1

1 Dibongwĕ a wu pĕ ditatyiki, diŏ Dibongwĕ a wu na Anyambiĕ, diŏ Dibongwĕ a wu Anyambiĕ. 2 Yĕmĕtĕ yĕ wu na Anyambiĕ pĕ ditatyiki. 3 Yĕ mikâmi bilombi biĕshĕ, dio na tyi yĕ kâ alombi jĕshĕ yi tyi mibĕ, yi mishi kâmiĕ. 4 Thaki' tha wu nĕi; diŏ thaki' thatĭ thŏ bithânh bi botyi. 5 Diŏ bithânh bi panya pĕ divityiki, diŏ divityiki do biŏ shinhliĕ. 6 Mutyi a wuthĕ, ngwa Anyambiĕ a milomi; dina diei na, Jŏn. 7 Mutyi tĭ a minzhĭ pĕ nvesha, na a veshi' botyi Bithânh, na bâ beshĕ ba mĕli' na gwana gwĕi. 8 Ayĕmĕ a tyi wu Bithânh bitĭ, nji a milomiĕ na a veshi' pĕ mbŏ wu Bithânh. 9 Bithânh bi mbombo biŏ yĕ, ngwa nzhakamĕ pĕ pĕnzhe nyi, na dithânhshĕ mutyi jeshĕ. 10 A wu woni pĕnzhe nyi, diŏ yĕ mikâmi pĕnzhe nyi, diŏ pĕnzhe nyŏ do yĕ veka. 11 A minzhĭ pĕ mbŏimĕtĕ ba thĭ, diŏ ba tyi minânh yĕ. 12 Nji ntangi wu minânh yĕ, a mivĕ bâ nguldi nya dibĕ bana bambi Anyambiĕ, bâ ba mibunli dina diĕi; 13 Bâ ba mibialiĕ ana na makitha, do na ndiŋwa wu nshoni, do na ndiŋwa wu botyi nji na Anyambiĕ. 14 Diŏ Dibongwĕ a mivitya nshoni, na didi nashi na ma' mabĕnh na mbombo bĕni; diŏ beshĕ ba mijĕ' nĕnia gwĕi, ntyinh mbo nĕnia wu miana ngwadikika dimbi Anyambiĕ. 15 Jŏn a miveshi pĕ mbŏ gwĕi, Ba dilubila thobĕ na, Yĕ wâ ngwa mĕ mibonhthĭ na, Yĕ ngwa thĭ mĕ bâmbâ a wu pĕ boshi biami, na diambilindĭ ye mibonji bĕ na mĕ. 16 Diŏ beshĕ bĕshĕ ba nânhmĕ pĕ dibuthĕ diĕi, mabĕnh na mabĕnh. 17 Nadiambilindĭ nthali Mosĕs a mivĕ gwŏ, nji ma' mabĕnh na mbombo bi minzhĭ na Jisu Kraisi. 18 Shi na mutyi ngwa jĕkamĕ Anyambiĕ na peli; Miana ngwa dikika, ngwa thĭ pĕ tothĭ nya Shaŋwĕ, yĕ mithathi botyi yĕ. 19 Diŏ nthaka wumbi Jŏn wŏ wu, mia Baju ba milomi baminisĕ na Balivait na diwu' pĕ Jiruselĕm, na ba piki yĕ na, Wĕ nzha? 20 Diŏ yĕ mimĕmi, yĕ do shâshĕ, nji a mimĕmi na; Ana mĕ pĕ Krais. 21 Diŏ ba mipi' yĕ na, Na pĕ? Wĕ Ilaias? Diŏ yĕ mikâ na, Ana mĕ pĕ yĕ. Ana wĕ pĕ nshâ' tĭ? Diŏ yĕ mibulishi na, Bia. 22 Diŏ ba mikâ yĕ na, Nji wĕ nzha? na, beshĕ ba thaki' bâ ba milomi beshĕ. Wĕ kâ pĕ mbŏ gwâ na? 23 A mikâ na, Mĕ dlioi di mutyi ngwa thĭ lânh pĕ thakombi na Limbikwa' nzhetha nyambi Anyambiĕ! mbo ngwanshâ' Aisaia a mikâthi. 24 Diŏ bâ ba milomiĕ ba wu ba Bafaraisi. 25 Diŏ ba mipi' yĕ, na dikâ yĕ na; Ndĭ wĕ baptaiza, na wĕ shi Krais mĕtĕ, do Ilaias, do ngwanshâ' tĭ? 26 Jŏn a mibulishi bâ na; Mĕ baptaiza na madiba; nji mutyi a tĕli pĕ tĕma nyani, ngwa be sha beka; 27 Yĕ wâ ngwa thĭ mĕ bâmbâ, a wu nji pĕ boshi biami; ngwa mĕ shi na nyanga nya dityinhtha nshiya wu ntyotyi gwĕi. 28 Bilombi bi bi mibĕ pĕ Bĕthani pĕ biatyi bini bi Jŏrdan, va Jŏn a mibĕ a bĕ baptaiza botyi. 29 Bia lĕnjĕ diŏ Jŏn a mijĕ' Jisu a bĕ nzha pĕ yĕ thĭ, diŏ a mikâ na; Shanga' Alĕkĕ yindâmâ' yimbi Anyambiĕ yi ponha bibe bi pĕnzhe nyi. 30 Yĕ wâ ngwa mĕ mibonhthĭ pĕ mbŏ gwĕi na, Mutyi a thĭ mĕ bâmbâ, ngwa wu pĕ boshi biami, nadiambilindĭ yĕ mibonji bĕ na mĕ. 31 Diŏ mĕ tyi mive' ye, nji mĕ nzhiĭmĕ baptaiza na madiba na, a jĕnikwa' pĕ ba Israĕl ba thĭ. 32 Diŏ Jŏn a mithathi na, Mĕ mijĕ' Nshinhshinh wu bĕ shula na diwutha pĕ thobĕ mbo dipepika, na didi pĕ yĕ thĭ. 33 Diŏ mĕ tyi mive' yĕ; nji yĕ ngwa milomi mĕ pĕ dibaptaiza na madiba, a mikâ mĕ na; Mutyi ngwa wĕ ĕ jĕ' Nshinhshinh wu bĕ shula na didi pĕ yĕ thĭ, yĕ ngĕ yĕ ngwa baptaiza na Nshinhshinh wu akitha, 34 Diŏ mĕ mijĕni, na dithatha na, wâ Miana mbi Anyambiĕ. 35 Bia lĕnjĕ njikĕ Jŏn a mibĕ, bâ na baba ba bajethi bĕi. 36 Diŏ yĕ mishanh Jisu a bĕ thĕnhtha, diŏ yĕ mikâ na, Shanga Alĕkĕ yi ndâmâ' yimbi Anyambiĕ. 37 Diŏ bajethi batĭ baba ba mijo' mbo yĕ mikâthi, na dithĕpiliĕ Jisu. 38 Diŏ Jisu a mijilia na dijĕ' bâ ba bĕ yĕ thĕpiliĕ, diŏ yĕ mikâ bâ na; 39 Be toka ndĭ? Diŏ ba mikâ yĕ na, Babbi (nzhilia nya dibongwĕ di wŏ na, Njeli) wĕ di vĭ? 40 Diŏ yĕ mikâ bâ na, Nzha jĕkani. Ba minzhĭ na dijĕ' va yĕ midika; diŏ ba midi nĕi ashu yitĭ. Nadiambilindĭ busha na dilenjĕ ma minu' diom di magwĕla. 41 Andru manyanh mbi Pitĕ yĕ wu nwoto pĕ baba ba mijo' gwana wumbi Jŏn na dithepiliĕ yĕ. 42 A mibonji je' manyanh Saimon, na dikâ yĕ na, Beshĕ ba jĕmĕ Mĕssaia, di thĭ na nzhilia na Krais. 43 Diŏ yĕ mindeshi yĕ pĕ Jisu thĭ. Diŏ mia Jisu a mishanh yĕ, a mikâ na, Wĕ Saimon miana mbi Jona; wĕ ĕ thebiĕ na Sifasi, di thĭ na nzhilia na, Dikakĭ. 44 Bia lĕnjĕ diŏ Jisu a mikiĕ pĕ Galili; diŏ yĕ mijĕ Fĭlĭp, na dikâ yĕ na, Thepili' mĕ. 45 Diŏ Filĭp a beta di pĕ Betsaida, akoldi yimbi Andru na Pitĕr. 46 Filĭp a mijĕ' Netanĕli, na dikâ yĕ na, Beshĕ ba jĕmĕ yĕ ngwa Mosĕs pĕ mithali bâ na banganh ba milĕnji pĕ mbŏ gwĕi, Jisu Ngwanazerĕtâ miana mbi Josĕfi. 47 Diŏ Netanĕli a mikâ yĕ na, Alombi yibĕnh yi wolihi wu' pĕ Nazerĕtĭ? Filĭp a mikâ yĕ na; Nzha jĕkĕ. 48 Jisu a mijĕ' Netanĕli a bĕ nzha pĕ yĕ thĭ, diŏ yĕ mikâ pĕ mbŏ gwĕi na, Shanga, Ngwaisrael mbombo, ngwa shi na madiâkâ. 49 Netanĕli a mikâ yĕ na, Wĕ vemĕ mĕ na ndĭ? Diŏ Jisu a mibulishi yĕ na, Mĕ mijĕ' wĕ pĕ shĭ nya jeli yi ateta, mia tĭ Filĭp a sha thebi gwĕ. 50 Netanĕli a mibulishi yĕ na, Shaŋwamĕ wĕ ngĕ Miana mbi Anyambiĕ, wĕ ngwabotyi yi Israel. 51 Jisu a mibulishi yĕ na, Nali-kâna, mĕ kâmĕ wĕ na, Mĕ mijĕ' wĕ pĕ shĭ nya jeli yi ateta, diŏ wĕ mĕliĕ? Wĕ ĕ jĕ ma' manĕn nulami na ma. 52 Diŏ yĕ mikâ yĕ na, Mbombo mĕ kâ wĕ na, pĕ boshi wĕ ĕ jĕ' thobĕ thânh, na baminlomili bambi Anyambiĕ, beta bibe tyika, na shula bishulika pĕ Miana ngwa mutyi thĭ.

2

1 Ashu yilaliĕ diŏ dibe' di dibatha di mibe' pĕ Kene yi Galili; diŏ nyanh mbi Jisu a wu tĭ. 2 Jisu a mithebiĕ nji' pĕ dibeki, bâ na bajethi bĕi. 3 Diŏ mia divĕ dl mitokwa, nyanh mbi Jisu a mikâ yĕ na; Ba shi na divĕ. 4 Jisu a mikâ yĕ na, Miali wâ, ndĭ thĭ nanâ , digwĕla diamĕ di sha nzha. 5 Diŏ nyanh a mikâ bavĕnhli-atabuni na; kâmika' alombi jĕshĕ yi yĕ ĕ be kâthâ. 6 Diŏ makopa ma makâki ma wu tĭ shini matani na poto, pĕ diambi dl dijobitha di Baju, ma beta koka miĕlia do miba do milali. 7 Jisu a mikâ bâ na; Lonishaka' makopa na madiba; diŏ bâ ba milonishi mâ bĕni. 8 Diŏ yĕ mikâ bâ na; Dianhliaka' va, na dililiĕ pĕ ngwa-thangâkâ tha dibeki thĭ; diŏ bâ ba mililiĕ. 9 Mia ngwa-thangâkâ tha dibe' a mikie' madiba ma vityikwamĕ divĕ, (yĕ do veka va mŏ ma wuka, nji bavĕnhli-atabuni ba midianhli, ba miveki,) ngwa-thangâkâ tha dibeki a mithebi ngwambathi na dikâ yĕ na, 10 Mutyi jĕshĕ a bonda tĕliĕ divĕ dibĕnh, diŏ mia botyi ba bulimĕ (nâtâ' wĕna divĕ dibe; nji wĕ talimĕ divĕ dibĕnh na dinzha va. 11 Ditatyiki di bilemba di Jisu a mikâmi diŏ pĕ Kĕne yi Galili na dilebiliĕ nĕnia gwĕi; diŏ bajethi bĕi ba mibunli yĕ. 12 Pisha tĭ Jisu a mikiĕ pĕ Kapĕrnaum, bâ na nyaŋwĕ, na bamanyaŋwĕ, na bajethi bĕi; diŏ a tyi mitha' tĭ mashu malibuthĕ. 13 Diŏ dibe' di nulia di Baju di mikunibi, diŏ Jisu a mibĕ tyi pĕ Jĕrusalĕm. 14 Diŏ yĕ mikâbiĕ pĕ mbanh wumbi Anyambiĕ botyi ba beta shomba banyatyi na bindâmâki na mapepika, na bashĕnhli ba mabom, didi. 15 Diŏ mia yĕ mikâmi mbisha wu mishiya mishali, a midushi bâ beshĕ nadiwutha pĕ mbanh wumbi Anyambiĕ, na bindâmâki na banyatyi. Diŏ yĕ mishobi mabâm ma bashĕnhli, na dibutyiĕ bitabuni; 16 Diŏ ye mikâ bâ ba beta shomba mapepika na; Thokaka' bilombi bi va; Sha vitaka' pĕ mbanh wu Shaŋwamĕ mbanh wu mashombi. 17 Diŏ bajethi ba milanhli na, yi milĕnji na; Diainh di mbanh gwâyĕ di shimĕ mĕ-dia. 18 Diŏ Baju ba mibulishi na dikâ yĕ na; Alemba tĭnsha yi wĕ lebiliĕ beshĕ, na wĕ ĕ kâmâ bilombi bi? 19 Jisu a mibulishi na dikâ bâ na; Vanzhika' mbanh wu, diŏ mashu malali mĕ ĕ wâ bali lonha. 20 Dio Baju ba mikâ na; Mbanh wu wu mishi longwa na mabom ma mimbu manai na mimbu mitani na wuuoto; nji wĕ ĕ wŏ lonha mashu malali? 21 Nji a milubili pĕ mbŏ wu mbanh wu nyuli nyĕi. 22 Mbonâwu mia yĕ mijomia na diwu' pĕ digwa, bajethi ba milanhli na, a mibonhthi bâ alombi yitĭ; diŏ bâ ba mimĕli nlĕnja na dibongwĕ di Jisu a mibonhthi. 28 Diŏ mia yĕ wu pĕ Jĕruselĕm pĕ dibe' di nulia, balibuthĕ ba mibunli dina diei pĕ dibeki, mia bâ ba mijĕ bilemba biĕi bi yĕ mikâmi. 24 Nji Jisu yĕmĕtĕ a tyi mibunli bâ, nadiambilindĭ a mivĕ' bâ bĕshĕ; 25 Diŏ a tyi mibĕ nji' na mbambi na, mutyi a veshi' yĕ pĕ mbŏ mbi mutyi; nadiambililindĭ a mive' alombi jĕshĕ yi wu pĕ punh nya mutyi.

3

1 Mutyi a wu pĕ Bafaraisi ba thĭ, dina diĕi na Nikodimo, ngwanami pĕ Baju ba thĭ. 2 Mutyi tĭ yĕ minzhĭ pĕ Jisu thĭ na mpuma, na dikâ yĕ na; Shaŋwashi, beshĕ ba vemĕ na wĕ njeli ngwa wukamĕ pĕ Anyambiĕ thĭ; nadiambilindĭ shi na mutyi ngwa woli kâmâ bimamia bi bi wĕ kâmâ vĕnh Anyambiĕ a bĕ nĕi. 3 Jisu a mibulishi no dikâ yĕ na, Mbombo mĕ kâ na, na mutyi a sha bialiĕ na diwu' pĕ thobĕ, wĕna a tyi woli jĕ' divala dimbi Anyambiĕ. 4 Diŏ Nikodlmo a mikâ yĕ na; Mutyi a bialiki na, na a mbie ntoli? A woliki bali' nyinhtha pĕ mâi wu nyaŋwĕ na dibialiĕ? 5 Jisu a mibulishi na; Mbombo mĕ kâ wĕ na; na mutyi a sha bialiĕ na madiba na Nshinhshinh, wĕna a tyi woli nyinhtha pĕ divala dimbi Anyambiĕ. 6 Alombi yi bialikwamĕ na nshoni yŏ nshoni; diŏ alombi yi bialikwamĕ na nshinhshinh yŏ nshinhshinh njikĕ. 7 Komĕ mamitha nalikâna, mĕ kâ wĕ na; Bialiakani no diwu' pĕ thobĕ. 8 Mpunga wu pĕpiliĕ va gwŏ wu dinha, diŏ wĕ joka mpĕpilia wutĭ, nji wĕ sha veka do va gwŏ wu wutha, do va gwŏ wu kiĕ; nani nji mutyi jĕshĕ ngwa bialikwamĕ na Nshinhshinh a thĭyĭ. 9 Nikodlmo a mibulishi na dikâ yĕ na; Mambi ma ma woliki bĕ na? 10 Jisu a mibulishi na dikâ yĕ na; Wĕ njeli ngwa Israel, wĕ do veka mambi ma? 11 Mbombo mĕ kâ wĕ na; Beshĕ ba lubimĕ mambi ma beshĕ ba vemĕ, na diveshĕ mŏ ma beshĕ ba jĕmĕ; nji be do nânh nvesha gwashĭ. 12 Na mĕ boŋimĕ be mambi ma pĕnzhe nyi, be do mĕliĕ; be ba a mĕiiĕ na, na mĕ boŋimĕ mambi ma thobĕ? 13 Diŏ shi na mutyi ngwa betyikamĕ pĕ thobĕ na peli, nji ngĕ yĕ ngwa shulikamĕ na diwutha pĕ thobĕ, yĕ Miana ngwa mutyi ngwa thĭ pĕ thobĕ. 14 Diŏ mbo Mosĕs a mipetyi nyŏnh pĕ thakombi, mbonâ nji Miana ngwa mutyi a petyibiki; 15 Na, mutyi jeshĕ ngwa yĕ bunliĕ a tyĭ magwa, nji a bĕ' na thaki' th' adukwa jĕshĕ. 16 Nadiambilindĭ Anyambiĕ a midinh pĕnzhe nyi na thadinh thatĭ thŏ tha yĕ mivĕ Miana ngwĕi ngwadikika, na mutyi jĕshĕ ngwa yĕ bunliĕ a tyi magwa, nji a bĕ' na thaki' th' adukwa jeshĕ. 17 Nadiambilindĭ Anyambiĕ a tyi milomi Miana ngwĕi pĕ pĕnzhe nyi, na a kwĭshi pĕnzhe nyi, nji na pĕnzhe nyi nyi kiki nĕi. 18 Yĕ ngwa bunliĕ yĕ a shi na makwa, nji ngwa sha bunliĕ makwa ma thĭ nĕi, nadiambilindĭ a sha bunliĕ dina di Miana mbi Anyambiĕ ngwadikika. 19 Nji makwa mâ ma; na bithânh bi njimĕ woni pĕnzhe nyi, diŏ botyi ba dinha divityiki dakami na bithânh; nadiambilindĭ bishali biabi bi thĭ bibe. 20 Nadiambilindĭ mutyi jeshĕ ngwa kâmâ bibe, a bena bithânh, diŏ a sha nzha pĕ bithânh nalikâna bishali biĕi bi jĕ' pĕ lebiĕ. 21 Nji yĕ ngwa kâmâ mbombo a nzha pĕ bithânh, nalikâna bishali biĕi bi jenikwani na, bi mikubi mbo ndiŋwa wumbi Anyambiĕ wu thĕ yĭ. 22 Pisha nya bilombi bi Jisu aminzhĭ pĕ pĕnzhe nya Judia, bâ na bajethi bĕi; diŏ yĕ midi nabi tĭ na dibaptaiza. 23 Diŏ Jŏn njikĕ a bĕ baptaiza pĕ Inon kuna na Selim, nadiambilindĭ madianh ma wu tĭ malibuthĕ; diŏ bâ ba minzhĭ na dibaptaiziba. 24 Nadiambilindĭ Jŏn a tyi mibĕ a biethibimĕ pĕ mboka adu' yitĭ. 25 Diŏ bajethi bambi Jŏn bâ na Baju ba mibomilia mapende pĕ diambi di njobia. 26 Diŏ bâ ba minzhĭ pĕ Jŏn thĭ, na dikâ yĕ na; Shaŋwashi, ngwa wu nâyĕ pĕ biatyi bini bi Jordan, ngwa wĕ miveshi pĕ mbŏ gwĕi, Sha', a thĭ baptaiza, diŏ botyi bĕshĕ ba thĭ nzha pĕ yĕ thĭ. 27 Jŏn a mibulishi na dikâ na; Mutyi a sha woli' nânh n' alombi, vĕnh na yi vĕbimĕ yĕ na diwutha pĕ thobĕ. 28 Bemĕtĕ be veshimĕ pĕ diambi diâmĕ na, mĕ kâmĕ na; Mĕ shi Krais mĕtĕ, nji mĕ milomiĕ pĕ boshĕ biĕi. 29 Ngwa thĭ na miali yĕ ngwambathi; nji jombi mbi ngwambathi, ngwa tĕbĕ na dijoka mbo yĕ lubila, a dona bidonika pĕ diambi di divi di ngwambathi. Mbonâ adoni jamĕ yi yi komĕ. 30 Yĕ nĕniki, nji mĕ mĕ shalibiki. 31 Yĕ ngwa wukamĕ pĕ thobĕ, a thĭ pĕ thobĕ tha bâ bĕshĕ; ngwa thĭ ngwa pĕnzhe, yĕ thĭ ngwa pĕnzhe nyi, diŏ yĕ lubila pĕ mbŏ wu pĕnzhe nyi; ngwa wukamĕ pĕ thobĕ a thĭ pĕ thobĕ tha bâ bĕshĕ. 32 Diŏ bi yĕ jĕkame na dijoka biŏ bi yĕ veshĕ; nji shi na mutyi ngwa nânhmĕ nvesha gwĕi. 33 Yĕ ngwa nângame nvesha ngwĕi a mĕmimĕ na Anyambiĕ a thĭ ngĕ mbombo. 34 Yĕ ngwa Anyambiĕ a milomi, a lubila mabongwĕ mambi Anyambiĕ; nadiambilindĭ Anyambiĕ a sha vĕ yĕ Nshinhshinh vishivishaliĕ. 35 Ngwashaŋwĕ a dinha Miana, diŏ bilombi bieshĕ a vĕmĕ biŏ pĕ mbŏ gwĕi. 36 Yĕ ngwa bunliĕ Miana a thi na thaki th' adukwa jĕshĕ; nji yĕ ngwa sha bunliĕ Miana, a tyi jĕ thakiki; nji mbimba nyambi Anyambiĕ nyi thĭ nĕi.

