DUCU

2 Temeceo 4:1

ACIKI i nyim Lubaŋa ki Kricito Yecu, ma biŋolo kop ki ji makwo ki jo muto, ki pi ninen mere ki ker mere.

Luroma 2:16

Kom nino ma Lubaŋa obiŋolo ye kop me muŋ pa dano, macalo jiri mera, pi Yecu Kricito.

Lakana 5:22

Pien Won pe ŋolo kop ni dano, ento omiyo ni Wod niŋolo kop ducu.

Tic Pa Lukwena 10:42

Dok ceŋ ocikowa nitito ki ??? ne niya, En aye ma con Lubaŋa oketo laŋol kop, pa jo makwo ki jo muto.

Matayo 25:32

Rok ducu gibicoke i nyime; en bipoko kingi patpat, ma calo lakwat romo poko romo mere nia i kin dyegi.

Luka 3:17

Ma tye ki oderone i ciŋe, niyubo lard mere atika, ci obiyweko bel mere i derone; ento cuŋ obiwaŋe ki mac ma pe to.

Luroma 14:10

Ento piŋo in iŋolo kop ki omeru? nyo piŋo iŋalo omeru? pien wan ducu wabicuŋ i nyim kom me niŋolo kon na Lubaŋa.

LAKE KI BOT KRICITO KEKEN

Lakana 10:9

Ana dogola: ŋati ka okato i an odonyo, obilare, bidonyo dok bikati woko, ci binoŋo kakwat.

Lakana 14:6

Yecu owace niya, Ana yo, ki ada, ki kwo: pe tye ŋati ma bino bot Won, kono i an.

Lakana 8:24

Pieno awacowu niya, Wubito i ginabala mewu: pien ka pe wuye ni ana en, ci wubito i ginabala mewu.

Lugalatiya 1:4

Ma ceŋ omine kene pi ginabala mewa, wek elarwa woko kom lobo man marac me nino man, pi nimito pa Lubaŋa, Wonwa.

Lueburaniya 5:9

Ka ocobo ducu, en oloke bot ji ducu ma winyo te lok me nilaro ma pe tum.

Tic Pa Lukwena 4:12

Pe tye nilare i ŋat mukene: pien pe tye nyiŋ mukene piny te polo, ma con gimiyo ki dano, ma myerowa nilare iye.

Lueburaniya 7:25

Mumiyo en twero atika nilaro nio agik dano ma bino bot Lubaŋa pire kene, pien bedo kwo nino ducu nipido nigi.

LARE KI BOT KRICITO KEKEN

1 Lukolinti 1:30

Ento pi eno wutye i Kricito Yecu, ma gitimo botwa Ryeko pa Lubaŋa, ki nipore, ki nilonye, ki nikoko.

Lukolocai 1:12-14

Kun wapwoyo Wonwa, mu yubowa niribe me nileyo pa jo mupore i ceŋ; ma ceŋ olarowa i nitwero me piny macol, ci okobowa i ker pa Wode me nimaro mere; i en wanoŋo nikoke mewa ki niweko ginabalawa.

Niyabo 5:9

Ci giwero wer manyen kun giwaco niya, In imyero nikwanyo kitabo ki niyabo ginanenane: pien con gineki, ci ikokowa bot Lubaŋa ki remo meri, jo mua me wat ducu, ki leb, ki dano, ki rok ducu.

Luka 19:10

Pien Wod pa dano ceŋ obino niyenyo ki nilaro jo murwenyo.

Tito 2:14

Ma ceŋ omine pi wan, wek okokwa i gin ma pe pore ducu, doki nilonyo ji mere pire kene me bibedo mere kikome, ma cuke i kit tic maber.

Lugalatiya 3:13

Kricito okokowa nia i ginayela me cik, kun giyele piwa: pi en gicoyo niya, Gin marac obed kom ŋat ma giŋabo wi yat.

ONYO REMO PA YECU

Luroma 5:9

Iyo nikato ducu, macalo doŋ walimo nipore i remo mere, wabilare nia kom kiniga pire.

Luepeco 1:7

Ma ceŋ omiyo nikoke mewa pi rento mere, nikwanyo ginabala mewa, macalo lonyo me kicane tye.

1 Lakana 1:7

Ento ka wawoto i ceŋ macalo en tye i ceŋ, waribe kenwa ki kenwa, doki remo pa Yecu Wode olonyowa i kom ginabala ducu.

1 Petero 1:18, 19

Wuŋeyo gikokowu pe ki gin ma bitum macalo ryal nyo jabu, kom gin marac mewu macon ma wuleyo kom kwarowu, ento ki remo me wel madwoŋ macalo me latin romo ma pe tye ki poyo kadi ton, en remo pa Kricito.

Lueburaniya 9:14

Remo pa Kricito, ma omine kene pi Cwiny ma pe tum bot Lubaŋa ma pe tye ki gin mo marac, pe bikato twal nilonyo cwinywu i kit muto nitiyo ki Lubaŋa makwo?

Matayo 26:28

Pi en en aye remo mera me cik manyen, ma oo pi jo mapol me nikwanyo ginabala.

LARE NIGENO I KRICITO

Lupilipi 3:9

Ka anoŋe i een, ma kun pe atye ki ber mera kena ma me cik, ento meno ma tye i niye i Kricito, nipore pa Lubaŋa ma a bote pi niye.

Luepeco 2:8, 9

Pi en ceŋ walare pi kica pi niye, kun pe tye pi wun kenwu: en aye mot pa Lubaŋa: pe pi tic, ŋati owek niwake.

Lakana 6:28, 29

Ci giwaco ne niya, Wati aŋo wek wati tic pa Lubaŋa? Yecu odok ye owaco ni gin niya, Man en tic pa Lubaŋa, wuye en ma con ooro.

Luroma 5:1

Iyo ka walimo nipore pi niye, ci wabem ki kuc bot Lubaŋa pi Rwotwa wotwa Yecu Kricito.

Lugalatiya 5:6

Pier i Kricito nilire pe tye ki tek, ladi pe nilire; ento niye ma tiyo nimaro.

1 Lakana 5:4

Pen litino pa Lubaŋa ducu oloro lobo, doki lok ma loyo lolo en niye mewa.

Lakana 20:31

Ento man gicoyo, wek wuye niya Yecu en Kricito, Wod pa Lubaŋa; kun wuye wek wubed ki kwo i nyiŋe.

KICA PA LUBADA

1 Petero 1:3 Gipwo Lubaŋa Won Rwotwa Yecu Kricito ma on walowa tyen me aryo i nigeno atika pi nicer pa Yecu Kricito i kom ji muto. 1 Peteo 1:3

Lueburaniya 4:16

Mumiyo myerowa wanyin cok ki tek cwiny bot kom me tica, wek gimiwa kica, ki nilimo um nikonyo i kare me nimito.

