Boosi bakhola bubwoni mala babombelelwa neluyali lwa Wele. Fwesi khuli banga kamakhese khwatiba; khwalonda buli mundu khungila yewe. Lialakwa khubandu khufwa lulala lwongene ne enyuma we lifwa likhalaka. Kumurungo kwobubwoni kuli lifwa. Omundu nakhebulwa khabili ta sanyala khubona bubwami bwa Wele tawe. Esio sisiebulwa khukhwamana ne kumubili siekumublili, ne esio sisiebulwa khukhwamana khu roho sia roho. Elio engila elolekha enungi ebweni womundu, ne khane mukhumalilikha khwayo chili chingila chielifwa. Omundu sanyala khulungikha khubela bikholwa biakamalaka ta. Khusisa sia Wele mwahonibwa khubilila mwisubila; sibuli khubulayi bwenywe ta, nekakhali sihanwa sia Wele; sekili kimilimo kimilayi tawe, lusi omundu akhakholwa ario kefumia tawe. Yesu kaloma ari, Ese nise engila, nebulamu, nebungali, omundu sanyala kachia waPapa nakhabirire khwise tawe. Buhonia sibunyolekha mukundi tawe, khubela selilio lisina lilindi musibala liliahebwa babandu khuhonibwa khubirira munilio tawe. Wele sikakhubumbila efwe lirima ta, nekakhali bali khunyole buhonia khubirira khu Owami Yesu Kristo owakhufwila. Sikila Wele kasima sibala lukali, mala karusia Omwana wewe omutelwa, mala oyoyo omusubilamo alekhe khutiba ta nekakhali anyole bulamu bwekimiaka namindali. Omwami kamutwukha niye kamabi kefwe koosi. Kristo kafwila kamabi kefwe lulala lwongene, oyo omulungi kafwila bakhali balungi, nio akhurere efwe khu Wele. Sihanwa sia Wele buli bulamu bwekimiaka namindali, khubirira mu Yesu Kristo Omwani wefwe. Niye anyala khubahonia elala abo babecha khu Wele khubirira khuniye nga niye amenyangao khubasalila. Niye anyala khukhulinda mala walekha khukwata, ne kakhuyila ebweni weluyali lwewe nga okhalikho nelikoso liosi liosi ta nebusangafu bwosi. Kaba bali niye omwene kanyakhana nakhakwa, nekhwako yesi anyala khusabila obo bakhakwa. Omundu yesi oli mu Kristo ali silonge siya. Biakhale biabirire, lola biosi biekelile biya. Luno luri Wele alikho alakilisia, babandu boosi buli abundu khukhwekanila. Subila khu Mwami Yesu Kristo ne olahonibwa, ewe nende bemunju mwoo boosi. Niba mbo khwekanila kamabi kefwe, niye ali omweyikinwa lundi omulungi khukhubeela efwe kamabi kefwe, nekhukhusinga fwesi khukhwama mubumayanu bwoosi. Niba mbo weyama Yesu Kristo ne kumunwa kwoo nekhusubila mumwoyo kwoo, oli Wele kamwinyosia mubafu, olahonibwa. Khubeela omundu asubilanga mumwoyo nanyoola bulungi, ne kumunwa kwewe keyama nanyoola buhonia.