4

1 Mia Shanh a mive' na, Bafaraisi ba mijo' na, Jisu a mikâmi na dibaptaiza bajethi dakami na Jŏn; 2 (Nji ana Jisu mĕtĕ pĕ mibaptaizi, nji bajethi,) 3 A mithokwa pĕ Judia, na dibali nzha pĕ Galaili. 4 Diŏ yi wu na a leninga Semeria. 5 Diŏ yĕ minzhĭ pĕ akoldi yi Semeria yi thebiĕ na Sukar, kuna n' akanh yi Jekobi a mivĕ miana ngwĕi Josĕfi. 6 Diŏ lidianh dimbi Jekobi di wu tĭ, Jisu dakâmi mboothĕ diŏ a midi shi yĕ nzhu' nya lidianh; diŏ busha na dilĕnjĕ ma mibĕ ma numĕ magwĕla matani na diwoto. 7 Diŏ mimiali Ngwasemeria a minzhĭ dianh madiba; Jisu a mikâ yĕ na; Mimiali wâ vĕ mĕ madiba. 8 (Nadiambilindĭ bajethi bĕi ba mibĕ ba kiĕmĕ pĕ mboka shomba bidia.) 9 Diŏ miali Ngwasemeria a mikâ yĕ na; Yi thĭ na, wĕ bĕ Ngwaju, wĕ disha mĕ pika madiba, mĕ bĕ miali Ngwasemeria? (nadiambilindĭ Baju ba shĭ na bajombi na Basemeria.) 10 Jisu a mibulishi na dikâ yĕ na; Na wĕ vemĕ bwĕ' bimbi Anyambiĕ na yĕ ngwa kâ wĕ na, vĕ mĕ madiba, kâ wĕ kamĕ yĕ pika, diŏ a kumba wĕ vĕ madiba ma thakiki. 11 Ngwamiali a mikâ yĕ na; Shaŋwamĕ, wĕ shi na adianhtha, diŏ lidianh di thĭ nji dilimi; nji wĕ thĭ na madiba ma thaki' ma vĭ? 12 Wĕ thĭ dakami na Shaŋwashi Jekobi, ngwa mivĕ beshĕ lidianh di, na dinâtâ tĭ, bâ na bana bĕi, na bithembi biĕi? 13 Jisu a mibulishi na dikâ yĕ na; Ngwa nâtâ madiba ma a a ball gwa aveshithĕ; 14 Nji ngwa nâtâ madiba, ma mĕ ĕ yĕ vĕ, a tyi gwa pĕ na aveshithĕ adukwa jĕshĕ; nji madiba ma mĕ ĕ yĕ vĕ, ma ĕ yĕ bĕ pĕ pungwĕ lidianh di madiba dibunjitha pĕ thaki tha adukwa jĕshĕ. 15 Ngwamimiali a mikâ yĕ na; Shaŋwamĕ vĕ mĕ madiba matĭ, mĕ do pĕ na gwa avĕshitha, do nji va nja dianh. 16 Jisu a mikâ yĕ na; kiĕ thebika yâ nthomi, wĕ ĕ nzha. 17 Ngwamimiali mibulishi na dikâ yĕ na; Mĕ shi na nthomi. Jisu a mikâ yĕ na; Wĕ vemĕ lubila na; Mĕ shi na nthomi. 18 Nalikâna wĕ miba' na peli mithomi mitani; nji ngwa wĕ thĭ nĕi va, a shi yâ nthomi; wĕ kâmĕ alombi yinâyi mbombo. 19 Diŏ ngwamimiali a mikâ yĕ na; Shaŋwamĕ, mĕ jĕ wĕ nshâki. 20 Bashanh bashi ba beta junh Anyambiĕ pĕ mbeka wu; nji be ba kâ na, womba va botyi ba juŋwĕ va thĭ pĕ Jiruselĕm. 21 Jisu a mikâ yĕ na: Miali wâ, meli'mĕ na digwĕla di thĭ nja, di be tyi junh Shaŋwĕ do pĕ mbeka wu do pĕ Jiruselĕm. 22 Be ba juŋwĕ, nji be sha veka yi be ba juŋwĕ beshĕ ba veka yi beshĕ ba juŋwĕ, nadiambilindĭ nshuŋwa wu wu' pĕ Baju ba thĭ. 23 Nji digwĕla di thĭ nzha, di thĭ nji va, di bajunh bambombo ba ĕ junh Shaŋwĕ na nlema na mbombo; nadiambilindĭ Shaŋwĕ a toka ba ntyinh wu ba junh yĕ. 24 Anyambiĕ yĕ Nshinhshinh; diŏ bâ ba junh yĕ, ba juŋi na nlema na mbombo. 25 Ngwamimiali mikâ yĕ na; Mĕ veka na, Messaia a thĭ nzha; (ngwa thebiĕ na Krais,) na a nzhĭmĕ kâ a boŋimĕ beshĕ bilombi bieshĕ. 26 Jisu a mikâ yĕ na; Mĕ ngwa thĭ nâyĕ lubila, mĕ yĕ. 27 Ba bĕ lubila ma' ma diŏ bajethi bĕi ba mipami, diŏ ba mimamithi mia yĕ miluba na ngwamiali; nji tyi mibĕ na mutyi ngwa mikâ na; Ndĭ wĕ toka? do ndĭ wĕ lubila nĕi? 28 Diŏ ngwamimiali mili dibeya diĕi diŏ a mibulia pĕ mboka, diŏ yĕ mikâ botyi na; 29 Nzha jĕkani mutyi ngwa shikamĕ mĭ thatha bilombi biĕshĕ bi mĕ na dikâmâ; ana Krais wâ? 30 Diŏ bâ ba miwu pĕ mboka, na dinzha pĕ yĕ thĭ. 31 Ngwamimiali kiĕthamĕ bajethi ba mishoshili yĕ na; Shaŋwashi, diaka. 32 Diŏ a mikâ bâ na; Mĕ thĭ na bidia bi mĕ dia, bi be sha veka. 33 Diŏ bajethi ba miluba bâ na bâ na; Mutyi a ndeshi yĕ bidia? 34 Jisu a mikâ bâ na; Bidia biamĕ bi thĭ na; mĕ kâmiki thadinh thambi ngwa milomi mĕ na dishili ashali jĕi. 35 Be sha kâ na; ba likamĕ bangânjĕ banai wĕna adu' yi nkatya yi nzhĭmĕ? Shanga, mĕ kâ be na; benaka' mishi be ba a shanh bikanh, na bi mbie bipumi pĕ dikatyiba. 36 Diŏ ngwankatyi a nânh biba na dikusha bidia pĕ thaki' th'adukwa jeshĕ; na, ngwambĕthi na ngwankatyi ba doniki nshamba wuoto. 37 Pĕ alombi yi dibongwĕ di thĭ mbombo na, nwoto mbĕthi, nwâkâ kĕ nkatyi. 38 Mĕ milomi be pĕ dikata yŏ yi be sha kuba; bawâ' ba shimĕ kuba, diŏ be ba tâbimĕ pĕ bishali biabi. 39 Diŏ Basemeria balibuthĕ ba akoldi yinâyi ba mibunli yĕ na diambi di dibongwĕ di ngwamiali a miveshi na; A mithathi mĕ bilombi biĕshĕ bi mĕ na dikâmâ. 40 Nani kĕ mia Basemeria ba minzhĭ pĕ yĕ thĭ, ba mishoshili yĕ na a di' nabi; diŏ yĕ mitha tĭ mashu maba. 41 Diŏ bawâkâ balibuthĕ ba mibunli na diambi di dibongwĕ diĕi mĕtĕ; 42 Diŏ bâ ba mikâ ngwamiali na; Beshĕ bunlimĕ dĕ ana na diambi di dibongwĕ dia; nadiambilindĭ beshĕmĕtĕ ba jomĕ, diŏ beshĕ ba vemĕ na, wâ Krais mbombo, Nkishi ngwa pĕnzhe nyi. 43 Mashu maba nulami, diŏ Jisu a mithokwa tĭ, na dinzha pĕ Galili. 44 Nalikâna Jisu yĕmĕtĕ a miveshi na, ngwanshâ' a shi na junh pĕ pĕnzhe nyĕi mĕtĕ. 45 Diŏ mia yĕ minzhĭ pĕ Galili, Bagalili ba minânh yĕ, nadiambilindĭ ba mijĕ' bilombi biĕshĕ bi yĕ mikâmi pĕ Jiruselĕm pĕ dibeki; nadiambilindĭ bâ ba mikiĕ nji' pĕ dibeki. 46 Diŏ Jisu a mibali nzha pĕ kene ngwa Galili va ye mivityithi madiba divĕ. Diŏ anami yi mibĕ ngwa miana ngwĕi a mitatyika pĕ Kepĕrnaum. 47 Mia yĕ mijo'na Jisu a pamimĕ pĕ Galili mia yĕ miwu' pĕ Judia, a mikiĕ pĕ yĕ thĭ, na dishoshili yĕ na, a ĕhilikwa na dinzha yĕ joma miana ngwĕi; nadiambilindĭ a wu bideli mĕtĕ. 48 Diŏ Jĭsu a mikâ yĕ na; na be sha jĭ maveka na bimamia kâ be tyi mĕliĕ. 49 Ngwanami a mikâ yĕ na; Shaŋwamĕ, Shilikwa, miana ngwamĕ a jĕ' pĕ gwa. 50 Jisu a yĕ na; Veka bulla, yâ miana a kimĕ. Diŏ mutyi tĭ a mimĕli dibongwĕ di Jisu a mibonhthĭ yĕ, diŏ yĕ mibulia; 51 Mia yĕ mishilikwa diŏ bakubi bĕi ba mibomita nĕi na dlbonhtha yĕ na; Yâ miana a kimĕ. 52 Diŏ yĕ mipi' bâ digwĕla di yĕ mitatyili kika; diŏ bâ ba mikâ yĕ na; Nangothoma digwĕla di matani na maba divĕbi di mishithi. 53 Diŏ ngwashaŋwĕ a mive' na, diŏ digwĕla dĭtĭmĕtĕ di Jisu a mikâ yĕ na; Yâ miana a kimĕ; diŏ yĕ mimĕli bâ na atâkâ jĕi jĕshĕ. 54 Yŏ alemba yibaliĕ yi Jisu a mikâmi, mia yĕ miwu' pĕ Judia na dinzha pĕ Galili.

5

1 Pisha nya bilombi bi dibe' di Baju di mibĕ, diŏ Jisu a mibetyi kiĕ pĕ Jiruselĕm. 2 Diŏ pĕ Jiruselĕm kuna na diasha di bindâmâki atâ' yi thĭ tĭ yi thebiĕ pĕ nlubia wu Hibru na; Bithĕsida, yi thĭ na mimbanh mitani. 3 Pĕ mimbanh mi mi minika nshamba wunĕn wu botyi ba mitatyiki, banjimĕ, na biboka, na ba minkashi, ba bĕ venhli nkubia wu madiba. 4 Nadiambilindĭ ngwanlomili a beta shula pĕ atâki, na dikubili madiba; diŏ ngwa mibonji shula pĕ madiba ma mikubika a mijomiĕ nvimi gwĕshĕ wu yĕ wu na gwŏ. 5 Diŏ mutyi a wu tĭ ngwa mibĕ na nvimi mabom ma mimbu malali na mimbu mitani na milali. 6 Jisu a mijĕ yĕ bia, diŏ a mive' na, a mibembi tata, diŏ yĕ mikâ yĕ na; Wĕ naka jomiĕ? 7 Diŏ ngwa ntatyiki a mibulishi yĕ na; Shaŋwamĕ, mĕ shi na mutyi ngwa a dishĕ mĕ pĕ atâki, mia madiba ma thi kuba; nji mĕ bĕ nzha, wĕna nwâkâ a daka mĕ na dithebitha. 8 Jisu a mikâ yĕ na; Valikwĕ, tomba' anânh jâyĕ, wĕ ĕ kiĕ. 9 Diŏ mutyi tĭ a mitĕ' kika, diŏ yĕ mitombithi anân jĕi na dikiĕ. Diŏ busha bĭtĭ bi wu busha bi Shânâ. 10 Diŏ Baju ba mikâ ngwa miyomiĕ na; Busha bi Shânâ bo; shi yibĕnh na, wĕ ĕ bapi anânh. 11 Diŏ yĕ mibulishi bâ na; yĕ ngwa jomika mĕ, yĕ kâ wĕ na; Tomba' anânh jâyĕ, wĕ ĕ kiĕ. 12 Diŏ bâ ba nĭpi' yĕ na; Mutyi tĭ yĕ nzha, ngwa kâ wĕ na; Tomba' anânh jâyĕ wĕ ĕ kiĕ? 13 Diŏ yĕ ngwa mijomiĕ a tyi mive' yĕ; nadiambilindĭ Jisu a mithokwa pĕ womba va dibuthĕ di botyi di wuthĕ. 14 Pisha ti Jisu a mikâbi yĕ pĕ mbanh wumbi Anyambiĕ na dikâ yĕ na; Sha, wĕ kimĕ; sha bebiki pĕ nakĕ, alombi yiwâ' yibe nulami yi jĕ pĕ nzha pĕ gwĕ thĭ. 15 Diŏ mutyi tĭ a mikiĕ thatha Baju na, ngwa mikishi yĕ yĕ Jisu. 16 Nani kĕ Baju ba mithepili Jisu na dikiĕnhli yĕ jotha, nadiambilindĭ a beta kâmâ ma' ma busha bi Shânâ. 17 Nji Jisu a mibulishi bâ na; Shaŋwamĕ a thĭ kuba na dinzha shoka nyi, nani kĕ mĕ kuba. 18 Diŏ Baju ba mikiĕnhli yĕ jotha nulami, nadiambilindĭ a sha woshi busha bi Shânâ dipa, nji' a kâmĕ nji' na; Anyambiĕ a thĭ yĕ Shaŋwĕ, na disheya na Anyambiĕ. 19 Diŏ Jisu a mibulishi na dikâ bâ na; Mbombo mĕ kâ be na; Miana a sha woli' kâmâ alombi yĕmĕtĕ, vĕngĕ yi yĕ jĕ Shanh kâmâ; nadiambilindĭ bilombi bieshĕ bi yĕ kâmâ biŏ nji' Ngwamiana a kâmâ. 20 Nadiambilindĭ Ngwashanh a dinha Miana, na dilebiliĕ ye bilombi bieshĕ bi yĕmĕtĕ kâmâ; diŏ a a yĕ lebiliĕ bishali bi daka bi, na be ba a mamitha. 21 Nadiambilindĭ mbo Ngwashaŋwĕ a jomltha bikiĕnh na dibali biŏ vĕ thakiki, mbonâ nji Ngwamiana a vĕ bâ thakiki ba yĕ naka. 22 Nadiambilindĭ Ngwashaŋwĕ a sha jĕli na mutyi, nji dijĕli diĕshĕ a vĕmĕ diŏ Miana; 23 Na, botyi bĕshĕ ba jungi, Miana, mbo bâ ba junh Ngwashaŋwĕ. Yĕ ngwa sha jungi Miana, a sha jungi nji' Shaŋwĕ ngwa milomi yĕ. 24 Mbombo, mĕ kâ be na; yĕ ngwa joka dibongwĕ diamĕ, na dibunli yĕ ngwa milomi mĕ, a thĭ na thaki' th' adukwa jĕshĕ; diŏ a sha nzha pĕ makwa; nji a damĕ digwa na dinzha ku' pĕ thakiki. 25 Mbombo mĕ kâ be na; digwĕla di thĭ nzha, di nzhĭmĕ njikĕ, di bikiĕnh bi i joka dioi di Miana mbi Anyambiĕ; diŏ bâ ba a joka ba a diya. 26 Nadiambilindĭ mbo Ngwashaŋwĕ a thĭ na thaki' yĕmĕtĕ, mbonâ nji' yĕ mivĕ Miana na a bĕ na thaki' yĕmĕtĕ. 27 Diŏ yĕ mivĕ yĕ nguldi nya dikâmâ njĕila njikĕ, nadiambilindĭ yĕ Miana ngwa mutyi. 28 Sha mamaka' alombi yi; nadiambilindĭ digwĕla di thĭ nzha, di bâ bĕshĕ ba thĭ pĕ mashânh ba a joka dioi diei; 29 Na didusha; bâ ba mishi kâmâ bibĕnh pĕ njomia wu thakiki; nji bâ ba mishi kâmâ bibe pĕ njomia wu makwa. 30 Mĕmĕtĕ, mĕ sha woli kâmâ na alombi; mbo mĕ joka nani mĕ jĕliĕ; diŏ njĕlia gwamĕ wu thĭ wubĕnh; nadiambilindĭ mĕ sha toka ndiŋwa gwamĕ mĕtĕ, nji ndiŋwa wu Shanh ngwa milomi mĕ. 31 Na mĕ veshimĕ pĕ mbŏ gwamĕ mĕtĕ, wĕna nvesha gwamĕ wu shi mbombo. 32 Nwâkâ a thĭyĭ ngwa veshĕ pĕ mbŏ gwamĕ; diŏ mĕ vemĕ na, nvesha wu yĕ veshĕ pĕ mbŏ gwamĕ, wu thĭ mbombo. 33 Be ba milomi pĕ Jŏn thĭ; diŏ yĕ miveshi pĕ mbombo. 34 Nji mĕ sha nânh na nvesha wu mutyi; nji mĕ tyubimĕ bilombi bi, nalikâna na, be kiki. 35 A wu atyiĕ mĕtĕ yi mitholibi na dipanya; diŏ be ba mimĕli dona na bithânh biei via dukwa. 36 Nji mĕ thĭ na nvesha wunen dakami na wumbi Jŏn; nadiambilindĭ bishali bi Shaŋwĕ a mivĕ mĕ, na mĕ kâmiki biŏ, bishali bitĭ bi mĕ kâmâ, biŏ bi veshĕ pĕ mbŏ gwamĕ na Shaŋwĕ a milomi mĕ. 37 Diŏ Shaŋwĕ mĕtĕ ngwa milomi mĕ a miveshi pĕ mbŏ gwamĕ. Be sha joka dioi diei na pelĭ, do jĕ' ntyinh gwĕi. 38 Diŏ be shi na dibongwĕ diĕi pĕ punh' nyani; nadiambilindĭ ngwa yĕ milomi, be sha mĕliĕ yĕ. 39 Be bĕnhthĕ minlĕnja, nadiambilindĭ be jĕ' na be ba thĭ na thaki' th' adukwa jeshĕ tĭ, diŏ miŏ mi veshĕ pĕ mbŏ gwamĕ miŏ mi. 40 Diŏ be sha mĕli nzha pĕ mĕ thĭ na; be bĕ' na thakiki. 41 Mĕ sha nânh junh pĕ botyi ba thĭ. 42 Nji mĕ veka begwĕ na, be shi na thadinh thambi Anyambiĕ pĕ punh nyani. 43 Mĕ nzhĭmĕ na dina di Shaŋwamĕ, be do mĕ nanh; nji na nwâkâ a nzhĭmĕ na dina diĕimĕtĕ, kâ be nânhmĕ yĕ. 44 Be woliki mĕli na, be ba nânhlia junh be na be, be do toka junh yĭtĭ yi wu pĕ Anyambiĕ dipa thĭ. 45 Sha lanhliaka' na, mĕ ĕ be lubiliĕ pĕ Shanh thĭ; ngwa a be lubiliĕ yĕ Mosĕsi, ngwa be ba bunliĕ. 46 Nadiambilindĭ na be ba a mĕli Mosĕsi, ka be mĕlimĕ nji mĕ; nadiambilindĭ a milĕnji pĕ mbŏ gwamĕ. 47 Nji na be sha mĕli minlĕnja miĕi; be ba a mĕliĕ mabongwĕ mamĕ na?