Matayo 18:11-14

Pi en Wod pa dano doŋ obip nilaro jo murwenyo. Wun wut mo niŋo? Ŋati ka tye ki rom mere miya, ka ŋat acel orwenyo i kingi, pe en twero weko jo meno pyerabuŋwen wiye abuŋwen, ci cito wi got ka yenyo ŋat acel meno murwenyo? Ento ka onoŋo, adada awacowu niya, Cwinye bedo yom kom eno nikato jo maca pyerabuŋwen wiye abuŋwen ma pe gin orwenyo. Kumeno, Wonwu ma tye i polo, pe mito ŋati mo acel kom jo man matino nito.

Tito 3:5

Ci olarowa, pe pi kit matye i nipore ma wan watiyo, ento pi kica mere, pi nilwoko me ninywale me aryo, ki Cwiny Maleŋ nilokowa manyen.

2 Lukolinti 1:3

Gipwo Lubaŋa Won Rwotwa Yecu Kricito, Won kica doki Lubaŋa me nikweyo cwiny ducu.

LUBAŊA LWONGO WAN BOTE

Matayo 11:28

Wubin bota wun ducu, jo muol ki ma ter obwoyo, ci an abimiyowu niywe.

Matayo 16:24

Yecu dok owaco ki lupwonye mere niya, ŋati ka mito luba, ber koŋ okwere kene, ki nitiŋo yat ariyane, ci oluba.

Niyabo 22:17

Cwiny kwed nyako lanyom giwaco niya, Bin. Ki gat muwinyo owac, Bin. En ma orwo omake, obin: en mamito, omat pi me kwo nono.

2 Temeceo 1:9

Ma okokowa, olwoŋowa ki lwoŋo mupore, pe pi ticwa, ento pi nitamo mere ki kica, ma gimiyowa i Kricito Yecu i nino ma pud peya giketo lobo.

Luka 14:17

I kare me karama ocwalo lamirone ka wacogi jo ma gilwoŋogi niya, Wubin; pien jami ducu doŋ gityeko yubo.

2 Lukolinti 5:20

Mumiyowa bedo lukwena i kabedo pa Kricito, Macalo Lubaŋa bako doge pi wan: wabako dogwa botwu maka Kricito, wuribe ki Lubaŋa.

Lakana 7:37

I nino me agik, me nino madit me karama, Yecu ocuŋo odaŋe owaco niya, Dano ducu ma orwo make myero obin bota omati.

DANO DUCU PE LITINO PA LUBAŊA

2 Lukolinti 6:17, 18

Iyo, Wua woko i kingi, wupoke, Rwot muwaco, Kumeno pe wugud kom gin ma pe leŋ: An bene abinyikowu cok, Doki abedo wonwu botwu, Wun bene wubedo bota litina awobe ki anyira, Rwot mu waco Latwer jami ducu.

Lupilipi 2:15

Wek wubed ma pe ki kop, ki ma mwol, litino pa Lubaŋa, ma pe gitye ki ton, idye Iwak muŋak ki ma pe winyo, ma wunen macalo panuc i lobo ducu.

Lakana 1:12

Ento dano ducu ma con gijole omiyo ni gin dit nibedo litino pa Lubaŋa, kom gin ma giye nyine.

Luepeco 2:2

Ma i kare macon ceŋ wuwoto, macalo kor me lobo man tye, nilubo laker me nitwero me dye piny ma malo, cwiny ma koni tiyo i kitino ma pe giwinyo.

1 Lakana 3:10

Kom lok man litino pa Lubaŋa ki litino pa Catan oŋene, ma pe otiyo mupore pe pa Lubaŋa, kadi en ma pe omaro lawote.

Luroma 8:14, 15

Pien jo ma Cwiny pa Labaŋa telogi, gin aye litino pa Lubaŋa. Pien pe gimiyowu cwiny me nibedo opi me nilworo; ento gimiyowu cwiny me nidoko litino, ma wakoko niya. Aba. Wonwa.

LUBAŊA WACO ANGO IKOM KONGO

Luka 1:15

Pien en bibedo madit i nyim Rwot dok bene pe bimato koŋo kadi gin ma mero ducu; dok obipoŋ Cwiny Maleŋ, nia ii minne.

Luka 21:34

Ento wugwoke kenwu, cwinywu owek paro pi woro ki mero, ki ewer cwiny me kwo man, dok bene nino meno owek bino komwu oyotoyot macalo kino.

Lugalatiya 5:19-21

Ento tic me kom ma nen gin en ene: Abor, caro, coco, nipako ginacala, niwolo, monne, nida, nyeko, kiniga, pyem, nipoke kene, ma ŋako dano, kwar cwiny, nek, nimer kogo, nituko kirac ki macalo meno; akwoŋo niwaco pi meno, macalo ceŋ awacowu niya, Jo ma tiyo lok macalo meno pe gibileyo ker pa Lubaŋa.

Luepeco 5:18

Kumeno pe wumer bene ki koŋo, ma tye iye lok marac, ento wupoŋ ki Cwiny.

Luroma 13:13,14

Wawotu marom macalo jo ma woto dyeceŋ; ma pe i caro ki i karama me mero, ma pe i abor ki lok me lewic, ma pe i da ki nyeko. Ento wuruk Rwot Yecu Kricito, kun bene pe wutamo nitiyo jami me kom i niparone.

KWO MABER PE ROMO

Lueburaniya 3:13

Ento wupwonye kenwu kenwu ki ru pa piny, nio ka kare pud tye ma gilwoŋo tin; ŋati mo kinwu owek bedo tek ki nibwolo me ginabala.

1 Lakana 5:7-12

Doki Cwiny otito, pien Cwiny en ada. Pien gin tye adek ma tito, Cwiny, pi, ki remo; gin adek lok megi acel. Ka waye nitito pa dano, nitito pa Lubaŋa oloyo ki dit, pien nitito pa Lubaŋa en lok ma otito pi Wode. En ma ye Wod pa Lubaŋa tye ki nitito i iye: en ma pe oye Lubaŋa omiye nibedo lagoba, pien pe oye lok ma Lubaŋa otito pi Wode. Doki nitito en ene: Lubaŋa omiyowa kwo ma pe tum, doki kwo meno tye i Wode. En ma tye ki Wode tye ki kwo. En ma pe tye ki Wod pa Lubaŋa, pe tye ki kwo.

1 Temeceo 1:12, 13

Apwoyo En ma miya tek, Yecu Kricito Rwotwa, pien okwana nibedo lagen, ka oketa i tic mere; kono wiati an layet, layel jo, ki lakel can: ento gitima kica, pien yam atiyo kun akwiya kun bene pe aye.

Matayo 22:37, 38

Ento Yecu owace niya, Mar Rwot Lubaŋani ki adunoni ducu, ki kwoni ducu, ki ryekoni ducu, Man en aye cik madit mukwoŋo.

PE GI BOL IN

Lugalatiya 6:3

Pi en ka dano otame kene nibedo gin mo, kun pe en gin mo, meno obwole kene.

Luepeco 5:6

Dati gwok obwolowu ki lok mamwa: pien pire aye kiniga pa Lubaŋa bino iye kom gitino ma pe giwinyo.

Lakobo 1.22

Ento wubed ma tiyo lok, ma pe winyawinya nono, kun wubwole kenwu.