6

1 Pisha nya bilombi bi Jesu a mikiĕ pĕ biatyi bini bi nsho wu Galili, wŏ nji nsho wu Taiberia; 2 Diŏ nshamba wunĕn wu mithĕpili yĕ, nadiambilindĭ ba mijĕ' bimamia biĕi bi yĕ mikâmi botyi ba mitatyika. 3 Diŏ Jisu a mibetyi pĕ mbeka na didi tĭ shĭ, bâ na bajithi bĕi. 4 Diŏ dibĕ' di Baju dl nulia di mikunibi. 5 Diŏ Jisu a mibenithi mishi mĕi na dĭjĕ' nshamba wunen wu bĕ nzha pĕ yĕ thĭ, diŏ yĕ mikâ Fĭlĭp na, Bena ba a shomba bidia vĭ dieshi botyi ba? 6 (A mikâ nani yĕ diveli yĕ; nadiambilindĭ yĕmĕtĕ mive' mbo yĕ ĕ kâmâ.) 7 Fĭlĭp a mibulishi yĕ na; bidia bi kwa minkama mi bafura miba bi shi bâ kokami, na mutyi jĕshĕ a mângi vishivishali. 8 Nwoto ngwa bajethi bĕi, Andru manyanh mbi Saimon Pitĕr, a mikâ yĕ na; 9 Ndĕmbishali a thĭ va, ngwa thĭ na bibu' bi mpĕmba bltani na via bashĕ bashali baba, nji biŏ ndĭ pĕ dibuthĕ di botyi di? 10 Diŏ Jisu a mikâ na, dishaka' botyi shĭ; diŏ womba vatĭ va wu na ntobi wulibuthĕ; diŏ botyi ba midi shĭ ba mibĕ ntangl wu mintâshen mitani. 11 Diŏ Jisu a minânh bibuki, diŏ mia yĕ mivĕ dibâtâ a mikabi biŏ bajethi bĕi, diŏ bajethi ba mikabi ba wu shĭ di di; nani nji bashĕ ba mibĕ mbo bâ ba minaka. 12 Mia bâ ba mijuli, a mikâ bajethi bei na; Shâbiliaka' bipĕshi bi likaka, do bĕ na alombi yi wosha. 13 Nani kĕ ba mishâbilia na dilonishĕ diom di bitonji na bitonji biba bĕni na bipĕshi bi bibu' bi mpĕmba bitani, bi ba mishi dia, ba miliki. 14 Mia botyi ba mije' alemba yi Jisu a mikâmi, ba mikâ na, Mbombo ngwanshâki tĭ yĕ wâ ngwa bĕ na a a nzha pĕ pĕnzhe nyi. 15 Mia Jisu a mive' na ba kumba yĕ nzha bietha na, ba jebishi yĕ bibotyi, a mibali thokwa na dikiĕ pĕ mbeka yĕ dipa. 16 Diŏ mia yŏ yi mibĕ yi mbie ngothoma, bajethi bĕi ba mishilia pĕ nsho; 17 Diŏ bâ ba mitâbĭ pĕ alĕnji, ba bĕ dali nsho kiĕ pĕ Kapernaum. Diŏ divityiki di mbiethi, diŏ Jisu a tyi mibĕ a nzhĭmĕ pĕ bâ ba thĭ. 18 Diŏ nsho wu rainyanyi na diambi di mpunga wunĕn wu mipĕpiliĕ. 19 Mbonâ mia bâ ba mibĕ ba dumĕ makiĕ malali do manai ba mijĕ Jisu a bĕ thanda pĕ nsho na makothĭ, na dinzha kuna na alĕnji; diŏ bâ ba minyĕnh. 20 Diŏ yĕ mikâ bâ na; Mĕni; sha nyĕngani. 21 Diŏ bâ ba midoni yĕ nânh pĕ 'lĕnji; diŏ alĕnji yi mitĕ bĕ pĕ kinji' nya bâ ba mikiĕkĕ. 22 Bia lĕnji, mia botyi ba wu tĕbitĕbi pĕ biatyi bini bi nsho ba mijĕ' na alĕnji yiwâ' yi tyi mibĕ ti; thŏ ngĕ yo yi bajethi bĕi ba mitâbi, diŏ Jisu a tyi mitâbi pĕ 'lĕnji nshamba wu bajethi bĕi, nji bajethi bĕi ba mikiĕ bâ dipa, 23 (Nji bilenji biwâ' bi miwu pĕ Taibiria, na dinzha kuna na womba va bâ ba midie mpĕmba pishĕ nya Jisu a mivĕ dibâtâ;) 24 Nani kĕ mia botyi ba mijĕ' na, Jisu a tiyi mibĕ tĭ, do bajethi bĕl, diŏ bâ ba mitâbi nji' pĕ bilĕnji na dinzha pĕ Kapernaum matoka mambi Jisu. 25 Diŏ mia bâ ba mijĕ' yĕ pĕ biatyi bini bi nsho, ba mikâ yĕ na; Shaŋwashi, wĕ nzhi' va nzha 'dukwa? 26 Jisu a mibulishi na dikâ bâ na; Mbombo mĕ kâ be na, be toka mĕ, ana nalikâna be jĕmĕ bimamia, nji nadiambilindĭ be diemĕ bibu' bi mpĕmba na dijula. 27 Kubika' ashali ana pĕ bidia bi bâthâ, nji pĕ bidia bi i bemba na dikiĕ pĕ thaki' tha adukwa jĕshĕ, bi Miana ngwa mutyi kĕ be vĕ; nadiambilindĭ Shanh' Anyambiĕ a keshimĕ diveka pĕ yĕ thĭ. 28 Diŏ bâ ba mikâ yĕ na; Beshĕ ba kâmiki ndĭ, na beshĕ kubiki bishali bimbi Anyambiĕ. 29 Jisu a mibulishi na dikâ bâ na; Ashali yimbi Anyambiĕ yŏ yi na, bunliaka' yĕ ngwa yĕ milomi. 30 Diŏ bâ ba mikâ yĕ na; Alombi yimamia tĭnzha yi wĕ kâmâ na beshĕ ba jĕ' yŏ na dibunli gwĕ? Wĕ kuba ndĭ? 31 Bashanh bashi ba beta dia manna pĕ thakombi; mbo yŏ yi thĭ lĕnjam na; A mivĕ ba mpĕmba wu diebiĕ na diwutha pĕ thobĕ. 32 Jisu a mikâ bâ na; Mbombo mĕ kâ be na; Mosĕsi a tyi mivĕ be mpĕmba wutĭ wu miwu' pĕ thobĕ; nji Shaŋwamĕ yĕ vĕ be mpĕmba wumbombo wu wu pĕ thobĕ. 33 Nadikâna mpĕmba wumbi Anyambiĕ wŏ yĕ ngwa pânjikamĕ na diwutha pĕ thobĕ, na divĕ pĕnzhe nyi thakiki. 34 Ba mikâ yĕ na; Shaŋwashi, vĕ beshĕ mpĕmba wutĭ mbainhmbainh. 35 Jisu a mikâ bâ na; Mĕ mpĕmba wu thakiki; ngwa nzha pĕ mĕ thĭ a tyi gwa pĕ na' nzhatha; ngwa bunli mĕ a tyi gwa pĕ na' aveshithĕ. 36 Nji mĕ kâ be na; bejĕmĕ mĕ njikĕ, diŏ be sha bunli mĕ. 37 Bâ bĕshĕ ba Shaŋwa' vĕ mĕ ba a nzha pĕ mĕ thĭ; na yĕ ngwa nzha pĕ mĕ thĭ, mĕ tyi majonhli yĕ. 38 Nadiambilindĭ mĕ mipânji na diwutha pĕ thobĕ, ana na dinzha kâmâ ndiŋwa gwamĕ, nji ndiŋwa gwĕi wu ngwa milomi mĕ. 39 Diŏ ndiŋwa wu Shaŋwĕ ngwa milomi mĕ, wŏ wu na, bâ bĕshĕ ba yĕ mivĕ mĕ mĕ sha kuta bâ do nwoto, nji mĕ ĕ bâ jomitha ashu yi madimilia. 40 Diŏ ndiŋwa gwĕi wu ngwa milomi mĕ wŏ wu na, mutyi jĕshĕ ngwa a jĕ' Miana nadibunli yĕ, a a bĕ na thaki' tha adukwa jĕshĕ, diŏ mĕ ĕ yĕ jomitha ashu yi madimila. 41 Diŏ Baju ba minyamilia pĕ diambi diei, nadiambilindĭ a mikâ na; Mĕ mpĕmba wu mipaânji na diwu' pĕ tbobĕ. 42 Diŏ bâ ba mikâ na; Ana Jisu ngwa miana mbo Josĕfi wa, ngwa shanh na nyanh ba beshĕ ba veka? Nji ndĭ yĕ kâ na; Mĕ shulimĕ na diwu' pĕ thobĕ? 43 Diŏ Jisu a mibulishi na dikâ bâ na; koka' pĕ nyamila be na bewĕ; 44 Shi na mutyi ngwa woliki nzha pĕ mĕ thĭ, vĕngĕ na Shaŋwĕ ngwa milomi mĕ a dambitha yĕ, diŏ mĕ ĕ yĕ jomitha ashu yi madimilia. 45 Yi thĭ lĕnjam na bashâki na; Diŏ bâ bĕshĕ ba a bĕ ba jeka' na Anyambiĕ. Nani kĕ mutyi jĕshĕ ngwa a joka na dijetha na Shaŋwĕ, a a nzha pĕ mĕ thĭ. 46 Shi na mutyi ngwa jĕkamĕ Ngwashaŋwĕ; vĕnh yĕ ngwa wu pĕ Anyambiĕ thi, yĕ jekamĕ Shangwĕ. 47 Mbombo mĕ kâ be na; Yĕ ngwa a mĕ bunli, a a bĕ na thaki' tha adukwa jeshĕ. 48 Mĕ mpĕmba wuti wu thakiki. 49 Bashanh bani ba midie manna pĕ thakombi, diŏ bâ ba migwĭ; 50 Mpĕmba wu pânjikâ na diwu' pĕ thobĕ wŏ wu, na mutyi a diĕ' gwŏ yĕ do gwawĕ. 51 Mĕ mpĕmba wu thakiki wu mipânji na diwu' pĕ thobĕ; na mutyi a diamĕ mpĕmba wu wĕna a dimĕ mashu meshĕ. Diŏ mpĕmba wu mĕ ĕ vĕ, wŏ nshoni gwamĕ, wu mĕ ĕ ĕ vĕ thaki' tha pĕnzhĕ nyi. 52 Diŏ Baju ba mishunlia bâ na bâ na; Wâ a woliki beshĕ vĕ nshoni gwĕi, na beshĕ ba dia gwŏ na? 53 Diŏ Jisu a mikâ bâ na; Mbombo mĕ kâ be na, na be sha dia nshoni wu Miana ngwa mutyi na dinata dikitha diĕi, wĕna be shi na thakiki pĕ bemĕtĕ ba thĭ. 54 Ngwa a dia nshoni ngwamĕ na dinâtâ dikitha diamĕ a a bĕ na thaki' tha adukwa jĕshĕ; diŏ mĕ ĕ yĕ jomitha ashu yi madimilia. 55 Nadiambilindĭ nshoni gwamĕ gwŏ bidia mĕtĕ, na dikitha diamĕ diŏ anâtyinâtyi mĕtĕ. 56 Yĕ ngwa dia nshoni gwamĕ na dinâtâ dikitha diamĕ a di na mĕ, mĕ kĕ nji mĕ dika nĕi pĕ pungwĕ. 57 Mbo Shanh' ngwa diga, a milomi mĕ, diŏ mĕ di na Shaŋwĕ; mbonâ nji' ngwa dia mĕ yĕmĕtĕ a a nji di na mĕ. 58 Mpĕmba wu mipânji na diwu' pĕ thobĕ wŏ wu; ana mbo bashanh bani ba midie manna bâ digiwadi. Yĕ ngwa a dia mpĕmba wu a a di mashu mĕahĕ. 59 A mibonhthi bilombi bi pĕ sunagogi, a bĕ jeli pĕ Kapernaum. 60 Dibuthĕ di bajethi bĕi mia bâ ba mijoki, ba mikâ na; Abanh yideli yi; nzha woliki yŏ joliĕ? 61 Mia Jisu a mive' na nlema gwĕi na, bajethi bĕi ba minyamila yŏ, a mikâ bâ na; Yi yi nyanyishĕ begwĕ? 62 Diŏ na be jĕmĕ Miana ngwa mutyi a bĕ beta pĕ va yĕ mibonji bĕ 63 Nshinhshinh wŏ wu vĕ thakiki, nshoni wu shi na mbambi; mabongwĕ ma mĕ bonhtha begwĕ, mŏ nshinhshinh, mŏ nji thakiki. 64 Nji bawâ' ba thiyĭ pĕ be ba thĭ ba sha melikwĕ; nadiambilindĭ Jisu a miveki nadiwu' pĕ ditatyiki bâ ba sha mĕlikwĕ na yĕ ngwa a yĕ bieshĕ. 65 Diŏ yĕ mikâ na; Nanikĕ mĕ kâmĕ be na; shi na mutyi ngwa woliki nzha pĕ mĕ thĭ, na yi sha vĕbi yĕ na Shaŋwamĕ. 66 Nadiwu' dikanh ditĭ dibuthâ di bajethi bĕi ba mibulia, pishĕ bâ do pĕ na nĕi thĕnhtha. 67 Diŏ Jisu a mikâ diom na baba na; Be nji' be ka thokwa? 68 Diŏ Saimon Pitĕr a mibulishi yĕ na; Shaŋwamĕ, beshĕ ba ĕ kiĕ pĕ nzha thi? Wĕ thĭ na mabongwĕ ma thaki' tha adukwa jĕshĕ. 69 Diŏ beshĕ ba mĕlimĕ na diveka na, wĕ Krais mĕtĕ, Ngwamiana mbi Anyambiĕ ngwa diya. 70 Jisu a mibulishi bâ na; Mĕ sha tâbâ begwĕ diom na baba? diŏ nwoto pĕ be ba thĭ yĕ diabolo? 71 A milubili pĕ diambi dimbi Judas Aiskariotĭ, miana mbi Saimŏn; nadiambilindĭ yĕ yĕ ngwa a yĕ bieshĕ, a wu nji nwoto pĕ diom na baba.

7

1 Pisha nya bilombi bi Jisu a midi pĕ Galili; nadiambilindĭ a tyi mika' di pĕ Judia na dibomba di Baju ba mikaka yĕ jotha. 2 Diŏ dibeki di mimbashĕ di Baju di kunibimĕ. 3 Diŏ bamanyanh bĕi ba mikâ yĕ na; Thokwa va wĕ ĕ kiĕ pĕ Judia, na bajethi bâ' ba jĕ' bishali bi wĕ kâmâ. 4 Nadiambilindĭ shi na mutyi ngwa kâmâ alombi dishâthâ, mia tĭ yĕmĕtĕ a naka bĕ pĕ bithânh. Na wĕ kâmâ bilombi bi lebili botyi nyuli nyâyĕ. 5 Nadiambilindĭ bamanyanh bĕi nji ba tyi mimĕli yĕ. 6 Diŏ Jisu a mikâ bâ na; Adu'jamĕ yi sha bĕ; nji adu' jani yi thĭ kokamĕ mbalnhmbainh. 7 Botyi ba sha woli be bena; nji ba bena mĕ, na dibomba di mĕ kobishĕ bâ na, bishali biabi bi thĭ bibe. 8 Betyĭka' bewĕ pĕ dibe' di; mĕ sha beta va pĕ dibĕ' di, nadiambilindĭ adu' jamĕ yi sha bĕ kokami. 9 Mia yĕ mikâ bâ mabongwĕ ma, diŏ yĕ midi na' pĕ Galili. 10 Nji mia bamanyanh bĕi ba mibĕ ba shimĕ beta, diŏ a mibeti nji pĕ dibeki, ntyinh mbo dishâthâ ana pĕ bithânh. 11 Diŏ Baju ba mito' yĕ pĕ dibeki, diŏ bâ ba mikâ na, A thĭ vĭ? 12 Diŏ minyamila miwu minĕn pĕ dibuthĕ di botyi pĕ mbŏ gwĕi. Bawâ ba mikâ na; A thĭ mutyi mbĕnh; bawâ nji na; Bia, a dimbishĕ botyi. 13 Nji tyi mibĕ na mutyi ngwa milubili pĕ mbŏ gwĕi kwashi, na nyĕnh wu Baju. 14 Nji pĕ adu' yi tema nya dibeki Jisu a mibetyi pĕ mbanh wumbi Anyambiĕ na dijĕliĕ. 15 Diŏ Baju ba mimamithĭ na; Wâ a veka bishangangobi na, yĕ do jetha? 16 Jisu a mibulishi na dikâ bâ na; Njelia gwamĕ wu shi ngwamĕ nji wu ngwa milomi mĕ. 17 Na mutyi a mĕlimĕ kâmâ ndingwa gwĕi, wĕna a vemĕ njĕlia, do na wu thĭ wumbi Anyambiĕ do mĕ lubila mĕmĕtĕ. 18 Yĕ ngwa lubila yĕmĕtĕ a toka nĕnia gwĕi mĕtĕ; nji yĕ ngwa toka nĕnia gwĕi wu ngwa milomi yĕ, a thĭ mbombo, diŏ bibe bi shi nĕi. 19 Mosĕsi a tyi mivĕ begwĕ minthali? diŏ shi na mutyi pĕ be ba thĭ ngwa tali minthali; ndi be vanh mĕ jotha? 20 Botyi ba mibulishi na dikâ na; Wĕ thĭ na dimon; nzha vanh wĕ jotha? 21 Jisu a mibulishi na dikâ bâ na; Mĕ mikâmi ashali yiwoto diŏ be beshĕ ba mamitha yv. 22 Nanikĕ Mosĕsi a mivĕ be neshĕbia, (ana nadikâna wu wu wumbi Mosĕsi, nji wu bashaŋwĕ) diŏ be shĕbĕ mutyi busha bi shânâ. 23 Na mutyi a shĕbimĕ busha bi shânâ na, nthali wumbi Mosĕsi wu sha woshaka; be nyanya na mĕ nadiambilindĭ mĕ mikĭshi mutyi na ntyuthĕ busha bi shânâ? 24 Sha jĕliaka' pĕ mbŏ wu njĕnia, nji jeliaka' njĕlia wubĕnh. 25 Diŏ ba Jerusalĕm bawâ' ba mikâ na, Ana yĕ wâ ngwa bâ ba naka jotha? 26 Diŏ sha, a thĭ lubila tĕma nshĕnh diŏ ba sha kâ yĕ n'alombi. Batoli ba veka mbo' na, wâ Krais mĕtĕ? 27 Nji wa beshĕ veka va yĕ wuka; nji mia Krais kĕ ĕ nzha, shi na mutyi ngwa a veka va yĕ ĕ wutha. 28 Diŏ Jisu a miluba' thobĕ pĕ mbanh wumbi Anyambiĕ, a bĕ jĕliĕ, na dikâ na; Be vemĕ mĕ, be veka nji va mĕ wukamĕ; diŏ mĕ sha nzha mĕmĕtĕ, nji ngwa lomika mĕ a thĭ mbombo, ngwa be sha veka. 29 Nji mĕ veka yĕ; nadiambilindĭ mĕ wu pĕ yĕ thĭ, diŏ yĕ lomika mĕ. 30 Diŏ bâ ba mina' yĕ bietha; nji tyi mibĕ na mutyi ngwa minani mbŏ pĕ yĕ thĭ, nadiambilindĭ digwĕla diĕi di tyi mibĕ di nzhĭmĕ. 31 Diŏ dibutha di botyi di mibunli yĕ, na dikâ na; Mia Krais kĕ ĕ nzha a a kâmâ bimamia nulami na bi, bi wâ mikâmi? 32 Bafaraisi ba mijo' mbo botyi ba minyamila mabongwĕ ma pĕ diambi diĕi; diŏ Bafaraisi na baminisĕ banĕn ba milomi balomi na ba bie' yĕ. 33 Diŏ Jisu a mikâ bâ na; bia adukwa yikwĕ mĕ thĭ na nani, wĕna mĕ kiĕmĕ pĕ yĕ ngwa milomi mĕ thĭ. 34 Be ba a mĕ toka, diŏ be tyi jĕnĕ; na va mĕ thĭyĭ, tĭ be sha woli nzha. 35 Diŏ Baju ba mikâ bâ na bâ na; A a kiĕ vĭ, va beshĕ tyi jĕ yĕ? A a kiĕ pĕ bâ ba shikamĕ vanjika pĕ Mavala, na dijĕliĕ Mavala? 36 Dibongwĕ di di thĭ na, di yĕ kâ na; Be ba a mĕ toka, diŏ be tyi jĕnĕ; diŏ va mĕ thĭyĭ, tĭ be sha woli nzha? 37 Pĕ ashu yi madimilia, yŏ ashu yinĕn yi dibeki, Jisu a mitĕbi shini na dilubila thoba na; Na mutyi a gwimĕ avĕshithĕ a nzhĭ' nâtâ pĕ mĕ thĭ. 38 Yŏ ngwa a mĕ bunli; mbo Niĕnja wu mikâthi; Pĕ punh' nya mâi gwĕi wu u woba minlâbi mi madiba ma thakiki. 39 Nji a milubili dibongwĕ di pĕ diambi di Nshinhshinh wumbi Anyambiĕ wu ba bunli yĕ ba a nânh; nadiambilindĭ Nshinhshinh wu aki tha wu tyi mibĕ wu vĕblmĕ; nadiambilindĭ Jisu a tiyi mibĕ a betyimĕ pĕ thobĕ. 40 Mbonâ mia botyi ballbuthĕ ba mijoki mabongwĕ ma, ba mikâ na, Wâ nshâ' mbombo. 41 Bawâ' na; Wâ Krais. Nji bawâ' ba mika na; Krais a a wu pĕ Galili? 42 Nlĕnja wu sha kâ na; Krais a a biali pĕ bana bambi Devid, na pĕ akoldi yi Bĕtleĕm yi Devid a midiyaniĕ? 43 Nanikĕ ba mibomilia mapendi pĕ diambi diĕi. 44 Diŏ bawâ' ba mikaka yĕ bietha; nji tyi mibĕ na mutyi ngwa minani mabŏ pĕ yĕ thĭ. 45 Diŏ balomi ba mibuli pĕ baminisĕ banĕn na Bafaraisi ba thĭ; diŏ ba mikâ bâ na; Ndĭ be sha nzha nĕi? 46 Balomi ba mibulishi na; sha bĕ na mutyi na peli ngwa lubakamĕ mbo wâ. 47 Diŏ Bafaraisi ba mibulishi bâ na; Be dimbimĕ njikĕ? 48 Batoli, do Bafaraisi ba mĕlimĕ yĕ do mutyi do nwoto? 49 Nji botyi bâ ba sha veka minthali ba thĭ shĕmiamĕ. 50 Nikodimo a mikâ bâ na; yĕ ngwa minzhĭ pĕ Jisu thĭ na mpuma yĕ nwoto pĕ bâ ba thĭ. 51 Nthali gwashi wu jĕli mutyi mia tĭ wu sha bonji joka gwana gwĕi na diveka mbo yĕ kâmâ? 52 Ba mibulishi na dikâ yĕ na; Wĕ nji ngwa Galili? Shanga, wĕ ĕ jĕnĕ, nadiambilindĭ nshâ' a tyi tĕbĕ na diwu pĕ Galili. 53 Diŏ mutyi jĕshĕ a mibulikwa pĕ mbanh gwĕi.

8

1 Diŏ Jisu a mikiĕ pĕ mbeka wu Baoliv. 2 Diŏ bia lĕnji divityiki shĭ a mibali nzha pĕ mbanh wumbi Anyambiĕ, diŏ botyi bĕshĕ ba mishâbilia pĕ yĕ thĭ; diŏ yĕ midi shĭ na dijeli bâ. 3 Diŏ Balĕnji na Bafaraisi ba minzhĭ pĕ yĕ thĭ na mimiali ngwa mibiethibi na minthomi, diŏ mia bâ ba mitĕli yĕ pĕ tĕma nyabi, 4 Ba mikâ yĕ na; Njeli, mimiali wâ a biethibimĕ na minthomi. 5 Diŏ Mosĕsi a mityinjili beshĕ pĕ minthali na; botyi ba ntyinh wi ba wushiki makâki; nji wĕ ja na? 6 Diŏ ba mikâ nani, na ba jĕlikwa yĕ na dibĕ na alombi yi bâ ba lubili yĕ. Nji Jisu a midâlibi na dĭlĕnde pĕ bishâpâ, na vina viĕi. 7 Diŏ mia bâ ba mibatyi yĕ na mpikwa, diŏ a mibenia, na dikâ bâ na, Ye ngwa shi na bibe mbo bi, a bonjiki yĕ wusha dikâki. 8 Diŏ yĕ mibali dâlibâ na dilĕndĕ pĕ bishâpâ. 9 Diŏ bâ ba mijoki, ba mikobi na minlema miabi, diŏ ba midushi nwoto, nwoto, tatyiliĕ pĕ batoli na dikiĕ pĕ bandĕmbi; diŏ Jisu a milili yĕ dipa, bâ na ngwamimialĭ pĕ tema, 10 Mia Jisu a mibenia a tyi mijĕ' pĕ na mutyi ngĕ ngwamimiali; diŏ yĕ mikâ yĕ na; Mimiali wâ, bakobishi bâ ba thĭ vĭ? sha bĕ na mutyi ngwa kobishi gwĕ? 11 Diŏ yĕ mikâ na; Sha bĕ na mutyi, Shaŋwamĕ. Jisu a mikâ yĕ na; Do mĕ mĕ sha kobishi gwĕ; kiĕkĕ, sha bâli' pĕ na' kâmâ bibe. 12 Diŏ Jisu a mibali lubila nabi na; Mĕ bithânh bi pĕnzhe nyi; yĕ ngwa thĕpiliĕ mĕ a tyi thĕnhtha pĕ divityiki, nji a a bĕ na bithânh bi thakiki. 13 Nanikĕ Bafaraisi ba mikâ yĕ na, Wĕ veshi pĕ mbŏ gwâyĕ; nvesha gwâ wu shi mbombo. 14 Diŏ Jisu a mibulishi na dikâ bâ na; Mĕ gwa na veshi pĕ mbŏ gwamĕ, nvesha gwamĕ wu thĭ mbombo; nadiambilindĭ mĕ veka va mĕ miwuthĕ, na va mĕ kiĕ; nji be sha veka va mĕ wuka, do va mĕ thĭ kiĕ. 15 Be jĕliĕ mbo milema miani mi thĭyĭ; mĕ sha jĕliĕ na mutyi. 16 Diŏ na mĕ jĕlimĕ, njĕlia gwamĕ wu thĭ mbombo; nadiambilindĭ mĕ shi mĕ dipa, nji beshĕ na Shanh ngwa milomi mĕ. 17 Yi thĭ nji lĕnjamĕ pĕ minthali miani mĕtĕ na; nvesha wu botyi baba wu thĭ nge mbombo. 18 Mĕ nwoto ngwa veshĕ pĕ diambi diâmĕ, diŏ Shanh ngwa milomi mĕ yĕ nji veshĕ pĕ mbŏ gwamĕ. 19 Diŏ ba mikâ yĕ na; Shânh a thĭ vĭ? Jisu a mibulishi bâ na; Be sha veka mĕ do Shaŋwamĕ; na be ba veka mĕ, kâ be veka nji' Shaŋwamĕ. 20 Jisu a milubili mabongwĕ ma pĕ alongwĕ yi mabâm mia yĕ mijeli pĕ mbanh wumbi Anyambiĕ. Diŏ tyi mibĕ na mutyi ngwa mibie' yĕ nadiambilindĭ digwĕla diĕi di tyi mibĕ di nzhĭmĕ. 21 Adukwa yiwâkâ Jisu a mikâ bâ na; Mĕ kiĕmĕ, diŏ be ba a me toka, diŏ be ba gwa na bibe biani; va mĕ thĭ kiĕ be sha woli nzha tĭ. 22 Diŏ Baju ba mikâ na; A a Joli nyuli nyĕi mĕtĕ? Nadiambilindĭ a kâna; Va mĕ thĭ kiĕ be sha woli nzha. 23 Diŏ yĕ mikâ bâ na; Be wumĕ pĕ shi nji mĕ wumĕ pĕ thobĕ; be ba thĭ ba pĕnzhe nyi, mĕ shi ngwa pĕnzhe nyi. 24 Nanikĕ mĕ kâ be na; be ba a gwa na bibe biani; nadiambilindĭ na be sha mĕli na, mĕ thĭyĭ, wĕna be gwimĕ na bibe biani. 25 Diŏ bâ ba mikâ yĕ na; Wĕ nzha? Diŏ Jisu a mikâ bâ na; Mĕ thĭ ngĕ mbo mĕ thĭ be thatha na diwu pĕ ditatyiki. 26 Mĕ thi na ma' malibuthĕ ma mĕ thaki pĕ mbŏ gwani na dijeliĕ; nji yĕ ngwa milomi mĕ a thi mbombo; diŏ ma' ma mĕ shikamĕ joka nĕi, mĕ bonhtha mŏ botyi ba pĕnzhe nyi. 27 Ba tyi mive' na, a thĭ nabi lubila pĕ mbŏ wu Shaŋwĕ. 28 Diŏ Jisu a mikâ bâ na; Na be petyimĕ Miana ngwa mutyi wĕna be vemĕ na, mĕ thĭyĭ, diŏ mĕ sha kâmikâ n' alombi mĕmĕtĕ, nji mbo Shaŋwa' a mijeli mĕ, nanikĕ mĕ lubila ma' ma. 29 Diŏ yĕ ngwa milomi mĕ a thĭ nji na mĕ; Shanh' a sha lika mĕ dipa, nadiambilindĭ mĕ kâmâ bilombi bi yĕ dinha mbainhmbainh. 30 A bĕ lubila mabongwĕ ma, balibuthĕ ba mibunli yĕ. 31 Diŏ Jisu a mikâ Baju batĭ bamibunli yĕ na; Na be jĕmiliamĕ na njĕlia gwamĕ, wĕna be bĕmĕ bajethi bamĕ mbo: 32 Diŏ be ba a veka ma'mambombo, diŏ ma'mambombo ma a be dishĕ bana ba njĭ. 33 Ba mibulishi yĕ na; Beshĕ bana bambi Abraam, diŏ beshĕ tyi mibĕ mishaka mi mutyi na peli; nji ndĭ wĕ kâ na; Be ba a bĕ bana ba njĭ. 34 Jisu a mibulishi bâ na; Mbombo mĕ kâ be na, mutyi jĕshĕ ngwa kâmâ bibe, yĕ nshaka wu bibe. 35 Diŏ nshaka wu sha dikâ pĕ mbanh adukwa jĕshĕ; miana a di adukwa jĕshĕ. 36 Nanikĕ na miana a dishimĕ be bana ba njĭ, wĕna be bĕmĕ bana ba njĭ mĕtĕ. 37 Mĕ veka na be bana bambi Abraam; nji be naka mĕ jotha, nadiambilindĭ njĕlia gwamĕ wu sha bĕ na nyiŋwa pĕ ba ba thĭ. 38 Mĕ luibila ma ma mĕ jĕkamĕ na Shaŋwamĕ; diŏ be njikĕ be kâmâ ma ma be jĕkamĕ na Shaŋwani. 39 Ba mibulishi na dikâ yĕ na; Shaŋwashi yĕ Abraam; Jisu a mikâ bâ na; Na be ba bĕmĕ bana bambi Abraam, wĕna be kâmimĕ bishali bimbi Abraam. 40 Nji va be naka mĕ jotha, mutyi ngwa shikamĕ be thatha mambi ma mbombo ma mĕ mijoki na Anyambiĕ; Abraam a tyi mikâmi mbonâwu. 41 Be kâmâ bishali bi Shaŋwani. Diŏ bâ ba mikâ yĕ na; Beshĕ tyi mibialiĕ na mathalia; Beshĕ ba thĭ na Shanh nwoto, yĕ Anyambiĕ. 42 Diŏ Jisu a mikâ bâ na; na Anyambiĕ a bĕmĕ Shaŋwani, wĕna be dinhmĕ mĕ; nadiambilindĭ mĕ midushi pĕ Anyambiĕ thĭ na dinzha woni; diŏ mĕ tyi minzhĭ mĕmĕtĕ, nji yĕ milomi mĕ. 43 Ndĭ be sha veka nthaka gwamĕ? nadiambilindĭ be sha woli' joli njelia gwamĕ. 44 Be ba thĭ ba Shaŋwani diabolo, diŏ mimbonzhi mi Shaŋwani be meli' miŏ kâmâ. A wu njothingwa-botyi nadiwu' pĕ ditatyiki, yĕ do di pĕ ma mambombo; nadiambilindĭ ma' mambombo ma shi nĕi. Mia yĕ lubila bika pĕ, a lubila mbiei mĕtĕ; nadiambilindĭ a thĭ ndioba, yĕ nji shanh' ngwa bikapĕ. 45 Nji nadiambilindĭ mĕ lubila ngĕ mbombo, be sha mĕli mĕ. 46 Nzha pĕ be ba thĭ ngwa kobishakamĕ mĕ na bibe? diŏ na mĕ lubimĕ mbombo ndĭ be sha mĕli mĕ? 47 Yĕ ngwa thĭ mutyi mbi Anyambiĕ, a joka mabongwĕ mambi Anyambiĕ; nani kĕ be sha joka nadiambilindĭ be shi bambi Anyambiĕ. 48 Baju ba mibulishi na dikâ yĕ na; Beshĕ sha jombia kâ na, wĕ Ngwasemeria wĕ thĭ nji na dimoni? 49 Jisu a mibulishi na; Mĕ shi na dimoni, nji' mĕ junh Shaŋwamĕ, diŏ be sha jungi mĕ. 50 Mĕ sha toka thakumi thamĕ; a thĭyĭ ngwa toka na dijĕliĕ. 51 Mbombo mĕ kâ be na; na mutyi a talimĕ dibongwĕ diamĕ wĕna a tyi jĕ' digwa nadikiĕ adukwa jĕshĕ. 52 Diŏ Baju ba mikâ yĕ na; Beshĕ vemĕ dĕ na, wĕ thĭ na dimoni. Abraam a gwimĕ bâ na bashâki; nji wĕ kâ na; Na mutyi a talimĕ dibongwĕ diâmĕ a tyi kieka digwa na dikiĕ adukwa jĕshĕ. 53 Wĕ daka shaŋwashi Abraam, ngwa thĭ bo? Diŏ bashâki ba thĭ bo. Wĕ vityitha nyuli nyâ mĕtĕ na? 54 Jisu a mibulishi na; Na mĕ nĕnishimĕ nyuli nyamĕ mĕtĕ wĕna nĕnia gwamĕ wu shi n' alombi; Shaŋwamĕ yĕ nĕnishĕ mĕ, ngwa be kâ na, yĕ Anyambiĕ ngwashi. 55 Diŏ be sha veka yĕ: nji mĕ veka yĕ; diŏ na mĕ kâmĕ na, mĕ sha veka yĕ, wĕna mĕ bĕmĕ ndioba mbo begwĕ; nji mĕ vemĕ yĕ mĕ taliĕ nji mabongwĕ mĕi. 56 Abraam ngwashaŋwani a midoni jĕ' ashu jamĕ; diŏ yĕ mijĕ yŏ, yĕ didona nji di. 57 Diŏ Baju ba mikâ yĕ na, Wĕ na dibialiĕ wĕ sha shiliĕ mabom ma mimbu matani, diŏ wĕ mijĕ, Abraam? 58 Jisu a mikâ bâ na; Mbombo mĕ kâ be na; mia tĭ Abraam a sha bĕ, mĕ diya. 59 Diŏ bâ ba milâli makâki na; ba wusha yĕ ma; nji Jisu a mishâthibi, diŏ yĕ midushi pĕ mbanh wumbi Anyambiĕ, na dinula pĕ tema nyabi; nanikĕ yĕ mikiĕkĕ.

9

1 Diŏ mia Jisu a minuka a mijĕ mutyi ngwa mibiali njimĕ. 2 Diŏ bajethi bĕi ba mipi' yĕ na; Shaŋwashi, wâ, na shaŋwĕ na nyaŋwĕ nzha mikâmi bibe, mia yĕ bialiki njimĕ? 3 Jisu a mibulishi na; Ana wâ do shaŋwĕ na nyaŋwĕ ba mikâmi bibe; nji na bishali bimbi Anyambiĕ bi jĕnikwa nĕi. 4 Mĕ kubiki bishali biĕi bi ngwa milomi mĕ mia busha bi thĭ na ndanh, mpuma wu thĭ nzha, wu u bĕ do bĕ na mutyi ngwa woli kuba ashali. 5 Mia mĕ thĭ na pĕ pĕnzhe nyi, mĕ bithânh bi pĕnzhe nyi. 6 A mibonhthi mabongwĕ ma, diŏ yĕ mivambi mathânzhĭ pĕ shĭ na dipula bishâpâ bitĕki na mathânzhĭ, diŏ yĕ mijâli bishâpâ bitĭ pĕ mishi ma ngwanjimĕ, na dikâ yĕ na: 7 Kiĕ joba' pĕ atâ' yi Siloam, (di thĭ na nzyilia na bilomika:) diŏ yĕ mikiĕ na dijobitha, diŏ yĕ mibulia a a nzha jĕnĕ. 8 Bâ ba wu wâ, na bâ ba mijĕ yĕ a bĕ njimĕ, ba mikâ na, Ngwa beta di shĭ na dibĕmba ana yĕ wâ? 9 Bawâ ba mikâ na; Yĕnĕ; bawâ nji' na; A thĭ mbo yĕ; yĕmĕtĕ mikâ na: Mĕ yĕni. 10 Diŏ bâ ba mikâ yĕ na; Mishi mâ ma bangwa na? 11 Diŏ yĕ mibulishi na dikâ na; Mutyi ngwa thebi na Jisu a mipuli bishâpâ bitĕki, na dijâli mĕ biŏ pĕ mishi, diŏ yĕ mikâ mĕ na; kiĕ joba' pĕ atâ' yi Siloam, diŏ mĕ mikiĕ jobitha, diŏ mĕ jĕkamĕ njikĕ. 12 Diŏ bâ ba mikâ yĕ na; A thĭ vĭ? Diŏ yĕ mikâ na; mĕ sha veka. 13 Ba mindeshi yĕ ngwa wu njimĕ pĕ Bafaraisi ba thĭ. 14 Diŏ ashu yitĭ yi wu busha bi, Shânâ mia Jisu a mipuli bishâpâ bitĕkĕ na dibanhtha yĕ mishi mĕi. 15 Diŏ Bafaraisi ba mipi' nji yĕ na; mishi mâ ma mibangwa na? A mikâ bâ na; A mikeshi bishâpâ bitĕkĕ pĕ mishi mamĕ, diŏ mĕ mijobithi, diŏ mĕ jĕkamĕ njikĕ. 16 Nanikĕ Bafaraisi bawâ' ba mikâ na; Mutyi wâ a sha wu pĕ Anyambiĕ thĭ, nadiambilindĭ a sha tali busha bi shânâ; bawâ' ba mikâ na; Mutyi mbe a woliki kâmâ bimamia mbo bi na? Diŏ ba mibomilia mapendĕ pĕ diambi diĕi. 17 Diŏ bâ ba mibali kâ ngwanjlmĕ na; Wĕ ja na pĕ mbŏ gwei, pĕ diambi di yĕ lâlishi wĕ mishi? A mikâ na; A thĭ nshâki. 18 Nji Baju ba tyi mimĕli pĕ diambi diĕi na, a wu njimĕ, diŏ mishi mĕi ma milâliĕ vĕngĕ na ba thebimĕ shanh' bâ na nyaŋwĕ ngwa mishi mĕi ma milâliĕ. 19 Diŏ bâ ba mipi' bâ na; Miana ngwani wâ ngwa be kâ na a mibiali njimĕ? Diŏ a jĕmĕ dĕ nandĭ? 20 Diŏ shanh' na nyaŋwĕ ba mikâ bâ na; Beshĕ ba veka na, miana ngwashi wâ, beshĕ ba veka nji na, a mibiali njimĕ. 21 Nji mbo yĕ jĕkamĕ va, beshĕ sha veka; na ngwa lâlishakamĕ yĕ mishi beshĕ sha veka; a mbiĕ mutyi mbathĕ; pika' yĕ, yĕmĕtĕ kĕ lubila. 22 Shanh na nyaŋwĕ ba milubili mabongwĕ ma, nadiambilindĭ ba minyĕnh Baju; nalikana Baju ba mibĕ ba latyimĕ ashoka na; na mutyi a mĕmimĕ na yĕ Krais; wĕna a thokwamĕ pĕ sunagogi. 23 Nanikĕ shanh na nyaŋwĕ ba mikâ na; A thĭ mutyi mbathĕ, pika' yĕ. 24 Diŏ bâ ba mibali theba mutyi ngwa wu njimĕ na dikâ yĕ na; Paka' Anyambiĕ; beshĕ vemĕ na mutyi wâ a thĭ mbe. 25 A mibulishi na dikâ na; Na a thĭ mbĕ, mĕ sha veka; mĕ vemĕ alombi yiwoto, na, mĕ wu njimĕ, nji mĕ jĕmĕ dĕ kiava. 26 Diŏ bâ ba mibali yĕ kâ na; A misha wĕ ndĭ? A milâlishi wĕ mishi mayĕ na? 27 A mibulishi bâ na; Mĕ shimĕ be thatha, diŏ be sha jolikwĕ; ndi be naka bali yŏ joka? Be naka bĕ bajethi bĕi njikĕ? 28 Diŏ bâ ba milĕnh yĕ na dikâ na; Wĕ njethi ngwĕi, nji beshĕ bajethi bambi Mosĕsi. 29 Beshĕ ba veka na, Anyambiĕ a miluba na Mosĕsi; nji alombi mutyi yi beshĕ sha veka va yĕ wuka. 30 Diŏ ngwanjimĕ a mibulishi na dikâ bâ na; Sha, atĕ alombi yimamia yi na; be sha veka va yĕ wuka; nji a lâlishimĕ mĕ mishi. 31 Diŏ beshĕ veka na; Anyambiĕ a sha joli babe; nji na mutyi a bĕmĕ njunh ngwambi Anyambiĕ na dikâmâ ndingwa gwĕi, yĕ ngwa yĕ joliĕ. 32 Pĕnzhe nyi na ditatyiliĕ, yi sha jokwa na, mutyi a lâlishimĕ mishi ma mutyi ngwa mibiali njimĕ. 33 Na mutyi wâ a a bĕ do wu pĕ Anyambiĕ thĭ a sha kâmâ n' alombi. 34 Diŏ bâ ba mibulishi na dikâ yĕ na; Wĕ mibiali na bibe nantyuthĕ diŏ wĕ jeli beshĕ? Diŏ ba midushi yĕ pĕ nshĕnh. 35 Diŏ Jisu a mijo na, ba midushi yĕ pĕ nshĕnh, nji mia a mijĕ yĕ a mikâ yĕ na; Wĕ bunli Miana mbi Anyambiĕ? 36 A mibulishi na dikâ na; Yĕ nzha, na mĕ bunli yĕ, Shaŋwamĕ? 37 Diŏ Jisu a mikâ yĕ na; Wĕ jĕmĕ yĕ, yĕ nji yĕ ngwa thĭ nayĕ lubila. 38 Diŏ yĕ mikâ na; Shaŋwamĕ mĕ bunlimĕ; diŏ yĕ mingonjibi pĕ yĕ thĭ na dijunh yĕ. 39 Diŏ Jisu a mikâ na; Mĕ nzhĭmĕ pĕ pĕnzhĕ nyi pĕ diambi di njĕlia na, bâ ba sha jĕkĕ, ba jĕkĕ, na bâ ba jenĕ, ba bĕ banjimĕ. 40 Diŏ bâ ba Bafaraisi ba wu nĕi ba mijo' mabongwĕ ma, diŏ bâ ba mikâ yĕ na; Beshĕ thĭ nji banjimĕ? 41 Jisu a mikâ bâ na; Na be ba a bĕ banjimĕ kâ be shi na bibe; nji be kâ va na; Beshĕ ba jĕmĕ; nanikĕ bibe biani bi dikamĕ.

10

1 Mbombo mĕ kâ be na; Yĕ ngwa Sha nyiŋa' pĕ diasha di mbanh wu bindâmâki, nji yĕ dibeta mbĕ wâkâ, yĕ njibi na njanzhi. 2 Nji ngwa nyinhtha pĕ diasha yĕ ntali ngwa bindâmâki. 3 Ngwa vĕnhli diasha a dibitha yĕ diasha; diŏ bindâmâ' bi joka dioi diei; a theba nji bindâmâ biei na mina mabi, na didushi biŏ pĕ nshĕnh. 4 Diŏ na a dushimĕ bindâmâ' biei, a kiĕ pĕ boshĕ biabi; diŏ bindâmâ' bi thĕpiliĕ yĕ, nadiambilindĭ bi veka dioi diei. 5 Nji bi tyi thĕpili mutyi nwâkâ, nji bi i yĕ nyĕnh na nvilĕ; nadiambilindĭ bi sha veka moi ma botyi bawâkâ. 6 Jisu a mikanithi bâ ngana nyi; nji ba tyi mive' ma' matĭ ma yĕ milubili bâ. 7 Diŏ Jisu a mibali kâ bâ na; Mbombo mĕ kâ be na, mĕ diasha di bindâmâki. 8 Ba beshĕ ba mibonji nzha na mĕ, ba bajibi na bajanzhi; nji bindâmâ' bi tyi mijoli bâ. 9 Mĕ diasha; na mutyi a nyiŋimĕ pĕ mĕ thĭ wĕna a kimĕ; diŏ yĕ kĕ nyinhthi na dldusha, diŏ yĕ ĕ jĕ bidia. 10 Ngwanjibi a sha nzha alombi yiwâkâ ngĕ dijiba na dijotha, na dishiliĕ; mĕ nzhĭ na ba bĕ na thakiki, na ba buliki nji na thŏ bĕ. 11 Mĕ ntali ngwa bindâmâ ngwambĕnh; ntali ngwa bindâmâ ngwambĕnh a ni' thaki' thĕi pĕ diambi di bindâmâki. 12 Nji ngwankubi, yĕ do bĕ ntali ngwa bindâmâki, ngwa shi nji' mĕtĕ mbi bindâmâki, a jĕ nzhĕ a bĕ nzha, diŏ yĕ lika bindâmâki na dinyĕnh; diŏ nzhĕ bie' biŏ na dĭvanjaka bindâmâki. 13 Nkubi a nyĕnh, nadiambilindĭ a thĭ nkubi a shi nji na mbambi na bindâmâki. 14 Mĕ ntali ngwa bindâmâki ngwambĕnh; mĕ veka nji bindâmâ' biamĕ, diŏ mĕ vekwamĕ na mbiamĕ. 15 Mbo Shaŋwĕ a veka mĕ, nanikĕ nji mĕ veka Shaŋwe; diŏ mĕ ni' thaki' thamĕ pĕ diambi di bindâmâki. 16 Diŏ mĕ thĭ na bindâmâ' biwâ' bi shi bi ndainh wu; mĕ ndeshiki nji' biŏ bi i joka dioi diamĕ; diŏ wu u bĕ ndianh wuoto na ngwantali nji' nwoto. 17 Pĕ diambi di diŏ Shaŋwamĕ a dinha mĕ, nadiambilindĭ mĕ ni' thaki' thamĕ, diŏ mĕ ĕ bali nji' thŏ nânh. 18 Shi na mutyi ngwa a mĕ thŏ nânh; nji mĕ ni' thŏ mĕmĕtĕ; Mĕ thĭ na nguldi nya dini' thŏ, diŏ mĕ thĭ na nguldi nya dibali thŏ nanh. Dibongwĕ di mĕ nânh mĕ diŏ pĕ Shaŋwamĕ thĭ. 19 Diŏ Baju ba mibali boma mapendĕ pĕ diambi di ma' ma. 20 Diŏ bawâ' balibuthĕ ba mikâ na; A thĭ na dimoni, a kwĭmĕ nji' miĕnh yĕ; ndĭ be joli' yĕ? 21 Bawâ' ba mikâ na; Mabongwĕ ma ma shi mabongwĕ ma mutyi ngwa thĭ na dimoni. Dimoni di woliki lâlishĕ mishi ma ba njimĕ? 22 Diŏ dibe' di mbetya wu mbanh wumbi Anyambiĕ di wu pĕ Jiruselem, yi wu nji' adukwa yi divĕbĕ. 23 Diŏ Jisu a mikâmbikâ pĕ mbanh wumbi Anyambiĕ pĕ nshinhtha wumbi Solomŏn. 24 Diŏ Baju ba minzhĭ pĕ yĕ thĭ bââta, na dikâ yĕ na; Abembi yitinzha yi wĕ na dibomishĕ beshĕ mapendĕ? Na wĕ Krais mĕtĕ, kwasha' beshĕ mbo. 25 Diŏ Jisu a mibulishi bâ na; Mĕ shimĕ be bonhtha, diŏ be sha mĕlikwĕ; bishali bi mĕ kâmâ na dina di Shaŋwamĕ bi veshi pĕ diambi diâmĕ. 26 Nyi be sha mĕlikwĕ, nadiambilindĭ be shi bindâmâ' biamĕ; mbo mĕ kâkamĕ begwĕ, na; 27 Bindâmâ' biamĕ bi joka dioi diamĕ, diŏ mĕ veka biŏ; bi thĕpili nji' mĕ, 28 Diŏ mĕ vĕ biŏ thaki' tha adukwa jĕshĕ, diŏ bi tyi mashitha na dikiĕ pĕ adukwa jĕshĕ; tyi bĕ na mutyi ngwa a mĕ biŏ thambitha pĕ mbŏ gwamĕ. 29 Shaŋwamĕ, ngwa mivĕ mĕ biŏ, a thĭ nĕn nulami na botyi bĕshĕ; diŏ shi na mutyi ngwa woliki biŏ thambitha pĕ mbŏ wu Shaŋwamĕ. 30 Beshe na Shaŋwamĕ beshĕ thĭ nwoto. 31 Diŏ Baju ba mibali lâlâ makâki, na, ba wusha yĕ mŏ. 32 Jisu a mibulishi bâ na, Mĕ lebilimĕ be bishali bibĕnh bilibuthĕ na diwu' pĕ Shaŋwamĕ thĭ; pĕ ashali yiti yinzha yi be wusha mĕ makâki? 33 Baju ba mibulishi yĕ na; Pĕ diambi di ashali yibĕnh beshĕ sha wushi wĕ makâki, nji pĕ diambi di ntâkwa wumbi Anyambiĕ, nadiambilindĭ wĕ bĕ nji mutyi, wĕ sheikwa na Anyambiĕ. 34 Jisu a mibulishi bâ na, Yi shi lĕnjam pĕ minthali miani na, mĕ mikâ na, be ba thĭ binyambiĕ? 35 Na a mithebi bâ binyambiĕ ba bibongwĕ dimbi Anyambiĕ di minzhĭ pĕ bâ ba thĭ, (diĕ nlĕnja wu sha woli wosha;) 36 Yĕ ngwa Shaŋwĕ a mikithishĕ na diloma pĕ pĕnzhe nyi, be kâ yĕ na; Wĕ tâthâ Anyambiĕ nadiambilindĭ mĕ kamĕ na; Mĕ Miana mbi Anyambiĕ? 37 Na mĕ sha kâmĭkâ bishali bi Shaŋwamĕ, sha mĕliaka' pĕ mĕ; 38 Nji na mĕ kâmimĕ, be do mĕ mĕliĕ, mĕliaka' bishali; na be veki na dimĕliĕ na, Shaŋwĕ a thĭ na mĕ, mĕ nji' nĕi. 39 Nanikĕ bâ ba mibali yĕ toka bietha; nji yĕ mithokwa bâ pĕ mbŏ gwabi; 40 Na dibali kiĕ pĕ biatyi bi Jordân, pĕ womba va Jŏn a mibonji baptaiza; diŏ yĕ midi tĭ. 41 Diŏ balibuthĕ ba minzhĭ pĕ yĕ thĭ; diŏ bâ ba mikâ na; Jŏn a tyi mikâmi n' alombi yimamia; nji ma' mĕshĕ ma Jŏn a mibonhthĭ pĕ diambi di mutyi wâ ma thĭ mbo. 42 Diŏ balibuthĕ ba mibunli yĕ tĭ.