1 Lukolinti 6:9, 10

Nyo pe wuŋeyo niya, Jo ma pe pore pe gibileyo ker pa Lubaŋa? Pe gibwolwu: kadi lapitpit waŋ, kadi lupak ginacala, kadi lubor, kadi jo maloke mon, kadi ma camo gin lewic, kadi lukwo, kadi lupar, kadi lumero, kadi luyet, kadi luyak, pe gibileyo ker pa Lubaŋa.

1 Lakana 3:7, 8a

Litino ma amaro, gwok wuye ŋato oŋakowu; ma tiyo mupore en mupore, macalo En mupore. En mabalo nakanaka, en latin pa Catan, pien Catan obedo labalo wa naka yam con...

Matayo 24:5

Pien jo mapol gibibino i nyiga, kun giwaco niya, Ana aye Kricito; gibirwenyo jo mapol.

BAL KELO TO

Luroma 5:12

Muweko, macalo pi ŋat acel gin marac odonyo i lobo, ki to pi gin marac; kumeno to okato bot dano ducu, pien ducu gibalo.

Lakobo 1:15

Ci ginapara meno, ka oyac, nywalo ginabala: ka doki ginabala ka odoŋo dok nywalo to.

Niyabo 21:8

Ento jo malwor, ki jo ma pe gitye ki niye, ki jo maracu, lunek lutim abor, luyir, luwor ginacala, ki lugoba ducu, pok megi obibedo i nam ma lyel mac ki kibiriti, en nito me aryo.

Luroma 6:21

Iyo ceŋ wutye ki nyig aŋo i kare meno i lok ma koni lewic makowu iye? pien agik mere en nito.

Luka 15:32

Ento myero cwinyi obed yom ki niyom cwiny: pien omeruni nene oto, doŋ okwo; ceŋ orwenyo, doŋ odwogo.

Luroma 8:6, 7

Pien nitamo me kom en nito; ento nitamo me cwiny en aye kwo ki nikwe: pien nitamo me kom en aye kwor ki tuŋ bot Lubaŋa; pien pe bwone ki cik pa Lubaŋa. kadi nitwere pe twere.

KRICITO OLOYO TO

Lakana 11:43, 44

Ka oloko lok man, ci odaŋe ki dwan madit niya, Lajaro kati woko. En ma ceŋ oto okati, kun gidole ki boŋo, tyene ki ciŋe; gitweyo waŋe ki boŋo, Yecu owaco nigi niya, Wugonye, wuwek ociti.

Niyabo 1:18

An en mabedo kwo, con ato, nen, abedo kwo nino ma pe tum, Amen. Atye ki layab me to ki me Kadec.

1 Lukolinti 15:3, 4

Pien akwoŋo nimiyowu gin ma ceŋ gimiya, macalo Kricito oto pi ginabalawa macalo ginacoya owaco: ceŋ giyike; doki ceŋ ocer i nino me adek macalo ginacoya owaco.

Luka 7:14, 15a

Obino oboŋo gitara: jo ma gitiŋo gicuŋ mot. Owaco niya, Awobi, awaconi niya, A malo. En ŋat mutoni oa, obedo ki tere ocako niloko...

Lakana 10:17, 18

Pi lok man mumiyo Wora mara, pien amiyo kwo mera, doki abikwanyone. Pe tye ŋati mo ma omayo ki bota, ento an aye amiye gira kena. Atye ki dit nimiyo, dok atye ki dit nikwanye. Cik man alimo ki bot Wora.

CIK PA LUBAŊA

1 Lakana 3:24

En ma mako cik mere obedo i Lubaŋa, doki Lubaŋa obedo i en. Kitmeno, waŋeyo En obedo i iwa, pi Cwiny ma doŋ omiyowa.

Marako 10:1721

Ka oa kun cito i yo, ŋat mo acel obino bote, openye niya, Lapwony maber, abitimo niŋniŋ wek ale kwo ma pe tum? Yecu owacone niya, Ilwoŋa piŋo maber? Pe ye ŋat mo maber, kono en Lubaŋa acel keken. Iŋeyo cik, Gwok inek, Gwok itim abor, Gwok ikwal, Gwok itoŋ, Gwok ilok goba, Lwor abani ki meni. Owacone niya, Lapwony, meno ducu amako nia kun pudi an latin. Yecu ka onene omare, owace niya, Orwenyoni lok acel: cit, icat jami ducu ma tye boti, ipok ki lucan, ibilimo lonyo wi polo: ibin iluba.

Lakana 13:34

Cik manyen amiyowu niya, Wumare kenwu; macalo an amaro wun, wun bene wumare kenwu.

Matayo 22:36-40

Lapwony, Cik madit mene? Ento Yecu owace niya, Mar Rwot Lubaŋani ki adunoni ducu, ki kwoni ducu, ki ryekoni ducu, Man en aye cik madit mukwoŋo.

PE ITWERO KANE INYIM LUBAŊA

1 Lukolinti 3:20

Dok niya, Rwot ŋeyo niparo pa luryeko, kun pe gitye iye gin mo.

Luka 8:17

Pien peye lok mo ma umo ma pe binen ka maleŋ; kadi gin ma gikano ma pe giŋeyo binen ka maleŋ.

Tic pa Lukwena 17:24-28

Lubaŋa ma yam con otiyo lobo ki jami ducu ma tye iye, kun ŋene bene niya, En aye Rwot me polo ki ŋom, pe bedo gire i yekalu ma gitiyo ki ciŋ; kadi niworo en ki ciŋ dano, macalo ŋat ma mito jami mo, kun ŋene bene niya, En aye poko kwo ki jo ducu, ki yweyo ki jami ducu; con bene oketo rok ducu me dano ki remo pa ŋat acel nibedo i wi piny ducu, ka ceŋ ocikogi niketo igi waŋ pok me kabedo megi; ma myerogi niyenyo Lubaŋa, wek gwok nyo gipaŋe, ci ginoŋe, kadi pe bed bor ki botwa ducu acel acel: pi en wabedo kwo wawoto i en, ci wabedo kenyo; macalo jo ma tuwu moko giwaco niya, Wan bene watye likwaye.

Lueburaniya 4:13

Bene pe tye ginaketa mo ma pe nen i nyime: ento jami ducu giyabo woko niweŋ, doki gicano ka maleŋ nyim en ma wakelo lok mewa bote.

PWOD MA LABED NAKA BOT LOBAL

2 Petero 3:7

Ci polo ma tye koni ki lobo, pi lok meno bene, okane nikuro mac nio nino me kop me nityeko jo ma pe Iworo Lubaŋa.

Niyabo 20:15

Ci ŋat ma pe ginoŋo gicoye i kitabo me kwo, gibolo i nam me mac.

Matayo 18:8

Ka ciŋi nyo tyeni poyi pi nitimo gin marac, toŋ woko ibol ka mabor: twora idony i kwo kun ciŋi nyo tyeni kun pe, nikato niboli i mac ma bedo nakanaka, kun itye ki ciŋi aryo ducu nyo tyeni ryoryo.