11

1 Mutyi a mitatyika ngwa bieta thebiĕ na, Lazarus ngwa Bĕthani, akoidi yimbi Meri, bâ na manyaŋwĕ Marta. 2 Yĕ Meri tĭ ngwa mijali Jisu jâmbv, na dipimbitha mako' mĕi na shoi nyĕi, ngwa ndomi Lazarus a bieta tata. 3 Diŏ bakali bĕi ba mikĕshi nthebili pĕ yĕ thĭ na, Shaŋwashi, sha', ngwa wĕ dinha a thĭ tata. 4 Mia Jisu a mijo' nani, a mikâ na; Ntatyiki wi wu shi wu digwa, nji pĕ diambi di nĕnia wumbi Anyambiĕ na, Miana mbi Anyambiĕ a nĕniki na gwŏ. 5 Diŏ Jisu a midinga Marta, bâ na manyaŋwĕ, na Lazarus. 6 Nanikĕ mia yĕ mijo' na a thĭ tata, a mitha' na' tĭ mashu mâba pĕ womba va yĕ wu na peli. 7 Pisha tĭ diŏ yĕ mikâ bajethi bĕi na; Mbaliaka, kiĕ pĕ Judia. 8 Diŏ bajethi ba mikâ yĕ na; Shaŋwashi, Baju ba kamĕ wĕ wusha makâ' kia, diŏ wĕ bali nji' tĭ kiĕ? 9 Jisu a mibulishi na; Ndanh na ntyuthĕ nyi shi diom di magwĕla na magwĕla maba? - Na mutyi thĕnhtha na ndanh, a sha duma' dibaki, nadiambilindĭ a jĕ' bithânh bi pĕnzhe nyi. 10 Nji na mutyi thĕnhtha na mpuma, a dumltha dibaki, nadiambilindĭ bithânh bi shi nĕi. 11 A mikâ ma' ma, diŏ pisha tĭ a mikâ bâ na; Jombi ana Lazarus a thĭ vithŏ; nji mĕ kiĕmĕ na mĕ jemi' yĕ. 12 Diŏ bajethi bĕi ba mikâ na; Shaŋwashi, na a thĭ vithŏ wĕna a kimĕ. 13 Nji Jisu a milubili pĕ diambi di digwa diĕi; nji bâ ba milanhli na, a milubili pĕ diambi di njâlia wu vithŏ. 14 Diŏ Jisu a mikwashithi bâ na; Lazarus a gwĭmĕ. 15 Diŏ mĕ donimĕ pĕ diambi diani na, mĕ tyi wu tĭ, na, be mĕlikwĕ; nji ngiĕka' pĕ yĕ thĭ. 16 Diŏ Tŏmasi, ngwa bieta thebiĕ na, Dĭdimus a mikâ bajethĭ bawâ' na; Ngieka' bena bĕshĕ, bena bĕshĕ ba a gwa nĕi. 17 Mia Jisu a mipami, a mikâbi yĕ a mbie na ditha' shânh mashu manai. 18 Diŏ Bĕthani yi wu kuna na Jiruselĕm na dikie' diwoto. 19 Diŏ Baju balibuthĕ ba mibĕ ba nzhĭmĕ pĕ Marta na Meri ba thĭ; nzha bâ jibitha pĕ diambi di ndomi abi ngwa gwaka. 20 Diŏ mia Marta a migo' na, Jisu a thĭ nzha, a mikiĕ nĕi bomita; nji Meri a wu ngĕ na' diya pĕ mbanh. 21 Diŏ Marta a mikâ Jisu na; Shaŋwamĕ, na wĕ ĕ bĕ va ka ndomi ashi a sha gwa. 22 Nji mĕ veka dĕ na, bilombi biĕshĕ, bi wĕ pika Anyambiĕ a wĕ biŏ vĕ. 23 Diŏ Jisu a mikâ yĕ na; Yâ ndomi kĕ ĕ jomia. 24 Marta a mikâ yĕ na; Mĕ veka na, a a jomia njomia wu ashu yi madimilia. 25 Jisu a mikâ yĕ na; Mĕ njomia na thakiki. Ngwa bunli mĕ, a gwana gwa, a a diya. 26 Diŏ mutyi jĕshĕ ngwa thĭ diya na na dibunli mĕ, a tyi gwa na dikiĕ adukwa jĕshĕ. Wĕ mĕlimĕ dibongwĕ dĭ? 27 Diŏ yĕ mikâ yĕ na; Inh, Shaŋwamĕ; mĕ mĕlimĕ na, wĕ Krais, Miana mbi Anyambiĕ, ngwa thĭ nzha pĕ pĕnzhe nyi. 28 Diŏ mia yĕ mishi lubila ma' ma, a mikiĕ na ditheba Meri, ngwamanyaŋwĕ dishâthâ na; Njeli a nzhĭmĕ, a thĭ wĕ theba. 29 Diŏ mia yĕ mijoki, a mitĕ tĕbĕ na dinzha pĕ yĕ thĭ. 30 Nji Jisu a tyi mibĕ a pamimĕ pĕ mbokĕ; nji a wu pĕ womba va Marta a mibomita nĕi. 31 Diŏ Baju ba wu nĕi pĕ mbanh, na dingânhthâ yĕ, mia bâ ba mijĕ' Meri a tĕkĕ tĕbĕ na didusha, ba mithĕpili yĕ na; ka a thĭ kiĕ pĕ shânh, kiĕ the' tĭ. 32 Diŏ mia Meri a minzhĭ pĕ va Jisu a wuthĕ, na dijĕ' yĕ, a mingonjibi pĕ mako' mĕi, na dikâ yĕ na; Shaŋwamĕ, na wĕ ĕ bĕ va, kâ ndomi amĕ a sha gwa. 33 Nanikĕ mia Jisu a mijĕ' yĕ a bĕ thetha, na Baju ba minzhĭ nĕi njikĕ ba bĕ thetha, a mibĕ na ngâtâ nyanĕn pĕ nlema, na dijĕ' njuki. 34 Diŏ a mikâ na; Be shâli yĕ vĭ? Ba mikâ yĕ na; Shaŋwashi, nzha jĕkĕ. 35 Jisu a mithethĭ. 36 Diŏ Baju ba mikâ na; Shanga mbo yĕ midinga yĕ! 37 Diŏ bawâ' ba mikâ na; Wâ ngwa milâlishi mishi ma ngwanjimĕ, a tyi wu na nguldi nya dipepa mutyi wâ na, a sha gwĭki? 38 Diŏ Jisu a mibali bĕ na ngâtâ nyanĕn, diŏ yĕ minzhĭ pĕ shânh. Nyi wu buli, diŏ dikâ' di minika pĕ biŏ. 39 Jisu a mikâ na; Thokaka' dikâki. Marta ngwakali mbi ngwa gwaka a mikâ yĕ na; Shaŋwamĕ, shoka nyi a numbimĕ; nadiambilindĭ a mbie na digwa mashu menai. 40 Jisu a mikâ yĕ na; Mĕ sha kâ wĕ na, na wĕ mĕlimĕ wĕna wĕ jĕmĕ nguldi nyambi Anyambiĕ? 41 Diŏ bâ ba mithothi dikâki pĕ va ngwakiĕnh a minikani. Diŏ Jisu a mibenithi mishi mĕi, na dikâ na; Dibâtâ, Shaŋwamĕ, nadiambilindĭ wĕ mijoli mĕ. 42 Diŏ mĕ veka nji' na wĕ joli mĕ adukwa jĕshĕ; nji pĕ diambi di botyi ba tĕtha ba mĕ lubimĕ, na be mĕli na wĕ milomi mĕ. 43 Mia yĕ milubili ma' ma a milânh na dioi dinĕn na; Lazarus, dushika woni. 44 Diŏ ngwa ngwaka midushi; maka' na mabŏ dipiam na mindamba; diŏ boshi biĕi bi wu dipiam na avĕlĕshĕ. Jisu a mikâ bâ na; Tyiŋaka' yĕ, a thĕnhthakanL 45 Diŏ dibutha di Baju, di minzhĭ pĕ Meri thĭ, na dijĕ' mambi ma Jisu a mikâmi, ba mibunli yĕ. 46 Nji bawâ' ba mikiĕ pĕ Bafaraisi ba thĭ, na dithatha bâ bilombi bi Jisu a mikâmi. 47 Diŏ baminisĕ bânĕn na Bafaraisi ba mishâbilia nwâbi na dikâ na; Bena thĭ sha na? nadiambilindĭ mutyi wâ a kâmâ bimamia bilibuthĕ. 48 Na bena mĕlimĕ na a bĕki, wĕna botyi bĕshĕ ba bunlimĕ yĕ; diŏ Baroman ba a nzha na dishiliĕ bena womba na divala. 49 Nji nwâtâ pĕ bâ ba thĭ ngwa thebiĕ na, Kaiefasi ngwa wu minisĕ ngwanĕn mbu wutĭ, a mikâ bâ na; Be sha veka n'alombi, 50 Dŏ lanhli na, yi thĭ yibĕnh pĕ bena ba thĭ na, mutyi nwoto a gwĭ' pĕ ashĕnh yi botyi, diŏ divala na ntyuthĕ do shithĕ. 51 Nji a tyi mibonhthl dibongwĕ di yĕmĕtĕ, nji a wu minisĕ ngwanĕn mbu wutĭ, diŏ yĕ mishâ' na, Jisu a a gwa pĕ ashĕnh yi divala dinâdi; 52 Nji ana pĕ ashĕnh yi divala dinâdi dipa, nji na, a shâbiliaka' pĕ yiwoto bana bambi Anyambiĕ ba thĭ vanjika vanjika. 53 Nanikĕ ha diwu' ashu yitĭ ba mikiĕ ashoka bikiĕ na bikiĕkĕ mbo bâ ba jo' yĕ. 54 Nanikĕ Jisu a tyi mithĕnhtha pĕ na' na bitemi pĕ Baju ba thĭ; nji a mithokwa tĭ pĕ pĕnzhe nya thĭ kuna na thakombi, pĕ akoldi yi thebiĕ na, Ifraim, tĭ bâ na bajethi bĕi ba midiyani. 55 Diŏ dibe' di nulia di Baju di mibĕ di mbie kuna; diŏ balibuthĕ ba miwu pĕ pĕnzhe na dibeta pĕ Jiruselĕm mia dibe di sha bĕ, na ba koshi' manyuli mabi. 56 Diŏ ba mito' Jisu, diŏ bâ na bâ ba miluba' pĕ mbanh wumbi Anyambiĕ tĕbitĕbi na; Be jĕ' na, a tyi nzha pĕ dibeki? 57 Diŏ baminisĕ banĕn na Bafaraisi ba mibĕ ba shimĕ bomili botyi na; na mutyi a vemĕ va yĕ thĭyĭ, a thakiki, na ba bie' yĕ.

12

1 Mia mv ma mibĕ ma likamĕ mashu matani na yiwoto wĕna dibe' di nulia di bĕmĕ, Jisu a minzhĭ pĕ Bĕtani, va Lazarus ngwa migwĭ a midiani ngwa yĕ mijomithi. 2 Diŏ ba mithambili yĕ bidia tĭ, diŏ Marta a mivenhli atabili; nji Lazarus a wu nwâkâ ngwa bâ nĕi ba midiya pĕ atabili. 3 Diŏ Meri a minânh digwĕla di jâmbâ yi narda yi wu na dishombi dideli, diŏ yĕ mijali yŏ pĕ mako' mambi Jisu na dipimbitha mako' mĕi na shoi nyĕi; diŏ mbanh wu milonji na anumba yi jâmbâ. 4 Diŏ nwoto pĕ bajethi bĕi, Judas Aiskariot, mbi Saimon, ngwa mibĕ na a a yĕ bieshĕ, a mikâ na; 5 Ndĭ jâmbâ yi yi sha shombiba na minkama mi bafura miba, na divebiĕ bamimbubi? 6 A tyi mikâ mbotyi nadiambilindĭ awu na bamimbubi na mbambi; nji nadikâna a wu njibi, yĕ nji wu na mianzhĕ na dijiba bilombi bi bâ ba mitâbiki tĭ. 7 Diŏ Jisu a mikâ na; Pata' yĕni, a talimĕ yŏ pĕ _ yi nshâthibia gwamĕ. 8 Nadiambilindĭ bamimbubi be ba thĭ nabi mbainhmbainh, nji bena shi mbainhmbainh. 9 Diŏ Baja balibathĕ ba mive' na a thĭ tĭ; diŏ ba minzhĭ, ana pĕ diambi dimbi Jisu dipa, nji na bajĕ' Lazarus, ngwa yĕ mijomithi. 10 Nji baminisĕ bânĕn ba mibonji ashoka na, ba jo' nji' Lazarus. 11 Nadiambilindĭ Baju balibuthĕ ba mikiĕ bunli Jisu na diambi diĕi. 12 Bia lĕnji botyi balibuthĕ ba minzhĭ pĕ dibeki, mia bâ ba mijo' na Jisu a thĭ nzha pĕ Jiruselĕm, 13 Ba minânh bibombi bi binjiki na didusha kiĕ bomita nĕi; diŏ ba milânh na; Hozana; dibâtâ di bĕ' pĕ Abotyi yi Israel, ngwa thĭ nzha pĕ dina dimbi Anyambiĕ. 14 Diŏ mia Jisu a mijĕ' bum ngwashaliĕ, a mijebi yĕ, mbo yŏ yi thĭ lĕnjam na; 15 Sha nyĕngi, miana ngwamiali ngwa Sion; sha', abotyi jâ yi thĭ nzha, betam pĕ miana ngwa buru. 16 Diŏ bajethi bĕi ba tyi mijombia veka ma' ma pĕ ditatyiki; nji mia Jisu a mibetyi pĕ thobĕ diŏ bâ ba mishimisha na, ma' ma ma thĭ lĕnjam pĕ mbŏ gwĕi, diŏ bâ ba misha nji' yĕ ma' ma. 17 Diŏ botyi ba wu nĕi, ba mithaka mbo yĕ mithebi Lazarus na diwutha pĕ shânh, na dijomitha yĕ. 18 Pĕ diambi di diŏ botyi ba mlbomita nĕi, nadiambilindĭ ba mijo' na, a mikâmi mamia wu. 19 Diŏ Bafaraisi ba mikâ bâ na bâ na; Be jĕmĕ mbo be sha kâmâ n'alombi? Sha', botyi bĕshĕ ba thĭ yĕ thĕpiliĕ. 20 Diŏ Bagriki ba wu pĕ nshamba ngwabi wu mibĕtyi nzha junh pĕ dibe' di; 21 Diŏ bâ ba minzhĭ pĕ Fĭlĭp thĭ ngwa Betsaida yi Galili, na dipika yĕ na; Shaŋwashi, bĕshĕ naka jĕ' Jisu. 22 Fĭlĭp a minzhĭ na dithatha Andru; diŏ Andru bâ na Fĭlĭp ba mithathi Jisu. 23 Diŏ Jisu a mibulishi bâ na; Digwĕla di nzhĭmĕ di Miana ngwa mutyi a nĕniki. 24 Mbombo mĕ kâ be na; na thambashi tha mpotyi tha sha kwa pĕ bishâpâ na digwa, wĕna tha dimĕ thŏ dipa; nji na tha gwĭmĕ wĕna tha jumimĕ balibuthĕ. 25 Yĕ ngwa dinha thaki' thĕi a a thŏ kutyitha; diŏ yĕ ngwa bena thaki' thĕi pĕ pĕnzhe nyi, a a thŏ tali pĕ thaki' tha adukwa jĕshĕ. 26 Na mutyi a kubimĕ mĕ ashali a thĕpili' mĕ; diŏ va mĕ thĭyĭ, tĭ njikĕ nkubi ngwamĕ kĕ ĕ bĕ; diŏ na mutyi a kubimĕ mĕ ashali wĕna Shaŋwamĕ a junhmĕ yĕ. 27 Va nlema gwamĕ wu jĕ' njuki; nji mĕ kâ na? Shaŋwamĕ kishi' mĕ pĕ digwĕla di? nji pĕ diambi di, diŏ mĕ nzhakamĕ pĕ digwĕla di. 28 Shaŋwamĕ, nĕnishi' dina diâyĕ. Diŏ dioi di minzhĭ na diwu' pĕ thobĕ na; Mĕ minĕnishi diŏ, mĕ ĕ nji diŏ bali nĕnishĕ. 29 Diŏ botyi ba wu tĭ tĕbitĕbi na dijoka, ba mikâ na; Ngali. Bawâ' ba mikâ na; Ngwanlomili a thĭ nĕi lubila. 30 Jisu a mibulishi na dikâ na; dioi di di sha nzha pĕ diambi diamĕ, nji pĕ diambi diani. 31 Njĕlia wu pĕnzhe nyi wu thĭ va; va ngwa-botyi yi pĕnzhe nyi a a kutyiba. 32 Diŏ mĕ na mĕ tombiamĕ na diwu' pĕ shĭ, wĕna mĕ dambimĕ botyi beshĕ pĕ mĕ thĭ. 33 A milubili dibongwĕ di pĕ diveshĕ ntyiuh wu ngwebia wu yĕ ĕ gwa. 34 Diŏ botyi ba mibulishi yĕ na; Beshĕ ba jomĕ pĕ minthali na, Krais a a di adukwa jĕshĕ; diŏ ndĭ wĕ kâ na; Miana ngwa mutyi a tombikwani? Miana ngwa mutyi tĭ yĕ nzha? 35 Jisu a mikâ bâ na; Via adukwa yishali bithânh mĕtĕ bi thi na' nani; Veka' thĕnhtha mia be ba thi na bithânh bitĭ, divityiki di shanh pĕ be bietha; nadiambilindĭ yĕ ngwa thĕnhtha pĕ divityiki a sha veka va yĕ kiĕ. 36 Mia be ba thĭ na bithânh, bunliaka' bithânh, na be ba bĕ' bana ba bithânh, Jisu a mibonhthi mabongwĕ ma; diŏ yĕ mikiĕ na dishathibâ. 37 Nji a gwana shili kâmâ bimamia binĕn bi pĕ maboshĕ mabi, ba tyi mibunli yĕ. 38 Diŏ dibongwĕ dimbi Aisaia ngwanshâki di minzhĭ mbombo, di yĕ mikâ na; Shaŋwamĕ, nzha mimĕli nthaka gwashi? Diŏ nguldi nyambi Anyambiĕ nyi mijĕnia pĕ nzha thĭ? 39 Nanikĕ bâ ba tyi miwoli mĕliĕ, nadiambilindĭ Aisaia a mikâ womba wâkâ na; 40 A midibi bv mishi, na didelishĕ ba minlema; ba jĕ' pĕ jĕ' na mishi, na diveka na minlema, na divitya, kâ mĕ kishimĕ bâ. 41 Aisaia a mibonhthi mabongwĕ ma; mia yĕ mijĕ' nĕnia gwĕi; na dilubila pĕ diambi diĕi. 42 Nji dibutha dibinami diwâkâ di mimĕli yĕ; nji pĕ diambi di Bafaraisi ba tyi mimĕmi yĕ; nadikâna ba jĕ' pĕ bâ thotha pĕ sunagogi. 43 Nadiambilindĭ ba midinga apa' yi botyi dakami na apa' yimbi Anyambiĕ. 44 Diŏ Jisu a milubili thobĕ na dikâ na; Yĕ ngwa bunli mĕ, a sha bunli mĕ, nji yĕ ngwa milomi mĕ; 45 Diŏ yĕ ngwa jĕ' mĕ a jĕ' yĕ ngwa milomi mĕ. 46 Mĕ minzhĭ bithânh pĕ pĕnzhe nyi, na mutyi jĕshĕ ngwa bunli mĕ a tyi di pĕ divityiki. 47 Diŏ na mutyi a jomĕ mabongwĕ mamĕ, yĕ dŏ mĕ mĕliĕ, mĕ sha jĕli yĕ; nadiambilindĭ mĕ tyi minzhĭ pĕ dijĕli botyi, nji pĕ dikishĕ botyi. 48 Yĕ ngwa kuta mĕ, yĕ do nji' nânh mabongwĕ mamĕ, a thĭ na njĕli ngwa a yĕ jĕliĕ; dibongwĕ di mĕ mibonhthĭ, diŏ di i yĕ jeliĕ pĕ ashu yi madimilia. 49 Nadikâna mĕ tyi mibonhthi mĕmĕtĕ; nji Shanh ngwa milomi mĕ, yĕmĕtĕ mithathi mĕ mbo mĕ ĕ lubila, na mbo mĕ ĕ bonhtha. 50 Diŏ mĕ veka na, nthakwa gwĕi wŏ thaki' tha adukwa jĕshĕ; nanikĕ ma' ma Shanh a mikâ mĕ mŏ ma mĕ lubila.