Matayo 25:46

Ki jo man gibicito i can ma pe tum: ento jo mupore gibicito i kwo ma pe tum.

Matayo 13:41, 42

Wod pa dano obicwalo lumaraika mere, gibikwanyo woko i ker mere gin ducu ma miyo dano poto, ki jo ma gitiyo marac, gibibologi i odur mac: ci bibedo iye nikoko ki nikayo lak.

Luroma 1:18

Pi kiniga pa Lubaŋa giyabo nia i polo kom pe nilwore Lubaŋa ducu, ki pe nipore pa dano, ma gigeŋo ada pi pe nipore.

NGOLO KOP TYE ANYIM

Lueburaniya 9:27

Macalo dano giketogi nito kicel, lacen ŋolo kop.

Tic pa Lukwena 17:31

Pi en doŋ oketo nino, ka ma ebiŋolo iye kop me nipore ki lobo ducu, pi ŋat ma con en okwanyo; pire omiyo caden ki jo ducu, i en ma ceŋ ocere i jo muto.

Niyabo 20:12

Ci aneno ji muto madito ki litino kun gicuŋo i nyim komker, ci giyabo kitabo: ci giyabo kitabo mukene bene, ma en kitabo me kwo: ci giŋolo kop ki ji muto ki lok ma ceŋ gicoyo i kitabo macalo tic megi tye.

1 Lakana 4:17

Kumeno nimaro mewa odoko pore wawek lworo kop, pien macalo En tye, wan bene watye i lobo man.

2 Lukolinti 5:10

Pien wan ducu myerowa ninen kama Kricito biŋolo iye kop; ŋat ma gimiye gin ma ceŋ en otiyo i kom, macalo en ceŋ en otiyo, nyo obedo maber nyo marac.

2 Petero 2:9

Ento Lubaŋa oŋeyo nilaro jo mupore i kom lok abwola, ki nikuro jo ma pe pore, kun gineno can nio nino me niŋolo kop.

KICA PA YECU KRICITO

1 Petero 5:5b ... pien Lubaŋa odagi ji ma wake, ento omiyo kica bot jo mamwol.

2 Lukolinti 9:15

Lubaŋa gipwo pi mote ma pe wace.

Lakana 1:16

Pien i nipoŋ mere wan ducu walimo ye kica maka kica.

Tito 3:7

Kun gityeko nimiyowa nipore pi kica mere, wek wadok luleyo i nigeno kwo ma pe tum.

Luroma 5:15

Ento nibalo pe oromo ki mot me kica. Pien ka pi nibalo pa ŋat acel jo mapol gito, makato ducu kica pa Lubaŋa, ki mot me kica ma tye pi gat acel, Yecu Kricito, ginyaye bot jo mapol.

2 Lukolinti, 8:9

Pien wuŋeyo kica pa Rwotwa Yecu Kricito, niya, Ceŋ en lalonyo, ento oloke lacan pi wun, cane weki olony wun.

Luroma 9:16

Iyo, pe pa ŋat ma mito kene, kadi pa ŋat ma riŋo, ento pa Lubaŋa ma timo kica.

Tic pa Lukwena 4:33

Ci lukwena giloko ki tek kom nitito megi pi nyiŋ Rwot Yecu: ci gibedo ducu ki kica madwoŋ.

NGUT

Tic pa Lukwena 3:19

Iyo wuŋut wuloke, wek ginabala mewu gijwa woko, wek nino me niywe obin ma a i nyim Rwot.

Tic pa Lukwena 17:30

Kumeno Lubaŋa i kare me nikwiya man, ceŋ pe oneno kany; ento koni doŋ ociko dano ducu ka ma tye, niŋut.

Luka 13:3

Awacowu niya, Pe kumeno: ento ka pe wuŋut, wubito ducu kit meno.

Luka 15:7

Awacowu niya, Cwinygi biyom kumeno i polo pi labalo aeel ma oŋut, nikato jo mupore pyeraboŋwen wiye aboŋwen ma pe mito ŋut.

Matayo 3:2

Kun waco niya, Wuŋut pi en ker me polo onyiko cok.

2 Lukolinti 7:10

Pien nikumo bot Lubaŋa kelo niŋut me nilaro, niŋut ma pe nikumo tye iye: ento nikumo ma wi lobo kelo nito.

Tic pa Lukwena 2:38

Ci Petero owacogi niya, Wuŋut, gibatijawu wun ducu i nyiŋ Yecu Kricito me nikwanyo ginabala mewu; ci wubilimo mot me Cwiny Maleŋ.

NIWEKO GIN ABALA

Tic Pa Lukwena 13:38

Kumeno utmego wuŋe niya, Laco man, pire aye gitito nikwanyo me ginabala.

Luka 24:47

Gituc nyiŋe ki lurok ducu giŋuti ki nikwanyo ginabala, nicako i Jerucalem.

Tic pa Lukwena 5:31

En bene Lubaŋa otiŋe malo ki bad malacuc nibedo laker ki lalar, nimiyo ki Icarel niŋut ki nikwanyo ginabala.

Niyabo 3:20

Nen, acuŋ i dogola, kun adwoŋo, ka dano muwinyo dwana, ci oyabo dogola, abidonyo bote, abicamo bote, ki en bene kacel kweda.

Matayo 6:14

Pi en ka wuweko ginabala pa dano, Wonwu ma tye i polo bene biweko ginabala mewu.

Lakana 8:11

En owaco niya, Pe tye ŋat mo, Rwot. Yecu owaco ne niya, An bene pe aŋolo kop niloyi: citi, pe dok icibal.

Marako 2:5

Yecu ka oneno niye megi, owaco ki lagoro niya, Latinna ginabala meri giweko woko.

WEK KIT LOBO

Lukolocai 3:2

Wupar kom jami ducu ma tye malo, pe kom jami ma tye wi lobo.

Tito 2:11, 12

Pien kica pa Lubaŋa onen; kun kelo bot dano ducu nilaro, kun pwonyowa niya, wawek gin marac ki niparo me lobo, wek wabedu jo ma kwo i nino man koni i nigwoke ki nipore ki nilworo Lubaŋa.

Lakobo 4:4

Wun co abor ki mon abor, pe wuŋeyo mer me lobo en kwor bot Lubaŋa? Iyo ŋat mo ma mito bedo lamer me lobo, odoko lakwor pa Lubaŋa.

1 Lakana 2:15, 16

Gwok wumar lobo, kadi jami ma tye iye. Ka ŋato omaro lobo, nimaro pa Lubaŋa pe tye i adunone. Pien jami ducu ma tye i lobo, niparo me kom, niparo me waŋ, ki deyo ki niwake me kwo man, mego ducu pe oa bot Won, ento oa i kom lobo.

Luepeco 5:11

Dok bene gwok wuribe kacel ki tic me piny macol ma pe nyak, ento twora wujuki.

2 Temeceo 4:10

Pien Dema pi nimito me lobo oweka woko doŋ, ocito Tecalonika; Kricuke ocito mere Galatiya, Tito owoto Dalmatiya.