13

1 Diŏ mia tĭ dibe' dl nuua di sha bĕ, mia Jisu a mive' na digwĕla diĕi di mibĕ na di nzhĭmĕ, na a a thokwa pĕ pĕnzhe nyi, na dikiĕ pĕ Shanh thĭ, a midinga mbĕi mĕte, a midinh nji' bâ na dikiĕ pĕ thandângâ. 2 Diŏ bidia bi mibĕ kokami, (Setan a mibĕ a tabimĕ pĕ nlema wumbi Judas Aiskariot, miana mbi Saimon, na a bieshi' yĕ.) 3 Jisu a mive' na Shanh a mivĕ bilombi biĕshĕ pĕ mbŏ gwĕi, diŏ yĕ mive' nji' na a miwu' pĕ Anyambiĕ thĭ, tĭ nji yĕ thĭ kiĕ; 4 Diŏ yĕ mitĕbi na diwu' pĕ bidia, na dithotha bangâi bĕi; diŏ yĕ minânh atoli na dityinhli yŏ pĕ diboka diĕi. 5 Pisha tĭ diŏ yĕ mishobi madiba pĕ ntyĕngĕ, na dltatyili jobitha mako' ma bajethi, na dipimbitha mv n' atoli yi yĕ wu yŏ tyinhliĕ. 6 Diŏ yĕ minzhĭ pĕ Saimon Pitĕr thĭ, diŏ yĕ mikâ yĕ na; Shaŋwamĕ, wĕ ĕ jobitha mako' mame? 7 Jisu a mibulishi na dikâ yĕ na; Yi mĕ thĭ va kâmâ wĕ sha veka; nji wĕ ĕ veka pĕ boshĕ. 8 Pitĕr a mikâ yĕ na; Wĕ tyi majobitha mako' mamĕ na dikiĕ adukwa jĕshĕ Jisu a mibulishi na dikâ yĕ na; Na me sha jobitha wĕ, wĕna wĕ shi jombi na mĕ. 9 Diŏ Saimon Pitĕr a mikâ yĕ na; Shaŋwamĕ, ana mako' mamĕ dipa; nji mabŏ mamĕ, na thangâkâ thamĕ. 10 Jisu a mibulishi yĕ na; Yĕ ngwa thĭ jobi, a shi na mbambi vĕngĕ na a jobi' mako' mĕi, nji a thĭ nyuli nyĕshĕ pu; diŏ be thi pu; nji ana be bĕshĕ. 11 Nadiambilindĭ a mive' ngwa a yĕ bieshĕ; nanikĕ yĕ mikâ na; Be shi pu bĕshĕ. 12 Nanikĕ mia yĕ mishi jobitha mako' mabi, na dinânh bangâyĕ, a mibali di shĭ na dikâ bâ na; Be vemĕ mbo mĕ kamikamĕ begwĕ? 13 Be theba mĕ na; Njeli, na Shaŋwĕ; diŏ be veka tyuba, nadiambilindĭ nani mĕ thĭyĭ. 14 Nanikĕ na mĕ, Shaŋwani na Njeli, mĕ jobimĕ mako' mani, be nji' jobiliaka' mako' mani be na bewĕ. 15 Nadiambilindĭ mĕ jelimĕ bewĕ, na, kâmika' mbo mĕ shikamĕ be kâmâ. 16 Mbombo mĕ kâ be na; Miana a shi dakami na shaŋwĕ; do ngwanlomili nulami na ngwa milomi yĕ. 17 Na be vemĕ ma' ma, dibâtâ di thi nani, na be kamimĕ mĕ. 18 Mĕ sha luba' be bĕshĕ; mĕ vemĕ bâ ba mĕ tâbimĕ; nji ma' ma ma thĭyĭ, diŏ minlĕnja mi thĭ mbombo na; Yĕ ngwa dia mpĕmba na mĕ a tombimĕ dityili diĕi pĕ mĕ thĭ. 19 Mĕ bomilia be dibongwĕ di va, na mia diŏ di i bĕ, be ba a veka na, mŏ thĭyĭ, 20 Mbombo mĕ kâ be na, Yĕ ngwa nânh ngwa mĕ loma, a nânh mĕ; diŏ yĕ ngwa nânh mĕ, a nânh yĕ ngwa milomi mĕ. 21 Diŏ mia Jisu a mikâ ma' ma a mijĕ' njuki pĕ nlema gwĕi, diŏ yĕ miveshi na dikâ na; Mbombo mĕ kâ be na, nwoto pĕ be ba thĭ a a mĕ bieshĕ. 22 Diŏ bajethi ba mishanhlia bâ na bâ, na dimamitha ngwa yĕ mikâkâ. 23 Diŏ njethi nwoto, ngwa Jisu a midinga, a mijĕka pĕ tothi nyambi Jisu. 24 Diŏ Saimon Pitĕr a minyĕli yĕ na, a piki yĕ ngwa yĕ kâthâ. 25 Diŏ yĕ ngwa mijĕka pĕ tothi nyambi Jisu, a mikâ yĕ na; Shaŋwamĕ, ye nzha? 26 Diŏ Jisu a mibulishi na; Ngwa mĕ ĕ tombili apĕshi yi mĕ ĕ duba pĕ miĕmbĕ, yĕ yĕ. Diŏ mia yĕ midubi apĕshi, a mitombili yŏ Judas Aiskariot, miana mbi Saimon. 27 Diŏ pisha nya yĕ mikashi apĕshi, Setan a minyinhthi pĕ yĕ thĭ; diŏ Jisu a mikâ yĕ na; Yi wĕ ĕ kâmâ, wolishi yŏ kâmâ. 28 Diŏ tyi mibĕ na mutyi ngwa midi pĕ atabili ngwa mive' mbo yĕ mikâ yĕ. 29 Nji bawâ' ba milanhli na, nadiambilindĭ Judas a bieta vambila mianzhĕ, kâ Jisu a mikâ yĕ na; A shombiki bilombi bi bâ ba minaki pĕ dibeki, do na a vĕ' bamimbubi alombi. 30 Diŏ mia yĕ mikashi apĕshi, a mitĕ 'dusha, diŏ busha bi wu mpuma. 31 Diŏ mia yĕ midushi Jisu a mikâ na; Va Miana ngwa mutyi a nĕnimĕ, diŏ Anyambiĕ nji' a nĕnimĕ nĕi. 32 Na Anyambiĕ a nĕnimĕ nĕi, wĕna Anyambiĕ a a yĕ nĕnishĕ na yĕmĕtĕ, diŏ a a yĕ tĕkĕ nĕnishĕ. 33 Bana bamĕ, vi' adukwa yikwĕ mĕ thĭ na' nani; be ba a mĕ toka, diŏ mbo mĕ mikâ Baju na; Va mĕ thi kiĕ, be sha woli nzha; nani kĕ nji' mĕ kâ bewĕ. 34 Nthali wukia wu mĕ vĕkâmĕ bewĕ na; Dinhliaka' be na bewĕ; mbo mĕ midinga bewĕ, na, dinhliaka' be na bewĕ. 35 Pĕ diambi dl diŏ di botyi bĕshĕ ba a vekâ na, be bajethi bamĕ, na be dinhliamĕ be na bewĕ. 36 Saimon Pitĕr a mikâ yĕ na; Shaŋwamĕ, wĕ thĭ kiĕ vĭ? Jisu a mibulishi yĕ na; Va mĕ thĭ kiĕ va, wĕ sha woli mĕ thĕpiliĕ; nji wĕ ĕ mĕ thĕpili pĕ boshĕ. 37 Diŏ Pitĕr a mibulishi yĕ na; Shaŋwamĕ, ndĭ mĕ sha woli wĕ thĕpili kia na? Mĕ ĕ ni' thaki' thamĕ pĕ diambi dia'. 38 Diŏ Jisu a mibulishi yĕ na; Wĕ ĕ ni' thaki' thâyĕ pĕ diambi diamĕ? Mbombo mĕ kâ wĕ na, kuba a tyi lânh, vĕngĕ na wĕ shâshimĕ mĕ makanh malali.

14

1 Sha jĕnishaka' pĕ minlema miani njuki; bunliaka' Anyambiĕ, bunliaka' nji mĕ. 2 Pŏ mbanh wu Shaŋwamĕ bidiya bilibuthĕ bi thĭ tĭ; na shi nani, ka mĕ boŋimĕ bewĕ; mĕ kiĕmĕ be koshi womba. 3 Diŏ na mĕ kiĕmĕ na dikoshi be womba, wĕna mĕ balimĕ be nzha nânh pĕ mĕ thĭ; na va mĕ thĭyĭ, ti be ba a bĕ. 4 Na va mĕ thĭ kiĕ be veka, be veka nji' nzhetha. 5 Tŏmas a mikâ yĕ na; Shaŋwashi, beshĕ sha veka va wĕ thĭ kiĕ; diŏ beshĕ ba a veka nzhetha na? 6 Jisu a mikâ yĕ na; Mĕ nzhetha, na mbombo, na thakiki; shi na mutyi ngwa nzha pĕ Shaŋwamĕ thĭ ngĕ na mĕ. 7 Na be ba a bĕ be veka mĕ, ka be veka nji' Shaŋwamĕ; diŏ na diwu' va be veka yĕ, be jĕmĕ nji yĕni. 8 Fĭlĭp a mikâ yĕ na; Shaŋwashi, lebili' beshĕ Shaŋwĕ, wĕna yi komĕ beshĕ. 9 Jisu a mikâ yĕ na; Fĭlĭp, abembi yinĕn mĕ na didi nani yi, diŏ wĕ sha veka mĕ? Yĕ ngwa jĕkamĕ mĕ a jĕmĕ nji' Shaŋwamĕ; diŏ ndĭ wĕ kâ na; Lebili' beshĕ Shaŋwĕ? 10 Wĕ sha mĕli na, mĕ thĭ pĕ Shanh thĭ, diŏ Shanh pĕ mĕ thĭ njikĕ? Mabongwĕ ma mĕ lubila mĕ sha luba' mŏ mamĕ mĕtĕ; nji Shanh ngwa di pĕ mĕ thĭ, yĕmĕtĕ kuba bishali. 11 Mĕliaka' mĕ na, mĕ thĭ pĕ Shanh thĭ, diŏ Shanh a thĭ pĕ mĕ thĭ; na yi shi nani, mĕliaka' mĕ pĕ diambi di bishali biŏmĕtĕ. 12 Mbombo mĕ kâ be na, yĕ ngwa bunli mĕ, bishali bi mĕ kâmâ, biŏ nji' bi yĕ ĕ kama, diŏ yĕ ĕ kamâ bishali binĕn dakami nabi; nadiambilindĭ mĕ thĭ kiĕ pĕ Shaŋwamĕ thĭ, 13 Diŏ alombi jĕshĕ yi be ba a pika pĕ dina diâmĕ, mĕ ĕ yŏ kâmâ; na Shanh a nĕniki na Miana. 14 Na be pimĕ alombi jĕshĕ pĕ dina diâmĕ, wĕna mĕ kâmimĕ yŏ. 15 Na be dinhmĕ mĕ, taliaka' minthali miamĕ. 16 Diŏ mĕ ĕ pika Shaŋwĕ; diŏ yĕ ĕ be vĕ Nvili nwâkâ, na a di nani adukwa jeshĕ; 17 Yĕ Nshinhshinh wu mbombo, wu pĕnzhe nyi nyi sha woli nânh, nadiambilindĭ nyi sha jĕ' wŏ, do veka wŏ; nji be veka wŏ, nadiambilindĭ wu di nani, wŏ nji' wu u bĕ pĕ be ba thĭ. 18 Mĕ tyi lika be bana ba bilika; mĕ thĭ nzha pĕ be ba thĭ. 19 Vi' abembi yikwĕ pĕnzhe nyi nyi tyi jĕ' pĕ na' mĕ, nji be ba a mĕ jĕnĕ; nadiambilindĭ mĕ diya, be ba a nji' diya. 20 Pĕ ashu yĭtĭ be ba a veka na, mĕ thĭ pĕ Shaŋwa' thĭ, be pĕ mĕ thĭ, mĕ nji' pĕ be va thĭ. 21 Yĕ ngwa thĭ na minthali miamĕ, na ditali miŏ, yĕ nji' yĕ ngwa dinha mĕ; na yĕ ngwa dinha mĕ a a nji' dinhmba na Shaŋwamĕ; diŏ mĕ ĕ yĕ dinha na dijĕnia pĕ yĕ thĭ. 22 Judas (ana ngwa Iskariot,) a mikâ yĕ na; Shaŋwâmĕ, ndĭ wĕ ĕ jĕnia pĕ beshĕ ba thĭ, ana pĕ pĕnzhe nyi, yi thĭ na! 23 Jisu a mibulishi yĕ na; Na mutyi a dinhmĕ mĕ, wĕna a talimĕ dibongwĕ diamĕ; diŏ Shaŋwa' a a yĕ dinha, diŏ beshĕ ba a nzha pĕ ye thĭ, na didi nĕi. 24 Yĕ ngwa sha dinga mĕ, a sha tali nji' mabongwĕ mamĕ; diŏ dibongwĕ di be joka di shi ndiamĕ, nji di Shaŋwĕ ngwa milomi mĕ. 25 Mĕ shimĕ be thatha ma' ma mia mĕ thĭ na' nani. 26 Nji Nvili, yĕ nji' Nshinhshinh wu akitha, ngwa Shaŋwamĕ a a loma pĕ dina diamĕ, yĕ ĕ be jeli mambi mĕshĕ, na dilanhli begwĕ kâ be shimishamĕ mambi mĕshĕ ma mĕ shikamĕ be bonhtha. 27 Pâthâ nya mĕ likamĕ nani, pâthâ nyamĕ nyŏ mĕ vekamĕ bewĕ; ana mbo nvĕbia wu pĕnzhe nyi wu mĕ vĕ bewĕ. Minlema miani mi sha jĕ' njuki, mi sha nyĕngi. 28 Be jomĕ mbo mĕ kâkâmĕ be na; Mĕ thĭ kiĕ, mĕ thĭ nji' bulia pĕ be ba thĭ. Na be dinhmĕ mĕ, kâ be donimĕ nadiambilindĭ me kâmĕ na, mĕ Kiĕmĕ pĕ Shanh thĭ; nadiambilindĭ Shaŋwamĕ a thĭ nĕn nulami na mĕ. 29 Mĕ thakimĕ be va, mia tĭ yi sha bĕ, na yi bemĕ ka be mĕlimĕ. 30 Mĕ tyi buli pĕ na1 lubila nani; nadiambilindĭ ngwabotyi yi pĕnzhe nyi a thĭ nzha, diŏ yĕ shi na alombi pĕ mĕ thĭ. 31 Nji na, pĕnzhe nyi veka na mĕ dinha Shaŋwĕ; diŏ mbo Shaŋwĕ a mityinjili mĕ nani mĕ kâmâ; tebikani, ngiĕkani.

15

1 Mĕ mathembĕ ngwambombo, diŏ Shaŋwamĕ yĕ nshathi. 2 Alabi jamĕ jĕshĕ yi sha juma bibuma, a thotha yŏ; diŏ alabi jĕshĕ yi juma bibuma, a komba' yŏ, na yi buliki juma bibuma. 3 Va be thĭ kombiam, na dibongwĕ di mĕ shikamĕ be bonhtha. 4 Dikani pĕ mĕ thĭ, mĕ nji' pĕ be ba thĭ. Mbo alabi yi sha woli juma bibuma yŏmĕtĕ, na yi sha shumba pĕ mathembĕ; nani nji' begwĕ, na be sha di pĕ mĕ thĭ. 5 Mĕ mathembĕ, begwĕ kĕ bilabi; yĕ ngwa di pĕ mĕ thĭ, mĕ nji' pĕ yĕ thĭ, yĕ buli juma bibuma, nadiambilindĭ tyi mĕwĕ be sha woli kâmâ alombi. 6 Na mutyi a sha dika pĕ mĕ thĭ, wĕna a kutyibimĕ mbo alabi, na divĕla; diŏ botyi ba lâlâ biŏ, na dikuta biŏ pĕ du, diŏ biŏ didikadi. 7 Na be dimĕ pĕ mĕ thĭ, na mabongwĕ mamĕ nji' ma dimĕ pĕ be ba thĭ, wĕna alombi jĕshĕ yi be ba a pika yi bemĕ nani. 8 Pĕ di diŏ di Shaŋwamĕ a nĕnimĕ na, be ba a buli juma bibuma; diŏ be ba a bĕ bajethi bamĕ. 9 Mbo Shanh a midinga mĕ, nani kĕ mĕ midinga begwĕ; bĕka' pĕ thadinh thamĕ. 10 Na be talimĕ minthali miamĕ wĕna bĕ bemĕ pĕ thadinh thamĕ; mbo mĕ taliakamĕ minthali mi Shaŋwamĕ na dibĕ pĕ thadinh thĕi. 11 Ma' ma mĕ shikamĕ be thatha na, adoni jamĕ yi bĕ' pĕ be ba thĭ, diŏ adoni jani njikĕ yi lonjiki. 12 Nthali gwamĕ wŏ wu, na dinhliaka' be na bewĕ, mbo mĕ midinga begwĕ. 13 Shi na mutyi ngwa thĭ na thadinh thanĕn nulami na tha na, mutyi a vĕ' thaki thĕi pĕ diambi di bajombi bĕi. 14 Na be kamimĕ bilombi biĕshĕ bi mĕ kâ begwĕ, wĕna be bĕmĕ bajombi bamĕ. 15 Mĕ sha thebika pĕ na' be bakubi, nadiambilindĭ nkubi a sha veka mbo shanh kâmâ; nji mĕ thebimĕ be bajombi, nadiambilindĭ mĕ veshimĕ begwĕ belombi biĕshĕ bi mĕ jokamĕ pĕ Shaŋwamĕ thĭ. 16 Be tyi mitâbi mĕ, nji mĕ mitâbi begwĕ, na diteli begwĕ na, kiĕkani be ba a juma bibuma, kâ bibuma biani bi dimĕ, na alombi jĕshĕ yi be ba a pika Shaŋwamĕ pĕ dina diamĕ a a be yŏ vĕ. 17 Ma' ma mĕ kâkamĕ be na, dinhliaka be na bewĕ. 18 Na pĕnzhe nyi nyi benimĕ begwĕ, be veka na nyi mibonji mĕ bena. 19 Na be bĕmĕ ba pĕnzhe nyi wĕna pĕnzhe nyi nyi dinhmĕ mbĕimĕtĕ; nji nadiambilindĭ be shi ba pĕnzhe nyi, nji mĕ tâbikamĕ begwĕ na diwu' pĕ pĕnzhe nyi; nani kĕ pĕnzhe nyi nyi benikamĕ begwĕ. 20 Shimishaka' dibongwĕ di mĕ mibonhthi begwĕ; na, Nkubi a shi nĕni dakami na Shaŋwĕ. Na ba thĕpillmĕ mĕ, wĕna ba thĕpilimĕ nji' begwĕ; na ba talimĕ dibongwĕ diâmĕ, wĕna ba talimĕ nji ndiani. 21 Nji ma' ma mĕshĕ ba a be mŏ kâmâ pĕ diambi di dina diâmĕ, nadiambilindĭ ba sha veka ngwa milomi mĕ. 22 Na mĕ bĕ tyi nzhawĕ na dithatha bâ, ka ba tyi mibĕ na bibe; nji va ba shi na nvĕngwa wu bibe biabi. 23 Yĕ ngwa bena mĕ, a bena nji' Shaŋwamĕ. 24 Na mĕ bĕ do kâmâ pĕ tĕma nyabi bishali bi mutyi nwâkâ a tyi mikâmi, ka ba tyi mibĕ na bibe, nji va ba jĕmĕ na dibena mĕni, na Shaŋwamĕ njikĕ. 25 Nji yi yi mibĕ nani, diŏ dibongwĕ di thĭ lĕnjam pĕ nthali gwabi di mibĕ mbombo na; Ba mibeni mĕ tyi dibomba. 26 Nji mia Nvili kĕ nzha, ngwa mĕ ĕ loma pĕ be ba thĭ na diwu' pĕ Shanh thĭ, yĕ nji' Nshinhshinh wu mbombo, wu dusha na diwu' pĕ Shanh thĭ, yĕ ĕ be bonhtha pĕ diambi diamĕ. 27 Diŏ be njike ba a bonhtha, nadiambilindĭ be wu na mĕ na diwu' pĕ ditatyiki.

16

1 Mĕ shimĕ be thatha ma' ma na, sha bebikani. 2 Ba a be dushĕ pĕ basunagogi babi; diŏ adukwa yi thĭ nzha yi mutyi jĕshĕ ngwa a be jotha, a a lanhli na a thĭ kâmâ Anyambiĕ ashali. 3 Diŏ bâ ba a be kâmâ ma' ma, nadiambilindĭ ba sha veka Swaŋwĕ, do mĕ. 4 Nji mĕ shimĕ be thatha ma' ma na, mia adukwa yi i nzha be ba a shimisha na, mĕ mishi be mŏ thatha. Nji mĕ tyi mibonhthi begwĕ bilombi bi pĕ ditatyiki, nadiambilindĭ mĕ wu na' nani. 5 Nji mĕ thĭ kiĕ pĕ ngwa milomi mĕ thĭ; diŏ shi na mutyi pe be ba thĭ ngwa pika mĕ na; Wĕ thĭ kiĕ vĭ? 6 Nji nadiambilindĭ mĕ thakimĕ be bilombi bi, minlema miana mi lonjimĕ nâ ngâtâ bĕni. 7 Nji mĕ bonhtha be ngĕ mbombo na, yi thĭ yibĕnh pĕ be ba thĭ na, mĕ kiĕkĕ, nadiambilindĭ na mĕ sha kiĕ, wĕna Nvili a tyi nzha pĕ be ba thĭ; nji na mĕ kiĕmĕ wĕna mĕ lomimĕ yĕ pĕ be ba thĭ. 8 Nji na a nzhĭmĕ, wĕna a kobishimĕ pĕnzhe nyi pĕ diambi di bibe, na bibĕnh, na dijĕliĕ. 9 Pĕ diambi di bibe, nadiambilindĭ ba sha bunli mĕ. 10 Pĕ diambi di bibĕnh, nadiambilindĭ mĕ kiĕmĕ pĕ Shaŋwamĕ thĭ, diŏ be sha jĕ' pĕ na' mĕ. 11 Pĕ diambi di dijĕliĕ, nadiambilindĭ ngwabotyi yi pĕnzhe nyi a thĭ jĕliami. 12 Mĕ thĭ na ma1 malibuthĕ ma mĕ kumba be bonhtha, nji va be sha woli mŏ shinhliĕ. 13 Nji na a nzhĭmĕ, Nshinhshinh wu mbombo, wĕna a tokimĕ begwĕ pĕ ma' ma mbombo mĕshĕ; nadiambilindĭ a tyi thatha yĕmĕtĕ, nji' ma' mĕshĕ ma yĕ ĕ joka, a a ngĕ mv thatha, diŏ a a be bomiliĕ mambi ma thĭ nzha. 14 A a mĕ nĕnishĕ, nadiambilindĭ a a nânh mamĕ na dibomiliĕ be mŏni. 15 Mambi mĕshĕ ma Shanh a thĭ na mŏ, ma thĭ mamĕ, nanikĕ mĕ kâmĕ na; a a nânh mamĕ na dibomiliĕ be mŏni. 16 Abembi yikwĕ wĕna be tyi jĕ' mĕ; diŏ abembi yikwĕ njikĕ wĕna be jĕmĕ mĕ, nadiambilindĭ mĕ kiĕmĕ pĕ Shanh thĭ. 17 Diŏ bajethi bĕi bawâkâ ba miluba' bâ na bâ na; Ndĭ yi, yi yĕ bonhtha beshĕ na; Abembi yikwĕ wĕna be tyi jĕ' mĕ; diŏ abembi yikwĕ njikĕ wĕna be jĕmĕ mĕ; diŏ, nadiambilindĭ mĕ kiĕmĕ pĕ Shanh thĭ? 18 Nanikĕ bâ ba mikâ na; Abembi yitĭ yi yĕ kâthâ yi thĭ na? beshĕ sha veka mbo yĕ kâthâ. 19 Nji Jisu a mive' na ba mikâ yĕ pika; diŏ yĕ mikâ bâ na; Be thĭ pilia be na bewĕ dibongwĕ di mĕ kâkamĕ na, Abembi yikwĕ diŏ be tyi jĕ' mĕ, diŏ abembi yikwĕ njikĕ wĕna be jĕmĕ mĕ? 20 Mbombo mĕ kâ be na, be ba a thetha majanh, nji pĕnzhe nyi nyi i ngĕ dona; be ba a bĕ na ngâtâ, nji ngâtâ nyani nyi i vitya adoni. 21 Na mimiali a mbie dibialiĕ wĕna a jĕmĕ ngâtâ, nadiambilindĭ adu' jĕi yi nzhĭmĕ; nji na miana a shambimĕ, wĕna a sha, lanhli pĕ na' nvimi wu dibalie' pĕ diambi di adoni, nadiambilindĭ mutyi a bialimĕ pĕ pĕnzhe nyi. 22 Nanikĕ nji' be ba thĭ na ngâtâ; nji mĕ ĕ be bali jĕnĕ, diŏ minlema miani mi i dona, diŏ adoni jani, tyi bĕ na mutyi ngwa a be yŏ thambitha. 23 Diŏ ashu yitĭ be tyi pika mĕ alombi. Mbombo mĕ kâ bĕ na, alombi jĕshĕ yi be ba a pika Shaŋwĕ pĕ dina diamĕ, a a be yŏ vĕ. 24 Na dinzha adukwa yi be sha pika alombi pĕ dina diamĕ; pikani, be ba a nânh, na adoni jani yi lonjiki. 25 Mĕ shimĕ be thatha ma' ma na mangana, nji adukwa yi thi nzha yi mĕ tyi thatha pĕ na' be na mangana, nji mĕ ĕ be kwashitha pĕ mbŏ Shaŋwĕ kwashi. 26 Ashu yitĭ be ba a pika pĕ dina diamĕ; diŏ mĕ sha kâ be na, mĕ ĕ shoshiliĕ Shaŋwĕ pĕ diambi diani; 27 Nadiambilindĭ Shaŋwĕ yĕmĕtĕ a dinha begwĕ, nadiambilindĭ be dinhmĕ mĕ, na dimĕliĕ na mĕ minzhĭ na diwu' pĕ Anyambiĕ thĭ. 28 Mĕ miwu' pĕ Shanh thĭ, diŏ mĕ minzhĭ pĕ pĕnzhe nyi; diŏ mĕ thĭ bali lika pĕnzhe nyi na dikiĕ pĕ Shanh thĭ. 29 Diŏ bajethi bĕi ba mikâ yĕ na, Sha' va wĕ thĭ lubila kwashi, do pĕ na' lubila ngana. 30 Va beshĕ vemĕ na, wĕ veka bilombi biĕshĕ, diŏ wĕ shi na mbambi na mutyi a piki gwĕ; pĕ diambi di beshĕ ba mĕiimĕ na wĕ miwu' pĕ Anyambiĕ thĭ. 31 Jisu a mibulishi bâ na; Be mĕlimĕ dĕ? 32 Sha' adukwa yi thĭ nzha, diŏ yi nzhĭmĕ njikĕ, yi be ba vanjika mutyi jĕshĕ pĕ mbĕi na dilika mĕ dipa; diŏ mĕ shi mĕ dipa, nadiambilindĭ Shaŋwĕ a thĭ na mĕ. 33 Mĕ shimĕ be thatha ma' ma na bĕka' na pâthâ pĕ mĕ thĭ; pĕ pĕnzhe nyi be ba a bĕ na njuki; nji jikani, mĕ damĕ pĕnzhe nyi.

17

1 Jisu a mithathi ma' ma diŏ yĕ mibenithi mishi mĕi pĕ thobĕ na dikâ na; Shaŋwamĕ adukwa yi nzhĭmĕ, nĕnishi' yâ Miana; na yâ Miana a nĕnishi' nji' gwĕ; 2 Nadiambilindĭ wĕ vĕmĕ yĕ nguldi pĕ diambi di nshoni gwĕshĕ, na, mutyi jeshĕ ngwa wĕ vĕkamĕ yĕ, a vĕ yĕ thaki tha adukwa jĕshĕ. 3 Diŏ thaki' tha adukwa jĕshĕ thŏ tha, na, ba veki wĕ Anyambiĕ nwoto dipa ngwambombo, na Jisu Krais ngwa wĕ milomi. 4 Mĕ nĕnishimĕ gwĕ pĕ pĕnzhe nyi; ashali yi wĕ mivĕ mĕ, na mĕ kubiki yŏ, mĕ shilimĕ yŏni. 5 Diŏ va, Shaŋwamĕ, wĕ nji' nĕnishi' mĕ nayĕ nshamba wuuoto, na nĕnia wu mĕ wu na gwŏ mia tĭ pĕnzhe nyi nyi sha bĕ. 6 Botyi ba wĕ mivĕ mĕ na diwu' pĕ pĕnzhe nyi, mĕ lebilimĕ bâ dina diâ. Ba wu mbâyĕ, diŏ wĕ mivĕ mĕ bâ, diŏ ba talimĕ dibongwĕ diâ. 7 Va ba vemĕ na bilombi biĕshĕ bi wĕ mivĕ mĕ, bi thĭ mbiâyĕ. 8 Nadiambilindĭ mĕ vĕmĕ bâ mabongwĕ ma wĕ mivĕ mĕ, diŏ ba nânhmĕ mŏ, na dijombia veka na, mĕ wumĕ pĕ gwĕ thĭ; diŏ bâ ba mĕliakamĕ na, wĕ milomi mĕ. 9 Mĕ pika pĕ diambi diabi; mĕ sha pika pĕ diambi di pĕnzhe nyi, nji pĕ diambi di bâ ba wĕ mivĕ mĕ, nadiambilindĭ ba thĭ mbâyĕ. 10 Diŏ mbiamĕ bĕshĕ mbiâyĕ, na mbiâyĕ mbiamĕ njikĕ, diŏ mĕ minĕnikĕ na biŏ. 11 Diŏ va mĕ shi pĕ na' pĕ pĕnzhe nyi, nji ba ba thĭ pĕ pĕnzhe nyi, diŏ mĕ nzhĭmĕ pĕ gwĕ thĭ. Shaŋwamĕ ngwankânjili, tâli' bâ pĕ dina diâyĕ, ba wĕ mivĕ mĕ; na ba bĕ nwoto mbo bonâ thĭyĕ. 12 Mia mĕ wu nabi pĕ pĕnzhe nyi, mĕ bieta bâ tali pĕ dina diâ; ba wĕ mivĕ mĕ mĕ mitali bâ, diŏ shi na ngwa tokwamĕ, tho' nge miana ngwa nshithia, na niĕnja wu bĕ mbombo. 13 Diŏ va mĕ nzhĭmĕ pĕ gwĕ thĭ, diŏ mĕ lubila bilombi bi pĕ pĕnzhe nyi; na ba bĕ' na adoni jamĕ kâmiam pĕ bâmĕtĕ ba thĭ. 14 Mĕ vĕmĕ bâ dibongwĕ diâ; diŏ pĕnzhe nyi nyi mbeni bâ, nadiambilindĭ ba shi ba pĕnzhe nyi, mbo mĕ shi ngwa pĕnzhe nyi. 15 Mĕ sha pika na, wĕ ĕ thotha bâ pĕ pĕnzhe nyi, nji na, wĕ ĕ bâ taliĕ na diwu' pĕ bibe. 16 Ba shi ba pĕnzhe nyi, mbo mĕ shi ngwa pĕnzhe nyi. 17 Pumishi, bâ na mbombo gwâ; dibongwĕ diâyĕ diŏ mbombo. 18 Mbo wĕ milomi mĕ pĕ pĕnzhe nyi; nani nji' mĕ milomi bâ pĕ pĕnzhe nyi. 19 Diŏ mĕ pumishĕ nyuli nyamĕ pĕ diambi diabi, na, bâ nji' ba bĕ pumam na mbombo. 20 Mĕ sha pika pĕ diambi di botyi ba dipa, nji pĕ diambi diabi ba bĕshĕ ba a bunli mĕ na dibongwĕ diabi; 21 Na, bâ bĕshĕ ba bĕ yiwoto; mbo wĕ, Shaŋwamĕ, wĕ thĭ pĕ mĕ thĭ, mĕ nji' pĕ gwĕ thĭ, na, bâ nji' ba bĕ yiwoto pĕ bonâ thĭ; na, pĕnzhe nyi nyi mĕli' na wĕ milomi mĕ. 22 Diŏ nĕnia wu wĕ mivĕ mĕ, mĕ vĕmĕ bâ gwŏ, na ba bĕ' yiwoto mbo mbonâ thĭyĭ. 23 Mĕ pĕ bâ ba thĭ, wĕ nji pĕ mĕ thĭ, na ba be bambathĕ pĕ yiwoto, diŏ na, pĕnzhe nyi nyi veki na, wĕ milomi nĕ, na didinha bâ mbo wĕ dinha mĕ. 24 Shaŋwamĕ, bâ ba wĕ mivĕ mĕ, mĕ naka na ba bĕ' na mĕ va mĕ thĭyĭ; na ba jĕ' nĕnia gwamĕ, wu wĕ mivĕ mĕ, nadiambilindĭ wĕ midinga mĕ mia tĭ ditatyiki di pĕnzhe nyi di sha bĕ. 25 Shaŋwamĕ ngwankânjili, pĕnzhe nyi nyi sha veka gwĕ, nji mĕ vĕmĕ gwĕ, diŏ bâ ba vemĕ na wĕ milomi mĕ. 26 Diŏ mĕ shimĕ bâ veshi dina diâyĕ, mĕ ĕ nji' diŏ veshĕ; na thadinh tha wĕ dinha mĕ, tha bĕ pĕ bâ ba thĭ, mĕ nji' pĕ bâ ba thĭ.

18

1 Mia Jisu a mibonhthi ma' ma a midushi, bâ na bajethi bĕi na dikiĕ pĕ biatyi bi vitonh vi Kidron, va akanh yi wuthĕ, diŏ yĕ minyinhthi tĭ bâ na bajethi bĕi. 2 Diŏ Judas njikĕ, ngwa mibieshi yĕ, a mive' womba tĭ; nadiambilindĭ Jisu a bieta tĭ buli kiĕ, bâ na bajethi bĕi. 3 Nanikĕ Judas, mia yĕ mibĕ a nânhmĕ nshamba wu bashâshĕ na bakubi pĕ baminisĕ banĕn na Bafaraisi ba thĭ, a minzhĭ tĭ na bilampi na bityiĕ na minkwata. 4 Jisu a mive' bilombi biĕshĕ bi mibĕ bi i nzha pĕ yĕ thĭ, diŏ yĕ mikiĕ bomita nabi, na dikâ bâ na, Be toka nzha? 5 Ba mibulishi yĕ na, Jisu ngwa Nazarĕti. Jisu a mikâ bâ na; Mĕ yĕ. Diŏ Judas ngwa mibieshi yĕ, a mitĕtha nji' pĕ nshamba gwabi. 6 Diŏ mia yĕ mikâ bâ na; Mĕ yĕ, ba mibulia pishĕ na dikwa shĭ. 7 Diŏ yĕ mibali bv pika na; Be toka nzha? Diŏ bâ ba mikâ na, Jisu ngwa Nazarĕti. 8 Jisu a mibulishi na; Mĕ boŋimĕ be na; Mĕ yĕ; nanikĕ na be thĭ mĕ toka, pataka' ba, ba kiĕkĕ. 9 Diŏ dibongwĕ di mibĕ mbombo, di yĕ mikâ na; Bâ ba wĕ mivĕ mĕ mĕ sha kuta do nwoto. 10 Diŏ Saimon Pitĕr a wu na nkwata wu nyĕniĕ diŏ yĕ mijâmithi gwŏ na dikwĕlĕ nkubi ngwa minisĕ ngwanĕn gwâlĕ ngwa shaŋwĕ. Ngwakubi dina diĕi na Malkus. 11 Diŏ Jisu a mikâ Pitĕr na; Bulishi' nkwata pĕ dibambi; dimâ' di Shaŋwamĕ a vĕmĕ mĕ, mĕ sha nâtyiki diĕ? 12 Diŏ nshamba na ngwathangâkâ na bakubi ba Baju ba mibiĕ' Jisu na didipa yĕ. 13 Diŏ ba mibonji kiĕ nĕi pĕ Annas thĭ; nadiambilindĭ yĕ wu nki' mbi Kaiefas, ngwa wu minisĕ ngwanĕn mbu wutĭ. 14 Diŏ yĕ Kaiefas ngwa mibonhthi Baju na; yi thĭ yibĕnh na mutyi nwoto a gwĭ' pĕ diambi di botyi 15 Diŏ Saimon Pitĕr bâ na njethi nwâka, ba mithĕpili Jisu; diŏ njethi tĭ a mivekwa pĕ minisĕ ngwanĕn, diŏ yĕ minyinhthĭ nshamba wumbi Jisu pĕ mbanja nya minisĕ ngwanĕn. 16 Nji Pitĕr a mitĕtha pĕ nshĕnh pĕ diashika, diŏ njethi nwâkâ tĭ ngwa mivekwa pĕ minisĕ ngwanĕn, a midushi, diŏ yĕ milubili na ngwantali diasha na dinyinhliĕ Pitĕr. 17 Diŏ ngwadishesha ngwa mitali diasha a mikâ Pitĕr na; Wĕ shi nji' ngwa bajethi ba mutyi wâ'? Yĕ mikâ na, Ana mĕ yĕ. 18 Diŏ bakubi na bashâshĕ ba mitholi du di maatha na ditĕbĕ ti; nadiambilindĭ di wu divĕbi, ba bĕ jâlâ veia. Pitĕr nji' a mitĕtha nshamba gwabi na dijâlâ nji' veia. 19 Diŏ minisĕ ngwanĕn a mipi' Jisu bajethi bĕi, na njĕlia gwĕi. 20 Jisu a mibulishi yĕ na; Mĕ miluba' kwashi pĕ botyi bĕshĕ; mĕ mijelikwĕ pĕ sunagogi na pĕ mbanh wumbi Anyambiĕ, va Baju ba kiĕ, bikiĕ na bikiĕkĕ, diŏ pĕ dishvthâ mĕ sha kâ na alombi. 21 Ndĭ wĕ pika mĕ? pika bâ ba mijoll mĕ mbo mĕ mithathi bâ; sha', ba veka mbo mĕ milubaka. 22 Diŏ mia yĕ mishi' lubila mabongwĕ ma, nkubi nwoto ngwa mitĕtha wâ a mibi' Jisu thabanji na; Wĕ bulishi minisĕ mbotyi? 23 Jisu a mibulishi yĕ na, Na mĕ lubimĕ bibe, kobishi' mĕ bibe bitĭ; nji na bibĕnh, ndĭ wĕ bi' mĕni? 24 Diŏ Annâs a milomi yĕ dipiami pĕ Kaiefas thĭ ngwa minisĕ ngwanĕn. 25 Diŏ Saimon Pitĕr a mitĕtha jâlâ veia. Nani kĕ bâ ba mikâ yĕ na; Wĕ shi nji' ngwa bajethi bĕi? A mishashi na dikâ na; Ana mĕ pĕ yĕ. 26 Nwoto ngwa bakubi ba minisĕ ngwanĕn ngwa wu pĕ ndianh gwĕi wu ngwa Pitĕr a mikwali gwâlĕ, a mikâ na; Mĕ sha jĕ' wĕ nĕi pĕ akanh? 27 Diŏ Pitĕr a mibali shâshâ, diŏ kuba ngwa shangwĕ a mitĕ lânh. 28 Diŏ bâ ba mithokwa no diwu' pĕ Kaiefas thĭ, na dikiĕ pĕ mbanh wu dijĕliĕ; nyi wu wu kwalikwali mĕtĕ; diŏ ba tyi minyinhthĭ pĕ mbanh wu dijĕliĕ, ba jĕ pĕ woshi mputyi gwabi, nji na ba die' dibe' di nulla. 29 Diŏ Pailet a midushi kiĕ pĕ bâ ba thĭ, na dikâ na; Nthakwa wutĭ wunzha wu be ndeshiki mutyi wâ; 30 Ba mibulishi na dikâ yĕ na, na a bĕ tyi bĕ nkâmi ngwa bibe, ka beshĕ sha ndeshi yĕ woni gwĕ thĭ. 31 Pailet a mikâ bâ na; Nângâ yĕ be ba a jĕli yĕ mbo nthali gwani wu thĭyĭ. Diŏ Baju ba mikâ yĕ na; Beshĕ shi na nthali wu joli mutyi. 32 Diŏ dibongwĕ dimbi Jisu di mibĕ' mbo, di yĕ milubili, na diveshĕ ngwebia wu yĕ ĕ gwa. 33 Diŏ Pailet a mibali nyinhtha pĕ mbanh wu dijĕliĕ, diŏ yĕ mithebi Jisu na dikâ yĕ na; Wĕ abotyi yi Baju? 34 Jisu a mibulishi yĕ na; Wĕ lubila dibongwĕ di wĕmĕtĕ, do bawâ boŋa wĕ pĕ diambi diamĕ? 35 Pailet a mibulishi na; Mĕ Ngwaju? Divala diamĕtĕ na baminisĕ banĕn ba ndeshiki wĕ woni mĕ thĭ. Ndĭ wĕ kâmikamĕ? 36 Jisu a mibulishi na; Bibotyi biamĕ bi shi bi pĕnzhe nyi; na bibotyi biamĕ bi bĕ bi pĕnzhe nyi, ka bakubi bamĕ ba bomi, na mĕ sha vĕbiki pĕ Baju ba thĭ; nji va bibotyi biamĕ bi sha wu' va. 37 Diŏ Pailet a mikâ yĕ na; Wĕ dĕ abotyi? Jisu a mibulishi na; Wĕ kâmĕ na, mĕ abotyi. Pĕ diambi di diŏ mĕ mibialiĕ, diŏ pĕ diambi di njikĕ diŏ mĕ minzhĭ pĕ pĕnzhe nyi, na mĕ veshi' pĕ mbŏ wu mbombo. Mutyi jĕshĕ ngwa thĭ ngwa, mbombo a joka dioi diamĕ. 38 Pailet a mikâ yĕ na; Ndĭ thĭ mbombo? diŏ mia yĕ mishi lubila mbotyi a mibali dusha pĕ Baju ba thĭ, na dikâ bâ na; Mĕ sha jĕ' yĕ na anângâ. 30 Nji be ba thĭ na mputyi na, mĕ patyi' be nwoto pĕ dibe' di nulia; be namĕ na, me patyi' be abotyi yi Baju? 40 Bâ beshĕ ba mijamilia na; Ana wâ, nji Barabasi; nji Barabasi a wu njanzhi.