ANYWALI MANYEN

Lakana 10:10

Lakwo pe bino pi gin mo, ento kakwo, ki kaneko, ki katyeko: an abino wek gibed ki kwo, gibed kwede madwoŋ.

Lakana 3:3

Yecu odok ye owaco ne niya, Adada, awaconi niya, Dano ka pe ginywale mearyo, twero ko nineno ker pa Lubaŋa.

2 Lukolinti 5:17

Dano ducu ma obedo i Kricito, en bedo ginaketa manyen: gin macon noŋo doŋ otum woko gin odoko manyen.

1 Lukolinti 6:11

Iyo, jo mogo i kinwu ceŋ tye calo meno: ento doŋ wulwoke, ento wulony, ento gimiyowu ni pore i nyiŋ Rwot Yecu Kricito ki pi Cwiny pa Lubaŋawa.

1 Lakana 2:29

Ka wuŋeyo En mupore wuŋeyo bene niya, ŋato ma tiyo mupore en latin mere.

1 Lakana 5:18

Waŋeyo niya, dano ma bedo latin ma Lubaŋa onywale pe balo, ento en ma Lubaŋa onywale en ogwoke, larac owek gudo kome.

1 Petero 1:23

Ginywalowu tyen me aryo, pe ki kodi ma top woko ento ki kodi ma pe top, pi lok pa Lubaŋa makwo, ma bedo nino ducu.

TO I BAL - CER I KRICITO

1 Petero 2:24

En kikome otiŋo ginabala mewa i kome kom yat, wan macalo wato kom ginabala, wek wabed kwo kom mupore ducu; kom goc mere wacaŋ iye.

Luepeco 2:1 ka 6

Ki wun bene en ocerowu ka ceŋ wutye jo muto i ginabala ki gin marac ... ceŋ ocerowa kacel kwede, ci oketowa i (kabedo) kacel ma tye wi polo, i Kricito Yecu.

Lukolocai 3:13

Ka ceŋ gicerowa kacel ki Kricito, ci wuyeny gin ducu ma tye malo, ka Kricito obedo iye kom bad malacuc pa Lubaŋa. Wupar kom jami ducu ma tye malo, pe kom jami ma tye wi lobo. Pi en ceŋ wuto, kwo mewu bene gikano kacel ki Kricito i Lubaŋa.

Luroma 6:2 ka 11

Wan ma ceŋ wato i gin marac, wabikwo niŋniŋ naka i gin marac? ... Wuparo bene kenwu nibedo jo muto kom gin marac, ento jo makwo bot Lubaŋa i Kricito Yecu.

Lugalatiya 5:24

Ki jo bene ma gin pa Kricito Yecu giguro komgi kom yataria, kacel ki nimito ki niparo.

KWO MALABED-NAKA

Lugalatiya 6:8

Pien ma coyo i kome, obikayo pi kom nitop; ento ma coyo i Cwiny, obikayo kwo ma pe otum pi Cwiny.

Lakana 3:36

Dano ma ye Wod tye ki kwo ma pe tum, doki ŋat ma pe ye Wod pe bineno kwo, ento kiniga pa Lubaŋa obedo i kome.

Lakana 5:24

Adada, awacowu niya, Ŋat ma winyo lok mera, ki ma ye en ma con oora, tye ki kwo ma pe tum, pe doŋ gibiŋolone kop, ento okato nia i to nio i kwo.

Luroma 6:23

Pien bakacic me gin marac en nito; ento mot me kica pa Lubaŋa en kwo ma pe tum i Kricito Yecu Rwotwa.

Lakana 3:14, 15

Doki macalo Muca con oŋabo twol malo i tim, Wod pa dano myero bene giŋabe malo kameno, wek dano ducu ma ye en owek to ento obed ki kwo ma pe tum.

Lakana 17:3

Man en kwo ma pe tum, wek giŋe in Lubaŋa acel keni meada, ki Yecu Kricito, macon ioro.

NIANGO NILARE

Lugalatiya 4:6

Pi en wun bene pi nibedo kitino, Lubaŋa ocwalo Cwiny Wode i aduno mewa, kun kok niya, Aba, Won.

Lakana 14:21

Ŋat matye ki cik mera, ma omakogi, en aye mara: ma mara, Abana obimare, an bene abimare, abinyute bote.

1 Lakana 3:18, 19, ka 24

Litino ma amaro, wuwek nimaro ki lok wa ki dogwa nono ento ki gin ma watiyo wa ki ada. Kom lok man wabiŋeyo niya watye me ada, kun pe wabedo ki lworo i adunowa i nyime. En ma mako cik mere obedo i Lubaŋa, doki Lubaŋa obedo i en. Kitmeno, waŋeyo En obedo i iwa, pi Cwiny ma doŋ omiyowa.

1 Lakana 2:3

Ento kom lok man waŋeyo niya, waŋiye, ka wamako cik mere.

Luroma 8:16

En Cwiny kikome kacel ki cwinywa tito niya, Wan litino pa Lubaŋa.

1 Lakana 4:13

Kit meno, waŋeyo wabedo i En, doki, En bene i iwa, pien omiyowa kom Cwiny mere.

KRICITO MA NIYE MIYO YOM CWINY

Luroma 14:17

Pien ker pa Lubaŋa pe tye ginacama, nyo ginamata, ento nipore, ki nikuc, i yom cwiny i Cwiny Maleŋ.

Lugalatiya 2:20

Ceŋ gigura kacel ki Kricito; ento pud akwo, ento pe an kena, ento Kricito kwo i an; kwo bene ma atye kwede i kom, atye kwede i niye ma tye i Kricito, Wod pa Lubaŋa, ma omara, ma con omine kene pira.

Lakana 16:22 ka 24

Wun bene koni wutye ki nikumo: ento abinenowu doki, ci cwinywu biyom, niyom cwiny mewu pe tye ŋati mo ma bikwanye botwu. ... Nia wa con pe wulego gin mo i nyiŋa: wulegi, gibimiyowu, wek yom cwiny mewu opoŋ.

1 Petero 1:8

Kadi koni pe wunene wumare; kadi pe wunene wugene, wubedo ki niyom cwiny madwoŋ twatwal ma kato nilokone.

Lakana 15:11

Lok man aloko ni wun, yom cwinya obed i iwu, yom cwinywu opoŋ.

Lakana 17:13

Koni doŋ abino boti; man aloko i lobo, wek gibed ki niyom cwiny mera opoŋ i igi.

WORO MITE BOT RWOT

Lupilipi 2:8

Ka ginoŋe ki cal pa dano, obedo mwol en kene, oye gire nio wa kom to, en aye nito kom yatariya.

Luroma 2:13

Pien jo ma winyo cik awinya, pe gin mupore i nyim Lubaŋa, ento jo ma tiyo cik gibilwoŋogi mupore.

2 Lutecalonika 1:79

Ki doki wun ma neno can wuywe ka acel kwedwa, ka nibino pa Rwot nia wi polo kacel ki lumaraika matek biyabe, ci i leb mac malyel, giculo kwor kom jo ma pe geyo Lubaŋa, ki kom jo ma pe winyo jiri pa Rwotwa Yecu: gin aye gibineno can, en nineko me nino ducu nia i nyim Rwot ki i deyo me tek mere.

Luroma 6:16

Pe wugeyo niya, bot en ma wumine kenwu macalo lamiru niwinye, wun lumiru mere ma wuwinye; kono gin marac bot to, nyo niwinyo bot nipore?

Niyabo 22:14

Gitye ki gum jo ma gilwoko boŋo megi wek ginoŋ nitwero me bino kom yat me kwo, wek giwok bene ki doggaŋ nidonyo i gaŋ.

NGUT BOT (KUNO BAL) BOT KRICITO MITE

1 Lakana 4:2

Wuŋe Cwiny pa Lubaŋa koni lok man niya, Cwiny ducu ma tucu niya, Yecu Kricito obino macalo dano, oa bot Lubaŋa.

Lupilipi 2:11

Lepgu duc myero otuc ni meno Yecu Kricito aye Rwot, wek deyo obed bot Lubaŋa Won.

1 Lakana 2:23

Ŋato ma kwero Wod, pe tye ki Won, ŋato ma ye Wod tye ki Won.

Matayo 10:32, 33

Dano ducu ma bitucu nyiŋa i nyim dano, an bene abitucu nyiŋe i nyim Abana ma tye i polo. Dano ducu ma bikwera i nyim dano, an bene abikwere i nyim Abana ma tye i polo.

Luroma 10:9, 10

Niya, Ka ibiye ki dogi Yecu en aye Rwot, ki niye i aduno meri niya, Lubaŋa ocere i ji muto, ci ibilare: pien ki aduno dano ye nio kom nipore; ki dog bene aye tuco bot nilare.

Luka 9:26

Pien dano ducu ma lewic bimake koma ki lok mera, en bene Wod pa dano lewic bimake kome, en ka obibino i deyo mere kene ki pa Wonne ki pa lumaraika mupore.

CATAN ADUI WA MADIT

2 Lukolinti 2:11

Catan owek loyowa; pien pe watye macalo jo ma pe ŋeyo dubane.

1 Petero 5:8

Wugwoke, wuki, lakwor mewu Catan owire macalo labwor, kun yenyo ma omito mwodo.

Lakana 2:7

Yecu owaco ni gin niya, Wuony pi i dak magi gupoŋ. Ci gionyo opoŋ wa i doggi.

Matayo 4:1 ka 10, 11

Ci Cwiny otero Yecu i tim wek Catan oom iye. ... Yecu owacone niya, Nyik iciti Catan: pi en con gicoyo niya, Iguŋ iwor Rwot Lubaŋani, iti ki en keken. Catan oweke; nen, lumaraika gibino gikonye.

Tic pa Lukwena 26:18

Niyabo waŋgi, gia i piny macol nidok bot ceŋ, ka doki nikobogi woko i tek pa Catan nidok bot Lubaŋa, wek ginoŋ ka kwanyo ginabala, ki nileyo i kin jo mulony pi niye An.

Luepeco 6:11

Wuruk jami ducu me lweny pa Lubaŋa, wek wutwer nicuŋo i roro pa Catan.

2 Lutecalonika 2:9

En aye en, ma bino mere lubo te tic pa Catan ki nitwero ki ginanena ki taŋo me goba.

LOC IWI CATAN

Lueburaniya 2:14

Pien litino macalo giribo kom ki remo, ki en bene oribo kameno; pi nito wek ota Catan ma yam tye ki tek me to.

2 Lutecalonika 2:8

Ci en ma labwami gibiyabe bote, en ma Rwot Yecu bineko ki yweyo doge, ci obityeko ki ryeny me nibinone.

2 Lukolinti 10:4

(Pien jami ma lwenyo lweny mewa pe me kom, ento me tek bot Lubaŋa me nitoro gogo).

Lakobo 4:7, 8a

Iyo wumine kenwu bot Lubaŋa; ento wulweny ki Catan, ci obirigowu bene. Wunyik cok bot Lubaŋa, en bene obinyiko cok botwu. ...

1 Lakana 3:8

En mabalo nakanaka, en latin pa Catan, pien Catan obedo labalo wa naka yam con. Mumiyo Wod pa Lubaŋa onen, wek tic pa Catan ogonye.

Luroma 8:35 ka 37

Aŋa ma bipokowa ki nimaro pa Kricito? can, kono nyo nikumo, nyo ayelayela, nyo kec, nyo bedo manero, nyo gin marac, kono nyo pala? ... Ento i lok meno ducu watayo woko ki makato pi en macon omarowa.

MAR, AYE POR PA LAKWENA

1 Lakana 3:14

Waŋeyo waa i kom to watyeko nidonyo i kom kwo pien wamaro luwotwa. En ma pe maro lawote obedo i to.

1 Lakana 5:3

Nimaro bot Lubaŋa en niwinyo cik mere, cik mere bene pe pek.

Lugalatiya 5:22, 23a

Ento nyig me Cwiny gin ene: nimaro, yom cwiny, nikuc, diyo cwiny, kica, ber, nigeno, mwolo, nigwoke. ...

Lakana 13:35

Pi man dano ducu gibigeyo ni wun lupwonye mera, ka wutye ki nimaro ŋat man ki lawote.

Lakana 21:16

Owace doki tyen mearyo niya, Cimon, latin pa Lakana, in imara? Owaco ne niya, Iyo, Rwot; in iŋeyo an amari. Owaco ne niya, Kwa romi mera.

1 Lukolinti 13:1

KA aloko ki leb pa dano ki pa lumaraika, ento pe atye ki nimaro, ci aloke ogul ma kok, gara ma kok maloŋo.

1 Lakana 4:20

Ka ŋato waco niya, Amaro Lubaŋa kun kwero ominne, en lagoba, pien en ma pe maro omine ma oneno, pe twero nimaro Lubaŋa ma pe oneno.

CER PA YECU KRICITO

Luroma 4:25

Ma ceŋ gimiye pi bal mewa, ma ocer pi nimiyowa nipore.

Tic pa Lukwena 10:39-41

Wan bene watye caden mere me lok ducu niweŋ ma con otiyo i lobo me Judaya ki i Jerucalem, ma ceŋ gineke, kun giŋabe kom yatariya. En ma Lubaŋa ocero kom nino me adek, ka dok onyute ka maleŋ, ento pe i kin dano ducu, ento bot caden ma Lubaŋa okwanyogi con, gin aye wan, ma wacamo kwede ka dok wamato kacel kwede, ma doŋ ocer i jo muto.

Lakana 20: 26-28

Lacen ka nino okato aboro ma lupwonye dok gitye i ot, onoŋo Tomaci bene tye kwedgi. Yecu obino, kun giciko kika, ocuŋ i dyere, owaco niya, Kuc obed komwu. Ci owaco ki Tomaci niya, Cwal ciŋi kany, inen ciŋa; kel ciŋi iket i laŋeta: iwek bedo ma pe ye, ento maye. Tomaci odok ye owaco ne niya, Ini Rwoda ki Lubaŋana.