19

1 Diŏ Pailet a minânh Jisu na dingâmâ yĕ. 2 Diŏ bashâshĕ ba milonh apaki yi mashombika, na dibâtyi yĕ yŏ pĕ thangâkâ, diŏ ba mibâtyi yĕ alokeshamba yibĕi; 3 Diŏ bâ ba mika; Mbolo, abotyi yi Baju! diŏ ba mibi' yĕ mbanji. 4 Diŏ Pailet a mibali dusha na dikâ bâ na; Shanga, mĕ ndeshimĕ yĕ pĕ be ba thĭ, na be ba a veka na, mĕ sha jĕ' yĕ na anângâ. 5 Diŏ Jisu a midushi a bĕ na apa; yi mashombika, na alokeshamba yibĕi. Diŏ Pailet a mikâ bâ na; Shanga' mutyi wâ! 6 Diŏ mia baminisĕ banĕn na bakubi ba mijĕ' yĕ, ba mijamilia thobĕ na; Petyiki yĕ pĕ krâsi! Petyiki yĕ pĕ krâsi! Pailet a mikâ bâ na; Nângâ yĕ be ba a petyi yĕ; nadikâna mĕ sha jĕ' yĕ na anânga. 7 Baju ba mibulishi yĕ na; Beshĕ ba thĭ na nthali, diŏ mbo nthali gwashi wu thĭyĭ, a gwĭkĭ, nadiambilindĭ a vityimĕ nyuli nyĕimĕtĕ Miana mbi Anyambiĕ. 8 Nanikĕ mia Pailet a mijo' dibongwĕ dinâdi, a minyĕnh mbondĭ; 9 Diŏ yĕ mibali nyinhtha pĕ mbanh wu dijĕliĕ, na dikâ Jisu na; Wĕ miwu tĕ vĭ? Njĭ' Jisu a tyi mibulishi yĕ do dibongwĕ. 10 Diŏ Pailet a mikâ yĕ na; Wĕ sha luba' na mĕ? Wĕ sha veka na mĕ thĭ na nguldi nya dipetyi wĕ pĕ krâsi, mĕ thĭ nji' na nguldi nya dipatyitha wĕ? 11 Jisu a mibulishi na; Wĕ sha bĕ na nguldi na mĕ, vĕngĕ nyi vĕbimĕ gwĕ na diwu' pĕ thobĕ; nanikĕ yĕ ngwa milili mĕ pĕ gwĕ thĭ a thĭ na bibe binĕn. 12 Na diwu' adukwa yitĭ Pailet a mina' yĕ patyitha; nji Baju ba milânhlia thobĕ na; Na wĕ patyimĕ mutyi wâ, wĕna wĕ shi pĕ na' jombi mbi Kaisar; mutyi jĕshĕ ngwa vityitha nyuli nyĕi abotyi, wĕna a naka thotha Kaisar. 13 Diŏ mia Pailet a mijoki dibongwĕ di, a midushi na Jisu, diŏ yĕ midi' shi pĕ ntyimbi wu dijĕliĕ, pĕ womba va thebiĕ na ndĕkĕ nya makâki, nji pĕ nlubia wu Hibru na, Gabatha. 14 (Diĕ yŏ yi wu nkosha wu dibe' di nulia, diŏ di wu digwĕla di matani na diwoto,) diŏ yĕ mikâ Baju na, Shanga' abotyi jani! 15 Diŏ ba mijamilia na, Thoka' yĕ, thoka' yĕ, petyiki yĕ. Pailet a mikâ bâ na; Mĕ petyiki abotyi jani? Baminisĕ bânĕn ba mibulishi na; Beshĕ shi na abotyi vĕngĕ Kaisar. 16 Nanikĕ dikanh ditĭ a mivĕ bâ yĕ na; a petyibiki. 17 Diŏ bâ ba minânh Jisu na dikiĕ nĕi; diŏ yĕ mibapi krâsi ngwĕi na dikiĕ pĕ womba va thebiĕ na, womba va abonzha, wu thebiĕ pĕ Hibru na, Gŏlgotha. 18 Diŏ va bâ ba mipetyi yĕ pĕ krâsi, na botyi bawâkâ baba nĕi, pĕ na nwoto, pĕ na kĕ nwoto, Jisu pĕ tema. 19 Diŏ Pailet a milĕnji diveka, na dikeshĕ diŏ pĕ krâsi. Diŏ nlenja wu wu na; JISU NGWA NAZERETI ABOTYI YI BAJU. 20 Biveka di Baju balibuthĕ ba milanh diŏ, nadikâna womba va Jisu a mipetaniĕ va wu kuna na mbokĕ; diŏ wu milĕnjiĕ na nlubia wu Hibru, na Grik, na Latini. 21 Diŏ baminisĕ bânĕn ba Baju ba mikâ Pailet na; Sha lĕnjiki na; Abotyi yi Baju; nji na; A mikâ na, Mĕ abotyi yi Baju. 22 Pailet a mibulishi na; Mĕ shimĕ lĕndĕ mbo mĕ shikamĕ lĕndĕ. 23 Diŏ bashâshĕ mia bâ ba mipetyi Jisu, ba minânh bangâyi bĕi, na dikaba bâ makaba manai, shâshĕ jĕshĕ dikaba, diŏ ngâyi nĕn njikĕ; nji ngâyi nĕn a wu shimbiami na ntyuthĕ tyi nlatyiki. 24 Diŏ ba mikâ bâ na bâ na; Bena sha nwanjiki yĕ, nji nkâmika' akaniki pĕ yĕ ngwa yĕ ĕ bĕ ngwĕi; diŏ nlĕnja wu mibĕ mbo wu kâ na; Ba mikabilia bangâyi bamĕ, diŏ pĕ ngâyi ngwamĕ ngwanĕn, ba mikâm' akaniki. Diŏ bashâshĕ ba mikâmi bilombi bi. 25 Diŏ nyanh mbi Jisu, na manyanh ngwa nyaŋwĕ, Meri, miali mbi Kliopa, na Meri ngwa Magdala, ba mitĕtha kuna na krâsi mbi Jisu. 26 Diŏ mia Jisu a mijĕ' nyaŋwĕ, na njethi tĭ ngwa yĕ midinga tĕbitĕbi, a mikâ nyaŋwĕ na, Miali wâ, atĕ yâ miana! 27 Diŏ yĕ mikâ njethi na; Atĕ nyâŋwĕ. Diŏ nadiwu' adu' yĭtĭ njethi tĭ a mitali yĕ pĕ mbanh gwĕi mĕtĕ. 28 Pisha nya ma' ma, Jisu vekami na; bilombi biĕshĕ bi shimĕ, a mikâ na; Mĕ gwĭmĕ aveshithĕ, diŏ nlĕnja wu mibĕ mbombo. 29 Diŏ ashuka yi mitĕtha tĭ bĕni na vinigar; diŏ ba milonishi spŏnji na vinigar; diŏ ba mlkĕshi yĕ pĕ thakaki, na dikĕshĕ yĕ pĕ gwana gwĕi. 30 Diŏ mia Jisu a minânh vinigar, a mikâ na; Yi shimĕ; diŏ yĕ mijâbi thangâkâ, na digwa. 31 Diŏ yi wu ashu yi nkosha, nanikĕ Baju ba mishoshili Pailet na, mako' mabi ma bukwĕ, biŏ dithokwa pĕ krâsi, na, bikiĕnh bi sha bĕ, pĕ krâsi busha bi shânâ, nadikânâ busha bi shânâ bitĭ bi wu busha binĕn. 32 Diŏ bashâshĕ ba minzhĭ na dibuka mako' ma ngwangwĭkĕ, na nwâkâ ngwa mipetyibl nĕi. 33 Diŏ mia bâ ba minzhĭ pĕ Jisu thĭ, ba mikâbi yĕ a shâshamĕ, diŏ bâ ba tyi mibu' pĕ na' mako' mĕi. 34 Nji shâshĕ nwoto a milumi yĕ dikânh pĕ thambanja, diŏ dikitha na madiba ba mitĕ' dusha. 35 Diŏ yĕ ngwa mijĕ' a miveshi, diŏ nvesha gwĕi wu thĭ mbo; diŏ yĕ veka na, a kâ mbombo; na be ba a mĕliĕ. 36 Nadiambilindĭ ma' ma ma mibĕ, diŏ nlĕnja wu mibĕ mbombo na; Avesha jĕi yi sha bu' do yiwoto. 37 Diŏ nlĕnja wuâkâ wu kâ na; Ba a yĕ shanh, ngwa bâ ba milumi. 38 Pisha nya ma' ma, Josĕfi ngwa Araimethia, njethi mbi Jisu, (nji ngwadishâthâ pĕ diambi di nyĕnh wu Baju,) a mishoshili Pailet na, a thoki nyuli nyambi Jisu, diŏ Pailet a mimĕli Nanikĕ a minzhĭ na dithotha nyuli nyambi Jisu. 39 Diŏ Nikodimo a minzhĭ nji' (ngwa mibonji nzha pĕ Jisu thĭ na mpuma) na dindeshĕ mbunja wu mur na aloe, wu wu nkama wu magwĕla. 40 Nanikĕ bâ ba minânh nguli nyambi Jisu, na didipa nyŏ na mindamba mi linin na mbunja wutĭ, ntyinh mbo ndipia wu bikiĕnh wu Baju wu wuthĕ. 41 Diŏ pĕ womba va yĕ mipetyibi va wu na akanh, diŏ pĕ akanh yitĭ shânh nyakia nyi wu tĭ, nya tyi mishâthibi akiĕnh na peli. 42 Ti bâ ba mini' Jisu pĕ diambi di ashu yi nkosha wu Baju, nadiambilindĭ shânh nyi wu kuna.

20

1 Diŏ Meri ngwa Magdala a mikunji kiĕ divityiki shi pĕ shânh; diŏ yĕ mijĕ' dika' thoki nadiwu' pĕ shânh. 2 Diŏ yĕ mipunji kiĕ pĕ Saimon Pitĕr thĭ na pĕ njeli nwâkâ thĭ ngwa Jisu a midinga, na dikâ bâ na; Ba thokimĕ Shaŋwashi pĕ shânh, diŏ bena sha veka va bâ ba nikwamĕ yĕ. 3 Nanikĕ Pitĕr bâ na njethi nwâkâ ba midushi na dipama pĕ shânh. 4 Diŏ bâ bĕshĕ ba mipunji nvili nshamba wuoto; diŏ njethi nwâkâ a mida' Pitĕr, na dibonda nzha pĕ shânh. 5 Diŏ yĕ mibalibi na dijĕ' bangâyĕ ba linin bia; nji a tyi minyinhthi. 6 Diŏ Pitĕr a mithĕpili yĕ pishĕ na dinzha na dinyinhtha pĕ shânh; diŏ yĕ mijĕ' bangâyĕ bia; 7 Na avĕlĕsh, yi wu pĕ thangaka thĕi, do bĕ bia pĕ va bangâyĕ ba linin ba wuthĕ, nji wutyiwutyi womba na vĕi. 8 Diŏ dikanh ditĭ njethi nâ ngwa mibonji nzha pĕ shânh, a minyinhthi; diŏ yĕ mijĕni na dimĕliĕ. 9 Nadiambilindĭ na dinzha adukwa yitĭ, ba tyi mive' nlĕnja na, a jomikwa pĕ digwa. 10 Diŏ bajethi ba mibali bulia pĕ mimbanh miabi. 11 Nji Meri a mitĕtha pĕ shânh a bĕ thetha. Diŏ mia yĕ mitheka, a mibalibi shanh pĕ shânh; 12 Diŏ yĕ mijĕ' baenjĕl baba didi na bangâyĕ bapumi nwoto pĕ va thangâkâ thambi Jisu tha minikaniĕ, nwoto njikĕ pĕ va mako' mĕi ma wuthĕ. 13 Diŏ bâ ba mikâ yĕ na; Mimiali wâ, wĕ the' ndĭ? a mikâ bâ na; Nadiambilindĭ ba nânhmĕ Shaŋwamĕ, diŏ mĕ sha veka va bâ ba nikwamĕ yĕ. 14 Mia yĕ mishi lubila mabongwĕ ma, a mivitya shanh, diŏ yĕ mijĕ' Jisu tĕli; diŏ a tyi mive' na, yĕ Jisu. 15 Jisu a mikâ yĕ na; Mimiali wâ, wĕ the' ndĭ? nzha ngwa wĕ toka? Nji a mĭvanh kâ na, yĕ mĕtĕ akanh, diŏ yĕ mikâ yĕ na; Shaŋwamĕ, na wĕ thokimĕ yĕ va, boŋa mĕ va wĕ niki yĕ, diŏ mĕ ĕ kiĕ yĕ thotha. 16 Jisu a mikâ yĕ na; Meri! Bio yĕ mivitya na dikâ yĕ na; Rabon!! nzhilia na; Njeli. 17 Jisu a mikâ yĕ na; Sha bie' pĕ mĕ; nadikâna va, mĕ sha beta pĕ Shaŋwa' thĭ; nji kiĕkĕ pĕ bamanyanh ba' ba thĭ, na dikâ bâ na; Mĕ thĭ beta pĕ Shaŋwa' thĭ, na pĕ Shaŋwani thĭ, pĕ Anyambiĕ ngwamĕ thĭ na pĕ Anyambiĕ ngwani thĭ. 18 Diŏ Meri ngwa Magdala a minzhĭ na thatha bajethi na; A jĕmĕ Ngwashaŋwĕ, diŏ yĕ shikamĕ nji' yĕ kâ ma' ma. 19 Pĕ ashu yi gwikĕ yi shânâ yitĭ, adu' yi ngonthoma, mia mâsba' ma wu tyi, pĕ va bajethĭ ba wuthĕ pĕ diambi di nyĕnh wu Baju, Jisu a minzhĭ na ditĕbĕ pĕ tema nyabi, na dikâ bâ na; Mbolani! 20 Diŏ mia yĕ mikâ ma' ma, a milebili bâ mabŏ mĕi, na thambanja thĕi. Diŏ bajethi ba midoni mia bâ ba mijĕ' Shaŋwabi. 21 Diŏ Jisu a mibali kâ bâ na; Mbolani! Mbo Shaŋwĕ a milomi mĕ, nanikĕ mĕ loma begwĕ. 22 Mia yĕ mishi lubila ma' ma a miwunli bâ puli, na dikâ bâ na; Nânga' Nshinhshinh wu akitha. 23 Bibe bi mutyi jĕshĕ bi be patyitha bâ, bi i nji' bĕ patyi pĕ bâ ba thĭ, diŏ bibe bi mutyi jĕshĕ bi be delishĕ, bi i nji' bâ bĕ delami. 24 Diŏ nwoto pĕ diom na baba, Tŏmasi, ngwa mitholibi na Didumusi, a tyi miwu nabi, mia Jisu a minzhĭ; 25 Diŏ bajethi bawâ' ba mikâ yĕ na; Beshĕ ba jĕmĕ Shaŋwana. Nji a mikâ bâ na; Na mĕ sha jĕ' mabonha ma mandâkâ pĕ makânzhi mĕi na dikĕshĕ vina viamĕ pĕ mabonha ma mandâkâ, na dikĕshĕ nji' mbŏ gwamĕ pĕ thambanja thĕi, mĕ tyi mamĕliĕ. 26 Diŏ pisha nya mashu matani na malali, bajethi bĕi ba mibali shâbilia pĕ mbanh; Tŏmasi a wu nji' tĭ. Diŏ masha' ma wu tyi, diŏ Jisu a minzhĭ na ditĕbĕ pĕ tema nyabi, diŏ yĕ mikâ bâ na; Mbolani! 27 Diŏ yĕ mikâ Tŏmasi na; Shushiki vina woni, Shatĕ mabŏ mamĕ; Shushiki mbŏ gwâ' woni na dikĕshi gwŏ pĕ thambanja thamĕ; diŏ sha bĕ' tyi mĕlia, nji mĕli ngĕndĕ. 28 Diŏ Tŏmasi a mibulishi na dikâ yĕ na; Shaŋwamĕ, na Anyambiĕ ngwamĕ! 29 Jisu a mikâ yĕ na; Tŏmasi, nadiambilindĭ wĕ jĕmĕ mĕ diŏ wĕ mĕliakamĕ; dibâtâ di thĭ nabi ba mĕlimĕ mia tĭ ba sha jĕnĕ. 30 Diŏ Jisu mbombo a mikâmi ma' mamamia mawâkâ malibuthĕ pĕ maboshi ma bajethi bĕi, ma shi lĕnjami pĕ ashaŋaŋgobi yi; 31 Nji ma' ma ma milĕnjiĕ, nadikâna, mĕliaka' na Jisu yĕ Krais Ngwamiana mbi Anyambiĕ; diŏ pĕ mĕlia wuti na, be bĕ' na thakiki pĕ diambi di dina diĕi.

21

1 Diŏ pisha nya ma' ma, Jisu a mibali jĕnia pĕ bajethi ba thĭ pĕ nsho wu Taibiria; diŏ yĕ mijĕnia pĕ bâ ba thĭ na ntyinh wi. 2 Ba wu tĭ Saimon Pitĕr, bâ na Tomasi ngwa mitholibi na Didumus, na Nataniĕl ngwa Kena ngwa Galili, na bana bambi Zĕbidi, na bajethi bawâ' baba. 3 Diŏ Saimon Pitĕr a mikâ na; mĕ thĭ kiĕ jo' bashĕ; diŏ bâ ba mikâ yĕ nâ; Bena beshĕ ba thĭ kiĕ. Diŏ ba midushi na ditĕkĕ tabâ pĕ alenji, diŏ mpuma wutĭ ba tyi mijo' shĕ do nwoto. 4 Nji mia busha bi mibĕ malĕnji, Jisu a mitĕtha pĕ nshaka wu nshothĭ; nji bajethi ba tyi mive' na yĕ Jisu. ĕ Diŏ Jisu a mikâ bâ na; Bana bamĕ, be ba thĭ na bashĕ? Ba mibulishi yĕ na; Bia. 6 Diŏ yĕ mikâ bâ na; Wushika' aloba pĕ mbŏ wushaŋwĕ wu alenji, wĕna be jĕmĕ. Nanikĕ bâ ba miwushi, nji sha' ba tyi miwoli yŏ dambitha na dibutha di bashĕ. 7 Diŏ njethi wâ ngwa Jisu a midinga, a mikâ Pitĕr na; Yĕ Shaŋwashi. Diŏ mia Saimon Pitĕr a mijo' na, yĕ Shaŋwĕ, a mibâtyi ngâyi ngwĕi (nadikâna a wu nshambĕ) na dithebitha pĕ nsho. 8 Diŏ bajethi bawâ' ba minzhĕ na alenji, (nadikâna ba tyi wu nĕngi na kinjiki, nji ntyinh mbo mabom ma biwuba matani) ba bĕ dambitha aloba yi bashĕ. 9 Diŏ mia bâ ba mitâtya pĕ kinjiki ba mijĕ' du di maatha tĭ, na shĕ tĭ bupa, na mpĕmba bia. 10 Jisu a mikâ bâ na; Ndeshekwa' pĕ bashĕ ba be jokamĕ va. 11 Diŏ Saimon Pitĕr a mitâtya na didambitha aloba pĕ kinjiki, bĕni na bashĕ banĕn, nkama na mabom matani na bashĕ balali; bashĕ ba wu balibuthĕ diŏ aloba yi tyi mingabiĕ. 12 Jisu a mikâ bâ na; Nzha' diakani; nji tyi mibĕ na njethi ngwa miyishibi pika yĕ na; Wĕ nzha, nadikâna ba wu ve' veki na, yĕ Shaŋwĕ. 13 Diŏ Jisu a minzhĭ, na dinânh mpĕmba na divĕ bâ, na shĕ njikĕ. 14 Di diŏ dikanh dilaliĕ di yĕ mijĕnia pĕ bajethi bĕi, yĕ jomi pĕ digwa. 15 Mia bâ ba mishili didia Jisu a mikâ Saimon Pitĕr na; Saimon mbi Jona, wĕ dinha mĕ nulami na ba? A mikâ yĕ na; Inh, Shaŋwamĕ wĕ veka na, mĕ dinha gwĕ. Diŏ a mikâ yĕ na; Dieshiki bilĕkĕ bi bindâmâ' biamĕ. 16 Diŏ yĕ mibali yĕ kâ dikanh dibali na; Saimon mbi Jona, wĕ dinha mĕ? A mikâ yĕ na; Inh, Shaŋwamĕ, wĕ veka na, mĕ dinha gwĕ. A mikâ yĕ na, Dieshiki bindâmâ' biamĕ. 17 Diŏ yĕ mikâ yĕ dikanh dilali na; Saimon mbi Jona, wĕ dinha mĕ? Pitĕr a mijĕ' ngâtâ nadiambilindĭ a mipi' yĕ dikanh dilali na; Wĕ dinha mĕ? diŏ a mikâ yĕ na; Shaŋwamĕ, wĕ veka mambi mĕshĕ, wĕ veka na, mĕ dinha gwĕ. Jisu a mikâ yĕ na; Dieshiki bindâmâ' biamĕ. 18 Mbombo mĕ kâ wĕ na; Mia wĕ wu digwanja, wĕ mityinhli bityumba biâ' na thĕnhtha va wĕ minaka; nji mia wĕ ĕ bĕ nthombiki, wĕ ĕ jali mabŏ mâyĕ, diŏ nwâkâ a a tyinhliĕ wĕ bityumba, na dikĕshĕ gwĕ va wĕ tyi naka. 19 A mikâ dibongwĕ di pĕ diveshĕ ngwebia wu yĕ ĕ nĕnishĕ Anyambiĕ na gwŏni. Diŏ mia yĕ mikâ dibongwĕ di a mikâ yĕ na; Thĕpili' mĕ. 20 Diŏ Pitĕr a mivitya na dijĕ' njethi ngwa Jisu a midinga ngwa mijĕbi nji' pĕ tothi nyĕi pĕ atabili na dikâ na; Shaŋwashi, ngwa a wĕ bieshĕ yĕ nzha? a bĕ bâ thĕpiliĕ. 21 Mia Pitĕr a mijĕ' yĕ a mikâ Jisu na; Shaŋwamĕ, wâ kĕ kâmâ ndĭ? 22 Jisu a mikâ yĕ na; Na mĕ mĕlimĕ na a bĕ' va vĕngĕ na mĕ nzhimĕ, yŏ ndĭ nâyĕ? Wĕ nji' thepili mĕ. 23 Diŏ dibongwĕ di di mikiĕ pĕ bajethi ba thĭ na, njethi tĭ a tyi gwa; nji Jisu a tyi mikâ yĕ na, a tyi magwa, nji; Na mĕ mĕlimĕ na a bĕ' va vĕngĕ na mĕ nzhĭmĕ, yŏ ndĭ nâyĕ? 24 Wâ yĕ njethi ngwa veshĕ pĕ mbŏ ma' ma, na dilĕndĕ mambi ma; diŏ beshĕ ba vemĕ na nvesha gwei wu thĭ ngĕ mbo. 25 Diŏ mambi mawâ' malibuthĕ ma thĭyĭ, ma Jisu a mikâmi, na ma bĕ ma a lĕnjiĕ mŏ meshĕ, mĕ jĕ' na pĕnzhe nyi nyŏmĕtĕ nyi tyi kumba koka bishaŋaŋgob bitĭ bi kumba lĕnjĕ. Amĕn.