Marako 16:9

Ka ocer, odiko con i nino meati me nino abiro, okwoŋo ninyute bot Maliam Lamagadalene, ma ceŋ oryamo ceŋ i kpme abiro.

CER, AYE GEN MA WA MADA

Luroma 1:4

Ma ceŋ gitito pire nibedo Wod pa Lubaŋa i tek, macalo i cwiny me nipore, pi nicer pa jo muto; Yecu Kricito Rwotwa.

Luroma 6:35

Nyo pe waŋeyo niya, Wan ducu ma gibatijawa nidonyo i Yecu Kricito, gibatijawa nidonyo i to mere? Giyikowa kacel kwede i nibatija nidonyo i to: iyo macalo Kricito gicero nia i jo muto pi deyo pa Won, wan bene wawoto kumeno i kwo manyen. Pien ka doŋ giribowa kacel i cal me to mere, wabiribe bene ki i cal me nicer mere.

Matayo 16:21

I kare meno Yecu okwoŋe ninyuto ki lupwony mere niya, myerone nicito Jerucalem, ludito ki ajwagi ludito, ki lucoc niyele ki nineke, ki nicer dok woko kom nino me adek.

Lakana 5:25 ka 28, 29

Adada awaepwu niya, Kare obeda bino, doŋ oo, ka ji muto gibiwinyo dwan pa Wod pa Lubaŋa, ci gin ma giwinyo gibikwo. ... Gwok waŋur pi man, pien kare obeda bino, ma ji ma i lyel ducu gibiwinyo ye dwane, ci gibikati woko, jo ma ceŋ gitiyo marac, i nicer me kop.

LENGO BOT RWOT

2 Temeceo 2:15

Cuke ninyute kun Lubaŋa pwoyi, latic ma lewic pe mako, otera kakare lok me ada.

Luka 1:74, 75

Nimiyowa ka gilarowa i ciŋ lukwor mewa, Wek watine kun pe walworo gin mo, Kun wapore ki waleŋ i nyime nino mewa ducu.

2 Lukolinti 7:1

Iyo, ka wutye ki gin ma en ociko meno, utmego, walwoke i gin marac ducu me kom, ki me cwiny, kun wao i kom nipore i nilworo Lubaŋa.

2 Temeceo 2:21

Mumiyo ŋati ka oyube kene i lok man, bibedo atabu me deyo ma gilonyo, ma myero ki ladite nitiyo kwede, ma giyubu ki kit tic ducu maber.

1 Petero 1:2

Lubaŋa Won ma ŋeyo ducu i nyim, okwanyogi, olonyogi pi Cwiny, wek giwiny, gikire ki remo pa Yecu Kricito: Kica ki kuc omede botwu.

1 Petero 1:15

Ento macalo En ma lwoŋowu obedo mupore, wun bene wubed mupore i kit mewu ducu.

LENGO BOT RWOT

Lueburaniya 12:14

Wulub kuc keken bot jo ducu, ki nipore, ka lok meno pe, pe tye ŋati ma bineno Rwot.

Lueburaniya 13:12

Omiyo Yecu bene orem woko ki ŋe dog gaŋ, wek olony dano ki remone kikome.

Luepeco 4:24

Ki niruko dano manyen ma Lubaŋa muketo i niporo ki nilonyo me atika.

Matayo, 3:11

An abatijawu 1 pi nidonyo i niŋut: ento ma bino ŋeya kata ki tek, pe amyero bene ka mako ware: en bibatijawu ki Cwiny Maleŋ ki mac.

1 Lakana 1:9

Ka watuco ginabalawa, En lagen ki me ada niwekowa ginabalawa, ki nilonyowa i kom gin marac ducu.

Luepeco 1:4

Ma calo ceŋ okwanyowa i en kun lobo ducu pud pe, wek wan wabed mupore, ma pe watye ki kop i nyime i nimaro.

2 Petero 3:11

Ci ka gin meno gibitum kitmeno, myerowu wubed niŋniŋ i kite mupnore ki niworo Lubaŋa.

COO MA OPOŊ KI CWINY

Tic Pa Lukwena 11:24

Pi en ceŋ dano maber, mupoŋ ki Cwiny Maleŋ ki niye bene: ci lwak dano mapol gimede bot Rwot.

Tic Pa Lukwena 13:52

Lupwonye gipoŋ ki niyom cwiny ki Cwiny Maleŋ.

Luroma 8:9

Ento wun pe wutye i kom, ento i cwiny, ka Cwiny pa Lubaŋa obed i iwu. Ento ka ŋati pe tye ki Cwiny pa Kricito, en bene pe mere.

Luka 11:13

Ka wun kono jo maraco, ??? beco, Wonwu ma tye i polo pe bikato mada nimiyo Cwiny Maleŋ ki jo ma lege?

Tic Pa Lukwena 7:55

Ento kun ceŋ opoŋ Cwiny Maleŋ, ociko waŋe i polo ci oneno deyo pa Lubaŋa ki Yecu kun ocuŋ kom bad malacuc pa Lubaŋa.

Tic Pa Lukwena 4:31

Ka gityeko nilego, kabedo ma gibedo iye oyeŋe, ci ducu gipoŋ Cwiny Maleŋ, gitito lok pa Lubaŋa ki gero.

Tic Pa Lukwena 1:8a

Ento gibimiyowu tek ka Cwiny Maleŋ obibino komwu: wun ???

GIN AGIKA MADA BOT LOKRICITO

Matayo 28:20b

... dok bene nen, Atye kwedwu nino ducu, nio i agiki me lobo ducu.

Marako 9:23

Yecu owace niya, Ka itwero niye, jami ducu twere bot ŋat ma ye.

Matayo 6:33

Ento koŋ wukwoŋ niyenyo ker mere, ki nipore mere; ci meno ducu gibimedo botwu.

Niyabo 21:4

Ki en obijwayo bene pig waŋgi ducu woko kom waŋgi; ci to doŋ bibedo pe, kadi nikoko me wero lyel bene bibedo pe, kadi koko nono, kadi nirem bibedo pe, pien jami macon doŋ gitum woko.

1 Petero 4:12, 13

Lurema, pe wuŋur kom ayela mager ma tye i komwu, mabino ka porowu, niya man gin aŋo matimowu kuman. Ento macalo wuribe i ayela pa Kricito cwinywu obed yom, ka deyo mere binen wek wubed ki niyom cwiny madwoŋ twatwal.

Lueburaniya 12:7

Wudi cwinywu pi nijuyu; Lubaŋa timowu macalo litino ento latin mene ma wonne pe juyu?

GIN ACIKA BOT LAPOR

Lueburaniya 2:18

Pien i enu en kikome ceŋ orem mada kun giomo iye, mumiyo en twero nikonyo jo ma giomo igi.

Luroma 16:20

Lubaŋa bene me nikwe obiodo Catan piny te tyenwu oyotoyot.

2 Lukolinti 4:17

Pi en niyele ayela mewa pe pek, me kare manok mede ameda nitimowa deyo mapek me nino ma pe tum.

1 Lukolinti 10:13

Pe tye ye nibwolo ma makowu ma kato tek mewu, ento Lubaŋa lagen, ma pe wekowu i kom bwol nikato ma wun wutwero; ento kacel ki nibwolo dok ebinoŋo ye yo me riŋo, wek wutwer nidiyo cwiny.

Lakobo 1:12

Tye ki gum dano ma diyo cwinye i niomo cwinye: pien ka doŋ gityeko niporo en, ci obilimo lalukana me kwo, ma Rwot con ociko nimiyo ki gin ma mare.

Luroma 8:28

Waŋeyo bene niya, jami ducu tiyo kacel nikelo ber bot jo ma maro Lubaŋa, gin jo ma gilwoŋo macalo niporo mere.

Lueburaniya 2:18

Pien i enu en kikome ceŋ orem mada kun giomo iye, mumiyo en twero nikonyo jo ma giomo igi.

GIN ACIKA BOT LOLOC

Niyabo 3:5

En maloyo gibiruke ki ginaruka matar; bene pe abijwayo nyiŋe woko i waraga me kwo, ento abituco nyiŋe i nyim Wora ki i nyim lumaraika mere.

Niyabo 2:26

En maloyo, ki ma gwoko tic mera nio ka ogik, en abimiyone tek kom rok ducu.

Niyabo 3:12

En ma loyo, abikete wir i yekalu pa Lubaŋa mera, ci doŋ pe obikato woko; bene abicoyo kome nyiŋ pa Lubaŋa mera, ki nyiŋ me gaŋ pa Lubaŋa mera, en Jerucalem manyen, ma lor piny nia i polo kun oa bot Lubaŋa mera: ci bene abicoyo i kome nyiŋa manyen.

Niyabo 21:7

Ŋat mutayo obileyo jami man, an bene abibedo Lubaŋa mere, ki en bene obibedo latin mera.

Niyabo 2:7

En matye ki it owiny lok ma Cwiny waco bot kanica; En ma loyo abimiye nicamo kom yat me kwo ma tye i dye paradic pa Lubaŋa.

Niyabo 3:21

En ma loyo, abimiye nibedo piny kweda wi kom me ker mera, macalo an bene aloyo, ci abedo kacel ki Wora i komker mere.

LUBAŊA LOKO BOTWA IKOM POK (LAKO/DAKO)

Luka 16:18

Dano ducu ma biryemo dakone, ce onyomo mukene, en otimo abor; ki en bene ma nyomo ŋat ma cware oryemo en bene otino abor.

1 Lukolinti 7:10, 11 ka 39

Ento jo mutyeko nyome doŋ acikowu, ci pe an ento Rwotwa niya, Dako pe oa woko bot cware (ento ka oweko cware, obed doŋ kit meno ma pe ginyome, kono gumer ki cware); laco pe owek dakone. ... Dako gitweye ki cware kare ma noŋo cware pud kwo; ento ka cware doŋ oto woko, ci doŋ nono, ŋat ma en mito onyom; ento i Rwotwa aye.

Luroma 7:2, 3

Pien dako mugero cware twene ki cik kun cware pud kwo; ento ka cware oto woko, doŋ gigonye woko i cik pa cware. Iyo ka cware pud kwo, ce oribe ki ŋat mukene, gibilwoŋo niya latim abor: ento ka cware oto woko, doŋ gigonye woko i cik, pe doŋ latim abor, kadi ribe ki laco mukene.

Matayo 5:32

Ento an awacowu niya, ŋati mo ducu ma ryemo dakone kono pi lok me abor oloke lacacar: ento ma nyomo dako ma giryemo en bene otimo abor.

Matayo 24:27

Macalo niwil me lukot a wok ceŋ nio poto ceŋ kun nen; bibedo kameno inino me nibino pa Wod pa dano.

Niyabo 3:11

Nen, abino oyot, mak matek ma itye kwede, wek ŋati pe oter lalukana meri.

Marako 8:38

Ento dano ducu ma lewic make pira ki pi lok mera i nino man me kwele ki me bal, Wod pa dano bene lewic bimake i kome, ka bibino i deyo pa Wonne ki lumaraika maleŋ.

Lakobo 5:8

Wun bene kumeno wudi cwinywu, wumok adunowu: pien nibino pa Rwot tye cok.

Matayo 24:30

Ginanena pa Wod pa dano binen kit meno i polo: ki kaka ducu me lobo gibikok, gibineno Wod pa dano kun obino ki pol me polo ki tek kacel ki deyo madwoŋ.

Lakana 14:3

Ka acito ayubo ni wun kabedo, dok abidwogo, ka omowu bota; an kama abedo ye, wun bene wubed ye.

Matayo 16:27

Pi en Wod pa dano bibino i deyo pa Abane ki lumaraika mere; ka doŋ cako miyo bakacic pa ŋat man macalo kit tic pa ŋati ma ceŋ otiyo.

1 Lakana 3:2

Lurema, koni wabedo litino pa Lubaŋa, ento macalo wabibedo pe ŋene. Ento waŋeyo ka Kricito binen doki wabibedo macalo En, pien wabinene macalo En tye.

Tic Pa Lukwena 1:11

Ma giloko niya, Wun dano Lugalilaya, piŋo wucuŋo kun wuneno i polo? En Yecu, ma gikwanye i kinwu nitere i polo, obidwogo kumeno macalo wunene kun cito i polo.

Niyabo 16:15

(Nen, abino macalo lakwo. Tye ki gum en ma kiyo ki nigwoko ginarukane, wek pe owot munero, miyo keto lewic i nyim dano.)

Luka 12:40

Wun bene wubed kun wuyube: pien Wod pa dano bibino i ca ma pe wuparo iye pire.

Luka 21:27

Ci gibineno Wod pa dano kun bino i pol ki tek ki deyo madwoŋ.

DWAN PA LUBAŊA

Luka 21:33

Polo ki lobo bitum; ento lok mera pe bitum.

1 Petero 1:23

Ginywalowu tyen me aryo, pe ki kodi ma top woko ento ki kodi ma pe top, pi lok pa Lubaŋa makwo, ma bedo nino ducu.

Matayo 22:29

Ento Yecu odok iye owacigi niya, Wurwenyo pi pe niŋeyo gin acoya, kadi twer pa Lubaŋa.

2 Petero 1:21

Pien pe tye lok mo pa lunebi ma ceŋ bino pi nimito pa dano: ento dano giloko lok mua bot Lubaŋa kun Cwiny Maleŋ tye komgi.

Lakana 6:63

Cwiny en aye miyo kwo; kom pe twero gin mo: lok ma aloko botwu gin cwiny, dok gin aye kwo.

Lueburaniya 4:12

Pien lok pa Lubaŋa kwo, dok tiyo bene, doki bit makato pala lucwan mabit ryoryo, tucu pil ci poko kwo ki cwiny; mwot ki mo ma i cogo, doki piyo nipoko nitamo ki niparo me cwiny.

2 Temeceo 3:16

Ginacoya ducu tye ki nitelo pa Lubaŋa, dok bene konyo pi nipwonyo, pi nijuko, pi nitiro atir, pi nitito ma tye i nipore.